المساعد الشخصي الرقمي

مشاهدة النسخة كاملة : لو استوت لك هالسالفة .... شو بتسوي ؟؟!!


عاشق نصراوي
15-02-2002, 09:16 PM
شو بتسوي لو واحد من ربعك انت وياه من أيام الطفولة و مرة وحدة يخونك و ينساك بسبة وحدة قالتله ماباك ترمس هالولد .....
وبعدين هذا الولد سمع كلام حبيبته و نسى ربيعه و خوّن فيه .......

شو بيكون موقفك ؟؟ وشو رايك في هالإنسان ؟؟

(hi)
+*^^*ماريه*^^*+
15-02-2002, 10:18 PM
اعتقد انه البنات مالهم رأي في هل السالفه عاشق بس ودي اعرف ردود الشباب :)

ماريه
الحالمة
15-02-2002, 11:04 PM
اسمح لي أبدي رايي.. أول شيء لو كــان صــديق بمعنى الكلمة..
كـــان حكم عقلــه مش رغباته.. يترك خويــّه عشان بنت؟؟!!؟؟ .. و الله حســــافه

أصلا بقول لك.. لو أنا مكانك.. كنت بندم على لحظة عديته صديق
و بقول و بأعلى صوتي..

اللي نســـاك انســـاه.. و اللي صبر على فرقاك اصبر على فرقاه
و الرياييل مخــــابر مب منــــاظر.. ياله.. الدنيا مدرســــــــــــة
تعطينا من دروسها يوميـــا.. شيء يفرحنا و شيء يبكينا بس لو
ما كان بينفعنا إن كان ما خبّرتنا عن خفاياه...


الله يعوّظ عليـــــــــك.. keep him out of your mind.. throw it, just learn from this life



تقبــل تحيــــــــــاتي
الحـــــــالمـــــــــــــة
الرحـ2000ــال
15-02-2002, 11:08 PM
اول شيء مشكور اخوي على هالموضوع
وثاني شيء
لو صار لي هالموقف ما بيكون غريب على لانه ايصير وايد هالايام
ومافي امان مثل قبل
لان كل واحد ايفكر بعمرة وبس
(أضربك)
عاشق نصراوي
15-02-2002, 11:11 PM
أقول ترا هالسالفة مب مستوية حقي أنا عشان تقولين الله يعوظ عليك :p ...

بس المهم هذي السالفة مستوية حق واحد من ربعي كان هو ويا ربيعه مثل الأخوان من أيام ما كانوا صغار بس الحين وللأسف واحد منهم ودّر الثاني لأن ربيعته قالت له مابيك ترمسه
عاشق نصراوي
15-02-2002, 11:14 PM
انت الصراحة تفكيرك 10 على 10 يا الرحال .... صح مافي حد فهالدنيا تظمن إنه يتم وياك و إنك تقدر تحفظ أسرارك عنده
شروق الشمس
15-02-2002, 11:23 PM
أعتقد ان هذا الريال ضعيف الشخصية ..(وهذى البنية شريـــــرة )
لأن اذا هو جاراها في كل شي بتتحكم فيه .. بيستوي خاتم في صبعها
لأن هو لازم يكون له شخصيته ومبادئه ..

ويوم انه طاوعها خلها تنفعه .. قوله :ما اندم عليك دمع الندم غالي ..

اذا المرء لا يرعاك لا تكلفا .. فدعه ولا تكثر عليه التأسفا





ســــــــلام على الدنيا اذا لم يكن بها ..... صديق صدوق صادق الوعد منصفااااااا :rolleyes:
عاشق نصراوي
16-02-2002, 12:19 AM
أشكركم كلكم على المشاركة .... واتمنى من الأعضاء الباجيين المشاركة بعد في هذا الموضوع ....
لأن هذا الموضوع هو أول موضوع للنقاش أنا اكتبه و أتمنى إني أكون عند حسن ظنكم