أعضاء المنتدى الجدد

[عطر الإمارات]

السلام عليكم

نرحب بكل عضو جديد بأجمل ترحيب

ونتمنى لكم قضاء اطيب الاوقات بين أخوانكم و أخواتكم الاعضاء في منتديات الكتبي

والاستفاده والإفاده من جميع فروع المنتدى

لا يوجد ماهو احلى من الورد لنستقبلكم به

http://www.afary.net/cards/pix/flowers/21.jpg


بعد التحيه

أخواني وأخواتي

كيف تعرفتم على منتدى الكتبي نت ؟


ت ح ي ا ت ي

[يحيى]

عطر الامارات ...........مرحبا اختي ........وتسلمين علي الورود الطيبه .......بس خبريني ماشاءالله عليك .....صورة الورود اللي ارفقتيها حلوين أنا اللي عرفته منهم ورود الجوري اللي لونهم بيج وكبار علي اليسار .......والياسمين الصغار اللي لونهم ابيض .....اللي أبا اعرفه انه رحيقك مأخوذ من اي منهم ؟؟؟......
تدرين انه ريحة العطر فايحه عندي .....واشمها بوضوح من تحت الكي بورد ..


بعد تحيتك الحلوه أختي .........سلمك الله بقولك انا كيف تعرفت علي منتدئ الكتبي :rolleyes:

طال عمرج ....ونحن جلوس علي الكراسي مجابلين النت وبالتحديد في جات دبي لوفلانتاين.:D ...
تدري يا اختي حالنا كيف ونحن علي الشات .......اللي يالس يخترع حروف وكلمات يديده .....واللي مندمج ويا ربعه وهات سلام وخذ هلا وغلا وياالله حيهم ووينك ويالقاطع وياالمقطوع ....الخ من الروتين اليومي المحفوظ سلفا علي اسطوانه جميع الشاتات ......
وشوي نشوف واحد كان ويانا اسمه ( الطيف الاماراتي ) هو علي وزنج شويه بس انتي عطر وهو طيف .....انتي امارات وهو اماراتي ....وهو بأل التعريف وأنتي بدون .......ههههههههه.........قصدي بدون أل التعريف
كان يدخل ويانا وكان يلزم الصمت ع العام طبعا ..........وماندري هل عنده فكره عن الخاص .....ونادرا مانشوف حروفه .......وكان محيرنا شويه ....انه لما يرمس انحس انه يقول شئ بصيغة حاضر معانا ومتابع السالفه .....وكنا نتفاجأ بدخوله المفاجئ عرض في السالفه ......ويقول كلمتين وبس ...وهاالكلمتين هي بمثابه الموضوع بكبره اللي انسولف بها نحن ......وتدري يا عطر الامارت .......انا اقول ان الطيف الامارتي صحافي ....لأن اسلوبه أستقبال وماعنده أرسال .......ياخذ منك ومايعطيك ......:p

وبمرور الأوقات اللي هو ويانا .........دخل الطيف الاماراتي .......ظهر ودخل .......وبين قوسين مكتوب نائب المشرف العام .........أنا علي طول فركت عيوني من الغمص اللي فيهم .........وبالمره مسحت الشاشة بكيس النايلون اللي اغطي فيه الكمبيوتر عن الغبار ....ومن بعدها تيقنت ان اللي شفته مو من الأطياف اللي اطوف علينا ...الا صج .....:eek: ......بس تدرين يا عطر .....يستاهل والله .....ماشاءالله عليه الطيف الاماراتي .....انسان حبوب ومحترم ..وعمري ماشفت منه حروف تزعل او تكدر .......وطول فترة صمته ويانا ع العام طبعا ;) ......كنت ابغي اروح له خاص وأنشده .......شو بلاك ساكت ؟؟؟........شيه ماترمس ......اتصدق يا عطر .......انا أحس ان الطيف مهموم بشئ وهب رايم يخبرنا ......شكله عنده شئ ومو محصل حد يخبره .....أو بمعني مغاير مب محصل اللي يفهمه ........:rolleyes:
هههههههههه............أنزين .........ومن بعدها سمعناه يقول باركولي الموقع ........واللي نحن احينه يالسين في حويه .........أنا بطبيعة حالي ماأنتبهت لشو قال ........تدريبي غشة تراني بالنت وخفاياه .......وكنت اتحسبه يقصد اهداء .......للموجودين .....وانا نادرا ماأهوس علي الرابط اللي ينكتب ...........مب لشئ .....فقط عشان اني ماأعرف اسوي هاالحركات ..........وأشوف الجماعة ..مبروك مبروك .....يعطيك العافيه ....يزاك الله خير ...
وعقب هالسالفة بفتره من بغيت أدخل الشات اشوف دعاية لموقع الكتبي ......مسجلة بأسفل الشاشة .....وهوست عليه .....واشوف المنتدئ .....وقلت في نفسي .....طلع مب هين الطيف ......ماشاءالله عليه طبعا ...

ومن بعدها ..........يتنا وحده مسويه حشره في الشات ........اسمها ماريه ...ممكن سمعت عنها ......سلمج الله هاي وحده كانت من زمان تشتغل ويانا في ( .......) وكانت هي المدير ............وعندها مطبخ شعبي ودكان ملابس جاهزة ومحل للعطور .......وحاليا انا لمحت اسمها مكتوب عندكم في المنتدئ ......كهربشيه أو فنيه ....شئ من هاالسوالف حق الوايرات والبلكات والحركات الكمبيوتريه ....
وهاذي يا عطر ........كل مانسألها كيف حالج .....وشو اخبارج حجيه ماريه ....مانشوفج مثل قبل علي الشات ..اتقول أنا في المنتدئ أنا رايحة المنتدئ أنا يالسة أطبخ في المنتدئ هههه..قصدي أنا يالس أشتغل في المنتدئ ....أسوي تواقيع وكودات ....وماأدري شو من المصطلحات الفنيه ......:cool:
وبصراحه ............شوقتنا للمنتدئ ...........
من كثر ماتيلس تمدح المنتدئ ............وكل شويه اتسويلنا علي الشات اهداء وشوفوا توقيعي وشوفوا رد فلانه ، نحن تحمسنا للمنتدئ ..........ونباه ندش المنتدئ ......بس بطريقة مانبا نظهر لها ........انا يينا بألحاحش ........
وفي يوم من أيام الشات .........ماريه كانت كالعاده تبا تظهر من الشات وتروح المنتدئ .......قالتلي دوك هاك وقايتي أربطها علي أيديك .........وأنا بربطها علي رقبتي .......عندي لك مفاجأه :confused: .....
انا بطبعي أصدق ماريه .....وأثق فيها وايد .......وقلت ياالله ......شو السالفه .......
قالت لي غمض عينيك ولاتفتحهم الا لما اقولك ............وشويه احس بحد ايرني بشدة من ايدي .......
وماقدرت التحمل وهديت وقايتها المربوط برقبتها ورحلت .....رحلت أبحث عن السعاده ، أضحكت علي الشهور ومب السنون ، وانهدت الأسئلة علي من كل لون ....صرت أجاوب علي الردود بحذر حتي تراكمت علي أكاذيب جنوني ..وتخيلت شبح نفسي ....وانا بغيت من البدايه اني اكون عضو في المنتدئ عشان أمارس حياتي بأعياء ومرض وضحكات عاليه هستيريه .............هههههههههههههههههههه..........ومن بعدها حسيت اني وصلت للحياه .....وصلت للسعاده ........اللي بسببها فقدت ((.............)).....وأنا الحين في لحظة اغتراب تجذبني همسات كثيره وحالي كالغريق .......ماأفكر الا في النجاة .....هههههه.....وفي ارجع وقاية ماريه .....اللي ربطتني فيها ويابتني المنتدئ ......واعطيها غترتي ........بس من دون مااربطها فيه ........وهاذا انا الحين ياعطر الامارات ....يالس أثرثر لك في المنتدئ ........واشكر اختي الغاليه ماريه ........:rolleyes:

ههههههههه...........ماريه .......وضاعت حياته بين الرحيل والترحال .........مابين الشات والمنتدئ ......




وتسلم ياأختي عطر الامارت ..........................والشكر الجزيل لأستاذنا الطيف الاماراتي...

أقولك يا عطر الامارت ...........فيه اخت لنا وضيفه جديده في المنتدئ ......اسمها ....بنت الامارت .....
تقربلج شئ ؟؟؟؟؟.... ;)
-------------------------
تم التعديل من قبل ماريه

[+*^^*ماريه*^^*+]

انا خلالالالالالالالالالالالاص بنتحر

عطر الامااااااااارات لا تصدقين ولا حرف من يحيى اوه ياربي انا ليه جريته معاي في المنتدى جان خليتك هناك في الشات اريح لي اهىءاهىء اهىء http://www.gograph.com/Images-8712/AnimatedGif/babygr32.gif

يحيي انطر علي انا متحلفه فيك http://www.gograph.com/Images-8712/AnimatedGif/plumber_plunger_md_wht.gif


هههههههههههههههههههههههههههههههههههه من قهري على فضايح يحيي خاطري اكسر الكيبورد
http://www.gograph.com/Images-8712/AnimatedGif/91-key2w2.gif

شو ليه تطالعووووووني ما بقول كيف تعرفت على المنتدى كفايه يحيي ما قصر لو تبون اي معلومات من عنده بقول لكم ههههههههههههههه اعرفه زين يموووت في سرد القصص مع اضافه بهاراته الخاصه اللي تخلي الاكل احلى واطعم

بايووووووووووو

ماريه

[عاشق نصراوي]

بالنسبي لي أنا ........

أنا ماتعرفت عل منتدى ....بس النتدى روحه اتعرف علي :p

[شبابي]

والله بالنسبه لي انا

ما أذكر بس يوم بتذكر بقولكم:D