الحالمة
17-02-2002, 10:41 PM
خـــــواتـــي.. و اخـــواني بدون استثنـــاء مســـاء الخيــر.. اليوم أنا أدري أني كنت مقصــره معاكم..
بس ما تـــــأخـــّرت إلا عشــــان أييب لكم شـــيء تحبـــّونة..
حــــوار.. من خيــــالات أحلامـــي اللي ما تخلص.. سطــرّتـــه لكم.. أبغي رايكم بصراحة و بدون كسل...
هـــو:ألــو.. البث المبـــاشــر صبـــــاح الخيـــــر
هـي: صبّحكم اللـــه بالخيــر يا بويــه..
هــو: مرحبا الوالده، صبّحج الله بالنور وا لعافيــة آمرينـــا
هـي: مـــا يامر عليك ظالم.. بس أنا متصلــة شاكيـــة يا الغالي
هــو: خير إن شاء الله الوالده، تفضلي ما من شر يضايق خاطرج؟؟!!
هـي: يا بويه أنا تعبت، ما أدري شو أسوي أكثر من اللي سويته.. عندي ولد طول يومه يا الغالي راقد، و طول ليله مشاهد هالكمبيوتر اللي فقرنا.. يصرف يا بويه يصرف مصاريف البلا
هــو. كيف الكمبيوتر يصرف أمايه بارك الله فيــج؟؟ تقصدين أنه يستهلك كهربة زيادة؟؟!!
هـي: لا يا بويه.. تراه امودر الرّمسه في تيلفون البيت و يرمس في هالكمبيوتر.. يقول أنه يالس و يا ربعه، أونهم فاتحين لهم ميلس على هالكمبيوتر.. صدق انه يلسته في البيت مريحتني، لكن بعد!!
هــو: أيوه الغالية.. أنتي تقصدين فاتحين لهم شات رووم
هـي: يا بويه و أنا شو عرّفني شتروم و إلا بدرووم
يضــحك بينه و بين نفسه بصوت واطي.. و يتابع:-
هــو: انزين الغاليه.. انصحيه و إلا خلّي حد من اخوانه الكبار يكلمه.. أكيد بيسمع كلامكم
هـي: الله يهديك يا بويه، وين يسمع جلامي هذا لا يسمع لي كلمه ولا يبغي حد يرمسه، و أنتوا اخوانه الكبار اللي أرتجي منكم تسوون شيء.. يا بويه سوو شيء و إلا إن صار عليه شيء بحمّـــلكم أنتوا المسؤووليـــة!!
هــوبتعجب: كيف تحملينا نحنا المسؤوليه بارك الله فيـــج!!؟؟
هـي: إمبلا .. تراكم أنتوا دايم تقولون نحنا في خدمتكم، و لا تترددون في الاتصـال إذا واجهتكم أي مشكلة.. و على هذا الأساس انا متعشمه فيكم خيـــر في ان تصلحون لي ولدي.
هــو: انزين انتي مب تقولين أنج مرتاحة من أنه جدام عيونج طول الوقت و ما يتأخر برع البيت!!؟؟
هـي: هيه يا بويه، بس راقد طول النهار و هذا مب عدل.. يعني عايبتنكم يلسته لا شغل ولا مشغله جـــذيه؟؟!!
هــو: حــاضر.. حــاضر يا خالتــي، أنا مستعد أكلمه و أنصحه لج.. و لج عليه وعد إن شاء الله يكون انسان نشيط و يشتغل.
هـي: و بتوظفــونه عندكـــم يا بويه؟؟؟؟؟
هــو: عــاد توظيفه عندنا ما أقدر أوعدج يالغاليه، ولكن أنا بانصحه أنه من يصبح يقوم يدوّر على وظيفه تناسبه.
هـي: انزين يا بويه، ياااا الله عــاده… دَوروا له انتوا تعب من متى و هو يدوّر على وظيفه و ما لقى لين اليوم.. دخيـــلك يا بويه لا تكسروون له في خــاطره.
-----------------------
المــذيــع.. هلك و يدوّر على الهرووب بإنهــاء المشكله قال يكلّم نفسه
---------------------
هــو: "ولين متى؟؟ شو أقول لها هاي الحين، و الله كســـرت خــاطري؟؟!! شو أقول؟؟
هـي: هاه الغــالي؟!! شو تقــول؟!!
هــو: لا الغاليه ولا شيء، بس أقول إن شاء الله بحاول أدوّر له على شغل عند حد من معارفي، بس انتي خلّيه اييب شهاداته و يراجعنا.
هـي: إن شاء الله الغالي، ما قصّرت و الله.. يعل الله يكثّـر من أمثالك في هذي الإذاعة الطيبة.
هــو: ما تقصرين يا خــالتي.. هاه ، تامرينا على شيء قبل لا ننتهي من البرنامج؟؟؟
هـي: هيه يا الغالي.. طلب اصغيروني
هــو: آمــري تفضــلي..
هـي: أبويه فديتك.. يوم بتوظفونه عاد حطّـوله كمبيوتر عشان يسولف ويا ربعه، عشان ما يضيج بروحه.
هــو: "عجيـــــب" لا لا الوالده إن شاء الله و لا يهمّج، بنعطيه كمبوتر و بنفتح له ديوان عشان يعزم كل ربعه اللي يباهم.
هـي: ربي لا خلاني منك يا الغالي، و كثّر الله من أمثالك.
هــو: إنزين الوالده.. سامحينا عــاد على التقصيــر، الحين لازم ننهفي البرنامج وصلنا للوقت المحدد.
** قطعوا الخط.. في ويّـــها.. و سووا تمثيليه عاد عشان لا يفقدون سمعتهم الحلوه..
هـو: ألو.. ألو.. الوالده تسمعيني، أوووه يظهر ان الخط انقطع.. للأسف ما قدرنا ناخذ رقمه الأخ أو أي معلومات عنه.. ما عليه هم طبعا عارفين رقم البرنامج.. و نحنا في انتظار مكالمتهم.. و الحــين نودعكم أخواني و أخواتي بكل الحب، و نلتقي معكم غدا في نفس الوقت
** بعــد انتهــاء البرنامج.. على طول طلب المذيع من الكونترول يعملون بلوك على رقم أخر مشتركــــة..
و سلامتكم.. أتمنى أن تكون المشاركة أسعدتكم.. ولكم تحياتي..
تحـــيـــاتي
الحـــــالمـــــة
بس ما تـــــأخـــّرت إلا عشــــان أييب لكم شـــيء تحبـــّونة..
حــــوار.. من خيــــالات أحلامـــي اللي ما تخلص.. سطــرّتـــه لكم.. أبغي رايكم بصراحة و بدون كسل...
هـــو:ألــو.. البث المبـــاشــر صبـــــاح الخيـــــر
هـي: صبّحكم اللـــه بالخيــر يا بويــه..
هــو: مرحبا الوالده، صبّحج الله بالنور وا لعافيــة آمرينـــا
هـي: مـــا يامر عليك ظالم.. بس أنا متصلــة شاكيـــة يا الغالي
هــو: خير إن شاء الله الوالده، تفضلي ما من شر يضايق خاطرج؟؟!!
هـي: يا بويه أنا تعبت، ما أدري شو أسوي أكثر من اللي سويته.. عندي ولد طول يومه يا الغالي راقد، و طول ليله مشاهد هالكمبيوتر اللي فقرنا.. يصرف يا بويه يصرف مصاريف البلا
هــو. كيف الكمبيوتر يصرف أمايه بارك الله فيــج؟؟ تقصدين أنه يستهلك كهربة زيادة؟؟!!
هـي: لا يا بويه.. تراه امودر الرّمسه في تيلفون البيت و يرمس في هالكمبيوتر.. يقول أنه يالس و يا ربعه، أونهم فاتحين لهم ميلس على هالكمبيوتر.. صدق انه يلسته في البيت مريحتني، لكن بعد!!
هــو: أيوه الغالية.. أنتي تقصدين فاتحين لهم شات رووم
هـي: يا بويه و أنا شو عرّفني شتروم و إلا بدرووم
يضــحك بينه و بين نفسه بصوت واطي.. و يتابع:-
هــو: انزين الغاليه.. انصحيه و إلا خلّي حد من اخوانه الكبار يكلمه.. أكيد بيسمع كلامكم
هـي: الله يهديك يا بويه، وين يسمع جلامي هذا لا يسمع لي كلمه ولا يبغي حد يرمسه، و أنتوا اخوانه الكبار اللي أرتجي منكم تسوون شيء.. يا بويه سوو شيء و إلا إن صار عليه شيء بحمّـــلكم أنتوا المسؤووليـــة!!
هــوبتعجب: كيف تحملينا نحنا المسؤوليه بارك الله فيـــج!!؟؟
هـي: إمبلا .. تراكم أنتوا دايم تقولون نحنا في خدمتكم، و لا تترددون في الاتصـال إذا واجهتكم أي مشكلة.. و على هذا الأساس انا متعشمه فيكم خيـــر في ان تصلحون لي ولدي.
هــو: انزين انتي مب تقولين أنج مرتاحة من أنه جدام عيونج طول الوقت و ما يتأخر برع البيت!!؟؟
هـي: هيه يا بويه، بس راقد طول النهار و هذا مب عدل.. يعني عايبتنكم يلسته لا شغل ولا مشغله جـــذيه؟؟!!
هــو: حــاضر.. حــاضر يا خالتــي، أنا مستعد أكلمه و أنصحه لج.. و لج عليه وعد إن شاء الله يكون انسان نشيط و يشتغل.
هـي: و بتوظفــونه عندكـــم يا بويه؟؟؟؟؟
هــو: عــاد توظيفه عندنا ما أقدر أوعدج يالغاليه، ولكن أنا بانصحه أنه من يصبح يقوم يدوّر على وظيفه تناسبه.
هـي: انزين يا بويه، ياااا الله عــاده… دَوروا له انتوا تعب من متى و هو يدوّر على وظيفه و ما لقى لين اليوم.. دخيـــلك يا بويه لا تكسروون له في خــاطره.
-----------------------
المــذيــع.. هلك و يدوّر على الهرووب بإنهــاء المشكله قال يكلّم نفسه
---------------------
هــو: "ولين متى؟؟ شو أقول لها هاي الحين، و الله كســـرت خــاطري؟؟!! شو أقول؟؟
هـي: هاه الغــالي؟!! شو تقــول؟!!
هــو: لا الغاليه ولا شيء، بس أقول إن شاء الله بحاول أدوّر له على شغل عند حد من معارفي، بس انتي خلّيه اييب شهاداته و يراجعنا.
هـي: إن شاء الله الغالي، ما قصّرت و الله.. يعل الله يكثّـر من أمثالك في هذي الإذاعة الطيبة.
هــو: ما تقصرين يا خــالتي.. هاه ، تامرينا على شيء قبل لا ننتهي من البرنامج؟؟؟
هـي: هيه يا الغالي.. طلب اصغيروني
هــو: آمــري تفضــلي..
هـي: أبويه فديتك.. يوم بتوظفونه عاد حطّـوله كمبيوتر عشان يسولف ويا ربعه، عشان ما يضيج بروحه.
هــو: "عجيـــــب" لا لا الوالده إن شاء الله و لا يهمّج، بنعطيه كمبوتر و بنفتح له ديوان عشان يعزم كل ربعه اللي يباهم.
هـي: ربي لا خلاني منك يا الغالي، و كثّر الله من أمثالك.
هــو: إنزين الوالده.. سامحينا عــاد على التقصيــر، الحين لازم ننهفي البرنامج وصلنا للوقت المحدد.
** قطعوا الخط.. في ويّـــها.. و سووا تمثيليه عاد عشان لا يفقدون سمعتهم الحلوه..
هـو: ألو.. ألو.. الوالده تسمعيني، أوووه يظهر ان الخط انقطع.. للأسف ما قدرنا ناخذ رقمه الأخ أو أي معلومات عنه.. ما عليه هم طبعا عارفين رقم البرنامج.. و نحنا في انتظار مكالمتهم.. و الحــين نودعكم أخواني و أخواتي بكل الحب، و نلتقي معكم غدا في نفس الوقت
** بعــد انتهــاء البرنامج.. على طول طلب المذيع من الكونترول يعملون بلوك على رقم أخر مشتركــــة..
و سلامتكم.. أتمنى أن تكون المشاركة أسعدتكم.. ولكم تحياتي..
تحـــيـــاتي
الحـــــالمـــــة