المساعد الشخصي الرقمي

مشاهدة النسخة كاملة : ما العمر الا لحضة.. من تأليفي..



الصفحات : 1 [2] 3

بنوووووتـﮧ
12-04-2009, 11:53 PM
"

عاشت يدووه عذيجه / :)
نتريا فزعتها وان شاء الله يكون حمد من نصيب عويش ^^
وان شاء الله مبارك ياخذ مريم :)
نتريا البقيه :)
يعطيج العافيه عجيد

"

rara
13-04-2009, 03:44 PM
يابوكم

نتريا عذوجه تحل مشكلة حمد

عيشونا حب حمد لعوشه

شو هالعذاب


هههههههههههههههههههههههههههههههههههههه


ههههههههههههههههههههههههههههههههههه


مشكورة عجيد الاريامي عالأجزاء

ونتريا بقية القصة

lady oscar
13-04-2009, 07:19 PM
مشكورة عجيد الاريامي عالأجزاء

ونتريا بقية القصة

..عجيد الريم..
13-04-2009, 07:34 PM
هههههه ان شاء الله يا بنووته..


rara اتصدقين كنت ابا ازود بس هذا الي طلع عندي.خخ الاخت طلعت مجرمه..

ليدي اوسكار بعد المباراه ان شاء الله بنزل البارت الياي..والعفو حبوبه..

lady oscar
13-04-2009, 08:41 PM
في انتظارج خيتو

..عجيد الريم..
13-04-2009, 09:02 PM
مبروووووووك فوز العين بكاس رئيس الدوله.

البارت الثالث عشر..

ادخل اتعمق في بحري شوف دمع الالتيــاع,,
..كيف بس يسهل فراقك وهذي ايدك في يديه
لي متى تبخل بوصلك وأنا شوقي اليوم ذاع,,
..كل من صد ونظرني لاح له حزني فـ عِنيه

سكرت عنه وحمد مرتاااااااح انه حد بيجمعه مع حبيبت قلبه عويش بس كيف رامت اتدخل يدتها في السالفه ها اللي محيرنه واشوي انه تلفونه يصيح ويوم شاف الرقم قلبه وقف .. عديل الروح يتصل
حمد اتنهد ورد: الوووو
عويش: السلام عليكم
حمد: هلا وعليكم السلام
عويش: آمر قلت بغيتني خمس دقايق..
حمد: هييه كنت اباج بس الحين خلاص مب مهم لانه من متى وانا مطرش لج الرساله وكم الساعه الحين توج اتفيقتي ..
عويش: نعم ومنوه تتحسب عمرك انته..
حمد: حمد بن عبدالله بن ... حبيب قلبج عندج مانع...
عويش يوم قال حبيب قلبج حست قلبها وقف: لا دواس..
حمد: ههههه اتنكت والله
عويش: لا والله
حمد: ايه انا الزعلان منج مب انتي.. قاعده اتكلميني جيه
عويش: نعم نعم واشله زعلان بعد شوه مسويه لك..
حمد: شوه مسويه لي والله ياعويش القائمه وايد طويله .. وآخر شيء فيها انه يوم اتفرنكشت ملجتج اشله ماخبرتيني بها.
عويش: والله الحين انا اللي لازم اقولك ياحمد خلاص ما بعرس
حمد: المفروض..
عويش: وعشان شوه انشاء الله شوه اللي بيتغير يعني..
حمد: وايد اشياء بتتغير..
عويش: مثل؟
حمد: بيتطمن قلبي عليج وبرتاح اشوي من كثر الظغط اللي فوق راسي.
عويش: كيف يعني
حمد: عويش لا تيلسين تستهبلين عليه .. توها مرمستني يدتج
عويش: شوووووه يدوه رمستك ليش وشوه قالت لك.
حمد: وانتي شوه مخبرتنها حضرتج.
عويش: ماشيء والله بس سمعتني يوم كنت ارمس ولد عمك
حمد: نعم نعم منوه ترمسين قلتي.؟؟
عويش: ولد عمك.؟؟
حمد: منوه منهم.؟؟
عويش: والله ما ادري ماقالي منوه هو بس اتصل بي من المستشفى وقالي عنك يوم كنت مترقد
حمد: أي وقت وايد ااترقدت بسبج انا ..؟؟
عويش: لا والله الحين انا السبب..
حمد: لا خيالج السبب هييه انتي ..!!
عويش: لا والله انا اللي قلت لك روح بوظبي عند الباكستانيه وخليتهم يضربونك على راسك .. ولا قلت لك روح سافر وهات لك جرثومه وطيح في المستشفى.ويوم انته مرتغد وهامل عمرك لا اتعق مصايبك على غيرك وتتبلى عليهم اونه انه السبب في كل اللي ياه.. عيل انا اللي ياني منوه السبب غيرك انته اشتكيت لحد لااااااا قلت لهم انك السبب لااااااااااااااااا .
حمد:ههههههه انزين لحضه اشوي خذي نسخ ههههههههه بسم الله عليج شوه ياج مره وحده نقعتي.
عويش: لا تيلس تستهبل..وتتبلى عليه..
حمد: انزين خلاص قولي لي شوه ياج بسبتيه..؟؟
عوييش: حمد خلني ساكته احسن شوه بيفيد كل هذا
حمد: حبيبي وايد اشياء المهم يدتج قالت لي انها بتساعدنا وانا ان شاء من ينحل موضوع مريم بتلقيني عند باب بيتكم مع اهليه هذا وعد مني لج انتي .
عويش: آآآه ياحمد ما اقدر اصدق شيء لين اشوفه بعيوني جدامي..
حمد: ان شاء الله بتشوفيني جدامج .. امم هييه عندي طلب.. قولي تم..
عويش: قولي اول شوه هو وخلاف خير..
حمد: امم شيء عن يوم الملجه..
عويش: أي ملجه..؟؟
حمد:ههه ملجتنا نحن منوه بعد..
عويش استحت وسكتت..
حمد: عواش بطلب منج طلب قولي تم
عويش وهي مستحيه: تم شوه الطلب..؟؟
حمد:هههه انج .. انج
عويش: اني شوه حمد..؟؟
حمد: هههه انج اتبوسيني على خدي يووم نكون رواحنا بعد ما نملج..
عويش: شووووووووه ينيت انته..مستحيل..
حمد: مالي خص انتي قلتي تم ولازم اتنفذين
عويش: اييه شوه ها ماايوز
حمد:هههههه مالي خص كيفج اتصرفي انتي عاد..
عويش: مابا..
حمد:هههههه مش كيفج براويج
عويش: حمد حرام عليك..
حمد: لا مب حرام عليه. في نص في الحديث ولا في القرآن يبين حكم ها الشيء لااااا عيل مب حرام لا تفتين في شيء انتي ما اتعرفين فيه بتأثمين
عويش: ايييييه حرام عليك شوه هاااااا
حمد: لا حول انا كم مره بعلمكن والله تعبت منكن..
عويش: منا ؟؟ منوه هن.؟؟
حمد: انتي وامايه .. كم مره بيلس اعلمكن هذيج امايه كم سنه وانا مرسبنها ودووم بعدها ترسب الحين انتي بعد لا حول..
عويش:ههههه لا والله انا في حياتي ما رسبت
حمد: فالج طيب حبيبي الحين برسبج علشان دووم اتمين عندي..
عويش: حمد بس عاد شوه ها الكلام عيب عليك..
حمد:ههههههه عيب مش حرام...!!
عويش:اييه..
حمد: شوه اييه على فكره ترا ما احب هاي الكلمه والله لو حد ثاني قالها بتلقينه مسفر ومكنسل تكنسيل نهائي..
عويش: لا والله..
حمد: هييه والله انزين المهم مثل ماقلت لج من يخلص موضوع مريم بييكم تفهمين ولا لااا
عويش: ومتى بينتهي موضوعها؟؟
حمد: اممم ان شاء الله قريب وقريب قريب بعد ..
عويش: شكلك متأكد..
حمد: تبين الصراحه هييه وان شاء الله يصير ونفتك من ها الموضوع..
عويش: كيف يعيني ..
حمد: امم الحين ما اقدر اقولج بس احتمال مع بدايه الاسبوع الياي ولا نهايته يكون موضوع مريم خالص خلااااااص..
عويش: اها ان شاء الله خلاص عيل انا بسكر.
حمد: انا بسكر ما اتقول الا معلمه لغه عربيه..
عويش: ههههه وليش يعني ..
حمد:آآآآآه تعرفين انه ضحكتج حلوه..
عويش: احم
حمد:هههههه فديتج ياربي خلاص عيل انا بسكر..ههههههه باي.
عويش:باي..
حمد: اقول
عويش: هااه..
حمد: شوه هاه بعد..
عويش: لا حول نعم

..عجيد الريم..
13-04-2009, 09:04 PM
حمد: نعم الله عليج خلاص نسيت شوه كنت بقول..باي
عويش: ههههههه باي..
حمد:اييييييه
عويش: شووه ايييه بيدار اشتغل عندكم انا
حمد: لا انا البيدار وانتي الخدامه يعني حرمه البيدار.. ههههههه
عويش : حمد وبعدين وياك..
حمد: فديت حمد يوم طلعت منج حبيبي طلب صغير بس.
عويش: حمـــــد عاد
حمد: بمووووت عويش دخيلج..
عويش: بسم الله عليك
حمد: عويش اتحبيني صدق..؟؟؟
عويش: .........
حمد: دخيلج جاوبي عليه بصراحه..
عويش: وربي في سماااااااااه جاني عمري ماحبيت انسان قد ما حبيتك انته ولا بحب غيرك ابد..
حمد: فديتج ياربي.. حبيبي بسألج سؤال..لو انتي اتحبيني مثل ما اتقولين وخذنا بعض آمين يارب.. بس فرضاً اكتشفتي اني ماكنت احبج واني خذتج لغرض ثاني كان غصبن عني وعشتي معاي تقريبا فوق 3 او 4 سنين ماشي امبينا يعني بس كان على ورق في الاخير اتطلقنا او لا قدر الله اترملتي وياج انسان ثاني وعاهدج على انه يحبج ويصونج بتتغير مشاعرج تجاهه
عويش: وانا خذته ها الانسان..
حمد: هييه وفعلا كان يبذل كل جهده انه يسعدج بتتغير مشاعرج له وبتنسين حبج الاولي ولا لااااااا
عويش: بس انا عشت الحب الاولي بكذبه مب حقيقي...
حمد: كيف يعني..؟؟
عويش: يعني كان الحب من طرف واحد وبمعنى ثاني اني كنت اوهم نفسي اني بكون سعيده معاك معني احبك بس اكتشفت في الاخير انه حبي لك كان وهم اكييد بحب الانسان الثاني او انه مشاعري بتتغير اذا كان مثل ما اتقول انه يحاول يسعدني بعطيه فرصه ..
حمد: اها يعني في الاخير بتحبينه..
عويش: اكييد ومب شرط احبه حب اسطوري بس على الاقل بهتم به وبيكون اكيد في البدايه تردد بسبه التجربه القبليه بس اعتقد انه في الاخير ان تم على نفس نهجه هييه بحبه..
حمد: ايواااا
عويش: ليش تسأل ها السؤال حمد..؟؟
حمد:هه احيدج ذكيه وما تحتايين اني اقولج..
عويش: اها لا بس حبيت اتأكد بس
حمد: تتأكدين من شوه؟؟
عويش: انك كنت تتكلم عن مريم وحياه اخوك صح بس منوه الانسان الثاني ..؟؟
حمد:هههه بتعرفين على نهايه الاسبوع الياي ان شاء الله يالله الحين بسكر عن جد وصلت البيت بشوف شوه بلاهم صوتهم واصل لبرا يالله باي ..
عويش: باي..
دخل حمد البيت وصوت امه وخواته شال الدنيا وابوه محتشر من صوب..
حمد: السلام عليكم. شوبلاكم صوتكم واصل لين براا خير..
دانه: سعيد محد ما انعرف وينه؟؟
حمد: يمكن عند ربعه ..؟؟
عليا: لا محد اتخبرنا الكل ولا بعد مالقينا ثيابه شل ثيابه وطلع..
حمد: شووووووه متى آخر مره شفتوه فيها.؟؟
دانه: انا شفته البارحه فليل بس اليوم ما شفته..
عليا ونوره: ونحن بعد ماشفناه اليووم..
حمد: امايه انتي شفتيه اليوم..؟؟
موزه وهيه اتصيح: شفته الصبح بس كان راقد انته شوه قلت له البارحه
حمد: ما قلت له شيء.
عبدالله: اكيد حمد يمكن قلت شيء مني ولا مناك دامك سرت له البارحه اترمسه ..؟؟
حمد: لا ابويه ما رمسته لاني يوم دخلت حجرته لقيته راقد لحفته وطلعت من عنده ..
موزه: ياااويلي عليك يا ولديه وييييييين سرت.. ياويل قلبي عليك..
عبدالله : يا موزه استهدي بالله وان شاء الله بنلاقيه..؟ وين بيسير يعني..؟
حمد: لا حول ؟؟ انزين انتو منوه رمستو من ربعه؟؟
دانه: اتخبرت اخو ربيعتيه فيصل ربيعه في الصف وقالي انه بتخبر كل اللي يعرفهم سعيد ..
حمد: وشوه قالج؟؟
دانه: رد عليه وقالي اتخبرتهم كلهم بس ولا واحد شافه اليوم ولا بعد اليوم كان عندهم دراسه مش رحله..؟؟
حمد: اها يعني جذب علينا ؟؟
موزه: يااااااويلي انا السبب البارحه قالي انه بيدور على اهل غيرنا انا السبب؟؟
حمد: امايه شوه هاي الرمسه بعد شوه بيدور على اهل ين شوه هذا..
عبدالله: لا حول ولا قوه الا بالله متى قالج هاي الرمسه واشله..؟؟
موزه: البارحه يوم هزبته علشان اللعبه قالي انتو دووم تهازبوني واتكسرون العابي واونه عنده ربيع ابوه يشتري له العاب وما يكسرهن وانه بيدور له اهل جذيه يسوون فييه ياربي عليك ياسعيد وينك..؟؟((وتمت اتصيح)
حمد: لا حول بسير ادوره..
عبدالله: وين بتدوره ؟؟
حمد: في كل مكان ووبلغ عليه بعد
موزه: يا ربي اخاف شيء ياه دخيلكم هاتو اليه دخيييييييلكم ياربي يااااسعيييييييييييييد
عليا وهيه اتصيح: امايه فديتج هدي اعصابج وان شاء الله بنلقاه هدي انتي بس..ل
موزه: وين اهدي ويين واخوووج الله العالم وينه الحين حي ولا ميت..
عبدالله: وبعدين وياج انتي بتخبرج ينيتي شوه؟؟
موزه وهيه اتصيح: انته ما اتحس شوووه ؟؟
عبدالله: استغفر الله العظيم دانه شلي امج داخل خليها ترتاح..
حمد طلع من عندهم واتصل على عيال عمه علشان يدورونه وياه ووبلغ المركز وتمو يدورون عنه لين الصبح ولين الحين مالقوه في العين وبلغو مراكز المناطق المجاوره في بوظبي ودبي والشارقه..
وبعد ما وصلت الساعه 6 الصبح ياهم اتصال من المركز في بوظبي انه في احتمال انهم لقوه لانه لقو طفل بنفس اوصاف سعيد واقف في منطقه سكنيه في بوظبي يحوط بروحه..مسكوه حطوه في المركز حمد من درا سار بوظبي وعنده احمد وفهد ومناك ياهم علي ومطر وفارس وغانم
ومن وصلو المركز لقوه قاعد عند الضابط ويصيح حمد من شافه سار صوبه وعطااااه طرااااااق من الخاطر بس فارس ياه ومسكه وخوزه عنه ولو عليه لين يهدى خلصو الاجراءات وطلعو واحمد اتصل على عمه عبدالله وبشره انهم لقوه...وعبدالله سار وبشر موزه والبنات بالخبر..
سارو شقه فارس ويلسو اشوي وفارس قاعد يهدي سعيد لانه ما يهون عليه ..وحمد والباقين قاعدين في الصاله رواحهم وفارس وسعيد في الحجره..
حمد: نفسي اعرف راعي التكسي ها الكلب كيييييف يركب طفل وياه مينوووون شوه.؟؟
احمد: هد اشوي حمد الحمد لله هذا اخووك الحمد لله بخير وسهاله..
حمد: احمد انته ما تفهم كيييييف يركب طفل وياه والله لو اعرف راعي التكسي والله ولا يتم يوم واحد حي الحيوان .. واحد..

..عجيد الريم..
13-04-2009, 09:04 PM
علي: حمد معاه حق كييف يركبه ممنوع اني يركب قاصر وياه
مطر: احنا نعرف ها الشيء بس شكل راعي التكسي لاااااا
احمد: ما اتعرف انته شوه صار خلنا نفهم الموضوع عدل من فارس يوم بيقوله سعيد..
علي: حتى الشرطه ماطاع يقولهم شيء بس انه في تكسي يابه اهنيه..
مطر: هزركم لييش يا بوظبي وكان يحوط في خليفه 1 شوه كان يدور..؟؟
حمد: آآآآآآه ماعرف بس اعتقد انه يدور بيت خالد بس لييييييش نفسي اعرف ليش طلع من البيت..
احمد: قال انكم اتعاملونه بقسوه كييف انتو تتعاملون وياه..
حمد: أي قسوه دخيل والديك انته بعد من متى حد يغلط عليه بالعكس دومني اعامله على انه ريال مب ياهل.. بس ما ادري ليش سوا جذيه..؟؟
علي: وكيف كان يعامله حياه خالد؟؟
حمد: آآآه خالد كان يومه يوديه وياه ويشاوره بكل شيء حتى لو ماكان له خص في الموضوع..
احمد: علشان جيه يحب خالد اكثر واحد ويمكن علشان جيه ياي بوظبي؟؟
حمد: هذوه يا بوظبي روحه شوه استفاد.. لقى اللي يباه؟ انزين ليش مافكر بأهله انهم يحاتونه ولا بيخافون عليه ..امايه اهناك حالتها حاله وابويه من صوب وخواتي من صوب مافكر فيهم شوه؟؟
مطر: حمد لا تنسى سعيد بعده ياهل
حمد: مهما كان ليش مايعرف انهم يحبونه واكيد بيحاتونه حتى لو ياهل بيعرف انه حد بيحاتيه وبيخاف عليه بس شو اقول عنه غلطنا يوم انا عاملناه اكبر من سنه وماعليه الحين صدق بيتعامل على قد مستواه بيشوف..
احمد: شوه بتسوي به..؟؟
حمد: والله لادبه الهرم..
علي: بتضربه؟
حمد: لاااادري انه الضرب ما بينفع وياه بس اوكي يبى يتعامل على انه ياهل خلاااااص جذيه بعامله وبنشوف شوه بيسوي الحين..
غانم: لا حول ولا قوه لا بالله.. بسير انا الحين خبروني يوم بتعرفون شيء؟؟
حمد: ماعليه الا بتخبرك خبرت فاطمه عنه؟؟
غانم: لا بعدني ؟؟
حمد: اها؟؟
غانم: ليش؟؟
حمد: لا ماشيء بس أسأل؟؟
غانم: اها خلاص عيل انسلم عليكم.
فهد: غانم بتي العين اليوم؟؟
غانم: ان شاء الله ليش؟؟
فهد: اباك اتسير ويايه دبي اليوم..
غانم ومطر وعلي واحمد وحمد : دبي؟؟
فهد: هييه وبعدين انا قلت غانم انتو شوه دخلكم؟؟
احمد: لحضه لحضه شوه تبابها دبي؟؟
فهد: لا حول يا الفضول ياخي ابا اخويه العود يخاويني دبي وانتو شوه يخصكم..
غانم:ههههههههههه شوه دراني ياخي متعبلين شوه انسوي..
علي: لا والله بعد ربكم يوم نعرف شوه تبون من دبي نتذكر شيء ونيي وياكم..
فهد: هااه هاللي ما نباه متعبلين اييون ويانا..
غانم:ههههههههههههه خلاص بشوف كيف وبرد عليك..
فهد: اوكي بترياك..
طلع غانم من عندهم وظهر فارس من الحجره وسكر على سعيد الباب..
حمد: هااااااااه شوه قالك..؟؟
فارس: حمد هد اشوي رقد الحين خلوه يرتاح..
حمد: انزين قولي شوه قالك الحين كييف يا بوظبي وليش ياااا وعلى فكره سالفه التكسي مادخلت بالي وابغي اعرف كل شيء..
فارس: ماعليه بخبركم بكل شيء بس خلونا انسير الحجره الثانيه لانه الصوت كله داخل..
سارو غرفه المكتب اللي كانت من قبل حجره علي يوم كان يسكن عند فارس والصاله الثانيه كانت حجره مطر..من دخلو المكتب وقعدو قعد فارس يخبرهم بكل اللي قاله له سعيد..

فارس: سعيد حبيبي ممكن اعرف ليش سويت جذيه؟؟
سعيد وهوه يصيح: اببا خالد اخويه .. هوه يحبني وهم ما يحبوني..
فارس: ليش حبيبي منوه قالك انهم ما يحبونك..؟؟
سعيد : لا ما يحبوني لو يحبوني ماكسرو العابي ما يهدون عليه كل يوم..
فارس: لا حبيبي اسمع أي حد ان ضربك ولا هزبك أعرف انه يبا مصلحتك اسمع انا يوم كنت في سنك وايد سويت مشاكل لاهليه كنت كل يوم ابويه يضربني وحتى ابوك مره ضربني .. تعرف شوه سويت..؟؟
سعيد: شوه سويت؟؟؟
فارس: ههه يوم ضربني ابوك؟؟
سعيد: هييه..
فارس:ههه اممم اتضاربت مع عيال الشعبيه يوم كان عمري 12 سنه وابويه كان مسافر وانا كنت في بيتكم وفوق هذا سرقت سويج ابوك وشغلت السياره وسقتها معني توني اتعلم السواقه ما اعرف اسوق زين..
سعيد:ههههههه وكيف عرف ابويه..؟؟
فارس:ههه امممممممم كان توه ياي البيت ونا طالع بالسياره اسميه كان معصب مني لاني متضارب مع العيال ويوم شافني في السياره اوني علشان ما يشوفني وخيييت ونسيت اني انا اسوووق ومن وخيت السياره سارت صوووب الايدار ودعمته ..
سعيد: اوووووووووف وبعدين..
فارس:هههههههه ماشيء الحمد لله الايدار كان قريب ومحد كان واقف اهناك.. انا من الخوف يووم دعمت السياره ماقدرت اتحرك من مكاني ياني ابوك وعنده عصى واسميه من نزلني من السياره لين دخلت البيت وهو يضربني بالعصى ماانساها ..
سعيد: وبعيدين شوه صار..؟؟هههههه
فارس: ماشيء صلح عمي السياره ووعدته اني ما اكررها مره ثانيه وفعلا ماكررتها مره ثانيه.. سعيد اتعرف ليش ابوك ضربني..؟؟
سعيد: لانك كسرت السياره؟؟
فارس: لاااااا السياره ماهمته بس همه اني انا ما تعورت تعرف ليش ؟؟
سعيد: ليش؟؟

..عجيد الريم..
13-04-2009, 09:05 PM
فارس: لانه يحبني لو ماكان يحبني ماكان ضربني ولا اهتم بس لانه يبى مصلحتيه ضربني ..
سعيد: لا يمكن لانك كسرت سيارته..؟؟
فارس: لااااا قلت لك السياره ماهمت ابوك اتعرف انه ما خبر ابويه عنها لو خبر ابويه جان ابويه جتلني من الضرب بس ابوك همه اني بخير وما ياني شيء شفت الحين مش شرط الي يضربك يعني ما يحبك .. وهاي بس سالفه وحده من بلاويه اللي صارن لي يوم كنت صغير..
سعيد: هه شوه بعد صار لك..
فارس:اووه شوه بعد امم مره يبت آآآآآيل وجبيته في الشارع واي سياره تخطف تنزلق ومره شربت بترول ومره كنت متأثر رسوم طرزان وكنت اتحسب اني ان سويت مثله بغدي طرزان رحت السوق مع امايه واشتريت لبس مثله ورقيد شيره عوووووده في بيتنا كانن الشير اللي في بينا نفس ماليل جوز الهند الطوال كنت اتحسب اني ان نقزت بوصل لين الشيره الثانيه اذا اتمسكت بالورق مليلهن..
سعيد: انزين وبعيدين؟؟
فارس: هههه ماشي الحمد لله مارقيت لاخر الشيره انزلقت ريلي وطحت تحت وماحسيت الا وانا في المستشفى مرقد مغمي عليه اول ما نشيت لقيت ابويه وامايه قاعدين عندي وامايه اتصيح عليه..من خوفها عليه.. وابويه مهموم عليه..
من نشيت الكل تم فرحان بس من عرفو ليش سويت جذيه اسميني انهزبت من الخااااطر وعطوني محاضره طويله بسبه الموضوع. شفت كيف الاهل يخافون على ولدهم ويحاتونهم جذيه كان حال اهلك يوم روحت عنهم وما طمنتهم عليك..سعيد خبرني كيف بديت مغامرتك وييت لبوظبي .. ولا اتقولي راعي التكسي يابني لانه ممنوع تكسي يركب قاصر عنده في السياره ومحد عنده عوود..
سعيد: امممم بخبرك انا ... انا سرت مع ربيعي واخوه ..
فارس: ايوا وينهم هم الحين..؟؟
سعيد: ردو العين..ربيعي عنده اخوه عود اشوي يابوني بوظبي وردو العين بسرعه لانه ماعنده ليسن..
فارس: ومنوه هوه احنا انعرفه؟؟
سعيد: لااااا هوه مب مواطن؟؟
فارس: بعد؟؟
سعيد: هيه..
فارس: شوه عيل؟؟
سعيد: يمني..
فارس: وانته من وين اتعرفهم وياك في الصف شوه؟؟
سعيد: الولد اللي نفس سني هييه عندي بس في شعبه ثانيه قلت لهم اني ابا ايي بوظبي وقالي انه اخوه بيوصلني وبيردون العين ..
فارس: اها سعيد ليش انته ييت بوظبي شوه كنت تدور.؟؟
سعيد: كنت اول شيء ابا اسير عند قبر خالد واتم اهناك لين اسير عنده..
فارس من سمع ها الكلام قلبه عوره وعض شفايفه ..
فارس: كيف لين اتسير عنده؟
سعيد: الحين أي انسان يموت ما يحطونه في التراب وبعدين يسروون عنه.. وهو بعد يسير عن ربعه اللي ماتو وانا بعد ابا اسير عندهم لانه اللي هنيه ما يحبوني..
ومن قال ها الكلام فارس ما حس بعمره الا ولوا على سعيد وتم يصيييح من الخاطر مااستحمل انه يخسر سعيد بعد يكفي انه خسر ولده مايبا يخسر سعيد بعد..
فارس: لااا حبيبي لا اتروح عنده نحن اهنيه نبااك امك تعبانه تباك وابوك واخوانك كلهم يحاتونك.. حبيبي تذكر يوم راح عنكم خالد اهلك كيف كانت حالتهم.؟؟
سعيد وهوه يصيح: هييه..
فارس: جذيه كانو البارحه من درو انك محد حتى الرقاد ما رقدو كلهم كانو يحاتونك ماخلو حد من ربعك ما اتخبروه عنك والحين اتقولي محد يحبك لو ما يحبونك حبيبي ما دورروك وما صاحت امك وهي اتدورك في البيت كامل وببيت اليران..
سعيد: امايه اتصيييح لااا ماباها اتصيح دخيلك فارس قولها ما اتصيح دخيلك..
فارس: وليش ما اتقولها انته حبيبي صبر انا الحين بدق لها وانته بتكلمها اوكي بابا..
سعيد وهو يصيح وخانقتنه العبره : هي...ه
دق فارس على تلفون البيت ردت في البدايه نوره عليه ومن ردت طلب امها لانه سعيد يباها يرمسها ومن زخت موزه التلفون وهيه اتصيح
موزه: مرحبااااا بويه
سعيد: امااايه سامحيني دخيلج..
موزه:فديييييتك ياربي مسمووح الغالي دامك بخير مسموووح فديتك ..
سعيد: امايه والله ماكان قصدي ازعلج آسف..
موزه: ماعليه حبيبي مسموح اشحالك غناتي ووين انته الحين..
سعيد وهوه يناشق: انا عند قوم فارس في بوظبي..
موزه انصدمت انه في بوظبي بس مارامت اتقوله شيء: ماعليه حبيبي متى بتينا العين.
سعيد وعينه على فارس: ما ادري بفارس وحمد متى بيبوني العين..
فارس: بنطلع العصر ..
سعيد: العصر امايه..
موزه: هييه خلاص حبيبي بنترياك غناتي حبيبي عندك حمد خووك..
سعيد : هيه بس برا مش عندي اهنيه ..؟؟
موزه: وين برا ؟؟
سعيد: في الصاله عند عيال عمي..
موزه: هييه خلاص حبيبي بترياكم عيل برايك غناتي..
سعيد: اوكي امايه باي..
سكر عنها وعطى فارس التلفون ..
فارس: هاه حبيبي طمنتها الحين..
سعيد: هييه واتقول انها سامحتني..فارس: شفت قلت لك حبيبي مافي انسان اهله ما يحبونه مستحيل كل عايله اتحب ولدها بطريقتها انته بتشوف انه اهل ربيعك يعاملون ولدهم غير ووواحد ثاني يعاملونه بعصبيه وحد غير مب مهتمين فيه..انته بتحكم على كلامهم بس انته ما اتعرف بالواقع كييف يعيش في بيته انته مثلا كلهم يعرفون كيف اهلك يعاملونك في البيت
سعيد: لااااااا بس اللي اخبرهم انا به ..
فارس:شفت انته اتعرف منهن ومن خلال كلامهم عن عمارهم.. شفت هذا اللي بتاخذه من الكل وعلشان جيه لا اتصدق أي شيء لين اتشوفه بعيونك او تسمعه بذنك ..
سعيد: ان شاء الله..
فارس: خلاص الحين بخليك اتنام اشوي والظهر بنوعيك علشان الغداء اوكي.. وع العصر بنسير العين..
سعيد: اوكي............. فارس؟؟
فارس: عيونه؟؟
سعيد: اممم حمد زعلان مني؟؟
فارس: انته يهمك حمد؟؟
سعيد: هييه وايد..
فارس: عيل يوم يهمك ليش سويت بهم جذيه..
سعيد وفيه صيحه: خلاااص آخر مره ما بعيدها مره ثانيه..
فارس لوى عليه وباسه على راسه..

..عجيد الريم..
13-04-2009, 09:07 PM
فارس: خلاص حبيبي هد عمرك وحمد حاط في خاطره منك اشوي بس لانه كان خايف عليك بس.. بس دامك بخير خلاص بيرضى عليك ...والحين اباك توعده انك ما اتسوي شيء يضايق اهلك ويضايقه مره ثانيه اوكي..
سعيد: اوكي ..
فارس: خلاص عيل الحين ارتاح اشوي يالله ..
فارس: وهذا اللي صار كله..
حمد: معقوله هذا تفكير سعيد عنااااا معقوووووله
احمد: والله انصدمت ..
فهد: شكله وايد متأثر بغياب خالد عنه..
حمد: بس عمري ماقصرت وياه بشيء..
فارس: حمد سعيد بعده ياهل وما يعرف بالي يدور حوليه
حمد: هييه بس انه توصل انه يحس انه ما انحبه معقوله..
علي: ليش حط نفسك مكانه ياما قلنا يوم كنا في سنه انه اهلنا من كثر الضرب اللي ايينا انهم ما يحبونا..
حمد: هييه على المصايب اللي كنا انسويهن بس عمري ما مديت ايدي عليه ولا ابويه ولا امايه .. هيه صح اني كسرت السوني مالته ماطاع يجابل كتبه ومن العصبيه مسكت اللعبه وكسرتها عليه امتحان وماطاع يدرسه اونه مايفهم شيء فيه بس في اللعبه يفهم فيها.. بس غير جيه محد قاله شيء..
فارس: يمكن هوه يحس بشعور ثاني هذا ياهل وتفكيرهم دووم انهم مظلومين لا اتحط في راسك هذا الشيء..
حمد: فارس انته ماتفهم هذا اخويه الوحيد كيف ما تباني احط في راسي..
فارس: انزين ماعليه تعال سألني اذا انته حاط من خاطرك منه شكله متلوم منك وايد..
حمد: ياحيه يوم يا منه شيء.
فارس: صدقني حمد انته ما اتهون عليه..
حمد: يوم اني ما اهون عليه ليش حطنا في ها الموقف؟؟
فارس: ياخي هذا ياهل وغلط وما انسان ما يغلط خلاص عاد بو شهاب هونها عاد.. بس ورفجه الغالي ما اتقوله شيء تراه مره ع الدقه بيصيح..
حمد: خله اشوي علشان يتأدب وما يعيدها عنه بوه لو اتشوف حالت امايه كيف كانت..
فارس: خلاص من جهه امك لا تاخذ همه هو رمسها وطاح الحطب من بينهم وطمنها بروحه..
حمد: وما قالت له شيء..؟؟
فارس: اممم من اللي شفته في ملامح ويهه لا بس قالت انها بتترياه اليوم ايها ..
حمد: وشوه قال لها..؟؟
فارس: امم ماشيء سألني متى بنرد العين وقلت له العصر ان شاء الله بنسير العين.. تمام الحين مثل ماقلت لك حمد ورفجه الغالي عندك ما اتقوله شيء دخيلك.. انا بسير الدوام اشوي.. ويوم الغدا ووعوه اوكي.
احمد: ان شاء الله
فارس: مثل ماقلت لك حمد تراه عبرته في حلجه واي كلمه خلاص بينهار ما اعتقد انك نسيت الصدمه النفسيه اللي يته يوم توفى خالد ..
حمد: انشاء الله.الا الحين هو راقد..
فارس: ممم ما ادري به جانه رقد ولا لا بس قلت له انه يرتاح اشوي..
حمد : خلاص اتوكل انته انا بشوفه اشوي..
فارس: خلاص عيل يالله اشوفكم على خير... هييه صح احمد لا اتسير اباك اهنيه
احمد: خير..
فارس: ناسي علشان موضوع هند..؟؟
احمد: هييه صح خلاص عيل...بترياك اهنيه..
فارس: لا تعالي المستشفى خلاف بوقف سيارتيه في الكراج يبالها تشييك.
احمد: اها خلاص عيل من تخلص اتصل تلفون وانا ان شاء الله بييك..؟؟
حمد: ما بتسير عند امك شوه؟؟
احمد: هييه بسير عندها..
علي: واصل بوظبي وما بيسير لها؟؟
مطر: خلاص حتى انا بسير عندي شغل وايد في المكتب..
حمد: مشكورين الصراحه ووايد عبلت عليكم..
احمد: افا عليك بو شهاب..
مطر: افا والله
فهد: افا ياخي شوه هذا ماستحتي معبل على عيال عمك كل هذا ياخي بعد استحي على ويهك وقولنا مشكوووور ياخي شوه ها الزطاطه منك..
حمد: فارس ماتباه اتشل اخووك وياك تراني بدفنه شله من جدامي فارس:هههههههههههه لا ياخي عندي احتياط غيره برايك من صوبك..
حمد: هييه خلاص عيل انته اتوكل مرخوص ..فهد: افا والله فارس انا اخووووووك اترخصني حق ها المجرم افا والله ولا اونه شرطي بعد. احمد ارمس قول شيء..
احمد: ليش الشيخ انا اعرفك شيء..خلفتك ونسيتك..
فهد: افااا والله هذا وانا اخوك..
احمد: من متى اخووويه ناسي في العمره شوه مسوي فينا عزمنا وفي الاخير وهقنا وخلانا ندفع اللي جدامنا وورانا ..
فهد: لا والله
مطر: هييه صدق .
علي: وانا اشهد..
حمد:ههههههههههههههه تستاهل شفت عاد..
فهد: عنه الله تكم ماعليه بتحتايوني هين..
احمد: ومنوه قاص عليك انته احنا نحتاي لك وليييييش
فهد: فارس قووووول شيء يرحم لي والديك..
فارس:ههههه وشوه تباني اقووووول ماقالو شيء.. غلط..
فهد: لا والله كل هذا وماقالو شيء اذا قالو شيء شوه بيسوون بعد..
فارس: ماادري خلنا انشوف شوه يسسون وخلاف بقولك اذا سوو شيء يستاهل ولا لااا
فهد: لا والله .. والله لاكون في خبر كااااان وبتدقولون ساعتها كااااان عندنا اخو اسمه فهد..
احمد: اممم تعرفون هذ الاسم مب غريب عليه جني كد سمعت به..ويين هزركم سمعت به حد يدري..؟؟
حمد: اممم اعتقد انه الفراش اللي يشتغل عندنا في القسم؟؟
احمد: امم والله ما اذكر بحاول اتذكر وين سمعت به..
فارس: ههههه والله حاله يالله اشوفكم على خير..
فهد: اييييه صبر والله لايتداوروبي هذيلا وبيدفنوني اهنيه.. ياخي دامك ملاك الرحمه خلني عندك انته بترحمني بسير وياك احسن بااااي
الكل ضحكووو عليه وحليلك يافهد ..
سار حمد عند سعيد ولقاه متلحف ويصيح ..
حمد: حبيبي سعيد ليش اتصيح..

..عجيد الريم..
13-04-2009, 09:08 PM
سعيد ينش ويلوي على حمد ويصيح: آآآآآآسف حمد والله آآآآآآسف ما بعيدها مره ثانيه
حمد: خلاص حبيبي انتهى كل شيء الحين خلاص..
سعيد: حمد انتو زعلانين مني؟؟
حمد: امم اشوي بس الحين دامك بخير لا خلاص بس بشرط ما اتعيدها مره ثانيه..
سعيد: لا وعد ما اعيدها مره ثانيه خلاص حرمت..
حمد: سعوود ليش كنت تبى اتسير المقبره..؟؟
سعيد وعينه على ايدين حمد: امم كنت ابا اسير عند خالد..
حمد وفيه عبره: لييش حبيبي ونحن ماتبانا..
سعيد : لا اباكم بس كنت ابا اشوف خالد انا اشتقت له وايد حمد ليش خالد خلانا ورااااح لييييش
حمد : تعال حبيبي .. اسمعني سعيد كل انسان اتكون نهايه ومحد بيتم في الدنيا ابد.. بس ربنا اللي بيتم وعشان جيه كل يوم يموت انسان وينولد غيره انسان في الدنيا هاي..
سعيد: وليش عاد يموتون وليش ما يتموون كلهم في الدنيا ..
حمد: هاي حكمت ربك سعيد . بعدين لو نفترض بس انه ولا انسان مات على الارض وين بيسكنون الناس مابيكون لهم مكان وبيجذيه بيكون الحياه ياغالب ولا مغلوب ..
سعيد: كيف يعني..؟؟
حمد: اممم انا بقولك كيف.. الحين شفت المباراه اللي على الكاس خل الدوري .. الكاس الفرق كلها تتبارى والي يفوز ياخذ الكاس في الاخير صح..
سعيد: هييه صح؟؟
حمد: جيه بتكون الدنيا اذا كلهم عاشوا على الارض كل واحد يبا الارض ولا المكان هذا لازم يقتل صاحب الارض وبجذيه في الاخير محد بيتم غير الاقوياء وحتى هم بيتذبحون في الاخير علشان يتسحلون المكان ويكون تحت ايدهم وبجذيه محد بيتم على الارض..
سعيد: ايوا علشان جيه الناس يموتون؟؟
حمد: لا حبيبي مب جذيه بس ربك كل انسان من ينولد في الدنيا يتسجل له كل شيء من اول يوم له لين يموت فيه كل شيء متى بينولد ومتى بيموت وكيف بتكون حياته وشوه بيحصل في الدنيا كل شيء في حياته بيكون مسجل.. ومتى ما يكون مسجل انه ها الانسان بيموت .. بيموت لابيأخر دقيقه ولا ثانيه من عمره..
سعيد: اها يعني يوم الحادث خالد كان مكتوب له انه بيموت هذيج الساعه.
حمد من سمع كلامه غمض عيونه وعض بالقو على شفايفه ومنع عبره انها تيه والدموع عن لا ينزلن ما يبى يضعف جدام سعيد لانه يعرف سعيد ان شافه منهار بينهار هوه بعد..
حمد: هييه حبيبي..هذيج كانت ساعته..
سعيد: واحنا متى ساعتنا ؟؟
حمد اتنهد:اممم والله محد يعرف ها الشيء حبيبي كله في علم الغيب..
سعيد: ايوا..حمد مريم يوم الحادث كانت حامل صح.؟؟
حمد: هييه حبيبي ليش تسأل؟؟
سعيد: اممم كم كان عمره؟؟
حمد: اممم ما ادري بس اعتقد انه توه ام 3 شهور ؟؟
سعيد: ايوا يعني وايد صغير .. تعتقد انه عوره الحادث
حمد: لا حبيبي لانه بعده في ها السن اليهال ما عندهم احساس بشيء بعدهم
سعيد: اها..
حمد: ليش تسأل عنه؟؟
سعيد: لا بس اسأل اذا عوره الحادث ولا لااا؟؟
حمد:اها لا بعده ما يحس بشيء..سعيد ممكن اسألك عن هذا اللي يابك اهنيه شوه اسمه؟؟
سعيد: حمد دخيلك والله اهله ما يعرفون شيء وان درو بيهزبونهم ابوهم وايد عصبي دخيلك
حمد: هد اعصابك ما بسوي شيء بس ابغي ارمس ها الريال بس منوه هو؟؟ اانا اعرفه؟؟
سعيد: هييه ؟؟
حمد: منوه؟؟
سعيد: اسامه وعصام عيال خليل الدكتور البيطري..
حمد: انا والهلا وهذيلا من وين انته اتعرفهم؟؟
سعيد: عصام عندي في المدرسه بس في الشعبه الثانيه واسامه صف عاشر راسب ..
حمد: واشله وافقو يوصلنوك بوظبي ويردون العين ؟؟
سعيد: اممم انا عطيتهم شيء..ووافقو عليه..
حمد : وشوه عطيتهم؟
سعيد:................................ساعتيه البنيه..؟؟
حمد: اللي شارنها لك خالد؟؟؟
سعيد وهوه يصيح : اسامه بغاها وقالي ان ماعطيتني الساعه ما بوصلك مكان..
حمد: عنه الله الهرم.. انا برواويه الحيوان
سعيد: لا حمد دخيلك احنا اتفقنا خلاص..
حمد: انته ما تفهم هاي الهديه من خالد وبعدين انته اتعرف بكم مشرايه هاي..؟؟
سعيد: لاااا بكم؟؟
حمد: فوق 2000درهم.. هاي ماركه عالميه مب رخيصه تعطيه حق ها الحيوان ..
سعيد: والحين شوه بنسوي..؟؟
حمد: خله عليه انا بأدبه لك بيشوف واذا على ابوه اتطمن ما بيعرف شيء بس براويه ها الحيوان.. فيه غييض عليه من زمان..
سعيد: ليش شوه سوا؟؟حمد: هااه لا ماشيء خلاص عيل انته ارتاح الحين وانا بييك خلاف وبوعيك علشان الغدا اوكي..
سعيد: اوكي..
طلع حمد من عنده وسار لقى علي راقد على الكرسي حليه من التعب محد رقد البارحه كلهم كانو يدوررون ومن درو انه لقوه في بوظبي كلهم يو اهنيه معنه علي ومطر وفارس يو العين علشان يدوررون عليه وغانم تم اهنيه وكانت امبينا وامبينه اتصالات سمع صوت في الحمام شكله احمد يتسبح سار المطبخ حس بويع في راسه بغى يسوي نسكافيه لقى مكينه القهوه وهع جاهزه بعد صب له كوب قهوه وطب النسكافيه .. خخخ والله طلع فارس متطور مافيك حيله.. مكينه قهوه فوريه بس سخن القهوه وصب لك كووب ..عاش البدو الحضري..مالت علينا نحن اللي ما انسر ان حطونا في مكان متحضر اتوهقنا اسميني ما انسى يوم شلونا رحله مدرسيه لجامعه الامريكيه في دبي.. بعد ماعطونا محاضره ساعتين وشيء عزمونا على الغدا عاد ما يحتاي الجماعه متطورين شوك ودنيا ..وهع نحن بدو العين مالنا خص. اسميني ما انسى محمد ... يو يقولهم هاتو طاسه فيها ماي .. يبى ياكل العيش بيده هههههههههه والله وناسه السيره ولا يوم يقطع الدياي بييد ويصب الروب بييد ههههههه ولا اكل فهد اونه متحضر الريال ماسك الشوكه باليمين والسجين باليسار ويوم ما عرف خلى علي يمسك الشوكه وحطها على الديايه وهو يقطع الديايه بالسكين.. والله ما انسى الموقف..ههههه وياريت رام يقطع شيء الا قيس يرح ايد علي يوم اونه بيقطع يناح الديايه..ههههههه ولا كله كوووم واكل مازن كووم اونه الحبيب اكل ريجيم بس سلطات مش ماخذ شي ثاني ماخلى سلطه ما حطها في الصحن وفي الاخير يوم عيز من السلطات دفر صحنه ويلس مع محمد ياكل العيش بيديهم..شوه اشتلت القاعه ضحك

..عجيد الريم..
13-04-2009, 09:09 PM
ومصخره ولا طلاب الجامعه ساكتيييييين جنهم سكان المريخ ماتسمع الا صوت الشوكه والسكين يوم ياكلون.. والحشره نحن سديناها...خلصنا اكل وطلعنا برا اونا نتريا الباص خخخ والباص متوهق في الزحمه تمينا حول الساعه واقفين برا ردونا داخل الجامعه عند الباركنات لين ايي الباص واحنا يوم كنا داخل اتعرفنا على شباب كانو قاعدين عدال طاولتنا ويو صوبنا وقعدنا انسولف وياهم يخرب بيتهم يخسي المصري الي عندهم من الشطاره ماخذين الاول مرتين خارج الامارات مره في بريطانيا ومره في امريكا هع هب مثلنا يالله يالله النجاح.. المهم يوم شافونا برا يو صوبنا بسيارتهم ومشغلين اغنيه انا المغرم . لفرقه المزيود الحربيه..
ومن سمعو الشباب الاغنيه الكل نزل ايووول وماتم حد غير الاساتذه يطالعون عاد الشباب مرتبشين على الاخر ومن تخلص اغنيه حطو غيرها وما تم حد في الجامعه ما ياا عند الباركانات يشوف العرض وتمو اييوولون لين ياهم الباص ومن خلصو يواله ركبو بسرعه لانه ايدراه الجامعه هدوو اونهم مسوين ازعاج NOISE..فطلعو بكرامتهم اونهم آآآآه لو ترجع ايام الدراسه والله ايام حلوه..
احمد بصوت عالي: اعترف وين سرحان يالله بسرعه..؟؟
حمد: بسم الله زيغتني ياخي اشبلاك؟
احمد:ههههههه وين سرحت من عشر دقايق انا واقف اهنيه واشووفك بعييييييد وين سرحت..؟؟
حمد: آآآآه ههه والله اتذكر ايام المدرسه ويوم وصلونا رحله لجامعه دبي.
احمد: هييه ماكانت حلوه لاني ماكنت عندكم..
حمد:ههههه يالغروور..
احمد: شو انسوي ياخي شيخ فديتني..
حمد:هههه ومن وين يبتها المشيخه حضرت جنابك.. وارثنها ولا هافنها..
احمد: حبيبي انا ما اهف شيء مب لي .. وبعيدن الواحد مايكون شيخ بفلوسه .. لو جييه بتلقى وايد ناس شيوخ عيل .. ياخي الشيخ يكون بمعانيه اووه انا كم مره بعلمك ياخي اتعلم مني لو مره وحده افهم..
حمد: اقول رح زين لا اجب هاي القهوه اللي اونها حاره في ويهك
احمد:هههههه سولي ابا مثلك..
حمد:وانته اشله ما اتسوي حق عمرك في ايديك حنا شوه..
احمد: آآآخ شوه حنا ما حنا ياخي شوه هذا قالو لك بنت جدامك بتحنى
حمد: شودراني بك اونه سولي هاكيه المكينه روح صب لك كووب..واندووك زيد مالي برد..
احمد: وليش ما تصب لك روحك حنا في اييديك..؟؟
حمد: هع لا دبس الله يسلمك.. كككككك
احمد: بايخ..
حمد: ادري مثل ويهك..
احمد: فديت ويهي ياربي ادري انك تغار مني ..
حمد: وييييه ويييه على شوه ياحسره مادري منوه الا احمد بن غيث.. ولد عم حمد بن عبدالله........
احمد: هييه خطيب سنيتيا هههه
حمد: عنه الله تك.. اقول خلنا الحين من هذا اتحيد اسامه ولد خليل البيطري؟؟
احمد: هيييه شوه بلاه ههه اسميني ما انسى شوه سويت بسيارته ..
حمد: ههههه يستاهل الهرم..
احمد: ههههه لين اليوم اتذكر السالفه عيل الهرم يشوف الاشاره حمرا يعني يدق لي هرن ليش يوم تغدي خضرا ماعليه بسير..
حمد:هههههههههههههه
احمد: والله ما انسى الحرمه الهداده اووين شوه تبا اتكسر سيارته.خخخ .يستاهل..
حمد: شوه من السيارير عنده..
احمد: عنده صالون كابرس كحيان جديم ونا عندي استيشن فور ويل ولله اني رقيتها على المدعميه مالته يستاهل..
حمد:هههههههههههههههه
احمد: عيل.. الا ماقلت لي شوه مسوي بعد..؟؟
حمد: الهرم متبادل ويا سعيد اوين ان عطيتني ساعتك بوصلك بوظبي وسعيد على نياته عطاه الساعه
احمد: عنه الله ته شمن ساعه..
حمد: ساعه اصليه ماركهChopard
احمد: يعله في ذمتك..
حمد: والله
احمد: الهرم..وعلشوه ناوي تراني وياك..
حمد:هههههه ادري علشان جييه قلت لك..
احمد: افا عليك نحن في الخدمه طال عمرك..
حمد: خلاص عيل من نرد العين بنسير صوبه..
احمد: هههه افا عليك انته بس..
اشوي ويرن تلفون احمد وسار صوبه ولقى انه فارس.
احمد: هلا فارس.
فارس: هلا بو شهاب هااه وين..؟؟
احمد معقد حياته: وين يعني في الشقه علومك..
فارس: طيبه اقولك تعال المستشفى اباك في شغله بسرعه
من قاله المستشفى احمد فز قلبه ليش يافارس خلنا ناسين لازم اتذكرنا يعني..
احمد: ليش خير شوه صاير..
فارس: ماشيء بس ابغيك اشوي تعال ومن توصل تعال اترياني في مكتبيه بخلص شغله وبييك اهناك لا تتأخر يالله باي عندي شغل بسرعه لا تتأخر..
احمد: لحضه اشوي ش.... سكر اف
حمد : شوه بلاه
احمد: ما ادري اوين تعالي المستسفى واترياني في مكتبيه اباك في شغله اف شوه يبا مني امساعه يوم قال تعالي المستشفى علشان اتشلني قلت بترياه في الباركنات لين اييني والحين يباني انزل له واترياه في المكتب علشان اشوفها واعور قلبي يعني مب كافي اني ناسي وعايش حياتي ..
حمد: امم شوه اقولك يا احمد مافي غير اتسير واتشوف شوه بلاه يمكن عنده شيء مهم وما يقدر يقولك اياه في التلفون..؟؟
احمد: ياريال شو بيكون يعني..؟؟
حمد: ما ادري سير وشوف شو عنده؟؟
احمد: لا حول ولا قوه بسيراشوف واشوف شوه آخره ها الموضوع وياه وان شاء الله ما اشوفها..
حمد:هههههههه سير سير الحين..
احمد انزين بسير اتلبس كندوره يعني تباني اسير بوزار وفانيله يعني .. والله حاله..
حمد:ههههه اتعرف شكلك مغري بالوزار والفانيله بتلقى المستشفى كلهم يربعون وراك..
احمد: والخيبه ليش عاد..؟؟
حمد: هههههه بيقولون مينون طالع من السجن ولازم انرده ههههه
احمد: عنه الله تك يالهرم مينون في عينك..
حمد:هههههه اتخيل انك تربع والناس كلهم وراااااااك ويباغموون مينوون مينووون مينوون ههههههههههههههههههههه
احمد: اقول الشيخ جنها عيبتك وايد..
حمد:هههههههه اتصدق واااااااايدههههههههههههههههههههه
احمد: الله يكملك بعقلك ويشفيك ياخي الله يعينك..
حمد: عنه الله تك انا المينون الحين..
احمد: عيل اتسميني مينون ليش.. بعدين لا اتسير بعيد مره لقيت ناس اهنيه في بوظبي يحوطون في المولات ببجامات نوم شوه تبى اكثر من جذيه..
حمد: ههههه تراهم يأزرونك في الينان..هههههههههه
احمد:ككككك بايخ اقول احسن لي اسير حق فارس ابرك لي من مجابلك يا المينون..
حمد:هههههه محد غيرك..هههههههههههههههه

..عجيد الريم..
13-04-2009, 09:10 PM
طلع احمد من عنده وسار المستشفى وهو يدعي انها ما اتكون موجوده اهناك ياااااارب دخيلك..
وفي العين ها الوقت عويش توها ناااااااشه على حشره سلامه وامها ويدتها..
عويش: اصبحنا واصبح الملك لله شوه بلاكن من الساعه 9 محتشرات
عذيجه: اختج من صباح الله خير تبا اتلين الصالون وتبا الدريول يترياها هناك وانا ان شاء الله منو بيقضي اشغالي لا اني يبت حشيش ولا شعير حق الهوش البرايد اللي في العزبه بيخلصن ماشيء غير بريدتين وخلاص ما بيكفن ل يومين..
عويش: ليش البريده كم اتكفي
عذيجه: ماشيء ينعطن حشيش الصبح وينعطن العصر وين بتكفيهن بريده وحده وغير البوش للي ماشيء عندهم غير الجت ويبون برايد حشيش بعدهم وهاي يالستلي تبا اتلين الصالون برايج ليني بس الدريول ما يزر مكان...
عويش: الله يهديج يدوه عيل منوه بيوصلها دام الدريول مابيزر على ريولها بتسير. يعني!!.
عذيجه: هااااكوه الدرب اتلين جان تبى تقبض الشارع والله يحفظها دريوليه مب ساير..
عويش: الله يهديج وينها هيه الحين..
عذيجه: ولا ادلها وين اذلفت ..
عويش: حرام عليج يدوه ماشيء باقي لها غير ها الاسبوع خلاص ما بتشوفينها غير كل 3 شهور مره حرام عليج..
عذيجه وفيها صيحه: برايها ربي يوفقها ويرعاها.. (( ودمعت عينها))
عويش مارامت اتم وياها اتعرف يدتها يوم يحز شيء في خاطرها ماتبى حد عندها سارت عويش اتدور سلامه ولقتها يالسه في حجرتها ولابسه عباتها ومريم وفطيم عندها وكلهن لابسات عباياهن..
عويش:هههه السلام عليكم العرايس ..هه شوه اجتماع القمه العرائسيه هنيه ..ههههههه
سلامه :وعليكم السلام بايخه ويا ويهج..
مريم: ههه وعليج السلام مرحبا..
فطيم: وعليج السلام.. ياخي راسي يعورني .. شوه ها الحاله..؟؟
عويش: أي حاله مدام رامس
فطيم: فديته ياربي... آآآآه..
مريم.. : اونه فديته..
سلامه: طالعي انتي خواتج..
عويش:ههههههههههههه
سلامه: والحل انا مواعده راعيه الصالون اييها قبل العشر والحين كم الساعه 9 وربع شوه هااااا
عويش: ماعليه بكلمها يدوه تعطيج الدريول اليوم بس باجر مافي سيره مكان وياه اوكي..
سلامه: لا طبعا باجر بروفه الاخيره للفستان عويش انا روحي ميته وين بعد اتزيديني انتي ويدتج بعد..
عويش: انزين خلي حمدان ولا خليفه يوصلج لازم الدريول.
سلامه: حمدان مابيطيع انتي اتعرفينه وخليفه بعد اخس عنه ..
عويش: خلى حمدان عليه شوه بعد آمري تدللي حرم محمد شوه طلباتج بعد..
سلامه: سلامتج حرم . نقط نقط نقط...
حمدان: منوه ها نقط نقط بعد هاااااه
عويش وقف قلبها
سلامه: هاه منوه يعني .. يعني بعده مجهول الهويه حاليا ولين يبين في الارجاء ويكون معرف بينقال اسمه.. فهمت اخويه..
حمدان:هييه اتحسب بعد..
عويش: لااااااا تتحسب سلام بروح اشوف لج يدوه.
حمدان: شوه بلاها عصبت.. هاي انا شوه قلت..
سلامه: لا ماقلت شيء بس انته اتعرف عويش ما اتحب حد ياخذ لو سوالف فكره غلط عنها
حمدان: انزين انا ماقلت شيء انتي قلتي نقط نقط وانا سألتج منوه نقط والله حاله..انزين انا سمعت باجر عندج بروفه وين ان شاء الله.
سلامه: دبي؟؟
حمدان: اممممم أي وقت .؟
سلامه: الصبح الساعه 10 ونص..
حمدان: خلاص عيل اتجهزي وبوديج باجر.. الا شوه عندج اليوم بعد.؟؟
سلامه:ههه موعد مع راعيه الصالون البشره
حمدان: ياخهي حاله انتن ما انخلصن حشى كل يوم يطلع لكن شيء اف ياحبكن للمخاسير..
سلامه:هههههههههه شفت عاد.. باجر يوم بتعرس بتشوف حرمتك كيف بتخسر..
حمدان: بيت اهلها اقرب لها مني..؟؟
وسرح وماعرف ليش سرح في منيره معنها دووم تستفزه بس ليش يفكر فيها ما يعرف..
حمدان: خلاص عيل انا بسير الحين شيء في الخاطر..؟؟
سلامه: اممم حمدان..
مريم: لاخلاص ترا عويش بتشوف يدوه
حمدان: شوه بلاكن.
سلامه: هااه لا بس نسأل اذا اتروم اتوصلنا الصالون بعد اليوم..لو ماعليك امر..
حمدان: وعويش بتسير؟؟
سلامه: لااااا
حمدان: كوونن جاهزات وخبريها هيه بعد تتلبس بتسير وياكن..
مريم: اوكي..
فطيم: اها اوكي احنا مخلصات خلاص..
حمدان: عيل خبرن عويش تجهز.؟؟
سلامه: اوكي..
سار حمدان عندهن وهو يفكر بكلام حمد .. يمكن كان يسولف يوم قاله انه يبى يناسبهم بس شوه الحل يخاف يوم يعزم صدق عويش اتطير من ايده وهو في خاطره انه عويش اتكون من نصيب حمد مايعرف ليش حاس انهم بيوافقون مع بعض.. اها.. ركب سيارته يتريا البنات ايين..
وعند فارس كانت عنده جوله
على مرضاه وعنده الدكتور ايمن اخصائي جلديه يتمشون بعد ماخلص فارس من الجوله سايريين الكوفي ولقفو في طريقهم عمال اثنينه شالين بوكس كبير وعندهم الدكتوره غزلان ومن شافتهم اشرت عليه وسارو صوبه..ايمن فج عيونه من كبر البوكس وفارس مثله منوه ها اللي مطرش ها البوكس لغزلان لايكون التيس احمد استعيل وسوا شيء ماعليه بيشوف الموضوع وياه بعدين ومن وصلو عندهم حتى سألها فارس:شوووووه ها الصباح معجب مطرش لج بووكس شالينه اثنينه من العمال لج..
غزلان:ههه لا انته غلطان دكتور ها البوكس مب لي
ايمن: لمين ؟؟
فارس: امم حق منوه؟؟
غزلان:هه لك انته..!!
فارس: لي انااااااا؟؟؟ بس ما احيد انه عيد ميلادي اليوم او حتى انه قريب علشان حد يطرش لي هديه.. بعدين افترضي انه فيها مرض خبيث مثل الجمره الخبيثه مثلا شوه بتسويين ساعتها انتي اللي بتنشرين المرض اهنيه..
غزلان مصدوومه :لاااا انا مالي خص هم اتخبرو عنك وانا بس دليتهم عليك.. مالي شغل
فارس:ههههههههه صدقت مشكورين بس ممكن اشوف الكرت لو سمحتو..
عادل: مافيش كرت يا دكتووور..هوه كده وصلوه لحاد عندنا واقااالولنا انا نبعته ليك من دوون كرت ولا حتى اسم..
فارس معقد حياته: كييف اتطرشون شيء من دوون اسم ولا رقم..
عادل: مش مهم لينا بس المهم ناخد اللي علينا بعد ما انوصل الحاقه لااااحد عنوووكو..
ايمن: طيب ما بتعرف مين اللي بعتووو..

..عجيد الريم..
13-04-2009, 09:11 PM
عادل : لا والله يادكتوور بس اللي انا عارفه انها وحده ست اتصلت بينا وآلت انه محطوط في المحل الفلاني ولازم انا نوصله للحته الفلانيه.. ودي الحكايه كلها.
فارس: اوكي ممكن اعرف اسم المحل الي يبتو منه البوكس..؟؟
عادل : احنا متأسفين يابيه بس ادونا آوامر مأانولش لحد ازاي ومن فين بس اللي علينا انا نوصله وخلاص.. وااادي الهديه وصلت وخلاص نحطها ليك فين..
فارس: اممم سوري بس بتعبكم اشوي.. بس لو سمحتو تعرفون الهلال الاحمر اللي في شارع خليفه..
عادل: ايوا
فارس: حلو وصلوه اهناك وقولو لهم تبرع مني لهم..اوكي.. وعطني الحساب لو سمحت
عادل: بس يابيه مش حلوه تعمل كدا.. اكيد انه الست تعبت علشان تجمع الحاقه ليك.. مش حلوه ترجع الحاقه ولا تتبرع بيها..
فارس:والله حلوه ولا مش حلوه مب شغلك وصلها للمكان اللي خبرتك عنه ولابيكون لي تعامل ثاني معاك مع ادارتك..
عادل: لا خلاص خلاص يبيه اللي تؤمر فيه حانفزه خلاص هانوصل الحاقه للهلال ماتزعلش
فارس: اوكي خلاص عيل وانا بشوف الهلال الاحمر بعدين اوكي يالله سلام والسموحه بنتعبك اشوي..وكم حسابك..
عادل: لا ابدا تعبك راحه يابيه..والحساب كمان مدفوع.متشكرين يا بيه.
فارس: العفو..
ايمن: انته عن جد بدك تعمل هييك..
فارس: شووف وبعدين بتصدق..
غزلان:اها
فارس: هييه قبل ما انسى قول للمدام اللي طرشت البوكس انه أي شيء بتطرشه بتكون النتيجه وحده.. فلااتعب عمرها وياي.. احسن..أ وكي
عادل: حاضر يابـبيه..اذا اتصلت ها انبلغها.. يالله سلام عليكم..
فارس وايمن وغزلان: وعليكم السلام والرحمه..
ايمن: بس كان بإمكانك على الأقل تشوف الي فيه..
فارس: علشان شووه مااباه ليش اشوفه.. ممكن اتسكر على الموضوع لاني ما ابا اسمع عنه خلاص مابروح الكوفي عندي شغل باي..
ايمن: باي..بتعرفي مرات بحس انه ها الرجال مانو طبيعي ابداً..
غزلان:هه ليش؟؟..
ايمن: لكان واحد بيجيه هدييه متل هاي وبيرفضها..
غزلان: يمكن عنده سبب مقنع
ايمن:وشو هوه السبب هاد.. اللي بيخلي واحد عاقل بيجيه شيء حلو متل هاد وبرجعه لمكان تاني ما بتطلع حتى شوه محطوط فيه.
غزلان: ما اعرف ليش ما تسأله .بنفسك؟؟
ايمن: ماراح يجاوب علي انتي سمعتي شوه قال .. اني ما افتح هاي السيره مره تانيه.. آآآآآيه ياستي هو حر شوه علينا .. بس بتعرفي فيه فضول شوه اللي محطوط في ها البوكس الكبير..
غزلان:هههه ياخساره ما بتعرف اللي فيه..
ايمن: اييه بعرف.. يالله تمام بدي روح على الكوفي بدك شيء..
غزلان: لا مشكور عندي شغل يالله سلام..
ايمن: اييه ماشي سلام..
راحت غزلان مكتبها وبالها مشغول بالي صار جدامها انزين صدقه ايمن لييش رد البوكس من دون مايعرف شوه فيه.. يمكن من اللي فيه يخبره منوه مطرش له البوكس..غريبه.. توه دخلت مكتبها الا وتلفونها يصيح والمتصله كل العاده المزعجه العنود..
غزلان: نعم شوه بلاج .. بتخبرج انتي ماعندج شغل غيري ..تزعجيني ليش..
العنود:ههههههه شفتي عاد ماحد عندي لا ريل ولا حد اغثه بتصالاتي مالقيت غيرج..
غزلان: ههههههههه يالسباله تبين تغثين ريلج ..خلييه ايي قبل وخلاف خيير..
العنود:ههههه شوه انسوي شكله امه داعيه عليه انه مايعرس الحين مأجلين الموضوع اشوي..
غزلان:ههههههه الحين امه داعيه عليه مايعرس.. هههه والله انج حركات يالعنود..
العنود.ههه شوه انسوي.. خلينا من عمه المستقبل الحين وخبريني بآخر التطورات اللي صارت عندج ..
غزلان: عندي انا ماصار شيء كله عادي..
العنود: اييييييه السباله انتي فاهمه قصدي.. ولا لازم اقول آخر التطورات اللي صارت لفارس..
غزلان: فارس حاااااااف مره وحده هههههههههههههههههههه
العنود: انجبي.. يالله ارمسي..
غزلان: ول انجبي وتبيني ارمس مابقول شيء..
العنود:غزوله عاد حراااااام طمنيني عليه على الاقل بليز..
غزلان: هههههههه يامكرج مشكله يوم تتمسكنيين تكسرين خاطريه.. انزين سمعي اللي صار له من قبل 5 دقايق..
وخبرتها باللي صار من لقفت العمال ولين وصلتهم عنده..
غزلان: بس تعرفين اللي حيرني انه قالهم انه يقولون حق الي طرشت البوكس انها أي شيء بتطرشه بيكون له نفس المصير..
العنود: اها يعني شيء ياه قبل ورده من نفس الشخص وهو اتخلص منه.
غزلان: اكييد ولا ما بيرد بوكس قبل حتى ما يفتحه ولا يعرف منوه مطرشنه.. اذا ماكان يعرف بلاساس راعي البوكس..
العنود: تعتقدين انه امبينهم كانت علاقه
غزلان: ما اعرف ..بس من البوكس العوود شكلها اتحبه ولا ما بتطرش له هديه اثنيه من العمال يشلونها من ثجلها..
العنود: اها.. تعرفين قلبي عورني.. وبنفس الوقت مستانسه..
غزلان: فهميني لو سمحتي اخت العنود كييييف قلبج يعورج وبنفس الوقت مستانسه..
فارس: احم
غزلان: لحضه عنادي.. نعم دكتور..
فارس: ممكن يوم اتخلصين فون تيين مكتبيه..
غزلان: هااه اوكي دقايق.. الو العنود بخليج الحين اشوفج بعدين باي
العنود: ايييييه شوه ها..
غزلان:هههههههه باي..
العنود: انزين سمعي لحضه..
غزلان: ها بسرعه الدكتور يترياني ..
العنود: انزين سلمي عليه..
غزلان ويها غدااا احمر: هااااااه.. لااا ما.. اقد..ر
العنود: ورفجه الغالي عندج..
غزلان: ما اقدر استحي..
العنود: رفجت بج غزلان اووكي ورفجه احمد اخو فارس..
غزلان استحت: سباله.. شوه تبيني اقوله دكتور اتسلم عليك اختيه العنود بتبطين..
فارس كان عدال الباب وسمع سلام العنود وابتسم فديتها ياربي..دخل عليها المكتب وقالها بشفايفه بدون صوت سلمي عليها بعد ابتسم وطلع من عندها..

..عجيد الريم..
13-04-2009, 09:12 PM
غزلان منصدمه ومستحيه بنفس الوقت.: يا السباله دخل عليه المكتب وسمعني اقولج انج تبيني اقوله انج اتسلمين عليه.. والحين قالي اسلم عليج كييف تبيني اجابله الحين..
العنود: عادي حبيبي مثل كل مره بس المهم انه وصله سلامي ووصلني سلامه.. يالله باي لا تتأخرين عليه باي..
غزلان: سبااااااله باي..
سكرت عنها وخذت نفس وعدت لين العشره قبل ما تدخل مكتبه دقت الباب ودخلت لقته واقف جدام الدريشه يشوف الباركنات والناس اللي برا.. بس غزلان تعرف انه ما يشوف شيء بس تفكيره بعييييد وايد..
غزلان: احم
فارس التفت صوبها فجأه : هلا غزلان اتفضلي ..
غزلان: مشكور..
فارس: اممم شوفي بتكلم معاج بصراحه وابا منج الصراحه الكامله اوكي.
غزلان تبلع ريجها: اووكي..
فارس: اممم بدخل مباشره في الموضوع.. شوه العلاقه اللي بينج وبين احمد اخويه.. ولا اتخافين انا ابغي اساعدكم مابضركم
غزلان: هااه ما..شيء امب...ينا..
فارس: غزلان انا لاحضت اشياء وايد اتصير.. والحين تقطيعج في الكلام بين لي صحه اعتقاداتي.. خلينا صريحين وانا قلت لج بكون في صفج وصف احمد .
غزلان: صدقني مافي امبينا ش..يء.. انته تتوهم او انك اللي سمعته منه مب صحيح..
فارس: اوكي ممكن اجذب سمعي بس ما اقدر اجذب عيوني.. غزلان انا شفتج اكثر من مره يوم اكلم احمد او اييب طاريه تسرحين او اتوخين تحت.. واحمد نفس الشيء يوم اييب طاريج ما احس به الا واتنهد من خاطره.. سمعي غزلان انا خبروني اللي امبينكم بس حبيت اسمع منج اللي صار هذاك اليوم اللي يوم كلمج فيه احمد وانتي صدتيه.. احمد ما يستاهل اللي يصير له.. غزلان احمد كان بيرتبط بس في كل الاربع مرات ماصار نصيب.. وحده طلع فيها المرض الخبيث والثانيه راعيه مشاكل والثالثه اتحب واحد ثاني. والرابعه طلعت بويه ولا شاذه. اتخيلي واحد كان حلمه يستقر في بيت بروحه ويكون اسره .. جذيه اتكون حياته.. كنت اشوف احمد يعيش حياته بس معانا نحن الشباب أي حد يتجرأ واييب له طاري العرس يقوم من مكانه ويطلع برا ولا بتصير هده عوده.. فب الاخير يسكتون عن الموضوع.. بس اللي سمعته انه بدا يحس تجاه الجنس الثاني بشيء بعد مافقت الامل فيه.. تين في الاخير واتحطمينه.. انا ما الومج يمكن لانه استعيل معاج او انج ماتبين تربطين حياتج به.. بس ماتكسرينه جذيه.. اتعرفين انه من صديتيه ماالتفت صوب بنت ابد كنا نطلع وياه والله انه البنات اين لين عنده ولا يعطيهن فيس ولا تتوقعين ارمس جيه علشان ابيض صورته جدامج بالعكس اتخبري أي حد عنه وشوفي شوه بيقولون لج.. غزلان فكري مره ثانيه.. انا بييني احمد اليوم بخليه ايي اهنيه وحاولو مره ثانيه.. يمكن يتغير شيء.. يمكن اذا انتي الي شفتيه فيه من قبل ماعيبج يكون اتغير فيه الحين .. فكري وعطو عماركم فرصه ثانيه..
غزلان: ما اعرف الصراحه انته فاجأتني..
فارس: ادري وأنا آسف بس شفت احمد وايد تعذب في حياته من يوم هو ياهل كان عايش بروحه عند امه اهنيه في بوظبي... وماكانت امبينا أي علاقه لين وصلو الثانويه انتقل عندنا في العين..وبدا يختلط ويانا.. ولا تعتقدين انه بييته للعين ارتاح في حياته لاااا اول شيء صعب لانه المكان غريب عليه.. وثاني شيء حتى البيت غريب عليه..اتعرفين انه لين اليوم خواتي مايرومن يدخلن حجرته ما ييسرن معنه ماكد منعهن بس هن ماخذات موقف انه مره هزبهن على شيء سونه ومن هذاك اليوم خذن فكره انه من النوع العصبي ومحضور عليهن يتقرب منه.. كنت احيد دايما يقولي ياحظكم تأخذون راحتكم مع خواتكم بس عندي يكونن صنم.
غزلان: هه
فارس: فكري وشوفي شوه بيصير.. اوكي..
غزلان اوكي..
طلع من عندها وسارت غزلان مكتبها وهي اتفكر بكلام فارس معقوله يبالي الخير بس ليش.. والله محتاره شوه اسوي بشوف لي العنود يمكن اتساعدني..في ها الوقت احمد وصل المستشفى ومن وصل اتنهد ورقى فوق ويوم وصل مكتب فارس لقاه فاضي .. قعد يترياه على الكرسي الجلد الطويل وماحس بعمره الا وانسدح على الكرسي ونام.. حليلهم مواصلين من البارحه ما رقدوو..
دخلت بالغلط غزلان والعنود المكتب ولقنه راقد..
العنود: ايييه منوه هذا مشاء الله عليه ..؟؟
غزلان تتنهد: هذا احمد اخو الدكتور فارس اللي كلمتج عنه..
العنود: ماشاء الله عليهم كلهم حلوين بس الي امبين هذا احلاهم صح..
غزلان: هييه شفت خوانه وولد عمه بس احمد احلاهم كلهم بس مب لي يا العنود فهميني دخليج..
العنود: غزلان انتي اللي تحرمين عمرج من كل شيء هوه يعرف بكل شيء واتقبله مثل ماقلتي لي عيل ليش اتقاومين المشاعر اللي امبينكم ليش تحرمين عمرج من السعاده..
غزلان: ما اعرف اخااااف اني ما أسعده
العنود: وليش عاد لهاي الدرجه مب واثقه من نفسج ..
غزلان: لا واثقه بس متردده ..
العنود: لا تترديين عيل انا شوه اقول عنه الي في بالي بالج.. وهو يستقبل هدايا لين عنده خليها على الله..
غزلان:ههههههه والله ما ادري..
العنود: بس تعرفين شكله كيووت يوم هوه راقد..
غزلان: اييييه السباله عيب عليج خلينا نطلع عن لا انغثه حرام شكله تعبان.. فديته ياربي..
العنود: اب اب فديته مره وحده والله انج مكاره ..
غزلان: اتعرفين طلعت صدفه مني؟؟ بس صدق احسه انه غالي عندي ما اعرف ليش..يوم سمعت ابوه مره قاله انه دعم حسيت قلبي وقف مابا أي مكروه اييه..
العنود: ويوم قالو لج انه اتلعوز في حياته وايد من قبل ما أثر فيج بعد..
غزلان: اتصدقين واييد اثر فيني عنه بوه احمد ياهن يخطب وحده تطلع بويه والثانيه اتحب واحد ثاني صدق ماعندهن نظر..
العنود:ههههههه اشوفج وايد شاده حيلج كل هذا علشانه.. واتقولي ما احب.. عيل يوم بتحبين شوه بتسوين بترتكبين جريمه
غزلان: والله لو احتجت لها برتكبها بس من اقتله بقتل عمري وراه..
العنود: يااااويل حالي.. خلينا نطلع عنه برايه ينام ..

..عجيد الريم..
13-04-2009, 09:14 PM
طلعن وطبعا احمد كان ناش وسمع الرمسه كلها وحس انه قلبه بيوقف يوم انها اتحبني عيل ليش اتحارب مشاعرنا مب حرام عليها.. نش يدور عليها ويوم سأل عنها قالو له انها في مكتبها..
احمد: السلام عليكم..
غزلان والعنود : وعليكم السلام والرحمه..
احمد: اشحالكن؟؟
العنود: بخير ربي يسلمك اشحالك ربك بخير..
احمد وعينه على غزلان: الحمد لله يسرج الحال .. اشحالج دكتوره ..؟؟
غزلان مصدومه وحاسه قلبها بيطلع: الحم..مد لل..ه تسلم.
احمد: الله يسلمج ممكن لو سمحتي اختي اتخلينا اشوي مع اختج ابغيها في سالفه ..؟؟
العنود: هااااااه هييه ان شاء الله خذوه راحتكم غزول انا بسير الجامعه ومناك بروح المكتبه اشوي وبرجع البيت بعدين اشووفكم على خير..
غزلان: اها اوكي حبيبي ديري بالج على نفسج ولا تسرعين..
العنود: ان شاء الله يالله فمان الله..
احمد وغزلان: الله وياج..
ومن طلعت عنهم وهو يطالعون بعض ما رامو يتكلمون وشكل احمد تعبان من الخاطر ..
غزلان: اشحالك مبين عليك التعب...؟؟
احمد: الحمد لله بس اني مب راقد من البارحه مواصل بس شكلي غفيت في مكتب فارس.. الا هوه وينه قالي تعال وما لقيته شفتيه مكان..؟؟
غزلان: كان في المكتب امساعه بس اعتقد الحين عنده مناوبه على المرضى ؟؟
احمد: اها.؟؟ غزلان ممكن اعرف شوه آخرت ها الموضوع؟؟
غزلان: أي موضوع؟؟
احمد: موضوعي وياج..؟؟ لين متى بصبر يعني..؟؟
غزلان: على شوه تصبر؟؟
احمد: اللهم طولج يارووووح سمعي انا سمعت الكلام اللي دار بينج وبينها يوم ييتو في المكتب..
غزلان: شوووه؟؟
احمد: غزلان دخيييييل والديج رحميني اذا انتي موافقه عليه صدقيني اليوم بييب امي تخطبج بس رحميني دخيلج..؟؟
غزلان مصدومه: ما ادري شوه اقولك..
فكر احمد مافي غير ها الشيء: سمعي بسألج سؤال وجاوبيني بصراحه:انتي اتحبيني ولااا لاااااااااا مثل ما انا احبج .. جاوبيني بصراحه وصدقيني ان كان جوبج لا بطلع من حياتج وما بتشوفيني ابد .. اوعدتج.؟
غزلان: لا دخيلك..؟؟
احمد مصدووووووم: لاااااااا ؟؟؟؟ اها خلاص سمحيلي الشيخه آسف واوعدتج ما اتشوفين رقعت ويهي مره ثانيه .. وعيونه بتدمع..
غزلان: لا احمد انته ما فهمت عليه.. انا احبك وربي احبك.. بس الي اتسويه انته ..
احمد: شووووه الي اسويه انا حرام عليج رحميني..
غزلان: احمد انته ما اتعرف انا شوه كانت حياتي
احمد: مايهمني أي شيء بس اللي يهمني اني احبج وانتي اتحبيني حرام عليج..
غزلان: وحتى لو عرفت اني احتمال ما اييب عيال..؟؟
احمد: شوووووووه؟؟؟
غزلان: هييه احمد اسمع اللي بقوله لك.. وصدقني ختيه العنود ما اتعرف به.. امم احمد انا استوالي حادث يوم كنت في امريكا وبما اني دكتوره عرفت انه ها الحادث بيأثر عليه بشكل سلبي وما بيخليني احمل ابد..
احمد صارلي حادث ويتني اصابه في الراس وخصوصا في الغده النخاميه اللي في قاع المخ وهاي الاصابه كفيله انها اتسبب العقم للمرأه انته مستعد تأخذ لك حرمه احتمال كبير اتكون عاقر..
احمد: بس احتمال اتكونين لااااا غزلان ؟؟
غزلان: واحتمال اكون عاقر..
احمد بصوت عالي: انتي قلتي احتمال يعني مب متأكده ميه بالميه..يعني في امل..
غزلان: لا احمد اسمعني احسن انك تنساني.
احمد وفيع عبره: لااااا مستحيل انساااج حرام عليج ماصدقت اني لقيت وحده اتحبني واحبها حرام عليج غزلان.. برايج ماتيبين عيال انا اباااج تفهمين ..
غزلان: احمد فديتك افهمني ..
احمد: لاا انتي فهميني والله يا غزلان ان ماكنتي انتي حليلته والله اني ما آخذ وحده ثانيه تفهمين وانتي السبب
وسار المكتب وكتب رقم تلفونه ..
احمد: هذا رقم موبايلي اذا انتي موافقه عليه انا من باجر بييب اهيله لين عندكم واياني واياج اتخبرين حد باللي قلتيه ليه تفهمين..؟
غزلان: تباني اقص عليهم..؟؟
احمد: تراج لين الحين ماخبرتي حد مافيها شيء غزلان وصدقيني اني راضي بكل شيء.. والله راضي بس اتكونين ليه دخيلج رحميني..
وطلع عنها من دون ما يترياها اتقول شيء.. وفي ها الوقت كان فارس مع العنود في مكتبه .
فارس: هزرج اتارضو الحين..؟؟
العنود: امم ان شاء الله ربي يسمع منك.. غزلان وايد حساسه واي شيء يأثر فيها؟؟
فارس: اها حتى احمد وايد اتلعوز في حياته..؟ الله يهنيهم..
العنود: آمين. ربي يسمع منك..
فارس: احم امم ممكن اسألج سؤال خاص اشوي..؟؟
العنود: آمر؟
فارس: امم ادري اني مستعيل بس .
اشوي ويرن التلفون ومن شاف الرقم اعتفس ويهه ..
فارس: آلوووووو
شهد: هلا والله بها الصوت..
فارس: سمعي يابنت الناس هاي آخر مره اتدقين عندي ولا اتطرشين شيء من زبايلج تفهمين..
شهد: اها يعني وصلك البوكس ها ان شاء الله عيبك..
فارس وعينه على العنود: تبيت الصراحه لا عيبني ولا عيب خطيبتيه اللي من عرفت زعلت وعصبت ..واتحلفت لج انها تفظحج..
شهد: انته خااااااطب مستحيل..
فارس: وليش ان شاء الله مستحيل شوه قالو لج مرفوع عني القلم ؟؟
شهد: بس اللي اعرفه عنك انك مطلق حرمتك يوم مات ولدك سعيد..
فارس وقلبه يعورد حاط ايده على قلبه: من وين اتعرفين عني كل شيء انتي .. ومنوه قالج عن سعيد..
شهد: فارس انا من شفتك حبيتك والله اني صادقه وياك..
فارس: يعل اسمي بلاج قولي آمين وحبتج القراده ياخي انتي ما اتحسين ما ابا اتعرف عليج وما ابا منج شيء زولي عني تفهمين ولا لاااااااااااا

..عجيد الريم..
13-04-2009, 09:17 PM
العنود: فارس عطني التلفون اشوي..؟؟
خذت التفون من عنده وفارس منصدم منها..
العنود: نعم شوه في خاطرج واحد قالج انه خاطب شوه تبين منه..؟
شهد: نعم نعم اللي اباه منه هوه اللي تبينه منه انتي..؟؟
العنود: اتخسين .. اللي اباه انا منه هوه بعد يباه مني مب مثل وحده زباله مثلج.. ياريت انج ما اتعيدين ها الاتصال مره ثانيه ولا انا بيكون لي تصرف ثاني وياج مب خطيبي فارس..
فارس فاج ثمه من الصدمه..
شهد: شوه بتسوين يعني..؟؟
العنود:ههه عيدي الحركه وطالعي شوه بييج مني..؟؟
شهد: بنشوف يا الا ماقلتي لي شوه اسمج..
العنود: هه عمتج يالزباله.. جان ما اتعرفين ..
هبه: شهد لحقي امج تباج بسرعه تحت..
شهد: انجي السبااااااله ((وعينها على هبه))
شهد: اييه انتي منوه عمتيه بعد اتخسين انتي اتكون عميته اصلا انا اشتريج واشتري طوايفج كلهم..
العنود: اقووووول يا شهد زولي احسن لا اييج شيء عمرج ما شفتيه في حياتج كلها باي وخليني اعرف انج عدتي ها الحركات .. باي.. يا الزباله شهد.. هع..باااااااااي..
سكرت في ويها وصدت صوب فارس تضحك عليها..
العنود:شفت العمليه جداً سهله..
فارس: يخرب بيتج كييف يبتي اسمها؟؟
العنود: هذا يزاي اني اساعدك وفي الاخير يخرب بيتي؟؟ مشكور.
فارس: هاه سوري سوري.. بس اتصدقين لو افتكيت منها لج اللي تبينه ..
العنود آه لو اتعرف اللي اباه .. ابا قلبك : اممم ما اعتقد بتقدر تعطيني الي اباه..؟؟
فارس: افا والله امره انتي آمري وفالج طيب حتى لو تسلفت بييبه لج..بس بشرط ما انحبس..
العنود:هههه لا اتطمن اللي اباه ما تيبه الفلوس.. ؟؟
فارس: عيل شوه اللي بيبه لج..؟؟
العنود: هاه لا ماشيء خلاص انسى الموضوع خلاص عيل انا اترخص بسير الدوام اشوي ومناك بسير البيت..
فارس: لحضه العنود ما خلصت من الكلام اللي ابغي اقوله لج..
العنود: كلام شوه ؟؟
فارس: اممممم كنت ابا اسألج سؤال شخصي؟؟
العنود: هييه آمر؟؟
فارس: امم بصراحه ما اعرف شوه اقول بس ابغي اعرف انتي مرتبطه بشي..
العنود: كيف؟؟
فارس: يعني شيء رابطنج ؟؟
العنود: مافهمت ممكن اتوضح اكثر..((بس مكر هيه فاهمه عليه))
فارس: اف اممم يعني حد خاطبنج ولا رامس فيج؟؟
العنود: اممممم لا ليش تبا اتيوزني؟؟
فارس: العنود عن العبط تراني اتكلم عن جد..
العنود:وانا بعد؟؟ انزين خلاص لا محد خاطبني ولا حد رمس فيه غير طلابي اللي ادرسهم كل يوم اييوم يخطبوني ..
فارس:ههههههه وشوه اتردين عليهم..؟؟
العنود:ههههه اقولهم بفكر لين آخر السنه وخلاف برد عليهم بخبر..
فارس:هههه حلوه والله.. انزين لو انا سألتج ها السؤال شوه بيكون جوابج مثل جوابهم ولا غير..؟؟
العنود: اممم على حسب؟؟
فارس: على حسب شوه؟؟
العنود: اممم كيف طريقه سؤالك.. يعني مثلا واحد من الطلاب ياني الصبح قبل الدوام بساعه وليقته واقف جدام مكتبيه وفي ايده باقه ورد ومكتوب على الكرت تتزوجيني وهو من المستحى ما رام يرمس حط في ايدي الباقه وسار عني..
فارس: انزين وبعدين؟؟
العنود:ههههه ماشيء رجعت وكتب له كرت وحطيته في كتابه لاني شليت الكتب وقلت له سوري ما اقدر انا أكبر منك بوايد..
فارس: هههههه حليله والله ليش كم عمره هوه؟؟
العنود:هههه توه 18 سنه..
فارس:ههههههه حليله والله.. انزين سمعي انا مابعطيج ورد بس بعطيج قلب يا انج تقبلين به ولا اتردينه.. وعلى قولت سعد علوش
اخذيني اليا عجبتك بس رديني وان ما عجبتك خلاص اخذيني مابيني
ما دامني شفت فيك الطهر و العفة باعيف نفسي ليا منك كرهتيني
اخذيني لو أعتبر من ضمن أشيائك وأنا باحبك و لا لازم تحبيني
لابي علاقة و لابي نظرة و بسمه احساسي اني بقربك بس يكفيني
ولو اني انضفت لاشيائك غصب عنك طلّي علي يا غناتي لا تخليني
تراي لا جا المصامد ماني بهيّن تقول كن العرب لعبة بيدّيني
شخصيّتي من غرابتها و طيبتها كن الزمن في تحدّي بينه و بيني
اخذيني الشاعر اللي ما صدق حظه لا قلت يا حظ وينك قال يا ويني
اخذيني المبدع المتفلسف التحفه مؤمن و تضحك على العالم شياطيني
شهرة شكسبير و أفلاطون و نيوتن لا قلت لي بيت شعر تطيح من عيني
اخذيني العنصري اللي صدق متعنصرمن دون ربعي لو أقطّع شراييني
اخذيني اللي ليا منه طلب يعطى وتكفين لا من طلبتك لا ترديني
تكفين يا غايتي يا بهجة الدنيا اباحرق قلوب ناسٍ ما تدانيني
اخذيني بكل شوق و قولي أحبّه وان شكّكوا فيك والا فيّ ضميني
قولي يا فارس و الله انه غالي جدا وياجعل فدوه شبابي و آخر سنيني
وأنا باصدق كلامك و اعتنز بالله وباقول للناس ما يعنيك يعنيني
وأنا علي نذر ما أرخص جيتك و أنتي نذرٍ على رقبتك إنك ما تخليني
وسلامتكم..
العنود: صح لسانك..هههههه

..عجيد الريم..
13-04-2009, 09:18 PM
فارس: صح بدنج؟؟ شوووه قلتي؟؟
العنود:ههه امم بفكر ؟؟
فارس: بذبحج
العنود: امم عادي بس بشرط اتموت وراي..
فارس: لا والله شكلي بموت قبلج
العنود: بسم الله عليك..
فارس: يااا ويل حالي انا شوه قلتي العنود خلاص يعني..
العنود: شوه
فارس: وبعدين يعني لا تستعبطين..
العنود:ههههه امم استحي.. والله.
فارس: انزين لا ترمسين بس هزي لي راسج ان كنتي موافقه والله ما برمس..
والعنود مستحيه وهزت راسها وطلعت برا من المستحى..
فارس من شافها اتهز راسها مااااات عليها.. خلاااااااص اليوم بخطبها .. وفعلا اتصل بأبوه وقاله انه لقى بنت ويباها حليله له.
غيث: شووه ومنوه هاي..
فارس: ابويه ها اتصير دكتوره في جامعه زايد في بوظبي والله انه من شفتها وقلبي فز لها..
غيث: يا ربي لهاي الدرجه..
فارس: ابويه احس اني بدون هاي الانسانه بضييييع خلاص.. احس انها هاي هيه نصفي الثاني
غيث: شفت يا ولديه ها اللي حسيت به يوم خذت مريفه ام احمد.. الا ماقلت لي يا ولديه الا هي بنت منوه؟؟
فارس: بنت راشد بن ........ يمكن ما اتعرفه ؟؟
غيث: لا ما انعرفه يمكن عمتك مريفه اتعرفهم الا قلت لي وين تشتغل.؟؟
فارس: هيه تشتغل في جامعه زايد دكتوره.. عندها خت تشتغل عندنا اهنيه ..
غيث: ماشاء الله ختها دكتوره عندكم؟؟
فارس: هييه ابويه يمكن كد شفتها عندنا يوم كان حمد مرقد اهنيه لانها كانت هيه المسؤوله عنه..
غيث: ما ادري والله الا شوه اسمها واسم ختها؟؟
فارس: امم هيه اسمها العنود وختها اسمها غزلان..
غيث: هيييه الحين عرفتها ختها الحلوه اللي كانت عند حمد..؟؟
فارس: هييه ابويه ختها حلوه بس العنود احلى؟؟
غيث: هههههه ماشاء الله ربي يسعدك يا وليديه وان شاء الله اللي فيه الخير يصير يارب.
فارس: ابويه شوه رايك تيي عندنا واتشوفها اكيد بتكون هنيه عند ختها؟؟
غيث: ما عليه انا في بوظبي الحين يمكن امر عليكم بعدين.. هيه عندكم ولا لا؟؟
فارس: لا الحين طلعت يمكن باجر تي ؟؟
غيث: هيه خلاص عيل بنشوفها بعدين.. يالله الحين بخليك ابا اريح راسي اشوي..؟؟
فارس: ربي يحفطك بويه.ومشكور لانك فهمتني ..
غيث: يا بويه قالو لك ولدك يوم يكبر خاوه وها اللي يصير ..
فارس: ربي يحفطك النا ان شاء الله ويخيلك..
غيث: آمين يارب واشوف عيالك وعيال خوانك كلهم..
فارس: آمين يارب..
ماقدريقول له اللي امبين احمد وختها غزلان لين يتأكد من اللي صار امبينهم.. وعلشان لازم يتأكد الحين اكيد خلصو طلع يدور احمد ومالقاه ولقى غزلان قاعده في مكتبها سرحانه بروحها.
فارس: السلام عليكم..
غزلان رفعت عينها وفيهن دموع وهيه تمسح دموعها: وعليكم السلام والرحمه..
فارس: شوه صار امبينكم..؟؟
غزلان: لا ماشيء..
فارس: ماشيء وانتي اتصيحين؟؟
غزلان: صدقني ماشيء بس اصيح على حالي..
فارس: ليش شوه فيه حالج؟؟
غزلان: ها لا ماشيء..
فارس: غزلان وبعدين يعني احمد شوه قالج ؟؟
غزلان: طلب ايدي؟؟
فارس: حلو وشوه رديتي عليه؟؟
غزلان: ما اعرف؟؟
فارس: غزلان انتي ما اتحبين احمد صح..
غزلان: لا احبه وربي احبه
فارس: عيل ليش رافضتنه..؟؟
غزلان: ليتني اقدر اقولك ما اقدر؟؟
فارس: ليش غزلان يوم انتوا اتحبون بعض ليش تحرمون عماركم من السعاده.. سمعي انا خطبت ايد اختج العنود وهيه وافقت عليه خلونا نفرح الفرح فرحتين..
غزلان: والله وافقت العنود.عليك.
فارس: ليش ان شاء الله عندج شك
غزلان: لا ابد بس احيد انها كانت دايما ترفض أي حد ايها؟؟
فارس: اها بس انا غير عن أي واحد ما اتعرفين ها الشيء..؟؟بعدين بسج دلع وخلو العرس الواحد يكون عرسين خوان يأخذون خوات كشخه..
غزلان في عيونها حزن : اها ما ادري والله..
فارس: وينه هوه احمد الحين؟؟
غزلان: ما ادري طلع من عندي من شوي؟؟
فارس: ايوا خلاص عيل يالله فمان الله الحين بطلع من المستشفى والعصر بسير العين باي..
غزلان: ربي يحفظك دكتور باي..

نهايه البارت..
هزركم فارس شوه بيسوي لهم بعد ما يعرف بالسالفه.. وشهد شوه بتسوي بعد ما عرفت العنود اسمها.. ووفارس شوه بيسوي بعد ما خطب العنود.. خلونا نتابع البارت الياي.

وسلامتكم.

عجيـــــد الاريــامي..

ذبحني الح ـلا
13-04-2009, 09:56 PM
الله يباااارك فيج بمناسبة الفوز و مبروووك لكل الأمة العينااوية

إنشاء الله راح نخلص الجزء و نرجع >> خخخخ

يعطيج العافية

..عجيد الريم..
13-04-2009, 11:49 PM
خلاص عيل بتريا رايج فيها نوواري.

السولعيه الحلوه
14-04-2009, 12:15 AM
تسلم ايدج على البارت الفنااااااااااااااان...

شهد صدق انها جليله حيى وما تستحي...

عواش ان شاء الله يتقدم لها حمد بسرعه نبقي نفرح بهم بسهم عذاب...

العنود وفارس الله يهنيهم ...

غزلان واحمد الله يكتب لهم السعاده...

نترياااااااااج في بارت يديد على نااااااااااااااااااااااااار...

(*_*)

أنا لحالي
14-04-2009, 12:33 AM
ما شاء الله عليج يا عجيد
نفسك طويل في كتابة القصة
قرأت الأجزاء الأولى فقط
وسأعود من حين لآخر لقراءة البقية
بالتوفيق يارب .

..عجيد الريم..
14-04-2009, 12:34 AM
العفووو حبوبه.

وجان استحي.^_^

ان شاء الله باجر ولا الي عقبه بنزل البارت اليديد. اسعدني تواصلج حبوبه..

..عجيد الريم..
14-04-2009, 12:37 AM
العفووووو انا لحالي..



تعرف اني لين الحين ما خلصتها.. وصلت تقرييا لين بارت 21 ولين اليوم مب طايعه تخلص القصه..

على العموم اسعدني مروورك وان شاء الله تكملها وتعطيني رايك بأول كتاباتي للقصص..

lady oscar
14-04-2009, 01:28 AM
نترياااااااااج في بارت يديد على نااااااااااااااااااااااااار...

ماعندي عربي وكومبيوتري تعبان ولا كان كتبت لج اطول رد

ماغير الزق حروف تعبت مااوقول الا يعطيج العافيه خيتو تعبناج ويانه بس عنجد قصه عفويه وحلوه

..عجيد الريم..
14-04-2009, 12:45 PM
لا افا عليج تعبج راحه خيتوو.. ووبالعكس انا استانس انه حد يتابع القصه.

العفوووووو حبوبه. وان شاء الله اليوم المسى بنزل البارت اليديد..

rara
14-04-2009, 09:55 PM
عجيد الاريامي

يزاج الله خير

ونتريا حمووووووووودي


هههههههههههههههههههههههه


والحبيبه اليداد اللي عالساحة


لا تتأخرين امي العوده


هههههههههههههههههههههههههههههه

هههههههههههههههههههههههههههههههه

..عجيد الريم..
14-04-2009, 11:25 PM
ههههههههه

امج العوده..تطرين عذيجه.. حليها والله
الله يعيني. القصه انا الي اكتبها ونسيت الي فيها.. هع
.

ان شاء الله بنزل لج باجر بارت عن حمدووودي..هههههه حلو الاسم بس على فكره تراه مايحب حد يزقره حمودي..
هع وايد متأثره..


مشكوره rara على المتابعه..

ذبحني الح ـلا
14-04-2009, 11:30 PM
يسلموو على البارت الخطير...

إن شاء الله حمد ياخذ عويش>> ةهذا كله ببركة أمنا العودة

و إن شاء الله بعد أحمد ياخذ غزلان..

وفارس هذا خطير قادر يوقف شهد عن حدها من خلال هداياها...

يعطيج العافية

..عجيد الريم..
14-04-2009, 11:48 PM
ان شاء الله نوواري . يصدق رايج
وعذيجه اتسوي شيء. امممم تعرفين يمكن حد يدخل ويساعدها.

خخ تابعي الباقي وبتعرفين شوه الي بصير بين شهد وفارس. واحمد وغزلان.. وحمووودي على قولتrara وعويِس.. على قولت حمد..

..عجيد الريم..
15-04-2009, 02:41 PM
البارت الرابع عشر..
إن كان حبه بحر,,أعشق انا الغرق
....حبه تخاوى وسط دمي بلعروق

تغطرس هل الغرب وتواضع هل الشرق
....شوفه دواي وغيبته سبة العـــوق

نوره ونور الشمس ما بينهم فرق
...ما ظنتي شرواه عالارض مخلوق
طلع فارس من عندها واتصل بخوه احمد وما رد عليه في البدايه.. وخلاف رجع وسواله احمد..
فارس: هلا بالخقاق؟؟
احمد: اهلين ..خقاق في عينك.. محد خقاق غيرك؟؟
فارس: هههه الحين انا الخقاق وحليلي قاعد اتصل فيك وما اترد عليه منوه الخقاق الحين..؟؟
احمد: ههه انزين علومك؟؟
فارس: طيبه وانته علومك؟؟
احمد: الحمد لله بعدني عايش..
فارس: ليش هاي الكآبه ؟؟ شوه صاير؟؟
احمد: ماشيء وين انته الحين؟؟
فارس: الحين بطلع من المستشفى وانته؟؟
احمد: ساير صوب امايه ومناك بييكم الشقه..
فارس: ايوا خلاص عيل بنتلاقى خلاف...
احمد: على خير خويه..
احمد ما يعرف انه فارس هوه المسؤول بجمعه مع غزلان والحين يبى يعرف شوه صار امبينهم بس من دون ما يحس احمد انه له ايد بالموضوع.. ومن حس احمد يبين انه السالفه صارت عوده امبينهم بس شوووووه ما يعرف.!!. بس اكيد بيعرف باجر ولا اللي بعده قالوها ياخبر اليوم بفلوس بكره بلاش..بس انا شوه بيصبرني لين باجر اف منك يا احمد ومن هاي الغزلان.. !!
وصل احمد بيت امه ومالقاها في البيت ويوم اتصل عليها لقاها في بيت اهلها؟؟
احمد: بتخبرج انتي ما اتعرفين تيلسين في بيتج دووم اتهومين برا..؟؟
مريفه: استغفر الله العظيم بتخبرك انته ولديه ولا ريلي اتحاسبني؟؟ ابوك ما حاسبني وين اسير و من ويين ايي ؟؟
احمد: هذا ريلج وانا ولدج في اختلاف في المووضوع كم مره بعلمج لاحول..؟؟
مريفه: ربي يابعدي وشوه يعني ريلي ولا ولديه كلكم واحد؟؟
احمد: لاااا من يقول اتحطين الشمس والقمر مع بعض ما ايوز؟؟
مريفه: لا والله ومنوه القمر ومنوه الشمس؟؟
احمد:هاهاي وهل يخفى القمر.. هع ابويه الشمس دوومه محرج وانا فديتني القمر دومي هادي...
مريفه: ومن متى احمد يكون هادي..؟؟
احمد: دومني يامامي..
مريفه: لا والله .. زين زين .. انزين قولي علومك انته؟
احمد: الحمد لله يسرج الحال تعالي البيت بسج هوامه بصقعج بمحبه وبسير العين..
مريفه: واشله اتسير العين بعد تراك في بوظبي .. اشله اترد العين بعد ايلس هنيه في بوظبي.
احمد: لا بسير العين عندي شغل اشوي؟؟
مريفه: شوه من الشغل؟؟
احمد: في عندي أوراق بخلصهن حق الشيوخ ؟؟
مريفه: منوه الشيوخ؟؟
احمد: هند بعد منوه الشيوخ عندي انا ..
مريفه: هههه وانا اقول بعد... عيل.. خلاص انا اهنيه في بيت يدك ؟؟
احمد: ماعليه بخبر عليج ابويه يكنسل ويزتج
مريفه: لا حول وليش عاد؟؟
احمد: عيل دووم في بيت اهلج ماعندج بيت ماعليه بخليه يكنسل ويزتج ويردج لبيت اهلج واييب حرمه ثانيه يسكنها في البيت..ويشرط عليها ما تطلع من البيت..
مريفه: بتخبرك احمد انته ولديه ولاعد يلتيه انا احيد البنت عديله امها والحين اختلفت الامور..وبعدين . يالهرم تبا اتيوز ابوك؟؟
احمد: عيل ؟؟دوومج هايته برا اتقول مضيعه سرج اهناك.. ههههههههه
مريفه: احمد وبعدين وياك..
احمد:هههههه خلاص خلاص .. برايج عيل تمي في بيت اهلج.
مريفه: ماعليه يا الهرم..
اشوي واييه خط ثاني ..
احمد: امايه برايج هنود على الخط بخليج..
مريفه: هيه هنود عندك بتنسى امك.. شوه بقول عنك.. سلم عليها والله لو مش غاليه عندي ولا جان في كلام ثاني..
احمد : هه يا الحريم كم يرمسن ..يبلغ ان شاء الله بسلم عليها ..باي امايه....
مريفه: هههههه شفت عاد ما اتسمن حريم اذا ما رمسن .. يالله باي..
احمد: باي..وحول الخط..: مرحبا الساع.
هند: المرحب ولا هان اشحالك حبيبي..
احمد:أأه بخير ربي يسلمج اشحا..لج ه.نود..
هند: بخير يعلك الخي.....ر احمد انته فيك شيء..؟؟
احمد وفيه عبره: هااه لا مافيه شيء؟؟
هند: لا يا احمد انا اختك واعرف اذا كان فيك شيء احمد قولي لا اتخليني استهم عليك دخيلك..
احمد بصووت مخنووق:آآآآآه ياهند ليتج عندي
هند: ليش عني افداك شوه بلاك..
احمد: بموت هنوود!!..
هند وفيها صيحه: بسم الله عليك احمد دخيلك قولي شوه بلاك.
احمد:هند انا احب..
هند .......................... قعدت فتره تبى تستوعب كلامه
هند: شووووووه وقفت قلبي وفي الاخير اتقولي انك اتحب.تستهبل انته؟؟
احمد: هنود دخيلج انا اتكلم جد..
هند: لا والله..

..عجيد الريم..
15-04-2009, 02:42 PM
احمد: هند فهميني
هند:اوكي كمل وبعدين..
احمد:المشكله انها ماتباني..؟؟؟
هند: وليش عاد ماتباك؟؟
احمد: شوه اقولج؟؟
هند: احمد قولي شوه اللي صاير؟؟يمكن انها ما تحبك؟؟
احمد: لا المشكله انها اتحبني مثل ما انا احبها؟؟
هند: عيل وين المشكله ليش رافضتنك دامكم اتحبون بعض جيه..
احمد: اممممم رافضتني لانها تخاف انها ما تسعدني ؟
هند: وكيف يعني ؟؟ وهيه شوه دراها انها بتسعدك ولا لاااا؟؟
احمد: اممم لانها احتمال ما تيب عيال؟؟
هند: .....................
احمد: هند انتي وياي؟؟
هند: هيه بس هيه كيف درت انها ماتيب عيال؟؟
احمد: اممم صار لها حادث وها الحادث في احتمال انه يمنعها من الإنجاب
هند: هيه بس العلم وايد اتطور يعني لو كانت عاقر مثل ما انته اتقول تروم تتعالج وتييب عيال عادي..
احمد: ادري بس الي ياها ما يتعالج ابد لانه الاصابه في الراس وفي الغده النخاميه وهاي الغده تتحكم بالانجاب ..
هند: ايوا بس هييه متأكده من ها الشيء ميه بالميه يعني؟؟
احمد: لا قالت في احتمال..
هند: خلاص يعني دامها مش متأكد عيل ليش رابطه راسها بلا ويع؟؟
احمد: ما ادري بموت هند دخيلج ساعديني؟؟
هند: ان شاء الله تباني اقنعها تراني حاضره.
احمد: والله ترومين ؟؟
هند: افا عليك والله انته تامر بس..
احمد: فديتج ياربي. دخيلج هند..
هند: اها خلاص عيل خلها لين الاسبوع الياي وبحل الموضوع ان شاء الله..
احمد: وليش لين الاسبوع الياي مب الحينه..
هند:هههه ياويلي على المستعيلين انا.. خيوو انا الاسبوع الياي في الدار وان شاء الله بكون عندكم في بوظبي وبحاول اقنعها بس عموه مريفه تعرف بالموضوع..؟؟
احمد: لا محد يعرف عنه غيري وغيرج بس وما ابا حد يعرف عنه..
هند: اها اوكي حلو خلاص عيل خل الموضوع عليه وفالك طيب الشيخ احمد ما طلبت ..
احمد: فديتج ياربي والله ريحتيني الله يريحج ياربي دنيا وآخره..
هند: آمين يارب..
احمد: بس ها الموضوع امبينا محد يعرف عنه هندود دخيلج ..
هند: اوكي خلاص افا عليك خويه....
احمد: تمام عيل الحين دامج ريحتيني بسكر ابا حمد في شيء. يالله بخليج.
هند: ان شاء الله الغالي سلم عليه..
احمد: يبلغ ياالله فمان الله..
هند: الله وياك ولا اتحط في خاطرك من الموضوع وان شاء الله ينتهي على خير..
احمد: ان شاء الله يالله باي..
هند: اوكي باي..
سكر عنها ودق حق حمد
حمد: هلا والله بوشهاب..
احمد: اهلين بو شهاب..
حمد: اشحالك وين دارك ياخي اتولهت عليك..
احمد: بس ساعتين مفارقنك ولا بعد انا الي داق.. علووووومك..
حمد:هههه احبك شوه اسوي..
أحمد: سخييييييف..
حمد: ايييه لا يكون صدقت انته..
أحمد: شوووه ايييييه انته بعد لايكون انا صبي عندك وانا ما ادري..
حمد:خخخخخ حلوه هاي الصبي عندي.. ياغلام هلمه بي بقدح من الشراب البارد..
أحمد: جدر من الشراب البارد ينجب على راسك قول آمين..
حمد: ههه عنه الله تك جدر مره وحده عاد..
أحمد: عيل يالهرم تباني اييب لك خمر.. بارد بعد..!!
حمد: ياخي ليش تفكيرك وسخ .. ماأ ريد خمر انا آآآآآآع حد يشرب خمر شوه قالو لك كافر.. ياخي يمكن ابغي كولا بارد ولا ماء بارد لازم تفكيرك يكون وصخ..
أحمد:لا مسيحي ككككك
حمد:هههههه حلوه .. بس لا اتعيدها بس عاد وين انته الحين..
أحمد: اممممم ياي الشقه الحين شوه اتسوي..
حمد: ماشي يالس روحي اوني ابا ارقد اشوي غفت عيني نص ساعه ونشيت..ما طاع الرقاد اييني.
احمد: اها منوه اللي ماخذ عقل حمد بن عبدالله..
حمد: آاه محد..
احمد: جذبت والله
حمد: شوه جذبت ياهل اتشوفني جدامك..
احمد:ههههه لا شيبه.. ومتخشع تخشيع في الحب والغرام..ها كله لفريج حمدان..
حمد:آه يا احمد شوه اسوي بتخبل بي هاي البنت.
احمد: وليش يعني تراك ويا حمدان اكيد بيجرب بك وما بيردونك ليش ما اتسير واتخطب عندهم.
حمد: ما ادري والله بس الحين خل موضوع مريم يخلص وان شاء الله يصير خير.. الا فارس ماقالك شيء عنه..((يقصد مبارك))

..عجيد الريم..
15-04-2009, 02:43 PM
احمد: لا ابد ليش شيء قالك انته؟؟
حمد: لا تراك سرت له
احمد: انته قول شفته؟؟ .. انا من وصلت المستشفى ما شفته
حمد: ايوا ياحافظ عليك.
احمد: سعيد نش؟؟
حمد: لا بعده راقد بسير بوعيه خلاف..
احمد: ياحيك اوووب هذا فهود على الخط بغلس عليه باي..
حمد:ههههه برايك هههههه حليلك يافهد مرات يكون لووح ..
احمد:هههه هيه والله برايك اخاافه يسكر خله يدفع بسه بخل باي..
حمد:هههه باي..
فهد: مابغيت اترد وينك؟؟
احمد:شوه انسوي مشغول ياخي تتحراني فاضي مثلك..
فهد: آسفين طويل العمر اسمحلنا جان غثيناك..
احمد: لا عادي بس لا اتعيدها .. هههه
فهد: انجب انزين صدق عمره بعد..المهم..
احمد: لحضه لحضه شوه انجب هاي اصغر عيالك ولا اصغر عيالك قالو لك..
فهد: شوه اختلفت الحين .. شوه اختار امبينهن.. الاولى والا الثانيه..
احمد: هع لا الثالثه.. علومك..
فهد: انزين اتعرف حد في بنك ابوظبي الاسلامي..؟؟
احمد: اممممم ما ادري ليش؟؟
فهد: شوه ماتدري اتعرف حد ولا لاا..؟؟
احمد: امم ما اذكر والله احيد ريال يشتغل اهناك بس مره سمعته يقول انه يبى يطلع ما ادري ان طلع ولا لااااا خير شوه تبى بنك بوظبي..
فهد: ماادري في لخبطه في الموضوع حسابي مره ينسحب منه ومره يزيد ابا اعرف شوه اللي صاير.. اليوم جيكت لقيت مسحوب من حسابي 10000درهم والشهر الماضي داخل في حسابي 5000درهم بلغت البنك وردوهن والحين ها الشهر نفس الحاله شوه ها اللعبه..
احمد: اها ونا بعد مره جيه الشهر الماضي سحب فارس 100000درهم وبقى في الحساب فوق 400000 وبعد شهر يتني رساله يقولون لي انه في حسابي 200000درهم بس..
فهد: والعثره وين راح المبلغ..؟؟
احمد: امم والله مادري راجعت البنك وقالي مافي أي خطأ في الموضوع سرت لين المدير وكلمته ويوم راجعو لقو انه الغلط من عندهم لانه الكمبيوترات اشوي اتعطلت فغيرت ارقام الحسابات فرجعو دخلوهن مره ثانيه ولخبطو فيهن والحين ردو لي المبلغ في الحساب..
فهد: ما ادري والله يعني الحين آراجعهم..
احمد: اكيد سير لهم وشوف شوه الموضوع عندهم.
فهد: اف يعني انته ما اتعرف حد اهناك خله يخلصني مافيه اسير عندهم..
احمد: لا الشيخ سير الهم وشوف الموضوع بروحك احسن..
فهد: ماعليه برايك.. مافيك فايده..
احمد: اتحراها عايده..
فهد: منوه عايده حرمتك ..
احمد: لا خت حرمتك فايده.كككككككك
فهد: هاهاهاي انا حرمتيه فديتها الدانه مش أي وحده يا بابا..
احمد: اونه الدانه ولا السوده.. خخخخخخخخخ
فهد: برايها عايبتني وانته وشللك..
احمد:هههههه هاهاهي
فهد: الله يخيلك هاي الضحكه ويكملك بعقلك..
احمد: آآمين يارب..ومن قال بعد..
فهد: احمدووووووه تراني مب فايق لك..
احمد: احمدووووه في عينك.. الشيخ احمد لو سمحت..
فهد: اقول اجلب ويهك احسن..
احمد: اقول على أي صفحه..
فهد: على الفهرس..
احمد: مقطوعه..هااهاهي..
فهد: على المقدمه..
احمد: ياخي انطرت بعد مشكله اليهال يوم يمسكون الكتب لازم يطرون كل شيء.
فهد: وليش يطرون كل شيء اهزبهم..
احمد: لااااا انا هزبتهم بس من وراي كانو يقطعون الاوراق...
فهد: ماعليه انا الحين بهزبهم منوه هم؟؟
احمد:هههههه بن عروه طروهن ههههههههههه سير اهزبهم..
فهد: عنه الله تك.. سير لاااه بن عروه قال ..
احمد: ههههههههه هاه توك تبا اتهازبهم.. ههههههههههه فلخت اشوفك
فهد:عنه الله تك يا الهرم...
احمد:ههههههه برايك والله تعبت اليوم من الرمسه احسني وايد رمست ..
فهد: باي يا الهرم.. ههه بن عروه قال..
احمد:هههههههه باي..
سكر عنه وسار سيده الشقه لقى حمد ودخل عليه وهوه بضحك..
احمد: السلام عليكم.هههههههههههههه
حمد: وعليكم السلام والرحمه.. يعلها دووم هاي الضحكه شوه بلاك...
احمد:هههههههههههه وياك يارب بس كل ما اتذكر كلام فهد اضحك.ههههههههههه حليله طلع يخاف من قوم بن عروه..
حمد: ههههه ليش شوه قلت له..
احمد:هههههههه اسمع السالفه ههه..

..عجيد الريم..
15-04-2009, 02:47 PM
وخبره واتضاحكو عليه نش سعيد من صوت سوالفهم وضحكهم .. وطلع لهم يلسو يشوفون التلفزيون ولقو لعبه الوي ولعبو بها ثلاثتهم واشوي واييهم فارس وكمل لعب وياهم لين يا وقت الغدا واتجمعو الشله كلهم علي ومطر وغانم وفارس وفهد واحمد وحمد وسعيد.. واتغدو وطبعا الغدا على راعي الشقه.. دكتور بلاش..معاشه فوق 40000 درهم..
من اتغدو خلاص سارو يدورون الشبريه وخصوصا اللي داومو خلاص منتيه البطاريه لانهم داومو وهم مواصلين..
حد منهم رقد وحد كمل لعب خصوصاً لعبه الوي تجذبك لها من دوون ما اتحس .. وماحسوا الا انها الساعه 5 العصر ومن صلو العصر طلعو سيده للعين لانه موزه حرقت تلفون حمد تباه اييب سعيد عندهم بسهم قعده اهناك.. ومن قبضو الخط ياه مسج ومن فتحه فز قلبه آآآآآآه شوه اتسوي بي ها الانسانه تبى يومي ايي بسرعه يعني.. وكان المسج..قصيده ..


طَــرْفِـــيْ سِـهِــيْــرٍ وْقَـلْــبِــي يِـشْـتِـكِــيْ الـفَــرْقَــا
وِعْـزُوْمِـيَ امْـسَـتْ مِـــنِ الـعَـبْـرَاتِ مِـنْـهـدَّه
.
حِــبْـــرِيْ دُمُــوْعِـــيْ وأوْرَاقِـــــي بَـــهَـــا غَـــرْقَـــا
وِامّــا القَـلَـمْ مِّــنْ ضَـحَـايَـا الـعِـشْـقْ بَـاعِــدَّه
.
فِـــيْ غَـيْـبْـةِ الـخِــلِّ غَـابَــتْ نَـغْـمْــةِ الــوَرْقَــا
حَـتَّـى القَـمَـرْ فِـــيْ غِـيَـابَـكْ بَـاهْــتٍ خَـــدَّه
.
نَــارِ البْـعَـادَ اوْسَـمَـتْ فِــيْ مُهْجِـتِـىْ حَـرْقَــا
مَـــــا بَـــــاحِ قَــلْــبِــيْ بِـمَـكْـنُـوْنَــهْ وَلا سَــــــدَّه
.
أَضْــحَــكْ واحَــــاوِلْ أَخَــفِّــيْ دَمْــعِــةٍ زَرْقَـــــا
مَـــا كِـنَّـهَــا الاّ بَــحَــرْ فِــــيْ جَــــزْرَهُ وْمَــــدَّه
.
كُلّ الدُّرُوْبَ اصْبَحَتْ فِيْ نَاظِرِيْ شَرْقَا
أَشُـوْفِـكِ الشَّـمْـسْ فِــيْ رَوْحَـتْــكْ وِالـــرَّدَّه
.
فِـيْ مُــزْنِ حُـبِّـكْ أَشُــوْفِ الـرَّعْـدِ وِالْبَـرْقَـا
بَــــسَّ انْـتِـظِــرْ تِـنْـهِـمِـلْ عَــــدَّى لَــهَــا مِــــدَّه
.
هَـــيَّــــا تَــعَــالِـــ وَحَـشْـتِــيْــنِــيْ أَبِــــــــيْ نِــــرْقَــــا
هَــــامِ الــفَـــرَحْ نِـمْـتِـطِــيْ صَـهْــوَتْــهْ مرجا..

ومن قرى البيت ماحس بعمره الا وهو يكتب في التلفون وهو يسووق طبعا..قصيده الشاعر محمد بن خادم الكتبي
.. لبيه..
لبيه جيتك والوله سايقني ..
لو ماتنادي احساس قلبي درابك..
ادري بشوقك كثر شوقي سكني..
وادري مصابي من عنا البعد صابك..
إحساس فيني من زمن متعبني..
وادري نهايه حيرتي في جوابك..
واليوم عاف القلب كثر التمني..
بين الجفا وبين رجوى سحابك..
ورفجه عيونك لو زماني منعني..
لاوصلك حافي م الوله لين بابك..
واقول لك بيتين شعر ولغني..
واريح فؤاد تعب في غيابك..
واحضن يدينك..واقترب حيل مني..
لك عندي قبل م اسمع عتابك..
م لي سواك بكل عمري فتني؟؟
انته الوحيد اللي فؤادي رضا بك..
دونك حبيبي هالزمن ناسيني..
كلي سنين ضايعة من حسابك..
وإسكن فديتك بين عيني وجفني..
ما اشوف وانته محد درابك..

وطرشها لها وقعد يتريا الرد منها.. وسعيد سرحان يشوف حمد يبتسم ويكتب في تلفونه..
سعيد: حمد ؟؟
حمد: نعم..
سعيد: امم ممكن اسألك سؤال؟؟
حمد: آمر سعيد..
سعيد: اممم انا دووم كنت اسمع امايه اترمس ابويه واتقوله انه يبونك تأخذ مريم ؟؟ انته صح بتاخذها؟؟
حمد: متى سمعتهم؟؟
سعيد: دووووم اسمعهم يتكلمون عنك وعنها وحتى سهيل وسالم خبروني بعد انه عموه لطيفه كلمت مريم وقالت لها انها اتوافق عليك..بس انا ما اباك تاخذ مريم ..
حمد ابتسم: ليش؟؟
سعيد: اول شيء هيه كبيره عليك.. وبعد هيه عندها بيبي كيف تعرس مره ثانيه ما ايوز
حمد: اها لا اتطمن سعيد ماباخذ مريم بس الموضوع الحين بيني وبينك واذا انته ريال مابتخبر حد واذ انته ياهل بتخبرهم كيفك عاد..
سعيد: لا انا ريااااااال..
حمد: هييه واضح واشوفك شردت من البيت
سعيد حز في خاطره كلام حمد بس انا استاهل ليش اشرد..
حمد شافه يوم نزل راسه صح الرمسه قويه بس خله يتأدب علشان ما يعيدها والله يعين من اللي بييك في البيت ياسعووود..وصلو دوون اليحر وماشيء باقي لهم غير ربع ساعه بيوصلون العين..
ومن وصلو البيت حمد نزل وخلا سعيد يلحقه ولا رمسه..
وطبعا البيت كله مشتط بسبه اللي سواه سعود لانهم ماخلوحد ما سألو عنه..
ومن دخل سعود البيت الكل نش وسار عنده ومن طاحت عين ابويه عليه سعود دمعن عيونه من الخوف .. اول مره اشوف ابويه جذيه معصب.
ماسوا واحد ثنينه سار صوب سعيد وعطاه طراااااق من الخاطر.. سعيد من الويعه تم يصيح قطع قلبي عليه بس خله يستاهل اللي سواه مب شوي..بخليه اشويه يأدبونه وخلاف بتدخل حرام مايهون عليه سعوود بس ما ينلام ابويه من خوفه عليه ولا بعد افتضحنا العرب كلهم عرفو انه سعيد شرد وسار بوظبي كييف درو ما ادري .. الله يستر بس..
امايه من شافت ولدها طايح تحت يصيح وابويه معصب مارامت ترمس بس كنت احس بها اتشوفني واتقولي أرحم اخوك عن لا يجتله ابوه
يوم شفت ابويه ضربه مره ثانيه ما قدرت اسكت اكثر مسكت ابويه ورمسته..
حمد: ابويه ورفجه الغالي عندك خلاص بسه اللي ياه ومابيعيدها خلاص..
عبدالله وهو معصب: حمد خلني اولاه جاني دووم كنت اعامله انه ريال وثره مايستاهل يالهرم هاي يزاتنا فيك .. اتقوم تشرد ومن منوه من اهلك.. وين تبا لاين بوظبي هاااااه ارمس..ورد ضربه وسعيد مارام يتكلم
حمد: ابويه دخيلك فديت روحك بس ..
عبدالله: عنه الله تك يالله زوول من جدامي ورد سو شيء بعدك والله لادفنك اهنيه يالسباااااال..يالله اذلف من جدامي..

..عجيد الريم..
15-04-2009, 02:49 PM
حمد اشر لدانه انها اتخوزه من هنيه..
حمد: ابويه سعيد بعده ياهل ومحد قد حياه خالد كان يعطيه الاهتمام كلنا كنا مقصرين فيه .. هييه ابويه كلنا.. لا اتطالعني جذيه.. ابويه اتعرف ليش سعيد سار بوظبي..
عبدالله: اشله ساير..بعد؟؟
حمد غمض عيونه لانه لين الحين متأثر باللي صار لسعيد: ابويه سعيد سار بوظبي يدور على .......على قبر خالد.. كان يبى ييلس اهناك لين تيه المنيه ويلحق خالد
موزه: وااااااخيبتيه على ويلييييدي ..
عبدالله مصدووم : ليــــــــش عااااااااد واحنا شوه مسوين له ؟؟
عليا: لا حول ولا قوه الا بالله.. معقوله..اللي قاعده أسمعه هذا مستحيل تفكير طفل.. كيف يبى يلحق خالد قولي كيف.
حمد اتنهد: بيقعد عند القبر لين يموت اهناك.. مابيرد اهنيه..
موزه: يا ويلي على وليدي.. حرام عليكم ليييش يصير لي جذيه لييييش..
عبدالله: عيني خير ياحرمه وفكينا من الحشره هاي..عليوه قولي لسعيد من اليوم ورايح من يخلص دراسه في المدرسه العصر بسير ويايه كل يوم
عليا: ان شاء الله بويه..
حمد: ابويه سعيد محتاي حد يحسسه انكم اتحبونه هوه يتحسب انكم ما اتحبونه قد ما خالد كان يحبه ويهتم فيه.. لا اتخليه يخافك ويهابك .
عبدالله: والله ياحمد انا عمري ما رفعت صوتي عليكم ابد بس ما اعرف ليش جيه سوا
انتو راعين المشاكل ما سويتوها.. يوم كنتو في سنه ولا حتى يوم كبرتو بس هذا ما اعرف شوه اللي خلاه يطلع جذيه طول عمري ومعاملتيه لكم نفس الشيء عمري مافضلت واحد من عيالي على غيره وعلشان جيه ماسويت نفس غيث وعرست بأكثر من حرمه واييب العيال.. يقولك ياحمد العيال مب من يابهم العيال من رباهم وهاكم عيال عمك كم واحد ماشاء الله عليهم عمرهم ما يابو سواد الويه لابوهم . وانا الا انتو الثلاثه الشباب واصغركم يابلي الضغط والفضايح شوه تباني اسوي يعني .. كيف اتصرف وياه..
موزه: بالكلمه الطيبه حاول تكسب ولدك ومثل ماقالك حمد لا اتخليه يخافك شوه يقول المثل ولدك من يكبر خاوه وانا ادري انه سعيد بعده صغير بس مايخالف بسم الله عليه عقله كبير حاول اتقربه منك الحين لو اتشوفه بتلقاه يخاف منك خوف عمره ماحسه بحياته.. خله اليوم لين تهدى نفسه وباجر وده وياك بعد ما اتراضيه.. شوه قلت بوخالد..
عبدالله: لله يعينا جاني انا الحين براضي ها البعره.. ماعليه شوه انسوي هذيلا العيال ومشاكلهم قلنا يوم بيكبرون بيرحونا هااه بالعكس كل ما يكبرون اتزيد وياهم مشاكلهم..
حمد: احم احم
عبدالله: هيه وانا صادق محد يابلي الشيب قدك انته وعمايلك ويا عيال عمك..
حمد: احم انا ماسويت شيء كله من فارس وفهد و احمد وعلوه ومطور
عبدالله: لا والله الحين هم راعين لمشاكل وانته ملك الرحمه ما اتسوي شيء.. جانك ياحمد حارق المدرسه بشلق وما سويت شيء الله ياكبرها عند ربي..
حمد: هههه والله ماسويت شيء الشلق روحه نقع عاد التيس فهد حطه في غرفه المدير وعدالها الكهربه انا شوه يخصني انا بس اللي يبته..ووهو اونه يوده..
نوره: ول يا حمد حرقتو المدرسه مره وحده تعال احرق مدرستنا كم دعينا عليها بالحرق ولا احترقت..
عبدالله: طالعو انتو عاد..
موزه: آآه شوه اقولك عن بناتك هااه اتسمع روحك..
حمد:هههه وليش عاد تدعون عليها بالحرق الدوله كم خسرت فيها تبنيها الكم وتبونها تحترق .!!.
نوره: شوه انسوي ما اندانيها.. هع اتخبر العيايز عن مدرستهن وطالع شوه بيقولن لك.
.(( تطري شمه وشمسه)
كانن يشوفن التلفزيون وعلى قناه سبيس باور.. ومش في الجو ابد..
حمد التفت لهن وتوه بيرمسهن دخلو عليهم فاطمه وريلها وعيالها.
غانم وفاطمه: السلام عليكم
الكل : وعليكم السلام والرحمه..
غانم : اشحالكم
عبدالله وموزه: الحمد لله بخير وسهاله وشحالكم ربكم بخير..
غانم وفاطمه : الحمد لله بخير ونعمه..
فاطمه عينها على حمد اللي ما قال شيء من دخلو مسك بناتها وتم يغايضهن ..
فاطمه: اشحالك حمد..
حمد ومن دون نفس: الحمد لله بخير وسهاله. الا ماقلتي لي شووق اتروحين المدرسه ..
شووق: لاا ماخوني..
حمد: افا وليش ماخلوج.
شوق: اتخبر غنوم..
حمد: ههههههههههههههههههههه
غانم: غنووم في عينج اصغر عيالج انا كله من احمد راعي المشاكل ..
غلا : ايه عيب اتسمين غانم غنوووم ..
غانم: طالعو هاي بعد اونها بترقع ..
الكل ضحكو عليهم..
واشوي يرن تلفون حمد ومن شاف الرقم استغرب منه.. اترخص وطلع برا..
حمد: هلا والله بو العريج اشحالك..
مبارك: بخير ربي يسلمك علومك
حمد: الحمد لله يسرك الحال.. ها اخبارها البحرين..
مبارك: اوووه يسرك حالها بس المشكله الجو اشوي حار..
حمد: هههه تستاهل ولا حد يودر جو بلاده ويسير برا.. من يسمع الامطار عندنا ما اتوقف..
مبارك:هههههههه شفت عاد.. ياخي شوه انسوي غصبن عني ياي ربيعي بيعرس اليوم ولازم نحضر اتعرف عاد انته..
حمد: ايوا يالله يعله مبرووك عليه.. وعقبال عرب..
مبارك: آآآآآآآآه ياحمد ربي يسمع منك..
حمد: ياويل حالي ثرك متخشغ تخشيع..

..عجيد الريم..
15-04-2009, 02:50 PM
مبارك: هههه شفت عاد
حمد: الله يوفقك ان شاء الله..
مبارك: آمين حمد بغيت اقولك انا رمست اهليه البارحه في الموضوع وان شاء الله في نهايه الاسبوع ياين شوه رايكم.
حمد: والله يا.. ((قطع رمسته لانه الشيخ غانم طلع وياه)) ااه زين توقيت حلو انا بخبر الربع وبنتلاقى ان شاء الله ..
مبارك: ايوا.. حد عندك صح..
حمد: سلامي على اللي يفهمنوها وهيه طايره
مبارك: هههه والله مايحتاي حد يفهمها تراها واضحه..
حمد: هه شوه انسوي كله في سبيلكم
مبارك: آمين ياربي مشكوووووور الصراحه حمد والله ما اعرف كيف بطلع من يزاكم..
حمد: افا عليك والله بو العريج شوه هاي الرمسه عاد.
مبارك: والله شوه اقولك..
حمد: لا افا عليك المهم متى بتردون البلاد انتو..؟؟
مبارك: والله باجر الصبح الطياره وان شاء الله على الساعه10 الصبح نحن في البلاد..
حمد: امم عشر الصبح ياحيك بتلحق على صلاه اليمعه..من أي مطار..؟؟
مبارك: هييه .. والله دبي..
حمد: ياحيك تبانا انلاقيك
مبارك: لا والله فديتك عندي ربعي ويايه مب روحي..
حمد: هييه اتحراك روحك مسافر انزين ماعليه بنلاقيكم اهناك..
مبارك: لا اتعرف سيايرنا هناك موقفنيهن..
حمد:ايوا خلاص عيل نتلاقي على خير عيل..
مبارك: آمين يارب يالله سلم على الربع..
حمد: افاعليك وهيه نبى منك يواله عدله اهناك علمهم اشوي هل البحرين على تراثنا..
مبارك: ههه افا عليك ما طلبت اصلا من قبل ما ايي طالبين علينا يواله.
حمد: سلامي عليهم.. خلاص عيل عني افداك ما بنحيرك اكثر من جذا توصلون بالسلامه ان شاء الله..
مبارك: آمين يارب.. يالله فمان الله .
حمد: ربي يحفظك فمان الله.
سكر عنه ومن سكر وصد بيدخلون داخل توه بيدخل داخل رمسه غانم.
غانم: هذا اللي يبى يخطب مريم صح.؟؟
التفت له حمد منصدم..: شووووه
غانم: هيه حمد انا عرفت بالسالفه والعتب على فارس ما يخبرني انا اول واحد وانا اخووه العود وخلاف ايي عليك لانك منعت فاطمه انها اتخبرني.
حمد مفول على فاطمه: منوه قالك ؟؟
غانم: مب مهم اللي قالي ولا تتحسب فاطمه قالت لي فاطمه لين ييت وواجهتها ما رمست لي..
حمد: عيل من وين عرفت..؟؟
غانم: قلت لك مالك شغل كيف عرفت المهم شوه قالك هذا متى بيي ان شاء الله..
حمد: هذا له اسم؟؟
غانم: حمد يكفي الغيض اللي فيه عليكم لا اتخليني ازيد زياده ولا تراه ها العرس ما بيستوي..
حمد: ياسلام وليش عاد..
غانم: وليش عاد ؟؟؟ والله انته اتعرف لو درا ابويه شوه بيصير.
حمد: و ليش اتقوله انته مااعتقد انك تبى الشقى لأختك..
غانم: وخالد ليش مافكر بها الشيء قبل..
حمد: استغفر الله العظيم.. ياخي رحموو خالد .. خالد تحت التراب ليش اتعذبون الريال وهوه في قبره. حرااااااام عليكم..
غانم: هااه تراك اتقول شقى ماشقى .. شوف محد ياب الشقى لمريم غيره.
حمد:والله يا غانم الحين خالد تحت التراب يوم تبى اتحاسب حد سير له وحاسبه جان تبى الحين الموضوع انتهى والريال بعده يباها على سنه الله ورسوله..
غانم: وشكلك وايد واثق انه بياخذها؟
حمد: انته شوه اتقول حرام عليك تحرمهم من السعاده..
غانم: أي سعاده هاي
حمد: غانم باجر الريال بيي من البحرين ايلس وياه وشوفه
غانم: ما اريد ياخي مب مقتنع ؟؟
حمد: وليش عاد ..!!
غانم: بس جذيه مب مقتنع به..
حمد: لا حول لله !
عبدالله: شوه بلاكم صوتكم واصل لاخر الشارع..
حمد: ابويه تعال اسمع ولد اخووك شوه يقوووول؟؟
عبدالله: شوه بلاك غانم..؟
غانم: ماشيء عمي..!
حمد: ليش ماشيء يكون في علمك ابويه يدري بالموضوع..
غانم منصدم: بعد؟؟
حمد: هييه.. ابويه غانم رافض انه مبارك ياخذ مريم اونه مب داخل مزاجي اسمع انته ها الرمسه..!
غانم: حمد؟؟
حمد: ليش مب هاي رمستك..؟؟
عبدالله: غانم تعال داخل ..
غانم وعينه على حمد وراص على ضروسه: ان شاء الله عمي..
عبدالله: تعال حمد انته بعد..
حمد: ان شاء الله ابويه..
دخلو الميلس وسكرو الباب على عمارهم.وقعدوووو
عبدالله: حمد اصبر اشوي.. غانم ممكن اعرف شو اللي سمعته من الموضوع وشوه هي وجهه نظرك...
غانم: عمي انا دريت بكل السالفه من مريم نفسها وخلاف سحبت الرمسه من فاطمه بنتك..بعد ماحلفت عليها بغلات بناتها رمست..
حمد:هه..واضح..
عبدالله: حمد بس عاد..
حمد: انزين خلاص..
عبدالله: كمل يا ولديه..مريم شوه قالت لك..
غانم: شفت مريم اليوم من وصلت البيت ونها سرحانه سرت لها وشفت في عيونها كلام فكرت في البدايه يمكن حزن على ريلها ولا على حال بنتها.. بس يوم واجهتها مست وقالت لي كل شيء.. ولا ليتني اول من يعلم الا طلعت الاخير.. معني اخوها البجر..وفروس واحمد وحمد عندهم خبر بالموضوع وما ادري اذا فهد وعلي ومطر بعد عندهم علم..
حمد: لا اتطمن ماعندهم علم..
غانم:شوه نعمه من ربي؟؟؟..
عبدالله: غانم اسمع انا في البدايه يوم دريت انصدمت من اللي سمعته وعرفته بس يوم فكرت فيه اقتنعت بفكره خالد عن مريم.. اسمع يا ولديه الدنيا محد يضمنها وانته ابو واتعرف انك لازم تظمن مستقبل عيالك قبل ما اتفارق هاي الدنيا .. وغيث ابوك كان متردد يوم يا شامس يخطب مريم لانه يعرف انه ما بيسعدها بالعكس بيشقيها في اليوم عشر مرات.. شامس من النوع المزاجي هذا غير انه راعي صقور وسفر... ولا تنسى بعد انه ولد امه يعني ما بيصير شيء الا مأخذ راي امه فيه.. قولي كيف بتكون حياه مريم وياه..
غانم: هييه بس...؟؟

..عجيد الريم..
15-04-2009, 02:51 PM
عبدالله: غانم انا ادري انته شوه اتفكر انته تتحسب انه خالد لعب بختك وخلاها رخيصه.. بس لاا ياغانم مريم عند خالد شيء لا انته ولا أي حد في الدنيا بيقدر يوصله..
حمد: حتى انا؟؟
عبدالله: حتى انته ياحمد مريم عند خالد شيء كبير مره سمعته يرمسها وكانو رواحهم قاعدين قبل الحادث بشهرين تقريبا.. قالها اتعرفين لو تدور الدنيا عمري ما نسيتج لو تبيع ايامي بالغالي شريتج ولو تزيد احزاني من فرحي عطيتج حتى لو تظلمني الدنيا عمري ماشكيتج.. شوه رايك..بالي سمعته .. خالد كان يحب مريم.. بعقله وبقلبه..مش بلسانه..
غانم وحمد منصدمين من اللي قاعدين يسمعونه.
غانم وفيه عبره : عيل ياعمي ليش هذا حالهم ..
عبدالله: هذا مب حالهم من كيفهم ياغانم هذا قدرهم ومكتوب عليهم..
حمد: ابويه مبارك بيي باجر من البحرين وقال انه اهله بيون يوم الخميس اهنيه ويبون رايكم شوه انرد عليه.؟؟
عبدالله: ليش ما تسأل غانم هوه ولد عمك ..
حمد: انا سألته وقالي مب مقتنع بالريال.. قلت لك غانم انته شوف الريال وشوف اللي عنده حرام عليكم الريال صابر من ست اسنين خلوه يرتاح في دنيته..
غانم: والله انا مب قابض له العصى وامرغه من خمس سنين جان عرس وفك عمره..وفكنا من هاي السالفه..
حمد: انته اتعرف يوم سأله فارس ليش لين الحين ما عرست شوه قاله.؟
غانم بصوت هادي وفيه غيض عليهم: شوه قاله..؟؟
حمد معصب بس ماسك اعصابه: قال له انه مايبى يظلم بنات الناس ويخون مريم..
غانم: نعم وليش ان شاء الله شوه بينه وبينها ..
حمد: هذا اللي يبى حد يجتله شوه بينه وبينها بعد ياخي هذا اسمه حب وعشق هيام اوووه انته شوه دراك بهاي الامور..
((قام يستفزه من كثر ماهوه معصب منه))
غانم: لا والله الحين انته اللي عرست بس 6 شهور بتعلمني عن الحب والهيام وها الخرابيط..
حمد انصدم من ها الكلام وحس مثل السكين انغرزت في قلبه: اتعرف ما اقدر اقول بس الله يعين فاطمه ختيه عليك بس.. ويصبرها على واحد مثلك سلاام..
وطلع عنهم وابوه يزقر عليه بس حمد ما رام يرد عليه لانه عيونه كلهن دمووووع من يتحسب عمره علشان يحكم على حبه لميثه آآه يا الميث لو تميت وياج عشر اسنين عمرالمحبه والهيام ما بيقل منها شيء.. طلع من البيت وتم يحوط في العين ومن العصبيه والحزن ما قدر يحكم عقله بشيء فكر بعويش آآآه ياعويش ليتج عندي .. بس ماقدر يتصل يمكن مشغوله بتجهيز عرس خواتها اللي ماشيء باقي له غير كمن يوم..

نهايه البارت..شوه تواقعاتكم للي ياي.. غانم شوه بيسوي بعد ما درى.. هل بيخبر ابوه بالموضوع. وبعد ما رمسه عمه. هل انه بيقتنع وبيلاقي مبارك.. وهند شوه بتسوي يوم بتي الاسبوع الياي. بتقدر تقنع غزلان بأحمد ولا لاااااا.. خلونا نتابع البارتات اليايات.






حبيت اشكر الشاعر محمد بن خادم الكتبي.. على سماحه ليه بأني اهف قصيده من قصايده.. مشكور الكتبي..

lady oscar
15-04-2009, 05:49 PM
بـاركيلي صار عندي عربي ههههههههههههههههه

اهووو ناقصين غانم ..

الله يستر ..

يعطيج العافيه خيتو

بنوووووتـﮧ
15-04-2009, 05:59 PM
"

صح لسانه مسؤولنا " الكتبي "

خاطري اصفع " غنوووووووووووووم " تصفيع

ان شاء الله يوافقون على " مبارك "

وان شاء الله هند اتيب راس " غزلان " هههههههه واتكون من نصيب " احمد "


والله يوفج " حمد "



نتريا البقيه ويعطيج العافيه


"

..عجيد الريم..
15-04-2009, 09:18 PM
هههههههههههههه تعرفن وانا اكتب ها البارت.. كرهت غانم.. خواتي يمرن عليه ويضحكن عليه.. اوين انتي مألفه القصه وجيه اتسوين...هههههههه عادي مريت بحساسكن..

هههههههههههههههه

بنزل البارت اللي عقبه بعد اشوي..



مبرووووووووك ليدي اوسكار على الكيبورد العربي.. ومشكوره حبوبه على المروور..
مشكوره بنووووته على المروور..

..عجيد الريم..
15-04-2009, 09:37 PM
يالله نبدى بالبارت 15..

البارت الخامس عشر..

يا اماني ضايعه وين السبيل ** و بسمتي غطا عليها المستحيل
صار صمتي من علامات الضياع ** و صار الحزن عى وجهي دليل
قلت بسابق خطوتي عسى **الحق سنين العمر لو هي قليل
كلمات نظرت للعلا هويت** و كلما حظي اعتدل عود يميل
اتصل احمد بحمد
حمد: هلا..
احمد: ول ول الشيخ حمد منعصب خير شنو صاير..
حمد: احمد مب متفيق لك اخلص شوه في خاطرك..؟؟
احمد: امم كنت ابا آخذ رايك بشيء بس خلاص دامك منعصب برايك..
حمد: احسن باي..
احمد: لحضه.. ول صدق سكر.. هع مافيه ارجع اتصل فيه ويشرشحني عادي يسويها ولد عمي واعرفه.. والله لو ابليس جدامه الحين لايسلم.
واشوي يتصل فيه فروس على قولت غانم..
فارس: مرحبا..
احمد: هلا فارس
فارس: علومك.
احمد: طيبه طاب حالك..
فارس: ياحيك اقول اتصل بي مبارك ويقول باجر بيي الامارات وعلى يوم الخميس بيينا هو واهله..
احمد:اها ياحيه والله..
فارس: هيه الا حمد وينه اتصل به ولا يرد....
احمد:خخخخ توني ارمسه شكله منعصب احتشر طشونه وسكر الخط ..
فارس: لا حول شوه بلاه..
احمد:ما ادري به ..دومه معصب ها الانسان ياخي شكله بسرعه بيشوب
فارس: هع عدااااااال عاد الشيخ احمد دوومه مريق مزاجه
احمد : ههه فديتني ياربي..انا امره ما اعرف شيء اسمه العصبيه ياخي بيضر بالبشره يوم اتعصب يقفط ويهك وبعدين ايينك تجاعيد..
فارس: اها منوه اللي قاص عليك وقالك انه اللي يعصب يضر بالبشره.
احمد: ماحد انا اكتشفت بنفسي..
فارس: ايوا عيل خذها نصيحه لا تنصحها لحد وخلها اذا بتنفع لك
احمد: لاا علشان يقولون لي اني اناني لااا عيب انا احب الخير للناس..
فارس: هههه هييه واضح ههه تمام عيل انا بسير البيت متهاد مع الهندي وليته فهم عليه الا قيس حرق لي اعصابي احس عضلات ويهي قامت اتعورني من كثر ما ارمسه وليته يفهم قلت له دخييييييييييلك افهم بس مافي فايده حالف عليه ابوه أن ما يفهم....
احمد: ههه هاه شفت انا شوه اقولك لا تعصب الحين عضلات ويهك اتعورك يعني هذا المؤشر يدل على انك في طور النمو او بمعنى ثاني بدايه لتجاعيد.. فديتني ياربي كيف عندي النصيحه بجمل.
فارس: ههه أي جمل وأي بعير.. من وين سمعتها هاي انته..
احمد:هع من سبيس تووون من وين يعني....؟؟
فارٍس:ههههههههههههههه اقول انا بعد..
احمد: عيل ياخي مرات حلوات رسومهم بس منوه يتفيق لهم.. دومني مشغوول..
فارس: هههه وينه المشغول انا من عرفتك وانته راقد .. ولد عمك اللي يشقح وينطح وانته راااااقد. .. أي شغل ياريال اتقص على منوه انته؟؟
احمد: هع على فارس ولد غيث . بن .. بن .. بن ......... والنعم لاسم ابويه بس ولا اخويه لاااا
فارس: ههه والله حاله.. اقول تراك متفيق انا راسي يعورني ومصدع اوووب هذا غانم دااق برايك مافيه اسمع منه محاضره يديه على التأخير بااااااي..
احمد:هههههههه حيله يخاف من غنووووم هع.. باي.. سلم لي على غنووووم..
وطبعا فارس شبك الخطين مع بعض..
غانم معصب: غنوووم في عينك يا الهرم اصغر عيالك قالو لك..
احمد:ههههههه لا الوسط.. علومك الشيخ غانم بن غيث شوه الاخبار ولا جنا من ساعتين ولا ثلاث متفارقين عنك..
غانم: خل عنك هاي المسخره وكون جدي ياخي لو مره وحده لين متى بتأخذون الدنيا لعب وسوالف كونو رياييل مره وحده ..
فارس واحمد: نحن رياايل غصبن عن اللي يرضى والي ما يرضى
احمد: وياريت يا غانم اتثمن رمستك عدل..
غانم: والله رمستيه مثمنه بس يوم اشوف جدامي يهال شوه باقولهم بعد..
فارس: شوه يهال ما يهال انته اتعرف شوه اتقول..
غانم: والله شوه اتشوفني جدامك غلا ولا شوق ولا مريم وبنتها اسمعوني ثنينتكم وزين منك يافارس انك شبكت الخط علشان ما اعيد الكلام اللي بقوله مره ثانيه.اول شيء موضوع مريم وها اللي يبى اونه يخطبها دريت به..وثاني شيء اعتقد اني اخوكم العووووود واللي المفروض اعرف بكل شيء يصير ..
احمد: انزين وبعدين..

..عجيد الريم..
15-04-2009, 09:38 PM
غانم بعصبيه : احمد احترم عمرك..
احمد: انا ماغلطت بشيء غانم.. كمل وبعدين انته اخونا العود على عينا وراسنا وبعدين..
غانم: احمد لا تستفزني اكثر ما انا معصب منكم انته واخوك ووولد عمك..
الحين فهم احمد ليش حمد معصب ثره متهاد مع غانم بس ليش قاله احنا اتفقنا انه محد يدري بالموضوع الله يسامحك ياحمد..
فارس: ممكن اعرف منوه قالك عن الموضوع..
غانم: دريت فيه .. المفروض انته يالعاقل اللي اتخبرني عنه مب اسمع به من الحريم..
احمد قاعد يسمع ويفكر اها يعني مب حمد اللي قاله.. لحضه منوه الحريم يعني فاطمه قالت له. بس حمد محلفنها انها ما ترمس في الموضوع لا حول..شوه بيفجنا من لسان غانم الحين.. صدق من قال لا تأمن الحريم على سر..اسميه لسانهن متبري منهن..
فارس: انا كنت بخبرك يوم تنعرف السالفه كامله لين الحين ماصار شيء..
غانم: شوه ماصار شيء والريال بييب اهله يوم الخميس .. واتقولي ماصار شيء خطوبه هييه وياك ماصارت ولاا بتصير بعد يوم هاي علومكم..
احمد: لحضه غانم الحين يقولي فارس انه الريال كلمه وقاله يبون اييون يوم الخميس يعني ما صار شيء فعلاً لانا ماعطيناه كلمه
غانم: لا والله وان شاء الله تبوني اتريا لين تعطونه كلمه وخلااااااف توني غانم والله يا مريم خطيب وخلاص انخطبت خلاص شوه رايك..
فارس: لا مب جيه السالفه بس اليوم كنت بييك الشقه وبقولك السالفه كامله ..
غانم: لا والله اتصدق ياخي عذر اقبح من ذنب.. السالفه من متى انتو تدرون بها .. ليش ما ييت اتخبرني بها يوم هاي نيتك من الاساس فارس..
فارس: لا حول.. لاني كنت مشغول بمشكله ثانيه ومن حليت المشكله الثانيه الحين بتفرغ للمشكله الاولى اسمعني غانم الحين انته معصب ومن تهدى ان شاء الله بفهمك كل شيء من اول مره دريت بالسالفه لين ساعتك..
غانم: لا والله لا حبيبي يوم تبى ترمس سير ارمس عند ابووك..
احمدوفارس: ابويه لااااا
فارس: دخيلك غانم ارحمهم ياخي .. اسمع مبارك اتعذب فوق الخمس سنين..
غانم: لا والله شوه هاي طيبت القلب الي طاحت عليك..
احمد: غانم انته شوف الريال وحكم عليه بعدين انا لين شفت الريال ما اقتنعت
غانم سكت يفكر في كلامه هوه وحمد قالو له نفس الكلام ماعليه بشوف الريال وبشوف شوه آخرتها هاي السالفه..
فارس : صدقه احمد شوف الريال وخلاف قرر شوه بتسوي..غانم فكر اشوي انته مب من النوع المتسرع لا اتخلي غضبك يدمر مستقبل ريال..
غانم: ماعليه بنشوف شوه آخرت ها السالفه وياكم.. متى بيي الريال
فارس: بيي باجر الصبح؟ويبانا انلاقيه يوم السبت ولا الاحد..
غانم: خير ان شاء الله..
سكر في ويهم وماخلالهم مجال انهم يرمسون..
احمد: هااه الشيخ فارس شوه بتسوي الحين..
فارس: ماادري ..
احمد:خخخ ولا سكر في ويهك هااه..
فارس: انجب انته تراك ويايه على الخط..
احمد: خخخ لا حبيبي هوه داق لك انته مب انا..
فارس: ويا راسك..
احمد: فديييييييييييييييت راسي ياربي.. ادري انك اتغار مني..
فارس: ويييييه ما ادري منوه انته.. يالله يالله احمد بن غيث..
احمد: شيخك حبيبي..
فارس: وااااااااع خلك الحين من ها ابى اقولك سالفه.
احمد: ههه يالله قول..
فارس: اممم انا رمست العنود..
احمد: منوه العنود؟؟
فارس: العنود اخت غزلان..
من قال غزلان احمد وقف قلبه..
احمد وشكله منصدم: شوه قلت لها.؟؟
فارٍس: امم طلبت ايدها ووافقت ..
احمد: ووافقت معقووووووووله..
فارس: هيه وافقت .. ياخي تتحرانا مثلكم معقدين..كل شيء مستحيل,..
احمد: كيف معقدين؟؟
فارس انتهبه للزله..
فارس: امم انته وولد عمك حمد..
احمد: وشوبلاه؟حمد..؟؟
فارس: اممم تراه يعشق ولين الحين مب مسوي شيء..؟؟
احمد: وانته شوه دراك.؟؟
فارس: ادري به..
احمد: زين بس انته اتعرف ليش لين الحين ما سوا شيء؟؟
فارس: ادري بس دام اهله يدرون بسالفه مريم ياخي انا بتحرك بسوي شيء.. ما بحط ايدي على خدي..
احمد: ما ادري سير رمسه هووه مب انا..
فارس: ماعليه ..المهم وانته شوه آخر موالك..
احمد: موال شوه بعد؟؟
فارس: احمد انا اعرف بسالفتك مع غزلان.. ياخي اخلص انتو اتحبون بعض ليش مسوين بعماركم جيه..
احمد: وشوه اللي اتعر فه عنا ..؟؟
فارس: كل شيء..؟؟ ومن زمان كنت حاس بس اليوم اتأكدت من كلام العنود عنها عرفت انه غزلان تموووت في هواك.. حرام عليكم .

..عجيد الريم..
15-04-2009, 09:39 PM
احمد: آآآه يافارس ليتني اقدر اقولك الي في خاطريه بس ماعليه بخليك الحين.. عندي شغله بسويها..
فارس: احمد تعتقد اني ما بقدر اساعدك..؟؟
احمد: ما ادري فارس وصدقتني يوم اتأكد من ها الشيء بيك وبقولك كل شيء..
فارس: اوكي ياخويه.. اللي اتشوفه..؟؟ برايك الحين..
احمد: باي..
سكر عنه وتم يفكر بأحمد شوه اللي مخليه جيه شوه صار امبينهم..
في ها الوقت عند حمدان بعد ما وصل البنات الصالون ورجعهن لين البيت وقبل ما تنزل عويش..
حمدان: عويش؟؟
عويش: عونك خويه..؟؟
حمدان: عانج الله بغيتج لا تنزلين ..
التفت على لبنات
حمدان: برايكن خلن السامان الحين..
سلامه وعينها على عويش: اوكي خويه.. يالله مريوم وفطيم..
حمدان: سكري الباب وراج..
عويش: آمر ؟؟
حمدان: امم اول شيء انا آسف على اللي قلته لج.؟
عويش: لا حصل خير خويه..
حمدان: امم عويش ابغيج في موضوع خاص اشوي..؟؟
عويش: خير ياخويه زيغتني ..شيء بلاك..؟؟
حمدان: هااه لا مافيه شيء بس..؟؟ ما اعرف كيف ابدا.؟؟
عويش تمت محتاره ومعقده حياتها: اللي يريحك خويه...
حمدان: اممم انتي اتعرفين دانه عبدالله وبنت عمها منيره غيث صح..؟؟
عويش معقده حياتها بالقو: امم ما اعرفهن عدل بس من بعيد ليش؟؟
حمدان: هاااه لا ماشيء بس حبيت اسألج عنهن شوه شفتيهن..؟؟
عويش: اها دانه حبوبه بس منيره ما اعرفها عدل..
حمدان: اها دانه مخطوبه لولد عمها صح؟؟
عويش: هييه ها الي سمعته.
حمدان: ومنيره ما سمعتي عنها شيء..؟؟
عويش: اممم لاااااا ؟؟حمدان ليش تسألني عنهن؟؟
حمدان: هاااه لا ماشيء بس هذاك اليوم الي وصلتج فيه لين البوابه ولقفت حمد شفتج واقفه وياهن.
عويش: اها..؟؟
حمدان: عويش لو ياج واحد من ربعي وانا اممم اباج تاخذينه بتوافقين عليه.؟
عويش وقف قلبها حست بالدم في راسها: امم ما ادري ياحمدان انته اتعرف انه الراي الكم انتو وانا وعدت ابويه اني بوافق على أي واحد توافقون عليه.
حمدان: لا عويش ما ابا أي حد ياخذج غير حمد..
عويش: حمدان.؟؟
حمدان: سمعي عنده الحين مشاكل بسيطه ومن يخلصهن انا متأكد انه بيي دخليج عويش أي حد اييج رفضي بأي حجه..
عويش: شوه بقول لابويه.. وبعدين انا ما اعرف الريال اذا كان زين ولا لااااا
حمدان: انا اضمنه لج..
عويش: مب هذا اللي كنت انته وياه من ايام الطفوله..
حمدان: ردينا لطير يلي تراني رمست في السالفه وخلاص خلصنا منها..
عويش: ادري حمدان انا ما اطري هذيج السالفه بس سؤالي هوه ولا لاا اللي كنت وياهم..
حمدان: هييه هوه؟؟ شوه قلتي..
عويش: حمدان شوه تباني اقولك انا بنت مب ريال.. وبعدين انا قلت لكم اذا انتو موافقين على الريال انا ماعندي راي ثاني..
حمدان: بس هاي حياتج عويش..؟
عويش: امم اتعرف شيء حمدان ؟؟
حمدان:" شوه ؟؟
عويش: ليش كنت ارفض أي حد اييني واتعلث بالدراسه.. ههه خواتي..
حمدان: خواتج؟؟
عويش: هييه سلامه ومريم وفاطمه وديمه... كلهن يبن حد يهتم فيهن.. امايه انته اتعرفها دووم مسافره مع الوالد ومحد كان يطالعنا غير يدوه وحياه يدي.. وانا ماقدرت اعرس واخليهن..
حمدان منصدم من كلامها: بس ابويه وامايه عايشين عويش..؟؟
عويش: الله يطول بعمارهم يارب.. بس انته تتذكر امايه ولا ابويه في طفولتنا.. ان قلت هيه اسمحلي بقولك جذاب.. من نحن صغار ونحن عند يدوه ويدي وامايه مع ابويه كل ثلاث اسنين برا. من يابو مريم وفاطمه وديمه وخليفه.. خلوهم اهينه ورجعو سافرو. كيف تباني اخليهن بروحهم واعرس عنهم ما اقدر..
حمدان: معقوله اللي اسمعه منج ؟؟
عويش ودموعها في عيونها: ههه ها الواقع ياحمدان وحسيت من كلام ابويه هذيج الليله اللي كنت انته مترقد فيها انه يباني ارتاح واستقر في حياتي .. حسيت انه متلوم مني لانه يتحسب عمري ضاع في تربيه خواني.. بس لا ياحمدان انا بالعكس حبيت كل لحضه عشتها معاكم..
حمدان: من يسمعج يقوول هاي عيووووووز معبره السنين ما اتقول وحده عمرها 23 سنه بس..
عويش:هههههه شفت عاد تربيه يدي هاي..
حمدان:هههه يالله يا العيوز ومثل ماقلت لج ارفضي أي حد اييج غير حمد
عويش: حمدان ممكن اسالك سؤال خاص اشوي؟؟

..عجيد الريم..
15-04-2009, 09:41 PM
حمدان: ادري شوه بتسألين ..تبين تسأليني ليش حمد بالذات صح؟؟
عويش موخيه راسها: هييه
حمدان: امم شوه اقولج ما ادري والله بس احسه انه هووه اللي بيسعدج وايد. وانا بعد احس انج انتي الي بتسعدينه.. ويالله يالله خلونا انشوف عيالكم وهااه مالي خص اول ولد اتسمونه حمدان..
عويش غداا ويها احمر: حمدان..
حمدان: ياربي كيف احمريتي هههههههههههه برايج خلاص..
نزلت عويش بسرعه من عنده وويها طمااااطه غادي..من المستحى دخلت سيده حجرتها وسكرت الباب عليها ..
حمدان دخل داخل وهو يضحك على عويش.. بس اتطمن انه عويش وحمد بيكونون ان شاء الله مع بعض.. اغلى ربيع عنده واغلى اخت مع بعض.. يارب ياربي تجمعهم مع بعض..

وعند حمد ها الوقت.. سار الحلاق واتحلق ومن خلص مر على المحل الي خلص تقريبا وماشيء باقي له الا الاكسسوارات.. يخرب بيته كلفني فوق 500000 درهم.. نص مليون.. استاهل ولا حد يأخذ له محل في شارع خليفه.. اف.. يوم اني حافي ومنتف.. شوه ابا بهاي البصاير.. والله حاله.. وتوه بيطلع من السوق لفت نظره خياط الميدان.. آآآآآه ياخالد كان دووم يقولي انه يبا يجرب يفصل عندهم.. ولا اخليها في خاطره.. سار عندهم وفصل حق خالد والقياسات خذها من الفاتوره القبليه.. فصله 3 كنادير وحده سوده والثانيه ختم بيضى والثالثه زرقا ورقعهم وايد حلوات.. طلع من عندهم وسار البيت مالقى حد خصوصا انها الحين الساعه 11 المسى..راح سيده حجرته واتسبح ورقد وما حس الا وحد يدق عليه الباب..الصبح الساعه 6 ونص.. حشى دياي ..اتأفف نش يفتح الباب وما انتبه انه اللي يدق عليه تحت لانه سعيد قصير وحمد طويل.. وحمد طبعا عين مسكره وعينه مفتوحه فما انتبه انه سعيد اللي دق الباب.. رجع وسكر الباب.. ودق عليه اسعيد مره ثانيه بس من الخوف وقف عدال الباب ومن جهه اليدار.. .. وفج حمد الباب وما انتبه لسعيد مره ثانيه وسعيد فيه ضحكه وفيه خوف نبفس الوقت..
سعيد: حمد؟؟
حمد :آآآآآآآء بسم الله زيغتنيه.. شوه بلاك ينيت شوه؟؟
سعيد: لا انا آسف بس بغيتك اتوصلني المدرسه عندي امتحان؟؟
حمد: لا والله الحين امتحان والبارحه شارد بوظبي؟؟
سعيد وفيه صيحه: خلاص آسفه برايك بشوف الدريول..
حمد اتلوم منه: خلاص اتجهز انته بسبح وبييك..
سعيد: اوكي..
سار سعيد يتلبس معنه ما يقدر يتلبس عدل من الضرب اللي ياه حاس ينبه كله يعوره..والصفعه اللي يته في وييهه مبينه تحت عينه مزرقه..كيف بيقابل العيال اليوم شوه بيقولهم..اتلبس بسرعه ونزل تحت وتريق لين ياه حمد ووشل له كوب شاي وسارو السياره..
وصل سعيد المدرسه وسار الدوام وتوه بيتصل بأحمد الا احمد ومتصل به..
حمد:لو طريت مليون ابرك لي..
احمد: وليش انا ما اسوى مليووون سلام عليك..
حمد: هه وعليكم السلام والرحمه. علومك..
احمد: علوم الخير.. وين؟؟
حمد: توني واصل الدوام ليش..؟؟
احمد: ياحيك انزين اقولك سمعت انه في اجتماع النا الساعه 10وانا عندي دوريه من 9 ونص والحل..
حمد: اجتماع شوووه بعد؟؟
احمد: بتخبرك ياخي.. الي مرضعتنك عبده.. نفسك دووم في خشمك ياخي خلك كوووول مثلي..
حمد: لا والله انته كووول الحين. والله شيء طيب.. عيل دامك كوول على قولتك حل امورك بروحك بااااي..
سكر عنه ..احمد تم يفكر والحل الحين شووه يعني لازم اكلم فصيل الحين اف. وجنه الا يترياه يفكر فيه. لانه اتصل عليه..
احمد: اف هذا شوه يبا داق الحين..
فصيل: السلام عليكم..
احمد: وعليكم السلام هلا سيدي..
فيصل:بالمهلي احمد اشحالك..
احمد: الحمد لله سيدي ومن صوبك..
فيصل: اممم الحمد لله يسرك الحال. امم احمد بغيت اخبرك انه الدوريه مالتك التغت واباك اممم تحضر الاجتماع وانته وكم واحد بعد وياك..
احمد وراص على ضروسه: اها ان شاء الله سيدي..
فيصل: تمام عيل امم هييه ياريت لو اتخبر ولد عمك والملازم مازن بعد والملازم سعيد بعد....
احمد: ان شاااااء الله سيدي..
فيصل: خلاص عيل اممم بخليك الحين يالله سلام ونترياكم بعد نص ساعه..
احمد: ان شاء الله..
طبعا احمد ما اتصل فيهم بس طرش لهم مسجات عندكم نص ساعه وبعدها في ا جتماع عند فصييييييييييييل..

..عجيد الريم..
15-04-2009, 09:43 PM
وفعلا قبل ما اتطوف النص ساعه الكل مجتمع في غرفه الاجتماعات.. يتريون فيصل وباقي اللجنه.. بس الصدمه الي كانت انه من بين الحضور كانت بنت اللذ ين آمنووووو.. الرائد شرينه.. واب اب يايه مع العقيد بو سعيد.. والمقدم عيسى .. وطبعا فصيل..
العقيد بو سعيد: السلام عليكم..
الكل: وعليكم السلام والرحمه...
العقيد بو سعيد: اشحالكم ربكم بخير..
الكل: بخير ربي يسلمك..((جنهم رجال آليين))خخخ
العقيد بو سعيد: امم بدايه حبيت اشكركم واحد واحد على المجهوود اللي تبذلونه سواء اهنيه في المركز ولا برا ..مشكورين وما اتقصروون
حمد: سيدي هذا واجبنا تجاه وطنا وما انسويه الا لانا من حماه ها الوطن وها الشي نحن نفخر به..
سعيد.بصوت واطي لاحمد: عاااااش حمد شوه هااه طلع جنتل..
احمد: انجب لا حد يسمعك واتروح وطي.. شوف عيون فصيل اشوي وبيطلعن من مكانهن.. هه وقاعد يتصرط بعد
سعيد:هههه صدقك والله..
مازن: اصص سكتووووو اشوي..حمد شاد حيله ويا العقيد..
احمد: اصص..
حمد: ان شاء الله انكون حزنا على رضاكم.. سواء انا ولا خواني الكل مب مقصر..
القعيد: لا ماشاء الله عليكم كلكم ونعم الساع.. بس اللي بغيت ابشركم فيه.. انه تمت ترقيتكم من ملازم لين ملازم اول.. بالبركه عليكم يارب..
احمد: الله يباااارك فيك سيدي وان شاء الله نكون اهل لهاي الترقيه..
النقيب عيسى: ان شاء الله.. بس فيه طلب بغيناه منكم..انتوا الاربعه..
مازن: طلب؟؟ أمر سيدي..
العقيد: امم والله بغينا نحولكم عندنا في الوزاره في بوظبي..
حمد: ويين؟؟
العقيد: عندنا في الوزاره ماشاء الله عليكم الرائد شرينه ما وقفت مدح فيكم من يت اهنيه لين يت عندنا وهيه تمدح فيكم وخاصتاً حمد.. هااه شوه قلتم..
حمد:هاااه بس احنا مرتاحين اهنيه.. والسموحه منك سيدي انا مابغي انتقل بوظبي وعندي ظروف..
القيد بو سعيد: وشوه ظروفك حمد؟؟
حمد: السموحه بس ظروف خاصه اسمحلي سيدي..
القعيد: اها اوكي والباقين شوه عنك احمد؟؟
احمد: هااه اأأنا بعد سيدي ابغي هنيه في العين طول حياتي عايش في بوظبي بس ارتحت في العين..
القعيد: لا حول وانته مازن..؟؟
مازن اممم الصراحه اهليه كلهم اهنيه واخواني محد ومحد ريال في البيت غيري.. ان سرت بوظبي بخلي اهليه طول الاسبوع اسمحلي سيدي.
العقيد: استغفر الله وانته بعد سعيد ولا بتلقى لك عذر مثلهم
سعيد: امم لا بس سيدي أنا توني معرس والحرمه تشتغل اهنيه في العين صعب لو سرت بوظبي..
الرائد شرينه: انزين خلها اهنيه وانته تعال بوظبي وفي الويك اند بتيها.. هاي فرصه ما بتتعوض لكم.. فكروووو زين..
حمد: اسمحولي انا مافي أي مجال؟؟
احمد: ولا انا بعد..
مازن: ونا بعد..
عيسى : وانته بعد سعيد؟
سعيد: السموحه..
العقيد: لا حول خلاص اذا ما تبون ما بنجبركم بس هاي فرصه مثل ماقالت الرائد شرينه..
حمد: سيدي والله لو اقدر مابقول لا بس السبب قوي اللي يمنعني من الدوام في بوظبي..
العقيد: لهاي الدرجه حمد..؟؟
حمد: واكثر عن ما تتصور سيدي..
العقيد: لا حول خلاص بس بتون بوظبي الاسبوع الياي علشان احتفال الترقيه.. ولا بعد بتتحججون لي ..
احمد: لا افا عليك سيدي دامها السالفه الا ساعتين ولا ثلاث مقدوور عليها..
الرائد شرينه: لا والله اسمع انته لهاي الدرجه ما اتحب بوظبي احمد معنك من اهل بوظبي..
احمد: لا مب جييه بوظبي نوري كلك .. يكفي انه الوالده ساكنه اهناك بس حلو التغيير..
العقيد: عيل خلاص بنترياك لين تي بوظبي من خاطرك وبنحولك عندنا شوه قلت..
احمد: لااا دخيلك انا مرتاح اهنييييييه..
فيصل: هييه علشان متى ما يطلع يطلع..
احمد وبكل براءه: اناااااااااا متى حليلي جاني كديح شغل..
فيصل: هييه واضح..
احمد: هييه حتى انه كانت عندي اليوم دوريه بس بأمر منك سيدي كنسلتها .
العقيد: هيه انا قلت له اتخلون شغلكم كله لين يخلص الاجتماع اسمح لنا احمد وحقك علينا.
احمد: لا افا عليك سيدي اوامركم مجابه..
الرائد شرينه:ههههههه المشكله غصبن عنكم بتنفذوون الاوامر ولا لو كان بشوركم ماسويتو شيء..ههههه
احمد: احم لا افا عليج كله في سبيل خدمه الوطن.
عيسى:هههههههه يا العياريين. عيل يوم السالفه جيه تعالو بوظبي تراكم اتقولون في سبيل خدمه الوطن...
احمد: لا الا هذا اهنيه في العين فااااااالكم طيب..من العين هاي قبل هاي
العقيد بو سعيد كانت عينه على حمد الي شكله كان حزين ومتضايق فما حب يضغطوون عليهم اكثر من جذيه..
العقيد: خلاص عيل اللي اتشوفونه ما بنضغط عليكم اكثر من جذيه . بنشوف متى بيكون يوم الحفل وبنبلغ النقيب فيصل فيه..وهوه بيبلغكم..
سعيد: ان شاء الله سيدي..
احمد: ان شاء الله
العقيد: يالله مبرووك عليكم الترقيه.. وحمد لو سمحت تتريا اشوي ابغيك على انفراد..
حمد: الله يبارك فيك سيدي وان شاء الله..
احمد: الله يبارك فيك.. يالله اسمحولنا ..
ضربولهم تاهيه وطلعو من عندهم..وحمد تم عندهم..
العقيد بو سعيد: ياريت لو اتخلونا رواحنا اشوي.؟؟
طلعو الكل بعد ماهزو روسهم وتم حمد مع العقيد..
شوه بيصير ويا حمد وعويش وحمدان كيف بيتصرفون اذا يا حد يخطبها؟؟
والعقيد سعيد شوه يبى في حمد.. خلونا نتابع البارت الياي..
نهايه البارت..


ها البارت صغير.. قرووه وباجر بنزل 16 .. والسموحه على القصور..


عجيـــــــــد الاريــــــــامي..

rara
15-04-2009, 09:50 PM
ايالقهر من غنووووووووووووم السفله

قهربييييييييييييييييييييييييييييييييييييي

برجع بكمل قراءة القصة

..عجيد الريم..
15-04-2009, 09:58 PM
هههههههههههههههههههههه .خخخخ عيل بتكملين بتكهرهينه بعد ها البارت..بعد..ههههههههههههههههه

بنوووووتـﮧ
15-04-2009, 10:10 PM
"

انا اروحي كارهه " شهد " .. بعد تبغيين اتكرهيني ف " غنوم " زود

يالله ان شاء الله " مبارك ياخذ مريم " << ههههههه متأثرة وايد

و" حمد محير لـ عويش " خلاص تم من صوبي لووول / :)

و" احمد " لـ " غزلان " .. و" فارس لـ " العنود "

و " حمدان لـ " منيرة " خخخخخخخخخخخ


يلا نتريا الحفله خخخخخخخ يعطيج العافيه


"

..عجيد الريم..
15-04-2009, 10:18 PM
ههههههههههه ان شاء الله.. يالله باجر بنزل البارت الي عقبه..


خخخخخخخخخخخخخخ

مشكوره بنوووته على المروور..

هههههههههههههههه

lady oscar
15-04-2009, 10:38 PM
ياسلااااااااااااااام

مبارك علينا ترقيه حمد واحمد


هههههههههههههههههههههههههه

جنه حمدان يدري بقصـه حب عويش وحمد بس مايقول هههههههههههههههههههههه


ان شالله نفرح بيهم ..

اما غااااااااانم لاعاد تطريه بالقصه ههههههههههههههههههههههههههه


يعطيج العافيه حبيبتي

..عجيد الريم..
15-04-2009, 10:45 PM
هههههههههههههه حليله غانم.. لحضه خلو نفسكم مكانه مش من حقه يزعل. هوه الاخو البجر.. ولازم يعرف اول ناس مب آخر ناااااااس.

فكرو فيها .. .من حقه يعصب..

السولعيه الحلوه
15-04-2009, 11:08 PM
تسلمين غلايه على البارت الفناااااااان...

مبروك الترقيه على احمد وحمد وباقي الشباب...

حمدان والله انه فنان ليت عندي اخو مثل متفهم...

غنوم له حق في الاي سواه لانه هو الكبير ولازم يخذون شوره قبل ما يسون شي بس بعد ماله حق انه يدخل في حياة اخته ويرفض مبارك قبل ما يشوفه....

العقيد اظن بيكلم حمد عن الحزن الاي باين في عيونه...

ونرقبج في بارت يديد على نااااااااااااااار...

,,,(*__*)

..عجيد الريم..
15-04-2009, 11:18 PM
هههههههههههه سلامي عليج يا السولعيه.. ونعم التحليل.

بس تعرفين من غيضه على الي صار لخته من خالد.. خلاه يتدخل جيه.. تعرفين يمكن عنده خوف يسوي بها مثل ماسوى خالد.. ولا تنسين انه لين الحين ماخذ من خاطره من خالد على الي سواه بمريم. وبما انه مبارك ربيع خالد ففكر انه بيكون نفسه..


باجر ان شاء الله بنزل البارت الياي. وبتتوضح الامور..

مشكوره ختيه على المتابعه .. دمتي بود.


عجيـــــد الاريـــــامي..

ذبحني الح ـلا
15-04-2009, 11:58 PM
يسلموو على البارت الغاااوي

إنشاء راح يتفهم الموضوع غانم وتصير مريم لمبارك

ومبروووك الترقية للشباب

أما عويش فهذي حالة خاصة >>> كلهم واقفين في صفها من اليدة لحد حمدان و إنشاء الله تاخذ حمد

وبانتظار البارت القادم

يعطيج العافية

rara
16-04-2009, 12:16 AM
بالبركه عليهم الترقية

يستاهلون الشباب حماة الوطن


ونتريا انبارك لهم بدخولهم القفص الذهبي

وانعيش الحب وياهم


هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههه


عجيد الاريامي يزاج الله خير ونتريا

..عجيد الريم..
16-04-2009, 01:29 PM
ههههههههههه الله يبارك لج rara تسلمين والله.. شكلي وايد شاده حيلي..


ههههه ان شاء الله يا نووراي.. والله يبارك لج في حياتج.. خخ جنهم خواني مب شخصيات وهميه.

هع


ان شاؤ الله الحين بنزل البارت الي بعده.

..عجيد الريم..
16-04-2009, 01:32 PM
بما انه اليوم الخميس يعني بدايه الويك اند.. بنزل الحين بارت وبعدين بنزل البارت الياي.

البارت السادس عشر..
أغيب بس إني على العهد باقي
يردني شوق على الود لازال
ماغيركم يازين للعين لاقي
لك بالمحبة في لجا الروح منزال
هاك العهد مني ليوم الفراقي
""ما أنسى غلاكم""
"لو الزمن بيننا طال

قعد حمد مع العقيد سعيد بعد ما طلعو عنهم الجماعه..

العقيد: حمد ممكن انكون صريحين اشوي؟؟
حمد: اكيد سيدي..
بو سعيد: اممم انته ماتبا تشتغل في بوظبي لانها بتذكرك بحياتك القبليه صح.؟؟
حمد ماقدر يرد عليه حس جسمه باااارد من داخل: هييه سيدي.. رجعتيه لبوظبي بترجعني لورااا.. لماضي ما ابغي ارجع اعيشه مره ثانيه..
بوسعيد: بس ياحمد انته عشت حياتك خلاص لا اتخلي الخوف من الماضي يدمر مستقبلك..انته اتعرف كم واحد يتمنى يكون مكانك الحين؟؟.
حمد: ادري سيدي. بس صدقني ما بقدر.. هذا من ناحيه بعدين من ناحيه ثانيه اهليه من بعد عين خالد اخويه محد عندهم ريال في البيت غير سعيد اخويه.. وسعيد بعده ياهل..
العقيد: بس اهلك ان شاء الله ماعليهم شر.. بس انته فكر في مستقبلك حمد.. حمد ياولديه انا ابالك الخير..
حمد: ادري سيدي.. صدقني انا مرتاح جذيه.
العقيد ابتسم : اقول حمد شوه رايك بالرائد شرينه.؟؟
حمد منصدم: هااه ش..وووه بلاها؟؟
العقيد: لامابلاها شيء بس اسألك عنها ..
حمد: امم زينه مافيها شيء..؟؟
العقيد: اها ياحيك والله..
حمد وهوه معقد حياته: الله يحييك سيدي..تامريني بشيء سيدي ..؟؟
بوسعيد: لا مشكور حمد ومبروووك مره ثانيه على الترقيه..هيه صح نسيت اقولك تراها بنت الرائده شرينه قمر.. شوه رايك نخطبها لك..
حمد فج عيونه: هاااااااه.. هه لا مشكوره سيدي..
بوسعيد:هههههههههه ليش عاد.. انا خطبتها بس شرينه ما رضت اوني وايد عووود عليها تبالها واحد حليو مثلك. شوه رايك..؟؟
حمد: ها لا سيدي انا ما ابغي اعرس الحين على الاقل لين تتيسر بعض الامور..؟؟
بوسعيد: امور شوه بعد؟؟
حمد: بعض الامور العائليه ؟؟
بوسعيد: ايوا يعني الموضوع خاص وما تبى حد يعرفه؟
حمد: اممم تبى الصراحه سيدي من توفى المرحوم والاهل ملزمين عليه اني آخذ حرمته.. علشان بنته. وهي بنت عمي؟؟
بوسعيد: وانته شوه رايك؟؟
حمد اتنهد: شوه بقولك.. انا رافض الموضوع وحتى هييه رافضتنه.. بس اهليه واهلها يبون ها الشيء ف لين تنحل ها المشكله ماافكر بأي شيء ثاني؟؟
بوسعيد: بس هييه اكبر عنك كييف بيزوونك وحده اكبر عنك حتى لو كانت بنت عمك..؟
حمد: والله شوه اقولك سيدي ها اللي يصير بس انشاء الله تتصلح الامور قريب؟؟
بوسعيد: ليش في امل..؟؟
حمد: الامل والفرج عند رب العالمين.. بس في احتمال ريال ايي يخطبها في نهايه الاسبوع الياي.. وان شاء الله خير..
بوسعيد: وتعتقد اهلها بيقربون به؟؟ وبيخلون ولد العم ؟؟
حمد: والله ما ادري عسى خير ان شاء الله..
بوسعيد: ان شاء الله.. يالله شوه انسوي خلنا نتريا شوه علينا .. خلاص انته شوف الموضوع وخبرني شوه بيصير..
حمد: ان شاء الله سيدي.. بس مثل ما قلت في البدايه سيدي مش ها الموضوع الي يمنعني من الانتقال لبوظبي. دخيلك سيدي..
بوسعيد: انا فاهم عليك حمد.. تبى الصراحه اتعرف ليش انا اباك عندي في الوزاره؟؟
حمد: ليش سيدي..؟؟
بوسعيد: اممم لشهاده شرينه فيك.. ومدحها يمكن المبالغ فيه .. لك ..مب لاني اعرفك من قبل واعرف مشاكلك يوم كنت اصغير..
فحبيت اشوف ها الانسان الحين كيف هوه في الشغل.. هل شرينه كانت مبالغه في مدحها لك ولا لاااا
حمد: ههه ايوا لا سيدي الحين انا عقلت وخلاص صرت رزين.. بس بوظبي لااااااا ..اسمحلي سيدي..كنت اشتغل تحت رايتك قبل ما تترقى وشفت كيف شغلي عندك..
بوسعيد: لا فعلا كنت شغيل.. بس كنت تروم اتسوي لي انقلاب في الوزاره بأي وقت وخصوصا ماخليت حد ما ضميته لك .. الكل تم يهاذي بك خصوصا من انتقلت للعين..
حمد: ههه لهاي الدرجه والله ما كنت اعرف غلاتي..
بوسعيد: وهاذيه عرفتها .. شوه الراي..
حمد: هه والله ياسيدي ما اقدر.. صعب..

..عجيد الريم..
16-04-2009, 01:34 PM
بوسعيد: يعني ما بتعطي نفسك فرصه انك اتفكر بس.
حمد: حتى لو فكرت النتيجه وحده سيدي.. اهليه اولا عن مستقبليه .. وبعدين مثل ما يقولون العمر جدامي ان شاء الله..
بوسعيد: ان شاء الله.. ايوااا يعني ما في امل..؟
حمد: لا سيدي..السموحه منك..
بوسعيد: لا افا عليك..خلاص عيل اتوكل انته لشغلك.. ومثل ماقلت لكم متى تتحدد حفله الترقيه. بنعطيكم خبر..
حمد: ان شاء الله سيدي ومشكور ..
بوسعيد: العفو .. ويالله وانته طالع ازقر لي شرينه والنقيب عيسى...
حمد: ان شاء الله سيدي..
وضرب له تاهيه..
وطلع من عنده..وهو طالع لقف الجماعه برا وخبرهم انه العقيد يباهم داخل وسار لمكتبه اللي كان متأكد انه كلهم اهنااااااك الحين..من دخل الكل بغم في وييييييه مبرووووووووووووك الترقيه..
وطبعا الترقيه شملت كل الملازميه اللي كانو مع حمد واحمد والشله .. بس ها الاربعه انطلبو يحولوون في بوظبي.. وبما انهم ما وافقوووو فما اتغير شيء.. كملو دوامهم من دوون أي مشاكل او احداث تذكر بس نغزات احمد لحمد عن طلب الرائد شرينه انه يحول في بوظبي . حمد ندم انه خبره بها الشيء لانه من خبره وهوه مستلمنه..ولا بعد خبر القووووم كلهم..
من خلص الدوام مر على سعيد ويابه وسارو البيت فهاي اللحضه اتصل عليه حمدان .. حليله اتصل به فووق الخمس مرات يوم كان في الاجتماع وطبعا ماقدر يرد عليه.. لانه تلفونه في المكتب ومن يا المكتب لقى الشبيبه ملتمين اهناك فنسى التلفون .. وعند حمد ميزه انه ان كان في الدواااااام ممنوع شيء اسمه تلفون الا للضروره القسوى غير جيه لااااااااااا.. لدرجه مرات ما ينزل التلفون ويااااااه..فرد عليه...
حمد: هلا والله بحمدان اشحالك..
حمدان: الحمد لله الحين هلا والله بحمدان كم مره اتصلت بك..؟؟؟
حمد:ههههههه ياخي مشغووووول شوه انسوي..
حمدان: لا والله..
حمد: والله العظيم ياخي اليوم يانا العقيد بوسعيد من الوزاره اجتمع ويانا ماقدرت ارد عليك..
حمدان: وخلاف اشله ما اتصلت بيه..
حمد: والله انشغلت..؟؟انزين ماباركت لي..؟؟
حمدان: مبرووووك بس على شوه..؟؟
حمد: احم رقوووني لملازم اول طال عمرك..
حمدان: اوووووووووه مبرووووووووووك سيدي.. والله لو ما راكب السياره والا جان ضربت لك تاهيه سيدي..
حمد/:ههههههه خلاص ماعليه يوم بشوفك اضربلي تاهيه..
حمدان: لا لاله بضربك على راسك.. من متى آخر مره شايفنك ولا مرمسنك والله انك بطرت؟؟
حمد: هع يحق لي طال عمرك مترقي.. فديتني على قولت احمد.
حمدان:هههههههههه ماعلينا انزين اسمع ابغي أعزمك يوم الخميس عندنا عرس .خبر اهلك.وعيال عمك ترانا نترياكم..
حمد: بالبركه ان شاء الله عقبالك ياريال.
حمدان: آمين وياك يارب.. حمد اباك في سالفه خاصه.. اشوي..
حمد: آمرحمدان رب ماشر؟؟؟
حمدان: لا ماشر..بس بغيتك اشوي.. ااقدر اشوفك اليوم؟
حمد: افا عليك.. حاظرين
حمدان: خلاص عيل نتلاقى على خير..
حمد: ان شاء الله تمام بسير البيت الحين يووووووعان ابا اكل شيء.
حمدان:ههههه بالعافيه يارب..
حمد: الله يعافيك.. برمسك العصر بنشوف وين بنتلاقى؟
حمدان: على خير ان شاء الله.. يالله عيل اشوفك على خير..
حمد: ان شاء الله..
سكر عنه وتم يفكر بكلامه .. ياترى شوه الموضوع الخاص اللي يباني فيه..
وصل سعيد البيت ونزلو واتغدووو ورقد اشوي.. لين آذان العصر.. ومن صلى اتصل بحمدان واتفق وياه يتلاقون بعد ساعه في المول ..
وسكر عنه واتصل بأحمد..
احمد: هلااا حضرت الملازم اول حمد..
حمد:هههههه اهلين حضرت الملازم اول..علومك..؟؟
احمد: علوم الخير. ومن صوبك.. ولا جني من ساعتين متفارق وياك..
حمد: انجب انزين بغيت اقولك.. متى تبانا انسير صوب اسامه..
احمد: سارق الساعه..
حمد: ماغيره..؟؟
احمد: هع والله انا يبالي اليوم اكشن.. غير الاكشن اللي لقيته اليوم.. امم ما ادري بك.. وقت ما تبا انا جاهز؟
حمد: خلاص عيل بشوفك بعد المغرب..
احمد: تمااااام عيل انا بسير اشوي الصناعيه.. ابا اشتري الغطاس حق المزرعه..
حمد: خلاص عيل نتلاقى على خير.. هييه تعال يوم الخميس عند حمدان معاريس وعازمنكم كلكم.. خبر خوانك..
احمد: منوه بيعرس؟ لايكون.
حمد: لااااااا بسم الله عليها.. خواتها وحده بياخذها ولد خالتها والثانيه بياخذها الدكتور محمد بن........ اذا اتعرفه..؟؟
احمد:هييه شفت مره في المستشفى ماشاء الله حار بحار.. عالج حمدان وخطب عندهم..
حمد:ههههههههههه شوه انسوي..نصيب..
احمد وفيه نبرت حزن: هييه والله. النصيب..

..عجيد الريم..
16-04-2009, 01:35 PM
حمد سمع صوته جذيه بس ماحب ييزيده.. لانه قاله فارس انه ما اتصالح وياها.. فماحب يدخل من دوون ما يدخله احمد..
حمد: تمام عيل اشووووفك على خير..الشيخ احمد..
احمد: ههه تمام عيل يا تابعي اشووووفك على خير..
حمد: تابعك في عينك.. يالله اجلب. ويهك..
احمد: هع على أي صفحه..
حمد: هه على قولت فهد على الفهرس.. اللي مش مطروور..
احمد: بس للاسف سجلات الشرطه ما فيها فهرس..هههههههههههه
حمد:هههههه قلنا شرطي بس مب وطنيه وولاء عندك لهاي الدرجه..
احمد:ههههههه شو انسوي.. تونا مترقين ياريااااااااال.. اسميني سويت حفله في البيت من وصلت ماخليت حد ماقلت له.. خخخ حتى برهووووم الطباخ خبرته..
حمد:هههههه ياالخريش..
احمد: والله حتى اني لقيت خدامت يرانا واقفه عند باب البيت وخبرتها.. قالت لي سوووو يأني هزا ..
حمد:ههههههههههههههه ههههههه والله انها بدله..
احمد: عيل..
حمد: لا انا بعدني ما خبرت حد.. مالقيت حد في البيت اصلا شكلهم رقووود..
احمد:هههه والله لو انا منك بوعيهم كلهم.. عنبوه هاي الترقيه ما تي الا كل ثلاث اسنين مره.. ياخي عييييش حياتك..
حمد:ههههههه ماعليه يوم بييهم اليوم فليل بييب لهم عشااااا بمناسبه الترقيه..
احمد: طااااااعو انتو شوه بيسوي ها بدال ما يسون لك غدا ولا عشى بتييب لهم عشى..
حمد:هههههه يسسون عزيمه ليش..؟؟ متخرج ولا ياي من السفر ؟؟ الا ترقيه هاي.
احمد: كييييفك بخلي ماماتي اتسوي لي عزيمه برايك انته كيييييييفك..
حمد:ههههههههه برايك..انته خبرني علشان ايي عندك ..؟؟
احمد: اشله ان شاء الله تراك ما تبى عزيمه..
حمد:ههه يا الزطي..برايك معذرين عن غداااااااك ولا عشااااك علييييييك بالعافيه..
احمد: احسن .. الله يعافييييينييي ياربي..
حمد:هههه عنه الله تك.. برايك عيل.. اشوفك المغرب عيل..
احمد: على خير.. برايك هذا فهوووود على الخط اتصدق له وحشه من زمان ماغلست به,, سي ياااا..
حمد:هههههههه هييه والله فجأه قطع سلم عليه..
احمد: هههه يبلغ. باي..
احمد: هلا والله بخوووويه الي بييب لي هديه الترقيه..
فهد:هههههه فالك طيب بو شهاب كم بوشهاب عندنا ..الا واحد . فالك طيب..
احمد: جذاب وين واحد وولد عمك نسيته.. تراه بعد بو شهاب.. ياخي دووم يقلدني ما اعرف ليش.. حتى بالترقيه يقلد لا تيب له هديه بس هات لي.. اناااااا اخوووووووك من ابوووووك..
فهد: يا اللوتي..اقولك ما كلمت فارس.. اليوم اتصل فيه وما يرد عليه..
احمد: لاااا شو ه باحر..؟؟
فهد: الاربعاء ليش.؟؟
احمد:ايوا اتحراه الخميس.. هييه تعال حمدان بن محمد عندهم عرس يوم الخميس.. ويعزمكم له..
فهد: ياحيه.. وين بيعرسوون؟؟
احمد: وين يعني.. في قاااعه هيلي..؟؟
فهد: هييه خلاص عيل.. تماام برايك الحين..

في بوظبي.. في هاي الاثناء..
عند فارس بها الوقت كان مشتتط في الطواري.صاير حادث كبير وكل الدكاتره اهناك ؟؟
مرام: دكتوووور في مريضه بدها اياااااك هلا بسرعه..
فارس وبعصبيه: شووه مريضه ما مريضه ما اتشوفيني عندي هاي الحاله..
مرام: ماهيه يا دكتور اللي بدا اياك الصبيه اللي كانت معوووه في الحادث..
فارس: شووووووه؟؟ منوه هييه ؟؟
مرام: م..ا بعرف دكتور ما رضيت اتقووول لنا اسما..؟ بس بدها ايااك بسرعه وحالتها خطيره اكتير...
فارس: اوكي .. فادي شوف لي اياااااه بروح ااشوف الموضوع اهناك..
راح فارس عندها ولقاها بنت صغيره مب عوده توها اول العشرين.. بس ما يعرفها.؟؟
فارس: أمري ختيه.. قالو تبيني..
شهد: ا...م مم ه..ييه كنت اب....اك ف...ي آآآآآآآآآآآآه
فارس: هدي نفسج الحين ولا تعبين عمرج ارتاحي الحين..
شهد: لا.. بم....وت ان...ا دخ...يلك.. اس..معني..
فارس وهوه محتار: أمري..
شهد: ا..نا اس...مي ش..هد.. ان..ا اللي كنت ارمسك في التلفون.. واطرش ل..ك الهدايا.. اللي انته رفضتهن..
فارس: شووووه.. انتي هييه..؟؟
شهد: هي..ه ان.ا هييه.. اسمعني آنا آآآآآآ...سفه عل..ى ك..ل شيء.. دخي..لك سامحن..ي..
فارس: هدي نفسج ماحصل الا الخير.. انتي ارتاحي الحين..
فادي: الحق دكتور المريض اللي كان وياها بيموووت؟؟
شهد وهي اتصييح:" لاااااا خلفاااااان .. دخي...لك دكتو....ر هوو وحي...د اهل...ه دخي...لكم ساعدووووووه...
فارس: لا حول .. يااختي الاعمار بيد لله واحنا بنسوي اللي بنقدر عليه..
شهد: دخي..لك فار...س ساعد..ه ؟؟
فارس: ان شاء الله بنحاول.. انتي هدي نفسج وارتاحي بسير اشوفه وارجع لج..
شهد: ان شاء .. الله.. بس ياريت.. ما.. اتخب..ر حد..؟؟
فارس: لا ياشهد لازم يدروون .. بس اوعدج حاليا ماراح يصير شيء.. ارتاحي انتي بس..
راح فارس بسرعه عند خلفان اللي خلاص كان مفارق الحياه خلاص ما شي بيدهم يسوون شيء خصوصا انه يته كسوور في الحوض والظهر.. وارتاج شديد في الدماغ.. وان عاش بيعيش مشلوووول طول حياته..فارس حاول معاه ينعشونه بالكهربه بس مافي أي فايده خلااااااص حانت ساعته خلاص.. هاي نهايه الاستهار.. ببنات الناس.. الله يهديكم يارب. ويهديج ياشهد.. الحين شوه بيكون حالها.. يوم اهلها بيدروون..لا حول.. لله..
رجع لها لقاها واعيه بس حالتها خطيره عندها كسر في الظهر اصابه في النخاع. واربع ضلوع متكسره.. وكسر في الركبه والساق. ما اعتقد انا بتعيش .. الله يعين اهلها عليها.. بس البنت الي كانت شهد اتطرشها وينها الحين.. ؟؟
انتبهت شهد انه فارس عندها..

..عجيد الريم..
16-04-2009, 01:37 PM
شهد بصووت مبحووح: فا..رس شوه .. صار ل..ه..؟
فارس: امم ما اعرف شوه اقولج بس انتي اتعرفين انه الحادث كان كبير اللي سمعته انكم كنتو مسرعين وانه سياره البتروول اتعرضت لكم.. علشان جيه صار الحادث صح..
شهد: ما اعر..ف شيء .. ما اذك..ر ولا شيء..
((كانت تتكلم بصعوبه. بس فارس لازم يعرف كل شيء عنها.. ))
فارس: انزين ماقلتي لي.. كيف عرفتيني من وين يبتي رقمي..
شهد: عرف.تك يوم ييت بيت خالوه مريفه كنت في السياره وشفتك مع اختك اعتقد اسمها مريم..آآآآآآه..
فارس: متى كان هذا؟؟
شهد: ليله.. ما اتسيروون العمر..ه.. كنت عن خالوه..؟
فارس: مريفه؟؟ يعني احمد يصير ......؟؟
شهد: ولد خالتي..؟؟
فارس: لا حول ولا قوه الا بالله.. واهلج وين؟؟
شهد وفيها خوووووف : لااا دخيلك لا اتخبر اهليه.. دخييييلك..
فارس: شهد اهلج لازم يدروووون بالي صار؟؟
شهد: لاااا دخيلك ما اقدر اجابلهم دخيلك..
فارس: ليش لانج فضحتيهم...؟؟
شهد غمضت عيونها وفيهن دمووووع.
فارس: شوه تبيني اقوووووول الحين.. الكل يسأل منوه هاي علشان الملف.. ما يقدرون يعالجونج من دون بياناتج وخصوصاً الشرطه برا تبى اتحقق وياج ولانه الريال اللي كان وياج ماااات خلاص.. الحين يبون يعرفون منوه هذا علشان يبلغون اهله..
شهد منصدمه خلفااااان ماااااااااات.. شوه بسوي انا اللي طلعته من البيييييت ياربي شوه بسوي..
شهد: ما ارووم دخيلك ما ارووم..
فارس: لا والله وشوه تبيني اقوووووول لازم يعرفون كل شيء.. منوه ها الريال يقرب لج..
شهد: ل..ا لا ما يقرب لي..
فارس : أهاااا يعني كنتي طالعه وياها.. مواعده؟؟
شهد هزت راسها.بصعوبه .بمعنى هييه..
فارس: لا حول ولا قوه الا بالله..شهد وهلج وين ؟؟
شهد رفعت راسها فجأه : لا ااااااا قلت لك لا تخبر اهليه دخيلك فارس يتحروني راقده عند هبه..
فارس: هبه هاي اللي مطرشتنها ليه صح؟؟
شهد: هيييه..
فارس: وينها الحين؟؟
هبه: هنيه عندكم في المشتفسى اختها مرقده عندكم ..هاااااااااااااااااااااااااااااااااااااااااااغ
فارس: شهد شهد شوه يااااااج..
نزل الظغط عندها وتم الجهاز يسوي صوووت
يا الطاقم لطبي كلهم علشان ينعشونها لانه قلبها وقف.ضربوها بكهربه علشان يرجع قلبها ينبض حاولو اكثر من مره
وفي المره الرابعه. رجع قلبها مره ثانيه.. بس شكلها دخلت بغيبوبه.. دخلوها العنايه الخاصه ..وطبعا فارس اتصل بأحمد وبغله علشان يخبر اهلها..
احمد: انته شوه تقول فارس.. شهد ماغيرها.. بنت خالتي..
فارس: هييه احمد ما دريت بالحادث ؟؟
احمد: هييه بلغونا انه في حادث واتوفى الريال.. بس الحرمه.
فارس: بنت خالتك ؟؟
احمد: لا حول ..وان شاء الله نفدت هيه بعد..
فارس: لا بعدها دخلت في غيبوبه واحتمال كبير انها ما اتعيش..
احمد: يعلها بنفده .. زووووووووووله..
فارس: شوه بتسوي الحين..
احمد: ما ادري الحين بيي بوظبي وبخبر امايه وبشوف شوه بنسوي.. يافرحه ما تمت..
فارس: فرحه شوه..؟
احمد: اوني فرحان بالترقيه حسبيه الله ونعم الوكيل عليييييييج ياشهد..
فارس: مبروووووووك اترقيت..
احمد: يقووولووووون..هع..نكدت علينا ..وشوه حالتها الحين..
فارس: اممم نزل الظغط عندها وووقف القلب عندها ويوم انعشناها دخلت في غيبوبه عندها كسر في الظهر ولضلوع واصابه في النخاع
احمد: علها النفده ..
فارس: احمد ؟؟
احمد: فارس هاي يابت راس اهلها التراااااااب شوه اتقووووول.. والله انه ابوووها بيذبحها حتى لو كانت في غيبوبه..
فارس: علشان جيه انا اتصلت بك نبى انبلغ حد من اهلها وما لقينا حد عطني رقم حد من اهلها.. انا بكلمهم..
احمد:اممممممم لحضه بعطيك رقم سعيد اخوها العوووود صبر..
فارس: اوكي.. ولا اقوووولك طرشي لي اياااااه هاي ربيعتها يايه صوبي.. برايك..
احمد: اووووكي برايك.. الحين بطرشه..لك.
هبه وفي عيونها دمووووووع: شووه حالتها دكتوووووووور..
فارس وفيه غيض منها: شوه رايج انتي..؟؟
هبه: دكتووووور دخيلك طمني عليها..
فارس : لا حول حالتها حرجه واحتمال كبير انها ما اتعيش
هبه: لااااااااااااااااه دخيلك دكتوووووور ان ماتت شهد غنوه بتمووووت..دخيلك دكتووووور.
فارس: غنوه؟؟
هبه: هييه غنوه اختيه فيها سرطان في الدم.. وبمساعدت شهد غنوه تتعالج اهنيه.. انته اتعرف انها نحن الوافدين صعب علينا اننا نتعالج وخصوصا مرضى السرطان اهنيه.. لانه التكلفه وايد مرتفعه.. وشهد كانت اتساعدنا في علاج غنوه..
فارس: يعني تدفع فاتوره العلاج..؟
هبه وهيه موخيه راسها: نعم..
فارس: والمقابل؟؟
هبه: امممم نحن ربع.
فارس: لا والله اقوووول قصي على غيري.. اونه ربع.. وحده بتدفع فوق 500000 علاج لبنت صغيره .. من باب الصداقه.. لايا مدام انا مش مولود البارحه علشان انتي اتقصين عليه .. ارمسي الحين ليش تدفع عنكم العلاج..
ملاحضه: علاج السرطان في الدوله بلاش.. بس ها المرض الوحيد الي يا في بالي.. الله يبعده عن كل مسلم يارب.
هبه: امممممم اوكي اسمع بس خل الموضوع امبينا دخييييييلك دكتووووور..
فارس: اوكي بس مب اهنيه تعالي مكتبيه..
هبه: اوكي..
ساورو مكتب فارس وخبرته هبه كل شيء من طاحت غنوه من باب الباص لين يوم الحادث اليوم..
فارس منصدم : معقووووله كنتي انتي الي اتغطين عليها .. مافكرتي بأهلها اللي معطينج ثقتهم.. واهلج يدرون عن الموضوع..
هبه: لااااا محد يدري..
فارس: لا حول ولا قوه الا بالله.. انزين انتي كيف رضيتي بها الشيء الوضيع وين كرامتج
هبه: أي كرامه انته اللي تتكلم عنها انته لو اتشوف حاله اهلي يوم طاحت غنوه علينا ما بتقول وين كرامتج..
فارس: سمعي الله مب غافل عن عباده واكيد بدعاءكم الرزق بييكم بس انج تهدرين كرامتج على وحده ما تستاهل.. فهاي الشيئ الي ما ينسكت عنه.. فكري بأهلج يوم بيدوون باللي كنتي اتسوينه . وعلى فكره الذنب بييج انتي بعد حتى لو ما طلعتي وياها وشاركتيها ..
هبه: انا مالي خص بها..

..عجيد الريم..
16-04-2009, 01:38 PM
فارس: منوه قال.. باجر يوم بيحققون وياها بتقول انج كنتي اتساعدينها .. وبجذيه بيلحقج الموضوع..
هبه وهييه اتصييييييييح: ووالله ما سويت شيء كل شيء كان غصب عني..هيه قالت تبيني اساعدج انتي بس اتستري عليه.. وها الي كنت أسويه بس..
فارس: هه تسترين عليها والله حاله.. انزين عطيني رقم حد من اهلها لازم يدروووون بالي صار..
هبه وهيه فالخه: لاااا ان دروووو بيدروون عني دخيلك دكتووووور.. كله ولا مووت غنوه..
فارس: ما بيدرون عنج.. الحين المهم انه اهلها يكوون عندهم فكره عن الموضوع..
هبه: ما ادري..
فارس: تعرفين حد من اهلها..
هبه: اعرف اهلها كلهم.
فارس: عاش.. وارقامهم..
هبه: عندي رقم امها واختها نوال..
فارس: لا مابا حريم حد ريال.. احمد اشله لين الحين ما طرش الرقم..
هبه: عندي رقم اخوها عبدالله.. بس هذا صغير..
فارس: كم عمره..؟؟
هبه: اممممم 15 سنه..
فارس:انزين عطيني رقمه..
هبه: لحضه..
اتطلع الرقم وتعطيه اياه..
فارس: عطيني بعد رقمج يمكن نحتاي لج بعد .. واطمني محد بيذكر شيء عند الشرطه.. انا فيه فضوول وابغيج اتجاوبيني عليه.. بس مب وقته الحين..
هبه: اوكي؟؟
وعطته رقمها يخرب بيتها رقم مرتب.. ثائي.. انا دكتور ومواطن ماعندي رقم جيه مرتب.
طلعت من عنده وبنفس الوقت طرش له احمد الرقم.. اتصل به على طوول..
فارس: السلام عليكم ..
سعيد: وعليكم السلام والرحمه..
فارس: مرحبا بك خويه.. اخويه وياك الدكتور فارس من المستشفى زايد..
سعيد وهوه معقد حياته: هلا خويه
فارس: اممم اخويه تقدر تيني المستشفى..؟؟
سعيد.. خير شوه اللي صاير..؟
فارس: امم الصراحه افضل انك تي عندي اهنيه وخلاف ببلغك بس ضروري تي ..
سعيد: دكتور وقفت لي قلبي.. شوه الي صاير؟؟
فارس:اممممم هااا ما ادري شوه اقولك بس عندنا وحده من اهلك مسويه حادث وحالتها حرجه. ياريت تي المستشفى..
سعيد: منوووووووووووه ؟؟
فارس: اسمعني اخويه انا مشغوول بس ياريت تي المستشفى وتطلب الدكتور فارس.. وبييك وبفهمك الموضوع كامل..
سعيد: ان شاء الله الحين بيي بس منوه من الاهل. دخيلك..
فارس: امممم وحده اسمها شهد؟؟
سعيد: شهووود.. وشوه حالتها الحين..
فارس: امم الصراحه حالتها صعبه اشوي تعال عندي وبفهمك كل شيء.. اسمحلي عندي شغل ضروري..
سعيد: يالله الحين ياااااااي..
فارس: على خير.. يالله اترياك..
وفي ها الاثناء في العين احمد رمس حمد وخبره بالموضوع..
حمد: هييه بلغني عنه مصبح.. وشوه السالفه..
احمد: اللي في الحادث كانت بنت خالتي..؟؟
حمد: شووووه؟؟
احمد: هييه شكلها السباله مواعده وسوو الحادث والريال نفد..
حمد: وهييه شوه حالتها؟؟
احمد: امم ما ادري يقولي فارس انها في العنايه وفي غيبوبه الحين..يعلها النفده بعد..
حمد: لا حول ولا قوه الا بالله.. وشوه بتسوي الحين..
احمد: الحين طالع وساير عندهم بشوف الموضوع.
حمد: صبر بسير وياك .. وين انته الحين.؟؟
احمد: عند مستشفى توام الحين..
حمد: ترياني انا عند كارفور يالله عشر دقايق وانا عندك.
احمد: يالله اوكي..
سار له حمد ووقف سيارته في المستشفى توام وطلعو بوظبي..
ومن وصلو اهناك لقووو فارس يحاول يهدي ريال كان يبا يسير للعنايه. شكله من هل البنت.. احمد من شافه عرفه انه سعيد ولد خالته..
احمد: السلام عليكم.
حمد: السلام عليكم..
فارس: وعليكم السلام
سعيد: وعليكم السلام..
احمد: اشحالك سعيد.؟؟
سعيد: شووه تتوقع حالي احمد..؟
احمد: لا حول ولا قوه الا بالله.. وشوه ناوي اتسوي.. تتحسب ان جتلتها بتفتكون من الفضيحه..؟؟
سعيد: تذلف ولا اتم عايشه تفهم ولا لاا..
حمد: وتدخل السجن بعدين..ها اللي تباه؟؟
سعيد: براااايني بس ما اتعيش..

..عجيد الريم..
16-04-2009, 01:39 PM
فارس: اسمعني سعيد احتمال كبير انها ما اتعيش.اصابتها وايد كبيره..
سعيد: يعلهااااااا بزوووووله فكه.. بس انا بخلص عليها الحين..
احمد: واهلك. ما بيكفيهم فضيحتها تباهم يعانون بك انته بعد.. هيه بتذلف وانته تدخل السجن.ابوك ريال كبير سعيد كيف بيتحمل..ارمس..
سعيد وفيه صيحه: احمد شووه اتقووووووول هاي فضحتنا ..
حمد: حتى ولو بس انته ما تدخل السجن واتزيد الموضوع زياده. قالك فارس يمكن ما اتعيش. خلها على ربك..
سعيد: ماراوووووووم دخيلكم فهموووني ما اروووووم شوه بقووووول لهم شوووووووه كيف بخبرهم.. اقولهم بنتكم اللي مدلعينها واللي ما اتخلون أي حد يغلط عليها.. يابت راسكم الرمل.. شوه اقولهم..
احمد: لا حول ولا قوه الا بالله..
واشوي اييهم شرطي ومن شاف احمد وحمد ضرب لهم تحيه..
احمد وحمد ردو عليه التحيه.. واتخاشمو وياه.
محمد: هلا والله بالشيوخ قلنا انتقلتو بس ماتتغلون .. والحين اترقيتو ومره وحده خلاص نيستووونا..مبروووووك عليكم
حمد: الله يبارك لك.. لا افا عليك بوجسيم.. علومك..
محمد: علوم الخير ومن صوبكم..
احمد: الله يبارك لك.الحمد لله يسرك الحال ولا يضرك..
محمد: يا مرحبا.. بغيت احقق في موضوع الحادث الا تعرفون شيء عنه..
احمد: ااااء هذا يقرب لها..
سعيد: نعم سيدي.. اتصير وحده من الاهل. يخساره.
محمد: ممكن تتفضل ويايه لو سمحت القايد برا يباك .
سعيد: ان شاء الله. يالله اشوفكم على خير..
احمد: الحين بنيك برا محمد توكل انته..
محمد: ان شاء الله سيدي..
طلع محمد من عندهم. وقعد سعيد على الكرسي من التعب ما يحس بعمره..
احمد: سعيد انرووووم انسكر على الموضوع ومحد بيدري عنه..
سعيد: تروم احمد؟؟
احمد: هييه ارووووم انته تم اهنيه اشوي بشوف منوه القايد الي برا وبرجع لكم اتريوني.. حمد تعال ويايه.. اباك اشوي..
حمد: ان شاء الله.. فارس ياريت لو تطلب له شي يشربه..
فارس: طلبت له ماطاع يشرب.. الحين بخليهم اييبون قهوه..
حمد: اوكي.. يالله احمد.
احمد: يالله.
سار برا لقو الملازم عبدالله..
عبدالله: هلاااااااا والله .. ودق لهم تحيه.
احمد وحمد: بالمهلي.. وردو له التحيه..
عبدالله: شوه حالكم ..
احمد: الحمد لله.. عبدالله بغيت اعرف شوه صار بالحادث بالتفصيل..
عبدالله: والله ياسيدي.. كانو مسرعين واتجاوزو شاحنه بتروول وشكل الشارع كان زلق المهم انهم دعمووها وانجلب السياره بهم.. اللي عرفناه انه الريال مات اول ما وصل اهنيه.. بس الحرمه اللي وياه بعدها عايشه تعرفونهم انتوا..
احمد: لا حول ولا قوه الا بالله.اسمع عبدالله. ابغيك اتحقق بس من دوون مايطلع اسم البنت واهلها لبرااااا..
عبدالله: ان شاء الله سيدي بس لازم نحقق بالحادث..؟؟
حمد: ماعليه الريال الحين تعبانه اشوي بعدين نحن بنيبه عندكم المركز؟؟ الا شوه عرفتو عن الريال؟؟
عبدالله: امم اهله اهناك يايين يستلمون الجثه..حققنا وياهم وقالو انه طلع من البيت من دوون حد ما يدري.. معنه كان يدرس عنده امتحان فاينل. باجر..
حمد: لا حول لله ضيع على عمره..
احمد: كيفه مافيه عقل يعني..؟؟
عبدالله: المهم الحين شوه بنسوي. الاهل كانو يتخبروون حد كان عنده ولا لااااا..؟؟
احمد: وشوه قلتوو له؟
عبدالله: لين الحين ماقلنا لهم شيئ
حمد: والحين هم وين؟؟
عبدالله: مساعه كانو في الطواري..
حمد: استلمو الجثه ولا بعدهم..
عبدالله: والله لين الحين ما ادري بس اعتقد انه في إجراءات لازم يخلصونها قبل..
حمد: انزين تقدرون اتقولون لهم انه محد كان عنده يوم الحادث..
عبدالله: بس المشكله انه سمعو انه كان عنده حد في السياره..؟؟
حمد: لا حول والحل الحين لو درو بتصير فضيحه...
احمد: ما ادري والله الله يعين..
عبدالله: شوف بنحاول انسكر على الموضوع..
حمد: كيييف يعني؟؟
عبدالله: اممم بنقول انه الي كان عنده مات بعد وياه بس ما عرفنا منوه هووه لانه بعد ما انجلب السياره احترقت بس كلهم طلعو منها قبل ما تحترق..
حمد: انزين ؟؟

..عجيد الريم..
16-04-2009, 01:40 PM
عبدالله : ماشيء بنقول انه اللي كان وياه احترق ومات وما عرفنا منوه هووه ومنوه اهله وان شاء الله ان يانا أي بلاغ عن حد مفقوود من الفحص الي اونا بنسويه له بنعرف اذا كان هذا ولدهم او لاااا.
احمد: وطبعا السالفه كلها جذب في جذب..
عبدالله: اكيد..
حمد: وسعيد شوه بتسوون واياه..
عبدالله: دام انه من اهلها لازم انحقق وياه..
احمد: بس ماله خص بالموضوع وحتى انه ما يدري بشي اصلا.الحين خبروه عن الحادث وحتى هيه في العنايه واحتمال اتمووت بعد لانه حالتها خطيره..
ياهم فارس يربع .
فارس: السلام عليكم الريال طاح علينا..
احمد: شوه يااااااه..
فارس: شكله عنده مشاكل في القلب. ومن سمع بالي صار تعب قلبه عليه وطاح علينا دخلناه العنايه الحين.. شوه صار وياكم..؟؟
عبدالله: لا حول لله المساكين من مصيبه لين مصيبه..الله يعينكم؟
حمد: وشوه حالته الحين..
فارس: ماشيء الحمد لله من دخلناه داخل وركبا له المغذي بدا الظغط يرجع .. بس لازم يتم في العنايه على الاقل 24 ساعه يكون تحت الملاحضه.. ومش متأكدين بعدنا منه بيسوون له فحوصات شامله علشان نأكد اكثر....
حمد: وشوووه بتسوون الحين؟؟
احمد: ما ادري بشوف امايه الحين.. لحضه اشوي..
سار عنهم واتصل بأمه اللي كانت سايره بيت اهلها كل العاده..
مريفه: هلا والله بالقاطع..
احمد: هلا والله بالغاليه اشحالج امايه.
مريفه: بخير ربي يسلمك اشحالك انته .
احمد: الحمد لله بخير وسهاله..امايه وين انتي الحين..
مريفه: ساير صوب اهلي ليش ابويه..
احمد: طلعتي ولا بعدج.؟؟
مريفه : لا الحين بطلع من البيت..
احمد: امايه تعالي مستشفى زايد اشوي اباج. ولا تخافين مافيني شر انا ارمسج من برا المستشفى الحين..
مريفه: عيل ليش تباني اسير شوه مستوي.
احمد: امايه تعالي وبخبرج بكل شيء..
مريفه: ان شاء الله يالله مسافه الدرب وبييك..
يت امه وقعد وياها في الاستقبال عند الكراسي..وخبرها بكل شيء..
مريفه منصدمه: شوه اللي قاعد اتقوله معقوله اللي قاعده اسمع منك شهد اتسوي جيه.. مستحيل احمد اتعرف اني كنت ناويه اخطبها لك..
احمد: شووووه بسم الله عليه..
مريفه: احمد؟؟
احمد: صدق والله من عرفتها ونا مب مرتاح لها.. امايه كانت حاطه عينها على فارس ومسويه له مشاكل لها اول مالها آخر..
غزلان كانت توها داخله المستشفى وشافتهم بس هم ما انتبهو لها وخصوصا احمد كان مشتط يرمس امه.. عرفت انه هاي امه لانها فيها شبه بسيط منه.. من مرت من جدامهم شافها احمد وسكت اشوي.. وتم يطالعها هيه شافته من المرايه المنعكسه على الباب بس ما التفتت له..امه من شافت احمد سكت التفت له وشافته يطالع جدام رفعت راسها وشافت الدكتوره اللي كان احمد يشوفها . بس كانت عاطتنها مجفاها.. بس لحضه وسمعت حد يزقرها وكانت ختها العنود..من التفت لها شافتها مريفه.. وسمت عليها وعرفتها انها هاي اللي كانو يطالعونها الشواب يوم حمد مترقد عندهم.. بس اللي عندها ما عرفتها منوه بس وايد يتشابهن اكيييييييج هاي اللي رمسني عنها غيث.. هاي العنود اللي يباها فارس.. ماشاء الله عليهن كل وحده احلى من الثانيه.. طالعت احمد اللي بعده يشوفهن وما نزل عينها عنها بس حست بنظرته فيها حزن وهيه بعد من طالعت صوب احمد نزلت عينها وشافت في عينها حزن كبير .. شوه اللي صاير امبينهم شكلهم يحبون بعض ..
من راحن احمد التفت صوب امه بعد ما تنهد: آآآه
مريفه: بسم الله عليك من الآآه شوه بلاك احمد..؟؟
احمد: هااه لا ماشيء امايه.. تعالي بنسير انشوف سعيد يمكن يخلونا ندخل عليه..
مريفه: ان شاء الله .. والله يا وليدي ما اعرف شو بنقول لخوالك .. الله يعين ابويه على هاي البلوه اللي يت
احمد: مب لازم يدري بالموضوع.. وان تخبر عنها قول له سوت حادث والحين هيه في المستشفى بس كيف ومنوه عندها محد ..
مريفه: الله يستر..
احمد: يالله قومي الحين..
مريفه: يالله يا وليدي..
سارو عند فارس وحمد وسلم عليها حمد وفارس.. وعبدالله المحقق روح عنهم.. دخلو المكتب وقعدو يفكرون شوه بيسوون فيه الاخير سارو عند سعيد اللي توه انتبه بس ما قدر يتكلم . يت مريفه وحبته على راسه .. وشافت في عيونه دمووع الله يعينك ياسعيد على اللي ياي..
تمو معاه اشوي وطلعو عنه بعد ما اتطمنو الجلطه مرت لانه ياه تصلب في الشرايين..
حمد: انزين ها تصلب الشرايين شوه سببه..؟؟
فارس: ارتفاع ظغط الدم هوه كان السبب.. بعدين لاتنسى اللي ياهم مب شوي.
احمد: الله يعينه....
مريفه: بس ما احيد انه سعيد كد اشتكى من قلبه.
فارس: هييه اتصلنا بالمستشفى الي كان يتعالج عنده وسألنا شكلهم محد كان يدري عنه . او انه هو بعد ما كان يدري انه في القلب..بس الحمد لله صار الحين احسن.. بس لازم يرتاح وما يتنرفز ..
احمد: وتعتقد انه سعيد بيسمع الكلام ..
حمد: لازم علشان صحته..
فارس: مب مشكله الحين سعيد خلوه عليه.. بس شوه بتسووون في موضوع شهد.؟؟
مريفه: حسبي الله عليها من بنت كله من امها محد يقدر يقولها شيء. وابوها من صووب.. مكبر راسها.
احمد: امايه حتى يدي ما اتهون عليه..
مريفه: وشوف وين وصلتلهم..؟؟
احمدك لا حول . وشوه بتسويين الحين..
مريفه: ما ادري بس لازم يدري عيد عن بنته..؟؟ ويتحمل الي بييه .
احمد: ومتى بتخبرينه..
مريفه : الحين بسير لهم وبخبره ؟؟
احمد: تبين ايي وياج؟؟
مريفه: زين بعد بتسلم عليهم من متى ما ييتهم..
احمد: هه ان شاء الله..بتي ويانا حمد..
حمد: لا انا بسير عندي شغله اتذكرتها اهنيه بالمره بخلصها وبسير المارينا لين ما اتخلص انته
احمد: اللي اتشوفه..
وطلعو رباعه من المستشفى واتفارقو عند الباركنات .. حمد خذ سياره احمد واحمد ركب سياره امه وسار بيت خالته..
حمد سار اشوي البحر وقعد اهناك يفكر بكل اللي صار.. وبعد ما ارتاح اشوي راح المارينا وقعد يحوط اهناك ..

..عجيد الريم..
16-04-2009, 01:41 PM
وعند احمد وامه.. من دخل من الباب الكل استقبله ما اتقووول جنه شييخ ياهم مب ولدهم..خخخخخ عاد احمد يترياها من الله انه حد يعامله جييه.. امبونه خقاق الحين من قده.. خخخ بس ما بيتم الحال جذيه بعد اشوي. بعد ما يسمعوون بالقنبله اللي يايه في الدرب..ريل خالته عيد امبونه محد ومن وصل وسلم على احمد .. وقعد وياهم اشوي.. لين رمسه احمد على طرف انه يباه في موضوع خاص.. اشوي..
سارو بعد اشوي الميلس وامه يت وياهم . ومن دخلو وسكرو الباب .. حتى خبرووه بكل شيء قعد عيد يسمع ولا رام يتكلم من الصدمه اللي طاحت عليه..كمل خمس دقايق ما يرمس حتى انه مريفه خافت عليه..
عيد: وسعيد شوه حاله الحين..؟؟
احمد: خالي الحمد لله سعيد بخير واتعدا الخطر.. ياه تصلب في الشرايين والحمد لله الحين حاله احسن بيخلونه في العنايه اليوم لين باجر وباجر احتمال يطلعونه ..
مريفه: عيد شوه بتسوون ويا بنتك شهد
عيد بصووووت عالي: ماعندي بنت اسمها شهد.. ما با حد اييب طاريها.. واذا بتمووت اتمووت احسن لها لانها لو عاشت انا بجتلها..
احمد: خالي عين خير.. وبتدخل السجن علشانها..
عيد: يا احمد هاي ياب العاااااااار لنا تفهم ولا ما تفهم. كله ولا الشرف.. ولو عليه الحبس احسن لي من مجابل الناس بعد ما ننفضح..
احمد: لاان شاء الله ما بتنفضحون الريال اللي وياها مات واهله بيقولون لهم انه الريال اللي كان وياه مات وبجذيه ما بيعرفون انه كانت وياه حرمه.. والناس اللي هنيه بنقول لهم انها سوت حادث عادي.. والحين في العنايه وان حانت ساعتها خلاص سوو العزا وخلاص..
عيد: اتخسي الا هيه انسوي لها عزا بعد.. مسوده وييوهنا وتبانا انسوي لها العزا اتخسي الا هييه.. مسوده الويه..
مريفه: لا يا عيد حتى لو انته باغض ها الشيء علشان الناس بعد. لا تيبون الفضايح لعماركم...
عيد: استغفر الله .. حسبي الله ونعم الوكيل عليج من بنت.. هاي يزانا فيج مدلعينج ومخلينج على راحتج جذيه اتجازينا.. حسبيه الله ونعم الوكيل..
احمد: خالي الحين احنا بنتوكل برد المستشفى وبشوف شوه صار ..؟؟
عيد: خير ان شاء الله.. بس مابا حد يدري بالموضوع .. دام سعيد درا وهاي كانت حالته وين الباقين وخصوصا يدك. حسبيه الله ونعم الوكيل محد يسواها عنده.. وهااااكووه يابت لنا العااااااار..
مريفه: عين خير يابو سعيد.. ولا اتسوي بعمرك جذيه.. وان شاء الله ما بيصير الا الي تباه..
عيد: آآآآآه يا ام احمد ليتج اتعرفين اللي اباه..
احمد: استغفر الله العظيم.. يالله امايه ما نرووم نتأخر على حمد..؟
عيد: منوه حمد..؟؟
احمد: حمد ولد عمي عبدالله..
عيد: هييه وينه هووه..؟؟؟
احمد: ما ادري وين خلانا وسار سيارتيه عنده يالله امايه.
عيد: انزين خله ايينا اهنيه.. بتتعشون عندنا..؟ما يصير جذيه يا ولديه..
احمد: إييييييييييه العشا لو تعرف شوه كنت ناوي يا خالي ..؟
عيد: شوه ؟؟
احمد: اليوم اونا مترقين ياي ابشر امايه واطلب منها العزيمه..بس شوه انقول قدر الله ماشاء فعل.
مريفه: واشله ما بلغتني بالتلفون؟؟
احمد: كنت ابا اقولج في ويهج.. آآآآآآآه
مريفه وعيد: مبروووووووك يا ولديه..
احمد: الله يبارك لكم يالله عيل اسمحلنا خالي.؟؟
عيد: مسموح يا وليدي وربي يحفظكم...
طلعو احمد وامه من عندهم ووصل امه البيت واتصل على حمد اللي كان توه ظاهر من المارينا.. وياه بيت امه.. وركب عنده وسارو عند فارس في المستشفى فارس كانت عنده مناوبه وما قدر يطلع من المستشفى..
قعدو عنده واتطمنو على سعيد اللي كان راقد وحالته مستقره خلاص واحتمال كبير انه يرخصونه بعد يومين.. بعد ما يسوون له فحوصات شامله وخصوصا للقلب.. وبيكون تحت اشراف فارس.. الخاص..
طلعو من المستشفى وقبضو خط العين. وصلو العين الساعه 11 المسى لانه اتأخرو عند فارس.. سارو سيده مستشفى توام وخذو السياره وسارو البيت عند احمد ما رام يسوق حمد لين بيتهم..باتو في الميلس ومن اصبح الصبح حمد سار البيت وبدل لبسه وداوم..ومن خلص الدوام توه بيتصل تلفون سوا له حمدان..
حمدان: مرحبا الساع..
حمد:مرحبا ملايين..
حمدان: علومك الراهي..

..عجيد الريم..
16-04-2009, 01:43 PM
حمد:آآآآه عيزاااان ياااخي اول مره في حياتي احس بها التعب.. جني رابع 10 كيلوووووو
حمدان: ههه وليش تربع ياخي يمدحونه المشيء..
حمد: هه اتنكت انته ..
حمدان: خخخ لا احاول..
حمد: لا اتحاول.. حمدااااان تعبااااااااااااان.. اباااااا أراقد من الحين لين اليمعه ما ابا انش..
حمدان:جب انزين اونه بيرقد .. ماشيء رقااااد اترياك باجر....
حمد: تترياني ليش..؟؟
حمدان: تستهبل انته شووه ماقلت لك انه عندنا عرس باجر...
حمد:وووووووووووه نسييييييت والله نسييييييييت.. خلاص فالك طيب من المغرب نحن عندك..افا عليك..
حمدان: الهرم والله لو ماقلت لك جان بترقد ولا بتي....
حمد: هههه هرم مره وحده حرام عليك..لو تعرف شوه اللي صار ما بتقول جيه.
حمدان: انزين ماعليه .. مش عشان هذا انا داق..؟؟
حمد:آمر حبيبي ..
حمدان: مب جنه امس متواعد وياك نتلاقى العصر؟؟
حمد:اووووووه والله ياحمدان صار ظرف لو اتعرفه جان عذرتنيه.عليه..
حمدان: لا والله..؟؟
حمد:والله صدق.. ياريال والله اني كنت في بوظبي بعد صلاه العصر لين الساعه 11 وصلت العين ولا بعد بت عند احمد ما رمت اسير لين البيت..
حمدان: بوظبي..!! خير شوه صار..؟؟
حمد: اليوم بلاقيك ان شاء الله وبخبرك كل شيء..
حمدان: هع مب حولك اليوم انا الحين طالع دبي. وعندي الفريج.
حمد آآآآآآآه : هييه..ياحيك عيل متى بشوفك؟؟
حمدان: اممم يوم بنرد تعال الكوفي وبنتلاقى اهناك..
حمد: امم خلاص.. شوف اذا ما رحت بوظبي بنتلاقى..
حمدان: بعد بتسير بوظبي.. لايكون سويتها وعرست في بوظبي..
حمد:هههههههه أي عرس أي خرابيط.. خل موضوع بنت عمي .اوووووووووووه نسييييييت شيييييييييييييت..
حمدان: بسم الله شوووووه يااااااك..
حمد: هااه لا بس نسيت شيء.. خيبه اتخيب العدوو..
حمدان: حمد شوه بلاك..
حمد: ياخي طافت عليه فتحه الشعبيه.. لازم ارد لين الدوار وارد نكس لا حول.. تعباااااااااااان شوه ها الحاله..
حمدان:هههههههههه صدقه احمد والله انك تييييييس..
حمد: تييس في عينك. كله منك..
حمدان: ههههه انا اسووووووق ولا انته .. عيل حد يضيع فتحه الشعبيه .. يوم اتقول انك تعباااااان وفيك رقاااد المفروض توصل له وانته مغمض..
حمد: ههع تتحرانب حمدان بن محمد..
حمدان: هههه فديته ياربي.. لايكون فزاع
حمد: ربي يحفظه.. لا مب هووه .. انزين الشيخ فزاع شوه الراي الحين..
حمدان: ما ادري انته شوف اذا سرت بوظبي خبرني وانا من أرجع للعين بقولك..
حمد: خلاص عيل .. اووه هذا احمد على الخط خلاص عيل حمدان..
حمدان:ههههه الله يعنك ياريال..
حمد: شفت المعاناه اللي اعانيها..
حمدان:ههههه برايك عيل سلم على بو شهاب..
حمد: يبلغ يالله باي..رد السلام.
حمدان: على منوه؟؟
حمد: على اهلك على منوه بعد؟؟
حمدان: انته شوه تباهم اهليه اتسلم عليهم..

..عجيد الريم..
16-04-2009, 01:44 PM
عذيجه: ياااااالله فديته حمدان اشبلاك عليه..
حمد: اووووووه فديتها يدتك عندك.. وطبعا حمدان حطه سبكر وسمعت اليده التفديه.
عذيجه: فديت جبدك اشحالك..
حمد: بخير ربي يسلمج هااه اشوفج سايره دبي. وين بها..
عذيجه: اتعرف عاد انته العرس باجر لازم نتكسكس اشوي.
حمد : ياحيكم والله لحضه فديتج..
طبعا احمد سواله من التلفون الثاني وما همه لو كان حمد معصب ولا لااا بس لازم يرمسه..
حمد: هلا بو شهاب..
احمد: ااهه ياحيك مب معصب اتحريتك منعصب..
حمد:هههههههه لا مب منعصب علومك..
وعويش تسمع الرمسه وهييه ميته من الخاطر عليه.. يالله عني افدااااااااه ياربي.
احمد: بتخاويني الليله بوظبي فارس يبانا اهناك..
حمد: خلاص اتوكل متى بتطلع.؟؟
احمد: بعد صلاه العصر خلنا انريح اشوي..
حمد: خلاص عيل من اصلي العصر بييك وبنسير في سيارتين..
احمد: خلاص ماعليه.. يالله فمان الله..
حمد: الله وياك؟؟
حمد: الووو
عذيجه:مرحبا بك بويه..
حمد: سمحيلي فديتج..
عذيجه: لا افا عليك يابويه.شوه اعلومك وين من زمان لك حس.. غطيت مره وحده..
حمد: والله ياعمتيه شوه اقولج مشااااغل لين قمه راسي.. ولين ساعتج مشتط واليوم بعد بسير بوظبي والله العالم متى بضوي..وحمدان حاشرني بالحشر ..
عذيجه: حمدان شوه تباه غاثنه حرام عليك ان ما قلعت هاي البصاير ما اتلوم الا عمرك..
حمدان: يدووه يقص عليج هذا حد يصدق حمد..لوتي هذا..
حمد:ههههههههههههه افا عميته انا لوتي.. اتحيدني لوتي..
عذيجه: لا والله يا وليدي.الا انا ادري به راعي ها السوالف وما ايووز عن طبعه..
حمد: هيه والله خلاص عيل عمتيه بخليكم الحين اتذكرت شيء مهم.. يالله سمحي لي..
عذيجه: مسمووووح الغالي..ربي يمسح ذنوبك..
حمد: وذنوبج .. يالله عيل فمان الله,,
حمدان: صبر حمد.. عطيني اياه اشوي..؟
حمد: هلا ؟؟ حشى خرمت طبله اذني علومك؟؟
حمدان: طبلت اذنك هااه.. الا فهد وين من زمان عدني به؟؟
حمد: اممممم تدري انا بعد من فتره ما شفته.. امس يقولي احمد يوم كان يرمسني انه على الخط..ليش؟
حمدان: هااه لااا ماشيء بغيته في موضوع؟؟
حمد: بعد؟؟ ياكثر مواضيعك..
حمدان: انجب انته حسابي وياك بعدين..
حمد:ههههههههه اوكي ارباب برايك الحين خلاف برمسك . يالله بسير البيت ابا اريح اشوي قبل خط بوظبي..
حمدان: شوه عندكم في بوظبي؟؟
حمد: بخبرك بعدين يالله باي وصلت البييييييييييييييت بااااااااااااااااااااااااي,,
حمدان: طرزاااااااان حشى انزين باااااي.. هههههه
حمد: طرزان في عينك. باي..
حمدان:هههههههههه باي..
سلامه بصوت واطي حق عويش: احم شوه رايج بالي سمعتيه..
عوويش وهيه راصه على ضروسها على شان ما اتسوي صوت عالي: انجبييييييي..
سلامه: والله صوته غراااااااااام على قولت العامريات.. ياخي ابا اتعلم عامري..؟
عويش: لاحول.. وبعدين وياج البارحه اتصيحين والحين اشوفج شاده حيلج .
سلامه: لا اتلوميني عويش ابغيلج السعاده مثل ما انا احس بها الحين..
عويش: ادري سلووم بس شوه انسوي خليها على الله..
فطيم و مريم: ايه وين الحين بنسير قبل..؟؟
عويش: خلونا نسير عند وليد قبل بنسوي البروفه قبل وخلاف بنروح المول؟؟
فطيم : خلاص عيل.. حمدان نبى قبل عند وليد عطا الله وبعدين مول الامارات.. لو سمحت..
حمدان: ان شاااااء الله الشيخه فطيم.. عرايس ما انروم انقول لاااا عقبال ناس في بالي..
عويش احمرت من سمعت رمسته..
سلامه ومريم وفطيم و عذيجه فهمن عليه..: آآآآمين..
خلصن من دبي وردو البيت الساعه 11 المسى
واحمد وحمد كانو توهم واصلين خط العين.. واتفاروقو من وصلو دوار توام.. اتصل حمد في حمدان وقاله انه توهم واصلين البيت.. قاله حمد انه بييه البيت..ومن سكر عنه حمد اتصل بخواته وطلب منهن يسون عصير ويقطعن فروت وايييبنه المليس لانه سينتيا الحبيبه راقده ومن ترقد ما اتداني حد يوعيها.. لو شوه ماكان.. خطيبه احمد..خخخخ
طبعا عرفن انه حمد بيي عند حمدان وسوت عويش لعصير وقطعت لفروت وعويش كان عندها في ثلاجتها كاتو وتورت يايبتنه من قصر الحلويات اللي في المويجعي. .. ورتبته في الصينيه وحطنه في الميلس.. ومن دخلن داخل ياهن حمدان ودخل المليس يتريا حمد ..

نهايه البااااااارت..
هزركم شوه بيسوي حمد واحمد في موضوع شهد..وحمدان شوه يبى حمد اول شيء.. وثاني شيء شوه يبى فهد.؟؟
وهند شوه بتسوي مع غزلان هل انهى بتقدر اتحل الاشكال الي امبينهم.. وشهد شوه بيكون حالها. هل انها بتمووت ولا بتعيش.. واذا عاشت شوه بيسوون اهلها بها.. والعرس شوه بيصير فيه.. خلونا نتابع البارت الياي.. ونشوف النتيجه..

بنوووووتـﮧ
16-04-2009, 07:29 PM
"
ظنتي حمدان بيرمس حمد عن منيره ان هو يباها
وبيقوله عن اخته عويش
والله يقوم سعيد بالسلامه حليله
وان شاء الله هنوود اتحل مشكلة احمد وغزلان
الله يقومها بالسلامه شهد ويهديها ان شاء الله
ويمر العرس ع خير ان شاء الله

وان شاء الله هالمره ماشي خلاف

وتسلمين حبوبة نتريا البقيه ويعطيج العافيه

"

lady oscar
16-04-2009, 11:38 PM
ان شـالله ام احمد مريفـه ويه هند تتدخل وتحل موضوع غزلان واحمد

وحمدان اتوقع عن عويش

واتوقع يبا فهد علشان منيره





العرس اتوقع بيرقصون الشباب ههههههههههههههههههههههههه





ويسلمووووووووو خيتوووووو

..عجيد الريم..
16-04-2009, 11:50 PM
ههههههههههههههههه ضحكتيني بنوووته وبنفس الوقت خوفتيني.. ..هع تابعي البارت الياي.. بتعرفين كل شيء..
يسلمووووو


اممممم ليدي اوسكار.. توقعاتج نص نص . مب كل شيء.. تابعي البارت الياي وبتنوضح الصوره..
يسلمووووووووووووو

rara
17-04-2009, 12:36 AM
هزركم شوه بيسوي حمد واحمد في موضوع شهد..وحمدان شوه يبى حمد اول شيء.. وثاني شيء شوه يبى فهد.؟؟
وهند شوه بتسوي مع غزلان هل انهى بتقدر اتحل الاشكال الي امبينهم.. وشهد شوه بيكون حالها. هل انها بتمووت ولا بتعيش.. واذا عاشت شوه بيسوون اهلها بها.. والعرس شوه بيصير فيه.. خلونا نتابع البارت الياي.. ونشوف النتيجه..

يابوكم هالكلام يخوف


عجيد الاريامي


ما نوصيج على الحبيبه


خلي كل الأمور زينه


ما فينا عالصياح والمناحة









ههههههههههههههههههههههههههههههههههه



نتريا البارت الياي بفارغ الصبر

..عجيد الريم..
17-04-2009, 03:31 PM
ههههههههههههه ليش يخوف امم تقدرين اتقولين توقعات بس ههههههههههه

وحلوه هاي اتوصيني على الحبيبه.. قصدج عويش.

ان شاء الله فالج طيب raraههههههههههههههههههه حمد بيحطها في عيونه.هههه

تسلمين حبوبه على المررو..

ذبحني الح ـلا
17-04-2009, 10:35 PM
يسلموو على البارت الرائع

وفي انتظار القادم لنكتشف من خلاله ما يريد حمدان من حمد

يعطيج العافية

السولعيه الحلوه
18-04-2009, 10:13 PM
تسلم ايدج على البات الغاوي...

اتوقع انه حمدان بيكلم حمد عن عوش (اخطب لبنتك ولا تخطب لولدك بس هو سوى اخطب لختك ولا اخطب لخوك)...

شهد الله يشفنها ويعفو عنها ...

والعرايس الله يهنيهم ويسعدهم ويتتم عليهم بالخير...

فهد وراه شي وبصراحه شاكه في سالفة دبي....

نترياج على نااااااااااااار في بارت يديد...

..عجيد الريم..
19-04-2009, 11:54 AM
ههههههههههههه ليش شاكه في فهد.. حليله ماله خص باللعب. والدنيا حلوه في عيونه.. بس اشوي حظه جالب عليه..ههههههههههههه


وامم انا مره قلت في نفسي انتي ينخاف من تحليليج.
يا السولعيه..

ان شاء الله اليوم بنزل البارت الياي . وبتتوضح الامور. يمكن حمدان ما يرمس فهد يكنسل خلاص.. بتفهمون بعدين..

..عجيد الريم..
19-04-2009, 11:55 AM
الله يسلمج نوواري..

ان شاء الله اليوم بنزل البارت الياي.. والسموحه على التأخير..

ذبحني الح ـلا
19-04-2009, 08:44 PM
السلاااام عليكم

وين البارت الغلا....

ننتظر على أحر من الجمر

ويعطيج العافية

..عجيد الريم..
19-04-2009, 09:24 PM
السموحه من الجميع..

وها البارت السابع عشر. وباجر الثامن عشر..





دنيتي من غيرحسك
سطرخالي من الحروف،
ينتهي الأحساس فيني كالجسد من غير روح
لاتظن صمتي غياب أوتجاهل أوظروف
أنت شي في حياتي مايتعوض لو يروح•

حمد بصووووت واطي..: هوود.. حد اهنيه؟؟
حمدان بصووت واطي بعد: اقـــــرب تعال الميلس..
حمد وهو يهمس اهلك رقوود صح؟؟
حمدان وهو بعد يهمس: هييه ما اتشوف الساعه كم الحين؟؟
حمد وبعده يهمس: اها عيل بروح وبييك باجر..
حمدان : لا والله اقووول اتشوف باب الميلس ولا لاا؟؟
حمد: خخخ هييه شوه فيه مركبين يديد .؟؟
حمدان: لا جديم. اتصدق..كككك
حمد: بس عاد.. خخ علومك ؟؟
حمدان: علوم الخير. اقرب داخل..
حمد: آآآآسف مش قبلها؟؟
حمدان معقد حياته: قبلها؟؟
حمد: هيه عيل.. مرترقي بلاااش ولا نسيت وعدك؟؟
حمدان:ههههههههههه خلاص فالك طيب.. وضرب له تحيه..
حمد: هع بعد لازم.. ياخي كم مره بعلمك تعبت منكم دووم راسبــين ياخي بس عاااااد افلحووووووه..
حمدان: اقووووول انجلع داخل احسن لك..
حمد:خخخ انجلع وداخل بعد كيف صارت هاي.
حمدان: بتدخل داخل ولا افرك احسن..
حمد: هه لا يابويه ادخل بكرامتيه احسن لي..
حمدان: اتحسب بعد ما تي الا بالعين الحمرا..
حمد:خخخخ والله حاله.. صدقت عمرك ترا..
وتوه بيتقرب منه حمدان علشان يفره داخل ربع حمد داخل بسرعه.
حمد: الله اتعرف حلوو ميلسكم يجذب الواحد شكله يديد..
حمدان ضحك عليه معنه ميلسهم ما اتغير ومن فتره حمد كان عنده وشافه بس علشان ما يمسكه حمدان قال جييه.
حمدان:هههه جبان..
حمد: خخ عيل تبا اتفرني غصبن عني ياخي عيب والله عيب.. اللــــــــــــه كل هذا حقي انـــــــــا ..شوه دراك اني يوعان..
حمدان: بعد ربك.. قلناا بنكد عليك اشوي..
حمد وهوه رافع واحد من حياته.: لا والله..والله حاله والله لو ماكنت يوعان جان طلعت وخليت اكلك حقك بس مطعم ابراهيمووه مسكر الحين ولا بخطف عليه.
حمدان:ههههههههه ياحيه.. تعال اهبش الحين..
قعدوو وكلو وشربو ويوم شبعوو سولفوو وطبعا حمد قال لحمدان سالفه الحادث بس مش الحقيقه كامله بس قاله انها سوت حادث وانها تعبانه واخوها في العنايه واليوم او باجر بيطلعونه.. بس.. ماقاله انها كانت مع ريال والريال توفى.. اسرار عوايل هاي. مارام يخبره معنه واثق في حمدان بس هوه اتفق مع احمد وفارس ما ايبون طاري لحد ابد..
حمدان: يالله الحمد على السلامه.. والله يشافيهم يا رب.. اممم حمد ابغي آخذ رايك في شيء؟؟
حمد قبضه قلبه من دوون ما يدري شوه السبب: آمر حمدان.؟؟
حمدان: امم ما ادري كيف ابدا وياك.. بس ؟؟
حمد: افا عليك ابدا من وين ما تبى انا وحاضر باللي تباه؟؟
حمدان: ادري بك ما اتقصر.. امم من الاخر حمد اباك تأخذ ختيه على سنه الله ورسوله؟؟
حمد فج عيونه: هاااااااااااه ؟؟
حمدان: اسمع ادري الي اقوله ينان بس ختيه ما ابا حد يأخذها غيرك وانتي خبرتني انه سالفه بنت عمك خلاص قربت تنتهي فخلاص شوه رايك؟؟
حمد: امم متى قلت لك عن سالفه بنت عمي ما اذكر ؟؟
حمدان: مب مهم الحين.. شوه قلت .. ؟؟
حمد: والله يا حمدان ما ادري شوه اقولك فأجأتني الصراحه بس ليش انا بالذات؟؟
حمدان: اممم انته وايد اتعذبت في حياتك وعويش مثلك وايد عانت في حياتها؟
من قال عويش حمد حس بقلبه وقف ..
حمد: اها والله حمدان خل موضوع بنت عمي ينتهي على خير. الحين.. وخلاف ان شاء الله الي تباه بيصير..
حمدان فرحان: والله..
حمد: شوه والله؟؟
حمدان: يعني خلاص نرفض كل اللي بيها؟؟
حمد: هااه ؟؟ هييه خلاص ان شاء الله..
حمدان: حمد شوه بلاك احسك مب على بعضك..؟؟ اذا ما تبا خلاص ما بغصبك والله
حمد: لا والله مب جيه بس عن جد اتفأجأت اصلا وين بلقى اهل اناسبهم احسن عنكم افا عليك..
من داخل حمد متشقق على الآااااااااخر.. الحمد لله لك يارب .. الحمد لله اخيرً عويش بتكون من نصيبي..
حمدان: ايوا ؟؟
حمد: اها خلاص عيل انا اسمحلي الساعه الحين دوون الوحده هبابي لين اوصل البيت واتسبح وارقد؟؟
حمدان: لا يابويه ماشيء سريه الحين بتبات اهنيه وباجر الصبح بعد ما تتريق بتسرح بيتكم..
حمد: وين حرام عليك باجر ورايه دووام يكفي اليوم داومت متأخر وين بعد باجر..
حمدان: لا ماعليه بس انك ما تسري الحين وانته امبونك ياي من بوظبي تعبان عين خير..ارقد وباجر الصبح اغبش لين الدوام؟؟
حمد: لا حول.. خلاص يا ريال بس ورفجه ما اتسون باجر شيء..والله انتو رواحكم وراكم حشره العرس مافيكم على الذبايح والريوق من الصبح.. انا واحد ما اتريق الصبح الحين اقولك ترا والله لاتيك حلفه ما اشبر بيتكم امره....
حمدان: لا حول انزين خلاص .. حشى ما اتقول الا حرمه عيووز معبره السنين حلفتها زاهبه..
حمد: عيوز في عينك..
حمدان: وينها ما اشوفها؟؟
حمد: شوه هيه؟؟
حمدان:هههه العيوز تراك اتقول في عيني العيوز.. الا ماقلت لي كيف شكلها بطرانه ولا شينه..
حمد: عنه الله تك يا الهرم.. اقول سير هات لي فراش احسن يالله بسرعه ..
حمدان: طاعو انتو طرار ويتشرط..
حمد: لا يابويه منوه قالك طرار الحين تراني بسير بيتنا عندي طال عمرك قسم كامل ثلاث حجر بصالتهن..
حمدان: طاااعو الخقاق انا.. هذا كله حق عويش؟؟
حمد فج ثمه : هاااااااه

..عجيد الريم..
19-04-2009, 09:27 PM
حمدان:هههههههه صدق انك تيييييس برايك بسير اييب لك فراش.. والله حاله.. ههههههههههه
طلع عنه وحمد يفكر بكلامه ويقرص عمره انا اكيد مب في حلم هذا واقع يعني الحين عويش بتكون من نصيبي يااااااااااااااي وجان استانس..من ياب حمدان الفراش له ولحمد فرشوه وتمو يسولفون لين رقدوو.. ومن اصبح الصبح نش حمدان قبل حمد علشان يسون الريوق لحمد على الاقل لو ايبون ريوق البيت .. ومن امر عليهم سار حجرته يتسبح في ها الوقت كانت عويش توها طالعه من الحمام متسبحه ومتلبسه علشان الدوام الي ماشيء باقي له غير اسبوعين.. آخيرا خلاص بقلع الجامعه بفتك من ها الطرووق كل يوم.. طلعت برا ومالقت حد كالعاده اهلها رقوود. ما ينشون لين بعد الساعه 7 طلعت في الحوي تتريا الباص وطبعا عويش من النوع اللي ما تتريق الصبح ابد تشرب لها كوب عصير وخلاص وبما انه العصير عندها في الثلاجه شلت لها غرشه وسارت برا تتريا الباص. طاحت عينها على باب الميلس وشافت نعال حمدان .. الحبيب مستعيل ولبس نعال حمد بالغلط.. وخلى نعاله عند الباب.. عويش من شافت نعال حمدان عند الباب فكرت انه من روح حمد عنه ...آآآه يا حمد.. اكيد رد البيت حافي.. اتذكرت انه الفواله من البارحه في الميلس فراحت علشان اتطلعها على الاقل لين الباب وتي سنيتيا واتشلها لين المطبخ..
دخلت الميلس ولقت النور مبند والمكيفات الثنينه كلهن شغالات راحت وطفت المكيفات بما انهن عدال الباب الريموتات ماليلهن.. وما انتبهت انه في حد راقد اهنيه. شافت اللحاف فكرت انه حمدان بات في الميلس.. بس يوم اتقربت شافت اللحاف في شخص راقد عليه.. اتحسبت انه حمدان .. سارت اونها اتوعيه..علشان الدوام..سارت له وتوها بتخوز اللحاف عن ويهه.. اتحرك حمد وطلع راسه من اللحاف. عويش من شافته شهقت بصوت عالي .. وخصوصا انها قاعده على ركبها وكانت ناويه اتوعيه اشوي شوي.. حمد من سمع شهقه انتبه وفج عيونه بس بعده كان فيه رقاااااد ف مش مستوعب اللي جدامه..
حمد: آآآآآه عويش ياربي محلاتج..((طبعا يتحسب انه يحلم)) اشوي وشل ايده يبا يصكها ردت على ورا وبغمت.. من بغمت انتبه حمد انه ما يحلم..
عويش: آآه انا انا؟؟
حمد فااااج عيونه كلهن ورافع حياته مستغرب: انا احلم ولا انتي صدق جدامي؟؟
عويش: هااه م.........ا ادري؟؟
حمد: لا انا اكيد احلم..
عويش: ا..نا اتأخرت باي.
ربعت براااااا من الفلخه اتخاف انه حد يشوفها.. ويها غادي احمر من المستحى .. والباص كان توه موقف جدام بيتهم شلت شنطتها وسارت الباص من دوون ما تتكلم..
عويش ها اليوم الوحيد اللي اتروح فيه ف الباص لانه الدريول اليوم عند يدتها اييب حشيش يغبش من الفير علشان يلحق على الزام..وطبعا ما ايي الا بعد الظهر.. فهوه ياي يبدل السياره واييب عويش وياه بما انها اتخلص 3 ..
حمد من استوعب اللي صار مب مصدق عمره من طلعت عويش شل عمره وسار البيت ما اتريا حمدان اييه.. وحتى انه سار حافي لانه ما لقى نعاله..وهو طالع كانو البتان يركبون الاعلام على الشوارع .. ومن طلع وهو يفكر بعيوش ياربي جانها هييه اللي وعتني يا ويييل حالي عليها.. ما بنسى نظرت عيونها والخوف اللي فيهن يوم عرفت اني انا اللي راقد مب حمدان اخوها.. ابتسم وسار البيت متشقق واتسبح واتلبس وطلع الدوام طبعا .. حالت شهد بعدها خطيره ولين الحين في العنايه ومش عارفين شوه بتكون حالتها.. يتوقعون متوها خلال ها اللحظات لانه تقرييا كل الاجهزه اللي في جسمها وقفت.. يعني حالتها الحين ميته سريرياً بس خلوها يمكن يتبدل الحال مب عارفين لين الحين ما ياهم امر انه يوقفون الاجهزه ويفصلونها عنها.. وسعيد الحمد لله انتبه وفتحو له ملف عندهم ومثل ماقال فارس هوه بيمسك حالته وبشوف له دكتور مختص بنفسه....
احمد بعده مع غزلان بين و بين وغزلان مب عارفه شوه اتسوي العنود دووم تضغط عليها تباها اتقولها شوه صار بينها وبين احمد وغزلان ماطاعت اتقولها شيء غير انها اتفقت وياه انها اللي بينهم مستحيل يكتمل ..من خلص الدوام رد حمد البيت متكسر..
يا احمد عند وحمد اللي كان راقد في الحجره.. هوه ينغزه بصبعه على كتف حمد: حمد حمد انته راقد..؟؟
حمد: لا واعي شوه رايك.؟؟
احمد: امم ما اعرف حسك يقول انك كنت راقد..؟؟
حمد وفيه غيض: احمد..زوول عني فكني من حشرتك
احمد: هيييي والله انته اتعرف اسمي؟؟ كيف تعرفه انا ماقلت لك اني احمد.. يمكن اكون فهد ولا علي ولا مطر..
حمد: لا والله..!!
احمد: فعلا العلم اتطور. يوم الواحد يعرف الثاني من صوته..
حمد بصوت تعباااان: احمــــــــــــــــــــــــــد...!!!
احمد: والله ادري اني اسمي احمد.. لهاي الدرجه عايبنك. خلاص حط لك الف في بدايه اسمك بتصير مثلي..هع سهله صح..
حمد: أحمد وبعدين ويااااك يايني الحين ليش؟؟ بتخبرك انته متى ترقد؟؟
احمد: هع ارقد يوم اسكر عيوني؟؟
حمد: لا والله.!!
احمد: هييه اتصدق وانش يوم افتح عيوني.. اختراع عجيب..
حمد بصووووت مكبووووت: احمـــــــــــــــــــــــــــــــد.. وبعدين يعني زووووول عني ابا ارقد.. حد ايي بيت العرب.عز الظهر...
احمد: هع اول شيء هذا مش بيت العرب .. ثاني شيء هذا بيت عمي.... ويا راسك؟.
حمد: آسفين الشيخ احمد ممكن تنجلع الحين براااا.. انا غلطان كيف ما قفلت الباب..
احمد: هع غلطت الشاطر بألف..محد قالك تستاهل..
حمد: احمد بعد لين الثلاثه ان ما انجلعت برا لاييك شيء عمره ما يااااك تفهم..
احمد: ههه تباني اعد بدالك وانششك من الشبريه حاضرين للطيبين..
حمد: وااااااااااااحد
احمد: هع ثنييييينه ثلاثه اربعه عشره سته .. عشر طعش.. هند بتي اليوم؟
حمد: احمــــــــــ.. شوووووه قلت؟؟
احمد وهو يبتسم: ههه كلام الملوك لا يعاد.

..عجيد الريم..
19-04-2009, 09:28 PM
حمد: اوووووه فكنا عاااااااد.. هند بتي اليوم؟؟ متى؟؟
احمد: طاعو انتو اقوله اليوم يقولي متى صدق انك تيس؟؟
حمد: تيس في عينك.. يا الاهبل اقصد أي وقت ؟؟
احمد: اها.. ماعليه ولد عمي.. على الاقل اكون اهبل وما اكون تيس.. المهم..بتي يا حبيب العين الساعه6 المسى . بتكون في المطار.. فأنا واعوذ بالله من كلمه انا .. اباك اتخاويني علشان انسير نيبها.
حمد: ايوا .. وليش عاد اختك ولا ختيه..؟؟
احمد: انا اقول انك ما بتفهم بس يالله بنحاول نفهمك يمكن يرضون عليك وبيخلونك تفهم..
حمد: ومنو هم اللي بيرضون عليه..وبيخلوني افهم؟؟
احمد: الي هم.. المهم اسمع انا عندي سياره اهناك موقفه وبسير بسيارتك .. وبنيب هند وانته بترجع بسيارتك وانا بييب سيارتيه. فهمت
حمد: لا والله دريول انا عندك..
احمد: حمد دخيلك والله فيه حفووووووز حتى اني مب متغدي ولا شيء ومش راقد من البارحه .. لين ساعتك..
حمد:هه صدق انك اهبل.. انزين ماعليه.. زول عني الحين.. بغفي بس دقيقه..
احمد: لااا من يقوووووول الحين اتنش.. هبابك لين تتسبح وانخلص كدها اربع العصر.... وانا مابا هند تتريا وايد. يالله حمد بس عاد..
حمد: بس عاد.. هييه ها الي فالح فيه اتزن ما اتقول الا عيوز.. ومن تخلص حايتك ما اتعرفني.. يالله طوف من جدامي..
احمد: نش قبل..
حمد: نفسي اعرف كيف بنش وحضرتك يالس على الشبريه وساد الدرب.. ماتباني انش قول عادي عادي لاتستحي قول.. برجع انام..
احمد وهوه نشا بسرعه من الشبريه: لااااا شوه ترجع اتنام خلاص خلاص نشيت يالله ..
حمد: انزين يالله اترياني تحت بييك..
احمد: هع لا من يقول مينون لين اشوفك جدامي مب طالع من اهنيه..ف لا اتحاول..
حمد: لا حول.. انزين انزل تحت وشغل سيارتيه لين اييك واخطف على المطبخ وكل لك شيء.....
احمد : مابا شيء..بأخذ لي شيء في المطار..
حمد: في المطار بعد مب اهنيه..
احمد:هييه عيل تبانا انضيع وقت.... يالله بسرعه حمد دخيلك عاد ماصارت..
حمد: آآآآآآآآآآآآآف منك..انزين. انا والله اني تيس ولا حد يخلي الباب مفتوح..
احمد: ههه ادري انك تيس ..
حمد: شووه..
احمد: هااه لا كنت اكلم الذبابه عندك مانع بعد.. والله حاله.. مشكله الحسد..
حمد:ههههههه الله يكملك بعقلك..
احمد: خير ان شاء الله محتاي لك الحين ولا بعرف كيف ارد عليك..
حمد: هه والله حاله.. اعرف منو اترمس عدل مره ثانيه. ولا تراني بهون..
احمد: اللهم طولج ياروح..حمد شوه رايك انا اسبحك فكره حلوه صح.
حمد: لا مشكور حبيبي بسبح برووووحي.. حرمتيه ونا ما ادري..
احمد: ليش ان شاء الله بتخليها اتسبحك شوه..
حمد: هييه شوه فيها بكون حلالها.. عندك مانع بعد..
احمد: لا دواس.. ككك بس عاد يالله الحمام...والله حاله بيخلي حرمته اتسبحه.. ههه انته هاتها قبل وخلاف سبحها ولا اتسبحك..
حمد بصوت ناعم: احمد حبيبي انت قلت شيء..
احمد: لا عني افدع خشمك ماقلت شيء..
حمد: عني شوووه؟؟
احمد: هااه افدى خشمك .. ليش ما تبى حد يتفداك شوه..
حمد: انا ماسمعتك تتفداني ؟؟
احمد: لا حبيبي انته غلطان .. يالله حمد بس عاد ماصارت.
حمد: اااااااف ياالمغثه انزييييييييين.. انزييييييييين..
سار حمد اتسبح ومن طلع من الحمام لقى له كندوره معلقه على باب الكبت . وسفره عدالها ...
حمد: اب اب هذا كله علشان ما أتأخر. ياخي يمكن ما ابا هاي الكندوره.. ابا غيرها ليش متعب عمرك..
احمد: والله ما تلبس غيرها بقعد اترياك انا بعد..!!
حمد:هههههه واشله اتحلف يمكن تطلع قصيره عليه..
احمد: ماعليه كوون مطوع يوم واحد يمدحونه الطووع بس اخلص ياخي بسرعه..
حمد:ههههههههههه انزين ههههه انزين..
اتلبس حمد الكندوره ولبس السفره ونزلو تحت وطبعا احمد كان نازل وشغل السياره يوم كان حمد يتسبح.. وطلعو دبي ووصلو صلاه العصر في مسيد على الشارع قبل دبي.وصلو المطار الساعه خمس وعشر.. قبل نزول الطياره بساعه.. قعدو في المطعم وكل احمد اشوي .. لين يت الساعه 6 وربع ولين الحين ما يت الطياره.. تريو لين 6 ونص.. ويوم سألو قالو لهم توها نازله الطياره لانه السبب في هوا شديد وغباروماقدرو ينزلون الطياره لين هدت اشوي الريح ورامو ينزلونها.. وما كملو ربع ساعه الا الشيخه هند ياتنهم وسلمو عليها وطلعو من المطار وسارو مطعم محترم على قولت احمد الحين عاد رتاح اخته يت سارو مطعم قصر الهند واطلبو لهم اكل. وكلو ومن خلصو نزلهم حمد عند وافي لانه سياره احمد اهناك عطاها لريال والريال يا العين مع خويه ويوم بغو يردون الريال ماقدر يرد فعطاه احمد سيارته. المهم وقف الريال سياره احمد في الباركنات وصلهم حمد و سار العين عنهم تعبااااان يبى يرقد.. وتوه واصل الهير.. اتصل به حمدان الي كان توه ناش من الرقاد الوقت الحين 9 العشى والحبيب توه ناش.. حليله كان عنده دوامين جامعه البنات لين 12 ومن الساعه 2 لين الاربع عند الشباب.. ورد البيت وصلى العصر ورقد..
حمدان: هلا والله ..
حمد: اهلين اشحالك..
حمدان: الحمد لله يسرك الحال ولا يضرك. علومك؟؟
حمد: الحمد لله يسرك الحال؟؟وين؟؟
حمدان: ام في البيت وتحديدا على الشبريه توني ناش.. مارقدت الا اربع ساعات.. وانته وين اسمعك في الخط؟
حمد: ياي من دبي؟؟
حمدان: افا يا الخيانه ياخي خبرنا بنخاويك...
حمد: وين تخاويني وانته راقد.
حمدان:ههههه حرام عليك... متى سرت دبي..
حمد: اممم طلعنا الساعه 3 من البيت..
حمدان: طلعتوو منوه عندك؟؟

..عجيد الريم..
19-04-2009, 09:32 PM
حمد: حد غير المجلوع احمد..
حمدان: ههههههه ليش عاد..
حمد: والله ياخي كنت راقد محلاتي ياني وغثني الا اتسير ويايه دبي..
حمدان: ههههههه انزين وينه الحين عنك لايكون وياك .
حمد: هه لاوالله عنده فريجه يايه من قطر . وياي يستقبلها وبما انه سيارته اهنيه في دبي ياني اوين وصلني دبي وخلاف برد بسيارتيه..
حمدان:ههههههه وسيارته ليش في دبي.؟؟
حمد: ممم اتحيد فلاح بن ...... ؟؟ يانا العين مع خويه فياض ووو من خلصو عاد فياض ماقدر يسير دبي قام احمد عطاه السياره فخلاها فلاح في وافي وياها احمد الحين وشلها..
حمدان: ههه يعني انتهت صلاحيتك الحين..
حمد: شفت عاد..
حمدان: ايوا .. الا تعال متى سرت اليوم؟؟
حمد اتبريد وحس بقلبه بيطلع من مكانه يوم ذكره بالموقف الي صار له اليوم الصبح..
حمد: امم ما ادري من نشيت اتذكرت الدوام وشفت اني متأخر فطلعت سيده وانا امبوني حالف ماا اتسوي لي شيء من انش بسير البيت .. والله اني دوامت اليوم متأخر ربع ساعه..تمو الكل يتغامزون لي اوين مترقي و ايي متأخر.. وكله بسبتك .. لو انته مخلني اسري البارحه مب ابرك لي.. ولا تيني ها الرمسات..
حمدان: يا ريال اتداوم متأخر ولا انه لا سمح الله يصير لك حادث تغفي عينك ولا شيء.. انته روحك كنت تعبان ومنهد حيلك.. يزاتي بعد أخاف عليك..
حمد: لا حول.. انزين يدووه شوه بعد..
حمدان: هههه يدوه في عينك . هييه تعال ذكرتني يوم درت يدوه عذيجه انك بايت اهنيه شوه احتشرت من الخاطر اوين ليش ما ذبحو لك .. وريقووك.. كيف تسرح ومب ماكل شيء.. شوه ياريال قطعت امايه وابويه تقطيع..
حمد:هههههه وامك وابوك شوه يخصهم..
حمدان: ههههه واشدراني هل البيت.. ويوم خلصت منهم يت صوبي وعطتني محاضره من الخاطر.. والله اني اليوم قاعد احاضر ونفسي في خشمي..
حمد:ههههههههههه فديتها ياربي.. خلاص باجر بتعشى من عشاكم ان شاء الله..
حمدان: تيسر بعد ما تتعشى من عشانا .. والله بزوالك..
حمد: ياخي يمكن ما يعيبني..عشاكم انا حر..
حمدان: مالنا خص لازم تتعشى منه.. ولا اتخاف بيعيبك ان شاء الله بيكون فناان.. اتطمن..
حمد:ههه خلاص عيل. برايك عندي فارس ولد عمي على الخط.. برمسك خلاف..
حمدان: توكل.. الله وياك..
حمد: فمان الله..



شوه تتوقعون بيصير لعويس على قولت حمد من بعد ماخلت عليه الميلس..

وحمد شوه موقفه من الي صار,,

آخيرا هند يت من قطر شوه توقعاتكم انها بتسوي على شان مكشله ها الاحمد ويا الغزلان.. مالته..

تابعو الجزء الياي وبتنكشف الحقائق.. مع المتحريه الطيبه عجيــد الاريامي.. تابعونا..ههههههههههه

والسموحه من الجميع.

بنوووووتـﮧ
19-04-2009, 10:20 PM
"

بالحل بالحل اهم شي قرينا القصه


ياسلام على موقف حمد وعويش خخخخخخخخخخخخخخخخ

بالتوفيج لهم ان شاء الله


والحمدالله ع سلامة هنوده وان شاء الله اتسوي شي لـ احمد وغزلان


ولاطيحين الميانة وايد ف القصه



يعطيج العافيه ونتريا البارت باجر



"

rara
19-04-2009, 10:45 PM
عجيد الاريامي

يعطيج العافية عالقصة الحلوووووه


استمتع وقت قراءتها


عسى الخير بدروب أبطال قصتنا الحلوووووه


ونترياج لا تتأخرين علينا

السولعيه الحلوه
19-04-2009, 10:45 PM
تسلم ايدج غناتي على البارت الفنان...

هنوده نورة البلاد بوجودها وان شاء الله تقدر تحل مشكله غزلان وتقنعها باحمد...

افا يا عجيد الايامي ما تعزمينا على العرس ولا تطرشين لنا بطاقه دعوه ما هقيتها منج(*_^),,,

احنا ما بنحضر العرس بس شرط طرش لنا شريط الرزفه وهالله هالله في المزاين.....:vb_ezpi_blush::vb_wink_2:

اتوقع في البارت الياي انه مبارك بيسير يخطب مريم وبيقابل غانم ...

وحمد يتمنى اليوم قبل باجر انه ياخذ عويش....:vb_luvlove:

نترياج في بارت يديد على نااااااااااااااااااااااااار....

..عجيد الريم..
19-04-2009, 11:00 PM
هههههههههههههه


خلاص عيل باجر ان شاء الله بنزل البارت الياي.. واتوقع انه طويل اشوي عن هذا واكيد فيه احدااااااااااااااااااااااااااااااث وايد. انا مالي خص زهبن الكلينكس..


والله يالسولعيه فالج طيب.. انا مابغيت اعزمكن على عرس محمد ورامس.. انا بعزمكم على عرس حمد وعويس...
هع

مشكورات على المروور.. وتريوني باجر ان شاء الله مع حلقه جديده..ههههههههه

..عجيد الريم..
20-04-2009, 06:35 PM
وهذا الثامن عشر.. مثل ما وعدت..



اتعبتني في البعد" أحبـڪ " وأانتْ جافيني
وتعبت اأبي اأجفاك اآنا في عز حبي لـڪ
تخطي عليّ لين احسك طحتْ من عيني
ويرفعك دمع(ن) للسماح اختار منديلك
ازعل وشف قلب الرضى جاء بينك وبيني
ماشفت أغرب من خطاڪ يرد قلبي لك
تغيب وأسأل وينْ اآنا مدري اآنا ويني
اثري من الحزن اڪثري بالوهمْ ماشي لك
ْ


في الجامعه دخل حمدان عليهم من دوون ما يسلم ..
ساره: دكتور الناس يقولون السلام عليكم يوم يدخلون..
حمدان:لا والله اتصدقين ما كنت ادري..
ساره: عادي سير كم من طالب علم استاذه قواعد الحياه..
حمدان معصب من الخاطر: نعــــــــــــــم. قواعد شوووووووه اقوووول شوه رايج اتلمين ثمج احسن ..
ساره: بس انا ماقلت شيء..
حمدان: اقولج لأخر مره هذا ان كنتي تبين اتكملين ها الكورس اهنيه.. اتلمين ثمج مب فايق لج.
منيره بصوت هادي: اييه دانوه شوه بلاه غادي جنه بارود اشوي وينفجر..
دانه: ما ادري والله. الله يستر بس؟؟
منيره: ايزوول يعله زوود واكثر بعد..
دانه: الله يسامحج ليش ما اتدانينه ..
منيره: ما ادري مب داخل مزاجي..من الله..
دانه: الله يهديج بس..
منيره: ههههه يهدي الجميع الحاجه دانه..
دانه: حاجه في عينج شوه اتشوفيني جدامج عيوز ولا شوه..
منيره: لا والله شووه ههههههههه
حمدان: منيره ياريت لو اتسمعينا النكته اللي ضحكتج لاني اليوم مودي تالف يمكن لو سمعت النكته اللي خلتج تضحكين جيه يتعدل مزاجي واقدر ادرسكم.. لاني اليوم ما عندي كلاس الا كلاسكم هذا..فياريت لو اتسمعينا اياها..
منيره قفطت ماعرفت شوه اتقول..
منيره: لا ماشيء سير اتذكرت شيء وضحكني بس..
حمدان: اها وشوه ها الشيء اللي اتذكرتيه وخلاج تضحكين في نص المحاضره؟؟
منيره غدا ويها احمر: هااه اممم لا ولا شيء سير..
حمدان: لا والله.. اول مره اسمع انه ولا شيء يضحك منيره.؟؟ هاا الشيء ما يدل الا على السخافه الكامله منيره صح ولا انا غلطان؟؟
منيره انصدمت من اللي قاعده تسمعه ولا وحده من البنات رامت اتعلق بشيء.. نزلت راسها ولا رامت ترفعه ونزلت دمعتها وحمدان من شاف دمعتها حز في خاطره واتعوذ من ابليس انا شوه اباها لا حول .
حمدان: سمعو زين اليوم ما بناخذ شيء سوو اللي تبونه بس ياريت من دوون صوت.. مفهوم طالع اشوي وبرجع..
من طلع عنهم الكل التفت على منيره الي كانت منزله راسها ولا قدرت تتكلم ودموعها ينزلن..
دانه: منيره خلاص حبيبي.
ساره: منيره ماعليج منه خليه يولي.. بنسير نشتكي عليه منوه يتحسب عمره هذا
دانه: ساره لو سمحتي لا تتدخلين..
ساره: كيف ما اتدخل ما اتشوفينه انتي كيف يعاملنا جنا حيوانات عنده.
دانه: لا حول وبعدين يعني..؟؟
ميره: ساره سير حمدان عمره ماغلط على حد ومنيره اكثر وحده اتعرف ليش هوه يعالمها جيه.. دوومها اتحط راسها براسه.. لين حطها براسه خلاص. وبما انه اليوم معصب ف شيء اكيد بيعق غيضه على الانسان اللي دووم يعصب به. صح كلامي ولا لا
منيره: بس انا ما سويت له شيء..؟؟
ميره: ماسويتي شيء. كيف وانتي من يخلص من فقره تنقزين له واتقولين له انه يعيد الفقره مره ثانيه معنج فاهمتنها عدل.؟؟
منيره: والله شغلته هاي يفهمنا عدل.. بعد ..
ميره: شغلته يعيد للي مب فاهم مب للي فاهم بس يستهبل تتحرينه ما يعرف انج فاهمه وقاعده تستعبطين.. لا منيره تراه يدري بكل شيء.. وعلى فكره فيه اساتذه يحطون لكل فصل ناس اتراقب الطلاب اللي يسبون الاساتذه يعين جواسييس فلا تستغربين انه حاط اهنيه جواسيس ويخبرونه عنكن اول بأول كل وحده اتروح اتشوف البي دي إيه مالها وتقييم الاستاذه لها كم . ساعتها بتعرفن كلامي صح ولا لاااا..
دانه: وانتي تعرفين منوه هاي الجاسوسه..؟؟
ميره: لا ما اعرف بس وحده قالت لي انه في استاذ خلا وحده اعرفها في شعبه ثانيه اتكون جاسوسه عليهن.. وفعلا كشفنها بس ما بيينن شيء جدامها اول الاستاذ يوصله كل الي ينقال عنه منها.. وبعد فتره انقطعت ما سمع ولا شيء.. لانهن تحذر من اتكون موجوده ما اييبن طاري ولا استاذ ابد.. ومن اتسير يبدن يتشكن..
دانه: استغفر الله العظيم عنه الله تها اتواشي على ربيعاتها صدق ما تستحي هاي على ويها.
ميره: يابنت الحلال الحين كل وحده تبا تظمن عمرها اهنيه.. فكيف تضمن اتعدل علاقتها مع الاساتذه فيعطونها معدلات اوكي وهيه اصلا ما تستاهل ها المعدلات المرتفعه ولا العاديه.. بس وايد يساعدونها..وعادي تلاقنها مجتازه الاساسي في ست شهور بس..
ساره: يا سلام وليش عاد..

..عجيد الريم..
20-04-2009, 06:37 PM
ميره: هييه عادي اذا الاستاذ ساعدها خلاص ضامنه عمرها..
دانه: استغفر الله العظيم..
منيره: ابا اطلع من هنيه.
دانه: استريحي ماشيء طلعه لين اتخلص وقت المحاضره.. انسي ما يكفي اللي ياج تبين زوود بعد..
منيره: بس حاسه عمري مخنوقه ابا اطلع..؟؟
ميره: منوور سمعي الكلام لا اتعاندين شوفي لا تنسين هذا مواطن يقدر يسوي أي شيء فيج..
منيره: يزوول ما يهمني..
دانه: حتى لو انفصلتي من الجامعه؟؟
منيره: ما يقدر يفصلني مب كيفه..
ميره: لا ياماما يقدر يفصلج.. خصوصا لو خسف بج في البي دي إيه عادي تنراغين لو معدلج مرتفع ..
منيره: ااااااااااف ..
دانه: منوووور خلاص عاد..ماشيء بقى غير ساعه اتحملي انتي عاد..
منيره: اف منه.. ليش ينكد لي حياتي..
دانه وساره وميره:هههههههههههههههههههه ..
من خلصت الساعه الثانيه كان عندهن بريك طلعن وسارن الرباعيه وطلبن كلهن لازانيا وقعدن لين بدا الكلاس الثاني واترابعن ووصلن قبل ما تدخل الساحره بخمس دقايق..طبعن كانن يسمن مالت الماث ساحره لانها دووم اتسوي تسريحه لامه راسها كله ولبسها دووم اسود واتحط نظاره طبيه كبيره.. وكلاس الماث آخر كلاس عندهن اليوم.. ماعندهن غير كلاسين اليوم.. بس كل كلاس ساعتين ونص.. .... وعند عويش من خلصت كلاساتها الساعه 3 اتصلت بالدريول الي ياها وصلها البيت..بعد ما خطفت على ديمه ومريم وردن البيت.... ومن ردن سارن عند سلامه وفطيم اللي كانن يتحنن قبل العرس. وطبعا خلو عرسهم جماعي.. فطيم ورامس وسلامه ومحمد.. الكل وافق على ها الشيء...من خلصن العرايس من الحنا ..بدن ديمه وعويش ومريم وسارونه كانت مخلصه.. وعشبه اتحنت نقش عادي.. وعذيجه اتحنت قصه بروحها.. بس خذت المعاصير من عندهن..وطبعا اللي حناهن ماريا وكان طر الصراحه كل وحده احلى من الثانيه . بس العرايس احلى وتمن بحناهن لين المسى ..
وعند حمدان وخليفه اللي كانو في المول. يتمشوون شاردين من ريحه الحنا الي مازره البيت. وتمو يحوطون لين الساعه 11 المسى وردو البيت ورقدوو...
عند عصافير الحب.. سلامه كانت اتطرش مسجات ل محمد ..
طبعا منعو الاتصالات امبين بعضهم علشان يشتاقون لبعض..و اذا خلاص حسو عمارهم مشتاقين حيل يطرشون مسجات.. لبعض.. وخلاص سلامه حاسه بعمرها بتمووت من الحفوز ومحمد مثلها.. ما قدرو يرقدوون تمو يطرشون مسجات لبعض لين قرب الفير بربع ساعه..وخلاف رقدوو .. وطبعا نص المسجات كانت رمسه مب خواطر.. و لا قصايد.
من آذن الفير نشت سلامه وصلت الصبح وطرشت مسج لمحمد علشان ينش يصلي.. وسارت اتوعي خوانها علشان الصلاه.. خخ كله ها من الحفوز وفطيم من صوب مب راقده وحليلها سواد فضيع تحت عيونها.. من دخلت عليها سلامه طالعتها وامبقت اتصيح .. وطبعا سلامه مب احسن عنها سارت لوت عليها وتمن يصيحن دخلت عليهن عويش زايغه ما تعرف شوه بلاهن..
عويش بصوت مفزووع: شوه بلاكن شوه مستوي.؟؟
سلامه وهيه اتشاهق : ما شيء بس خافين من الليليه.
عويش:هههههههههه صدق انك ماعندكن سالفه . هههههههه والله زيغتني قلت عندكن سالفه.. والله انكن.ههههه
فطيم: هييه لو انتي بدالنا جان جيه حالج واردى بعد..
عويش: هه لا ما اعتقد اني بييني ها اليوم اناا خلاص يأست منه.. وان ياني ما بيكون الانسان اللي انا اباه ..
سلامه: ليش اتقولين جيه تراج قلتي حمدان قالج عن حمد..
عويش: هييه بس لين الحين ما صار شيء اخاف ما يصير شيء سلامه..
سلامه: لا حول انتي صبري شوه وراج انتي..
عويش: آآآه الصبر عيا مني ..
فطيم: يا ويلي عليج يا عويش ثرج اكثر عنا متلعوزه وانا اتحسب اني انا بس اللي اعاني..
عويش: هه انتي اتعانين على قولتج بس معاناتج ما تتسوى مع معاناتي انتي بترتبطين مع انسان يحبج واتحبينه بس انا ما اعرف لحالي كيف..
سلامه: لا تنسين يا عويش انتي اتحبينه مثل ما هوه يحبج..
عويش: عيل ويييييينه لين الحين ما يااا شوه يتريا..
فطيم: صبري بعد يا عويش ان الله مع الصابرين..
عويش: الله كريم .. يالله صليتن الصبح..
سلامه: هييه انا صليت ووعيت حمدان وخلفيه..
فطيم : هييه انا بعد صليت..ووعيت ديمه ومريم..
عويش: خلاص عيل هههه لا تيلسن اتصيحن بالعكس لازم تفرحن هاي ليلتكن انتن لازم تضحكن مب اتصيحن.هههه
سلامه: والله ياعويش ما قدرت انام عدل..
فطيم: خخ انا مواصله ماطاع الرقاد اييني .. لين ساعتكن..
عويش: وليش عاد تبن اتطيحن اليوم من التعب.. بعد ما تتريقن ترقدن تفهمن لا تلفون ولا غيره.. تسمعن..
فطيم وسلامه: ان شاء الله ماماه..
عويش: يا حيكن يالله .. والله حاله.. يصيحن بعد..ههههههههههههه
طلعت عويش من عندهن ودموعها في عيونها اصلا هيه حاسه فيهن بس ما رامت اتبين لهن. فطيم بتروح بيت ريلها والله العالم متى بيشوفنها.. وسلامه. بتسافر مع ريلها وبتي كل ثلاث اشهور مره كيف بتتحمل فراقهن جيه مره وحده ومريم عرسها بعد شهرين لانه ريلها يته دوره مدتها 45 يوم ولازم يأخذها علشان يترقى وكيل اول.. والحين باقي له شهر لين يخلصها.. وشهر لين يعدل اموره وخلاف بيعرسون..
من يت الساعه 7 دواومو الكل الا البنات والعرايس ما دوامنت اليوم خليفه ما رد الدوام اليوم مطنش .. وعند حمد كان توه يتريق وجان تيه دانه..
دانه: صبااح الخير خييي..
حمد: صباح النور آسف يالله باي.
دانه: لا حمد اتريا دخيلك بس اسمعني. دقيقه..
حمد: انا قلت دانوه ما بتسلم جيه الا وراها شيء خير. عندج بس ثانيه.. امم يالله سوري خلصت الثانيه..
دانه: انته ما واحيت لي اصبر اشوي..
حمد: سوري خلص وقتج. ومتأخر بعد يالله
دانه: حمد دخيلك وانا بعد بتأخر .. ومالقيت حد يوصلني وتوها سوت لي منور وقالت لي بعد ما عندها حد يوصلها.. خوانها كلهم طلعو من البيت وقت اليوم حتى هزاع.. دخيلك بس عقنا في دربك بس..
حمد: هووش اعقكن في الدرب ... ومتى محاضراتكن تبدا ان شاء الله..
دانه: انا 8 ومنور 8 ونص دخيلك حمد..

..عجيد الريم..
20-04-2009, 06:38 PM
حمد: انزين انتي خلصتي مافيه اتريا يالله بسرعه.
دانه: انا خلصت الحين بس بلبس عباتي بس..
حمد: ومنيره خلصت ولا لااااا..
دانه: الحين بدق عليها لين نوصلها كدها خلصت .
حمد: خليها تتريانا برا مافيه نترياها ..
دانه: خلاص توكل انته..
حمد: يالله لبسي عباتج وتعالي برا بسير اشغل السياره..
دانه: يالله الحين بييك..
ربعت حجرتها واتصلت على منيره وخبرتها انها اتخلص بسرعه لانه حمد بيوصلهن.. ومنيره من سمعت بها الكلام الا فرت السماعه بسرعه ربعت الحمام تتسبح واتخلص قبل ما اييي حمد .. مب حب فيه الا مافيها على لسانه وحشرته يكفي اللي ياها البارحه من الدكتور حمدان .. مافيها على لسان حمد بعد..
وصلن حمد عندها الساعه 7 ونص ولقاها تترياهم برا حليلها والله وفي ايدها كوب الشاي..نزل الجامه وقالها اتوطي كوب الشاي مافيه ينجب في السياره. وطبعا من قال جيه الا ومنيره اتجبه على الرصيف واتحط الكوب عند الباب.. حمد اتسغرب منها مب من عوايدها اتكون هاديه جييه.. معنه مب قاصد يكون جدي بكلامه لها عن الكوب كان بس يبى بس يغايضها.. ومن ركبت وسلمت واتغشت لانه سياره حمد بلا مخفي.. خقاق الحبيب يبا الكل يشوفه.. من حقه جمييييل ولا بالدريس كان اروع..
ردو السلام عليها وسكتو لين وصلو الجامعه ونزلهن وسار الدوام وكان مستغرب من منيره ماعليه من تي دانه بيتخبرها عنها ..
من خلص دوامه ورد البيت دانه كانت راقده سار حجرته ورقد لين العصر .. نش واتسبح ولقى مسج من حمدان يذكره انه العرس اليوم. اتصل بأحمد وقاله انه يذكر خوانه..
احمد: انا خبرتهم وقالو ماعليه بييون.... بس غانم ما ادري اذا بيي ولا لااااا؟؟
حمد: لا حول وشوه بلاه بعد..
احمد: خخ تعال ما خبرتك شوه صار ويا الشيخ غانم..
حمد: شوه صار بعد.
احمد: ياسيدي مريم تراها قالت له.. ومن درا هو احتشر وهد اوين ليش انتو تدون وانا كبيركم و آخر من يعلم.
حمد: هييه يانا البيت واحشتر عليه.. وسمع ابويه الحشره ويا ورمسه في الموضوع.. وشكله هداه ..
احمد: وين هداه ياريال اتصل بفارس وشلنا بشراع وميداف. وشرشح فارس تشرشيح,,
حمد:هع وانته..؟؟
احمد:خخ لا انا كنت مرقوع على الخط الثاني اسمع البهدله لفارس.. اتعرف مرات احس غانم ما يعتبرني اخوه ..؟
حمد عقد حياته: وليش عاد؟؟
احمد: ما ادري مرات احس عمري جني على الزاويه محطوط ما يشاوروني بشيء
حمد: ما ادري والله يمكن انته اتحس جيه بس الواقع غير..
احمد: ما ادري والله المهم بخليك الحين ونتلاقى خلاف متى بتسير العرس انته؟؟
حمد: امم بطلع بعد المغرب.
احمد خلاص عيل انا بعد جيه تمام عيل..
حمد: الله وياك؟؟
سكر احمد عنه واتصل بهند الي كانت عند امه في بوظبي
هند: هلا والله ..
احمد: بالمهلي اشحالج؟؟
هند: بخير عني افداك شخبارك..
احمد: الحمد لله وين انتي ؟؟
هند: امم هنيه في المستشفى عند قوم خالك ؟؟
احمد: هييه عند شهد؟؟
هند: هييه ياحليها حالتها خطيره ؟؟
احمد: حلها بليس لالاه عنه الله تها..
هند بصوت عتبان: أحمـــــــــــد مافي انسان ما يغلط ..
احمد: هييه معاج بس هاي غلطتها كبيره هنود هاي يابت راس العايله التراب شوه اتقولين انتي.
هند: ادري بس يكفي اللي هيه فيه يعني ربك جازاها بالي سوته بدال ما تدعون لها بالرحمه والمغفره تدعون عليها.. حرام عليكم..
احمد: لا حول خلاص خلاص انزين .. الا اقول شفتي عرب..
هند ابتسمت: اممم هييه بس من بعيد بعدني ما كلمتها مساعه رحت سألت عنها قالو لي عندها شغل خليت لها رساله وقلت لها اني ابغيها في موضوع خاص اشوي..
احمد: اها.. ومتى هزرج بتكلمينها فيه..
هند: اممممم والله ياخيي ما عندي فكره لين الحين..
احمد: اف ويعني لين متى بصبر حرام عليكم حسووو فيه..
هند:ههههه خلاص خلاص ولا تزعل حبيبي فالك طيب.. الحين بروح لها.. هههههه
احمد: هييه جيه اباج.. ولا تراني بكنسلج وبردج من ويين ييتي..
هند: لاااا والله ..
احمد: عيل .. فا أحسن لج يعني تكسبين من ورا رضايه عليج واتنفذين المطلوب منج وما بكنسلج.
هند ورافعه حياتها: اها عيل خلني اشوف حد ايي يرمسها في موضوعك يوم انك بتكنسل ويزتيه..
احمد: هااه هااه لا افا عليج صدقتي أنا الا اسولف وياج.. بل صدقتي. افا عليج حبيبي..
هند:هييه الحين حبيبي ومساعه اتقول لي بتكنسل ويزيتيه..
خوات شهد كانن يسمعن هند اترمس في التلفون وما يعرفن منوه اترمس.. بس اللي سمعنه انها قالت له حبيبي وهو الحين قال لها حبيبي.. يت صوب هند مريفه ام احمد..
هند: صبر اشوي.. عموووه تعالي سمعي ولدج اووين بيكنسلني..
مريفه: هههه احمد ما يصبر عنج ماعليج منه.
هند: لا قالي بينكسل ويزتيه وبيردني بلادي اوين..
احمد: هييه وبسوي لج بصمه العين علشان ما اتريدين للبلاد ابد...
هند:هييييييييييييييييي عموه طالعي بيسوي لي بصمه العين علشان ما ادخل البلاد خير شر.. ابد بيروغني من بلادي,,
احمد: ايييييييه ومنوه قال انه هاي بلادج..
هند: عيل بلاد منوه؟؟
احمد: احم بلادي انا.. مواطن صالح بلاش..؟؟
هند: اف الحين انته مواطن صالح .. عزنها اختربت الدنيا..
مريفه: بسم الله على وليدي. عطيني اياه اشوي..
هند: هااك عموتي تباك..
احمد: عموووتي تبااااااااك.. عطيني امايه بسرعه لاكنسلج الحين.. وكانت هند عاطيه مريفه التلفون.. وهيه سمعت يوم قالها بكنسلج..
مريفه: انته بتكنسل هند ما اظن يا احمد اتسويها ابد.. ما تصبر عنها انته..

..عجيد الريم..
20-04-2009, 06:38 PM
احمد:ههههههه عيل اشله اتغايضني.. ههه اشحالج الغاليه.
مريفه: الحين الغاليه .. توك اتذكرت امك..
هند: هييه عندج اياه هزبيه..
احمد: سكتيها وقولي لها اتسوي اللي قلت لها اياه..
مريفه: ههه واشوي الي قلت لها اياه..
احمد: هيه اتعرف..
مريفه: هه ايقولج سكتي وسوي اللي قالج اياه...
هند: ماااااباا لين يتأسف لي خلاف بروح..
مريفه:هههههه تسمعها..
احمد: لا والله الحين الريال يتأسف للحرمه..
مريفه: وايه وش قاصرنكم ما تتأسفون للحريم دامكم غلطانين..
احمد : لا يا امايه الريال ما يعتذر الحرمه تتأسف لنا مب نحن نتأسف لها..
مريفه: لا والله حتى لو كنتو غلطانين.
احمد: اممم لا بس اكثر شيء هييه اللي تتأسف.. وبعدين اشله انا اتأسف لها شوه مسوي لها..
مريفه: هه ما ادري بك. تعال الحين خلنا من هاي السالفه. امم ابوك رمسني عن وحده تشتغل ختها اهنيه.. ابا اعرف اسمها..
احمد: منوه هيه ختها؟؟
مريفه: ما ادري . امم اتحيد الدكتوره اللي عالجت حمد ولد عمك اهنيه..
احمد: هااااااااااه تطرين غزلان وابويه ليش يتخبر عنها؟؟
مريفه درت انه احمد يحب هاي الغزلان..: لا نحن ما نبا هاي نبى ختها.. قلت لي اسمها غزلان.. عيل شوه اسم ختها.؟؟
احمد: امم اعتقد العنود اذا ما خاب ظني..؟وليش ابويه يتخبر عنها؟؟
مريفه: فارس كلمه عنها وابوك يباني اشوفها واحكم عليها..
احمد: اها .. انزين امايه فديتج ماعليج امر عطيني هنود اشوي..
مريفه: ماعليه وليديه .. اندووك .هند هااه اخوج يباج.
هند: مابا ليش ما يتأسف لي ؟؟
مريفه: خذي التلفون وخلاف اتفاهمي وياه..ههه
هند: هييه بيقص عليه وبيسكتني..
مريفه: ههههههه اندووج اياه شكله مستعيل..
هند: هلا؟؟
احمد: اهلين .. انتي عن جد زعلانه..
هند: لا عن مزح... انا اصلا ازعل من اخويه حبيبي مستحيل..
احمد: هييه طمنتيني .. سمعتي اللي قالته امايه الحين..؟؟
هند: لا شوه قالت؟؟
احمد: ابويه موصنها اتشوف العنود خت غزلان..فحاذري اترمسين غزلان وامايه تي وتسمعكم..
هند: اها لا ماعليك.. بس ابويه ليش موصنها ؟؟
احمد: فارس خطبها وخبر ابويه.. وابويه قال لامايه اتشوف البنت..اذا حلوه ولا لااااااا..
هند: اها.. بس اتعرف لو حلوه مثل ختها .. الله يكون في عونكم الصراحه..
احمد:ههه ليش عاد..
هند: ياخي جميله بشكل فضيع.. انته حلو وهيه حلوه.. امم عيالكم كيف بيطلعون.
احمد:آآآآآآآآآه ياهند ربي يسمع منج.. وصدق اتكون حليليته حتى لو ما يبنا عيال انا راضي بها.
هند: احمد لين متى يعني بترضى بها الحال. باجر بتقول لها تبى عيال. شوه بتروح اتعرس عليها..
احمد: لا طبعا اعرس ليش ان شاء الله خليني اترقع في هاي قبل خلاف بعرس.. والله حاله.. انا الحين مب مترقع وين بعدين وبعدين لو ضويت غزلان ما يهمني شيء خلاص.. .. المهم مثل ما قلت لج حاولي اتراقبين امايه لا تيكم وانتي اترمسينها..
هند: لا ماعليك الحين بروح اشوفها واكلمها دام عموه هنيه عندهم..
احمد: اوكي سير لها ويوم اتخلصين خبريني.. انا المغرب بسير المعاريس ..
هند: اها اوكي خلاص عيل يالله بخليك الحين..
احمد: اوكي .. هنووووود تراني متكل على الله وعليج..
هند: اتطمن انته وان شاء الله تنحل الامور..
احمد:آآمين ربي يسمع منج..
هند: خلاص عيل انته سير العرس وكون متطمن ما بطلع من عندها الا وهيه موافقه.. عليك..
احمد: آآآآآآآآآآآآآآه آآآآآآآآمين يااااااااااااارب..
هند:هههههههه لهاي الدرجه احمد..؟؟
احمد: آآآآآآه واكثر عن ما تتصورين..
هند:ههههه خلاص عيل يالله هذيه طلعت شكلها اتدورني يالله بروح لها..
احمد: آآآآآآآآه ياهند ليش قلتي لي بتم احاتي الحين.
هند: خلاص يا احمد قلت لك اتطمن انته خلاص.. يالله باي الحين..
احمد: آآه بـــــــاي..
سارت هند عندها وشافت خوات وخوان شهد عند الدكتوره ..
هند: السلام عليكم..

..عجيد الريم..
20-04-2009, 06:39 PM
غزلان: وعليكم السلام هلا.. انتي هند صح؟
هند: اممم هيه وانتي الدكتوره غزلان؟؟
غزلان: امممم هيه ههههههه
هند:ههههههه اشحالج..
غزلان: بخير ربي يسلمج والحمد لله على السلامه..
هند: الله يسلمج.. ممكن اتأكلم معاج في موضوع خاص اشوي..
غزلان: اوكي تعالي مكتبي.. الا اذا تبين اتشوفين اخوج قبل..
هند: لا فارس شفته الصبح .. قبل ما يدخل للعمليات. وغلس عليه وراح.
غزلان: هههه خلاص عيل اتفضلي..
هند: اوكي .. السموحه..
غزلان: السموحه..
راحن مكتب غزلان وسكرن الباب......
الساعه الحين 7 المغرب واحمد لين الحين مايا .. اف..
حمدان: هااه حمد وينهم عيال عمك..؟؟
حمد: والله ياحمدان ما ادري احمد قالي بيكون اهنيه بعد الصلاه والباقين قالو بييون..علي ومطر وفارس بييون من بوظبي سيده البيت بيبدلون وبييون..
حمدان: وفهد؟ وين؟؟
حمد: لا فهد اهنيه سار اييب ماي بس..
حمدان: يا حيه والله حفزان ياريال جني انا المعرس مب محمد ورامس طالعهم عادي جنه مب عرسهم.. .
حمد:هههه ان شاء الله اتكون معرس ياريال وبعدين لا يغرك المنظر الا من برا تلقاهم عادي بس من داخل بيموتون اسأل مجرب
حمدان:هههههههه.. حليلهم ..
حمد: هااه الحين يو كلهم اتطمن عيال عمي وعمي يو رباعه حتى ابويه يا وياهم وسعوود بعد اتطمن..
حمدان: الحمد لله.. انسير انسلم عليهم..
عند الحرمات القاعه توها بدت تمتلي من الحرمات وعويش وديمه ومريم ومريم خت محمد ماسكات الاستقبال مع يدتهن عذيجه وامهن . عشبه وخالتهن مديه ام رامس. و...وخوات المعرس يقربن بالحرمات داخل القاعه.. خوات محمد من صوب.. وخوات رامس من صوب.. كل عايله اتقرب بناسها.. والبنات طالعات جنان كل وحده احلى عن الثانيه بس للي مسكته عويش.. كانت لابسه فتسان اصفر مع اسود طالع عليها روعه.. وديمه لابسه فستان فيروزي مع بني حلوووو وريماني لابسه فوشي .. ومريم لانه عرسها قريب فلبست فستان احمر هادي بس حلو .وطبعن كلهن متعدلات عند دولي يتهن من بوظبي والعرايس عدلتهن هيفا يتهن من دبي.. بدت القاعه تمتلي من الناس.. ماشغلو الاغناني بس خلو الرزيفه شغاله على الشاشه وطبعا الي سد اليواله احمد وحمد وحمدان وفارس وفهد وعلي ومطر وخليفه.. ماشاء الله عليهم كانو صف واحد يسرون ويردون والكمرا وراهم.. يت ديمه عند عويش..
ديمه: اييه شوفي الشاشه بسرعه.
طالعت عويش الشاشه اتبريدت كانت الكيمرا على حمد يوول ويا احمد ولد عمه وكان يضحك.. ماتت عليه
من يت الساعه 9 حطو العشى ووقفو اليواله وحطو في القاعه الحان كلاسيكيه للعشى. وبندو الشاشات لين ايين العرايس.. اتعشن الحرمات والساعه عشر شغلو الشاشات وبندو الليتات .. وعلى زفت محمد عبده لا تقولون انكم شفتو عروس..
طلعت اول شيء سلامه.. وكاااانت آيه من الجمال.. مشاء الله عليها.. من رقت الاستيج والحرمات يسمن عليها.. كانت فاجه شعرها .. وطالعه اميره حاطه تاج اصغير على راسها والطرحه يايه من تحت الشعر .. دخلها حمدان ومشاها اشوي.. ونزل عنها.. تمت تمشي روحها فوق وخواتها يمشن تحت ويرمسنها .. كملت نص ساعه ودخل عليها المعرس وابوها وخوانها... من شافها محمد ماااااات مارام يستحمل كانت قمر.. يا عندها وهيه وقفت وباسها على راسها. وقعد وياها واتصورو اشوي ومن طلعو خوانها وابوها .. وخذها من ايدها ومشاها على الاستيج ويوم رجعو على الكرسي .. قامن خواته واتصورن وياهم وشلو حرمتهم وراحو.. واشوي يابو فاطمه.. وعلى زفه راشد الماجد زفت بسم فاطمه .. دخلت فاطمه.. وكانت روعه بفستانها الذهبي المايل للفضي والابيض.. وحاطه تاج كبير على راسها بعكس سلامه.. وطرحتها نصها على راسها والنص الثاني ملفوفه على ايدها. كانت حلووووه دخلها خوها خليفه. ومشاها على الاستيج وطلع عنها تمت تمشي روحها وخواتها وخوات المعرس يمشن وياها تحت. ويعدلن فستانها من تحت لانه وايد طويل.. اشوي ودخلو رامس اللي تلقالها عند السلم ومسكها ورجع مشاها.. ويلسو واتصورو وياها ونشن بنات ورقصن اشوي.. دخل خليفه وحمدان وابوهم واتصورو وياها .. وما طلعوالريايل شل رامس حرمته وطلعو يكملون التصوير في الحجره اللي كانو فيها محمد وسلامه يتصوروون.. من خلصو التصوير كلهم شلو حريمهم وراحو بيوتهم.. بدت القاعه تفضى خلاص . مابقى فيها الااهل العرايس حمدان شل ديمه وعويش. وخليفه شل الريم ومريم وابوهم شل حرمته وامه. عذيجه وصلو البيت ولا حد رمس الثاني . كل واحد سار حجرته يبى ينام.. مرت الايام والعرايس خلاص سافرن .. ورجعن من السفر وسلامه رجعت سافرت مع محمد ايطاليا وما بترجع الا بعد 3 اشهور.. وفطيم بعد انتقلت عند رامس في بوظبي.. لانه حول شغله من العين لين بوظبي... اتطور الريال بعد ماعرست وشاف الحياه الزوجيه كيف..ومبارك لين اليوم مشكلته معلقه.. طبعا رمسه فارس وقاله يأجل الموضوع اشوي لانه الشيخ غانم يبى يرمسه.. وكل ما بغى يرمسه ينشغل في شيء ويتنكنسل الموعد.. الحين صار عمر الشيخه العنود سنه. وبدت تمشى ومخربه الاغراض كلهن..ما اتخلي شيء بحاله..
هند ردت قطر بعد ما رمست غزلان..
هند: اممم الصراحه ما اعرف من وين ابدا؟؟
غزلان: لا افا عليج.. من وين تبين..
هند: امم احمد كلمني وقالي انه خطبج مب مره الا مرتين وفي كل مره انته رفضتيه؟
غزلان حاسه قلبها بيطلع : امم عندي ضروفي اللي تمنعني اني اوافق.
هند: يعني افهم من كلامج انج ما اتحبينه. ها اللي يمنعج ؟؟
غزلان: لاااااااا انا احبه الا امووت فيه بس ما اقدر اظلمه وياي؟؟
هند: تظلمينه؟؟ يعني انتي اتعرفين حد غيره؟؟
غزلان: هااه؟؟
هند: هاا الي مانعنج؟؟
غزلان: لا طبعا؟؟

..عجيد الريم..
20-04-2009, 06:40 PM
هند تحاول تزتفزها علشان غزلان اتصارحها بكل شيء.. ما بغت اتقولها انه احمد خبرها بمرضها.
هند: عيل ليش رافضتنه اذا محد في بالج.. شوه السبب شوه اللي ناقص في احمد وعند غيره موجود؟؟
غزلان: انتي شوه اتقولين. اقولج محد في حياتي غير احمد؟
هند: عيل فهيني ليش رافضه احمد؟؟
غزلان: اسباب خاصه؟؟
هند: اها يعين في ريال في حياتج..
غزلان: انتي ليش ما تفهمين محد في حياااتي افهمي..
هند: ما اقدر انتي اتقولين محد في حياتج..؟؟ اممم انزين لحضه احمد شيء ناقصنه في نظرج؟؟
غزلان وهي معقده حياتها: لاااا احمد مب ناقصنه شيء.؟؟ بس
هند بصوت حنون: بس شووه ياغزلان.. انتي لو اتعرفين كيف احمد مييت ما ادري كيف بتحسين.. غزلان احمد منهار اتعرفين شوه يعني منهار.. من يوم ما صدتيه اول مره.. حس بعمره مكسور.. والمره الثانيه الثانيه اللي صدتيه فيها . امم كيف اوصف لج حالته . اترومين اتقولين انهار انهيار فضيع.. احمد اتغير مب احمد الي كنت اعرفه من زمان.. هذا اللي جدامي واحد ثاني .. صرت دايم اشوف في عيونه نظرت حزن نظره انسان متحطم من الصميم. غزلان دخيييييلج لا تذبحين اخويه اترجاج.. مستعده اسوي اللي تبينه بس لا تذبحينه دخيلج.. احمد يحبج حب مستحيل اتلاقين انسان يحبج قده..
غزلان وفي عيونها دمووع: وانا احبه اناااااا امووت فيه.. بس صدقيني ما اقدر.. ما اقــــــــدر..
هند: انزين ليييش ما تقدرين .. شنو المانع؟؟
غزلان: ...اااااءءءه ه انا ماا اييب عيال؟؟
هند: اه.. كيف عرفتي ها الشيئ..سوري على السؤال؟؟
غزلان: لا عادي.. اممم انا صار لي حادث من سنتين والصدمه يت في راسي. وخصوصا في منطقه.الغده النخاميه وهاي الغده هي اللي تتحكم بعمليه الانجاب في المرأه.. كيف تبيني اعذبه واظلمه . باجر بيشوف اخوانه بعيالهم وهو ماعنده عيال حرام يعيش هاي العيشه..
هند: ويمكن ايونه عيال من حرمه ثانيه ويطلعون شر.. غزلان.. مرات العيال يكونون نقمه .. مب شرط يكونون نعمه..ويمكن بعد يطلعون مب اصحاء.. ويمكن تطلع اللي بياخذها بعد عاقر.. شوه تبينه بعد يعرس مره ثانيه. غزلان صدقيني احمد ما يهمه اذا يبتي عيال ولا لاااااا اخويه واعرفه زين.. المهم عنده انتي وبس..
غزلان:فتره وبس .. خلاف بيمل بيقول يبى عيال وانا ها الشيء ما بقدر احقق له.. ومستحيل اعيش وياه اذا فكر انه ياخذ وحده ثانيه وانا في ذمته بمووت..
هند ابتسمت: اها لهاي الدرجه اتحبينه..
غزلان: آآآآآه ياهند ليتج اتعرفين اشكثر انا احبه واحب التراب الي يمشي عليه..
هند: يااااا ويل حالي عليك ياخويه.. اثرك مبهدل بالبنت وانا ما ادري..
غزلان: هههه شفتي عاد.. اممم علشان جيه ما بقدر ارتبط فيه.. صدقيني هند احمد هو حلم حياتي.. وان ماكانت من نصيبه ما بكون من نصيب حد غيره. احمد هوه نور حياتي كلها..
هند: وبترحمين عمرج ..
غزلان وفعت عيونها لهند :هييه شو فايده حياتي واحمد مش فيها..
هند: شوه بتسوين اذا عرس ؟؟
غزلان حست ببيده في جسمها: آآه ما اعتقد اني بتم لحضه وحده عايشه اهنيه..
هند: شوه قصدج..
غزلان: ماشيء..
هند: بتين تنهين حياتج.. ينيتي انتي..
غزلان: هند فهميني
هند: شوه تبيني افهم.. غزلان تبين تنهين حياتج. تعتقدين ها الشيء برضي احمد ولا بيرضي اهلج.. وشوه يعني الحين نا تبين عيال.. سمعي ياما ناس اصحاء مافيهم شيء ما يابو عيال. وعايشين احلى عيشه.. بعدين بسألج سؤال . انتي متأكده انج مابتيبين عيال..
غزلان: هييه ..
هند: كيف ؟؟ انتي فاحصه شيء؟
غزلان: لا مب فاحصه ولا شيء بس انا دكتوره هند وما يحتاي افحص؟؟
هند:" اها يعني الواحد لو صار دكتور خلاص غدا عالم الغيب.. غزلان الكلام اللي اتقولين مب منطقي؟؟
غزلان: لا مب سالفه علم الغيب.. محد يعلم الغيب غير رب العباد... بس في اشياء من اتشوفينها اتعرفين اللي فيها..مايحتاي فحصوصات وصور.. يعني فرضا طفل شفتي ويهه احمر ما يتعرفين اذا فيه حمى ولا لاااا؟؟
هند: مب شرط يمكن ويه احمر من الشمس. لازم اييه واصكه ولا اقيس الحراره علشان اتأكد شفتي لازم في فحص قبل ما تعطين النتيجه.. غزلان شوه رايج تفحصين علشان تتأكدين يمكن يطلع كلامج فيه شك ولا يطلع من هاي السالفه أي اساس من الصحه..
غزلان: انتي شوه اتقولين انا شفت نتيجه الحادث وشفت الاصابه وين.. ليش احرق قلبي مره ثانيه.
هند: غزلان دخيلج علشان خاطر احمد..
غزلان: هند فهميني حرام حسي فيه تتحرين هين عليه اتقبل ها الواقع.. صدقيني صعب..
هند: انزين يمكن في خطأ انتي ما تدرين..
غزلان: لا مافي مجال للخطأ انا شفت التقرير ..
هند: انتي تعرفين انه وايد اتصير اخطاء طبيه..
غزلان: وانا مش من ضمن ها الاخطاء.
هند: خلينا نتاكد دخيلج..
غزلان: هند حبيبي مافي مجال.. لا اتخليني اعيش الحلم بجذبه انه ممكن يصير في خطأ ليس كل ما يتمناه المرء يتدركه..
مريفه: بس انتي لازم تقطعين الشك باليقين يا بنتي..
هند: عمووه .. من متى انتي اهنيه؟؟
غزلان: هااه..

..عجيد الريم..
20-04-2009, 06:41 PM
مريفه: السموحه منكن بس انا اتأجرأت واتنصت عليكم بالخطأ وسمعت كل الرمسه.. غزلان يابنتي انا ام واعرف كيف انتي اتحسين .. وخاطرج اييج ولد ولا بنت.. سمعي انا يوم خذت ابوهم .. كملت سنه لين حملت.. ويوم حملت كان فيه خطوره عليه وعلى الجنين.. وطبعا لاني كنت ابا يكون عندي ياهل اتمسكت به ولا خبرت غيث عنه.. ويوم يا احمد الدنيا نسيت كل الآلام الي كنت اعانيها فتره الحمل.. اتخيلي قالو لي انه في خطوره على حياتي وانا في اشهر الثالث.. وانه لازم ينزل البيبي بسرعه.. وانا اتمسكت فيه ولا خليتهم يسوون أي شيء.. وبعد سنه رجعت حملت بس ياني نزيف ويوم ودوني المستشفى قالو لي اني لازم اسوي جراحه واشيل المبايض لانه في احتمال كبير يصير الورم الموجود من حميد لخبيث وفعلا شليتهن.. وهذوه انا جدامج عندي احمد يسوى عيوني كلهن.. يا بنتي الواحد ما ييأس من رحمه ربه .. يمكن ربج كاتب لج حياه انتي ما تتصورينها كيف هيه.. صبري يا بنتي.. وسوي مثل ماقالت لج هند اقطعي الشك باليقين واذا على العيال انا متنازله عنهم يكفي اني اشوف ولديه مرتاح في حياته..غزلان محد يعرف اشكثر احمد عانا في حياته قدي وقد اخته هند.. يابنتي احمد يته فتره بغى ينهي حياته. ماقدر يستحمل المشاكل اللي كانت تيه كل يوم ومن كل يانب. يابنتي احمد الحين حس انه الحياه حلوه الا من بعد ماشافج.. انا امه واحس به.. تدرين البارحه كنت وياه برا عند الرسبشن وكنتي انتي خاطفه.. والله انه حسيت به انه روحه طلعت وردت ولا قدر انه يشيل عينه عنج.. حسيت به بعيد عني معنه قريب عندي.. غزلان انتي خذتي روحه وعقله.. رحميه يابنتي دخيلج.. انا امه واترجااج مهما كانت نتيجه التحاليل انا موافقه عليهن.. بس اشوف ولديه مرتاح ومتهني في حياته..
هند: غزلان دخيلج..
غزلان وهيه اتصيح: ما اعرف والله خايف.. خايفه اني ما ارضيكم..
مريفه: لا يابنتي انا متأكده انج بترضين الكل مش بس احمد.. شوه قلتي يابنتي..موافقه على احمد ولا لاااا..خلونا نفرح بكم انتي لاحمد وفارس للعنود اختج..
هند: فارس بياخذ ختها.. ياااااااي ولا عندي خبر.. حتى..
غزلان: هييه قالت لي انه خطبها.. ووافقت..
مريفه: وابوه بعد موافق.. يالله خلونا نفرح بج وبهم.. هااه شوه قلتي.نتوكل على الله.
غزلان مستحيه: اللي اتشوفونه..
هند: ياااااااااااااي وافقت .. مبروووووووووووك يا عمووه.. ياااي
مريفه: الله يبارك لج.(( جان تدمع عينها))
غزلان من شافتها راحت ولوت عليها وتمت اتصيح..
مريفه: لا يابنتي انا ما اصيح على حظكم انا فرحانه لكم.وربي يرزقكم من خيره. حتى لو ما يبتو عيال.. يكفي انكم بتكونون مرتاحين وفرحانين مع بعض..
غزلان: ربي يرزقني اني اكون على قد المسؤليه وارضيكم عموه..
مريفه: افا عليج يابنتي.. ومن اليوم ورايح اسم عموه ما ابا اسمعه منج مثل ما يزفرين ريلج المستقبلي انتي تزقريني..
غزلان استحت..
هند: عموه طالعي كيف احمر ويها..
مريفه: ههه وانتي بعد هند ما اسمع عموه.. انتو عيالي تفهون.
هند: ان شاء الله عموه.. اووه امايه..
مريفه: هههههههه فديتكم ياربي.. يالله خلينا انبشر احمد بالبشاره..
هند:هههه لا امايه خليه اشوي يتحرقص. عيل دووم يقولي انه يبا يكنسل ويزتيه.. خليه الحين تلقينه ساير العرس.. عندهم عرس في العين .. بيسير ويا حمد واخواني العرس. ولو اتصلت ما بيسمع التلفون من الحشره . خليه اشوي روحه بيتصل.. دخليلج امايه لا اتخبرينه..
مريفه: لا ما بقوله تراه ما رمس الا عندج..
هند" ههه فديت اللي يغاروون.. امايه تراني على قولتج بنتج.. واحمد الصراحه مابغى يحطج انتي وغزلان غي ها الموقف.. الصراحه كان يباني اخليها اتوافق.. ومن توافق خلاف بيقولج روحه..لانه يعرف انج ما بتهمين الا بسعادته..
مريفه: سمعي انتي غزلان..
غزلان: هه انا آسفه والله..
مريفه: لا يابنتي لا تتأسفين تراه ها الشيء االي صار صار بأمر ربج مب بأمرج ولا شيء..هذا مكتوب.. ومقدر..
هند: هيه والله..
غزلان: اها.. خلاص عيل انا عندي شغل سمحولي..
مريفه: خلاص عيل يابنتي. واحنا ان شاء الله خلال ها الفتره بنكون عندكم..
غزلان: ن شاء الله عموه..
مريفه: هاا شوه قلنا..
غزلان:ههه خلاص يا امايه ولا تزعلين..
مريفه: فديتج ياربي.. خلاص يابنتي مرخوصه..الرب حافظنج..
اشوي ويسمعون الحشره برااا واترابعن كلهن برا .. ويشوفون البنات يصيحن ومزنه خت مريفه اتصيح وعبيد من صوب وسعيد عاض على شفايفه.. وهبه ربيعت شهد اتصيح.. عرفو انه شهد خلاص ماتت.. ربي يرحمها ماكملت شبابها .. ضيعته بيديها.. حسبي الله ونعم الوكيل..
مريفه شلت اختها وهند وياها من بعد ما خلصو الاجراءات.. وباجر الصبح بيكون الدفن علشان الكل يحضر.. حطوها في الثلاجه الحين والكل رجع البيت. تمت ام احمد عندهم لين فليل. والساعه 11 احمد اتصل بهند.. ولقاها مهمومه اتحرا انه غزلان ما رافقت..
بس يوم قالت له انه شهد ماتت سكر عنها بسرعه.. من بعد ما قالها انه باجر الصبح بيكون في بوظبي.. اتصل امره بأمه وعزاها. وطلب من امه تعطيه خاله وعزاه وقعد يرمسه حول الساعه يهديه..سكر عنه واتصل بحمد وقاله واتصل بكل خوانه وخبرهم وكلهم بيغبشون الفير بوظبي علشان الدفن ...والعزا.. مرت الايام ولا انياب طاري مبارك ولا غزلان والعنود.. كملو الحين حول الثلاث اسابيع.

شوه بيصير بعدين برايكم... خلونا نتابع الياي..

بنوووووتـﮧ
20-04-2009, 09:03 PM
"

رحمة الله عليها " شهد "


والله وجان استانس ع الموافقه صج طيحت قلبي غزلان بعد الموافقه انشق الحلج خخخخخخخخخخ


وان شاء الله خير لـ غزلان واحمدد و مبارك ومريم وفارس والعنود ..



وابطال قصتنا حمد وعوووش



يعطيج العافيه ونتريا البقيه


"

lady oscar
20-04-2009, 09:23 PM
يعطيج العافيـه خيتوووووو

واخير غزلان وافقت .................

lady oscar
20-04-2009, 10:02 PM
حبوبـه نزلـي البارت 19 لاني وحدي بالبيت وملانه ..

السولعيه الحلوه
20-04-2009, 10:15 PM
حرام عليج ليش وقفتي في نقطه حاسمه...

الله يرحم شهد ويغفر لها....

ومبروك لي احمد مواقفه غزلان والله يتتم على خير...

مبارك ومريم ليش كل هذا التاخير يلا خلينا نفرح فيهم عشان نفرح بحمد وعويس...

حمدان ومنيره شو اخرتها معاهم متى بيخطبها ....

نترياج في بارت يديد على نااااااااااااااااااااااااااااااااااااااااااااااااا اااااااااااااااار......

..عجيد الريم..
20-04-2009, 10:21 PM
ههههههههههههههه خذتي عوق حمد.. بعويس..

خخخخخخ اتصدقين اني مرات اغلط وازقر حد عويس..هههههههههههههه



ان شاء الله الليله بنزل البارت..

قلب نازف
20-04-2009, 10:32 PM
عجيد لريام

.
.
..

يعطيج العافيه ختيه وبانتظار البارت اللي بعده

.
.
..

دمتي بود

..عجيد الريم..
20-04-2009, 10:50 PM
السموحه بس اعتقد انه البارت اشوي قصير..

بدايه البارت التاسع عشر..

أنا اعشقك واحترق لك شـوق واعانـي
واقول وانا احبك .. بس هه يعنـي ...!!
وأضمه وانثــر اجمـل طيـف باحضانـي
وليا انتثر قال تكفـى جمعنـي
رحت اجمعه واطلـب الرحمـن ياقانـي
نـــــــار المفـارق ولا انـه فيـه يفجعنـي
اللي كـــما الـدم يجـرى وسـط شريانـي
اخـر بشــــــــــــر آتمنـى انــه يودعـنـي
اشهـــــــدك يـارب لــو راح وتنسـانـي
انـه معـي ليــــــــن ذكـرانـا تشيعـنـي،،ــ،،


فارس: غانم شو بالموضوع الماضي.؟؟
غانم: أي موضوع؟؟
فارس: موضوع مريم ومبارك..؟؟
غانم:مب وقته الحين.
فارس: شوه مب وقته انته اتعرف الحين متى كانت آخر مره مرمسين الريال فيها. الحين كملنا فوق الشهر ونص.. وحليله كل ما يرمسني ولا يشوفني ما اييب لي طاري معني اشوف في عيونه أسأله وايد. ويوم رمسته قالي انه مب مهم بيترايانا لين انرد عليه. وانا خبرته عنك وقالي خلاص مب مشكله..
غانم: كيف يعني مب مشكله خلاص مايباها مريم شوه؟؟
فارس: لا مب جيه بس قال خلاص بيصبر لين حضرتك اترمسه.
غانم: ايوا.. ماعليه بشوفه ان شاء الله قريب..
طبعا هاي خطه من غانم يخلي الريال يتريا كل ها المده علشان يشوف شوه بيسوي بيغير رايه في الاخير ولا لاااااااا.. شكله بدا يتزعزع.. ماعليه بنصبر بنشوف شوه بيستوي..
اشوي واييه اتصال من رقم غريب مايعرفه.. نش عن فارس وسار حجرته ورد على الاتصال طبعا فاطمه في بيت اهلها محد اهينه..من قال الووو الا يسمع حرمه اتصييح
غانم: لا حول لله شوه صاير..
حسنه : السلام عليك يابويه. الشيمه يا ولديه اتوافق على ولديه اشيمه لا اتردونه.. هيء هيء.. ((الحرمه اتصييح من الخاطر))
غانم منصدم شوه السالفه: لحضه خالتيه ممكن تهدين اشوي عني افداج تراني والله مش فاهم شيء..
حسنه: مبارك ياولديه.. مبارك ولديه انا . سمعته يرمس اخووك وقاله انه موضوعه بيتأجل الشيمه ياولديه وافق عليه. رحموووه دخيلكم مبارك من رمستوه عنها تراه مب في حاله.. ابويه امبارك يحب اختك ومخبرني عنها من ايام الثانويه انه يبى يخطب بنتكم.. ونا قلت له انته اتخرج وهات الشهاده واشتغل ونا بخطبها لك.. ومن صار الحادث انجلب فوق حدر خلاص عاف الدنيا.. بس فجأه مره وحده نش وعزم انه يتعالج ويتحمل العمليات علشانها.. والله ياوليدي اني مرات اسمعه وهو راقد ولا يوم يحس بالويع يقول انه بيصح علشان مريم.. دخليلك يا وليديه لا تحرمه السعاده الي حس انها قريبه منه.. دخيل والديك.. تراه ما يعرف اني رمستك.. ولايدري اني ادري بالموضوع..
غانم: عيل كيف دريتي . انتي..
حسنه: انا من سمعته يرمس اخوك دريت اول مره.. وخلاف اتخبرت وياني الخبر.. ابويه انته عندك عيال واتعرف كيف شعور الوالدين يوم يشوفون ضناهم متلعوز في حياته.. بو شوق مبارك من قاله اخوك انك تأجل الموضووع لا قام يرقد مثل الناس ولا ياكل مثلهم.. لو اتشوفه بتخاف منه.. غدالك يلد على عظم طلبتك لا اتردني يا بو شوق. انك اتوافق عليهم..
غانم: خلاص ياخالتيه اللي تامرين عليه.. افا عليج..
حسنه: ربي يسعدك ويهينك في حياتك.. ويرزقك بالولد الصالح.. مشكور يابويه.
غانم:ههه ربي يسلمج العفو خالتيه. خلاص عيل انا بشوف الوالد وبرد عليكم خبر متى تونا شوه قلتي..
حسنه: اللي اتشوفه يابويه..
غانم: خلاص عيل.. ولا اتحاتين بس هاه ما اوصيج على مريم..
حسنه: واااااايه عنا ماخلا ان شاء الله بنحطها في عيونا.. دامها بتسعد مبارك..امره مريم مثل بنت من بناتي..
غانم: تسليمن ياخالتيه خلاص عيل ..يالله سمحيلي..
حسنه: ربي يسمح ذنوبك.. فمان الله. بس لو ما تطري هاي السالفه جدام حد..
غانم: افا عليج السالفه امبينا ..
حسنه: ربي ييسر امرك.. يالله ولديه فمان الله.. ربي يطمن قلبك مثل ماطمنت قلبي..
غانم: هه آمين يارب.. ..
سكر عنها وتم يفكر بكلامها.. شكله وايد تعذب بسبت مريم.. كله هذا الحب لج يامريم.. خخخ طلع قيس زمانه والله..
انا ليش انكد عليهم خلاص برايهم اذا ها الشيء بيرحيهم
وبيسعدهم.. خلاص انا اليوم برمس ابويه فيها خلاص.. صدقت يا فارس من حقهم يعيشون بسعاده.. آآآآآآآآه انا شوه كنت افكر .. شوه قلت لهم وشوه قلت لحمد ولد عمي.. انه ما يعرف الحب.. آآآه ياحمد ياريتك اتسامحني على كل اللي قلته لك..دخل اتسبح ويوم طلع اتصل بفارس وخبره وانه وافق على امبارك وبيخبر ابويه انه ياينهم ريال بيخطب مريم..فارس في البدايه تنح.. وخلاف مشا وياه واتفقو انهم يقولون لابوهم انهم لاقوه في مكه ومناك اتداخلو وياه والريال حب يناسبهم وبس . طالع غانم من قسمه ولقى ابوه قاعد في الصاله يطالع اخبار ام الخراريف الجزيره.. ومن خلصت الاخبار .. بدا عاد يرمسه.
غانم: ابويه ابغيك في موضوع؟؟
غيث: آمر يابو شوق آمر شوه عندك؟؟
غانم: امم ريال ياي يخطب عندكم؟
غيث: يخطب؟؟ يخطب من؟؟

..عجيد الريم..
20-04-2009, 10:51 PM
غانم: مريم؟؟
غيث: كيــــــف بس مريم خالصه.. لولد عمها؟؟
غانم: هيه بس تراهم هب مناسبين لبعض حرام بعد نحرمهم ؟؟
غيث: مب مناسبين لبعض؟؟ اسمع الا رمسه يديده منك غانم. اشياك ؟؟
غانم: ماياني شيء ابويه.. بس انته تعرف انه مريم اكبر من حمد بثلاث اسنين؟؟
غيث: وخير ياطير.. شوه يعني مافيها شيء دام الريال قادر ومقتدر والحرمه بعد..
غانم: ادري ابويه.. بس حمد مابغاها. مريم بحسبه خت من خواته..
غيث: اشوووه هاي الرمسه بعد؟
غانم: ابويه مريم عاشت في بيت عمي ويا حمد فوق 3 اسنين.. حتى انها كانت اتدرسه وتعاونه يوم عليه واجبات الحين يصير ريلها.. ما بتقدر تستحمل..وبعدين الريال اللي ياي ونعم الساع فيه وفي هله؟؟
غيث: وانته اشدارك به من صوبك شوه.؟
غانم: لا والله بس اتلاقينا وياه في مكه واتطاجو وياه فارس وحمد واحمد وكلهم يمدحون فيه.. ويوم عاد ردينا وكملنا شهر وشوي وهم الا وياه عاد رمس وقال انه يبا يناسبنا.. ابويه الريال ونعم من شغل ومن اهل ومن سمعه.. كل اللي يعرفونه يقولون عنه انه ريال ونعم..
غيث: ولد عمك شوه رايه.؟؟
غانم: حمد من اول ما رسمتو وقلتو له انه بيأخذ مريم قال انه ما بياخذها حتى انه صارت له مشاكل مع بوه وامه..
غيث: لا حول ؟؟
غانم: ابويه انته اكيد اتعرف ابو الريال؟؟
غيث: منوه ابوه؟؟
غانم اتردد اشوي يخاف انه ابوه يتذكر انه مبارك ربيع خالد الله يستر..
غانم: امم ابوه المر بن .. ؟؟
غيث: المر.. هييه ونعم ونعم الصراحه ونعم بهم..بس اشله مريم من بد بناتي كلهن..
غانم: ابويه الريال مب صغير تقريبا من سناي.. ومنوه بتيوزه منور بعدها توها بتدخل 18 ولا سلامه وسلمى هذيلا بعدهن يهال. بعدين يوم قالو له انه الكل عندنا صغار الا الارمله وعندها بنت توها مكمله السنه. قال خلاص اتوكلو على الله.. واذا قربتو بي ورخصتوها البنيه بيربيها جنها بنته..
غيث: وهله موافقين انه ياخذ وحده ارمله وعندها بنت؟؟
غانم: قال اهليه ماعندهم مانع اذا رمسهم في الموضوع بس يهمهم انه يعرس واييب عيال. وقال بالعكس فرصه انه يكونون عندهم بنيه صغيره جذيه بيرتاحون اشوي ومن تكبر البنت بييبون لها اخت ولا اخو.. ها ابويه شوه قلت..
غيث: ما ادري والله خلني ارمس عمك وخوانك في الموضوع.. الا العرب متى بييون؟؟
غانم: قالو متى ما تبونا ني ترانا عندكم..
غيث: خلاص ماعليه بشاور عمك وبنرد عليهم الليله ان شاء الله..
غانم: على خير بويه.
غيث: خلاص برايك الحين بسير العزبه اشوي..
غانم: خلاص وانا بعد بسير اييب فاطمه من بيت عمي.. ورانا سريه بوظبي..
غيث: بالسلامه يا ولديه.. وهلله هالله بالدرب..
غانم: ان شاء الله بويه..
اتوايه ويا ابوه وسار عنه وركب سيارته وسار صوب بيت عمه.. بس قبل ما يوصل اتصل بحمد
حمد من شاف رقم غانم نش برا مافيه يتهاد وياه جدام اهله.. وخصوصا السي ان ان قاعده اهنيه..
حمد: السلام عليكم..
غانم: وعليــــــكم السلام هلا والله بولد العم وخال بناتي.. اشحالك..
حمد يطالع التلفون ويشوف انه اللي يرمسه غانم.. عقد حياته وحاس ببوزه..
حمد: بخير وربي يسلمك علومك..
غانم: علوم الخير.. وين انته..
حمد: ليش تبا تتضارب.
غانم: افا والله ما سويتها ونا صغير بسويها ونا عود وبعيالي.. عيب ياحمد..
حمد حزت في خاطره هاي الكلمه .. لانه خالد كان دووم يقوله اياها يوم يغلط ولاشيء بيعاتبه بهاي الكلمه..حس بدموع في عيونه..
غانم حس انه حمد سكت فجأه وعرف انه اتذكر خالد
غانم: امم حمد انا الصراحه متلوم منك..ما ادري شوه اللي خلاني اقول هاي الرمسه.. السموحه منك بو شهاب..وعليك حلفه انك معزووم على حسابي في باسكن روبنز شوه تبى بعد.
حمد:هههه باسكن عاد.. حرام عليك..تبالي المرض شوه..
غانم: منوه بيمرض. ابويه انته لوز مافيك فهمني كيف بتمرض.. لا اتطمن ما بيك شيء امك قاريه عليك..
حمد: تتطنزعلى امي بعد هيين ان ماخبرتها عليك.. اماااااااااايه.
غانم: هااه هااه عين خير ياريال خلاص سحبتها الرمسه خلاص. وين تبى بعزمك بس يالله عاد ارضى .. وهيه اباك بعد في موضوع خاص بيني وبينك..
حمد: موضوع شوه؟؟
غانم: اووه انته وين الحين..؟؟
حمد: في البيت..
غانم: انزين تعال عند البوابه ما اروم ادخل وايشوفني البنات وبيلصقن وما بنفتك .. تعال برا انا الحين عند البوابه..
حمد: هيييييييييييييييييييييي حرام عليك تباني امشيء لين اهناك وفي ها الشمس .. بذوب قبل ما اوصلك..
غانم: بتذووب ثلج ثرك. شوه..
حمد:كككك لا متجمد..كككك

..عجيد الريم..
20-04-2009, 10:52 PM
غانم: شوه فرقت يعني..
حمد: لا تفرق ثلج حروفها 3 ومتجمد حروفها 5 .. بعد افسر زياده
غانم: لااااا دخيلك عزنا ما خلصنا اليوم. تعال بسرعه ما ارووم ادخل تعال يالله..
حمد: لا حول يا المغثه يوم تي الواحد.. انزين انزين.. ييت.. بل.
غانم:لا والله الحين انا الغثيث..
حمد: هييه تر ابوك اسمه غييث.. من الغثيث
غانم: لا والله.. يعني الحين انته اتسب بويه. الي هوه عمك.. هيين ان ماخبرته عنك..
حمد: حووه عيوز خيبر انا ماسبيت عمي.. غثيث يعني المطر بمصطلحاتي الخاصه.. الغثيييييييثث اللي هوه انته يعني الي يغث الناس المرتاحه..
غانم:هههه والله حاله.. يالله سكر دامك الا جدامي .. والله حاله..
ركب حمد عنده من بعد ما اتوايهو.. وهم سايرين شارع خليفه قعد غانم يخبره بالكلام الي صار امبينه وامبين ابوه..
حمد: بس اللي ابا افهمه شوه اللي غير رايك.. فجأه والريال انته ما شفته بعدك..
غانم: امممم مب مهم يكفي شهادتكم عليه.. وبعدين بيكون موجود ووقت ما اباه بلقاه عادي.. الموضوع طوييل ما بيخلص في ليله والثانيه..
حمد: اها؟؟ خلاص عيل انا بخير ابويه لا متى بييه عمي..؟؟
غانم: ما ادري بس قالي انه الحين بسير العزبه وبيرد على الجماعه الليله بعد ما يشاور عمي وخواني في الموضوع..
حمد: اها؟؟خلاص عيل مافينا انضيع وقت خلنا انرد البيت وارمس ابويه وتنتهي السالفه على خير..وارتاح..
غانم: لهاي الدرجه حمد كنت مهموم..
حمد: غانم تبى الصراحه احس يبل حفيت كله فوق ظهريه..
غانم: حفيت بكبره.. كيف رمت تستحمل وهوه فوق ظهرك..
حمدك شوفو العبط عاد.. اقول ودني بيت اهليه ولا تراني ازعءء
غانم: هههههههه شوه بتسوي..هههههههه
حمد:ههه اولول.. شرات المصريات واقولهم انك خطفتني بالاكراه.. وهددتني بشرفي..
غانم:هههههههههههههه بالاكراه بعد..
حمد:هييه عيل راكب وياك عادي.
غانم:ههه لو حرمه من قول بس ريال ما تركب..
حمد: ياخي عادي الدنيا اتطورت.. كل شيء جايز..
غانم: وااااااع لا ان شاء الله خلاص لا اتولول والحين بوصلك بيت اهلك كله ولا الشرف..ههههههههههه
حمد: هييه عيل تبى اهليه يذبحوني..خخخ
غانم: لا افااا عيب وبتنحط في الجرايد انك طلعت ويايه.. لااااااااا مستحيل انا بعد بنفظح..
حمد: احس محد قالك تختطفني من بيتنا..شوه تتحسب محد وريايه شووه..
غانم التف لورا..: لا والله محد وراج الشيخه..
حمد:لا ورايه اهل وعيال عم.. حتى انه اكبر واحد من عيال عمي .. همجي.. بكف واحد بيطيرك ورا الشمس..
غانم: همجي في عينك؟؟
حمد:هههه ياخي النص جيه شوه اسوي كله من الكاتب خلاص الحين بنطرده ولا يصير خاطرك الا طيب. بس لو سمحت عطني اتعابي
غانم: نعم نعم أي اتعاب بعد؟؟
حمد: طلعتني من بيتنا وحرمتني من البشاميل الحاره. وواعدني تعزمني بحسابك وفي الاخير طلعتني بلوووشيء.. لا حبيبي ما يصير.. عطني حسابي لارفع عليك في امريكا قضيه..
غانم:هه امريكا مره وحده..
حمد: خخ ترا عندهم جمعيه حقوق الحيوان.. اووه الانسان..
غانم:هههههههههههه الحيوان.ههههههههههههههههه خخخخخخخخخخ خلاص عرفت نوعك خخخخخخخخخخخ
حمد: عنه الله تك ياخي غلطه مطبعيه .. لاحول كيف يدوررون علينا بالزله.. اعوذ بالله من الخبث والخبائث..

..عجيد الريم..
20-04-2009, 10:52 PM
غانم: ههه داخل حمام شوه..
حمد: خخ لا طالع منه . ككككك
غانم: اقول بس عاد يالله انزل خلاص استغنينا عن خدماتك لو سمحت راونا عرض اكتافك..
حمد: صبر خلني ابطل الحزام واراويك عرض اكتافي..
غانم:هههههههههههههه والله حاله..
توهم وصلو البيت ونزلو الا ين السكن.
حمد: هااه ما عرف منوه اللي ياي .. حمد بن عبدالله .. الا ياي غانم بن غييث .. الغثييييييييثث.. ها كل الاستقبال له..
غانم: يااااا الحسد يااااانااااااس.. هلا والله وبعيوني وقلبي كله..وملائكتيه..
حمد: ويييييييييه ويييييييييه ملائكه قال.. قول الا ابليس وحرمته لالاه.. ملائكه.. بسم الله على الملائكه عن بناتك السكن
غانم: حدودك عاد كله ولا بناتي.. ما اسمح لك..
حمد:وييييييه ما ادري منوه بناتك.. بنات حياه زايد.. الا بنات ام دويس فطيم.. والسكني بو درياه غانم..والله حاله.. ياخي خلوني اعرس وبعدل نسلكم صح..
غانم:ههههههه عند ربي خير.. يوم بتعرس..
حمد: ماعليك انته .. انته بس تطمش؟؟
غانم: شوه عليه ماشيء ورانا بنشوف..
سار حمد عند ابوه بعد ما روحو فريج غانم بوظبي.. واتفق وياه انه يساير عمه لين الاخر وفي الاخير يوافق على الموضوع بعد ما يشوفون الريال بس بشرط انه ابوه ما اييب طاري لعمه موضوع انه مبارك ربيع المرحوم..
ومن طلع حمد عن ابوه الا وتلاقى ويا عمه عند الباب..
حمد: اوووه اووه اشوف البيت منور ثره عمي غيث بكبره اهنيه.. اشوف اليوم غير..
غيث: ههه يا مكرك ياربي..
حمد: افا ياعمي ليش عااااااد حرااااام انا شوه سويت ياااااربي ليش جيه نصيبي في الدنيا.
غيث استغرب منه: ليش شوه يااااك..
حمد: دووم اظن بي ظن السووء ولا انا فديتني طيب لكوني مواطن صالح..
غيث: امين مواطن صالح وانته الا البارحه مطلع جوازك وولا بعد انا اللي مطلعنه لك.
حمد: عاد عمي بتذلنا عليه. المهم بو طير عندي وخلاص خخخخ اقول لا اتصدق عاد..
غيث: عنه الله تك من ولد.
حمد: عمي انا كم مره علمتك انا مب ولد .. انااااريااااااااااال..تبى اثبت لك اني ريال..
غيث: بتثبت لي انك ريال يوم بتعرس انته واحمد وفارس وفهد وعلي ومطر. هذيج الساعه بتكونون رياييل والنعم.
حمد: خخخ عمي فهد لو الود وده اليوم يعرس قبل باجر. ونحن ان شاء الله .. خير..
غيث: ان شاء الله.. فكني منك الحين وين ابوك.
حمد: هييه بعد ما شبع سوالف قالي فكني والله حاله مشكله انك عمي ولا بيكون شيء ثاني صاير..
غيث: يا الهرم على شوه ناوي..
حمد: اووه لو انته مش عمي وابويه مب ابويه.. جان يوزتكم امويز الحنايه وصلووح العيوز. اللي تبيع خلاجين..
غيث: مسود الويه.. .
عبد الله : مرحبا غيث شوه اتسوي عند الباب..
غيث: ولدك.
حمد: هااها انا قلت له يابويه يقرب بس ماطاع ابويه تراه عمي ناوي يعرس على حريمه ولا يبى بعد اييوزك امويز الحنايه... لااا هوه بياخذ امويز وانته بتاخذ صالحه الي اتبيع خلاجين. شفت عاد حد يبدل الدرر اللي عنده بها السكن.. فديت امايه لا اتهش ولا اتنش.. وعموه مريفه الدانه .. ولا عموه لطيفه. حليلهن والله.. خلاص عيل.. ابويه لا تسمع انا تراني حذرتك.. ولا تراني بخبر عيايزكم انكم تبون اتعرسون كيفكم..
غيث: اقووول بتنجلع ولا اتصرف تصرف ثاني وياك؟؟
حمد: شفت ابويه يسبني جدامك... لااا انا اليوم بسير صوب بنت ارويه وبشتكي لها حالي..امااااااااااايه تعالي سمعي حماج شوه يقوووووولي.. ماعليه..
عبدالله: الله يكملك بعقلك يا حمد؟؟
غيث: تلومني عيل على المخبل اللي عندي.. انته الا واحد وجيه غادي .. ويين انا عيل 8 ومب قادر عليهم.

..عجيد الريم..
20-04-2009, 10:53 PM
عبدالله وفي صوته رنه حزن: الله يخليلك اياهم ياخويه.. هذيلا مهما كانو عيالنا ولا زم نتحمل اللي يسوونه..انا عندي حمد ريال بس صدقني ياخويه في عيني جنه عندي 100 ولد مب ريال واحد بس..
غيث حس بالي قاله: الله يخليه لك ويخلي سعيد وخواته لك ذخر وسند يارب.. واسمحلي ياخويه..
عبدالله : لا افا عليك يا بو غانم انته ماقلت شيء غلط.. اقرب تعال داخل..
غيث: يالله .. بغيتك في موضوع خاص اشوي. وبغيت رايك فيه..
عبدالله: اقرب ونا حاضر ياخويه..
دخلو الميلس واتقهويو وحمد يطالع عليهم من دريشه البيت يبى يعرف شوه بيتفقون .. ان شاء الله اتيسر الامور خلاص عاد ابا عويس.. خلاص ما اقدر استحمل اكثر من جيه..
يته دانوه كانت تبى اتسير اتشوف التلفيزيون وشافت حمد واقف عند الديشه ويطالع براااا.. خخ شكله سرحان..هين الحين بتقاضى منك..سارت صوبه تمشي على اطراف صبوع ريولها ويوم توها بتتقرب منه الا واتزاقرها نوره.. من زقرتها التفت حمد وراه.. لقاها جدام وييه ماشيء امبينهم الا مترين وشكلها غلط.. فاجه عيونها وثمها من شافها حمد اول شيء فلخ وخلاف استوعب اللي كانت تبى اتسويه.. خلاف ضحك عليها.
حمد:هههههههههههههه يا البدله تبين اتزيغيني هااااااه..هههههههههههههههه صدق انج بقره..
دانه: يا السباله يا نوره جان صبرتي اشوي..
نوره: خخخ وانا اشدارني بمخططاتج الخطيره.. ايه كله ولا حمد اخويه فاهمه..
حمد:سلامي عليج نوره..هههه
دانه: اييه شوه فاهمه ما فاهمه اصغر عيالج انا.. وبعدين اشله اتباغمين جيه جنج طرزان شوه بلاج..
نوره: هييه والله ياختيه ويا حبيبت فوادي.. يعني اممم بما انج ختيه ختيه من امي وابوي.. امم
حمد: مشكله يوم يحتايوون يتمسكنوون ويذلون عمارهم..
دانه: انزين كملي وشوه آخر القائمه..
خخخ شكل دانه عن جد معصبه..خخ
نوره: امم شكلج معصبه شوه رايج اييج في وقت ثاني بس بحاول ما ايي في وقت تبين اتزيغين حمد لاني سيده بخرب عليج.
دانه: لا والله..
حمد:ههههههههههههههههههه والله حاله الحين عرفت منوه منكن اللي اتحبني اكثر شيء. والله يانوره انا وايد ظلمتج..كله من خوانج ها الكوريين خلاص ان شاء الله قلعيتهم ..
نوره:خخخ لا ياخويه توهم منزلين فلم حلووو.. على موقع الو فن. شوه رايك اتشوفه والله ياحمد كيف الذكاء عندهم انا راسي افتر من ذكائهم.
حمد: انا فرحت قلت الاخت عقلت.. ويييييييه.. ولا بعد تبى اتخربني لا يابويه انا اللي الاكشن الي اشوفه في الدوام يكفي ما ابا اكشن غيره.. والله حاله.. اقولكن قومن عني بسير لابويه يالله منااااااك.. بنات آخر زمن..
طلع من عندهن وسار الميلس لقاه فاضي.. اف شكلهم طلعو ياهي حاله ما اقدر اتصل بأبويه اخاف عمي عنده.. اف كله منهن ولا حد يجابل ها الخبل..والحل الحين..توه بيتصل بفارس.الا سواله ابوه..
حمد: هلا يابويه وينكم ييت الميلس مالقيت حد.؟
عبدالله:هييه ظهرت اشوي.. اسمع ياحمد عمك رمسني وقالي عن الموضوع..بس بيني وبينك شكله متخوف من الموضوع.. قال بيشاور عياله .وبيردون على الريال..
حمد: هييه وما قال شيء عني..؟؟
عبدالله: والله ياحمد قال انه كان مرتاح يوم كنت انته بتأخذها بس يوم فكر فيها زيين قال شكلي كنت بظلمهم اكثر ماهم مظلومين.
حمد: مظلومين مافهمت؟؟
عبدالله: هيه انته امبونك مع ميثه وهيه مع حياه اخوك..
حمد: لا حول ولا قوه الا بالله..
عبدالله: هيه خلاص عيل قول لامك تراني مابا عشى الليله معزووم عند فهد بن..
حمد وهو سرحان: انشاء الله بويه؟
سكرعن ابوه واتصل بغانم اللي كانو توهم واصلين حدود بوظبي..
غانم: هلا والله.
حمد: بالمهلي.. وين وصلتو الحين..
غانم: مصفح
حمد: ماشاء الله انزين اسمع ابوك رمس ابويه وقاله وقال انه اليوم بيرمس خوانك في الموضوع علشان اترودون على الريال.. بس ابا اعرف شيء شوه بتقولون لفهد والباقين عن الموضوع..
غانم: شوه بنقول بعد شرات ماقلت لابويه.
حمد: وهزرك بيقتنعون
غانم: هيه شرات ما اقتنع ابويه هم بعد.. بعدين لا تنسى كلهم همهم مصلحه مريم وبجذيه ماعليك انته خواني وانا اعرف كيف بتفاهم وياهم.
حمد: كيفك وياهم خلاص عيل توصلون بالسلامه.
غانم: الله يسلمك..
فاطمه: شوه بلاه حمد؟
غانم: ماشيء يقولي عن موضوع مريم.. ومبارك..؟
فاطمه: انزين وشوه بتسوون؟؟
غانم: ماشيء لين الحين. رمست ابويه في الموضوع وشكله اقتنع به.. وسار عند ابوج وخذ رايه.. وعمي وافق.. واليوم بيتمع ابويه مع خواني وبياخذ رايهم فيها..
فاطمه: بالتوفيق انشاء الله.. حليلها ربي يسعدها ..
غانم:آمين..الله يتمم على خير..
فاطمه: ان شاء الله.. امم غانم.؟؟
غانم : لبيه؟؟
فاطمه: اممم بقولك شيء بس تراني مب متأكد منه؟؟
غانم عقد حياته: شوه هووه؟
فاطمه وتمسك بطنها: اممم ما ادري والله.

..عجيد الريم..
20-04-2009, 10:58 PM
غانم تبع حركتها بس مب مستوعب الفكره معقوووله اتكون حامل: انتي حااااامل ..؟؟
فاطمه: امم والله مب متأكده بس اليوم لاحضت اني في اشياء وايد كنت احبها اليوم لاعت جبدي منها.خلنا نخطف على صيدليه ناخذ جهاز الحمل..
غانم: طيرااااااان ماطلبتي الشيخه فاطمه..
فاطمه:ههههههه فديتك ياربي.. تراني مب متأكده اخاف اطلع اتوهم..؟
غانم: مايخالف حبيبي عادي اذا مب المره هاي غيرها.. بس يكون عندهم اخو ؟؟
فاطمه: وان كانت بنت؟
غانم: لا دخيلج.. صح انه الارزاق من الله وكله واحد البنت ولا الولد بس حلو يوم يكون عندك ولد.. تعرفين مرات يزقروني بو غلا ومرات بو شوق.. مشكله يوم يكون بجرك توأم..
فاطمه:هههههه شوه انسوي هذا امر ربك.
غانم: والنعم بالله.
وصلو بوظبي ودورو أي صيدليه جدامهم ونزل غانم وياب فحص الحمل وراحو بيتهم..
عند عويش في العين. عندها ديمه قاعده اتسمع لها آيه
ديمه: هااه شوه رايج.؟
عويش: امم اوكي حافظه بس احس بج اشوي متردده فيها رجعي راجعيها مره ثانيه ..
ديمه: اه عيزت فيني رقاااااد .. من الحين..
عويش:ههههه حشى بترقدين الحين توها الساعه 8 صبري لين صلاه العشى وخلاف رقدي..
ديمه: ما ادري حاسه عمري متكسله.
عويش: هييه لو ماشيء وراج امتحان بلقاج راقد الساعه 2 ولا 3 ويوم عليج شيء تبين ترقدين من وقت..
ديمه:خخ اتصدقين عاد هذا اللي يصير يوم عليه امتحان ابا ارقد من وقت.. بس تعالي في الايام العاديه ارقاد ما اييني لو اترشاه يا رقااااد تعال مني مناك ما في امل..
عويش:ههههههههه كسوووله..

نهايه البارت..


شوه توقعاتكم يصير.. هل الشيخه فاطمه حامل..

ومبارك بعد ما اعطوه موافقه مبدأيه منهم شوه بيصير له.. هل بيي آخيرا وبيخطب مريم. ولا شيء بيصير.

وحمد وعويس.. شوه بيصير لهم بعد ماطاح يبل حفيت عن ضهر حمد..((قويه صح))

فهد وعلي ومطر وهزاع شوه كيف بيقتنعون بالريال..

خلونا نتابع الاحداث اليايه في البارت قبل قبل قبل الاخير..

هع.. يوم بتخلص ان شاء الله..

السموحه..
عجيــــــــــــــــــــــــــد الاريــــــــــــمي..

lady oscar
20-04-2009, 11:36 PM
يالله موافقه غانم الغثيث فاتحه خير

اول مره احبه هالغانم خخخخخخخخخخخخخخ

ان شالله تتم الامور عـ خير .. ونفرح بـ مريم ومبارك واحمد وغزلان .. وفارس والعنود .. وحمد وعويس وحمدان ومنيره

عالفكره ماعرفنا شو يبا حمدان من فهد ؟

مدري ليش قارصني قلبي ان حد من هالعصافير ما راح يتم زواجهم ...
يارب مايصير شي

وهند مالها نصيب من الفرحـه !! احبها هالهند .. يعني ماراح تتصاف القلوب وتعيش بحق وحقيقه طعم الاخوات والاخوان وكمان احمد

احس دور هند وايد انظلم ... *_* من حبي لها هههههههه لاتزعلين حبوبه

ان شالله فاطما حامل

ويعطيج العافيه وتسلم الايادددددددددددي عالقصه وتستحقين التقييم

..عجيد الريم..
20-04-2009, 11:50 PM
تسلمين يارب..

انا قلت لكم فهد ويا حمدان بعدين بييب شوه يباه .. مش الحين..

وهند بيي دورها صبرو عليها..


العفوووووووو ليدي اوشن على المروور. وان شاء الله عيبج القصه.

بس الحين بقولكم انا خلصت البارت الياي والي عقبه بس..
ماكملت يعني بالمعنى يمكن اطول لين ما انزل بارت يديد..


بوقف عن البارت الياي..

بنوووووتـﮧ
21-04-2009, 12:27 AM
واخيرا ً الغثييث وافق ههههههههه
يالله يقتنعون خوانها بعد ان شاء الله ويتمم على خير
وان شاء الله عووويس اتكون من نصيب حمودي خخخخخخ

وحمد يوم يوايج من دريشة الميلس ذكرني ف حركاتنا نحن البنات خخخخخخخخخ


وان شاء الله فطييم اتكون حامل واتفرح الغثيييييييييث واتيبله سبع :) اول مره اشوف لهم موقف رومنسي خخخخخخخخخخخخخخخ



يعطيج العافيه ونتريا البقيه


"

..عجيد الريم..
21-04-2009, 12:54 PM
ههههههههههههه شوه كنتي اتسوين عند الدريشه بنووووته.. هااه اعترفي..
خخخخخخخخ


اممممم هيه فطيم حامل. هع اخيرا بييه ولي العهد..

اممم تعرفين غانم من النوع الي مايظهر مشاعره معنه رومانسي بس مايعرف كيف يظهر هاي المشاعر..

خصوصا انه مب صغير..

ذبحني الح ـلا
21-04-2009, 07:40 PM
يسلموو على البارت الرائع

و أخيرا خلصت قرائتي المتقطعة>>> خخخخ

و أخيرا اقتنع غيث ووافق على مبارك>> الله يتمم عليهم و لا يوقف لهم حد عرضة

وحمد و عويش إنشاء الله راح نفرح بهم عن قريب

وفاطمة أكيد حامل الله يتمم عليها هالحمل

بانتظار البارت القادم

يعطيج العافية

السولعيه الحلوه
21-04-2009, 11:11 PM
كلوووووووووووووووووووووووووش واخيراً غنوم وافق انه مبارك يتقدم حق مريم....

عقبال حمد وعويس ....

اتوقع انه حمدان بيرمس فهد عن منيره...

فتومه اكيد حامل وان شاء الله بتوام اولاد...

ونترياج في باااااااااارت يديد على ناااااااااااااااار...

..عجيد الريم..
22-04-2009, 12:41 PM
نوواري والسولعيه مشكورات خواتي على المروور..

السولعيه تراج خذتي على عويس..ههههههههههه بس اتصدقين عيبني الاسم وايد.هع


وين حمد ايي ويسمعج..

امممممممم ان شاء الله توقعاتج اتصير. بس حرام تبين فتوووم تحمل بتوام حليله غانم متلعوز يبى حد يسميه بإسم واحد مب بإسمين..

مشكورات على المروور.. وان شاء الله بحاول انزل آخر بارتين لهاي الفتره وبعدين بقطع مده علشان اتفرغ واخلص القصه..

والسموحه من الجميع..

rara
22-04-2009, 03:20 PM
يعطيج العافية عجيد الاريامي


نتريا حمد بفارغ الصبر


إن شاء الله تنتهي مشكلة مريم ومبارك على خير


ياترى حمدان وميروووووووه شو بيصير امبنهم ؟؟؟؟؟؟؟؟؟؟

السولعيه الحلوه
23-04-2009, 08:20 PM
ونج الغلا من يومين مالج حس...

نترياج في بارت يديد على نار...

..عجيد الريم..
23-04-2009, 08:46 PM
بدايه البارت العشروون..
هـذي آلمحبّـه
ڪَلّهـآ بآلأحآسيـسْ
حس آلبعيد وحس أقرب من [ آنفـآس ]
[ آلقلبّ ] لـِہَ وآحـد ولآ مـزرة آلڪَيـس
وخلّڪَ تعرف وش حآجـِہَ آلنآس للنآسْ

عند غيث وعياله.. فهد وعلي ومطر وهزاع وسالم.. يالسين في الجحره يلعبون بسوني 3.. دخل عليهم ابوهم..
غيث: السلام عليكم..
الكل: وعليكم السلام والرحمه..
فهد: هلا والله ببويه تعال ابويه بنلعبك دوور..
غيث: لا ما اريد بندوها اشوي اباكم في سالفه
مطر: ان شاء الله بويه هزاع بند العبه..
غيث: سمعو؟؟مريم ياهها ريال وابا رايكم في الموضوع
فهد: منوه الريال؟؟
غيث: يمكن انتو ما اتعرفونه بس احمد وفارس اتعرفو عليه في مكه اسمه مبارك.. بن المر.. انتو ما اتعرفون ابوه انا اعرفه ريال والنعم فيه..
علي: وانته شوه رايك ابويه..
غيث: أأأأأأأه والله يا علي ما ادري ابى لبنتي الستر ما ابغي لها العثره.. بس ما ادري وا لله محتار..
مطر : ابويه انته اتقول الريال ونعم الساع فيه خلونا نتخبر عنه و نشوف خلاف واذا طلع ريال والنعم الساع فيه مثل ما يقولون اتوكلو على الله.. مريم مب صغيره ابويه وبنتها باجر بتكبر تبى حد يهتم فيها ..
هزاع: صح ابويه بعدين انته كنت تبى حمد ياخذها وحمد اصغر عنها صعب تظلمهم على بعض..
غيث: هيه انا فكرت جيه بعد .. حمد من حقه يعيش مع وحده اصغر منه مب اكبر منه.. آيييه ياعيالي..شوه اسوي..
فهد: ابويه خلنا انسوي مثل ما قال مطر بنتخبر عن الريال وبنشوف رمست غانم.؟
غيث: هييه رمسته وغانم يمدح فيه.
فهد: خلاص عيل بويه دام غانم قال الريال زين اتوكلو على الله
غيث: اللي اتشوفونه ياعيالي.. عيل امره من الليله اتخبرو عنه وبنخبر مريم بعدين و بناخذ رايها.
مطر: يكون احسن بعد.
غيث: انا خبرت عمكم وهوه اكيد بيخبر حمد .. انتو خلو الموضوع امبينا الحين لين تتخبرون عن الريال وخلاف بنخبر الحريم..
علي: ان شاء الله.. والله يكتب اللي فيه الخير. واذا لهم نصيب الله يهنيهم..
غيث: آمين يارب..يالله عيل بسير اكلم احمد وفارس وبشوف رايهم في الموضوع.
هزاع: الله وياك بويه..
الكل: الله وياك..
طلع عنهم وهم يفكرون بالسالفه..
فهد: الا بتخبركم احمد بنقول هذا مب مخلي حد ما يعرفه.. الا فرووس شوه دراه بالريال..
علي : هههههه يالغيره..ياناس..
فهد: أي غيره واي خرابيط بس فضول..
مطر: ههههه علينا فهوود .. ؟؟
فهد: فهوود في عينك لو سمحت انا اخوك العود..
مطر: خخخ ان شاء الله يدي.. يالله علي ورانا خط ولا ناوي اتبات اهنيه..؟
علي: لا بسري الحين .. وراي شغل وايد
مطر: يالله هبابنا عيل نطلع الحين.. نسلم عليكم..
فهد: الله يحفظكم.
طلعو من عندهم وسارو بوظبي.. طبعا فارس ها الويك اند ما نزل لانه عنده طواري.. مشكله شغلت الدكتور..
عند غزلان والعنود. الساعه 7 ونص المسى
العنود : بتخبرج وبعدين وياج ..؟؟
غزلان: انتو شوه مشكلتج خلاص انتي وافقتي عرسي وفكيني...
العنود: غزلان لا اتينيني حرام عليج . سمعي ان ما وافقتي على احمد تراني انا برد فارس..
غزلان: ليش عااااد وشوه ذنبه المسكين اتفرحينه والحين تصدمينه..
العنود وفيها صيحه: غزلان ما ابغي ارووح وانتي اتمين فديتج . وافقي احمد يحبج وانتي اتحبينه.. ليش اتعذبون عماركم..
(( وتمت اتصيح))
غزلان ما هانت عليها ختها جان تبتسم.: عنادي باركي لي وافقت وخبرت ام احمد بعد..
العنود من الصدمه ما رامت اتقول شيء: هااه شوه قلتي..
غزلان: ههه قلت اني وافقت على احمد..
العنود: لااا مش هاي اللي بعدها؟؟
غزلان: امممم قلت اني خبرت امه اني موافقه..
العنود: وانا آخر من يعلم..
غزلان: لا مب جيه..
العنود: شوووووه عيل حرام عليج من متى انا اترشاج وفي الاخير تطلعين موافقه ولا ومخبره امه بعد.. بعد يمكن خبرتي الحاره كامله..
غزلان: العنود انتي عن جد معصبه؟؟
العنود: لا استهبل.. الله يسامحج كنت اتحسب انا على قلب واحد.
غزلان مصدومه من موقف ختها: عنادي الظروف الي صارت خلت الموضوع ينتهي بسرعه حتى انه ما خلوني افكر فيه.. من شفت امه وتمت تترشاني اني اوافق على احمد ما خلت لي مجال أني افكر ولا آخذ فرصه اصلا.. تمت اتلح عليه لين وافقت.
العنود: لا والله.. ومتى صار ها الكلام..
غزلان تبلع لعابها: امم تقريبا من ... فتره..
العنود: عطيني الفتره هاي . كم يعني..؟؟
غزلان: يعني اقل من اسبوعين.. ( وهيه اتعض على شفايفها)
العنود: اسبوعين ؟؟؟شكراً غزلان
غزلان: عنادي سمعي..
العنود: ممكن لا اترمسيني الحين.. لاني معصبه وما ابا اغلط عليج..ممكن اتخليني لين اهدى..

..عجيد الريم..
23-04-2009, 08:47 PM
غزلان: عنادي.. فديتج.
العنود بصوت عاااااالي: ممكن اتخليييني اللتعن الحين ..
طلعت عنها وماخلت لها فرصه تتكلم.. تمت غزلان بروحها
وخلاف طلعت وراحت المستشفى..لقت فارس عند الطواري وتمت وياه لين خلصو شغلهم.وفارس لاحظ عليها انها مب طبيعيه..
فارس: غزلان ممكن تين مكتبيه اشوي..؟؟
غزلان: هااه .. ان شاء الله دكتور؟؟

سار فارس جدامها وهي وراه.. دخلو المكتب وقعد فارس على مكتبه..
فارس: ممكن اتقولين لي.. شوه اللي صاير؟؟
غزلان: ما.. صار شيء؟؟
فارس: لا صاير شيء. ولا شوه بيبج اليوم المستشفى في الويك اند ولا بعد انتي ما عندج مناوبه..؟؟
غزلان: مم مليت في البيت وييت..
فارس: متأكد غزلان؟؟
غزلان: ..............؟
فارس:غزلان؟؟
غزلان: العنود زعلانه مني..؟
فارس: ليش شوه الي صار؟؟
غزلان: امم اسمع انا بقولك كل شيء.. وانته احكم..
خبرته كل شيء من اول السالفه لين آخرها..
فارس: امم اول شيء الصراحه صدمني موقف العنود كنت افكر انها دايم اتفكر بعقلها مش بقلبها.. وبنفس الوقت انا وياها. هيه من حقها انها اتعرف اول الناس مش آخر الناس.؟؟
غزلان: ادري بس نسيت من كثر الظغط الي يانا في الفتره الاخير.. لدرجه اني ما اشوفها الا عند الريوق.. كنت ادوام الصبح وما ايي البيت الا في المسى .. واكون تعبانه .. وين بيلس وياها وبقولها.. وخصوصا هي في الفتره الاخيره كانت وايد مضغوطه لدرجه انها كانت تي متأخره؟..
فارس: وليش ما خبرتيها بها الشيء؟
غزلان: ليش هيه خلتني اقول شيء؟؟ماخلت لي فرصه اتكلم.. عصبت وطلعت من عندي..
فارس: اها.. انزين تبيني اكلمها انا؟؟
غزلان: لا دخيلك جذيه بتزيد المشكله.؟ خلني انا احلها بروحي..؟؟
فارس: مثل ما تبين .. بس لا اتحطين في خاطرج منها.. ولا اتلومينها
غزلان: لا ماعليه ختيه واعرفها زين..
فارس: اها عيل مبروووووك عليج احمد اخويه.. الله يعينج عليه.
غزلان: ههههه الله يبارك فيك.. ومبرووك عليك العنود..
فارس: أأأه الله يبارك فيج..يالله عيل رجعي البيت واتصالحي مع اختج..
غزلان : ان شاء الله دكتور.. يالله فمان الله..
فارس: الله وياج..
طلعت غزلان من عنده وهيه اتفكر كيف بتراضي العنود.. اف من اسمها عنوود.. عنيده.. الله يعيني عليها..
فارس كان توه بيطلع من المكتب صاح تلفونه.. ويوم شاف الرقم رد سيده.
فارس: هلا والله .يالغالي.
غيث: هلا ولديه اشحالك.
فارس: بخير ربي يسلمك ابويه.. ومن صوبك.
غيث: الحمد لله.. الا بغيت اتخبرك عن الريال فارس؟
فارس: أي ريال بويه.؟
غيث: مبارك بن المر؟؟ من وين تعرفه.
فارس: هييه اتلاقينا وياه في العمره بويه واتطابتجت وياه..
غيث: هييه وشوه رايك فيه.
فارس: والله يابويه تراه ريال وما يتعوض ريال حشيم والنعم الساع فيه.. ومخاوي شما..
غيث: هييه ما يخالف عليه ابوه قبله .. والله في ذمتيه انهم مخاوين شما هوه وخوانه..
فارس: هيه انته اتعرفهم بويه..
غيث: هيه انا اعرف سعيد عمه اعرف مصبح بعد..ريايل ونعم الساع بهم.. ماعليه عيل بويه رد على الريال وحدد وياه يوم يناسبهم علشان اييون
فارس: خلاص بويه اتوكل اليوم المسى برمسه وبشوف متى احسن وقت ايونا فيه..
غيث: خلاص عيل بويه.. يالله فمان الله.
رجع فارس لشغله وغزلان رجعت البيت ومالقت العنود في الصاله راحت لها الحجره لقتها نايمه ماحبت اتغثها سكرت الليت وطلعت..
عند احمد وحمد اللي كانو في المركز عندهم قضيه يحلونها..
احمد: والله تعباااااااان اتصدق حاس اني من اسبوع مب راقد.
حمد: عيل انا شوه اقول خلها على الله ياريال. يالله من تخلص هاي السالفه بنرتاح..
احمد: يخبرب بيتهم ان شاء الله عيل بالله عليك حد يسوي سواتهم..
حمد: حيوانات شوه اتقول انته.ولا ربع يتذابحون علشان الخمر والسقم..
احمد: استغفر الله.. ههههههه بس اتصدق اسميها ضحكت من الخاطر على الهبله اللي عندهم .. يعني الغلط راكبنها من ساسها لين راسها واتقووووول والله مظلومه.. وين اتعرفين الله انتي يوم انج

..عجيد الريم..
23-04-2009, 08:48 PM
اتأجرين البنات لها الخمه..
حمد: احمد اتعرف انه الفلوس تعمي النفوس..
احمد: هيه بس ما توصل اأجر بنت وانا ما اعرف اذا كان فيها الايدز ولا لااااا يكفي انها روسيه. وين ابابها. من قلت البنات ارقد ويا روسيه.. ولا بعد سكرانات....واااااااع..
حمد: ههههه شفت عاد. دواهم الحين خلهم يطلعون من القضيه هاي اذا فيهم خير.انا ماقهرني الا هذاك. السبال الي يقول والله لاروايكم والله لاخرب بيتكم .. مالت عليه.
احمد: اونه وراه ظهر ياريال؟
حمد: امحق ومنوه ظهره ؟
احمد: ما اعرف ماطاع يقول.. اويين صبرو يومين بس وبتشوفون.
حمد: هه ماعليه قوله انته اصبر سنتين ولا ثلاث وبعدين بتشووف.. ان ماخاس في السجن لا اتسميني حمد..
احمد:ههههههه عيل..شوه اسميك شوق عرب..
حمد: آآآآآه يا احمد والله لها وحشه.. بين عليكم خلصو موضوع مريم وخلونا انشوف عمارانا ياخي...!!
احمد: يابوك من يخلص موضوع مريم انا بعرس العروس وافقت آخيرا..
حمد: لالاه. مبرووووووووك ياريال وآخيرا احمد بيدخل القفص الذهبي.. مابغيت ياريال..

احمد: هه شو انسوي صبرنا ونلنا اللي نباه..
حمد: ياحيك.. عيل شوه رايك يكون يومك ويومي بنفس اليوم..
احمد: هاي الساعه المباركه خلاص اتوكل .. لو انك تبا تحاول تاخذ الاضاء مني بس لا اتحاول من الحين اقولك.
حمد: يالله ما ادري منوه انته.. الا احمد بن عبدالله..
أحمد: ولد عمك.. الشيخ..!!
حمد: انزين ما قلنا شيء.
احمد: هيه تعال بالمره فارس خطب اختها خلنا كلنا بيوم واحد.
حمد: ووفهد ودانوه بعد.. ليش مأخرين ما ادري ..
احمد: هيه صدق بدال ما اتسوي كل مره عرس خله مره واحده..
حمد: بس يا الذكي خطيبتك وخطيبت فارس في بوظبي.. ونحن في العين كيف بتتصرف؟
احمد: امم عادي عندهن خاله اهنيه امبونهم ساكنات عند ابوهن وحرمته.. بيين اهنيه .
حمد: امم زين عيل خل موضوع مريم يخلص الحين وخلاف بنفكر في موضوعنا..
احمد: خلاص عيل بسير اشوف مازن مساعه يقولي يباني في سالفه..
حمد: سالفه شوه؟؟
احمد: انا داري؟ بسير اشوفه.
حمد: الله وياك..
كمل حمد شغله وخلاف سرح بعيد.. فكر بعويش.. آه ياعويس متى بتكونين من نصيبي..
ها الوقت عند قوم عويش. كانت الساعه 10
كانت اتشوف التلفزيون وجان ايها حمدان اخوها,
حمدان: ممكن ايلس وياج
عويش: اكيد اخويه...
حمدان: علومها سلامه .. ما رمستيها قريب..
عويش: امم مرمستنها من يومين .. طيبه يسرك حالها. توها تتعلم تتكلم ايطالي. اونها تبى تـتقن اللغه.. وحافظتلها كلمتين تتخقق عليه بهن...
حمدان: هههههه حليلج يا سلامه.. اتصدقين لها وحشه.. غير فاطمه ما ادري يمكن لانه فاطمه عندنا هنيه في الدار وسلامه براااا ما ادري..
عويش تبتسم: ههه والله ياخويه البيت موحش من دوونهن.. بس يالله الله كريم هاي حال الدنيا..
حمدان: هيه والله.. امم عويش ابغيج في سالفه خاصه..
عويش رافعه حياتها: اممم آمر اخويه.
حمدان متردد ومش عارف كيف يبدى الموضوع وياها..وعويش حاسه انه في شيئ مش طبيعي في حمدان اليوم ومش عارفه شوه هوه لايكون الموضوع يخص حمد وبيقولي خلاص حمد هون.. بمووت..
حمدان: امممم عويش ابا ..
عويش رافعه حياتها ومحتاره؟؟
حمدان: امم ابا اعرس ولقيت بنت الحلال الي ابغيها بس مش عارف شوه بتكون ردت فعلها صوبها..
عويش فاجه ثمها: هااااااااه..
حمدان: سكري ثمج لايدخل فيه ذباب.. حشى
عويش سكرت ثمها صدق وهاي العباره قد سمعتها من حمد قبل.. اف.. منه.
عويش: احححم لحضه اشوي ابغي استوعب انته شووه قلت؟؟
حمدان: اوووه شكلج ما بتفهمين عليه.. برايج انسي الموضوع
عويش تقبضه من كندورته قبل لا اينش: صبر صبر .. خلاص خلاص بس ابى اتأكد من اللي سمعته صح ولا لاااا.. انته قلت انك تبى اتعرس صح ولا انا غلطانه!!
حمدان: هييه صح
عويش: اها .. يااااااااااااااااااي واخيراً بصير عمه. ياي..
حمدان: طاعو الخبله اقولج ما اعرف شوه بيكون ردها صوبي..
عويش: وليش ان شاء الله انته شوه ناقصنك ويين بتلقى احسن عنك.. خبرني منوه وهيه وبتلقاني في بيتهم واترفس في بطنها..
حمدان: ههههههههه اتخيلج سادحه منيره وتترفسين في بطنها..
عويش اتصنمت : انته قلت منيره.؟؟
حمدان: هااااااه .. ه ه هييه منيره..هيه..البنت؟ شوه رايج بها.
عويش: اممممم والله ياخويه ما اعرف .. خصوصا اني ما اتداخلت وياها. كنت اشوفها من بعيد لبعيد.. بس .. اذا تبى راي في بنت عمها بقولك انها طيبه وحبوبه.. بس منيره ما اعرف عنها شيء.
حمدان: ااااااااااااااهه والحل؟؟
عويش تبتسم : وانته شوه شعورك صوبها؟؟
حمدان: آآآآآه يا عويش لو اتعرفين . اتصدقين من اول يوم شفتها فيه اتعلقت بها.. كنت اتريا متى بكون عليهم بشكل ما تتصورينه.. كانت دايما اتراددني واتحط راسها براسي.. وما عليها مني .. بس في الاساس احسها انسانه حساسه لدرجه فضيعه..
عويش: ياي يا الرومنسي .. بس كيف..
حمدان: ما ادري احساسي يقولي جيه.. اتعرفين آخر مره كنت معصب .. وما اذكر السبب وعقيت غيضي كلها عليها.معنها ما لها خص.. بس لاني شفتها تضحك مع بنت عمها وانا معصب..احرجتها وقطعتها من الخاطر وفي الاخير تلومت منها وطلعت ولا عطيتهم محاضره ما هانت عليه اشوفها جيه مكسروه.. غمضتني .. ومنيه ما قدرت اني آراضيها ولا استسمح منها..
عويش: اها.. تباني اقيس النبض عندها بس من دون ما احسسها انك ناوي تخطبها..
حمدان: تقدرين عويش؟ دخيلج..

..عجيد الريم..
23-04-2009, 08:49 PM
عويش: ههههه افا عليك كم حمدان انا عندي.
حمدان: فديتج ياربي. كنت حاس انه محد بيفهم عليه غيرج..
عويش: خخخخ طبعا عيل اختك بلاش..
حمدان: خلاص عيل.. ما بخليج اتعرسين برايه لا حمد ولا غيره بياخذج عنا. خليج عندنا بلاج نحن بنضيع..
عويش من سمعت كلام حمدان احمرت.. واستحت.. وما عرفت شوه اتقوله..حرام عليكم بتحرموني من حمد.. خخ خلوه ايي قبل خلاف سوو اللي تبونه.. آآآآآآه ياحمد وشوه اخرتها وياك..
عويش: خلاص عيل اخويه بروح انام ورايه دوام..
حمدان: الله وياج وترا باجر انا بوصلج..
عويش: هههههههههه اوكي.. ههههههههههههه يا المصلحه..
حمدان: شوه قلتي ما سمعت.
عويش: ههههه هااه لا ماقلت شيء .. تصبح على خير اخويه...
حمدان: خخ وانتي من اهله.
رقدت اعويش وتفكيرها بحمد وبنت عمه يا ترا شوه صار بينهم.. مشتاقه تسمع حسه.. وبنفس الوقت مب قادره اتنزل من كرامتها وترجع اترمسه.. من اخر مره كلمته فيها وعدت نفسها انها ما تتصل له ولا اتطرش له مسجات حتى انها وعدت سلامه بهاي الشيء.. وحمد فهم ها الشيء واحترمه..بس مشتاقه له.
وعند حمد نفس الشيء مشتاق لصوتها.. يبا يسمع حسها بس مب قادر يتصل بها.. لانه حس انها ما تبا تسلك ها الدرب بهاي الطريقه.. واحترم قرارها.. وفوق هذا هاي القضيه الي لين الحين مب راضيه اتخلص. وموضوع مبارك لين اليوم مشتربك.. خلاص شوه يتريوون بعد.. اف..توه بيوطي راسه وبينام الا يشوف تلفونه يصيح. فز قلبه اتكون عويس.. ربع صوب التلفون ولقاه فارس.
حمد: هلا فاارس؟؟
فارس: اهليهن.علومك..
حمد: الحمد لله يسرك الحال.. ومن صوبك..
فارس: الحمد لله..
حمد: اها.. يعله دوم.. شوه بلاك..
فارس: والله ياحمد ما اعرف ما طاع ايني رقاد وييت انته في خاطريه.
حمد: ياي وليش عاد؟؟
فارس: ما ادري والله. تعال سوالي ابويه اليوم وقالي احدد موعد مع الجماعه ويوم رمست مبارك قالي الاسبوع الياي يناسبكم يوم الجمعه ..
حمد: حلو بيكوون الكل موجود..
فارس: هيه الا انا.!!
حمد: وليش عاد؟؟
فارس: طلعت لي دوره حمد بمووووت ما باها الحين..!!
حمد: دوره ؟؟
فارس: هييه المستشفى وقعو اتفاقيه مع بريطانيا ونصت انه بيطرشون دفعه دكاتره مدت ثلاث اسنين او سنتين.. بريطانيا وبيبون دكاتره من اهناك بيخلونهم سنتين ولا ثلاث اهنيه. بدالنا..
حمد: اها وانته من ضمن ها الطاقم صح..؟؟
فارس: شفت عاد.. مابا اسير .. ياخي ابا اعرس واستقر.. اتعرف افكر احيانا اني اتقاعد..
حمد: نعم نعم.. حط الرحمن في صدرك وعين خير.. شوه تتقاعد ينيت انته..؟
فارس: يا حمد والله تعبت.. اتخيل كل يوم و لا مرات اتكون عندي مناوبات ولا طواري.. ولا عمليات.. واحيانا اتم في المستفسى طوول اليوم ما ارقد ابد. تعبت من هاي الحاله..
حمد: والله يا فارس هاي شغلتكم وشوه بتسوي.. واذا كل دكتور فكر بتفكيرك. خلاص ما بيتمون دكاتره عندنا في البلاد كلهم بيقاعدون. وخلو ها المهنده والاجانب يذبحون خلق الله..ويجربون فيهم..
فارس: لا مب جيه بس..
حمد: لا بس ولا شياته.. وبعدين شوه عليه عرس وسافر منيه شهر بصل .. اووه عسل ومنيه شغل.. شوه عليها..
فارس: هيه بس جيه بظلمها..
حمد: وكيف بتظلمها؟؟
فارس: اول شيء هيه تشتغل وثاني شيء بنتغرب سنتين ولا ثلاث.. يمكن ما تقدر..
حمد: انته رمستها في الموضوع.
فارس: لا ما قدرت.
حمد: انزين خل غزلان اتخبرها.
فارس: حاولت اقولها مساعه كانت عندي بس ما قدرت.
حمد: والله يافارس ما اعرف شوه اقولك.. بس مالك الا انك تخبرها وهيه بتشوف شوه الانسب لكم..الا ما قلت لي متى بتبدى الدوره..؟؟
فارس: ااااااااه . من الاسبوع الياي..
حمد: شووووووووووه تتكلم جد انته..
فارس: عيل انا شوه اللي قاهرني غير جيه. ماعندي وقت . ومب عارف شوه اسوي.. محتاااااار..!!
حمد: انزين ما اتروم ترفض ..او تأجل الموضوع..
فارس: حاولت وقالو لي الكتاب خلاص اتوقع وماشيء فايده..
حمد: لا حول.. وكم واحد بيسير..وياكم؟؟
فارس: حول العشره.. وكلهم جراحين
حمد: الله يعينكم بس ما عندكم وقت ليش جيه مستعيلين..
فارس: ما ادري والله.. شوه اسوي حمد ريحني.
حمد: امم والله ما ادري بس مثل ما قلت لك ما في حل الا اللي خبرتك اياه.. كلمها وشوف شوه بتقولك .. بس مش في الفون اتلاقى وياها في مكان ورمسها..
فارس: بحاول.. اااااهه خلاص عيل تصبح على خير.
حمد: وانته من اهل الخير.. شوف شوه بتسوي وطمني عليك.
فارس: ان شاء الله.. يالله عيل.. فمان الله..
حمد: الله وياك..
حليلك يا فارس مب مترقع لا من يمين ولا من يسار .. امبونك متعثر بالحرمه.. وخلاف بمووت ظناك والحين يوم حاولت تستقر تييك هاي الدوره.. الله يكون في عونك. آآآآآه ونا شوه بيصير حالي مع هاي العويس.. ياربي اشكثر احبها.. امم اشله ما اطرش لها بس مسج.. مسك التلفونه وتوه بيطرش لها مسج خلاف اتعايز يخاف انها تزعل مافيه على زعلها.. هيه بس تتريا الدقه وتزعل وين لو حاول بس يتقرب منها.. خصوصا من عرفت يدتها بسالفتهم ما قدر يتقرب اكثر خلاص الموضوع عندها الحين . وتقريبا خلاص مريم بياخذها مبارك.. وماشيء شي يمنع بيفاتح ابوه من باجر..بعويس..رقد وهاي الفكره في راسه.. يااااااي واقتربت ايامج وياي ياعويس..حليلج ياسنيتيا.. هههههه
عند العرسان في ايطاليا بها الوقت.. الساعه عندهم توها
6 المغرب وطلعو يتعشون برا..
سلامه: حبيبي ماباا اكل اهنيه عفت عيشتهم شهرين وانا آكل من عيشتهم.. شوه رايك انرد البلاد فتره..
محمد: اممممم ماعليه حياتي اتحملي اشوي.. مابقى شيء وبيعطوني اجازه اسبوعين.. صبري باقي لنا اسبوعين وخلاص بنرد البلاد.. الا انتي طمنيني خازت اللوعه عنج..
سلامه وهيه مستحيه: هيه حياتي خازت انته شوه دارك ؟؟
محمد: حبيبي ان ما دريت منو بيدري دكتور بلاااااش مبرووووووووك يا احلى زوجه في الدنيا..
سلامه: الله يبارك لك يااحلى ابوووو وزووج في العالم بس حبيبي انا مش متأكده يمكن الا من الارهاق بس..

..عجيد الريم..
23-04-2009, 08:52 PM
محمد: لا حبيبي انا عرفت . خصوصا انج من شفتي الاكل ضربتج لوعه.. ودختي . وتأكدت منج يوم انج قلتي انج ما تبين الباستا خصوصا انج من يينا اهنيه وانتي الا تطلبينها.. ومن فتره لاحظت عليج من نيب طاريها ولا اتشمينها ولا اتشوفينها من بعيد اتزمين خشمج من اللوعه.. ماتبيني اعرف..
سلامه: ماشاء الله عليك يا الدكتور.
محمد: ههههههه يا الله عيل دامج ما تبين تاكلين من هنيه خلينا انسير مكان ثاني وبعدين بنسير العياده بنسوي لج تحاليل
سلامه: تحاليل شووه؟
محمد:ههههه حبيبي شوه ياج.. قلت تحاليل ما قلت عمليه . اشياج فلختي..
سلامه: تحاليل شوه تبى اتسوي لي انا مافيه شيء..
محمد: هههه انا قلت مرات اتشفرين يا العيوز.. بنسير عياده نسائيه بنسوي لج تحاليل حمل.. وبنفتح لج ملف ولاده فهمتي ماماتي..
سلامه: وجان استحي.
محمد: فديييييييييت المستحي ياربي..والله اموووووت فيج ياقلبي.
سلامه: بسم الله عليك يعل يومي قبل يومك..
محمد: هااه هاه شوه يومج قبل يومي شوه خانتيه عايش بدوونج
سلامه: وشوه خانتيه عايشه بدوونك حبيبي انته نصي الثاني.
محمد: وانتي نصي الثاني يا قلبي.. يالله غناتي الله يبعد الموت عنا الحين وخلينا انعيش حياتنا.. مع بعض متهنين ومرتاحين انا يوعان وولديه يوعان لازم يتغذى..
سلامه: هههه ولدك بعد يمكن بنت؟؟
محمد: ولديه ولا بنتي المهم عيالي منج وهذا روحه يكفي خلينا انسير يووووووعااااان حرام سلامي ابا اكل شيء من الصبح على لحم بطني..
سلامه: فديت لحم بطنك انا.. معني اشك انه في بطنك لحم ما اشوف الا يلد وعظم...لحم وين ما اعرف..
محمد: هههههه اقول وبعدين يعني بتسيرين ولا اقعد اهنيه واكل.
سلامه: هههه يالله غناتي بنسير بس دخيلك بااباتي خلنا في مكان بعيد عن البحر.. بليز..
محمد: البحر بعد. وييه اوني بدور لج مكان رومنسي على البحر.. لا حول شوه رايج انسير الشقه بعد ما ناخذ لنا عشى من أي مكان دام السالفه جيه..
سلامه: لا حمودي مليت من الشقه..
محمد: حلوه هاي حمودي
سلامه:ههههههههه
محمد: ماعليه يالله وين تبين..؟
سلامه: اممم انته مره وصلتني لمطعم اسمه سيدرك وحلو وايد خلنا انسير له.. الحين.
محمد: هيه حبيبي بس بعيد هذا بترومين تمشين ولا اشلج..
سلامه: وين اتشلني ناقصه فضايح انا.. يكفي العيوز اللي عندي فاضحتني في الطالعه والنازله..
محمد:ههههههه حليلها تباج اتكونين عيوز ايطاليه مثلها ههههه
سلامه: عاز حيليها.. الا هيه مستغله اني ما اعرف اللهجه عدل
محمد:ههههههههه شوه انسوي لو طرشونا لبريطانيا احسن.
سلامه: هيه والله عيل مقزره حياتي في التقنيه 4 اسنين بلاش ويوم بسافر اسافر ل الدوله الي تمنع شيء اسمه انجليزي اف..
محمد:هههههههههه شفتي عااااد بس تعرفين احس الغه الايطاليه اسهل من الانجليزي بوايد..
سلامه: وين اسهل ساعه يبالي لين ما انطق الكلمه.. الحين كلمه باي.. اريفيراتشي حشى مب كلمه وحده هاي جمله كامله
محمد:ههههههه شو انسوي كارا ترا هاي رمستهم عيل بالله عليج الحين كاتو يعني قطوه ... ونحن عندنا كاتو يعني الكيك..هههه اسميني ما انسى الريال الي احتشر وطلب كاتو كيك ههههههه الموظفه طلبت له الشرطه.. اوين تباني ارتكب جريمه في حق القطط.. وحليله هوه مب فاهم شيء مادرى الا والشرطه فوق راسه..هه
سلامه:ههه هيه وحليله..حرام شفت حرمته حسيتها بتموووت..
محمد:هههههههههه حليلهم تراهم بعد معاريس خخخخخخ احلى شهر عسل..هههههه
سلامه: نسيت عمرك اول ما يينا اهنيه..
محمد:ههه على الاقل عندي كتاب اللغه الايطاليه مب على ويهي ياي..
سلامه: اهاااه حبيبي عن جد ولدك ولا بنت يوعانين والحين قاعدين يمصون الي فيه من طاقه لاني يوعانه من الخاطر..
محمد: افا والله الحين بنسير لسيدرك افا عليج كله ولا عيالي.
سلامه: الله يعيني عيالك..؟؟؟
محمد: هييه عيالي..؟؟
سلامه: ماقال بنتي ولا ولديه تتفاول عليه بتوأم حرام.
محمد: حلاتهم حبيبي التوأم.. حلوين..
سلامه: هييه مب انته اللي بتربيهم انا بتطيح فوق راسي.. بس تعرف من اربي بسير البلاد وانته كمل سنينك اهنيه بروحك..
محمد: بتبطين الساع والله لاطر جوازج تبى اترد البلاد واتخليني اهنيه بروحي .. ولا اتشبرين عني. شبر واحد..
سلامه: ههههه من يسمعك يقول بسير مكان انا بدونك.. لا حبيبي ما بخليك لو ثانيه..
محمد: فديت حرمتيه انا يالله امايه خلينا انسير بيفوت الوقت واحنا الا هنيه يالسين لا انا طلبنا ولا انا سرنا..
سلامه: هههه يالله غناتي..
وعند المعاريس الثانين بعد.. بس الي في الدار.. من بعد مارجعو من ماليزيا.. رجع رامس لشغله وشل فاطمه وياه لبوظبي.. وطبعا من عرس الحبيب انقلب 180 درجه
رامس وفطيم كانو في المارينا يتحوطون من بعد ما اشترو الي يبونه....واشترو هديه لمريم ختها الي عرسها الاسبوع الياي. واخيرا بتعرس مريم..وطبعا كانت مخلصه كل شيء من التفصيل الا الفستان..المعرس كان في دوره ترقيه. وخلاف يته سفره ابوه تعب عليهم.. واالحين رجعو البلاد وبيكملون باقي العرس.. بيدخل القفص الذهبي..

..عجيد الريم..
23-04-2009, 08:53 PM
مريم وعبيد..
فطيم : حبيبي ممكن طلب دامنا في المارينا..؟
رامس: آمري حبيبي؟؟
فطيم وتعض على شفايفها معنها متغشيه بغشوه بس كان يبين ويها: امم في خاطري احضر فلم..
رامس: ههه فلم بس.. فالج طيب حبيبي في فلم محدد تبين اتشوفينه؟
فطيم: هيه في خاطري اشوف'Wanted' Movie بطوله انجلينا جولي.. في خاطري ها الفلم.
رامس: امم هيه شفته مب يديد من فتره نازل بشوف ان ليقته صبري اشوي حبيبي..؟
سار رامس ولقى الفلم وبيعرضونه الساعه 12.. يعني بعد نص ساعه..
رجع لها : حبيبي بيعرضونه بعد نص ساعه..خلينا ناخذ التذاكر وبعدين ناخذ لنا شيء ناكله ونسير داخل على الاقل بنحجز لنا كراسي جرريبه من الشاشه.
فاطمه: الي تامر فيه ياعمري..
رامس: فديتج ياربي.. وين عني من زمان انتي؟؟
فطيم: هههههه في بيت خالتك..
رامس:فديتها ياربي..
فاطمه: خالتك بس..
رامس: ههههه فديتها هيه وفديت بنتها الي هيه حرمتيه الحين. وفديت ابو حرمتيه. الي هو عمي. شوه بعد..
فطيم: هههههه بس ياعمري خلاص يكفي.. وجان استحي
رامس: يا ويل حالي على المستحي.
فاطمه: رامس حبيبي دخيلك..
رامس: رامس حبيبي دخيلك. فديتج ياربي.. يالله غناتي خلينا ندخل الحين.
فاطمه: يالله..
حضورو الفلم الي خلص الساعه 2 ونص.. وحليله رامس وراه دواام.. بس عشان الشيخه فطيم مارام يقول شيء. ساو البيت ورقدوو سيده الصبح نش رامس مصدع وتعبااااان بس داووم.. نشت فطيم وياه وسوت له الريوق والشاي. ومن خلص اتريق وطلع الدوام رجعت ونامت..
وعند حمد الصبح كانو يتريقون مع امه وسعيد.
موزه: بتخبرك اشله ما تاكل شيء . مب زين لك ياوليدي.
حمد: اماااايه فديت روحج تعرفين اني ماآكل شيء الصبح.
موزه: عيل تعرف تسرح الصبح بلحم بطنك.
حمد: لا حول ولا قوه الا بالله. امايه فديتج روحج والله لو ابا آكل بأكل بس والله ما اشتهي شيء الصبح.. ممكن تصبين لي كوب شاهي علشان اتوكل .
موزه: الفايده تتحسبها في كوب الشاهي من دوون عيشه.
حمد: امايه سعيد يوعان عطيه سندويجه
موزه: هيه تعرف تتهرب من الموضوع يوم ما تبى.
حمد: لا حول..
موزه: اندووك سعيد.. بسير اشوف خواتكم احسن لي بشوف شوه محيرنهن لين الحين..
حمد: اف ياهي حاله كل يوم هاي المحاضره حشى..
سعيد:ههه
حمد : هييه اضحك انته.. الا تعال ابا رقم اسامه
سعيد: اسامه ولد خليل؟؟
حمد: هيه عندك رقمه؟؟
سعيد: هييه عندي؟؟
حمد: هاته اباه الحين بأدبه الهرم.الا ماشفت الساعه اذا كانت عنده ولا لااا؟
سعيد وفي صوته نبرت حزن: يداوم بها كل يوم.
حمد: عنه الله ته. الهرم والله لاراويه..
سعيد: ولا يقول اونه يته اهديه من عند حد من الشيوخ.
حمد: يعل بلا الشيوخ بلاه.جان ها الخايس اونه يعرف الشيوخ..يخسي الا هوه. هات لي الرقم بسرعه
سار سعيد وياب الرقم وعطاه لحمد. وهوه من خذ الرقم نش بسرعه مافيه اترد له امه وتعطيه محاضره ثانيه بعدها..ومن
طلع من البيت الا واتصل بعلي
علي:السلام عليكم..
حمد: وعليكم السلام والرحمه.
علي: صبر اشوي.. بشوف الشمس من وين شارقه اليوم.
حمد:هههههه وليش بالعاده من وين تشرق.
علي: والله ما ادري دام حمد بن عبدالله متصل اليوم.اكيد شيء صاير في الدنيا ..
حمد:هههه وليش حمد بن عبدالله زد عن العرب شوه..؟
علي: والله يا ريال ما ادري . ياغير جانه يته المشيخه.. يمكن هذا الي زاد عنهم..
حمد:هههه وينها هيه المشيخه.. لو عندي مثل ما تقول ما بتلقى هذا حالي. يااريال خلها على الله. علومك انته.
علي: والله علوم الخير.. ومن صوبك.
حمد: والله الحمد لله . نشقح في الدنيا.
علي: ياحيك والله.
حمد: الله يحيك. ويين الشيخ؟؟
علي: والله في الدوام عندي زاام..
حمد: في الدواووووووووووم ياحيك بوحسن بغيتك في شغله..
علي: آمر بوشهاب,
حمد: مايامر عليك عدووو..بس بغيتك في شغله. اسمع السالفه كامله.
علي: هيه فهمت عليك.. خلاص ماعليه خله عليه.
حمد: خلاص عيل.. شوف شوه بتسوي وياه وبلغني..
علي: فالك طيب... خلاص اتطمن انته..
سكر عنه حمد ودخل الدوام وطبعا التلفون في السياره كل العاده
وعند عويش في الجامعه في ها الوقت. كانت توها داخله الجامعه وشافت منيره قاعده بروحها وشكلها تعبانه.. اترددت اشوي تروح لها ولا لااا. بس في الاخير راحت لها.
عويش: السلام عليكم.
منيره: وعليكم السلام والرحمه.

..عجيد الريم..
23-04-2009, 08:54 PM
عويش اتفكر حرام شكلها وايد تعبانه..
عويش : منيره عسى خير شوه بلاج.. شكلج تعبانه؟
منيره: هاا لا انا بخير فديتج مشكوره شوه علومج انتي.
عويش: الحمد لله يسرج الحال . يالله ماشي باقي لي واتخرج من ها الجامعه..
منيره: هه ياحظج.. تبادلين ..
عويش:هههههه حرام عليج 5 سنين وانا اكد فيها . حتى انه يدووه دووم تحتشر تباني اقلعها.
منيره:ههههه حليلها.. لا بسألج عن تخصصج صعب.؟؟
عويش: اممم والله بيني وبينج على حسب السير.. اذا كان اوكي تراج مشيه في الماده.. وذا كان لاااا تراج بتعافين حياتج. وهذا الي عانيته في الكورس الماضي.. تخيلي يحطني متى مايبى ليت ولا آبسن.. بس يوم اواجهه يسطلب..بس مرات لا نذاله.. وعادي يقولج باجر كويز.. ودرسي انتي عاد. وفي الاخير يعطيج محاضره عادي.. والامور طيبه. انزين استاذ في كويز. يقولج بكل برود غيرت راي..عندج مشكله.
منيره: عنه الله وليش عااااد.؟
عويش: هههه بس جيه عبط.
منيره: والله بموووت منوه ها السير بحاول ما اطيح عنده.
عويش:ههههه لا اتطمني خلاص هاي آخر سنه له اهنيه. شيبه غدا يبى يرد بلاده.
منيره: الحمد لله.. ياحيج يوم طمنتيني ..
عويش:ههههه لا اتطمني .ومم والباقي كله حلوووو على حسب اذا انتي اتحبين ها المساق..
منيره: هييه انا وايد احب التاريخ..
عويش: اها مش شرط اتحبين الماده بتمشين فيها. بس ان انتي حاطه هدف حتى لو ماكنتي اتحبينه بتلقينه.. تعرفين اني ماكنت ذاك الزود في التاريخ ولا الجغرفيا. بس ما ادري ليش دخلت تاريخ وخلاف حبيته.خخخ كنت بدخل علم النحس. اووه علم النفس..خخخ
منيره: هههههه علم النحس.. حرام عليج
عويش:ههههه شوه اسوي ما احب هاي الماده. كله بسبه معلمتنا في ايام المدرسه.. والله اني كنت اشك انها مختله عقليا بس اكيد انها مب صاحيه..
منيره:ههههههههههه حليلها والله. احنا فديتها ابلتنا كانت طيبوبه وحبيت الماده منها. معني علم الاجتماع مب لين ذاك الزوود حبيته. بس من يتنا هاي ودرستنا.حبينا الماده.
عويش: عيل ليش ما بتدخلين علوم انسانيه..؟
منيره: لااا مافيه على علماء النفس دخيلج خليني في التاريخ احسن..
عويش:هههههههههه تراه الا هوه عنبر خو ابلال.. علم النفس فيه علماء نفس.. والتاريخ فيه بعد.. وغير جيه علماء تاريخ ومكتشفين.. ونطرياتهم وحروباتهم ومكتشفاتهم.. وغير وغير.. بس تعرفين خيار حلووووو.. تاريخ ولا علم النفس..
منيره:هههههههه اتعرفين ولد عمي مايحب ها المساق.. كنت احيد مره كان عندنا برسنتيشن تاريخ.. وكنت عند دانه استلمني حمد اونه بيعلمنا كيف يسسون البرسنتيشن
عويش: ههه وشوه سوى..
منيره:ههه مسك قلم والدفتر. وقعدنا انا دانه وخواته النص درزن على قولته..
عويش آآآآآآآه تتكلم عن حمد.. فديته ياربي..
منيره:ههههه وياب طاوله وحط عليها الكتاب والاب.. واي كلمه من جهتنا ياويله.. وشغل التلفزيون وقالنا شوفن بس ولا صوت..وخلانا نتابع برنامج ثقافي في قناه دسكفري مالت الحيوانات وبعد ماخلص البرنامج.. قعد يخبرنا اونه عن الحيوانات.. والله شكله غلط في غلط.. اول شيء لابس وزار وفانيله.. وثاني شيء ناش من الرقاد والكشه حدث ولا حرج..
وثالث شيء شوه خص موضوع الحيوانات بموضوعنا ما ادري. المهم من خلص البرنامج قعد يتفلسف اشوي ويشرح لنا كيف لازم يكون وضعنا في الشرح.. وكيف طريقه رفعه الراس وطريقه المشيه.. وطريقه رفع العين. ما ادري وين داخلين معسكر تدريب.. مب درس.. المهم يوم خلصو غداه عق القلم والكتاب والاب وقال انتن ماتنفعن لشيء.. واونه حرمتيه بتغسلكن كلكن..
عويش:هههههههههه يعني ما علمكم كيف يسوون البرسنتيشن
منيره:حمد ههههههههه ماله خص اصلا.. واحد ناش شبعان من الرقاد ومتفيق من الخاااطر.. ولا يوعان بعد.
عويش:ههههههه .. منيره ممكن سؤال؟
منيره:آمري؟
عويش: امم مااعرف بس حاسه انه شيء مكدرنج؟
منيره: هااه لا ماشيء شيء مكدرني انا بخير.بس افكر بالدراسه
عويش: ايوا.. الا ممكن سؤال اشوي قوي؟
منيره: هه كيف قويه اشوي..
عويش: امم انسي انه حمدان اخويه.. بس بغيت اسألج كيف هوه يدرسكم. يعني كيف طريقته في الشرح؟؟
منيره: هااه. م..ا اعرف؟
عويش: منيره شوه بلاج؟؟ شيء صار مع حمدان. انسي انه اخويه واتطمني بيكون بيني وبينج.
منيره: لا ما.. شيء ماشيء.
عويش: اها. مثل ما تبين.. سوري ان غثيتج.. خلاص عيل انا بسير اللوكر.
منيره: لا تزعلين مني ؟
عويش:هه وليش ازعل منج..عادي.
منيره: اممم صبري بقولج شيء وانتي حكمي.
عويش: شووه
منيره: انتي قلتي اني انسى انه اخوج صح.. والي بيني وبينج ما بيطلع صح.
عويش: صح..
منيره: امممم الصراحه وايد كنت حقيره معاه..
عويش فاجه عيونها : حقيره؟؟ شوه هاي الكلمه حد يقول عن نفسه جيه..؟؟ انا ما ارضاها عليج..
منيره: لا عويش صدقيني . عيل وحده اتحط راسها براس السير مالها.. واتراده في كل شيء. ولا فوق هذا انرفزه واخليه يعيد الفقره اكثر من مره بس جيه.
عويش وهي تبتسم: ههه انزين..
منيره: لا تضحكين انا اتكلم جد.
عويش:سوري كملي وبعدين.
منيره: بس.. ومن يومين هزأني وخلاني مسخره..اتصدقين اني كرهته كره عمري ما كرهت حد مثله.

..عجيد الريم..
23-04-2009, 08:55 PM
عويش: هااااه ليش؟؟
منيره: واحد شرشحج وخلاج ماتسوين بيزه بتحبينه.
عويش: هه لا طبعا. بس ليش هوه سوا بي جيه. اكيد انا السبب صح ولا لاااااا
منيره: هييه انا استاهل الي الياني منه.. ولو واحد ثاني جان من زمان مطروده من الجامعه. بس هوه ما سوا لي شيء.. حتى البي دي إيه ما اتغير.. معدلي وايد اوكي.. ومع هذا كنت نذله.. ما ادري كنت احس من اشوفه ابا اطفره.
عويش:ههههههههه وليش عاااااد ليش هوه كد قالج شيء
منيره: لااا وهاي المشكله.
عويش: كيف مشكله؟؟
منيره: هييه لو سوا لي شيء كنت بسوي اكثر من اللي قاعده اسويه الحين.. بس مالقيت منه الا كل خير.. ولا يعيد الفقره مره ومرتين وثلاث.. ومره خليته يعيد الفقره اكثر من خمس مرات.. والله لو واحد غيره جان انا برا الكلاس.. بس هوه كان يبتسم ويعيد الفقره.. وحتى انه سألني المره الخامسه ان فهمت ولا لااااا.. وقال انه بيعيدها بالعربي اذا ابا ..
عويش:هههه وبعدين عادها..
منيره: لااا استحيت على ويهي وسكتت وكمل عادي.. بس الي يحيرني انه ماكد غلط عليه.. معني ادري لو كنت مكانه جان اترفست في بطنها لو واحده سوت فيه جيه..بس هوه ما سوا شيء وهذا اللي بيخبلني..
عويش تبتسم لها: امم ممكن معجب بج وما بغى يكدرج
منيره: هاااااااااه لا شوه معجب .. هذا استاذي.
عويش: واخويه بعد..هههههههههه
منيره : لاااا ما ايووووووووز.
عويش: ما اييووز انه يعجب فيج ولا ما ايوز انه اخويه. حددي..
منيره: طبعا الاولى..
عويش:ههههه وليش ما يقدر يعجب فيج.. مب انسان وله مشاعر
منيره بصوت ناعم: مـــشاعــر!! ((وغدا ويها احمر))
عويش:هههه هييه مشاعر منوه ماعنده مشاعر.. بس تعرفين اذا انتي اتقولين انه جيه يتعامل وياج. خلاص انا بفهمه انه ما ايووز وبفهمه انج مب في متناول يده.. لانج على حسب مافهمت ل ولد عمج امم اعتقد انه حمد صح..؟؟
منيره: انا وحمد .. ينيتي انتي..
طبعا عويش اتعرف انه حمد ماله خص فيها بس بغت تاخذ شهاده منها شخصياً..
عويش: ينيت؟؟
منيره: هيه انا وحمد لو قعدنا في مكان واحد بنتذابح ..خليني ساكته احسن حمد قالت!!..كملت والله..
عويش:ههههههه ليش..؟؟
منيره: اوووووه ما اتخيل.. اف.. لا انا وحمد مثل الاخوان بس غير جيه مافي... بعدين حمد خاطب ختيه مريم. مب لي..
عويش: هيه بس مره سمعتج اتقولين لدانه انج اتراضيتي وياه.
منيره: هيه بس مب يعني انه بيخطبني ولا شيء.. ماباه.. بين ان خذني حمد..
عويش: وليش عاد.
منيره:هه دخيلج انا وحمد ما نتوالف. مره كنت في بيتهم وكان واقف عند باب المطبخ وفي ايده كوب ماي.. يتحراني دانه اخته.. حليلي من دخلت المطبخ الا وكوب الماي مجبوب عليه.والله اذكر اني زعلت منه من الخاطر.. ولا سامحته معنه استسمح مني اكثر من مره.. بس ما رضيت منه. وخذت فتره ما اييي بيتهم.. وبعدين رضيت يوم كان عندنا امتحان وانا مب فاهمته زيين وييت بيتهم.. ولاقيته جدامي.. وقالي دامني ييت بيتهم يعني خلاص رضيت..
وخلاف سكت وفعلا رضيت.. احيده انه حوطنا بعد مايابنا من المدرسه..
عويش: اها.. الحين شوه بتسوين مع حمدان.؟؟
منيره: آآآآآه والله ما اعرف..شوه رايج؟؟
عويش: اممم تعرفين حاولي اتعاملينه عادي مثل أي وحده في الكلاس.. يعني خذي الموضوع بجديه مب بمصخره.. هاي نصيحه مني ومش مع حمدان بس مع الكل.. وشوفي شوه بيصير وياج.وامم الحين خلاص الي صار صار..خلي الامور تمشي بكيفيها. بس حاولي انج ما تستفزينه.. حمدان من النوع الكريم لابعد الحدود بس من يعصب ما يشوف جدامه وهاي مشكلته.
منيره: هييه واضح من البهدله الي يتني .. حليلي ما قلت شيء..
عويش:ههه عادي ياما اتبهدلت منه واااااااايد.. طوفي.. بس مثل ماقلت لج حاولي اتكونين جديه وياه. يعني شيء مافهمتيه جد خليه يعيده.. واذا مفهوم خلاص.. شوفي هوه ماعنده مانع بيعيد الشرح عادي.. بس شوه نظره ربيعاتج منج..انج اتغلسين على السير.. مب حلوه في حقج.. حمدان في الاخير بيأخذ راتبه .. والاجر من الله. بس انتي شوه بتاخذين .. ولا شيء.. بالعكس بتطيحين من عين ربيعاتج.. خلج ارفع من هاي التصرفات.. وشوفي نفسج.. سوري يمكن اني قاسيه اشوي برمسته بس والله ابا لج المنفعه.. يكون في علمج حمدان والله ماقال لي شيء من الي صار عندكم... وهوه اصلا مش من النوع الي يتكلم.. بس غيره ما بيكون مثله.. لا تخلين نفسج في مواقف ما تعرفين وين بتوديج.. خخخ تعبت وايد تكلمت..
منيره: لا والله بالعكس .وايد ريحتيني اتصدقين.. بس تعرفين متلومه منه.
عويش:ههههه امم تبيني اساعدج انا حاظره..
منيره: كيــــــــف ؟؟
عويش:ماشي بروح له وياج وبستسمح لج منه.. شوه قلتي.
منيره: لا استحي ما ارووووم..
عويش: بس انتي تعرفين انج غلطتي في حقه صح.
منيره: هيه بـــــــس..؟؟فضيحه اروح له مكتبه..
عويش: لا فضيحه ولا شيء بعدين لا تنسين وايد اساتذه اهناك.. خخ واكثرهم اجانب.. يعني ما بيفهمون عليج.. ولا اقول لج شيء .. بخليه يطلع عند الباب وارمسه وانتي عندي شوه رايج.
منيره: والله استحي..
عويش: اووووه ما اعرف شوه اسوي وياج.. والحل.. بتمين جيه ما بتركزين حتى على المحاضرات. وامم اعتقد انه اليوم عليكم صح..؟؟
منيره: هيه بعد ربع ساعه..
عويش: عيل قومي وياي بسرعه.
منيره: وين؟؟
عويش: ياحبج للسؤال.تعالي وبس..
نهايه البارت.
بعتقادكم شوه بتسوي عويش مع منيره وين بترووح وياها..

وكيف بتراضي امبينهم.. خلونا نتابع البارت الياااااااااي

rara
23-04-2009, 11:20 PM
يا سلااااااااااامي

حب يديد في الساحة


حمدان ومنيرة


اعتقد انه عويش بتتصل لحمدان


وبيطلع برا المكتب وبتراضيه منيرة



يزاج الله خير عجيد نترياج

السولعيه الحلوه
24-04-2009, 12:50 AM
تسلم ايدج على البارت الفنان....

حمد وعويش قرب وقت القاء....

فارس ان شاء الله توفق عنوده انها تملج وتسافر معاه ومنها تكمل دراسات عليا....

حلوه فكره احمد انهم يعرسون جماعي بس ها لا تنسينا بالبطاقات...

حمدان ومنيره اكيد بيرضا عليها تراها القلب ماله ....

ونترياج في باااااااااااارت يديد على نااااااااااااااااار....

بنوووووتـﮧ
24-04-2009, 02:00 AM
"

خخخخخخخخخخخخخ بالبركه لـ سلامي ع الحمال بتصير ام حليلها ^^

وبالتوفيج للعرس الجماعي وان شاء الله يصير :)


وعووويس بتودي منيره لـ حمدان عشان تستمح منه وحمدان بيرضى طبعا :)


يالله خلونا نفرح لـ مريم ومبارك عشان



حمد يرتاح :)



يعطيج العافيه ونتريا البقيه



"

ذبحني الح ـلا
25-04-2009, 08:49 PM
مبرووووك لسلامة الحمال...

الله يوفق فارس ويساعده في السفر ..

بانتظار العرس الجماعي..

أما حمدان ومنيرة أعتقد أن عويش بتطلب من حمدان أنه يطلع برى عشان تقدر تستمح منه .. و أكيد أنه راح يرضى لأنه القلب مايقدر على زعلها

بانتظاار البارت القادم على أحر من الجمر >> وقفتي في نقطة حساسة

يعطيج العافية

lady oscar
26-04-2009, 01:19 AM
يعطيج العافيه ونتريا البقيه

..عجيد الريم..
26-04-2009, 02:17 PM
الله يعافيكن.

والسموحه ادري اني طولت عليكم. بس ياريت لو تعذروني

لاني الحين رجعت اكتب البارتات.. وبعدني لا ظبطت عليهن ولا قسمتهن. كله مخبووووص..

ان شاء الله خلال ها اليومين انزل جزء..

والسموحه من الجميع..

ذبحني الح ـلا
26-04-2009, 03:03 PM
بالحل خيتو ..

خذي راحتج المهم توصلنا القصة ... لو أننا متشوقين للاحداث القادمة

يعطيج العافية

السولعيه الحلوه
26-04-2009, 04:46 PM
مسموحه فديتج...

المهم تعزمينا على العرس الجماعي (*_^)

والاهم انه يكون بارتات على كيف كيفج...

..عجيد الريم..
26-04-2009, 06:15 PM
ههههههههههههههههه افا عليج اول المعزوومين انتي.. افا عليج والله..


ان شاء الله باجر ولا اليوم فليل بنزل البارت 21..

..عجيد الريم..
27-04-2009, 08:19 PM
البارت الواحد والعشروون...
عيونيـﮱ {منڪ~* مفتُونهـ سلٌبها حسَنڪ الفتٍاכּ
وُ قلبيـﮱ زادتـﮯ {شجوכּـهـ~* وُليـع دايم حيرآכּ
آحبـتـﮯ اليـﮱ تحبوכּـهـ و آحبڪ {يا عويد~* الباכּ
وٌ نفسيـﮱ{مـכּـڪ~* محزونهـ وُ آכּـا فيـﮱ حبڪم هيماכּ

منيره: اييييه وين تبين انسير.
عويش: وييين بعد عند حمدان.. تعالي بسرعه.
ها الوقت حمدان كان توه نازل من المكتب.. ومن شافهن اتصمنم وحس بقلبه بيوقف.. مارام يخوز عينه عن منيره ياااربي ثرني اعشق هاي البنت.. آآآه ياقلبي عليها..
توهن وصلن عنده.
عويش: السلام عليك دكتور..
حمدان وعينه على اخته: وعليكم السلام والرحمه يا هلا.آسف ما عندي فلوس.
عويش:ههههه لــــــيش افا وانا قلت اخويه حمدان عنده فلوس بعطيني ..الحين كيف بعزم منيره.. سمحيلي منيره .. اخويه بخيل شوي.
منيره: هاااه لا عادي؟
حمدان: هه انا بخيل شكراً عويش.. آمري شوه عندج عندي كلاس
عويِش: امم ما يامر عليك عدوو .. بس ممكن ناخذ من وقتك دقايق.
حمدان وعينه على منيره: لج الي تبينه
عويش: احم امم مب انا الي تباك . منيره هيه الي تباك.
حمدان حس انه قلبه وقف...
حمدان ومنيره: هااااااااااه؟؟
حمدان: شووه؟؟
منيره: لاااا مب جيه ؟
حمدان: مب فاهم ممكن تفهمني شوه الي صاير؟؟
عويش: اهاااااااااهه اوكي انا بقول. ومن الاخير بعد حمدان منيره حاسه انها وايد غلطت في حقك ويايه تستسمح منك. انا قلت لها انك طيب وبتسامحها بس هيه اصرت انها تي وتستسمح منك روحها(( وجان تغمز بعينها له))
منيره مصدومه: هااه.
حمدان رافع واحد من حياته وعينه على منيره:هااه؟؟
منيره: آآآء هييه ا..نا ي...يت..
حمدان وهو مبتسم ويهز راسه : هيه ليش يتي؟؟
منيره وييها احمر مستحيه: اااء انا ييت ابا استسمح منك.. انـ.ا آس.فه دكتور.
حمدان مبتسم: لا افا عليج ماصار الا كل خير.
عويش: شفتي قلت لج حمدان طيب.وبيرضى بسرعه
منيره:هي..ه.. مشكور دكتور..
حمدان: العفوو منيره يالله الحين عندج كلاس سبقيني والحين بيي
منيره: ان شاء الله دكتور.. بس بغيت اقول بعد..
حمدان: شوه .؟؟
منيره: بغيت اقول اوعدك اني ما بعيد تصرفاتي الي كنت اسويها قبل.وبلتزم بكل الي تطلبه .من يوم ورايح بكون الطالبه المثاليه ان شاء الله..
حمدان: ها الي اباه منج وخلاص الحين ماشيء غير انقول الي فات مات ونحن مثل مايقولون عيال اليوم.. صح عويش..؟
عويش: صح وانته الصح.. شفتي كيف المسأله سهله..
منيره:هه هيه والله مشكور دكتور ومشكوره عويش.. ويالله سمحولي انا بترخص..
حمدان وعويش: الله وياج..
من سارت منيره وحمدان عينه عليها..
حمدان: والله حسيت قلبي وقف يوم شفتكن يايات. حرام عليج شوه ناويه عليه.. تذبحيني..
عويش تبتسم: بسم الله عليك من الموت اخويه.. ليش ما فرحت يوم شفتها وكلمتك وراضيتها وراضتك..
حمدان: والله فرحت من الخاطر عويش اباها ابا اخذها هزرج لو خطبتها بتوافق.
عويش: ههه خلنا نصبر وبعدين بنشوف.
حمدان: ليش كم بصبر بعد..؟؟
عويش: امم فتره بعدك .. الحين انته شوفها كيف بتكون ها اليومين..وبعدين شوف شوه بتسوي.
حمدان: الله كريم. يالله بسير لهم ما ابا اتأخر عليهم مافيه على لسانهن.بياكلني بقشوري..
عويش:ههههه سير لهن عيل...
حمدان: تعرفين حاس عمري جني اول مره بدرسهن..
عويش:هههه وليش عاد؟؟
حمدان: ما اعرف يمكن من الي سويتيه انتي ومنيره الحين..
عويش: احنا ما سوينا شيء بس ساعتها اشوي.. كانت تبى تستسمح منك وانا ساعتها..
حمدان: اها وكيف تعارفتن تراج تقولين انج ما تعرفينها.. وتعرفين بنت عمها بس..
عويش: ليش اخويه ما سمعت شيء اسمه باب التعارف.. خخخ انا دليته ودخلت منه..هع.
حمدان:هههه ايوا قولي جيه.. ماعليه ماعندي وقت ولا عندي وايد استفسارات.. خليني اخلص من الي عليه. ومن نرجع البيت بتكون في جلسه اسفسارات محترمه.. يالله جلبي ويهج..
عويش: افا بعد الي سويته لك اتقولي جلبي ويهج.. قدها؟؟
حمدان:ههههههه لا مب قدها اسحبها يا آنسه عائشه يالله بسير الحين .. تعالي انتي ماعندج شيء.. قلنا خريجه بس من مستهتره بالمحاضرات.

..عجيد الريم..
27-04-2009, 08:20 PM
عويش: انته من متى اتحيدني مستهتره.. بس ماعندي كلاس الحين.. عندي بعد ساعه.. يالله بروح اللوكرات.. وخلاف بروح الرباعيه.. بسير اتريق.. باي خيي..
حمدان: هه ياالله بالعافيه.. الله وياج..
طبعا من دخل حمدان عليهم حس انهن هاديات مب من العاده في العاده منيره هيه الي تستفتح عليه. ومن دخل طاحت عينه عليها وشافها تعابل كتبها وموخيه راسها. ابتسم وكمل المحاضره ومن خلص طلع ولا بعد اليوم طلعهن قبل الوقت بعشر دقايق..كله بسبه الرضوه..هع
عند مطر في بوظبي بعد ما اتخبر ريال يعرفه اكتشف انه يعرف قوم مبارك وقعد وياه واتخبره عنه من خلص عن الريال اتصل بأبوه .وخبره بالي سمعه عن مبارك.
مطر: السلام عليكم ابويه.
غيث: وعليكم السلام والرحمه هلا والله بو غيث.
مطر:بالمهلي الغالي.. اشحالك ابويه.
غيث: بخير ربي يسلمك اشحالك؟
مطر: بخير الحمد لله يسرك الحال ولا يضرك.
غيث: يعلك دووم يا بويه. علوم الدوام.
مطر: الحمد لله يسرك حاله .. كراف وشقى بس الحمد لله زين.
غيث: يا حيك والله..
مطر: الا ابويه بغيت اقولك اناا اتخبرت عن الريال. وكل الي تخبرتهم عنه يمدحونه ويمدحون اهله.. وانا الي اشوفه ابويه خلاص تتوكلون .
غيث: هيه وانا بعد تخبرت عنه ولقيت الكل يمدح فيه وفي اهله.
مطر: عيل توكلو وخير البر عاجله.
غيث: ماعليه بنشوف بعد سوالي احمد وفهد وقالو لي انه ريال ونعم الساع فيه..
مطر: هيه ياحيكم والله..خلاص عيل خلونا نفرح اشوي..نبى انيول
غيث:ههه خلاص عيل انا برمس مريم اليوم ولا بخلي امك ترمسها وبنهي الموضوع. فارس قالي انهم بييون باليمعه. عيل بنخليهم امره يملجون دامها السالفه الا جيه.
مطر: بس كيف بيملجون قبل ما يخطبون.
غيث: برمس فارس يقوله انه خلاص اييون الريايل سيده ويقصون الحيه .بيخطبون وخلاف الملجه.
مطر: خلاص توكلو عيل..
غيث: خلاص عيل برايك بشوف عمك شوه بيقول ..
مطر: خلاص عيل بويه .. ربي يحفظك
سكر عنه بوه وكمل القضيه الي عنده ..
وعند حمد كان في المكتب يفكر بكلام فارس الحين شوه بيسوي . مسكين يافارس.. الله يعينك..وماحس الا واحد مجابلنه في ويهه
حمد: بسم الله ياخي شوه ها الحراكات..
احمد:ههههههه يعني بالله عليك ما انتبهت لي. مستحيل
حمد: والله ما انتبهت ياخي وقفت قلبي..دق الباب شوه ها..
احمد: شو هاااا ياخي هااااااا مكتب ولد عمي عاااادي..هااه
حمد: سخيف..
احمد: عادي منو ولد عمي.. هع.هع
حمد: لا والله.
احمد: عندك شك الحين بييب لك البطاقه وبراويك الاثبات..
حمد: احمد تراك متفيق.. مب ناقصنك انا.
احمد: خخ ليش الحبيب شوه الي شاغل بالك.. خلاص موضوع مريم بيخلص يوم اليمعه.. بيرمسون الجماعه اييون الجمعه وبيقصون الحيه امره..
حمد: اف مره وحده.؟
احمد: هييه ليش يتأخرون.. خلاص من اييون الرياييل وبيقصون الحيه .. وبيعطونها الفلوس وبتتزهب .. وقبل العرس بيملجون وخلاص..
حمد: ياحيهم والله.
احمد: انزين قولي وين كنت سرحان؟؟
حمد: امم وايد والله..
احمد: اها عطني واحد من ها الوايد..
حمد: اممم موضوع سعيد وعيال خليل.
احمد: الساعه؟؟
حمد: هييه..
احمد: انزين تراني قلت لك بخاويك عنده.. لايكون سرت له.
حمد: يهبي اسير له. حبيبي هوه بييني ليش اسير له انا..
احمد: اها لازم منوه ولد عمك..
حمد:ههههههه وايدين المشكله عيال عمي مش واحد.
احمد: ادري بس عندهم قمر واحد..
حمد: اها وهذا القمر حضرت جنابك..
احمد: عندك شك..
حمد:هههههه والله تحيرته فهد..
احمد: هااااه حرام عليك.. انا جدامك واتفكر في فهد شوه هاي الحاله.
حمد:ههههههههه حليلك يافهد . ياخي شوه مشكله ها الانسان من فتره غايب عن الاجواء ما اعرف شوه وراه..
احمد: وانا بعد.. من قال لغانم انه يباه يخاويه دبي وانا راداري شغال..
حمد: وشيء لقط الرادار..؟
احمد: بتستغرب؟؟
حمد: قول ؟؟
احمد: الحبيب يبى يسوي وكاله سيارات..
حمد: هااااااااه..
احمد: شفت..
حمد: فهد ووكاله سيارات.
احمد: هع شفت عاد.. خلنا منه الحين وقولي شوه بتسوي بعيال خليل؟؟
حمد: خخ قول شوه سويت.
احمد: شوه سويت..
حمد: تعرف علي بن ..
احمد: علي؟؟ لايكون الي يدوام في الجهاز ؟
حمد: وصلت..
احمد:هههههههههه الحين فهمت. وليش ماخبرتني . والله لايفلخ من الخاطر..
حمد: عيل.. لا بعد بزيدك من الشعر بيت.. يقولك يداوم بها كل يوم.. ويقول انها هديه من الشيوخ.
احمد: يهبي الا هوه جان الشيخ اييب ها الاشكال عنده..
حمد: ماعليه بنراويه..الا كلمت فارس قريب.

..عجيد الريم..
27-04-2009, 08:21 PM
احمد: فارس؟؟ هييه اليوم الصبح قالي.والحل؟؟
حمد: والله يا احمد ما ادري..
احمد: ياربي ها الانسان مب مترقع لا من الشرق ولا من الغرب..
حمد: هيه والله..انا قلت له انه يرمسها ويشوف شوه بتقول له..
احمد: وانا بعد قلت له بعد جيه..
حمد: هيه لانه الموضوع امبينهم الحين وبنشوف شوه بيصير.
احمد: هييه والله.. اليوم قالي بيخبر ابويه.
حمد: الله يعينه..
احمد: شوه بيسوي.. هاي الدوره الزاميه..
حمد: هيه .. يالله عسى خير ان شاء الله.
احمد: آمين يالله عيل بسير اكمل شغلي شيء في الخاصره.
حمد: لا ماي بس فيها.
احمد:هههههههههه سير اشفطه..ههه
حمد:هههههه ماعليه يالله سير لشغلك الحين..
كملو دوامهم ومن خلص الدوام حمد سار البيت سيده ورقد وكل العاده مالقى حد في الصاله.. ومن ينش بيسير لابوه وبيخبره عن عويش..رقد حمد لين الساعه 5 نش وصلى العصر وطلع الصاله.. لقى العيايز يتضاربن على الجهاز..
حمد: إإإإإإإإإإيه بلاكن..
شمه: حمد ثووووووفها تبى اتحض ذموع الورذ. ونا مااااباهم آآآآع
شمسه: حلوين انتي ما تعرفينهم ثوفها حمد..
حمد: وانتي شوه تبين شمه.؟؟
شمه: ابا اشوف نور
حمد: نعم؟؟
دانه: شوه بلاكم..
حمد: دانه شوه نور وذموع الورذ على قولتن بعد؟؟
دانه: نور ودموع ؟؟ منوه بيشوفهن ؟
حمد: حد غير هذيلا العيايز..
دانه: وانتي شوه تبنهم نوور ودموع الورد اتطالعنهم ها الي ناقص فصوص ثوم ويشوفن تركي.. هاالي قاصر..
حمد: نعم نعم تركي؟؟
دانه: جان عرفت عااااد.
حمد: ومن متى اتابعينهم بعد..
شمه: كل يووووووم حلوين.. كلهم حلوين مهنذ ونوور.. ومهنذ ثقروني.. حلووو..
شمسه: لاااا مب حلوين احلى عمار ونيرمين.
دانه: لا والله..
حمد: سمعني زيين ان شفت حد يطالع ها السقم ما يلوم الا نفسه تسمعن ولا لاااا.. والا تراني بشله الدش عنكم تفهمن.. يهال ويشوفون تركي .. الكبار ما سونها انتن سويتنهن.
شمه: حمد حلوين حرام..
حمد: حرمت على العدو عيشته.. خليني اشوف وحده اتشوف تركي .. بس
موزه: اشبلااااك عليهن بعد.؟
حمد: امايه بناتج تعلمن على الدمار..
موزه: واخيبتيه وش دماره بعد..
دانه: يشوفن مسلسلات تركيه. خايسه.
موزه: شوووووه..
حمد: شفتي . هذيلا الي شاده حيلج عليهن محد يقولهن شيء. طالعي شوه يشوفن..
موزه: وانتن اشدراكن بها التركي.
شمه: هه عندنا المث داخل المدرثه نثمعها يوم اتكلم مدرثات عنهم..
دانه: سمعووووو ..؟؟
حمد: عنه الله تهن.. زاااد.. انا قلت لكن ان شفت وحده منكن حاطه ها الزباله ما اتلوم الا نفسها تسمعن ولا ولااااااا..
شمه وشمسه: انذين..
حمد: وين ابويه امايه..؟؟
موزه: توه طلع.
حمد: وين بيسير؟
موزه: ما ادري به. توه طالع بتلقاه عند سيارته بعده ما دبر.
حمد: هيه براكن اباه اشوي..
سار حمد ولقى ابوه يعابل السياره..
حمد: سلام عليك..
عبدالله: وعليكم السلام والرحمه. بتخبرك انته عايش ولا لاا محد يشوفك امره.
حمد: والله عني افداك مضغووط بها الشغل لين قمه راسي.. اشحالك الغالي.
عبدالله: الحمد لله علومك.

..عجيد الريم..
27-04-2009, 08:22 PM
حمد: علوم الخير. ابويه اباك في سالفه .
عبدالله: خير رب ماشر؟
حمد: لا ابويه خير.. بس مش هنيه.
عبدالله: هيه صبر اشوي.. ابا ايب لي فرهاد الفواتير
حمد: اها.
طبعا فرهاد مال المرزعه ايب لابويه فواتير المزراع ماليل التسويق.. مال التمور ولا الحشيش ولا الخضره..
من عطاه فرهاد الفواتير ابويه اتناقش وياه خذ له ساعه.. وخلاف اتفيق لي ابويه.. سرت وياه الميلس وتوني برمس الا يت امايه..اووهوو شوه بيفكنا الحين منها..
عبدالله: علومك حمد.
حمد وعينه على امه: علوم الخير ابويه.
عبدالله: هيه .. الا ماخبروك شوه بيسون بموضوع مريم الحين.
حمد: هيه رمسني احمد وقالي انهم بييون باليمعه.. الله يتمم على خير..
موزه: ان شاء الله. الا بتخبركم الحين من تعرس مريم البينه لازم تي عندنا.
حمد: وليش عاد..
موزه: يا الله هاي بنت المرحوم بتحرموني منها.
عبدالله: محد بيحرمج منها بس البنت لازم تربي عند امها.
موزه: امها بتيب غيرها ان شاء الله. بس انا من وين بييب ريحه خالد..
حمد: امايه عني افداج البنت ما بتسير بعيد.. خليها عند امها بين فتره والثانيه بييبونها عندج بس مب تحرمينها من بنتها حرام بعد. ان قلتو جيه مريم ما بتوافق على الريال.
موزه: وبنتنا برايها تتربى عند الغريب!!.
حمد: امايه شوه عند الغريب.. انتي مبارك تعرفينه..
موزه: انا اعرف مبارك يوم كانو صغار. مب الحين ريال بلحيته . والحين بيعرس.
عبدالله: لا حول. لاتنكدين عليهم حياتهم يا موزه. وخلي البنت تربى عند امها. بعدين لو بتيبنها اهنيه منوه بيطالعها. انتي مابترومين على ياهل. وبناتج لاهيات بدنياهن ودراستهن.. جان بتخلينها عند شمه وشمسه هذا كلام ثاني.
موزه: لا والله ماخليتها عندهن مينونه. اخلي هاي اللحمه عند ها اليهال .
عبدالله: شفتي خليها عند امها ومن تشتاقين لها بيبونها لج.الحين خلينا اشوي ابا حمد في سالفه.
موزه: لا حول .. خلاص ماعليه برايكم شيء تبون .
عبدالله: لا مشكوره.
حمد: لا امايه. طولت عمرج فديتج
عبدالله: انزين حمد .. بنت عمك وطاحت عنك. الا بتقولي متى ناوي اتعرس انته.. غيث قالي انه احمد خطب وفارس خطب. وفهد بياخذ اختك دانه.. وانته متى ناوي تعرس.
حمد:امم هذا الي كنت اباك فيه يا ابويه.
عبدالله: ليش انته حد حاط في راسك.
حمد: هيه ابويه.
عبدالله: بيض الله ويهك يا ولديه ومتى ناوي تخبرني عنها. ولا ما يحتاي..
حمد: لا والله يا ابويه لين ساعتك ماصار شيء. انا بس بغيت اشاورك فيهم بس.وان رفضهم خلاص .
عبدالله: راي فيهم.. ليش انا اعرفهم.؟
حمد: هيه ابويه. ابغي بنت محمد. بن..... خت حمدان.
عبدالله: ونعم الساع فيهم. بس الي اعرفه انه بناته كلهن خلصن. ياغير الي باقيه بنيه صغيره.والي قبلها خاطبينها نسابه الي ماخذين بنته الثانيه..والوسطانيه ماخذنها تراها ولد خالتها. والي بعدها الحين بتعرس.. منوه باقي عندهم..
حمد: عندهم الكبيره ابويه. كان بيخطبها ولد خالتها ولا خالها مب متأكد بالظبط بس قلعها والحين محد خاطبنها وانا بغيتها من بعد رايك انته.
عبدالله: والله يا ولديه ما ادري بك بس ان بغيتها وانته راضي عنها خلاص توكل على الله.. ونا بخلي امك اتسير عندهم واتشوفها.
حمد: صدق ابويه.
عبدالله: هيه صدق..
ينش حمد ويصقع ابوه بمحبه على خشمه وراسه.
عبدالله:هههههه ياربي كل هذا عشان قلت لك خلاص الي تباه.ههه
حمد: والله يابويه خفت انك ما ترضى.
عبدالله: افا ياولديه انا مايهمني في هاي الدنيا غير سعادتكم واستقراكم..
حمد: فديتك ياربي..
واشوي ويصيح تلفون حمد.
رد: هلا والله فارس اشحالك.
فارس: الحمد لله يسرك الحال ويين..؟؟
حمد: في البيت.
فارس: هيه ياحيك .. الا بتخبرك احمد وين اسوي له وما يرد عليه
حمد: ما ادري والله شفته الصبح في الدوام ومن عدها ماشفته..
فارس: هيه .. خلاص هذوه على الخط الحين برايك عيل.
حمد:هه الله وياك..
عبداالله: شوه بلاه فارس؟
حمد: ما ادري يبى احمد اخوه.. والحين احمد على الخط الثاني.
عبدالله: ياحيه والله..
حمد: الله يحيك خلاص عيل انا بترخص الحين.
عبدالله: الله وياك بويه.
طلع حمد عنه وسار الحجره حاس بعمره فرحااان من الخاطر وحاس الدنيا مب شايلتنه من الفرحه.. يلس يشوف التلفزيون
وعند فارس واحمد.
احمد: انزين والحين شوه بتسوي..
فارس: ما ادري .. انا قلت الحين بملج بها.. وبعطيها الفلوس ومن تخلص مشترى بنعرس وبشلها وياي.. ولا بخليها اهنيه الي بيرحها.بس على الاقل بنعرس.
احمد: والله يا خويه الي اتشوفه..وانا الي تباه بسويه.
فارس: خلاص عيل انته رمس امك وشوف شوه رايها. هزرك بيكفي شهرين..
احمد: شوه قالو لك حرمه.. واشدراني بشوف عيوزي وخلاف بخبرك.
فارس: عيل خلاص بترياك.. تراني رمست العنود وقلت لها تيني المستشفى المغرب. برمسها في الموضوع..
احمد: المشتفسى عاد .. ياخي كون رمنسي اشوي.
فارس:هههههه ياخي خلنا نملج ونعرس وبعطيك دروس بالرومنسيه.
احمد:ههههه ماعليه زين عيل بشوف امايه وبرد عليك يالله عيل.
فارس: خلاص عيل يالله اترياك..
احمد: اوكي.. يالله دقايق.
فارس: اوكي يالله باي..

..عجيد الريم..
27-04-2009, 08:23 PM
اتصل احمد بأمه وكل العاده لقاها براا البيت هايمه.
احمد: بتخبرج مالج بيت انتي..
مريفه: بسم الله اش ياااك . عديلتيه بتخبرك.. وانته شوه يخصك فيني.
احمد: كيف شوه يخصني فيج. انا وحيييييدج لازم آحاتيج.
مريفه: ماعليه خلصني شوه بلاك..
احمد: افا وتبى اتسكر بعد.. والله محتاي ولا بسكر عادي ولا برضى عليج.
مريفه: احمد بتخلص ولا لاااا انته الحين.
احمد: طاعو انتو.. وين انتي الحين.
مريفه: وانته شوه تباني انا وين؟ عندي حرمات احمد اخلص.
احمد: انزين اباج في موضوع خاص اشوي.
مريفه:اسمعك قول.؟؟
احمد: لا مب جيه سيري عن ها الحشره الي عندج..
مريفه: انزين صبر اشوي..
سارت مريفه في مكان فاضي.. يالله ارمس محد عندي..
احمد: انزين.. سمعي..
وخبرها السالفه كلها .. ويوم خلص سكت.. وهي بعد سكتت.
احمد: اشوفج سكتي.. شوه رايج..؟
مريفه: والله يا احمد ما ادري .. بس اعتقد انه شهرين بيكفنها بس شوه عن شغلها.؟
احمد: قال ان ماطاعت تي وياه بيخليها اهنيه وعادي بييها كل شهرين ولا ثلاث شهور.بس الخوف من ختها غزلان هل انها بتخليها اتسافر وياه ان طاعت العنود
مريفه: لا ماعليك غزلان عاقل.. بس
احمد: بس شوه امايه؟
مريفه: ما ادري والله ببوك شوه رايه.؟
احمد:ابويه لين الحين ما يدري.. فارس ما خبروه الا امس
مريفه: والله مشكله انزين شوف ان شاء الله زهابها بيخلص في حدود شهرين والفستان بتاخذه جاهز ولا بتفصل بيخلص انا اعرف واحد بيخلص لها الفستان بسرعه ان كانت تبا اتفصل.. وباقي الثياب انا بساعدها مب مشكله.. بس المشكله الذهب الحين..والسوق شاب هاي الفتره.
احمد: امايه فارس ماعليه امره بس المهم انكم اتخلصون الموضوع..لو يدفع حق الذهب 100 كامله ماعنده اشكال.
مريفه: لا لا صدق.. ماعليه خله يشوف الموضوع ويرد عليه ونا من تأكدتو انتو بسوي الي عليه..
احمد: خلاص عيل ببلغه الحين يالله اشوفج على خير.. انا يوم بعرس جيه بسوين..
مريفه: واشله بتدخل انته ابخص بعمرك وهيه ابخص بعمرها.. انا بس الي عليه بتشرى للقاعه وبرتبها وبجهز عمري وبس..
احمد: لا والله.ولا جني وحديج وجيه بتسوين..
مريفه:ههههه انته قبل اخطب وخلاف بيصير خير
احمد: ماعليه بنشووووف.. يامريفه
مريفه: مريفه !! ماعليه يا احمد..
احمد: شوه بتسوين .. لا تهدديني لا اخلي ابويه يعرس عليج.. بقوله حرمتك دووم مرتغده ما تقر في البيت.
مريفه: عندك اياه سير له وخبره. فكني من حشرتك الحين انا في العزا يالله برايك.
احمد: العزا؟؟ عزا منوه؟؟
مريفه: ما تعرفهم اهنيه في الخالديه برايك احمد
احمد: اوكي الله وياج..
سكر عنها واتصل بفارس الي خبره بكل شيء.. خلاص ماشيء باقي انه يبلغ أابوه ويأخذ راي العنود.. وخلاص طاحت الحيه..
كان بيتصل بأبوه علشان يخبره.. بس ماقدر لازم يشوف ابوه من اسبوعين الحين ما نزل العين..اتصل بالمدير وخذ له اجازه يومين بسير العين وبيرمس ابوه.. طرش مسج للعنود وقالها انه ساير العين لشغله ضروريه وباجر بي بوظبي ويباها في موضوع مهم..
مسك خط العين واتصل بحمد .الي كان يرمس احمد على الخط الثاني..
حمد: لحضه بوشهاب هذا فارس على الخط..
احمد: هيه مساعه مرسمنه برايك عيل رمسه وخلاف خبرني شوه بتسوون بسالفه اسامه.
حمد: اوكي يالله برايك الحين.
حمد: هلا فارس.
فارس: هلا حمد اشحالك
حمد: بخير ربي يسلمك.
فارس: ياحيك.. وين بوشهاب..
حمد: والله في الدار.. الحين بطلع من البيت. كنت ارمس احمد اخوك..
فارس: هيه ياحيك. علومه.
حمد: يسرك حاله. وين اسمعك في خط..
فارس: هيه ياي العين الحين. .

..عجيد الريم..
27-04-2009, 08:24 PM
حمد: ياي العين..؟؟
فارس: هيه ابا ارمس ابويه في الموضوع وبعدين من اسبوعين ما ييت العين..
حمد: ياحيك والله.. وكم بتم اهنيه..؟؟
فارس:لازم ارد باجر ابا اخلص شغلات بعد..ماشيء باقي غير ثلاث ايام على السفر ولين يومك ما سويت شيء..مالي خاطر.
حمد: شوه بتسوي عيل.. بعد لو هم عطوكم فتره تستعدوون قبل السفر..
فارس: تعرف نحن نعرف انه في سفر لمجموعه من الدكاتره بس ماكنت اعرف اني من ضمن هاي المجموعه.. وما خبروني الا من يومين..
حمد: ايوا.. وشوه بتسوي الحين
فارس: آآآهه والله ما ادري
حمد: الله يعينك.. الا وين واصل الحين..
فارس: توني واصل الختم عطني نص ساعه وبكون عندكم..
حمد: على خير يالله عيل بترياك في بيتكم..
فارس: خلاص عيل بنتلاقى على خير..
حمد: اوكي خلاص عيل..يالله باي.
فارس:باي.
سكر عنه وحمد رجع اتصل باحمد وخبره بالي صار له مع فارس..
احمد: ياحيه والله. من زمان ما شفته اسبوع ايي واسبوعين يغيب
حمد: شوه انسوي.. المهم سوالي علي اليوم. يابوك شوه سوابه خلاه اييه لين بوظبي روحه ويابه الجهاز وحقق وياه.. ههه قالي على خطر ما يصيح هه اونه ياي وعنده ريال كبير والريال الي وياه عنده ليسن. جذااااب بعد..
احمد:هههه ومنوه الريال الي عنده..
حمد: اونه هندي. وعنده ليسن
احمد:هندي...؟؟ ههههههههه وماقالهم منوه الهندي.
حمد: اونه هندي لقوه في الشارع وصلهم بوظبي وردو بعد ما وصلو سعيد. سمع الجذب انته.
احمد: يخرب بيته.. الا كيف خلو هندي يسووق سيارتهم هاي الي ماطاعت تدخل المخ..كله ولا بنت صوغان..
حمد:ههههههه ما ادري والله. اوين كنا دووم انشوفه ونعرفه وخبرناه وقالنا خلاص مافي مشكل اوين..ههه
احمد:ههههه والله حاله.. وشوه بعد بتسوي. له.
حمد:ماشيء اتصل فيني هوه ويباني نتلاقى في مكان.
احمد: وين بتتلاقون؟؟
.حمد: في الكوفي.
احمد: خلاص عيل من تطلع خبرني بسير وياك..
حمد: تمام عيل الحين بيي بيتكم قبل ما ايي فارس..
احمد: يالله انا عشر دقايق وبكون اهناك..
حمد: يالله عيل..
احمد: الله وياك..
سار حمد بيت عمه ودخل ولقى فهد يالس في الحوي يقرى جريده.
حمد: يااااااو تقرى شيء بايت شوه ها التطور.
فهد: هه شفت عاد والله مااتفيقت في الدوام اقراها. علومك.
حمد: علوم الخير.. ومن صوبك.
فهد: والله يسرك الحال. تبى الصراحه مكروووف لين قالو بس.
حمد: ههههه الله يعينكم.. ليش عندكم مشاريع شوه..؟؟
فهد: هيه والله.. يبون يسسون موول يديد بعد.. وبعد يسسون مساكن للعمال شفت الي عدال البريمي وصناعيه هيلي..
حمد: هييه الكبار..
فهد: هييه يبون يسسون نفسهن في بعض المناطق الي على الحدود..يا ولد الحلال كل يوم مطرشينا لموقع. وكل موقع يبعد عن الثاني 20 كيلو والله تعب.. ولا ما يطرشونك الا في عز القايله.. والشمس تصلخك.. والله مرات ما اشوف كلب ولا قطوه.. في عز الحر.. ونحن نحوط على المواقع..
حمد:ههههههههههههههه حليلكم والله.. حد قالك اتكون مهندس معماري..ههههههههه
فهد: ياخي انا بربي عن غيري.. حليلهم حد منا ما يغادرون الموقع لين ينتهي الدوام ..من يصبحون لين يسموون وهم الا فيه..
حمد: حليلهم والله.. انزين ولا هاي اخبارك..هه حليلك واشوفك غادي برونز ثرك مشواي في الشمس..هههه
فهد: غادي برونز!!. من يسمع حمد بن عبدالله مقطع من البياض
حمد:ههههههه فديتني ياربي.. على الاقل لوني بيج مب اسود.هه
فهد:اسود في عينك.
حمد: هههه لا اتعرف اتخيل كيف بيي انتاجكم انته ودانه..خخ اسمر وسمراا.هع ونعم النسل..
فهد: اقووول تراك متفيق..والله حاله.. ياخي عرسو نبا انشوف عمارنا بسكم عاد من العزوبيه.. شوبتوو
حمد: هههههه انزين عرس شوه الي قابضنك..هااكيه حرمتك وخطوبه خاطبين ملجو وشل حرمتك وفكنا من الحمل الي عندنا.
فهد: وهي اصلا طايعه تعرس قبل حضرت جنابك..
حمد: اصيله والله ختيه فديتها.. انزين ماعليه خلاص بنرأف بحالك وبنعرس ان شاء الله.
فهد: واللـــــــــه صدق..حمد اتقول الصدق يعني خلاص بتعرس. والله صدق . آآآآآآه واخيرا بنعرس انا ودانه.. والله صدق
حمد:هههههههههههههههه شوه ياااك.ههههههههههه
واشوي والا داخل عليهم احمد..
احمد: ضحكوني وياكم.
حمد:ههههههه تعال تعال ثره اخوك ميت من زمان. يبى يعرس بسرعه.
احمد: هع توك اتعرف.. والله لو الشور شوره جان من زمان مالج وشال اختك من دوون عرس ولا مخاسير..
فهد: عيل . كم بترياكم انا صدق حمد بتعرس آخيراً
حمد:هههههههه هيه شفت عاد..انتقلت العدوى ليه.منك.
احمد: منه حمد؟؟
حمد: انجب انته.
احمد:هههههههههههه والله حاله. عطني الرياضيه فهد ابا اشوف متى مباراه العين. اليايه.
حمد: بيتبارون ويا الشباب.. على الكاس..
احمد: متى المباراه.؟؟
حمد: يوم الجمعه.
احمد: لا حول ليش عااااااد مالقو الا يوم الجمعه..
حمد:ههههه شفت عاد..
احمد: يا هي حاله.
فهد: وليش يعني شوه فيها..
احمد: شوه شوه فيها.. بيوون الريايل يوم الجمعه نسيت شووه..
فهد: اف تعال انا مواعد ريال في دبي.. يوم اليمعه.
حمد شاف احمد وابتسم..
حمد: دبي ؟؟ شوه عندك في دبي.
فهد:بزنس ياخي..

..عجيد الريم..
27-04-2009, 08:24 PM
حمد: اب اب فهد وبزنس..شوه صار في الدنيا ياخي علمنا يمكن نفلح ونغدي مثلك.
فهد: لا حول. يحسدوون الفقير بمووتت اليمعه.. مشكله الحسد.
احمد: ومنوه حسدك.
فهد: انتو كلكم حسااااد..
حمد: افا وانا اتحسبك طيب ثرك حقود..افا والله..
احمد: شفت ونا اقولكم فهد شرير..
فهد: شوه فهد شرير؟؟..حليلك...
حمد:هههههههه ترا هاي بركات المدرسه الخصوصيه.
احمد: أي مدرسه خصوصيه انته بعد.؟؟
حمد:هع وهل يخفى القمر سنيتيا
احمد: الله يسنتر راسها. مسود الويه. انته وياها..
حمد:ههههههههههه افا والله حرااام خلاف بتزعل
احمد: يعلها ما ترضى ..
فهد: افا من ورانا احمد ياخي عرفنا عليها..يمكن ننال على اعجابها..
اتناقعو حمد واحمد ضحك عليه..
احمد: فالك طيب بنعرفك عليها.. بس آخافك تعجب فيها وبعدين بتغير رايك عن الدانه..
حمد: لا يا فهد كله ولا دانه الحين تختار الغرشوبه سنيتيا ولا دانوه..الحين تختار..
فهد: شوه اختار ما اختار انته بعد..
حمد: هيه اذا بتشوف سنيتيا تنسى دانه..
فهد: ايه شوه هذا؟
احمد: هههههههه
حمد: مالي خص..
فهد: انزين بتخبركم هاي السنيتا حلوه.
احمد:هههههههه ما اذكر ويها اتصدق. حمد انته دووم اتشوفها شوه رايك فيها حلوه ولا لاااا..
حمد: اممم والله هيه طيبه واتبرك من الخاطر وما تتشكى على حسب الي اسمعه عنها. اممم يعني زينه ولا عيشتها حلوه. ان كلت من ايدها ما ودك اتفارق الصينيه..
فهد: اف والله.
حمد:هيه هههههههه
احمد: ما بجذب بس والله ما كد كلت من ايدها.
حمد: كيف يا احمد ما كلت ترا الفطاير اول مره يينا عندهم هيه مسونتهن..
احمد: والله.لا عيل ونعم الساع في فطايرها..
فهد: انزين هاتو لي من اكلها..
حمد: لااااا لاااااا يا فهد بتزعل جيه دانوه.
فهد: ياخي يقولك الي ما تعرفه ما يزعلك.
حمد: لا منوه قالك انا بقولها..
احمد:هههههههههه
فهد: حرام عليكم.. بتم في خاطريه
حمد:ههههههههههههه قلت لك.. يا سنيتيا وتنسى دانه.. او دانه وتنسى سنيتيا..
فهد: خلاص يا ريال بنات الدار ما يتعوضن. لا أكل ولا بنت العم يتعوضن ..
احمد:عاااااااش الوطني..
حمد: عيل يا ريال تراها بنت عمه عشان جيه شاد حيله.
فهد: لا والله حتى لو كانت بنت ثانيه نفس الشيء ما بتغير شيء.
احمد: ايوا..
حمد:ههههههه
واشوي دخل عليهم فارس..
فارس: السلام عليكم..
حمد واحمد وفهد: وعليكم السلام والرحمه..
فهد: هلااا والله بفروووس.. عاش من شافك..
فارس: فروووس في عينك.. اصغر عيالك.
فهد: لا اكبرهم.
فارس: لا والله.. اشحالكم ؟
حمد: الحمد لله يسرك الحال..
احمد: الحمد لله يسرك الحال ولا يضرك..
فهد: الحمد لله.. آآآآآه يافارس ماشفتهم هذيلا شوه سوو فيه.
حمد واحمد فجو عيونهم.
حمد: شوه سوينا فيك..
فهد: ماطاعو يعرفوني على سنيتاتهم..
فارس رافع حياته: سنيتاتهم؟؟
حمد واحمد :ههههههههههههههههههههه
احمد: اقول لو اتموت ما بنعرفك عليها.. حمد خبر عليه حرمت المستقبل..
حمد: فالك طيب..

..عجيد الريم..
27-04-2009, 08:25 PM
دخل عليهم غيث وعبدالله..
غيث وعبدالله: السلام عليكم.
الكل: وعليكم السلام والرحمه.واتخاشمو وياهم
عبدالله: اب اب فارس اهنيه.. عاش من شافك يابويه.. وين يا ولديه ما انشوفك غير في السنه احسنه.
غيث: هه وانا شوه اقول ماشفته يمكن من عشر ايام.؟
فارس: هه شوه انسوي والله اني مشغووووووول وما رمت ايي في الويك اند..
عبدالله : الله يعطيك الصحه و العافيه يا بويه..
فارس: الله يعافيكم. شوه اخباركم.
عبدالله و غيث: الحمد لله يسرك الحال..
غيث: ليش قاعدين اهنيه سيرو داخل.
حمد: عمي من ييت وفهد ماطاع يخليني اقرب داخل.. اوين لين يقرا الجريده ما بيدخلني داخل.. تراضها ليه.
غيث: افا فهد شوه الي قاعد اسمه..
فهد: هيه عيل يباني ادخله داخل واشل الجرايد كلهن ويايه برايه ماعليه ييلس ويايه اهنيه وخلاف بندخله داخل .. بعدين بيسمر ان دخل داخل..بعيدن ابويه مب يوعان هوه علشان ادخله يتفاول. اصلا هو حالف انه ما يذووق شيء عندنا اليوم..
حمد: عيل يا الهرم دامك جيه اتقول الليله بتعشى عندكم.
فهد: ماعندنا عشى.. يمدحونهن اكل المطاعم. سير خل برهووم اكله حلو.. نحن ما انسوي عشى الا حق افراد البيت بس..
احمد: ماعليه حمد فهد مابيتعشى اليوم.. انته كل وجبته..
فهد: منوه قالك.. وكلتك محامي حقي شووه..
فارس:ههههه انزين انا اليه وجبه ولا لاااا بعد..
فهد: ام انته بنحاول اندبر لك وجبه منيه ولا مناك.. وبناخذ من وجبه احمد اشوي.. وبنزود على وجبتك الي لقطناها وبتكتمل الوجبه..
فارس: ليش جني حاس اني قطو ويلقطون الفتفات ويعقونه عليه.
غيث:ههههههههه قطوه عاااااد..
فارس: عيل ماتسمعه يقول بنلقط لك وبنحطك .
عبدالله: هههههههه حليك والله..
حمد: افا والله.. فارس ولا من ها المذله تعال بعزمك على احسن مطعم في العين ولا في دبي؟
فارس: تسلم ولد عمي والله انك كفوو وريال.
احمد: احم احم نحن هنااااا.. تشوفوووني ..حوووووه.((.ويأشر بيديه))
غيث: شوه حوو عاقينك في طوي.. اتزاعق..
فهد: طرزان غادي..
حمد: المهم عمي.. اهزبه ولدك ما طاع يقرب بي. وخلاني واقف عند الباب..
فهد: متى هووو ابويه تراه يقص عليك..
حمد: هااااااه عمي شووف شوف الجرايد وهاكيه الجريده في ايده بعد.
فهد من قال حمد الجريده في ايده . عقها تحت..
الكل :ههههههههههههههههههه
عبدالله : اشله عقيتها بعد..هههههههههه شفت ولديه ما يجذب. افا يا فهد ونا بيوزك بنتي واثرها هاي بصايرك. اذا حمد الريال جيه سويت به.. باجر بنتي شوه بتسوي بها.
حمد: بيسحبها من كشتها
فهد بصووت حزين: عمــــــــي حرام والله ماسويت شيء به.
غيث: افا يافهد.. خلاص ياعبدالله بنتكم خلوها عندكم فهد ما يحافظ عليها..
فهد: ابووووووويه حراااام عليكم ماصدقت انه ها التيوس بيعرسوون حرام عليكم. بسير انتحر
غيث: تنتحر مره وحده.
فهد: هيه ان ماخذت دانه بتحر.
احمد:ههههههههه ذكرني بالعماني الي يبى ينتحر.. هههههههه اسميني ضحكت..
حمد: راعي القطوه..
احمد:هيه هووه..هههههههه اوين باغي انتحر.
عبدالله: القطوه؟؟ شوه السالفه..
حمد: احمد خبرهم.هههههه
احمد:ههههه الله يسلمك ياعمي هذا يبى ينتحر وياه ابوه ولقاه واقف على السطح .. قاله موووه قاعد اتسوي.
قاله ابوي باغي انتحر..
قاله ابوه: وليش باغي تنتحر.
قاله: ابويه يسبوني يقولون لي انته غبي وانته طنطانه. ما تفهم ونا خلاص باغي انتحر..
قاله ابوه: انته ما طنطانه انته ذكي.. وشوف بسألك ثلاث اسأله وانته قاوب عليهم وان قاوبت انته ذكي..
قاله ولده زيين.
قاله ابوه: ماهي من الخارج خضرا ومن الداخل حمرا.. وفيها حبااااااات سوووووود أيش هي..
قاله: والله يا ابوووووي ما اعرف.. ايش هاذي..
قاله ابوه: يا ولدي هاي قحه ..
قاله ولده هييه صدقك ابويه هاي قحه..
قال ابوه ماعلينا السؤال الثاني: ثنتين من الخارج خضرات ومن الداخل حمرات.. وفيهن حباااااات سووود صغار. ايييش هن..؟؟
قاله والله يا ابووووويه ماعرفته.. ايييش هووه صعب اشوي..
قاله ابوووه: ياوليد ماصعبات هذيلا قحتين..
قاله ولده: صدقك ابويه قحتين.. صح.
قاله ماعلينا آخر سؤال: ماهو الحيوان له اربع ارقل وله ذيل طويل.. ويقوووول مياااااااااو.
قاله ولده: عرفتووووو يابويه.. ثلاث قحاااااااااات..
غيث وعبدالله:هههههههههههههههههههههههه
فارس:هههههههههههه مافيه حيله..
فهد:هههههههههه
احمد: قاله ابووووووه رووووووح انتحر والله صدقهم انك غبي وطنطانه بعد....
عبدالله: هههههه حليله والله..
فارس: هيه والله.. الا اباكم كلكم في سالفه.. خلونا نسير الميلس..
غيث: خير يا بويه..

..عجيد الريم..
27-04-2009, 08:28 PM
فارس: الخير بويك بويه.. بس اباكم في سالفه..
غيث: ماعليه.. فهد خلهم ايبون القهوه الميلس..
فهد: ان شاء الله بويه
سارو الميلس ومن قعدوو
فارس: ابويه انا يتني دوره ضروريه ومده الدوره سنتين ولا ثلاث ونهايه ها الاسبوع السفر ما بقدر احضر يوم الجمعه العزيمه .
سكتو كلهم محد منهم تكلم .. ومن رفع فارس عينه عليهم لقاهم كلهم يطالعونه ولا واحد منهم قادر يتكلم.. شاف ويه ابوه ابيض من الصدمه.. وويه عمه مثله.. وويه فهد الي دخل قبل اشوي وسمع بالخبر..
فارس: شوه قلتوو؟؟
عبدالله: هيه بس يا ولديه ليش ما رمست من قبل؟؟
فارس: عمي والله مادريت اني من ضمن ها الفريق الا من امس.وماقدرت اقولكم في التلفون فحبيت اني ايي واقولكم في ويوهكم وبالمره اسلم عليكم..
غيث: هيه بس الي اعرفه انه لازم انه يكون في اجراءات قبل السفر هب جيه والدرب..يقولوكم يالله اشتلوو.
فارس: هيه ابويه ماهم عطوهم فتره..من شهرين.. بس في الاخير واحد منهم ما قدر يسير .. صار له حادث من اسبوعين وما بيقدر يسير. ياه المدير وقاله منوه اترشح يكون بدالك.. قام ورشحني انا. وبما انه مافي وقت انه يشوفون حد ثااني. قامو وثبتوني.. والمدير امبونه كان يباني اسير وياهم.. بس لاني ما عندي خبره قدهم.. توني الا من سنتين متعين بس.. عشان جيه ما اختاروني من قبل.. ومن رشحني الريال ثبتوو اسمي.. والحين خلاص ماشيء باقي على السفر الا ثلاث ايام.ياني المدير امس ورمسني وقاله انه مافي وقت اني اعترض ولا ادور حد غيري.. ولا بعد طرشو الكتاب ووقعو عليه.خلاص اسمي وحجزي كله موجود اهناك. ويوم الاحد بيداومون الاجانب اهنيه.. واحنا يوم الاثنين بنداوم عندهم..
غيث: هيه بس ماشفناك وما يلسنا وياك. ما يصير..جيه..
فارس: والله يابويه اني ابا ايلس وياكم.. حتى اني فكرت اني اتقاعد خلاص مليت الدوام.. حرام اني آخذ بالعشره ايام ما اشوفكم. تتحروني راضي بحالي. لا والله يا ابويه اني ما يهون عليه اني يمر الاسبوع ولا اشوفكم. انته مرات اشوفك يوم تي بوظبي.. واتشوف حالي من ايلس وياك طلبوني في الطواري ولا العمليات. بس شوه بسوي يابويه.. هذا شغلي..
عبدالله: لا معذور يا ولديه ومحد يلومك بس انهم يخبرونك جيه بالسفر وانته لا متجهز ولا شيء.. ها الي صادمنا.. لانا انا شفناك ولا شيء..
فارس: والله ياعمي . اني اتريا الخميس بسرعه ايي.. ومن ايي ارتااااح اني خلاص بيي عندكم. ومن ايي الخميس اتقول نقعت شلق امره ياحادث ولا ناس متضاربين عاد تعال انته عالج اهنيه.. وسوالعمليه هنااااااك.. مرتين صارت لي يوم الخميس اوصل الباب بس ويتصلون فيه تعال عندك عمليه مستعجله..والله اني مرات ادعي على راعي الحادث من الخاطر..ومرات اتطور اشوي اوصل لين السياره ومن ادقها سلف يدقون تلفوني سلف..ويالله رد بسرعه..شوه اسوي يعني..
احمد: انزين محد غيرك عندهم..؟؟
فارس: ليش الحوادث الي اتصير حادث واحد بس.. الله يهديهم بس.. مرات يكون اربع دكاتره وجراحين في عمليه وحده . خصوصا ها الي يكون متكسر كاااامل.. لازم جراحه كامله وتاخذ منا مرات فوق 10 ساعات..
عبدالله: لا حول الله يهديهم بس..
فارس: آمين يارب... من اسبوعين يوم الضباب يتنا فوق 21 حاله.. 10 حالات عمليات.. وخمسه بس كسور بسيطه وجروح بليغه اشوي وترقدو .واربعه اترخصو في نفس اليوم جروحهم بسيطه. اثنينه توفو في الحادث.شوف عاد كيف اتوزع الطاقم الطبي عليهم.. والعمليه الوحده تقريبا يبى جراحين وممرضات لازم في كل غرفه.. غير راعي البنج.كم بيصفى حق الي برااااا. والعمليه الوحده تبالها فوق 5 ولا 6 ساعات.احسب انته كم بنتم في المستشفى.. يوم كامل وبالباجر بعد واحنا من عمليه لين غيرها.
غيث: الله يعطيكم الصحه والعافيه هاي شغلتكم يابويه.. وكم بتم اهنيه عندنا..؟
فارس عاض على شفايفه: لين باجر بس.
غيث وعبدالله: يوم واحد بس..؟؟
فارس:هيه لازم ارجع واخلص الاجراءات الي باقيه. وهذا غير اني لازم ارتب الشنطه واتشرى ولين الحين ما سويت شيء..؟
فهد: انزين خلص مشترياتك من العين لازم من بوظبي.؟
فارس: مب سالفه مشتريات حتي اني بشتري شيء بسيط من اهنيه و اهناك بكمل الباقي..بس عندي اجراءات السفاره ولازم اييب لي من عندهم اوراق . وبعد يقولون لي في اوراق ناقصه.. بسير لهم وبكمل الاجراءات .. وبشوف شوه الي ناقص مواعديني على باجر الصبح رمستهم وقلت لهم الصبح ما ارووم ايكم قالو لي الظهر لازم اكون عندهم..بطلع باجر الضحي من اهنيه وبسير لهم سيده.
غيث: شوه بنسوي يا بويه خلاص ماشيء بيدنا انسويه.بس انته قلت لي انك تبى تخطب البنت شوه الراي الحين.كنسلت شوه.
فارس: لا شوه اكنسل!!.. انا بغيت آخذ رايكم في الي فكرت فيه.
غيث: وشوه فكرت.؟
فارس: امم الحين انسير لهم ونملج ونعطيها الفلوس تزدهب ومن تخلص ارجع ونعرس واشلها ويايه ان طاعت وان ماطاعت اخليها عند اهلها وارد عليها كل 3 شهور..
غيث: لا يابويه ما يصير جيه تيها كل 3شهور.. ويمكن اتطيع تسير وياك..
فارس: انا اباها تي ويايه.. بس المشكله انها تشتغل.
حمد: تقلع الشغل.. خلاص من ترتبط بك تقلع الشغل.. هن ما يتعلثن بالشغل الا عشان وقت الفراغ وخلاص دامك بتاخذها بتقلع الشغل..
احمد: هزركم ان خذت غزلان يتقلع الشغل.
حمد: طاعووو انتو هذا
الكل:ههههههههههههه
غيث: حليلها بتخليها تقلع الطب. حرام عليك..
احمد: هيه والله عيل من اداوم انا بترجع للبيت هيه.. ومن ارجع انا البيت هيه اتداوم كيف بتكون حياتنا.
عبدالله: يمكن تخليه الشغل بعد ما تعرسون شوه دراك انته.
احمد: آآآآآآمين ربي يسمع منك عمي..
غيث: ههههه والله انك يا احمد.. ابويه فارس سير سلم على امك وخواتك. وبالمره اباك اترمس مريم عن الريال.. لانه لين الحين محد رمسها فيه..
فارس: ان شاء الله ابويه. ومريم انا اعرف لها. ماعليكم. يالله سمحو لي.
عبدالله وغيث: ربي يسمح ذنوبك.
احمد : انا بعد اسمحولي..
غيث:الله وياك.
احمد: اشله ما قلت لي ربي يسمح اذنوبي زد فارس.. حتى انا باجر مسافر.مالي خص.. ولا بتشوفوني.. الا يوم عرسي..
..

..عجيد الريم..
27-04-2009, 08:29 PM
غيث:هههههههه يالغيريه.. وين بتسافر انته..
احمد: بسير عند هنود انا محد يحبني قدها..
غيث: ايييييييه ياهند والله لها وحشه ... معني ارمسها كل يوم الا اني اشتاق لها في اليوم عشر مرات..
عبدالله: الله يعينك ياخويه..ماعليه باجر بتعرس وبترد لك.. ويدها ما بيقدر يقول شيء..
غيث: تعرف لين ساعتك كل يوم يتصل يدها يقولي انه يبى اييوزها قطري وهيه ترفض ماتبى تاخذ غيرمواطن من عيال دراها على قولته..
احمد: ها الي قاصر يبى اييوزها قطري..علشان يضمن انها اتم عنده.. بيبطي..
غيث:ههههههه حد يرمس عند احمد. خلاص يا احمد ما بتاخذ قطري.. ارتاح.. معهنم ونعم الساع فيهم.
احمد: ابويه عندي ربع من قطر. ونعم الساع فيهم بس ما ابغي ولا واحد منهم ياخذ هند .. هند مواطنه ومن حقها يأخذها من هل دارها. مب من هل خوالها..
عبدالله: لالاه صدق.. بنات الدار لشباب الدار..
حمد: سلامي عليك ابويه..
فهد: حليج ياهند.. والله لها وحشه ما بتي قريب احمد؟؟
احمد: لا ماقالت لي.. وانته ما اترمسها شوه؟
فهد: ارمسها بس مش دايماً الحين عدني بها والله من اسبوعين.مارمستها..
احمد: ياكبرها عند ربي.. اسبوعين مب مرمس اختك.. خاف ربك..انا ان ماسمعت حسها يوم واحد بمووت. وين اسبوعين.. ياخي كيف قلبك حجر..
فهد: حشى لو حرمتك مب اختك.. الا بتخبرك هذيلا الملقوعات اهنيه دووم اترمسهن.؟
احمد: خلهن هن يرمسني قبل.. حشى من ادخل عليهن.. اتقول داخل عليهم عزائيل .. يتيبسن بقعتهن.. شوه مسوي لهن ما ادري؟؟ولا حجرتيه اتقول معقوق فيها لعنه ما يدشنها لو شوه مايصير ما يدخلن.. خخ من يومين راقد في الصاله.. وسمعت حسهن عند الباب. اظن انه غانم قال حق منيره تزقرني والله انها وقفت عند الباب وتزقر عليه.. والله لو مادخلت بنيه مريم اني ما نشيت.. ادب لها بغيتها تدخل والله ولا دخلت..
غيث: شوه مسوي لهن؟؟
احمد: والله ما ادري.. مريم الوحيده الي اتدش حجرتيه والباقيات ابد. مره ياي من الدوام ويت مريم عندي الحجره واسمعن وراها.. مريم دخلت عندي وهن تمن في الصاله.. ويوم تخبرت عنهن قالت لي يشوفن التلفزيون.. ويوم زقرتهن. دخلن وتيبسن على الكرسي.. ولا احتركن ولا اتنصخن.
الكل:هههههههههههههههههههه
احمد:هههههههه والله.. معني ماسويت لهن شيء..
فهد:ههههه ياخي اتذكر يمكن سويت لهن شيء.. وعطني الطريقه ماخلن شيء في الثلاجه ما خذنه. امزرها اليوم.. وبعد يومين القاها مصفره.. من كل شيء..
حمد: يا البخل.. برايهن خلهن ياكلن من خيرك..
احمد: هههههه ياخي ماعليه ايين حجرتيه ويشلن الي يبنه ما بقولهن شيء.. امره لو مادخلت الخدامه الحجره ولا مريم ما بتدخلها حرمه..خخ
حمد: ياريال الحجره تبا راعيتها بس..
احمد:آآآآآآآخ خلاص خلصوووو موضوع مريم انا الحين بعرس..رباعه ويا فارس.. بنعطيهن الفلوس رباعه شوه قلتووو..
وامره حتى فهد ودانه.. شوه قلتووووو.. بيكون عرس جماعي.
عبدالله: والله الساعه المباركه ماعندي مانع بس شوه راي الحريم
غيث: والحرمات بعد اشرايهن.. برايهن ما بغن كيفهن.. خلو العيال يعرسون ويستقروون..
عبدالله: يالله اتوكلو ماعندي مانع.. وانته حمد ماا بتعزم وياهم..
غيث:: ليش حمد حد خطب؟؟
عبدالله: الحين بيخطب بنت محمد بن......... تعرفه صح..؟
غيث: هييه ونعم الساع فيه..بس احيده مسافر برا البلاد مب هنيه.
عبدالله: هيه هو يكون برااااا بس امه الي مربيه العيال
غيث: عيل خلاص انتو شاوروهم ان قربوو بكم خلوه عرس واحد.
حمد: ونعم الراي..والله انك يا عمي فنتك..
غيث: هيه الحين تبون تعرسون ولا من قبل كم صحنا عليكم امره ماشي منه. جنا يوم انرمسكم عن العرس.. اتقولون نبا لكم العثره..
احمد: اووووهوووووو فتحهم الحين يا حمد .
غيث: تسمع ياعبدالله..ها الي يبى يسوي الخير فيهم..
احمد: افا والله يابو غانم.. انته الخير كله ونحن بلاكم ما انروم انسوي شيء.صح ولا انا غلطان.. اشوف حد يقول غلطان والله لادفنه اهنيه.
فهد: حد بيجرأ اصلا وبيقول لاااااا.

..عجيد الريم..
27-04-2009, 08:30 PM
حمد:ههههههههههههههه لا والله في ذمتيه كلكم الساع مالنا بد من دوونكم. امره وخيركم على روسنا كلنا.. مش لانكم ابويه وعمي لا والله في ذميته انتو الخير كله. وهذا كلام يدوه وريقه ربي يرحمها..
الكل: الله يرحمها يارب..
غيث: هزركم فارس شوه سوا وياهن..
عبدالله: علمي علمك ياخويه..
احمد: الله يعينه عليهن.. عاد فارس اغلى واحد عندها.
غيث: الله يعينا..والله ما انسى الي ياها يوم توفى سعيد ولده.. مااهتمت بالياهل قد ما اهتمت بفارس..
عبدالله: الله يعينها..
.........
وعند فارس بعد ما اجتمع مع خواته وامه الي كل العاده من درت بالسالفه تمت اتصيح..
ملاحضه: الكل يدري انه فارس واحمد خطبو من بوظبي.. بس ماكد شافنهن غير مريم.. طبعا..
فارس: امايه عني افداج الحين الصايح شوه بيسوي لج.. انا لو اقدر اني اكنسل الموضوع. بكنسل الموضوع من دوون حد ما يدري.. بس الموضوع صار غصبن عني..
لطيفه: هيه بس ما بقدر على فراقك 3 شهور.. اسبوعين ماشفتك وجيه حالتيه وين بالشهور ما بشوفك.. اشله مختارينك انته. قلت عليهم الدكاتره ياخذونك انته.. جنه ماكفني السبع السنين الي سرت فيهم عندهم.
قام فارس وحبها على راسها: امايه عني افداج انتي قلتيها 7 سنين. وصبرتي عليهن.. الحين ما بترومين تصبرين 2 ولا 3 سنين بس.. ولا بعد احتمال انرد ويكون لنا ياهل.. امايه عني افداج مايهون عليه اشوف دموعج فديتج امايه خليني اسير ونا مرتاح دخيلج امايه..
لطيفه: شوه بسوي يا بويه.. ربي ييسر لك اموووووورك ويردك لنا سالم غانم يارب..
فارس: آمين.. امايه انا فارس مب غانم ولا سالم
لطيفه: والله كلهم غالين ربي يحفطكم كلكم..
فارس:آآآآآمين يارب..مريم تعالي اباج اشوي تعالي الحجره
مريم: ان شاء الله خويه. جني عرفت ليش تباني..هههه
فارس: فديت الي تفهم عليه.. بس فديتج لين الحين ما اشتريت شيء.. بنحط الي عندي في الكبت الحين ويوم برد بوظبي بشتري بعدني..
مريم: هيه انزين معنه الي في الكبت وايد وشيء منهن يداد..
فارٍس: هيه شيء منهن ما كد البسن.. تعالي عدلينهن حقي.
سار وياها الحجره وسكر الباب.. مريم سارت سيده الكبت.. فارس من شافها سار لها ومسكها من ايدها ويرها الشبريه.
فارس: تعالي خلي الثياب الحين..اباج في سالفه.
مريم معقده حياتها: خير ياخويه..؟
فارس: اممم كيف ببدى وياااج..
مريم: خير يا خويه..
فارس:شوفي الريال رجع كلمنا فيج ..
مريم : فارس
فارس: خليني اكمل كلامي ممكن؟؟
مريم: تفضل..
فارس: لاتقاطعيني..ممكن.
مريم: ان شاء الله..
فارس: اممممه سمعي.. الريال رجع كلمني فيج. وانتي يوم رمستي غانم صح انه احتشر وهد وانطحن بس خلاف ياني وقالي انه موافق على الريال.. وحتى انه رمس ابويه وابويه موافق على الريال..وطبعا خبر كل اخواني . وخواني يوم اتخبرو عنه كلهم لقو مدح من ورااااه. ولا حد ذمه.. مريم هاي حياتج.. مب حياتنا. الريال بيي يوم الجمعه. وبييب الريايل وياه.. يبون يقصون الحيه.. ان كنت موافقه خلاص بنقوله مرحبا بهم. وان رفضتي الحين برمسه وبقوله خلاص مالك نصيب. ما انرووم نخيلهم اييون وخلاف انردهم.. هوه رمسني قبل وقالي اشوف رايج وخلاف بييب اهله.بعد الريال اغلى ماعنده كرامته وكرامت اهله.. مايبى اييبهم ويوم يتعنون واييون يردوون خايبين فهمتي عليه..الحين ابا رايج.. وما بطلع من اهنيه الا ورايج عندي.. والحين برمس الريال وبقوله..وقوم ابويه خليهم عليه ان رفضتي ومحد بيقولج شيء هاي حياتج وحيات بنتج وانتي ابخص بحياتج منا.. وانتي مب ياهل تبين حد يوجهج.. شوه قلتي ..؟؟
مريم: والله ما ادري فارس.. انا الي قالي غانم انه مابيوافق عليه.. والحين اتقول لي انه موافق..
فارس: اقولج غانم هوه الي رمس ابويه.. وفهمه انج وحمد ما بتتوفقون..بس هذا ما يمنع انج ترفضين.. انا قلت لج مريم انا بوقف وياج على الحلوه المره.. ومحد بيرمسج ان رفضتي .. وعلى فكره الريال يترياني من البارحه وقلت له صبر بشوفهم وبرد عليك.. والحين شوه ارد عليه..
مريم: والله ياخويه ما ادري شوه اقولك.محتاره.
فارس: محتاره من شوه؟؟
مريم: وبنتي شوه بيكون مصيرها..
فارس: بنتج بتكون عندج بس كل فتره هاتيها عند بيت عمج عموه موزه متعلقه بها.
مريم: ادري انها متعلقه بها بس..عادي بتخليها عندي على طوول.؟؟

..عجيد الريم..
27-04-2009, 08:31 PM
فارس: هيه حبيبي هاي بنتج.. وبعدين بعيرسن بناتها وبيبن العيال صح ولا انا غلطان. وحتى حمد بيعرس. يعني بتتعلق في بنتج لين حد من عيالها اييب العيال وبعدين خلاص.. بعدين لا تلومينها يامريم . لاتنسين انه العنود بنت خالد بجرها. واكيد غلات البنت من غلات ابوها.. يكفي انها فيها ريحه منه.. ولا فوق هذا البنت اتشابه ابوها. صح ولا انا غلطان.؟؟
مريم: صح.. العنود نسخه من ابوها.. بس يافارس. خايفه من هاي التجربه كيف بتكون حياتي وياه.. وبنتي..
فارس: مبارك قالي انها بتكون في عيونه. يكفي انج امها يامريم. الريال مشربك تشربيك فيج.. وما يخالف عليه امره..المهم اتكونين عنده. وبنتج بتكون بنته. اذا سمحو له. هاي رمسته يامريم..هااه شوه رايج..
مريم: وانته يافارس شوه رايك؟؟
فارس مبتسم: والله يامريم ما اعتقد انج بتلقين ريال يحبج ويغليج قد مبارك.. اتوكلي على الله. وبس عندي شرط..
مريم: شرط؟؟
فارس: هيه ان يبتوو ولد اتسمونه سعيد..
مريم: سعيد؟؟
فارس دمعت عينه: هيه يامريم سمووه سعيد.. وانا ان ياني ولد برجع اسمي سعيد..
مريم: ليش يافارس تبى تعذب عمرك.
فارس: لا يامريم مابعذب عمري.. حلمي اني اكون بوسعيد.. وتحقق اسبوع واحد بس.. والله خذ آمانته. والحمد لله على كل حال.. خلينا مني يالله شوه قلتي موافقه على برووووك بوسعيد ولا لااا
مريم:هههههههه برووك وبوسعيد بعد؟؟
فارس:هيه شوه قلتي.. ولا اقولج شيء.. مبرووووووووك وخلاص فكينا..
مريم وهيه مستحيه: الله يبارك في حياتك..وان شاء الله ترتاح في حياتك ياخويه.. وخلي اكون اول المهنئين لك في عرسك. بالعنود.. تعرف من شفتها اول مره ونا افكر فيها.. امم اتخيل عيالكم كيف بيطلعون.. يالله المهم اني بكون عمه.
فارس: مريم خليني بعقلي احس لااسرح بعييد وبعدين ما بتحصلوني..ههههههههه
مريم : مبروووووك ياخويه..
فارس: الله يبارك في حياتج.. ومبرووك عليج.
مريم : الله يبارك في حياتك.
فارس: دام السالفه خلصت.. ترا الجماعه بييون باليمعه. وبيقصون الحيه امره.
مريم: شوووه ليش مستعيلين جيه.
فارس: أي مستعيلين حرام عليج.. مبارك كم سنه صبر عليج. حرام عليح حسي به.
مريم: هيه بس.
فارس: ماشيء بس.. بسير اخبر الجماعه انه بيكون يوم الجمعه عزيمه رياييل. وخلاص. ومن يعطونج الفلوس خلصي ترا الريال مستعيل.
مريم: والله خوفتني يافارس..
فارس: لا حبيبي ماله داعي اتخافين. بعدين على فكره مصيرج انتي موقف مصير وايدين غيرج.
مريم: كيف يعني مافهمت..؟
فارس: انا بقولج.. حمد يبى يخطب. واحمد يبى يخطب.. والشيخ فارس الي جدامج يبى يخطب.. وفهد يبى يملج هذا البوكيمون اتطور عنا. المهم.. وكلهم مأجلين الموضوع لين حضرت مريم اتخلص.. فهمتي ..
مريم: حمد بيخطب.. والله.؟؟
فارس: هيه حمد بيخطب..
مريم: والله مبروووك منوه هيه..اعرفهم.
فارس: اممم والله ما ادري اذا اتعرفينهم ولا لاااا.. بس تعرفين قوم حمدان ربيع حمد واحمد..؟؟
مريم: حمدان..؟؟ جني سمعت انه حمد عنده ربيع اسمه حمدان
فارس: خلاص عيل. هاي اتصير اخته..
مريم: اها. الله يهينهم يارب..
فارس: آمين يالله عيل انا بسير ابلغ قوم ابويه يتريوني في الميلس.. اشوفج على خير.. وهيه بييج فليل علشان الاغراض. تراني باجر الضحى بسير بوظبي.. لازم اخلصهن اليوم.
مريم: ان شاء الله ياخويه. انا بحط الاشياء الضرويه والموجود اهنيه وانته في بوظبي كمل الباقي........ تعرف فارس..بشتاق لك..
فارس: عيون فارس انتي. وانا بعد يامريم بشتاق لج.. ولج عليه اني من ارد من بريطانيا اييب لج هديه من هناك..
مريم: تروم انته اتروح وما تيب لي شيء. والله برجع اركبك الطياره تييب لي شيء وترجع..
فارس:هههههههه حرام عليج بترديني 7 ساعات بعد علشان ايييب هديه.. يا المفتريه..
مريم: ههههههه لا والله يكفي رجعتك النا يا خويه سالم غانم..
فارس:ايه انا فارس لا سالم ولا غانم...تلحقين امج؟. يا اتخليني اخووج العوود.. غنوم.. ولا اخووج الصغير.. آخر العنقود .. لا مب هوه واحد من آخر العنقودين.. سلوم..
مريم:ههههههههههه فديتك ياربي.. والله انك اغلاهم يافارس كلهم غالين عندي بس انته غير..
فارس:ههههه فديتج ياربي.. واني بعد غاليه يا ام العنود احم يكفي انه بنتج سميه خطيبتيه.... يالله عيل خليني اتوكل عندهم لاتلقينهم كلهم اهنيه بعد اشوي.
مريم:هههههههه خلاص عيل انا بجهز الشنطه.لك.
فارس: عفيه على اختي حبيبتي.. يالله عيل..باي..
مريم: باي..

..عجيد الريم..
27-04-2009, 08:31 PM
ربع طيران عند ابوه في الميلس ولقاهم محتشرين ويا فهد..
فهد: اقولكم مالي خص.. ماباهم يعرسون ويااايه. عمي شوه هذا.. جذيه ما بناخذ حقنا..
عبدالله: ياولديه كيف ما بتاخذ حقك.تراها الا ليله وحده وانتو خوان.. خلوكم رباعه..
حمد: صدقه ابويه. بلا عبط فهد..
احمد: انا احيدك بخيل.. اشله هاي المخاسير الحين.. خلها ليله وحده.. وبعدين من تخلص هاي الليله. احتفل قد ماتبى محد بيقولك شيء..
فهد: تيسرون بعد.
احمد: ابوووووويه تسمعه..ابويه وعمي اهنيه ولا بعرف كيف ارد عليك.. مشكله يوم الواحد يكون اكبر عنك. حتى لو بسنه.. اف ابويه اشله مايبتوني قبله..
غيث: اسمع ياعبدالله. بتلوموني ان يتني باجر جلطه..
فارس: بسم الله عليك يابويه.. اييييييه اليهال شوه بلاكم..
احمد: اوووووهووو ياني المفتي الحين..
فارس: مفتي؟؟؟
غيث: خلك منهم الحين هاا بشر ؟؟
فارس: اممم شوه اقولكم..
غيث: شوه قالت لك ارمس عااااااد..
فارس يحك شعره وخده ويحيس بوزه: هع مبروك وافقت مريم
غيث: عنه الله تك واشله ما رمست من قبل..
فارس: الصراحه بويه ماقدرت اطوف شكلك وانته جيه. تتريا الخبر..
غيث:آآآآآآآآآه انا بلقاها من منوه ولا من منووووه اذا الكبير جيه يسوي بي وين ها اليهال..
احمد: افااااا الحين فهد ياهل..وووووووووه.
فهد: جب ولا جنك اخويه الـلـــــــــــي اصغر مني. يعني ياحبيبي انته المقصود.. يا الياهل.
حمد:ههههههههههههه والله حاله.
فهد: وانته بعد ويانا لاتيلس تضحك واتسوي عمرك رزين يوم شفت ابوك... ترا محد خريش قدك.
حمد: متى هووه؟؟
عبدالله: لا بسم الله على حمد هب خريش ولا شيء..
فهد: هييه واضح ياعمي.. ترا الاجدامك هادي وحليو ومن وراك.. ماخفي اعظم..
حمد بكل براءه: انـــــــا..؟؟
احمد: حليله يالبراءه.. المشكله ماتركب عليك حمد..
حمد: جب انته..
فهد: شفت ياعمي..
حمد: انا ماسويت شيء..
فهد: هييه انا الي سويت.. المهم لاتغيروون الموضوع.. شوه قلتو خلاص خلو عرس حمد واحمد وفارس في يوم واحد وانا دانه في يوم ثاني.
غيث: واشله كل هذا يافهد..؟؟ خلوكم ليله وحده مافينا على العثره. انته تتحرا العرس هين.. يابويه تراه لعواز..
فارس: صدقه ابويه.. فهد ليش تبا لك ليله بروحك.اخلص ويا خوانك ليش معثر الامور..
فهد: ياخي ما احس انا بناخذ حقنا في هاي الليله ان شاركنا كلنا فيها.. باجر بييكم علي ومطر وبيقولون بيعرسون ويانا..
غيث: لا اتطمن لا مطر ولاعلي بيعرس الحين.. محد رمس منهم.. ولو اني ابغيها من الله انهم يعرسون بس لين الحين يقولون بعدهم ما بلغوو..بعدين عليا ونوره بعدهن صغار على العرس.
فهد: عليا باقي لها هاي السنه وبتخرج من المدرسه.. بيقولكم اجلو الموضوع لين تتخرج حضرتها .. ونا مافيني صبر.
غيث: فهد استح على ويهك شوه هاي الرمسه.
احمد: يقوووولوووون ليلى في العراق مريضاً فياااااا ليتني كنت الطبيب المداويا. تمر الليالي والشهور ولاارى. غرامي لها يزداد الا تماديا.. يا ابويه ما اتشووووووووف ولدك كيف متشربك تشربيك.. وهع يبى يعرس اليوم قبل باااااجر.. واذا قاله مطر انه يباكم تأخرون وهذا الشيء غير جائز طبعا.. بيمووت الريال مافيه يتأخر بعد اربع شهور..زياده.
حمد: اربع شهور شوه الشهر الياي امتحانات الثنويه.. اربع شهور من وين يبتهن..
احمد: ادري يا العبقري.. بس الزهاب وعثرته كم يباله.. هذا غير سكراب الصوالين.. روحه يباله شهرين ولا ثلاثه..
حمد: شوه قصدك بسكراب الصوالين.. يعني تقصد خواتي سوود.. تسمع ابويه..يسب النص درزن ماليلك.
عبدالله: لا حول ولا قوه الا بالله.. أقول غيث شوه رايك انسير خيمه الشواب احسن..
حمد: هااه ابويه افاا الحين اعترفت انك شيبه.. يعني امايه عيووز.. خخ بسير اخبرها..
عبدالله: عاز حيلك. اقول حمد سير جابل امورك احسن لك..
حمد:ماعندي شيء فاااااضي لكم حبايبي..
احمد: حووه نسيت ولا لاااا
حمد: لا مانسيت .. بعد الصلاه بنسير..
عبدالله: شوه عندكم؟؟
حمد: بنسير نخطب.. وانتو يا الشواب شوه يخصكم..والله يا الفضوووول. كيف..
عبدالله: حمد؟؟
حمد: ادري يا ابويه ولا بعد كلهم يدروون اني اسمي حمد.. صح تدروون..
احمد: اممممم انا كان عندي شك. باسمك..
حمد: قول وااااااا
احمد: وااااااا
فهد: شوفو اليهال..
احمد وحمد: انجب..

..عجيد الريم..
27-04-2009, 08:32 PM
فهد: ابوووويه اتشوفهم ولا جني اكبر عنهم.. انا ساكت بس لانه ابويه وعمي اهنيه.. ولا بعرف كيف اتصرف وياكم..
غيث: لا يافهد امره اتصرف كيف ماتبى مرخص يابويه. دام هاي علومهم. امره مرخص. شوه رايك عبدالله.
عبدالله: ماعندي مانع امره مرخووص يافهد.
حمد واحمد : افااااااااااا
احمد: عمااااااااه..
حمد: ابتااااااااااه..
احمد: ابتااااااااه..
حمد:عمااااااااه..
فارس: شوه هاي السمفونيه..ههههههههههه
عبدالله: يا الله غيث انسير..
غيث: يالله.. ياالله فهد شوف شغلك وياهم.
فهد: فالك طيب يابو غانم. ماطلبت..
فارس:هههههه انا بطلع بعد.. يالله ان تكسرتو اتدلون الجيمي ولا توام صح.. يالله فمان الله.. وهع والحمد لله على السلامه مقدما..باي.
احمد: ايييييه من صدقكم انتوووو
حمد: ابووووووويه اهووووون عليك انضرب.
عبدالله: ماضربتك وانته صغير..وما ارووم اضربك وانته كبير.. خله هووه يضربك اشوي..
حمد: لا والله.. ماعليه بخبر عليك مويز. بنت رويه..
عبدالله: فهد شوف شغلك..بويه
فهد: ان شاء الله عمي.
طلعو وخلوهم رواحهم.فهد روحه.واحمد وحمد على طرف رواحهم..
احمد: يالله دامهم طلعو شوه رايكم نلعب بالوي.. في خاطري من زمان..
حمد: هيه والله.
فهد: اوكي بس اعتقد في جهازين بس اهنيه..
احمد: هات جهاز مال القيم كيوب بيشتغل فيها..
حمد: عندكم جهاز مالها..
فهد:هيه صبر هنيه في المكتبه..
قعدوو الحبايب يلعبووون بالوي لين آذن العشى وسارو المسيد صلو. ورجعو البيت. بما انه المسيد قريب من البيت.. ومن تعشو سار حمد ويا احمد عند اسامه الي كان يتيرياهم في الكوفي.. ومن شاف حمد ربع صوبه
اسامه:هلا يعني لازم تيب ولد عمك وياك..
حمد: جب مالك خص.. المهم
اسامه: احترم نفسك وعن الغلط.
حمد: نعم نعم وان ما احترمت عمري شوه بتسوي..
اسامه: مااعتقد اني غلطت في حقك علشان تغلط عليه.
حمد:اسمعني زيين الساعه الي سارقنها من سعيد اليوم اتردها ولا بيكون في كلام ثاني. اصلا ليش اتريا.. اقول بوشهاب شوه رايك انسير عند خليل. بكره عندنا تعبانه وهوه عالجهاا بنسير نتخبره عنها بالمره بنقوله عن بطولات عياله. في خط بوظبي.ولا مش مره وحده لا مرتين.
احمد: والله يكون احسن.. بس تعرف مشكله خليل انه وايد عصبي.. حرام باجر بتلقى ها الاسامه ويهه غادي شوارع وسكك.. ولا مزرق بعد.. اووه بعد حرام مابيقدر يسير عند الشيوخ علشان ما بيعطونه هدايا ان كان ويه شوارع.
حمد: لا يمكن يقولهم انه دعم بالسياره بعد ما يا من عند جهاز الامن. الا مادريت انهم طلبوه.. اهناك. هزرك ابوه يوم بيدري شوه بيسوي بعد.

..عجيد الريم..
27-04-2009, 08:33 PM
احمد: عادي يجتله. هههه اتخيل والله شكله يطير من كف واحد من ابووووووه.. هههه تذكر الطراق الي ياه يوم دعمت سيارته.هههههههههه والله ما انساه.
حمد: افا والله ناسي. ماعليه الحين من نخبره بييه نفس الطراق يالله يمكن ان شفته الحين اتذكر الطراق القبلي..
هم يرمسووون واسااااامه ميت من الخووووووف كل ماحاول يتكلم مايعطونه فيس ويكملون في سوالفهم. معنهم ثنيتهم في خاطرهم يتضاربون وياااااه..فحبوو ينرفزون باعصابه.. وصدق من قال الحقران يقطع المصران.. حاسين به مييييييت من الخاطر..
احمد: افاا ههه تعرف جيه عطاااااااه وكان واقف عدااله. ومن عاااطاه الكف الا طااااار اسامه ودششششششششششش طاح على الرصيف بس الي حيرني كييف راام يطير كل ها المسافه ما اعرف. كف واحد عشان السياره هزرك الحين كم طراق بييه. اول شيء سرقته للساعه.. وثاني شيء سيرته لبوظبي وثالث شيء . طالبينه جهاز الامن. ورابع شيء جذبته في انه الشيوخ عاطينه هاي الساعه اف كم طراق بييك يا اساااامه هاااااااااااااااااه .
اسامه: صبرو اشوي ماله داعي ابويه يدري بالموضوع نحن كبار وماله داعي كل هذا..
حمد: لا والله يوم انه ماله داعي عيل اشله تتفرس بسعيد.. ويوم انك ماعندك ليسن اشله ذالف بوظبي..
اسامه: هوه الي قالي..؟
حمد: وانته شوه قلت له .. عطني ساعتك بوصلك. يا الحيوان اتعرف هاي الساعه من وين يايبنها..
اسامه: مالي خص قلت له بوصلك وهوه عطاني الساعه.
حمد: جذبت انته قلت له. ان تباني اوصلك عطني ساعتك. تتحراني ما اعرفك اسامه.. شووف من باجر الصبح اتسير عند سعيد وتعطيه جدام الكل الساعه. وخلني اشوف فيها شرخ ولا كسر والله ما اتلوم الا نفسك تفهم ولا لااااااا.
اسامه: ما اقدر؟
حمد: نعم واشله ما تقدر ان شاء الله.
اسامه: الساعه مش عندي؟
احمد: وين عيل.
اسامه: عند ابويه.
حمد و احمد : نعم؟؟
اسامه: هيه هو اخذها مني اليوم الصبح.. قال انها عجبته واخذها مني.
حمد: شوف اسامه تتصرف مالي دخل ولا والله لاروح له واقوووله كل شيء. كيفك عاااااااد انته.
اسامه: شوه تباني اسوي اسرقها يعني.
احمد: مب مشكلتنا المشكله مشكلتك انته. اتصرف. قولة الساعه كانت عندي امانه وراعي الامانه الحين يباها. وخلاص. يادار مادخلت شر..
اسامه: ما اقدر بيضربني.
حمد: والله مشكلتك محد قالك تاخذ الساعه منه.. قلت لك باجر الصبح جدامهم وان يا سعيد من الدوام الساعه مب عنده انا العصر عند ابوك ومخبرنه كل شيء.. عاد دورك مكان تندس فيه خلاف.كيفك.
اسامه: ااااوووووووف انزين بشوف.
حمد: لا يا اسامه مش بتشووف الا اباك اتنفذ وبس..ويالله اجلب ويهك. يالله اشكال آخر زمن..
اسامه: عن الغلط.
حمد: جـــــــــــب ولا كلمه..يالله انجلع.
سار عنهم وهم ماسكين عمارهم عن لايضاحكون.شكله كان غلط في غلط. سار حمد البيت بعد ما وصل احمد بيتهم.. ماقدر يشل سعيد وياه لانه عنده امتحان باجر والحبيب عن الاستاذ حنفي الحين بس حليله حنفي في البيت عندهم مش في بيته..بسه بطره دووم يسيرون له البيت.. خله يسرف اشوي بتروول وايي بروحه. الهرم كم يبخ من الفلوس عليهم...
فها الوقت في ايطاليا. محمد طلع عن سلامه وسار المستشفى عنده شغل ضروري.. سلامه من خلصت خذت شاور راحت تتصل بعويش.. وتوها اتسولف وياها الا ويندق الجرس..
سلامه: صبري عواش حد يدق الجرس.
عويش: ايه وين تفتحين الباب يمكن حد حرامي ايييج.
سلامه:ههههههه أي حرامي واي خرابيط يابنت الحلال مب أي حد يدخل ها الفندق.هههههه خيالج واااسع اتصدقين.. ههههه لحضه بشوف منوه.
عويش: بسرعه وردي عليه.
سلامه: سي .
عويش: اييييه نحن عرب اتكلمي عربي..
سلامه:هههههه انزين.. سي يعني اوكي.. يالله صبري.
سارت سلامه تفتح الباب بعد ماشافت من الفتحه انه الي عندي الباب وحده مب واحد. استغربت وفجت الباب.
سلامه: هلا ختيه.
غايه: اهلين اشحالج.

..عجيد الريم..
27-04-2009, 08:34 PM
سلامه مستغربه: بخير ربي يسلمج آمري ختيه.
غايه: مايامر عليج عدوو اسمي غايه واسكن في البنايه الي مجابلتنكم.. ييت ابا اتعرف على غريمتيه.
سلامه: هااااااااه غريمتج؟؟ مافهمت..؟؟
غايه:هه عادي بفهمج..سمعي ياماما انا شفت ريلج وحطيته في بالي . واباه يعني بخليه يطلقج وياخذني حبيت احطج في الصوره بس علشان ما تنصدمين بعدين.
سلامه: ايواااااااا.. انزين يا غريمتيه هه خلصتي سخافتج ولا بعدج عندج شيء..
غايه:ههه عادي سوي عمرج مب مهتمه قد ما تبين وباجر بتشوفين..
سلامه: اقوووووول جلبي ويهج احسن لج لازقر لج السكيرتي الحين ويعقونج براااااا.. يالله..
وطرااااااااخ في ويها. تمت غايه تضرب الباب بريلها وسلامه مب معبرتلها..سارت سلامه صوب التلفون
اترمس عويش..
سلامه:هههه لحضه عواش عندي وحده حيوانه شارده من حديقه الحيوان بخليهم يعقونها في الشارع تمي على الخط لحضه.
عويش:هااااه حديقه الحيوان. هه اوكي لا تتأخرين.
سلامه: اوكي كارا. لحضه.
اتصلت بالرسبشن وخبرتهم. وماكملت دقيقه الا تسمع غايه تتهاد وياهم وهم يمسكونها ويوصلونها براااااا
سلامه: هلا عواش سوري
عويش: لا عادي بس ممكن افهم الي صاير.
سلامه:ههههههههههههه شوه اقولج الله يسلمج هاي وحده يايه تتعرف عليه.. اوين غريمتيه.
عويش: غريمتج كيف يعني.؟؟
سلامه: والله علمي علمج ياعويش. بس اونها حاطه في بالها محمد وتباه لها.اوين بخليه يطلقج وانا باخذه.
عويش: هييييييييييي يا القواه.. وشوه بتسوين.
سلامه: هه ولا شيء. حبيبتي محمد عمره ما بخليني خصوصا الحين من حملت. مايصبر عني .. وين بيطلقني علشان ياخذ هاي الزباله.
عويش: انتي حاااااااامل..
سلامه: هاااااه هييه احم وبغدي ام والله.
عويش: يا السباااااااله ليش ما خبرتيني .
سلامه : حبيبي الا البارحه اتأكدنا من الموضوع. هه بتغدين خاله ياعويش.
عويش:ههه مبروووووووك حياتو. شفتي عااااااااد.. الا ماقلت لي متى ناوين توونا بسكم ثلاث اشهور كملتو اهناك بسكم والله لج وحشه سباله.
سلامه: سباله ولي وحشه كيف صارت هاي.هههههههه
عويش:ههههه ما ادري ركبيها كيفج.. المهم متى بتوون
سلامه: امم اصلا ممنوعه من الحركه وخصوصا توني حامل. بس ان شاء الله بعد اسبوعين نحن في البلاد..
عويش: ااها يعني قبل العرس..
سلامه: يس..قبله بكم من يوم..
عويش: يالله بالسلامه.
سلامه: الله يسلمج...... هلا والله حبيبي.
محمد: اهلين حبيبي منوه ترمسين.
سلامه: منوه اتحيدني برمس يوم بكون ضايقه غير عواش.
محمد : ههههه فديتج سلمي عليها عيل.
سلامه: اوكي حياتو. عواش محمد يسلم عليج.. يالله بخليج الحين.
عويش: الله يسلمه.. ايييييييه انا حمد جيه بيقولي والله بمووت
سلامه:هههههههه بسم الله عليج من المووووت هههههه عادي شوه يعني باجر حتى انتي جيه بتقولين له.. عادي.
عويش: لا والله وجدامكم بعد بتبطون انتن وهوه بعد.
سلامه:ههههههه بنشووف عواش الايام بينا. يالله عيل سلمي على الجماعه وقولي حق يدووه اني سويت لها فوق الاربع مرات ما اترد عليه.. زلعت منها..
عويش:ههههههه فديتها حرام عليج. لو اتشوفينها اترابع ويا مريم اتقول هيه العروس مب مريم. فديتها الله يعطيها الصحه والعافيه..
سلامه: آمين يارب.. يالله عيل بخليج الحين بسير عند بو عيالي وضناي.
عويش: وجان استحي.يالسباله استحي انا آنسه بعدني..
سلامه:ههههههه عيل يوم انج تستحين سكري خليني اتغزل فيه ويتغزل فيه.
عويش: حيوااااااااانه باااااااااااااااااي..
سلامه:ههههههههههههه باي..
راحت عويش ترقد وهي حاسه ويها احمر من المستحى.. بس فرحانه.. يتغدى خاله مش لمره وحده مرتين. احتمال بعد.لانه على كلام فطيم هيه بعد حامل..لانها اتحس بلوعه شديده هاي الفتره.. والاكل الي كانت اتحبه الحين ما اتدانيه.. وطبعا بما انه اكل فطيم كله من البيت. الحين مجبره تاكل من برا.. شكلها توحمت على اكل البيت.. حليلك يارامس كم بتدفع علشان وحام حرمتك.ههههههه
اصبح الصبح والكل متحمس.. حمد لانه ابوه بيرمس ابو حمدان عن بنتهم.. سعيد لانه اسامه بيرد له الساعه.عويش بتخبرالكل انها بتغدي خاله.. مريم قربت عزيمه الريايل.. ومريم الثانيه قرب عرسها..ومنيره بتشووف الدكتور حمدان من اول كلاس.
احمد امه وابوه بيخطبون غزلان رسمي.وفارس ماشيء باقي وبيخطب العنود...ماقدر يأجل الرمسه. اتصل عليها فليل وخبرها كل شيئ.. ووافقت انهم يملجون سيده. ومن تخلص زهبه يعرسون سيده واتسافر وياه. لانه اصلا هيه حاطه في بالها انها تقلع الشغل من تعرس وخلاص من تعرس بتتفرغ لبيتها وريلها.. وطبعا من بعد ما تصالحت مع غزلان بعد مافهمتها غزلان انها فعلا ماكان عندهن وقت يلسن مع بعض ويتكلمن والحين بعد ماردت المياه لمجاريها خلاص انتهى الزعل ورجعن خوات عادي مع بعض..اما حمدان الي مشتاق يشوف فيه منيره وبنفس الوقت يبى يرمس اهلها فيها..ماعرف عند منوه يرمس عند حمد ولا احمد ولا فهد..فعزم في الاخير يرمس حمد وحمد بيقوله شوه بيسوي.. واليوم بيرمسه بعد الدوام..ان شاء الله..
في الجامعه مر الدوام كله اوكي ومافي أي مشاكل صارت منيره الطالبه المثاليه الناجحه وبدت الحبيبه اتحضر اول بول. والكل
مستغرب منها حتى دانه بنت عمها.
دانه: اقول المصريه شوه طالع عليج..ها اليومين هاديه وشاده حيلج.؟؟
منيره: ولا شيء بس حسيت بقيمه الدراسه تعالي فارس اخويه يسلم عليكم كلكم فديته بيسافر نهايه هاالاسبوع
دانه: بيسافر ليش؟؟
منيره: عنده دوره سنتين ولا ثلاث. عاد البارحه امايه قزرتها مناحه لين الصبح.
دانه: الله يعينها عاد كله ولا فارس عندها
منيره: هيه والله.
دانه: انزين تراج اتقولين انه يبى يخطب كيف جيه؟
منيره: الي سمعته من كلامهم انهم الحين بيخطبون ومن تخلص هيه الزهاب بيعرسون. واحم وبعد سمعت انه فهد بيعرس وياهم

..عجيد الريم..
27-04-2009, 08:34 PM
دانه: شووووه لاااا مابا الحين حرام منووور بعدني صغيره على العرس..
منيره: شوه صغيره امايه كم عمرج. دخلتي 18 بسج
دانه : لا مابا اعرس الحين هو شوه عايلنه ييى يبتلش بالعرس من الحين لاحقين عليه.
منيره: والله لو سمعج لايدفنج هنيه شوه الي عايلنه ماعيلنه كنت كل يوم اسمعه يصيح على ابويه يى يعرس بسرعه والله حاله. وبعدين احسن عرسي وتعالي عندي البيت بنداوم رباعه وبنرد رباعه عاااادي مافيها شيء.
دانه: هيه بس بكون ملزومه بريل منيره مب بكيفي بسوي الي اباه.. يعني لازم احط في حسابي اني اخلص وارجع البيت بسرعه علشانه.. يعني مابقدر اخلص كل اشغالي في الجامعه واقعد لين العصر. ولا المغرب لين اخلص كل الي عندي يعني بالكثير الساعه 4 ولا3 اكون في البيت بتكون وراي مسؤليه فهمتي
منيره: وللللللل مايسوى عليج.. اذا ماخلصتي اهنيه خلصيه في البيت ولا هاتي وياج في اليوم الثاني وخلصيه ليش مكبره الموضوع..
دانه: تعرفين اني ما احب اخلي شيء ورايه لازم اخلص كل شيء في وقته.. اف.. منوووووور دخيلج رمسيه خليه يأجل الموضوع سنه ولا سنيتن على الاقل اكون متخصصه واقدر اعدل على قرارتي بليييييز.
منيره: سنه ولا سنتين تبين فهد يذبحني لا والله. سيري لحمد وخبريه انا مالي خص.. وفكيني من حنه فهد.
كانت عويش توها خاطفه من سمعت اسم حمد فز قلبها...
عويش: السلام عليكم..
منيره ودانه: وعليكم السلام والرحمه..
منيره: ياهلا.
عويش: بالمهلي اشحالكن.
دانه ومنيره:الحمد لله يسرج الحال ومن صوبج.
عويش: الحمد لله يسركن الحال.. ها خلصتن ولا بعدكن..
دانه: هيه خلصتنا وقاعدين نتريا ملائكه الرحمه الي ترحمنا
عويش:ملائكه الرحمه؟؟
دانه:هيه انا اتريا حمد اخويه.. ومنيره تتريا احمد اخوها.ولين الحين غلامين في الدوام بعدهم.. قهر لازم ها اليوم في الاسبوع نخيس في الشمس. نتريا حضراتهم.
عويش:ههههه الله يعنيكم الا متي اتخلصون اليوم؟؟
منيره: 2 انتي؟
عويش: اها انا ماعندي دوام اليوم بس يايه اكمل بروجكت التخرج بس.. والحين بروح البيت.
منيره: ناس متخرجه وناس الحين بتنكرف والله حاله.
صاح تلفون دانه وردت على حمد.
عويش: بس تعرفين معني خلصت من الجامعه الي اني احن لايامنا القبليات فيها..
منيره: واااااااع انا عن نفسي ابد ما بحن لها.
دانه: يالله يايه. الحين انته برا.
حمد: هيه براااا وخلي منيره بعد تطلع بسها من الهذربه احمد يترياها برا.
دانه: اوكي. منيره احمد برا. يالله عويش سمحيلي اخويه برا.
منيره: وانا بعد سمحيلي.
عويش: الله وياكن.بروح اشوف منوه الي بيوصلني اليوم.. ملك الرحمه .. ولا الدريول .
منيره ودانه:هههههههه
منيره: الله يعينج.
عويش : يعين الجميع يالله عيل اشوفكن على خير..
طبعا الشيخ حمد ماسكر ومن سمع اسم عويش الا سكرالمسجل ورفع الجامه يبى يسمع حسها. ومن عرفها الا اتبريد . دانه ومنيره يعرفن عويش. آآآآآه ياقلبي. بمووووت فديت حسها ياربي.ماعليه ياعويس كم يوم واتكون عندي. وااااااااااااو.
يته دانه ولا رمسها عن عويش بس تخبرها عن الجامعه ودراستها وبس.وصلو البيت على صيحه تلفون حمد اشر لها انها تنزل
حمد: هلا والله بالدكتور حمدان.
حمدان: بالمهلي اشحالك.
حمد: بخير ربي يسلمك ييت الجامعه وما شفتك وين انته.
حمدان: هيه توني ظاهر كان عندي كلاس علومك
حمد: علوم الخير. ياحيك والله
حمدان: وين انته الحين عيل.
حمد: توني واصل البيت..
حمدان: ياحيك اقول بوشهاب بغيتك في موضوع وين بلاقيك
حمد: امم وين تبى مافي اشكال
حمدان: خلاص عيل تعال الكوفي العصر بلاقيك اهناك.
حمد: خلاص تم أي كوفي .
حمدان: تعال الكوفي الي في كارفور.فوق.
حمد: هيه خلاص ماعليه نتلاقى اهناك عيل. يالله شيء تامر عيل يوعان بروح اتغدا.
حمدان:هههههه بالعافيه مايامر عليك عدووو يالبطيني.

..عجيد الريم..
27-04-2009, 08:35 PM
حمد:حرام عليك من البارحه مب ماكل شيء.. ولا فهد حالف عليه اني ما اكل من بيتهم قمت وعاورته وكلت عندهم والله من ساعتها لين الحين بطني يعورني.. ان خبرت العيوز بلقى المغذيات والروب تراسه الحجره.
حمدان:هههههههههههههه حليلها والله بعد تراعيك ياريال.
حمد: ياريال خلها على الله. انزين عيل بسير آكلي روب وعيش ابيض. يقولون زين وخفيف للبطن.
حمدان:ههههه هذا غدا شواب. افا توني عرفت انك شيبه
حمد: اقول حمدان تراك متفيق خلني اسير بيتنا احسن لي يالله برايك اشوفك العصر. وبنتفاهم بعدين على اكل الشواب يالله الحين حصلان من بطني فارج. باااااااااي.
حمدان:هههههههه باي..
طبعا عويش مب وياه ياها الدريول وشلها.
رجع البيت حمد واتغدا روب وعيش ابيض بالصدفه كانو مسوين عيش لين.(( اكل شواب على قولت حمدان))
وبعد ما تغدى سار بيرقد. وما يحس الا حد يدخل عليه الحجره وبخار طالع من راسها.. الاخت دانه معصبه من الخاطر..وكانت اتصيح مبين في عيونها الحمر.. حمد فكر شوه بلاها حتى عند الغدا قالو انها ماتبى تتغدى.. بس كانت عنده في السياره عادي مارمست ولاقالت شيء.
حمد: خير يادانه؟؟
دانه وفيها عبره: صح الي سمعته ياحمد..؟؟
حمد فز: شوه الي سمعتيه؟
دانه تعض على شفايفها ومب قادره تمنع عمرها من الصايح: فهد ولد عمك يبى يعرس الحين..؟؟
حمد: هااه .. فهد؟؟ هييه يبى يعرس الحين ليش شوه المشكله.
دانه: بس انا مابا الحين. احس اني صغيره على العرس.
حمد: اها انتي صغيره على العرس..عيل لو قلت لج انه مطر يبى يعرس الحين شوه بتقولين عن عليوه.. على الاقل انتي لج سنه في الجامعه اما عليوه احتمال ماتكمل الجامعه ان عزم مطر بعد المدرسه يعرسون شوه بتقولين عنها.
دانه: انزين اعترضوا انتو.
حمد: دانوه هذا ولد عمها. ومنوه بيرفض. ابووج ولا امج ولا انا.. لاااااااااا يادانه محد بيرفض.. هذا لمصلحتكن..
دانه: بس هذا ظلم.؟
حمد: شووه ظلم ماظلم في شوه ظلمناكم رمسي شيء قصرنا عليكن كل الي تبنه عندكن محد قصر عليكن شيء. الي تبنه بتلقنه عندكن في شوه ظلمناكن رمسي..
دانه: حمد لا تعصب انا بغيتك عون مب فرعون.
حمد: انتي قبل رمسي عدل وبكون وياج يادانه بس الي ترمسين به ما يصير.. هذا كلام يهال مب كبار..
دانه: بس ياحمد احسني صغيره على العرس على الاقل خله يصبر سنه ولا سنتين..
حمد: شوه بتفرق يادانه سنه ولا سنتين هااه . بس بتأجل الموضوع اشوي.. وبعدين بيصير. يعني في الاخير بيصير الي
ماتبينه.. دانه انسي اني اخوج وجاوبيني بصراحه وصدقيني مابقول شيء.. انتي ماتبين فهد ؟؟
دانه:هااااه لا مب جيه السالفه؟؟
حمد:"امممممه عيل شوه السالفه..؟
دانه: ما ادري والله احس اني بعدني مب مستعده على العرس.
حمد: لا مب هذا الي مخوفنج انتي خايفه انه تيج ضروف تمنعج من الدراسه صح..
دانه: .............. هيه..
حمد: وتعتقدين لو اجلتم الموضوع سنه ولا سنين بيخلف شيء, تراج في الجامعه لوتكملين خمس سنين والعيال وراج وراج. بعد سنه ولا سنين.. بتيبين عيال في الاخير. وانتي الي يخوفج الالتزام صح..
دانه تعض على شفايفها: هيه ..
حمد: خلاص اذا جيه الموضوع انا بكلم فهد.. من تيبون العيال بييب لج خدامه وعندج بتكون عمتج لطيفه وفوق هذا بنات عمي عندج..فهمتي .بس مب تقصرين عمر الريال وتأجلين العرس سنه ولا سنتين حرام عليج جانه يبى يعرس اليوم قبل باجر.
دانه: بس..
حمد: لا مب بس ولا شيء.. يابنت الحلال خلونا نعرس رباعه.
دانه: تعرسون رباعه مافهمت؟؟
حمد:هههههه قعدي بخبرج كل شيء..هه
دانه: يالله قوول..
حمد: يا اللقافه. انزين سمعي يا ام هلال عندكم دكتور في الجامعه اسمه حمدان؟؟
دانه:هيه يدرسنا انجليزي؟؟
حمد: اها تعرفين انه ربيعي . المهم الي بخطبها اتصير اخته..
دانه: عويش؟؟
حمد: اممممم اعتقد انه اسمها عويش ..شورايج فيها؟؟
دانه: والله ياحمد هاي البنت رووووعه ماشاء الله عليها انا مستغربه انها لين الحين مب معرسه ولا مخطوبه.
حمد يفكر . اصلا تيسر اتكون لغيري.. والله لاذبحها واذبح الي بيخطبها..
حمد: اها. انزين ابويه بيسير يخطبها ليه وبنعرس ان وافقو وياكم رباعه.. وحتى احمد وفارس..رباعه..
دانه: ياااااي جماعي..
حمد:هههههه توج ماتبين تعرسين.
دانه: لا مش جيه . بس عندي شرط واحد حمد.
حمد: شرط؟؟
دانه: هيه واحد بس انه ما يتغير عليه.. مهما صار. ماايني باجر ويقولي جامعه ماشيء.. بمووت حمد.
حمد: لا ماعليج فهد متخرج من الجامعه وفاهم عدل مفهوم الدراسه واهميتها.. لا اتخافين..واذا اعترض انا بتضارب وياه. ماعليج انتي.. بس يالله انتي اخلصي وخلينا نحن بعد نخلص.
دانه:هههههههههههه خلاص عيل ياخويه.. بخليك الحين.
حمد: اوكي.. بس دانوه الكلام بيني وبينج مابا الكل اييني بعد خمس دقايق .. تعبان ابا ارقد اوكي ..
دانه: لا افا عليك اخويه..يالله عيل بخليك الحين..
حمد: الله وياج.
طلعت عنه ورقد لين 5 العصر قام وتسبح وصلى وطلع وسار كارفور بعد ما اتصل بحمدان الي كان توه طالع من البيت. اتلاقو عند باب كارفور..
حمدان: الله حيه..
حمد: مرحبا الساع.
حمدان: اشحالك(اتخاشم وياه))
حمد: الحمد لله يسرك الحال شخبارك.
حمدان: الحمد لله يسرك الحال ولا يضرك.
حمد: ياحيك والله
حمدان: خلنا نسير فووق..
حمد: يالله.. بس صبر اشوي ابا اسحب فلوس. سار لين الصراف ومن خلصو سارو فوق.. واتحوطو اشوي وخلاف سارو الكوفي.. الي كان فاضي اشوي..
حمد: انزين الشيخ علومك..لفيت بي ساعه ولا رمست شوه عندك.. الي يشوفك يقول هذا بلاوي كبيره وراه.
حمدان:ههههه بلاوي عاد الله يسامحك.
حمد: هههههه شودراني بك.. يالله فضفض الي في خاطرك.
حمدان: اممه والله ما ادري من وين ببدى وياك..
حمد: افا والله قوول تراك وقفت لي قلبي..
حمدان: لا يوقف قلبك اباك عايش حرام عليك..
حمد: خلاص بقبضه مابخليه يوقف..بس انته ارمس..
حمدان:هه خلاص عيل.برمس.. حمد انا ..... ابا
حمد رافع حياته: هيه تبى شووه

..عجيد الريم..
27-04-2009, 08:36 PM
حمدان: ابا اعرس..؟؟
حمد: تبى اتعرس؟؟..........مبرووووووك ياخي واشله اتقولها وجنك مرتكب جريمه مبرووك ياحمدان..
حمدان: الله يبارك في حياتك بس احس صدق اني مرتكب جريمه في حقكم.
حمد: هااه ليش تراني مب فاهم شيء..
حمدان: حمد انا ابا اخطب وحده من اهلك..
حمد:هااااااااااااه.؟؟
حمدان:هييه شفتها في الجامعه وخبرت ختيه اتسير اتشوفها واليوم قعدت تمدحها ليه.. والله ياحمد من خاطريه اني اباها.
حمد: بس .....
حمدان: حمد ادري اني كنت حيوان في الي سويته في حياتي من قبل. بس مافي انسان ما يغلط.. واحنا مثل مايقوولون عيال اليوم.. ادري بتقولون سجلي اسود والله ما الومكم بس .
حمد: حمدان صبر اشوي ممكن اتفهمني منوه هيه ووين شفتها
حمدان: في الجامعه. انا ادرسها.
حمد: ادرس خلق الله وتطالعهن افا ياحمدان.
حمدان: شوه اطالعهن ما اطالعهن حمد شوه هاي الرمسه.
حمد: عيل انته لانك دكتور تتحرا عندك الحق اتطالع بنات خلق الله بكيفك.
حمدان: والله ياحمد هاي شغلتيه اني ادرسهن .. سواء كانن متغشيات ولا متكشفات عندي رساله اوصلها لهن وبس.هاي شغلتيه ان كنت ما تعرف مب اطالع بنات خلق الله. والله ما اتوقعت هذا تفكيرك فيه. والسموحه جان غثيتك ويبتك اهنيه.. السموحه الشيخ يالله اسمحلي انا بترخص..
حمد:هه تشرد حمدان.. شوه التاريخ يعيد نفسه.
حمدان : انا مب شارد بس ما ابا اغلط على اعز انسان عندي.
حمد: ليش تغلط عيل..
حمدان: انته ما تسمع عمرك شوه اتقول..
حمد: حد يسمع عمره..
حمدان: تراني مب متفيق لك حمد..
حمد:ههه اقعد اقعد وخلنا نتفاهم.. انته قلت وحده من اهليه.. والي في الجامعه وحده ختيه ووحده بنت عمي.. منوه منهن الي تباها.
حمدان: شوه اباها ما باها..ليش حاس جنك في الجبره واتبيع هووش..
حمد: هههه والله لو حطيت سعرهن ربيه محد بيشتريهن.. ولا حد عاقل اييب له ميانين في بيته.خلاص يا ريال بتكلم بجديه. بس ابا منك نفس الشيء..واباك تنسى الماضي ياحمدان جنه ماصار تفهم. ولا لاااااااااا.
حمدان: امممه اوكي ..
حمد: قولي منوه منهن ختيه ولا بنت عمي.؟؟
حمدان: بنت.. عمك؟؟
حمد: اها منيره..
حمدان: مخطوبه؟؟
حمد: اممممم حسب علمي لااااء.. بس ما اعرف يمكن.
حمدان: لا اتقول؟
حمد: ما ادري والله بشوف اهلها. بس اعتقد نه حد من اهل امها.حد رامس فيها.
حمدان: اها.خلاص عيل..
حمد: هههههه خلاص لعب.. ياريال منيره مب مخطوبه.لحد ولا حد رامس فيها اتطمن..
حمدان: بس تراك تقول حد من اهل
حمد: هههههه اسوي سوالف وياااك.
حمدان: حيوان وقفت قلبي..
حمد: هههههه ولا حاط عينك على بنت عمي هاااااه.
حمدان: السموحه منك حمد..بس جذبني اسلوبها.. وشخصيتها.معنها ما تناقش نقاط المحاضره بس فعلا عندها اسلوب في المناقشه. تخليك اتغير تفكيرك لو انه غلط تقنعك فيه
حمد:هههههه هيه ولا تبى تدخل تاريخ وحضاره.
حمدان: حلو ها التخصص انا ختيه داخلتنه والحين خريجه ..
حمد: اهااااا..
حمد وقف قلبه عويش اكيييييييد هيه الي داخله تاريخ .. خخ وانا اتظنز على منيره.. صدق من قال من عاب ابتلا.. كنت اعيب على منيره في التنقيب.. خخ والحين الحرمه الي اباها عالمه آثار شوه عليه والله لو تبى اتنقب جبل حفيت كله لانقبه وياها.. كله ولا عويس..
اتفق وياه انه بيشوف احمد وفهد وبيرمسون عمه. وبيردون عليه بعدين.
حمدان: والله حمد اتصدق والله ريحتني..
حمد: لا افااااا عليك..نحن في الخدمه حمدان بعدين انته ريال وما يعيبك شيء. شغل وتشتغل.وقادر ومقتدر وريال ونعم فيك.ومخاوي شما بعد شوه يبون اكثر من جيه.
حمدان: والله ياحمد ما ادري واخاف انه ماضيه الاسود يأثر عليهم..
حمد: لا ماعليك.. شوف حمدان انا قلت لك محد ما يخطي
حمدان: ادري بس.
حمد: لا اتبسبس ولا شيء.. الا ماقلت لك فارس بيسافر عنا.
حمدان: بالسلامه وين بها..
حمد: آآهه والله بيسفرونه بريطانيا سنتين ولا ثلاث..
حمدان: ليش دوره شوه؟

..عجيد الريم..
27-04-2009, 08:36 PM
حمد: هيه والله اوين بياخذون دفعه دكاتر من هنيه وبيطرشونهم هناك وبيبون دفعه من هناك وبيخلونهم هنيه..
حمدان: ايوا.. زين بيتابدلون الخبرات..بس الغربه صعبه.
حمد: هيه والله ولا كان ناوي يعرس .. بس يته السفر وغيرت المخطط..
حمدان: بالبركه وعند منوه خطب..
حمد: بعده ما خطب لين الحين بس يبى وحده من بوظبي. واحمد بعد خطب ختها ولا دكتوره تشتغل عن فارس في المستشفى.
حمدان: ماشاء الله.. والله زين.عيل بيعرسون رباعه مره وحده دامهم خوان وهن خوات..
حمد: هيه بيعرسون رباعه ان شاء الله.. ولا بزيدك من الشعر بيت.. فهد اخوهم بياخذ ختيه وبيعرس وياهم..
حمدان: ماشااااء الله. والله حلو الصراحه عقبالك ياحمد تعرس وياهم..
حمد: هه والله ياحمدان تبى الصراحه الموضوع موقوف فيكم.
حمدان: فينا نحن؟ مافهمت؟؟
حمد: هيه فيكم بيني وبينك انا رمست ابويه اني ابا اخطب اختك.. وقالي بيرمس ابوك بعد ما يقول لامايه تعرف انته شغلت الحريم.. بتي عندكم علشان اتشوفها.. وخلاف بنيكم البيت. وان وافقتو علينا.. بنعرس وياهم رباعه..
حمدان: الساعه المباركه ياحمد.. افا عليك ومرحبابكم في أي وقت. البنت بنتكم.. امره..
حمد: صدق حمدان..؟؟
حمدان: افا عليك .. انتو شوفو متى احسن وقت ومرحبابكم.. واذا وافقو ان شاء الله. وهذا الي انا متأكد منه ما اعتقد انهم بيخالف عليهم اتعرسون رباعه..لاتنسى عرسنا الماضي كان جماعه., والاسبوع الياي عرس بعد عندنا..
حمد: ماشاء الله يعله مبروووك عليكم..
حمدان: الله يبارك في حياتك .. وعقبالك ياحمد..
حمد: الله يبارك في حياتك.
حمدان: ياحيك والله يالله عيل ارخصلي بوشهاب والله عندي شغل..تعرف انته شغلات الحريم مايخلصن. وخصوصا العرايس.
حمد:هههههه الله يعينك ياريال. تمام عيل. موضوعك امره خله عليه ولا تحاتي..
حمدان: تسلم عني افداك. خلاص عيل بينا اتصال عيل..
حمد: ان شاء الله.. يالله فمان الله.
حمدان: الله وياك الشيخ..
طلع حمدان وخلص له شغل وعلى الساعه 8 المسى سار البيت.
حمدان: عويــــــــــــش
عويش: هاااااه شوه يااك ..
حمدان: تعالي بسرعه أباااج.
عويش: انزين لحضه مشغوله اشوي..
حمدان: قلعي الشغله.الحين اباج ضروري..بسرعه
عذيجه: سيري له الحين اخوج يباج بسرعه.
عويش: انزين يدووه.. بس حاطه الكريم في ويهي ما اقدر اغسله الحين. اف
حمدان ياهن الحجره لقاهن متسدحات وحاطات ماسكات على ويوهن. : بسم الله الرحمن الرحيم شوه ها السكن.
عذيجه: شفت عاد وانا اقولهن من الصبح ها لاسقام ما ينحطن على الويوه مايسمعن الرمسه.
حمدان:ههههههه والله يبالكن شخط صوره واحط عليها عنوان مشعوذات العام.. خخخخخخخ
عويش:هاهاي شوف ويوهنا بعدين كيف بيلقن مابتقول مشعوذات..
حمدان:ههههه والله حاله. انزين غسليه من ويهج اباج ضروري تعالي الحجره..
عويش: انزين ما اتروم تصبر بس نص ساعه الحين حطيته حرام خله يجف وبعدين بييك..
حمدان: نعم ؟؟ لا حول انزين لاتبطين بسير الصاله ابويه وامايه وين؟
ديمه: طلعو سارو يشترون العود والعطور للقاعه..
حمدان: وليش يشتروون تراهم يتعاملون مع محمود راعي العود
مريم: ماعيبه ابويه ريحته آخر مره يايب من عنده قال انه مغشوش.. عود مصبغنه وحاط له عطر ويبيع النص كيلو ب3000..درهم..
حمدان: اها. ومن وين بيشتروون من بو صبيع.. ولا اجمل.
عويش: لا من دبي
حمدان: ايواا.انزين بدال ما تهذربين من يخلص ها السبستو الي على ويهج تعالي اوكي.. وهيه سويلي عصير وانتي يايه لو سمحتي .
عويش: ان شاء الله اخويه..
حمدان: هيه مريوم متى موعدج للبروفه..؟؟
مريم: ام يوم الخميس الساعه 5 العصر.

..عجيد الريم..
27-04-2009, 08:37 PM
حمدان: الخميس؟؟ خلاص ماعليه بشوف يمكن اوصلج ..
مريم: مشكور ياخويه.. وهيه ترا بنت عمي بترووح ويانا..
حمدان: منوه منهن؟؟ ان شاء الله..
مريم: رفوع عندها بروفه وياي..
حمدان: قلنا خت المعرس بس مب اترز ويها وياج كل سيره.
عويش:ههههههههههه براااووووفووووو خيي..
عذيجه: عويش؟؟
عويش: انا ماقلت شيء.. بس صدقه حمدان دووم رازه ويها خواتها يوم يسيرن هيه ما اتسير. اوين ابا الازم العروس.. وتيلس تتأمر حطو جيه وسوو جيه.. وانتي شوه علبج ما ادري خواتها الي اكبر منها قالن مريم برايها بذوقها.. وهيه لوووح ماعليها.. والله انها قهرتني يوم غيرت حركه الفستان اوين مال اول هاي الحركه.. اقووول احسن لها تنجب في بيتهم
حمدان: ههه وشوه سويتي يوم لغت الحركه..
عويش: انا ماكنت عندهن يوم لغت الحركه.. حمدان الحركه يديده وماكد حد سواها اووين واااااع مال اول انتي اشدراج بالموضه ماادري..
حمدان: وكيف الحركه..
عويش: امم شفت السلسله اتركبها على الفستان وهاي السلسه اتكون مسكه للورده وبنفس الوقت حركه على الفستان مابتكون ثجيله ولا شيء.. بتكون من الخصر طالعات السلاسل وما بيبينن لانه الورده الي بتنحط بتكون مفروشه على الفستان ان فجت ايدها مريم عن الورده بتطيح الباقه على الفستان مسويه حركه عليه.. وان بغت تمسكها بيدها عادي بتنرفع بكل سهوله.. بس العبط عبط.. قامت الحبيبه ولغت الحركه .. وقالت لها حطي بدالها شغل كرستال الكبير شكل المثلث الثماني الاضلاع.. قهرتني من الخاطر.. انا مريم ماقالت لي الا خلاف.. سوت لي المصممه وقالت لي انه العانسه رفيعه لغت الحركه..
حمدان:ههههه وخلاف شو سويتي.
عويش: ماشيء قلت لها ارجعي سوي الي قلته لج ترا والله لاخلي الفستان عندكم واندور فستان ثاني عند دار ساره ولا اروشي.. كيفكم عاد. والله انها فلخت وقالت خلاص بنسوي الي تبينه بس ما بدنا نخسر زباين.. ويوم الخميس بسير وياكم وبشوفها تنطق من رقبتها بزغدها..
حمدان:ههههههههههه سلامي عليج.
عذيجه: عيب ياعويش هاي بنت عمج.
عويش: يدووووه تقهر بالواحد يعني انتي ما اتعرفينها..
عذيجه: ماعليه يابنتي بالعوافه ما اتصير الامور.
عويش: يدوه هاي ما اتسنع الا بالعوافه ها الاسلوب المتمدن مايمشي وياها.. ماتمشي الا بالعين الحمرا..
حمدان:ههه زين والله بفتك من الحشره عيل. خلصينا انتي بعدج مطوله.. ؟؟
عويش: ههه لا اخويه هذوه يبس الحين بغسل ويهي وبيك بعد ما اسوي العصير لك.
حمدان: هيه خلاص عيل.. يالله اترياج في الحجره.
عذيجه: واشله ما ترمسها اهنيه.
حمدان: يافضول العيايز.. هه ماعليه يدوه خلاف بخبرج بكل شيء. بس باخذ راي عويش في شيء مهم.
عذيجه: هيه ماعليه. جانك بتخبرني بعدين بنصبر شوه علينا.
عويش:هههههههههههه
حمدان قعد يشوف عويش وهيه اتشل القناع من ويها..
حمدان:ههه ونا اقول مال السنما كيف يسوونه ثره جيه..هههههه الحين بسوي ويه مثل ويهج بصب فيه سميت وبيغدي مثل ويهج..
عويش:هههههههه وليش سميت صب طين وسو مجسم بالمره نفس الفخار.. هه وحطه في الحجره ذكرى مني لك..
حمدان: لا بسم الله عليه. تبين احلم بأفلام رعب وبشعشبونه .. لا يابنت الحلال ماباه . يالله خلصي وتعالي اهناك. (وطلع عنهن)
عويش: تسمعينه يدووه الحين انا ويهي فلم رعب. وشعشبونه.
عذيجه:هههههههه اشدراني يابنتي..
عويش: ولا يباني اسوي له العصير هين انا براويه.
عذيجه: مسوده الويه شوه بتسوين.
عويش:هههههه والله حاله واحد قالي فلم رعب وشعشبونه.. وانتي قلتي مسوده الويه. انا خلاص بزعل ولا برمس حد فيكم.. بسير ادور لي اهل يحبوني انتو ما اتحبوني.
عذيجه: هيه سيري عند حمد.بتلقين الي تبينه.
عويش استحت.: يدووووه عيب. بس...ير اس..وي العصـير.
ديمه:هههههههه استحت.. حليلج ياعويش.. يدووه ان عرست عويش منوه بيتم عندي..وحليلي حليلاه بتم برووحي مع السكنيه ريمان..
ريم: سمعتج انا مب سكنيه.محد غيرج السكنيه حتى هااه طالعي ويهج.
ديمه: محد سكني غيرج يا السباله زيغتيني.
ريمان: تستاهلين محد قالج اتسبيني.

..عجيد الريم..
27-04-2009, 08:38 PM
ديمه: لا حول ومنوه سبج كلمت الحق الحين مسبه اول مره اسمع
مريم: هههههههههههههههه الله يكملكن بعقلكن.
عذيجه: بسكن عاااد بتخبركن ديج ويايه. رزنن اشوي.امف عليكن من بنات طالعن مريم وعويش وقبلهن فطيم وسلامه مايسون سواتكن حشى منكن .
ديمه:ههه يدوه منوه الديج ومنوه الديايه.
ريم : ههه طبعا انتي الديج.. تراج الاكبر بااااااااق .
ديمه: اها وانتي الديايه..ههههه باق بق بق بقييييق..ههههههه
مريم:هههههههههههههههه
عذيجه: الله يكملكن بعقلكن بسير ايلس لي خاري احسن عن مجابلكن.برايج مريم..
مريم: الله وياج يدووه..هههههه
ديمه: الا مريم اتقوليها برايج حتى انا ما اشوفج قولي برايج الحين كيف بعرف انج طلعتي عنا..
عذيجه: مسوده الويه.. يوم بتعقلين وتغدين حرمت عدله هذيج الساعه تعالي رمسيني عن المعنى والواجب. امف عليكن ها البنات الزمن هذا مايعرفن المستحى امره..
ديمه: والخيبه يدوووه انا شوه قلت ماقلت شيء.. كلتيني بقشوري..
عذيجه: سمعي مريم .. آآآه الله يعيني بعد ما بتفارقني انتي وعويش شوه بسوي بها المخبل الي عندي..
مريم:ههه ماعليه يدووه كل يوم بني عندج لا اتخافين.
عذيجه: ويييين هووه . هاكيه فطيم من عرست مايت عندنا الا مرتين وسلامه من عرست العين ماشافتها حتى التلفون ما اتسوي ولا اتقول هاي امايه العدوده مربتني وتاعبه عليه. امره من عرست نست انها عندها اهل
مريم: لا حرام يدووه البارحه يوم كانت عويش اترمسها قالت لها انها سوت لج اكثر من مره وانتي ما اتردين عليها.. حليلها مب منها ماا اتقصر ولا تتحسبين انها في الغربه مرتاحه بالعكس وايد اتفكر واتحاتي. الحين اكثر اتفكر من بعد ما حملت
عذيجه: اشوه سلوم حامل.. واشله محد خبرني ولا مالي معنا في ها البيت.
ديمه: ول يدووه شوه بلاج. والله انا نتحسب انج تدرين.
عذيجه: من وين بدري حد رمس منكن. عنه الله تكن مسودات الويوه..ماعليه مب منكن من الي ايلس ايجابلكن..خوزن عنيه.
ديمه: يدووه شوه ياااااج.
مريم: يدووه عني افداج هدي ترا السالفه ماتستاهل.
عذيجه: اووص ولا كلمه امره ما ابا اسمع منكن رمسه. مب منكن انتن من مسوده الويه عويش اشله ما اتقولي واتخبرني الهرمه.. عنه الله تي الي مايعرفها.
ديمه: لا حول يمكن بعد تتحسب انج تعرفين يدووه عني افداج ترانا الا اليوم ندري سلامه البارحه مخبره عويش..
عذيجه: لا والله يوم انها مخبره من البارحه اشله ما رمست لين الحين.. كم الساعه الحين.؟
مريم: يدوه عويش الصبح داومت ويت من الدوام ورقدت من التعب.. ومن نشت انتي ماكنتي في البيت.. الا توج من اشوي يايه. متى تبينها اتقولج..
عذيجه: الي يبى الصلاه ما اتفوته اشله ما سوت تلفون وخبرتني قالوها
(ان بغيت ييت بجماري.. وان مابغيت تعايوبك)
مريم: لا حول يايدوه الله يهديج بس..
عذيجه: يهديني من وشوو .. شوه قالولج مينونه جدامج.
ديمه: مريم سكتي دخيلج.
عذيجه: اشله اتسكتينها انتي بعد.
ديمه: يدوه عني افداج صدقيني السالفه ماتبى كل هاي الحشره عويش اكيد كانت بتخبرج بروحها.. ونحن تحسبنا انها قالت لج.
عذيجه: لاقالت لي ولا شياته.. عيل اتعرف تيكن وتخبركن السالفه وانا امره مالي لا قدر ولا حشمه بها البيت.
مريم: يدوه انتي اتعرفين انج اغلى وحده عند عويش.. بس اكيد في السالفه شيء ولا عويش نست واكيد كانت بتخبرج روحها.. بعد يقولك حط لاخوك سبعين عذر قبل لا تتهمه واتشك فيه.
عذيجه: فكيني من هاي الرمسات . يوم هاي بصايركن امره مالي رمسه وياكن امره.
ديمه: يدووه؟؟
عذيجه: وضرس ان شاء الله.. اقولكن لا اترمسيني.. خوزن عني.. يالله مسودات الوييوه..امف عليكن من بني
طلعت عنهن وهي تتحرطم وحاشره الدنيا.. وعويش سوت كوبين العصير وسارت عند حمدان وطبعا بما انه المطبخ براااا ماسمعت الفلم الهندي الي صار داخل.. ويوم يت داخل راحت سيده قسم حمدان في وقت يدتها كانت في حجرتها. فماسمعت شيء..
عويش: احم ممكن ادخل ولا اطلع..
حمدان: ههه لادخلي.. هلا بالمحمول والحامل.
عويش: هييه مجدم المحمول قبل ماعليه.
حمدان:هههه شوه اسوي عطشان. ومن ارتوي بمدح فيج.
عويش: يا المكر ياربي. هاااك اخويه ههه
حمدان: مشكووووووره يا ختيه..

..عجيد الريم..
27-04-2009, 08:41 PM
طبعا عويش مسويه كوبين عصير الاول فيه سكر والثاني فيه ملح يستاهل قال عنها شعشبونه ماعليه ياحمدان ان ما ادبتك
حمدان خذ الكوب وحليله ماشك بشيء وشرب الكوب كامل معنه طعمه مالح بس اتحمل الا عشان ما يبن لها انها رامت عليه. اتحمل الملح وشرب الكوب كله.. الحمد لله انه كوب العصير صغير. ولا كان بيزوع قبل ما يخلص الكوب..من خلص الكوب وطاه على الطاوله ولا قالها شيء..وعويش من بدا يشرب وهيه فاجه عيونها مستحيل قاعد يشرب الكوب ولا جنه فيه خاشوقه كبيره ملح.. لايكون انا غلطت وعطيته العصير الصح.. لااااااا انا متأكده انه ها الكوب فيه ملح.. معقوله اكون غلطت . ياربي.
حمدان من خلص: الحمد لله مشكووره عويش..
حس ببطنه يعوره من العصير هين والله لأدبج ولا ببين انج رمتي عليه. حتى لو اتقطعن مصارين بطني ما بيبن ..
عويشِ: عيبك العصير؟؟
حمدان وحاط ايده على بطنه من الويع بس خلاها اتحس انه عيبه تم يتحسس بطنه: اتصدقين لذيذ يحظه حمد فييج..
.((لا والله الله يعينك ياحمد على اللي بييك منها يوم اتعصب))
عويش:هاااه.
حمدان:هه سمعي عويش بتكلم بصراحه. آآآآآه صبري اشوي نسيت شيء.ربع الحمام ماقدر يتستحمل ويع بطنه.. زااااع كل الي كله بس هيه ماشافته لانه سار حمام الحجره (عزكم الله).
عويش من شافته جيه ماعرفت شوه بلاه.. شلت العصير الثاني وشربت اشوي منه. لقته العصير الي فيه سكر. عيل هوشرب الي فيه ملح هههههه اونه لذيذ. عليك بالعافيه حمدان..
ياها حمدان وويه غادي احمر وعيونه حمر.كان شكله يضحك بس عويش مارامت تضحك عليه عادي يعصب عليها ويفنقرها براااا
عويش: قولي شعشبونه وفلم رعب مره ثانيه.
حمدان: حشى محد بيسولف وياج مره ثانيه .. اف بطني اتقطع.
عويش:ههههه مافيه ملح وايد بس خاشوقه عوده وحده بس..
حمدان فاج عيونه: بس.. لااااا يوم هذا التريب الاخاشوقه وكبيره وسوابي جيه.. وين لو حاطه خاشوقتين ولا ثلاث . بتعدميني.
عويش:ههههه بسم الله عليك..ههه خلاص ياخويه هذا العصير لاحلى اخو في الدنيا. والله مافيه ملح . فيه سكر.
حمدان: لاااا مشكوره خلاص شبعت انا. كوب واحد وجيه زوعني وين كوبين.
عويش ببراءه: انته زعت..؟؟
حمدان: لاااا بس كحيت. عيل بالله عليج غارتني كوب عصير فيه ملح ماتبين ازووع.
عويش:ههه انا ماغريتك روحك يا بطل شربته. بعدين ياخي خذه من الجانب الايجابي . اتخيله مغذي بيفيدك. تباني اسوي لك واحد ثاني..هذا مابينفع فيه سكر.
حمدان: لا والله.. تبين تسممين خلق الله.. سير سممي ريلج حمد مب اتسمينا نحن.
عويش صخت واحمرت مارامت تتكلم: احم.
حمدان:هههه اتصدقين حلوه يوم تحمرين.. اتصخين ما ترمسين..
عويش:ككك بايخ.
حمدان:هه لاحلووو.. لا تعالي بتكلم معاج بجديه.. تعالي يلسي لا اتمين واقفه.
عويش: اوكي ..
حمدان: انا لقيت حمد اليوم ورمسته بالموضوع.
عويش فاجه عيونها: أي موضوع..
حمدان: بسم الله اشبلاج فاجه عيونج جيه هن امبونهن كبار ما يزدان تفتحينهن اكثر بيطلعن. خلاف محد بياخذج بيقولون عيونها متطلوحات..ههه
عويش:حمدان؟؟ ما بحط ملح مره ثانيه.. بحط صبر..
حمدان:هههه والله لاشربج اياه.. وبعدين تتحريني مينون اشرب ولا باكل شيء من ايديج لا بتبطين الساع يوم هاي علومج.
عويش: هههه عادي أي وحده اتسوي لك شيء. بتغافلها وبحط لك الي اباه..
حمدان: هبي هبابج الرب.. حشى انا اقول مشعوذه الا تبى اتسمني مجرمه.
عويش: احم..لا حبيبي حقانيه..
حمدان: واي حق اتمسين اهلج.
عويش: مابسم حد غيرك خيوو..
حمدان: لا حول خلاص انا باكل وبشرب من براااا بس برقد اهنيه. ولو حاولتي اتسوين شيء بأجر لي فندق وبسكن فيه بروحي..
عوييش:ههههههههه ياالخواف..
حمدان:ههه الروح غاليه. هع الا نسيتني الي كنت بقوله.
عويش: اها. قلت انك رمسته عن شوه رمسته؟؟
حمدان: هيه رمست حمد اليوم. عن موضوعي ويا بنت عمه وقالي انه اليوم ولا باجر بيخبر اهله. ومن يردون علينا بنسير نخطب عندهم.
عويش: هيه بس انته جذيه وايد مستعيل.
..

..عجيد الريم..
27-04-2009, 08:41 PM
حمدان: نعم وليش ان شاء الله.
عويش: هيه لاشاورت ابويه ولا امايه ولا يدوه عذيجه. ولا خبرت حتى عمي. مب زين جيه حمدان خلاف بيزعلون.
حمدان: يدوه عذيجه اليوم بخبره و ابويه وامايه الي عمرهم ما اهتمو فيه بعد بقولهم وعمي بيوصله الخبر. زعل زعل يدق راسه في الايدار. رضى مرحبا الساع فيه.. غير جيه مايهمني..
عويش:انزين باجر يوم بتسير تخطب ماتبى حد يسير وياك.
حمدان: سمعي عويش انا ريال وماعليه من حد ابوج وعمج يبون ايوون مرحبابهم مابغو الله يحفظهم مابجبر حد ايي غصبن عنه.. وبعدين ما اعتقد انه ابويه بيرفض خصوصا انه عبدالله ابو حمد يصير ربيعه.. واكيد بيستحي منه وبيي وياي. غير جيه ما اعتقد انه يهتم.
عويش: بس هذا ابوك ياحمدان.
حمدان: ابوو مايتهم بعياله مب ابو ياعويش. من شفنا الدينا وهم الا مسافرين في السنه مره ولا مرتين انشوفهم شوه ترمسين انتي .. والعم . والله حاله في السنه مره خطافي بعد انشوفه.. مرات اشوف عمي في المسيد ويوم اطلع يسوي عمره مايشوفني ابد.. ومن تخرجت ويبت الشهاده واشتغلت. ما ادري من وين طاحت الطيبه عليه والواجب.. جنه توه اتذكر انه عنده ولد اخو. كل يوم اتصالات ومسجات. وانا اعرف شوه في خاطره. يباني آخذ الخسفه رفوع.. بس حامض على بوزه والله لو تنبطق السما على الارض ويقلن البنات ما آخذها لو شوه مايكون..
عويش:ههههههه لهاي الدرجه ما اتدانيها.
حمدان: شوه اداني ما اداني يابنت الحلال.. هاي لووح اتعرفين شوه اللوح.. مره يتني وقالت لي عيني عينك حمدان انا اباااااك اتكون ريلي..
عويش:شوووووووه
حمدان:هه اتصدقين . كنت ارمس خليفه اخوج على الخط وطالع من حجرتيه وما انتبهت الا والحبيبه يالسه على الكراسي في الصاله..وقالت لي هلاحبيبي.. اقولج اتبردت وخليفه صخ. واشوي اتقولي حمدان انا اباك اتكوون ريلي.. موافق.
عويش:ههههههه وشوه رديت عليها..
حمدان:هه قلت لهاا طلعي براااااا ولا تراويني رقعت ويهج مره ثانيه..ولا جني رغتها من البيت. في اليوم الثاني لقيته يالسه في الصاله مع امها وخواتها.. اقوووووولج لووووووووووح تعرفين شوووووه لوووووووح..
عويش:هههههههه تلومني عيل يوم انها اتطلعني من طوري..
حمدان: حشى منها. انزين ماعلينا.. حمد قالي بعد انه عيال عمه كلهم بيعرسون رباعه.. ويوم قلت له عقبالك قالي الموضوع كله في ايدكم؟؟
عويش: كيف يعني؟؟
حمدان: عويش حمد رمس ابوه فيج.. وابوه بيرمس ابويه قريب وامه بتي عندنا علشان يشوفنج.. ويتمنى بعد ما انرد عليه بالموافقه اتعرسون رباعه وياهم..شوه قلتي..
عويش: هااااااااه شوه تباني اقوووول.
حمدان: انتي مواقفه على الريال بالاول ولالاا الريال رمسني فيج
عويش: حمدان انا ما اعرف شوه اقول لك.؟؟
حمدان: عويش هاي حياتج وانا بصراحه ابا ها الانسان مثل ماقلت لج يكون من نصيبج. برضايه عليج ولو يهمج رضايه وافقي عليه عويش..
عويش: حمدان والله يهمني رضاك انته اخويه وتاج راسي بس
حمدان: لا اتبسبسين قولي موافقه وخلاص..
عويش: انا قلت لكم حمدان ان ياني ريال انتو كلكم موافقين عليه انا مالي رمسه عليه. انته شوف شوه بيقول ابويه وخليفه ونا من بعد رايكم مالي شور..
حمدان: انتي متأكده.؟
عويش:هيه. حمدان.
حمدان:ههه عيل مبرووووك مقدماً
عويش: الله يبارك في حياتك. واسمحلي اخويه.
حمدان: الله يسمح ذنوبج.
نهايه البارت ياترى شوه بيصير بعدين. مريم والحين بتخلص واخيراً وفارس الحين بيسافر وبيملج هو واحمد قبل ما يسافر.. وحمد امه بتروح عند قوم عويس وبتطلبها منهم.
وفهد خلاص ارتاح اخيرا الدانه بتكون حرمته رسمي.. من بعد ما وفقت على اقتراحهم..
وسلامه .. شوه سالفه هاي الغايه. الغريمه. هزركم شوه بتسوي علشان تخطف محمد من سلامه.. تعتقدون بتقدر تفرق محمد عن سلامه. وخصوصا سلامه حامل.. واليده عذيجه من بعد ما درت بخبر حمل سلامه آخر ناس على قولتها.. كيف يتنحل الامور. وهيه زعلانه من الكل.. واولهم عويش..خلونا نتابع الاجزاء الباقيه


والسموووووووووحه من الجميع..

قراءه ممتعه وباجر ان شاء الله اكون خلصت تعديل البارت الياي..

lady oscar
27-04-2009, 10:17 PM
اوووووووووووووووووه


احداث رهيبه


اتوقع زعل يدوه بيطول وببتعب عويش بمراضها .. وغريمه سلامه الله لايفوقها بتصير مشكله \\

ايه وان شالله عرس حمدان وياهم جماعي

وهندوه لها وحشه


همسـه لج


حبيتج يوم جبتي طاري العراق ببيت شـعر


وينطيج العافيه خيه

قلب نازف
27-04-2009, 11:58 PM
عجيد الاريام

.
.
..

ههههه حليله حمدان المفروض يسميها طرزانه هب شعشبونه

تسلمين على البارت الحلو بانتظار البارت الياي

.
.
..

دمتي بود

..عجيد الريم..
28-04-2009, 12:12 AM
اوووووووووووووووووه


احداث رهيبه


اتوقع زعل يدوه بيطول وببتعب عويش بمراضها .. وغريمه سلامه الله لايفوقها بتصير مشكله \\

ايه وان شالله عرس حمدان وياهم جماعي

وهندوه لها وحشه


همسـه لج


حبيتج يوم جبتي طاري العراق ببيت شـعر


وينطيج العافيه خيه


هههههههه شفتي عاد..
هند ان شاء الله بين دورها في البارت الياي..

وتسملين يارب.. توني اعرف انج عراقيه.. مرحبابج ختيه والله استانست.

وانتي بعد ينطيج الف الف عافيه..

..عجيد الريم..
28-04-2009, 12:15 AM
عجيد الاريام

.
.
..

ههههه حليله حمدان المفروض يسميها طرزانه هب شعشبونه

تسلمين على البارت الحلو بانتظار البارت الياي

.
.
..

دمتي بود


لبيه شاعرنا..
ههههههه يعلها دووووووم شاعرنا هاي الضحكه مب يوووووم.
الصراحه اسعدني تواجدك في القصه..

امممم حليله حمدان ليش الي قاله في حقها اشوي.. حرام.


ههههههه حلوه هاي طرزان.. بس حرام كله ولا عويس حمد..

هههه
مشكور شيخي على المروور. وان شاء الله باجر بنزل التكمله..
تسلم..

السولعيه الحلوه
28-04-2009, 01:11 AM
تسلمين الغلا على البارت الروعه...

غايوه منو هاي بعد الله يعين سلامه منها بس ما اتوقع محمد يخلي سلامه عشانها بس اكيد بيكون فيه مشاكل من بينهم....

حمدان ان شاء الله بيوافقون عليه وبيعرس معاهم جماعي واحلا عرس بيكون...

يدوه عذيجه فديتها اكيد ما بتصبر على زعلها من عويش ولازم بترضى لانه عويش غاليه عندها...

ونترياج باجر في بارت يديد على نااااااااااااااااااااااااااااااااار...

ذبحني الح ـلا
28-04-2009, 02:53 PM
عجيد الاريامي

يسلموو على البارت الرائع ...أحداث ممتعة

أتوقع يدوه عذيجة ما بيطول زعلها على عويش >> ما ينخاف عليها عويش تعرف تراضيها

هههههه حليلك ياحمدان جان زوعت عويس >> و إن شاء الله حمدان بيوافقون عليه

وحمد أعتقد أنه بيكون من المعاريس في العرس الجماعي

أما غريمة سلامة فأعتقد أنها بتكون الخسرانة لأنه محمد يموت في سلامة بس بتسوي لها بعض المشاكل

يعطيج العافية

..عجيد الريم..
29-04-2009, 12:13 AM
السولعيه الحلوه.. نوووراي مشكورات خواتي على المروور.. وبصراحه شوه اقدر اقوووول..

انتن اقرن البارت الياي.. والي عقبه بتعرفن كل شيء.. ويمكن ان قدرت الليله انزل البارت.. وادري اني قلت انه اليوم بنزل بس كانت عندي ضروف منعت ها الشيء.. والمنتدى ما يتحمل تنزيل البارت مره وحده يعني لازم اقطلع البارت خمس ولا ست بارتات.. شغلانه.. ان شاء الله ان قدرت الليله واذا لا السموحه بس ان شاء الله باجر بنزله اكيد ان شاء الله..

السمووووووحه..

السولعيه الحلوه
29-04-2009, 12:59 AM
مسموحه بالحل الغلا...

ام شي راحتج والا جان على البارت لحقين عليه...

..عجيد الريم..
29-04-2009, 01:05 AM
تسلمين حبووووبه.. والله عادي انزله بس لو تعطوني نص ساعه..وبنزله الحين قاعده اعدل عليه..

..عجيد الريم..
29-04-2009, 01:49 AM
الجزء الثاني والعشروون..
فديتك ياهوى نفسي مع الشدات خاويني
فديتك لاقسى وقتي علي وناحت أشجاني
أبيك في لحظة الفزعه تحط يديك بيديني
وأبيك لياشكيت الياس تكون بساحة أوطاني
طلبتك يابعد ذاتي أماااااااااانه لاتخليني
تراني لو رحلت أبقى ضحية كيد عدواني
سألتك بالله الواااالي سألتك لاتجافيني
لأني أمووووت بغيابك ياروحي وجثماني
معي واصل مشاويرك أواسيك وتواسيني
معي إبقى مثل ظلي حذااااري لاتعداني
أبي منك الوعد إنك على غيري تبديني
وأنا هذا وعد مني ماأبيعك وأشري الثاني


طلعت عويش من عند حمدان وسارت عند خواتها الي كانن مشتطات ..
في بيت غيث لطيفه كانت عند مريم في غرفتها
لطيفه:مريم بنتي ابغي اعرف انتي مرتاحه بها القرار.
مريم: تبين الصدق امايه. احس هاي المره بأحساس ثاني اول مره احس به.يوم خطبني خالد كنت فرحانه بس كان فيه احساس ثاني مب عارفه شوه هووه. بس الي اعرفه اني اجذب على عمري بالسعاده.. وفعلا ماكملت فرحتيه به.. بس هاي المره غير . احس اني بعيش حياه عمري مابقدر اتخيلها ومع هذا مرتاحه وايد..
لطيفه: الله يهنيج يابنتي ..ومن تعرسون بخلي البنيه عندي لين تردون بالسلامه ومن تردون بعطيج اياها.. ولا شوه رايج اتخلينها فتره عندنا لين تتعودين على حياتج الايديده وخلاف تين واتشلينها
مريم: مستحيل يا امايه اخليها مابقدر حرام..ما اتهون عليه اخليها..
لطيفه:بس يابنتي ما بتقدرين اتخلينها عندج اول فتره بيتضايق ريلج.
مريم: امايه انا شرطي كان انه يرضى بها وقال انه ماعنده مانع بها..
لطيفه: هيه بس مش من اول مره.. خليها عندنا لين تتعودون على بعض اشوي.. وخلاف تعالي وشليها .ماعليها باس كلنا عندها.. بس يابنتي فضيحه تضوين بيت ريلج عرووس وبنيتج بين ايديج
مريم: بس ما اروم اخليها يا امايه.
لطيفه: مريم ماعليه صبري على الاقل لو اسبوعين على الاقل تتعرفين على ريلج روحج ويتعرف عليج روحه.. وبعدين بنتج تبى حد يطالع عليها 24 وساعه وانتي عروس بتطالعين ريلج ولا عمرج ولا بنتج. بنتي فديتج خليها عندنا وكل يوم اتصلي عليها. بس عيشي حياتج
مريم: امايه كيف بصبر على بعدها..
لطيفه: ادري انه مب هين يابنتي بس كل شيء في البدايه صعب وبعدين يهوون. يابنتي لا اتضيعين على عمرج.. عيشي حياتج وبنتج مابييها شر.. تراها عندي ولا عند يتدتها موزه تراها بتعيش احلى عيشه..
مريم: اسبوعين وايد امايه..
لطيفه: لا مب وايد حتى انه اشويه. على الاقل شهر . وبعدين تعالي وشليها.. بنتي انتي بتين في بيت كله عرب وناس ويبون يشوفون العروس ولازم اتلازمينهم على الاقل 12 ساعه وخلاف ريلج يباج اتلازمينه وبيتج بتكون عندج مسؤليات وايد..
مريم: ما ادري يا امايه..
لطيفه: انتي فكري فيها وشوفي عمرج.
مريم:ماعليه..
لطيفه: خلاص عيل يابنتي انا بسير اشوي.
مريم:الله يحفظج يا امايه..
لطيفه: مبرووك يابنتي..
مريم: الله يبارك في حياتج
لطيفه وعيونها يدمعن: ربي يهنيج يابنتي .
مريم من شافت امها جيه تربع في حظنها واتصيح..خلتها امها لين هدت مريم. ومن هدت طلعت عنها .ومن طلعت لقت غيث واقف عند الباب..
لطيفه تمسح دموعها: هلا بوغانم.
غيث: اهلين ام غانم اشحالج.
لطيفه: بخير ربي يسلمك تبى مريم.؟
غيث: هيه هيه داخل.
لطيفه: هيه .. يالله اسمحلي بوغانم.
غيث: وين بها لطيفه؟؟
لطيفه: بسير عندي شغله.
غيث: هيه وشوه هيه شغلتج
لطيفه: بسير اشوف الدريول اباه باجر اييب الخضره
غيث: هيه خلاص خبرته انا واييب بالمره مير المطبخ عطيته 1500 وبيين كل شيء..قالي وايد اشيا ناقصه في المطبخ.
لطيفه: يزاك الله الف خير بوغانم بس انا حاطه له فلوس وكنت بعطيه اليوم.
غيث: هيه لا خلاص انا عطيته.. الا ماقلتي لي شوه مسويه هاي الايام .
لطيفه: بخير ربي يسلمك.
غيث : اخبارهم اهلج
لطيفه: بخير يسلمون عليك.
غيث: الله يسلمهم.
لطيفه: يالله اسمحلي بوغانم ابا اسير ارمس غانم بشوفهم وين هم
غيث: هيه توني مسكر عنهم واصلين دوون اليحر مابقالهم شي ويوصلون.
لطيفه: هيه.
غيث: ياالله شوه بعد بتيبين
لطيفه:كيف..؟؟
غيث: هيه اول مره تهربتي مني تبين اتشوفين الدريول. وخلاف بتصلين بغانم.. والحين شوه بعد.. بتخبرج ليش ماتبين تيلسين وياي..
لطيفه: والله يابوغانم اكرم ما على الانسان كرامته. ونا عرفت قدري عندك ليش تباني اذل كرامتيه بعد.. خلنا عايشين جيه انته مرتاج ونا مرتاحه.
غيث: محشومه يابنت سالم محشومه يابنت عمي.
لطيفه: الحين بنت عمك .. ياحيف ياولد عمي وابو عيالي.. غيث دخيلك مابا ندخل في مشاكل ثانيه عيالنا الحين بيعرسون خلينا نكمل الايام الي الباقيه لنا جيه . انته مرتاح مع حرمتك ونا مرتاحه بحياتي هاي.
غيث: تتحرين اني مرتاح بحياتي.
لطيفه: عيل الحرمه الي تباها الحين عندك دايما مب هذا الي كنت تباه. صبرت ونلت .

..عجيد الريم..
29-04-2009, 01:50 AM
غيث: هيه انتي بعد حرمتيه.
لطيفه: احنا جيه علشان العيال بس.. ولا امبيني وبينك نحن مطلقين خلاص ماشيء امبينا.
غيث: ليش عاااااد..؟؟
لطيفه: شوه الي ليش حرام عليك شوه الي تباه مني؟؟
غيث: لطيفه انا ريلج وباجر بنسأل عنج.
لطيفه: انا متنازله ومن خاطريه يابو عيالي.. امره ويوم الحساب يوم بييوني بقولهم انا الي اتنازلت له عن حقوقي.. وخلاص ياغيث..
غيث: مثل ماتبين يالطيفه. مريم بترقد شوه.
لطيفه: هيه احيدها تبى ترقد. اذا تبى اتشوفها برايك انا بسير .
غيث: العنود وين؟؟؟
لطيفه: رقدت من ساعه.
غيث: هيه خلاص عيل. برايها دامها بترقد مريم. بييها خلاف يالله نسلم عليكم.
لطيفه: ربي يسلمك.
غيث: ومن يقول عسى..
سارت لطيفه وفي عيونها دموووووع. ولا قدر غيث ينزل عينه عن مجفاها.. وايد ضعفت واتغيرت واحلوت .. يالله الحين هاي بنت عمي وام عيالي منووووه يقووووول. انا كيف ما كنت اشوفها من قبل.. استغفر الله العظيم.الله يلعنك يا ابليس..

دخلت عويش عند خواتها وشافتهن مشتطات.
عويش: ول شوه ياكن ما اتقولن الا وحد منقع شلق في نصكن شوه صاير لكن.
ديمه: يدتج وصل العداد عندها فووووول..
عويش: والخيبه وليش عاااد شوه سويتن بها. اغيب عنها دقايق واتزعلنها شوه سويتن بها.
مريم: مب نحن اللي زعلناها. ممم مب كل المسؤليه علينا.
عويش: على منوه يعني عليه مثلاً
ديمه: والله طلعت ختيه ذكيه.. اتصدقوون.
عويش: انا؟؟ ليش شوه سويت بها؟؟
ديمه: ليش ماخبرتيها انه سلامه حامل.. شوه هيه طرطنقي يالسه اهنيه..
عويش: شوه طرطنقي بعد؟؟
ديمه: هاي دووم ربيعته هوز الكويتيه اتقولي اياها. ومعناها مالي معنا عندكم.
عويش: ومنوه قال جيه..
ديمه: هيه اتقول هاي معنا الكلمه.
عويش: لا ياالقوطي اقصد يدووه ليش قالت جيه.
مريم: انتي ماخبرتيها عن سلامه.
عويش: هيه خبرتها يوم وعيتها للصلاه الفير حتى انها باركت لها. معقوله نست.
ديمه: اوووه والله لو سمعتج لاتدفنج اهنيه.
عويش: وليش عاااد يدوه اول وحده تعرف عن سلامه. وينها هيه الحين بسير اشوفها.
ديمه: سارت حجرتها وكانت تتحرطم وايد. نصيحه لا اتسيرين لها الحين خليها لين تهدى وخلاف سيري لها.
عويش: لا يدوه وانا اعرف كيف اتصرف وياها..
ديمه: آز يو لايك
سارت عويش حجرت يدتها ودقت الباب بس محد رد عليها عرفت انه يدتها داخل وما تبى ترمس.. جان اتفج عويش الباب لقت يدتها طايحه على الشبريه .
عويش:يدووه ؟
عذيجه: طلعي برا مالي رمسه وياج يوم هاي بصيارج.
عويش: اهون عليج اتروغيني برا ونا يايه ابشرج ببشارتين حلوات.
عذيجه: بشوه بتبشريني بحمل سلامه وفطيم .. خلاص دريت وماهقيتها منج ياعويش.
عويش: لا يايدوه انتي مبشره بسلامه قبل الكل.. حتى قبل ابويه وامايه وخواتي.
عذيجه: متى هووه مادريت الا من رمسن ملقع الصير مريوم وديموه.
عويش: لا يايدوه انا ييتج عند الصلاه الفير وخبرتج يوم وعيتج وقلت لج يدووه سلامه حامل ويالله قومي للصلاه.
عذيجه: متى هووه لايتيني ولا شياته. حتى اني صلاه الفير ماصليتها الا القايله. متى وعيتيني..
عويش: يتج الصبح عند الاذان وقلت لج يدووه سلامه حامل حتى انج قلتي لي مبرووووك تستاهل.
عذيجه: متى هووه ما احيد.؟؟عويش: اليوم الفير. ويوم قلت لج نشي الصلاه قلتي لي شي ماي في الحمام ..
عذيجه: هيه البارحه ماكان ماي شيء.
عويش: هييه ويوم قلتي لي شوفي الماي سرت الحمام وشفت الماي وييتج وقلت لج شيء ماي قلتي لي الحين بتنشين وبتتمسحين. واتصلين. حتى انج قلتي لي وعي خوانج للصلاه ماتذكرين..
عذيجه: لاااا بس هيه اذكر اني قلت لج اتوعين خوانج بس ما اذكر اني باركت لج بحمل سلامه.
عويش: بس انا قلت لج..
عذيجه: ماعليه هاي المره بنخطفها شوه البشاره بعد ولايكون غلامتين يدرن عنها
عويش:هههههه افا عليج فرش ياي الخبر.. محد يدري عنهن.
عذيجه: انزين رمسي شوه البشاره.
عويش: امم مب وحده ثنتين.
عذيجه: ماعليه رمسي وخلصينا.
عويش:هههه فديتج ياربي.اول سامحتيني .
عذيجه: بترمسين ولا لااا.
عويش:ههه لا برمس اول قولي انج سامحتيني ومب حاطه في خاطرج مني..
عذيجه: عويش بترمسين تراج صدعتيني.
عويش: هئه اول قولي انج مب حاطه في خاطرج مني. يدووه والله مايهون عليه زعلج مني.. بموووت ان زعلتي
مني انتي جنتيه وناري..عذيجه: فديتج ياربي. وانا اقدر احط في خاطريه منج والله ماتهونين عليه. ماادري ان عرستي شوه بسوي بلاج.
عويش: فديتج ياربي.. وان قلت لج انه الريال رمس حمدان عني وبييون قريب يخطبون شوه بتقولين.
عذيجه دمعن عيونها: بقوول مبروووووك يابنتي وربي يهنيج في حياتج. انتي وحمد..قولي آمين.
عويش: آمين يا احلى واغلى يدووه في العالم..كله.
عذيجه: فديتج ياربي ربي لايحرمني منج يابنتي.
عويش تلوي على يدتها: ولا منج يارب..
عذيجه: يعله مبرووك ياعويش.. انزين وشوه البشاره الثانيه؟
عويش:ههههههههه يا الفضول.. ما نسيتي.

..عجيد الريم..
29-04-2009, 01:51 AM
عذيجه: لا مانسيت مسوده الويه. بعدني بعقلي ماخرفت.
عويش:هههههه بسم الله عليج من التخريف يارب
عذيجه: بعد..
عويش:انزين يدوه البشاره الثانيه. انه
حمدان: انا بخطب بنت عم حمد.شوه رايج.
عويش ويدتها طالعن الباب يوم دخل حمدان وبشر يدته.
عويش: جان صبرت لين اخبرها.
حمدان: وتخربين عليه.. تبينها تزعل مني..
عذيجه: فديتكم ياربي. يعله مبروووووك عليكم.
حمدان وعويش: الله يبارك لج
عذيجه: منوه من بنات عمه يا حمدان.
حمدان: بنت عبدالله اسمها منيره.اتدوام في الجامعه.
عذيجه: بعد في اليامعه اتداوم.
حمدان:هههههه هيه يدووه. واول سنه لها بعد.
عذيجه: ربي يابعدي ومتى بتخلص منها ان شاء الله.. وانته ان شاء الله بتترياها لين تخلص.
حمدان: لا يدوه والله لو الشور شوري من باجر انا خاطبنها ومن الشهر الياي العرس.
عويش:ههههه حرام عليك بعد شهر واحد تبى اتعرس.
حمدان: والله لو يصير جان سويتها .. بس آخ ما اتصير.
عذيجه: ربي يسعدكم يارب.الا قولي متى تبى اتسير تخطبها.؟
حمدان: والله يايدووه انا رمست حمد وبيشوف الموضوع وياهم وخلاف بيردون علينا. بنصبر وبنشوف. بس حمد رمسني عن هاي الي عندج يبى يخطبها جريب..
عذيجه: يعله مبرووك عليها.
عويش: وجان استحي.
حمدان:ههههههههه حليلج ..
عذيجه: حلات البنت بمستحاها. مب مثل بنات ها الزمن امره ماعليهن من شيء.. مره يعطنك في الويه.
حمدان: هه صدقتي يا يدووه.. واكثر مثال.البليه الي عندنا.
عذيجه:منيه هيه.
عويش: احم حمدان يطري سنيتيا يدووه.. مقوي.(( وتغمز له))
(مابغت حمدان يقوله لها انه يطري بنت العم وتستوي مشكله )
حمدان:ههههه هيه خطيبت احمد.هههههههههههه
عذيجه: شمن احمد؟
حمدان:هههههه احمد ماغيره ولد عم حمد.
عذيجه: هييه شوه بلاه.
حمدان: ههه الله يسلمج ياني هذيج الليله هوه وحمد ودخلو الميلس وتمو يتعازمون يبون يخطبون. حمد يبى يخطب له من عندنا واحمد مثله. المهم قام حمد وقال لي اذا عندكم غزلال حلو بنيوزها لاحمد... اشوي وتطلع الشيخه سنيتيا من حجرتها سايره المطبخ شكلها ناشه من الرقاد عطشانه.. من شافها حمد. بارك لاحمد بالخطبه. ومن هذاك اليوم لين ساعتج يعايره بها هه
عذيجه: وحليلها سينيتيا ما نصبر عنها خله يدور له خطيبه ثانيه.
حمدان:هههههه لا خلاص اتطمني يدووه احمد الحين بيخط له وحده دكتوره من بوظبي.
عذيجه: ماشاء الله دكتوره بعد.
حمدان: شفتي عاااد من قده.. وفارس اخوه بيخطب ختها. اعتقد انها تشتغل في جامعه زايد في بوظبي دكتوره بعد.
عذيجه: ماشاء الله عليهم. ربي يهنيهم. عيل بيعرسون رباعه دامهم خوان وخوات.
حمدان: هييه ولا بعد بزيدج من الشعر بيت فهد خوهم بياخذ خت حمد وبيعرسون رباعه.
عذيجه: ماشاء الله بيسوون عرس جماعي. بس كيف جيه الحرمات في بوظبي وهذيلا اهنيه.
حمدان: هيه ترا هن عندهن خاله اهنيه في العين وبيين عندها. وبيعرسون رباعه.. وحمد رمسني وقالي اذا اتقدم عندكم ووافقتو عليه يبى يعرس وياهم مره وحده اذا ماعندكم مانع.
عذيجه: هاي الساعه المباركه يا وليدي. ومافيها شيء. كلهم اهل وقرايب. بالعكس امره جانهم معزمين على جذيه امره ماعلينا ولايلسون يحاتون.البنت بنتهم مثل ما الولد ولدنا ومافيها شيء.
عويش: احم انا بخليكم اشوي. بسير اشوف خواتي.
عذيجه:ههه استحيتي.
حمدان:ههههههه طالعي يدووه كيف احمرت. ياااااااو..
عويش: بايخ.
حمدان: لا حلو..
عذيجه: بس عاد الا قولي متى قالك بييون.
حمدان: لين الحين ما يدري بس رمس ابوه وعمه وقالو من ايين الحرمات بييون الرييل وبيقصون الحيه. ومافيهم على الحفلات والعزايم امره الرياييل بيوون وبيعطونها الفلوس وخلاص.
عذيجه: هذا الراي الزين. خلاص عيل خبر ابوك .
حمدان: لا يدوه انتي خبريه.
عذيجه: اشله يا ولديه ابوك لازم يدري منك انته ريال ولازم يعرف منك. ان قلت له انا بيقول اشدراج. شوه تباني اقوله.
حمدان: اف ماعليه بقوله. بس عمي ؟
عذيجه: ماعليك من عمك ولديه واعرف كيف ارمسه انته رمس ابوك وخل الباقي عليه.
حمدان: يدوه بس
عذيجه: شوه بلاك حمدان.؟
حمدان: عمي يباني اخطب بنته رفوع وانا ماباها.واكيد مرمس ابويه.. لانه من يومين اتصل بيه وقالي يباني في موضوع خاص . واكيد يبى يرمسني عن العرس.
عذيجه: حمدان انا شوه اقولك انته رمسه قبل وخل الباقي عليه.
حمدان: ماعليه الي تبينه بيصير.
عذيجه: هيه جذيه اباك خلني الحين ابغي اوطي راسي الحين كم الساعه الحين.
حمدان:توها 9 يدوه.
عذيجه: والخيبه قوم قوم خلني اوطي راسي. جاني من فير الله واعيه.
حمدان:ههههه الله يعطيج العافيه يدووه يالله تصبحين على خير.
عذيجه: وانته من أهله. يالله اطلع وسكر الباب وراك..
حمدان: ههههههههه ان شاء الله يدووه.مشكله العيايز. رقادهن مثل رقاد الدياي.

..عجيد الريم..
29-04-2009, 01:52 AM
عذيجه: حمدان؟؟ تبى اتعرس هاااه ماعليه يصير خير..
حمدان:هااااااهااه عيني خير. والله اسووولف انتي زينه الشباب..اي شباب انتي بطرانه البنات كلهن.
عذيجه: يامكرك ياربي.. ماعليه برايك الحين ابا ارقد.
حمدان: هههه ان شاء الله الغاليه افا عليج. ماتبيني الحفج ولا اشغل المكيف. يمدحون المكيف ها الوقت.
عذيجه: هه لا مشكور يابويه. ما احب المكيف.. وبتلحف روحي برايك سير الحين.
حمدان: ان شاء الله يدووه. يالله.
عذيجه: الله وياك.
سكر عنها وسار حجرته.. باجر بيرمس ابوه عن الموضوع وبيخلي الباقي على يدته.
ع الساعه 10 رجع حمد البيت ولقى ابوه قاعد يشوف اخبار الامارات. ويلس وياه يشوف الاخبار.ومن خلصت الاخبار ..
حمد:ابويه رمست امايه عن الموضوع.
عبدالله: أي موضوع.؟؟؟
حمد: موضوعي بعد موضوع منوه..؟؟
عبدالله: هييه .. لا بعدني برمسها قريب ان شاء الله.
حمد:ابووويه شوه هذا وليش مارمستها لين الحين.
عبدالله: مافضيت. شوه اسوي يعني..
حمد: ابوووووووويه
عبدالله:هههههه لا رمستها وقالت انها البنت تعرفها وشافتها يوم عرسهم. وعيبت بها بس قالت يوم سألت عنها قالو لها البنت مخطوبه.
حمد: منوووووه قال؟؟
عبدالله: يدتها قالت للحرمات الي تخبرن عنها.
حمد: هيه.. هيه كانت مخطوبه لولد عمها والحين قلعها .. هاه ابويه شوه بتسوون الحين.
عبدالله: بتخبرك اشمعنا هاي البنت تباها جيه.
حمد: والله يا ابويه ما ادري داخله خاطريه.
عبدالله: حمد لايكون لاعب لعبه عليها مني ولا منه.
حمد: افا يابوخالد تربيتك انا.. افا عليك والله
عبدالله: محشوم يابوشهاب.. خلاص عيل بخليها اتشوفهم متى بيفضون وتيهم واتشوف شوه بيسوون.
حمد:ياحيك بس ابويه فديت خشمك لا اتخليها اتطول تراني مافيه صبر..
عبدلله: ههههههه انزين ماعليه.. برايك الحين بسير اوطي راسي برقد الحين.
حمد: ابويه صبر اباك في موضوع ثاني بعد.
عبدالله: انته ماخلصت خلاص قلنا لك البنت باجر بنخلي امك ترمسهم شوه بعد..؟؟
حمد: لا مب هاي السالفه.. اصلا ان ماخبرتها انته انا باجر من الصبح باكل فوادها عليهم.. وبخليها اتعطن عندهم مش الا اتشاورهم.
عبدالله: سود ويه الي مايعرفك. بختلي امك ما اتقوم بالواجب الحين.
حمد: ابوووووويه فديت خشمك خلنا الحين من امايه واباك في موضوع ثاني.
عبدالله: لاحول يالله ارمس اسمعك..قول شوه عندك.
حمد:منيره بنت عمي ياها خطيب.
عبدالله: بالبركه ان شاء الله. عيل غيث ماطراها عندي؟؟
حمد: لا غيث مايدري بالموضوع بعده السالفه عندي بس.
عبدالله: بتخبرك غيث كنت تلعب وياه في الحاره.. مسود الويه ولا جنه عمك يالهرم..
حمد: اووووهووو عيلنا خلاص يا ابويه حقك عليه. الشيخ عمي غيث.. المهم شوه الراي الحين.؟
عبدالله: الراي في الشوه!!.. تراك اتقول الموضوع الا عندك منوه الريال..؟
حمد: حمدان ؟
عبدالله: حمدان؟؟ اشمن حمدان.؟؟
حمد: حمدان ماغيره.
عبدالله: يابويه وايدين عندنا قوم حمدان ريل خو لطيفه حمدان وولد يرانا حمدان. وناس انعرفهم بعد عندهم حمدان.
حمد: ابووويه بس عاااد.. يعني انته اتعرف اني اتكلم عن حمدان ولد محمد بن.......
عبدالله:ههههههه نسيبك هاااااااه..
حمد: ان شاء الله ربي يسمع منك.
عبدالله:ههه الله يكتب الي فيه الخير.
حمد: آآآآمين.. انزين شوه الحين.
عبدالله: شوه بعد سير رمس عمك ولا خله هوه يرمسه.
حمد: ابويه الريال رمسني ويباني ارمسهم عنه. واتخبرهم ومن يوافقون عليه بيي يخطب سيده.بس مايبى ايي ويخطب وخلاف يتفشلون ويردون فضيحه.
عبدالله: والله ياولديه العرس قسمه ونصيب.
حمد: يعني الحين لو احنا سرنا عندهم وردونا مابيحز في خاطرك انهم ردونا.
عبدالله: اكيد. بس انته حالك غير حاله
حمد: كيف يعني.؟
عبدالله: هييه.. انته سجلك نظيف وهو لاااا متضارب ويا ريايل وداخل السجن ولا متورط مع بنات خايسات.
حمد: ابويه الريال غلط غلطه وتاب عنها. والحمد لله الحين شوه حالته الف واحد يتمني يكون مكانه شغل ويشتغل وعيشه احلى مايكون بعد شوه قاصرنه ماشيء..
عبدالله: هيه بس الريال مب صاحي.
حمد: كيف مب صاحي ابويه؟
عبدالله:هيه الي اعرفه عنده مشاكل في القلب. وباجر لاقدر الله الله رزقهم بعيال واتوفى عنها شوه بيكون حالها.
حمد: ابويه الاعمار بيد الله.. واذا يت منيه الانسان مهما كان صاحي ولا مريض ماشي شيء بيرده عنه..

..عجيد الريم..
29-04-2009, 01:53 AM
عبدالله: صحيح بس ما اعق بنتي عند واحد مب ظامن عمره.
حمد: ابويه بتخبرك منوه ظامن عمره الحين.. انته ظامن اني باجر من اطلع للدوام ما تيني سياره وتدعمني واموووت ظامن انه مابيبنجر التاير عليه وانجلب واموووت انته ظامن عمرك اتنش باجر من فراشك.. ابويه محد ظامن عمره الحين لا صغير ولا كبير.. محد يعرف متى ساعته؟
عبدالله: صحيح بس ..
حمد: ابويه الريال شاري نسبكم من قبل ما انخطب عندهم والريال انا اظمنه لكم شوه قلت ابويه.
عبدالله: ماعليه تعال باجر بيت عمك ورمسه انته وانا بكون وياك
حمد: ابويه ويايه ولا ضدي.
عبدالله: ويا الي فيه الخير.
حمد: ابويه.؟؟
عبدالله: ماعليه تعاله باجر انته ورمسه.
حمد: ماعليه خير ان شاء الله.. يالله بسير ارمس فارس
عبدالله: سلم عليه.
حمد: يبلغ ان شاء الله..
سار حمد حجرته واتصل على فارس..
فارس: حيا الله ولد العم.
حمد: الله يحيك ولد العم اشحالك.
فارس: بخير ربي يسلمك علومك.
حمد: علوم الخير.. شوه اتسوي اسمع عندك صدعه وين انته؟
فارس:هه انا في مطعم اتعشى..
حمد: نعم حد يتعشى الحين..كم الساعه الحين 11 ومسوي عمره دكتور.. ويييييييه وييه..
فارس:ههههههه شفت عاد..
حمد: والله حاله.حد عندك.؟؟
فارس: هيه عندي مطر وعلي وفهد
حمد: مطر وعلي قلنا انهم في بوظبي.. الا ها الفهد شوه يسوي عندكم.
فارس:هههههه يالحسد .. ياخي ياي عند اخوه عندك مشكله.
فهد: شفتووو مشكله عيال العم دووم حسده..
حمد: شووووه قال.. الحين انا احسده. وييييييه..
فارس:ههههههههه شفت عاد..علومك.
حمد: علوووم الخير.. الا بغيت اقولكم شيء دامك رباعه. من تطلعون من المطعم كلموني..
فارس: خير..؟؟
حمد: الخير بويهك.. لا اباكم في سالفه ودامكم رباعه زين وفرتو.. بعد مافيه اخسر فلوس..
فارس: يالبخل..
حمد: هييه يابويه حليلنا كم معاشنا مقارنه بمعاشاتكم انتو.
فارس:هههه ياربي يالحسد ياناس.. حمد طلعت صدق حاسد.
حمد: لا حسد ولا شيء..بس ياخي اقتصادي فيها شيء.؟؟
فارس:هههههه لا مافيها شيء.. برايك عيل من نطلع من هنيه بنرمسك..ههههه يالله عيل..
حمد:اوجي يالله باي برمس احمد انتو مافيكم فايده.. زطوووو في العيشه.
فارس: علينا بالعافيه حبيبي..
حمد: حبيبي؟؟؟ لا يابويه انته غلطان في الدرب هاي الكلمه حق عرب.. غلطان في العنوان دكتوور..
فارس:ههههههه ماعليه باجر ان شاء الله بتنقال لها..
حمد: باجر؟؟
فارس:هيه عزمنا باجر نسير نحن الريايل ونقص الحيه ونترياك عاد ابويه بيرمس ابوك باجر الصبح.والمسى ان شاء الله بنكون عندهم.
حمد: والله بالبركه ان شاء الله..واحمد متى؟
فارس: رباااعه ان شاء الله.. اعتقد انه بعده ماعنده علم.لانه عموه مريفه سارت لهم ورمست عمهتن ويدتهن واتفقو انا نيهم باجر ونقص الحيه. والعرس ان شاء الله بعد اربع شهور.
حمد: والله زين. ودوامها؟
فارس: بتقلعه هيه روحها محطيه في حسابها من تعرس تقلع الشغل.. وحتى غزلان مثلها.
حمد: اف حتى الدكتوره..مافيهن حيله.
فارس:بسم الله عليهن.
حمد:ههههههههه انزين ماقلنا شيء..خخخ برايك عيل يالمعرس بالبركه ان شاء الله..
فارس : الله يبارك في حيات.......
حمد: شوه يااااااك فارس..؟؟
فارس: هاه ماشيء
فهد: ايييه هاي مش شمه؟؟
مطر: هيه والله انها هيه.منوه ها الياهل الي عندها؟؟
علي: اييه عيب شوه ها اتطالعون الحرمه عيب عليكم.
فارس: برايك حمد.. يالله شباب خلصتو خلونا نشوف الحساب ونطلع من هنيه.مافيه اتم هنيه
فهد: اوكي بس ماكلنا سويت..
خزه علي بنظره..

..عجيد الريم..
29-04-2009, 01:55 AM
فهد: انزين يالله خلونا نحاسب ونطلع..
حمد تم على الخط يسمع الرمسه ولا قدر يسكر حس بالي حس به فارس ولا بعد عندها ياهل.. الله يعينك يافارس..سكر خلاف ماقدر يتم اكثر على الخط. قام واتصل سيده بأحمد الي كان توه ظاهر من الحمام(عزكم الله )) متسبح..وشاف التلفون وسارصوبه.
احمد: ياهلا بولد العم. وانا اقووول ولد عمي مايقدر يصبر عني وايد
حمد:هه مشكله الخقاقين. عادي من وين بحصلها منك ولا من اخووك..
احمد: اشمن اخوو.. ؟؟ ماشاء الله وايدين خواني.
حمد:ههههه وحد غير فهد يرفع لي الظغط من بعد حضرتك يعني
احمد: افا الحين انا ارفع الظغط وانا اتحسب اني انزله لك..افا والله ... جرحت كبريائي الفتيه..
حمد:ههههه كبريائك شووه؟؟
احمد: الفتيه.. اشدراك انته بالمصطلحات اللغويه لو بتم اعلمك لين باجر ما بيفيد وياك..
حمد: لا والله.. اقوووول برايك دام هاي رمستك خلاص مابقولك الي عندي
احمد: افا والله..خلاص يا ريال انا الي ما افهم بالعربي بس يالله قول الي عندك حرام ترقد وشيء يتقرقع في خاطرك طلعه كله
حمد:انا الي حرام ارقد وشيء يتقرقع في خاطريه ولا انته.؟
احمد: المهم كله واحد ماشيء فرق بيني وبينك كلنا عيال تسعه.
حمد:ههههه وشوه دراك انك كملت 9 شهور يمكن طحت قاصر
احمد: ماعليه بتخبر امايه كم كملت في بطنها المهم خلصني شوه عندك.
حمد: لا والله.
احمد:اوووووه خلاص يا حمد اسمحلنا بس يالله ارمس.
حمد:ههههه خلاص برأف بحالك وبتكلم. اول شيء مبروووووك على الخطوبه..
احمد: الله يبارك في حياتك.. هع خبروووووك..
حمد: هيه خبروني والمفروض اسمعها منك مب من غيرك بس يالله بنخطف لك هاي المره بس لاتعيدها.
احمد:هع ان شاء الله.. بس والله كنت بقولك بس من قبل ربع ساعه خبرتي امايه كانت بيت يدتهن قلت بدخل اتسبح ومن اخلص بتصل فيك وبقولك.
حمد: ماعلينا من خراطك المهم.. خلنا الحين.من هذا. توني ارمس فارس وياه نص الشله الفاسده. أي نص تقريبا كلهم ماعدا الشيوخ الي في العين.
احمد: احم شكراً
حمد: خخ ما اطريك اطري عمري..هع
احمد:كككك. انزين وعلومهم؟
حمد: طيبه. احمد بتخبرك شمه الي مطلقنها فارس عرست.؟؟
احمد: ما ادري والله.. اظن انها عرست ليش..؟؟
حمد: ماشيء يوم كنت ارمسه شفته قطع في الرمسه ويبى يسكر . واشوي الا اسمع خوانك يتخابرون بين عمارهم انها شمه يت المطعم وعندها ياهل.. حسيت بفارس بعيد عنهم.
احمد: مسكين يافارس اكيد مات يوم شاف عندها الياهل.
حمد: انا قلت جيه بعد. منوه الي ماخذنها.
احمد: بليس بلسها ما ادري بها.. بس جني سمعت اخوها فرحان مره يقولي انه عندهم عرس. والي ياينهم من بوظبي. اكيد هيه دامهم في بوظبي لقوها.
حمد: والله يمكن.. انزين احمد عندي موضوع ثاني.
احمد:خير..؟
حمد: الخير بويهك.اممم حمدان؟
احمد: حمدان.. ؟؟ علومه؟؟
حمد:الحمد لله يسرك حاله..؟ حمدان طالب القرب منكم.
احمد:..............
حمد:احمد ؟؟
احمد:بمنووووووور صح.؟؟
حمد:هييه
احمد:وين شافها.؟؟ في الجامعه؟؟
حمد:هيه.. وبغاها على سنه الله ورسوله.
احمد: وانته رمست فارس..؟
حمد: لا بعدني الحين انته الي اتعرف من اهلك.
احمد: وليش رمسك انته ليش ماياني ولا رمس حد من خواني ترا كلهم ربعه.
حمد: هيه بس اعتقد انه استحى يرمسهم بما اني اقرب واحد له رمسني وقال اقيس النبض عندكم وارد عليه علشان اييب اهله واييون يخطبونها رسمي..
احمد: اها..خلاص عيل بشوف انا اخواني عيل وبنرد عليه.
حمد:انا رمست ابويه وقالي اني ارمس ابوك باجر فيه
احمد: لااااا ماشيء عيله خل موضوعنا انا وفارس يخلص وبعدين نفضى لموضوعه. خبر ابوك يأخر اشوي.
حمد: هزرك؟؟
احمد: هيه الحين الكل مشتط في باجر ومن يخلص موضوعنا ويسافر فارس ويخلص موضوع مريم ومبارك وتهدى الاوضاع بنرمس غانم وهوه بيفاتح ابويه في الموضوع في الوقت المناسب محد يعرف له غيره وهند..
حمد: هيه خلاص عيل شوف الموضوع وياه ورد عليه.
احمد: لا ماعليك الا انته خبرت فارس..؟؟
حمد: لا بعدني ؟؟
احمد: ياحيك. اصبر اشوي الحين برمس غانم وبرد عليك وخلاف رمس فارس. مافينا على لسانه يكفي موضوع مريم ومبارك.
حمد:هههه خلاص عيل اترياك عيل.. لا تتأخر فارس قالي من يطلعون من المطعم بيسوي لي.. وعنده كلهم علي ومطر وفهد.
أحمد: ماعليه الحين بشوف غانم يالله.
حمد: خلاص عيل بترياك.
احمد: ان شاء الله يالله باي.
حمد: باي..
سكر وسوا لغانم.
غانم: يعني الواحد مايعرف يرتاح في بيته حتى لين اهنيه غاثني يا احمد.
احمد:هههه شفت ياخي ما اروم اصبر عنك شوه اسوي.
غانم:مكر من متى هووووووه.. متى شايفنك انا آخر مره.
احمد:امممم من اربع ايام وامم اصبر .. و21 ساعه وام 30 دقيقه.. اووه الحين 31 دقيقه,
غانم:هههههههه ياحيك والله.. علومك بوشهاب.
احمد: علوم الخير.. اول بارك لي .
غانم:هههههه وانا اقول ليش متصل ياخي كنت بطرش لك مسج اقولك مبروك بس يالله زين انها يت منك ولا خسرتني 30 فلس
احمد: يا البخل ياربي.. محامي وبخيل. اف..
غانم:ههههههه شفت عاد مشكله طالع على اخويه احمد
احمد: فديتني جاني من كرميه ماعليه ثياب كلهن وزعتهن
غانم: ياكبرها عند ربي ماعندك ثياب امره.
احمد: هيه والله تباني آثبت لك بسكر عنك الحين برجع اتصل لك مكالمه فيديو بتلقى عليه بس فوطه. ماشيء كبتي فاضي. بس فيه ادريس عاد اتعرف انته لو انه مش مال الدوام ولا جان قلطته على حد بس شوه انسوي غصن عني . ولا تتحسب اني مرتاح بها الحال.. بس شوه انقول خلها على الله.. يالله المهم عندك فلوس حقي..؟؟
غانم: فلوس شووه؟؟
احمد: تراني شوه اقولك ماعندي ثياب ياخي افهم. اتبرع لي؟؟
غانم:هييه الله يعطيك اخويه ماعندي شيء.. أنته لو عندك شيء عطني..حليلي مسكين ماعندي شيء..

..عجيد الريم..
29-04-2009, 01:56 AM
عندي بنتين والثالث ياي في الدرب وما عندي شيء له.
احمد: لالاه فاطمه حامل مبرووك ياريال.. عقبال ما اييكم احمد؟؟
غانم: نعم نعم منوه احمد ان شاء الله.. آسف ما اسمي اسامي مصاروه..
احمد: عنه الله تك الحين اسمي اسم مصاروه
غانم: عيل؟؟
احمد: ماعليه بييني ولد بتقولي احمد سم عليه.. ولا بسمي بسمي على خواني كلهم الا انته.
غانم: يا النذاله..
احمد: عيل اخويه غانم بلاش.خخ الا خلنا الحين من هذا لو اني ابا اكمل السوالف وياك . ان شاء الله في الحلقه اليايه ولا الجزء الثاني.. المشكله هوه يترياني.
غانم: شووووه شوه الجزء الثاني والحلقه الثانيه..ومنوه الي يترياك.. شوه السالفه؟
احمد: السالفه الله يسلمك ويسلمني.
غانم:هه والله حاله انزين..كمل.
احمد: احم ان شاء الله. امم منيره اختك ياها خطيب.. ريال ونعم الساع فيه.
غانم: نعم مره ثانيه بعد..لايكون بعد شافها من زمان وصار له فلم هندي والحين يتعذب يباها..
احمد:هههههههه والله طال عمرك ماعندي فكره جان سوا فلم هندي روحه ولا لااااا.. بس اني بغيت آخذ رايك اول قبل.
غانم: يعني افهم من هذا محد يدري من خوانك عنه..
احمد: من خواني هيه .. بس حمد وعمي عبدالله هيه.
غانم: وعمك وحمد شوه دراهم؟؟
احمد: لان الخبر آول ما وصل وصل عند حمد. وهوه شاور ابوه قبل وخلاف قالي.. وانا قلت لك.. وبعدين انته يا اخويه الفاضل بتخبر ابوووووويه..
غانم: مش لازم نعرف الريال قبل وخلاف نخبر ابويه.
احمد:هاي بسيطه الريال اتعرفه ؟
غانم: اعرفه!! منوووووووه هووه؟؟
احمد: احم حمدان ولد محمد......
غانم: حمدان؟؟ الدكتور الي في الجامعه؟
احمد: يس الحين يشتغل في الجامعتين الشباب والبنات.
غانم:هيه ماكان ربيعكم من قبل.؟؟
احمد: ولا زال.
غانم:عيل ليش رمس حمد قبلكم يوم انه ربيعكم.؟؟
احمد: لانه وايد مع حمد اكثر عنا.وبعدين حمد بيناسبهم ان شاء الله..
غانم: ايوا سمعت ابويه يقول انه حمد بيخطب.. ثره بياخذ اخته.. علشان جيه.
احمد: هييه هاا شوه انقول له الحين..
غانم:شوه اتقولون له خلو موضوع مبارك ومريم يخلص وموضوعكم انتو يخلص ويسافر بالسلامه فارس وبنخبره عنه وبعدين خير ان شاء الله.. شوه عايلنه خله يصبر البنت ما بتطير..هاكيه طايحه في جبد امايه لين ساعتك.
احمد:هههههههههه حليلها..
غانم:ههه والله .. ماعندك حد يفك امايه من ها البني الي عندها خلها ترتاح منهن.
احمد: اكيييييد عندي احمد ماعنده بيادير وعمال. امره فالك طيب من باجر بييب العمال وبخليلهم يتسنعون عن ياسين الحلاق وبييبهم يخطبون عندنا.
غانم:منوه بيخطبون لايكون خواتك..؟؟
احمد: عيل؟؟منوه غيرهن.
غانم: هيه وهند وياهن.
احمد: لا الشيخ هند ماياخذها الا الي يستاهلها وغير جيه مافي..
غانم: عيل يا الهرم تبى اتيوز خواتك من العمال وبيادير وهندووه ما بتيوزها الا من يستاهلها على قولتك.. اشمعنا هيه معنها حالها من حالهن.. مثل ماهيه اختك من ابوك حتى هن خواتك من ابوووك..
احمد: غانم تبى الصراحه.. فرق بين الشمس والظله.. سوري عاد..خواتك غير عن اختك هند..
غانم:وليش غير. شوه فيها زياده. أيد ولا ريل.
احمد: لا بسم الله عليها بس فيها شيء ماشي عند خواتك..
غانم: الا هو؟؟
احمد: الجرآه .. شوفهن يوم بييهن ولا برمس عندهن..وشوف هند بس من ادخل عليها.. بتعرف الفرق.. على فكره لاحظت ها التصرف من هند مش عندي بس عند الكل من ريال وحرمه..وشوف خواتك..
غانم: في هاي صدقت يا احمد.. ماعلينا الحين الريال قوله انه ماعليه زوود بس نحن الحين اشوي مشتطين ومن تخلص شطتنا يصير خير..واللي فيه الخير بيصير ان شاء الله.
احمد: ماعليه عيل تمام عيل ارباااااااب. انا يشوف انته بخره ان شاء الله..داخل خفله ما انا.
غانم:ههههه ان شاء الله يا البتاني..يالله تصبخ على خير..
احمد: تصبخ مره وحده..ههه يالله وانته من اهل الخير. خويه العود ما اروم اقول شيء.. بندفن بقعتيه..
غانم:ههه شفت عاد..
احمد:ههه اقووول لا اتصدق تراه ماشيء منه.هه
غانم: عنه الله تك ياالهرم.. يالله باي بناتي يتريني..
احمد: اوجي.
شوق: ياااااالله غانم تعال بسرعه كم مره زقرتك انااااااا اف
غانم:اسمع انته.عنه الله تج ابووووج انااااااااااا وشوه هاي اف بعد..
احمد:هههههههههه حليلك والله.ههههههه غانم حاف خخخخخ
غانم:هييه اضحك مسود الويه كله منك.
احمد:ههههههه انا ماسويت شيء..ههه سير سير لها لاتنكسل ويزتك باجر.ههههههههه
غانم:ها الي قاصر غلا اتنكسل ويزيته.
شوق: انا شوووووووق مش غلا. انته ما اتشوف..
احمد:هههههههههه اوووه مااتفرق بين بناتك ياريال..هههه حرام عليك.. اذا انته ابوهن ما اتفرق بينهن نحن عيل شوه انقول.اعد عكر بكر والي اتوقف العد عندها هيه اتكون شوق..هه
غانم:هههههههههههه
احمد: والله مرات تضبط.. طبعا نبسبه 10 %بس ما انصحك اتجربها.
غانم: مابفكر اصلا محلاتي صافنهن في محل وايلس اعد لين تطلع منهن الي اباها.
احمد:ههههههه اتخيلك غانم موقفنهن واتعد عكر بكر..خخخخخ
غانم: والله متفيق انته يالله برايك الحين بسير ارقدها حاشرتني من الصبح.
احمد:ههههه ماعليه مشكله الاهل يوم يتحضرون ويقومون يرقدون عيالهم. اقول ماتقرى لها قصه بعد..
غانم:لازم ياخي هاي من الاساسيات
احمد:ههههههه حليلك.
غانم:ماعليه بتييب عيال وبنشوف كيف يتسوي وياهم.
احمد:.....................
قعد يفكر ممكن على كلام غزلان مايكون عنده عيال..
احمد:غانم الريال يوم بيعرس لازم يكون عنده عيال؟؟
غانم:كيف يعني لازم يكون عنده عيال..؟
احمد: الي اقصده مايكون ريال اذا ماعنده عيال يمكن مايبى عيال
غانم: عيل شوه يبى؟
احمد: امم يبى يكون مع حرمته وبس..
غانم: هيه بس العيال زينه الحياه الدينا..
احمد:هيه بس اذا الله ماكتب لك عيال من هاي الحرمه.. لازم بتاخذ غيرها يعني علشان العيال.
غانم: اذا كنت ابا عيال هييه يا احمد..

..عجيد الريم..
29-04-2009, 01:58 AM
احمد:بس انته اتحبها وما تبى عيال الا منها وهي مافيها عيال شوه بتسوي..
غانم: احمد ليش تسأل ها الاسأله ليش شيء صاير.؟؟
احمد:هااه لا ماشيء بس اسأل عاد.. مرات يكون عادي مافيهم شيء وما اييبون عيال شوه بتسوي انته في هاي الحاله؟؟
غانم:بس لازم يكون في سبب لتأخير بسير اعالجها وحتى انا بتعالج لو فيه أي مشكله.
احمد: فرضا طلعتم كلهم مافيكم شيء.. او مافيكم عيال شوه بتسوون؟؟
غانم: ماشيء غير الصبر والدعاء يا أحمد؟؟
احمد: اها ياحيك والله يا المطوع.خلاص عيل بخبر حمد باللي قلته عن حمدان علشان يخبر الريال. تمام اشوفك باجر على خير
غانم: الله وياك؟؟
سكر عنه غانم وهو يفكر بكلام احمد ليش سأله ها الاسأله شوه الي مخبنه يا احمد وكاتم على صدرك.. لو اتحاول تخبيه يبين في عيونك.. معقوله الي بيخطبها مافيها عيال ولا عندها مشاكل في الانجاب. بس هوه كيف بيدري.. صح هيه دكتوره.. معقوله اتكون فاحصه وخبرته بها الشيئ؟؟بس ليش بتفحص شوه الي صاير مخلنها تفحص لو هيه فعلا فحصت وطلعت النتيجه سلبيه
والله حوره. بشوف احمد باجر لازم يقولي كل شيئ.. ولا بخليه لين يخبرني بكل شيء.. بسير لشوق الحين وخلاف بشوف موضوع احمد..
احمد اتصل على حمد .. وخبره بكل شيء.. ومن سكر عنه حمد اتصل بحمدان وقاله بالي انقال كله.. ومن سكر عنه اتصل به فارس الي كانو في الشقه كلهم وخبرهم بالي صار وبكلام احمد وغانم.. والكل فرح بها الشيء.. وخصوصا فارس الي خذ رقم حمدان على شان يبارك له شخصيا من يدرون عليه بالموافقه الكامله.. ومن سكر عنهم وطى راسه ورقد واحمد مثله من سكر عن حمد رقد من الحفوز للي بيصير باجر. معنه عكس الناس من اييه الحفوز ما يرقدون .. بس الشيخ احمد العكس .ان ياه حفوز لاي شيء بيرقد ولا بياكل.. عاادي الامور طيبه عنده..
من اصبح الصبح الكل مشتط وشاد حيله عند لطيفه كانو يعدلون المياره الي بتطرش لهم.. ومريفه من صوب بعد اتعابل الشنط الي بتطرش لهن ..كلهن سون لهم شنط وخلونهن عن مريفه والمياره سوتها لطيفه. لانها عندها خبره في ها المواضيع.اكثر لانها ميوزه غانم وفارس من قبل..ومريم بعد..
اتوااعدو يتيمعون في بيت مريفه.. ولطيفه طبعا غصبن عنها اتسير اهناك.. في بيت عديلتها.. طلعو من العين ع الساعه 9 ويلسو في بيت مريفه لين الساعه 11 وخلاف تحركو لبيت ابو العنود وغزلان في الخالديه.قربوالريايل داخل الميلس والحرمات قربن داخل الصاله. وطبعا بما انهن ماعندهن عم . فمحد حضر غير ذياب ابوهن. واخو حرمت ابوهن.سالم.وعند الحرمات عمتها مزنه الي يت من العين وعمتها ساره ام عيسى خطيب غزلان القبلي طبعا من بوظبي. ويدتهن. وحرمت ابوهن ليلى طبعا اتغدو عندهم وبعد الغدا رمسو الريايل من جهه ورمسن الحرمات من جهه. طبعا كل وحده رمست عن ولدها
غميله اتصير يدتهن: ويين بتسوون العرس انتوا قلتو انه العرس بيكون جماعي وعندكم ولد ثاني بيعرس وياهم.
لطيفه: هيه ولديه فهد بياخذ بنت عمه. وبيكون العرس ان شاء الله في العين.. قلنا لو البنيات ايين في بيت خالتهن في العين جذيه بيكون ايسر لنا.ما انروم نأجل العرس ولا انجدمه. ولديه فارس بيسافر الحين ومن تخلص البنت من الزهبه بيعرس وبيأخذها وياه.
غمليه: بس جذيه بتغترب عنا العنود.
مزنه: هيه امايه بعد ما يصير انه يخليها اهنيه سنتين ولا ثلاث.
غميله: انزين ماعليه يخطبها الحين ومن يخلص هاي الدوره يعرسون.؟
لطيفه: حرام عليج بتخلينهم يصبرون سنتين ولا ثلاث.. بعدين ترانا مب صغار ماودج اتشوفين عيالهم..
غزلان من قالت لطيفه هاي الرمسه حزت في خاطرها.
مريفه شافت غزلان من نزلت راسها
مريفه: ام ذياب حرام يتحرمونهم من بعض خصوصا فارس يبى يستقر بسرعه. صح انهم بيغتربون بس ان شاء الله كل فتره والثانيه بييون البلاد. وبيخطفن السنين بسرعه دامهم رباعه بيخطفن بسرعه..هااه شوه قلتي.
غميله: هيه بس ما نصبر عنهن.
مزنه: امايه فديتج وين بيسيرون عنج ان شاء الله كل فتره والثانيه بتلقينهم عن الباب.صح العنود.
العنود: هااه. ما ادري.. بسير اييب العصير.
لطيفه: ههه فديتها استحت..
مريفه: العنود وخلصلناها الحين الدور على بنتنا غزلان.شوه رايكم.
غميله: غزلان نور البيت كيف بنصبر عنهن.وجان اتصيح.
غزلان من شافتها جذيه تربع في حضنها وتلوها عليها.
غزلان: يدوه عني افداج لا اتصيحين.
غميله: وين يابنتي وانا خلاص مابشوفكن.
غزلان: لا يايدوه نحن مانصبر عنج.
ساره: امايه قلنا لج غزلان والعنود ما يصبر عنج وكل ماتبينهن بتلقينهن عندج.
غميله: غزلان ادري بها . بس العنود الي بتغترب عنا وما بنشوفها دوم
ساره: ماعليه امايه ان شاء الله من اييون البلاد بييلسون عندج البيت عندج كبير ومحد وياج واكيد بيسكون عندج من اييوم البلاد. صح ام فارس.
لطيفه: هيه ان شاء الله .. هم ان شاء الله من اييون بالسلامه بيلسون عندكم ولا عندنا كله واحد..
غمليه: الله يهنكم يارب.. وما اوصيكم على بناتي. امانه عندكم.
لطيفه: بناتج بناتنا ام ذياب.
مريفه: انا قلت لغزلان ما اتسميني عموه ولا شيء.. قلت لها اتسميني من الحين امايه. يشهد الله عليه انها في عيني مثل بنتي.. الله ماعطاني بنت وعطاني احمد.. فديته. بس ربي عوضني بغزلان . وان شاء الله بنحطها في عيونا..
غزلان: تسلمين يا امايه.
غمليه: معلووووم..انكم ما بتقصرون فيهن. ويعله مبرووك عليكم. وامره يا ام فارس وام احمد البنات بناتكم والي اتسونه مرخوصين.ومبرووك عليكم.
لطيفه ومريفه: الله يبارك لنا ولج يارب..
ساره تلوي على غزلان: مبروووك ياعروس..
ومن يت العنود تلوي علي عمتها مزنه: مبروووووك ياعرووس
العنود وغزلان: الله يبارك فيكم. ويسيرن عن يدتهن ويحبنها على راسها.

..عجيد الريم..
29-04-2009, 02:00 AM
غميله: مبرووك لكن يابناتي..
العنود: الله يبارك لج يدووه.
غزلان: الله يبارك لج يا يدووه..يا احلى يده في الدنيا.
غمليه :هييه الحين ما بكون انا احسن يده.. باجر تتقولين مريفه احسن ام لج في الدنيا.
مريفه:ههههههههه
غزلان: يدووووه..
ساره ومزنه ولطيفه:هههههههههه
يتهن ليلى: مبرووووك يابنات.وسلمت عليهن وفي عيونها دمووع وطلعت من عندهن.
الكل استغرب منها. وخصوصا غزلان والعنود.حتى عماتهن مزنه وساره. طلعو من عندهم وسارو عند مريفه وقعدو بيباتون وباجر الصبح بيردون العين كلهم يبون يجهزون لخطوبه مريم..
صارت العلاقه بين مريفه ولطيفه حلوه.. اتصافنطبعا مشت الامور على خير ما يرام.. وعطو غزلان والعنود الفلوس.. الي من الاسبوع الثاني بدن مشترياتهن.. وطبعا وياهن مريفه. خصوصا القطع وقطع الفساتين.
وحمد بعد من بعد ما اقنع ابوه خطووطو من بعد ملجت مبارك ومريم الي حدودها الاسبوع الياي وماشيء باقي على الملجه غير يومين.
مريم: ايييييه حرام والله فيه حفوز..
منيره:ههههههههههه ياعيني والله بس تصدقين انج محلوه.
مريم: منووور عن الغلاسه والله اني خايفه.
سلمى: ليش خايفه على الاقل بيدخل عندج ربع ساعه وبترجعين في الاخير عندنا.. يعني ما بيشلج عنا.. بتردين عندنا..
مريم: اقووووول فكني.
سلمي:هههههههههه والله حاله. انزين صدق الحين انتي ليش خايفه مابيدخل عليج بروحه بيدخله واحد ولا كل اخوانج.هه وبيتمون وياه.. صح منيره؟؟
منيره: هااه.. هيه صح..
طبعا كانت سرحانه اتفكر بالدكتور حمدان.
مريم: منيره وين سرحانه انتي..؟؟
منيره:هاه لا مب سرحانه بس قاعده افكر.؟؟
مريم: بشوه؟؟
منيره: امممم افكر بج كيف اول شيء كنتي مخطوبه لحمد وبعدين بغمضت عين تنخطبين لريال ثاني.وابويه واخواني يواافقون عليه بسرعه.. اقول انا لو ياني واحد اهلج بيوافقون عليه ولا لازم يكون من الاهل..
مريم: هاه.. لا اعتقد مب شرط يكون من الاهل اذا كان ريال والنعم الساع فيه ليش لااااااا..
منيره: ايوا..
سلامه: اييييه اتقولج امايه تعالي بسرعه برا.
منيره:منووووه...
سلامه: مريم بعد منوه.
مريم: لاوالله..
منيره: شفتي الادب في الانسه سلامه..
سلامه: اوووووهوو مافيه عليج فيه صداع ومن اصبحت انا اكرف وانتن مرتاحات..
سلمى: متي هوو يوم انج راقد لين الساعه 11 اوين من الصبح
سلامه: هيه قالو لج سلمى..
مريم : اقوووول زولن عني انتن الثنتني بسير اشوف امايه شوه بلاها.
منيره: صبري خذيني وياج تراهن بيتضاربن بعد اشوي.
مريم:ههههههههههه خليج الحكم عندهن.
منيره: لا يا بنت الحلال خليني انجي بنفسي ورايه دراسه.
مريم:هههههههههه يالله قومي..
سارت مريم عند امها ومنيره سارت حجرتها اونها بتدرس بس بعيد الدراسه عن راسها الحين.. اتفكر بحمدان مش عارفه ليش وايد شغل بالها هاي الفتره يمكن لانه وايد يتغيب عن محاضراتهم وما ايي الا متأخر ولا يدرسهم بسرعه وشكله مستعيل.. الله يعينه دامه ماسك الجامعتين.
مريم: هلا امايه طلبتيني.؟؟
لطيفه: هيه يابنتي عمج مريفه مطرشه لج هاي االشنطه..
مريم: الشنطه..؟
لطيفه: هييه واتقول تباج تقايسين الفستان اذا مش ضابط بيعدلونه..
مريم:ايوا ماعليه الحين بشوفه..
لطيفه: سيري وقايسيه وراوينا اياه..
مريم: ان شاء الله..
شلت مريم الشنطه وسارت اتقايس الفستان كان روعه مصمم في عند زهير مراد.. ومن لبنان مييوب.
قايست مريم الفستان وطلع عليها مظبوط كان لون الفستان بني عسلي.. ومن خلصت سارت به عند امها وامها من شافتها دمعت عيونها.
مريم: اماااايه عني افداج ليش الدموع الحين..
لطيفه: اتمينت اشوفج فرحانه ومرتاحه قبل ما اموت.. الحمد لله الي ياب ها اليوم.
مريم: امايه طولي بعمرج ان شاء الله شوه ها الرمسه الله يهديج..
لطيفه:والله يامريم غصبن عني. مابا اتكون حياتج مثل حياتي انا
مريم: امايه كل واحد ياخذ نصيبه وانا ان كان مكتوب لي الشقى محد بيقدر يرده صح ولا لاااااا.. هذا كله من رب العالمين.
لطيفه: ونعم بالله يابنتي سيري يابنتي وفجيه عنج ورمسي عمتج مريفه وخبريها عنه..
مريم: انشاء الله امايه من عيوني. بس امايه ابغي اسألج كيف اتصالحتي انتي وياها.. احيدكن ما تدانن.
لطيفه: ايييه يامريم.. انا الي ماكنت ادانيها مب هيه.. انا الي كنت جاسيه وقلبي حصى.. مب هيه حليلها.مريفه طول عمرها طيبه واتحب الكل.. حتى حيات يدتج وريقه كانت تمدح فيها
مريم: هيه احيدها.. فديتها وايد طيبه.وتتلوم منك بشكل فضيع
لطيفه: هييه يابنتي شوه انسوي توني عرفت ليش ابوج حبها حتى من قبل ماياخذني..
مريم: اها.. انزين امايه ماقلتي لي بنتي وين بخليها يوم الملجه ما اروم اخليها اهنيه البيت بيكون كله حريم.وبنتي من النوع الي ماتحب تيلس في الحجر..
لطيفه:هييه انزين شوه رايج انخليها في بيت عمج بنات عمج مابين بنخليها عندهن.
مريم: وليش مابيين.؟؟

..عجيد الريم..
29-04-2009, 02:03 AM
لطيفه: يالله بالستر هذا مب عرس يا مريم الا ملجه. وين تبينهن بين الحرمات ايلسن.بتي بس فاطمه..
مريم: امايه فاطمه امبونها من تبعنا. مش منهم خلاص..
لطيفه:هه انزين ماعليه بس بتم بنت عمج. انتي خليها عندهن بعدين بنتج اتحب اتسير اهناك.
مريم:ههههه هيه علشان تتتعبل في حجره سعيد
لطيفه:ههه ماعليها الا حجرت عمها..
مريم: خلاص عيل انا برمس دانوه خلاف .
لطيفه: كيفج.. يالله انا بسير الحجره اشوي.
مريم: الله وياج امايه.
وعند حمدان.اتصل به فهد.
حمدان: هلا والله وتو الناس..
فهد: اسمحلي والله مرتبش. ياخي بنعرس قريب.
حمدان: هههههه مبروك يالمعرس.
فهد: الله يبارك لك.. ومبرووك لك
حمدان: احم الله يبارك لك.. عاد نتريا الموافقه منهم.
فهد: تيسر منور بعد ترفض شوه قاصرنك قادر ومقتدر مب قاصرنك شيء.المهم هااه بشر شوه صار بالموضوع.
حمدان: انا رمسته وقالي انه نزل في الموقع صور للسياير يداد ويقول انك تدخلون واتشوفون السيايير الي تبونها وهو بيساعدكم بالباقي..والشحن بعد قال عليه. ومن ايين اهنيه انا بتصرف اعرف ناس بيخلصونكم بسرعه.
فهد: ايوا ياحيكم والله.. بس تعرف مابا سياير معروفه ابا شيء يديد ومهما كان السعر الريال الي ويايه راضي بأي شيء.
حمدان: اها تعرف وايد سياير في المانيا يديد ومب نازلات شيء منهن اهنيه.. وهو قالي انه بيطرش لي على الايميل الصور ونا بطرشهن لك اذا ماعيبنك الصور الي في الموقع.
فهد: ايوا ياحيك والله عيل خله يطرشهن لك وانا بتكلم مع الريال الي متشارك ويايه وبنشوف الصور وبنقولكم شوه راينا
حمدان: خلاص مش مشكله انا اليوم بتصل فيه.
فهد: الا بسألك الريال عايش اهناك.
حمدان:هييه كان اهنيه عايش والحين من عشر اسنين استقر اهناك خلاص.
فهد: اها..الا بسألك من وين تعرفه. انته؟؟
حمدان:ههههههههههه لو اقولك بتضحك عليه.
فهد: هه لا قول ما بضحك.
حمدان:هه تعرفت عليه في السجن.
فهد:هاااااااااه؟؟
حمدان:هييه كانو مورطينه ببيع سياير خربانه وسجنوه 6 اشهور. وطلع وسافر المانيا
فهد: ايوا.. والله زين ..
حمدان:هيه والله
فهد: خلاص عيل شوف الموضوع وياه ونا بشوف ريال بعد يبى يبيع سياير عنده.. صوالين كامري وكابرس بينفعون حق المهنده حليلهم ماعنده فلوس يشترون فور ويل.
حمدان: مال اول انته.. ابويه سير شوفهم في جميرا آخر موديلات السيارات عندهم.. اوين ماعندهم فلوس قال.
فهد: مب كلهم.. المهم انته عني افداك شوف لي الريال بعدك..
حمدان: فالك طيب. بس اقولك انته تقدر على ها المشروع
فهد: هيه والريال الي ويايه قال ماعليه كم بيستاهل ها المشروع مايخالف عليه.وبعدين نصيفه بيني وبينه..
حمدان:ايوا. ماعليه بشوف الريال اليوم بعدني وبرد عليك..
فهد: خلاص عيل تمام بخليك الحين عني افداك واقف من نص ساعه عند الحلاق واشوفه يطالعني بنص عين.
حمدان:ههههههه بنص عين بعد.افا مايستحي سير اهزبه
فهد: شوه اباه اهزبه اول شيء مستفيد منه الحين في الحلاقه.. وثاني شيء باجر بتلقاه عندنا في الوكاله يشتري سياره. ياخي خل فكرك بعيد.
حمدان:ههههههههههههه ايوا يا المصلحجي.هه خلاص عيل سير له لايسمعك بهدله.
فهد: يخسي الا هوه يهزبني والله لاكنسله واكنسل يد يده..
حمدان:هههههه توك اتقول بيكون زبونك والحين بتنكنسله.
فهد: لا مب جيه بس ان رفع صوته بس عليه مايلوم الانفسه ها الي قاصر هنيدي ويرفع صوته عليه.وبعدين على فكره انا الارباب ماله..
حمدان: هيه واضح.. برايك سير له عيل. يا ارباب..هههههههه
فهد: احم ان شاء الله ارباب انته مافي كوووووف.. يالله الحين اجلب ويهك.
حمدان: طااااعو انتو بس.هييه كنت برد عليك رد بس المشكله الحين عندي خط.. يالله باي.
فهد: منوه عندك..؟
حمدان: عندي ولد عمك يالله باي..
فهد: باي.. سلم عليه.
حمدان: يبلغ..باي... هلا بوشهاب.
حمد: بعد لا ترد لا ترد ليش راد.
حمدان: لا ارد.. وليش راد؟؟ شوه بلاك.
حمد: ياخي هو ها الغرور الي ياك. تتخلقق علينا وما اترد
حمدان: ههه شفت عاد من حقي مواطن صالح.
حمد: منوه يقول.. ابويه انا الا البارحه مطلع جوازك وين مواطن صالح.
حمدان: اها ترا خلاص من تاخذ الجواز تغدي مواطن ..صالح.
حمد:هههههه نفس الهندي يخرب بيته. من فتره لقيت هندي. اعتقد عند المندوس مال النعول.. يقوله العامل انته شوه يريد من نعال ابيز ولا بوني.ولا مال خاتم.
قاله ههه انا مواتن يريد سيم سيم هذا نفرات ابيز وفيه لوغو..
حمدان:ههههه خسه الله .. اونه مواطن يعل المواطنين بلاه.
حمد:هههه شفت عااد. يقولك انا مواتن ويهز لك براسه..هه
حمدان:ههههههههه خسه الله.. هيه تعال ولد عمك يسلم عليك.
حمد: من منهم. أحمد؟؟
حمدان: هئه .. فهد..
حمد: فهد؟؟ تعال انته من كم يوم سألتني عنه تحريتك تبى تطلب اخته منه وبما انك كلمتني انا عن الموضوع شوه بينك وبين فهد..؟؟
حمدان: والله يا حمد سالفه طويله.. الله يسلمك انا اعرف ريال عايش في المانيا ويبيع سيايير. وبما انه ولد عمك بيفتح وكاله سيارات بغى يتعامل مع الريال..وانا تروم اتقول الوسيط امبينهم
حمد: ايوا..ياحيك والله الا ماقلت لي كم لك نسبه من الموضوع
حمدان: تبى الصراحه في البدايه مابغيت شيء. بس الريال الي ويا فهد حلف.. ورضيت اني آخذ بس نسبه 20 %
حمد: بس..؟
حمدان: قلت لك ماكنت ابغي شيء.. انا بس الوصله بينهم وبينه.
حمد: اها.. حلو والريال مضمون؟
حمدان: هييه الريال اعرفه من يوم انا في السجن كان ويايه.. وبعدين يوم رحت اتعالج هناك لقيته.. من يومها ونحن ربع.
حمد: اها زين والله..يايحكم ولا اتسوي مشاريع من ورانا ياحمدان.
حمدان:هههههه حرام عليك. مره قعد يتكلم انه يبى يسوي مشروع له خص بالسياير.. فأقترحت عليه ها المشروع وانه الريال مابيقصر وياه.قالي بفكر وشكله لقاله شريك ووما كمل اسبوعين الا وقالي انهم موافقين على المشروع.في البدايه ماعرفت عن شوه يرمس. وخلاف ذكرني بالي عرضته عليه ورمست الريال وقالي انه خلاص يتوكلون وانه هو بيسوي الي عليه..

..عجيد الريم..
29-04-2009, 02:04 AM
حمد: وشوه نوع السياير الي يبونهن.
حمدان: امم فور ويل . وصوالين.
حمد: يايحكم والله.. انزين ماعليه المهم بغيت اقولك انه عندنا باجر ملجه
حمدان: ملجه؟؟
حمد: هيه فريج فهد ؟؟ ليش هوه ماقالك؟؟
حمدان: هيه طمنتني .. لا فهد ماياب لي طاري.. بس حسيت به مستعيل يبى يتحلق..
حمد: اها.. ليش قلت طمنتني.. تحسبت اني انا الي بملج.
حمدان: تبى الصراحه هييه..
حمد: لا افا عليك عطيتك كلمه وانا خبرت ابويه وقلت لك بنيكم.. وان شاء الله احتمال الاسبوع الياي عندكم..
حمدان: هيه على خير يارب.. هيه تعال لاتنسي عندنا عرس يوم الجمعه.
حمد: لا افا عليك خبرت عيال عمي وكلنا بنحاظركم ان شاء الله.. افا عليك..
حمدان: ياحيك خلاص عيل واصل البيت بنزل الحين شيء تبا
حمد: هييه ابا ؟
حمدان: آمر شوه تبى؟
حمد: ابا عيوزكم..
حمدان: تراك بتاخذها ليش مستعيل..
حمد:هاااااااااه..
حمدان:هههههههههه هيه انته تطري يدوووه عذيجه. لا يابويه استريح العيوز عويش بتكفيك..
حمد: هااه .عيوز؟؟
حمدان:هههههه هييه عيوز ملسه في البيت. وبذكرك.ههههه
حمد من قال حمدان تراك بتاخذها وقف قلبه وقعد فتره يبى يستوعب الي ينقال له. خلاااااص عويس حقي .. ياربي بين.
حمدان:حووووووه وينك حمد؟؟
حمد: هااااااه طريت طبله اذني علومك.
حمدان:ههههه وين سرحت.. هلا والله..
حمد:هاااااه؟؟
حمدان: صبر حمد..مرحبا السااااااع بهل ايطاليا. مايرزا عليكم هاي السفره حشى كل هذا شهر عسل.
محمد:هههههه شفت عاد اشحالك.
حمدان: الحمد لله يسرك الحال ولا يضرك وليش ماخبروتوني انكم يايين .على الاقل بنستقبلكم في المطار..
محمد: هيه خليفه اتصل فينا يوم كنا في المطار.. وعاد مارمنا نجذب عليه. ومن قلنا له انا في المطار قال الا اييبكم. وهذوه نحن اهنيه..علومك بو.محمد
حمدان:الحمد لله يسرك الحال ولا يضرك.. صبر اشوي.
حمدان: الووووووو
حمد: لاااااا بعد خذ راحتك ولا جني متصل فيك مب منك من الي يتصل عليك.. حشى هاي يزاتي استاهل ولا حد يتعني ويتصل عليك..
ومن انبق حمد حمدان حطى التلفون على المايك الكل كان يسمع. سلامه كانت يايه وخليفه وعذيجه وامه وابوه كلهم كانو واقفين يسمعون انفجار حمد..
حمدان: احم خلصت..
حمد: انجب حشى مب منك..
حمدان: ههه اقول تراهم كلهم سمعوك..وانته تتهاد.
حمد بصوت هادي: كلهم؟؟ من هم؟؟
حمدان: هههههههههههه ابويه امايه يدووه ومحمد وخليفه..ههههههههههه
حمد: يا الحيوااااااااااااااان . يا السبااااااال والله انك ما تستحي..
حمدان:هههههههههههههههههههههه
عذيجه :حمدان شوه هاي البصاير. عطني التلفون.
حمد بصووووت مكسووووور: يدوووووووووووه
عذيجه: عووون جبدك.. هااه بو شهاب.
حمد: اتشوفين بصاير ولدج. والله لاكنسل ويزته. هيين.
عذيجه:هههههه كنسلها يستاهل.ولا يخليك تنطحن والكل في البيت يسمع رمستك.
حمد: يعلها في ذمتج الكل الي في البيت سمع..
عذيجه:هه لا مب كلهم سنيتيا ماسمعت ولا بروهووم والبنات بعد.. اتطمن..
حمد: يدوووووه حرام .. هين ياحمدان لاراويك..
عذيجه: عندك اياه
محمد:ههههههه فضحكووووووووك ياراعي السنما..
حمد: هااااااااااه محمد؟؟
محمد خذ التلفون من عذيجه الي ماكان عايبنها انه يأخذ التلفون منها:السلام عليك حمد اشحالك.
حمد: الحمد لله يسرك الحال.. الحمد لله على السلامه.
محمد: الله يسلم غاليك شخبارك
حمد: والله الحمد لله.. متى وصلتو؟
محمد: والله من ساعه تقريبا. وكنا نبى انسير بيتنا ولقينا حمدان براااا
حمد: وفضحني هين وين بيسير عني..
محمد:هههههههه لا حرام عليك.خله على الاقل لين يعرس وخلاف سو الي تباه.
حمد: هيه بتخليني حرمه المصون.. بتقفل عليه البيبان.
محمد:هههههههههههههههههه هزرك..
حمد:عيل..هههههه هوه يسمع الحين.
محمد: لاااااااا ههههه خليته داخلي .
حمد: ياحيك والله.. الا ماقلت لي كم بتمون اهنيه.؟؟
محمد:اممم والله حول الاسبوعين تقريباَ
حمد: حلووو على الاقل بتيلسون مع اهلكم.
محمد: هيه الحمد لله على كل حال..
حمد: الا بتخبرك حلوه ايطاليا.
محمد: امم ماعندك خلفيه لغه..من الحين اقولك لاااااااا.. بس اذا عندك خلفيه ترااااها روعه.

..عجيد الريم..
29-04-2009, 02:06 AM
حمد: انزين ترانا نرمس انجليزي. يعني لازم ايطالي..
محمد: هييه انته جرب ترمس عندهم انجليزي والله لايجوتنك براااا. وايد عندهم قوميه وطنيه وانتماء للغتهم..وعلى قولتهم مثل ماتعرفون ترمسون انجليزي تعلمو ترمسون ايطالي.
حمد: لا والله.. الانجليزي على الاقل وحدوها في العالم كله وبتنفعنا وين سرنا.. بس الايطاليه لاااااااا
محمد: منوه بترمس انته.. مايهمهم الي يهمهم انك ترمسهم بلغتهم.
حمد: لا والله.. عيل خلهم يرقدوون بن عروه بيتعلم لغتهم.
محمد:ههههههه ليش انته ناوي تي ايطاليا.
حمد: حطيتها في بالي.. في البدايه. بس يوم هاي بصايرهم خلهم يرقدون ولا اوصلهم.بريطانيا ما بتقول لاااااااا.
محمد:هههههههه هيه والله..تمام عيل بخليك الشيخ بنسير بتنا تبى حمدان..
حمد: بن عروه يباه ولا ارمسه.. وقوله خل فهد ينفعك. يالله بخليك عيل الحين. وسلم عليهم.
محمد:هههههههه ان شاء الله ياالله باي.
حمد: باااي..
سكر عنه وعطى التلفون لحمدان..
محمد:ههههههه يقولك خل فهد ينفعك.
حمدان: والخيبه. الحين ها الشيبه شوه بيراضيه.
محمد:هههههههه تستاهل .
حمدان: لا حول..برايه يوم العرس بيي اييول وبيرضى.
محمد:هههه على راحتك يالله نسلم عليكم بنسير بيتنا.
حمدان: ربي يحفظك. بس شكل المدام مب عايبنها اتخلي خواتها.
محمد: لا عاااد اتفقنا انا ما انطول وايد اهنيه.دخيلك حمدان ازقرها فديتك.
حمدان:ههههههه ان شاء الله..
حمدان: سلامه..
سلامه: هلا ياخويه.
حمدان: وينج توج عندي وين اختفيتي الحين.
سلامه:ههههههه سرت عند البنات.. عونك خويه.
حمدان: عانج الله.. ريلج يباج يبى يكنسل ويزتج.
سلامه:هاااااااه وليش يكنسل ويزتيه.
حمدان:هههه ما ادري شكله شبع منج.
سلامه: لا والله.. الحين بشوفه.
عويش: ايييييه صبري كملي السالفه حرااااام بموووووت. ان ماعرفت شو سويتي بها.
سلامه: ماتسمعينه اخووج اوين يبى يكنسل ويزتيه.
عويش: لا حمدان مب جييه بس قصده يقولج انه ريلج يترياج برااا.. بس كملي السالفه وبعدين سيري..
حمدان: سالفه شوووه.
عويش: هههههههه سالفه الغريمه..
حمدان:غريمه؟؟
سلامه: الله يسلمك مره من المرات يتني الشقه وحده وقالت لي انها تسكن في العماره المجابله لعمارتنا.. وقالت لي انها تبى تاخذ محمد مني من بعد ما بتطلقني منه.
حمدان:شووه ؟؟ عنه الله تها.. وخلاف
سلامه: بخبركم بعدين ريلي يترياني براااا حراااام.
حمدان: لا ماعليه خليفه عنده كملي شوه صار بعدين.
سلامه:ههههههههههههه اسمع الي صارعيل....
محمد: حبيبي شوه تبين تشربين.
سلامه: اممم اباااااااا اشرب...................
وطاحت عينها على بنات توهن يايات. شوه جمال ودلال. بس الي جذبها اكثر وحده منهن كانت اتطالعها.. غريمتها العتيده.. وقعدت مجابله لمحمد.. لانهن خذن الطاوله الي عدالهم.. فيا محمد في ويها لو رفع عينه..
سلامه:امممم ابى اربع مشروبات واحسن مشروبات بعد..
محمد: اربعه؟؟ وكلهن بتشربينهن؟؟
سلامه: لا حبيبي بس انته اطلبهن فديتك.
محمد" ان شاء الله. والله يعيني عليج.
سلامه: ليش حبيبي ماتروم علينا.ولا نحن مب غالين عندك..
محمد: تعرفين حبيبي انتي نور حياتي كله.. والحين يوم حملتي انتي والي في بطنج غديتهو عالميه كله..ولا افرط فيكم لو عطوني فلوس الدنيا كلهن.
سلامه : فديتك ياربي.. ولا انا ياقلبي.. انته نور حياتي كله..
وطبعا غلامين يدورن انهن يسمعن ها الغزل.. ومن طلب محمد العصير.. ويابه الساقي طرشوه عندهن.
محمد: حبيبي ليش طرشتيه لهن يمكن مايبن عصير..
سلامه: حبيبي هاي غريمتيه وتبا تاخذك مني. فبما انها ماتروم تاخذك مني فحبيت اكأفأها على جهدها الي بذلته بالفاضي.يعني اهون عليها اشوي..
محمد:هههههه طول عمرج كريم غناتي.. بس تعرفين في ناس مايستاهلون اتفر عليهم ربيه.. تحسينها حرام في حقهن مايستاهلن.
سلامه: ماعليه حبيبي بس احنا لازم انبري ذمتنا وبعدين هيه يت عندي الشقه وما شربت شيء.. تعرف فلازم من الواجب اني اعطف عليها الحين واعطيها شيء.
محمد:هههههه بس حياتي ها الاشكال والي على شاكلتها مايستاهلن حتى شربت ماي
وحده منهن نشت ماقدرت تستحمل الاهانات اكثر من جيه.
غبيشه: لو سمحت اخويه ماله داعلي للغلط.
محمد: نعم؟؟ اختي انتي اترمسيني..
غبيشه: هيه ارمسك.. ماله داعي لهاي الرمسه الي انقالت..
محمد: ختيه انا رمستج؟؟
غبيشه: لا بس..
محمد: يوم اني ما رمستج اشله رازه فيسج واترمسيني ولا عندي حرمتيه.. صدق ما تستحين على ويهج.. اقول سلامي خلينا نطلع من هنيه مابا ولديه ولا بنتي يسمع ها السخافات
سلامه: ان شاء الله عيوني.. وهييه اقولج ياشاطر غيرج كان اشطر وما حرك فيه شعره.. وفما بالج انتي اتحاولين تسحبيه لج.. روحي زين..ياالله حبيبي خلنا نسير مانبا انا والبيبي نتم اهنيه.. خل ها المطعم لهم.
محمد: يالله غناتي.
حمدان: هههههههههههه مافيكم حيله.
عويش:ههههههههه وانتي خبرتي ريلج عنها..
سلامه:ههه في البدايه لااااااا بس سرت المستشفى لقيتها اهناك. وبعدين رحنا الحديقه وبعد لقيتها اهناك.. وكان في كرنفال ولقيتها جدامي..عاد هنيه ماقدرت اسكت.اتعرفون محمد بعد قالي انها بدت

..عجيد الريم..
29-04-2009, 02:08 AM
ترفع له ظغطه. قال من اصد مكان لقيتها جدامي.
حمدان: ترا حد مهن زبايل وما يستحن وماعليهن من حد الا في راسهن بيسونه.
عويش: بس الريال معرس توصل بها انها تي تهدد حرمته.عنه الله تها ما تستحي.
حمدان: قلت لج ها الاشكال ماعندها عيب وما عيب.. كله عادي بس اسوي الي في راسي..
سلامه: هيه والله .. اقووووول تراني اتأخرت على بعلي وايد.. يالله اشوفكم على خير.
حمدان وعويش: ههه الله وياج..
طلعت سلامه ولقت محمد يرمس خليفه اخوها تمو وياه اشوي وسارو البيت الي لقو معفوووس فوق حدر حليلهم مسوين لهم عزيمه.. وفوق هذا مغيرين ترتيب اثاث البيت.. وطبعا ها البصاير بصاير مريم.. يلسو وياهم لين الساعه 11 المسى وخلوهم رواحهم.. بيرقدوون من بعد السفر..
وعند مريم ام العنود مارامت ترقد باجر بتشوفه وبتيلس وياه.. تمت سهرانه لين اذن الفير. ومن صلت رقدت اشوي..ونشت الساعه 9 الصبح على حشرت الحرمات والبنات في الصاله..
اتسبحت وطلعت عندهن كانن يعابلن الميالس يعدلنه ويرتبنه
لطيفه: منيره دخنن الميلس وسكرن الباب..ومن تخلصن سيرن وعن خوانكن..
منيره: بس مابينشون من الحين امايه بعدها الساعه توها 9 ونص..
لطيفه:بس نباهم ايبون سامان وايد ناقص عنبوه ماناخذ منهم منفعه امره.
نش احمد من الصدعه الي براااا.. وطلع لهن..واصلا ووعتنه الشيخه هند الي بتي اليوم علشان ملجت اختها.وخصوصا انها ضيعت ملجه احمد وفارس لانها كانت في المستشفى بسبه الفيروس الي منتشر عندهم. وما قدرت تي الامارات..
احمد: اصبحنا واصبح الملك لله. بتخبرج امج دووم حشره
مريم:هههههه شفت عاد ههه
احمد: هيه نسيت اقولج اتقولج العيوز الحصلانه مبرووووك وبتي اليوم العصر..
مريم: هنووود فديتها اشحالها شوه سوت من الفايروس.
احمد: يعريه ماعليج منها تتدلع على يدها وعليه بس..
مريم: حرام عليك احمد كله ولا هند عااااااد.. .. احمد؟؟
احمد: لبيه.
مريم: مارمست فارس قريب. قالي من فتره يمكن يقدر ايي يحضر الملجه..
احمد: امم رمسته من يومين وقالي بعده بيشوف.
مريم: هيه بس اليوم اجازه.مابيقدر ايي..
احمد: لا حبوبه اليوم دوام عندهم بس قالي بيحاول انه ايي وان ماقدر يقولج تسمحين له..
مريم: آهه تمنيت الصراحه يكون موجود..
احمد: احنا ما انسد. الريم؟؟
مريم: اكيد اتسدون خويه بس الصراحه تمنيكم كلكم اهنيه..
احمد: اها انزين عيل بسير آكل لي شيء وبسير بوظبي..
مريم: بوظبي ليش؟؟
احمد:ههههههه تراني اقولج العيوز بتي اليوم..بيبها وبيب امي وبيي..
مريم: هيه طمنتني تحريتك ما بتي.
احمد: لا حبيبي بيي وانا بدخل بروك عليج..اذا سمح لي..الحبيب
طبعا ما يقصد مبارك اهنيه. بتعرفون بعدين..
مريم: احمد.......
احمد يقلدها بصوتها: احمد....... قومي يالعروس هاتي لي كوب شاهي على الاقل نفعي في هاي الفتره الي بقت لج عندنا..
مريم: احمد حرام عليك تراني بصيح.
احمد: لااا دخيلج لا تغرقينا توني متسبح ما ابا اتسبح مره ثانيه.
مريم: هههههههههه اغرقك مره وحده..
احمد:هههه شفتي عااااد..
يتهم منيره ومن شافتهم وقفت عدالهم
احمد: تعالي منيره..
منيره: هاااه ... هلا اخويه..
احمد: بتخبرج انا ماباكلج.. تعالي..
مريم:ههههههه حرام عليك.
احمد: والله ..
منيره: ن..عم..
احمد: هااه. الحين ن..عم .. هيه نفسها نعم..
مريم: احمد..ههههههههههه
منيره:انا برووح داخل.
احمد: صبري ابا ارمسج..
منيره: لي...ش انا شو سويت..
احمد: ممكن اعرف ليش تخافين مني شوه شفتن مني خلاكن جذيه تاخذن موقف مني.؟
منيره: ما.. شيء..
احمد: عيل يوم انه ماشيء ليش تخافن مني..
منيره: ما ادري احس انك ما اتحبنا.
احمد: انا ما احبكن وليش عاااااد مب خواتي شووه..
منيره: لا مب جيه بس احس انك تعامل هند ومريم غير عن معاملتك النا..
احمد: وليش عااااااد اتحسن جيه..
منيره: انته ما اتشوف عمرك كيف اترمسهن وكيف اترمسنا.
احمد: منيره انتن ماتعطني فرصه ويوم ازقركن تين عندي وما ترمسن تتصنمن.. شوفي كيف ترمس مريم وياي ولا هنووود. ليش تلقينهن ماخذات راحتهن وياي.. وانتن من اتشوفني ما اتقول الا اتشوفون عيزائيل جدامكن علشان جيه ما ارمسكن ولا ايلس وياكن.. ولو تعرفين كم مره قلت لفهد وفارس وحتى غانم اني احسدهم لانكن وايد تيلسون وياهم وتاخذن راحتكم وياهم وانا من ادخل اتصنمتن وما ترمسن ولا تطلعن من الحجره.. غديت ما اداني ادخل في مكان تيلسن فيه واشوفكن تضحكن واتسولفن.. لاني ادري من ادخل انا منيه انتن تطلعن منيه.. مب جني اخوكن.. الا احس بعمري غريب عنكن.
مريم: كل هذا يا احمد اتحس به..

..عجيد الريم..
29-04-2009, 02:11 AM
احمد: والله يامريم جذيه احس عشان جيه ما اتشوفيني دوم في البيت.. لاني اعرف بيلس روحي. محد ايلس وياي غيرج..والله يعيني بعد ما اتروحين منوه بيسولف وياي ..
مريم: تراك بتعرس غزلان بتكون وياك..
احمد: مريم غزلان بتكون حرمتيه بس وين اهليه اناااا.. بعدين انا وغزلان من نعرس بنطلع من البيت ما بنتم في البيت اهنيه.
مريم: وليش عاااد.
احمد: نعم.. وين تبينها اهنيه وكل اخوانج اهنيه.. لايابنت الحلال بناخذ لنا بيت اهنيه ولا بنرد بوظبي وبنعيش عند امايه بيتها كبير ومحد عندها اهناك.
منيره: بتيسير بوظبي؟؟
احمد: مب هذا الي كنتن تبنه..
منيره: لا يا احمد مب هذا .. نحن نباك عندنا على طول.
احمد: ليش علشان من ادخل انا تطلعن انتن.
منيره: والله يا احمد لو اتعرف بشوه انحس ودنا نيلس وياك ونسولف وياك مثل ما نقعد مع غانم وفهد وفارس وعلي وحتى مطر.. بس على فكره هزاع مثلك.. ما نسولف وياه وايد.
احمد:هههههه وليش بعد هزاع..
منيره: ما ادري من يشوفنا احسه اييه بليس فوق راسه المهم يتضارب ويانا. او انه يبى يفرض نفسه علينا
احمد: هزاااااااع عاد..
منيره: اتصدق..!!
مريم: هههه هيه مره سمعته محتشر عليهن اوين ليش سهرانات لين الساعه 10
احمد:ههههههههههه حليله..
منيره: شفت معاناتنا.. احمد احنا خذنا منك موقف يوم هزبت سلمى على شيء سوته من زمان.. وحسينا انك من النوع الي يعصب بسرعه. كنا دووم نسمعك تتهاد ويا امايه علشان هند.
احمد: بس انتن كنتن تسمعن شوه الي كانت امج اتقوله لهند. يعني لو كنتي مكانها بتتحملين الي أييج مثلها كل يوم وكل ساعه.
منيره: لااا مابتحمل.. بس هند قويه..
مريم: لا منيره هند حساسه بشكل انتي ما تتصورينه.. تعرفين من بعد ما كانت تتهاد ويا امج كانت اتسير حجرتها واتصيح..
منيره: معقوله..!!
احمد: صدقي هند كانت حساسه بس ما تحب اتبين ها الشيء جدام حد..وانا ماكانت اتهون عليه كل يوم ينهد عليها. بسبه مزاج امج.عشان جيه كنت احاول اني اخفف عنها.. بس في البدايه ما خلتني عون لها.. لجأت لحمد يخفف عنها. وحيات خالد
مريم: خالد؟؟
احمد: هيه مريم خالد كان يساعد هند بعد..
مريم: كان طول عمره يحب يساعد غيره. بس مايحب حد يساعده.
احمد: اني وييي.. يالله عاد فكنا من الماضيء.. امممممم ودام السالفه جيه انكن تبن تتقربن مني.. يالله منوووور جدامي سويلي ريوووق يووووعان حدي.. من البارحه مب ماكل شيء, وانتي الريم. يالله ابا كوب الشاهي الحين. قبل ما اسير بوظبي..
مريم: بيشغلني يوم ملجتيه.
احمد: عيل باجر من تيسيرين عند مبارك امره ما نشوفج. خلينا نستفيد من الي باقي لج اهنيه.يالله ..
مريم: ياربي.
منيره:هههههههه يالله دقايق والريوق يكون لك جاهز.. ام تحب شيء محدد ولا أي شيء..
احمد:ممم ما بقدر اتشرط لين اشوف طباخج كيف.. سوي الحين آي شيء.. وان عيبني بتشرط عقب..
مريم: الله يعينج على الشقى يا منووور..
منيره: دامه لخواني براااايه عسل على قلبي.
احمد: احم تعلمي يا مريوم.
مريم:ههههههه ان شاء الله..
منيره:ههه احم وجان اسحتي,,
احمد:هههههههههههههههههه
منيره: يالله بسوي لك الريوق وين تباه.؟
احمد: اممم بما انكن مسوين غاره تنظيف في البيت ممكن لو سمحتي يعني.. لاتتخقين بس اليوم بحترمج. ومن باجر ما عرفج..فيعني لو سمحتي ممكن يعني.تيبينه غرفتيه.وسوري بعبل عليج..
منيره:ههههههههههههههههههههههه باجر ما تعرفني..؟؟
مريم:هههههه هيه باجر هنود هنيه.. خلاص بيتنازل عن خدماتج..
منيره: والله هنووود بتي..!!
احمد:احم هيه المغثه بتي اليوم العصر هنيه.. عشان جيه بسير بوظبي.. ايبها.. حد اييب له الشقى غيري..
مريم:ههههههههههههه حرام عليك.. بعدين خل عنك تراك ماتصبر عنها.
احمد: احم وهاي هي المشكله..يالله عيل بسرعه بتأخر ابا الحق على الصلاه..
منيره:ههههههه اوكي.. ياحيها يوم انها بتحضر الملجه.. رمستها من يومين كانت تعبانه وقالت احتمال ما تعرف .
احمد: ترووووووم ماتي والله ل افزع عندها واييبها بالثياب الي عليها.
مريم:هههههههه اتخيلك احمد وانته شالنها بثيابها..
منيره:هههه يالله بروووح
احمد:هههههههههههههههه بتخبرج كم مره قلتي هاي العباره.
منيره:ههههههه تراكم اتسولفون ونا مابا شيء يفوتني..
احمد: يا cnnسيري مابنقوووووول شيء.. مريوووووم ياويلج ان رمستيني لين ما اتسير منيره. ومن ترووووح رمسي برايج ولا اتخلين شيء ما تقولينه ومن تي سكتي.
مريم:ههههههههه ان شاء الله.
منيره:اييييه حرااااااام.
احمد:لااااا مابنقووووول شيء ..((وبصووووت متكسر)) بس يااللــــــــه يوووووعـــــــــان..
منيره: خلاص خلاص.. انزين..هههههههههه كلتني.
مريم:هههههههه يالله بروح اييب لك الشاهي.
احمد: صبري مريم.. اباج في موضوع.
مريم: خير يا احمد..
احمد: سمعي اباج في موضوع خاص يخص منوور.
مريم: يخص منووور شوه السالفه.
احمد: منيره ياها واحد تقدم لها واباج اتقيسين النبض فيها.
مريم: منوه الريال..

..عجيد الريم..
29-04-2009, 02:12 AM
احمد: دكتووور عندها في الجامعه. واظن انه يدرسها.. تعرفين ربيعنا حمدان.؟؟
مريم:هييه ربيع حمد..
احمد: الا ربيع حمد ترانا وياه.
مريم:هههههه هيه بس الي اقصد كان دوووم ايي البييت عند حمد..
احمد: اممه هيه هوه ماغيره.. اباج تسألينها بس من دوون ما تبينين لها انه ياي يخطبها..بس ابا اعرف شوه شعورها لو يا يخطبها.
مريم: ماعليه بشوفها باجر ان شاء الله.
احمد: بااااااجر.. عزنا ماخذنا منج لا حق ولا باطل..
مريم: وليش عااااد.؟
احمد: ليش؟؟
مريم:هيه ليش؟؟
احمد: باجر الله يسلمج بيستلمج مبارك وما بيقلعج اربع وعشرين ساعه يرمسج في التلفون وين بتلقين فرصه اترمسينها.
مريم:هاااااااه لاااااااا
احمد:هههههههههههههههههههه شوه هااه لااااهههههههههه
مريم:احمد. برووووح اييب لك الكوب..
احمد:ههههههه انزين ماعليه رمسيها اليوم.
مريم: انزين..يالله.
احمد:ههههه بسير اشغل السياره وبرد.ههههههههه
مريم: اوكي..
سارت مريم تيب له كوب الشاهي. وهي اتفكر معقوله بكون حرمه ريال مره ثانيه.. ومنوه الريال ربيع ريلي القبلي. آه يا الدنيا كيف اتدور.. الله ايسر الامور يارب..
احمد من سار السياره اتذكر انه مارمس القلب اليوم.. وبما انهم خلاص قصو الحيه وملجووو بس بدوون حفله.. اوين ها المكر ماعندهم. والله مشكله يوم يدخلن العيايز كله من يدتهن..ولا بيسوي ملجه لاصارت ولا استوت. بس آآآآآآح منها شل تلفونه واتصل عليها..
غزلان: آآآآآلووووووووو
احمد: آآآآآآآآلوووو يا الرقاااااااادين..
غزلان:ما ارمسك ليش مارمستني البارحه.
احمد:نعم نعم.. انا الي عندها شغل وما ادري متى بفضى برمسك.اونها.
غزلان:هههههههههه فديتك والله اتأخرنا تعرف مشكله العمليات ما انروم اندخل التلفون ويانا..
احمد: ها الي ناقص بعد اتسوون العمليه والريال تحت ايديكم طارين بطنه واتعابلووون فيه
غزلان:هههههههههههههههههه شوه اصبحت اليوم.
احمد:اممممممممممه الحمد لله يسرج الحال .. بيي بوظبي الحين
غزلان: ليش؟؟
احمد: طااااااااعو هاي بدال ما اتقول بتنور بوظبي بيه.. اتقولي ليش.. مب منج من الي يقوووولج
غزلان:ههههه لا والله فديتك مب جيه.. بس غريبه ماقلت لي انك بتي بوظبي في الويك اند
احمد: احم هنوووود بتي اليوم.
غزلان: ايواااااااا وانا اقوووول شوه بييب الشيخ احمد بوظبي.. مب سواد عيوني.
احمد: اول شيء حبيبي عيونج مب سوووود.. الا ذباحه.. ويكفي الي سوته ليه.. وثاني شيء لو مب هامني اني اقوووولج اني ياي جان ماقلت لج واتصلت بج واقووولج اني ابا اشوووفج.
غزلان: متى قلت لي هاي الرمسه.
احمد: انتي ما واحيتي لي ولا انا بقووووووول..
غزلان:هههههههه ياربي منك.
احمد: اتحبيني غزلان.
غزلان: اممممم لاااااا انا ما احبك.. انا اموووووت فيك يا أحمد.
احمد:ياربي.. في البدايه وقفتي قلبي يوم قلتي انج ما اتحبيني .. وخلاف حسيت عمري اني بموووت .. آآآآآآه ياغزلان خلاص غزلان مانبى عرس وهاي الخرابيط تعالي عندنا خلاص..
غزلان:ههههههههههههه انا ايي عندكم.هههههههههههه
احمد:هيه لازم عرس ما عرس.. خلاص انا بيب لج فستان جان تبين بس تعالي عندي..
غزلان:ههههه حبيبي السالفه مب جيه.. تعال ابغي اسألك احمد.
احمد:قولي حبيبي..
غزلان: يوم بنعرس وين بنعيش..؟؟
احمد: يااااربي يعني ما بتغيرين رايج..
غزلان:ههههههههههه حبيبي وبعدين ويااااك.
احمد:ياربي.. محلاتها ضحكتج بمووووووت قبل العرس..
غزلان: بسم الله عليك احمد. ولو سمحت لا اتعيييييييد هاي الرمسه مره ثانيه تفهم ولااااااا لااااااااا(( وكانت فيها عبره))
احمد صخ من سمع لهجتها ورمستها جيه.
احمد: غزلان شوه بلاااااااج..
غزلان:مافيه شيء..بس ياريت لو ما تطري الموت
احمد: ان شاء الله.. بس خلاص هدي..ماتستاهل السالفه كل هذا
غزلان: اوكي.. الحين بخليك بقوووم اسبح.. سوري حبيبي بس دخيلك ما اتحمل حد يطري الموت جدامي.
احمد: اتذكرتي عيسى غزلان.؟

..عجيد الريم..
29-04-2009, 02:14 AM
احمد: اتذكرتي عيسى غزلان.؟
غزلان:...................( وهيه اتعض شفايفها..).. لاااااا يا احمد بس ما احب طاري الموت..
احمد: بس انتي تقريبا بحكم شغلج كل يوم اتشوفينه جدامج.
غزلان: ما كنت اعرف اني عزائيل احمد اشوف الموت كل يوم.
احمد: لا تستعبطن غزلان.
غزلان: انا ما استعبط.. ممكن اخليك الحين ابا اسبح.
احمد:باااااااي. وطرااااااخ سكر..ودق السياره سلف وسار بوظبي..ونسى الريوق والشاهي..
منيره : مريم وين احمد؟؟سرت غرفته وما حصلته ريوقه جاهز.
مريم: ما ادري انا روحي ادوره وما حصلته اتصلت عليه وما يرد عليه.
منيره: غريبه وين سااااار.؟؟
مريم: ما ادري سيري شوفي سيارته براااااا؟؟
منيره: اوكي.
سارت منيره وما حصلت السياره..
منيره: سيارته مب برااااا معقوله يكون نسى وسار بوظبي..
مريم: والله يسويها اذا كانت الشيخه هند يايه عادي احمد ينسى نفسه.
منيره:ما ادري والله بس كان في خاطريه انه ياكل من ريوقي.
مريم: ماعليه لاحقه بياكل منه وبيهلكج طلبات خصوصا ان عيبه
منيره: يفداه.
مريم : لها الدرجه تحبين احمد منيره.
منيره: احمد اخوووويه يامريم. وكيف ماتبيني احبه.
مريم : بس احيدج من النوع الي يتشكى من كراف خوانها لها اشمعنا احمد عاااادي وفهد والباقين لاااااااا..
منيره: يمكن لانه احمد ماكد طلب مني شيء..
مريم:اها قولي جيه .. انزين منوور ابا ارمسج في موضوع.
منيره: نعم؟
مريم: تعالي داخل.
سارن حجرتها ومن دخلن سكرت الباب..
منيره: شوه بلاج؟؟
مريم: منيره ابا أسألج عن الجامعه سمعت انه عندج مشاكل فيها.
منيره: هااااااا منوه قالج.
مريم ابتسمت ضربه حظ بس شكلها ضبطت..
مريم:مب مهم .. كيف عرفت بس ابا اعرف شوه الي صاير.
منيره: مب صاير شيء ليش انتي شوه سمعتي.؟
مريم:منوووور انا اختج العوده اني ماشكيتي لي بتشكين لمن؟
منيره:ومنوه قالج اني عندي مشاكل وياه؟
مريم: ويااااااه منووووووه هووووو
منيره: هاااااااااه لا... لا .. محد.
مريم: لا كيف محد وانتي قلتي لي انه ماعندج مشاكل ويااااه منوووه هوووو منووووور منوه من الدكاتره.
منيره: اف.. الحين انتهي الي امبينا خلاص ماله داعي تنبشين الماضي. وبراويها دانوووووووه هين.
مريم: وشوه يخص دانه.
قعدت اتفكر مريم.. ايوا تتحسب انه دانه الي خبرتها.
مريم: سمعي دانه ماقالت لي شي منوووووور الحين ابا اعرف شوه الي صاير..
منيره: قلت لج مب صاير شيء.. سالفه وانتهت خلاص
مريم:منوور بترمسين ولا اخبر حد من خوانج هوه يتفاهم وياج
منيره:لااااااا دخيلج مريم لا اتقووولين لهم شيء دخيلج.
مريم: عيل رمسي..
منيره: انزين برمس بس لا تهادين عليه الموضوع انتهى خلاص وانا الحين صرت زينه.
مريم: انزين بس رمسي..
منيره: انزين سمعي السالفه..
خربتها كل شيء من بدى الدوام وتجاتها ويا حمدان لين يوم راضتهم عويش وختمت الرمسه اانها الحين صارت اتحظر اول باول وما اتسوي هاييج الحركات الي كانت اتسويها مب لحمدان بس للكل ..
مريم: وليش عاد كنتي ما اتدانيه.
منيره: والله يا مريم عمري ماشفت عليه شيء بس من الله ياه الكره.
مريم: والله امرج عجيب.. انزين فرضا انه يا يوم من الايام واتقدم لج بتوافيق عليه.
منيره:لا طبعا.. مينوووونه اوافق عليه علشان ينتقم مني على الي سويته فيه.
مريم: ويمكن يكون سامحج دامج اتقولين يوم عويش وصلتج له واستسمحتي منه.
منيره: هيه بس انتي ما اتعرفين شوه في خاطره. مافيه عليه
مريم: لها الدرجه ما اتحبينه منيره..
منيره: انا ما اكرهه بس ما اتخيل اصلا اني اكون حرمته.. هذا اصلا لو فكر انه يخطبني .. وها الشيء مستحيل.
مريم: وليش مستحيل ماشيء مستحيل على ربج..
منيره: مريووووم انتي ما تعرفينه
مريم: انزين سمعي اتعرفين شوه شعوري اليوم..
منيره: خايفه..
مريم: خايفه بس من شوه تعتقدين..
منيره: من الحياه اليديده.
مريم: لاااااا بس الي يخوفني هل اني بكون سعيده في حياتي وياه ولا لاااااا.. هل بيكون مثل ربيعه الي كان قبله ولاااا لاااااا.
منووووور حياتي مع خالد كانت صعبه. وما تتصورينها.
منيره: عندي سؤال لج مريم.. سوري بي كيف رمتي تستحملين الي كان اييج.
مريم : لاني كنت احبه يا منيره. كنت احب خالد.
منيره: بس هو ماكان يحبج.
مريم: لا خالد كان يحبني بس بطريقه ثانيه. المهم خليني الحين مني .. وخلينا نرجع لموضوعج انتي.. منيره لو ياج ها الانسان وقال لج انه يباااج على سنه الله ورسوله. شوه بتقولين له.
منيره: مريم ليش تبيني ابني شيء من الخيال .. الدكتور مابيي ولا بيفكر فيه.. ليش تبيني اعيش في الاحلام..
مريم:اممممم سمعي فرضا لو يا شوه بتقولين له..بتوافيق عليه لانج اتحبينه ولاااااا بترفضينه.
منيره: شوه دراج اني....
مريم:ههههههههه امبين في عيونج يا عسل.
منيره: مريوووووم اييييييه عيب شوه هاي الرمسه.
مريم:هههههههههههههههههههههههه المهم خلينا الحين شوه ابا اقولج شفتي فستاني.
منيره: هييه شفته.. مريم ليش سألتيني عنه.. ليش شيء صاير
مريم:هههههههه بقولج بعدين..
منيره: مريم قووووولي والله انه طلبني .
مريم:ههههههههههه مبرووووووووك ياعروووووس..
منيره: بس كيف ومتى
مريم:هههههه كيف ومتى ماعندي فكره.. بس احمد قالي انه يا يبى يخطبج واجلوالموضوع اشوي.
منيره : ليــــــش..!!
مريم:هههههههه ياويلي .. اصبري لين يخلص موضوعي انا قبل ههههههه
منيره: بس الي ابا افهمه على كثر الي سويته به. يا يخطبني والله ما اصدق.
مريم: لا صدقي حبيبي المهم لاتبينين لهم انج تعرفين شيء عن الموضوع..
منيره: منوه الي يدري..
مريم: خوانج كلهم.
منيره: هاااااااااه
مريم:ههههههه هااه .. انزين بسير اشوف احمد شوه ياااااااه وينه. يالله باي.. ومثل ماقلت لج منيره مانبا حد يدري عن الموضوع وحتى داااااانه.وهيه ترا مش دانه الي قالت لي.. انتي الي فضحتي عمرج انا يايه على ويهي..

..عجيد الريم..
29-04-2009, 02:16 AM
منيره:ههههههههه اوكي..
سارت عنها مريم تتصل في احمد الي ماطاع يرد عليها. طرشت له مسج ممكن اترد عليه خوفتني عليك..
رد عليها احمد وقالها مشغووووول وعندي ريااااااال برمسج خلاف..
من قرت مريم المسج ارتاحت وسارت عند امها الي كانت مشتطه ماشيء باقي على الصلاه الجمعه والبيت بعده ما اترتب عدل..
عند حمد في ها الوقت..
امه اتدق عليه الباب تباه ينش للصلاه..
حمد:هاااااااااه انزين انزين الحين نااااااااااااش..
موزه: حشى منكم لا انته ولا سعيد اتنشوون يننتوووووني..
حمد يا وفج الباااااب.. : يوزيني وبتفتكين من حشرتيه.
موزه: ماعليه خل ملجه بنت عمك اتخلص انا من باجر عندهم جانها بتسنعك.
حمد: كيف بتسنعني تراني حلو ومحد احلى مني..
موزه: وينه هوووووو يوم انك الصلاه ما اتصليها الا مع طلعت الروح مني.. من كثر ما ادق على ها الباب.
حمد:والله يا امايه هاي شغلتج يبتونا في الدنيا والحين بترغدونا
موزه:"ربي يعيني عليك ياحمد..
حمد: عيل ولدج بلاش. تتحاسبين عليه ليش ما صليت فرضي ان كنت راقد لازم اتوعيني.
موزه: ياويلي.
حمد:هيه حتى يوم الحساب يوم بييون يسألوني ليش ماصليت الفرض الفلاني.. بقولهم حاسبو امايه ماوعتني له.
موزه: ياويلي جانك بتعقها على ظهريه.. ويوم انته ما اتنش شوه انسوي بك..
حمد: مالي خص انتي وابويه ملزمين فينا.. لين اعرس وخواتي لين يعرسن.. عاد حاسبي عمرج كم مره خليت صلاتي وانا راقد وانتي ماوعيتي ..
موزه:ياالله بالستر..
حمد:عيل . الحين اتيوزيني مالي خص. بترتاحين مني.
موزه : عيل دامها السالفه الا جيه الحين برمسهم امره. حسبيه الله عليك..دامك بتعقها على ظهريه يوم الحساب ها يزاتنا فيك.
حمد:هههههههه افا عليج بنت رويه. وما اتطيعين. عني افداج اسوي سوالف ويااااااج والله ما اتهونين عليه.
موزه:هيه الحين هاي الرمسه يوم سمعت اني برمس الجماعه . دام السالفه جيه برايهم الحين لين تخلص مريم.
حمد:هاااااااااااه توج اشحلوج شوه يااااج.. مالي خص الحين ترمسنهم ولا تراني بشتكي لربي عليج.
موزه: استغفر الله العظيم انته متأكد انك ولديه.
حمد:احم يقووووولون امايه بس تعرفين اني عندي شك فيكم من زمان.ولا ها القمر الي هو انا ايي منكم انتو.
موزه: مسود الويه.. عنه الله الي مايعرفك.
حمد وهو يلوي عليها:ههههههههههههههههه فديتج ياربي محلاتج يوم تنعصبين.
موزه:خووووووووووز عني مسود الويه.
حمد: ورفجه ابويه ما تزعلين.. افا يا امايه حد يزعل من ظناه حبيبه.. افا والله..
موزه:حمد خووووووز اقووووولك عني.
حمد: اول ارضي مني.. تراني مابصلي وبرجع انام وبقولهم مايت اتوعيني.
موزه: مسود الويه.برايك سو الي تباه.
حمد:والله صدق زعلت امايه عني افداج تراني اسوي وياج سوالف.
موزه: يوم هاي سوالفك خووز عني
حمد: ورفجه الغالي عندج ما تزعلين.
موزه: خلاص خوز عني حمد..
حمد: انزين. بس بسألج امايه منوه هو الغالي عندج.
موزه: كلكم غالين عندي

..عجيد الريم..
29-04-2009, 02:17 AM
حمد: مساعه رفجت بأبويه ماطعتي ترضين. والحين يوم قلت لج ورفجه الغالي رضيتي.
موزه:حمد بتدخل تتسبح ولا لااااااا انته.
حمد:انزين بس ماقلتي لي منوه هو الغالي عندج.
موزه: متفيق ترااااااك حمد خوووووز عني.
حمد:هههههههههه ماعليه بخبر ابويه عليج.
موزه:سير له..
حمد:ههههه ماعليه بقوله امايه ما تحبك ولازم تعرس عليها.
موزه: سوها ان كنت ولد ابوووووووك.
حمد: اب اب بنت رويه منعصبه من الخاطر اليوم.
موزه: متفيق انته.
حمد حس انه في امه شيء مب طبيعي سار لها ومسكها من جتوفها وتوه بيرمسها وبيضحكها لقاها اتصيح.
حمد: امااااااااااايه شوه بلااااااااج امايه والله ما اقوله شيء والله ما بقوله بس كله ولا دموعج الغاليه.
موزه: لا ياحمد انا ما اصيح على رمستك انا اصيح اخووووووك
حمد: اخويه.!!
موزه:هيه يا حمد اخوك توه مكمل سنه من توفى وهذيه بنت عمك اليوم ملجتها شوه تباني اسوي.
حمد:امايه فديتج روحج هاي الدنيا.. وبعدين هاي قسمتهم في الدنيا.بتعترضين على حكم ربج.
موزه: لا والله بس ولديه توه مكمل السنه من توفى.شوه بييهم لو صبرو كمل سنه.
حمد: يصبرووووون..؟؟ تراكم كنتو تبوون تيوزوني اياها.هاااااه ولا هاي عادي.
موزه: لا والله يا ولديه مب عادي.بس.
حمد: امايه انتي ما اتحاتين بس انه مريم اليوم ملجتها على مبارك.. انتي اتحاتين البنيه صح.
موزه: يااااااااااا ويلي عليها متى بشوووفها يوم بتعرس مريم قولي ياحمد..
حمد: امايه رفجه عليه يا اني اييبها لج متى ما تبيها لو حتى كانو ساكنين بأخر الدنيا. كله ولا دموعج يا الغاليه.
موزه: آه ياحمد..
حمد: عونه..
موزه: كيف بتعيش بلاها.
حمد: ومنوه قال انها بتعيشين بلاها.. امايه انا قلت لج متى ما تبين العنوووود انا بسير ايبها لج.. حتى لوحرمتيه يايبت عيال وانتي بغيتي العنوووود من عيوني بييبها لج. صح انها بتحز في خاطريه ما تبين عيالي. بس يالله طاعه الوالدين واجبه لنا.. يكفي انه الجنه تحت اقدامج.
موزه:آآآآه ياحمد متى بشوف عيالكم.
حمد" ان شاء الله بتشوفينهم يا الغاليه.. انتي بس رمسي العرب وخلونا نخلص بسرعه.. وفالج طيب لاترس البيت لج عيال.. بزارين على قولت السعوديين.
موزه:ههههههههههههههه فديتك ياربي. يالله ابويه سير اتسبح هبابك
حمد: من عيوني امايه.بس انتي سوي اتفقنا عليه.
موزه: شوه هوووووووه..؟
حمد:اماااااااااااااايه تراني بخلي ابويه اييب لج عديله. دامنج تنسين بسرعه.
موزه: حمد تراني بحلف اني ما اتصل
حمد:هاااااااااه خلاص خلااااص ورفجه انج تتتصلين
موزه: يالله جدامي على الحمام..
حمد: افا عليج ما طلبتي امايه يا اغلى واحلى ام في الدنيا.
موزه: يا المكر ياربي.. ههه سير الله يهديك على درب الصلاح ياولديه.
حمد:آآآآآآآآآآآآآمين.. يارب..
سار حمد حجرته يتسبح..
وعند احمد.
احمد: اقوووووولك انزين تعال احضر الملجه وخلاف سير دبي
ذياب: احمد والله صعب عليه. الحين كم الساعه 11ونص.. ماشيء باقي على الصلاه.. وبعدني ماخلصت شغلي تباني ايي الملجه في العين
احمد:هيه وشوه يعني.. ماشيء يبالك ساعتين من بوظبي لين العين.. ومن ترتاح وتتعشى برايك الله يحفظك سير دبي.. ابويه المطار ما بيطير عنك.
ذياب: احمد شوه هاي الرمسه. الله يهديك.. بعدين انا اصلا ماعندي دوام اليوم حد يداوم اليمعه.. ما انداوم نحن الادارين الا اذا كانت في مشاكل والحمد لله مافي أي مشكله..
احمد: عيل وين تبى اترد دبي بسرعه
ذياب: خلها على الله ياريال. المهم انته قولي ليش ياي بوظبي غريبه
احمد: ليش غريبه؟؟
ذياب: تراك اتقول عندكم ملجه اليوم عيل شوه اتسوي هنيه؟.
احمد: ياي استقبل عرب.
ذياب: ايوااااااا
احمد: عندك مشكله بعد.
ذياب: هااااااااه لا ابد ماعندي أي مشكله.
احمد: وانته ليش ياي بوظبي.؟
ذياب: هع ان قلت لك اني ياي استقبل عرب بعد بتصدق.
احمد: لاااااااااااااا ؟؟
ذياب: توقعت.. بس صدق ياريال ياي استقبل اهليه الي ماادري ليش ماحجزو على مطار دبي..
احمد: عاااااافوه ولا يمكن مايبون يجابلووونك.. مشكله المدراء التنفيذيين..

..عجيد الريم..
29-04-2009, 02:19 AM
ذياب:هههههههههههههه حرام عليك..
احمد:هههههههه والله.((.واشوي يصيح تلفونه ))
احمد ماحس بعمره.يوم رد نسى الريال : هلااااا هنووود وينج؟
هند: هلا احمد شخبارك.
احمد: الحمد لله.. هاااااااه متى بتوصلين؟
هند:امممم الطياره بتطير الساعه 2 ونص. يعني قول3 وبنكون عندكم ان شاء الله عند صلاه العصر.
احمد: بالسلامه يارب..
هند: الله يسلمك وين انته الحين اسمع حشره عندك.
احمد: هيه انا في المارينا..
هند: اها انته في بوظبي.. نااااااااااااايس.
احمد: شفتي عااااااد..
هند:حلووووووو خلاص عيل حبيت اتطمن عليك خيي بخليك الحين اسمع في ناس برااااا بروح اشوفهم.
احمد: لا حول .. انزين خلاص يوم تروحين المطار كلميني.
هند: من عنووووني خيي.. يالله بااااااي ابيك تسلم على عموه مريفه. واحم و مرتك غزلان.
احمد: ان شاء لله.. يالله عيل
هند: اوجي باي..
احمد:باي.
سكر عن هند ولتفت لذياب الي لقاه سرحان.زقر عليه وما رد عليه اول مره. وثاني مره التفت عليه بس ما يدري شوه قاله.
ذياب: اتكلمني؟؟
احمد: هااه لا اكلم خيالك.. وين سرحت.
ذياب: تعرف احمد مرات افكر اني استقر بحياتي. بس..
احمد: بس ؟؟
ذياب: وين بلقى البنت الي بتسعدني ما ادري. ابا وحده تفهمني وافهمها.. آآآآه امايه كل يوم اتحن على راسي تباني اعرس. ومن حقها انا مب صغير بس.
احمد: اممممم ذياب.. شوه رايك اتناسبنا.
ذياب: هااااااااه!!.
احمد: بيوزك هند ختيه انته ربيعي ومن زمان اعرفك وغالي عندي.. وهي من اغلى خواتي وانتو بيتكم عوووود وهذا عوقها هيه. فشوه رايك.؟؟
ذياب: هاي الي مالقيتو لها حجز يوم رحتو العمره؟
احمد:هييه هيه..
ذياب: والله يا احمد انته فاجأتني الصراحه..
احمد: تبا الصراحه ذياب.. هند تبى تستقر.. بس بما انها من ام قطريه. وماعندها خوال. قام يدها يطالب بها بعد ما توفت بنته وحرمته.. اونه مابقى له شيء في الدنيا ويبى هند اتعيش وياه لين يمووووووت.. وكم مره حاول ايوزها من أي حد علشان يظمن انها ما اتخليهم.. بس هند ماتبى تاخذ قطري.. معنهم ونعم الساع فيهم .. بس هند تبى واحد من هل الداااااااااار.. مواطن مثلها. تفهم عليه ذياب.
ذياب:هيه .. وان خذها واحد من هل الدار بتظمن انها ما اتخليكم.
احمد:هيه.
ذياب: بس انته شو ظمنك انه يدها بيوافق عليه.
احمد: ويدها شوه يخصه ابويه بعد عمرن طويل عايش وماله خص يدها فيها.
ذياب: وابوك بيوافق عليه.
احمد: انا اظمن لك ابويه.. انته شوه رايك.
ذياب: والله يا احمد انتو نعم الساع فيكم سوا بنسابتكم ولا ابربتعتكم. وابشر ان شاء الله.
احمد:هههههه والله فرحتني يا ذياب.
ذياب: يعلك دوووووووم يا احمد..
اشوي ويصيح تلفون ذياب.
ذياب: لحضه احمد: هلا ابويه.
....................
ذياب: ماعليه ابويه تراهم بعدهم ما نزلو بعدهم في الجو؟؟
.........................................
ذياب:لازم تلفوناتهم مسكره ممنوع يفتحون التلفون في الطياره.
................................
ذياب: لالا اتطمن ماعليهم شر..
.......................
ذياب: ان شاء الله ابويه من ينزلون بخبرك..
...............................
ذياب: الله وياك بويه. ربي يحفظك.
سكر عن ابوه
احمد:هههههههههههههه حليله منوه يحاتي الشيبه.
ذياب: امايه سايره تفحص في تايلند واليوم بييون والشيبه يحاتيهم.
احمد:ههههههههه حليله والله.. منوه ساير وياهم.
ذياب: والله وايدين 2 من خواني واربع خواتي وخالاتي 3 ويدتيه.. ويدي.وخالي سعيد.وطبعا الدانه امايه.

..عجيد الريم..
29-04-2009, 02:20 AM
احمد:ماشاء الله كلهم عيل..
ذياب: هيه شفت عاد
احمد: والشيبه ليش ماسار وياهم.
ذياب:ههههههه وين يداني الطيارات ابويه. مستحيل. هذيج السنه يوم سفرناه والله عاطنيه حبه منوه ورقد ولا شووووووه بيقلب الدنيا علينا..
احمد:ههههههههههههههه حليله.
ذياب: شفت عيل. وين تباهم يودونه.. والله ليقلب الطياره عليهم. بعدين على قولته مافيني شر.. الا هاي العيوز وعيالها واهلها مرضى.
احمد:هههههههه اشكر فنه..ههه خلاص عيل يعني الحين مابتي الملجه.
ذياب: اسمحلي بوشهاب انتي تدري الحين بوصلهم البيت والله العالم متى بفضى.
احمد: شوف بعدك ذياب. الملجه بعد صلاه العشى شوف عمرك ان ييت مرحبا بك وان ماييت الرب حافظنك. شوه منسوي لك.
ذياب:ههههههههه ماعليه بشوف مب اكيد ان قدرت ان شاء الله
احمد: خلاص عيل.. ان شاء الله تقدر .. يالله انسلم عليك الحين. بسير البيت اشوي قبل الصلاه.
ذياب: خلاص عيل عني افداك..ومبروووك عليكم يارب.
احمد: الله يبارك لك.. ومبرووووك لك..
ذياب:ههههههههه خلهم يوافقون قبل.
احمد: هند انا اظمنها لك. وابويه والباقين نفس اشيء.. ماعليك انته الا من اهلك.
ذياب: عيل انا ظامن اهليه دووووم يصيحون عليه عرس. مب مهم منوه هيه بس المهم عرس.
احمد:ههههههههههههه يابوك انته ما بتضوي أي حد انته بتضوي هند بن غيث..
ذياب: والنعم الساع..
احمد: يالله عيل نسلم عليك
ذياب: فمان الله..ربي يسلمك.
سار احمد عنه وهو مرتاح انه هند آخيراً بتستقر عندهم.. وذياب ريال حشيم ومعروف وبيقدرها احسن قدر.. وهله ونعم الساع فيهم..سار البيت عند امه وقالها بالي صار له مع ذياب.. بس ماقالها انه هو الي خطبها له.
مريفه: ونعم الساع فيه .. وين بييلقووون ريال احسن عنه. وبجذيه هند بتكون اهنيه.
احمد:عيل ..هزرج يدها بيوافق.
مريفه: وشعلينا من يدها. مب كيفه دام ابوك عايش يدها ماله كلمه عليها.
احمد: ان شاء الله يقتنع وما يسوي لنا مشاكل.
مريفه: آمين. الا خبرت ابوك.
احمد: لا بعدني الريال الا مساعه مرمسني عنها.. برمس ابويه بعد ما يخلصون هاي الملجه ويرتاحون.
مريفه: هيه زين عيل.. الا ماقلت لي متى بتوصل هند.
احمد:اممممم العصر قالت لي.. بتكون اهنيه.
مريفه: هيه ياحيها. تعال شخبارها عروستنا مارمستها.
احمد: الصبح مرمسنها بخير يسرج حالها.
مريفه: هيه ياحيها. والله عندها موعد للفستان باجر هيه والعنود.ما ادري اسير وياهن ولا اخليهن رواحن يسيرن.
احمد: انتي ما بتكونين في العين باجر.؟
مريفه:هيه.
احمد: عيل كيف تبين اتسيرين وياهن.
مريفه: لا عادي بلاقينهن هناك
احمد: ما ادري امايه الي يرحيج يالله الحين بيأذن الاذان الثاني بسير المسيد
مريفه: ربي يفتح دربك يااحمد.
احمد: آمين يارب.. وياج امايه.
سار يصلي احمد في المسيد ومن رد تغدا ورقد اشوي.. لين الساعه 3 نص.. وسار بعدها المطار.. قعد يتريا هند الي نزلت طيارتها من ربع ساعه ولين الحين ما بينت.ومن لمحها ماحس بعمره الا وهو واصل عندها.. شافها تعبانه..
هند: هلا والله.
احمد: الحمد لله على السلامه.
هند: الله يسلمك ياخوي..
احمد: شوه ياااج تأخرتي هنوود.
هند: سوري ياخوي بس كان فيه زحمه وما قدرت امر..
احمد: شوه صحتج الحين من الفايروس..
هند: لا الحمد لله الحين احسن بوايد من اخذت الادوا انا احسن.
احمد: الحمد لله يالله عيل خلينا نخلص من هنيه واوديج البيت احس انه أي هبه هواا وبتطيحين علينا.
هند:هههههههههههه لا حرام عليك ..
احمد:هههههه يالله يالله يا العيوز..
هند: حرام عليك احمد مب انا العيوز..
احمد: حرام عليك احمد.,هههههه يالله يالله خلينا انسير ورانا خط العين.يا العيوز..
هند: هيه والله ياالله والله مشتاقه لهم آبي اشوفهم..
احمد:ههههه شوه انسوي لج يوم انج مرتغده في قطر.
هند: تعرف احمد والله مليت من هناك اشتقت لايامي اهنيه صح اني اهنيه كنت متلعوزه وايد بس على الاقل كنت اشوفكم والحين من رحت قطر اقعد اتذكر كل لحضه مرت عليه اهنيه. واحيانا من ارمس خواني اقعد اصيح فليل مشتاقه لكم.
احمد: فديتج والله ياهند. انزين لا اتسيرين اهناك خلاص خليه يدج ورجعي اهنيه.
هند: والله ودي يا احمد بس لو رديت اهنيه برجع مثل ماكنت في بيت ابويه وتحت رحمه حرمته.مهب قادره.
احمد: لا هنود عموه لطيفه اتغيرت بشكل ما تقدرين تتصورينه انجلبت 180 درجه صارت حرمه ثانيه.. ولا ازيدج بعد اتصالحت مع امايه والحين كل يوم يكلمن بعض وايتزاورن. امايه من متى تييي العين وتي بيت ابويه.. كانت يوم تي العين اتي بيت عمي.. والحين من اسبوعين ثلاث مرات يايه العين.. اتقولين مضيعه سرها اهنيه.. وايد اتغيرت عموه لطيفه انا في البدايه كنت شاك انها اتمثل علشان توصل لغايه.. وبعدين شفت انها تصرفاتها عفويه. ومافيها شيء من التصنع.
هند: معقوله كل هذا يصير ونا ماعندي خبر.. ليش شوه الي غيرها جذيه شنو السبب.

..عجيد الريم..
29-04-2009, 02:23 AM
احمد:اممم يمكن انتي السبب . ويمكن اعترفات ابويه الها السبب
هند: اها.. وكيف حياتها مع ابويه الحين نفس قبل ولا لا.
احمد: امممم كيف اقولج في البدايه ابويه ماكان ايي العين كان دووم في بوظبي..والحين من فتره مب طويله اشوفه دووم في البيت في العين.. ما ادري شوه حال عليه.
هند: معقوله يكون مسامحها ويبي يردها له مثل قبل.؟
احمد: كل شيء جايز.. يالله الحين خلينا انسير البيت امايه تتريانا ومن ترتاحين بنسير العين..
هند: شنوه ارتاح تراني مرتاحه. وبعدين متى الملجه.
احمد: ام قالو لي بعد صلاه العشى..؟
هند: اها ماعندنا وقت. لين انسير البيت وابدل ونطلع للعين اوصلت الساعه 8 المسى.. خلنا الحين انسير.
احمد: آيز يو لايك سستر.. يالله ...
ماقدر يقولها شيء عن سالفه ذياب.. بس ارتاح يوم قالت له انها ملت من قطر.. ومشتاقه لهلها.استانس بيشوف راي حمد وبيدرسون الموضوع كيف بينقولنه لاهلهم...
وصلو عند امه وقعدو حول الساعه يتلبسن ويتعدلن وطلعو للعين.. وفعلا وصلو عند آذان العشى. ومن وصلو دخلت هند داخل عند خواتها.
هند: الســــــــلام عليكم..
مريم: وعليكم السلاااااااام والرحمه هلاااااا والله.
منيره: هههه وعليكم السلام والرحمه الحمد لله على السلامه.
سلمى: وعليكم السلام والرحمه.ياهلا والله...
سلامه: وعليكم السلام والرحمه . والله لج وحشه هنووود..
هند: والله انتو اكثر شنوه حالكم شنو اخباركم.. مبرووووووك ياعرووووووس..
مريم: الله يبارك في حياتج..
منيره وسلمى وسلامه: الحمد لله يسرج الحال..
منيره: متى وصلتي
هند: امم وصلت الساعه 5 وبعدين رحنا بيت عموه مريفه وارتحت عندها اشوي.. وبعدين يينيا. شنوه شنوه مسكته مريوووم مهوب رايمه عليج.
مريم: ايييه والله مستحيه. وخايفه..
هند:هههه افا ليش تخافين عادي بيدخل عليج اشوي بيسولف اشوي وخلاص مهوب ماخذج مكان..لا تخترعين
مريم:لا والله بهاي البساطه يعني.
هند:ههههههه ايه بس..
فاطمه: يالله يابنات الحرمات وصلن. اوووووه هنووود اهنيه
هند: هههههه ايه شفتي عاااااد اشحالج فاطمه..
فاطمه: الحمد لله يسرج الحال الحمد لله على السلامه.
هند: الله يسلمج شخبارج.حبيبتي .
فاطمه: الحمد لله يسرج الحال.. احم انا بخير والبيبي بخير
هند: أي بيبي.. اوووه مبروووووووووك ياربي.. ان شاء الله تيبين الولد.
فاطمه: الله يبارك في حياتج.. ان شاء الله غانم الصراحه يأمل انه ولد ويفتك من زقرت الناس له مره بو شوق ومره بو غلا..هههه
هند:هههههه حليلك ياخوي.. الله يقومج بالسلامه ياربي
منيره: ايه ما اتلاحظن انه لهجه هنود جلبت..
هند: ليش. يعني كيف انجلبت..ماني فاهمه.
منيره:ماادري حسيت صارت لجتهج ذقيله
هند:مهو بيدي دايمن يرمسون أهناك اقطري وانا اخذت اللهجه.
منيره:هههههه مهو بيدي.. هههههه حلوه.
هند: حرام عليج منووور..عفيه خلاص,
سلمى:ههههه فاطمه قلتي انه الحرمات ين.
فاطمه:هيه يالله اتقولكن عموه يالله تعالن برا تباكن اتقهوين الحرمات..
هند: هيه ياالله انا بعد بايي وياكن.
منيره: وين تين ويانا وانتي توج يايه من السفر وانتي تعبانه خليج مرتاحه اهنيه عند العروس ..
هند: بس مايصير اهدكن بروحكن تعابلن.
منيره: ماقلت لكم رمستها جلبت.
مريم:ههههههههههههه حليلج ياهند..
هند:اييه شنوه هذا انتن من صوب واحمد من صوب حرام عليكم
مريم: هند صبري اباج في موضوع لاتروحين.
هند:عسى خير.
مريم: لاخير بس خاص اشوي..
منيره: خلاص نحن بنسير برا عند الحرمات
فاطمه: يالله سلامه انتي سيري عند الحرمات الي في الميلس وانتي منيره الحرمات الي في الصاله. وسلمى تعالي ويااااااي.
سلمى: انزين.
هند: لحضه انا يوم بخلص من عند مريم وين اروووح.
فاطمه: روحي عند الحرمات الي في الصاله.
منيره:ااها يعني وياااي
فاطمه: هيه .. يالله بسرعه
منيره:يالله..
هند: شنو مريم عسى خير.
مريم: لا خير.. بغيت اسألج عن احمد؟؟
هند: احمد.. شنو فيه احمد خرعتيني عليه.
مريم:لا اتطمني احمد مافيه شر.. بس اليوم طلب مني ايب له شاهي الصبح.. وطلب من منيره اتسوي له الفطور واتحطه في غرفته. وبعدين ما ادري وين راح. يتني منيره اتدور وانا كنت ادوره.. قالي بيروح يشغل السياره ومن طلع ما رجع.. ويوم اتصلت فيه بعدين في البدايه مارد. وهاي غريبه من احمد.. وبعد فتره طرش لي مسج وقالي انه عنده ريال.
هند: وااي وايد احمد يوم اتصل فيه يكون في الدوام ويكون حد عنده ما يرد عليه يدز لي مسج ولا يرجع يتصل بعدين عادي مافيها شيء..
مريم: هيه بس مااعرف حسيت شيء صاير.. لانه يوم كان يرمس منيره كان رايق بس ما اعرف شوه الي جلبه فجأه وسار بوظبي..
هند: اها. بس غريبه الي اسمعه منج بس تعرفين ماحسيت انه في شيء مهوب عادي كان حتى انه اتطنز عليه. يوم وصلت..
مريم:هههههه حليلج ياهند..
هند:هههه شفتي عاد.
مريم: هيه تعالي شوه سويتي من الفايرس ان شاء الله الحين احسن.

..عجيد الريم..
29-04-2009, 02:24 AM
هند: الحمد لله صح اني تنومت في المستشفى اسبوع بس الحمد لله الحين احسن بوايد.
مريم:الحمد لله..
هند: تعرفين كان خاطري احضر ملجه احمد.
مريم:هه وانا بعد تعرفين انا عروس ما قدرت اني ارووح.
هند: هيه هوه بها الشيء هزاني انه محد راح غير امج و امه.
مريم:هييه بس ..
هند: حلووووو..بس مابيسوي حفله..
مريم: لااااااا ماطاعت يدتها.. حتى انهم يوم ملجو كانت وياهم.
هند:ههههههههههههه حليلك يا احمد
مريم:ههههه والله حتى ما اتهني. ولا المليج وياهم بعد..
هند: اها وفارس شنو أخباره..
مريم:آآآآه تمنيت فارس موجود عندنا اليوم..
هند: بس..آآه.
مريم:بس شووه؟؟
هند:هااه لا اقصد انه كيف بييي واهو توه رايح.
مريم:ادري بس حرام ليش مب عندي..
هند: احنا ما انكفي مروووويوم..
مريم: فديتج تكفين وزوود بعد بس تعرفين ودي كل اخوني يكوونون عندي..
هند:ههه ادري فديتج.. يالله الحين بخليج بروح اعاونهم حرام شكل الحريم وايد اهنيه ومحد بيساعدهم.. الا ماقلتي لي اهوه ما عنده خوات..
مريم: هيه عنده 2 وحده معرسه والثانيه على وشك.اليازيه ووديمه..
هند:ايوا ما بيين شوووه..؟؟
مريم: والله ما ادري اذا بيين ولا لاااااا..بس عمتي حسنه بتي..
هند:ههههههه حسنه اتصير امه صح؟؟
مريم:هيه..
هند:ياربي يا المستحى..
مريم: ايييييييييييييه..
واشوي ويندق الباب.. وتي لطيفه ومريفه وحرمات عندهن.
لطيفه: السلام عليكم.
هند ومريم: وعليكم السلام.
لطيفه: اشحالج هند..
هند مستغربه منها: الحمد لله يسرج الحال عموه اشحالج.
لطيفه: الحمد لله يابنتي..والحمد لله على السلامه يابنتي.
هند:الله يلسمج عموه.
مريفه:مبرووووووك مريم
مريم:الله يبارك في حياتج عموه.
لطيفه:هاه مريم هذيلا حمياتج بغن يسلمن عليج.
اليازيه: اشحالج مريم.
مريم مستحيه: بخير ربي يسلمج اشحالج.
اليازيه: الحمدلله يسرج الحال ولا يضرج بس لو نفتك من ها الحمال بنصير بخير..
مريم:هه الله يقومج بالسلامه.
اليازيه: الله يسلمج..
وديمه كانت ترمس في التلفون ومن سكرت: احم شحالج مريم.
مريم: الحمد لله يسرج الحال..
وديمه: مبروووووك ياحرمه اخويه.
مريم:الله يبارك لج..
وديمه: ايييييه ياحظه مبارك بوحده جميله ماشاء الله عليج..
مريم: تسلمين ياربي..
هند:ههههههههه استحت..
الكل :ههههههههههههههههه
لطيفه: يالله عيل بنخليكن اهنيه ونحن بنسير عند الحرمات.. شيء تبين مريم بنتي شيء ايب لج.
مريم: لا امايه مشكوره فديتج.الا بسألج امايه عموه موزه يت.؟
لطيفه: لا مايت لين الحين فاطمه اتقول تعبانه الحين وبتي بعدين
مريم: خير ما تشوف شر..
لطيفه: ويع راس فيها تعرفينها فيها الصداع النصفي ومن ايها تتعب مااتروم اتنش.بس قالت لي اباركلج
مريم: الله يبارك في حياتها..وما تشوف شر فديتها.
اليازيه: هاي حرمت عمج صح..
مريم: منوه؟؟
اليازيه: هاي الي مع امج...
هند ومريم:هههههههههه
مريم: لا فديتج هاي حرمت ابويه.
وديمه: وعادي جذيه مع بعض..

..عجيد الريم..
29-04-2009, 02:25 AM
هند ومريم اتطالعن عمارهن وضحكن.
اليازيه: ليش تضحكن شوه قلنا.
هند:هههه ماقلتن شيء بس لو ييتو من قبل 6 شهور جان قلتو كلام ثاني.
وديمه:كيف يعني.؟؟
هند:ههه كانن من اممممم اكثر من 23 سنه ما يتدانن والحين بقدرت قادر اتغيرن 180 وصارن حبايب..
وديمه: سبحان الله.. وشوه الي غيرهن؟؟
هند: اممم وايد.. بس الحمد لله صفت القلوب واتصالحن.. ((وبنبره حزينه))وطلعت انا من الدار..
اليازيه:كيف يعني طلعتي انتي من الدار؟؟
هند وهيه تمسح دمعه من عينها: ههه لا ماشيء ان اصلا ختهم من الابو بس..
وديمه:اها يعني هاي اتصير امج؟
هند:هههههه مهو بامي امي ماتت. يوم ربت بي. هاي اتصير بعد حرمت ابوي..امي كانت الثالثه.
اليازيه:ههههههه ماشاء الله.
وديمه:وااو وانزين وشوه صار بعدين.
هند: انا امي من اصل قطري ماهي من الامارات
اليازيه: ايوا علشان جيه اسمع لهجتج اشوي غير.
مريم:هاي الا من ست شهور بس عندهم وجذيه يت وين لو كملت اسنين اهناك..
وديمه: بتيكم بالجواز القطري..
هند:لاااااا مع احترامي لهل قطر بس مب متنازله عن جوازي وجنسيتي..
اليازيه: سلامي عليج..انزين العرووس شوه معنوياتج.
مريم:هااه والله خايفه..
اليازيه:عادي هذا شيء طبيعي. هه احيد ني يوم ملجتي اني كنت اضحك من الحفوز ومن دخل عليه صحت.
مريم:هاااااااه ليش صحتي ..
هند:هاااااااه تراها بتصيح..
اليازيه:هههههههههههه ليش اتصيحين. لا اتصيحين وتخربين الميك أب
وديمه: احم مريم شوفي ماعليج منها.. هاي كانت صغيره يوم ملجتها علشان جيه كانت اتصيح.. انا ونتي كبار. صح..
انا ملجتيه الاسبوع الياي وانتي اليوم شوفي شوه بتحسين وباجر خبريني يستاهل ها الحفوز ولا لااااااا.
مريم:ههه ان شاء الله. واالله يعني اليوم.
هند: لا افا عليج نحن وياج صح..
اليازيه:هيه حتى لو تبينا ما نطلع من عندكم فالج طيب.. بس اخاف مبارك يجوتنا براااا.
مريم:هه
هند:هههههه انا سوري مابخلي اختي بروحها.
وديمه: والله ما بتدلين عمرج الا وانتي عند الباب ومسكرين الباب في ويهج بعد.. ابويه هذا امبارك.. ما تتصورن اشكثر فرح يوم وافقتو عليه. اول مره اشوف اخويه جذيه مستانس.
اليازيه:هيه والله كنت دووووم اشوفه تعبان ومتضايق.. مريم دخيلج حطي اخويه في عيونج.واانا اضمن لج انه بيرعاج رعايه عمرج ما تتصورينها. بيحطج مش في عيونه بس. بخليج حياته وروحه.
مريم: ان شاء الله..
وديمه: هيه والله تعرفين انه البارحه ما رقد. ييت عنده لقيته يطالع التلفزيون قعدت وياه اشوي ورحت انام.. ويوم آذن الفير لقيته قاعد مكانه.. ويوم سألته ما رقدت قالي لااااا ماقدرت.
مريم: ليش؟؟
وديمه:هه تعرفين شوه قالي يوم سألته.
مريم:شوه؟؟
وديمه:هه قالي بظوي مريم وتبيني ارقد.
مريم:هااااه.
وديمه: شوه مسويه بخويه انتي.. عافستنه من الخاطر.
مريم: ماسويت به شيء.
وديمه:ههههههههههههههه
اليازيه:ودووم حرام عليج.
هند:ههههههه طاعو غدا ويها احمر..
واشوي وينفج الباب وتي منيره.: اييه الحرمات خلصن عشى والحين يبونج تطلعين.اووه السلام عليكم.
اليازيه ووديمه:ههه وعليكم السلام هلا.
منيره:اشحالكن.
اليازيه ووديمه: الحمد لله..
اليازيه: الحين بتطلعونها برااااا.
منيره: هيه امايه قالت خلوها تي برا.
اليازيه: وديمه يابوه الذهب..
وديمه:هيه بس في سياره مبارك.
اليازيه: والحل الحين كيف بنطلعها عند الحرمات جذيه.
..

..عجيد الريم..
29-04-2009, 02:26 AM
وديمه: لحضه بدق على مبارك.
واتصلت وديمه عليه.
مبارك: هلا ودووم.
وديمه: اهلين مبارك اشحالك.
مبارك:هه ولا جني مفارقنج من ساعه.
وديمه:هه ياخي اشتقت لك ياخويه. المهم اقولك الذهب في سياراتك.
مبارك : ادري انزين؟؟.
وديمه:انزين ممكن اتطرشه علشان انلبس العروس يبونها تطلع عند الحرمات.
مبارك: ماعليه بس بعطيكم العقد والساعه بس والدبله انا بلبسها
وديمه:هااااااااااه بس كيف جيه.
مبارك:كيف جيه هوه جيه. ولا تراني بلبسها كل شيء بروحي كيفج.
وديمه:اف انزين ماعليه ممكن تعطيني الصناديق الحين.
مبارك: خلي حد ايي وبعطيهم اياهن.
وديمه: اوكي بشوف حد.
مبارك: اقووووول ودوووم حلوه .؟؟
وديمه: ههههههه ما اعرف بعدين بتعرف.
مبارك:ماعليه بروايج.
وديمه:هههه ما ايوز انته معرس.
مبارك: يعني؟؟
وديمه:ما ايوز اتسوي شيء..
مبارك: لا والله.بكيفج هووه..
وديمه:لا مب بكيفي امم تباني أسالها علشان تتاكد حتى هيه بتقول لااا.
مبارك:لاااااااااااا
وديمه:هههههه شفت حتى انته قلت لاااا..هههه
مبارك:ههههههه شوه اقول عنج. انزين ماعليه خلي حد ايي يشل الصناديق..
وديمه: اوكي خويه.
سكرت عنه
وديمه:امم هند عندكم حد ايي وياي ابى اييب الذهب من سياره المعرس.
مريم من سمعت ها الكلام انصدمت.. المعرس.. المعرس .. المعرس. انا بعرس معقووووووله. بيدخل حياتي واحد غير خالد..
سارن هند ومنيره وياها.. ويابن الذهب من عند مبارك.. طبعا امبارك قرب السياره من الباب.. وسار عنها.. سارت وديمه ويا هند لين السياره ويابن الاغراض ومنيره تتيرياهن عند الباب.. طبعا كلهن متغشيات رجعن عند مريم ولبسنها العقد والساعه. وطبعا الدبله ماطاع مبارك انهن يشلنها
طلعت عند الحرمات الكل سما عليها كانت روعه.. وكانت فاجه شعرهاومسويه بف بيسط فوواصل لين آخر ظهرها ومقصوص و مدرج وشعرها من النوع الغليض..ماشاء الله..فطالع روعه.
وحاطه كرستاله على شكل ورده على طرف شعرها.. من شافنها الحرمات سرن دخلوها الميلس الثاني الصغير.. علشان يدخلون عليها المعرس.. بس الي دخل مش المعرس اول شيء.. دخل عليها.
مريم: فاااااااااارس..
تربع مريم صوبه وتلوي عليه..
فارس:مرووووومي شو بلااج حبيبي بدال ما تفرحين اتصيحين.على هذا اتفقنا..
مريم:ما اصدق ياخويه انك اهنيه.. ليش ماقلت لي..انك ياي.
فارس:ههههههه حبيت اسوي مفاجأه حلوه ولا لاااااا
مريم:اكيد حلوه.. الحمدلله على السلامه ياخويه..
فارس: الله يسلمج يامريم. ومبروووك ياعرووووس..
مريم: الله يبارك لك..
فارس: مرووووومي عند حد ورايه الحين.
مريم في البدايه فكرت انه حد من اهلها.. ومن صدت وشافت مبارك انتبهت ووخت راسها.
فارس:ههههههههه استحت .. اقرب المعرس.
مبارك: السلام عليكم..
مريم: وعليكم السلام
( بصوووووت هادي .. مب جنها توها بغمت يوم شافت فارس)
مبارك ابتسم:مبروووك يامريم.
مريم:الله يبارك في حياتك((هاي المره كانت تهمس))
فارس:ههههه انا عدالج ماسمعت شوه قلتي وين هووه عدالي.
مبارك: ههه لايافارس سمعت الي قالته.. ولو مارمست عيونها يقولن.
فارس:ااب اب بدينا بالغزل عيل بنخليكم عشر دقايق وبنرد لكم.
مريم:لاااااا
مبارك:اوكي.
فارس:ههههههههههه الحل الحين.
مبارك:مريم ابا اقعد وياج اشوي والبسج الدبله. ولا ماتبينها.
مريم:هااه.

..عجيد الريم..
29-04-2009, 02:27 AM
فارس:هااه..ههههههه اقول احمد يالله انسير.
مريم من سمعت فارس يقول احمد رفعت راسها وطاحت عينها على اخوها احمد..
احمد ماقدر يشل عينه عنها مشاء الله كانت حلوه. ما توقع انه يشوف مريم جذيه.. الله يهينج يامريم.. ماقدر ينسى نظرت مبارك لخته وابتسامته الي كانت من الخاطر انه مريم صارت حرمته الله يهنكم يارب..
احمد: ان شاء الله ياخويه.. يالله عندكم عشر دقايق. وبنرد.وين عشر دقايق وايد خمس دقايق بس.والحين بحسب.
مبارك:هههههه ماعليه بس خلونا رواحنا اشوي.
احمد:ههههه اوكي يالله مبروووووك يامريم.
مريم:الله يبارك لك ياخويه.
طلعو الكل من عندهم يا مبارك عند مريم. وطلع الخاتم من الصندوق.
مبارك: ممكن ايدج..؟؟
مريم رفعت ايدها اليسار له..
مبارك:مريم انا مابحط الخاتم عشان مظاهر الملجه لا غيرها.. مريم هذا الخاتم ابا مثل ميثاق يكون بيني وبينج وان شاء الله ما بيزول ها الميثاق ابد لين ما اموووت.
مريم من دوون ما اتحس:بسم الله عليك.
مبارك: تخافين عليه يامريم.
مريم: اكيد بخاف عليك انته صرت ريلي
مبارك: يا ويييييلي.. مريم دخيلج قولي لي انتي صدق حرمتيه ولا انا احلم..
مريم:لا انته ما تحلم هذا واقع.
مبارك: اتصدقين اني مب راقد من يومين من الحفوز آخاف ان رقدت أنش واعرف اني كنت احلم بأنج حرمتيه.
مريم:ههه لا ارقد انا حرمتك..(( ووخت راسها من المستحى)) على فكره تراها مب حاسه بنفسها شوه اتقول.لاحد يفكر انها جرئيه..
مبارك: يعني ارقد وانا متطمن.
مريم:هييه ارقد واتطمن.
مبارك: مريم بخصوص بنتج.
مريم:اه
مبارك:لا تخافين بحطها مثل امها في عيوني.. والله لو ماوسعت عيوني لكن لاحفظكن في روحي..
مريم:مبارك.
مبارك:عيون مبارك رووح مبارك قلب مبارك كله. انتي ما اتعرفين اشكثر اني اموووت فيج.. رحميني يامريم يكفي هاي ال7 اسنين وانا آهذيبج.
مريم:مبارك. بس ..
مبارك: عونه.. بس شوه يامريم.
مريم:انا آآآآه.. ..
مبارك: مريم شوه بلاج..
مريم:مبارك انته.آآآآآآه...
مبارك:انااااا شوه يامريم لاتذبحيني..
مريم: انته دايس على ريلي..
مبارك:هاااااااااااه..آآآآآآسف حبيبي والله ما انتبهت..كله من الفرحه انج صرتي لي آخيراً
مريم:لا ..ع..ادي
مبارك: تعورج ريلج.؟
مريم:لااااا لا عادي..
توه وخى يشوف ريلها الا ويدخل عليهم احمد..
احمد:هااااااااه هاااه شوه اتسوون.
مبارك: حسبيه الله عليك وقفت قلبي..
مريم ماااااااتت من المستحى..
احمد:تستاهل وين تبى موخي تحت عندها عيب استحي ياخي يوم بتيك في بيتك كيفك..الحرمه بعدها في بيت ابوها.
مريم:هااااااااه
مبارك:شووه هاي الرمسه ياريال عين خير. ماسويت شيء انا
احمد وهو يبتسم ويلعب بحياته: عيل ليش موخي. تحت.
مبارك: كنت اشوف شيء على الارض.
احمد: شووووه حرمتك جدامك وانته اتشوف شيء على الارض.. والله حاله.
مبارك: شفت عاد..
احمد: والله حاله. انزين ماعليه بزقر الجماعه يبون يتصورون وياكم
مبارك: حياهم الله
احمد:الله يحييك النسيب..(( وفيه ضكحه عل اشكالهم))
احمد:قربو قربوووو
يو كلهم واتصورو وياهم ومن خلصو التصوير صورو العرسان رواحهم وطبعا الجماعه كلهم موجودين عندهم. ومريم مستحيه من الخاطر..ومبارك ماسك عمره.. خلصو تصوير كدها الساعه 12 روحو كلهم بيوتهم ومريم كانت في حجرتها يوم دخل عليها اول شيء امها وباركت لها ويابت لها بنتها.. وطلعت من عندها.. وبعدين خواتها ين باركن لها وساعندها اتفج فستانيها.. وخلاف يوها خوانها غانم واحمد وفارس وفهد وعلي ومطر وهزاع .. وفاطمه وباركو لها وطلعو عنها وتم عندها فارس واحمد..
احمد:ههههههههه مريم دخيلج قولي لي شوه كان يسوي مبارك تحت موخي..
مريم:حرام عليك. والله انه فلخ من الخاطر..
فارس:ههههههههههههه شوه كان يسوي .. احمد من طلع من عندكم وهووو يضحك ويسكت ويرجع يضحك.. الي يشوفه يقول سكران.
احمد:هههههههه ياريال انته ماشفته كيف كان موخي..ههههههههههههههههههههههههههه
مريم:حرام عليك.. ماشيء بس يوم كان واقف يلبسني الدبله داس بالغلط علي..
فارس واحمد: على......؟؟
مريم: امم ريلي..
فارس احمد:ههههههههههههههههههههههههههه
مريم:حرام عليكم..
فارس:ههههههههههههههه وليش دايس عليها مايشوفها شوه.
احمد:ههههههههههههههههه الظاهر انه ماحس من الحفوز..
مريم:حرام عليكم.حليله ماحس.. عاد انا في البدايه اتحملت بس بعدين ما قدرت اتحمل اصلا الجوتي متعبني و اصبوعي متورمات منه.. ويا هو وكمل وداس عليهن.. اول شيء مسكت عمري ماقدرت اتكلم وخلاف قلت له انه دايس على ريلي.. اتلوم وتوه بيشوف اذا يعورني ولا لاااا. دخلت انته احمد.بس الكلام الي قلته مب حلوووو..انا استحيت وين هوو
احمد:هههههههه عيل واحد موخي يطالع تحت شوه تبيني اقووول.هههههههههههه
مريم:حرام عليك.
فارس:ههههههه اتخيل شكله يوم دخلت عليهم احمد..
احمد: شوه ياريال والله انه خذ عمره. ههه فلخ من الخاطر..
فارس: حليلك يا مبارك.. انزين سمعي مريم. مبارك طلب انه يرسمج. وانا رمست ابويه واخواني فيه. وقالو ماعندهم مانع. من بعد شورج انتي.. شوه رايج. اعطيه الرقم.
مريم:ما ادري والله.
احمد: شوه ماتدرين .. لا يافارس عطه الرقم خلهم يتعرفون على بعضهم. وها الشيء لمصلتحج مريم.
مريم:اللي اتشوفونه ياخواني..
احمد:انا شوه قلت لك.. طرش الرقم للريال وخل سهرتهم اليوم صباحي.
فارس:ههههه هزرك.
احمد:عيل..ههههههه شوف ويها كيف احمر.
مريم:اييه حرام عليكم.
طلعو من عندها من بعد ماطرش فارس الرقم لمبارك. ومريم دخلت تتسبح..
نهايه الباااارت..

السولعيه الحلوه
29-04-2009, 02:40 PM
تسلم ايدج على البارت الفنان...

مبروك لمبارك ومريم على الملجه وعقبال الباقين...

ذياب وهنوده الله يتمم عليهم بالخير ....

وارجوج رحمي حال حمد وخله يملج على عويش...

اتوقع انه احمد زعلان من غزلان...

نترياج في البارت الياي على نار...

بنوووووتـﮧ
29-04-2009, 10:00 PM
"

وايه واخيرا ً هههههههههه خلصت من البارتيين 20 & 21 :) واتريا التكمله للبارت

يعطيج العافيه



"

lady oscar
29-04-2009, 10:15 PM
اولا السـلام عليــــكم ورحمه الله

ينطيـج العافيـه على الجزء الفنان ..

وانا اليووووووووووووووووم نفستي من نفسيه القصـه يعني عال العال لانج جبتي هنووووووووووووووووود وخطبتيها لذيااااااب عقب ماشووفها ويه خواتها واخوانها متصاافين وبينهم ضحك ومزح وعون وفزعه

وثاااااااااااني شي مستانسه لفارس هذا خطيه يعاني بصمت وربي يعينه لما شاف العقربه خخخخخخخخخخخخخ

واحمد استانست يوم تصافى ويا منور وحليلها منور مبروك عليها حمدان
وبس زعلان لانها حظرت غزلان بعدها تتذكر خطيبها الله يرحمه بس مامن حقه هي ويا عيسى عشره عمر ماتنسي لازم يتقبلها بماضيها وحاظرها ليش الانانيه لان اولا واخير بصفى قلبها له هو بس

ومبرووووووووووووم ملجه مريومه ومبارك وضحكت ضحك لما دخل عليهم احمد وهو منزل راسه هههههههههههههههههههههههه

وحرام لطيفه وغيث هيج حياتهم خلاص خل يصافو مابقى كثر اللي راح

وحليلها موزه الله يعينها على فراق خالد وبعد من حق مريم تعرس

وبسسسس وبودي اكتب اكثر بس اخوي يريد الكومبيوتر

السولعيه الحلوه
02-05-2009, 11:24 AM
وينج الغلا تاخرتي علينا...

عسى ما شر...

طمنيني عنج...

..عجيد الريم..
02-05-2009, 06:21 PM
هع السموحه منكم بس لاني بعدني قاعده اكتب فيها. مب مخلصه ان شاء الله خلال ها اليومين انزل بارت..

سوري والله.. بس لاني انشغلت في الفتره الاخيره بالبورجكتات الاهل.. هع

ذبحني الح ـلا
02-05-2009, 07:30 PM
تسلمين عجيد الاريامي على البارتات الطر

بالحل أخذي راحتج خيتو

ويعطيج العافية

..عجيد الريم..
04-05-2009, 12:17 AM
السموحه من الجميع صار لي كم يوم مب قادره اكتب. وان شاء الله بحاول اني انظم وقتي علشان الكتابه.

ادري وايد طولت...

غموووض
06-05-2009, 05:18 PM
واخيراً 3 ايام وانا اقرا القصه من اولها
لين اخر بارت عشان اوصل معاج واقرا اول بأول
تسلمين اختي على القصه الحلوه
واللي محليها حمد طبعا
والله يوفق اللي عرسو منهم او مجلو وضمنو مستقبلهم
ويوفق بطلنا حمد & عويش
في انتظار البارت الياي :)

السولعيه الحلوه
12-05-2009, 10:30 AM
وينج الغلا تاخرتي علينا...

عسى ما شر...

نترياج على احر من اليمر...

..عجيد الريم..
15-05-2009, 08:05 PM
مشكوره ختيه غمووووووض على قرايه القصه.. وان شاء اتكملين وياي لين الاخر..

السووولعيه اسمحيلي الغاليه والله كان عندي ضرووف ما خلتني ادخل المنتدى من اسبوعين.

وان شاء الله الليله فليل بعدل البارت وبنزله باجر والله ماكان عندي وقت اني اعدل عليه..


السموووووووحه من الكل..

غموووض
15-05-2009, 10:57 PM
في انتظار البارت اختي :)

lady oscar
16-05-2009, 01:12 AM
في انتظار البارت خيتو وربي يسهل امورج يارب

صديقه
16-05-2009, 10:21 AM
جار الانتظار..................................

..عجيد الريم..
16-05-2009, 07:53 PM
السمووووحه على التأخير.. ان شاء الله بعد ساعه بنزل البارت اليديد..

سوري .. انتظروووووني..
قريباًً لاني بطلع ضروري الحين وبرجع بعد ساعه..

..عجيد الريم..
16-05-2009, 10:21 PM
السمووووحه على التأخير. وهذا البارت اليديد..


الجزء الثالث والعشرين


الحب معنى للوفا بين قلبين
ياعاذلين القلب لاتعذلوني
لاصار من تهواه يسوى ملايين
ودك تحطه فوق كل الظنوني
حتى لو انه بعيد عن العين
البعد بعد القلب لاتشغلوني
أنا كذا طبعي كذا
لاتقولون ..حتى مع الغالين
طبعي جنوني..


وفعلا من وصل المسج لمبارك انه هذا رقم مريم. اول شيء طرش لها رساله وقالها انه هذا رقمه.. وخلاف اتصل عليها. وطبعا بما انه مريم كانت تسبح ماردت عليه..
اتلوم منها اتحسب انها راقده.. فطرش لها مسج ..
مبرووووووووك يا اغلى انسانه في حياتي..
وسوري ان ازعجتج بس كان في خاطري اسمع صوتج. شكلي اليوم مابنام وانا اتذكر شكلج.. تصبحين على خير ياقلبي.. ريلج مبارك..
مريم طلعت على صيحه المسج. عرفت انه من مبارك. راحت لين التلفون وفجت المسج.. وقرته .تمت اتطالع التلفون.. وماحست بعمرها الا واتطرش له مسج انها مب راقده
ومن وصل مبارك التقرير اتصل بها مبارك.
تم يصيح التلفون ومريم مستحيه اترد عليه بس في الاخير ردت.في البدايه ما تكلمت. ومبارك حس بها انها مستحيه.
ابتسم وخلاف تكلم: مسى الخير.
مريم:...........
مبارك: مب مهم اتدرين يكفيني اسمع نصخج على السماعه.
مريم:اه.
مبارك:مريم تعرفين اني مب مصدق والله حاس عمري اني باطير من الفرحه.
مريم:.. ل.. يش؟؟
مبارك:فديت حسج. ليش .!!. ليش ياعمري انتي تدرين اشكثر انا ميت في هواج.
مريم: بس انته ما تعرفني.؟
مبارك: صح اني ما اعرفج بس انتي كنتي مثل ظلي طول ها السنين كلها.
مريم: كيف ؟؟
مبارك: انا بقولج كيف.. انا اول مره شفتج يوم كنا في الثانويه العامه. كنتي توج يايه لبيت عمج..وفاجه غشوتج
مريم: وانته وين كنت؟؟وانا كيف ماشفتك.
مبارك:هه انا كنت عند باب الميلس.. وما انتبهتي لي لانج كنتي مستعيله.. انا كنت واقف عند الباب ارمس امايه وما كان في ارسال داخل الميلس. فوقفت عند الباب وشفتج.. ومن يومها ما رحتي عن بالي دقيقه وحده.
مريم:بس معقوله كل هاي السنين ما نسيتني.
مبارك:لاااا ولا دقيقه وحده.. يمكن اني يوم الحادث الي ياني فقت الامل فيج. بس عمري ما نسيتج.
مريم:مبارك قولي كيف تم الاتفاق بينك وبين المرحوم عليه.
مبارك:مريم فهمي الي بقولج اياه.. لا انا ولا خالد اتفقتنا عليج. السالفه وما فيها. اني من شفتج هذاك اليوم ونا سرحان افكر فيج. وبعد كم يوم خالد شك فيه. اني في شيء متغير . يوم سألني انا اتشجعت ورمسته فيج.. وقالي انج مثل اخت من خواته.واذا بتقدم لج لازم اييب الشهاده واشتغل وبعدين اتقدم لج ومن فرحتيه قلت له توعدني بها الشيء قالي وعد.. وفعلا يبت اعلى معدل اهلني اني اسافر برا واكمل دراستيه برا ودرست ونا مستانس وكان ماشيء باقي غير سنه وحده واتخرج.. وفتره بسيطه اني اشتغل واكون نفسي وهذيج الساعه بتقدم لج.. بس صار الحادث الي دمر كل شيء في حياتي.. وخصوصا يوم قالي الدكتور انه الاعصاب كلها ميته. ومافي أي امل اني اقدر امشيء مره ثانيه.
مريم:اف.. وبعدين.
مبارك:اممم شوه اقولج. ماشيء اتصلت في المرحوم يوم اتأكدت اني مابقدر امشي ابد.. وغيرت كل ارقام تليفوناتي وقطعت عن خالد. ماحبيت ابين له ضعفي على حالي.مرت الايام والسنين ونا على حالي. ويوم من الايام بعد ما كملت سنتين ونا كنت في المستشفى ياني حلم في النوم يقولي وين حبك لمريم كيف نسيتها !. كيف يأست من الحياه؟.. وانته اتعرف انه مافي يأس من الحياه.. وانه الله فوق.واحيد اني فزيت من النوم ومن فزتيه طحت من فوق السرير.. على الارض.
مريم:اف شيء ياك.
مبارك:هههههه اول شيء ماحسيت بشيء بس بشيء ينزل من راسي لونه احمر.. وبعدين حست بويع في جسمي وريولي.خاصه. ومن زقرو الدكتور وسوا كشف ليه.. قالي في امل . انك ترجع تمشي مره ثانيه. بس لازم عمليات .قلت له سو الي عليك المهم اني امشي. وفعلا بعد معاناتي مع الاربع العمليات قدرت اني امشيء على ريولي مره ثانيه.ورجعت البلاد سيده. وهنيه سمعت عاد انج عرستي وبعد حامل. اذكر اني مره من المرات كنت في البلاد احوط في المول. وشفتج وياه في السنما وكنتو تضحكون.. والله يامريم اني فرحت من الخاطر لكم شفتج فرحانه وخالد كان مثلج.. انا قلت له من قبل والله ياخالد ان ظويت مريم عندك تراها جنها ظوت عندي.

..عجيد الريم..
16-05-2009, 10:22 PM
مريم: آآآه.
مبارك: مريم شوه بلاج.
مريم: ماشيئ كمل وبعدين.؟
مبارك:ماشيء من شفتكم جذيه رجعت وسافرت ولا رجعت الا يوم...
مريم: بعد الحادث..صح.
مبارك:هيه مريم. والله لو اني دريت جان رديت من زمان.
مريم:مبارك ممكن أسألك سؤال؟؟
مبارك: افا عليج سألي مريم..
مريم: كيف.. بتكون حياتنا..
مبارك:حياتنا بتكون مثل أي احد معرس ويحبون بعض.
مريم: بس انا ما احبك
مبارك انصدم: ماعليه يامريم بتتعلمين اتحبيني مع الوقت.مريم انا اعرف من شوه انتي خايفه.. انتي اتخافين اني اكون مثل خالد.لا يمريم انا بحطج في عيوني.. وروحي بتحميج.وصدقيني مابرضى بأقل من ثلاثه ولا اربعه خوان ولا خوات لعنادي.. بنتي.
مريم: صدق مبارك.!!
مبارك:هيه صدق.. اتطمني الريم العنود وامها في عيوني.ولا تعتقدين اني مابحبها بالعكس الحين احس اني من بشوفها بلوي عليها وبحبها.. مثل ما ودي اسوي مع امها.
مريم:هااه..
مبارك:هههههه عندج شك.
مريم: في ..شووه.
مبارك: اني اباج
مريم: ايه شوه هاي الرمسه.
مبارك:ههههههه استحيتي .. لا تستحين عادي انا ريلج
مريم:هيه بس بعدنا.
مبارك:شوه بعدنا ملجه وملجت علييج.شوه بعد ماشيء باقي غير العرس. والعرس ماشيء عندج بس ثلاث اشهور.
مريم:لاااا مايكفي ماعندي وقت. حرام.
مبارك:لاااا آسف مريومي دخيلج رحميني. ماصدقت انج حرمتيه
مريم:اوكي بس احسه مابيكفي.
مبارك:لا بيكفي حبيبي دخيلج. شوفي الفستان من الحين ابدي فيه..والتفصيل بعد ابدي فيه وعقي عند كل الخياييط..واذا تبين بخلي خواتي يساعدنج.
مريم:لا مب جيه. عندنا عموه مريفه ماشاء الله عليها تعرف كل شيء. والحين قاعده اتزهب حق عرس احمد اخويه وفارس..
مبارك:ايوا متى بيعرسون.؟
مريم: يبون بأسرع وقت. امم يمكن بعد عرسنا.
مبارك:ايوا..ياحيهم. الا بسألج حمد ولد عمج بيعرس وياهم؟.
مريم:هيه يبى يعرس وياهم.
مبارك: ياحيه والله.. دامهم يبون يعرسون بسرعه شوه رايج نحن نجدم عرسنا وبجذيه بيعرسون كلهم.
مريم:لا والله اقولك اني مابيكفني 3 شهور واتقولي تبانا نجدمه حرام عليك. بمووووت.
مبارك:لااااااااا بسم الله عليج يعل يومي قبل يومك.
مريم:بسم الله عليك.. لهاي الدرجه تحبني يا مبارك.
مبارك:آآآآآآآآآآآه يامريم ليتج تعرفين اشكثر اني احبج واموووووت فيج. ليتج اتعرفين بس..
مريم:ههههه لهاي الدرجه.
مبارك:عيل لو تدرين ماقلتي لي اني أخر العرس اكثر من جيه. سمعي من باجر تبدين اتخلصين كل شيء. ابا انعرس في شهر 6 وتاريخ 6 وسنه 2009 شوه رايج.
مريم:ما ادري يا مبارك.
مبارك: فديتج عشان خاطريه حاولي تخلصين وقت.
مريم: ان شاء الله.. لحضه مبارك شكل بنتي نشت.
مبارك:لااااااا ماشبعت منج.
مريم:هههههه ماعليه لحضه اشوي بس برجع ارقدها .
مبارك:جيه بتسوي فينا يوم تون عندي.
مريم:احم.
مبارك:هههههههههههههه فديت المستحى ياربي.
مريم :لحضه بيبيها.
مبارك:يالله برايج وياها بخليج عندها الحين رقديها..
مريم: بتسكر.؟؟
مبارك:ههههههههههههه والله لو في خاطريه ما اسكر عنج.. بس حبيبي تعرفين كم الساعه الحين.
مريم:لااااا والله كم؟؟
مبارك:ههه الساعه الان الثالثه صباحا.. وثمانيه عشر دقيقه و40 ثانيه.. طووووط الساعه الان الثالثه صباحا وثمانيه عشر دقيقه واحدى واربعين دقيقه.طوووووووووط
مريم:ههههههههههه بس دخيلك..
مبارك:هههههههه والله عادي بكمل لين الصبح جان بتخلينا بنتنا عادي..
مريم: عاد بتم لين الصبح اتيم لي الساعه.؟
مبارك:هههههه شفتي عاد..
مريم:يالله بدت تتملل..
مبارك:خلاص فهمت.. يالله بخليج الحين وبرمسج الصبح اول ما انش اوكي.. ولا انتي يوم اتنشين طرشي لي مسج وانا بتصل
مريم:استحي.
مبارك:هههههه دريت بتقولين جيه.. علشان جيه قلت طرشي مسج.. خلاص عيل انا من انش بدق لج اوكي..
مريم:الي تباه.
مبارك:آآآآآه يامريم ليتج تعرفين الي اباه ولا ماقلتي الي اباه.
مريم:هههههه مبارك دخيلك.
مبارك: عيوووووووووون مبارك روووووح مبارك فواد مبارك. شوه تبين بعد.. حراااااااام كيف بصبر عنج ما ارووم.
مريم:مبارك دخيلك.
مبارك:انزين خلاص بسكت..بس ماعليه من تظوين عندي بتنسين كل شيء الا مبارك..
مريم:ههه

..عجيد الريم..
16-05-2009, 10:24 PM
مبارك:اوكي يالله حبيبي تصبحين على خير..
مريم: وانته من اهل الخير..
مبارك:آآآآآه ما اب اسكر حراااام خليها بترقد روحها
مريم:لا حرام ما بتنام لين ايها.
مبارك:خلاص حبيبي يالله عن جد والله يعيني عليج.. يالله باي.
مريم:هههههه باي..
سكر عنها وقعد يشوف التلفون يدور لها مسج حلوووو

شطر لا زلت ادور له .. على ذوقك .. شطر ثاني
كم سؤال حير أقلام الإجابه
كم إجابة صارت أشبه بالمحال
السؤال يضيع ما يلقى أجابه
والإجابة تنتظر طرح السؤال
والسؤال اللي عجزت القى جوابه
ليه أحبك كثر حبات الرمال

مريم من قرت ها المسج ابتسمت وحظنت التلفون ونامت مع بنتها.
وعت مريم الصبح وطرشت مسج لمبارك ....

انت الوفـــى يوم الوفــا من سجايـاك
وانت الغـلا يوم الغـلا فيــك مجنون
وانت العزيز اللي على العـز مربـاك
وانت القصيـد اللي على القاف موزون
يحــلا الكـلام ليا طلـع من شفايــاك
و يصيــر له .. روح و يديـن و عيـون
صباح الخير..

خلت تلفونها فوق ونزلت تحت عند اهلها.. لانه فارس اليوم المسى بيسير بوظبي باجر الفير طيارته..ويبى يسلم على عرب.
نزلت تحت ولقت امها يالسه ويا عمتها مريفه..ابتسمت ودخلت عندهم..
وعند حمد واحمد في الدوام
احمد:هاه يا حمد ومريم وملجت خلاص يالله رمست ابوك عن خت حمدان.
حمد: انا مرسمنه قبل وقالي بيخلي امي اتسير عندهم.. هيه تعال اليوم عرس عندهم.
احمد:اب اب والله نسيت.
حمد:توقعت ها الشيء هع حمدان ماكل فوادي.
احمد:هههههههههه لازم نسيب.. يقولك المثل صير نسيب ولا تصير ولد عم.
حمد:ههههههههه شفت.عاد.
احمد: ياحيك والله.. الحين من يا فارس. وامي بدت في التجهيزات وياهن..رمس ابوك وخله يحدد وياهم موعد ولا رمس انته حمدان وحدد وياه.. وبنسير وياك..
حمد: هيه والله خلاص اليوم من ارد البيت برمسه وبشوف شوه بيقول..
احمد: ياحيك والله. الا حمد بغيتك في موضوع.
حمد:آمر.
احمد:هند..
حمد: شوه بلاها..
احمد:امممم تعرف ذياب بن.......
حمد:لا يكون مال مطار دبي؟
احمد: ماغيره.
حمد:هيه شوه بلاه؟
احمد: يبى يتقدم ويخطب هند .
حمد: هااااااااااه قلت هند؟؟
احمد:هيه ليش جيه متفاجأ
حمد:احمد انا اعرفك هوه يبى يخطب هند ولا انته قلت له.
احمد: شوه اقوله مينون شوه..
حمد: بتقوله عشان هند ما اتسير قطر.. صح احمد.؟
احمد: اممممم صح ومش صح.. اول شيء انا ماقلت له حرفيا تعال عندنا بنت. للعرس.
حمد:عيل شوه قلت له.؟
احمد:اووووووه قال انه يبى يعرس ويدور الحرمه الي بتسعده.
حمد: وقلت له عندنا بنت.
احمد: آآآآآآح حمد افهمني ذياب انا اعرفه وريال ونعم الساع فيه. وبيني وبينك مابا هند تتلعوز اهناك. والله يوم اني سمعتها اتقول انها مشتاقه للقعده اهنيه ما تبى قطر.. حتى لو اترد حياتها القبليه. ما يخالف عليها. بس اتم اهنيه عند اهلها وخوانها.. ومن سمعتها اتقول جيه حسيت الي سويته صح
حمد:آآهه والله يا احمد ما ادري شوه اقولك.انته ابخص بختك.
احمد: شوه بسوي عيل.. حمد اباها اهنيه اتم تتحرانا مرتاحين وهيه اهناك سمعته ابويه يوم يقول يرمسها كل يوم وبعده ما بشبع منها.. غير يوم اتكون بنتك عندك.
حمد: ادري وانا وياك فيها بس شوه بتقول لها كيف بتقنعها
احمد:لا هند خلها عليه.. هيه اصلا من تعرف انه ربيعي بتوافق بس المشكله ابويه.
حمد:هههههه اتصدق ما اعتقد انه ابوك بيرفض خصوصا انه بيضمن انه هند بتكون اهنيه .. بس من توافق هند بيرضى ابوك.. طبعا بعد ما يتخبرون عن الريال اذا كان زين ولا لا.

..عجيد الريم..
16-05-2009, 10:25 PM
احمد: لا الريال انا اظمنه لكم. ربيعي من ايام المدرسه.
حمد:افا من ورانا.
احمد: لو درست عندنا في بوظبي فالك طيب كنت بعرفك عليه بس شوه انسوي هنيه دراسين.. الله يخلي لكم مدرسه ...
حمد:ههههههه ياريال لا اتذكرنا بالي مضى.والله مرات يوم اتذكر ايامها اضحك. وخصوصا يوم كنت اول ثانوي.
احمد:ههه هااه من ورانا شوه سويت.
حمد:ههههههههه ياريال قول شوه الي ماسويته. ههههه رقاد اول شيء في السياره لين الساعه 10 واونها الفسحه. وبعدين انكمله في الصف الاستاذ يدرس ونحن خخخخخخخخ رقاااااااااااد في رقااااااد.ههههههه 2 ولا 3 بس الي صاحيين والباقي كلهم رقود.. بس يوم علينا فيزيا ياريال شوه انصحصح
احمد:ههههههه اشمعنا الفيزيا يعني.
حمد:هههههههه تراه حنفي الي يدرسنا.
احمد:هههههههه لا اتقول.
حمد:هههههه والله..ولا بعد ما انرشه 200 درهم ويالله برااااا لعب كوره.
احمد: محد يدري بكم.؟؟
حمد:ههههههههههه منوه اصلا يدري الملعب آخر المدرسه.
احمد: والغياب والحضور ما يسجل عليكم.
حمد:ههه ابويه و200 وين راحن. الحضور فول. والعلامات 90 والامتحان عندك شوه بعد تبى.
احمد:هههههههه شوه ها الضياع ياريال.
حمد:هههههههههههه شفت عاد.. بس آخ ماكنا ندري انه جيه ولا من اول السنه دهنا سيره.. الهرم مرسبني وحاطلي 45 في اول الفصل..ههه وآخر الفصل بعد رش الفلوس 90 ههه
احمد:ههههههههههههههه سلامي عليكم..وباقي المواد.
حمد: لا باقي المواد مشين حالنا فيها.والبركه بحمدان.
احمد:ههههههه ايوا قول جيه.
حمد:ههه والله ايااام.عمري ما بنساها..
احمد:اييه تعال شوف الي عندي عيل. والله الصف الي كنا فيه لو مب ذياب ولا بتلقاني واحد من ها العلماء ..يخرب بيتهم كيف ياكلون الكتب اكل..حشى.والله اني مرات كنت آخاف انزل درجه. وان يبت الشهاده بيسلون يناقشون الاستاذ على الدرجه. ليش فلان اعلى عني .. وانه ياب كذا كذا ولا كله كوم والامتحانات كووم.. بتلقاهم راقدين على الورقه بس علشان محد تشوف اسمهم بس.. وين الامتحان.
حمد:هههههههههه حليله.
احمد:هه الاستاذ من قد ما هو عارف بالحال يطلع ويخلينا نمتحن رواحنا.. طبعا انا وذياب رباعه والباقين كل واحد بورقته. مره انا وذياب يبنى علامه اعلى من الاول بدرجتين. والله انه كل الدنيا اكل.
حمد:هه بس انته كنت شاطر.
احمد:هه هيه بس ترتيبي مابين الثاني والثالث ماكد وصلت الاول.الانادراً
حمد: وذياب..؟
احمد: امم اذا انا الثاني هوه الثالث ولا مكرر.واذا انا الثالث. هو الرابع. ومرات ايي بعد ويايه مكرر..
حمد:ايوا. ثركم مصاروه.
احمد:ههه اقولك غصبن عنك بتشد حيلك. ومدرستنا يت الاولى على الدوله في امتيازات الطلبه. ياخي قالو انتو بتطلعون عباقره وعلماء... عيل بالله عليك واحد علمي نسبته 95 داخل الشرطه ليش.
حمد:ههه وشدراني.
احمد:والله حاله. تعبت من الدراسه.
حمد:هههه وذياب كم ياب.؟
احمد:خخ الهرم غلبني . ياب 97 مصري .
حمد:ههههههههههههههه
احمد:اسميه اتطنز عليه من الخاطر يوم غلبني قلت له عادي بدخل الشرطه.. مايهم النسبه عندهم بس انه يبت فوق70 خلاص
حمد:هه هيه والله.احم انزين يا العبقري خلنا انرد لموضوع هند الحين . شوه بتسوي.
احمد: آآهه والله....... ((صاح تلفون احمد.. ذياب متصل))
احمد:بخليك الحين المعرس داق.
حمد:المعرس؟؟ أي معرس؟؟
احمد:ذياب.
حمد:ههههههه هيه اوكي سلم عليه.يالله انا بسير بوظبي علشان القضيه.
احمد: اوكي ..يبلغ يالله باي.. هلا ذياب.
ذياب: اهلين وليش باي.؟
احمد:هههه مب انته ارمس حمد ولد عمي علومك.
ذياب:هيه سلم عليه.. الحمد لله علوم الخير ومن صوبك
احمد:والله الحمد لله.يسرك الحال ولا يضرك.تعال قبل لا انسى شي عندك اليوم؟؟
ذياب : اليوم.. امممم لاااا ليش؟؟
احمد:ربيعي فريجه بيعرسون تعال وبالمره بنشوفك.احم واهليه بيشوفونك.
ذياب:ههههههه اوكي .. ان شاء الله انا المغرب عندكم
احمد:على خير ان شاء الله.. شوه علومك غير.
ذياب: علوم الخير.. الا بتخبرك حد من خوانك اهنيه في دبي.؟
احمد:لا ليش؟؟
ذياب:جني لمحت واحد يشبهكم اهنيه امس.
احمد:امس امم والله يمكن فهد كان اهناك.
ذياب: ايوا ساكن اهنيه.؟

..عجيد الريم..
16-05-2009, 10:26 PM
احمد: لا اوين عنده مشروع.في دبي.
ذياب:ايوا.. مشرووع قلت لي..؟
احمد:ذياب شوه السالفه تراك خوفتني.؟؟
ذياب: لا ياريال بس الريال الي كان وياه مب اوكي وشفتهم طالعين من فندق وشكلهم ماخذين شقه فيه.
احمد: يمكن مالت الريال مب مالت فهد.
ذياب:ما ادري يمكن وليش لا.
احمد: كيف قلت لي الريال الي وياه مب اوكي.
ذياب:مم ما ادري والله دووم ايينا المطار ويسوي لنا مشاكل. تعرف شحن ما شحن
احمد:اها وانته متأكد انه نفس ها الريال
ذياب:هيه هوو حتى اذكر انه اسم الريال عيسى بن........
احمد:اب اب هذا عوود.
ذياب:هيه عوود بس وراه بلاوي. ياريت لو اخوك يبتعد عن ها الاشكال.
احمد: شوه بقوله ياريال فهد مب ياهل وان تكلمت انا بيحتشر عليه.. تعرف انته باجر رمسه عنه.
ذياب :لا ياريال ابعدني عن المشاكل مافيه عليه. يمكن الريال تايب مافيه عليهم.
احمد: ما ادري والله آخاف ايكون العكس ويسوي لفهد مشكله
ذياب: والله يا احمد ما ادري شوه اقولك.
احمد: تعرف انا بشوف غانم اخويه .. شكله وياه في الموضوع
ذياب : الي اتشوفه. الا ما قلت لي شوه صار بالموضوع
احمد:هههههه بعدني ما رمست حد واحلي ياريال.
ذياب:المشكله اهنيه اهليه ماكلين فوادي وقلت لهم في لحضه غضب اني خلصت خلاص.
احمد:انزين وخلاااااااااااااف.
ذياب:ماشيء تمو على راسي لين رمست وقلت لهم منوه.
احمد: وبعدين؟
ذياب:ماشيء شكله عيبهم الموضوع. والحين كل يوم والثاني تنغيزات منيه ومناك.
احمد:ههههههههه ياريال انته استعيلت انا بعدني ما رمست ابويه فيك.. اليوم بسير له واشوفه.ولا تعرف بشوف غانم قبل وفارس وخلاف بنرمس ابويه كلنا.
ذياب: الي اتشوفه يا احمد بس الله يخليك استعيل
احمد:لا افا عليك الحين برمس غانم.. يالله بخليك الحين
ذياب: الله وياك.. شوفه وخبرني شوه بيصير.
احمد: ان شاء الله.. يالله فمان الله.
ذياب: الله وياك..
سكر عنه واتصل بغانم.
غانم:هلا والله بو شهاب علومك.
احمد: علوم الخير.. شخبارك.
غانم: الحمد لله يسرك الحال.
احمد: وين انته الحين.
غانم:في المحكمه عندي جلسه بعد ربع ساعه.ليش شوه في خاطرك؟؟
احمد:اه لا خلاص بس من تخلص تروم اتكلمني اباك في موضوع.مب واحد 2
غانم:خير ياريال تراك خوفتني ..
احمد:لا خير ان شاء الله.. بس ابا اخذ شورك في شيء.
غانم:هيه ماعليه من اخلص واطلع من المحكمه بسوي لك... اووه بعد فاطمه عندها موعد في المستشفى.
احمد:موعد شوووه؟؟
غانم:مال الحمل..
احمد:اووووه مبروووووك ومن متى هيه حامل.
غانم:شوه اونك ما تعرف. وبعدين انته شوه تبابها من متى هي حامل
احمد:ههههههه ان شاء الله الشيخ اسمحلنا.
غانم:لا تعيدها مره ثانيه ولا تراني بكنسلك
احمد:اقووووول لا اتصدق عمرك وايد.. شوه بعد يهمني ما يهمني.. عافانا الله ما تبى حد يبارك لك.مره ثانيه
غانم:ههههههههههههههه شفت عاد..
احمد: انزين بسألك بشرط ما تحرج.
غانم:أسأل.؟
احمد: ولد ولا بنت.. ولا توأم ولا واحد بس..؟
غانم:بالله عليك هذا الحين سؤال واحد.؟. متأكد انته.؟.
احمد:ههههههههه يقولك كل الطرق تؤدي الى روما المهم بيي الولد ولا لاااااا؟؟
غانم:الله العالم بعدنا ما نعرف.. بس الي نعرفه انه جنين واحد
احمد: ان شاء الله اييك احمد...
غانم:نعم. احمد واحد مكفني ومطلع الشيب من راسي وين احمدين.. لا يابويه انته من تعرس بغزلانك هاتو غانم.
احمد:هههه لا يابويه قرقوش واحد يكفي في العايله مانبا اثنينه وهي امبونها الا غزلان بتتحمل احمد وبس عليها.
غانم:ههههه يعني اتعرف عمرك.
احمد:عيل منوه ما يعرف عمره بس ياريال ما اييب لها قرقوش ثنينه يكفي حضرت جنابك طال عمرك.
غانم:عنه الله تك انا قرقوش..الحين
احمد: وانته منوه تتحراني اقصد . هه اقصد عمري.. لا بسم الله عليه انا مب متسلط ولا شيء.
غانم:عنه الله تك.
احمد:ههههه لحضه غانم فديتك. نعم .
مازن:الرقيب عبدلله يباك في المكتب..
احمد:ان شاء الله.. يالله غانم بخليك الحين.
غانم:خلاص عيل من اطلع من المحكمه بتصل فيك ولا بطرش لك مسج يمكن يكون عندك شغل.

..عجيد الريم..
16-05-2009, 10:26 PM
احمد:مايبى يخسر عمره.
غانم:هههههههه لازم عندي عايله اصرف عليها.. مش مثل بعض الناس عزابيه.
احمد:هههههه طال عمرك فتره بسيطه بس بنكون عزابيه.. يالله مافيه عليه بيحرج .. هذا امبونه ملبق.. يالله برمسك خلاف.
غانم:ههههههه اوكي الله وياك.
سكر عنه وسار عند الرقيب وقعد وياه حول الساعه.
ومن طلع غانم من المحكمه اتصل بأحمد. الي كان مشغووول لين قمه راسه.
احمد: هلا غانم..
غانم:اهلين اشحالك.
احمد: الحمد لله . بس حالي الحين زقت..
غانم:افا ليش عاد.
احمد:عندي ستين الف شغله لازم يخلصن الحين. وهذا غير البلاوي الي على المكتب الي لين الحين محد ياهن.
غانم: وحمد وين عنك.؟
احمد:هع حمد سار بوظبي فيه قضيه اهناك.
غانم:ايوا
احمد:علومك غانم.
غانم: طيبه بس تراك انته الي بغيتني شوه في خاطرك.؟
احمد:انااااا؟؟؟ ليش؟؟
غانم: شو دراني بك..؟؟
احمد: اوووووه تعال والله نسيت. حسبيه الله ونعم الوكيل كله من ها العبدالله. انزين انا الحين لا مجمع ولا شيء اقدر ارمسك بعد ما اطلع من الدوام.؟.
غانم:ههه ماعليه مب مشكله.. تعال مب اليوم عرس قوم حمدان
احمد:والخيبه تخيب العدووو .. نسيته .. اف بمووووت مضغوووط لين قمه راسي. والله احس عمري من كثر الضغط اليوم عادي اصيح.
غانم:ههههههه احمد يصيح.. والله كبيره..
احمد:هه.. لا اتصدق عاد انته.. الا تعال انتي بتي العرس صح.؟
غانم:هيه بيي ان شاء الله. بطلع بعد العصر..
احمد:ياحيك عيل برمسك خلاف عيل.
غانم:ههه الي اتشوفه. يالله بروح حق عيالي.
احمد:ههههههه الله وياك اخويه... من يسمع عياله.. الا سكنيتين..
غانم:ههه لو سمحت.. هذيلا ملايكه.
احمد:هههه قالوها السبال في عين امه غزال.
غانم:نعم نعم.!!.
احمد:هيه صدق الحين بالله عليك السباله مااتشوف ولدها احلى واحد.
غانم: انزين.
احمد:بس..
غانم:اقوووووول بو شهاب شوه رايك اتجابل شغلك احسن
احمد:هههههههههههه ان شاء الله فالك طيب ..ههههههه
غانم:ماعليه بقولهم وبخليهن هن يتفاهمن وياك.
احمد: هههههه وشوه بيسون.. بينضربن لين يقولن توبه.
غانم:ها الي قاصر اتمد ايدك على بناتي.. والله ان مديت يديك عليهن.. لافجهن على عيالك واخليهم يتقاضن منهم..
احمد:آآهه خلهم اييون قبل يا غانم انزين عيل بخليك الحين بجابل ها البلاوي..
غانم: برايك بس من تفضى كلمني.
احمد: اوجي يالله عيل بخليك.
غانم:الله وياك.
سكر عنه وقعد احمد يكمل شغله ولا خلص لين انتهى الدوام وسلم التقارير كلهن الي طالبنهن الرقيب عبدالله.وطلع من الدوام
ومن طلع اتذكر غانم واتصل به..
غانم:هلا بوووشهاب.
احمد: اهلين بو شوق ولا غلا؟
غانم:هه الي تباه.. علومك.
احمد: علوم الخير.. وين دارك..
غانم: والله في البيت .بتخبرك شوه مشكلتك اليوم؟
احمد:غانم بتكلم وياك بصراحه.. امم تحيد يوم قالك فهد يباك اتسير وياه دبي؟؟
غانم:هيه بس ماسرت وياه يتني شغله وبعدين يينا العين وصار الفلم الهندي مال مريم ومبارك.
احمد:انزين تعرف ليش كان يباك اتسير وياه دبي..؟
غانم:هيه ادري.. علشان اسوي لهم عقد بينه وبين ريال يبون يسسون وكاله سيارات.
احمد: ووسويت لهم العقد ولا بعدك..؟؟
غانم:لا ماسويته بعدني كنت مشغول.
احمد:يايحيك والله.. لا اتسويه غانم لهم..
غانم:وليش عاد؟؟
احمد: اسمع غانم تعرف ذياب بن.. ؟
غانم:منوه ذياب؟؟
احمد:ذياب ماغيره الي يشتغل في مطار دبي.
غانم:هييه المدير الي خلص موضوع هند.
احمد:آآهه ماغيره هووه..
غانم:شوه بلاه؟؟
احمد:اليوم رمسني وقال شيء الصراحه ما اتطمنت منه؟
غانم: شوه هوو؟
احمد: قبل ما اقولك الريال الي ويا فهد اسمه عيسى بن..
غانم:هيه ليش؟؟

..عجيد الريم..
16-05-2009, 10:27 PM
احمد:ايوا. اقولك سوالي ذياب يتخبرني منوه من خواني في دبي ويوم قلت له محد قالي انه شاف حد منهم اهناك قلت له انه فهد ساير اهناك عنده مشروع وقالي انه الريال الي ويا فهد تراه مب اوكي. ريال راعي مشاكل وايد وعادي يبلى اخوك ببلوه الله العالم كيف بيطلع منها.
غانم:كيـــــــف وليش عاد الريال شوه فيه..؟؟
احمد:الريال دومه في مشاكل ويقولي انه دوم مسويلهم مشاكل في المطار شحن ما شحن. يعني افهمها بروحك.. عادي يسوي مشكله ويعق فهد فيها وهو يطلع منها مثل الشعره من العييين وفهد ياكلها بروحه..
غانم:انزين ذياب هذا متأكد انه نفس ها الريال هوه الي ويا فهد يمكن تشابه اسماء بس..
احمد:لا قالي نفس الريال حتى انه شافهم ظاهرين من الفندق رباعه .
غانم:الفندق وليش عاد؟؟
احمد:ما ادري بخوك. والله ياغانم الخوف انهم شيء مسوين
غانم:لا ما اظن فهد ما يسويها.
احمد:مب فهد يسويها الا البليه الي عنده..
غانم:انا بشوف فهد اليوم.
احمد: لا صبر قلت لذياب اليوم أيي العرس وينحاول نسحب من فهد بالسوالف عن المشروع ومن اييب طاري الريال بنخلي ذياب هوه يرمسه. مب حلوه نحن انقوله شوه الصح من الغلط؟
غانم:هيه بس الخوف انه متورط وخلاف ما بينفع ياريت وياريت
احمد:غانم لو هوه متورط وانته الحين دريت شوه بتسوي الحين خلها لين فليل ومن يرمس هوه بنخلي ذياب يخبره. واذا متورط بيرمس روحه وبيقول. بس مب حلوه تي منا جذيه.
غانم: الي اتشوفه يا احمد بس تراه عليك بتكون المسؤليه.
احمد:ماعليك انته.. يا الله انا وصلت البيت وهذا حمد على خط
غانم:يالله الله وياك سلم عليه. ونتلاقي على خير ان شاء الله.
احمد:ان شاء الله يالله الله وياك.
غانم:فمان الله..
سكر عنه ورد على حمد.
احمد:هلا بوشهاب علومك.
حمد:اهلين علوم الخير شخبارك.
احمد:الحمد لله يسرك الحاااال. آآآآآآه يا حمد والله انهد حيلي من كثر اللبن اليوم.
حمد:هههههههه الله يعينك.
احمد: يعين الجميع حليلي طاحت على راسي انا بروحي. وانته مرتغد في بوظبي.
حمد:ههههه حرام عليك القضيه اهنيه متشربكه تشربيك والخوف اني ما بقدر أي اليوم العين.
احمد:افا والله والعرس.؟
حمد:والله يا احمد ما ادري شوه اسوي..
احمد:لهاي الدرجه. انزين انتو ما اتقولون الريال لقيتوه.
حمد:الريال ويانا وحققنا وياه بس ما طلعنا وياه بشي..معنا لقينا كل شيء يثبت انه متورط بالعمليه
احمد:والحل الحين.
حمد:ما ادري اوين ماحد ويايه روحي مسوي كل شيء.
احمد:جذاااااب
حمد:ادري انه جذاب ماطاع يعترف والله انه حتى الضرب ضربوه ماطاع يقول شيء .
احمد:غبي لو اعترف على ربعه بتخفف عنه الحكم اشوي.
حمد:عيل بس شوه انسوي التيس تيس لو ربطته في قصر.
احمد:ههههههه في قصر عاد.
حمد:ههههههه شوه دراني اليوم سمعتها وعلقت في بالي.
احمد:ههههههههه والله حاله..
اشوي ويسمعووووون صوت طلقه ..طاااااااااااخ
احمد:شوه هذا.؟؟
حمد:ما ادري برايك بشوف شوه الموضوع.
احمد:اوكي وخبرني خلا....طاع سكر. اصبر لين اكمل رمستيه.
طبعا حمد ما انتبه لاحمد ومن سمع الطلقه ربع لين المكتب لقا الريال الي قابضينه طايح بعد ما قتل عمره.
حمد:شوه صار..؟
عبدالله:ما واحا لنا من قلت للضابط يوديه السجن ما درينا الي وشل سلاح من الظابط وفجر راسه.
حمد:لا حول لله.وانته ليش ما فجيت المخزن عن السلاح
الضابط:سيدي والله ما كنت اعرف انه المخزن فيه طلقه
حمد:والحين شوه بتسوون.
عبدالله: والله ما ادري ياحمد.. مادري
حمد: لاحول ولا قوه الا بالله. شوه هاي المصايب
عبدالله: لازم نبلغ عنه القياده.
حمد: اكيد لازم والتفت للين الضابط. وانته بيكون وياك حساب ثاني على ها الاستهتار.
الضابط: سيدي والله ما كنت اعرف انه فيه شيء
حمد: هاي الرمسه ما بتوديك لدار. عبدالله سو الي عليكم انا ساير المكتب الحين..وبخلص الي عليه وبسير العين وبيكم باجرالصبح.
عبدالله: ان شاء الله سيدي.
حمد:يالله فمان الله.
طلع من عندهم وسار مكتبه واتصل بأحمد.
احمد:هااااه حمد شوه الي صار عندكم؟
حمد: آآه شوه اقولك التيس الضابط سلاحه مركب المخزن فيه وفيه طلقه. من امره الملازم عبدالله يودي المتهم النظاره مادرى الا وشل المتهم السلاح وفجر راسه.
احمد:اف والحين شوه بتسوون.
حمد: ما ادري الحين بيبلغون القياده وبنشوف شوه بيسون بالموضوع انا بخلص كم شغله اهنيه وبيي العين وباجر الصبح ولا يمكن اسري وارد بوظبي
احمد: ماعليه يمكن ايي وياك.
حمد: وين تي ويايه سايرين رحله نحن وبعدين الشغل الي عندك متى بتخلصه.
احمد:مب مشكله تقريبا انا مخلص كل شيء ماباقي شيء الا البسيط.
حمد:آآهه الي اتشوفه برايك هذا الرايد متصل..
احمد:اوكي الله وياك.
حمد:هلا سيدي.
الرائد حسن: مرحبا حمد.. بتخبرك شوه هذا الي سمعته
حمد: والله ياسيدي هذا الي صار.
الرائد: وهذا الضابط وينه الحين.
حمد:ما ادري وينه كان عند الملازم عبدالله.
الرائد: والريال الميت وين الحين.
حمد: اكيد بيودونه المستشفى هم بيتصرفون وياه الا سيدي بغيت اقولك اني من اخلص الشغل الي عندي بسير العين
الرائد: والقضيه الي بين ايديك.؟
حمد:سيدي الشباب الي اهنيه ما بيقصرون والحين الريال الي كان بيوصنا لربعه مات يعني الحين بنبدى من يد ويديد.. انا بسير العين اليوم ان شاء الله وان شاء الله الليله ولا باجر الصبح برد عندكم.
الرائد: هييه دامك بترد خلاص عيل.. بات الليله في العين وباجر الصبح صبح بوظبي
حمد: ان شاء الله سيدي يالله
الرائد:خلاص عيل ياحمد بخليك الحين.
حمد:الله وياك سيدي..

..عجيد الريم..
16-05-2009, 10:28 PM
سكر عنه وقعد يخلص شغله الي باقي له. وطلع صوب العين.
عند المعاريس..اتصل مبارك ب مريم الي كانت في السوق اهنيه في بوظبي..
مبارك: السلام عليكم الحب.
مريم: وعليكم السلام والرحمه. ياهلا.
مبارك: اهلين اشحالج حبيبي؟
مريم:الحمد لله اشحالك انته .
مبارك:انا كنت بخير بس الحين لاااااا
مريم: بسم الله عليك ليش؟؟
مبارك:لانج ماقلتي لي كلمه حلوه..
مريم:ههه كلمه حلوه..
مبارك:ههههههه لا مش هاي ماقلتي لي كلمه جميله
مريم:جميله.هههههههه
مبارك:ههههه مريوووووومي حرام عليج.
مريم:هااه حبيبي شوه بلاك.
مبارك:ياااااااا وييييييييل حااااااالي بموت قلتي لي حبيبي صدق.. ولا انا احلم؟
مريم:هههههه لا ما تحلم.. حبيبي انا في السوق الحين وامايه وعموه مريفه يتريني داخل المحل بسير لهن.
مبارك:حبيبي ما شبعت منج.
مريم:ولا انا حبيبي بس فديتك يتريني
مبارك:اف انزين حياتي متى بتردن العين بسكن من يومين في بوظبي..
مريم:هه والله ما ادري يمكن اليوم المسى انرد العين.
مبارك:اليوم؟؟ ماعليه بنصبر شوه عليه.. يالله عيل دامج ماتبين اتكلميني بجابل شغلي
مريم:هههههه فديتك ياربي. انته تعرف ليش ما اقدر اكلمك
مبارك:ماعليه بنتحمل شوه بنسوي.. ماشيء باقي غير شهر.
مريم:خوفتني.. ماشيء باقي وقت..
مبارك: طاعو هاي انا اقولها بصبر عمري على ها الشهر وهي اتقول ماشي وقت. والله برتكب جريمه فيج.
مريم:ههههه اهون عليك..
مبارك:لا والله بس الظاهر جيه بسوي وبقتل عمري بعدج. لانه حياتي بدونج مالها حلاه.
مريم:هه فديتك ياربي.. اتصدق مبارك حسيت حتى انا حياتي صارت غير بوجودك فيها..
مبارك:كيف صارت مريم؟؟
مريم: ما ادري والله بس اكيد صارت حياتي احلى وابا اعيشها لحضه بلحضه..
مبارك: اوعدج حبيبي بعيشج بسعاده طووووول ما انتي عايشه.
مريم: وانا اوعدك اكوون الي تباها في حياتك.
مبارك:ياااا ويلي.. مريم خلاص ما اروووم اصبر ما نبى عرس ملجه وملجنا خلاص تعالن بيتنا.
مريم:ههههه حرام عليك وتعب امايه وعموه مريفه كل يوم وهن يرابعن مكان يضيع هدر.. حرام حبيبي يالله اصبر ماشيء باقي.. ويييه والله احسهن حرجن بروح الهن باااااي حياتي.
مبارك:هههه باي ياعمري يوم تفضين كلميني.
مريم:ان شاء الله يالله باي.
سكرت عنه هاي حياتهم كل يوم يرمسون بعض متى مالقو وقت فراغ.
عند العرووس الي مرتبكه واتصيح. وهاي المره الخامسه الي يعدولون لها مكياجها كل ما تخلص لها الكوافيره الميكاب اتصيح مريم واتخرب المكياج.. مب قادره تتخيل انها بتخلي اهلها وبتسير دبي عنهم..
عويش: مريووووم حبيبي رحمي عمرج من الي قاعده اتسوينه الحين تبينا انهدي امايه ولا انتي.. امايه اتصيح من صوب وانتي من صووب.. حرام عليج بعدين راعيه الصالون عندها عروس ثانيه في بوظبي حرام عليج.. كم مره عدلت لج المكياج
مريم:م.اروووم عوي...ش ما اقد..ر
عويش: ماعليه حبيبي فطيم وسلامه كانن قبلج ما سون مثلج وبعدين كلهن سافرن وانتي تدرين انه سلامه كانت تدري انه سفرها بيطول.. يعني مش مثلكم.. فديتج مريوم هدي اعصابج اشوي..ديمه هاتي لها كوب ماي.بتشربين الماي وبتهدين الحين الحين وبيعدلوون المكياج الي ساح اوكي.
مريم:او..كي..
سارت ديمه ويابت الماي ومن شربته مريم وهدت اشوي . حتى بدت وياها دولي وعدلت لها المكياج. ومن خلصت ميكاج يتها المصوره وصورتها بروحها. في الميلس وخلاف دخلو عليها المعرس عبيد واتصور وياها.وطبعا لانه عبيد وياها قبضت عمرها اشوي لانه يعرفها وكان يرمسها في التلفون وهداها اشوي وجوده.. ومن خلصو تصوير ياها حمدان وشلها هوه وعويش الكوشه.. وطبعا البنات كلهن سارن اهناك من خلصت مريم مكياج وقعدن ينظمن ويا خوات المعرس القاعه..
وعند حمد وعيال عمه.. حمد توه واصل العين حتى انه ما سار بيتهم لبس من ثياب احمد. وسار ويا عيال عمه العرس وذياب كان توه واصل العين. ومن اتصل فيه احمد وقالهم انه توه واصل العين أخرو لين وصل دون العوهه ومن دخل حدود هيلي اسرعو ووصلو رباعه. وطبعا فهد كان وياهم.. دخلو كلهم داخل ولقو حمدان ويا الدكتور محمد ورامس.. مشكله يوم اتناسب ناس مايفجون عنك((.حمدان يرمس عمره.)). سلمو عليهم. ويلسو رباعه يسلمون على الرياييل.. ومن بدى الزريفه بدت الشطه عندهم.. ودخلو ايولون خذولهم لفتين وردو داخل..
ذياب: اف حر اليوم..؟؟
حمد:هيه والله انه حر.. حاس عمري وصخ.من الخاطر.اليوم.
احمد:هه الا اليوم حاس انك وصخ انا اشوفك كل يوم وصخ.
حمد:لا والله.
فهد:ههههههه حليلك وانا اقول احمد ليش يرد البيت متنرفز ثره من الريحه آخيه عليك ماعندكم ماي في البيت.
حمد:طااااعو من يرمس اقووول مب جنك انته الي اتجابل العمال 24 ساعه ويالس وياهم لدرجه انك لو اتسبحت في اليوم 10 مرات ما ينفع السبوح فيك..
الكل ضحك عليه.
فهد:ماعليه الحين من اخلص مشروعي وافتك من ها الشيبه الي يابلي الشيب ما بتقولون جيه..

..عجيد الريم..
16-05-2009, 10:29 PM
احمد وحمد وذياب تمو يطالعون بعض
ذياب : سلامي عليك.. الا أي مشروع فهد قولنا يمكن ندخل وياك .. انا عن نفسي عيزت من دوام المطار..
فهد:ياخي تعال انته الي تفهم يكفي انك من دبي.. تعال انا بقولك هذا الله يسلمك افكر انا نفتح وكاله سيارات.وبيكون موقعنا حاليا في دبي
ذياب:حلو بس من وين بتمولون المشروع ومن وين بتيبون السياير اهنيه الي في الدار غاليات ولا بتيبونهن من عمان؟؟
فهد:لااا مب من اهنيه مب خليجيات بنيب المانيات. ريال يعرفه حمدان هوه الي بيب لنا السياير واحنا علينا الدفع بعد ما نتأكد منهن .
ذياب: انتو؟؟ من وياك؟؟
فهد: ريال من دبي.
ذياب:حلو بس تعرف كم بيكلفكم ها المشروع.
فهد: لا ماعليك عيسى بيقدر له. وبعدين بيبي وبينه الموضوع.
ذياب:انزين والجمارك والشحن سالفه طويله هاي الحين لو أي ريال ياب له سياره من برا تاخذ على الاقل شهر ولا شهرين لين تدخل الدوله وين انتو بتيبون سياير .
فهد:لا ماعليك عيسى عنده ناس وبيخلصون الموضوع بسرعه.
ذياب:ههه مافيه حيله ها العيسى ياخي عرفنا عليه عندي سياره طالبنها من برا وقالو لي يبالها شهرين وشوي لين ايبونها اهنيه.لا يغرك نحن نشتغل في المطار بنكون غير عن الباقين حالنا من حالكم اذا ما كان اردي بعد.
فهد:هههههه لا ياريال امم تعرف انته عطني رقم الطلب ونا بشوف لك الموضوع وياه.
ذياب: ويا من؟
فهد:عيسى.
ذياب:عيسى بن من؟؟
فهد:عيسى بن ....... تعرفه اكيد اتعرفه.. صح.
ذياب:انا والهلا انته مالقيت الا هذا الريال.
فهد انصدم: ليش شوه فيه ريال ونعم الساع فيه.
أحمد وغانم وحمد يصرطون ريجهم ويتريون الاحداث الي بتصير
ذياب:يخسي الا هوه ريال ونعم .. الا قول والعثره.
فهد: ذياب شوه بلاك عليه.؟؟
ذياب:تعال المطار وبتشوف بلاويه.. ابويه هذا مورط الكباريه وياه وين انته.
فهد: مورط؟؟ كيف يعني.؟؟
ذياب: هيه مورطنهم ايب شحنات ويدخلهن في السوق السودا ياما اتمشكلنا وياه.. في المطار بشحناته بس شوه انقول ما انروم نرمس.
فهد: وليش عاد.
ذياب:ليش .. اقول خلها على ربك.. بس.. تبى تعرف اكثر تعالي المطار وبراويك البلاوي الي عندي عليه.. نصيحه مني فهد ابعد عنه احسن لك. بتظمن عمرك.. ما استبعد خلاف القاك في السجن بسبته. ابعد تسلم. ياما ناس دخلو السجن بسبته.وانا اعرف ريال دخل صفقه وياه ومن خسروها انحبس هو والريال وياه. هو ماكمل 12 ساعه والريال كمل له 3 شهور محبوس.
فهد:اف. معقوله.؟؟
احمد: من وين تعرفه فهد. انته ها الريال.؟
فهد:انا ابوني ما اعرفه ريال عرفني عليه.وقالي انه يدعم المشاريع الصغيره.
حمد:هع حليله يبى يسوي خير للناس.
احمد:هه هيه واضح لدرجه انه عق الريال في السجن ولا سأل عنه.
ذياب:لا معروف عيسى انه راعي مشاكل.
فهد: انزين لو طلع كلامك صح كيف بطلع من الموضوع؟
غانم:ماشي صار امبينكم أي عقود مافيها شيء ان قلت له خلاص انك هونت من المشروع.
فهد:غانم شوه هونت لعب عيال هوه البارحه مشتط فيه واليوم هونت عنه ما يصير.
احمد:لا يصير عيل تبى تبلي عمرك ويوم بتلقى عمرك في السجن ما بتقول لعب عيال ولا يهال
حمد:ههههه شو فرقت الحين احمد بين لعب عيال ولا يهال.
احمد:الي هيه.. المهم على الوزن والقافيه خخ.
غانم وذياب:ههههههههههههه
يوهم علي ومطر الي كانو توهم واصلين من بوظبي.
على ومطر:السلام عليكم.
الكل: وعليكم السلام والرحمه.
علي:هاا اشوفكم اهنيه وحمدان ونسابته شادين حيلهم اهناك.
حمد:ههههه حليلهم خلهم يكدون تراه عرسهم.
غانم:عيل . باجر من يعرسون الشباب رباعه بنقوم بالواجب.
ذياب طالع احمد . الي ابتسم له. عرف انه يفكر بموضوع هند.
حمد:هه انا بسير له بشوفهم اذا يبون شيء.
احمد:روووووح يقولك صير نسيب ولاتصير ولد عم..
حمد:عيل ان مابريت لهل حرمتيه ببر لمن؟
الكل:ههههههههههههههههههههههههههه
احمد:هههههه من يسمعك ياحمد يقول خلاص خلصتو انته الا خطبه وبعدكم ماسويتو شيء.
حمد:هع شوه انسوي كل مره يطلع لهم شيء. الحين خلاص من يخلص ها العرس بسحب العيوز وبخليها تيهم واترمسهم خلاص طفرت.
احمد:هههههه افا عليك انا برمسهم جان تبى.
حمد:لا مشكور بوشهاب. عندي عيوزي وبتقوم بالواجب.
احمد:مثل ما تبى بس حبيت اعرض لك خدماتي يعني.
حمد:خدماتك خلها لك.. مافيه العيوز تجلب عليه. والله لاتيني حلفه انها ما تزر..
الكل:هههههههههههههههههههههههه
سارعنهم حمد ولقى حمدان يعابل العشى. وقعد يعابل وياه. واشوي االا وايون عيال عمه ويعابلون وياه.ومن خلصو ترتيب العشا ودخلو الريايل يتعشون. الفرقه اشتغلت. ويالله الكل دخل اييول.. ومن يت الساعه 10 بيدخلون المعرس على العروس اسأذن منهم المعرس وشل حمدان وياه. بيدخلون على الحرمات.. حمد وعيال عمه استأذنو وسارو بيوتهم وراهم نشه باجر الدوامات.
دخلو المعرس على العروس. وطبعا الحرمات كلهن اتغشن الا خوات المعرس..والعروس لانه المعرس يصير ولد عمهن.. دخلو ويالو اشوي ودخل ابو المعرس وابو العروس وخليفه ويالو كلهم رباعه.

..عجيد الريم..
16-05-2009, 10:29 PM
عويش من شافتهم جيه اتيب الكمرا واتصور ..اليواله. ومنيه عينها على الشاشه الي كانت بعدها تعرض يواله الشباب وطبعا المزيون حمد في نصهم. سلامه من شافتها يت صوبها .
سلامه:اييييه السباله اليواله اهنيه مب على الشاشه شوه قاعده اتصورين انتي الحين.
عويش:شوه.. اصور مريم بعد اصور منوه..؟؟.
سلامه:لا والله رجعي الكمرا لورا وطالعي شوه صورتي .. انتي كنتي اتصورين الحرمات الي قاعدات عدال الكوشه.
عويش:جذابه.!!
سلامه:ههههههه لا مب جذابه طالعي وين اتوجيهن الكمرا.
تمت اطالع عويش الكمرا فعلا كانت اتصور الحرمات وهن يتعشن.ههه
عويش:كله منه..
سلامه:هههههههه حليله شوه ذنبه. الريال قاعد ايول ويا ربعه.انتي الي سرتي له مب هوه.
عويش:آآآآآآه يا سلامه خلاص تعبت.
سلامه:يا ويلي عليج. خلاص هانت عويش ان شاء الله بعد العرس تنفج عقدتج
عويش:آمين ربي يسمع منج..
في ها الاثناء موزه ام حمد ما خوزت عينها عن عويش ومن شافت يدتها يالسه روحها اتصفق للويله سارت لها وقعدت عدالها.. عذيجه من شافتها قعدت هاديه تتريا الي بييها من موزه.
موزه: يعله مبروووك عليكم.
عذيجه: الله يبارك فيج عقبال عيالكم يارب.
موزه: ومن يقول عسى. الا بتخبرج ام محمد عويش بنتكم حد رامس فيها؟؟.
عذيجه:امبونه ولد عمها محيرنها والحين مابغاها طلع معرس في بوظبي
موزه:واخيبتيه يوم انه معرس اشله معلق البنيه وياه من قبل عيل.؟
عذيجه:مسود الويه بالسر ماخذنها هذيج.
موزه:لا حول من بني ها الايام كيف يرضن على عمارهن العثره
عذيجه:عيل العبت براسه وخلته ياخذها ولا يايب منها بنت.
موزه:بعد؟؟
عذيجه:هيه والله . وربج ستر قبل الملجه بيوم واحد عرفنا بالسالفه.ياغير شوه بنقول هي بنتنا وهو بعد ولدنا..
موزه:لاالله صدق..الا يعني الحين محد رامس فيها.
عذيجه:لين الحين لاااااا ان شاء الله مثل ما اخلصن خواتها بييها نصيبها.
موزه:ان شاء الله. الا بغيت اقولج اني ادور حرمه لولديه حمد وجان بتقربون لنا ترانا من باجر عندكم.. والريال يبى يعرس بسرعه عيال عمه بيعرسون جماعي ويبى يعرس وياهم. شوه قلتو؟؟
عذيجه: ونعم الساع فيكم يا ام خالد. والبنت بنتكم ياغير بعدني بشاور اهلها وبنرد عليكم.. وحمد ولدنا من يوم هو ياهل امبونه ويا حمدان.
موزه:نعم نعم..ماعليه انتو اتشاورو وردو علينا
عذيجه: ان شاء الله.. ويعله ان شاء الله مبروووووووك عليكم.
موزه: ومن يقول عسى يارب..
عذيجه:آمين وياكم.
موزه:هه هذاه متصل فيه يبانا نسري يالله انسلم عليج عيل.
عذيجه:الله يسلمج. سلمي عليه وايد.
موزه:يبلغ ان شاء الله.. الو هلا حمد.

..عجيد الريم..
16-05-2009, 10:30 PM
حمد:بتخبرج بتباتين اهنيه انتي شووه تعباااان ابا ارقد.
موزه: لا حول انزين يايه حشى يالله تعال عند الباب مايرز عليك كلتني..
حمد:هيه مب انتي وراج مغباش بوظبي باجر.
موزه: والله محد قالك تدخل الشرطه.
حمد:هع عيل وين تبيني ادخل الطب مثلا..
موزه: يااااااريت على الاقل بيسموني ام الدكتور الفلاني.طالع حرمه عمك الا ام الدكتور الفلاني ولا ام المحامي الفلاني
حمد:اقوووووول امايه تراني عند الباب تعالي بسرعه.
موزه:ههه يالله يايه ايييييه يا حمد لو تعرف الي شفته الحين ما بتقول تعالي بسرعه.
حمد اتبريد: ليش شوه شفتي؟
موزه:شووووه غزاااااااال ماشاء الله عليها.. بس ياخساره طلعت مخطوووووبه.
حمد:اذا مب عويش ماباها.
موزه:يالله بالستر وانته اشدراك بعويش بعد.
حمد:هع بعد ربج ان ما دريت عن خطيبتيه منوه بيدي.
موزه:مسود الويه اشدارك بها.
حمد:لا مسود الويه ولا مزرق الويه تعالي وبعدين بخبرج يالله يالحرمات كيف تفكيرهن وصخ..
موزه: شووهه.
حمد:امايه ليش تحبين ترمسن وايد تعالي السياره وبعدين بتعرفين كل شيء تعالي انا اشووووووفج السياره يمينج.. ياحافظ على الغشوه انا..
موزه:شوه بعد تراني متغشيه. اكثر عن جذيه بطيح.
حمد: يامكر العيايز .. بطيحينه.. حليلج
موزه:يالله سكر وفكني من حشرتك.
حمد:هههههه يالله باي.
سكر عنها ويت ركبت عنده ومن ركبت فجت الغشوه.
حمد:اييييه ردي اتغشي وين يايه انتي.
موزه:اشبلاك.
حمد:امايه سيارتيه بلا مخفي حرام عليج مافيه على الفضايح. اتغشي..
موزه:لا حول كلتنيه انزييييين وانته اشله ما اتركب لها مخفي
حمد:كيفي علشان البنات يشوفني .
موزه: مسود الويه يوم انك بعدك تلعب اشله تباني اخطب لك بنات الناس.علشان اتلعوزها حليلها.
حمد:انتي طعتي تخطيب لي.. عيال عمي كلهم اخلصو الا نحن الي بعدنا ماسوينا شيء.
موزه:منوه قالك ما سوينا شيء.كل شيء جاهز.. المياره مشرايه والذهب بعد مشرياي. والحرمه اليوم ولا باجر بيرمسونها شوه بعد.
حمد:ول ول متى خلصتو كل هذا.
موزه:شوه تتحسب كنا نلعب نحن. انته اصلا من رمست ابوك عنهم سرت وياه واشترينا كل شيء. وما بقالنا الا المياره سار ابوك امس واشتراها.. وتوني مرسمه يدتها ورحبت بنا.. والليله بتشاور عيالها وباجر ولا الي عقبه بيردون علينا.موافقين ولا لا
حمد:ها الي قاصر يردونا بعد.
موزه:ههه ان شاء الله ما بيردونا.. بسكم عاد نبى انشوف عيالكم.
حمد:افا عليج لاترس لج البيت عيال.
موزه:ههه ماعليه بنشوف ياحمد..
حمد:هههههههه
نهايه البارت..

ياترااا شوه بيصير في الي ياااااااي.. موزه اخيرا خطبت عويش من يدتها. تقربيا شبه رسمي وهم شارين كل شيء ومجهزينه. وفهد شوه بيصير له مع ها العيسى راعي البلاوي ..
وذياب متى بيتلحلح احمد وبيرمس اهله عنه..
وحمدان شوه مصير مع منيره. كله هذا بيتعرفونه في الاجزاء اليايه.. ترقبووونا قريباً دعايه سبيس توون.هع

بنوووووتـﮧ
17-05-2009, 12:52 AM
==

هههههههههههه واخيرا ً يا " حمد " حليلك من بعد عناء
الله يوفقك يا " فهد "
ويسهل علي حمدان وذياب ^^
يعطيج العافيه ونتريا البقيه

==

..عجيد الريم..
17-05-2009, 01:15 AM
ههههههههه شفتي عاااااااد بعد شووووووووه

مشكوره بنووووته على المروور.

lady oscar
17-05-2009, 01:34 AM
واخيرا بافرح بهنوده

عقبال ماافرح بمحبه خواتها لها واخوانها
\
مشكوره خيتوه وربي يسهل امورج

غموووض
17-05-2009, 02:43 AM
تسلمين اختي على البارت الحلو
كنت اتمنى يكون العرس الجماعي في هالبارت
لكن بننتظره ان شاء الله
الله يعطيج العافيه اختي

..عجيد الريم..
17-05-2009, 10:39 AM
آمين ياليدي اوسكار.

غموووض.. والله لين الحين البارت هذا بعدنه ماخلص.. في بعض الفقرات الناقصه بخلصهن وبعدين بتفيق على رواق على بارت العرس.. مشكورات خواتي على المتابعه..

صديقه
17-05-2009, 11:41 AM
جار الانتظار ...............................

ذبحني الح ـلا
17-05-2009, 10:48 PM
مبروووك حمدالخطوبة >> عقبال ما نفرح فيه معرس

فهد يحليله ما تهنى في هالمشرووع >>> الله يفكه منه على خير

وبانتظار العرس الجماعي

وبانتظار البارت القادم على أحر من الجمر

يعطيج العافية عجيدووو

السولعيه الحلوه
17-05-2009, 11:06 PM
واخيرا طاحت الحيه عن حمد وما باقي غير يملج بس الله يسعدهم والا يعكر عليهم شي...

فهد اتوقع انه ما وقع شي رسمي مع الزفت عيسى الله يكفيه شره وبلاويه عنه....

ذياب اتوقع احمد بيرمس غانم بعد العرس عنه وبيملج على هنوده بعد ما يرد فارس من السفر عشان عرسه...

حمدان ومنيره اخر العشاق الله يجمع ما بينهم ....

ومشكوووووووووووووووووووره الغلا على البارت الترتوب و تسلم يمناج عليه...

ونترياج في بارتات يديده على ناااااااااااااار(*_^)

صديقه
20-05-2009, 10:29 AM
صار لي 3 ايام انتظر حــــــــــــــــــرام ابا الباقي بليييييييييييييييييييييييييييييييييييز

..عجيد الريم..
20-05-2009, 11:33 AM
هههههههه سوري بس لاني انشغلت بفتره الامتحانات تدريس ماتدريس.. سوري اليوم المسى بنزل البارت..
وبعد لاني مسيفتنها في لابي.. والحين قاعده استخدم لاب ثاني.. سوري من الجميع..

..عجيد الريم..
21-05-2009, 11:09 AM
البارت الرابع والعشرون..
مايصير انساك لا مايصير *** في خفوقي لك محبه واحترام
قبلك الدنيا مثل حلم صغير *** وعقبك الدنيا غرام في غرام
انت مثل النور في عين الضرير*** لالمحتك مابقى حولي ظلام
فيك عمري فيك روحي والمصير ***فيك كل ايام عمري والسلام

احمد كان توه واصل البيت وتلفونه مخلنه على السايلنت.. وغزلان كانت تتصل فيه من امس ولا يرد عليها.
غزلان:اف ماصارت هااااااااي من امس اتصل عليه ولا يرد عليه.
العنود: وليش عاد ما يرد عليج.؟
غزلان:اونه زعلان
العنود:زعلان ليش؟؟
غزلان:سمعي السالفه..
وخبرتها بكل شيء ومن خلصت .. قالت لها. اتخيلي يغار من شخص ميت العنوووووود شوه اسوي قولي لي لي..؟
العنود:ااها ..غزلان سمعي احمد يحبج. واكيد بيغار عليج من أي حد..بعد!!
غزلان:ما اختلفنا فيها العنود اانا بعد احبه. واغار عليه بس انه يغار من شخص ميت هاي الي قويه.. بعدين انتي آكثر وحده تعرف كيف علاقتيه كانت مع عيسى.. !!
العنود:بس احمد ما يعرف.. شوفي مالج الا انج تشرحين له الموضوع.؟؟
غزلان:ليش هو عطاني فرصه اني اتكلم وياه.. ومن سكر في ويهي هذاك اليوم ومب طايع يرد عليه. اتكابرت عليه اول شيء بس بعدين ماقدرت. عنادي أخاف اخسره.؟؟
العنود:لا ان شاء الله شوه تخسرينه . شوه هاي الرمسه غزلان بعدين يمكن مشغووووول شوه دراج انتي.؟
غزلان:مشغول عني ثلاث ايام والله قويه عنادي.!!
العنود: ما ادري والله . تبيني ارمس فارس فيه.؟؟
غزلان:لاااا مافيه تكبر المشكله.. اصلا هوه ما يتحمل شيء وين ادخل اخوانه في الموضوع والله لاتصير سالفه كبيره.
العنود:عيل شوه بتسوين؟؟
غزلان:والله ما ادري.....هذا عنادي. هوه متصل دعواتج لي.
العنود: ههههههه ربي يوفقكم وتصلح الامور الي بينكم..
غزلان:آمين ربي يسمع منج. يالله.آلوو مرحبا.
احمد:هلا.اشحالج.؟
غزلان:بخي.ر ربي يسلمك.. ومن صوبك؟؟
احمد:آآهه الحمد لله يسرج الحال .. اتصلتي فيه اكثر من عشر مرات. تلفوني كان سايلنت سوري..
غزلان:اها لا عادي بس خوفتني الصراحه ماعرفت شوه الي ياك.
احمد:اها. لا الحمد لله انا بخير.. الا ماقلتي لي خلصتو تفصيل الفستان ولا بعدج!!
غزلان:لا بعدنا بس اخترت الديزاين الي ابغيه. احمد ممكن اعرف ليش اتكلمني جذيه.؟؟
احمد: كيف ارمسج جذيه بعد؟؟ تراني ارمس عادي..
غزلان:لا انته ما ترمس عادي انته ترمس من طرف خشمك.
احمد:كيف ارمس من طرف خشمي بعد.. غزلان انا تعبان توني ياي من العرس ومصدع تبين تتهادين سيري اتهادي مع أي واحد ثاني مافيه.اانا
غزلان:احمد انا مابا اتهاد وياك انا ابا اعرف شوه الي فيك.. متغير عليه. من يومين لا تتصل فيه ولا شيء . ويوم اتصل ما اترد عليه. يعني الحين تباني اصدق انه تلفونك من ثلاث ايام على السايلنت وانته ما انتبهت مستحيل.؟؟
احمد:غزلان انا متصل الحين علشان انسلم على بعض واقولج تصبحين على خير علشان اناااااام مب متصل علشان اسمع محاضره .. وعلى كلام فاضي.
غزلان: الحين كلامي ... صار كلام فاضي.. ليش .... احمد عيسى ميت افهم.؟؟
احمد:عيل يوم هوووووووه ميت ليش بعدج اتهاذين به واتفكرين به. انا شوه جدامج طرطنقي . مب رياااااااااااال ولا مش مازر عينج.؟؟
غزلان:انا ماقلت شيء احمد.. وبعدين انته اتعرف انك مازر عيني . وانك اغلى انسان في حياتي؟.
احمد:هيه واضح والدليل انج لين اليوم تتذكرين ولد خالتج.
غزلان: ممكن اتكلم وما اتقاطعني.لين آخر شيء..؟؟
احمد: رمسي اسمعج..
غزلان:اممممم عيسى قبل ما يكون خطيبي كان اخويه. عيسى ربى ويانا. لين دلخت انا الثانويه وهو ويانا..من خلص الثنويه سافر برا علشان يدرس الطب.. بس من كمل سنه اهناك رجع بسبب....
احمد: بسبب شوه غزلان؟؟
غزلان: بسبتيه انا. !!
احمد:ليش ؟؟؟
غزلان:انا تعبت فجأه ويوم ودوني المستشفى وفحصوني لقو اني وحده من الكلى الي عندي ما تشتغل نهائيا والثانيه على وشك ماايها عوق الاولى.. وكانت خالوه ام عيسى اترمسه على التفلون وما انتبهت انه قاعد يسمع الي يصير..ومن عرف بالي صار خذ له اجازه ويا الامارات حتى من دون مانعرف نحن.انا دخلت المستشفى علشان يسون لي العمليه ويدورن لي متبرع اتبرعت ختيه العنود بس يوم سو الفحص مالقو تطابق بينا. شكلي انا خذت شبه من امي.. في كل شيء حتى في الكلى..
ومنيه ومناك ما لقو متبرع.. لين دخل عليهم عيسى وقالهم انه هوه الي بيتبرع.. وفعلا من فحصوه لقو تطابق امبينا.واتبرع لي بكليته..وعطوه كليته التعبانه. قالو من كليته الثانيه بتساعد عمل الكليه الاولى.. المهم تمينا فتره على ها الحاله بعد ما شفيت انا ورجعت للبيت.. وهو رجع سافر.. بعد ماكملنا شهر واوشوي. كنت ارمسه في الفون. وقالي غزلان اباج اتسامحيني على كل شيء. وانا مسامحنج على كل شيء . في البدايه ما عرفت شوه يقصد وما طاع يقولي شيء .. بعد يومين من بعد ما تميت وياه اباه يقولي شوه يقصد قالي تعالي عندي اهنيه.
وفعلا رحت له من بعد ما ذليت عمري لحرمه ابويه علشان تقنعه انا اعرف لو رحت له ما بيخليني اروووح لعيسى. المهم رحت له. ومن وصلت اتصلت به وقالي انه في المستشفى.. تحريت انه عندهم درس ولا تدريب.. بس الي اكتشفته بعدين انه هوه في المستشفى .تعبان. رحت له اهناك وقعدت وياه حول الاسبوعين وبعدين رجعنا البلاد..
احمد:لحضه لحضه شوه كان فيه .. وليش دخلوه المستشفى.؟؟
غزلان:امم عيسى ياه المرض الخبيث في الكلى.. او في الكليه التعبانه الي خذها مني..
احمد:شوووووووه..؟؟
غزلان:عرفت ليش انا متعلقه بعيسى..انا السبب بالي ياه.انا السبب.. وهوه يوم انتشر الخبر قالهم لا اتقولون انه الكليه المصابه هيه نفسها الي خذها مني .. قالهم قولو انه الاصابه يت في الكليه الاصليه له..وبعدين انتقل المرض للكليه الثانيه.
احمد:ليش قالهم جيه.؟
..

..عجيد الريم..
21-05-2009, 11:10 AM
غزلان:كان.. كان يعرف انه بيموت بسبه المرض وانه خالوه الي هيه امه مهما كانت اتحبني بتكرهني لاني عطيت ولدها كليه مصابه بالمرض الخبيث..فهمت ليش قالهم جذيه
احمد:بس انتي مالج شغل في الي صار.
غزلان:ليش مالي شغل الكليه المصابه من وين يت . مايت الا مني.انا........
احمد:هيه حبيبي بس انتي مافيج المرض.. يعني بالمعنى ثاني لو فيج المرض لاقدر الله .. بينتقل لج للكليه الثانيه الي فيج..
غزلان:لا احمد انا الكليه الي فيني بس كليه عيسى والكليه الثانيه مالها معنا لانها ما تشتغل بس الكليه الي عطيتها لعيسى كان الظاهر فيها بدايه المرض. بس ما اكتشفوه الا بعدين.ومش اهينه .للاسف..!!
احمد:اها... يعني الكليه الثانيه الي فيج مافيها شيء؟
غزلان:لاااا مافيها شيء.. رحت فحصت بعد ما اتوفى عيسى وقالو لي انه مافيها شيء .
احمد:وشوه صار بعدين؟
غزلان:ماشيء كمل عيسى شهرين في المستشفى وبعدين توفى.
احمد: وانتي كملتي حلمه.
غزلان:كان هذا اقل شيء اسويه له. من بعد ما خذت منه حياته.
احمد:لا حبيبي انتي ما خذت حياته ولا شيء...والي صار كان قدر ومكتوب.
غزلان:بس يا احمد كان بيعيش لو ما خذ كليتيه انا؟؟
احمد:مب شرط يمكن يعيش هذيج الفتره بس بيموت بسبب ثاني. يقولج تعددت الاسباب ولكن الموت واحد.. يعني لو ماعطتيه كليتج بيموت بسبب ثاني.. وانتي بعد بتموتين. صح ولا انا غلطان.
غزلان:صح. بس.
احمد:حبيبي سمعي وحطيها في راسج زين. عيسى عمره وقف مب انتي السبب بالي ياه..هذا نصيبه في الدنيا.. بعدين يكفي انه حلمه واتحقق خصوصا انج غديتي دكتوره ودرستي في نفس الكليه واشتغتي في نفس المستشفى الي كان حلمه يشتغل فيها.
غزلان:هه ومات فيها بعد.
احمد:غزلاااان بس عاااااد حبيبي لا تعذبين عمرج تراني انا بعد بتعذب .
غزلان:ههه لا لاتعذب ما بتحمل عذابك.بمووووت.
احمد:بسم الله عليج. خلينا الحين من طار الموت. الا ماقلتي لي. اليوم حبيبي تراني بزعل.
غزلان:حبيييييبي انته اتعرف انك احلى حدث في حياتي.
احمد:ياوييييييييل حالي..انا.. وانتي بعد ياعمري احلى شيء صار في حياتي كلها.
غزلان:وجان استحي.
احمد:هههههههه وجان اضحك عليج.بس يالله عاد غزلان خلصي نبى انعرس.
غزلان:هههههههه شوه اسوي ما خلص شيء بعده.
احمد:اف.امايه ما اتسير وياكن.
غزلان:فديتها ما اتقصر اذا ماقدرت اتروح كانت اتكلم العامل في التلفون ونلقى كل شيء جاهز اول ما نوصل.
احمد:لازم تراني ولدها.
غزلان:ههه يا الغروور.ياربي.
احمد:هه لازم اغتر مب احمد بن غيث..
غزلان:والنعم الساع..لازم تراني حرمه بعد.
احمد:اف يا الغياره عااااد
غزلان:هههههه بخيييييييل بعد..
احمد:هههه اكيد عيل تتحرين كل شيء بلااااااش لا طبعاً
غزلان:افا انزين انا حرمك المصون.
احمد:انزين شوه يعني عاااااادي.
غزلان:هههه لا والله. الحين انا عادي في حياتك.
احمد:لا طبعا انتي اهم شيء في حياتي.. اييه تعرفين كم الساعه الحين. الساعه وصلت 2 وربع ونا ورايه دووووام ويمكن ايي بوظبي اليوم.
غزلان:والله صدق.
احمد:هيه بس يمكن ما ايي المستشفى عندنا قضيه في المركز.
غزلان:اها.. انزين ما بتقدر اتحاول انك تي ابا اشوفك من زمان ما شفتك.
احمد:لا عيب شوه اشوفج استحي..
غزلان:ههه ليش تستحي عادي بس خمس دقايق.. ما بنطول.
احمد:لااااا عيب آخاف اهلي يدرووون بعدين بيذبحوني.
غزلان:ههههههههههه الحين المفروض الحرمه اتخاف انه اهلها يذبحونها ولا الريال يخاف.
احمد:هع يقولج العلم اتطوركل شيء صار جائز ههههههههههه
غزلان:هههههههههههههههههههههههه ايوا..دامه اتطور عيل نترياك في المستشفى ..
احمد:هه والله حبيبي ما ادري ان لقيت فرصه ان شاء الله من عيوني افا عليج وان مالقيت سمحيلي..
غزلان بصوت دلع ودلال: آحمــــــــــد

..عجيد الريم..
21-05-2009, 11:11 AM
احمد:عيون احمد روح احمد قلب احمد شوه تبين يا حياتي انتي.
غزلان بصوت هاادي:ابااااا اشوفك..
احمد: يااااااا وييييييل حالي انا.. والله غناتي بشوف ان شاء الله من اخلص من الشغل بييج.
غزلان:هيه جذيه اباااااك.. يالله الحين حبيبي بخليك ترتاح واتنام اشوي.
احمد:افا بتسكرين عني.؟؟
غزلان:والله لو الود ودي ما سكرت بس حبيبي وراك نشه ودرب بوظبي للتعبان مب حلووو..ريح انته الحين ونام لك على الاقل 6 ساعات. حياتي الحين الساعه 2 ونص
احمد:اف مساعه كانت 2 وربع والحين وصلت ونص.. ول يا الوقت كيف يخطف بسرعه..
غزلان:كله من عمر بني آدم هذا.. يالله حياتي تصبح على خير... اشوفك بكره ان شاء الله.
احمد:آآآآآآه ان شاء الله والله ما ودي اسكر.
غزلان:ههههه فديتك ياربي..
احمد:ياالله حبيبي عيل وانتي من اهله.. باي
غزلان:باي..
سكرت عنه وراااااح يرقد وماحس الا والصبح طلع.
نش واتسبح وسار الدوام . بيلاقى حمد وبيطلع وياه بوظبي..
وصل حمد الدوام وخلصو كم شغله عندهم اهناك وطلعو بوظبي وطبعا في سياره وحده.. اونهم مايبون يخسرون البترول.
حمد: الا ماقلت لي شوه بيسوي فهد الحين.؟
احمد:اممم شوه اقولك الحين .. غانم قاله انه يقول للريال انه اجل الموضوع حاليا .. وبيشوف له وقت ثاني لانه الحين اونه وايد مضغوط في شغله.. علشان ما يشك الريال بشيء واليوم بيرمسه في الموضوع.
حمد:بس ما تلاحظ انكم مستعيلين اشوي.
احمد:كيف يعني؟؟
حمد:هيه يعني البارحه كان متشجع للموضوع. واليوم يقوله والله بأجل الموضوع.. والله لو انقالي جيه بشك انه الموضوع فيه شيء..
احمد:حمد الخوف انه يتورط فهد لو تم وياه.
حمد:اوكي ماقلت شيء بس لا يطلع فجأه من الموضوع.. بين ليله وضحاها يتغير الموضوع فجأه اكيد بيشك. خله على الاقل اسبوع يماطل وياه ويتحجج بالشغل لين يقتنع الريال انه فعلا فهد مضغوووط بس مب ينط في ليله وحده ويقووووله والله مضغوط وما بقدر اكمل وياك.
احمد:والله يا حمد ما ادري.
حمد:غانم وين الحين.؟
احمد:غانم من البارحه سرى بوظبي امره بعد العرس.
حمد:اها هزرك الحين في الشغل؟
احمد:واقع..
حمد:بشوفه.
اتصل حمد بغانم الي كان توه واصل مكتبه
.(( حلو الواحد يكون مدير نفسه..هع امنيات احمد وحمد.))غانم:هلا بوشهاب.
حمد:بالمهلي اشحالك..
غانم:بخير يعلك الخير ومن صوبك.
حمد:الحمد لله يسرك الحال ولا يضرك.الا بغيت اعرف بوشوق ولا غلا المهم.. شوه بتسوون ويا فهد والريال الحين..؟
غانم:والله يابوشهاب. انا قلت له انه يتهرب منه ويتعلث بالشغل ويقوله انه الحين مضغوووووط وبيأجل الموضوع اشوي.
حمد:هيه بس غانم اذا بيقوله من الحين انه مغضووط بيشك الريال فيه.. ليش ماقال من قبل انه مشغووول يعني هوه مب قد رمسته.. وبياخذ منه موقف وعادي عوار فيه بيلعوزه في مصيبه.
غانم:لا ان شاء الله فال الله ولا فالك. والحل الحين..؟
حمد:ماشيء غير انه يكمل وياه بس يتم فهد يتشيغل بشغلات لين يحس الريال انه فعلا فهد مب فاضي.. يعني يروووم يهلك عمره بالشغل ايام واسابيع والريال لو بيخلي حد يراقبه يشوفون انه فعلا مشغووول ومب فاضي للمشرووع.
غانم:هيه بس كيف.. ؟؟؟
حمد:انا احيد انه مرات يخلون فهد يسير بوظبي علشان يشتغلون مع شركات ثانيه في بوظبي.. اوكي يسير اهناك ويشتغل عندهم لين يمل الريال منه ويقلعه. لو يت من الريال فهد بيسلم منه..
غانم:هزرك.
حمد:انا اشوف جيه.
غانم:خلاص عيل انا برمس فهد الحين وبخليه يرمس مديره انه يطرشه بوظبي يشتغل اهناك على الاقل هاي الفتره بس.. لين قبل ما يعرس.
حمد:هيه يكون احسن .وخلاف بينشغل بالعرس وما بيفضى للريال.
غانم:هيه ماشي غير جيه.. تمام بلحق عليه قبل لا يرمس الريال
حمد:ههه انزين عيل يالله بخليك شوفه ورد علينا.
غانم:ان شاء الله يالله عيل.
حمد:فمان الله.
سكر عنه واتصل بفهد الي كان في الدوام ونفسه في خشمه. متهاد ويا المدير من صباح الله خير.
غانم:اصبحنا واصبح الملك لله علومك من صباح الله خير معنطز
فهد:يااااااخي قاهرني ها المدير. اوين بنقلك بوظبي علشان افتك منك
غانم:حلوووو وها الي نباااااه. وافق على النقل.
فهد:نعم نعم!!.. وليش ان شاء الله مابا بوظبي انا مرتاح اهنيه
غانم:اسمع فهد الي بقولك اياه.
وخبره بكل شيء. ومن بدايه كلام حمد لين النهايه
غانم:هااه شوه رايك الحين.

..عجيد الريم..
21-05-2009, 11:11 AM
فهد:بس المشكله المدير يبى ينقلني نقل دايم وانا مابا بوظبي. وباجر لو عرست انا هناك ودانه اهنيه ما يصير.
غانم:هذه فاطمه اهنيه عندي في بوظبي ولا قالت شيء.. زد هاي الحين. ما بيعيبها.
فهد:فاطمه انته يوم خذتها ماكانت تدرس في الجامعه كانت متخرجه اما هاي العله توها قوم كوكو واوا توها تأسيس.ما بتطيع.
غانم:مب مشكله انقلها لاحسن جامعه في بوظبي شوه المشكله.
فهد:والله يا اخويه ما ادري ..
غانم:ماعليك منها انا بخلي فاطمه تقنعها. عادي..
فهد: الي اتشوفونه. يعني مافي غير ها الحل..
غانم:هيه تبى تسلم منه مافي غيره..
فهد:اها.. خلاص عيل. اب اب هذوه على الخط الحين.
غانم:شوف بين له انك معصب وغصبن عنك وافقت على النقله.
فهد:اوكي برايك الحين مافيه يعصب.والله من يعصب ما يشوف.
غانم:لا والله يوم انك تدري بها الشيء اشله بالش عمرك وياه.
فهد: والله انا ماباه هوه ابا الي في مخبااه.
غانم:لا والله برايك رمسه ورد عليه.
فهد:اوكي باي.
غانم:باي..
سكر عنه وحول الخط على عيسى.
فهد:هلا عيسى؟
عيسى: ويييينك ساعه لين ما اترد.؟
فهد:السموحه بس اشوي متلعوز اهنيه.
عيسى:ليش شوه صاير.؟؟
فهد:ها المدير الزفت نقلني بوظبي.. اوين انته احسن مهندس معماري عندي وابااااك تشرف على المشاريع الي هناك. اتخيل.
عيسى:واشله ما يشاورك شوه لعب عيال هوو ينقلك وين يبى. خلني عليه وعطني بس نص ساعه وانا بسنعه لك.
فهد:لا ياريال خله عنك خلاص الحين كلهم الي في بوظبي اتبلغو اني بمسك المشاريع الي هناك. ومن اوصل بيعطوني كل الخرايط ادرسهن.
عيسى: ومتى بتسير اهناك..؟
فهد:من باجر بداوم عندهم..
عيسى:اف والمشروع..
فهد:والله ياعيسى ما ادري الحين . بالي مشغلول بهاي السالفه الحين..
عيسى:ياسلام وشغلنا يتعطل يعني.
فهد: شوه بيعطله. الريال لين الحين ما رد علينا خله الحين الموضوع عنك وقولي شوه سويت من الموضوع الي كان شاغل بالك.
عيسى:أي موضوع؟
فهد:ما ادري بك من فتره قلت لي الحين في موضوع واااااايد شاغل بااااااالي مب مركز على شيء
عيسى:هااه هييه الحمد لله الموضوع انتهى خلاص.انتهى
فهد:هييه الحمد لله يالله عيل مافيه يدخلون عليه ويلقوني لا مشتغل ولا شيء. يكفي البهدله الي لقيتها على الصبح. مافيه على غيرها بعدني.
عيسى:ههههههه الله يعينك يالله عيل بخليك
فهد:اوكي الله وياك.
عيسى:باي.
سكر عنه واتصل بغانم وخبره بكل شيء,,
غانم:ياهي ورطه انزين شوه الشغله الي كانت شاغله باله من قبل.؟؟
فهد:والله ياغانم ماادري . الموضوع كان بينه وبين ريااااااال سارو بعيد عنا ورمسو ومن خلصو رجعو لنا عادي..
غانم:ايوا.. خلاص عيل انته سو مثل انا ماقلت لك وتم على ها المنوال ونا اعرف ناس في دبي بخليهم يتحرون عنه ويعرفون شوه بلاويه.
فهد: والله يا غانم بديت اخاف..
غانم:حد قالك تتورط مع ها الاشكال..
فهد:الله يسامح الي كان السبب..
غانم:المهم الحمد لله لين الحين ماصار شيء وان شاء الله مايصير..بس على الاقل بنكون منتبيهن اذا حاول يسوي شيء ولا انه بدا يسوي شيء.. يالله عيل انا بخليك ابا ارمس احمد في موضوع.
فهد:اوكي.. يالله سلم عليه عيل.
غانم:يبلغ يالله فمان الله.
فهد:الله وياك..
سكر عنه وسو لاحمد. الي كان في القسم ويا حمد يحاولون يحلون القضيه.
احمد:هلاااا بو شووق وغلا..
غانم:اهلين بشوق غزلان علومك.
احمد:الله حلو النك هذااااااا. اتصدق ههههههههههه..
غانم:هههههه الحمد لله والشكر..
احمد:هع علومك..
غانم:خخخ علوم الخير.. توه يرمسني فهد.يقولك انه مديره بينقله بوظبي..
احمد:حلوووو هذا الي كنا نباه.
غانم:المهم الريال سوا لفهد يوم كان يرمسني... وقاله انه المدير بينقله بوظبي المهم الريال احتشر وقاله عطني ربع ساعه ولا نص ساعه وانا بخليه يرد في رايه..
احمد:هيه بيبليه بمصيبه.
غانم:واقع ...المهم انه فهمه انه عادي عنده انه ايي بوظبي وقاله انه الحين باله مشغول بالنقل ويباله فتره لين ينظم اموره في بوظبي واوين الريال الي مواعدنهم بالسياير لين الحين ما خلص اموره. يعني بالمختصر اخووك بيماطل الريال علشان ما يحس بشيء.
احمد:انزين وشوه قاله؟؟
غانم:ماشيء سكت عنه الحين والله يعين لبعدين..
احمد:ياهي بلشه والحل يعني لين متى بيماطل.؟
غانم:ما ادري بس اعتقد انه فهد ما بيغلبه انه يشغل نفسه 24 في اليوم. خصوصا لو تم في المواقع بينشغل.
احمد:هيه بس الشغل يخلص في الشركات الساعه 5 خلاص.
غانم:هيه المواقع صح. بس المكاتب لااا بيشتاغل رووحه ماعليك منه ومن اتخطف هاي الفتره بيلتهي بالعرس وبنشغل عنه.

..عجيد الريم..
21-05-2009, 11:12 AM
احمد:آآآآآه متى بيي ها اليوم..؟؟
غانم:ههههههههههههه بيي لا اتخاف.. وبتتمنى اترد عزابي صدقني..
احمد:لا ما اعتقد خصوصا لو عندك وحده انته اتحبها وهيه اتحبك.
غانم:هههههه شو فرقت تراني قبلك ماخذ فاطمه عن طريق الحب.
احمد:والله..صدق؟؟
غانم:هههههه هيه شوه تتحرا.. الحب ما انخلق الا الكم..
احمد:والله اتحسب الا جيه.
غانم:لا والله.. كيف حالك انته زييييين..
احمد:ههههههههههه زين ارباااااااب..
غانم:هه والله حاله.انزين يالله خلني الحين من مشاكلكم بجابل شغلي احسن..
احمد:اش عليك مدير نفسك بروووووحك متى ما تبى اتداوم اتداوم مب مثلنا فديتناااااا.. ننكرف 24 ساعه في اليوم.
غانم:متى هوووو انكم تنكرفوووون 24 ساعه في اليوم.
احمد:هه عيل تتحراااااانا مثلك .. لدرجه الحين نحن عندكم في بوظبي في القسم.. شوه تتحرانا نلعب نحن.
غانم:اها ولا انتو في بوظبي. الحين شوه عندكم.
احمد:والله ياخويه شوه اقوووولك قضيه مشربكه فووووق حدر.. تحسبنا انا وصلنا لطرف الخيط الي بيودينا للعصابه. قام وطار من ايدينا . والحين نحاول اندور طرف خيط ثاني مالقينا. اتقوووول فص ملح وذاااااب مالهم صوووووت ولا شيء.
غانم:لهاي الدرجه.. بس كيف مسكتوو طرف الخيط الاول..
احمد:امم شوه اقولك كنا شاكين بريال. انه متعامل مع عصابه بس لين الحين ما نعرف شيء عن العصابه بس انه عندهم اسلحه ومخدرات. وبلاوي ثانيه. بس وين يسون كل هذا .. طلع في بيت ها الريال. المهم يوم داهمنا البيت. لقيناه بروحه مع البلاوي الي عنده. يوم حققنا وياه ما طاع يقوووول شيء عن الافراد الي وياه.. في الاخير يوم عيزنا عنه طلب الملازم انه يودوونه السجن قام وسحب الفرد من جيب الملازم وطااااخ على راسه التيس.
غانم:اب اب شوه ها الفلم الهندي. الي صار اهناك.. انزين محد رام يتلاحقه قبل ما ينتحر.
احمد:يقوووولك ما واحالهم. الفرد كان المخزن فيه.. هع وفيه رصاصه يخرب بيته كيف الحظ لعب في صفه.من فجر راسه طاح ميت.. ولا خذو منه لا حق ولا باطل.. الحين عاد ردينا نحاول اندور طرف لخيط ثاني. مالقينا..
غانم:انزين انته ماقلت لي كيف عرفتو ها الريال من الاول..
احمد:يانا اتصال من الشارع مبلغ عليهم. انه في جماعه يتاجرون بالمخدرات في المكان الفلاني والبيت الفلاني.. ومن يبنا امر تفتيش دغرنا عليه ولقينا عنده كل شيء..
غانم:ههه والله حاله.. ذكرتوني بلافلام الاكشن على 2mbc ولا اكشن.. هههه
احمد:ههه شفت عااااد .. وهذا اشوي من الي انشوفه كل يووووم وكل ساعه.. ياريال خلها على الله. اقوول برايك اشوف الرايد ياي صوبي باي..
غانم:ههههه باي.
الرايد بو سيف:احمد وين ولد عمك؟؟
احمد: والله ياسيدي ماادري كان داخل من شوي.؟؟
الرايد: دورت عليه وما حصلته.. المهم خذو لكم واحد من الافراد ورجعو راقبو البيت اكيد بيرجعون مكانهم علشان يشوفون شوه الي صاير.
احمد:والله ياسيدي ما اعتقد انهم بيرجعون بعد ما درو انه الريال عندنا.
الرائد:لا ماعليك يقولك المجرم لازم يرجع من وين كان علشان يتطمن بعد.
احمد:الي اتشوفه سيدي..
الرائد :استعيل عيل.. يالله اشوفكم على خير
احمد:الله وياك سيدي.
سار احمد بعد ما شل افراد وياه. وطبعا كلهم متخفين.وحد منهم لابس لبس البتان وحد لابس قميص وبنطلون وقاعدين على الكراسي وعينهم على البيت..
واحمد والي باقيين وياه في السياره الي مخلينها على طرف الشارع الثاني وطبعا مخفي فوووول..يلسوو لين اذن المغرب ولين الحين محد يا البيت. اتصل احمد بالرائد وخبره بكل شيء.. رخصهم الرائد بعد ما امر مجموعه ثانيه اتناوب في الليل. عنهم..لازم يوصلون للعصابه بأي طريقه..
بالباجر الصبح في العين .. موزه رمست بو خالد بالكلام الي قالته لعذيجه.
عبدالله:عيل اتصلي بهم وحددي وياهم موعد اكيد الحين الحرمه قالت لهم.
موزه:هزرك؟؟
عبدالله:هيه انتي مرمستنها يوم العرس.شوفيهم الحين.
موزه:الي اتشوفه بو خالد.
عبدالله:خلاص عيل انا بسيرالمرزعه مواعد البيدار اهناك..
موزه:ربي يحفظك يابوخالد انا الحين بشوف الجماعه ..
عبدالله:ويحفظج شوفيهم وردي عليه.
موزه:ان شاء الله.
سارت موزه واتصلت ببيت محمد.وردت عليها سينيتيا..
موزه:السلام عليكم.
سينيتيا:وعليكم سلااااام كيييف هالج.ماما
موزه:هه الحمد لله كيف حالج انتي.؟؟
سنيتيا: انا الخمد لله تماااام كلش زيييييين مني نفرات.
موزه:ههه الحمد لله. ياحيج والله.. الا وين ماما كبير ..
سنيتيا :ماما عديجه داخل هجره ماما اشبه روح سووووووق..
موزه:هيه عيل منوه بعد عندج؟؟
سنيتيا:في منيه عويس..
موزه:هيه زقريها ليه.
سنيتيا:زيييييين ماما . انا منوه يقوووول انتي منوووووووه؟؟
موزه:هه قولي لها ام خالد..
سنيتيا:زيين الحين انا يزقر سبري ماما.. عوووويييييس..عوييييس..؟
عويش:هااه تعالي اهنيه في الغرفه.تحت علومج.
سنيتيا:تألي في واحد خرمه داخل تلفون يريد انتي.
عويش:خرمه اتخرم راسج شوه خرمه بعد.. انا كم مره قلت لج حرمه.. بالحاء الله يخليج مب بالخاء.. انزين منوه هاي؟؟

..عجيد الريم..
21-05-2009, 11:13 AM
سنيتيا:اممم هيه يقول ام.منوووه الله انا ينسى.؟؟ امم هييه ام كالد..
عويش:كالد؟؟خالد.. خالد خسه الله ها الويه.هههه انزين امايه وين.؟؟
سنيتيا: رووخ سووق..وماما عديجه داخل هجره..
عويش:اها اوكي بروح اشوفها..هاتي لي كوب شاي..
سنيتيا:زيين بس شاي كل يوم سنيتيا يريد شاي بس مافي اكل.. انا يريد مألوم انتي كيف مافي مووت انتي مره مافي ياكل شيء بس شاي ولا تركش كوووفي...
عويش:هبي هباج الرب. تتفاولين لي بالموت.. اقوووول خلاص مابا شاي. عافانا الله. روحي زيين.
سارت عويش صوب التلفون..
عويش:الو السلام عليكم.
موزه:وعليكم السلام والرحمه مرحبا ببنتيه اشحالج.
عويش:بخير ربي يسلمج عمتيه ومن صوبج..
موزه:بخير ربي يسلم غاليج.
عويش: وغاليج..
موزه:الا بغيت امج ولا يدتج وقالت لي الخدامه انه محد عندكم..
عويش:هيه والله عمتيه امي سارت السوق اشوي. ويدوه عذيجه هنيه في حيرتها. الحين بزقرها لحضه فديتج.
موزه:ان شاء الله يابنتي.
عويش:يالله لحضه..
وطت السماعه وراحت حجرت يدتها لقتها طايحه على الشبريه اترمس العامل.ومن سكرت عنه.
عويش:يدووه حرمه تباج في التلفون ؟
عذيجه:حرمه منوه هاي..؟
عويش:ما ادري بس سنيتيا قالت لي انها ام خالد..؟
عذيجه:هييه وانتي رمستيها؟؟
عويش:هيه بس ماقلت لي منوه هيه .. واستحيت اسألها منوه هيه.
عذيجه ابتسمت:تعرفين منوه هاي عويش..؟
عويش وهيه معقده حياتها خصوصا يوم شافت الابتسامه:لا منوه.؟
عذيجه:هاي عمتج ام ريلج المستقبلي..
عويش:هااااااه
عذيجه:ههههههه يالله خوزي عني بسير ارمسها.
عويش:يا الفشله.
عذيجه:ههه ليش يا الفشله.
عويش:ها لا ماشيء. روحي يدوه حرام وايد تمت على الخط.
عذيجه:هههههه اشعليج عمتج على الخط ولا لوحده ثانيه برايها
عويش:اتحيديني جيه.
عذيجه:ههههه لا حشى عليج يابنتي يالله هاتلي السماعه.
عويش:ان شاء الله يدوه.
عطتها السماعه وقعدت تسمع الرمسه ومن سكرت يدتها عن الحرمه سارت حجرتها بعد ما التفتت على عويش..
عذيجه:تعالي..
سارت وياها عويش لين الحجره وسكرن الباب.
عذيجه:اظن سمعتي الرمسه صح.
عويش:هييه يدووه..
عذيجه:وشوه رايج.
عويش:الي تبونه يدووه.
عذيجه:لا ياعويش هاي حياتج انا اليوم برمس ابوج فيهم وبنحدد وياهم يووم ايون فيه..من حرمه وريال. بس يبون موافقتج قبل.
عويش :يدووه انتي تدرين حمد شوه بالنسبه لي. بس شوه تبيني اقوووووولج.
عذيجه وهيه مبتسمه:قولي انج موافقه على حمد. وبس.
عويش:يدوووه استحي..
عذيجه:حلات البنت بمستحاها.
عويش:احم انا بسير حجرتيه شيء تبين يدوه.
عذيجه:هه هيه يوم ايي ابوج خبرني ابى اطيح اشوي وارقد.
عويش:ان شاء الله يدووه.
سارت عويش حجرتها وتمت لين يا ابويها الساعه 11 ونص.. وخبرت يدتها انه ابوها في الصاله.قاعد ..قالت لها اتخليه اييها في الحجره
عويش:ان شاء الله الحين بقوووله.
سارت عويش عند ابوها وقالت له انه يدتها تباه اهناك.
محمد:خير ان شاء الله.شيء بلاها
عويش:لا ماشيء بس تباك تيها حجرتها.
محمد:هيه خلاص ماعليه الحين بسير لها.
سار حجرت امه وسكر الباب ويلس وياها.
محمد:آمري الغاليه قالو لي تبيني خير. رب ماشر فيج.
عذيجه:مايامر عليك عدوو يا وليديه بس بغيتك في موضوع خاص وما بغيت حد يقاطعنا فيه.
محمد:موضوع؟ خير يااميه.

..عجيد الريم..
21-05-2009, 11:15 AM
عذيجه:ليله العرس حرمه رمستني في عويش بنتك. ومساعه بعدها اتصلت تبى اتعرف رايكم فيها.؟؟
محمد:منيه الحرمه هاي.؟؟
عذيجه:بنتك يبونها قوم عبدالله بن.,,, يبونها حق ولدهم حمد.. ربيع حمدان ولدك.
محمد:هيه ونعم الساع فيهم . ماعليه بنشاور البينه فيهم وبنرد عليهم ان شاء الله.
عذيجه:انا شاورت البنيه وقالت لي انه وعدتك انها ما بتخالف لكم راي ان انتو وافقتو على الريال.. انا موزه يوم رمستني قالت لي اباج انتي اتشاورينها واذا وافقت اترمسين اهلها. قالت ما نبى تنجبر البنت على شيء ماتباه لانه بو خالد ربيعك وحمد ربيع حمدان قالت يمكن تجبرونها عليه.. ويوم شاورتها قالت امره مالي رمسه من بعدكم. فأنته الحين بو حمدان شوه رايك.
محمد:والله يا اميه انا ماعندي مانع الريال معروووف هوو واهله ونعم الساع فيهم معرووفين بعد. بشوف خوانها وعمومتها وبنرد عليه دامها البنت ما بتخالف راينا.واللي فيه الخير بيصير.
عذيجه:اسمعني محمد انا ها الريال داخل خاطريه واباه حق عويش. واذا بيعترضون اخوانك انا برمسهم حمد لعويش وعويش لحمد وخلاص تسمع ولا لااا. واذا تبون رضايه تراه جيه بتلقونه.
محمد:اميه شوه هاي الرمسه طولي بعمرج احنا ها الريال شارينه ونباه لبنتنا. وين بنلقى ريال حشيم ونعم الساع فيه لعويش غيره. انا من صوبي موافق. وحمدان اكيد بعد بيوافق. وخليفه ما بيعارض..واذا على خوانيه امره لو ما وافقو كيفهم البنت بنتي وانا ادرى بمصلحتها منهم.
عذيجه:بيض الله ويك يا وليديه خلاص عيل رمس حمدان وخله يرمس الريال ولا انا برمسهم وبقولهم متى انسب يوم لكم اييون فيه. بنخبرهم.
محمد:هيه خلاص عيل انا الحين برمس حمدان.
عذيجه:زيين يا وليديه. محمد. اسمع لولدك عنده رمسه بعد وياك.
محمد:رمسته شوه اميه؟؟
عذيجه:رمسه من زمان يبى يقولك اياها. اتقرب من ولدك يا محمد هذا بجرك وشايل اسمك.. واتقرب منه وخاوه.
محمد:والله يا اميه اني احاول اني اتقرب منه بس طول الله عمره دووم صادني.
عذيجه:انته صديته فوق 20 سنه الحين تباه اييك . لا يا محمد انته سير له.
محمد:بحاول يا اميه.
عذيجه: ولا تجبره على شيء .. لا اتخليه يكرهك يا محمد.
محمد:عمري ما جبرته على شيء مايباه. طلب سفر وسافر طلباته الي يباهن كان يتنفذن له.وين جبرته على شيء انا.
عذيجه:الحين تراك اتلمح له انه يخطب بنت اخووك
محمد:اميه حمدان مب ياهل واباه يستقر في شوه غلطت اني ابا اشوف عيال عيالي
عذيجه:مب غلط بس مب تجبره على شيء مايباه. انته اسمعه اليوم وطالع شوه بيقولك.
محمد:ان شاء الله اميه. يالله اسمحيلي لي.
عذيجه:ربي يسمح ذنبوووووبك يا ولديه.
طلع عنها وسار حجرت عويش الي لقاها يالسه على الاب
محمد:ادخل ولا لااا.
عويش:هه افا عليك يابوحمدان نحن برا وانته داخل.
محمد:هه يوم انج برا وانا داخل انا اشله ادخل عيل..
عويش:ههههههه لا مب جيه يعني بما معناه انه أي مكان تيه فيه مرحبا بك تدخل من دوون استأذان له.
محمد:هيه ياحيج والله.. رقعي انتي
عويش:ههههه حليلي ماقلت شيء.
محمد:هيه انزين عويش بغيتج في كلمه.
عويش عرفت انه ابوها يبى يرمسها في موضوع الخطبه وغدا ويها احمر.
عويش:آمر ابويه؟
محمد:مايامر عليج عدوو انا رمستني يدتج عن موضوع الريال الي خطبج.. قبل ما اتقولين الي تبونه .. ابا اسمع رايج انتي يا بنتي انتي مرتاحه انه حمد ولد عبدالله يخطبج.
عويش:ابويه.......
محمد:لا تستحين يابنتي هاي حياتج انتي.
عويش:ادري بس. يابويه انا الريال ما اعرفه انتو ادرى به.
((وين ما تعرفه الا محد يعرفه قدها حتى حمدان ما يعرف قد الي تعرفه عن حمد))
محمد:ادري يابنتي بس يقولج للحرمه احساس يعني احساسها يخبرها انه ها الموضوع زين لها ولا لااا,
عويش:ما ادري يا بويه بس انا مرتاحه للموضوع وخصوصا يوم عرفت انه ربيع حمدان اخويه وانه ابوه ربيعك. يعني انتو اكيد تعرفونهم عدل.
محمد:هيه بس نحن مانباج اتوافقين عليه لانه ربيع اخوج ولا لانه ابوه ربيعي.. يابنتي هذا بيكون تاج راسج وسندج في الدنيا.. يابنتي هذا بيكون جنتج ونارج. ان طعتيه دخلتي الجنه وان اغضبتيه وعصيتيه دخلتي النار.. عويش هذا بيكون ابو عيالج . مانباج اتوافقين عليه الا اذا كان من خاطرج انج تبين اتكملين حياتج وياه.. على الحلوه والمره.
ملاحضه ((( ابوها لكثره اختلاطه بالاجانب صار وايد متفتح)))
عويش: ادري يا ابويه.. وانا مثل ماقلت لك مرتاحه للموضوع.
محمد:يعله مبرووووووك عليج يابنتي.. وعقبال ما انشوف عيالكم.
عويش وهيه مستحيه:الله يبارك فيك ابويه.
محمد:يالله عيل يابنتي انا بطلع ابا ارمس حمدان فيه الا ما تدرين اذا عنده شيء الحين.
عويش:لحضه بشوف الاسكاجول ماله.
راحت حجرت حمدان وشافت الاسكاجول ماله ولقت انه عنده بريك ساعه الحين. وردت لابوها وقالت له,
من درا ابوها سار حجرته واتصل بحمدان.. وحمدان كان في الاوفيس وياها الطالبات ومحتشرات كالعاده اسأذن منهن من صاح تلفونه وطلع براااااا.
حمدان:هلا والله
محمد:اهليين ولديه اشحالك.؟
حمدان مستغرب انه ابوه متصل به:الحمد لله يسرك الحال شحالك ابويه.
محمد:الحمد لله الا بغيت اعرف حمدان متى بتي البيت
حمدان:هااه اليوم بطول اشوي يعني على الساعه 6 ونص بكون في البيت ليش رب ما شر.
محمد:لا ماشر بس بغيت آخذ رايك في موضوع.
ويه حمدان اعتفس يتحراه يبى يشاوره في بنت عمه:ابويه انا ادري شوه تبا اتشاورني فيه.. واسمحلي عاد في هاي انا مستحيل اوافق.؟؟
محمد يتحراه يرمس عن موضوع عويش:بس ياحمدان ليش ؟؟
حمدان:ما ادري ابويه مب مرتااااااح والله كل ما افكر بالموضوع يضيق خلقي
محمد منصدم:ليش انته شيء ناكر عليهم.
حمدان: انتى ادرى واحد بالي فيهم ابويه ماله داعي اقولك انا..؟
محمد:بس الي اعرفه يا حمدان كنت وايد وياهم ومن يوم انتو يهال..
حمدان:هذاك زمان اول ابويه مب الحين.. محد الساع ونعم فيهم الحين رامس وعبيد ولا الباقين لااااا
محمد:رامس وعبيد انته عن شوه ترمس ؟؟

..عجيد الريم..
21-05-2009, 11:16 AM
حمدان:عن عيال عمي.. انته عن منوه تتحراني ارمس..
محمد:عن حمد واهله..؟
حمدان:حمد وهله شوه بلاهم.؟؟
محمد:مب توك اتقول انك مب مرتاح لهم
حمدان:لحضه ابوووويه خل الموضوع هذا اشوي. انته قلت تبى اتشاورني في شيء.. شوه ها الشيء.؟؟
محمد:هههههههههههههه وانته تتحسب اني بشاورك في بنت عمك وانا ادري انك ما اتدانيها خير شر الله يسامحك يا حمدان.
حمدان:ابوووويه انته اكثر من مره اتلمح لي انك تباني آخذها والله اني اكره حياتي يوم تبون طاريهم.والله يعين فطيم ومريوووم عليهم.. فطيم بربها في بوظبي الا مريوم بتجابلهم كل يوم.
محمد:ههه عيب هذيلا اهلك.
حمدان:يا ريااااال خلها على الله. انزين دام السالفه مافيها رفوع عيل شوه الموضوع بيتم بالي مشغول ولا بعرف اركز.
محمد:امم لهاي الدرجه كنت اتحسبني بجبرك على شيء ماتباه.
حمدان: والله يا ابويه ما انلام على شيء طول عمرك كنت بعيد عنا والحين يوم قعدت تبى اتيوزني وبمنووووه بالبنت الوحيده الي ما ادانيها في الدنيا كلها كيف تبى افكر غير جيه.
محمد:صدقك يا حمدان انا وايد قصرت في حقكم مب في حقك انته بس في عويش وسلامه وخليفه ومريم في حق الكل. ما اهتميت الا بشغلي وبس..
حمدان:الماضي راح يا ابويه واحنا عيال اليوم.. بس بشرط ما تجبرنا على شيء ما نباه.
محمد:لا افا عليك.. انزين بغيت اشاورك في حمد ولد عبدالله بن.. امه رمست يدتك في عويش.. واليوم ردت اتصلت فيها تبى الجواب. انا من صوبي موافق على الريال حتى من دوون ما نسأل عنه.. واختك عويش انا رمستها وقالت انها مرتاحه للموضوع ووافقت.. بقى رايك انته وراي امك واخوك خليفه.
حمدان:وعموميته وعيالهم.
محمد:خواني خلهم عليه ان وافقو مرحبابهم وان ما وافقو كيفهم عيالي وانا ابخص بهم.
حمدان:ايوا بس ما تعتقد انه بيأثر ها الشيء على فطيم ومريم..
محمد:مالهن خص.. يوزناهم بنتين من عندي بسهم عااااااد.. ويوم بغو عويش.. خطبوها لواحد معرس بالسر وعنده بنت بعد مالهم حجه.
حمدان:اذا جذيه بالبركه عليكم. ونا من جهته موااااااااااااافق مليون بالميه بعد.
محمد:هه ماشاء الله,,خلاص عيل رمس خلفيه اخووووووك ورد عليه.
حمدان:هه انا مرمسنه من قبل وخليفه موافق.. حتى انه مره سألني وقالي متى بيي حمد وبيخطب عويش.
محمد:وانته اشداركم انهم بيخطبون عندنا.
حمدان:هههه ابويه حمد من زمان بغى يناسبنا. بس ظروفه ما سمحت له. خصوصا من توفى اخوه وخلاف موضوع بنت عمه. وخلاف خطوبه بنت عمه للريال صارت سالفه عوده.المهم الحين خلص كل شيء,
محمد:ماشاء الله.. عيل ابوه ماياب لي سالفه امره.
حمدان:ابوه ما كان يدري سوالف بين الشباب كانت في البدايه. ولين انتهى كل شيء عاد رمس ابوه جد عاد..
محمد:هيه خلاص عيل ماعليه ارجع لاخوك وخبره وشوفو متى احسن وقت علشان ايون الجماعه.
حمدان:ماعليه يابويه الي تامر به.. الحين بطرش له رساله. مساعه يرمسني يقول انه عنده محاضره الساعه 11 اكيد في المحاضره الحين.
محمد:هيه خلاص عيل شوفه ويوم يرد عليك خبرني..
حمدان:ان شاء الله. الا ابويه انا بعد بغيتك في موضوع خاص اشوي بعد.
محمد:خير يا وليديه.
حمدان:لا اتطمن خير. امم الحين والوقت مب مناسب خلني يوم اييي البيت اقولك كل شيء احسن.
محمد:الي اتشوفه ياوليديه.. والله يكتب الي فيه الخير.
حمدان:آمين يا ابويه. يالله اسمحلي عندي كلاس بعد ربع ساعه.
محمد:ربي يسمح ذنبوووبك وانا بعد بسير اخبر امك
حمدان:هه خلاص عيل ببارك لعويش بعد.
محمد:هه حليلها مستحيه كانت.
حمدان:اب اب العيوز مستحيه.. عيل ماعليه ان ماخليتها من المستحى تغدي طمامه.
محمد:هههه حرام عليك يا حمدان هاي اختك عاد.
حمدان:هههههه ماعليك انته ابويه..هه
محمد:هه يالله عيل برايك الحين.
حمدان:الله وياك.
سكر عن ابوه وسار المكتب الي كان زحمه عليه من الطالبات. مالقى مونه يوم قالهم تعالن المكتب علشان نتفاهم. جان خلص وياهن اهناك وافتك..اف.كمل شغله وياهن لين وقت المحاضره الثانيه. وسار عنهن.
ومن خلص شغله في جامعه البنات سار لجامعه الشباب. الحمدلله الشباب ارحم منهن.. وعنده برييك ساعه ونص قبل المحاضره الاولى اتصل بخليفه اخوه الي طرش له المسج وقاله انه ملان الحين.لانه خلص محاضراته وساير الشقه.
حمدان:زين يوم طرشت المسج كنت بطرش لك مسج اشوفك اذا عندك شيء ولا لااااا.
خليفه:لا الحمد لله اليوم اخف يووم في الاسبوووووع.. ماعندي غير مادتين بس ها اليوم.علومك؟
حمدان:الحمدلله يسرك الحال.. الا اتصل بي ابويه وقالي انه اهل حمد رمسو يدتك في عويش ويبى ياخذ رايي في الموضوع.
خليفه:حلوو.. وآخيراااااا حمد اتحرك..
حمدان:هههه حرام عليك مب منه حليليه من المشاكل الي طاحت على راسه.الا ماقلت لي شوه رايك.؟؟
خليفه:مايبالها حمدان اكيييييد موافق. وين بنلقى لعويش احسن عن حمد واهله.
حمدان:هيه والله.. اب اب هاي العيوز داقه صبر بدمج الخطين رباعه.
خليفه :لحضه منوه هيه.؟؟
حمدان:لا مب العروس هاي يدتك. لحضه.
خليفه:صبر لا ترمس انته انا برمس.
حمدان:هههههه اوكي يالله واحد اثنين ثلاثه.
عذيجه:هااااااالوو حشى كل هذا تاخذ لك لين ما اترد عليه.
خليفه:يدوووووه تعرفين اني طالب جامعي ويعني لازم لين اطلع من القاعه يبالى وقت. وخلاف برد عليج.. بعدين الي اعرفه انه الناس اتسلم وخلاف اتهاد. مب العكس.

..عجيد الريم..
21-05-2009, 11:18 AM
عذيجه:واخيبتيه انا دقيت عليك..انته.
خليفه:واااااو بعد غلطانه.. هيه انا ما تبيني يالله اعترفي حق منوه داقه وتبين تتضاربين وياه.
عذيجه:يا الهرم انته امره لا ترمسني يوم هاي علومك.
حمدان:ههههه
خليفه:احم.. ليش انا شو سويت.؟؟
عذيجه:عنابوه لا تسأل ولا تي عندنا ما ادري شوه حالك حي ميت تاكل ما تاكل امره قطعت ولا جنه لك اهل
حمدان:ههههههههههههههه
خليفه:حمدان احترم عمرك..
حمدان:هههههههه تراني محترم عمري.
عذيجه:بسم الله الرحمن الرحيم انته من وين ييت.
حمدان:من اهنيه؟؟.
عذيجه:مين من اهنيه تراني اكلم الحين خليفه. ونا دااقه لك. بتخبركم انتو شوه مسوين.؟؟
خليفه:ههههههه يدوه اسمه دمج.
عذيجه:شووووووه شوه ها مج.هذا بعد.
خليفه وحمدان:ههههههههههههههههه
عذيجه:الهروووووم اشله تضحكون مسودين الويووه.
خليفه:ههههههه يدوه عني افدااااج حمدان يبى يسوي فيج حركه عاد قال خلنا انشوف شوه بتسوي العيوز
حمدان:لا والله متى صار ها الشيء. والله يا يدوه وغلاتج ما صار ها الكلام كله هو قال اني ادمج الخطين ولا ارمس.
عذيجه:وانته من يقول ها الشر شيء بتسويه.
خليفه:افا الحين انا شر.. حليلي جاني مساااالم.
حمدان:من وين جانك يوم يتوصل خواتك ماي ما تشتري لهن.
خليفه:اشله اشتري لهن ماشيء في البيت ماي؟؟
عذيجه:هيه وانا اقول على منوه ظاهر..جيه اسميه حياه يدك ما راح دام انه خلفك وراه.
حمدان:هههههههههههه ليش يدووه حياه يدي كان بخيل..
عذيجه:عنه الله تك يدك مب بخيل بس ما يحب يضيع وقت امره.
خليفه:صدقه والله . الحين لو انتي سايره درب طويل وبيتيلسين ساعه عند الدكان وساعه عند الخياط عزنج ما وصلتي بقعتج الي تبينها.مابيموتن عطش من يوصلن البيت يلزن المطبخ ويشربن قد ما يبن
عذيجه:هيه..زين عيل. ماقول غير الله يعين هاي الي بتضويها.
حمدان:لا افا عليج يدووووه يقولج الحرمه غير والاخت غير,,
عذيجه:وليش ان شاء الله شو فيها زياده.ايد ولا ريل.
خليفه:لا يدوووووه فيها حنان.
عذيجه:لا والله.. ماعلينا خير لين تضوي هاي ام الحنان . الحين خبروني شوه رديتو على ابوكم.
حمدان:انا يوم رمسني ابويه قلت له انه موافق.
خليفه:انا بما انه ابويه لين الحين ما رمسني وانه طرش حمدان يرمسني انا بعد تفكير وتفكير
عذيجه:ارمس عااااااد.
خليفه: اب اب معصبه العيوز. انا موافق ما بنلقى ريال احسن لعويش غيره.
عذيجه:هيه والله صدقت يا خليفه.. خلاص عيل توكلو على الله. ابوك رمس امك وهيه بعد وافقت. حمدان انته اتصل عليه وخبره يقول لاهله متى ما بغو اييون يعطونا خبر .
حمدان:ان شاء الله بس ليش انتي ما اترمسين امه ترا ابويه قالي انها رمستج انتي.؟
عذيجه:هيه انا اتصلت عليهم ومحد يشل التلفون عاد انته لين انا القاهم خبر حمد.
حمدان:اممم حمد مب في العين من يومين.
خليفه:وين هووه؟؟
حمدان:في بوظبي عندهم قضيه كبيره. ماعليه انا اليوم المسى برمسه وبقوله.. يالله الحين بخليكم عندي محاضره..
عذيجه:صبر حمدان خبرت ابوك عن الموضوع الثاني.
حمدان:موضوع رفوووووع هيه. وموضوع منيره لا بعدني..
عذيجه:ليش ما خبرته.وخلصت مره وحده.
حمدان:ماكان عندي وقت وقلت له من ايي البيت برمسك. قالي اوكي بيترياني. يالله تراني مستعيل.
عذيجه:ماعليه وانته مسود الويه متى بتي العين.؟؟
خليفه:احم مسود الويه بعد.. ام ماعليه مقبووووله منج. امم ها الويك اند بكووون عندج بجابلج 24 ساعه شوه تبين بعد.
عذيجه:انزين بنشووف يا خليفه. يالله برايكم.
حمدان:ههههههههه ياويلك يا خليفه.
خليفه:ههع يالله باي
حمدان:باي.
عذيجه:الله يحفظكم يا عيالي. وطرااااخ سكرت.
حمدان:ههههههه ماشيء واحد ثنيه . طراخ سيده..
خليفه:هههههههه عيل لازم الكلمه الاخيره لها يا ريال. تمام عيل برايك سير لمحاضراتك.
حمدان:ماعليه ..
خليفه:الا قبل ما اتسكر.. عن جد بتخبره عن موضوع منيره؟؟
حمدان:هيه طبعا وبعدين انا مب مسوي شيء ابا اخطبها مافيها شيء..؟؟
خليفه:الله يوفقك يا حمدان..
حمدان: ومن يقول عسى .
خليفه:الا ما قلت لي ما عندها اخت صغيره تخلص من اخلص انا من ها الارف.؟؟
حمدان:هههههههه هيه عندها تؤام بعد مش وحده. واعتقد انهن في صف اول ثانوي.
خليفه:هههه تؤام عاد منوه الاحلى فيهن.؟؟
حمدان:واشدارني انا اصبر عليه يوم آخذ منيره خلاف بقولك منوه الاحلى؟؟
خليفه:خاف من تتمكن تنسى .
حمدان:افا عليك حد ينسى اخوووووه
خليفه:هههههه اكيد . عيل ما سمعت المثل الي يقول من لقى احبابه نسى اصحابه
حمدان:اصحابه مش اهله.
خليفه:ياريال كله واحد المهم انهم بياخذون عقلك وقلبك عن البقيه..
حمدان:آآآآآآآآآآآه يا خليفه تراهم ماخذينه الحين
خليفه:اب اب ثره متشربك تشربيك فيها. مافيها حيله الصراحه.

..عجيد الريم..
21-05-2009, 11:20 AM
حمدان:ههههه شفت عاد. يالله عن لا اتأخر عليهم اشوفك على خير
خليفه:اوجي اخويه يالله باي سير لا يكنسلونك
حمدان: ههههههههه عنه الله تك.. ماعندي وقت لك باي.
خليفه:ههههه ادري.. باي.
سكر عنه.
عند بيت حمد ها الوقت البنات ماشيء باقي لهن على الامتحانات وقعدن في البيت يدرسن.. طبعا معروف اذا يت فتره الامتحانات نوره اتروح بيت عمهاا علشان تدرس مع التؤام او انهن هن ايين عندها. واليوم هن معزرات انه نوره تيهن..
موزه:اقووووولج ماشيء سيره شوه اتسيرين اهناك ينيتي انتي.
نوره:ليييييييييييش امايه شوفيها يعني
موزه:يابنتي ما يصير بيت عمج كله شباب وين تبين اتسيرين اهناك درسن اهنيه وفكيني من ها الخريط كله
نوره:امااااايه المره الماضيه كانن عندي والحين انا بروح عندهن دخييييلج امايه بتفتكين من حشريته بس اسبوعين.
موزه:نوووووره فكينا الحين من الحشره وماشيء سيره تفهمين ولا لاااااااا
نوره:انزين ليش احنا بس بندرس وبعدين عيال عمي كلهم مداومين. علي ومطر وغانم في بوظبي وهزاع يداوم حاله من حالنا. وسالم وسهيل يهال شوه المشكله الحين يعني..
موزه:لا والله ترا فهد بعد في البيت واحمد ولا هذيلا مب رياييل عندج.
نوره:اوووه نسيتهم هع لا طبعا رياييل بعدين احمد وفهد الحين بيعرسون شوه المشكله يعني . وبعدين حمد اخويه نحن انشوفه..؟؟
موزه:وشوه دخل حمد الحين؟؟.
نوره:ليش شوه دخله ترا احمد ويا حمد اذا نحن شفنا حمد هم بيشوفون احمد.. وبعدين انا مرمستنهن يقولن ما يشوفون خوانهن ابد كل واحد بشغله. وفهد ما ايي الا وقت المسى ويدخل قسمه يكون تعبان من الشغل وهزاع يكون عن ربعه وما ايي الا آخر الليل.. ماماه دخيلج.
عليا:شوه الي صاير؟؟
موزه: تعالي شوفي أختج ينت.
نوره:انا مب مينونه.؟؟
موزه:ولا بيت مترووس ريايل وين تبين اتسيرين اهناك يوم انتي مب ميونه..؟؟.
عليا:هااااااااه ياالله بالستر أي بيت هذا الي فيه رياييل وتبين اتسيرين له.؟؟
نوره:طالعو هاي الحين .. ابا ادرس في بيت عمي. وامايه ما تباني اسير.. امايه فديتج حرام هن يترييني المره الماضيه كانن عندي والحين لازم اردها لهن.
موزه:بس مب اسبوعين .
نوره:امايه نحن بندرس ما بنلعب.
عليا:والله انكن ماعندكن سالفه. شوه فيها لو درستن كل وحده في بيتها وبعدين اتدوامن واتراجعن ويا بعض.
نوره: وانا شوه ظمني انهن حفظن الي حفظته ولا انا حفظت الي حفظنه.
موزه:والله انه راسي عورني منها اف منكن
عليا:وانا شوه يخصني ..
نوره:محد قالج تتعبلين وتدخلين بينا.
عليا:لا والله..
نوره:هيه والله صح امايه.
موزه:اف منكن خوزن عني.
عليا:هههههههههههههههههه يؤ يؤ.
نوره:ويا ها الراس.
عليا:احلى عن راسج.
نوره:لا والله روحي روحي جابلي كتبج ثانويه عامه.
عليا:انا ماعليه الحمد لله معدلي من احسن ما يكون والحمد لله مخلصه كل شيء.
نوره:وانا قووول الاخت مصريه محد مصدقني.
عليا:بسم الله عليه منج.
نوره:بسم الله عليه.. ما ادري منوه قالولج
عليا:اماااايه شوفي بنتج.
موزه:والله انكن . بقر ما ينلام حمد فيكن. خوزن عني بسير ارمسه من طلع فديته وهو سالم من البيت ما رمسته.
اتصلت بحمد الي كان مشتط في القسم.
حمد:اقوووووولك الحين اتسيرون له مافي مجال. هلا امايه.
موزه: مرحبا بك بويه شخبارك؟
حمد:الحمد لله يسرج الحال ولا يضرج لحضه فديتج يااا احمد سير له وشوف الموضوع وياه.
احمد:انا سرت له وقالي انه ما شافو شيء.
حمد:احمد المشكله لين الحين ما لقو شيء.اووه امايه فديتج مشغول شي في خاطرج.
موزه:لا يابويه بس بغيت اتطمن عليك.
حمد:هيه لا الحمد انا بخير..
موزه:هيه خلاص عيل سلم على بوشهاب.
حمد:يبلغ امايه.
موزه:هيه خلاص عيل يالله فمان الله.
حمد:الله وياج.احمد انته الحين سير لهم وشوف الوضع وياهم روحك.
احمد:تباني اسير دبي ليش عااااد.؟؟
حمد:هيه سير شوفيها هم شاكين انهم اهناك؟
احمد:انزين بس الخوف انه يطلع ولا شيء من الموضوع صح.
حمد:انزين ماعليه على الاقل انكون جربنا شيء.
احمد:اوف انزين. ماعلي يالله انسلم عليك.
حمد:الله وياك وبالمره يوم بتلاقي نسيبكم سلم عليه.
احمد:منوه ذياب.. اووووووووه ذكرتني اوني بخبر ابويه به شيييييييت والله نسيت..
حمد:ههههههههه يعله يلاقيك ويدفنك بالمره اهناك.
احمد:عنه الله تك. واشله يدفني عاد.
حمد:هيه لين الحين انته موقف نصيبه.
احمد:حشى ما بتطير البنت تراها موجوده.
حمد: هيه الا شوه اخبارها من يوم الملجه ما سمعنا حسها.
احمد:هيه فديتها ما طولت من بعد الملجه بيوم واحد طارت اوين مواعده ناس تحضر حفلتهم. شوف اللقافه انته.
حمد:ههههههههههه حليلج ياهند. يالله عيل يا احمد استعيل وشوف الموضوع وياهم. هيه على فكره يمكن ارد العين اليوم حاس اني من زماااااان ما شفتها.
احمد:يا المكر الا من يومين ما ييتها.
حمد:اف والله انه اليوم بسنه.
احمد:احم والله حاله انزين يا المتقطع على العين.. ما ادري اذا انته مشتاق للعين بشكل عام ولا خااص لاهل العين المحددين.
حمد:آه يا احمد والله انهم الهم وحشه ولين الحين محد رد علينا بشيء.
احمد:ليش انتو رمستوهم.؟
حمد:هيه امايه رمست يدتها ويتروينها اترد عليهم.
احمد:هيه لا ماعليك العيوز واقفه وياك.
حمد:ادري فديتها ما بتقصر ويايه.
احمد:هههههه مافيك حيله شكلك داهن سيرك وياها عدل.
حمد:لا داهن سيري وياها ولا شيء.. يالله الحين وراك خط يالله اتوكل.
احمد:اوكي يالله باااااي.. يا شوووووووق عرب.
حمد:هههههههههههه باي. يا شووق عرب بعد.
احمد:ههه فديتهم ياربي.. يالله باي.
حمد:ههه باي.

..عجيد الريم..
21-05-2009, 11:22 AM
طلع عنه وسار دبي.. وكمل حمد شغله ومن خلص كانت الساعه 4 العصر.. واحمد لين الحين ما يا بوظبي..
اتصل به وقاله انه بعدهم لين الحين ما صار شيء ومالقو أي شيء يساعدهم في القضيه.
وقاله انه بيرد العين..
حمد:خلاص انا بطلع العين الحين
احمد:خلاص عيل انا الحين بطلع....... اوب هذا ذياب على الخط. احم برايك حمد.
حمد:ههههههههههه النسيب هههههههه سلم عليه. وياويلك منه. اقول ما تبى اتوصي على شيء قبل ما يدفنك اهناك..
احمد:عنه الله تك. يالله باي
حمد"ههههه باي.وهذا حمدان على الخط باي.
احمد:اب اب يا النسابه كيف حظهم احم يالله اجلب ويهك.. هلا ذياب.
حمد:عنه الله تك. هلا حمدان.
حمدان:عنه الله تي .. وهلا وين اتصير.
حمد:هههههههه سوري كنت ارمس احمد على الخط الثاني..
حمدان:يا حيك.والله . شخباره بوشهاب.
حمد:الحمدلله يسرك حاله.. طيب..
حمدان:زين والله.. الا بغيت اعطيك بشاره كم بتعطيني لها..؟؟
حمد:افا عليك الي تباه امره اذا كانت حلوه..
حمدان:اممممم هيه من جهه حلوه حلوه.. يله كم بتدفع
حمد:الي تباه وعندك من فلس لين . الدرهم كم تبى ولا اقولك امره كلهن لك بس قول.
حمدان:يا البخل..
حمد:هههه أي بخل يابوك الفلس مع الفلس ايبن لك ربع يعني مصاصه صغيره. والنص بعد ايب لك عصير والدرهم ايب لك سندويجه شوه بعد تبى حلاوه وعصير وسندويجه ههههه بتعيشك
حمدان:ههههههههههههه اسميها عويش ما بتعاني اليوع امره وياك.
حمد:هاااااه شوه قلت؟؟
حمدان:هههههههههههه اووب فضحت عمري..
حمد:حمدان شوه قصدك بالكلام الي قلته.
حمدان:ههههه مبروووووووك يا حمد الاهل وافقو عليك. والعروس وافقت بعد.. مبرووووووك يا المعرس
حمد:تتكلم جد انته حمدان..
حمدان:هههه لا اتكلم عن عم.. هيه والله ابويه اليوم كلمني وقالي انه موافق عليك وخليفه نفس الشيء والعيوز وامايه كلهن موافقات وصاحبه الشان بعد موافقه.. ويعله مبروووك عليكم وهاالله هالله بختيه عاد حمد ما اوصيك عليها.
حمد:لا ان شاء الله بتكون في عيوني. بس حمدان عن جد الي اسمعه.
حمدان:ههههههه هيه والله وبعدين هيه اباك اتشوف متى احسن وقت تونا فيه.
حمد:لا ان شاء الله في اقرب فرصه نحن عندكم.
حمدان:هههه ياحيكم.. ههه حليلك يا حمد.
حمد:يابوك كم الواحد بيفرح..
حمدان:يعله دووم يا بوشهاب.
حمد:وياك يارب..
حمدان:آمين الا بغيت اتخبرك عن موضوعي شوه صار فيه؟
حمد:والله يا حمدان لين الحين المووضوع عند عيال عمي . ويتريون عرس ختهم والحين اصلا الكل مشتط عندهم .
حمدان:انزين على الاقل خطبه بس.
حمد:امم ما ادري والله تعرف شيء اليوم برمس احمد وبخليه يشوف خوانه. صدقك ليش ما تخطبون بس على الاقل.
حمدان:هيه على الاقل اظمن.
حمد:ههه لا ماعليك منيره لك ما بتطير عنك.
حمدان:ياخي شوه دراك باجر بيطلع لها واحد بياخذها مني..
حمد:ههههههه لا اتطمن محد بياخذها منك..
حمدان:طمنتني يا حمد تمام عيل انا بخليك عندي محاظره الحين وخلاف بسير البيت.
حمد:الله يعينك. تمام الغالي اشوفك على خير..
حمدان:ههه يعين الجميع.. الله وياك حمد..
............................
احمد:يالله اجلب ويهك.. هلا ذياب..
ذياب:اجلب ويهي وهلا ذياب كيف جيه بتخبرك.
احمد:هههه ياخي ماكنت ارمسك كنت ارمس عرب غيرك.
ذياب:المشكله انته قلت اجلب ويهك يعني ها العرب مب الخطيبه... فمنوه هم؟؟
احمد:هه احم وولد عمي..علومك؟؟
ذياب:علوم الخير ومن صوبك؟؟
احمد:الحمد لله يسرك الحال ولا يضرك
ذياب:ياحيك والله الا بتخبرك احمد شوه صار بموضوع فهد؟؟
احمد:امم شوه اقولك رمسناه انا وغانم عشان يتهرب من الريال علشان ما يشك فيه ويورطه يعني اشوي اشوي ينسحب عنه..
ذياب:هيه احسن .جذيه بعد.
احمد:هيه والله ولا يقولك الحين المدير نقله بوظبي وبجذيه بيلتهي عنه.
ذياب:حلو من ينشغل في بوظبي وخلاف بالعرس بيفتك منه .. الا على طاري العرس علومه الموضوع.
احمد:احم.. والله يا ذياب لين الحين ما صار شيء وان شاء الله قريب برمس ابويه.ولا اقولك الحين برمس غانم وبرد عليك.. اترياني.
ذياب:لا والله وطول هاي الفتره شوه كنت اتسوي الشيخ.
احمد:والله ياذياب مشغول ولين الحين بعدنا في هاي القضيه حتى اني هنيه عندكم في دبي.؟؟
ذياب:بعد اهنيه ولا اتقول .!!
احمد:اقووووولك قضيه يعني لو قلت لك اني في دبي ما بقدر اشوفك والحين فضيت وياي العين.
ذياب:واشله ان شاء الله. حط الرحمن في صدرك ورد عندنا.
احمد:والله يا ذياب تعبان وابى اسير البيت وارقد.
ذياب:لا والله الحين تي بيتنا مالي خص ترا والله ما ارمسك ان ما ييت.
احمد:ذياب دخيك خلها وقت ثاني.والله تعبان.
ذياب:سمعت ولا لاااااا الحين انته وين.
احمد:توني طالع من نايف.
ذياب:يالله الحين بلاقيك في مركز حمرعين ومن هناك بنسير وياك بيتنا.
احمد:ذياب دخيلك والله تعبااااان.
ذياب:ماعليه ما بتطول عندنا بس تعال البيت..
احمد:ما بطول.
ذياب:لا ما بتطول يالله الحين بسير المركز.
احمد:انزين يالله بسير له.
وفعلا اتلاقو في مركز حمر عين. الي كان كا العاده زحمه. واتحوطو اشوي فيه. وخلاف سارو بيت ذياب الي في منطقه الجميرا.وما طلع من عندهم الا والساعه 10 المسى. ووصل البيت منتهي الساعه 11ونص وسار سيده حجرته ورقد..وحمد يتصل عليه ولا يرد عليه. قام واتصل بغانم..
غانم:هلا بوشهاب,
حمد:اهلين غانم ان شاء الله ما غثيتك.
غانم:لا افا عليك قاعد اشوف مباره الاسي واليوفي .
حمد:ياحيك والله الا بغيت اتخبرك احمد يوم رمسك عن موضوع حمدان شوه اتفقتو عليه.

..عجيد الريم..
21-05-2009, 11:24 AM
غانم: موضوع حمدان؟؟ أي موضوع..؟؟
حمد:انه حمدان يبى يخطب منيره.
غانم:هيه اتذكرت اااه قلنا له لين يخلص موضوع مريم ومبارك بنشوفه هوه.
حمد:انزين موضوعهم خلص ليش ما تتوكلون على الاقل يكون بس خطوبه رسمي,
غانم:والله يا حمد ما ادري انا بشوف الوالد وبرد عليكم.
حمد:ما عليه انا توه الريال رمسني وقالي شوه صار بالموضوع.. هع وهيه الجماعه عطوني موافقتهم الرسميه عليه.
غانم:اب اب مبرووووووووووك يا بووووشهاب والا بتدخل القفص الفضي اووه اقصد الذهبي وآخيراً
حمد:ههه شفت عاد.. الله يبارك في حياتك.
غانم:ماعليه باجر الخميس بيي العين وبقول لابويه وبنرد عليه حلو الكلام..
حمد:حلو الكلام.خلاص عيل انا برد على الريال الحين وبقوله بالي انقال.
غانم:يا حيك تمام عيل وتصبح على خير..
حمد:وانته من اهله..
سكر عنه واتصل بحمدان وبشره بالي انقال.. وحمدان من سكر عنه سار لابوه الي كان توه ياي من برا..حمدان:السلام عليكم.
محمد:وعليكم السلام والرحمه هلا بحمدان.
حمدان:اهلين ابويه شخبارك.
محمد:الحمد لله هاا بشر شوه سويت.
حمدان:في شوه؟؟
محمد:في موضوع اختك رمسته الريال..؟
حمدان:هيه رمسته وطار من الفرحه وقال ان شاء الله بأقرب فرصه بييونا.
محمد:مرحبابهم بأي وقت..
حمدان:الا ابويه ماقلت لي رمست عمومتيه.عن موضوعهم.
محمد:هيه رمستهم وطلعو يعرفون الريال وبالعكس استانسو عليه وباركولي كلهم.
حمدان:الحمدلله.. الا ابويه بغيت آخذ رايك في موضوع ثاني؟
محمد:خير يا ولديه..
حمدان:انا ابا اعرس والحرمه موجوده.
محمد: بالبركه بس منيه الحرمه؟
حمدان:امم بنت عم حمد. بنت غيث بن........
محمد:والنعم الساع فيهم بس ..كيف تبانى انرمسهم الحين.
حمدان:عادي انا رمست اخوانها قبل وقالو لي اصبر لين يخلص موضوع ختهم الكبيره. ومن خلص الموضوع رديت رمست حمد وقالي بيرمس اخوها العود. ورد خلاف رمسني وقالي انه هو بيرمس ابوه علشان يمهدون لنا. وبني وبنخطب عادي.
محمد:هيه بس ياولديه هزرك بيقربون بنا.
حمدان:وليش لا يا ابويه.شوه قاصرنا نحن؟
محمد:ماشي يا ولديه بس بحكم انك من زمان كنت محبوس وعندك مشاكل في ملفك نقاط عليك.
حمدان:ابويه هذا من الماضي والماضي راح خلاص..
محمد:اكيد بس هم فاهمين ها الشيء ولا لا..؟؟
حمدان:الشباب ما قالو شيء بالعكس الكل بارك لي بس لين الحين ما رمسو ابوهم.
محمد:عسى خير يا ولديه وانا امره الي تباه بسويه تبانا انسير بنسير وياك.ماعندي مانع
حمدان:مشكور يا بويه.
محمد:افا عليك انته ولديه والظفر ما يطلع من اللحم.
حمدان:هيه والله يا الله اسمحلي ابويه عيل بسير ارقد والله تعبان ومنهد حيلي.
محمد:ربي يحفظك يا ولديه. درب السلامه يارب.
حمدان: ومن يقول عسى.يالله تصبح على خير.
محمد:وانته من اهله..
رقد حمدان وهو حفزان من باجر شوه بيصير له باجر..
وعند حمد الي سار عند امه في ها الوقت المتأخر ولقاها اتشوف التلفزيون في صالتهم.
حمد:احم السلام عليكم.
موزه:وعليكم السلام والرحمه اشله لين الحين ما رقدت ما عندك دوام باجر.
حمد:عندي بس بغيتج في رمسه الا ابويه وين.؟؟
موزه:سار يرقد.
حمد:وانتي اشله ما رقدتي؟؟
موزه:ماياني رقاد بعدين قاعده اتابع ها البرنامج
حمد:مافيج حيله يا العيوز.
موزه:عاز حيلك بتخبرك انته شوه مشكلتك ويايه.
حمد:امايه ردو عليه الجماعه وقالولي انهم موافقين.
موزه:بالبركه يا ولديه وعساه اول افراحك
حمد:الله يبارك في حياتج امايه يالله الحين اتقولين لي متى بتسيرون لهم..؟؟
موزه:يابويه واح لهم على الاقل خل البنت تزدهب لها شيء وتتحنا انته ما تبى انكم بس اتسيرون واتملجون ورواحكم انته تبى حفله عوده.
حمد:عيل تبيني نفس احمد وفارس بسرعه بسرعه لا انا ابا ادخل عليها نفس مريم ومبارك.
موزه:هههههه خلاص عيل دامك تبى مثلهم عطهم فرصه على الاقل اسبوع وخلاف بنسير لهم.
حمد:ول اسبوع وايد يا امايه.
موزه:لا وايد ولا شيء. حليلها تبالها تشتري لها لبسه وتبالها حنا وتبالها عدول صالون بعد تتحرا البنت نفس الريال كندوره وسفره وخلاص لا يابويه البنت اكثر مشاريهن.
حمد:بس ويا ميثه ما طولتو بسرعه صار كل شيء.
موزه:هيه يا ابويه ميثه غير لانه كانت اصلا متحنيه علشان عرس اخوها وهم امبونه عرسهم باجر احنا اليوم ملجنا بكم..عشان جيه ما اتأخرتو.
حمد:اف بس اسبوع وايد يا امايه.
موزه:لا مب وايد عنبوه ها الاسبوع ما حسينا به بسرعه خطف.
حمد:وين بسرعه خطف جانه دااااق بريك من اول يوم فيه.
موزه:ههههه لانك كنتو تشتغلون في بوظبي لو كنتو في العين ما بتحس به.
حمد:ما ادري الا بغيت اقولج الحين لو ملجتنا على قولج بعد اسبوع بيكفيها وقت تزدهب وانعرس وياهم ولا لااااا. تراهم ما بقا لهم الا شهرين.
موزه:هيه بتخلص مب لازم اتكود وايد هيه الحين اتخلص من كل شيء اشوي وبعدين اتكمل الباقي وياك.
حمد:يعني المخاسير وراي وراي.
موزه:ههههه هذا العرس يابويه شو تتحراه انته..
حمد:الله يعينا.
موزه:ههههههه يعين الجميع والله الصراحه الحين اشوفه الوقت مب مناسب.
حمد:نعم نعم وليش عاد.
موزه:الحين يابويه بتبدى الامتحانات وخواتك بيلتهن بها.
حمد:انزين برايهن خواتي اذا ما يبن يحضرن مب شرط بيحضرن العرس.
موزه:لا والله جانهن ماعندهن غيرك بيعرس وما تباهن يحضرن ملجتك حرام عليك.
حمد:تراج اتقولين امتحانات عليهن.
موزه:هيه بس بعدهن ما بدن.
حمد:خلاص يوم انهن ما بدن ماعليه الا ليله وحده هيه ما بيصير شيء
موزه:ماعليه بقولهن انا من باجر اذا بيفصلن على الاقل يتلاحقن عمارهن.
حمد:ماعليه خلاص عيل الا ماقلتي لي كم يبون المهر.
موزه:مهرها نفس عيال عمك. 20000 درهم. بس وعطها الفلوس كلهن مره وحده.
حمد:كم يعني ؟؟
موزه:تبا 100الف.
حمد:بيكفن.؟؟
موزه:..هيه بيكفن بعدين العقد الرئيسي والدبله والساعه خلصناهن فطيم اشترت الدبله والساعه وانا وابوك خذنا العقد..من دبي..
حمد:يا حيكم والله وانا آخر من يعلم.

..عجيد الريم..
21-05-2009, 11:25 AM
موزه: يا ولديه وين كنا انشوفك وانته من بوظبي لين العين ولا انشوفك بعد يوم تي العين متلعوز في دوامك.قلنا بنخلص عنك.. واذا ما عيبك بنرده الفواتير بعدهن عندنا.
حمد:لا افا عليج ام خالد ارد ذوقكم لا والله ما سويها.
موزه:ربي يسعدك واشوف عيالك يا حمد..
حمد:آمين يا ام خالد. ولج رفجه عليه ان اول ولد اسمه على حياه المرحوم.
موزه:فيك الخير يابويه بس ليش بتعور قلبك عليه.
حمد: لا يا امايه انا وعدت خالد اني اول ولد اسميه عليه وهو بيسمي عليه..
موزه:ربي يرحمه ويغفر الله .
حمد:آمين يارب.. يالله عيل الغاليه بخليج الحين ترقدين ولا تسهرين بسج من السهر.
موزه:هه ان شاء الله يا وليدي اتوكل انته. وارتاح .
حمد:اوكي يالله تصبحين على خير.
موزه:وانته من اهله..
طلع حمد من عندها وهو مرتااااااح واخيراً حلمه بيتحقق واخيرأ عويس بتي عنده.. ياربي.
رقد على طوووول ولا حس الا والتلفون يطر اذنه طر. من صوته العالي.شل التلفون بكسل.
حمد:ال..وووووووو
احمد:صباااااااااااح الخير.. يا احلى ولد عم. شووه ها رااااقد ابويه اتعرف كم الساعه الحين.
حمد:لاااا. كم ؟
احمد:امم الساعه الحين 7 ونص يا ولد العم.
حمد:اف معقوله رقدت وما حسيت بالوقت..
احمد:شوه دراني بك. يالله يالله نش ياخي عفنت رقااد.
حمد:ايوا انته شبعان رقاد علشان جيه غاثني من صباح الله خير..
احمد:أي صباح الله خير. ياخي القايله الحين يالله ماشيء باقي على الدوام يالله نش.
حمد:ان شااااء انته اسبقني وانا ياي بعد اشوي.
احمد:اوجي.

حمد:شوه ها النشاط الي طاح عليك..
احمد:بعد ربك. قالولك حمد دووم راقد وكسلان.
حمد:عداااااااال عليك ما ادري منوه الي دووم راقد وكسلان.. يالله عطني مسافه الطريق وبلقاك اهناك.
احمد:يالهرم وين الصلاه والسبوح ولا ماشيء منه.
حمد:اف احمد تراني مب فايق لك.. اكيد بقوم اتسبح واصلي ما يبالها كلام.. يالله اجلب ويهك الحين مافيه عليك.من صباح الله خير. اتنكد لي يومي..
احمد:هههه على أي صفحه اجلبه.
حمد:يوم بشوفك بقولك على أي صفحه.
احمد:ههههه لا ياريال خلاص بجلبه بروحي . هااااه جلبته باي
حمد:ههه باي.
سكر عنه ونش حمد يتسبح ويصلي ونزل تحت يشغل السياره.
موزه:صباح الخير هااه تعال بتتريق..
حمد:لا امايه متأخر وما فيه اتأخر زياده.. لو عندي حرمه جانها موعتني ويايبتلي الرويوق لين الحجره.
موزه:لا يابويه ها المكر ماشيء منه اتوعيك برايها اما انك تتريق روحك في الحجره لاااا عنه بوه ما انشوفكم الا وقت العيشه الحين تبون تتريقون في الحجر متى بنشوفكم عيل.
حمد:ههههه خلاص ولا يصير خاطرج الا طيب بتريق وبتغدا وبتعشى في حجرتج شو قلتي.
موزه:لا عين خير هذه الطاوله اشكبرها مزروعه اهنيه الاكل ينحط عليها وانتو بتاكلون عليها وانا بييكم اهنيه.عنبوه ما اتعافون التخشيشات.
حمد:هيه والله امايه انه تضربني ضيقه يوم اتم في مكان مسكر وايد.. يالله عيل اشوفج على خير.
موزه:انزين حط في حلجك لقمه.
حمد:امايه تعرفين زين اني ما اتريق الصبح وين يوم اني متأخر اتريق. بس صبي لي كوب الشاهي بشله ويايه السياره.
موزه:ياها الشاهي الي ما تصبر لا انته ولا خواتك عنه والعيشه ما تبونها.
حمد:اماااايه الشاهي تراني متأخر......
موزه:انزين انزين اندوووووك حشى نحن ما نبى الا مصلحتكم.
حمد:امااااايه فديييييييت رووووحج انا مب ياااااهل الحين انا معرس
موزه:هههههه الله يهينكم ياربي.. رووح ربي يشرح صدر وييسر دربك.
حمد:آآآآآآآآآمين يا بنت رويه. الا شخبارها والله لها وحشه من زماان ما اتغايضت وياها.
موزه:يا الهرم هاي يدتك. تعال اليوم وقت بتلقاها اهنيه تبى اتسير السوق وتباني اسير وياها وبييبها البيت.
حمد:اووووب اوووووب خلاص عيل من يخلص الدوام انا عندكم. رويه تينا البيت وما تبيني ارد افا عليج امايه.
موزه:حموووود يالله سير دوامك بسرعه.
حمد:هههههه حمووود عاد الله يسامحج انا ياهل ما سميتيني حمووووود الحين ريال بلحيتيه ومعرس اتسميني حمووووووود ماعليه بخبرها عليج.
موزه:هههه حمد وبعدين ويااااك يالله عاد.
حمد:ههههه لا اتحاولين بخبرها عليج.ههههه يالله فمان الله.
موزه:هههه ربي يحفظك........ يا عليووووووه نوووووره وينكن ريقوكن برد..
نوره:هااه امايه يالله انا خلصت وين دانه.
موزه:دانه طلعت الصبح ويا منيره بنت عمج
عليا:السلام عليكم. دانوه طلعت؟
موزه:وعليكم السلام هيه طلعت الصبح وداها الدريول لين بيت عمج ومناك سارت ويا منيره.
نوره:داانوه برايها اتسير بيت عمي وانا لاااااااا شوه ها الظلم.
موزه:دانه ما بتيلس عندهم اسبوعين بتسير ساعه لين يخلصن مشروعهن هيه ومنيره وبيداومن الجامعه مش مثلكن انتن.الا تعالن ذكرتني حمد اخوكن خلاص خطب وملجته الاسبوع الياي فإذا بتفصلن شيء من الحين قولن
عليا:والله منوه هاي..
نوره:الله حمد بيخطب..
موزه:هيه بيخطب عن قوم حمدان ربيعه.واسمها عويش..
عليا:الله حلووووووو محد في العايله اسمها عائشه حلووووووو
موزه:انزين ماعليه شوفن اذا بتفصلن ولا بتشترن جاهز وخبرني علشان من تي فاطمه اتخلص وياكن انا مابروم عليكن.
عليا:لا ما بنفصل احلى الجاهز في مركز في دبي اسمه البستان الفساتين الي فيه روعه وارخص عن التفصيل يعني بيطلع الفستان الواحد ب 700 ولا 800 واغلى واحد بيوصل ل3000 ولا 4000 بس انا بدور لي واحد فناااااااااان
نوره:وانا بعد ماابا افصل التفصيل اغلى عن الجاهز ربيعتيه مفصله فستان عند سنوايت ب 3500 والله انه ما يسوى.. وختها خذت فستان من العين موووول ب2000 وبعد ما يسوى كله دانتيل وشغل اشوي بهاييج الحجيه. البستان وايد يمدحونه بس المشكله العالم كلها اهناك.
عليا:عيل الحين لو بتفصلين عند أي حد القطعه بكم والتفصيل بكم بيطلع كله عليج فوق 2000 درهم.
موزه:ماعليه انتن شوفن بعدكن فاطمه وطالعن شوه بتتفقن عليه وخبرني علشان الدريول..
عليا:ماعليه امايه يالله ترانا تأخرنا يالله قومي.
نوره:يالله خلصت بس بشرب الشاهي.
موزه:وانتي اشله ما تاكلين.؟

..عجيد الريم..
21-05-2009, 11:29 AM
عليا:ما اقدر أكل شيء الصبح على الاقل بعد ساعتين اوكي بس الحين لا ما اقدر وبعدين مب يوعانه الحين الدريول موجود اهنيه.؟
موزه:هيه يترياكن برا وصل سعيد ورد لكن.
عليا:يالله عيل امايه دعواتج
نوره:دعواتج ماماتي
موزه:ربي يوفقكن ويصلح دربكن
عليا:آمين ياربي.
نوره:آمين يارب.والله ارتاح يوم تدعيلنا الصبح امايه ربي يحفظج ويخليج النا يا احلى ام في الدنيا
موزه:ههههه آمين يارب بس ماشيء سيره لبيت عمج ها المكر مب عندي.
نوره:حراااااام امايه.
موزه:لا حرام ولاشيء. وينه هوه محرم في الاسلام هاتي دعاء ولا آيه اتبين ها الشيء..
نوره:ماكان عندهم هاييج الايام ها الي عندنا الحين.
موزه:نووووووره سيري اختج تترياج يالله بسرعه وفكيني من الحشره.
نوره:آآآآآآآآه انزين.باي.
موزه:ههه باي..
من وصل احمد الدوام اتصل بخته هند. الي كانت الساعه عندهم توها 6 وطبعا كان واثق انها واعيه .
هند:احلى صباااااح لاحلى اخو في الدنيا..
احمد:ههههه صباح النور انا الي متصل مش انتي.
هند:عادي حبيبي مهب مشكله من متصل قبل من. المهم اني اصبح عليك.
احمد:يا اللوتيه علومج هنود.
هند:الحمد لله انته شنهي اخبارك شنو مسوي ..؟
احمد:والله الحمد لله يسرج الحال .
هند:الحمد لله.. الا غزلان شنو اخبارها.
احمد:الحمد لله يسرج حالها.. الا هند بغيت اقولج شيء قبل ما افاتح ابويه فيه.
هند:اتفاتح اوبوي.. خير يا احمد.
احمد:لا خير الموضوع يخصج انتي ؟؟
هند:انا؟؟ احمد خوفتني.
احمد:هند لو ياج ريال من طرفيه واتقدم لج بتوافقين.. وعلى ضمانتيه فيه.
هند:هاه.. يخطبي آناااااااااااا..
احمد:لا آنا اكيد انتي.
هند:آحمد عفيه حرام.
احمد:ههه انزين ماعليه شوه قلتي ؟؟
هند:اقول في شنوووو انا الريال ما اعرفه واذا انته اتعرفه الصراحه يا احمد ما اعرف شنو اقولك.
احمد:مب مهم انتي الريال اتعرفينه ولا لاااا. معنج الريال انتي شفتيه؟؟
هند:آنا شفته؟؟ وين؟؟
احمد:في المطار يوم سافرنا العمره. تذكرين الريال الي خلص موضوعج ويا الحجز.
هند:اييه آذكره هو نفس الريال؟؟
احمد:هيه هووه هند دخيلج فكري في الموضوع.. انا الريال اعرفه ريال ونعم الساع فيه وبعدين بيخليج عندنا اهنيه في البلاد وبتفتكين ومن السفر لين قطر.. شوه قلتي هند.
هند:والله يا احمد انته فاجأتني الصراحه. مهوب عارفه شنو اقولك..
احمد:هند انتي مره قلتي لي انج تتمنين انج ترجعين اتعيشن عندنا فكري ..
هند: امبلا ..بس بتكون السالفه الا اياها بكون بعيده عنكم.. اهووه ساكن في دبي. وانتو في العين يعني بعيد.
احمد:هنووود حبيبي دبي مب بعيده عنا بس ساعه زمان وانتي واصله عندنا مب ساعتين في الطياره وساعه درب.. وتين منهد حيلج.. فكري يا هند وردي عليه. والريال ترا قالي انه يبى يسمع رايج قبل ما ارمس اهليه .
هند:امم تعطيني فرصه افكر .
احمد:امم كم تبين وقت؟؟
هند:يعني يوم ولا يومين.
احمد:امممم ما بتقدرين تاخذين قرار في خلال ها اليوم..
هند:احمد هذا عرس مهوب لعب يهال..
احمد:ادري انه عرس. فهميييييني هند ماباج اتروحين قطر نباااج عندنا انتي مكانج اهنيه انا الغلطان ما كان لازم اخليج اتروووحين اهنااااااك حرام عليج حسي فينا ابووووويه مشتاق لج من صووووب وخواتج الي تتحجيجن انهن يكرهنج هاكنن دوم يتخبرني عنج.. وحتى حرمت ابوج تتخبرني متى بتين البلاد حرام هنووود دخليج وافقي على ذياب.
هند:آحمد؟؟
احمد:ما بجبرج فكري وردي عليه.برايج انا في الدوام الحين.
هند:بتسكر بعد!!.
احمد:هند غصبن عني عندي شغل من يومين كنت في بوظبي وشغلي اهنيه ما صكيته لازم اخلصه.
هند:في بوظبي ليش؟
احمد:عندنا قضيه اهناك وقعدنا انا وحمد هناك فتره.. يالله برمسج يوم اطلع من الدوام.
هند:اوكي.. باي.
احمد:باي.
سكر عنها وقعد يشتغل وباله مشغول يمكن انه غلط يوم انه قالها انه اهلها كلهم مشتاقين لها.. بس هذا الواقع صدق كلهم مشتاقين لها.ويبونها اترد وهيه ما قصرت في حق يدها بالعكس قامت به على اكمل وجه خلاص لازم تستقر في حياتها وفهمته انها مستحيل تاخذ اقطري لو منوه ما كان ما تاخذ قطري تبى من هل دراها..بس مهما يكون ما كان لازم اظغط عليها بها الشكل.. اف ماعليه من ارجع ارمسها خلاف بستسمح منها..
كمل شغله لين ياه حمد وقعدو يشتغلون لين خلص الدوام وردو البيوت طبعا حمد مستعيل علشان رويه في البيت.. وهوبيموووت لو ما طفر بيدته..
واحمد من طلع من الدوام رجع اتصل بهند بس هند ما ردت عليه. الظاهر انها زعلانه منه.اف استاهل ولا حد يجبر اخته على شيء ما تبااااااه. بس ها الشيء لمصلحتها.. اف رجع البيت وناااااااام..حتى غدا ما تغدا من صلى الظهر رقد..
وحمد من وصل البيت لقى البيت فاضي وسار قسم امه لقاها اتصلي هيه ويدته.. سار حجرته واتسبح وصلى الظهر وطلع. لقاها اتروكع بعدها.. ومن سلمت..
حمد:ول عليج يا يدووووووه كل هذا صلاه حشى لو بدا وياج السديس خلص صلاته من زمان.
رويه:هب هباك الرب رد الشهاده على ويهك.. عنه بوووووو تبى تحسدني على صلاتي..
حمد:اشهد ان لا الاه الا الله واشهد انه محمد رسوووول الله. تف تف تف عليج من الحسد. بس صدق انا ييت ويلست اشوي ورديت حجرتيه واتسبحت وصليت وطلعت وانتي بعدج اتروكعين. الا قولي لي كم ركعه صلتي .؟؟
رويه :اصلي كم ما ابا انته وشل لك.. وبعدين يوم انتو اتصلون الا الفرض من دوون السنه اتسميها صلاه هاي
حمد:منوه يقولج اني اصلي بدوون ما اتسنن الحمد لله كل صلاه اصليها كامله. الا بتخبرج صدق كم اتصلين؟

..عجيد الريم..
21-05-2009, 11:30 AM
رويه:ووانته اشتبابي كم اصلي.. وبعدين مسود الويه قبل ما تاخذني بشراع وميداف قلت السلام عليكم قلت اشحالج يديته ياي اتحاسبني ما اتقول الا اختك الصغيره ولا بنت يرانكم.
حمد:اتخسي بنت ييرانا ارمسها شوه مب مرباي ارمس أي حد..ولا بعد بنت؟
رويه:بتسكتينه ولدج ولا لا يا مويييز.
حمد:افااااااا مويز وحنا انسميج امايه.. افا وهيه اتسميج بموووويز لا يكون امايه انتي مسمايه على راعيه الصالون.
موزه:تترفس في بطنك راعيه الصالون قول آمين.
حمد:يدووووووووه تسمعين اموييييييييز شوه اتقوووووووول تبى راعيه الصالون تترفس في بطني وحليلي مب ماكل شيء من البارحه ما اتطيع اتأكلني . وان يت هاي الموييييييز تترفس في بطني بمووووووت.
رويه:تتفاولين على ولدج
موزه:اعوذ بالله ما تسمعينه شوه يقول..اقولكم شيء مافيه عليكم برايكم بسير اشوف الغدا. وانته يا الهرم يوم اني اقولك تعال كل لك شيء اتقووووول ما تبى والحين ياي تتمسكن عند يدتك.
حمد:نسيتي شوه قلتي لي الصبح..
موزه:شوه قلت لك الصبح انا؟؟
حمد:شوه قلتي اقول ولا اسكت احسن.
رويه :شوه قالت لك ارمس.
حمد:اناارمس امايه صبري اشوي يدوه انتي االحين مب دورج.
موزه:ههههه سمعي..
رويه:مسود الويه انا يدتك واتقولي جيه.
حمد:بتخبركن ويهي إسود من كثر ما تدعن عليه. حرام عليكن خفن اشوي انا معرس خلني ابيض دووم اتسودن ويهي..بدال ما اتقولن مسود الويه.. قولن مبيض الويه.
رويه: وينه هو بياض الويه الي مسونه يوم انك اترمسني جذيه.
حمد:ونا شوه قلت لج. بعدني ما رمست شيء.
رويه:الله يعيني يوم الا هذا كله ولا رمست عيل يوم بترمس شوه بتقول..؟؟
حمد:خلي عنج هذا الحين توني اتذكرت يدووووه بسوي معاج هدنه الحين واباج في صفي شوه قلتي.
رويه:شوه هدنته بعد.. داخلين في حرب نحن.؟؟
حمد:لا كنا في حرب الحين في السلم المهم بغيتج في موضوع.
رويه:ارمس اسمعك.؟؟حمد:مشكله العيايز استيعابهن بطيء..
رويه:عاز حيلك عسى.يا الهرم.شوه اتشوفني جدامك بعجويتيه.
حمد:وانا اقوووووول امايه القواه من وين يابتها مااقول الا الله يعينك يا يدي وابويه عليهن.
موزه :على شوه يعينهم.
رويه:انا اقوولج ولدج لسانه متبري منه.
حمد:افا يا يدووووووووووه ماقلت شيء انا.
رويه:خوز عني بسير خاري انا.
حمد:افا والهدنه الي ابا اسويها وياج.
رويه:مابا منك لا هدنه لا شيء.. خوز عني.
حمد:ورفجه الغالي عندج.احم......................
رويه:بتخبرك انته ها الرميسات من وين مضونهن..
حمد:احم طال عمرج منكم انتو معلمينا.
رويه:لا حشى طولت اللسان نحن معلمينكم اياهن .؟؟
حمد:لا مب طولت اللسان محشووووووومه بس القواه اشوي..
رويه:تسمعينه ولدج.
موزه:هههههه والله يا امايه محد ايوز له غيرج عندج اياه انا تعبت وياه..بسير اشوف ريلي ابرك لي.
رويه:هيه ريلج تبينه ولا نحن ما تبينا
موزه:جاني من صباح الله خير وياج اتفرفر في ها الاسواق.وريلي لين الحين ما شفته.
حمد:نعم نعم وين تتفرفرن في الاسواق.ماعندنا حريم يهومن في الاسواق. ماعليه يوم انكن جذيه بسير ليدي الحين وبقوله حرمتك وبنتك هوامات.. وبسير لابويه وبقوله حرمتك وعمتك هوامات عرسو عليهن.
رويه:مسود الويه.انا اقولج هذا الولد مب لكم ما ادري على منوه طالع بتخبرك نحن اهلك مب عدوينك جذيه اتعادينا.
حمد:انااااااااا مب ولدكم. لاااااااااااا مستحيييييييييييييل لااااااااا منوه اهليه الحين تعترفوووووون بمووووووت منو ابووووووووويه منووووووه اامااااااااااايه منوه انتووووو اكيد انتووووو الي اختطفتووووووووني لااااااا لاااااااااا مشمعقوووووووووووووووول لا بموووووووووت .. انا مش هاأعد مش هاأعد مش كل شويه بيرد على التلفون هوه. اووه هذا خارج النص,الرجاء شطبه..خخخ
رويه:الله يكملك بعقلك يا حمد. قلتي لي انه يبى يعرس بعد.. الله يعينها هاي الي بتضويها ياحمد عليك.
حمد:هههههه افا عليج يا يدوووه عندكم غير وعندها غير انا شوه تتحسبين كل شيء واحد لااااا طبعا
موزه:شربي .. تسمعينه ويوم اقوووولج اتقوووولين ابد حمد مب جذيه
رويه:ماعليه انزين قولي كيف عندنا غير وعندها غير
حمد:هيه عندكم هذا انا. مثل ما انا ما بتغير.بس عندها لاااااا رزانه ورمنسيه لاخر حد..
موزه:هههههههه عيل ابوك ما سوا ويايه جذيه الحين بسير له وبخليه يسويلي جيه.
حمد:شوفوالغياره. يقولون البنت عديلت امها.. وانا الي اشوفه انه الام عديلت ولدها.
رويه:هههههههههههه مسود الويه هذيلا امك وابوك.
حمد:وشوه يعني .. لازم يغارون منا يعني
رويه:انته ظوها قبل وخلاف ايلس تحرطم علينا. المهم هذيه امك وسارت شوه الي تباني فيه.
حمد:ههههه وانا اقول انا طالع فطين على منوه..
رويه:ادري انك طالع عليه بس يالله ارمس
حمد:برمس سمعي ...
وقعد يخبرها بالي يباه .
رويه: مسود الويه صدق انك ما تستحي.
حمد:يدووه تراها بتصير حرمتيه على سنه الله ورسوله.
رويه:بس يا بويه عيب شوه بيقولون عنا. وانته اشله ملهوف عليها من تي عندك سو وياها الي تباه بس انا نطلب منهم جيه الحين فضيحه.
حمد:يدووه ما ببات وياها انا بس ابا ايلس وياها ربع ساعه بس.
رويه:والله يا ولديه ما ادري كيف بنسوي جيه.
حمد:شوفي انا استحي اقول لحمدان اني ابا ايلس وياها والبسها الذهب بروحي بس لو رمستي انتي بيوافقون عادي.
رويه:واشله ما اتخبر امك انته.
حمد:عند ربي خير.. امايه بتقول ما اترووم انا اعرفها عيوزي دخيلج الغاليه واوعدج اني ما اغايضج..
رويه:لو اني ما اصبر عن مغايضك بس ماعليه خل الموضوع عليه.. وبنشوف شوه آخرتها وياك يا ولد مويز.
حمد:ولد موزيز ولد العيوز مب مشكله بس المهم انج وافقتي . فديت مخرفتيه انا.

..عجيد الريم..
21-05-2009, 11:31 AM
رويه:المخرفه امك مب منك من الي يلس وياك.
حمد:لااا افا عليج السموحه منج كله ولا زعلج. خلاص
رويه:مشكله انك مقبوض من ايديك الي تعورك.
حمد:هه هيه والله. بس يالله بنصبر لين تنتهي هاي الملجه على خير.
رويه:يالله خلنا انسير عندهم تراني يوعانه.
حمد:افا عليج الحين بوديج عندهم حتى لو تبيني اشلج فالج طيب.
رويه:لا يابويه الحمد لله بعدني قويه واروم امشي.
حمد:ادري بس آخاف عليج انج تتعبين .تدرين بعد انتي الغاليه.. ام الغاليه.
رويه:ياويلي من لسانك يا حمد.. يالله سير جدامي
حمد:لا والله انتي قبل افا والله.ليديز فرست.
رويه:شوه هه شوه يعني هاي لييييزي فسست.
حمد:ههههههههههههه يدوه ليديز فرست.. يعني الحرمات قبل.
رويه:امف عليهم تبا اتجدم الحريم على الريايل.. يالله بالستر .
حمد:لا افا عليج بس هاي المره يدوه ومره ثانيه ممنوع بس يقولج الحايه بنت نقط نقط نقط.
رويه:بنت كلب هااه.. ماعليه يالله بنشوف آخرتها وياك
حمد:يدوووه بنتم نتعازم ترانا ما بنتغدا ونا الصراحه ميت يوووووع..
دانه:حمد يدوووه يالله غدااااا تعالو
حمد:يالله ياييين يالله يدوووه.
رويه:ماعليه يالله....
.وسارت جدامه.
حمد:هع ليديز فرست..هههههه
رويه:مسود الويه.
حمد:ياويل ويهي من كثر ها الدعاوي الي تهل عليه..
رويه:روحك تيبهن لعمرك..
حمد:اناااااااااا ؟؟
رويه:لا يدي.
حمد:ههههههه ليش يدووه يدج بعده عايش..
رويه:هيه اتصدق..
حمد:اب اب عيل هذا معلم تاريخي ..
رويه:حمووود اصطلب احسن لك ترا والله لاتيك حلفه ولا انسوي الي تباه.
حمد:هاااااه هاااااه خلاص والله خلاص كله ولا حلفتج. افا عليج والله لالم ثميه عنج. افا عليج.. اف..انعصبت
رويه:والله انك ماتي الا بالعين الحمرا..
حمد:حمرا زرقا خضرا المهم انخلص. يالله عاااااد يوعاااااان..
موزه:بسم الله عليك ومن متى نحن نترياكم
رويه:هذا ولدج هو الي مأخرني.
حمد حاس بوزه مب قادر يقول شيء يخاف انها تحلف اتسويها العيوز.. ولا حد يحط مصيره في ايدين عيايز
حمد:احم يالله بتغسل وبيي.
موزه:يالله استعيل.
حمد:ان شاء الله. الا سعيد وينه.؟؟
موزه:مايبى غدا ماكل في المدرسه ومب يوعان.
حمد:هيه .. زين يالله بتغسل وبيي.
عبدالله:اقربي اقربي ام سعيد..
رويه: قريب .. مشكور يابوخالد. يعلها نعمه دايمه.
عبدالله:ومن يقول عسى.. بتخبركن انتي ما تن الا بالقطاره وين خواتكن.
عليا:نوره الحين بتي ... وشما وشمسه متغديات مساعه.
عبدالله:متى اتغدن؟
موزه:ينحط لهن غدا من ايين من المدرسه. وامره يرقدن مافيه على حشرتهن.
عبدالله: ونا اشوف البيت هادي.
رويه:حليلهن يابوخالد يسون لك حس في البيت
حمد:وين حس هذيلا السكن الا قولي يسون الدمار الشامل..ومحد مستضر منهن غيري.
موزه:وين مستضر وانته من اتشوفهن اتنابحهن مثل الجلاب حاط دوبك من دوبهن.
رويه:خليه يصلبهن. يقولكم البنت كل يوم ينكسر لها ضلع علشان تتسنع.
حمد:عاشت. يالله عيل من اليوم ببدا فيكن.. كل يوم ضلع.
عليا:يدووووه حرام عليج الحين صدق بيطبق علينا
رويه:والله ها كلام الالويين البنت لازم تنهان علشان تصطلب..وما جذبو البني في ايامنا ما يرومن ينطقن بكلمه عند ابوهن ولا خوانهن.. وانتن بني ها الايام الصوت ما يحتاي.. عندكن ابوكن ولا ما عندكن.كله واحد... و الحيا صار ها الايام على قولتكن موضه جديمه.
حمد:عاشت يدووه تعرف بالموضه والله.
رويه:من كثر ما نسمعهن.
موزه:امايه ازيدج عيش؟؟
رويه:لا ماباه بسني انا.
حمد:لا افا يدووه ما كلتي شيء انتي..
رويه:امبونه اكلي اشوي. ما آكل وايد..
حمد:بس مب زين لازم تتغدين عدل.صح ابويه.
عبدالله:هااااااااه . هييه لازم..؟؟
الكل مستغرب من تصرفات حمد.. معنه بالعاده ما يخلي ليدته فرصه انها ترمس الا وعلق عليها.. ما يصبر عن مغايضها. بس الي يشوفونه اليوم شيء عجيب. اكييد السالفه فيها إنا..
من خلصو غدا وسارو الصاله الثانيه حمد مسك دله القهوه ومن صب على ابويه . رد صب حق يدته.والكل بعدهم مستغربين. قامن البنات ويابن الحلو. والفروت المقطع.. نش حمد وشل من عندهن صحنين صحن له صحن ليدته. وامه وابوه ما عبرهم..
عبدالله:حمد يابويه شيء بلاك انته اليوم؟
حمد:لا ابويه ليش..؟؟
عبدالله:لا ياولديه بس مب من العاده اشوفك جيه.. وخصوصا من تخلص غدا اتسير بالعاده ترقد
حمد:هيه ابويه اليوم مافيني رقاد وبعدين عندنا القمر وتباني اخليها يدووه مب دووم تينا.
عبدالله:هااه.. هييه زين زين ياولديه سمحليلي يا ام سعيد انا بترخص منج بسير اريح اشوي.
رويه:مسموح يا بويه ربي يحفظك برايك.انا اشوي وبسير احط راسي بعد.
حمد:يدوه وين ترقدين ترانا يالسين ووياج.
رويه:والله ياولديه من صلاه الفير لين ساعتك ما رقدت.
حمد:افا والله يالله عيل الحين بوديج الحجره تريحين.. وين الله يهديج امايه اتفرفرينها في السوق وهيه ما اتروم..
موزه:انا افرفرها تراها هيه معزره تبا السوق.
رويه:هيه والله انا بغيت السوق.. يالله عيل انا بسير ارقد.
حمد:يالله يدووه بوديج الحجره.
رويه:يالله عيل.. انسلم عليكم.
الكل:الله يحفظكم.
بعد ما سارو حمد ويدته.
دانه:في شيء غلط في حمد اليوم؟؟
عليا:اكيد ونا متأكده بس شوه هوو ما اعرف.

..عجيد الريم..
21-05-2009, 11:32 AM
موزه:شوه بلاه بسم الله على وليدي .. مافيه شيء بعدين انتن اتعرفن معزه يدتكن عند حمد.
دانه:هيه امايه اسمعج يوم اتقولين له اشله مقصر في يدووه. ما يسير صوبها غير في السنه حسنه.
موزه:بعد انتي واقفتلي في العظم تعرفين انه اخوج مشغول ومن يفضى ايسير صوبها.
عليا:هيه دافعي عنه . اكيد هذا حمد. الدحانه.
موزه:اقول مب جنه واركن دراسه انتن جابلن كتبكن ابرك لكن.. يالله.
عليا:انزين...
دانه:هههههههه اوكي مامي..لو اني ما عندي شيء بس بروح اراجع على الي خذناه اليوم.
موزه:يالله انتي بعد نوره..
نوره:انزين.. سايره.
سارن نوره وعليا حجرتهن يدرسن.. يت دانه عند امها الي كانت في المطبخ.
دانه:امايه حمد بيخطب عويش خت ربيعه حمدان صح؟؟
موزه:هيه وانتي اشدراج بها.؟؟
دانه:هع انا اعرفها عويش..كنت اشوفها في الجامعه.. ماشاء الله عليها محلاتها. اتصدقين يقولج انها احلى خواتها.
موزه:هيه بسم الله عليها. شفتهن في العرس وهيه احلاهن.هذي غرشوبه حمد.
دانه:هيه والله..
موزه:يالله انتي ماقلتي انج تبين تدرسين.
دانه:انزين بروووووح بس بسألج امايه شوه بين يدووه وبين حمد.. ؟؟
موزه:والله يادانه ماادري ليش ماتسألينهم ؟
دانه:منوه اسأل يدووه بتهزبني.. وحمد بيكفخني وبيجوتني برا مافيه عليهم.
موزه:هه يوم انه مافيج عليهم اشأله تسألين.
دانه:فضوووووووول بس.. ماحيد حمد جذيه يحاتي يدووه..
موزه:دانووووه سيري درسي احسن لج.. وهيه لا تنسين موعدج عند راعيه الصالون دقت عليه فطيم اتقولي اذكرج.
دانه:لا ما نسيته. اليوم المغرب لازم انكون عندها.
موزه:زين ربي يوفقج يابنتي.
دانه:آمين يا امايه.يالله بروح ادرس انا الحين..
موزه:الله ييسر دربج يابنتي..

في ها الوقت عند عويش..
عشبه:مبرووووك يابنتي.
عويش:الله يبارك في حياتج امايه.
عشبه:من يصدق حمد ولد عبدالله ايينا خاطب.؟
عويش:ليش امايه ؟
عشبه:ما ادري والله بس احسبها غير
عويش: ما ادري والله بس الي اعرفه انه رمس حمدان وقاله انه يبى يناسبنا.
عشبه:هييه. زين والله. ربي يسعدكم.. الا بشرتي خواتج.؟
عويش:لا بعدني العصر بقولهن وحده وحده
عشبه:هيه ياحيج والله برايج عيل يابنتي بسير ارقد لي اشوي.
عويش:الله وياج امايه.
قعدت اعويش اتفكر ليش امها استغربت تقدم حمد لها معقوله اتكون شاكه في شيء.. بس كيف بتشك يوم كانت اترمس حمد ولا ترمس عند سلامه عنه كانن متأكدات انه محد عندهن الا هذيج المره يوم عويش كانت منهاره ورمست سلامه..من دوون ما يحسن انه يدتهن تسمع الرمسه..بس ليش امايه قالت ها الكلام ..

نهايه البارت..
شوه راج يصير خلونا نتابع الياي في البارتات اليايات...

السولعيه الحلوه
21-05-2009, 03:37 PM
تسلم ايدج على البارت الفنااااااااااااااان...

واخيراُُ ببيملجون الحبايب وعقبال حمدان وذياب...

اتوقع ان ام حمدان سمعت عويش يوم تكلم سلامي عن حمد...

وانا شاكه في عيسى يكون متورط في القضيه الا حمد واحمد يحاولون يحلونها...

وهنوده اتوقعها بتوافق بس بتتغلا على احمد...

نترياج في بارتات يديد على نااااااااااااااار...

..عجيد الريم..
21-05-2009, 03:44 PM
اممممممممم ما اقدر اقوووولج شيء حاليبس اتصدقين يبتي لي فكره .. من خلال توقعاتج..

ههههه تابعي الي بييي وان شاء الله بيكون قد المقام. سولعيه. مشكوره على المروور..

اسعدني تواجدج..

غموووض
21-05-2009, 07:39 PM
تسلمين اختي على البارت الحلو
وانا بعد فكرت مثل اختي السولعيه الحلوه ان عيسى يكون متورط مع عصابة المخدرات
واخيرا بيملجون
نبي بارت العرس انا وايد محتمسه اعرف الاحداث الباقي
الله يعطيج العافيه
في انتظارج

ذبحني الح ـلا
21-05-2009, 11:44 PM
عجيدووو بارت راااائع

تسلم يمناج ..شوقتينا للبارت القادم

الله يستر من عيسى شووه وراه من بلاوي

حمد عنده تخطيط صحيح يعرف من يختار

وبالتوفيق لذياب و حمدان >> عقبال ما يحصلون الموافقة

بانتظار العرس

يعطيج العافية

بنوووووتـﮧ
22-05-2009, 04:51 AM
===

واخيرا ً خلصت قرايه انشغل واكمل قرايه انشغل واكمل قرايه :)
يالله واخيرا ياحمد <<< حبيب الكل هههه
المهم بالتوفيج لـ للي بـ يخطبون وعقبال حمدان وذياب ~
وان شاء الله مايكون متورط فهد ..
وانا اقول ام حمدان استغربت علشان ااتذكرت سوابق ولدها " حمدان " كيف انهم رضوا وخطبوا اخته ..


===

rara
22-05-2009, 10:01 AM
وأخيييييييييييييييييييييييرا خلص القراية


مشكورة عجيد


نتريا عرس حمد والشبيبه


عسى الاحداث الياية اتكون حلوووووه وما فيها كدر

صديقه
25-05-2009, 12:09 PM
يالله خلصنا هالفقره
و نتلايا الباجي
جار الانتظار.........................

..عجيد الريم..
25-05-2009, 01:18 PM
السموحه من الجميع اليوم ان شاء الله بنزل بارت يديد. يمكن بعد الغدا..

..عجيد الريم..
25-05-2009, 03:02 PM
البارت الخامس والعشرون.


يمكن يضيع الشوق في داخل إنسان
ويمكن يضيع إنسان من كثرة الشوق
وكم خافق من حرقة الشوق ظميان
ما كن له حس ونبضات وعروق
يا صاحبي كأنك على الوصل شفقان
فأعرف ترى قدرك على الراس من فوق

طلعت غزلان من دوامها وقت وراحت صوب العنود ختها..
غزلان:مرحباااااااااااا.؟
العنوود:يا هلاااا والله.. اب اب شوه هاي الزياره الحلوه..
غزلان:بعد ربج اليوم ما شفتج واشتقت لج وقلت ليش يا حلوه ما اعزم ختيه حبيتي على الغدا برااا
العنود:فديت الي تفكر بختها.مب مشكله بس طمنيني شوه صار لج ويا احمد ان شاء الله تراضيتو
غزلان:الا تراضينا ونص بعد آآآآآآآآآآآآآآه يا العنوووووود اشكثر احب ها الانسان.
العنود:تلوميني بفارس. عيل.. والله مشتاقه له حيييييل معني ارمسه يوميا بس بعدني احس اني ماشبعت منه.
غزلان:هههههه يالله ماشيء باقي الا شهرين وبتجتمعين وياااه طوووووول الحياااااه ان شااااااء الله.
العنود:آآآآآآه ربي يسمع منج.. يالله اتريني بس دقيقه بس بأخذ اذن خروج وبيطلع وياج.. الحين مصيبه معينين عندنا واحد ومطلعني من طوري.
غزلان:ههههه حليله ليش عاااااااد.
العنود:مغازلجي درجه اولي الاجانب ما يسون سواته.
غزلان:هه ليش هو اجنبي ؟؟ولا وافد.
العنود:لاااااا مواطن ومنز بوظبي بعد
غزلان:ايوا..لو وافد ولا اجنبي انا كنت بتصرف وياه اما السالفه فيها مواطن. لا آسفه ريلي من النوع الغيور ومافيه على زعله ما صدقت انه رضى عليه.
العنود:ههههه ياويلي من الي تخاف على زعل ريلها منها.
غزلان:لا مب سالفه اني اخاف منه.. بس مب زين اني ازعل ريلي بعدنا ما اتزوجنا خلينا نتزوج وفالج طيب.
العنود:هههههه حرام عليج. شوه ناويه على الريال.؟؟
غزلان:اووه يا العنود لو اتعرفين شوه ناويه على احمد؟؟.
العنود:هه خوفتيني شوه ناويه عليه.؟؟؟
غزلان:ههههه لا اتطمني بس بييننه فيني بخليه ما يشوف غيري ابد. مثل ما انا ما اشووف غيره هو بيكون نفس الشيء وياي
العنود: ياويل حالي عليج.
غزلان:احم يالله بسرعه تراني يووووعانه .
العنود:اوكي يالله بروح آخذ لي اذن
غزلان:خذني اذن انف وحنجره بس بسرعه الله يخليج.
العنود:ههههههههههه اوكي دقايق..
طلعت العنود من عندها وتمت غزلان في المكتب تترياها وجان تمسك التلفون اتطرش لاحمد رساله..

إشتياقي لك غريب
إسأل إحساسك يجيب
إنك النور لحياتي
إنت شوقي وإنت ذاتي
إنت كل الحب فيني
انت قلبي إنت عيني
إنت نبضي بالحياة
صار حبي لك جنووون
بس لك عندي سؤال
بعد كل اللي قريته
**** أنا لقلبك من أكون ؟؟!! ****
ومن وصلها التقرير الا وياها الرد. من احمد..

والله بدونك كل حياتي ولا " شي "!!!
وش عاد بعت الناس
يكفي " شريتك "!!!
دامك تساوي " بالغلا "
ذي ..... مع ..... ذي !!!
لبيه .... آمر .... أبشر .... عطيتك !!!
إلي تبي !!!
وإن جيت ابي حاجتن لي !!!
مابي سوى
كلمة " أحبك " فديتك "!!!!

ومن قرت الرساله رجعت طرشت له كلمتين..
احبك ..
فديتك..
رجع احمد وطرش لها .
امووووووووووت فيج واعشقج ..
وين انتي؟
ابتسمت من قرت الرد.. وماحست انه في حد واقف عند الباب.. يطالها وهو مصدووم..
رجعت طرشت لاحمد انها عند العنود ويبن يطلعن يتغدن وبترد الدوام بعدين.
من قرا المسج احمد رد عليها وقالها انها ما اتطول برا ومن ترجع للمستشفى تتصل به. ما يحب يتصل بها ويوم العنود عندها ما ياخذون راحتهم في الغزل..رجعت وطرشت له اوكي حياتو,,
ومن رفعت راسها انصدمت من الي شافته..
غزلان:معقووووله..انته؟؟
مايد: اتصدقين عاااااد وانا بعد منصدم من الي اشوفه جدامي.اشحالج غزلان؟؟
غزلان: الحمد لله يسرك الحال. ما كنت اعرف انك تدرس اهنيه.
مايد:هههه لا انا ما ادرس اهنيه انا اشتغل اهنيه..
غزلان:ايوا انته الموظف اليديد في الجامعه؟؟.
مايد: اب اب سمعتي عني..؟
غزلان:لا مب جيه السالفه بس توهم طروك انه في واحد مواطن اتعين اهنيه.!!
مايد:ايوا.. هيه توني متعين اهنيه.. ما توقعتي ها الشيء صح..؟؟
غزلان:تبى الصراحه لاااااااااااا شوه حالها خاصرتك الحين.
مايد:الحمد لله من سويت العمليه عندكم خاز الويع الي كنت احس فيه. وبعد ما طلعت من عندكم سافرت نقاهه وبالمره تشييك على العمليه تعرفين الدكاتره الي في المانيا عيبتهم النتائج وقالو لي ما اتوقعنا انكم اوكي في العمليات.
غزلان:ايوا يعني سويت الي في راسك وسافرت.؟؟
مايد:اف كورس.. انا ما اخلي شيء في راسي وما اسويه.
غزلان:اها.. زين والله يالله الحمد لله على السلامه...يالله عيل اسمحلي الحين اتأخرت.
مايد:الله يسلمج.. وين بها وين بتروحين الحين..؟
غزلان:مواعده ناس بنتغدا براااا
العنود:يالله غزوله بنطل........... هلا دكتور مايد ؟
مايد:اهلين دكتوره اشحالج؟؟
العنود:الحمد لله يسرك الحال.
مايد:الحين عرفت ليش كل ما اشوفج احس اني شفتج مكان ثرها تقرب لج.
غزلان:اتصير ختيه.. يالله اسمحنا دكتور تأخرنا.. يالله العنود.
العنود:هااااااه هييه يالله. يالله دكتور اشوفك على خير.
مايد:الله وياكن. وخلينا انشوفج دكتوره غزلان.
غزلان:ان شاء الله.يالله اسمحلنا.
مايد:الله وياكن ...... على فكره دكتوره غزلان اتحيدين ولد اخويه احمد..؟
غزلان:هيه شوه اخباره.؟؟
مايد:الحمد لله بخير وسهاله.. اتصدقين انه تم فتره بتخبر عنج..
غزلان:حليله سلم لي عليه.
مايد:يبلغ ان شاء الله..
غزلان:يالله عنادي..
العنود:يالله ..باي دكتور.
مايد وهو مبتسم:باي..

..عجيد الريم..
25-05-2009, 03:03 PM
طلعن من الجامعه وغزلان معصبه..ومن ركبن السياره تمن ساكتات.ولا شغلت السياره غزلان.
العنود:ممكن اعرف من وين تعرفين الدكتور مايد.؟؟
غزلان:فقته.. هذا من فتره كان عندنا في المستشفى وكان عنده في الرئه ماي.. وكان لازم انسوي له عمليه مستعجله ولا بيروح فيها.. وهو يبى يسافر ما يبى يسوي العمليه اهنيه.. حاول مدير المستشفى انه يقنعه.. وكم واحد من الطاقم الطبي حاولو بعد يقنعونه.. ياني الدكتور فادي وقالي حاولي معاه عمليته خلاص ما تتحمل التأخير فرحت له وحاولت اقنعه وبالحيله قدرت اني اخليه يسوي العمليه.. وسواها والحمد لله نجحت العمليه وهذوه بخير. عندكم..
العنود:اها.. وولد اخوه ها الاحمد شوه سالفته بعد؟
غزلان وهي اتشغل السياره وتطلع من الباركن:هذا الله يسلمج ولد صغير يمكن عمره 6 سنين ولا اقل. كان في الصاله يحاول يغير قنوات التلفزيون وما قدر ييته وعدلت الرسيفر له وعطيته الجهاز وسولفت وياه اشوي..وطلعت ومن عدها ما شفتهم ابد.
العنود:ايوا .. متى صار ها الموضوع.؟؟
غزلان:اممممم تحيدين يوم نطلع وياج المطعم ولقينا لاول مره الكتور فارس.؟؟
العنود:آآآآآآآآآآآآآآآه فديت طاريه..
غزلان:ههههههههههههه ياربي.. المهم هذيج الفتره كان ها المايد عندنا.
العنود:اف يعني اكثر من 4 شهور صاير ها الموضوع.؟؟
غزلان:تقريباً ممكن نغير الموضوع الحين. وقولي لي وين تبين نتغدا.
العنود:امممم ابا في الوحده مووووووول في مطعم اهناك حلو.
غزلان:الوحد موول الوحده مووووول شوه عليه.. يالله ..
سارن وتغدن في المول وحاطن اشوي فيه ورجعن لدواماتهن. رجعت ختها الجامعه وهيه رجعت المستشفى واتصلت بالحبيب.. احمد..
احمد: مرحبا مليوووون .
غزلان:مرحبتين حبيبي اشحالك.
احمد:بخير ربي يسلمج اشحالج حياتي.
غزلان:الحمد لله بخير لو اني مشتاقه لصوتك الي حرمتني منه يومين بس الحمد لله يسرك الحال.
احمد:حبيبي تعرفين اني مضغووط لين قمه راسي ومن نخلص من قضيه تطلع لنا قضيه ثانيه
غزلان:الله يعطيك العافيه حبيبي..
احمد:الله يعافيج تعرفين غزلان والله مشتاق لج ودي اشوفج بس صعب عليه.
غزلان:ههه وانا بعد ودي اشوفك من زمان ما شفتك وآخاف اني انسى شكلك
احمد:لا والله..
غزلان:ههههههههههه لا حبيبي انا اصلا من اغمض اعيوني اشوفك فيهن. وين انساك
احمد:فدييييييييتج ياربي.. غزلان متى بيخلصن ها الشهرين وايد احسهن.؟؟
غزلان:ههههههههه فديتك ياربي بيخلصن حبيبي قريب ان شاء الله.
احمد:آمين يارب.. الا ماقلتي لي الحب وين رحتو ؟؟
غزلان:سرنا الوحده موول تغدينا اهناك وحطنا اشوي وصلتها الدوام ورجعت.
احمد:ياحيكن والله. الا خلصتن مشتريات ولا بعدكن.؟
غزلان:لا والله حبيبي يعني شيء من شيء.. باجر عندنا بروفه الفساتين في دبي وبنروح ويا خالوه هيه بعد تبى اتفصل.
احمد:ياحيكن والله ماعليه حياتي بخليج الحين اشوف الرائد يأشرصوبي بسير اشوفه ارمسج بعدين.
غزلان:اوكي حياتي باي.
احمد:باي. ......نعم سيدي..
عند عويش الي قاعده تتصل بخواتها واتبشرهن بالبشاره. كلهن.. سوت لفطيم الي كانت ويا مريم وبشرتهن رباعه.. واتفقن انهن ايين عندها في البيت علشان يحتفلن رواحهن.ويتزهبن لها. ومن سكرت عنهن سوت لسلامه الي كانت في بيت ريلها تتجهز علشان السفر الي ماشيء باقله الا اسبوع..
سلامه:هلااا عواش اشحالج.
عويش: مصدووووومه سلامه..
سلامه:افا من شوه حبيبي..؟؟
عويش:سلامه حمد خطبني رسمي وبيونا في نهايه ها الاسبوع وما سويت شيء لين الحين.
سلامه:جذااااااااابه.؟
عويش وخانقتنها العبره: والله. حمد بيي يخطبني هووه واهله. وبيملجون بعد.
سلامه:مبرووووووووووووووووك الف الف الف مبرووووووك عويش وآخيراً اتحرك.
عويش:هههههههههههه الله يبارك فيج.. شفتي عاد.
سلامه:يااااااااي والله فرحتيني يا عويش.
عويش:عيل انا شوه اقول.. بس تعرفين سلوم محتاره من رده فعل امايه؟
سلامه:ليش؟؟
عويش:ما ادري يوم يت اتبارك لي قالت اونها ماتوقعت حمد ايي يخطبني
سلامه:وليش عااااااد؟؟؟
عويش:ما ادري يوم سألتها قالت لا ماشيء بس ما توقعته ايي يخطب من عندنا؟
سلامه:امج مرات اتصير غريبه.
عويش:سلامه أخاف هيه اتعرف شيء انا ما اعرفه وانصدم خلاف.
سلامه:لا ما اعتقد انه جذيه الموضوع.
عويش:عيل ليش قالت جيه.. شيء شافت عليه ولا سمعت عنه؟؟
سلامه:ما ادري والله. ويمكن ماشيء منه كل ها الموضوع. ويمكن قصدها انه اهله كيف بيين يخطبون له من عندنا بعد ماصار بينه وبين حمدان.. وخصوصا سجن حمدان ولا شيء.
عويش:لا يا سلامه قلبي مب مطمن لها الموضوع.
سلامه:انزين انتي ما رمستي يدووه يمكن عندها علم بشيء.؟؟
عويش:لا مارمستها عن هذا.هزرج لو قلت لها بتعرف الموضوع؟؟
سلامه:ما ادري يمكن ليش لااااا

..عجيد الريم..
25-05-2009, 03:04 PM
هند:يدي... بشتاق لك وايد.
صالح:ونا بعد يا بعد طوايف يدها بشاق لج.
هند:توعدني يا يدي انك اتزورني يوم اعرس.
صالح:اوعدج يا بنيتي..إني آكون آول المهنئين لج..
هند:آآه يا يدي اشكثر آحبك.
صالح:ونا بعد ياهند. آحبج والله إنج غاليه من غلات أمج.
هند:فديتك يا يدي.
صالح:فداج الاش يا بنيتي. الا ماقلت لي. منوه اهو الي بياخذج. شنوه اسمه وين يشتغل اذا اتعرفين.؟؟
هند:ههههه اشوي اشوي علي يا يدي.. كله مره وحده. بس يالله بقووول لك.. الي اعرفه عنه انه اسمه ذياب.. بس ذياب منوه ما ادري. وامم يشتغل مدير تنفيذي في مطار دبي.. واهو ساكن ويا اهله في دبي. بس. ها اللي اعرفه عنه.
صالح:ايوا.. وكيف اتقدم لكم عيل. اهوه في دبي.. واهلج في العين؟؟
هند:يدي ذياب هذا يصير رفيج أخوي احمد. وقاله له انه يبي مره من عندهم.. وبما اني خواتي كلهم صغار عليه . قاله احمد اني موجوده.
صالح:اها يعني انتي ما كد شفتيه؟؟.
هند:امم امبلا انا شفته مره وحده.. كنا بنسافر العمره وتذكرتي ما لقوها.. قام احمد وكلمه وخلص موضوعي اهوه بروحه.وما هدنا الين ما ركبنا الطياره..ورحنا العمره.
صالح:ايوا علشان جذيه كلم احمد انه يابي مره. اكيد انه شافج واتعلق بج
هند:هاااااااه ماادري ..؟؟
صالح:ههههههههه اييه يابنتي والله وصرتي عروس.. يالله بالبركه ان شاء الله.. ولج وعد اني اجهز لج جهازج كله من اهنيه.؟؟
هند:بس يايدي بجهز انا بروحي وعادي من الامارات.
صالح:عيل اكثر علي والباقي عليج. تدرين ياهند اني آنا الي مجهز زجهاز امج. كله.؟
هند:والله.يايدي..؟؟
صالح:اييه كانت بعدها اصغيره وما تعرف عدل بالاشيا كلهن انا كنت اجهز لها واييب لها المصميمن الي بيخلصون لها جهازها وما كملت الشهرين الا وهيه مسافره للأمارات عروس.
هند:يااي يا يدي تمنيت اني آشوفها ولو مره وحده.
صالح:هه تراج اتشوفينها كل يوم ياهند.
هند:كل يوم كيف يايدي.؟؟
صالح:ايه كل يوم. انتي ياهند نسخه من امج ما اخذتي ولا شيء من ابوج. وعندي صوره آذكر اني خاشنها مكان يوم كانت اهيه بعمرج.
هند:صدق يدي. أقدر آشوفها.؟؟
صالح:اييه تقدرين وتقدرين بعد انج تاخذينها معاج.
هند تلوي على يدها:مشكوووور يا يدي. مشكووووووور.. يا أحلى يد في الدنيا.
صالح:هههههههه بسج ياهند انتي ترا مب ياهل عيب البنت اتسوي جذيه بيشوفونا عيب.
هند:مهوب مهم بس المهم اني فرحااااااانه يا يدي..
صالح:ان شاء الله اتكونين فرحانه دووم يابنتي
هند:وياك يارب . يالله ارخص لي يايدي بروح آكلم احمد اخوي مساعه دق لي وما قدرت آرد عليه.
صالح:خلاص يابنتي روحي ربي يسعدج..
راحت هند حجرتها واتصلت بأحمد الي كان رااااااااقد من التعب .. بس من سمع صوت التلفون نش ورد عليه من دوون ما يحس.
احمد:آآلووو
هند:مرحباااااااااااااااااااااااا
احمد:هلا؟
هند:شلونك.
احمد:لوني ابيض. منوه انتي.؟؟
هند:هه ياخساره كنت اتوقعك بني مب ابيض.
احمد:ا..ه.. هند.. هـــــــــند؟؟؟؟؟؟؟؟
هند:اييه هند ليش تتوقع حد غيري..؟؟
احمد:ههههههههه لا بس لاني ناش من الرقاد ومب حاس بعمري اشحالج.
هند:ههههه ادري انك كنت نايم صوتك مبين عليك.. انا الحمد لله بخير وعافيه وانته شلونك.؟؟
احمد:قلت لج لوني ابيض.. وبعدين بسج عاد رمسي رمستنا.؟
هند:صعب عليه من اول شيء اتحجى بلهجتكم نسيتها
احمد:بتذكرينها ان شاء الله.
هند:ان شاء الله..... احمد؟؟؟ انا فكرت بالكلام الي قلته لي.؟؟
احمد:هند خلاص اذا ما تبين مش شرط انج اتوافقين وان شاء الله بييج غيره .