وليد ...وفرحه ماتمت يا نجود ,,, بقلمي

[ولد بن كعب]

http://dubaieyes.net/up/upadmin/12685464003908482594664-407321198.gif



الفصل الأول


الساعه9صباحآ


كان وليد راقد ع شبريته من عقب سهره طويله ويا ربعه ف البر وشوي يدق جرس التيلفون


وليد: شو هالصدعه على أول الصبح حشا محد يقدر يرقد ويتهنا برقاده

وشغل قوه نش وليد وكأنه يبل من التعب والرقاد اللي فيه وشل سماعة التيلفون ورد

وليد: نعم من يتكلم شو هناك !! حد يدق على حد تو الفير!!

المتصل كان موظف من وزراة الصحه داق على وليد يبشره انه اسمه طلع من اللي مختارينهم لشغل الوظيفه اللي تقدم لها

المتصل: السلام عليكم ورحمة الله وبركاته .. اكلمك من وزارة الصحه

ومن سمع وليد كلمة وزارة الصحه حتى نط فوق مثل الحصان

وليد: ياهلا والله حياك اخوي اتفضل ايه انا وليد

المتصل: وليد حبيت أبلغك ان اسمك من الأسماء المشطوبه ... قاطعه على طول وليد حرام ياخي ليش شطبتوا إسمي انا من سنتين من خلص الثانويه وتام ف بيت ابوي أبا اشتغل بسي كسل ورقاد عن ظهري اتيبس اخافه يسوي دود بس >>> كان وليد حزين بس قاطعه المتصل بضحكه من الخاطر

المتصل: يا أخ وليد هيد علي شوي خلني أكمل كلامي ,, ياوليد اسمك تم شطبه ضمن الأسماء اللي تم قبولها للوظيفه ومبروك وتستاهل وليد

وليد: الله يبارك فيك اخوي .. وهاا متى اداوام تبون باجر أيي الدوام انا مستعد .. تبوا اليوم هم انا مستعد .. وانا اخوك انا انسان شغول الوالد دوم يعتمد علي وعلى قولة امي (هبة ريح)

المتصل: هههه يعطيك العافيه وان شاء الله تاريخ اللي خبرتك عنه تعال لنا فيه عشان بخلص باقي الإجراءات المتعلقه بالتعييين

وليد: حاضرين للطيبين وليش بعد نأخرها اسبوعين خلوني بيي اليوم وبخلص كل المطلوب مني وفكوني عبوله

المتصل: ما يصير أخ وليد هاي إجراءات وزاريه .. السموحه على الاوعاج ومع السلامه

وليد: مع السلامه اخوي والبارد علي خبر الجماعه

المتصل: هههه اوكي تمام بننتظر البارد .. مع السلامه

نش وليد فرحان وحاس ان الدنيا ماتوسعه من الفرحه وماينلام طبعا لانه مخطط اول مايتوظف ويشنغل يروح يخطب حبيبة القلب هدى

هدى بنت جميله مخلصه ثانويه عقب وليد بسنه وحده بس .. وتقرب له من بعيد شوي يعني تطلع امها بنت خالة ام وليد .. عشان كذا مايخفى عليكم حبايبي ان اول واحد راح يبشره صاحبنا العاشق وليد بالخبريه الحلوه هي حبيبة الروح هدى

نش وليد مثل البرقه سيدا على الحمام وأخذ له شاور سنع على الطريقه البدويه يعني حتى ماتفرك بإسفنجه بس ماي وصابون على السريع بإستخدام الآله الحديديه إيده ,, وتفوط وتلبس وتسفر وطلع ف الصاله يبا يبشر هدى بالخبر

هدى هاي الساعه كانت تطبخ الغدا ويا أمها .. شوي دق تيلفونها بس كانت تقلي السمك وصوت التاوه ماخلاها تسمع الفون ,, نرجع لوليد

وليد: ياربي هاي وينها ماتسمع التلفون حشا داقنها الصمم على الصبح .. أكيد يالسه تلعب بلاي ستيشن سياير ريس ومطوله على صوت التي في .. حشا بنات اليوم ينرهبن خخخ

تدش ام هدى المطبخ وهي طبعآ حرمه كبيره ف العقد السادس من عمرها وشاله ف ايدها تيلفون هدى وتقول: يمه هدى هاي الحديده لعوزتني قطعت علي رقادي تصيح من ساعه هاج لها .. تاخذ هدى التلفون واستغربت ان المتصل وليد لان متعوده هاي الحزه بعده راقد

هدى: هلا الشيبه حياك اقرب

وليد: انا الشيبه يالعيوز الشمطاء

هدى: إيه انت شيبه ومتكسح بعد

وليد: معليج انزين كنت ابا ابشرج بس تو حره فيج ماراح اقولج

هدى: حراااام عليك والله تقولي انا حلفت

وليد: حلفي لين تشبعي مابقول ,, إلا تقولي حبيبي المزيون قبل وعقب راح اقولج

هدى: انت مزيون !!

وليد: هااا شو قلتي

هدى: هاا لالالا ماقلت شي قلت حبيبي المزيون بس

وليد: ايه تو تعجبيني .. المهم يالحلوه انا قبلوني ف الوظيفه المتقدم لها انزين وخبري عمتي اتسوي لي عشا,و ابا كامي وسح مابا مرق وصوالين وغيره مفهوم!!

هدى: ايه انت نحنا ما فاتحين مطعم وبعدين امي مب متفيجه تخض وتسوي لك كامي .. طرار ويتشرط والله

وليد: عقاب لج راح أأخر العرس سنتين كاملات

هدى: لا حراااام .. مقسى قلبك تقدر تصبر عني!!

وليد: لا ياروحي اصلا هالكلام مو من قلبي طالع .. طالع من فوق القلب بشويه من صوب المراره خخخ

هدى: هههه خسك الله..المهم نترياك على العشا لا تتأخر نفس كل مره ترا امي ترقد من وقت فديتها

وليد: اوكيك ترتوبيشن بروح اغازل وبحاول ارجع بسرعه خخخ

هدى: غازل اذا تباني اقلع لك عيونك

وليد: هههه يعجبني أطفربج خخخخخ

هدى: بس عاد وايد عطيتك ويه يالا انقلع

وليد: يالا باي هدهد

ويسكر الخط وليد وتقعد هدى مامصدقه نفسها وراحت تطلق العنان لها فأحلام اليقظه وراحت تحلم وتشوف نفسها بالفستان الأبيض وايدها فإيد وليد ... هاي الأثناء والبنت يحليلها كانت مستانسه فأحلامها تدش امها عليها كأنها منقلعه من يبل لان شمت ريحة السمك يحترق وهي تزاقر هديو او هديو قومي السمك احترق وتقوم هدى يحليلها وتركض صوب السمك وتشوفه مصخم وتبند عنه الغاز

ام هدى: بسم الله عليج شو فيج هدى يمه التاوه عدالج والسمك يحترق فيها وانتي وينج عنها

هدى: يمه هذا وليد طفربي توه داق علي يقول يبا من الكاميه مالج وبيتعشا الليه عندنا

ام هدى: هيييه يحليله وليد مرحبابه بنيتي بنسوي له كامي يستاهل وليد ولد زين وولد حلال وامه بنت خالتي

هدى: هي يمه وايد زين يحليله

ام هدى: آآآخ لو يقول يباج كان زوجتج اياه مابنحصل ولد زين شراته

هدى احمرن خدودها شرات الطماطه ونزلت راسها على تحت تخفي ابتسامتها وفرحتها من كلام امها


نرجع لبيت وليد



وليد طبعا دق على ربيعه على عشان يمر عليه ويخاويه صوب السوق يصور اوراقه المطلوبه
فالطريق دق على ابوه يخبره ان الجماعه قبلوه للوظيفه

ترقبوا الجزء الثاني من قصة ( وليد .. وفرحه ماتمت يانجود )

[rara]

اسلوب وليد وااااايد سولفه تونس

نتريا بقية الأجزاء بفارغ الصبر

لا تصير مثل شوق العين

تخلينا نتريا ونتوله

وبعدها ننسى الأحداث

يزاك الله خير ولد بن كعب

ويا ريت لو نغير نك نيمك

لأنه متعب في الكتابه

[ولد بن كعب]

خخخخخخخخ شو اسجل بداله^^

إن شاء الله مابتأخر ف القصه فالج طيب وشاكر لج تواجدج آنسه

[الجنيبيه]

تسلم أخوي ولد بن كعب على القصه

والله يعطيك العافيه


شكله بطل القصه وليد راعي سوالف تضحك

نتريا التكمله يا أخوي

[فوشية]

خخخخخخخخخخخخخخخخخخخ
انا ما عندي تعليق الا على الجامي و السح
صدق ولد فقر
زين منه ما قال ابا ماي و خبز
خخخخخخخخخخخخخخ

ما يبا مرق دياي ؟؟؟ اعرف ناس تسوي مرق دياي يهبل موسادي خخخخخخخخخخخ
طريقه الاكله في كتاب مطابخ حول العالم صفحه 166

[ولد بن كعب]

آنسه بنت الجنيبي شاكر لج تواجدج ودعمج اللامحدود للقصه^^


آنسه فوشيه الكامي والسح هاي أكلة البدو حتى لو كانوا ناس راهيه^^

بعدين انا ماعرف حد يضبط مرق الدياي الموسادي مثلج آنسه فوشيه .. شو رايج تطبيخين لنا عشا حق اعضاء المنتدى ^^


يعطيكم العافيه على التواجد المملوح ف البيج مالي ,, نورتوا وشرفتوا^^

[فوشية]

لا تصدق الا اخلي امي تسوي جامي و سح و تصب فوق الجامي دهن هيه مسوتنه ... و اطرشلك الصورة انت بس طرش المرق

[ولد بن كعب]

خخخخخ تبادل تجاري شو^^

اوكيك تمام

[ولد بن كعب]

الفصل الثاني


وليد : هلا يبه شخبارك

ابو وليد : هلا ابوي بخير الحمدلله .. عسا ماشر اشوفك ناش من وقت اليوم على وين الشومه

وليد : يبه والله بسير اغزي صوب السوق طشونه وبرجع بس حبيت اخبرك ابوي اتصلو لي من الوزاره وقالولي مقبول حق الوظيفه

ابووليد ماصدق الخبر ومن فرحته بولده وليد قال : مبروك ياوليدي تستاهل كل خير .. وان شاء الله بذبح ثور على شغلك

وليد : ابوي مابا عليك ثور يسدني صخل صغيرون

ابووليد : ومن قال بذبحه لك ,, انا بذبحه لليران عشا بمناسبة شغلك

وليد كان يستهبل ويعرف ان ابوه بيذبح لليران

وليد : تمام يبه وشو هديتي انا

اوبوليد : انت هديتك قب اخضر وصم على ظهرك يالا عاد روح خلص اللي قالوه لك وليدي وارجع البيت لاتتوخر تراني يايب سيداف اذا تبا تلحق عليه قبل مايخلصوه اخوانك ..


طبعآ كان السيداف الطعام المفضل عند عايلة وليد وخصوصآ الأولاد .. سار وليد السوق وصور الاوراق المطلوبه عليه وقبل مايرجع البيت تذكر أمه ومر سوق الذهب وإشترالها ( مريه ) ورجع وليد هو وربيعه صوب البيت ..



أم وليد : هلا وليدي عطنت

وليد : يمه شو انا هايشه تقولين لي عطنت خخخخخ قولي رجعت قولي ( ولكم باك ) خلج مطوره يمه فديتج

أم وليد : يابوك انا يحليلي متخرجه من مدرسة البقر ,,, امي وابوي الله يرحمهم ماودوني اتعلم عند المطوعه أيام زمان .. يسد انت متعلم ياوليدي

وليد: يمه عندي لج خبر ..

أم وليد : شو ياوليدي انت ماتخلا من هالسوالف اكيد شايف بنت وياي تخبرني

وليد : هههه لا يمه ماكو من هذا القبيل .. يمه اول شي هاج هاي ( المريه ) هديه مني لج .. تعالي بلبسج إياها ..


ويلبس وليد امه ( المريه ) ويبوسها على راسها وقال لها ...


وليد : يمه انا قبلوني ف الوظيفه وان شاء الله راح اشتغل يعني تقدري تقولين راح تفتكون مني طشونه خخخ

ام وليد من فرحتها بولدها نزلن دموعها وحاولت تخفيهم بس ماقدرت .. شافها وليد وقال ..

وليد : يمه ليش تصيحي ؟؟ مو زين الصياح هاي الساعه يقولوا مكروه خخخخخ

ام وليد : انت ما تيوز عن طفاستك .. انا ما صحت بس فرحت انت بتشتغل

وليد : يمه شو ماصحتي !! شو عيل هذا ماي يطيح من عيونج خخخخخ

ام وليد : الله يبارك لك ف الشغل يا وليدي ويفتح عليك ويوفقك وين ماتكون يارب والله يشهد اني راضيه عنك غناتي

وليد : وانا مابا من الدنيا غير رضاج يأم وليد



هالساعه يدش ابو وليد ويشوف الجماعه يلوس ويلس معاهم ...


ابو وليد : السلام عليكم ورحمة الله وبركاته

وليد وامه : عليكم السلام ورحمة الله

أم وليد : خبرك وليد انه قبلوه ف الوظيفه ؟؟

ابو وليد : خبرج عتيق انا اول واحد يعرف

وليد ف خاطره يقول : مادري من وين انت اول واحد .. اول واحد هديو فديتها

وليد : هي صح ابوي اول واحد يعرف

ابو وليد : يالا ياجماعه حطولنا الغدا انا أهيس بطني لاصق ف ظهري

وليد : لهدرجه يوعان ابوي !!!

ابو وليد : واكثر بعد وانا ابوك


وقاموا الجماعه على الصاله بيتغدوا ....


هاي الساعه كانت هدى متغديه ومخلصه غدا .. وكعادتها عقب الغدا تقعد تلعب بلاي ستيشن لحد العصر .. هي مولعه بهاي اللعبه واكثر ماتحبه فيها لعبة السياير ولعبة ( كراش ) ..

أم هدى مثل مانعرف ست كبيره ف العمر عندها الضغط والسكر وكل شي متولف عليها يحليلها .. فيها طبع واحد مب زين ..انها ماتاكل حبوب بإنتظام وهذا الشي ما ف صالحها طبعآ ودوم ينصحها الطبيب بس مافي فايده .. قامت هدى المطبخ وتتفاجأ بأمها طايحه على الكنبه وفاقده الوعي .. صرخت هدى من الزيغه وقامت ودقت على وليد ياخذون امها للمستشفى ...


تابعونا ف الجزء الثالث من قصة ( وليد... وفرحه ماتمت يانجود )

[rara]

إن شاء الله ما تموت الأم

وإلا بتصير عقدة في القصة

نتريا بقية الأجزاء

يزاك الله خير يالعماني عالقصة

[ولد بن كعب]

يعطيج العافيه آنسه رارا على دعمج اللامحدود للقصه^^

[الرايقه]

اسميني نقعت من الضحك على وليد

اونه لا تصيحين في هالوقت مكروه

هههههههههههههههههههههههههههههههههههههههه

بقوله لامي اذا صاحت ههههه

روووعه وممتعه وسوالف وليد اللي هي سوالفك بالاصح مسويه جو ولا احلى

كنت محتاجه لمثل هالقصه مع حشرة بنتي

ونستني واااايد

نرقب الجزء اليااااي

:)

[الجنيبيه]

أحداث مشوقه ولد بن كعب

ونتريا الجزء اللي بعده

الله يعطيك العافيه

[ولد بن كعب]

ثانكس مدام الرايقه على دعمج المعنوي الكبير^^

[ولد بن كعب]

ثانكس آنسه بنت الجنيبي وثانكس على تشجيعج ^^

[غلا وكلي حلا]

ولد بن كعب


كمل القصـه أندمجت فيهــا
والله وليد سوالف



يعطيك العافيه

[ولد بن كعب]

إن شاء الله آنسه غلا ويعطيج العافيه على التواجد الجميل^^

[فوشية]

مشكور على القصه ..

لا تتأخر

مدرسه البقر هههههههههههه تذكرت وحده يعلني افداها ...

[ولد بن كعب]

آنسه فوشيه زين حد يوديج تاخذين كورس ف هاي المدرسه خخخخخ

[شواقه]

انا بقرآ القصه يوم بتحط كل الاجزاء
مافيه اتحمس وايد عقب ايلس اتريااااااا
هههههه
^_^

ربي يعطيك العافيه
اخويه

[بنت الفوارس]

الله يعطيك العافية اخوي الكعبي
قصة روعة واسلوب جميل ننتظر الاجزاء الباقية ولا تتطول علينا بين الاجزاء

وليد ... يذكرني باخوي كثير يحب الاكلات الشعبية فرحته كبيرة اذا سمع شي كامي او سيداف

[ولد بن كعب]

آنسه شواقه آنــــد آنسه الفارسيه شاكر لكم دعمكم الكبير للقصه^^

[naice life]

آلكعبي

تسلم يمنآكـ

سجعلني هنآ متآبعه لقلمكـ

دمت مبدع ههههههههههههه كووويس نعرف عآدآت آهل آلسلطنه


دمت بوووود

[ولد بن كعب]

الفصل الثالث

صاح تلفون وليد .. كانت الساعه 3 قريب العصر وشله وشاف المتصل هدى .. رد عليها

وليد : هلا هدى


هدى كانت تصيح وتصرخ وحالتها حاله


هدى : إلحقني وليد امي طاحت وماعندي حد الحقني بسرعه

وليد : هدي نفسج هدى كلها دقايق واكون عندج ان شاء الله .. يالا باي ..

ويسكر الخط وليد وينقعر مثل الصاروخ لبيت هدى ف سيارته الأكورد .. ماخذ سرع وبطا امسافه سواها كلها ف ربع ساعه وهو قدام البيت وينزل يركض ويشوف هدى تصيح وامها طايحه ويشلها ويركبها السياره وتركب هدى معاهم وسيدا على السبيتار القريب من بيت هدى ..

وصلوا الدختر ونزل ام هدى وسيدا على غرفة الإنعاش ويا الدختور ودخل مع الممرضات وسكروا الباب وهدى مع وليد برع ينتظروا على أعصابهم ..

وليد : بلاها عمو شو ياها ؟؟؟

هدى : ماعرف وليد انا كنت قاعده بالصاله العب بلاي ستيشن وطلعت صوب المطبخ ابا اشرب ماي وشفتها طايحه على الكنبه ..

وليد : أكلت حبوب هي اليوم ؟؟

هدى : الصبح ماكله بس الظهر عقب الغدا مادري إذا أكلت او لا ,, مع اني مذكرتنها بالحبوب ... ياربي تستر يارب نجي امي ... تصيح هدى


وليد : لا تصيحي فديتج ان شاء الله مافيها الا العافيه

هدى : امين يارب

وقفوا الجماعه وكأن على روسهم الطير .. ينتظروا على أحر من اليمر حد من الممرضات او الدختور يطلع ويطمنهم على حالة أم هدى .. وشوي يطلع الدختور وطش له وليد

وليد : دطتور طمنا كيف حالتها ؟؟؟

الدكتور : الحمدلله حالتها شبه مستقره حاليآ ..

وليد: شو كان عندها دكتور ؟؟

الدكتور : ارتفاع الضغط بشكل مفاجيْ والسبب تقريبآ عدم الإنتظام في تناول الأدويه

هدى : صح دكتور انا دوم انصحها واقولها بس ماتسمع الرمسه

الدكتور : الحمدلله حالتها احين زينه وتقدروا تدخلوا عندها تشوفوها



دش وليد وهدى على ام هدى يطمنوا عليها اكثر ,,


وليد : ماتشوفي شر عمو بسم الله عليج اجر وعافيه ...... ويبوسها على راسها

هدى : يمه خوفتيني عليج فديتج

ام هدى : لا تخافي بنيتي انا بخير أدك شرات الحصان مافيني شي فديتج .. تعالي قعدي عدالي

وتقعد هدى جنب امها و وليد عدالهم يتبادلوا الكلام والضحكات .. وفي هاي الأثناء يدش عليهم الدختور ويطلب ويطمنهم أكثر على حالة ام هدى ويخبرهم انهم احين يقدروا ياخذوها على البيت .. بس قبل مايطلعوا طلب من ام هدى انها تنتظم ف تعاطي الأدويه ووضح لها خطورة عدم الإنتظام ف تناول الادويه .. قاطعه وليد وقال

وليد : دكتور انت تنفخ إلا ف قربه منطره خخخخ

ضحك الجميع من تعليق وليد وزدات هاي الضحكه هدى طمانينه على صحة امها وهي تشوفها تضحك ومرتاحه ..


رجع هدى ووليد وام هدى ف سيارة وليد طبعا .. فالطريق سألت ام هدى وليد وقالت

ام هدى : يمه وليد متى بنفرح فيك انا اخاف اموت قبل ما افرح فيك

وليد : بعيد الشر عنج عمو .. إن شاء الله قريب .. الحمدلله اشتغلت وباقيه العروس بس

ام هدى : الله يرزقك ببنت الحلال ياوليدي اللي تسعدك وتريحك

وليد : آمين عمو .. بس بيني وبينج انا معربن على بنت مزيونه تشبه القمر شوي وتاخذ من الظبي شوي ويقرب لها الورد شوي .. يعني تقدري تقولي بنت غرشوبه


ام هدى طبعا مافهمت ان المقصوده هي بنتها هدى .. وضمت حسره خفيفه ف قلبها على ان وليد ما بيكون من نصيب بنتها هدى ..

طبعا هدى كانت كل مره يزيدها الحيا حمره وحلاه خاصه لما كان وليد يتغزل فيها قدام امها ..


هاي الساعه كان ابو وليد وام وليد يخططوا حق عرس ولدهم وليد من بنت عمه فاطمه .. فاطمه بنت مزيونه بعد ومخلصه ثانويه ف نفس السنه الي مخلص فيها وليد .. بس هي يابت نسبه وسارت الجامعه اما وليد تراه ماشد حيله وتم راقد ف بيت ابوه يقرض براقع ..

ام وليد : ابووليد زين تفتح الموضوع بالبدايه مع اخوك عشان نخطب فاطمه حق وليد

ابو وليد : رايج طيب ام وليد وان شاء الله باجر عقب العشا بروح صوبه وبفتح وياه الموضوع

ام وليد : ووليد انا برمسه قبل وبنشوف رايه .. واحس ان مافيني صبر احين بدق له يرجع البيت ابا ارمسه واشوف رايه

ابو وليد : حشا انتي لابقه .. حار بحار ماعندج كاني ماني ..

ام وليد: يابوك ابا افرح فيه واشوف عياله قبل ما ينغضن اسي ويندفن ف التراب

وتاخذ التلفون من ايد ابو وليد وتدق لولدها وليد .. رن تلفون وليد وشاف المتصل ابوه ورد عليه

وليد : هلا يبه حياك اقرب

ام وليد : انا امك يالطفس .. انت وين ؟؟ ارجع اباك ف موضوع ضروري

وليد يحليله طارت حمامة فواده اتحرا شي مستوي بعد ..

وليد : خير يمه شو مستوي ابوي فيه شي ؟؟؟؟؟؟

ام وليد : ابوك مافيه الا العافيه يدك مثل العفريت بس ارجع لا تتوخر اباك

وليد : ان شاء الله يمه نص ساعه وانا ف البيت

وليد ظل باله شغال .. امه شو تبا منه .. وقلب كل الملفات اللي ف راسه بس مااهتدى لشي ..


تابعونا ف الجزء الرابع ^^

[rara]

قلب كل الملفات

يحليلك ياوليد

يايتنك الصدمه

نترقب الجزء الرابع

وعن حركات التأخير

يزاك الله خير عالقصة

[الرايقه]

شو هااااااااا

كرهت فاطمة من الحين خخخخ

نترياااااااا

[فوشية]

ما حبيتها ما بكمل القصه من وين طلعت فاطمه هذه

زعلت

[ولد بن كعب]

آنسه نايس لايف يسعدني تواجدج ودعمج الكبير للقصه^^

آنسه رارا يابوج القصه ف طور الإنشاء ,, يعني انتوا تقروا حاليآ النسخه الأصليه ,, مفروض انا ما انزلها الا عقب ما اخلصها كامله وعقب ما اسوي لها تنقيح^^

مدام الرايقه و آنسه فوشيه لاتخافوا نجود بنت هدى ^^

[غلا وكلي حلا]

شو هااااااااااااااء


هاي من وين ظهرت بعد





ولد ابن كعب


حط البارت التــالي خلنــا شووف شو بيصير ويا وليد


يعطيك العافيه ع المجهوود طيب

[ولد بن كعب]

حرام مب زين تشيلوا حقد على الفقيره فطوم ^^


فالج طيب آنسه غلا اليوم بحطه^^

[فوشية]

انت خذ فطوم و فكنا منها

حط اللي بعده

[ولد بن كعب]

ماباها خخخخخ

ان شاء الله راح احط اللي بعده بس خليني أنفظ الموجود ف راسي صبري علي شوي^^

[ولد بن كعب]

الفصل الرابع



وصل وليد لبيت أم هدى .. ونزل هدى وامها على الباب ودار بينهم الحوار التالي ,,


ام وليد : اتفضل وليدي بتتعشى عندنا

وليد : لا عمو انا ما غريب البيت بيتي .. انتي حالتج تعبانه وسيري ارتاحي وعن تبي اتمسي أي شي ..
هدى تساعدي عمو تشوفي شو تبي ولاتتركينها بروحها


هدى ف خاطرها إن شاء الله حبيبي بس طبعآ قدام ماماتها قالت : إن شاء الله لاتوصاني هاي امي

ام هدى : تعبناك ويانا فديتك .. سلم على امك يمه

وليد : إن شاء الله عمو سلامج يوصل وانا حاضر تحت خدمتكم إذا احتجتوا أي شي


ويركب وليد سيارته قافلآ تجاه الهاوس مالهم .. كانت امه تترياه بفارغ الصبر وما إن دخل من الباب وبعدها برد فوادها ونادته إيي يقعد وياها


ام وليد : وليد تعال ياي ابغاك ف كلمة راس


وليد : كلمة راس ولا كلمة رجول خخخخ

ام وليد: انت متى بتيوز عن طفاستك هااااا ؟؟

وليد : يمه حبيبتي انزين انا ماقلت شي .. بس مجرد سؤال .. المهم طاف .. شو هذا الشي الضروري اللي تبي اتخبريني عنه يمه

ام وليد : مابقولك إلا إذا توعدني تنفذ اللي بقولك عليه

وليد : إن شاء الله يمه راح أنفذ اللي تبينه حرف بحرفه .. بس إذا شي ما أقدر عليه ومابيدي ترا لاتلوميني يمه

ام وليد : لا ,, تقدر عليه لا تخاف

وليد: شو يمه قولي ترا اعصابي باضت على قولت اخوانا المصريين

ام وليد : شو باضت !! سود ويههاا رمسه ,, داخل بطنك اعصاب ولا دياي خيبر

وليد : يمه انتي احين صرتي طفسه خخخخ .. يالا قولي لي عاد

ام وليد : انا وابوك اتفقنا نخطب لك بنت عمك فاطمه


حل الخبر على وليد كالصاعقه .. انذهل من اللي سمعه .. تلعثم لسانه .. وقف

ام وليد : بلاك يمه شو حل عليك .. بلاك مبهت كأنه حد ميت عليك .. بسم الله عليك

وليد : ماشي يمه بس كأنكم اتسرعتوا شوي .. انا بعدي ما استلمت الوظيفه وماخلصت اموري


طبعآ وليد ماكان يبا يزعل امه من البدايه وخلا الموضوع مثل ماهو لحد ما يخلص امور التعيين


ام وليد : احنا يا وليدي يغينا نحجزها لك من احين وانت تعرف بنت عمك ماشاء الله بنت مزيونه وكل حد يتمناها

وليد : ادري يمه .. بس انا اقول احين خلي هالموضوع بينا وما يحتاي تفتحيه قدام ابوي


ام وليد : ابوك باجر بيسير صوب عمك وبيرمسه عشان نحجز البنت لك


وليد اتخبل اكثر ,, قصوره ينعش بس ,,, ماعرف شو يقول وشو يسوي


وليد : يمه شو هالكلام !!! البنت مابطير .. وبعدين مايصير نحجز البنت من احين .. هي دنيا واعمار سبحان الله اموت انا ولا شي بعد مازين يمه .. خلي هذا الموضوع وعقب الشغل ان شاء الله بنتناقش فيه وكلمي ابوي مايفتح الموضوع عند عمي ابد


ام وليد : اف منك .. انت رمس ابوك انا مالي شغل


ام وليد زعلت على ولدها وسارت صوب حجرتها ونوعآ ما كانت مقتنعه بكلام ولدها وليد كيف نحجز البنت وهو بعده ما مسك الوظيفه وحست انهم اتسرعوا


وليد طبعآ دخل داخل حجرته .. يابت له الخدامه العشا وتعشا ,, وقام وصلى العشا ورجع داخل البيت يتابع التي في وخصوصآ مسلسله المفضل ( يحيى ولميس )

هدى هاي الساعه قاعده عند راس امها .. ويساورها الشك والخوف على وليد ..


هدى : ياربي هذا وينه ليش مادز ولا مسج لحد احين ,, معقوله مشغول !!!

اخيرأ قررت انها تدق له فون


رن تلفون وليد .. رد وقال

وليد : هلا هدهد شخبارج حبيبتي ؟

هدى : انا ماحبيبتك

وليد : سلامات شو فيج توج بخير شو ياج برطمتي !!

هدى : وينك من ساعه لا حس ولا خبر

وليد : يابوج امي عورت لي راسي اون تبا تخطب لي المعيسلانه بنت عمي

هدى : شو !!!!!!!!!!!

وليد : اللي سمعتي فديتج

هدى : وانت شو قلت ؟؟؟؟؟؟

وليد : طبعا ماوافقت .. ولا شو تتحرين !!

هدى : اوف بردت فوادي .. ع بالي بتوافق بعد وبتقول ما تبا تزعل امك

وليد : ف كل شي ما ازعلها إلا فيج انتي ما أقدر انتي شحمة فوداي خخخخ

هدى : شو هااا .. حشا حتى ماتعرف تتغزل .. قال شحمة فوداي .. صدق انك شيبه ههههه

وليد : شيبه انتي

هدى : اخينا نحنا البنات يقال لنا عيوز ,, قول جمله مفيده لو سمحت ههههه

وليد : زين انج اعترفتي انج عيوز خخخخخ

هدى : انا ماعيوز يالمتكسح انت

وليد : عيوز و رامه عظامج بعد

هدى : طيب يالمتوحش انا بسير اشوف امي شو تبا اسمعها تزقرني

وليد : اوكيك فديت روحج بمسج لج قبل ما أنخمد

هدى : اوكي حياتو ودير بالك ع نفسك

وليد : وانتي بعد ..

بند الخط وليد ودق على ربيعه عشان يسيروا صوب عرس ولد الجيران عندهم حربيه وبياخذوا لفه عليهم

تابعونا ف الجزء الخامس^^

[فوشية]

البيستار و مشيناها حق و ما قلنا بي سو كووووووووول و قول هوسبيتل

تقولي الهاوس هع هع


قهرني وليد ما يعرف يقول انا ابا هدى سهله

[ولد بن كعب]

لا تستعيلي على رزقج آنسه فوشيه إن شاء الله بقول .. وبنخبره يقول فالج طيب انتي اهم شي لا تعصبي^^

[فوشية]

انا مب مستعيله انت بس لا تتأخر ...

تسلم على القصه الحلوة

[ولد بن كعب]

المشكله ان الكور ما يطلع إلا بارت في اليوم الواحد هع هع

يعني تصبري ^^

[rara]

بن كعب

مشكور عالقصة الحلووووووووه

نترياك

عسى الأحداث القادمة ما تزعل

[ولد بن كعب]

آنسه رارا شاكر لج دعمج اللامحدود للقصه ويعطيج العافيه^^

[غموووض]

متابعه القصه من البدايه
ما شاء الله قصه رووعه
وهدى و وليد ثنائي رائع
ان شاء الله وليد يقدر يقول حق اهله انه يبي هدى مو فاطمه
في انتظار التكمله اخوي
الله يعطيك العافيه

[الجنيبيه]

تسلم أخوي بن كعب

ونتريا ابداعاتك في الاجزاء اليايه

والله يعطيك العافيه

[ولد بن كعب]

آنسه غموض هذا شرف انج تكوني من متابعات القصه المتواضعه حقتي^^

[ولد بن كعب]

آنسه بنت الجنيبي اشكر دعمج المتواصل للقصه^^

[{ نبض آخر !]

هـــــدى / فــاطــمة / نجـــــــود ^_^

أحين منو البطلة بـ الضبط هع

:

مع إن عندي قصة ومشغولة فيها بس ما أدري فتحت ع قصتك .. وقريت الجزء الأول .. وخلاني أكمل

ما شاء الله أسلوبك وايد حلو .. يعني يخلي الواحد غصب عنه يقرا .. لو إني ما أحب أعلق ع قصة مب مكتملة للحين .. بس جمال أسلوبك جبرني ..!

واصل ..
وتأكدإن لك متابعينك .. :)

وبالتوفيج لك

[بنت الفوارس]

واحليله وليد حلت عليه مصيبة
هذا اللي عنده عيال عم كانه لازم الواحد ياخذ بنت عمه
الكعبي... لا تتاخر علينا يراك شوقتنا

[الرايقه]

لاحظت شي

وليد اعصابه بارده !!! < < لاتلاحظين مره ثانيه خخخ

نترياااااااااااا

:)

[ولد بن كعب]

آنسه شوق الأجزاء اليايه راح تكشف لج منو البطله ^^


آنسه الفارسيه مشكله الظروف شوي اجبرتنا على التأخير ^^


مدام الرايقه بنخبر وليد يرفع من درجة حرارة اعصابه^^


شكرآ لكم جميعآ على الدعم المعنوي الكبير^^

[فوشية]

سؤال بتنزل شي اليوم ؟؟؟

[ولد بن كعب]

الجزء الخامس




طاف سعيد على وليد وساروا عرس ولد يارهم .. صادف إن واحد من الجماعه قبل يومين مر على عم وليد يخطب بنته فاطمه .. طبعآ بحكم الأصول البدويه المترسخه بين العرب تحكم وفقآ للشرائع القبليه ان تبدأ المشوره من صوب أبناء العمومه عقب تتبعها الخؤوله .. يعني ابو فاطمه لما خطب الريال بنته فاطمه حق ولده طلب منه مهله لحد مايشوف البنت ورايها .. الهدف الحقيقي طبعآ هو ان يستشير اخوه ابو وليد ويستئذنه إذا كان يبا بنت اخوه حق وليد ولده أو لا ..


انزين ... من هاي الدكه كلها والصفعنه ,, ذيك الليله كان ابو وليد يبا يمر على اخوه عشان يرمسه انه يبا يخطب فاطمه حق وليد .. طبعآ ام وليد ماكلمت زوجها عشان يأجلوا الموضوع وخلت الأمور ماشيه مثل ماهي ..


وصادف انه ابو فاطمه ف ذيك الليله بعد ناوي يمر بيت اخوه عشان يرمس اخوه ف نفس الموضوع .. يقولوا رب صدفةٍ خيرٌ من ألف ميعاد ..




ابو وليد : يا مره عطيني غترتي وعقالي

ام وليد : على وين ابو وليد وين ناهي ؟؟

ابو وليد : بنهي صوب بيت أخوي بكلمه انا بنخطب بنته حق ولدج .. مسرعج نسيتي !!

ام وليد : هااااا يابوك مانسيت بس بالي شغال على هذا الولد

ابو وليد : إلا قولي الكبر شين هههه

ام وليد : والله ما أكبر عنك انا

ابو وليد : انا يوم ماخذنج انتي يعريه إلا انا يحليلي صغيرون وانتي تو خلاص عيزتي اشوفني بخطب لي حرمه بعد بنسوي على قولة الريال عصفورين بحجر واحد ههههه

ام وليد : عيز حيلك .. انا بعدني شباب وما اصبغ شعري مثل بعض الناس


ابو وليد طبعآ حس إن حرمته بدت تعصب من غشمرته فأستغل الوضع وحاول يلطف الجو لانه يحب ام وليد وايد وماتهون عليه مهما كان


ابو وليد : فديتج يالغاليه عاد انتي ماتهوني وانا إلا اتغشمر .. تذكري لما كنت أغازلج وانتي تروحي ملابس على الحبل !! آآآآآه محلا أيام أول..

ام وليد : حشا علي ماغازلتك انت كل يوم تطوف صوب بيتنا كأنك شيراز وموكد غافه

ابو وليد : شسوي غصب عني يابوج .. أنش الصبح من الفير بس عشان أيي أشل لبن حق امي الله يرحمها من عند أمج عشان اشوفج بس

ام وليد : حشا ما سهل انت هههه


وعلى هذا الجو كان ابو وليد و أم وليد يضحكوا ويتذكروا أيام زمان .. ابو وليد خذته السوالف ونسى الموضوع اللي كان يبا يسير عشانه .. طبعآ وهم ف هذا الجو مستانسين سمعوا صوت جرس الباب دق


ام وليد: من هذا بقوم أشوف

ابو وليد : لا خليه انا بنش وبشوف من هذا



قام ابو وليد صوب الباب .. فتح الباب وشاف اخوه .. استغرب طبعآ الزياره لان اخوه معودنه يمر عليه وقت العصير المسيان .. يمكن ياخذ عنده فنيان قهوده وفردة سح ويسولفوا ..

ابو وليد : هلا اخوي ابو فاطمه حياك اقرب اقرب !!!

ابو فاطمه : هلا ابو وليد قرب معك الخير .. عاد صليت العشا وقلت بمر عندك شوي

ابو وليد : حياك اخوي إقرب استريح .. ام وليد ييبي لنا دلة القهوه

ام وليد : إن شاء الله بو وليد


جلسوا الجماعه طبعآ وتقهويوا وسولفوا ف سوالف جنرل ف البدايه يعني بشكل عام .. وعقبها حس ابو فاطمه انه الوقت المناسب عشان يفت سالفته حق اخوه


ابو فاطمه : والله يا اخوي ابو وليد انا ياينك ف سالفه وقلت اخذ رايك فيها قبل

ابو وليد : آمر ياخوي انا من ايدك اليمين للشمال

ابوفاطمه : والله ياخوي انا بغيت اخبرك ان حجي بوعمر خاطب بنتي فاطمه حق ولده عمر .. والجماعه مايعيبهم شي بس انت اخوي وولدك وليد أحق بالبنت من الغريب .. وانا اليوم ياينك تراجع ولدك ونفسك إذا تبوا البنت ترا بخبر الريال ان ولد عمها يباها

ابووليد : اتصدق يااخوي توي ياي ابا امر عليك ف هذا الموضوع بس انت سبقتني .. والبنت ولدنا أحق بها مثل ماقلت .. وفاطمه إن شاء الله حق وليد

ابو فاطمه : إن شاء الله يا اخوي .. وانا برد على حجي بوعمر بهذا الكلام ..


إتفق الأخوين رايت على هذا الشي من دون سابق إنذار او اعلام لوليد ياحليله .. مع انه كان مرمس ماماته تخبر ابوه عشان يأجلو السالفه إلى إشعارٍ آخر .. بس امه ماحركت ساكن ف الموضوع ..


كان وليد ف لحظات انعقاد الإجتماع الأخوي يسرح ويمرح ف عرس ربيعه .. يغنم قهوه على المعازيم ويحليله يساعد الجماعه ف العرس ويحط ويشل .. يعي كان ولد نشمي ومخاوي شمه ..


هدى طول اليوم مافارقت امها تعشيها وتسقيها الدوا وتشربها الماي ولازمتها طول اليوم .. لدرجة انها نست حتى تسأل عن وليد .. وليد بدوره كل ساعه ف العرس يطلع فونه يشيك ويشوف اذا شي وصل من هدى او لا .. آخر شي ضاقت به الدنيا وقرر يدق عليها .. رن فون هدى وطلعت برع حجرة امها وردت

هدى : هلا الغالي

وليد : هلا القاطعه .. انتي وينج حيه ولا ميته !!

هدى : فديتك والله ماسويت شي بس قاعده عند امي فديتها

وليد :صدق شوهباتها عمو ؟؟

هدى : الحمدلله زينه احسن عن قبل

وليد :الحمدلله .. تمام يالغلا انا برجع عقب شوي وراح أطرش لج برقيه

هدى : دير بالك ع نفسك
وليد : إن شاء الله

صكرت الخط هدى وماكانت على علم بشو يخفي لها القدر من أكشنات ومصايب وعوار راس


تابعونا ف الجزء السادس^^

[فوشية]

الله يسامحك
الحينه نتريا على اعصابنا عشان تقول اتريوا الجزء السادس
لا تبط جبدي ويا ولد ماماته ... اخاف ياخذ فطوم و انا اللي قلبي يحترق خخخخ

بس صراحه ضحكت ضحك على مغازل ابوه و هيه تروح الاثياب خخخخخخخخخخخخخخخخخ رومنسي الحبيب خخخخخخخخخخخ


مشكووووووووووووور و نتريا الجزء السادس بفارغ الصبر .. و الله يعينك على اشغالك

[ولد بن كعب]

خخخخخخخ مغازل زمان أحلا انا اشوفه ^^


لاتحرقي اعصابج آنسه ان شاء القصه ما بتكون ذات مأسي وايده ^^


شاكر لج دعمج الكبير والمتواصل آنسه فوشيه

[ولد بن كعب]

الفصل السادس




ام وليد : خير يا بو وليد شو كان يبا اخوك ؟؟؟؟ !!!!

ابو وليد : الحمدلله نقله وطاحت .. هم وإنزاح .. كان يبا يقولي ان فاطمه خاطبنها حجي بوعمر حق ولده عمر

ام وليد : ليش وانت شو قلت له !! ما قلت له إنا بنا البنت حق ولدك !!!

ابو وليد : صبري علي يا مره .. بلاج كلتيني ماخلصت كلامي .. قالي ان البنت مخطوبه وياي يشاورني إذا نباها حق وليد او لا .. لان ولد عمها احق بها .. وانا قلت له البنت نباها حق وليد وخلاص راح يرد على الجماعه ان ولد عمها يباها

ام وليد : الحمدلله .. بس غريب ان اخوك إجا شاورك !! تذكر سالفة المرحوم ولدنا عبدالله .. كان يبا بنت اخوك عزه اللي زوجها اخوك بدون شورك وعلمك شدعوه هاي المره ياي يشاورنا

ابو وليد : ياحرمه لاتفتحي ملفات قديمه هاييك أيام ولت وانقضت من سنين


طبعآ وليد كان عند اخو اكبر منه .. اسمه عبدالله اتوفى من 6 سنين ف حادث شنيع كان راجع من الدوام وسوا حادث واتوفى .. عبدالله كان يبا بنت عمه عزه .. عزه بعد كانت تباه بس ابوها ابو فاطمه ذيك الأيام كان يبا يزوجها غصب من ناس غير .. وفعلآ زوجها ولا رجَّع الراي حق اخوه ..
وعقب يومين من عرس عزه سوا عبدالله حادث ويقولوا ان عبدالله انتحر عقب ما زوج عمه بنته من ولد التاجر بوداوود .. عشان كذا حس بالذنب ابوفاطمه ومن ذاك اليوم قرر ما يسوي أي شي من دون شور اخوه الكبير ابو وليد .. ومن ذاك اليوم رجعت العلاقه بين العايلتين ..


نرجع حق وليد .....


وليد ف هاي اللحظات قرر يرجع البيت .. بالفعل رجع هو وربيعه وتواعدوا بالباجر يسيروا العرس العصر عشان يحضروا وليمة العشا

وليد : لاتنسى سعيد تمرني باجر بنسير نتعشى العرس

سعيد : إن شاء الله راح اعطيك خبر على الظهريه جي .. اوكي ؟؟

وليد : اوكيك ترتوبسشن .. اشوفك على خير مع السلامه

سعيد : مع السلامه


نزل وليد من السياره مشى صوب باب بيتهم .. وهو يفتح باب البيت الكبير حس بإحساس غريب .. حس إنه يفتح بإيديه باب من المجهول كان خايف إنه ينفتح في يوم من الأيام .. وقف لحظه .. يفكر يحاول يسبر أغوار المستقبل وكله أمل انه يستنبط ويقري الواقع من أطياف المستقبل اللي لاحت قدام عيونه ذيك الفتره ..


فتح وليد الباب حس بنوع من الصداع .. مشى .. لحد ماوصل باب الصاله .. مسك قفل الباب .. نبضه زاد بصوره غريبه .. جسمه عرق .. فتح الباب ودش .. شاف امه وابوه قاعدين وسلم عليهم


وليد : السلام عليكم ورحمة الله

ام وليد وابوه : عليكم السلام ورحمة الله

ام وليد : سلامات عسا ماشر بلاك يا وليدي .. ويهك مصفر !!

ابو وليد : تعال وليد استريح عدالي

وليد : ان شاء الله ابوي



قعد وليد وحس ان احساسه ف محله .. دخل ف دوامه بينه وبين نفسه .. بس وليد قوي وجمع اعصابه على بعضها ومسك نفسه


ابو وليد : يبه وليد عمك اجانا هني وقال ان حجي عمر خاطب بنته فاطمه .. وياي يشاورنا اذا كنا نبغيها لك او لا .. وانا الصراحه عطيته كلمه انا نبا البنت لك وباجر ان شاء الله باجر بيخبرهم بجوابنا ..

نزل الخبر على وليد كالصاعقه .. اتزلزل وليد من اللي سمعه .. خاصه من كلمة ابوه ( انا عطيته كلمه انا نبا البنت لك ) هو يعرف ابوه شو يقصد .. هو يعرف ان كلمة ابوه ماتنرد .. هو يعرف ان ابوه اذا قال شي يسويه ..


إستئذنت وليد دمعه ,, كانت واقفه على محجر عيونه تنتظر الإذن عشان تسيل مثل الوادي وتعبر عن مدى الحاله النفسيه اللي يات وليد ..

وليد : إن شاء الله ابوي .. بس تو انا تعبان ياي من العرس وبروح أرتاح يبه ومن أصبح أفلح

ابو وليد : روح ارتاح وانا أبوك ..



كلمة ابوه روح ارتاح كانت بمثابة نهاية كابوس وبداية واقع .. نهاية حلم وبداية علم ..


وليد يحليله سيدا سار على غرفته وقفل الباب عليه وقعد يصيح وهو يتذكر هدى .. هدى كانت بمثابة الروح اللي بداخله .. هدى كانت قطعه من قلبه ,, إلا قلبه كله بعد ..


حست أم وليد بشعور ولدها .. قالت

ام وليد : بووليد شو ياه وليد احسه اتغير وايد

ابو وليد : ماعليج منه يمكن تعبان لانه ياي من العرس وبعدين لو في شي بقولي على طول ما بخبي علينا شي

ام وليد : الله يكتب اللي فيه الخير


قالت هاي الكلمه ام وليد وكانت تتمنى لو كان عندها مقدره وتقرا قلب ولدها وليد وتعرف شو بداخله


نرجع ل هدى ......


هدى هاي اللحظات لما كان وليد يصيح حست بنبضات قلبها زادت .. ياها خوف وشك على وليد .. حست ان وليد فيه شي .. مسكت تلفونها ودقت على وليد .. وليد بدوره ماقدر ما يرد على هدى بس حالته حاله ... ماكان يباها تعرف عن اللي يصير معاه .. ماكان يبا يكدر عليها يسد امها يحليلها مريضه وتعبانه معاها .. بالأخير رد وليد على التلفون

وليد : هلا هدى


هدى انصدمت لما سمهت وليد يصيح .. كان الكون وقف .. اسود الليل اكثر من سواده ف عيونها وسكرت الخط لا إرادي


تابعونا ف الجزء السابع^^

[rara]

لييييييييييييييييييييييييش اتوقف عند مقطع خطييييييييييييير ؟؟؟؟؟؟؟؟؟؟؟؟؟؟؟؟؟

التشويق حلو إن ما تأخرت

لكن إن تأخرت في الجزء الياي بنزعل عليك
إستئذنت
وليد دمعه ,, كانت واقفه على محجر عيونه تنتظر الإذن عشان تسيل مثل الوادي وتعبر عن مدى الحاله النفسيه اللي يات وليد ..

أقوى عبارة إبداعية دلت على مدي الحزن الذي يلامس القلب

يزاك الله خير عالقصة

[فوشية]

السلام عليكم و رحمه الله

مشكووووووووووووور على هذا الجزء

بس ما تعودنا نشوف وليد مضايق ..

غامضتني هدى ان شاء الاجزاء اللي بعدها احلى و احسن

تقبل مروري

نتريا الاجزاء الباقيه

[ولد بن كعب]

آنسه رارا مثل ماقلتي التشويق مطلوب بعد .. وإن شاء الله ماراح اتأخر^^

آنسه فوشيه ترا دوام الحال من المحال ^^


آنسه رارا + آنسه فوشيه
شاكر لكم دعمكم اللامحدود للقصه ^^

[ولد بن كعب]

الفصل السابع



هدى ذيك اللحظه اللي سمعت فيها وليد يصيح عقلها طار ,, كانها فكت الشفره اللي كانت ف صوت صياحه ,, هي تعرف ماشي حاجه بالدنيا تخلي وليد يصيح غير انهم يفترقوا ,, عشان كذا من سمعت وليد يصيح بندت الخط غصب عنها وقعدت تصيح ...


وليد قعد يصيح لحد ماحس نفسه ارتاحت شوي ,, عقب تذكر هدى وعلى طول دق لها ,, هدى كانت غرقانه ف صياحها وصاحت اكثر من وليد .. رن فونها ,, المتصل وليد ,, ردت وقالت


هدى : خلاص وليد هاي نهايتنا !!!!

وليد : لا حبيبتي منو قالج هالشي ؟؟؟

هدى : انت قلت لي كل شي وليد



هنا زاد صياح هدى ,, ماكانت تتوقع انه راح ايي يوم حد يفرقهم ,, وليد ماتحمل يسمع هدى تصيح ونزلت دموعه


وليد : هدى حبيبتي لا تصيحي محد بفرقنا إن شاء الله .. بلاج تفاولي علينا وتو من قال انا راح نفترق

هدى : اوكي قولي شو كان يصيحك ؟؟

وليد : اوكي بعد روحي بخبرج ... عمي إجا بيتنا عقب صلاة العشا وقال لأبوي ان حجي عمر خاطب بنته فاطمه وابوي قاله انه يريد بنته فاطمه حقي انا ,, وانا طبعآ مابوافق وبقولهم يزوجوها .. بس هاي كل السالفه .. شفتي !! شي ما يستاهل حد يصيح عشانه ,,, يالا ضحكي عاد ابا اسمع ضحكتج


هدى : وليد انا اخاف يغصبوك عليها

وليد : افا .. شو يغصبوني !! انا بنت قدامج تو عشان حد يجبرني اتزوج او لا !! .. لا ياحبيبتي خلي ف بطنج بطيخه انا ما بتزوج بنت غيرج يالكتكوته

هدى والدموع ف عيونها : فديتك يالغالي .. ربي لايحرمني منك ان شاء الله

وليد : ولا منج يالغاليه .. شخبار عمو ؟؟

هدى : الحمدلله تمام .. أحسن من قبل

وليد : الحمدلله .. يالا تو صار لازم ترقدين .. باجر وراج نشه م الفير

هدى : إن شاء الله فديتك .. وإنت إرقد بعد

وليد : إن شاء الله برقد ولاتوصيني أهم شي إنتي .. تصبحين على الخور فديتج خخخخ

هدى : أي خور !!

وليد : الخور ابو القرم واليشن والقباقيب

هدى : هههه والله انت تحفه .. ياحظي فيك

وليد ومرتاح شوي من حالة هدى : وياحظي فيج انا بعد يالأموره يالا رقدي فيدتج


وبندت هدى الخط على أساس انهم بيرقدوا .. طبعآ كل واحد قص على الثاني وقال انه بيرقد .. بس هيهات .. الرقاد ما قرَّب صوب أي واحد فيهم .. كل واحد صار يقلب كل الملفات اللي فراسه ويفكر ويعيد حساباته .. ويشوف الحلول البديله .. والخطط الثانيه اللي يمكن انها تجمعهم ف بعض وماتفرقهم ..


وليد قعد يفكر شو يقول لأبوه وكيف يقنعه .. وقعد يجمع كلام ويرتبه ف عقله .. يركب جمله على جمله .. وكلمه على كلمه .. يحذف مني ويضيف هناك .. يعدل هناك ويضيع هني .. وقضَّا الليل بطوله يدق براسه على كل أبواب و جدران التفكير ..


هدى نفس الحاله .. مره تفكر وليد تزوج من بنت غيرها وتصيح .. ومره تشوفهم مع بعض متزوجين وتضحك .. يعني تقدروا تقولوا انها نص إنهبلت ..


أذن الفير ووليد بعده ما غمض له جفن .. لازم يصارح ابوه باللي ف قلبه .. هذا آخر قرار توصل له وليد ..



طلعت الشمس وصارت الساعه 9 ووليد بعده مكود عظامه وراقد .. أغلب الايام كان وليد يقوم بدري ويسير الكبره يشتري سمك حق البيت .. وإذا ماسار يكون صاحي هاي الحزه إلا اذا كان سهران ويا الشله ترا معروف انه مغبرة رقاد ما ينش غير قريب الظهر ..


طبعآ امه استغربت هذا الشي وسارت تصحيه ,,,



ام وليد : وليد قم نش ساعه 9 وانت بعدك راقد

نو آنسر طبعآ


ام وليد : وليد قوووم الظهر تو وانت بعدك راقد

نو ريبلي طبعآ

ام وليد : حي ولا ميت ؟؟؟؟!!!!!


وليد اخير آ : حي بعدني امي بس تعبان ابا ارقد

ام وليد : قوم نبا سمك ابوك محد ساير بيت عمك

( بيت عمك ) هاي الكلمه رنت ف اذن وليد ونط

وليد : شو يسوي ابوي بيت عمي !!!

ام وليد : سار يشوف بيت عمك فاطمه

وليد : شو يبا فيها !!!

ام وليد : ماعرفه من يرجع إسـأله

وليد يتمتم : لا حوش ولا حيره .. إبتلينا

ام وليد : اي حوش وأي حيره بلاك ياوليدي شو ياك !!

وليد : ماشي امي كنت اقول لاحول ولاقوة إلا بالله

ام وليد : قوم انزين الظهر متى بنسوي الغدا بعد

وقام وليد يسبح عشان يتريق ويسير السوق يشتري سمك للبيت



تابعونا ف الجزء الثامن ^^

[فوشية]

هالجزء ضحكني مع انه مأساوي

الخور ابو القرم واليشن والقباقيب


نو آنسر طبعآ
نو ريبلي طبعا

خخخخخخخخخخخخخخ
مبرمج وليد على سستم انجليزي امه غلطانه تقوله ويك اب مااان

مشكور على هالجزء و نتريا اللي بعده

[ولد بن كعب]

خخخخخ خس الله ابليسج آنسه فوشيه ^^


القصه راح اختصرها احسن مافي فايده اسوي قصه طويله الناس بتقول نقرا قصه ولا يزو ^^

واصلا القصه قاربت على الإنتهاء


ثانكس عوده آنسه على تواجدج في كل أجزاء قصتي المتواضعه

[rara]

هالجزء محزن

ومسلي بكلمات وليد

يحليله

نتريا الأحداث

[غموووض]

يعني تقدروا تقولوا انها نص إنهبلت
عجبتني الجمله هههههه
مسكينه هدى حالتها تعور القلب
بس وليد يقهر الصراحه مب قادر يتشجع ويوقف في ويه ابوه ويقوله ان يحب هدى
تسلم اخوي على البارت الحلو
الله يعطيك العافيه
في انتظار التكمله

[ولد بن كعب]

آنسه رارا آند آنسه غموض اشكركم جزيل الشكر على تشجيعكم الحار للقصه^^

[QsAID]

‘‘




السـلآم عليكم والرحمه . ..


بصرآحه ابدعت اخوي . . وانـآ من متـــــآبعين قصتك الغـآويه . . :)

قصه جميله جدآ بفكرتهـآ الحلوه واسلوبهـآ الفكـآهي وطرحهـآ الطيب . .

اتمنى تكون النهـآيه سعــيده . . :)

بالتوفيق لك ف جميل كتـآبـآتك . . :)

[ولد بن كعب]

ثانكس آنسه قصايد وشرف كبير للقصه انج أحد متابعيها ^^

[ولد بن كعب]

الفصل الثامن




قام وليد واتسبح وسلر يتريق على عشان بسير السوق يشتري سمك للبيت .. نرجع لأبو وليد .. طبعآ كلنا نعرف انه هالريال ساير بيت اخوه عشان يشوف فاطمه ورايها ,, بعمنى ثاني إنهم يبوا يخلوا الموضوع طريح أرض الواقع مب بس حكي والسلام عليكم ..



وصل أبو وليد بيت اخوه ..




ابووليد : هووود هووود

أم فاطمه : إهدااا ,, إتفضل إقرب ,, حيَّا الله ابووليد حياك اقرب

ابو وليد : قريب أحسنتي ,, وين ابو فاطمه ؟؟

ام فاطمه : موجود اتفضل بيي أحينه


رحبت أم فاطمه بأخو زوجها وحطت له الفواله وتقهوي .. وقعد ينتظر اخوه .. والا دقايق والريال وصل ..


ابو فاطمه : السلام عليكم ورحمة الله

ابو وليد : وعليكم السلام هلا اخوي ابو فاطمه

ابو فاطمه : هلا اخوي اشحالك عساك بخير ؟؟

ابو وليد : انا بخير الحمدلله وانت اشحالك عساك بخير ؟؟

ابو فاطمه : انا بخير ونعمه الحمدلله ,, متى واصل ؟؟ عسا الحرمه بيضت ويهاا بس !!

ابووليد : واصل من سويعه بس ويحافظ على ام فاطمه ماقصرت بياض الويه عليها

ابوفاطمه : عيل نبا علومك .. ماشي علوم ؟؟

ابو وليد : ماشي العلوم االدار سكون .. وم صوبك ماتخبرنا بشي ؟؟

ابو فاطمه :: ومن صوبنا كذلك علوم الخير والسهاله ..



دامت علوم الخير ,, بعيدآ عن أجواء القصه .. طبعآ هذا طبع الشواب .. يسألوا بعض عن العلوم يقولوا ماشي علوم بس عقب عاد يود عن عمرك يفتوا الأولي والتالي خخخخ



نرجع للقصه ..


ابووليد : والله ياخوي انا ياينك ف موضوع البنت .. نبا الشي رسمي قدام الناس عشان كم يوم وبيتوظف وليد وبنزوجهم وانا اخوك نبا نشوف اليراوه يتراكضوا ف البيت يهيلوا علينا

ابوفاطمه: صدقت وانا اخوك ودنا نشوف يهالنا ف البيت يلعبون

ابووليد : وفي نفس الوقت نبا الموضوع رسمي قدام الناس عشان النس تعرف ان البنت محجوزه لولد عمها

ابوفاطمه : صدقت يااخوي .. عقب حجي عمر شخصيت تقدموا يخطبوا البنت ونرد عليهم ان البنت لولد عمها ..

ابووليد : انزين انت ماشفت البنت ؟؟

ابوفاطمه : لا ياخوي ماشفتها بس ماظن ترد ولد عمها ومابتحصل حد احسن منه

ابووليد : نادها بنشوف رايها

ابوفاطمه : ان شاء الله اخوي .. فاطمه ,, فاطمه

فاطمه من داخل الحجره : نعم ابويه

ابوفاطمه : تعالي وانا ابوج عمج يريدج

فاطمه : ان شاء الله ابويه احين يايه

ويات فاطمه وسلمت على عمها وابوها وقعدت عدال باباتها


ابووليد : اشحالج بنتي فاطمه ؟؟

فاطمه : بخير عمي وانت اشحالك ؟؟

ابووليد : انا بخير والحمد لله .. الواحد هذا الزمن يوم يسير وإيي يقول الحمدلله

ابوفاطمه : بنتي فاطمه عمج ياي يشاورج ويشوف رايج ف موضوع

فاطمه : شو موضوعه ابويه !!!

ابووليد : بنتي فاطمه ,, وليد الحمدلله بيشتغل وندور له بنت مزيونه ومابنحصل له بنت مثلج انتي وخاصه انج بنت عمه

فاطمه : انتوا تبوا رايي ف هذا الموضوع

ابوفاطمه وعمها متهللين ومتفاوليت خير : هي يابنتي

فاطمه : ماباه



ارتسمت علامات الدهشه والاستغراب على ويههم بإثنينهم وقالوا


ليشششششششششششششششششششش



فاطمه : لاني مابي أعرس احينه .. أبا اقابل دراستي .. آم سوسو سوري أنكل .. السموحه اترخص





وسارت فاطمه صوب حجرتها ,, وذرفت دمعه على خدها عن ألف دمعه .. لانها ف الأصل لو بشورها تبا ولد عمها .. بس المشكله انها تعرف ان وليد يحب هديو


ورجع أبو وليد يجر ذيول الخيبه والحسره .. مطئطيء الرأس وقد بلغ منه التعب كل مبلغ



نرجع لوليد اللي مخلي عمره راعي بيت وساير يشتري سمك .. آخر مره قصوا عليه وبايعوه سمك خايس .. وعاد هاي المره عزم انه يتأكد بيشتري سمك نظيف وزين ..


وليد : شو من السمك هذا ابوي ؟؟

البايع : هذا شعري احسن انواع السمك

وليد : وباقي السمك شو فيه !!

البايع : مافيه شي بس هذا السمك زين ومابتحصل مثله ف السوق وشرات سعره

وليد ف خاطره : محد بذم بضاعته

وليد : انزين على كم السمك ابوي ؟؟

البايع : على 80 درهم وشي على 50 درهم .. انت بكم تبا ؟؟

وليد : حط لي ب50 درهم بيسد



البايع حط له السمك ودفع وليد البيزات وقفل راجعآ تجاه الهوم .. وما كان ف خاطره انه بيرجع البيت و بيحصل الخبر الحلو اللي يسره ^^


تابعونا ف الجزء التاسع^^

[فوشية]

السلام عليكم و رحمه الله

اول شي الحمدالله خخخخخخخخخخخخخخخخخخخخخخخخ <======= كانت قاعده تقرا على اعصابها

بيضت الويه فطيم ظلمناها و حليلها باتريسيا سو سو سوري انكل ههههههههههههههههه

من قريت هالمقطع و انا شاقه الحلج بابتسامه هبله عريضه اللي ما يدري اخت وليد ما اباه ياخذ غير هدى

----

مشكور على الجزء الحلو ...
نتريا اللي بعدو ما بدنا تتأخر علينا هيك ما عم بيصير ...

فوشية ورديه

[rara]

مشكور عالقصة

ونحن في انتظار التكمله

[ولد بن كعب]

آنسه فوشيه شكلها القصه بتسير على مبتغاج ^^

آنسه رارا + آنسه فوشيه ثانكس على دعمكم اللامحدود للقصه وان شاء الله الأجزاء اليايه تكون أفضل ^^

[ولد بن كعب]

الفصل التاسع




عقب ماسمع ابو وليد وراي بنت اخوه رجع البيت وهو متضايق لانه كان يبا بنت اخوه لولده وماياخذها حد غريب وخاصه ان فاطمه بنت غرشوبه ماشاء الله عليها ^^



طبعآ دش من باب البيت لاسلام ولا كلام كأن حد ميت عليه فأستغربت ام وليد منه وعلى طول سألته


ام وليد : خير بووليد شو صار اشوفك منت على عوايدك !!!

ابووليد : البنت ماتبا ولد عمها

ام وليد : صدق !!!! وليش شوفيه ولدنا !!! هي بنت 9شهور وهو ولد 9 شهور يعني بشو زايده عليه !!! ولا فوق راسها ريشه !!!

ابووليد : هدي نفسج يا مره .. يعني شو نسوي فيها اذا ماتبغا تعرس احينه !! قالت تبا تواصل دراستها والعرس عمره ماصار بالغصب .. الله ماكاتب بينهم نصيب

ام وليد : خله انا بخطب له بنت من اهلي احسن عنها .. وتخلي هي دراستها ف كردنها

ابو وليد : ياخوفي ان وليد ينصدم من الخبر بس .. اخاف انه يبا بنت عمه .. من ناويه تخطبين له عاد بسمع

ام وليد : احيد عند بنت خالتي بنت اسمها هدى وماشاء الله عليها جميله وايد



طبعا ابووليد على نياته ويتحسب الولد يباها وماكان يعرف ف الاصل ان ولده ما يطيق يشوفها وانه يحب هدهد القمر الأرضي نادر الوجود


ابوليد : إلا وليد وين ؟؟؟

ام وليد : ساير السوق يشتري سمك .. ووصيته بعد يمر دكان بوصالح ويشتري لنا غرشة سحناه بنسوي لهم سيداف على الغدا

ابووليد : زين انا بدش داخل اتسدح ومن يوصل خليه إييني برمسه عن اللي صار

ام وليد : إن شاء الله



ودخل ابووليد الحجره وتمغط ورقد بياخذ له قيلوله على السريع




وليد هاي اللحظات كان راجع من السوق ومر دكان بوصالح واشترى اللي وصته امه عليه ورجع صوب البيت


وليد : امي هذا السمك ونباه مكبوس وهاي السحناه ولاتنسي السيداف

ام وليد : إن شاء الله ,, بس عسا السمك مب خايس نفس هاييك المره !!

وليد : اافا عليج يأم وليد السمك من أجود مايكون لاتحاتي انا ما ينقص علي

ام وليد : انزين سير داخل ابوك يباك

وليد : ف الصاله ؟؟

ام وليد : يس ف الصاله يالا زول خلني بقطع السمك



وسار وليد صوب الصاله يشوف شو يبا ابوه وهو متخوف من ان ابوه فتح الموضوع عند عمه ورتبوا كل شي من وراه وعقبها تتعقد المساله ويفقد هدى .. كان وليد يمشي ويحس ان المسافه أاميال مش أمتار من كثر الهم اللي ثقل خطواته .. دخل الصاله


وليد : السلام عليك ابوي

ابووليد : عليكم السلام هلا وليد تعال اقعد عدالي


قعد وليد عدال ابوه وقاله



ابووليد : ياوليد انا اعرفك تبا بنت عمك وانا سرت اليوم وكلمت عمك وشفنا البنت ورايها



طبعآ هاي اللحظاات كان وليد مره على اعصابه




ابووليد : بس ياولدي ماشي نصيب ولاتفكر فيها وإن شاء الله امك بتخطب لك بنت خالتها



وليد فرح واستانس وايد ولو بشوره يطلع برع الفريج يزاقر بأعلى صوته بس كدر عليه شي واحد من هاي بنت خالة أمه وحس نفسه طلع من مشكله ورجع ف مشكله ثانيه




وليد : انزين ابوي انا بطلع احينه وانت برايك ارقد شوي




وطلع وليد سيدا مثل البرقه صوب امه يبا يعرف من بعد هاي البنت اللي راح تخطبها له .. مع انه ماصدق على الله تخلص مشكلة بنت عمه


وليد : امي من هاي البنت اللي تبين تخطبينها حقي !!!

ام وليد : خبرك ابوك !!

وليد : هي خبرني ,, انتي تعرفينه ابوي ,, غراب وملقف شحمه

ام وليد : حشا هذا ابوك من يسمع الكلمه على طول يذيعها

وليد : انزين يلللا من هاي البنت ابا اعرفها امي

ام وليد : انزين لاتاكلني صبر بخبرك





تابعونا ف الجزء العاشر ^^

[naice life]

تسلم يمنآكـ آبدعت

:)

[rara]

مشكور

ننتظر

[فوشية]

شكرا
نتريا الجزء اللي بعده

[ولد بن كعب]

أسعدني تواجدكم وتشريفكم للقصه^^

[جرح]

متابع .. :icon31:

الكعبي سلمت وسلم خيالك الرائع ..

ننـــــــــتظر .. :icon31:

[الجنيبيه]

تسلم أخوي ولد بن كعب

قصة رائعه ومشوقه

واحنا ننتظرك

[QsAID]

‘‘


يعطيك العـآفيه ع هالبـآرتـآت الغـآويه . .

في انتظـآر البـآرت القـآدم . . :)


بالتوفيق لك . .



‘‘

[ولد بن كعب]

الفصل العاشر




وليد : يمه من هاي بنت خالتج بعد

ام وليد : بلاك انزين ,, تعال ايلس عدالي وبخبرك



قعد وليد عدال امه وهو مفتح أذانيه زين عشان يسمع من هاي البنت اللي بعد كان متوقع انه يطيح ف ورطه مره ثانيه



ام وليد : البنت هاي امها بنت خالتي وابوها متوفي والبنت ماشاء الله تبارك الله قمر ف ليلة 14 واسمها هدى


وليد : من من اسمها امي !!! عيدي ما سمعت !!

ام وليد : بلاك استخفيت !! اسمها هدى

وليد : هدى !!! يلا عيل متى بنخطب

ام وليد : صبر شوفيك قبل بنشوف ام البنت والبنت بروحها ورايها

وليد : ومتى امي بتسيرين ان شاء الله ؟؟

ام وليد : الاسبوع الياي اذا الله خلانا من الحيين

وليد : وشو حقه الاسبوع الياي يمه .. بنسير اليوم احسن بالليل

ام وليد : وابوي على مكرك .. اليوم مايصير نسير بنسير باجر على الأقل

وليد : باجر زين ماشي باس بصبر


وقام وليد من الفرحه ودق امه ببوسه على راسها وهي مستغربه منه وفاكه حلجها وتشوفه



طبعآ وليد من الفرحه نسى الغدا ودق على هدى يبا يخبرها .. هدى كانت تتغدا هاي الحزه ويا ماماتها .. وشوي ودق فونها .. ماقدرت ترد ف عطته مشغول على اساس انها بدق له عقب ماتخلص غدا


وليد : أفا مشغول !! أف شو هالحاله .. أكيد امها عندها احين .. شو اسوي شو تسوى ياوليد شو شو
لقيتها !!!


وطار وليد سيدا على البيت وطاف على امه طلقه زين مادعمها كانت شاله صحن العيش ودش المطبخ وسار صوب المشخله اللي فيها السيداف وغرف ف صحن وحطا عليه المنيوم وطلع

ام وليد : تعال ولد غدا

وليد : مابا اتغدوا امي ما يوعان

ام وليد : شو شال هذا فإيدك ؟؟

وليد : سيداف حق ربيعي



وطلع وليد من البيت ويا أرض شلي ظالم .. طبعآ الفكره اللي يات حق وليد انه بيشل السيداف بيت هدى وكذا بيضمن انه اللي بيطلع له هدى .. وسار الحبيب صوب البيت ووصل ونزل ودق الباب


ام هدى : يمه هدى قومي نشي وشوفي من على الباب

هدى مستغربه : إن شاء الله يمه


وسارت هدى صوب الباب وفتحته وشافت قدامها عفريت الدريز وليد


هدى : بسم الله خرعتني شو يايبنك هاي الحزه الطير ما يطير .. الناس يابوك تترس بطونها وتتغدا وانت تحوم مثل المصفوع على راسه

وليد : هاي يزاتي بعد ياي ابشرج بخبر يسوى ملايين .. وينج ادق لج عطيتيني مشغول

هدى : حشا لله شو هالخبر اللي مخلنك مشتط وماهيدت

وليد : دقيني ببوسه بسرعه وبخبرج

هدى : اتخبلت انت شو .. شو صار لك وليد شو صاير علمني !!

وليد : اول بوسه قلت لج ولا مابخبرج ترا الخبر بجد حلو وايد

هدى : خلاص سجلها ف الدفتر عقب العرس بعطيك اياها .. يالا عاد وليد امي ف الصاله بتقول عند من ترمسين هالكثر

وليد : المهم .. امي باجر بتي تخطبج لي

هدى : صدق !!!!!!!!!!!!!!!!11

وليد : يس صدق .. وهاج هذا سيداف عطيته عمو تاكله

هدى : تسلم .. تعبت روحك فديتك .. يالا مع السلامه ولاتسرع

وليد : مع السلامه يالغلا


ورجع وليد فرحان ومن فرحته نسى انه مامتغدي ومايعرف وين يسير واخيرا قرر يسير صوب الوادي يغير جو



ابو وليد :وليد وينه ماتغدا ؟؟

ام وليد : وليد ياته صولته من خبرته انا بنخطب له هدى وطلع مادري وين سار

ابو وليد : أكيد سار يخض شي من هالسيوح كعادته اليوميه

ام وليد : صلى ع النبي ..شو يخض السيوح وبعدين انت كنت قدامه كذا .. كندوره بترا والمخاطه للحلج وتحوط ف السيح

ابو وليد : هههه شو دراج انتي بهاي الرمسه

ام وليد : تخبرني عنك امك الله يرحمها .. وتقول انك بعد كنت حلط

ابو وليد : يابوج ذيك ايام اول ههههه



تابعونا ف الجزء ال11^^

[الجنيبيه]

ههههههههه


وحليله الشايب حلط
>>> ظهرت فضايحه العيوز
خخخخخخ


والله استانست بهالبارت وايد حلو


تسلم ولد بن كعب ونتريا الاجزاء اليايه

الله يعطيك العافيه

[ولد بن كعب]

جرح نورت القصه وشرفتها بتواجدك العطر ولاتحرمنا من تواجدك يا شيخ^^

آنسه قصايد آند آنسه بنت الجنيبي شاكر لكم دعمكم اللامحدود للقصه ^^

[rara]

بن كعب

شو الحاله وياااااااااااااااااااااااااااااااااااك

تقطع علينا اللحظات الحلووووووووه

لا تتأخر

وإلا بنعقك في الوادي

هههههههههههههههههههههههه

[ولد بن كعب]

هههههه حرام عليج قلبج قاسي آنسه رارا ^^


فالج طيب ان شاء الله بحاول ما اتأخر ^^


ثانكسو على التواجد المملوح ف البيج تبعي

[الجنيبيه]

ولد بن كعب


طولت علينا نخاف ننسى الأحداث
ههههههههه


نتريا التكمله

[فوشية]

هل تعلم ان تاريخ اليوم 18-3-2010
و ان اخر جزء كان بتاريخ 8-3-2010


ما صارت اجزاء انا اطالب اب حلقتين ورا بعض من غير فاصل اعلاني

[الجنيبيه]

صدقها فوشيه لا تحرمنا من ابداعك يالكعبي

[عيونك جنة دنيتي]

طبعا انا اخر متابعه للقصه

والقصه وااااااااااااااايد حلوه واسلوبك أحلى

عاد انا يالسه اقري من الجزء الاول وع بالي خلاص القصه مخلصنها عثريها


بعدها

الصراحه عاد وليد عليه حركات بس ذكي حلوه حركة السيداف

ولد بن كعب لا تتأخر متحمسه اعرف النهايه

يعطيك العافيه اخوي بس عااااااااد لا طول علينا نبى نعرف النهايه

[ولد بن كعب]

الفصل الحادي عشر




وليد كان مستانس وفرحان .. خاصه انه بدأ يلمح طيوف حلمه تتحقق قدام عيونه .. حلو الواحد يرتبط ف الشخص اللي يحبه ,, كذا بدأ وليد يرمس ويا نفسه .. غيم الجو وزاد صاحبنا فوق الراحه راحه ..



هدى كانت هي الثانيه فرحانه ومستانسه ,, ماكانت مصدقه اللي سمعته من وليد عشان كذا قررت تدق له وتتأكد انها ف كامل قواها العقليه ..




وليد : السلام عليكم .. هو اسبيكنج ؟؟

هدى : عليكم السلام .. اشةوفك قالب انجليزي شالسالفه !!

وليد : ولا شي بس حافظ هاي الكلمتين وقلت اتهندس عليج شوي

هدى : عشتوا .. انت العربيه ماتضبطها كيف عاد الانجليزي

وليد : انا ما اضبطها يالعيوز !!

هدى: عيز حيلك .. تو انا بنت ال20 سنه عيوز يالشيبه المتكسح انت !!

وليد : يس عيوز وحليانه بعد

هدى : انا حليانه !!

وليد : حليانه وكحيانه بعد

هدى : انا كحيانه !!

وليد : وحصه بعد

هدى : انا حصه !!

وليد : وهسه بعد اذا ماعندج خبر

هدى : انا هسه !!

وليد : يس وشاري لج اسفنجه شينكو عشان تتفركين بها وتتنظفي

هدى : هههه معليك يالدب

وليد : انا مادب انا رشيق

هدى : المهم حبيبي عيد لي الشريط انا ماصدقه من يوم خبرتني حاسه نفسي بطير

وليد : لا فديتج لا تطيري اباج انا

هدى : ومتى ان شاء الله بتيوا ؟؟

وليد : باجر ان شاء الله جهزي لي بسبوسه حاطري فيها

هدى : ان شاء الله فالك طيب الغالي أبشر

وليد : فالج مايخيب يالغلا .. المغرب قرب انا برجع البيت اوك حبيبتي ؟؟

هدى : اوك يالغلا ودير بالك




اخيرآ رجع وليد البيت من بدع غيبه قاربت الاربع ساعات من عقب الخبريه الحلوه اللي سمعها من امه




ام وليد : خلاص ييت من رغادتك ؟؟

وليد : هلا امي سرت اتمشى شوي صوب الوادي ورجعت

ام وليد : زين روح اتسبح عشان تلحق على صلاة المغرب

وليد : ان شاء الله امي .. صدق ابا اتعشى خبز وقشطه

ام وليد : ليكون قابظنك وحام .. من يومين تتعشى خبز وقشطه

وليد : هههه شو قابظني وحام .. بس هاي الايام احب القشطه ياقشطه انتي




سار وليد يتسبح ويتجهز للصلاه




**************************************************




وليد : يالا يمه انا جاهز شوفي ابوي اذا جاهز ولا لا

ام وليد : ابوك جاهز يترياك ف السياره يالسدك انت .. ساعه تتجهز حشا لله

وليد : يالا امي تو ياي دقيقه نسيت اتعطر

ام وليد : اف منك ولد .. دومك وني يالا هيا



وركبوا الجماعه ف السياره وساروا صوب بيت ام هدى يخطبوا هدى حق وليد


ابو وليد : وين عصاك ولد ؟؟

وليد : مايبا ابوي حق شو عصا .. واذا لازم نفاد بشوفي لي زوره وانتهت السالفه

ابو وليد : انت ماتيوز عن طبعك بس اشوفني تو بوخر وبرجع البيت

وليد : لالالا دخيلك ابوي شي عصا ف السياره وبنزلها معاي

ابو وليد : هي زين خلك ريال انت ماصغير تو ريال طولي

وليد : ان شاء الله ابوي بس لاتهزبني قربنا من البيت





وصلوا الجماعه ونزلوا للبيت وطبعآ ام وليد كانت مخبره ام هدى انهم بيوا صوبهم بس ماخبرتها بالموضوع ..






تابعونا ف الجزء الثاني عشر ^^

[فوشية]

والله محد يباله هزاب الا انت ...

الحينه وايد متعب نفسك كاتب هالسطرين مستانس يعني ؟؟؟

ولا مسلسل مكسيكي .. لو اشوفلي تركي احسن على الاقل فيه احداث ..

حتى بيت هدى ما دخلتهم ... بعدنا واقفين عند الباب ..

<====== مغيضه من الخاطر

[ولد بن كعب]

الفصل الثاني عشر





وصلوا الجماعه بيت ام هدى ونزلوا بدخلوا .. طبعآ هدى عرفت متى وصلوا لان حبيب القلب على الدقيقه يمسج لها يخبرها وين واصلين ..


ام هدى : قومي يمه كأنهم وصلوا العرب

هدى : هي يمه اسمع صوت سياره وقفت قدام بيتنا

ام هدى : قومي يمه شوفي ورحبي بهم

هدى : ان شاء الله يمه



وقامت هدى تمشي صوب الباب ومن وشوي وتسمع الدق على الباب ..



ابووليد : وينهم محد طلع

ام وليد : بلاك مستكظ بو وليد مامداك تدق الباب وتقول محد طلع !!

هدى : السلام عليكم حياكم خالتي اتفضلوا دشوا

ام وليد : هلا بنيتي اشحالج عساج بخير

هدى : الحمدلله خالتي انا بخير اتفضلوا دشوا .. اشحالك عمي بووليد عساك بخير

ابو وليد : هلا بنيتي انا بخير الحمد لله انتي اشحالج

هدى : الحمدلله عمي انا بخير حياكم قربوا





طبعآ كانت هدى مستحيه لدرجه كبيره وخدودها لونهم صاير فوشي من الحيا وفي نفس الوقت ماوسعها الكون من الفرحه وياما حلمت بهذا اليوم .. دخلوا الجماعه وسلموا على ام هدى وقعدوا ف الصاله مع بعض يسولفوا



ام هدى : يالله يابنت خالتي انتي وينج قطعتينا قطعه من زمان ماشفتج خويتي

ام وليد : والله شو اقولج يا بنت الخاله ماودي اقطعج بس اشغال البيت والعيال ربشه والواحد زين يحصل له وقت يرتاح فيه .. والله من انش الفجير لحد العشا ما احط راسي وارتاح ,, الا تغسيل وعيان وطباخ غدا وعشا وتنظيف البيت وماشاء الله بيتنا كبير خويه وتعرفي الحاله بروحج

ام هدى : صدقتي والله الحمدلله انا مفتكه من اشغال البيت عندي هاي البنت مهيله علي والله اني احاتي عمري ان ياهاه نصيبها وعرست بتم الا بروحي





وخذن الحريم ف السوالف وعاد تعرفوا الحريم ماشاء الله كانهم محنكات بيذع سمره من يرمسن مايسكتن.. ووليد وابوه فاكين حلوجهم ويتسمعوا رمسة الحريم







ام هدى : هدى يمه حطي الفواله لأبو وليد وولده بيتقهويوا وعقب بنتقهوى نحنا بروحنا

هدى : ان شاء الله يمه



وقامت هدى صوب المطبخ وجهزت كل شي ويات بالفواله وحطتها حق ووليد وابوه وطبعآ بين فتره وفتره كانت تسرق الغفله وتبادل وليد نظرات الفرح .. تقهوي وليد وابوه .. من ضمن القهوه كانت هدى مسويه بسبوسه وآيس كريم فيه قطع فواكه مشكله .. طبعآ وليد رقد على صحن البسبوسه وابوه عيبه الأيس كريم


ابووليد : هذا الاسكريم غاوي فيه مال إسوا موز وهمبا

وليد : بشو يذكرك ابوي هذا الإيس كريم ؟؟

ابووليد : ماعرف بشو يذكرك انت ؟؟

وليد : يذكرني بالمغبره اللي اتسويها امي حق البقر تقطع لهن مال يذوع موز وتخلط لهن من كل شي

ابووليد : وابوي عليك اسكت لاتفضحنا

وليد : حشا الواحد مايقدر يقول كلمه

ابووليد : شوقلت !!

وليد : ماشي ابوي كل من هالبسبوسه غاويه

ابووليد : مابا ماحب نقيشات هالزمن الا بسبوسه وكيكة السنافر واصابع ريول زينب ومادري شو قبل نحنا ف ضغرنا ناكل غز سح ومن الذباب اللي يحوم عليه مانقدر حتى ناكله وانتوا ليوم مبطرين بهالشي

وليد : اثاريكم حصوص ابوي ف زمانكم حشا .. لوعت علي

ابو وليد : كل اانت واذا بسك قوم شل الفواله صوب النسوان وتعال غنم علي قهوه






قام وليد وشل الفواله صوب الحريم وغنم على ابوه قهوه وقعدوا يسولفوا لحد مايخلصن النسوان من القهوه وبيفتوا السالفه وبيقصوا الحيه ..



ابووليد : هاي هدى ؟؟ ماشاء الله عليها بنت غاويه بس تبا حد يداريها

وليد : وانا شوفيني ابوي بداريها طال عمرك لاتخاف

ابووليد : انت ترقد والعلوكه ف حجلك وين تدارى حد بروحك تبا حد يداريك

وليد : هذاك زمان لما كنت تتون تو ما آكل لبان خلاص اونه يسوي كرشه عاد انا بروحي اسوي رياضه عشان أخف






خلصن الحريم من القهوه عقب ما يئس وليد وابوه من الانتظار ورمست ام وليد وفتت السالفه





ام وليد : ام هدى نحنا طالبين القرب منج ونبا بنتج هدى حق ولدنا وليد .. مابنحصل بنت احسن من هدى وانتي بنت خالتي منا وفينا





تفاجئت ام هدى باللي سمعته .. نص انصدمت .. بس اللي سمعته كان شي يفرحها لان بنتها مابتسير بعيد عند بنت خالتها


ام هدى : هاي الساعه المباركه بنت خالتي البنت بنتكم ومابتحصل حد احسن عن وليد ..

ام وليد : انزين ماشفتيها شو تقول البنت هذا زواج الغاليه

ام هدى : هدى شو تقولي ف كلام عمتج ؟؟







هاي الساعه نزلت غمامه من الحيا على هدى وزادتها فوق حلاها حلا وجمال وردت بكل دلع وقالت




هدى : الراي رايج يمه



وكان هذا بمثابة دليل الموافقه من جانب هدى .. واخذ الجميع يسولف ف امور العرس واتفقوا على المهر وعلى الخيمه والعشا وما إلى آخره من امور متعلقه بالعرس .. ولايخفى عليكم كانت فرحة الجميع كبيره بهاي المناسبه




تابعونا ف الجزء الثالث عشر ^^

[ولد بن كعب]

آنسه بنت الجنيبي وآنسه عيونك جنة دنيتي وآنسه فوشيه المعصبه شاكر لكم دعمكم الكبير ومؤازرتكم الحاره للقصه الخربوطيه مالتي ^^

[عيونك جنة دنيتي]

ياااااااااااااااااااااربي بعد جزء ثالث عشر
بسنا ملينا من الصبر
نبى نعرف النهايه
متى ياي تخلصها؟؟؟

[ولد بن كعب]

لا تستعيلي آنسه ان شاء الله كم جزء وبتخلص ماباقي وايد ^^

[فوشية]

مشكور على هالجزء .. يلا نتريا التكمله ..

بس صراحه اصابع ريول زينب اكله رهيبه .. شكلك تاكلها 24 ساعه

الحينه من صدقك في سويت جذي اسمه ... تلوعون جبود الناس انتوا ؟؟؟؟؟؟؟؟

انا موافقه انا موافقه ان هدى تتزوج وليد
<==== شو يخصج خخخخخخ

[rara]

يزاك الله خير عالأجزاء نتريا بقية القصة

[ولد بن كعب]

آنسه فوشيه ماشي بس هذا اسمه استهبال خخخ

فالج طيب آنسه رارا ^^

[ولد بن كعب]

الفصل الثالث عشر







اتفقوا الجماعه على المهر وعلى موعد العرس وطبعآ بكون عقب ما يتوظف وليد وعلى طول بيعرسون














ابو وليد : يالا ام هدى نحنا بنترخص احينه

ام هدى : ربي يحفظكم يا بووليد وزورونا

ابووليد : ان ام هدى بنزوركم انتوا اهل وانساب

ام وليد : يالا بنت خالتي مع السلامه

ام هدى : مع السلامه ام وليد



طاف وليد من قرب هدى وقالها



وليد : قولي لي انتي بعد مع السلامه ولا مالنا رب

هدى : روح لا تشوفك امي بسرعه

وليد: ما بروح اول قولي مع السلامه

هدى : اف منك تحب تغايظني بس

وليد : اكيد طبعآ .. يالا بيباي قلبي




رجعوا الجماعه صوب بيتهم عقب ما رتبوا امورهم .. وفرحة وليد طبعآ ماتنوصف وبقى يعد الأيام متى بيتصلوا له حق الدوام ..


************************************************** ***************




مرت الايام وفي يوم دقوا حق وليد من الوزاره يخبرونه ان الدوام عقب اسبوع .. طاف الاسبوع وراح وليد على دوامه وكان ف المستشفى القريب منهم .. ومضت الأيام والاسابيع والشهور وكمل وليد ف دوامه ال6 شهور وقرر انه يتزوج




وليد : يمه خلاص انا كملت 6 شهور ف دوامي ورتبت اموري وابا اتزوج

ام وليد : بعدك ياوليد صغير على العرس تو الناس

وليد : هي صح صغير امسات تراني مفطوم

ام وليد : وانت شو عايلنك

وليد: ماتبي اتشوفي عيالي يراكضوا لج ف الحوش ؟؟ يكسروا عليج الوعيان ويخيسوا البيت ؟؟ ماتبي حد يونسج وكل يوم يخرب شي فالبيت ؟؟

ام وليد : والله انت قدامهم شيطان واكيد عيالك طفوس بطلعوا عليك

وليد : فديت عيالي انا بعطيهم دورات ف الطفاسه

ام وليد : بس عاد وانت كلم ابوك بروحك

وليد : انتي يمه كلميه احسن

ام وليد : اف منك ولد امك انت

وليد : ولد امي وولد ابوي بعد

ام وليد : زين عورت لي راسي خلاص برمسه




وراح وليد داخل غرفته .....




وليد : خلني ادق على هاي الترشه هديو بنشوف شو اخبارها

هدى : هلا بالغالي

وليد : هلا بالغلا كله

هدى : شو رمست عمي ف موضوع عرسنا ؟؟

وليد : لا فديتج رمست امي وهي بترمسه لا تخافي خلاص انا اموري جاهزه

هدى : انزين لو انت رمسته احسن

وليد : اول شي بنشوف ماما شو بتسوي وعقب بخبرج

هدى : اوكي تمام بس حاول ها الاسبوع

وليد : ان شاء الله فديتج




ورجع وليد حق امه بضيف لها بعض الطلبات الثانيه عشان اتخبر بها ابوه



وليد : يمه خبري ابوي انا هاذا الاسبوع بنعرس ان شاء الله

ام وليد : اف منك ومن طلباتك .. انا مابرمس حد انت فيك لسان وارمسه بروحك

وليد : مابا امي انتي رمسيه احسن

ام وليد : انزين خلاص خلاص انا برمسه حل عني بسير اطبخ الغدا



وسارت ام وليد تطبخ الغدا وخلت وليد ف الصاله عقب ما شبعت من طلباته وكلامه اللي يعور الراس



تابعونا ف الجزء الرابع عشر^^

[عيونك جنة دنيتي]

ياخي ولد بن كعب بسنا من الاجزاء خلص القصه نبى نعرف النهايه
وإلا لا يكون بتسوي مسلسل تركي

[فوشية]

لا فديتج هذا يعطونه فلوس عشان يمدد الحلقات ما ادري منو قايله كل ما طولت كل ما زدناك فلوس ...

...

لا تزعل بعدين تتأخر اسبوع ... نترياك نحن كملها ...

[ولد بن كعب]

إن شاء الله آنسه عيونك جنة دنيتي راح تخلص قريب^^


آنسه فوشيه خلاص زعلت مابكملها الا عقب شهر خخخخخ

[نبضsqu]

الله يعافييك القصه وايد حلوه والاسلوب احلى
ابي اقراها كلها......متى بتخلصها؟؟؟؟؟

[الغزلاني]

يعطييييييييييييييك الف الف عافيه يالكعبي ع القصه عااد انا مابمدحها لاني بعدني ماقريتهاا اليووم سويت كوبي حق كل البارتات اللي انته نزلتهن وهالويك اند ان شالله بقراهاا كلهاا خخخخ كشخه انا بقراها جي كامله هب متقطعه ههههههههه لاني من الردود اشوفهم يمدحون ومتحمسين يقرون الجزا اللي عقبه والله اتحمست اني اقرا

روووووح يالكعبي والقلب داعليلك خخخخ مافيك حيله والله

[الجنيبيه]

أخوي ولد بن كعب تسلم على التشويق

طولت علينا ؟ إذا ممكن تنزل بارت يديد

[rara]

يزاك الله خير

وننتظرك

[الغزلاني]

هيه يأخي انا بعد أقول أنك طولت يالله انا اتريااااااااا تكملة القصه بفارغ الصبر هع هيه صدق وترانيه قريت القصه والله انها طرطريشن قريتها انا واختيه صدق صدق طررررررر مافيك حيله والله ونرقب التكملة

[ولد بن كعب]

إن شاء الله فالكم طيب بكملها بس اخلص اختباراتي وبواصل باقي الأجزاء ^^


مشكورين كل من تواجد ويعطيكم العافيه على الدعم اللامحدود على القصه وربي لاهانكم جميع^^

[الجنيبيه]

الله يوفقك أخوي ولد بن كعب فالاختبارات يارب

وخذ راحتك أهم شي دراستك

[فوشية]

الحق العيار لباب بيته .. بنشوف ان خلصت الاجزاء السابعه و السبعين بعد المئه ...

مكسيكي .. مب عماني

يلا الله يوفقك و تنجح و تسوي عرس على قوله الجنيبيه مب عزا

نبا كيكه نجاحك مقدما

[ولد بن كعب]

آنسه الجنيبيه آند آنسه فوشيه الله يوفقكم يارب وابصراحه ماكو كيك بخبر ماماتي تسويلكم خبز رقاق وعليه بيض وفوقه جبن المراعي اذا تبون ^^

[فوشية]

يااااااااااااااااااااي شو هيدا شي بيعئد كتير كتير

لك شو اسما هالاكله ؟؟؟ er`a eggs and cheese

من هريتيج فيليج كافيه ؟؟؟؟

<==== شكلها بتنرش بالكنكري

[ولد بن كعب]

والله لو اخبر عليج امي بتورج ما بكف كنكري إلا بتريب كنكري خخخخخخخ هاي أكلات ماماه الشعبيه بس بطريقه أكثر حداثه شوي هع هع

[ولد بن كعب]

الفصل الرابع عشر ^_^






ام وليد : تعال بووليد برمسك شوي

ابو وليد : هلا ام وليد هااا شو هناك !! شكله عندج كلام ماقادره تمسكين لسانج

ام وليد : يابوك هذا ولدك خرشان مادري شو حل عليه يبا يعرس هذا الإسبوع

ابووليد : أبركها من ساعه .. خليه يعرس وانتي شو حارقنج !! ماتبي تفرحين ف ولدج !! بعدين عسا يعقل وتخف طفاسته عقب مايعرس ,, ماشاء الله هدى بنت زينه وبتغيره

ام وليد : هي والله صدقت هدى بنت الله راضي عليها .. عيل خلني أدق على بنت خالتي أخبرها عن تقول بعد رتبتوا كل شي وماخبرتوني

ابووليد : هي احسن خبريها وردي علي








قامت ام وليد ودقت على بنت خالتها ام هدى علشان تخبرها بموضوع العرس وعلى شو اتفقوا



ام هدى : هلا ام وليد اشحالج الغاليه

ام وليد : هلا ام هدى بخير الله يسلمج وانتي شحالج وشحال هدى

ام هدى : الحمدلله بخير يسرج الحال خويتي

ام وليد : تستاهلوا الخير والعافيه .. إلا ام هدى بغيت اخبرج ان وليد وابوه يبوا العرس هذا الإسبوع بيملكوا وبيعرسوا ف ليله وحده وقالي ابووليد اخبرج عشان تستعدوا وتاخذون الأغراض وشو تحتاجونه حق العرس لانه بيطرش المهر باجر

ام هدى : ان شاء الله اختي ام وليد ودنا نفرح ف عيالنا دام ف العمر سعه

ام وليد : عيل ان شاء باجر بيمر عليج وليد وابوه وبيسلموا لكم المهر

ام هدى : إن شاء الله خويه

ام وليد : يالا مع السلامه

ام هدى : مع السلامه






طبعآ ام هدى كانت فرحانه بالخبر وايد وأخيرا بتشوف هدى بنتها عروس وعند وليد يعني بتموت وهي مطمنه على بنتها لانها ماسارت بعيد .. عند بنت خالتها ام وليد وياما تمنت هدى تكون من نصيب وليد وبدت تحس بوادر حلمها تتحقق وتكون واقع يرسم الفرحه على ويه هالمسكينه اللي شقت وتىعبت وايد ف حياتها عقب موت زوجها ابوهدى لما كانت هدى بعدها بنت صغيره وترضع ..



سارت ام هدى وخبرت بنتها هدى بكلام عمتها ام وليد وماصدقت الخبر وطارت ف غرفتها ودقت الباب بقفل ودقت على حبيب القلب وليد تتأكد من الي سمعته .. الفقير وليد يحليله كان راقد وزيغته هدى بفونها


وليد( يرمس عمره ) : خيبه حشا من هذا داق تو هالحزه زيغنا أف من هالربع مايرقدوا حشا كأنهم عيال ين مب اودام .. اووووه هاي هديو فديتها خلني انكت فيها قبل

وليد : أختي العزيزه ان العميل صاحب الرقم ******* الذي طلبته نائم حاليآ يعني منخمد يعني منطمر راقد الرجاء الإتصال في وقت لاحقآ .. مع تحيات لجنة مكافحة الإزعاج والضوضاء في شركة اللي يدق رنه مايطيح الجنه ..


هدى : بس خلصت ؟؟؟؟؟؟؟؟

وليد : شو بقا بعد ماقلته ذكريني فديتج

هدى : ماغنيت لي

وليد : شو اغني لج انتي تآمري فديتج

هدى : اي شي

وليد : ماشي اغنية اسمها اي شي !!!

هدى : لاتغصص بي اقصد اي اغنيه

وليد : آهااااااااا .. انزين بغني لج مال بروغه يوم يقول وااااعلي ووا على حالي ,, سرت أصلي وسرقوا نعالي

هدى : آآآآخ شو هاااا .. الله يكون ف عوني على الشايب اللي باخذه وبتزوجه

وليد : نعم نعم !! انا شيبه يعني ؟؟

هدى : هي انت شيبه ومافيك ضروس غير ضرس واحد ويرقل بعد

وليد : خلاص بنأجل العرس اسبوع زياده تو بخبر ابوي

هدى : لالالالالالا دخيلك بس ما شيبه خلاص انت شباب

وليد : قولي انج انتي عيوزج

هدى : سر إنقع ف أقرب درام كشره انا فديتني بنت 20 سنه تبا اقول انا عيوز !!

وليد : خلاص بنأجله اسبوعين

هدى : حرااااااام عليك خلاص تو بصيح

وليد : لالالالا بس خلاص الا اتغشمر حبيبتي لا تصيحي اصلآ انا ما اصبر عنج اتعرفيني زين

هدى : أعرفك فديتك .. آآآآه ياوليد وأخيرآ بنعرس .. اتصدق مشتاقه اسحبك من خدودك لحد ماتصيح

وليد : اتحراج بعد بتقولي مشتاقه لك وايد .. وبعدين انتي خدودج اكبر من خدودي انا بسحبهم لج وبصفعج من الخاطر

هدى : هي انت تصفعني ,, انا ألأعب كراتيه اذا ماخبروك يعني تحذر اي غلط برفسك ف كرشتك العوده

وليد : ههههه بنشوف انزين

هدى : وليد حبيبي صدق وافق ابوك نعرس هالاسبوع ؟؟؟

وليد : يس حياتي وافق لان هو يبا يعرس بس خاش السالفه عن امي ومحد يعرف غيري ولو ماوافق بخبر عليه امي وبتروغه من البيت خخخخخ

هدى : هههه بعد حتى عمي يبا يعرس

وليد : عشان كذا وافق







تابعونا ف الجزء الخامس عشر ^^

[rara]

شكلنا بندوس في كرشتك يالشيبه

شو هاااااااااااااااااااااااااا

يا أخي خلص لنا القصة

نبا نحضر العرس

مشكور يا خفيف الدم

نتريا بقية الأحداث

[ولد بن كعب]

الفصل الخامس عشر





ابووليد : ام وليد ليش ماوعيتي هذا الطبل من رقاده ؟؟ نبا نسير صوب ام هدى بنسلم لهم البيزات يالا عاد

ام وليد : صبر علي يابوك موعتنه من ساعه بس هذا مغبرة رقاد طالع عليك

ابو وليد : حشا يابوج انا راسي خفيف هذا الولد طالع عليج انتي من ترقدي ماتدرين بالدنيا

ام وليد : حشا علي انا الحمدلله انش من الفير اسوي الشاهي والقهوه وانظف البيت حتى زرب الهوش انظفهو من حلاته ونظافته ودك ترقد فيه

ابو وليد : هههه الله يسامحج يام وليد انا عاد ارقد ف زرب الهوش .. شو تيس صومالي انا ولا نجدي

ام وليد : ايه انت انا ماقلت كذا انا اقصد نظافتي

ابووليد : زين ياام وليد تو روحي وعي هالطبانه وليد بنسير الظهر تو الشمس فوق

ام وليد : انزين انزين صبر علي





وسارت ام وليد عشان توعي ولدها وليد ليش انهم بيسيروا عند ام هدى يسلمون لها مهر بنتها عسب يتجهزوا ويرتبوا امورهم لان عقب 4 أيام العرس والكل معزوم طبعآ ^^




ام وليد : وليد يالخايس قوم نش ابوك يبا يسير عند عمتك ام هدى بتسلمون المهر لهم يالا قوم ولا بييب العسو وبخليه يغني على ظهرك يالا أشوف

وليد : يمه بعدي ماشبعت ,, فيني كيلو رقاد

ام وليد : انت لو ترقد لحد الظهر مابتشبع

وليد : لا يمه انتي تعرفيني ما حب الرقاد وايد بس عاد امس سهرت ويا سعيد ولد صبوح بنت فطوم الخبيله

ام وليد : ايه انت شو تخربط شو تقول !!!! يالا قوم نش عاد ولا والله اصب عليك قلاص ماي بارد وانا حلفت

وليد : لالالا دخيلج تو بقوم .. حشا حتى ف رقادنا ما متهنين

ام وليد : شو قلت !!!!!!

وليد : قلت ان شاء الله يمه تو قايم

ام وليد : اتحرا بعد يالا انا طالعه




وقام وليد يحليله وهو ماقادر يفتح عيونه من الرقاد اللي فيه وسار يتسبح وتلبس وطلع يتريق








وليد : السلام عليكم

امه وابوه : عليكم السلام تعال تريق بنسير الظهر ماشي وقت

وليد : ابوي بعده الفير الناس راقده من يسير عند حد تو الساع 8 بعدها مايات

ابووليد :اتريق انت خل عنك الفير ومافير يالا ولا بكبه عنك على شاة أمك سبتوه

وليد : لا بس بتريق .. كب لي ابوي كوب شاهي دام الدله عدالك

ابووليد : امف عليك تأمر على ابوك صدق انك ماتستحى

وليد : امي ترا ابوي ناوي .. وقاطعه ابوه بسرعه : اسكت سكت حيلك بس خلاص بكب لك شاهي

وليد : خخخخ اوكي ابوي بس كب لي نص كوب لا تترسه لشخط الكافر

ابووليد : الله ياخذك من ولد محد يأتمنك بشي

ام وليد : هااا شو هناك !!! شو خاشين عني !!

ابوليد : ماشي يابوج ماخاشين شي

وليد : امي هذا ابوي الله يسلمج يبا يسافر الهند يتمشى اونه

ابووليد : هي صح نبا نسافر انا وبو عبدالله نغير جو

ام وليد : الله عليكم يالشواب تبون تسافروا وما تبون تاخذونا معاكم !! انا بخبر ام عبدالله وبنلصق فيكم لصقه انتوا الرياييل مامنكم امان .. يالا أشوف سيروا عند ام هدى اكيد انها تترياكم تو







وسار وليد وأبوه عند ام هدى وطبعآ ف السياره دار بينهم هذا الحوار




ابووليد : يالطبل انا ما قايلك ماتطرا قدام امك شي ؟؟ وشو لودرت اليوم هأأأأأأ .. اعتقد مالي قعده ف البيت

وليد : خخخخ دواك ابوي تستاهل عيل تو انت تبا تعرس وتاخذ على امي حرمه .. مصيرها بتعرف امي شيطانه ماينخش عليها شي وتالي بتحرقك انت وياها

ابووليد : صدقت ف هاي يابوك امك ابليس بكبره .. ماشي ماتعرفه

وليد : عيل احسن لك كنسل عن العرس

ابووليد : اشوفني بكنسل خير شر مافيني على صدعة امك





وقعدوا يسولفوا لحد ماوصلوا بيت ام هدى ...........................




ابووليد : دق الباب وليد عشان تطلع لنا ام هدى

وليد : وحق شو ادق الباب !! صبر بدق على هدى وبتطلع لنا ......... ودق ووليد على هدى فون عسب تطلع وتفتح لهم الباب

هدى : هلا وليد

وليد : هلا هدى يالا طلعي وفتحي الباب نحنا برع

هدى : ان شاء الله هسه يايه لحظات

ابووليد : الله اكبر عليك بعد عندك رقمها .. بعدك ماعرست .. انتوا عيال هاليومين شياطين

وليد : اباك تتعلم ابوي كيف تغازل

ابووليد : قوم عني مناك .. اللي عنده امك وين يغازل


ف هاي اللحظات طلعت هدى وفتحت الباب ودخلوا الجماعه وسلموا على ام هدى وتقهويوا وسولفوا وعقب طلع ابووليد البيزات وسلمهم لأم هدى


ابووليد : ام هدى هاي البيزات ورتبوا اموركم لان العرس والمكله ف ليله وحده ان شاء الله بنمكل وبنشل البنت

ام هدى : ان شاء الله يابووليد

ابووليد : واي شي تحتاجونه خبروني او خبروا وليد وهو بطوف عليكم وبوديكم السوق تشترون مستلزمات العرس كامله

ام هدى : ان شاء الله يابووليد لاتوصى




وطلع ابووليد وولده راجعين صوب البيت واتفق وليد مع هدى انهم باجر العصر يسيروا السوق ياخذون اغراض العرس






تابعونا ف الجزء السادس عشر ^^

[rara]

ولد بن كعب

احس وليد شخصيتك الحقيقية


هههههههههههههههههههههه


نترياك مع بقية الأجزاء وحفله العرس

[ولد بن كعب]

هههههههه لالالا انا يحليلي مب طفس ^^


يسلموا آنسه رارا على التواجد المملوح ودعمج اللا محدود للقصه ^^

[فوشية]

انت ايه ... عسوا امه بخليه انا يغني على ظهرك ...

ما صارت قولنا على الاقل كم حلقه بقت ؟؟؟ مسلسل رمضاني 30 حلقه

اخاف تسوي نفس الافلام التركيه كل الاحداث في الحلقه الاخيرة ...

و بعدين عطني رقم ام وليد ان ما خبرت على هالشيبه يبا يعرس بعد ريايل ما منهم امان ....

يلا بعد لازم نشكرك على هالجزئين .. مشكور تعبت نفسك ( وايد عليج )

[ولد بن كعب]

آنسه فوشيه باقي بضع أجزاء فقط ^^


لاتستعيلي على رزقج بتخلص القصه قريب واستهدي بالله لاتخبري على الشيبه خليه يعرس شو وراه ^^

[غلا وكلي حلا]

ماقول غير مافيك حيله ياخويه


رييه يعطيك العافيه


نتريا البارت التالي

[ولد بن كعب]

آنسه غلا ربي يسلمج على المرور الغاوي ^^

[الجنيبيه]

ولد بن كعب

تسلم على القصه

واحنا متابعين ^^

يعطيك العافيه

[ولد بن كعب]

آنسه بنت الجنيبي شاكر لج دعمج اللامحدود للقصه ^^

[عيونك جنة دنيتي]

ولد بن كعب
كل ما تخلص جزء قلت القصه بتخلص قريب
وانا اشوفها اكثر اطول وبعدها نجود ما طلعت ف القصه
شكلها القصه مسلسل تركي
المهم احنا نتريا النهايه
ويعطيك العافيه ع القصه الحماس

[ولد بن كعب]

آنسه عيونك جنة دنيتي القصه في طور النضج باقي كم جزء وبتخلص إن شاء الله ^^

[الغزلاني]

مآفيك حيلة الكعبي على القصه صدق الكل متحمس خخخخخخخخ ويعطيك ربي الف عافيه وترانيه انا اتريا هالنجود اللي بتي ع غفله خخخخخخخ ولا بس هيك اسم القصه

ثانكيووو كتير كتير وعساك ع القوة دووووووووووووووووم

[ولد بن كعب]

هلا آنسه غزلاني


لا نجود بتطلع عما قريب إن شاء الله .. واشكر لج دعمج الكبير واللامحدود للقصه آنسه ^^

[ولد بن كعب]

الفصل السادس عشر





ام وليد : يالا وليد بنسير السوق تو بأذن المغرب ام هدى تتريانا يحليلها من ساعه وانت بعدك ماتسبحت

وليد : دقايق يمه بترشرش بماي على السريع وبلبس وياي .. يابوج هذا ابوي أخرنا عقب صلاة العصر مر بيت عمي

ام وليد : شو يسوي بيت عمك !!

وليد : سار ياكل فوالتهم ورجع .. ماشي شغل

ام وليد : يالا انزين خلص ولا تو ببطل ومابسير خير شر

وليد : لا يمه دخيلج تو بخلص

ام وليد : يالا اتسبح بإيديك وريولك .. خلص بسرعه اترياك

وليد : ان شاء الله امي






وسار وليد يتسبح ولبس وكشخ وطلع هو وامه صوب بيت ام هدى بياخذوا هدى وامها معهم وبيسيروا السوق يشتروا اغراض العرس





وليد : نزلي امي وشوفيهم اذا مخلصين بنسير السوق لحد مانرجع .. اخاف نرجع نص الليالي اننتوا الحريم محد يشتهي يوديكم سوق .. دواكم حد يهدكم ف السوق ويروح عنكم ومتى تخلصوا يرجع لكم

ام وليد : خسك الله ,, صبر علي بشوفهم




ونزلت ام وليد ونادت هدى وامها وكانوا جاهزين ينتظروا وليد وامه .... ركبوا وساروا صوب السوق تحفهم العنايه الإلهيه والرحمه الربانيه .. والسوق طبعآ مش بعيد عنهم لذيك الدرجه مسافة 20 دقيقه بس بالسياره ..




ام وليد : بس وليد نزلنا قدام هذا المحل بناخذ الملابس من هنا باقي المحلات قريبه ما نبا سياره بنمشي انت بس كون قريب عشان بتشل عنا الاغراض وبتحطه ف السياره

وليد : وااااغشي اختلفت كولي آخر زمن

ام وليد : شو قلت !!!!

وليد : قلت ان شاء الله يمه


وضحكت ام هدى وبنتها على وليد ورمسته وقالت هدى : انزين شوفيها احسن عشان تتعود عقب لما بنسير سوق انت تراك بتشل الاغراض ولا تبا بعد انا أشلهم عنك


وليد : انتي بتاخذي معرس ولا حمالي ههههه


ام هدى : بتاخذهم الاثنينه .. لازم تتعود على بلا النسوان ياوليدي


وليد : امري لله عمو بس عاد انقفضوا بسرعه لاني بديت احس باليوع

ام وليد : انت طول وقتك يوعان حشا من يوم ربيتك وانت ماتشبع من الاكل بس ما مأثر فيك

وليد : الله يخلي عصير العنص محافظ على رشاقتي .. شو ماتبوا تتسوقوا ؟؟ تو بردكم البيت ترا

هدى : لالالالا خلاص يالا عمو نزلنا







ونزلوا الجماعه وتسوقوا ومسكين وليد كل ساعه وحين نزل وشل له درزن قراطيس وحملهم ف السياره وبقا على هذا الموال لحد ماخلصوا من السوق ساعه 10 بليل تقريبا ورجعوا للبيت



وليد : آآآآخ يا ظهري نقع من الشل والحط .. لو ادري كنت بييب بنقالي يحمل هالاغراض وبعطيه 50 ربيه .. حشا لو قلتوا بييب لكم تريله 10 طن ماخليتوا شي حولتوا سوق الظلام كله ف بيتكم

ام هدى : ان شاء الله بترتاح عقب كم يوم ومن يخلص العرس سافروا لكم اسبوعين زمان صوب شي من هالبلدان الغاويه

هدى: انا مخبرتنه امي يوديني ماليزيا شهر العسل

ام وليد : ابصربه وليد يمكن يوديج إلا شي من هالوديان تعسفي حميض وسيداف

وليد : لالا بوديها ان شاء الله المكان اللي تباه





وصلوا الجماعه بيت ام هدى ونزلوهم ونزلوا معاهم الاغراض وعقبها ساروا البيت لان الساعه اوشكت توصل 11 ليلآ ..



__________________






صار العرس وتعشوا المعازيم وخلصت حفلة العرس والي حضر حضر واللي فاته لا يطالب بشي لان بطاقة الدعوه كانت معلقه على واجهة المنتدى ^^

وياب وليد عروسه على البيت ودخلها الغرفه .. طبعآ اول ليله كانت غراميه بكل المقاييس .. هدى كانت فرحتها ماتنوصف شوي وبصيح من لهفتها لهذا اليوم اللي الله جمعهم ويا بعض بالحلال من عقب سنة ونص انتظار وصبر .. طبعآ الحيا كان محلنها اكثر وباينه حمرته على خذودها وكان جمالها رباني وحسنها يبهر الالباب ..


اخونا وليد طبعآ مجهز لهم عشا كان طالبه من أفخم مطعم ف بلادهم وحضر العشا وعزم حبيبة القلب وتعشوا مع بعض وتبادلوا الكلام واستعادوا الذكريات القديمه وعقب ماخلصوا عشاهم راح يناموا لان باجر بييوا اهل البلاد يهنوهم بالعرس ..




مرت الايام وكان العروسين عايشين احلا ايامهم .. طاف الشهرين من عقب عرسهم وفي احد الايام فاجئت هدى حبيبها وليد بأحلا خبر



هدى : وليد انا حامل




تلعثم وليد من فرحته بهالخبر مالقى يعبر عن فرحته غير انه يشل هدى ويحضنها بكل فرح وسرور



وليد : فديتج بعد روحي فرحتيني وايد وايد .. ودي اتخبل واكسر البيت على راسي من الفرحه

هدى : بسم الله عليك .. بعد انت فرحتك غير نمونه هههه حد يكسر بيت من فرحته

وليد: هي انا .. تعالي قعدي عدالي لان بقولج اذا ولد ترا بسميه سالم على اسم ابوي واذا بنت بسميها نجود .. شو رايج حبيبتي ؟؟

هدى : حلو حبيبي اهم شي عندي تكون مستانس ومرتاح

وليد : وانا وين بلقى الراحه غير عندج حبيبتي ..

هدى : الله لايحرمني منك حبيبي

وليد : ولا منج بعد روحي ..







تابعونا ف الجزء الأخير ^^

[شواقه]

مع اني كنت غآيبه عن المنتدى
لكني بعدني اتآبع القصه
يالله اخيرآ الحلقه الاخيره يــــــــــت
^^

بعدني مآقرت هالبآرت اليديد
بقرآه في الـ home
تسلم يمنآك اخويه

وآيد عجبتني القصه
فكآهيه وبنفس الوقتـ غرآميه
^_^

ربي يعطيك العآفيه

[rara]

هالجزء


رووووووووووووعة


لان بطاقة الدعوه كانت معلقه على واجهة المنتدى ^^


بن كعب

ما شفت البطاقة !!!!!!!!!!!!

عن الخرط


هههههههههههههههههههههههههههههه



نتريا نجود


شو بتكون سالفتها

يزاك الله خير

[شواقه]

قريت البآرت اللي قبل الاخير
اسميه سوآلف هالوليد
ولا لهجت القصه "تو حلووووووه"
ههههههه:p



يالله نتريآ
خوفي تكون نهآيه محزنه
اسميني بذبحكـ
>_<

[الجنيبيه]

تسلم أخوي ولد بن كعب ع القصه

شوقتنا وايد نبا نشوف البارت الأخير

ونترياه بفارغ الصبر


ربي يعطيك العافيه

[ولد بن كعب]

آنســـــ شواقه ــــــــه يعطيج العافيه على الدعم الكبير اللي قدمتيه للقصه وإن شاء الله النهايه تكون سعيده ^^


آنســ رارا ـــــــه خلاص فاتتج الحفله لا تطالبي بشي ^^



آنســـــ بنت الجنيبي ـــــــه البارت الأخير في مراحل المونتاج ^^

[فوشية]

شكرا على هذا الجزء ...

بنتظار الجزء الاخير

[ولد بن كعب]

يسلموا على المرور آنســــ فوشيه ـــــــه ..




نورتي وشرفتي

[عيونك جنة دنيتي]

اخيرا طلعت نجود
واخيرا بنوصل للجزء الاخير
يلا عاد ولد بن كعب انتظرنا وايد ولا طول علينا بالجزء الاخير

ويعطيك العافية ع الجزء هذا

[فريق شبكة عيون دبي للابداع]

قصه رائعة وجميله ..

يعطيك العافية أخوي ع هالابداع الرائع .. ونتظر أبداع قلمك الرائع

[شواقه]

وين وين التكلمه
>_<

والانتظآر يدوووم ويدووووم ويدوووووم

[ولد بن كعب]

الجزء الأخيـــــــــر قريبآ ^^