المساعد الشخصي الرقمي

مشاهدة النسخة كاملة : يومياات خصيبه وعوووشه


الدانه
24-02-2002, 11:57 AM
خصيبه : السلام عليكم .. مرحبا بعرب زايد ..
عوشه : هلا و الله .. و مرحبا الساع .. خبرونا عن أحوالكم .. بربكم بخير .. إن شاء الله دوم بنعمه و خير ..
خصيبه: أقول عوشه .. ما خبرتيني .. عن العرس اللي رحتوه ..
عوشه : الله يا خصوب .. عرس ما ينوصف .. صراحه ما عليهم كلام .. ما قصروا .. عرس يسولف بزينه كل الناس ..
خصيبه : ياله يا لبيبه اللبيبه خبريني قصدي يا عوشه .. السموحه يا لغاليه ..
عوشه : بخبرج .. ببتدئ بالاكل .. تمت يا خصوب اللحوم و الشحوم على الصحون .. و الحلوى من صوب ..
و الفواكه من صوب .. صراحه ما تم شئ ما يابوه .. وبعدين احنا في طبع عندنا الاكل يزيد و لا ينقص .. يقولج ذابحين 20 رأس بوش و 10 من البقر و 50 من الغنم .. بذمتج هذا مب اسراف و حرام ..
خصوب : خلي عنج ها الرمسه و كملي .. ياله بسرعه .. خبريني عن الزهبه .. (الزهبه: مايحمله أهل المعرس للعروس و اهلها )
عوشه : الزهبه الله يسلمج .. يايبين 6 شنط لأهل العروس ما مخلين من ثياب ونعل وعطورات و عود .. تبين الصراحه اهلها سنه ما بيسيرون السوق .. أبو العروس احتمال يفتح محل تجاري للملابس و غيرها .. هاهاهاهاهاهاها
خصوب : يا عوشه ربي يهديج .. كملي .. و العروس شو يايبين لها ..
عوشه : هني العوق .. بتموتين وتبي تعرفين .. بخبرج .. يايبين لها 3 شنط .. شنطة ملابس و شنطة عطورات
و بخور و الطيب كله و شنطه ذهب .. تبين الصراحه لو تعطيني ذهبها ببيعه و بشتري ناقه سبوق .. و بشارك بالسباق ..
خصوب : يا عوشه ذبحتيني .. كملي ..
عوشه : ان شاء الله بوفي كلامي .. والا الرزفه يا خصوب .. شو أقول و شو اخلي .. رزفه طول الليل .. و الشعراء اللي يشوفهم يقول بساحه حرب و هم يعدون القصيد ..
ما شاء الله عليهم .. تعرفيني امووووووووت بالقصيد .. اشوفني بخذ لي شاعر يقصد لي طول الليل ..
خصيبه : تبين الصراحه .. ما يسوى علي ذبحتيني .. كملي العروس شو لابسه ..
أكيد لابسه فستان .. ذيل الفستان صوب و الطرحه صوب .. و الاحمر و الاخضر
عوشه : عيب و منقود .. العروس لابسه ثوب و كندوره .. التطريز عليهم كم يسوى .. و الذهب على رأسها .. وفي ايديها .. تقولين محل مجوهرات متنقل ..
بنت القبايل .. ما تنسى زي أهلها .. و الله أنها طالعه قمر بلبسها و زيها .. صراحه ما عليهم أي كلام ..
خصيبه : خلاص ما اريد أعرف شئ .. لا تخبريني ..
عوشه : ما تستحين .. بعد ما عرفتي كل شئ ..
خصيبه : بس ما خبرتيني شو صار .. لولد عمنا .. لما راح العرس ..
عوشه : بس عاد .. هذا بروحه حكايه عقب بخبركم عنها .. ولا شو رأيكم يا جماعه الخير ..
خصيبه : ما عليه .. بنتريا .. لا حول و لا قوة الا بالله .. بنتريا .. اشهد مذله ..



مجرد وقفه:
مازالت تفوح في الأجواء عبق البخور ..
ومازالت عاداتنا في الاعراس عطر يفوح شذاه ..
ويحمل في طياته أصالة شعب و أريج وطن ..
وستظل عاداتنا و تقاليدنا رمز لأصالتنا ..
مهما حاولت رياح التطور ان تزيلها ..
أمة بلا ماض .. هي أمة بلا حاضر


__________________

(hi)
زهـرة الـوادي
25-02-2002, 05:35 PM
تسلمين الغاليه على هذه المشاركة الجميلة منج ...

و لا تحرمينا من بقية مشاركاتج :)
الدانه
25-02-2002, 06:02 PM
زهرة الووادي
أشكرج أختي عالرد

وانشالله يوميات خصيبه وعوشه

راح اكتبها بين فتره وفتره في هالقسم







وتحياتي لج (hi)
فديت العين
25-02-2002, 08:32 PM
حلووووه منج :)

وووايد حلوووه

سلامي على هالسوالف الشعبيه :)

ودوم مواضيعج مميزه
الدانه
25-02-2002, 09:03 PM
أشكرك يا عينااوي ;) أقصد
فديت العين :D





ومشكور عالرد الجميل




تحياتي لك(hi)
عــيـ دبـي ــون
26-02-2002, 12:21 AM
تسلمين أختي على هذي المشاركة الحلوة..
وسالفة حلوة..:)
الدانه
26-02-2002, 11:39 AM
عيووون دبي

ذووقك الأحلى



ومشكور عالرد:)













(hi) تحياتي
فديت العين
26-02-2002, 07:41 PM
الدانة تسلمين والله بس :confused: :confused: :rolleyes: :rolleyes: :eek:
:D (hi)
+*^^*ماريه*^^*+
26-02-2002, 11:01 PM
سوالف حلوه الدانه تحكي عن العادات بشكل حلو جدا

تسلمين اختي

ماريه
الدانه
27-02-2002, 02:16 PM
فديت العين بسسس;) :D




ماااااااريه تسلمين عالتواااصل:cool:















(hi) تحياتي لج(hi)
شروق الشمس
28-02-2002, 01:27 AM
تسلميـــــن الدانـــة

بس خصيبة ليش ما سارت العرس
هم ما عزموها :(
الدانه
28-02-2002, 01:07 PM
هلا بشروق الشمس

وخصيبه ما سارت العرش لأن عوشه ما

ودتها معاها والناس ما تعرفهم هي


اللي تعرفهم بش عووشه :)






(hi) تحياتي لج(hi)
الرحـ2000ــال
01-03-2002, 03:06 PM
حلوة هاليوميات


ويعطيج العافية
اختى
ولج مني كل احترام
الرحال
الحالمة
01-03-2002, 03:41 PM
مشــكووورة على هاليوميات الحلوة.. و بصراحة ما قصّرتي كل العرس انوصف.. بس نسيتي المكســــــار..
و أحلــى ما كان يزين أعراس زمــــان..
الطبابيخ و اللمـــة في الضحــــى.. جــدوور و دخــان و خبيص و هريس و عيش ولحم..

بصراحــة يومياتج شيء من الإبدا.. أتمنى لج التوفيق..


أختــــج
الحـــالمــة
الدانه
02-03-2002, 02:48 PM
الرحـ2000ــال

مشكور اخوي عالإطراء






(hi) تحياااتي(hi)
الدانه
02-03-2002, 02:49 PM
الحالمة

اليومييييات

راح تتكلم عن المكسااااااااااااااار






ومشكووووووووره أختي(hi)