المساعد الشخصي الرقمي

مشاهدة النسخة كاملة : 乂آآه يا ويـــله .. قلــــبٍ صويــبٍ بانــت أقداره乂



الصفحات : 1 [2]

غموووض
13-02-2008, 09:26 PM
تسلمين اختي عالبارت
وايد حلوو وفيه احداث حلوه
ان شاء الله ترد هنوده لراشد
واحمد يكون من نصيب مويز

الله يعطيج العافيه
في انتظار القادم

soud_aloyoon
13-02-2008, 09:59 PM
تسلمين فديتج

في زيادة والا

احلى البنات
16-02-2008, 12:11 AM
(الجزء 71 )

(راشد نزل وسار جهة هنود اللي ما طاعت تفتح الباب .. أصلا كانت قافطة ..)

راشد : السلام عليكم ..

(وكانن البنات داخل .. بس العيايز مصطفات برع يالسات عالكراسي وقابضينها هذربان )

الكل : عليكم السلام ورحمة الله وبركاته ..

اليدة : وينها عيل؟

(بطّل الباب وهي ما وحالها تنزل يمسكها من خاصرتها .. المشكلة عندها .. انها تغار فهالمنطقة .. كأنه يقرقطها .. وسيده ابتسمت ..)

هنود ترمس من ضروسها وكانت وصلتله شرا الهمس : لا تدقني فخاصرتيّه لأنه يقرقطني . (وهو احكم قبضته ..) بجتلك تراني ..

هنود فخاطرها : فيّة ضحكة الله يغربلك !!

راشد : فديت اللي بيتضحك !!

اليدة : مسوّد الويه شعنه ميوّدنها جذيه؟

راشد : من زود الوله .. (وما استراحت لين فلتت عمرها ..وضربته على راسه ..) آآخ !!

اليدة : وابويه عليك وابويه !! أحينه اتفداها؟

نشبة : خليه يا أمايا خليه يغازل ريله ..

(راشد وهنود يطالعون بعض ..)

راشد : هاااه؟

(وفجأة ينقعون من الضحك كلهم ..)

نشبة : بلاكم؟ شو يضحك؟ قلت شي انا؟

راشد : هالجمال كله !! واتسمينها ريال؟

نشبة : ويدي انا شو قلت؟ ما عليه طوّفها لنا .. اعنبوا محد يغلط؟

دانا وتسلم على هنود : welcome back ..

راشد : ثانكس ..

دانا : مولك .. للحلوة !!

راشد : حشا !! قفطة !!

(ودّرته وسارت اتسلم عالعيايز ..)

ندى : تعالي .. امايا تعالي .. (وتزاعج ) هات لها كرسي مسوّد الويه !!

راشد : ان شاء الله ان شاء الله كل شي بفتنة !!

ندى : شو تقول؟

ميثاء : الله يذكرك بالخير يا حمد .. كان دومه يلعوزني !!

نشبة : يلعوزج انتي؟ أكرم !! إلا انا يطّلع لي قرون !!


(ويوم ياب الكرسي يلس عليه ..)

ندى :وابويه عليك وابويه !!

راشد : لا أميه بيّلسها فحضني بلاكم؟

(هنود احمر ويهها وقامت بتسير بعيد ..)

اليدة : يوّدي ندوي العصا !! يوّدي أقولج !! حسبي الله عليك من ولد !!

راشد : اتمصخر بلاكم ؟ أغيّر جو بدال القريض !! (وقام ) تعالي يلسي .. (ويلست مكانه ..)

هنود فخاطرها: هرم !!

اليدة : سمعيني يالهند .. أدريبج حاطة فخاطرج وساكتة وكاتمة هالشي .. والولد تراه طايش .. وهو ياي يستسمح منج ويراضيج عن اللي سواه .. وصدقيني بيعوّضج عن اللي فات ..

(هي ابتسمت وطلعت من مخباها ورقة ..وقامت ..)

هنود فخاطرها : كلام منمق .. انا احينه براويك ..

(وفرّت فويهه شيك .. هذا الشيك اللي عطاها اياه يوم قال بيفترق عنها .. طالعته بتكبر وروحت عنه ..)

نشبة : إشووه هذا؟

شما : شو فرّت؟

ندى : شيك شو؟

راشد مسك الشيك : لا ماشي ..

ميثاء : خبرني يابويه اعصابنا فريلنا !!

راشد: قبل عزيمة الحريم عطيتها هالشيك وبس !!

فطيم : غلطان !!

(وكلهم صدوا صوبها .. وكانت متغشية ..)

راشد : منو؟

فطيم : انا بنت خالتها !! ليش تجذب عليهم؟ قول الصدق .. امايا .. تراه فر الشيك فويهها وقال لها هذا اللي خسّرتوه حق العزيمة واسمحي لي ما بكمل وياج !!

(وهو قام بيرّوح ..)

ميثاء عصبت : وشعنه هذا كله؟ بنتنا فيها عيب؟

ندى: حشا عليها !!

فطيم : ودّرها عشان بنت الشوارع !! مافي آدمية وهب معرسة .. توصل لبيت ريال هب معرس ويمكن وصلت لشبريته بعد !! الله أعلم !!

اليدة : تف تف تف من حلجج !!

فطيم : هذا هو الصدق بعد شوه؟ دامنها التربية جذيه !! شو بتزيدون؟

راشد : لو سمحتي؟

فطيم : سمحت ولا ما سمحت !! يوم كسرت بخاطر هنيد !! صدقني انته لا بريال ولا شي !! الا اخرطي بنظري !!

(وروحت داخل )

ندى : زين جذيه؟ زين جذيه؟ ونحن نوّصي؟ هذي آخرتها؟

شما : استهدى بالله .. استهدى بالله يابويه !!

نشبة : لا إله إلا الله !! وشعنه؟ مب عايبتنك بنتنا ؟ ولا فيها قصور؟

اليدة : قوم عن ويهي ولا ابا اشوف رقعة ويهك

ميثاء : ياختيه استهدي بالله .. شكله يباها .. أبويه ؟ تبا البنية؟

شمسة : سيروا زجروا لي هنيد !!

ميثاء : شعنه؟

شمسة : هنيد بتجاوبكم .. (وتزاعج ) هنيد؟ تعالي هنيه !! (ويوم يت )

هنود فخاطرها : أدري انه بيطلقني .. خله أحسن !!

شمسة : ابويه راشد؟

راشد : خير خالوه ؟

(وشمسة تمسك إيده وتسحبه لهنيد .. وتحط إيده فإيدها ..وهم يشوفون بعض ..)

هنود فخاطرها : فضيحة !!

شمسة اتأشر عالعرقوب اللي في المزرعة : تشوف هالعرقوب؟

راشد : هيه بلاه؟

شمسة : يالله أشوف؟ اقبض حرمتك وسيروا اتمشوا .. وان فلتوا بعض لأوسمكم اثنيناتكم .. يالله أشوف .. جلبوا ويوهكم !!

راشد يبتسم : ان شاء الله خالوه .. (وهو يسحبها ..)

هنود : هدني اقولك !! (واتدحه على ظهره )

راشد: آآخ هندوه !! بيوّسمونا !! تراها اتطالعنا !!

هنود : اسكت !! اسكت عن اتطالعنا !!

شمسة تزاعج : أشوفكم تراني !!

(وهنود صدت ورا وتبتسم وتسوي باي باي ..)

ميثاء : أسميج يا شميس هب سهلة !!!

شمسة : شفتي عاد؟

(وكانوا يسولفون ويضحكون .. وعند هنود )

راشد : بلاج ما ترمسين؟

هنود : ما عندي شي أقوله .. (وانسدحت عالحشيش ..)

راشد يهزبها : إييييه اعتدلي بيادير هنيه !!

هنود : والله ما اهتم !! انته تهتم؟

راشد: حرمتي وما اهتم؟

هنود : ههههههههه بعد ما نروّح كل واحد فطريج !!

راشد : شكلج مب ناسية !!

هنود : ولا بنسى !! (وقامت بتروّح ) فمان الله

راشد : الرب لج حافظ !!

(وهو اغتاظ زيادة .. ودت داخل عند البنات ..)

فطيم : جود؟ هاي النقازية اللي برع مالتكم؟

الجود تتمصخر : لا مال يراننا !!

فطيم : هههههه انزين نبا نلعب .. ما تشوفين ايدي تحجني؟ وهنود ريلها اتحجها !!

الجود : وهنوه؟

فطيم : هنوه راسها يحجها خخخخخ غادية شرا السبلان !!

هناء : جاب جاب عنلات صيرج !!

الجود : شو رايكم في الليل يوم بيرقدون؟

دانا : انا معاكم !!

الجود : انتي قلبج دوم ويانا؟

فطيم : القلب وما يهوا يا ام ندى !!

دانا : هي والله !!

فطيم : عيل وينها كتكوتتج ؟

دانا: عند اميه جودية (قصدها اليدة الجود )

فطيم : بس يقولون ترقدين من وقت !! ما بترومين تناقزين ويانا !!

دانا : أروم .. أروم ليش ما اروم؟

(وهنود شالة راشد اخوها وتلعب وياه ..)

هنود فخاطرها : ليتهم ما سموّك عليه !!

(وعالعشاء طرشوا له عشاء هو واحمد في الحجرة اللي برع محبوسين )

احمد : ياخي ابا اتنفس !! باخذ الموتر وبسير اتمشى ..

راشد : ماشي ولا هالطول !! كلنا في الهوا سوا !!

احمد : ياخي انته اللي مسوي البلاوي وعاجنهن !! هب انا !!

راشد : ماعليك !! الصديق وقت الضيق !! انته ولد العم !!

احمد : انزين شو رايك نلعب بتة؟

زايد يوايج من الدريشة : حبسوكم صح؟

احمد : هاه هاه ياك الذيب !! (وكان لابس عقال وسفرة ) اندوك انته !! حسينوه ياي من البصرة !!

(احمد وراشد يتضحكون على زايد ..)

زايد : هيه اضحكوا اضحكوا .. يقول راعي صوغان .. بخبّر عليكم اميه جودية !!

راشد : احمدان قلدها !! قلدها !!

احمد : ياخي نعمة جدامي خلاف ..

راشد : عليك رفجة الحينة !!

احمد : يوم تحرج طاع شو تقول .. تف تف تف تف من حلجج !! لازم هاي ماركة فعلية عندنا !!

راشد :ههههههههاااااااااااي !! مب مقصرة هيه !!

(وعند الحريم يتعشن )

اليدة الجود : كح كح كح كح كح (ما اتروم اتنفس )

ميثاء : نشيبة !! دحيها دحيها !!

شما : بسم الله عليج حد يطريج !!

اليدة : كح كح كح يالله وابويييييه شرقت !! هذا محد غير مسوّد الويه احمدوه !! (وتزاعج ) أسمعك تراني أسمعك !!

احمد زايغ : اسكت اسكت أسمع صوتها .. (ويزاعج ) نلعب بتة امايا .. نلعب بتة !!

زايد : هههههههههه عمي خواف طلع !! كاك كاك كاك

(اما في الليل كانن العيايز منسدحات في الصالة اونهن يحارسن ..براويكم وين كل وحدة انسدحت .. اليدة الجود وشما خذن الجانب الأيمن من الصالة .. وكل وحدة طاحتعلى غنفة على صوب واحد .. شكلهن بينجلبن .. اما ميثاء ونشبة خذن الجانب الأيسر من الصالة .. بس رقدن عالأرض .. لأنه ماشي غنفات بس يلسة عالأرض ..فرشوا لهم ورقدن .. وشمسة وندى وهناء واليهال رقدوا داخل .. وبخبركم ليش سواو العيايز أحزاب .. كرم الله ويوهكم .. بسبت الحمام .. اللي في جهة اليمين في دجة توّديهم لحجرة ونفس الشي فجهة اليسار .. يعني عشان ما يسوون أزمة في الليل .. من غير نشبة عندها السكر يعني عشان اتلاحق على عمرها .. وهنود وفطوم ودانا والجود .. كانوا يالسين ع دواشقهم في الصالة فارشينهن ..)

دانا : كيف ترمسين ؟ بس انا خبروني !!

هنود :اششش !! يا بنية بعلمج خلاف يوم بنظهر !!

فطيم ترمس بصوت ينسمع : أميه نشبة علومج؟

نشبة نطرت لهم وشّلت براسها : بخير الله يعافيج وانتي؟

دانا وهنود وفطيم والجود :ههههههههههههههههههاااااااااااااااااي

فطيم : ها معناتها انها مغفية .. صبروا عليها شوي ..

هنود ترمس شوي شوي : وصلتني اشاعة عن دانا ..

دانا: شنو؟

الجود : وهنود : شينو ؟ مينو؟ هههههههههه

فطيم : هنود جبانة ولا تسوينها؟

هنود : دخيلج لا مويز عندي في الدوام مهلكتني من هاللعبة .. ياختيه اتفوقت علية شيطانة !!

دانا : قولي قولي؟

فطيم : ان قرصتج شو بتسوين؟

دانا : بضحك؟

فطيم: اتحداج !!

دانا : اوكي يالله قرسي !!! (وتقرصها هذيجي القرصة .. وتصرخ بربها اللي خلقها ..) آآآآي !! حسبي الله عليج من جيرل !!

هنود : غربلج الله حشا قرصة سمسوم !!

(كلهم قفزوا على صرخة دانا ..)

نشبة : لاحول ولا قوة الا بالله .. (وقامت نشبة بتبطل الليت ..)

ميثاء تزاعج : نشيبة ! دجة !! دجة !! دجة !!

نشيبة ارتفت ايدها في الهوا وانفرطت ريلها : واااااااااااااااااالجعتيّة !!

شما صدت وبغت تنجلب : ربي تسلمنا في صورة !!

اليدة جودية : ويدي غربل الله الدجات ان شاء الله ..

دانا تصيح من الضحك وميوّدة بطنها : واااااااااااااااي بطني ماروم !! I can't

هنود حطت راسها على ثبان دانا : حسبي الله على ابليسكم

(الا ميتة من الضحك ..)

نشبة : هيه اضحكن اضحكن مالت على اهالشيف !! ما اتوبي !! آآآخ يا رويلاتي !!! آآآخ !!

(وتوّها هنود بتقول لها ما اتوبي .. بس سيده اتداركت الموقف فطيم )

فطيم : ما اتوبي .. ما توبي !! ما عليج انتي !! (وسارت جدا يدتها ..) انتي بخير؟

(عند الشباب...)

راشد : احمدان تسمع اللي انا اسمعه؟

احمد : هيه انته ادرى بهذربان البنات ..

راشد : لا هاي صرخة !! قم !! قم خلنا نسير نطالع بلاهم .. أحس شي مستوي ..

احمد: يا ريال خلنا يالسين احينه بيحوشونا !!

غموووض
16-02-2008, 01:14 PM
تسلمين اختي على البارت الروعه
الله يعطيج العافيه
في الانتظار

السولعيه الحلوه
16-02-2008, 06:41 PM
تسلمين الغلا على البارتات الحلوه...

الصراحه انا من زمان ما قريت القصه اخر مره قريت البات الي فيه الاغتصاب...

من امس اقرا لين اليوم وصلت اخر بارت كاتبتنه ولله من كثر ماني متشوقه لتكمله القصه قمت افكر متى يخلص الدوام عشان اسير اكمل قرايه...

بس حرام الي سواه راشد بهنوده ...

حشى ما يعرف يفرق بين الحيقيقه والخيال...

ياليت هنوده تعلمه درس ما ينها طول عمره...

اما بخصوص هزاع اول شي انا شكيت فيه انه هو الي يهرب الافيون للمرضى....

وميود ليش استقال من شغله...

ما بيتي طاري ميود وعواس وسعود في هذا البارت...

بس طلت صغير تخلين محمد يرد حق الجود في هذي القصه الله يخليج...

واحمدوه زوجه موزوه هي الي بتادبه...

نتريا البارت الياي على ناااااااااااااااااار...

احلى البنات
18-02-2008, 02:50 AM
الجــزء الـ 72 ~


احمد : بطلوا الباب !! بلاكم؟ منو يزاعج جذيه؟ (هو ثره الفضول ضارب عنده أزيّد عن رشود ..)

راشد : بطلوا الباب !! امايا؟

اليدة : سيري يا جودوه صكي حلوجهم عن اينشّون العيال !!

الجود :سايرة .. سايرة .. صبري بلف شيلتي !!

(والبنات سيده اندسن في الفراش ..)

نشبة :هيه اندسن .. اندسن !! ملاعين الصير .. وااااي يا رويلاتي .. أحس كسر في ريولي شوفي ميثوه شوفي !!

(ميثاء اتهمز ريل واليدة الجود اتهمز الريل الثانية ..)

ميثاء : لا كسر ولا شي .. روحج مستعيلة على رزقج ..

اليدة : بنسويلج سح وكركم ..

نشبة : لالالالالا .. ماعليه ماعليه .. انا بخير ..(الجود طلعت ..)

الجود : بلاكم؟

راشد واحمد : ليش الزعيج؟

الجود : لا ماشي

راشد : والله تقولين

الجود : كم بتعطوني ؟

راشد : بعطيج كاف يالله رمسي ..

الجود : عفانا الله وين الأخوة؟ ماشي بس خالوه نشبة اتكرفست وطاحت ..

راشد : وين في الحمام؟

احمد : لا ياخي .. انا اقول اكيد هاي امايا منسدحة ومادة رويلاتها وخرطفت بها ..

راش واحمد والجود :ههههههههههااااااي

اليدة توايج : أدريبك يا مسوّد الويه ترمس عني ..

احمد احمر ويهه : ياربي هالحرمة ساحرة ولا شو؟

اليدة : ساحرة فويهك ملعون الصير !! توّني شرقت !! اذكر الله ..

راشد : عيّنتها ياخي عيّنتها !!

اليدة : عيّن من الله خير .. ويالله دشوا داخل رقدوا !!

احمد بصوت عالي : سلاماااااات سلامااااات خالوه !!

نشبة تزاعج : الله يسلمك يابويه !!

(وراشد واحمد ميتين من الضحك ومن دشن داخل ..)

اليدة : ياختيه شيطان هالولد ..

(والبنات طول الوقت يبن يطلعن .. بس مب رايمات ..)

ميثاء : اميه هندوه !! جتلي الليت نبا نرقد ..

نشبة تتسدح :واااه !! واااه !! واااه !! يالله .. شموه؟

شما تلبس دلاغها : خير؟

نشبة : يقولون وحدة من البلدان بييهم قصف !!

(واحمد وراشد واقفين عند دريشة شما يتسمعونهم )

احمد يرمس بشويش : ياخي هات كرسي بنيلس نتسمع سوالفهن ..

راشد : اصبر .. (والبنات يتضحكن على رمسة نشيبة .. لأنها كانت تبا اتزيّغ شما ..)

شما : لاإله إلا الله .. هاي رمسة يرمسونها في الليل؟

ميثاء : هيه انا سمعت بعد ..

اليدة : ما حطوها فأخبار الامارات ..

نشبة : لا يا امايا .. مب في مال ها بشّر !! لا قناة ثانية .. يمكن في قناة ام تيلة (قصدها روتانا ..)

شما : يابوكم ارمسوا بشي عدل .. حد يرمس بهالسوالف ؟ (وانسدحت شما وغمضت عينها ..)

نشبة : ام سالم؟ سمعتي عن هاكي السروق اللي عافد على بيت العيوز ؟

اليدة : حشا مووول ما وصلني الخبر .. جيه منو هي؟

ميثاء : يقولج سارق بيزاتها وذهبها .. وبشيكيرتها شردت .. ثره الريال عافد من الدريشة !!

شما بطلت عينها وقامت : دريشتي نسيت أبندها !! والله بيسرقوني !!

احمد وراشد : هههههههههههههههه

راشد : أسميهن عيايز !!

فطيم مغفية ومقفلة عيونها : انا بسوي حق بشكارتج وبرمسها ارتاحي انتي ..

شما : ما عندها موباااايل .. طرشي مسك حق الدريول .. والله قلبي ما بيرتاح!!

نشبة : هههههههههه أحينه الله يحفظ بيتج في صورة !!

اليدة : حليلها يا نشيبة !! هالله هالله فيها ..

فطيم : سكتوا .. سكتوا .. طاعوا حاطين أم خماس !!

نشبة : شميم تعالي شوفيها .. انتي ما شفتيها فرمضان !!

( قامت شما ولحافها على راسها ..)

شما : طاعوا !! غربل الله منكرهم .. اندوج !! طاعي والإيد محناية !!

نشبة : هيييه شو اتحرين !! هذا تلفزووون هب لعبة !!

(وكانوا حاطّين حلقة ام خماس .. يوم إييها ريلها في الليل .. بوخماس ..)

شما : لاإله إلا الله .. شو هالحلقة السقم ؟ اعنبوه !!

(نشبة وميثاء يتضحكن ..)

ميثاء : هاي اتذكرنا في وحدة الله يستر عليها ..

اليدة : منو هذي علموني؟

نشبة : حد غير شميم ؟ تراها ماخذة 4 !!

شما تزاعج : فعين الحسود !!

راشد : ول !! مزواجه هالحرمة هع هع هع !!

احمد : حليلها خلها تعيش حياتها ههههههههههه

اليدة : عادي خلها اتعرس ..

نشبة : وهاكي ريلج الرابع نسيتيه؟

شما : انتوا ما بتفوتون الليلة على خير؟

ميثاء : يطوّلي بعمرج الحرمة ياء خطبها واحد من دبي المهم ..

شما : الله يغفر له ويرحمه ..

ميثاء : يقولج الريال من ملج عليها .. دخلت الحرمة بسويعيتها .. الحرمة يالسة .. وهاكي ميّحلط .. هب متسبح .. (احمد احمر ويهه من الضحك .. وراشد حاط ايده يصّك حلجه ..)

اليدة : ويدي فضل عنه !!

نشبة : هيه شو اتحرين !! حتى مخاطه يمّثه في وزاره !! ويدي شايفينه !! فضل عنه !!جنه ماشي حمامات !!

شما : الا قولي ماشي كيليلللكس !! (ماتروم تنطق كلينكس )

ميثاء : سار وجابلها .. وهي مستحملة .. بدال ما يقول شي حلو ..

شما : الله يغربله تغربيل ان شاء الله .. هذا ريال هذا؟

(اليدة تضحك )

ميثاء : قام يخبرها فأول ليله لهم .. كيف حريمه الثلاث ماتن .. كل وحدة منهن ..

اليدة : طاع مذهبه الخايس .. أكيد زغتي !! زغتي شميم؟

شما : الا ما زغت !! قلت أكيد بيذبحني وبكون الرابعة !!

ميثاء : روحت عنه وردت له مهرها كامل له .. وطلقها .. ويقولج سار خذ له هندية وياب عيال منها واحينه تجار !!

اليدة : ما طلع لج شي منه؟

شما : حشا .. انا مطلقة ما ايوز !!

(وسار راشد يبا يسوي صوت عشان يزيّغ شما ..وهو توّة بيوايج ..)

احمد ضربه على راسه : ياخي عيب !! يمكن البنات مرقدات وكشفات !!

راشد : شو بشوف غير صراويل !! انا ابا ازيّغ العيوز !!

احمد يزاعج : أماااااااااااااايااااا !! (وكلهن زاغن )

اليدة تزاعج : امك تقولك وصّمة !! شو تبا؟ روّعتنا !!

احمد : رشود يبا يوايج عليكم !!

(وهم استوت عندهم حالة استنفار .. البنات يتراكضن بلحفاتهن ..)

فطيم : وابوييييه ..

هنود فخاطرها : الله يغربلك !!! (ونشبة اتلحفت كامل عشان ما تروم اتحرك ..)

ميثاء : ويه ويه ويه !! الهرم !! (وتربع داخل .. وشما من الزياغ سارت وبندت دريشتها .. ويسمعون صرخة تدوي )

راشد : آآآآآخ ايدي !!!!

شما : إشووووه هذا؟ (والدريشة ما بندت عدل وردت بقوة وبندتها أزيّد للمرة الثانية ..)

راشد يزاعج : آآآآآآآآآآآآآآآآآآآآآخ !!!

اليدة : والخيبة !! (لفت اليدة شيلتها وظهرت ..) شو هالزعيج ؟ مب عيب عليكم؟

احمد يضحك : أشوف اصبوعك أشووووف؟

راشد :آآآآي .. بسير المستشفى ما روم !! عظامي !!! عظام صبوعي !!

اليدة : بلاهن صبوعك؟

راشد محتشر : بندتوا الدريشة على صبوعي !! اعنبوا ما تشوفون؟ آآآخ !!! اوووف اوووف ..(وينفخ على صبوعه ..) اوووووه يعوّر !!!

احمد يضحك : حوباتي عشان ما اتوايج عليهم !!

اليدة : وحدة بوحدة .. يوم بندت الباب على صبيعاتها !!

راشد معصب : انزين انا ما كنت ادري !!

اليدة : هي بعد ماكانت تدري !! سر سر حط لها ثلج وبتستوي بخير .. (ويوم دخلت داخل ..) طلعن !! طلعن ثره يتمصخر ..

(اما عند زينة ..)

زينة اتداوي مي : ويييه حسبي الله عليه من صبي !!

فاضل : انا باجر برمسه .. جيه؟ احينه بيشوّهج وبيطردونج من الشغل !!

مي تزاعج : وانته كل همك الشغل والبيزات؟ آآآخ شفتي ويهي؟ والله طر عند بوزي .. ومنيه .. ومنيه !! الله ياخذك يا ميود !! (وتصيح صياح .. اما اليوم الثاني .. نشت غريبة من صباح الله ..)

غريبة : ابويه محمد .. (وكان ينظف الموتر كعادته ..) يالله بنطلع ..

محمد : ان شاء الله ماما ..

(وكانت الساعة 7 الصبح .. ما اتريقت بس شربت قهوتها عالريج .. وظهرت وهي الهم ماكلنها ..)

غريبة فخاطرها : يالله كيف بناتي اتغّيرن عليّة .. مي مب عايبنها الوضع وقامت تسبني .. وهندوه عيونها فاضحتنها من الغبنة .. انزين انا شو اسوي؟ تراني آدمية وأغلط .. دوم المصايب تي على راسي .. وتنحل .. الا سالفة البيت .. البيت عمره ما بينباع وراسي يشم الهوا ..

غريبة تبتسم : مرحبا الساع ..

عيسى : مرحبا ملايين ..

غريبة : يالله عالقاطع احينه اتذكرت انه عندك ام؟

عيسى : مادري يا ااميه حلمت حلم .. وحسيت شي ياكلني .. من غير انا انتي دوم على بالي .. (وغريبة اتذكرت مي وسكتت .. ) في شي مستوي؟

غريبة : ابدا يابويه .. انا احينه سايرة عند يدتك وخواتك تراهم بايتين في المزرعة .. (وتخبره عن الملجة ..)

عيسى : انتي شفتي الريال؟

غريبة : يابويه الريال ما يعيبه أي شي .. بس هذي افكار لندن اللي مخربتنه .. يتحرى هندوه ربيعته !!

عيسى عصب : شو تقولين؟ ربيعته؟ شو قصدج؟

غريبة : يعني هندوه اتطوّلها وهي قصيرة .. تغار على ريلها بس !!

عيسى : هييه اتحريتج اتقولين شي ثاني ..

غريبة : انته خبرني شو حالك؟ متوّله علينا ؟ متوّله على طبيخي؟

عيسى : يالله يا اميه .. متوله على غرّوبة !! اتعرفين انتي اني انا احبج ..

غريبة تدمع عينها : وحد ما يحب أمه؟

عيسى : والله اتدوريلي على حرمة شراتج !!شرا طبعج والله لآخذها !! حتى لو كانت خسفة !!

غريبة : وابويه عليك وانا خسفة؟

عيسى : هههههههههه ماماتي انا اقول لو البنية خسفة ومتطبعة بطبعج باخذها !!

غريبة : ويه يعلني افدا منطوقك يابويه .. ومتى بترد بالسلامة؟

عيسى : بشيرج .. آخر الاسبوع .. يوم الخميس !!

غريبة: لالا؟ صدق؟

عيسى : والله صدق .. يالله اسميني متوله عليج ..

غريبة : فرحتني الله يفرح قلبك ان شاء الله .. ابويه.. بجهّز غرفتك وبدخنها وبعدلها .. يالله البيت بيشرق بردتك ..

عيسى : الا البيت منوّر براعيته !! (واترخص عنها وبند ..وكانت اتكلم الدريول ..) لف يمين واقبض الخط سيده .. هيييه .. دوار يسار .. (ومن وصلت ..) شحالج ام مي؟

زينة : بخير يا عيوني .. شو هالزيارة اللي تسر؟

غريبة : بلاه ويهج؟ شكلج هب راقدة ..

زينة : كنت سهرانة مع مي .. استريحي ياعيوني ..

غريبو : شو فيها بنتي؟ واعلية عليها !!!

زينة : ميود سار لمكان شغلها وضربها !!

غريبة منصدمة : شو تقولين؟ ودّيني غرفتها !!

فاضل : استريحي مكانج !! يالله بصباح خير !!

غريبة : بنتي وبتمنعني عنها ؟

زينة : انا راح اسويلكم قهوة .. فاضل !! هد الوضع !! (وسارت المطبخ )

فاضل : من متى بنتج؟ (ومي تسمع صوت غريبة .. وكانت متلهفة تشوف ويهها .. ويوم طلعت شوي شوي ..)

فاضل صد : مي؟ شو مطلعنج؟ ردي حجرتج !!

غريبة توّها بتسير ل مي : مي غناتي ..

مي : انا قلت لج .. انتي مب اميه .. بلاج؟ اتكلم هندي انا؟

غريبة : لو تقولين اللي تقولينه انا امج !! اعنبوا اتنكّرين لأمج؟

فاضل : سيري غرفتج يا مي !!

مي : ما خلصت كلامي !! انتي منوه عشان اتحددين الأمومة ؟ انتي ام عيسى !! مب أمي !! مادري منو قاص عليج .. ممكن تذلفين عن ويهي لأني مادانيج ..

غريبة : بس انا احبج .. انا امج اللي ربتج !!

مي : طز !! اتعرفين شو طز؟ يعني لو تذرفين دموعج دم ولو آخر نفس اللي تنفسينه هو الموت بيكون عندي العيد بذاته !! يالله انفدي عن ويهي !!

(غريبة نزلت دموعها .. اعنبوا ليش كل هالكراهية؟ وروحت مي لغرفتها .. وهي متغايظة الا مقهورة ..)

غريبة : سمعت شو قالت؟ اعنبوا داركم كرهتوا البنية فأمها؟

فاضل : تستاهلين من هذاوأزيّد !! شو يايبنج هنيه؟ تبيني أردج؟

غريبة : قصوري بعد ان فكرت فيك !! (واتطلع الورقة من مخباها وتفرها عالارض ) انته آدمي؟ منو إمرك تبيع البيت؟ بعد ما كتبت لك البيت بإسمك جذيه تسوي؟

فاضل :ههههههههه انا من شهر بايعنه !! وشكله توّة واصلنج التحذير !!

غريبة : خاف الله وانا؟ وعيالك؟ وين نسير؟

فاضل : وأبوج؟ هاكي الشيبة الأصمخ يكوّد البيزات لمنو؟ سكني عنده !! مش مشكلتي !! انا ما يخصني !!

غريبة : والبيت اللي نحن فيه؟ خاف الله هذا البيت لامّنا !!

فاضل : كلمة ثانية وبفّرج بأي شي جدامي ..يالله فارجي !!

غريبة : هب طالعة شو بتسوي؟ بلّغ الشرطة !!

فاضل يمسكها ويدفرها عالارض : برع يا ويه السقم !!!

غريبة : سقم؟ سقم؟ بس ترد بيتي !! بيتي !! انا حياتي وياك كانت سقم !! ومن طلقتني اعتدلت حياتي !! بس رديت اتخبرها من خذت بناتي .. وبيتي !!!

فاضل : ردت وقالت بيتي !! طل !! بيتج !! بعناه وشبعنا بنص بيزاته !!

غريبة تصيح : يعله زقوم فجبدك ان شاء الله .. وما اتهنّى بفلس حمر ببطنك !!

فاضل: شفتي؟ ادريبج حسودة !! برع !! برع يا بنت الشوارع !! سيري بيعي عمرج بتحصلين لج على بيت ..

(ويسحبها ويدفرها برع )

غريبة :آآآآخ !! (وطاحت ع دجة الدري ..) آآي ظهري !!

الدريول يربع لها بايوّد ايدها : ماما !! ماما !!

غريبة تتألم وما خلته يدقها : لالالالا انا بخير .. (وقامت شوي شوي .. وهي تصيح .. بس قامت ومسحت دموعها بتكبر .. عشان ما تبيّن للدريول هزيمتها .. ركبت الموتر ..) محمد !!ردني ليوا .. (وهي في الموتر جاسها هبوط .. ما كانت اتحس بعمرها اتدوّخ .. وترد مرة ثانية تبا تقول شي وتدوّخ مرة ثانية .. ) يالله !!

(وصلت البيت .. وكان حمد واقف عند الباب يترياها ..)

حمد: وين سرتي ؟ ما سرتي عند امج؟

غريبة تناهي : لا يابويه .. ما سرت .. ادخل ابويه ادخل ..

حمد: عيل وين سرحتي؟

غريبة: سرت البنك .. يالله بويه ادخل بسوي لك الغدا ..

حمد : خلاص قلت حق البشكارة تسوي .. تعالي اتغدي عندي ..

غريبة : ابويه مالي خاطر اتغدا ..

حمد : بلاج؟ محتاية شي؟ بيزات؟ مادفعتوا مال الكهرباء؟

غريبة : لا يابويه خيرك سابق .. (والصيحة يايتنها .. ) الله يطولي بعمرك !!

حمد : انزين العصر بمر عليج بنسير عزبة نشيبة نتمشى !! جيه عيل هم بس يتمشون؟ انا وبنتي بنتمشى بعد !!

غريبة : من عيوني .. يالله بويه سامحني بسير استريح .. انته سر اتغدى وارقد ..

(وروحت عنه وسارت داخل ..) يا زهووور؟ زهووور؟

زهور : نعم ماما؟

غريبة : اتغديتي؟

زهور : لا ماما اسوي انتي سبري
غريبة : فديتج سيري اتغدي انا مابا .. لا تخلين لي .. شوفي اذا ياء ميود ناديني ..

زهور : اوكي ماما

(وغريبة سارت المطبخ لبجت الضو .. عشان اتدخن حجرة عيسى .. وسارت فوق ..)

غريبة اتعج عباتها وشيلتها : متى ردتك يا عواس ؟ انته انته اللي بتيّمعهم كلهم !! كله بإيدك انته !! فديتك وفديت طاريك يابويه !!

(حطت المدخن ودارت على الغرفة كاملة .. وقامت اتشم ثيابه من غلاته .. شلت سفرته .. وسارت حجرتها بدلت ملابسها وانسدحت ع فراشها اتصيح .. تتذكر مي كيف كانت اتعاملها .. كأنها عدوة .. وبعدها السفرة فإيدها .. وغمضت عينها .. اما في حجرة عواس كانت الضو شابة وكله من المدخن في الكبت وقامت تتوسع وتزيد اللهيب .. وكانت غريبة تتجلب من الحر .. )

غموووض
18-02-2008, 05:50 PM
يؤ يؤ حرام
ليكون غريبه بتحترق :(
لاااا مانبي بارت حزين
شبعنا حزن
تسلمين اختي على البارت :(
الله يعطيج العافيه :(

السولعيه الحلوه
19-02-2008, 06:08 PM
تسلم ايدج الغلا على البارت الفنان...

بس حرام تموت غريبه لا تموتينها...

ميوه صدق من قال ذيل الجلب عوي وبيتم عوي...

هندوه ان شاء الله تادب رشود على سواياه...

نترياج في بارت يديد على نار...

احلى البنات
20-02-2008, 09:32 PM
(الجزء 73 )

(اما عند العرب .. رقود طبعا بعد حفلة البارحة .. وما نشوا الا على أذان الظهر .. بس كانت ندى اتعابل عالغدا ..)

نشبة : لا إله إلا الله .. ويييه ثركم كلكم رقود ؟ (واتشوف ساعتها ..) حوووه !! قوموا !! قوموا !! أذّن الظهر .. الله يغربل الشيطان !!

ميثاء : يالله .. اعنبوا شو هالرقاد اللي رقدناه !!آآخ ظهري ..

هناء : انتوا خليتوا حد يرقد أمسات الا صريخ وزعيج !!

شما : لا لله ما استوا شي .. انتي الا مغفية !!

اليدة :هههههه هيه اكرم !! (ونشوا يصلون وبعد الصلاة .. يلسوا عند الضو .. والجدر محطاي .. وكانوا يالسية احمد وراشد وميثاء واليدة ..)

نشبة : وييييه نسينا انسوي هواية !!

ميثاء : وييييييييييييه .. جنه الله مب رايد !! خلاص باجر بنسوي ..

احمد: يستوي انزين العصر ..

شما : زين بعد هبابنا .. انا يبت جوازي .. عاد خلهم يصورونا صور عدلة !!

احمد: خالوه يصورون فوري

نشبة : وانا عيل يايبة صورتي !! ماعليه عيل بنتزجرت اليوم ..

شما : وانا ما يبت الصراي مالي (قصدها جحالها ..).. نشيبة عندج انتي ؟

نشبة : هيه امايا هيه !! (واتطالع راشد ينود ..) ابويه بوسنيدة !! جان فيك النودة .. سر داخل اتسدح !!

راشد عيونه محمرة : هاااه؟ لا امايا انا بخير ..

ندى اتدزها رحيل : بلاها ايدك؟

راشد : هاااه؟ لا ماشي فديتج احمدوه بند الباب على صبوعي !!

(واحمد يضربه على راسه )

احمد : جذاب واحد !! احينه بتمشكلني ؟؟ امايا امسات كان يبا يوايج عالحريم .. وحدة منهن بندت الدريشة على صبوعه !! هههههههههههههااااي دواك !!!

نشبة : ههههههههههه هاي محد غير شميم !!

شما : عاد يابويه سامحني مادريبك .. (وشوية وبتصيح ..)

راشد يحبها على راسها : يالله يا اميه انا ولدج !!

شما : هندوه؟ (وتزاعج ) تعالي يا مسوّدة الويه !!

هنود مستغربة وفخاطرها : بلاها هاي بعد مشتطة ؟

شما : عندج هالريال الشيخ وتفرطين فيه وتتعنطزين بعد !! (رشود اتشجج )

هنود فخاطرها : مالت !! قصوره شيخ بعد !!

(وابتسمت وصدت الجهة الثانية سايرة صوب العرقوب .. واحمد ينغز راشد ..)

راشد : آآخ !! بلاك؟

احمد يصاصره : سير لها .. وراضها !!

راشد : ياخي البنية ما تبا .. ليش اغصبها؟

احمد : ياخي مبردك !!

(وراشد يطالعها وفخاطره يسير لها .. يوم توّة بيقوم ..)

شما : عاد انا كاتبتلك هاكي القصيد ..

(واستراح مكانه ..)

راشد : لي انا؟

شما : هيه .. يالله اتسمع واتطمش !!

نشبة : إييييييييييييييييييييييييه يا حافظ عليج بتقصدين؟ وين طالعة الشمس؟

شما : وانتي شعليج؟ من كيسج أعد قصيد؟ احم احم سمعوا

حـــي جـيـلـك عـــد مـــا مـــزن نـشــا
واعـشـبـت أرض امحـيـلـه بلـمـطـور الكل = بلمطوووور

او عـــدد مـــا يـــورد الـبـيـر الــرشــا
او عــدد مــا يـوفــي المـسـلـم نـــذور الكل = نذور

رمــــز خــــط مــثــل دريــــز الــوشــا
يـقـمــش الــخـــوار دور فـــــوق دور الكل = دور

لـــك ابـحــال ومـــال جـنــد امـجـيـشـا
والزعيـم الخـضـر وابـشـر بالـسـرور الكل = بالسرور

جـان بــك مــن حــب مضـفـي الغـشـا
لا تـشـاكـي لا تـبـالــي كــــن صــبــور الكل = صبور

بـو جـعـود ايــدوس فيـهـن لــي مـشـا
الغضـيـض الأحــور الـظـبـي الـنـفـور الكل = النفور

مـن حسـدك ومــن ذلــك ومــن وشــا
ســر او يـاهـم والقـلـب خـلـه عـبــور الكل = عبور

لـو طـرو لـك وصـف خلـك قــل حـشـا
لا أحـبــه ولا أعـرفــه مـــن يــصــور الكل = يصور

هــم عـجـارب هــم أفـاعـي واحـنـشـا
لا تـولـيـهـم ولـــــو ولـــــوك شـــــور الكل =شوووور

طـيـع مــن تـهـواه وافـعـل مـــا يـشــا
لـي رضـى خلـك رضـت كلهـا الأمـور الكل = الامور

مـن ضـوى الأكـرام مـا حـاتـا العـشـا
ومـن ضـوا الأبـخـال خـلـوه امحـقـور الكل = امحقور

وسلامتكم ...

(وهم يصفقون لها مستانسين .. )

ندى : عاشت شميم ما قصرتي

اليدة : بيض الله ويهج ..

راشد : عاد يا اميه الله يهديج لوراشد الخضر يدريبج جان قاضاج ..

شما :وابويه شعنه؟

راشد : سرقة أدبية !!

شما : الله يحفظني في صورة ..

(اما عند هندوه كانت يالسة عالعرقوب .. وكان قارصنها سمسوم واتحج ريلها .. وتيها هناء ..)

هناء : شحالج هنيد؟

(وهنود اتأشر لها انها بخير ..)

هنود فخاطرها : أوفيييه !! شو تبا هالطحنه؟

هناء : اتصدقين انه ريلج طرر .. وهذا احمد بعد !! اوووف عليهم !!

هنود عصبت وفخاطرها : اتفدين ريلي بعد وجدامي؟ هب هب هبيتي من بنية !! (وقامت وسارت بعيد عنها ..)

هناء : ههههههههه يا حرمة بلاج زعلتي؟

هنود تتحرطم شوي شوي : جلبة وحدة !! قليلة الادب !!

(وكان راشد ياينها .. جان تمسك ايده توّديه بعيد ..)

راشد : هذا هو الحب ولا بلاش هههههههه

هنود : جاب جاب عنلات صيرك .. (وساروا ورا البيت ..) اسمعني راشد .. انا قلبي عافك !!

راشد : ادريبها الاسطوانة المشروخة !!

هنود : انطب واسكت !! جان تبا .. جدام الكل بتكلم وبقول اني ماباك !!

راشد وبكل جدية : هنيد هذي غلطة وما بعيدها بلاج؟

هنود : جدام الكل ببّين اني احبك .. لكن يوم كل واحد يسير بيته بتطلقني .. انا ما ابا اكسر بخواطر اهلي واهلك .. خلهم مستانسين جذيه ..

راشد احمر ويهه : ما تفهمين الكلام اللي قلته؟ (ومسكها من ذراعها ..) أقولج اباج !!

هنود: ياخي وانا بايعتنك !!

الجود : هنود؟ يا هنود؟

راشد : هنيه !! يالله سيري

(و يت الجود وويهها احمر .. اتوقعت انه شي يستوي من بينهم ..)

الجود تصاصر هنود : تعالي أباج !!

(وساروا بعيد عنه .. وهو تم متكدر ... بس مب طايع يبين لهم ..)

هنود : بلاج؟

الجود : خلينا نسير بعيد ..

(وهم يمشون .. سايرين صوب الهوش .. )

هنود : شو مستوي؟

الجود : حصلت كتاب بنّوتي عند رشود !!

هنود منصدمة : كتاب بنّوتي؟ أكيد مال بنية !! هذا ما يتوب ؟

الجود : هدّي !! هدّي !! السالفة هب جذيه ..

هنود : تعالي بسألج .. كيف كتبتي عن سالفة ميرة وإنها ماتت؟ شو من عقلج؟

الجود : لا والله هب من عقلي .. بس أذكر من كم من سنة كان يكلم عبود وهو يصيح .. وكانت اول مرة اشوفه يصيح ..

هنود : كل هذا؟ ويخبّر ربيعه؟

الجود : ولد عمه مب ربيعه بس.. انزين سمعي انا خشيت الكتاب فشنطتج .. ومن توصلين البيت اقريه !!

هنود :وشعنه هب هنيه؟ خليني اقرا عن سواد ويهه ..

الجود : لا يا هنيد .. بعد هذا مهما يكون اخويه .. وبعد هنيه البنات وبيرمسن !!

هنود تبتسم : خلاص ولا يهمج !!

ندى تزاعج : يالله اتفضلوا غدا .. وينها العروس؟ هنيد؟ يالله وراكم طلعة العصر ..

(اما في ليوا ..)

زهور تزاعج وتربع لبيت حمد :باباااااااااه !! باباااااه !! انا في موووت باباااه ... دااااو !! داااو !!

(وكان توّة ميود واصل البيت .. نزل يطلع ثيابه من الدوبي .. وصد فوق يشوف البيت يحترق .. هو زاغ وفر ثيابه عالارض ..)

مايد زايغ : امااااياااا !!! (وبطل الباب ودخل داخل .. وإنه الضو مستلبسة في البيت كله .. وعيال الفريج يترابعون ويبطلون الماي مال الزراعة .. ويطلبون المطافي .. وقاموا على قلب واحد يبون يطفّون الحريجة .. والعيايز والحريم كلهن يدّعون انه محد يكون في البيت .. واللي سار بيت حمد عشان الماي عندهم قوي .. ويضربون بالحصا على دريشة غريبة .. عشان اتكسّر الجامة .. ويرشون الماي .. ودخل مايد ...بس سعيد ولد يرانهم يوّده ..)

سعيد : رد يا ميود !!

مايد يصيح : امايا داخل !! انته شو ما تفهم؟ امييييه !! (ومايد يطرح سعيد عالارض .. ويدخل داخل .. وكان يدوّر مكان ما فيه ضو .. وكان يحاسب .. وبسرعة يمشي .. ) امايا؟ امايا؟ تسمعيني؟ ردي علية!! انا ميود ولدج !! ردي !!! (ويوم وصل لغرفتها بيبطل الباب حرقته قبضة الباب..) آآآخ حااار !! آآآخ !! (ورفع كندورته .. وقام يبطل بها الباب بسرعة عن تحترق ايده .. وكان زايغ .. وأول ما بطل الباب .. الصدمة وهو مبجج عيونه .. وبصوت متقطع مبحوح ..) اميــــ إيه ؟ (وكانت جثتها محترقة .. لكن فظيعة ما تنشاف.. كانت مشوهه وسودة وحمراء ومستلبسة فيها الضو .. وهو دموعه ينهمرن .. أمه تموت جدام عينه .. ) أممم ييييييييه !! (وحصّل مثل اللحاف بس ما جاسته الضو .. ويلحفها من راسها لريلها .. وهو يتنافض والدنيا اتدور به .. وطاحت احطبه من الكبت على ايده ..) آآآآآخ ...آآآآي إيدي !!! (ويطالع ايده .. طرت له ايده وكندورته ..والدمان ينزل منه ..وهو مب مهتم .. قام ولحّف امه .. ) أميييه !! ليش تموتين؟ ليش ودّرتينا؟ انا اباج !! امايا !!! (وشلاها وهي ملحفة وهو يصيح بحرقة .. ويطالع الضو .. اللي كلت امه وبيتهم ..) ليتج خذتي البيت وماخذتي اميه وياج !!! امييييه !!!

حمد: وينها؟ وينها؟ انا مخلنها بخير !! والله اني مخلنها بخير !!

سعيد : هد يابويه هد الوضع !! ترا مايد دخل وأكيد بييبها .. (ويزاعج ) يا جمال !! وين مال الاطفاء؟

جمال: بيتحيرون !! تراهم بعيد !!

مايد ظهر وكان شالنها ويصيح ويتمتم بأشياء هب مفهومة : اميه !! (ويوم ظهر كانوا كلهم يترابعون له ..)

حمد: أشوف !! ليش ملحفنها؟ لييش؟

مايد :لا يابويه !! لا !! لا تشوف !!

حمد : خلني أشوف بنتي !! خلني !! (وعيونه تدمع ويوم عج اللحاف عن راسها .. بجج عيونه وبصوت واطي .) غريبة؟

(وخنقته العبرة وطاح عالارض ..)

مايد : أبويه !! مب انته بعد !!! مب انته بعد ... يا سعيد ... إلحق !! آآآخ .. (وكان متشبث فأمه مب طايع يهدها .. كان ينبها حار .. والشباب يصيحون .. لأنه فهالاوقات ايحسّون الام غالية .. وخصوصا يوم واحد من ربعهم فقد أمه ولا وجدامهم .. كانت وفاتها تصيّح الصخر ..)

والبارت الياي يوم الاحد

غموووض
20-02-2008, 10:07 PM
حراااااااااااااااام ليش جذي
بداية البارت كانت حلوه
ليش نهايته حزينه وتصيح :(
حرااام ليش تموت :(
بتخلي عيالها ماعندهم احد :(

تسلمين اختي على البارت
الله يعطيج العافيه :(

السولعيه الحلوه
20-02-2008, 11:20 PM
تسلمين على البارت الحزين....

اظن الحين هندوه بعرف ليش راشد سوى جذه بها بعد ما تقراء الكتاب...

بس ليش موتي غريبه حرام كانت تترياء عيسى بفارق الصبر انه يرجع...

الله يعينه يوم بيعرف انته امه ماتت وهي تترياه...

نتريا البارت اليديد على نار...

soud_aloyoon
24-02-2008, 12:09 AM
مرحبا اختي احلى البنات
حبيبتي نزلتي بارتيين مع بعض مو واحد وقصير
يالله بتبدا الامتحانات وانا ابي اخلصها
يالله من مال الله

والسموحه

احلى البنات
24-02-2008, 05:42 PM
السلام عليكم

خواتي السموحة منكم انا بغيب اسبوع او اسبوعين

لأنه ذهني هالايام هب صافي

وما روم اكتب لكم بارت عدل مثل الخلق

وكثرة الردود مالها داعي

لين اكتب لكم بارتات حماسية وأرد لكم بأكشنات حلوة

ومشكوووريين

غموووض
24-02-2008, 06:21 PM
وعليكم السلام ورحمة الله وبركاته

اخذي راحتج اختي :)
الله يعطيج العافيه

lady oscar
24-02-2008, 07:18 PM
لااااااااااااا

غـروووووب مااااااااتت لااله الا الله انا لله وان اليـه راجـعوون اهي اهي

كيـف بيكون عـواس ورشـود وهنود من عقـبها ... وميــود الله يستر عليه لاتجيـله حاله مثـل هنود ..

ومي الله ينطبـها شـبلاااها .. صدق من قال تزرع خـير تحصـد شـوك

وهنوووه ماعدلت وفطيم والله انا قويه وجرريئه واتاااااااااخذ حقها وحق غيرها من حلج الذيب


وسووال يسدح نفسه اختنا سفرجل وينها ؟


ويعطيج العافيه خيتو فانتظارج لما بعد الاسبووعين

الغزال العنيد
04-03-2008, 11:32 PM
إن لله وإنا إليه لراجعون ... :(
الصراحه البارت يقطع القلـــب .. حزيين جداً حزين ..:(
هنود ورشود ,, إن شالله يردون لبعض .. بزعل صدق اذا افترقوا والله
وميوه ,, الله يهديها متخبله هــآي .. كرييه اوف

احلى البنات ...// الصراحه انتي مبدعه .. من زمان انقطعت عن القصه
اشكرج الغـــلآ .. على الأجـــزاء وعلى ابداعج ..:)
نترقب البارت القادم..=)

احلى البنات
09-03-2008, 03:56 PM
(الجزء 74)


(والعصر عالساعة 4)

• ميثاء : لا إله الا الله .. يالله يا بنات ..

• اليدة : يعنيهب حالة .. يالله ما تسوى علينا هالسيرة ..

• احمد : والله اني بسير عنكم ..

• راشد :مب تعديل اتعدلونه !! (وكانن العيايز ميّلسات ..اليدة وميثاء وشما ونشبة عند احمد .. اما ندى ودانا وشمسة وهناء وفاطمة يلسوا عند اليهال ..)

• الجود: يايين يايين صبروا !!

• نشبة : انزين ليش كلهن بيسيرن؟ خلهن يتفيزرن انا محتاية الهوية هب هن !!

• اليدة : اسكنتي !! كلنا نبا شراتج .. (واحمد محمر ويهه من الضحك عالهزاز ..)

• شما : انا !! لو يايبه بشيكيرتي ويايه جان سويتلها هوية ..

• نشبة : اكملت !! اكملت !! قصورج بعد !! خلاص انا مابا أسوي هوية !!!

• ميثاء : يا حرمة استهدي بالله .. اتمصخر وياج !!

• نشبة : انا مابا أسوي هوية !! خلاص بطّلنا ما نبا !! (وتوّها نازلة )

• ميثاء : وين سايرة؟

• نشبة : ملتعنة عنكم !! (وهي تمشي بعيد ..) قصورها بعد .. بتيب بشكارتها .. جان يبتي على طريجج محمد الدريول !!

(والغريب فهالشي انه نشبة لو تتناجر وياهم .. ما كانت توصل انه تهدهم وتسير .)

• احمد : زين جذيه زعلتوها؟ بسير اراضيها .. (الاخ خايف على العيوز خخخ .. )

• ميثاء : استريح يابويه بسير اطالعها ..

• شما : بسير وياج .. هذي مب عادتها اتهدنا .. (وساروا لها .. وكانت صوب الهوش ..)

• ميثاء تزاعج : يا نشيبة !! نشيبة !! طلعي من زرب الهوش !!

• شما : الله يحفظها .. بلاها جذيه اليوم؟ (ودشوا عندها .. وهي يالسة اتأكل الهوش ..)

• ميثاء : اعنبوا يهالمذهب !!

• شما : بلاج مبوزمة؟

• نشبة : ابدا ما بلاية شي .. سيروا ارحلوا انتوا !!

• شما : ماحيدج تزعلين من سوالفي؟

• نشبة : مادري يا خويتي .. سوالفج عسل امبونها .. بس ..

• ميثاء : بس شو؟ أحسّج مب نشيبة اللي نعرفها .. بلاج؟

• نشبة : حلمت وحسيت ياثوم كاتم ع صدري بغيت أموت ..

• ميثاء : أعوذ بالله .. متى هذا؟

• نشبة : في الليل بعد .. يعني في النهار؟

• شما : والله مب منيه والدرب ياينج !! استغفري ربج .. تراج أمسات مقطعة الخلق .. لا خليتي حد فحاله ... الميت خليتيه حي !!

• نشبة : مب هذا !! مب هذا !! انا قلبي ناغزني اللهم اجعله خير ..

• ميثاء : اتعوذي من ابليس .. وطوفي !! غدت ريحتنا ريحة دبش ..

• الجود يايين صوبهم : شو تسووون صوب الدبش؟

• ميثاء : امايا الجودة عندج لوشن؟

(وهن ظاهرات يتخبطن ..)

• الجود : في الشنطة انتوا ركبوا ..

• هنود فخاطرها : هذا وقته؟ اتخمين عن الدبش؟

(وربّعت نشبه عباتها وحطتها على راسها .. وحسّت شي طاح ع راسها ..)

• نشبة : بسم الله ..

(أونها عادة اتضحكهم بهالحركة .. ونست السالفة ..وأول ما ركبن ..)

• احمد: يالله يا خالوه زعلتي؟

• نشبة : لا يابويه .. أسوي سوالف لين إييّن !!

• احمد يضرب هرن وينزل الجامة : إيييه جودوه !! تعالي أمايا هنه !!

• الجود : وات؟

• احمد : تعالي اقولج ..

• اليدة : خلني أنلز الجامة .. أهزبها ملعونة الصير .. تعالي منّه !! (ويايه صوب احمد مغفية .. وهنود سايرة صوب موتر راشد وتركب )

• الجود : بلاكم؟

• اليدة : سيري اركبي في الدبة سيري !!

• الجود : شعنه مرتصات؟ بسير أيلس عند اخويه وحرمته ..

(وأحمد يغمز لها عشان تفهم وتخليهم روحهم وهي لا حياة لمن تنادي ..)

• اليدة :أقولج سيري اركبي ورا لتحصلين هالعصا .. (ويايه توها بتظهرها العصا ..)

• احمد : هااه !! هاااه !! هاااه !! عيّني من الله خير !! يالله سيري !!

• الجود : ان شاء الله عمي ..

• احمد: غصب عنج !!

(الجود تسويله حركة مالت .. لا وبعد اتوعّد له وهي تبطل الدبة وتركب من ورا وهو يضحك ..)

• هنود : يعني قلة أماكن؟ وشعنه أختك ما يت عندنا؟

• راشد : هاي أوامر يدوتي ويدتج عندج مانع؟

(وهم في الطريج وراشد كأنه يتكلم ويا عمره .. وحتى يوم يسألها ما يحصل جواب ..)

• اليدة : اقولكن بنيات .. (احمد والجود يتصددون يدورون وين البنيات ..)

• احمد : وينهن؟

• ميثاء : عونج ..

(اليدة سوّت له طاف ..)

• اليدة : يبتن جوازاتكن؟

• نشبة تزاعج متحمسة : انا يبت !! شوفي شوفي !! عجوا عني البرقع بعد !!

(وتضحك الجود عليها ..)

• شما : انا عيل حايلتهم يوم جددوا جوازي .. يابويه عيب منقود !! قال جان ما تبين ماشي شؤون .. وسرت لله وفصخت برقعي ..

• احمد يضحك من قلة لا حيلة ..ههههههه

• اليدة : انطب انطب .. انزين عادة يا بنيات .. انا سرت تراني ويا الدريول .. وفي صندقة روحها حق الحريم .. وصندقة حق الرياييل ..

• الجود :أي صندقة الله يهديج !!

• اليدة : لكن بهدلوني .. وخيّسوا صبوعي .. ابصمي بصبيعاتج كلهن !!

• نشبة : وابويييه

• ميثاء : أسكنوا ..

• اليدة :والله ما خلوا صبع .. الله راد ما قالوا صبوع ريولج .. ولا كيف بتمسح !!

• شما : هههههه الله يحفظهن في صورة !!

• اليدة : هييييه شو اتحرن عبالة ..والله رديت البيت منهدة !!

• نشبة : نحن فاكين عمارنا يبنا جوازاتنا وخلاصةا لصدي ويانا ..

• الجود : هههههههه فديت اللي بيصيد غزلان ..

• احمد : غزلان ولا سبلان؟

• الجود : سبلان شراتك يالهرم ..

• احمد : انا افا !! احيدج سبالة جميلة هع هع هع

• الجود : مالت عليك جان هذا تشبيه ..

• نشبة : أي غزلان وأي سبلان؟

• اليدة : امايا لا يكون يايبين صوركم؟

• ميثاء وشما ونشبة : هيييه!!

• اليدة :اسمعوا المدحب ..يصورونكم فوري ..

• نشبة : ويدي ما اتجحلنا !! امايا جودة عندج جحال؟

• الجود : هيه اميه عندي مال ماك ..

• نشبة : امايا ابا جحال مابا ماك ..

• الجود : عندي ماك تبينه؟

• نشبة : يا امايا الله يهديج ماباه .. هاتي لي جحال صراي الله يهديج ..

• الجود : انزين هو جحال قلم !!

• نشبة : لا إله الا الله هاتيه هاتيه !!

(والجود اتدوره فشنطتها ..)

• اليدة : عادة ما راويتكن هويتي !! (أونها عادة بتتخجج عليهم طلعت أردى عنهم )

• ميثاء : أشوف؟ (وخذتها وبججت ميثاء عيونها ..) ويييييه!!

• نشبة :اندووووج !! عند الله عليج !! امايا وين الشيلة؟

• شما : أبوووووووووووووووه !!

• اليدة :امايا انا قالوا لي تبين تعجين الشيلة ماشي رياييل هنه على كيفج وعجيتها ..

• الجود ودرت اللي فإيدها ومنصدمة : شووووه؟ حاسر؟

• احمد انصدم وصد ورا ويشتغل عنده الفضول : أشوف !! أشوف ؟ (وعطوه ..) هههههههههههههههااااااااي آآي بطني آآآي ههههه آآخ آآخ !!

• الجود متحرقصة : والله احمدوه !! والله عطني بشوف !!! الله يخليك بشوف !!

• اليدة : مسوّد الويه ..

• نشبة : شو السالفة؟ شعنه عجيتي الشيلة؟

• اليدة: هم قالوا لي عجي الشيلة !!

• احمد: اقول يدووه !! عيل محد يدريبج مسوية هوية؟

• اليدة : كلهم يدرون بس ما راويتهم ..

(وقبضوها ضحك وتعليق .. والجود يوم حصلت الجحال )

• الجود : اميه نشبة هاوه الجحااااا (وما رامت اتكلم وقامت تسير جهة اليسار صوب شما .. وتدفر بشويش ميثاء ..)

• ميثاء: شو بلاج يا امايا؟ (وصدت ميثاء ورا ..) شو؟ (والجود اتأشر زايغة واحمد يطالع من المنظرة شو السالفة لقافة يا ناس .. وهي اتأشر على راس نشبة .. ميثاء قف شعر ينبها وقامت اتلز صوب شما ..)

• احمد: بلاكم صخيتوا؟ خلصن السوالف؟

• ميثاء على اعصابها : احمد وقف !!

• احمد: شعنه؟

• ميثاء : اقولك وقف !! (وضرب بريك والجود وميثاء حاطين عيونهم على راس نشيبة ..) أقولج نزلي ..

• نشبة : منو ؟ انا؟ ليش شو سويت؟ (واليدة واحمد صدوا ورا مستغربين )

• ميثاء ترمس بحزم : أقولج نزلي !! (يوم هي نازلة سيده تنزل وراها ميثاء وتيوّد عباة ميثاء وتفرها وترضها عالباب وتكفخه عالباب كم من مرة .. ) مووت !! مووت !! يعلك السم !! موووت !!!

• احمد سيده نزل : طيطار صح؟ أدريبه هاتي العياه !! عنلات صيره !!

• نشيبة : أعععييييييج !! (وتسير بعيد ويفصخ احمد نعاله والجود شغلت الفيديو .. وتم الطيطار متعلق في العباة واحمد يضربه لين مات وطاح عالارض ..)

• احمد : حشا تمساح هب طيطار من وين يايبتنه؟

• نشبة : الله سلم ما تفّل علية ولا جان جاسني اليرب !!

• احمد: يودي عباتج ..

• ميثاء تسوي بصبعها اتحذر : ولا هالطول !! عجيها كلها مرض !!

• نشبة : عادي اسير بدون عباة؟

• شما : وكلي الله ..تراج لابسة وجاية .. لو زهور هنه جان عطيناج عباتها ..

• نشبة : اعععع .. هبّت !! هبّت !! هبّت !! قصوري آخذها !!

• اليدة : الا من وين يايبتنه .. (يوم هي راكبة ويكملون طريجهم )

• نشبة : ظنتّية يوم سرت عند زرب الهوش .. حسيت شي طاح ع راسي..

• شما : انزين جان نفضتي عباتج المدحوبة !!

(وفي المستشفى .. كان مايد واقف وهو متساند ويصيح شرا اليهال وكان حاط في باله انه خلاص امه راحت وودرتهم .. طلع الدكتور بعد ساعة ونص ..)

• الدكتور : الله يرحمها .. الحرمة يايبينها وهي محترقة بالكامل ما في شي ننقذه ..

• مايد بانفعال : أدري انها ماتت أدري !! أحينه صدق غديت يتيم .. (وهو صياحه يعلى منقهر .. ليش أمه ) شمعنى اميه؟ شمعنى ما خذت أبويه؟ أبويه هو السم !!

• الدكتور : اذكر الله .. حرام تقول جذيه ... اذكر الله يا مايد ..

• مايد يزاعج : هذا الصدق .. عيل انا اجذب؟ محد كان يحّن علينا غيرها .. والله لو تنزل بدال دموعي دم ما يوفن حقها .. عمرها ما ذلتنا .. بالأصل ما شفنا منها الا كل شي زين ..

(والدريول حذاله يصيح .. وربعه كل واحد منهم صاد الجهة الثانية ما يبون يبينون انهم يصيحون بس المصيبة هدتهم .. واليد متنوّم مب حاس بالدنيا .. كان مايد مب راضي يدخل عليه ويزيد من همه ..)

• الدريول يمسح دموعه ويبا يبري ذمته : بابا انا في قول شي ماما سوي ..

• مايد وهو هادي وكاتم على عمره : شو (وكان مايد يطالع الارض )

• الدريول : انا في ودي ماما صبح دبي .. هيّة سوي جنجال واجد واجد ويا رجال وفري ماما برا ..

• مايد يطالعه : منو فراها برع؟

• الدريول : والله بابا هذا في رجال واجد سوا جرجر وجنجال وكلام مو زين

• مايد : وين بيته؟

• الدريول : هذا مكان في دبي صوب دكان

• مايد: فاضل؟

• الدريول : هيه بيت ماما زينة وبابا فادل

(قام وشياطين الدنيا على راسه لو جدامه آدمي جان جتله .. بس الله سلم ..)

• مايد ركب موتره ويتكلم ويا عمره : والله لأراويك يالجلب يالميّذع !! انته اللي جتلت اميه .. يالجلب!! لكن والله ما أخليك انته أبو انته !! (وكان يسوق فوق ال 200 وكانت دموعه ينزلن فلحظة ضعف ومر على كل الرادارات .. يإنه يخطف على كل رادار وكل مسبة تظهر منه لأبوه ) انته تجتل أميه !! انته الا ليلام وطلاب !! هي اللي عززتك وانته اللي بعتها .. أصلا لو تبيعك ما يبت شي !! يعمري ما سامحتك يا فضول يالجلب !!آآآخ يا امايا آآخ !! وغلاتج ماسامحه !! لأخليه شرا الخمام .. الله يرحمج يالغالية .. كنتي الوحيدة الخيّرة .. انتي اللي تحنين علينا ..هه عواس مات وأحينه انتي ودور فضول ياي !! والله ما اخليه حي !!

(وهو عنده جيج العصبية ضارب .. أول ما وصل كان فاضل توّة مبند باب الصالة بيظهر ..)

• فاضل: لا والله ولك عين تي بعد ؟ لا يكونبتبات؟ ولا مطرشتنك الخايسة امك؟ تراني بعت البيت خلاااا

(توّة ما كمل رمسته وكلمة خلاص يحصل ميود ميودّنه من رقبته ..)

• مايد منفعل ومحمر ويهه الا القهر في عيونه : انته اللي جاتلنها !! محد حرق قلبها غيرك !!

والبارت الياي ان شاء الله من أفضى شو رايكم أعجبكم صح هع هع هع

سلامي عليكم ^^

غموووض
09-03-2008, 06:40 PM
باااارت روووعه
مسكينه غريبه
الله يرحمها
الله يعين هنوده وعيسى لما يعرفون ان امهم توفت
العيايز سوالفهم حلوه :)
نتريا البارت اليديد
الله يعطيج العافيه

السولعيه الحلوه
09-03-2008, 10:29 PM
اول شي الحمدلله على السلامه...

تسلم ايدج على البارت الفنان...

غمضتني غريبه الله يرحمها...

الله يعين عواس وهنوده يوم بيدرون انها توفت...

والله يقوم اليد بسلامه وما يصيبه شي...

وياليت مي تحس بندم على كل كلمه قالتها حق امها غريبه...

الله يصبر ميود على مصابه....

نترياج في بارت يديد على نار...

الغزال العنيد
12-03-2008, 10:25 PM
الله يرحمها غنيمه .. ويعين عيالها على فرقهــآ ..:(

الصراحه غمضني ميود .. وحليله والله ..:(

احلى البنات ..// جزء حزين الصراحه .. وآآيد روووعه طريقه سردج في القصه مشا الله عليج .. }
تسلمين عزيزتي .. لج مني جزيل الشكر والتقدير..:)

soud_aloyoon
15-03-2008, 07:12 PM
الله يرحمها امي غريبة والله يصبرهم يميع
اختي كمليلنا وسويلنا جزئين مع بعض
وتسلم ايدج يا الغلا..

احلى البنات
18-03-2008, 02:55 PM
(الجزء 75)


(عقب ما ضربه ميود روّح وتم ميود في الموتر يتنافض .. جاست ايده النفضة .. وروّح وهو في الطريج يتذكر شمايل .. وصاح يوم اتذكر امه .. اتذكر يوم كان يزيغها في الليل عشان يرقد عندها .. يتذكر كيف اتقوله بو طبر .. اما فاضل قام وهو يتويع ..)

• فاضل: الله ياخذك يعلك العدم ان شاء الله يالسبال !!!

(وأول ما وصلوا البريد المركزي ..)

• نشبة تركب الدجة شوي شوي : يالله بسم الله .. السلام عليكم .. (وسارت صوب الحريم .. شافت بنيات ..) أمايا؟ انا نشبة وهذي أوراقي سوولي هوية ..

• البنية : ان شاء الله خالوه .. بس لازم تتريين دورج .. اتفضلي يلسي ..

(وكانت ميثاء اتكلم في التيلفون ويا ميود..)

• ميثاء: شو تقول؟ بنتي؟ واعثرتي عثرة !!

• اليدة الجود: شو مستوي؟

• ميثاء تنزل دموعها : غريبة اتوفت؟ (وكان صوتها خفيف ..) ردونا ليوا دخيل الله ..

• شما تربع صوب نشبة : نشيبة بنروّح ..

• نشبة : امايا بييج خلاف .. شو بلاج شميم؟ شعنه بنروّح ..؟؟

• شما تصيح وكانت منكسرة : غروبة اتوفت ياويلي عليها هالبنية !!

(وتمن في السيارة يصيحن ..)

• ميثاء : سر يابويه سيده ليوا ..

(وكانوا كلهم ساكتين ومويمين .. واحمد حط لهم شريط قرآن عشان يهدون ..وكل وحدة قامت تتذكر غريبة .. ومليون سؤال في بالهن .. )

• احمد: لا إله الا الله ..

(اما عند هنود )

• هنود: وين موّدني؟

• راشد : بوّديج الكوفي ..

• هنود: جيه تتحرى عمري من المفرورات؟ لا يابويه اصحى ردني البيت ..

• راشد : غناتي انا بس ابا اكلمج ..

• هنود : ياخي ردني لأني واصلة حدي منك ..

• راشد : شوفي هنيد .. انا صبري له حدود .. اوكي؟ (وقّف الموتر وهو معصب حتى ويهه احمر ..ونزل ) اتفضلي اركبي .. سوقي .. انا راد البيت مشي .. (وهي تمت منصدمة ..)

• هنود فخاطرها : مينون !! مينون واحد !!!

(قامت بكل تكبر وبطلت الباب .. وركبت مكانه وسارت بعيد عنه .. الود ودها ترد ريوس وتكلمه واتقول انها اتكابر .. تمت على هالحالة وهي تصيح لين وصلت البيت .. وعند راشد ..)

• راشد : ألو؟ عمي؟ بنتك وصلت البيت ولا لأ؟

• فاضل: آآآخ؟ أي بنت بعد؟ علها السقم!!

• راشد : هنيد ..

• فاضل: جيه شو مستوي بعد؟

• راشد : اتضاربت وياها .. وخليتها اتروح البيت .. شو أسوي دامنها هب رايدتني .. بس طمّني عليها اذا وصلت .. وعقّلها ..

(اما عند الشرطة .)

• الشرطي : انتي زهور؟

• زهور تصيح : نعم بابا صرطي ..

• الشرطي : خبرينا بكل شي استوا ..

• زهور : بابا هذي ماما غريبة جيب دكون مشان سوي ريحة نايس مال هجرة مال عيسى .. انا والله في شوف هيّه تبجي كتير كتير .. بعدين انا مافي شوف غير داو في كل مكان جابيت مويه .. كل شي بس مافي فايدة .. وبابا كبير همدبعد انا في ركض بيته انا اكبّر بابا كبير .. بعدين ميود في شلي ماما في موت كله اهترق .. هراااام .. (وتصيح زيادة ..) هذي ماما كله يحبو هيّة كلوا انا هتى احبها

(ويوم وصلت هنود البيت .. كانت واصلة حدها بالأصل كارهة عمرها على فعلتها .. ليش ودرته؟ هو اعترف انه يحبها .. بس ليش ودرته؟ تبا اتقلد اخته الجود؟)

• هنود: انا ليش سويت جذيه؟ اتخبلت؟ انا لازم اراضيه .. حرام أكسر بخاطر حبيبي ..

(يوم هي نازلة ..)

• هنود فخاطرها : اميييه بسم الله .. (بغت تدعم ابوها ..)

• فاضل : ورادة بسواد ويه يالملعونة؟ (ويصفعها طراق وهي مب فاهمة وسيده احمر ويهها من الصفعه .. انزين هي شو يخصها؟ ميود اللي ضاربنه مب هي ..)

• هنود فخاطرها : انا شو سويت؟

(وكانت متمالكة اعصابها ..)

• فاضل يودها من ثيابها : طوفي جدامي !! طوفي !! (ويركبها السيارة غصب ..وهي تتنافض لأنه السالفة هالمرة جد )

• هنود فخاطرها : ياربي شو السالفة؟ ليش دوم المصايب اتطيح ع راسي؟

• فاضل : انتي يا ام المصايب أصلا انتوا عايلة كلها ميانين !! (ويدفر راسهاعالجامة ..بغت اتدوّخ ..بغت اتقول شي بس سكتت ..) احينه امج ما باجي غير الجلب ميود اللي مد ايده علية يعله السقم ان شاء الله .. وأظني يدج مات بعد وافتكينا منه .. (وهاي صدمتين لها كلهن مرة وحدة عجهن على راسها ..)

• هنود فخاطرها:اميييه؟ ماتت؟

• هنود بدون ما تحس تنطق جدامه : اميه انا؟ ماتت؟

(وفاضل صد جداها منصدم ..)

• فاضل : مالت عليج وهذا اللي خلاج تنطقين يوم الخايسة ماتت؟ لو كنت ادري جان جتلتها بإيدي بس فات الفوت الحينه !!

(وإيييه طراق من بنته عشان يصحى وكان هالطراق لاارادي من هنود ..)

• هنود تزاعج : انته ابو انته؟ انته عدو !! الله ياخذك ..

(ويرد لها الصفعه بقو ودعمت الجامه .. حسّت راسها داير .. )

• فاضل : يلعنج يالجلبة !! (كان محمر ويهه من آثار الصفعة ..)

• هنود: آآآخ .. (وهو يهذر عليها اتحس شرا السم يوصلها .. لين وصل هالمكان..)

• فاضل : احينه فهالمكان محد بيدريبج !! خلهم يتحرونج ميتة لا بركتن فيج !! (وطلّع من مخباه وكانت حاطة ايدها على راسها لأنه كان يعورها وتصيح ..) يوّدي بطلي حلجج !!

• هنود: شو ها؟

• فاضل: اشوف بطلي حلجج .. [COLOR="dimgray"](ويوّد فجها وبغصب وهي تصارخ وفج حلجها) أشوف صرطي الحبوب يالله !!خذيهن الله ياخذج ما بيجتلنج !! (وبند فجها بغصب وهي الدموع ينزلن)

• هنود فخاطرها : خاف الله يالجلب !!! بتجتلني !! (وهي تسوي عمرها تبا تزوع )

• هنود: اععععععععععععععععععععععععع (قامت اتهاوع عشان اتعج الحبوب)

• فاضل مسك فجها : صرطي اشوف !! (ويزاعج ) صرطي !!! (لين ما صرطته ما استراح .. وتمت اتهاوع اتغشت وصدت الجهة الثانية وكانت عيونها محمرة .. وتتنفس بصعوبة .. وقامت اتحط صبعها فحلجها عشان اترجعه وما يتم في بطنها ..بس مارامت لأنه فاضل كان ينزل اوراقه ونزلت ايدها عن يشوف فعلتها ..وكانت اتطالعه بكره ..ونزّلها ..وبعد ربع ساعة دخلت لغرفة فاضية فيها سرير وطاولة .. حطت شنطتها ..وكانت تتنافض .. مكان غريب موحش مافيه أي حد ..من غير اتحس الدوا شي يسبب لها ..)

• هنود: ياربي هذا مستشفى ليش جذيه المكان؟ (ودخل عليها فاضل ..)

• فاضل بكل وغادة: سمعيني عدل .. (ويمسكها من شعرها ..)

• هنود :آآي آآآي أبويه !! آآي !! هد شعري !!

• فاضل: ان سمعت لج حس والله ثم والله تعرفين شو بسويبج؟ شرات ما ماتت امج بجتلج شراتها .. لا وبعد قبل ما اجتلج بجتل اخوج رشود قبلج .. شو يبون فيه هذا الا ياهل !!

• هنود بكل قوة : جيه تتحراني بصدقك؟ انته الا اتمثل !! يالله أشوف ردني البيت !!

(ويصفعها صفعه خلاها اتطيح عالارض مدوخة .. وما حست بعمرها الا بالسيستر عندها .. اما عند فاضل يوم وصل البيت ..)

• زينة زايغة : بوعيسى ؟ داخلة على الله وثم عليك بعطيك فلوس .. بس وين البنت؟

• فاضل : منو قصدج مي؟ أحيدها فحجرتها متكسرة !!

• زينة تصيح : لا هند .. دخيلك يا فاضل .. جانك اتريد اتعيش معنا خبرنا عن مكانها ..

• فاضل يبتسم : تقدرين تقولين اني جتلتها وبالأصل ميتة !!

• زينة تصارخ : أويلي ويلاه !! أويلي ويلاه !! البنت عندنا أمانة وانته قتلتها !! شو من الأبهات انته؟ ما تحس؟ مافي قلبك رحمة؟ أويلي !! (وتصفع عمرها ) شو راح انقول لأهلها؟ وزوجها لما ييجوا؟

• فاضل: لا تحاتين هي يوم ياية كان موّدرة ريلها .. روحه ريلها متصل بي ..

• زينة : ياخي يابرودك !! هذي بنتك !! كيف قتلتها؟

• فاضل: خليها تصرط حبوب

(زينة تصفع عمرها لأنها حاسة بالذنب وتصيح صياح عليها .. لأنها حست بها اقرب من بنتها مي ..)

• زينة : اطلع برا !! اطلع !!

• فاضل: بس راد !! راد تراني .. ولا باخذ ميوه واتعرفين مثل ما جتلت الأولانية بجتلها ..

• زينة تزاعج : روحة بلا رجعه !! الله لا يردك !! (ويوم توّة مبطل الباب ..)

• الشرطي : السلام عليكم ..

• فاضل: عليكم السلام

• الشرطي : فاضل بن عبدالله؟

• فاضل: خير؟

• الشرطي : اتفضل ويانا ..

• فاضل: انزين ما عليه اسبقوني وانا احينه بييكم .. (وكان ميت من الخوف .. الحمدلله انه في شي يخوفه هالآدمي ..)

• الشرطي : لا تعال معانا القسم .. عندنا امر بالقبض عليك ..

(ويوم وصل القسم )

• فاضل: اعنبوا انا مب مسوي شي بلاكم؟

• الملازم : فاضل .. انته موقّع على بيع البيت صحيح؟

• فاضل: هيه نعم ..

• الملازم : والبيت احترق باللي فيه .. ومب مأمن ..

• فاضل: هيه انا ما يخصني .. جيه انا اللي حارق البيت؟

• الملازم : بس انته موقّع العقد ويا هالشخص ..

• فاضل: انا ادري واعرفه .. بس البيت احترق شو تبوني أسوي؟

(وكان المشتري حابكنها عدل ..)

• الملازم: اترد له فلوسه ..

• فاضل بانفعال: احينه انا اللي حرقته؟

• الملازم: محد اتهمك بالحريجة .. بس انته موقّع العقد .. انه قبل التسليم لو استوا أي شي في البيت من حق المشتري استرداد أمواله ؟ صحيح؟

• فاضل: متى هذا؟ (والملازم يراويه الاوراق ويراويه البند الموجود في العقد اللي ما شافه ويا سبحان الله كما تدين تدان .. وخصوصا يوم انه نهب حرمته غريبة والله راواه ..)

• الملازم: هذا توقيعك؟

• فاضل: هيه بس هذا غش يسمونه !!

• الملازم : انته خلاص وقعت .. وتقدر تتفاوض ويا الريال يتنازل ..هاكوه جدامك !

• فاضل: انزين بس انا صرفت الشيك خلاص شو الحل يعني؟ بتصبرون علية؟ بتصبر علية بوعارف ؟ دخيلك؟

• بوعارف: آسف انا ورايه التزامات وانته ما التزمت بشروط العقد..

• الملازم : اكتب شيك ..

• فاضل: كيف؟ حسابي مافيه شي يصفر !!

• الملازم : عيل كل واحد ياخذ جزاته .. خذه للحجز الحينه ... لين اييي حد يكفله ...

• فاضل يقاطعه : لا !! اعنبوا وين القانون؟ انا اقولكم !! بعطيكم بيزات زيادة اكثر عن اللي عطاكم بوعارف !!

• الملازم عصب : وترشينا بعد؟ لابارك الله فيك !! ودوه الحجز !!

(اما عند هندوه )

• هنود فخاطرها : انا وين؟ منو هاي الفلبينية؟ (واتأشر لها شو تبا؟ )

• الفلبينية : this will let you sleep

(ضربتها الابرة .. تمت مكانها .. تفكر بأمها ..)

• هنود فخاطرها : ليش تموت؟ أكيد أبويه جتلها .. ولا لأ يقص علية شرات ما طلعني هاكي اليوم من البيت غصب .. و يدي مات بعد؟ لالا هالانسان هب طبيعي .. وهالمستشفى مال الميانين انا اعرفه .. شفته .. الا اسوي حق حد يفازعني .. محد غير الجود .. (قامت اتدوّرفشنطتها عن التيلفون منيه مناك .. ماشي حد شل تيلفونها ..)الله ياخذك يا فضول !! (وتصيح صياح المظلوم بسبت الظلم اللي عايشتنه ..) محد بيصدقني .. بيقولون مينونة !! بس انا والله هب مينونة !! الله ياخذك انته ابوا !!! (وكانت تصيح بحرقة .. لين اتحس شرا النفضة وشي يتحرك ويهتز تحتها .. رنة نوكيا ..ياها الفرج ..)

• هنود : وييييه !! شو هذا؟ (وقامت متفاجأة .. فصخت عباتها .. التيلفون فمخباها .. دوم اتخشه فكندورتها ..) يالله يالصدفة .. ربي يحبني .. اللهم مالك الحمد والشكر .. (وهي بفرحة اترد اللحاف عليها .. بدون ما تشوف الرقم ) ألو؟

• راشد : أدري بتقولين ويهك لوج ..

• هنود تصيح : رشود إلحق علية بموت ..

• راشد اتغيرت ملامحه : شوفيج غناتي؟

• هنود: رشود أبويه فرني فمستشفى مال الميانين ..

• راشد: هنيد غناتي شو هالخبال؟

• هنود بعصبية : ما تصدقني تعال هالمكان بتحصلني هناك .. داخلة على الله ثم عليك اتطلعني .. جان في يوم من الايام حبيتني ظهرني دخيلك ..

• راشد: مستشفى الامل متأكدة؟

• هنود: والله هناك ..

• راشد : انا احينه ياي .. الله ياخذه هذا ابو؟ وشعنه ودرج هناك؟

• هنود: تراك انته رمسته وخربت الدنيا!! قال شو فايدتي !! امبونه ما يدانيني !! حتى انته !!

• راشد : لا تقولين جذيه .. انتي فأي غرفة؟

• هنود : مادري وين نفدوني ..

(ومن بند عنها لبس ثيابه وسار لها وهو خايف الا داير راسه والفكرة هاي مب داشة مخه غادية مثل مال المسلسلات بس ابوها يسويها دامنه كل تفكيره في البيزات .. خاف شي يستويبها ..)

• راشد في الموتر : انزين هي انسانة صاحية .. كيف جذيه؟ لا بركتن فيه ... (وخذ نص ساعة وخصوصا زحمة دبي .. ووصل ..) لو سمحت المريضة هند فاضل

• موظف الاستقبال جمال : هذي توها داخلة ..

• راشد : ممكن أشوفها انا ريلها ..

• جمال: لو سمحت وثيقة الزواج والجواز او الهوية ..

(وسار الموتر ويابهن ..دوم فار أوراقه الثبوتية داخل الموتر ..)

• راشد : هاكن .. جمال مبجج عيونه : الملياردير راشد بن سالم؟

• راشد : وخير يا طير؟

• جمال : اتفضل طويل العمر.. اتفضل .. ماله حاية الاوراق الثبوتية ..

• راشد : انا قلت ابا اعرف حجرتها ممكن؟ ولا أعيد الرمسة؟

• جمال: ان شاء الله طويل العمر .. أحينه انا روحي بوديك .. (ومن وصلوا يعني ما احتاج ورقة من الدكتورة ولا شي .. سيده وداه غرفتها ..)

• راشد: ان شفت آدمي يوايج على حرمتي .. نحرته تسمعون؟

• جمال والسيسترات زاغوا : ان شاء الله .. ان شاء الله ..

(ودق الباب .. ودخل بدون ما تسمحله بالدخول ..)

• راشد بند الباب : غناتي .. (وما حصلها الا ميوّدة ريوله حاضنة ريوله ..)

• هنود : والله ما تخليني .. والله يا رشود ان هديتني بكرهك لطول عمري ..

• راشد نزل لها : قومي يا بنت الحلال.. (وهو يبتسم ) احينه بيخلص كل شي ..

• هنود: احلف اول شي .. (وهي تصيح ومب طايعة اتهده )

• راشد : هنيد انا من متى اجذب عليج؟ قومي .. (ويخليها اتقوم ..)

• هنود: انا والله ما سويييي (ويصيح تيلفونه )

• راشد : كملي ..

• هنود شكت : رد ع تيلفونك .. (وكان راسها داير .. لأنه بدا آثار الابرة يهدها ..بس كانت مستحملة واتقاوم ..)

• راشد : مب مهم ..

• هنود: ميرة صح؟ حبيبة القلب ..

• راشد : هههههههه من زمان طاف عليها دهر هذي الجود اختيه ..

• هنود: اشوف راوني

• راشد: شوفي ..(وهو كان صادق ..)

• هنود مسكت ايده: رد عليها ..

• راشد فرحان : والله برد والله .. (ورد ) ألو؟ بلاج اتصيحين؟ (وكان زايغ واحمر ويهه ويطالع هنود وزاح احمراره ..واتساندت هنود على جتفه ) لا حول ولا قوة الا بالله العلي العظيم .. خلاف خلاف .. ما يخصج .. فمان الله

• هنود كأنها سكرانة : بلاها اختك؟

• راشد : انتي شكلج ما رقدتي .. طيحي .. طيحي ..

• هنود : حلفت بربي اللي خالقني انك ما تخليني ..

• راشد : عيّني من الله خير .. ورقدي انا بتم وياج ..

(وعند شمايل كانت يالسة تكتب ..)

• شمايل تكتب وتتكلم : مادري اليوم أي يوم .. بس عايشة فهالكم من يوم بدون ميود .. عرفت انه معنى الحب لازم مثل ما نعطي لازم بعد نحس به من الشخص الثاني .. وانا يوم عن يوم لازم اكون قوية وما يهزني ريح .. لازم اسمع كلام الدكتورة امل .. وأتبّع تعليماتها .. اذا اليوم اتذكرت ميود .. باجر بنساه .. وانا عمري ما بخلي ريال يسيطر علية .. اليوم الدكتورة كلمتني .. وقالت لي اني مب محتاجة أي دوا..اهم شي انها اتابع تطورات مرحلتي .. وخصوصا سالفة الاحلام والرياييل ..لازم اكون متفائلة وناجحة .. واذا واجهت عثرة لازم اتخطاها .. وحتى النتيجة بتسرني .. وقالت اهم شي اني اواضب على صلاتي ولا ما بيفيدني شي .. ولازم ايماني بربي يكون قوي.. يمكن اذا قريت كم من آية من المصحف ربي بيهدي سري .. وبتخف عني البلاوي ... انا قبل بس كنت اصلي الفروض وما افتح المصحف الا فرمضان ويوم الجمعه .. انا عقدت العزم .. انه المصحف ما يفارقنيوحتى لو يكون عندي وقت .. اهم شي اقرا بخلي الدكتورة .. اتدوّر لي حد يعرف يتلو بطريقة صح .. عشان اتلو وراها ..

(اما عند مي تصارخ من قمة راسها ..)

• مي: لاااااااااااااااااااااا والله خياس !! (ودشت زينة عليها ..)

• زينة: شفيج يمة؟

• مي: الشغل توهم مرمسيني !!

• زينة: إييييه شفيهم؟

• مي: طردوني من الشغل ما يبوني !! (وتصيح ) كله من ميود الخايس !! يعله الدمار !!

(اما عيسى )

• عيسى : ألووووووووووووووووووو .. يامرحبا بحسن ..

• حسن : عواس .. انا

• عيسى : شوبلاك؟

• حسن : ما ودي اخبرك بس لازم ترد البلاد..

• عيسى : جيه شو صاير؟

• حسن : امك.. الله يرحمها ..

• عيسى منصدم: شو تقول؟

غموووض
20-03-2008, 12:48 AM
حراااام والله اللي قاعد يصير
فضول يستاهل اللي ياله يعله
هنوده مسكينه ماتستاهل المصايب
حرام عواس مايشوف امه عقب طول هالمده واهو ينتظر يرد لها
ميوه تستاهل ان شاء الله تلحق ابوها ويموتون اثنينهم

تسلمين اختي على البارت
الله يعطيج العافيه

الغزال العنيد
22-03-2008, 11:18 PM
بـارت يعور القلب .. حرام هند ورشود يفترقون ..
وحليله ميـــود غميضـــه والله ...:(
حتى عوآس يحليلهم عيال غريبه ..=(

احلى البنات ..// تسلمين عزيزتي ... نترقب القادم ..

احلى البنات
25-03-2008, 04:25 PM
(الجزء 76)

(تم عيسى ساكت وحسن يكلمه .. فر سماعة التيلفون .. وتم منصدم ..)

• عيسى فخاطره : أميه؟ غرووبة؟ (احمرت عينه ...)كيف؟ ليش؟ شو اللي ذبحها؟ أمايا انا؟ (قام بكل هدوء ودخل الحمام ويزاعج ..) أمي انا؟ ما لقيتوا تذبحون غيرها؟ هاي الهوا اللي أتنفسه .. وأحينه ما عندي هوا أتنصخه .. انتي نصخي .. انتي قلبي اللي يدق .. شعنه تودريني !! مابا شي من هالدنيا اباج انتي بس !! دخيلج ردي !! (ويصيح بضعف ..) خليتيني فدنيا وصخة !! مافيها أي خير.. انتي كنتي الخير كله .. ليش تودريني؟ (قام بحزم وغسل ويهه وخذ بوكه وموبايله وشرا المينون طلع وخذ تكسي وسار المطار .. وهو يرمس حرمة تحجز له على أي رحلة بس المهم الحينه اتطير الطيارة .. وخلص الاجراءات مال بسرعة .. حتى ثيابه ما خذهن وياه .. من اول ما ركب الطيارة ارتاح انه بيرد بلاده .. بس على شو يرد بلاده على موت امه فراقها .. قلبه عمره ما بيرتاح .. وأمه بعيد عنه .. تم يغمض عينه وكان حاس عمره شرا فدوامة .. وويهه أحمر ..) excuse me ..

• المضيفة : yes sir?

• عيسى :water please .. (وحس عمره ما يروم يتنفس .. ومصّدع لدرجة انه العروج فويهه مبيّنة ..)

• المضيفة : here it is .. oh my !!! sir? Do you need doctor?

• عيسى يهز راسه بصوت يالله ينسمع : yes

(وتربع المضيفة اتدور له على الاقل دكتور وطلع كابتن الطايرة هو الدكتور .. وسيده ياه .. وحط له مال الضغط ..)

• الكابتن: what happen to your arm?

• عيسى مايروم يرمس بس نطقها : shot

• الكابتن: your blood pressure is high .. what happen to you? (وعيسى يتويع من الألم ومب راضي يخبره عن أمه ..)

• عيسى : آآآآآآخ (ويمسك راسه ..) راسي بينفجر ..

• الكابتن : I'll give you these pills for blood pressure ..but you must not think of anything

• عيسى : ok ok

• الكابتن: and you must go to the hospital immediately, please sir, your condition is in danger..

• عيسى بعصبية :ok ok give it to me (ويصرط الحبوب بدون ما يشوف الحبوب .. وتم يتويع .. وويهه يحمر ويصفر .. لين مرّت صوبه حرمة سايرة صوب الحمام .. صدت بتبطل الستارة عشان تدخل الممر بس لمحت شخص تعرفه ..جد عالجته من قبل ..)

• الممرضة سارة : essa? What happen to you?

• عيسى: منو هاي بعد؟

• سارة : this is me .. did you forget me?

• عيسى:who? (وتحط إيدها على يبهته)

• الممرضة : wait a minute … (وقامت وسارت يابت عدّتها وسوّت له تحاليل فورية له ..)

• عيسى: شو تسوين يا حرمة؟

• الممرضة بجدية : ما أسوي شي !! (وهو انصدم انها عرفت رمسته .. وكانت تسوي شغلها .. اما عند هنود .. كان راشد متلخبط ..)

• راشد : ياربي شو اقول لها؟ امج ماتت؟ لالالا غلط !! انا اول شي لازم أظهرها من هالمكان .. بس خلها تنش .. الله يغربلهم أكيد عاطينها منوّم ... (وسار يلس عالكرسي .. وطاحت شنطتها .. سار بيلقّط أغراضها ..) شو ها؟ ( شاف شي ماله ..معطاي له .. كيف وصلها ؟) كتاب مريم؟ مذكراتها كيف وصلها؟ أكيد خذته يوم كنا في المزرعة يوم كنت مشغول في مراضاتها !! (عصّب ) لعيينة !! لهالدرجة وصلت مواصيلها ؟ تسرق؟ انا فشو قصرت وياها؟ معقولة لهالدرجة توصل الغيرة؟ بس انا احبها وهي تحبني ..انا سامع عن مرض الغيرة الجنونية بس جذيه !! (واتذكر اكبر مثال يوم صاح تيلفونه اليوم ) وييه يوم رديت عالجود !! ماتوقعتها جذييه !! (فر الدفتر عالارض معصب ..) دامنها نذلة انا بكون أنذل عنها !! تتحرى قلبي لعبة بإيدها !! خلها تشبع بالكتاب !!

(طلع ورّض الباب رضة .. منقهر متغصص .. اما عند قوم احمد .. وصلوا المستشفى دخلوا حجرة اليد .. وكان اليد مويّم ويقرا القرآن على راس ميود اللي كان طايح ع ثبان يده ويصيح .. وأول ما شاف اليد حرمته ميثاء ..دمعت عينه ..)

• اليد حمد : لا حول ولا قوة الا بالله (ومن سمعن بالخبر شموس وفطيم وهنوه خذن تكسي وعلى طول عالمستشفى ..)

(العيايز تمن يصيحن ويدعوا لها بالمغفرة والرحمة والبنات يصيحن .. اما مايد ..)

• مايد: والله لأجتله !! صبروا علية بس !! صبوا وانا روحي بجتله !! (شمسة دشت براشد تبا اتحطه على فراش اليد عشان يرقد ..) هاتييه (وقام وشل أخوه .. ويته الصيحة ) أحينه غدينا أيتام .. محد غيري انا وانته بس بنتجابل .. محد بيربيك غيري !!

• شمسة : لاتقول جذيه يابويه .. ونحن وين سرنا؟

• مايد معصب : انتي سيري ربي بناتج أول وخلي أخويه في حاله .. الله الغني عنج وعن بناتج !!

• اليد : حشم يا ميود !!

• مايد : جان علمت بناتها الحشمة ..وحدة مغازلجية ترابع ورا الرياييل .. والثانية اتخبلت !!

• شمسة : الله يسامحك يابويه !!

• مايد يزاعج : الجميع مب بس انا !! قمتي تتخججين على اهلج وعلمتي بناتج على هالشي .. هذي هي التربية ..وحدة فالتوه اللهم عافنا .. والثانية رافعه خشمها يعله الكسر !! طلعي برع وما يخصج بنا !!

(تم ميود في المستشفى عند يده .. اما الحريم ساروا يغسلون المتوفية .. كانت ميثاء اتشوف بنتها ..بس ملامحها ما تبين كله حروق سوداء وحمراء يعني معالمها ما تبين..)

• ميثاء: يالله ياقلبي !! الله يرحمج يالغالية .. كنتي تبين الحياة .. لكن ما نقول غير حسبي الله على اللي كان السبب ..

(واليوم الثانية الصبح ..عند الدفن في المعشرة كانوا يحفرون بعدهم ما حطوها ... كان موجود)

• عيسى : السلام عليكم ..

(كل الرياييل منصدمين .. صد ميود يطالع هالصوت هب غريب عليه )

• اليد حمد منصدم : لا إله الا الله !! الله أكبر !!

• مايد منصدم اكثر : يالله سترك !! عواس؟

غموووض
25-03-2008, 07:59 PM
تسلمين اختي على البارت
حراام راشد ليش خلى هنوده بروحها في مستشفى الميانين
مسكينه والله ماتستاهل
كسر خاطري مايد مسكين

الله يعطيج العافيه
وفي انتظار القادم

احلى البنات
26-03-2008, 09:52 PM
(الجزء 77)

• واحد من الرياييل: يالله سكني في النهار !! يالله القيامة قامت !!!

• عيسى: عيّن من الله خير..انا ما مت ..

(مايد يتقرب من عيسى وقلبه يدق زايغ ..)

• واحد منهم زايغ :ميود لا اتدقه ياخي بيحرقك !!

(وكانوا صدق زايغين )

• مايد مسك عواس : عيسى؟ أخويه؟

• واحد منهم : والله اني ما كنت أصلي لكن التوبة ثم التوبة !!! والله لأصلي خلاص التوبة !! يالله تغفر لي !!

(وكان حسن يطالع عواس منصدم )

• حسن يتكلم ويا عمره: ويييه يا عواس جيه تي ؟؟ اوووف !! منوع !! (ويتصل بمانع ) ألو؟

• مانع: هلا والله ياي .. عند الاشارة واصل ..

• حسن : أقولك .. رد البيت ..

• مانع : ليش؟ شو مستوي؟

• حسن : ماشي .. بس غيروا المعشرة ..

• مانع: وأحينه ؟ شو الحل؟ بلحقكم عيل ..

• حسن : خلاص دفنوها عيل يتريونك؟ انته روّح البيت .. وانا بييك ..

(عيسى سيده حضن أخوه .. ومايد دقات قلبه تزيد ..)

• مايد : أميه اتوفت من صوب ..وأخويه رد لنا من صوب الثاني .. شفت أميه ؟ شفت شو استوابها؟

• عواس محمر ويهه : خلنا ندفن الغالية .. (وزاد عليه الضغط ..بس ما بيّن لهم .. كانوا يدفنون غريبة .. وكانوا شالينها اليد وعيسى ومايد .. وباس عيسها باللي ملحفينها به .. وقروا عليها وهم مروحين .. ) قلبي بيظهر من مكانه .. (ويصيح )

• مايد : عيل انا شو اقول ؟ كانت مجابلتني .. وغبت عنها كم من يوم .. وطاع شو استوا بها ..

• عواس: 100 سؤال في بالكم أدري .. بس خلنا نرد البيت .. دخيلك .. والله واصل حدي ..

• مايد: أي بيت ياخويه ..بيتنا حرقته الضو بقى شي عندنا بيت؟

• عواس منصدم: شو تقول؟

• مايد: عيل امك كيف اتوفت كله من الضو ... كانت اتدخن غرفتك ... البشكارة علمتنا .. اتحريتها متولهه عليك ..

(وتم اليد يخبر عيسى باللي صار وهاكي ضاربتنه الغبنة ..)

• اليد: ما قول غير الحمدلله والشكر .. الحمدلله ..

(وهم مروحين حاطين على إذاعة القرآن ..وكل فترة يصد ميود واليد ورا يتأكدون انه صدق ولا لأ.. ومن وصلوا بيت اليد يلسوا في الميلس يستقبلون المعزين .. في منهم اللي ينصدم من يشوف عواس .. وفي منهم مايدرون شو السالفة .. لين حزت الغدا .. وروحوا الحريم والرياييل .. وكانوا في الميلس وبيسيرون الصالة ..)

• اليد حمد: هود !! هود!!

• ميثاء : هدا .. هدا .. اقربوا .. (وكانن العيايز ميّلسات .. والبنات بعد .. ورشود ويا فطيم يلعب ..)

• عواس: السلام عليكم..

• شما تزاعج: اللهم سكنهم في مساكنهم .. ( وحطت إيدها على قلبها من الزياغ ..)

• نشبة تزاعج وترد على ورا: سكني والله سكني !!

• فطيم ردت بإيدها على ثمها منصدمة : عواس؟

(واتجدم عواس ويحب العيايز على روسهن بس ميثاء قلبها ارتاح يوم شافته كانت تدري انه حي غريبة خبرتها ..وسار صوب فطيم ويدق قلبها زيادة بشوفته .. حط عينه فعينها .. خذ عنها رشود بدون ما يلمس ايدها ..)

• عواس: بسم الله عليك .. رشود؟ فديتك يا ربي .. (وقام يحببه ..) نحن سايرين فوق نرتاح ..صح رويشد؟ (حتى ما خلاهم يتكلمون من الصدمة .. اما عند حسن ..)

• حسن يرد على منوع في التيلفون : ها منوع ..

• مانع: وينك ياخي خيستني وانا اترياك ..

• حسن : كانت عندي شغلة ..

• مانع : شو مستوي عندك؟ لهجتك غير ...

• حسن : لا ماشي .. بكلمك خلاف خلاف

(ومايد خبر عواس بالسوالف اللي استوت .. الا خبره عن خواته ..)

• عيسى : امبونها ميوه وصخة مب توّها !!

• مايد : شدراك؟

• عيسى : منو عجاني فهالمحنة غيرها !! صدقني كل واحد بياخذ يزاه !!

• مايد: ليش في حد غيرها ؟

• عيسى : اثنينه زيادة ..

• مايد : وخواتك؟

• عيسى : العودة هب اختيه .. بنت العراقية .. اما هنود .. روحي بييبها وجان في شاربه خير يرمس !!

• مايد: نحن أحينه رياييل البيت !!

• عيسى : حتى ما فكر إيي يعزينا فأمنا !!

• مايد : شو اتحرى؟ هذا أبو هذا عدو !! الله ياخذه ..

(تموا يرمسون .. وعواس من دخل الحجرة ما ظهر منها الا على المسيد ويرد .. وتموا على هالحالة 3 أيام ..3 أيام لا يتهم زينة ولا مي .. وأما هنود .. كانت كل ما توعى تحس عمرها شرا المخدرة .. وتيها الفلبينية وتضربها بالابرة تخدرها لمدة 3 أيام على هالحالة .. وفطيم تحاول بأي طريقة تكلمه .. بس ما شي فايدة .. يطوف جدامهم .. يعج السلام .. ويروّح فوق.. وهو راد من صلاةا لعصر .. ويحس بإيد على جتفه ..)

• فطيم : عواس؟ (وهو حس برعشة )

• عواس صد صوبها وابتعد شوي : نعم؟

• فطيم : عظم الله أجرك ..

• عواس: أجرنا وأجرج .. الدوام لله ..

• فطيم : اترياك فساحة البنات ..بعد ربع ساعة .. (تبتسم وتسير داخل صوب نشبة ..)

• عواس يبتسم : أسميها ياهل .. لا حول ولا قوة الا بالله .. (وروّح داخل ..ويوم شافته فطيم .. استحت وسارت المطبخ ..) هههههههه مسكين حالها !!! (ويرد ع تيلفونه اللي يصيح ) مرحبا .. هلا بطويل العمر .. لا أبد .. بس عندي شغلة في دبي .. وفي الليل بفضى ان شاء الله .. وين؟ وين؟ .. وين هذا؟ هيييه خلاص اتفقنا ... (وفطيم ياية اتطير وفإيدها رشود )

• فطيم بلهفة : عواس !! عواس !! شوف !! (وكانت شالة رشود ..) رشود حبيبي .. (وحطته عالأرض ..)

• عواس:بلاه في شي ؟ ميهود؟

• فطيم: طاعه !! حبيبي رشود تعال ... (وكان توّة يخّطي كم من خطوة ..وطاح عالارض ..)

• عواس يبتسم ويشله: بسم الله عليك .. غديت ريال هاااه؟؟

• فطيم : يبالنا اننثّر عليه حلاوة !!

• عواس بجدية :أجليها نحن فعزا ..

• فطيم : انا بترياك فهالمكان .. ابا اقولك شي ضروري ..

• عواس: يصير خير ..

(وطلع وهي استبشرت خير .. يوم انه ظهر .. معناتها انه سبقها لهاكي المكان .. وهي حليلها خذت الأذن وقبضت الباب وسارت الساحة ..)

• فطيم وصلت : وينه؟ ليش ما ياء ؟ ( تمت ربع ساعة تترياه ) معقولة حركة خساس اتسويها فية؟ ( وبعد نص ساعة .. كان ميود مار ..)

• مايد: فطوم؟ ( ويزاعج ) فطوم؟

• فطيم تزاعج: أسمعك.. شو تبا انته بعد !!

• مايد : شو تسوين هنه روحج؟ ما اتوبين كم من مرة اقولكم لازم حد وياكم !!

• فطيم : بس محرمي ما ياء .. الا خساس يسوي فية ..

• مايد : منو؟

• فطيم: أخوك !! حد غيره؟ (وتلف شيلتها عدل وتتغشى ..) انا مروحة البيت ..

• مايد : انا بوديج !!

• فطيم : روح لاااه !! لا توديني ولا أوديك استريح !! فمان الله .. (وردت البيت وهي تصيح ..) انا استاهل اللي إييّني ..

• مايد يتصل على عيسى : وينك انته؟

• عواس: انا ساير دبي شعنه؟

• مايد : أخخخ عليك .. شو مسوي بفطيم؟

• عواس : بلاها النعّارة؟

• مايد : شفتها في استراحة البنات روحها وتصيح .. ياخي خاف الله .. لا تسوي جذيه بالبنية .. تراها تباك ..

• عواس :أقول ميود خل عنك المواعظ .. انا مب فاضي لك .. من أرد ان شاء الله لي كلام وياك .. وأحينه قولي وين مكان حرمة أبوك؟ (ويدليه المكان وعقب ساعتين ..) السلام عليكم.. ماما موجودة؟

• البشكارة : إيييه ..

• عواس :وأرباب؟

• البشكارة : أرباب داخل سجن..

• عواس منصدم : شوه؟ السجن ؟ جيه؟

• البشكارة : مادري ما أرف !!

• عواس: زجري مدام ..

• البشكارة : انته روه داخل .. عادي .. (ودخل ..)

• عواس: عادي ؟ عادي !!

• البشكارة : اتفدل بابا .. ماااامااااه في ريال يبي انتي !!

• زينة : منو؟ إش يبي؟

• عواس: انتي ام مي؟

• زينة : خير؟

(وعواس يطالعها من فوق لين تحت مستغرب منها ..)

• مي كانت وراه تغني : يا حبيبي ليش تتغلى .. ياويلي من هالمزيون اللي عطني ظهره ؟ ( صد عواس وراه يشوف مي ياية من برع انصدم من شكلها .. أما مي اللي كانت مترنحة اتيبست مكانها .. وحسّت الدم فجسمها وقّف وما يوصلها ..) ع ..ع .. ع.. عواس؟ (تمت تتنافض ..)

• زينة : شفيج؟

(مي توّها بتشرد وإيوّدها من كشتها قبل ما تشرد ..)

• عواس : وين سايرة؟ بتشردين؟ ههههههههههه يا حافظ عليج !! .. شو هاللباس؟ لالا اتطورت الدنيا .. لا الدنيا عندكم كلها يا هل دبي ...

• مي: عواس انا ما كنت مادري ... مااااا .. مااا .. والله .. ماااا (ويدفرها وتحصل صفعة اتعجها عالأرض .. خلا أذنيها تنصمخ .. كان طراقه ولا فأي ضرابة .. كانت أقوى ضربة عنده .. حتى سطارها غدا أحمر .. ) آآآي !!!!

• زينة معصبة : وانته شكو؟ إيش تريد !! اطلع من بيتنا لأبلغ الشرطة !!

• عواس : يالله بلغي .. انا اتريا .. ههههههههه خسيسة شرا أمج !! بتستوين الا رقاصة فمراقص شراتها !! تف عليج من بنت شوارع !! انتي هب أختيه !! (ويمسكها من شعرها ..) تسمعين؟ هب أختيه .. اتهبين اتكونين أختيه !! لا بارك الله في الساعة اللي يابتج فيها !!!

والبارت الياي الاسبوع الياي

غموووض
26-03-2008, 10:03 PM
تسلمين اختي على البارت
تستاهل ميو اللي ياها وازيد
هنوده مسكينه للحين محد عارف مكانها غير رشود
فطيم كسرت خاطري بس تستاهل اهي اللي بدت
الله يعطيج العافيه
وفي انتظار البارت

الغزال العنيد
02-04-2008, 01:12 AM
احلى البنات ..// مشا الله عليـــج اختيـــه .. اسلوبج رووعه في السرد ..
عـــواس .. شكله بيأخذ حقه من كل حد ..
فطيـــم .. غميضــه والله .. :(
هنوود .. حرآآم .. :( لاتخلينهم ينفارقون هي ورشود والله حرام

تسلمين غاليتي على البــآرت .. نترقب القادم ..

احلى البنات
03-04-2008, 12:45 AM
(الجزء78)

(وهي تصيح من الويع .. وتحس عمرها تحلم ..)

• مي : والله آسفة والله !!

• عواس مسكها من شعرها اللي استوا كشة من الضرب والمط عشان توقف : قومي قومي يالمذيعة !! (ويزاعج ) هنود !! هنود !! وينج ؟ انا عواس !! (وهو يتلفت متوقه انها تظهر فأي لحظة ..)

• زينة تمسكه وتتوسله عشان يهدها : الله يخليك ودرها !!

• عواس يدفر زينة : مالت عليج !! لا تدقيني يالوصخة !! (ويكلم مي ) لا فكرتي بأمج !! اللي ربتج واللي خلتج تغدين حرمة .. الله يرحمها .. فيج انتي؟ ما عرفت اتربي .. ودوم كانوا يقولولنا لا تربون النغل !!! وانتي النغل بعينه !!!

• مي: عواس !!! دخيلك لا تقول جذييه !!!

• عواس : ما تنطقين باسمي.. أظني بعد ما اتعرفين شي اسمه صلاة دامج مفصخة جذيه !!لا بركتن فيج ولا فأمج !! سمعيني عدل وخلي هالشي حلقة فأذنيج يالبقرة !! انا مب عيسى الأولي .. الطيب .. يوم بتشوفيني لازم تتحذرين مني .. ان شفتج في مكان عادي تيج صفعه .. أدوسج فبطنج .. بس كيفي !! ياء في بالي أكون نذل وياج .. (ويعطيها ع راسها ويبتسم ) مثل الحينه !! (وهي تتنافض والدموع ينهمرن منها ..) هههههه أحينه اتطالعيني بنظرة وغادة؟ ما خفتي من ربج يوم عجيتي وجايتج وعباتج؟ ما خفتي وقلتي ربي بيحاسبني ..وورايه اخوان وخوات وأهل !! ما خفتي وقلتي في مليون ألف واحد يطالعني هالحزة وانا كشفة !! ولا ما وراج حد؟ هاااه؟بنقول درستي التخصص اللي تبينه واتعلمتي واتخرجتي عقب زور وشدة ويوّدتي شهادتج ..لكن ما منعناج عن الشغل .. تطلعين تتكشفين لرياييل وفي التلفزيون !! سمعيني يا بنت العراقية وجهة رايج ؟؟

• زينة : يا أخي خلنا في حالنا .. اللي فينا مكفينا !!

• مي فخاطرها : ليش يا عواس ؟ ليش تسويبي جذيه ...

• عواس : أقول انتي انطبي لأصكج كف يصك نطعج !!وينها هنود ؟؟ (ويزاعج ) وينها ؟؟ (اثنينتهن انتفضن من صرخته )

• زينة : أبوك مدري وين وداها !!

• عواس يصرخ بهم وفنفس الوقت منصدم : كيف يعني؟؟

• زينة : خذها معاه مكان .. بس ما نعرف وين .. صدقني ..

• عواس: عاد اللي يقول بصدقج .. ( دفر مي .. وطاحت عالارض مرة ثانية .. وتحس بوّيع فظيع ...تمت مكانها ما تتحرك .. منصدمة .. مندهشة .. محد يعرف شعورها هذيجي الحزة .. وهو سار يدوّر على هنود في الحجر ..) هنود؟ يا هنود!! هنود؟؟؟ والله ما منكم أمان أكيد جتلتوا أخيته !! لكن والله ما أخليكم في حالكم !! ( وسار الطابق اللي فوق وما خلا مكان وما حصلّها وحس بالغبنة ..) صدقيني يا ام مي لأراويج الويل ان ما قلتي وين أختيه !!

• زينة تترجاه : ماعرف شمدريني .. اسأل ابوك هو اللي خذاها كفاية ضميري !!

• عواس : ضميرج ولا ضمير أبوج !!طزز !! انا بسير عند ريلج هالجلب وحسابي وياه !!وعلى فكرة لا ترقدون لأنه ببلغ عنكم وبتشوفين بعد .. (وتوّة بيبطل الباب .. حس حد ماسك ذراعه يسحبه على ورا ..)

• مي وعيونها كل دموع ورجا : ودني وياك ..

• عواس صد وطالعها بطرف عينها : بنات المراقص مالهن مكان عند العرب والجبايل المربايين عن تخربينهم !!

• مي : دخييلك عواس .. بغدي بشكارة تحت ريلك !!

• عواس يبتسم : صدق؟ كم تبين معاش؟

• مي : مابي معاش .. ابي أعيش عندك .. ماروم .. من شفتك محد بيحس بي غيرك ياخويه !

• عواس : ههههههههههه ضحكتيني (ومسك ايدها ينزلها عن جتفه ) بعيد يالنجسة !! انتي هب أختيييه !!

• مي تصيح : من متى اتريا اليوم اللي ايي فيه واحد من اخواني ويهزبني بس من قالوا لي انك ميت خلاص حسيت اني خسرتك واحينه يوم شفتك ردت لي روحي ياخويه .. خذني وياك .. انا بعيش الا على رضاك .. (وتصيح ماسكتنه ) خذني اقولك !!

• عواس: جاب !! عنلات صيرج .. (ودفرها بقوة وعجاها عالارض ..) خلّج عند أمج اتعلمي الدمار على أصوله .. (وروح ومن ركب الموتر ) ليتني ما قلت جذييه .. انا انسان مؤمن وأصلي وأقول حق أختيهه جذييه؟ يالله تسامحني .. يالله تسامحني انا قاصد هالشي اباه تحس بالعذاب اللي حسيته .. الله يهديها ويرد لها عقلها .. (وعيونه محمرات من القهر.. وسيده سار الشرطة وسأل عن مكان أبوه بس هالمرة الحظ ويا مانع لأنه ما ياء كانوا طالبينه ف لأنه يشتغل في المكافحة ويبونه يثبت انه العملية كلها من صوبهم .. لو كان موجود جان استوت الحفلة على اصولها .. ودخل بوفاضل )

• فاضل منصدم : عيسى؟ ك ك ك كيف؟ (ومبجج عينه ويطالع الشرطي ) ليش؟ بسم الله .. اللهم سكنهم في مساكنهم حضرة الضابط اتشوف اللي انا اشوفه؟

• الشرطي: هذا ولدك ..

• عيسى تم يالس مكانه :عن المشاعر الزايدة وين أختيه؟

• فاضل انصدم : قوللي انته .. كيف جذيه؟ أعوذ بالله..

• عيسى مسك ابوه من ثيابه : انته اللي قوللي وين ودّيت أختيه؟ وين؟

• فاضل: بعيد عن ويوهكم !! اصلا هي راضية ..

(وعيسى سار تفكيره بعيد انه يشغّل هنود فشي هب زين ..)

• عواس: انته ابو انته ؟؟ انته عدو!! الله ياخذك وينها !! وينها اقولك ؟ ولا أرتكب فيك جريمة ..

• فاضل :عجيتها فمستشفى الميانين (و يت فاضل ضربه على ويهه .. على خشمه اللي نزف ..وطلع عواس وهو ضارب عنده الجايج ..)

• عواس: آآخ ايدي !! الله يعينج يا اختيه .. اكيد بهدلج تبهديل .. عيل وين هذا اللي يسمونه ريلج ؟؟

(وعند راشد في الموتر ويا اخته يوّديها بوظبي ..)

• راشد : أيام مرّن ..

• الجود : عيل شو اتحرى؟ هذا الوله بعينه . سر راضها ..

• راشد فخاطره : لو تدرين بس .. احس اللي سويته حركة نذالة ... بس اللي سوّته بعد ما ينغفر لها.. عقلي وقلبي يقولولي على شي سخيف ؟ شي ما يستاهل .. تتغلى عليها ؟ بس ياربي ما لقى التغلي إييّني الا حزة ما هي محتايتيني؟ ماشي غير اني أأ

• الجود قطعت تفكيره : حوووه !!حوووه !! فشو اتفكر؟ شوف جدامك طريج !!

• راشد : هاااه؟ لا ماشي ..

• راشد فخاطره : لازم أرد لها وأساندها فمحنتها .. بكلم المستشفى بسألهم عن حالتها .. وباجر بإذن الله بسير لها (ويتنهد ) يالله تولهت عليها وعلى لسانها اللي دوم يواجعني .. أحبــها .. يبالي أطالع مرحلة علاجها من بعيد ... بدون ما تلاحظني يمكن تتقبلني خلاف ..

• ضميره يتكلم : أحينه توّك حسيت بها؟ وينك عنها يوم هي محتايتنك ؟ أحينه لازم نصفق لك على الرجولة .. اللي كانت خرطي .. فيوم من الايام ..

(وبعد ساعة كاملة وصل عيسى المكان المنشود ..)

• عيسى : لو سمحت المريضة هند فاضل ..

• جمال: لحظة شوي .. (وبعد ثواني .. ) هند فاضل ؟ هند فاضل ؟ هند فاضل .. اممم ما عندنا بهالاسم هني ..

• عواس : انزين شمااااي .. قصدي هناء ..

• جمال يدوّر : موجودة فغرفة ... بس لازم تمر على الدكتورة أمل ..

• عواس: أي طابق غرفة هناء ؟

• جمال : الثاني .. ما بيخلونك تدخل الا بتصريح ..من الدكتورة أمل ..

• عواس يطلع له بطاقة الهوية ماله : يرضيك؟ مكافحة .. ابا استجوبها عن الحادثاللي صار من فترة ..

• جمال: قصدك عن الباكستاني اللي انتحر ؟

• عواس: هيه

• جمال: بس محد وياك ؟

• عواس : تبا المكافحة يداهمون المكان مرة ثانية؟ عشان حضرتك ما شفت حد ويايه ؟ مب شرط .. يالله دهديه راوني اللفت .. (ودلاه ا لمكان وسار الطابق الثاني وهو توّة طالع من اللفت ..)

• هزاع يدندن ويمشي :همممم هممم همممم هممم (وكان هزاع طالع من غرفته يمشي في المدخل وعواس طالع من اللفت ودعمه هزاع ..بدون ما يشوفون بعض ) اوووب سوري مب قصدي والله..

• عواس رفع نظره يطالع منو اللي دعمه وفخاطره : هالجلب موول ما ينّسى وأحصله جدامي؟

(هزاع عيونه اتخونه وقلبه بيطلع من مكانه وعيونه صغرت من شافه)

• هزاع يالله يالله رام ينطق : ع ع ع ع ع عيسى؟

غموووض
03-04-2008, 03:26 AM
تسلمين اختي على البارت
الله يعطيج العافيه
هنوده مسكينه للحين محد ظهرها من هالمستشفى
وراشد توه مفتكر فيها

في انتظار القادم

السولعيه الحلوه
05-04-2008, 11:28 PM
تسلم ايدج على البارت الفنان...

هنوده اخافهم يعطونها يضرها اكثر من انه يفيدها....

عواس ليش سال عن شمايل ؟؟...

شمايل ما تدري انه هنوده معاها في المستشفي؟؟...

نترياج في بارت يديد على نار...

احلى البنات
07-04-2008, 08:41 PM
السموحة منكم ولظروف خاصة

بينزل في الاسبوع الواحد بارتين فقط

المعذرة مرة ثانية ما ودي ألعب بأعصابكم

غموووض
07-04-2008, 11:10 PM
خذي راحتج اختي
نحن في الانتظار

lady oscar
10-04-2008, 02:12 AM
نحن في الانتظار

السولعيه الحلوه
10-04-2008, 05:15 PM
خذي راحتج الغلا...

المهم انحنا بنترياج لو حتى ما نزلتي لين تحلين امورج عادي احنا بنكون في انتظارج مهما طال الانتظار...

احلى البنات
13-04-2008, 11:34 PM
(الجزء 79)

(اما عند الحريمات )

نشبة كانت موّيمة مب على بعضها : اتعرفون يا بنيات؟

ميثاء : خير؟

نشبة : اتذكرون سيرتي عند زرب الهوش يوم طمحت؟ صدقوني جنه ربي يحذرنا ..

شما : من شو يحذرنا؟

نشبة : من كل شي .. يعني الياثوم اللي ياني كان شرا التحذير وكان في محله قلت لكم قلبي منقبض وما صدقتوني .. واتوفت غريبة .. بنّيتي .. (وتصيح نشبة متغصصة ) هاي انا اللي مربتنها هالبنية على ايدي ..

ميثاء عيونها يغرغرن من الدموع : لا تزيدين يا نشيبة .. انا قلبي ما يستحمل ..

نشبة : حتى رشود حسّه اختفى ما قام يضحك شرات اول طاعيه

ميثاء بعصبية : شو تبينا انسوي؟ نطلع امه من التراب ونراويه ؟ ترا نحن اللي بنربيه منو غيرنا !!

نشبة بجدية : بطلي عينج عدل !! وينه هو؟

ميثاء : ويا ميود ..

نشبة : لا تتحريني مدحوبة ولا ما افتهم !! يوم ابا بفهم .. طاعي عيال غروب كيف غدوا !! كل واحد أوغد عن الثاني .. قلنا عواس الشيخ رد لنا والله حفظه من كل شر طاعيه رد بشحمه ولحمه وقلبه غادي شرات الحصا .. وهذاكي ميود مسوي عمره ريال وبيربي أخوه .. طاعيه جان حد دق رشود شو بيسوي !! ياهل بيكمل سنتين ينترك ويا صبي؟

مايد كان واقف وراها : ماحيدني صبي .. أحيدني قد المسؤولية ..

نشبة صدت منصدمة صوبه : ميود؟ من متى انته هنه؟(وكان شال رشود .. اللي كان يلعب بشعره )

مايد : يوم طلّعتي اللي فخاطرج (ويبتسم ) الله يسامحج يا امايا .. انا مب قصدي هذا .. كل واحد له حياته وهمومه تكفيه وانا ماعندي هموم .. خليني أكون مسؤول عن اخواني .. دامنه الابو ضميره مات من زمان خلوني انا اللي بربي رشود أحسن تربية.. صدقوني انا مب ميود اللي يلعوزكم من زمان .. بكون قدها .. ابا الناس تطرينا بكل خير .. (وتحمر عيونه ) مع هذا انا ورشود وعواس كلنا اخوان .. (وحباها ع راسها ) سامحيني يالغالية ..

(وفمستشفى الامل )

عواس : موتك على ايدي !!

(ومسكه من رقبته بإيد وحدة )

هزاع : دخيلك .. الرحمة .. طالبنك بالرحمة !!

عواس : تستاهلها؟ ما اظن!! (وكان هزاع محمر ويهه ما يروم يتنفس ) أي رحمة !! رحمتني انته؟ خلني اتذكر همممم ما اظن .. (وكانت شمايل طالعه من حجرتها .. ولقت هزاع لاصق عاليدار وريال ماسكنه من رقبته )

شمايل : هزااع !! (صد عيسى يطالعها وودره .. بس هزاع طاح عالارض مب حاس بعمره ) عواس؟ انته حي؟ (وتتقرب منهم ) هزاااع؟ هزاااع !! قم !! دخيلك قم ..

عواس مسكها من ثيابها عشان ما يستاثم : شمايل ان دقيتيه بجتلج !!

شمايل تصيح : شو سويت به ؟ ذبحته؟

عوس: حي مامات !! قطو !! لكن حقي وباخذه من كل واحد آذاني !! طوفي جدامي ..

(وكان هزاع مرمي عالارض لا حول له ولا قوة .. ومشت شمايل وياه منكسرة الخاطر .. ولا حد من المستشفى قدر يوقفه عند حده وخصوصا لأنه من المكافحة .. ويوم ركبوا الموتر ..)

شمايل : ليش ييت خذتني؟

عواس : انا ياي أخلصج .. بنت العرب ما يوّدونها هالمستشفى .. البنت المريضة يوّدونها عيادة نفسية .. وأهلها حولها مب فارينها بعيد عنهم ... شو من العلاج هذا؟ هذا الخبال بعينه !!

شمايل: عواس .. مادري ليش .. بس حسيت انك طحت من عيني

عواس: ما عشتي المعاناه اللي عشتها بس الله يسامحج .. يمكن يوم من الايام تفهمين .. شمايل ..

شمايل : نعم؟

عواس : جهزي عمرج باجر ..

شمايل : وين؟

عواس: ما يخصج .. جهزي عمرج بس .. شمايل ؟ (وكانت سرحانة ) شمايل ؟

شمايل : هاااه

عواس : اتولهتي على ميود ؟

شمايل عيونها تدمع وتطالعه : ولا ذرة !!

عواس : شكله حبّج نقص

شمايل : تقدر تقول جذه .. (وهي مترددة ) وهو؟

عواس : من فقد الغالية وهو معتفس ..

شمايل احمر ويهها : منو هاي؟

عواس: غريبة امايا .. (وكان يقول اسمها ويحس قلبه يعوره ..) آآخ يا غريبة .. (وكان يسوي عمره قوي .. بس نقطة ضعفه هي امه )

شمايل: بلاها خالوه؟

عواس: اول شي بسألج في بنات وياج في المستشفى؟

شمايل: لا مافي أي بنات غير الممرضات

عواس: كيف جذيه؟

شمايل: انا الوحيدة هناك

عواس يضرب ايده عالسّكان وشمايل قفزت وفخاطره: الجلب طلع يلعب علية والله لأراويه وانا قلبي ما بيرتاح لين احصلج يا هنود وأفكج من المصايب هذي!!

شمايل: عوس بلاها خالوه؟

عواس: اتوفت ..

شمايل: شوووووه؟؟

(اما عند مانع ... )

مانع: هلا .. منو؟ المستشفى؟ خير؟ هزاع؟ بلاه؟ بس انا حرمتي توها مربية .. انزين انزين بييي ... خلاص اوكي .. ان شاء الله ان شاء الله ..

(وكان حزتها عواس يطرش مسجات لسعيد .. عشان اذا يعرف حد في المستشفى ..يستفسر عن هالشي لأنه ما قدر يتكلم جدام شمايل عن تنتكس عليه ..وعند فطيم ..)

فطيم : انا لازم ما اخليه والله .. انا احبه ولازم يرد عواس الجديم الحبوب ..

(وبعد 3 ساعات من الصياح والغبنة وصلوا ليوا وكانت شمايل تتنفس بصعوبة .. واتطالع انها قريبة من بيتهم وقلبها يدق ..)

شمايل تمسح دموعها : اخاف امييه

عواس: خليني انا بتصرف

شمايل: اميييه عصبية وايد

عواس : وانا اخس عنها ..

شمايل: واذا حاولت اتردني لهاكي المكان ؟

عواس: مستحيل اتعرفين شو معنات مستحيل.. يدي يقولج لو ودتج انا بردج لكن بتردين وبتسكنين عندنا

شمايل: يدي يدري؟

عواس: طبعا يدري .. عيل ليش جذيه بيقول؟

شمايل: ودني بيتكم

عواس: زين..

(ويوم وصلوا كان عيسى يدخل الموتر داخل وكان ميود يترياه .. )

مايد: برمسه عن امايا نشبة .. (وكان متوّجه صوب شمايل ..طبعا مخفي ما يدري .. انه آدمية داخل ويا عواس ..)

شمايل: اويييه ياي ياي ميود ياي !!!

عواس: صبري لا تزيغين .. (وبطل الباب ..)

مايد : اعنبوا دارك شو هالتأخير؟ (وبطل عينه عالآخر ) شمايل؟

عواس يضحك: شو رايك؟ مفاجأة حلوة؟ (شمايل احمر وييهها منحرجة .. )

غموووض
13-04-2008, 11:49 PM
تسلمين اختي على البارت
بس مو جنه قصير
الله يعطيج العافيه
في انتظار الباقي

احلى البنات
20-04-2008, 07:37 AM
[B][size=4][font=Arial Narrow][FONT="Arial Narrow"][SIZE="4"][B](الجزء 80)

مايد : شمايل؟ اح اح كح كح كح (ويكّح شرقان )

عواس : شرق شرق .. دحيه !!

شمايل: لا يابويه أستاثم !! (وعيون ميود محمرات من الشرقة .. وصد الجهة الثانية ..)

مايد: يالله يالله يالله .. (ويحج عيونه يبا يتأكد انه ما يحلم ) ليش ييتي حضرتج؟

شمايل : كيفي !! انته شعليك؟ (ونزلت من الموتر ) ولي أمري ؟؟

مايد : هيه ولي أمرج !! مب عايبنج؟

شمايل : لا والله ولي امري؟ راوني جوازك ياااااااا ولي امري .. (وفيها ضحكة بس ماسكة عمرها )

مايد يسوي عمره مب مهتم : ما اهتم لكلام يهال .. سيري سيري داخل يالله ..

شمايل: ياهل فعينك .. قليل الادب .. (وعواس راكب عالموتر يطالعهم .. وصورهم مستانس ..)

مايد : انا قلت سارت دبي وبتحلو البنية زيادة .. أشوفج الا رديتي خسفة وقصرتي بس لسانج طول اخافه يطيح .. اشوف بطلي حلجج .. بطلي !!

شمايل اتطل لسانها تعايب عليه : آآآآآآآآآه

مايد : وابويييه إلحق عواس طاح لسانها عالارض ..

(شمايل ومايد يطالعون بعض )

شمايل ومايد : ههههههههههههه (وهو يطالعها باعجاب )

عواس : إإييييه الجني والعطبة ... (وكانت فطيم توايج اتطالع منو ياي وتنصدم وتبطل الباب وتربع برع)

فطيم تزاعج : واااااااااع عيوني تخونني شماي ........ شمايل .. (ويتها الصيحة .. هم زاغوا من زعجة فطيم )

شمايل حطت ايدها على قلبها : اميييه بسم الله !! (مايد وعواس يطالعونها )

فطيم : وااااع شمايل حبيبتي .. (وتربع صوبها )

عواس يكلم عمره : واع بعد ليش؟ أكيد بتزيغ البنية .. (وحاط ايده على ثمه يضحك بشويش عشان ما تشوفه فطيم )

مايد يطالعها منصدم : يابوج روعتينا !! ليش هالواع بعد؟

فطيم اتطالعه بتكبر: تكملة برستيج بلاك انته؟ (وتزاعج ) طلعوا !! طلعوا !! أمييييه طاعوا منو ياينا !! طاعوا !!

(وكان عواس لأول مرة يشوف العفوية من فطيم .. وخلا شمايل وياهم وشمسة طبعا ما تدري .. وسار الميلس عند يده ..)

عواس :السلام عليكم بوغريبة ..

حمد:عليك السلام والرحمة .. ها بشّر؟ عسى الامانة وصلت؟

عواس: الامانة ويبتها لك ..

حمد: والامانة الثانية؟

عواس: باجر بنتوسع وبندوّر عليها .. لأنه هب محصلينها ..

حمد عصب: اعنبوا جيه درّية هب محصلينها ؟ ويد وداها فضول؟

عواس: انا مستهم وهذا مب ابو .. باجر برمس ريلها ..

حمد: رقمه ظنتيه عند ميود .. شر هاته دهديه ..

عواس: ان شاء الله (ويدق باب الصالة ) احم ..هود هود ..

نشبة تمسح دموعها : حدا حدا .. (الهاء ما تروم تنطقها من الصيحة ..)

عواس يبطل الباب : ويييه بلاكن؟ لا إله الا الله .. تعال بابا تعال فديتك .. (ويشل رشود ) شحالك رشود؟ عساك الا بخير؟ حد ضربك خبرني انته بس وانا اكسر له راسه .. فديت شبيهي ..

نشبة : دلووع .. ومنو اصلا بييسر يدقه ..

عواس: فديت العيون الدامعة .. ليش هالصياح كله؟ يوما لبنية ويبناها لكم .. أميه ميساء ؟ (وكلهم يتضحكون )

ميثاء: اعتدل فرمستك ملعون الصير .. منو هاي ميسا؟

عواس: انتي فديتج أدلعج ..

شمايل: تعالي فطيم بنسير فوق ..

فطيم: هيه والله احسن..

عواس: أحسن وفرتن .. ههههه انزين يا امايا نشيبة .. علومج؟ وعلوم الدار وياج؟

نشبة : الدار الا بتنهد ع راسي ..

عواس: افا افا افا .. شعنه يا امايا؟

واحد مهاروم قص علية الله يسامحه .. قاللي سوي هوية وبنعطيج بيت ومن هاكي اليوم ما اتصل ..

عواس: هههههاااااااي حسبي الله على منكركن من عيايز .. ههه (ونشبة تمطه من أذنيه )

نشبة : أشوف طبرك كبر وغدا شرات ميود !!

عواس يتحسس راسه : لا والله؟ محد عملني !! حتى رشود بعد شو فيه .. رشود؟ انا منو؟ قول بابا .. قول عواس .. بابا عواس ..

ميثاء بجدية : لا تيلس اتعلمه على كلمة بابا انته اخوه هب ابوه ..

عواس: شعنه؟ دامنه ابوه اللي هو ابوه مب موجود هايت

ميثاء: بس هذا اخوك .. بيتحرونه ولدك مب زين يابويه ..

عواس: خلهم يتحرون انا شعلية؟ هذا اخويه وتاج راسي بعد .. ومستحيل افره او اخليه محتاي لشي ..

احلى البنات
20-04-2008, 07:39 AM
(اما عند مي )

مي: ليش ظهرتيه؟ هاااه؟

زينة : هذا ابوج .. ومنهو راح يطلعه غيري؟

مي: يعله يخيس في السجن انتي شكو؟

زينة : هذا ابوج واتحجين عنه جذيه ؟

مي: لا ابويه ولا شي .. هذا عدو .. وين التعن؟

زينة : نزلني وراح ..

مي: هزرج وين ودا هنود؟

زينة : هو وعدني انه راح ايجيبها .. وكل شي بحساب ..

مي: كيف يعني؟

زينة : يعني طلعته من السجن ودفع الفلوس مقابل يجيب هنود

(اما في مستشفى الامل .. فاضل ما دخل بس تام في الموتر )

فاضل : ألو؟ ها جينا .. وين انتي؟ انزين تعالي برع دهديه .. هااه؟ شو تقولين؟ برع .. برع .. آوت .. آوت .. آوت .. (وبعد 10 دقايق ظهرت الممرضة ويطلع ايده من الجامة ) هنه !! هنه !! تعالي ..

جينا تركب الموتر : وات دو يو وانت؟

فاضل : اباج تاخذين هنود .. وتوّدينها أي مكان بس تخشينها عندج ..

جينا : بس في لازم دفع فلوس ..

فاضل يعطيعا الظرف : هاي 5000 درهم يسدن حلجج

جينا تبتسم : ثانكس هاني .. (وتطلع من الموتر وتخش البيزات ..)

فاضل: الحمدلله نقلة وطاحت .. أحينه بيخوز عنا النحس ..

(وكانت هنود قايمة )

هنود : أوووففففف .. بلاه ينبي أحس ريلي نايمة .. (قامت شوي شوي ) آآخ يا ريولي .. (وتشوف التيلفون حذالها ) خلني اتصل برشود .. ابا اعرف شو سالفته .. قبل ما تي النسرة .. (وتضرب رقم رشود ..)

راشد بدون ما يشوف الرقم : ألو؟

هنود: جيه ودرتني وسرت عني؟ما تدانيني صح؟

راشد : هند .. خبريني شو يسوي كتاب مريم عندج؟

هنود انصدمت : هاه؟ (وصدت صوب الطاولة .. كيف درا ..) انا خذته ..

راشد : وليش؟

هنود : هاه؟ ان ان ان انته بالاصل لازم تعلمني بكل شي وما تخش عني شي .. (وما رامت اتقوله الصدق تخاف الجود اخته تتمشكل وياه )

راشد : ولو قلت لج انها حياتي وانا لو ابا غيرج جان سرت عند غيرج ..

هنود : يعني افهم من كلامك .؟

راشد: بتمين في المستشفى وانا بنفسي بتابعج ..

هنود: يعني انا مينونة احينه استويت ؟

راشد : لا فديتج منو قال ..

هنود انفجرت عليه : تاخذني على قد عقلي؟ حرام عليك .. خاف الله .. انا اللي حبيتك وقدرتك جذيه اتسوي بي؟ مابا شي منك وعلى فكرة فكر بالطلاق لأني ماباك ومابا شي يربطني بك و حبي لك بنساه وبدوسه بس عشان انساك !!

احلى البنات
20-04-2008, 07:42 AM
(وتبند التيلفون فويهه .. وعند البنات . كانن فطيم وشمايل يوايجن على ميود اللي كان يسوي تمارين البوشآب)

شمايل تصاصر فطيم : طاعي محلاته .. طاعيه فديته .. أشوف عضلة ظاهرتله ..

فطيم : هي والله صدقج .. والله وكبر ميود وسواله عضلات هههههههه ما تحسين شمايل انه كأنه شي مر جدامنا .. أحس شعر ينبي قف ..

عواس: زين والله يوم ميود كبر وربى له عضلات !!

(شمايل وفطيم انقبض قلبهن من الزيغة واتقبضن بالباب وطاحن داخل حجرة ميود )

شمايل وفطيم :وييييييييييييييييييييييييه!!

(كانت طيحتهن عجيبة هذي على هذي ..وميود وقف يطالعهن )

شمايل: قومي عني متنتي يا فطموه !!

فطيم : انتي قومي عن ريلي .. أعوذ بالله ..

عواس: هههههه دواكن ..

مايد: كان ودي اتكون فايدي كيمرة جان صورت حالكن المسكين ..ههههههه قومن قومن الله يستر عليكن وعلى صراويلكن المخورة ههههههه

عواس:افا عليك .. (وكان يسوي عمره يصوّر )

فطيم : إيييه عواس !! شو هالمذهب الخايس؟

شمايل: عيب والله عيب !! عواس يا ويلك !! والله هات التيلفون .. (ويبون يحاولون ياخذون التيلفون من عنده بس ماشي فايدة .. )

عواس: هههههههه وااااع في الاحلام .. بعلم عليكن اميه ميسا ..

(ونسى عواس سالفة رقم راشد .. وعلى الساعة 12 .. وعلى فكرة كانوا الاخوان الثلاثة يرقدون ع شبرية وحدة مرتصين .. عاليمين عواس .. وعاليسار ميود .. وفي النص رشود .. عشان ما يحاول رشود ينجلب ويطيح عالارض مب مخلين له فرصة.. كان ميود يرقّد رشود .. وعواس يطالع التلفزيون ..)

عواس: هممم ميود؟

مايد : هااه؟ (ويحط رشود حذاله ..ويلحفه )

عواس: شو رايك ناخذ شبرية ومنز حق فصعوننا ؟

مايد : لا يابويه استريح امايا جربت قبلك .. اصلا كان يرقد وياها في الشبرية ..

عواس: بس اخاف ياخي مرة تنجلب عليه خطر ..

مايد يضحك ويطالعه بمكر : هههههه لا والله انا اللي انجلب ولا بعض الناس اللي يلعبون دوري في الشبرية ..

عواس: بسم الله علية !! انا من متى؟ حشا علية !! انا حمل وديع !!

مايد : اراويك؟ أراويك؟ (ويراويه بطنه ) شوف هااه !!

عواس: شو؟ ما شوف شي ..

مايد : هني كنت ترفسني فبطني .. أعوذ بالله من رقادك حشا دب ما تحس !!

(وعواس يضربه ع راسه )

عواس: بوطبر !! جاب يالله عنلات طبعك !! حشّم !!

مايد يضحك : دامنك ضربتني ها معناته اني صادق .. الله يعين حرمتك بس !! انا فية شوية قوة .. لو يتك وحدة حطبة .. رفسة وحدة بتوصل الحمام .. وثاني يوم طالبة الخلع ..

عواس: ههههههههه جاب يالله جاب .. اصلا انا رفستي علاج يدورونها الخلق .. شدراك انته !!

مايد : هااااااه.؟ الله يهديك .. أعوذ بالله منها جنها سم فيران ..

عواس: هب هبيت .. ههههههه ارقد .. انطبن !!

مايد : ماروم واصل حدي من الفرحة .. (وطاح على ظهره .. ويطلع من سدته صورة )

عواس: شو هاي؟

مايد: شوف منو هاي؟

عواس: منو هالياهل؟

مايد يبتسم : هاي شمايل يوم كنا يهال ..

عواس: الناس اتم عندهم صورهم وهم كبار وانته حبك أزلي وطفولي؟

مايد: حلاته .. اتعرف انه هالصورة ما فارقتني.؟ في الموتر ويايه وكل كندورة أغيّرها ويايه .. مادري سبحان الله مع اني اموت ع ترابها .. بس أحب ألعوزها .. وأعاندها وأشوفها يوم اتبرطم ...حتى اليوم يوم اقولها طلعي لسانج بشوف طوله .. أسميني من وصلت الحجرة نقعت من الضحك .. شكلها الفرحة ردت لنا يا عواس بردتك ..

عواس : زين انك عقلت يا ميود ..

مايد : اتعرف شو كنت احلم؟

عواس: بشو؟

مايد: كنت أدعي فصلاتي بس انه يردك لي ..

عواس: شمعنى؟

مايد: لأنه ولأول مرة كنت حاس انك حي ما مت .. وخصوصا انه يوم سواو العزا وجثتك ما كانت موجودة ..

عواس: احساسك صويب ..

مايد : بس بانت أقداره !!

عواس: بس عادة .. خلنا نرقد يتني الصيحة ..

مايد : هههههههه حريموه ولا اميه نشيبة؟

عواس: فديتها ..

مايد : ما خبرتك .. يوم ودوا شمايل اتبعت وياها أسلوب الحيلة ويا اميه نشيبة ..

عواس: ههههههه ملعون الصير شو سويت؟

مايد : سرت أراضيها وقلت فخاطرية اميه نشبة دوم تجلب الرمسة وقلت بجلب شراتها الأريّل .. بشوف شو بحصل من الجواب ..

عواس مبجج عيونه : أسكنت من ثعلب ..

مايد : هع هع هع .. وانا اقوللها يا اميه نشبة غلطت فحق هنوه وبراضيها

عواس: لعييييييييييين هههههههههه

مايد :وطلعت روحها الرمسة .. (وعلى الساعة 3 كان عواس راقد على بطنه .. وصاد جهة ميود ويحس شرا الماي ع ويهه ينجب .. ويحس شرا الشبرية تهتز .. )[/font][/size][/B]

احلى البنات
20-04-2008, 07:46 AM
عواس: ياربي ميود !! اوووفففف (ويحس ظهره يعوره ) آآآخ .. (ويدق مكان رشود .. بس ما كان رشود موجود .. زاغ وبطل عينه ويحصل حد يطالعه .. ) أميييه بسم الله !! روعتني يابوك !!

مايد كان يطالعه ومتقبض بالتيلفون يصورهم فيديو : هههههه شوي بس دخيلك .. (ويضربه عواس ع راسه ) آآخ ..

عواس: وين رشود؟ (ميود يأشر على ظهر عواس وهو صاد ) وابويييه شو يسوي ع ظهرية؟

مايد : شقلوب يتجلب مادري من وين يايب هالطبع !! اصلا ما حسيت بشلالات نياجارا؟ قصدي روانه؟ مسبحنك .. ههههههههههههه

عواس يمسح الروان عن ويهه : اعععييييييييييج !! ياخي شله عن ظهريه .. اععععععععع

(مايد يشل رشود شوي شوي ..)

راشد: اووووووووووووووووووووووه !! ميوووووط !!

(عواس يطالع ميود منصدم وهاكي يطالع عواس ..)

مايد : سمعته ؟

عواس: ههههههه عاش ميووط خلاص بنسميك ميوطي !!

مايد : عيب !! شو هالكلام!!

عواس: انا ما قلت شي أخوك اللي قال !! ياااااا ميووط ..

( اما عند مانع )

مانع : دكتور؟ بلاه هزاع؟ ليش ما يقوم؟

الدكتور : نحن عاطينه مسكن مشان ينام ..

مانع: بس طال نومه .. ومن غير منو متهجم عليه؟

الدكتور : ما يندرى .. من يقوم .. بيتوضح كل شي ..

مانع: الا اعرف منو سوا بأخويه جذيه ..

الدكتور: بكرة ان شاء الله خله يرتاح الحينه ..

مانع: انا بسير .. لأنه حرمتي مربية .. وباجر برد .. (ويتصل ) هلا فديتج .. الحمدلله عالسلامة .. بسم الله بلاج تفاتنين؟ ماشي كانت عندي شغلة .. وأحينه ياينج .. شوه؟ شو ماله داعي ؟ انا بيي ما علية منج (وبند التيلفون فويهها .. وهو ساير موتره ..) افففف منها ومن كلامها السم بييني الضغط بسبتها .. (وهو يسوق مسرع .. ويوم وصل المستشفى .. شل كيس صغير أنيق فإيده .. ويدق الباب ويدخل .. استغرب انه وداد مالبست شيلتها .. شو يعني كانت حاسة انه هو؟ ) السلام عليكم

وداد: أقولك اطلع برع مابا أشوفك ..

مانع مستحمل ويبتسم : الحمدلله على سلامتج .. شوفي شو يايبلج ..

وداد مبججة عيونها : حقي؟

مانع: لا حقي ..

وداد : هههههه عن المصخرة .. تعال تعال ..

مانع: وين النونو؟

وداد : هاكوه .. (واتأشر مب مهتمة ..) عطني الكيس !!

مانع يعطيها الكيس ويسير صوب النونو : اللهم صلي على محمد .. وااايه مصغروونه .. ولد صح؟

وداد : طبعا انا ما أييب غير ولد .. لو بنت جان عجيتها !!

مانع: يدقق : بس كاتبين في البطاقة بنية ..

وداد : هااه؟ (احمرت لأنه كشفها .. كانت بتجذب عليه )

مانع: سمعيني عدل .. عن المشاكل .. لأنه مشاكلي اتكفي .. تسمعين؟

وداد : انزين .. انزين .. انا غلطت وكان فخاطري ولد يخلفك ..

مانع عصب : يخلفني ؟ جيه ان شاء الله ناوية تذبحيني؟ هااه؟ والله انج أميّة !!

(وتم مانع بايت عندها .. من كثر وغادتها محد زارها غير أهلها وأهله بس .. لأنه الناس ما تطيقها .. اما اليوما لثاني الساعة 9 الصبح ..)

عواس: وين ساير من صباح الله؟

مايد : بدوّر لي شغل ..

عواس: ما تبا تشتغل في المكافحة؟

مايد : خلاص التوووووبة .. انا روحي بدوّر ..

عواس: قبل ما تسير ابا رقم ريل اختك ..

مايد : هنيد؟

عواس: هيه..

مايد : هاك ............... (ونزل يتريق ) أميه ؟ يديه .. بقولكم شي ..

حمد: بلاك؟

مايد : لو اشتغلت فمكان انا رايدنه .. واللقمة حلال..

حمد: والله هالشي زين .. ونعمة بعد ..

ميثاء : شعنه اتخبر ؟

مايد : انا بشتغل فكارفور ..

ميثاء: وشو؟ قصورك بعد !!

مايد : اميه .. انا ما اسوي شي حرام ولا عيب .. انا آخذ شوركم لأنه مقابل الشغل اليوم..

ميثاء : خلق الله بتنقد عليك ..

حمد : شوف ميود .. انته راضي؟

مايد : دامنه يرضي ربي وأهلي واللقمة حلال .. بكمل طريجي ..

حمد : غريبة ما طريت العرس يوم شفت شملوه !!

مايد : البنية اذا تباني بتريا لين أكوّن عمري ..

ميثاء: أسكنت يابوطبر .. عيل بتسلمنا رشود؟

مايد : ههههههه لا .. رشود بيكون ويا عواس ..

ميثاء : انتوا شوه !! مب واثقين فأهلكم؟ اعنبوا داركم نحن مربينكم ومبدلين عنكم البامبرز !!

مايد احمر ويهه : ماعليه امايا نحن بنتحمل مسؤوليته ..[/B][/SIZE][/FONT]

السولعيه الحلوه
20-04-2008, 05:37 PM
تسلم ايدج على البارت الفنان...

حرام عليه فاضل فضلت عنه من حياه جان يبقي الفكه من بنته...

راشد هل بيقدر يحمي هنوده من جينا؟!...

عواس وميود الله يعينهم على تربيه رشودي فديت روحه...

شمايل زين انها ردت البيت...

زينه صدقت فضول انه بيرد هنوده...

ميوه ليتها تتغير وتصير احسن عن قبل...

نترياج في بارت يديد على نار...

غموووض
20-04-2008, 06:10 PM
تسلمين اختي على البارت
الله يعطيج العافيه

فضووول هذا متى يموت ويفكنه من شره
شيبي يسوي بهنود بعد

في انتظار القادم

الغزال العنيد
04-05-2008, 08:26 PM
سيتم غلق الموضوع .. ولذالك حسب رغبة صاحبته ...

لين اترد لنـــآ بالســـلآمه ان شا الله .. :) .. واتكمــل القصـــه

احلى البنات
23-06-2008, 11:05 PM
[SIZE="4"][FONT="Arial Narrow"][B]الجزء (81)

عواس نازل وشال رشود وشنطته : صباح الخير ..

فطيم داشة : السلام عليكم .. أوووه رشود هنيه؟ يا مرحبا .. (وسارت شلت رشود وتحبه )

عواس: امايا انا ظاهر عندي شغلة ..

ميثاء : ورشود؟خله ويانا ..

عواس: فديتج ..شغلي ويا هالشيخ .. (ويشله عن فطيم )

فطيم : عواس بغيت ارمسك شوي في الميلس .. (وهو مشى وراها ) خل رشود شوية

(وخلاه ويا ميثاء ولحقها )

عواس:خير؟

فطيم : لين متى؟ (قصدها عن رشود )

عواس: شو قصدج؟ (ويضحك عليها ضحكة استهزاء )

فطيم عصبت : شي ما يضحك انا اتكلم جد ..

عواس: أقولج يا بنت الناس .. خلصتي من العرب كلهم وييتي جداية؟ انا مب فاضي لهالكلام !!

(روّح عنها .. توّة بيبطل الباب ..)

فاطمة تربع للباب وبينهم شعرة : حاول بس !!

عواس انصدم بس من صدمته جان يضحك : سمعيني يا بنت الناس .. لا تخليني أنسى انج من أهليّة وأخليج تندمين على كل كلمة تظهر منج .. صدقيني .. (ويتقرب منها زيادة وهي حزتها زاغت ) أسويها !! (وفطيم قلبها بيطلع من مكانه من الزياغ .. وخصوصا قربه الخطير .. صد الجهة الثانية وسار للباب الثاني) على فكرة .. ادفني اللي تسمينه قلبج لأنه ما منه فايدة مثل صاحبته هه (وطلع وتمت مكانها منصدمة )

فطيم : ليش يسوي جذيه؟ (وكانت تصيح تحس قلبها يعورها من هالكلام .. اما هو شل راشد ورّكباه ورا وحط له الكرسي مال اليهال وربطه واتحرك ..)

عواس يتصل : السلام عليكم .. بوسنيدة ويايه؟

راشد يحج عيونه : هيه نعم منو الريال؟

عواس : وياك عيسى بن فاضل ..

راشد : حياك الله بس بعدني مب مستوعب منو انته؟ آمر أخويه ..

عواس : انا اخو هنيد حرمتك ..

راشد بطّل عيونه: أخوها؟

عواس :ابا اتكلم وياك ..

راشد :وين تبا نتلاقى؟

عواس: بعد ساعتين ونص فأبراج الامارات ..

راشد : على خير ان شاء الله (وبند عنه .. ويتصل في سعيد )

عواس: هلا سعّود ..

سعيد : طلعت ولا بعدك؟

عواس: توّني ظاهر .. يالله اظهر .. وهاتها وياك ..

سعيد : ههههههههههه زين ..

(ومر صوب القصر ووقف برع ..)

عواس ينزل الجامة: يالله استعيل وينها؟

سعيد يركب وكان متلثم ويزاعج برع: يالله يا حسينة !!

حسينة: alright sir

عواس: حسينة منو؟

سعيد : هاي مربية أخويه .. (وصد ورا ) اللهم صلي على محمد .. يشبهك عواس نفس الشي .. (ويبوسه ورشود كان مشغول بالتركيب ..)

عواس: استعيلي ورانا طريج .. (وتركب حسينة )

حسينة : sorry sir

عواس يحرك الموتر: والله رحمتني ..

سعيد :افا عليك ..يوم الطوارىء تحصلني ..

عواس: خشمك !!

سعيد يتخاشم : حيّك !!

عواس: ترانا بنسير نطالع أول شي ريل أختيه .. هو بيعلمنا بالسالفة كلها ..

سعيد : تتوقع بينطق؟

عواس: انا اللي بخليه ينطق .. بس شكله رزين من رمسته ..

سعيد : الله يسخره لك ..ويستكين ..

عواس ضحك فجأة : وين السيكيوريتي عنك؟

سعيد : سرحتهم .. اليوم الوالد مشغول .. وعفدت من دريشتي ومحد شافني .. وطلعت من باب المطبخ أعوذ بالله .. أدريبحصّل في الردة هزبة محترمة اوووب قصدي كلام حلو من الخاطر ..

عواس: ههههههههه شعنه؟ لا افا عليك قول حق ابوك كنت ويا عواس .. وبيعطيك الليت الخضر ..

سعيد : مووول امممرة بيصكني كاافف يعجني من الدريشة ..

عواس: يابوك زيغتني اخاف الا ابوك ايي ويرقعني على راسي ان درا انك ويايه لا يابويه ابا عمري انا .. يالله انزل هههههههههههه

سعيد : هذا يزايه اعمل خيرا شرا تلقى .. وين الصداقة؟ وين الصديق وقت الضيق؟ اووب اوووب خذ يمينك ودني المكافحة ..

حسينة :sir (وتعطيهم كوبين كوفي..)

[COLOR="DarkOrchid"]سعيد وعواس صدوا صوبها : أووووه

سعيد : من وين يبتيه؟

عواس: ما اتحركت من مكانها .. ساحرة ساحرة .. خلنا انزلها ههههههه

احلى البنات
23-06-2008, 11:06 PM
حسينة : I brought it from home

سعيد : ياعيني عليج ..

عواس: شو رايك ؟ عندك هالبنية الزوينة .. اللي تخاف عليك وتيب لك الكوفي.. يالله متى العرس .. انزين بتتخبر عن سالفة المستشفى؟[/COLOR]

سعيد : خلها علية .. والحرمة شو بتسوي وياها؟

عواس: شو أسوي بسحبها ويايه .. ما أقدر أخلي أخويه روحه ..

سعيد : أهأ تحمل عن الشيطان ..

عواس يطالعها من المنظرة : صدق ما عندك مونة .. خليتها لك هع !! (ويتصل بخالته شمسة ..) ألو ؟ هلا صبحج الله بالخير يالغالية .. لا خلينا من هالحس .. لا فديتج أسمع حسّج وين تبيني أبند .. هههه انا احينه لغاي؟ هههههه انزين خالوه شو رايج اتعشين عندنا ؟ خير بويهج الصبوحي .. ان شاء الله على خير .. لا والله ما في فراسي شي .. ان شاء الله .. حياج الله .. الله يحفظج ..

(شمايل فرحتها بالردة كانت ما تنوصف وشمسة حتى انصدمت من شافتها امسات بس استانست .. اما هناء ما كانت فرحانة لأنه بتنكشف وخصوصا انه شمايل ردت وبتيلس مجابلتنها وما بتاخذ راحتها .. وميود سار وقدم عالوظيفة ورد ... وشمايل ناشه من وقت ويالسه تتريق...وشهيتها مفتوحة عالاكل..)

شمسه: لا الله الا الله..منو يربع وراج؟شوي شوي عن أتغصين!! شو عايلنج؟

شمايل تبتسم و الأكل في حلجها: بسير عند فطوم!!

شمسه: غناتي؟

شمايل: آمري يا امايا..

شمسه: شو رايج نتحول دبي؟

شمايل منصدمه: ليش؟عشان ميود؟

شمسه:لا فديتج..أول شي انكمل علاجج.. (و حزتها احمر ويهها..)

شمايل:تبين اترديني للمستشفى؟ (وعيونها كل دموع..) ما صدقت اطلع من هاكي المكان و بترديني؟

شمسه: لا غناتي..فديتج..نحنا بناخذ شقه هناك..فهاكي الفندق و بنسكن هناك وبنحول دراسة اختج..و انتي بوّّديج عند دكتورة نفسيه تعالجج..ترمسينها..اتقولين اللي فخاطرج..شو تحسين..ومن انكمل ساعة و ولاساعتين نروحّ الشقة..

شمايل: تتكلمين جد ولا بس عشان أسير و تفريني فهاكي المكان؟

شمسه: و الله .. جد مرة جذبت عليج يا شملوه؟ يا الله خلصي ريوقج ووّدي طاسه المحلى وياج وفكري بالموضوع..

(سارت اتغسلت و اتعطرت..و لبست شيلتها و غطت ويهها و شاله الطاسه.. واقفة عند الباب حاطه ايدها على مسكة الباب..)

ميود نازل من الموتر:بسير أستسمح من خالوه..وأكلمها عن شمول.. (ويبتسم) فديتها.. (و نزل من الموتر..وسار صوب بيت شمسه حاط ايده على قبضة الباب كان متردد..اما شمايل اتروعت و قامت تنتفض تتذكر كيف كان يوم تسير روحها..لو طلع لها واحد من الباكستانية وتهجم عليها؟)

شمايل:لالالالا احسن لي أيّلس في البيت.. (وهي راده و شمسه اتطالعها من بعيد و يندق باب البيت.. و زاغت شمايل..) أميه بسم الله منو حاس بي

شمسه تزاعج:شملوه بطلي الباب..

شمايل تزاعج:منووه؟ (ميود ابتسم وسكت) منوه؟ أقولك منوه؟

شمسه: بطلي الباب وفكينا!!

شمايل: لا أمايا لازم أعرف منو.. (و ميود بعدْ ساكت..)

مايد فخاطره: واايه فديتج..

شمسه يايه: انتي يا الماصخه..بطلي الباب ما بيطيح نصج!! (و شمايل وقفت ورا أمها..و شمسه بطلت الباب..)

احلى البنات
23-06-2008, 11:09 PM
مايد بدون ما يشوف منو عالباب: أحبج.. (و بطّل عينه من الصدمه و خصوصا خالته مجابلتنه..)

شمسه:وابويه عليك وابويه (و شمايل منصدمه و تضحك)

مايد: آآآه يا احلى خاله شماسي فهالدنيا!! (و يحبها فوق راسها..ويالله بدينا بالخريط و اصلاً اللي فاضحنه ويهه اللي غادي حمر..)

شمسه: حبتك القراده!! أحينه تحبني؟؟

مايد: امبوني احبج بدون ما أقول..

شمسه: ادهنه هالسير!!

مايد: أثبت لج (و يشلها من مكانها)

شمسة : ويه ويه ويه !! ميود غربل الله منكرك .. نزلني !! نزلني عن اتدربحني !!

مايد : ههه والله ما اهدج ياعيوزي .. وخي أشوف بحب راسج .. (ويحبها )

شمايل: الله يخليك عيدها عيدها !! بس هالمرة حب ملاسها هههههههههههه

مايد : انتي انطبي .. ما تدخلين بيني وبين خالتيّة ... سيري سيري يالله سوي لي جاهي حليب ولا تسمدينه بالسكر !!

شمايل: لو تبوس ملاسها 100 مرة ما سويتلك !! قصوري !! سر روحك وسوّة !!

شمسة عصبت : شملوووه .. عنلات منكرج !! سيري يالله سوي اللي يباه !! ( شكلها عيبتها الشلة ) هيييه أبويه ودني داخل عن اتكسرني !!

مايد يضحك ويطالع شمايل بانتصار : من عيوني .. (وهو يمشي ويغني) ويدابر ويدابر ويدابهـ .. على اللي صلح الشاي ولا جابه (وشمايل اتطالعه وتتحرطم ) وشلو به وشلو به وشلو به على سيد الكلوزر يوم شلو به .. ههههه (ويته دحه على ظهره .. ) والخيبة !!

شمسة : انا كلوزر الحينه؟ جاني ثجيلة نزلني !! (شمايل مروحة المطبخ وتضحك عالدحة اللي يته )

مايد يحطها عالارض : هاااه شو رايج فميود ؟ يروم يشل العيوز ولا؟

شمسة : حشا هب ميود شمشون !!

مايد يضحك : خالوه؟ سامحيني عالكلام اللي قلته لج في العزا ماك نت حزتها بعقلي ..

شمسة تبتسم : انا نسيتها السالفة .. خبرني اول شي اخوك يسويلي تلفون وانته ياي .. هذا عيد عندنا يوم عيال غريبة عندنا ..

مايد : هههههههههه خالوه انا توّني ياي من مقابلة مال الشغل ..

شمسة : والمكافحة ؟

مايد : فنشت .. خالوه .. انا ياي ارمسج عن شمايل .. انتي اتعرفين اني اباها ..

شمسة : اصلا العربان كلهم يدرون انه شمايل لميود ..

مايد اتغير ويهه من الجدية للمرح : والقلب ما يريد غير دواه ..

شمسة : والدوا متى بتاخذه ؟

مايد : لازم أيمّع عالأقل حق العرس والشقة .. انا مب طمعان فبيزاتكم .. انا هاكي اليوم كنت أبا أسكت ابويه .. وكنت رايدنها بأي طريقة لين يومج .. وانتي اتعرفيني ما عمري مديت ايدي وطلبت منج ولا من حد غير بيزات ..

شمسة : لا والله .. الله شاهد بس أبوك اللي كان مبهدلنا جميع .. وآخرة الدوا والقلب؟

مايد : صبروا علية فترة .. يعني انا ما اباه تنشغل في الرس وجذيه .. خليها تكمل دراستها .. تنشغل بها .. ومن تخلص وعد اني اكون عند باب بيتكم يوم تخرجها .. انا اباها تنسى عوقها .. بدون رجعه ..

شمسة : شكلك مفكر بكل شي .. شو خليت لنا؟

مايد : انا اصلا من غابت عن عيني وانا افكر بها شرا المينون .. حتى افكر كم بنيب من العيال ..

شمسة تضحك : واعلية عليك .. ثرك مسوي مكسيكي روحك ..

مايد : خالوه عاد .. انتي شو رايج ؟

شمسة : ميود خذها كلمة من خالتك .. شمايل ما بتكون الا لميود .. وانا اليوم مرمستنها عن الحولة لدبي عشان اتكمل علاجها جدام عيني .. وطول هالفترة لا تحاتيها ما بتكون الا لك ..

مايد بحسرة : بس هي بتكون بعيد عني مب صعبة شوي؟

(شمايل كانت شالة الدلال وتسمعهم )

شمايل تبتسم وفخاطرها : لاب يو فديتك !! (وسارت لهم تقاطعهم واتخرطفت بواير التيلفون )

[COLOR="DarkOrchid"]مايد : هووووه !! هوووه !!هووه !! حاسبي !!

شمسة : أهأ !! أهأ !! زين ما صلختينا بهالدلال !!

مايد ضحك : الرب سلمنا !!

غموووض
24-06-2008, 02:29 AM
الحمدلله على السلامه اختي احلى البنات
وتسلمين على البارت الحلو
بس مافيه احداث يديده
مسكينه هندوه متى بيحصلونها
الله يعطيج العافيه
نتريا البارت اليديد

احلى البنات
24-06-2008, 11:06 PM
شمايل: زين جذيه؟ (وهي تنزل الصينية ) كله منكم !!

مايد : جيه منو اللي ما يحاسب؟ نحن اللي فارين الواير تحت ريلج؟

شمايل: والله وكبر طبرك ..

مايد : واللسان اللي طاح عالارض تذكرينه؟ خالوه؟ أمسات أشوفلج صراويل مخورة ..( (شمايل احمر ويهها من الاحراج )

شمسة : شو موّدنك انته عند المخاوير؟

مايد يغير السالفة : لو سمحتي سيري هاتي لي سكر ..

شمايل قايمة وهي تتحرطم : كل يوم انا !! كل يوم انا !! ماشي غير شمايل !!

مايد : هيه كل يوم انتي !! (وهو يصب له ويشربه .. واحمر ويهه )

مايد فخاطره : يالله يالله يالله .. أعوذ بالله اشوووه هذا؟

(وكان طعم الحليب يلوّع بالجبد ..)

شمسة : بلاه ويهك؟ مب عايبنك؟ تراه الحرمة مسوتنه !! اشربه اشربه هذي طلبتك !!

مايد : هاااه ؟ لالا بشربه بس حار !!

مايد فخاطره : حسبي الله عليج يا شملوه بتسمميني !! (وكان ويهه غادي حمر .. وشمايل ياية تربع )

شمايل تصارخ : لا تشربه !! آسفة والله آسفة !!

مايد وشمسة : بلاج؟

شمايل: البشكارة ما غسلت دلتي اللي حاطة فيها الدوا وسرت صبيت الحليب فهالدلة ..

مايد زاغ: وابويه !!

(وتربع صوبه زايغة انه يستويبه شي )

شمايل يوّدت رقبته : بطّل حلجك !! بطّل !!

مايد : لالالا خلاص !!!

شمسة : شو تسوين؟ اتخبلتي؟

شمايل: بطّل حلجك أقول !!

(وتحط صبوعها داخل حلجه وهو يهاوع ..)

مايد يهاوع :واااع !! هدّيني !! شمايل: اباك تزوعه بلاك ؟ (وهو يدفرها بعيد ويتنفس بصعوبة )

شمسة : هديييه يا امايا عن الخبال !!

مايد : أشوف فيج يوم !! تبين كل الناس يزوعون شراتج؟

شمايل: انا كنت أساعدك .. عشان ما تيك الدوخة من الدوا !!

شمسة : سيري هاتي له ماي وحليله ههههههههههههه رحمتك !!

مايد : هييه انتي اتطنزي بعد !!


(اما في المقهى فأبراج الامارات ..راشد يالس في الكوفي ويطالع ساعته .. كان مشغول باله .. كيف بيجابل أخو حرمته ..)

عواس: راشد بن سالم؟

راشد : حيّك .. (واتخاشموا ) وين هالغيبة؟

عواس: تقدر تقول علاج ودراسة فنفس الوقت .. ومنقطع شوي عن أهليّة .. أهم شي اني ياينك أتخبرك عن أختيه

راشد : هنيد .. آمر ..

عواس: وينها ؟

راشد : ليش ما تدري؟

عواس: شو؟

راشد : أبوك حطها فمستشفى الأمل .. لأنه حالتها ما تسر ..

عواس احمر ويهه ومنصدم فنفس الوقت : ثواني بس .. (وقام اتصل في سعيد .. ) هلا سعيد ..

سعيد : ها بشّر ..؟

عواس: أختيه فمستشفى الأمل ..

سعيد : ماعليك .. لا تهتم بنداهم المكان ..

عواس: بعد بتحصل هناك هزاع الجلب ..

سعيد : ماعليه لا تحاتي .. انا بتصرف ..

عواس: انته اسبقني وانا بلحقك بعد شوي .. (وبند عنه .. وسار يلس ويطالع راشد وعيونه بيطلعن من مكانهن ..) وكيف سمحت لنفسك اتخلي حرمتك .. حلالك .. عرضك .. تيلس فهاكي المكان ؟ فهمني ..

راشد : عيّن من الله خير ..

عواس: أكثر عن جذه؟

راشد : صدقني وهذي حلفة اني ما كنت بهدها .. كنت بطلعها ويايه .. انا سرت لها على اساس أظهّرها .. بس اكتشفت انها تغار بدون سبب وأكبر طعنه انها شالة شي مب مالها .. ترضاها؟ ترضاها اختك تسوي جذه؟ ترضى بعدين تشل أغراضك أو أغراض العرب ؟

(وحس عيسى مثل الطعنة فقلبه خصوصا من هالكلام)

عواس: على أي أساس؟ شو شالة؟ بس هذا ما يعطيك الحق تحكم عليها جذيه !! شو ردت عليك؟

راشد : أعذار واهية مالها داعي .. شلّت كتاب من حجرتي.. كانت المرحومة كاتبتنه لي .. وصدقني البارحة كلمتني

عواس منفعل : هنود؟

راشد : هيييه كلمتني .. قلبي عورني من كلامها حسيت شرا الطعنة لأني واجهتها .. وبعد طلبت هيي الطلاق ..

احلى البنات
24-06-2008, 11:07 PM
عواس: وشعنه ماطلقتها؟ شو تتريا؟ كل الحلول موجودة .. لكن انك تعجها فهاكي المكان !!

راشد : والله انه ابوك هب انا !!

عواس: كلكم من نفس الطينة ... وانته ما صدقت .. ترييت منها شي .. انا اقولك من ريال لريال ... طلقها !! نحن بنتحمل وحدة تسرق .. وبنرد انأدبها من أول ويديد .. ماله داعي اتعّب عمرك .. (وروّح )

راشد : عيسى !! عيسى !! تعال ما خليتني أكمل .... (ومن الغصة ضرب بإيده عالطاولة وانجبن الاكواب ..)

عواس ساير الموتر: لعيين !! (وقف عند موتره وماطاع يركب وحسينة ورشود يطالعونه من داخل الموتر .. وكان يحاتي وين يحط أخوه والمربية .. المشكلة مالها أمان لو وداهم السنتر يمكن تسرقه او تسوي شي .. هذيلا بشاكير هب لعبة .. وتيييه فكرة .. ويطّلع تيلفونه .. ويتصل محد رد .. ركب السيارة ..) أمري لله باخذهم ويايه .. (وهو ساير صوب مستشفى الألم .. وبعد ربع ساعة ..) ألو ..

سارة: يس؟

عواس: انا عيسى .. انتي مشغولة شي؟

سارة : لا

عواس: بلاه حسّج؟

سارة : توّني واعية ..

عواس: آسف عالمغثة

سارة : لا عادي .. خير؟

عواس: طلعت لي شغلة وايد مهمة .. والمشكلة اخويه الصغير ويايه وما أأمن بحد ..

سارة : غيري؟ انته تأمني؟ انته ما تعرفني ..

عواس احمر ويهه قفطته الحرمة : آسف وسامحيني مرة ثانية ما راح أغثج ..

سارة : اتدل المكان؟

عواس: لا والله .. قولي لي وين وأنا بدله .. (هي كانت اتدليه وكانت مسحورة بكلامه مع انه كلام عادي ومأخوذة من طلاقته في الانجليزي.. اما هو كان شاغلة باله هنيد .. اللي مالها حس ولا خبر .. وبند عنها وكمّل طريجه .. لين دل المكان .. كانت عايشة في فيلا ويبيّن انه اللي ساكنين فيها ناس هاي هاي .. وكانت واقفة تترياهم برع ..)

سارة : هااي

عواس نازل : هلا .. شحالج سارة ؟ نزلي حسينة !!

سارة : بخير وانته؟

عواس: لاباس

سارة : سامحني ما اقدرادخلك البيت لأني عايشة ويا اختي ..

عواس: لا عادي خذي راحتج .. (وكانت تطالع ابتسامته ) وهذا اخويه راشد ..

سارة : واااو copy+ paste .. he looks like you

عواس يضحك : no plaguirism

سارة : sense of humor in the morning .. come on !!

عواس: اوكي عيل انا بخليه فأمانتج وانا ما بتأخر ..

سارة شلته : اوكي

راشد : ميووووووط !!

عواس صد : بسير عندي شغلة وبرد اوكي باباتي؟ اترياني عند سارة ..

راشد : ميوووووووووووووووووووووط !! (ويصيح .. وعواس حرك موتره وهو كله عزم واصرار يلقى هنود .. وهنود واعلية عليها خذتها الفلبينية وسحبتها من الباب اللي يظهرون منه الموظفات ..)هنود فنص وعيها وتمشي وياها : وين بتوّديني؟

الفلبينية : انا ودي برع في بابا موجود !!

هنود بفرحة : صدق؟ اخافج اتقصين علية !!

الفلبينية : بابا موجود هناك شوفي !! (وكانت هنود تشوف ناس بعاد .. ويتها الدوخة مرة ثانية .. وودتها لسيارتها .. وساق بها ريل النيرس لسكنهم .. وسعيد أول ما وصل على طول تفتيش بدون لا احم ولا شي .. وهو على طول سيده سار عند مديرة المستشفى .. ويلس فمكتبها يترياها .. ويت أمل مسرعة من بيتهم فحدود ربع ساعة وتوصل على طول مكتبها ..)

أمل : خير ؟ خير؟ ليش هالتفتيش المفاجىء؟ شو صاير؟ اللهم اجعله خير !!

سعيد : خير بويهج يا دكتورة .. انا بسألج سؤال يادكتورة .. كيف اتدخلون بنية ما فيها أي نوع من الامراض وحتى النفسية .. لا وبعد تخفون سجلها ؟ هاااه؟ فسري لي !!

أمل : أول شي لو تكون اللي تكونه ما يحق لك تيلس على كرسيّة !! (وتزاعج ) قم !!

سعيد: آسف (بس ما قام )

أمل : وانا ما عندي أي جواب لسؤالك .. اسمح لي ..

سعيد بكل جدية : صدقيني بتندمين !! شكلج موول مب مؤهلة لإدارة هالمكان .. ان ما جاوبتي على سؤالي بتنشلين وبتنفرين في السجن وبتترحلين بلادج ..

أمل زاغت وبعاد : شو السؤال؟

سعيد : والله ما بيلس طول اليوم أعيد وأزيد .. انتي سمعتيه .. وعلى ما اظن دكتورة .. ولا شارية الشهادة؟

أمل : يا أخ .. انا وافقت على اجراءات دخول بنت وحدة واسمها هناء والبارحة طلعوها بس وما عندنا أي بنت ثانية ..

سعيد عصب: وانتوا غافلين ما تدرون بالدنيا؟ ما تدرون انه في عندكم مريضة ثانية اسمها هند فاضل؟

أمل منصدمة : شوووه؟ لا والله ..

عيسى يبطل الباب : السلام عليكم .. هاااه حصلتوها؟

سعيد : بعدهم يدورونها ..

عيسى : انا ساير أدورها ..

(وعيونه كله أمل بلقاها ..)

مانع: الحمدلله على سلامتك ياخويه ..

هزاع يبتسم : أستاهل اللي حصلته

مانع بعصبية : بلاك هزاع؟ شو استوا أمسات؟

هزاع: كنت أقولك انه حي ما صدقتني .. (وعيونه تدمع )

مانع: منو قصدك؟

هزاع : عيسى ..

مانع منصدم : عيسى؟ (وقلبه يدق من الزياغ .. مانع اللي ما يخاف من شي .. اللي يوم درا انه اخوه مسوي اكبر البلاوي جتله من الضرب واحينه يتروع؟ طلع من حجرة هزاع والصدمة عاقدة لسانه .. وتم واقف مكانه يطالع الباب اللي مجابلنه ..يعيد ذاكرته .. وخصوصا التصوير وكيف عواس اتعذب من الضرب وأهم شي ابرة المخدرات .. وبعدها يسمع حشرة حذاله .. وردت له الحاسية .. يصد يمين ويحصّل فريقه مال المكافحة .. شو يايبنهم؟ وتوّة بينطق .. انه يتبطل الباب اللي مجابلنه .. وعواس كان ظاهر من الغرفة .. اللي حزتها كلهم يطالعون بعض .. عواس ما اتوقع انه بيكون لقاه ويا مانع اليوم .. اما مانع فزع وزاغ اتوقع انه يهذي .. لكن الموجود جدامه هذا عيسى بشحمه ولحمه .. لا وبعد يطالعون بعض .. سيده ابتسم عواس ابتسامة نصر ..)

عواس: يامرحبا ويا مسهلا .. الله حية !! علومك مانع؟ لاباس صح؟

احلى البنات
24-06-2008, 11:08 PM
(الجزء 82)

مانع : عواس؟

عواس يبتسم : لا ولد عمه .. أكيد انا .. ( وياخذه في الاحضان ) لك وحشة ياخي !!

عواس فخاطره : يعله بكل نفس اتنفسه عذاب الدنيا يطيح فيك ..

مانع : إإن ..ان .. انته حي؟

عواس يضحك : أكيد بشحمي ولحمي ..

مانع : كيف ؟ شو مستوي؟ انا احلم؟

عواس : سالفة طويلة .. انا عندي شغلة هنيه ..

مانع: انته اللي ضارب أخويه؟

عواس عصّب :يوم بيحّشم وبيغدي ريال بحطه في الاعتبار .. لكن يضحك ودق سوالف ويا وحدة من حريمنا ..

مانع : سواها بعد؟

عواس : ما إييوز عن سوالفه .. انا بترخص عندي شغلة .. (ودبّر عنه مروّح )

مانع : عواس .. (وصد له ) السموحة منك ياخوي ..

عواس : ههه سالفة ما تسوى .. وهو خذ يزاه وكل واحد بياخذ يزاه ..

مانع : هاه؟

عواس : كنت أتكلم عن اللي صار لي .. (ويضرب له تحية عسكرية ) مفهوم؟ باي ..

( تم يمشي عواس وهو مغرّق مانع من السب والشتايم .. وما خلا ولا حجرة وهو يدورها ..)

عواس فخاطره : شكله أبويه يبا يلعوزنا .. أكيد هو اللي هربها ..

عواس: ياربي انا بتخبل!! وين سرتي يا هنود؟

سعيد : ها بشّر ؟

عواس: كل باب .. كل حجرة .. كل صالة .. كل مكان داخل الحديقة اختفت من المستشفى كله ..

(وتوّة واصل راشد )

راشد : عيسى !!

عواس: نعم؟

راشد : وينها؟

عواس: توّك حصلت وقت؟ اختفت ومحد محصلنها !!

(وراشد سيده سار الريسيبشن ومسك جمال من كندورته وشلاه من مكتبه )

راشد : وين وديتها؟ انا كنت حاس انك حاط عينك عليها !! لابركتن فيك !! (ويطرحه عالارض )

جمال: والله ما يخصني والله .. (وسعيد وعواس سايرين صوبهم ) الله يخليك سيدي !!

راشد يضربه وهم يطالعونه : وينها؟ ان ما قلت ذبحتك والخلق اتطالعك !!

عواس ببرودة أعصاب : ع راحتك بتموت على ايده .. بيزيد ضربه وانا برديك !! (وتوّة بيمد ايده )

جمال: والله انه ياء ابوها وسوا الفورمات وانا سهلت له وكله سليم .. بس مادري ويا منو متفق !!

(ويتصل ميود)

مايد : ها عواس .. هندوه مطرشتلي مسج ..

عواس : اتخبلت ؟ اعوذ بالله !!

مايد: والله العظيم .. مسج منها من تيلفون اميه القبلي ..

عواس : انزين شو تقول؟

مايد : اتقول خرابيط أونه لا اتدورون علية وما دري شو من هالخرابيط ..

(ومن بند عنه تم مهموم وسار خذ اخوه وهو راد ويا سعيد .. وكان مرتفع عنده الضغط .. ومخلي سعيد يسوق ..)

سعيد : بوّديك المستشفى ياخي شكلك يزيّغ

عواس: انا بخير ..

سعيد : والله ويهك ما يوحي انك بخير ..

عواس: قلت لك بخير .. شوف جدامك ..

سعيد : انا ما علية منك ..

عواس: شوف تراني واصل حدي .. بنزل عنك وحزتها ما تلوم الا نفسك ..

سعيد : زين .. زين .. (ويصيح تيلفون عواس )

عواس يرد : منو؟

هنود بإجهاد : عيسى؟

عواس : منو؟

هنود تصيح : انا هنود أختك ..

عواس بلهفة : هنود ؟ (وسعيد يضرب بريك ..) والله تقولين مكانج .. ردي !! ردي !!

هنود : ما أقدر .. عيسى .. سامحني على اللي سويته .. انا مسافرة ..

عواس : هندوه !! ان ما قلتي وينج صدقيني لا انا اخوج ولا أعرفج !!

هنود : صدقني انا في الباخرة .. حالتي ميئوس منها .. ودخيلك .. لا اتدورني .. لأني بخير وعافية .. انا اذا تميت في البلاد بمرض زيادة .. كفاية رشود وأبويه ..



تنويه بسيط : القصة بعدني مطولة فيها .. يعني اللي مستعيل يبا يعرف النهاية ينتظر .. لأني مطولة .. وفيها احداث وتغيرات وايد بتصير .. يعني اللي بيسافر وبيرد فحفظ الرحمن

غموووض
25-06-2008, 02:50 AM
تسلمين اختي على البارت
بس قصير
الله يعطيج العافيه

غموووض
25-06-2008, 02:52 AM
اوه في تكمله وانا مستعيله
سوري ماشفتها

غموووض
25-06-2008, 03:00 AM
وين بتروح هنود؟
ومع من رايحه؟

في انتظار البارت الياي

السولعيه الحلوه
25-06-2008, 10:16 PM
الحمدلله على السلامه الغلا...

تو ما نور المنتدى....

حرام إلي يصير لهنوده والله انها ماتستاهل ....

شمايل ومايد الله يسعدهم ويسر امرهم...

والقصه في تطور مستمر واحداثها كل مالها تحلو...

الله يعطيج العافيه على المجهود الي تبذلينه عشان يطلع كل بارت احلى من الثاني...

نتريا البارت اليديد على نار...

احلى البنات
25-06-2008, 10:32 PM
[FONT="Arial Narrow"][SIZE="4"][B](الجزء 83)

عواس: انتي اذكري الله .. وقوليلي مكانج .. وصدقيني انا اللي بوّديج أعالجج .. مب واثقة فأخوج؟

هنود : انسى .. انسى انه عندك أخت .. تسمع؟ انا اصلا شاردة ويا واحد يحبني !! (وانغلق تيلفونها )

فاضل : أسميج اتعرفين اتمثلين !!

هنود تصيح : زين جذيه؟ خليتني أجذب على أخويه؟ أقرب الناس لي؟ سندي !!

فاضل بعده ماسك رقبتها : انتي انطبي ومابا أسمع لج حس ..

(هنود يعلى صياحها واتدقق براسها )

هنود : خلاص ابا اموت !! مابا أعيش .. اجتلوني !! أقولكم اجتلوني !!

فاضل : غناتي .. بدون ما تقولين أصلا .. الحبوب اللي تاخذينهن يسمونهن الموت البطيء شرا الشلل .. الله يشلج !!

(وكانت وايد ضعيفة .. لدرجة انه أبوها دفرها وما مداها دوخت ..)

النيرس : انا في يعطي مورفين مشان جذيه دوخة واجد .. يالله فلوس !!

(ويفر البيزات فويهها )

فاضل: يوّدي !! فضلت عنج !! ومن تنتهي سالفة الشرطة .. اتصلي عشان أرد أدخلها .. تفهمين؟

النيرس : اوكي دونت ووري !!

(ويوم هو طالع حس شرا اللي قلبه يعوره ..)

فاضل: آآخ !! ماروم أتنصخ !! (تم يعاني مكانه .. والنفضة جايستنه لمدة 25 دقيقة .. ووقف ) يالله شو جاسني؟

(اما عند مانع )

مانع واصل البيت : أميه؟ وينج؟

ام مانع: خير .. خير.. ليش الزعيج؟

مانع: تعالي اباج ..

ام مانع: خير؟ شو مستوي؟ شو فيها الصغيرونة؟

مانع: ما فيها الا كل خير .. ترا هزاع باجر بيوصل البلاد ..

ام مانع اشرق ويهها : ويييييه يعله مبارك وسعيد !! بتنوّر البلاد .. واااايه يعلني أفداه وأفدا يومه ..

مانع: اميه؟ كنتي تدرين انه عواس حي؟

ام مانع : حشا علية .. انا الا من فترة معلميني واعلية عليه .. مب مترقع أبدا ..

مانع: شعنه؟ بلاه؟

ام مانع: ربيعك وخويك وما تدري عنه؟

مانع: انا الا اليوم ملتقي فيه .. وصدمتي فيه صدمة .. خلتني اتنافض حتى ..

(وتخبره بكل شي استوا به في السفر ..)

مانع فخاطره : وحليله .. صدمة ورا صدمة .. موول هالريال مب متهني فحياته .. الله يستر بس من ردتّه المفاجأة ..

ام مانع: حوووه !! حوووه !! فشو سرحت؟

مانع: هاااه؟ (ويت على باله هنيد ) أمايا؟ هنيد شخبارها؟

ام مانع اتطالعه بنظرة : بعدك اتفكر فيها؟ اتحمل يابويه ترا عندك بنية ..

مانع: ههه لا بس اسأل ..

ام مانع : والله مادريبها .. موول مالها حس وهي في دبي بعيد عنا ..

مانع: ما نطقت بشي؟

ام مانع: ولا حرف .. الله يشافيها ويعافيها ..

مانع: امايا انا بترخص عنج .. قولي حق البشاكير يحولون اغراض هزاع تحت فهذيجي الغرفة .. وغينظفونها عدل .. وباجر بعد بتطلع وداد ..

ام مانع: ان شاء الله .. انته عندك شفت؟

مانع: هيه أميه ..

ام مانع: الله اييسّر أمرك ان شاء الله .. (ويوم وصل مكتبه )

مانع فخاطره : يالله اتخفف عن اللي في صدري (وكان ياخذ في اليوم واحد 3 حبات بنادول .. واللي يخفف عليه صورة بنته هند اللي سماها على اللي عشقها .. اما عند عواس كان شال اخوه ودخل وهو مفوّل )

عواس: والله ما اسامحها والله !! أكيد دامنه ميوه وراها لازم اتكون اتعلمت الفراطة .. ما ينلام فيها رشود !!

ميثاء : بلاك مشتط؟ (وكانوا ميثاء وحمد ونشبة وشما وشمسة ميلسين )

عواس والدم يفور فيوفه : إإه .. هاااه؟ الجلبة يوم رمستها .. أونه تبا تطلق ..وبتسافر ويا فاضل .. مالت على شكلها الجلبة !! موول أبدا ما فيها خير .. لاهي ولا اختها !!

حمد بكل يأس : ما قلت لها يدّج يباج تردين؟ محد مالي علينا البيت الا هي !!

عواس : ما خلت لي فرصة .. تلتعن !! خله يفيدها فضوّل !! من اليوم وساير بنكمل حياتنا بدونهن .. ما فيهن بركة !! الا بعد ما اتعلمن الحيا والمستحى !!

(وسار فوق مفوّل وحزة العشاء نزل وهو هادي ..هم اتعشوا بس هو ما كل وسحب خالوته شمسة للميلس.. وهي اتوقعت انه بيكلمها انه يباها تمهد الطريج بينه وبين فطيم ..)

عواس :خالوه اتعرفين ليش يايبنج روحج؟

شمسة : اكيد عشان تجابل ويهي ..

عواس: والله كل الخير بويهج وانتي الخير والبركة ..

شمسة : خير بويهك يابويه ..

عواس: مادري شو اقولج يا خالوه .. بس واحد من الربع مرمسني ويبا يخطب .. وانا قلتله ما في أحسن من بنت عمي ..

شمسة منصدمة: شمايل؟

عواس: لا مب شمايل .. قصدي هناء..

شمسة : وييييه هذي الساعة المباركة .. بس هنوه بعدها تدرس ..

عواس: شو رايج انحيّرها له .. لأنه الريال ما يتفوت ويشتغل ويايه .. عشان لو ياء حد خطبها ولا شي بنقوله محيّرة لواحد من اهلنا ..

شمسة : عيل نحن ما بنخبرها .. عشان ما تيلس تفكر في العرس وتهمل دراستها ..

عواس: هذا الشي الزين ..وباجر بخلي يرمس اهله يتصلوبج .. زين؟

شمسة : على خير ان شاء الله .. (اما عند راشد كان يتصل في عواس )

[COLOR="DeepSkyBlue"]راشد: السلام عليكم ..

احلى البنات
25-06-2008, 10:39 PM
عواس: عليك السلام

راشد : عيسى .. ماشي خبر عن هنيد ؟

عواس: لا اتدوّرها .. دخيلك انساها وكمل حياتك ..

راشد : خبرني اتصلت؟

عواس: اتصلت .. بس اقولك انساها .. لأنها اتفكر بعمرها بس ..[/COLOR]

راشد : وينها هي؟ وين انخشت؟

عواس: لا منخشة ولا شي .. سارت برع البلاد تتعالج .. خلها عنك وكمّل حياتك ..

راشد : انته اخوها تقول جذيه؟ واصلا ما يستوي تسافر انا ريلها لازم تاخذ أذني ..

عواس فخاطره : شو تباني أقولك؟ أقولك شاردة ويا واحد؟

(راشد بند عنه وما حصّل الاجابات اللي يباهن .. الا اتكسرن مياديفه )

راشد : خسرتها؟ خسرت هنيد؟ كانت دوم مجابلتني .. بس انا اللي كنت أكابر .. (ويحس قلبه يخفق بطريقة مب طبيعية .. ويصيح ندم ) أحينه تخفق؟ تخفق يا قلب؟ أصلا كان عندي قلب حزتها؟ يوم خليتها؟ يوم خليتها تعيش العذاب هناكي ؟ يالله .. يالله تسمعني .. يالله أخصلها .. يالله تسامحني .. مع انه ولا آدمي بيغفر لي على اللي سويته فيها ..

(عيسى تم واعي ويتجلب ويفكر بكل كلمة قالتها اخته في التيلفون .. ليش تخلي بلادها وتسافر برع ويا واحد غريب هذا اللي بيذبحني .. شو حصل لها؟ لا يكون حد معتدي عليها ؟ بس أكيد حد ورا السالفة .. محد غير فضّول .. أكيد ينّن بها .. والا هالكلام ما يظهر منها .. اختيه واعرفها .. اما اليوم الثاني .. )

هزاع: بتظهرني؟ وين بتوّديني؟

مانع: البيت ..

هزاع: أميه تدري اني برد؟ (وهزاع يمشي ورا مانع وساحب ريله سحاب .. وويهه وارم .. وإيده لافينها ..)

مانع : هيه

هزاع: خبرتها بكل شي ؟

مانع: لا

هزاع: شفت عيسى؟

مانع: هيه

هزاع: رمسك؟

مانع: هيه

(وكانت اجابته على قد السؤال .. وهزاع متخبل يبا يعرف شو استوا ..)


(اما في شغل مانع كان دوم متخفي ونادرا ما يلتقي فعواس .. كان مدني بسبب عواس .. كان ما يبا يلتقي فيه .. عشان ما يحس في الذنب اللي يحسه كل يوم .. اما فضول زاد شره .. وخذ أوراق مي الثبوتية .. ووداهن مستشفى الامل .. وكان ساحب هنود اللي تمشي وراه وكانت مشمئزة منه ..)

هنود : بزووع !!

فاضل : ان تكلمتي .. صكيتج كاف على ويهج ..

هنود : والله بزوع !! هدني !! (ويوم هداها انها تربع )

فاضل يربع وراها : زخوها !! بتشرد !! زخوها !!

(وبكل سهولة زخوها .. وتمت تصيح وتترجاهم بعيونها .. بس ماشي فايدة دخلت المستشفى .. من سوولها التحاليل تبيّن انها تتعاطى ابر مخدرة .. طبعا يوم خبروا فاضل كان مستانس من داخل .. اما هنود .. كانت اتصيح وما اتوقف صياح لأنها مظلومة .. وكل يوم الظلم يزيد عليها ... اما في شغل عواس )

سارة تتصل بعواس : شحالك عيسى؟ (سارة الممرضة اللي كانت اتعالجه يوم كان فأمريكا )

عواس: بنعمة .. ومن صوبج؟

سارة : ممكن نتلاقى فمكان؟

عواس: خير؟

سارة : ابا اكلمك ..

عواس: ان شاء الله وين تبينا نتلاقى؟

(وساروا الكوفي شوب جريب من شغله بس هي اتأخرت.)

سارة : آسفة عالتأخير ..بس المكان شوي صعب ..

عواس: لا عادي .. (ويلسوا .. وطلبوا .. اما هي من شافته سيده سرحت به ) سارة .. هووه !! سارة .. سارة ..

سارة : هممم يس؟

عواس: هههههه وين سرحتي؟ لا يكون فية؟

سارة احمر ويهها وقلبها يدق بزيادة : عيسى انا .. انا .. (وتوّها بتتكلم بس تقاطعهم وحدة تحط طلباتهم .. بس عواس سيده عرف هي شو تبا تقول بس انصدم )

عواس منصدم : سارة انتي؟

سارة : انا .. انا .. انا .. (ويصيح تيلفونه يقاطعهم )

عواس: سوري لحظة .. (وهي حسّت عمرها متقفطة ) انزين؟

سارة : انته مشغول؟

عواس: شوي .. (ويبتسم ابتسامته الساحرة ) سارة .. انا اعرف شو فخاطرج ..

سارة : صدق؟

عواس: طبعا من كلامج وزياغج .. سامحيني يا سارة انا ما احبج .. او احس بأي شي صوبج أو صوب أي بنت .. (وسارة احمر ويهها وحسّت عمرها شرا المطعونة ) سامحيني ما اباج اتعلقين بأي خيط أمل انه يمكن انحب بعض .. أو آخذج .. انا من سابع المستحيلات آخذ من برع بلادي .. مع انه مب ناقصنج أي شي .. وأي ريال يتمناج..

سارة : STOP

عواس: هلا

سارة شلت شنطتها : مع السلامة .. (وسارت صوب الكاشيير ودفعت الفاتورة وظهرت ..)

احلى البنات
25-06-2008, 10:40 PM
عواس : سارة .. سارة !!

عواس فخاطره : انزين هذا الصدق .. يعني تباني أحبها غصب؟ أعوذ بالله ..

(اما عند نشبة )

نشبة: إييه بنيات !!

شما وميثاء :خير !!

نشبة : مب إلكن !! أقول شملوه

شمايل : هممم؟

نشبة : قومي بنسير كافور بنتشرى غريضات ..

فطيم : والجمعية ما تقول شي ..

نشبة : فخاطرية أشوف بوطبر وهو يشتغل وينكرف .. يمكن بعد يسويلنا دسكون ..

شما وميثاء وفطيم : إشوووه؟

نشبة : دسكون دسكون بلاكم؟ تنزيلات اعنبوا ما تفتهمون؟

فطيم : اندوك انته !! والله واتطورت نشيبة وقامت تعرف تنطق دسكاونت !!

نشبة : عيل أغدي بلهة شراتكن؟ يالله لبسن عباياكن .. وانتي راعية بوطبر ما بتين؟

شمايل: مشغولة .. مشغولة ..

نشبة تطنز : واعلية عليج .. لا يكون تحشين ملفوف؟ (قصدها ورق عنب )

شمايل: لا والله بس أقص ظفوري وأصبغهن ..

نشبة : ويدي فضل عنج !!

شمايل : شوفي شو رايج في الصبغ؟ (وتقرب ريلها من ويه نشبة )

نشبة : ويدي فضل عنها من ريل !! اعنبوا جاارة (قصدها سودة ) تمشين محفاية انتي؟

شمايل: انا اصلا ياية بدون نعال..

نشبة : اللهم مالك الحمد والشكر .. المال فوقكم وتحتكم وانتي تمشين محفاية شرا السيلانية اللي مدهنة ريلها بفيكس ..

شمايل: سيلانية ولا لبنانية مب سايرة !!

نشبة: ماعليه انزين يوم بيتحاودن به بنات كافور بتيني اتصيحين ميود سوا وميود قال

شمايل: اصلا من يطالع وحدة غيري بيتطلق ..

شما: جيه الشو بإيدج؟

شمايل: أسميج ما شفتي شي يا خالوه .. براويه البقرة يوم اتشوف الحريجة كيف عيونها ..

شما: هب هبيتي !!

ميثاء: ظنتيّه تطري عمرها..

شمايل: لا امايا كنت اطري زهور ..

شما: واعلية عليها ..ودوها وياكم تتونس..

نشبة : قصوري !!

شما: ودوها وحليلها من زمان ما طلعت

نشبة : حرام ان دريت انها ماكلة بصل ما تخطي ويانا ..

شمايل: انا شايفتنها ماكلة راسين بصل وخالطتنه ويا المايونيز .. (ولاعت جبدهم )

نشبة : يالله ترحمنا برحمتك ياربي ..سيروا قولولها تاكل نعناع بتفوتخ علينا .. شملوه؟

شمايل: مب سايرة ..

نشبة : غصبن عن خشم ريلج ..

شمايل: انزين بعده ما جف اللي فريلي !!

نشبة وتمطها من شعرها : ما بتقومين؟

شمايل: آآي !! آآي !! بقوم .. بقوم والله بقوم التوبة ..

نشبة : لبسي عباتج وسيري غسلي ريولج وخذي نعال فطموه !!

(وكلهم في الموتر زهور ومحمد الدريول ونشبة الا حضرتها ما يت )

نشبة ضاق صدرها : اضرب لها هرن .. (وتنزل الجامة ) شملوه ويهّد !!بتين ولا أرقعج بالنعال !!

شمايل: ياية !! ياية !! (وتزاعج ) والله لأراويج يا فطموه ان ما قصيته نعالج !! (وهي تركب ) أوووه عندكم دريول يديد؟ أخبارك رفيق؟

(ومحمد يهز راسه )

[COLOR="DeepSkyBlue"]نشبة : أبويه محمد ودنا كافور ..

احلى البنات
25-06-2008, 10:40 PM
شمايل تشم : بتخبركم تشمون اللي أشمه؟

نشبة : شوه؟

شمايل: ريحة خايسة مادري من وين ياية .. منو سواها؟

نشبة : بتصطلبين ولا أحيسه هاللسان؟[/COLOR]

شمايل: صدق والله ريحة ..................

نشبة: انف عليج .. عيب امايا .. ريال ويانا !!

شمايل: ما عليه ما يفتهم .. عندي عطر عادي ارش؟ صبري برّشه .. (وهي تدري انه الريحة من زهور ) برّشه عالمكيّف (أول ما رشته على مكيف نشبة سيده انبخ في عيونها ..)

نشبة : ويه ويه ويه عيوني !! آآخ يا عيوني .. غربلج الله يا شملوه عميتيني !!

شمايل: هههههههههههاي هاتي بشوف .. (وتنفخ ) أوووف أووووف .. انا ما اعرف انفخ عدل .. زهور؟ انفخي فعيونها .. (وزهور مسكت يبهة نشبة عشان تنفخ )

نشبة : لالالالا الا زهور .. (من نفخت عليها .. تبطلت عيونها .. بس حسّت نشبة شرا الدوخة جاستها ..)

شمايل ميتة من الضحك : يوم اقولج مب سايرة .. محد قالج تغصبيني عالييّة!![/B][/SIZE][/FONT]

غموووض
26-06-2008, 01:22 AM
تسلمين اختي على البارت الحلو
واللي محلي البارت حركات العيوز نشبه
الله يعطيج العافيه

بنت البوادي
27-06-2008, 09:00 PM
تسلمين فديت قلبج ع القصة الحلوه ... تسلم يدج الغالية..!! لا خلى ولا عدم..!!

احلى البنات
08-07-2008, 11:41 PM
ان شاء الله بينزل البارت بعد كم من يوم

وبيكون الاخير بس مب الحلقة الاخيرة

لأني بسافر شهر وبرد

ومحضرتلكم كم من مفاجأة فهالبارت الياي

غموووض
09-07-2008, 12:20 AM
في انتظار البارت

احلى البنات
12-07-2008, 11:39 PM
[SIZE="4"][FONT="Arial Narrow"][B][COLOR="DeepSkyBlue"](الجزء 84 )


(اما في كارفور .. كان مايد يتعامل بشغله بجدية تامة .. كان لابس بنطلون أسود وفانيلة سودة وفوقه قميص الشغل الكات لونه أبيض وأزرق وعليه بطاقة التعريف به .. وكان شغله عالكاشيير ويوم ما يكون في زحمة ياخذ الجواري ويردهن مكانهن ..ويرد البضايع مكانهن بس كان مسوي زحمة فكارفور بسبته .. وأول ما دشن شمايل ونشبه فكارفور .. دشن يتشرن وشمايل اتدوره بعيونها بس شافت طابور طويل من الحريم الصغار .. الكبار في السن .. وانصدمت انه الكاشيير الباقية محد عليهن من الحريم ..)

• نشبة : بتخبرج شملوه؟ شو سالفة الحريم مصطفات؟

• شمايل: مادري يا امايا يمكن مسوين تخفيضات

• نشبة : يمكن يوزعون اكل ببلاش فهذا اليوم

• شمايل: مافي فهالزمن شي ببلاش !!

• نشبة : عيل ميود وين؟ وين منخش؟ شملوه اتصلي بميود ..

• شمايل: لايابويه أستاثم اتصلي روحج ..

• نشبه تضربها ع راسها : تعرفين اني لا أقرا ولا اكتب .. اضربيلي الرقم يالمطوعه وانا روحي برد عليه (وتتصل به ) ألاو !!

• مايد يضحك : ألاوين أمري ..

• نشبة : وينك مسوّد الضلع؟

• مايد : بعده ما اسوّد ضلعي عشان تشوينه .. خير فديت ويهج ..

• نشبة : انا هنيه فكافور ..انته وين؟ تعال سوّلنا دسكون وخبرني شو سالفة الحريم المصطفات طابور هالطول !!

• مايد : زارتنا البركة .. أسميه نوّر الكـــــــافوووور بندوا الليتات !! بندوهن !! نور نشيبة بيظهر !!

• نشبة تتحرطم : امبونك لغاي شرات أبوك !! يالله تعال نحن واقفين عند الحليب

• مايد : يابوج لو قلتيلي جان يبتلج بقرة وروحي حلبتها لج بدال هالحليب السم ..

• نشبة : الله يسمم فضول ان شاء الله .. تعال وفكنا !!

• مايد : منو وياج؟

• نشبة : ماشي يايه روحي اتمشى انا وزهور

• شمايل تتحرطم عليها : جيه وانا شو سامانديجا؟

• مايد بلهفه : واايه واايه وااايه

• نشبة : أهــأ أهــأ عن يطيح فجك بس !!

• مايد : أحينه ياي أحينه امممرة ياي (وبند عنها وينادي على فيصل ) فيصل ... فيصل !! تعال بابا كمّل شغل

• فيصل : انته وين روه؟

• مايد : فاميلي فاميلي يايين !!

• فيصل: روه روه روه !!

• مايد : مشكوور يا ريال ..

• وحدة من الحريم : تعال وين ساير؟ انا ما بدفع ثمن الاغراض الا لك ..

• مايد: سامحيني أختي وراي شغل وايد مهمة (و انقهرن الحريم و سار سيده صوب مكان الحليب ..) يالله يالله يالله نور المكان.. (وكان مبتسم ولاحت فعينه.. انه شمايل رقبتها شوي ظاهرة..و سكت..)

• نشبه:ما بغيت اتي..

( مايد يغمز لشمايل عشان تغطي المكان ..و هي مب فاهمه..)

• مايد:كان وراي بسبس و عشانكم فضيت..

• شمايل: عدال عدال.. ( وهو يغمز لها..) بلاك؟

• مايد عصّب:ماشي..

• نشبه:عاد نحن يينا نبا انطالعك تشتغل..

• مايد: جيه اتحروني ألعب..

• نشبه: لا..ويايين عشان تسويلنا دسكون..

• مايد: اشوه..

• نشبه: دسكون.. دسكون!! تخفيض!!

• مايد يضحك: هيه فديت الدسكون انا !! (ويأشر لها..)

• شمايل: بخبرك؟ انته شو سالفتك؟ ارمس!!

• مايد: تراج بهدلتيني !! لحفي رقبتج يا بنت الناس!!

( شمايل احمر ويهها مع إنها متغشيه)

• شمايل: هااه!! اوكي!!

• وحده يايه جداهم: لو سمحت؟

• مايد:آمري..

• الحرمه: ممكن اتيبلي من هذا من فوق..

• شمايل اشتطت و فخاطرها:هاي مول ما تستحي.. الجلبه

• نشبه تصاصر شمايل: شفتي كيف البنات متكودات عليه؟

• شمايل:يا مالها السم!! طاعي !! طاعي !! اتحيسّ بعد !! طاعي تطّلع قصتها !!

• نشبه: ما عليج..أصلاً ما ينلاح فعينه غير شملوه صح؟

• شمايل بغصه : صح

(و كان راكب الدري اييبلها الغرض.. ويوم نزل..)

• مايد: اتفضلي..

• الحرمه:مشكور.. أوييه انته مواطن؟

(مايد توه بيجاوب بس قاطعته شمايل..)

• شمايل:غناتي؟ أمك تبا كرسي تيلس عيّـــت..

(ونشبه اتسوي عمرها تعبانه..)

• نشبه: واعليه على ريولي..أبويه ميود..سر انته و حرمتك دورولي كرسي..

(مايد مب فاهم شو السالفة..)

• مايد:اشـــــــوه؟

• شمايل ترفع غشوتها شوي عشان تراويه عصبيتها:امش جدامي..لأدوسك ع بطنك..

• مايد : والخيبة !! ان شاء الله..(ويوم مشوا..كان هو شال السلة..وما خلت شمايل كاكاو ما شلته..) ها كله بتاكلينه؟

• شمايل معصبه: ما يخصك!!

• مايد: بلاج حامقه؟

• شمايل: عيل هذي شغلتك؟هااه؟

• مايد: ليش مب عايبنج ؟ عشان البنات؟

• شمايل:هيه !! أباك تفنش!!

• مايد بجديه: عشان أرضيج لازم اتفنش!!لا والله ها مب كلام!!

• شمايل: عيل شو تبا كل حرمه تدلع ..هات لي هذا و ذاك!!

• مايد: هاي شغلتي!!عيبج و لا ما عيبج!!و انا حتى ما عبرتهن..انتي تعرفين منو ابغي..

• شمايل: قص علية بكم من كلمه..أباك و تباني..بس يوم سالفة بنات ما تصبر!!

• مايد: أنا؟

احلى البنات
12-07-2008, 11:40 PM
شمايل: عيل أنا؟

• مايد: اتعرفين اني من زمان مودّر البنات!!

• شمايل: أنا ما بصدقك لين تفنّش!!

• مايد: انتي ليش انانيه جذيه ؟

• شمايل: برايه أنانية ولا جلبه حتى!!بتفنّش ولا؟

مايد : مب مفنشّ واللي فراسج سويه!!

• شمايل دبرت منه : عيل انساني !! (وهو يلحقها و ساكت..الا متغصص..كان مظلوم من صوبها..انظلم فشي ما سواه..)

• نشبه: وين سرتوا عني؟

• شمايل: بروّح البيت ممكن؟

• نشبه: بلاكم؟

• مايد: هاتي عنج السله أميه..(وشل عنها السله .. وساروا الكاونتر .. ودفع عنهم ... .ووداهم لين الموتر .. تمت شمايل تفكر بالكلام اللي قالته .. يمكن جرحته .. وخصوصاً انها ذكرته انه راعي بنات ..)

• نشبه: شو استوا؟

• شمايل: قلت له يفنّش ..

• نشبة : يا امايا .. لا تلعبين بقلبه.. الريال شارنج .. أحينه كلمتج هي اللي بتوّديه وبتيبه؟ فكري ولا تدمرينه .. ترا قلبه رهيف .. واعتدل وغدا ريال .. أحينه يوم تشوفينه تقولين ريال والنعم فيه ... الا ينضرب فيه المثل ..

• شمايل تتنهد : انا ما يخصني .. الا يفنّش ولا ما بيرتاح قلبي ..

(ونشبة صخّت عنها .. ويوم وصلت شمايل البيت )

• شمسة : هاااه؟ وين سرتي تهومين؟

• شمايل معصبة : امايا .. تبين توّدينا دبي؟ ودّينا !! ابا اطلع من ليوا !!

• شمسة : ويييه شو اللي غيّر رايج؟

• شمايل: بس جذيه !! انتي ما تبين؟

• شمسة : ابا اليوم قبل باجر ..

• شمايل: عيل نزهب ثيابنا؟

• شمسة : هييه .. بس صبري بندبج تزجرين بشاكير اميه عشان يفزعون ..

• شمايل: انزين بسير أزجرهم .. (ووصلت لين الباب .. ويتها النفضة .. وتمت 10 دقايق عند الباب .. وبشجاعة بطلت الباب .. وتحصل عواس مجابلنها ..) اووووف أشوا ...

• عواس: بلاج؟

• شمايل: هااه؟ كنت زايغة أظهر روحي ..

• عواس: زين عيل تعالي بوّديج البيت ..

• شمايل وتزاعج : امايا عواس بيوديني ..

• شمسة تزاعج : زين اتسوين ..

• عواس: يالله طوفي

• شمايل: عواس؟ عادي أسألك سؤال؟

• عواس: آمري يا اختاه ..

• شمايل: انته اخويه العود صح؟

• عواس: لا تكبريني الله يهدي سرّج .. تقدرين تقولين أخوج الصغير .. (ويضحكون )

• شمايل: انزين ليش اتكابر؟ يوم انك تحب فطيم .. قوللها ..

• عواس: ومنو قالج اني احب فطيم؟

• شمايل: يبيّن عليكم ..

• عواس: غلطانة فديتج .. انا يمكن فحياتي القبلية حبيتها وعشقتها .. لكن من عقب ما فكرت فيها كحبيبة او حتى ام عيالي

• شمايل: تراها اترييتك وايد .. حرام اللي تسويه فيها ..

• عواس: لا لله حلال .. انا ما احس بشي صوبها الا غريزيا يوم اتطيح فمشكلة لازم أساندها

• شمايل: بصفتك منو؟

• عواس: عرضي !! وتبيني أسكت عن الغلط؟

• شمايل: فرضا لا سمح الله .. لو حد اعتدى عليها .. ومحد رضا ياخذها .. بترضى تاخذها؟

• عواس يطالعها : وصلنا البيت ..

• شمايل: بعدك ما جاوبتني ..

• عواس: باخذها وبستر عليها .. وبحطها ع راسي بعد ... بس مستحيل أحبها ..

• شمايل: كل انسان وله عيوبه ..

• عواس: وكل انسان له مقدرة عالصبر ..

(تموا قوم شمايل أسبوع كامل .. وهم يجهزون عشان الحولة .. وآخر يوم ودعوا الاهل .. وكانوا شمايل وهناء والبشكارة ميلسين في الموتر يتريون أمهم )

احلى البنات
12-07-2008, 11:41 PM
• هناء: اعنبوا شو تسوي؟ من متى مخلتنا في الشمس ..

• شمايل: رفيق !! بطّل المكيف ..

• هناء: وييه !! اندوج شملوه .. طاعي منو ياي..

• شمايل تتصدد متوقعه ميود : منوه ؟ منوه؟

• هناء: عواس ... واااااااااااي عليه .. (وبطلوا الجامة )

• عواس: السلام عليكم .. (ويردون السلام ) خلاص بتتحولون ؟

• شمايل: هيه خلاص ..

• عواس: الله يوفقكم ان شاء الله .. عادة تراه كل خميس الغدا عندكم ما عليّة منكم !!

• شمايل: افا عليك ..

• عواس: من ايدج هنوه ..

• هناء احمر ويهها : صدق والله؟ تبا مني؟ بتعلم بس عشانك ..

• عواس : اباج تغدين حرمة وتفزعين ويا خالوه .. ودراستج اتجابلينها وصدقيني حزت التخرج محضرلج مفاجأة ..

• هناء مب مصدقة : كل هذا وحقي؟

• عواس: أكيد ..

• هناء فخاطرها : أويييه شكله عواس يحبني .. الله يا حظي !!

• شمايل: ما شفت ميود؟

• عواس: أحيده سار لشغله ..

• شمايل: خله ينفعه !!

• عواس: بتخبركم عندكم جوازاتكم؟

• شمايل:فشنطتي .. ليش؟

• عواس: في اكتتاب وابا جوازاتكم ..

(وشمايل تعطيه )

• هناء : الله !! بتاخذ لنا أسهم !!

• عواس: سر لا تعلمين حد ..

• هناء: انزين ليش ما توّدينا؟ أحس مرتصين فهالموتر !!

• شمايل تنغزها : إيييييييييه عيب !! حشمي !!

• هناء: إشوووه؟ ما قلت شي !! اصلا حركة وحدة الاغراض بيطيحن ع روسنا ..

• عواس يبتسم : انزلوا بوّديكم !!

• هناء: الله كشخة !!

• شمايل: لا ما يحتاي !!

• عواس بحزم : أقولكم انزلوا !!

• شمايل: أمايا بتواجعنا !!

• عواس : انا برمسها .. اعنبوا .. (ونزلوا وركبوا فموتره )

• هناء: الله !! عواس !! موترك يريّح .. ياني الرقاد..

• شمايل: شو مخلّص الدخون اللي في البيت؟

• عواس: ههههههه يوميا هالدخون !! اوووه عن انسى .. (ويعطي كل وحدة منهم ظرف ) بطلوهن في دبي


• شمايل: شو ها؟

• عواس: شي ما يسوى !! (ويعطيهم ظرف ثالث ) عطوا خالوه بس مب جدامي ..

• شمايل: ما تقصر ياخويه ..

• عواس انحرج : بسير اطالعها .. بلاها اتأخرت !! (ونزل .. وهنوه الفضول ذابحنها )

• هناء : الا أبطّله .. (وبطلته ) وايه فديته .. طاعي حاطلنا بيزات ..

• شمايل: صخي !! راسي يعورني .. (وحد يدق على جامة شمايل ) امييه ... ميود؟ (وتبطل الجامة . وبجفاء ) خير؟

• مايد : خير بويهج .. ما باج تروحين وانتي حاطة فخاطرج مني ..

• شمايل: يهمك؟

• مايد : واايد ..

• شمايل: وانا متمسكة برايي ..

• مايد ببرود : تروحين وتردين بالسلامة وانا رايدنج ومول ما بفرط فيج (وصد عنها بيرد البيت .. انه تي سيارة مسرعه صوبهم وطار الدنيا بمقطع يا راحلن عني قلي على وين .. والريال مول مب منتبه لميود .. وشمايل شرا اللي قلبها وبتفقده فلحظة .. )

• شمايل: ميوووووود !!!!!

(وتوايج من دريشتها وتمسكه من ثيابه من ظهره وتسحبه جداها..)

• مايد يتنفس بصعوبة : اووووففف الرب سلّم !!

• شمايل تطالعه وتصيح: زين جذيه؟ زين؟ لو دعمك الموتر؟ كل هذا فلحظة !!

• مايد: بتفتكين مني !!

• شمايل تضربه ع راسه : سبال واحد !! روحي قبل روحك !!

(مايد ضحك وعرف غلاته فقلبها .. وروحوا وكانوا راضين على بعض )

(اما عند مانع المشاكل اللي استوت لفوق راسه دوم ضرايب بين هزاع ووداد .. مع انه هزاع من عقب ما طلع من المستشفى ما يخصه فحد بس وداد مغصصة فعيشته ..ومانع ارتفع عنده الضغط وصبره قام يقل وقام ما يقهرها .. وفاض فيه الكيل وطلقها فلحظة .. وكانت عندها هاللحظة بالنسبة لها مثل العيد .. شلّت اغراضها وروحت بيت اهلها بدون بنتها .. وهزاع كل يوم والثاني يحّن على امه تخطبله هناء .. كان عنده وعده انه ياخذها ويستر عليها شرا ما وعد شمايل .. وكان انسان ثاني يخاف الله وما يفوّت صلاه في المسيد .. وهمومه قلّن بس بعد رفضته أم شمايل ..السبب لأنه هناء محيرينها لحسن ... وهو حاول وايد ويأس .. بس ما شي فايدة .. حتى حاول يتصل بها لكن البنية غيّرت رقمها من زمان .. وأكبر مشكلة سواها مانع بدون ما يدري ولا يحس انه عندهم دريول ثاني لكن جنسيته باكستاني وهو نفسه الباكستاني ناصر اللي يوّزع مخدرات على الشباب .. حاول هزاع كم من مرة انه يطرده لكن مانع منعه بدون ما يدري ليش طبعا ..بس كان هزاع موول ما يأمن عالبيت دامنه هالانسان موجود .. وطبعا لا مانع ولا هزاع يدرون انه ناصر هو اللي معتدي على شمايل واللي حاول يعتدي على هنود ويا ربعه .. وهو كان العقل المدبر لكن لا حياة لمن تنادي .. مسير الحي يتلاقى ..)

(اما عند زينة كانت انسانة حساسة والضغوطات اللي زادت عليها من قبل فاضل ومي ..)

• زينة : الله يخليك قولي مكانها .. انا ما يجيني النوم في الليل .. يحرم علية النوم وهنود بعيدة عني ..

• فاضل: هنود بالاصل ميتة وكله منج لو انتي ما ظهرتي فحياتنا جان كملناها ببساطة

• زينة تصيح : حرام عليك ..ام عيالك تجيني في الحلم .. توصيني على عيالها وانا أبجي ماعرف أرد عليها .. شنو أقوللها؟ أقوللها بنتج ماتت على ايد ابوها ؟ اقوولها ولدج حي مامات؟ اقوللها أبو عيالج شتت العايلة كلها من صغير لين جبير؟.. شو من الأبهات انته؟ حتى الحيوان فيه احساس .. لكن انته مافيك ذرة احساس وينك من ربك !! (وبعد كم من يوم كانت مخططة تسوي شي ..)

• مي: زينة؟ شو رايج اتردين بلادج وتيلسين فترة هناك؟ احس نفسيتج تعبانة ..

احلى البنات
12-07-2008, 11:43 PM
• زينة :ومن متى انا زينة؟ انا اسم زينة لكن احساس ماكو .. قتلوا اختج وما حسيتي ولا ذرفتي دمعه عليها لعنبوا انتي وأبوج من نفس الطينة مافيكم ذرة احساس !! ماتخافوا يوم من الايام ينقلب شي ضدكم؟

• مي بعصبية : حبيبتي لا تفكرين انه شي بيستويبي انا محصنة .. لكن ليش بسمع من وحدة رقاصة لا سارت ولا يت .. والناس يعتبرونها أميه ... وانتي بالاصل مب أميه .. انتي فنظري رقاصة ويا حلو هالاسم عليج يليق بج ..

• زينة بعصبية : انتي اشتريدين مني؟ فلوس؟ يلعن أبو الفلوس !!

• مي تفر على ويهها ملف : وقعي على هالتوكيل وحزتها بعتبرج أميه (وبكل قهر خذت الاوراق ووقعت وفرتهن فويه بنتها )

• زينة : مو توّج تقولين رقاصة؟ هذي فلوس الرقص .. خذيهن وشبعي .. حلال عليج لكن لا تتوقعين يوم من الايام اني اسامحج لا انتي ولا أبوج .. انا رايحة لبلادي

• مي: روحة بلا رجعه .. الله يقصف عليج بصاروخ ويشّلج

• زينة مروّحة : آمين !!!

(ومن أسبوع كانت دافنة عمرها في البيت تشغل عمرها .. لا صاحت ولا شي .. بس فكرت لو إنها تكمل شغلها أحسن بدال ما تفكر فأشياء تافهة ..)

• حسن يتصل بها : خير يا سارة؟ انتي شغلج بدا من أسبوع .. شو صار ؟ ليش ما حضرتي؟

• سارة : لو سمحت أريد أنقل مكان شغلي بليز ..

• حسن : ما مداج وانتي بعدج ما بديتي ..

• سارة : انا اطلب العفو .. ما اقدر أشتغل هناك

• حسن: انا ما اقدر .. على الاقل داومي شهر وبعدها قولي هالكلام وبنوافق ....

• سارة بيأس : ماتقدر تعفيني؟ بليز .. انا فورطة .. أبي أرد بلادي عندي كم من شغلة ..

• حسن : انتي إلتزمتي ويانا .. وما عندنا بديل لج وانتي وقعتي على كل الاوراق ..

• سارة : زين يعني أقدر اني مووول ما اطلع من المكتب المخصص لي؟

• حسن : أكيد .. لين يخلص دوامج

• سارة : خلاص على خير ..

• حسن : باجر الساعه 8 تكونين في المكتب تسمعين ؟

• سارة : اوكي..

(اليوم الثاني كانت سارة موجودة في الشغل واللي هو المكافحة .. وكان حسن أول الواصلين ..)

• حسن : ماشاء الله من الساعه 7:30

• سارة : I'm always punctual

• حسن : انزين تفضلي مكتبج .. (ويأشر لها للمكتب اللي مجابلنه ويدخلون )

• سارة : في ناس يحتاجون لهالشي؟

• حسن : أول شي تفضلي يلسي فمكتبج .. وثاني شي لا تتوقعين شغلتنا سهلة .. الضباط مهمومين بس متفانين فشغلهم لكن في محيط العايلة مهمومين ومحتاجين للمساعدة ..

• سارة : يعني بكون نيرس وطبيبة نفسية فنفس الوقت؟

• حسن : تقدرين تقولين هالشي .. بس كل شي له حدود .. مواضيع الشغل تنترك في صوب وانتي موقعه اتفاق ويانا انه.. ان تسربن أي معلومات بتخضعين للتحقيق

• سارة : انا قريت الاتفاق وانا بكامل قواي العقلية وراضية بهالشي ..

• حسن : أي شي تبينه هذا رقمي في البطاقة لأنه ممنوع دخول الطابق الثاني غير الضباط ..

• سارة : مفهوم .. ممكن طلب؟

• حسن : آمري ..

• سارة : ما ابا عيسى يدري اني موجودة ..

• حسن : شو السبب ... أووووووه لايكون هالسبب اللي خلاج ما تين؟

• سارة : آسفه هذي أسباب شخصية ...

• حسن : على راحتج ..والله يوفقج فشغلج ..

(اما سارة كانت حالتها حالة ما تبا عواس يشوفها او يتعرف عليها .. والضباط اللي كانوا موجودين مب شايفين خير كل دقيقة والثانية داشين عندها اللي يبا لزقة واللي يبا عايدين لكن معظمهم اكتشفت انه عندهم هموم تهد جبال .. اللي مديون .. واللي معاشه ما يكفيه .. واللي واللي واللي .. كانت تطالع عمرها وتقول انا ابويه سيناتور وعندنا خير وهذي البلاد اللي فيها كل الخير.. بعد عندهم ناس فقراء ويحتاجون للمساعدة.. ومن ناحية ثانية نسبة قليلة اييّونها عشان حالتهم العاطفية والله ما اعرف شو اشتري لحبيبتي فتضحك من خاطرها و مب كله مآسي وحزن .. بس يوم السالفة تي صوب عواس .. ماخذتلها عباة وشيلة وقايلة للريسيبشين لو ياء تتصل بها عشان تتحذر .. مع انه لو درا بيقول انه لاحقتنه .. والصدق انها قبل ما تقول انها تحبه كانت مقدمة على نفس الشغل وياه بس عشان تشوفه .. لكن أحينه المشكلة الالتزام .. تمت على هالحالة اتدوس على قلبها .. وكانت اتيها عروض زواج بس اكبر عنها بوايد من رياييل محترمين بس كانت تعارض .. وعواس ما يدري بها ..)

(مرت الايام بصعوبة على الاهل .. فراقهم عن هنود .. وأصعب شي كان بالنسبة لهنود .. اول شي تعيش فغرفة الفرّاشة كأنها مريضة .. تعامل كمريضة .. الابر المخدرة متلبسة جسمها تلبيس ..لدرجة وصلت لنهاية الجنون ما تتكلم ولا تعقد صداقة لا ويا الممرضات ولا الاطباء ولا تتكلم حتى .. كارهة عمرها .. تتذكر اكثر شي ايام صغرها وفرحها.. ودورة الحياة تدور .. وكلهم كملوا حياتهم .. وبعد سنتين ونص بالتمام اكتشفت مي السر عن طريق الصدفة ..)

• فاضل يتكلم في التيلفون : قلت لج ما عندي بيزات مووني مافي خلاص .. صبري علية لين أدبرهن لج !! اعنبوج ما تشبعين يامالج السم !! والله .. والله بزوالج ان ظهرتيها .. خبري انا ماعلية منج !! بس انتي اللي بتتسفرين بلادج !! مب انا اللي اعطي بنتي ابر ههههههههههههههههههههه

• مي ترمس شوي شوي : بنتي ابر؟ (وتشهق )هنود !!

• فاضل: لا بركتن فيج من فلبينية جلبة !! ماعليه صبري علية ان ما عجيتج في بلى !! انتي تبندين فويهي ماعليه !!

• مي تدخل على ابوها وترض الباب وراها : مالت عليك من أبو ..

• فاضل زاغ: اتغربلتي!! روعتيني !!

• مي: وين حاطنها؟

• فاضل: منو؟

• مي: لا تستهبل .. ولا والله بتصل على عواس وهو بيقولك انته منو

• فاضل انفضة جاسته من قالت اسم عيسى: جاب يالله جاب لأصكج كاف على ويهج !!

• مي: لا تتحراني هنود ولا غريبة بينصاعون لكلامك وبيسكتن.. انا لساني أطول عن لسانك .. انته جرب بس مد ايدك وصدقني الشرطة بتسحبك شرا الجلب اليربان !!

• فاضل: والله وظهرلج لسان يا بنت العراقية !!

• مي: هيه والله ظهر .. بتقول ولا اتصل على ميود ؟

احلى البنات
12-07-2008, 11:45 PM
• فاضل يضحك : ههههههههه راويني شو بتسوين يالياهل ..

• مي تبتسم وتتصل: اممم .. (وتصيح وتزاعج ) ميييييييوووود .. الحق علية .. أبويه يبا يجتلني !! هيه والله .. مثل ما جتل هنود يبا يجتلني !!

(ويسحب الموبايل من ايدها ويبنده )

• فاضل فوّل: يالجلبة !! شو تسوين !! انا ابوج تبين تمشكليني ويا اخوانج؟

• مي: ان ما قلت صدقني لطرطر ثيابي واكشش شعري وصدقني بقوللهم انك ضربتني وبدون سبب .. وعادة هالمرة بيصدقوني لأنك ماشاء الله تبارك الرحمن .. اشتهرت في الشرطة .. يوم انك فريت بنتك فهاكي المستشفى .. بتقول ولا؟

• فاضل يضرب بإيده عالباب : فمستشفى الامل .. استرحتي؟

• مي: لا بعدني .. اللي اعرفه انهم ما خلوا مكان وما حصلوها وين خشيتها؟

• فاضل: فغرفة الفرّاشة .. بس حولتها خلاف لحجرة ثانية ..

• مي: سنتين وداخلين عالثالثة يالظالم !!

• فاضل: كان لازم تموت وتفكنا بدال هالصدعة وبدال ما تلهط بيزاتي هالفلبينية !!

• مي: مثل ما قصيت علينا هالكم من سنة .. انا تراني ما اتصلت فميود .. كنت متصلة اطالع الساعة كم .. ههههههههههه (وتربع لحجرتها تمت تفكر )

• مي فخاطرها : وحليلها زينة روّعها أبويه .. وانا استغليتها .. أصلا لو ما سارت بلادها .. صدق ما باخذ براحتي .. وانا تحريت هندوه شاردة ويا واحد غير عن رشود .. أويييه أحينه حانت لحظة هالشي .. وبعدها بيطلبوني أكون مذيعه .. ( وتبتسم ابتسامة انتصار ) ييتي يا هنود والله يابج .. انا كنت مأجلتنها عشان ما عندي غير صورة وحدة لج .. لكن أحينه بسويها وبتكونين ويايه .. هههههه بيقولون عنا توائم .. الله كشخة !! باجر الا أطلعج .. (وتتصل تحجز موعد حق العملية لباجر وكانت اتكلم الدكتور .. وبعد ألف يا ويلاه رضا يسويلها .. لأنه جدوله مزدحم .. أصلا لو ما قالت بتدفعله زيادة جان ما طاع يسويلها هالفترة ..) مب جني أنانية ؟ أفكر بالعملية وكل شي .. وأنسى أختيه واللي عانته؟ ماعليه بعوّضها عن كل شي .. وانا بعد بتعوّض عن كلمة خسيفة .. (وتبتسم .. وتتصل بربيعتها عشان تعطيها الفلوس حق الفلبينية اللي بتظهرها .. وتعّنت وحصلت رقم الفلبينية طبعا من أبوها اللي استكان وخصوصا كانت تسكته بالبيزات .. وباجر بتظهر هنود وبتلقى الحرية)

(عند سعيد وعواس في المقهى )

• سعيد يشّل شلة : اذا طرفي مع طرفك تقابل .. تصيب القلب رعشاتن قوية ..

• عواس: ياعيني عليك !! مافيك حيلة .. ياحظها بس ..

• سعيد : منو؟

• عواس: اللي تشل حقها ..

• سعيد يبتسم ويسوي عمره منشغل بطربوشته :تقدر تقول اعجاب من طرفيّة ..

• عواس : شيخ .. طول .. عرض .. جمال .. وهيبة .. وبعد من طرف واحد ؟ أسميها ما تستحي ..

• سعيد : ههههه عيبتني ..

• عواس: وين اتعرفت عليها؟

• سعيد : بعدني ..

• عواس: اتمصخر حضرتك؟

• سعيد : لا والله اتكلم جد .. شفتها في التلفزيون ..

• عواس يضحك : أحينه بتقولي نانسي ولا هيفاء ..

• سعيد :لا ما وصلت لهالمرحلة من الخبال ..

• عواس: يا ريال خبرني انا اخوك .. من زمان ما سمعت بقصص حب ..

• سعيد : والله مب حب

• عواس يقلد سعيد : تقدر تقول اعجاب ..

• سعيد : هيه تقدر .. شفتها مرة في الاخبار .. مادري مع انه شكلها أقل من العادي .. كان عايبني فيها اصرارها انها اتكمل الحوار .. كانت اول شي زايغة واتأتىء وخلاف اتعودت أذكر أول مرة أشوف مذيعة أخبار اتغلط وتقول يا عيوني هههههههههههههههه واختفت فجأة ..

• عواس قلبه يدق بزياغ : شش شو اسمها؟

• سعيد : مي

(عواس اتغير ويهه )

• عواس: أوووه !! سعّود !! اقول انا برد البيت مواعد الاهل عالعشا

• سعيد : خلاص اوكي ..

(وعواس في الموتر )

• عواس فخاطره : ميوه؟ كل ما احاول انساها شي يردها .. كل تصرفاتها لها مبرر .. خصوصا لأني كنت محد عنها .. كانت تكسر بخاطري كل ما اتذكرها .. أتوله عليها وعلى شطانتها .. ويوم تتجاتل ويا ميود .. ويوم أحايز عنها تقولي .. آسفة يا عيوني .. كنت أدري انه محد بيي بيخطبها .. بس كنت أنا سندها .. وأحينه خليتها روحها .. من سنتين تقريبا ما سمعت صوتها .. وأحينه أخويه وأقرب الناس لي يدوّرها ويباها .. آآخ يا سعوّد .. لو تدري بس .. لو تدري انها أختيه .. يالله يا فضيحتنا .. (وأول ما وصل البيت ) السلام عليكم ..

• مايد : عليكم السلام ..

• عواس: وينهم العرب؟

• مايد : وديتهن العرس ..

احلى البنات
12-07-2008, 11:46 PM
• عواس : ورشود؟

• مايد : هاكوه منخمد .. ترا نحن واعدينه بنعلمه يسوق البوشنب ..

• عواس: هههههه هزره بيعرف؟ بيكمل ال6 سنين .. شو رايك نيبله بو شنب لعبة؟

• مايد : جييه تتحراه سهل؟ نحن متى متعلمين السواقة؟

• عواس: على ما اظن يوم نحن 5 سنين .. تحيدها دجة قوم اميه ميثاء؟

• مايد : هيييييييييييه هههههههههههههههه لازم واحد منا يركبها بالموتر ويكسر دجتها .. وانا بعد لاحظته يوم أسوق روحه يشتط .. أونه مواعد نشيبتنا بيوديها العزبة كل يوم ..

• عواس: طالع فهيم على اخوه العود ..

• مايد : عدال عدال يا ولد اوناسيس ..

• عواس: منو ها؟

• مايد : ولد عم بروناي ..

• فطيم داشة : انتوا هنيه؟ طلعوني !! الرحمة !!

• عواس: انا تعبان وفيةرقاد ..

• مايد : وانا بعد ..

• فطيم : انا عيل مروحة البيت (وعواس يغمز لميود عشان يسير وياها )

• عواس فخاطره ويسوي بعيونه لميود : يالدب وصّلها البيت !!

• مايد فخاطره ويسوي بعيونه : شو؟ شو تقول؟ (يسوي عمره أهبل )

• عواس عصب: درام واحد !!! (صدت فطيم) طوفي بوّديج البيت !!

• مايد : جازورا واحد !!

• عواس يمسح ع ويهه : خلني أرد وانا براويك شغل الله ...

• مايد يضحك : حشا مسحة برقع مب تحلّيف هذا !! حوووه حوووه سارت عتك إلحقها !!

• عواس يلحقها : إيييه شوي شوي

• فطيم : خليتك .. شكلك وايد متوله على أخوك ..

• عواس بغياظ : وااااااااااااااااااااااااايد !!

• فطيم : طالبتنك بطلبة .. ابا اسكريم

• عواس: انزين اتريييني هنيه ما تحركين ..

• فطيم : من عيوني

(عواس سار ويوم رد ما حصلها )

• عواس: انا قايللها ما تتحرك (ويدخل البيت يدورها .. ويسيربيت قوم نشبة ويدق الباب وايد ومحد يرد ..) وين سرتي؟ الله يستر بس !! (وقلبه يدق من الزياغ عليها .. ما خلا مكان ما دوّره ..هو عمره ما اتصل بها بس هالمرة داس على قلبه واتنزّل واتصل .. وسيده ردت )

• فطيم منفعلة : عوااس..

• عواس: وينج؟ اتغربلتي من بنية مب قايلج ما اتحركين ؟ لازم تكسرين كلمتيّة؟

• فطيم تصارخ : إلحقني .. واحد باكستاني يلعوزني انا في الساحة !!

(عواس يربع شرا المينون وفر الاسكريم من ايده .. بيخسر فطيم .. بتستوي حادثة شمايل للمرة الثانية .. وعاقد العزم اللي بس يحط ايده على فطيم ليذبحه لو يكون اللي يكونه ..)



(وهذا كان البارت الأخير بس مب الحلقة الاخيرة .. يعني على الله ان شاء الله بعد شهر بالكثير بينزل البارت ال 85 )

غموووض
13-07-2008, 12:46 AM
تسلمين اختي على البارت الحلو
وايد احداث صارت فيه
الله يعطيج العافيه
تروحين وتردين بالسلامه
في انتظار البارت الياي

السولعيه الحلوه
14-07-2008, 07:44 PM
تسلم ايدج على البارت الفنان...

اتوقع انه فطيم تجذب على عواس عشان ايسير لها...

هنوده الله يكون في عونها ويرحمها من هذا الابو حشى مجرم مب ابو...

مي صدق نذله طالعه على ابوها متحجره القلب...

تسيرين وتردين بسلامه ...

نتريا البارت الاخير على نار....

الفراشة
15-07-2008, 02:50 PM
http://www.alsayadup.com/get-7-2008-y032a13m.gif

اسجل حضور بس لين ماتكتمل القصة بقرئها كلها :)

وتسلمين ع القصة شكلها مشوقة وايد

http://www.alsayadup.com/get-7-2008-y032a13m.gif

احلى البنات
26-08-2008, 11:50 PM
(الجزء 85)

(ويربع عيسى شرا المينون صوب الاستراحة .. وقلبه بيطيح من مكانه من الزياغ .. من وصل شاف فطيم يالسه وحاطة ريل على ريل ومجابلتنه وفاطسة من الضحك الا محمر ويهها ...)

فطيم : هههههههههههاااااي والله وعرفت أييب راسك يا عواسي !! ثرك اتحبني !! والله لو تشوف ويهك هههههههههه آآآي بطني ماروم !!! (وهو منصدم وواقف يطالعها ) شفت انك اتحبني .. كنت واثقة .. ليش هالجفا .. عواس .. دامنه قلبي يبا قلبك متى بتخليه يحدر؟ (عواس محمر ويهه ومفوّل عليها ويتها صفعه قوية عجتها عالارض .. ) آآآي !!!

(ويسحبها من عباتها لين بيتهم وكانن العيايز توّهن يايات من العرس .. والخلق يطالعون عواس وطريقته .. وفراها في الصالة .. وكانوا منصدمين ..العيايز يترابعن وراه )

ميثاء : ويدي عواس ابويه شو مستوي؟

نشبة : بلاها بلاها شو مسوية؟

اليد حمد قام من مكانه : شو ياك؟

مايد طالع من المطبخ وفحلجه سندويج ويرمس والاكل فحلجه : بلاكم؟

عواس: تشوفون هذي؟ يبتها لكم لين هني .. لكن والله من بعد اليوم ان خطت هالبيت لأرد وأفرها خاري

حمد : جيه؟ بلاك حامق جذيه؟ شو سوّت البنية؟

فطيم تترجى : عواس والله كنت اتمصخر مادري انك خذتها جد والله ..

عواس: انطبي .. لدوسج لعنة الله عليج من وصخة !!

حمد : شوف عواس ان ما حشمتورمست عدل .. انته اللي بتطلع مب هي !!

عواس اوووهوووه !! انا اللي بخلي لكم البيت بكبره .. نسيت اني انا الضيف !! (وطلع ورض الباب وراه )

حمد: فطموه !! شو سويتي عنلات صيرج من بنية !! (فطيم صخت .. اما عواس ما ودته سيارته الا البر .. تم يصيح شرا اليهال متحسف على حبه .. حب وحدة ياهل .. )

عواس: الله يغربلها مثل ما غربلتني فحياتها .. يعلها ما اتهنى !!

(الاهل يبون يعرفون شو السالفه وحاولوا بكل طريقة ويا فطيم ماعرفوا .. لأنه لو فطيم خبرت صدق بتنطرد من بيت قوم حمد .. اليد حمد موول ما يحب هالسوالف وخصوصا لأنه اتأذى من سالفة الاعتداء .. تم عواس حامق وايد ويتجنب اتصالات الاهل طول الليل ومرات يغلقه بحسره .. وبات ففندق جريب من شغله .. حتى سعيد حس انه شي متغير فيه .. اما اليوم الثاني نشت مي من الفجر اتلبست واتجهزت وكانت فنفس الوقت زايغه .. بسبت العملية )

(اما مي سوّت اللي في بالها ..البيزات عندها شرات الماي .. دفعت للفلبينية وظهّروها .. و طلّعت هنود من المستشفى.. وحصلت اختها مي مجابلتنها.. تمت هنود مبهته تطالع اختها ..ومي كانت حاضنتنها بلهفه ..كانت هنود هادية وتطالع مي اللي شكلها اصغر من هنود من المكياج ..)

(وكان اليوم هذا يوم تخرج هناء وحاطة آمالها انها تاخذ عواس .. توقعت انه طيبته وحنّيته عليها انه هو يحبها وفيوم من الايام طلعت النتيجة ونجحت وعواس كان ياينهم وما نسى وأول ما دخل البيت )

عواس: ألف مبروك ما بغيتي تخلصين يالعروس؟

هناء احمر ويهها : شفت؟ وأخيرا يالله خبرني وانا من سنتين أحايلك تخبرني .. وطافن السنتين وتخرجت ويبتلك الشهادة .. هاكيييه ..

عواس : أقولج سر ؟

هناء : فبير

عواس: في حد طالبنج للزواج وأمج محيرتنج له من سنتين

هناء احمر ويهها من الصدمة : شو قصدك؟

عواس : الاهل كلهم يدرون لكن ما علمناج عشان ما تفكرين في العرس وتنسين دراستج

هناء : منو ها ؟ انته؟

عواس : وين الله يهديج ..انا شيبة بالنسبة لج.. بس ربيعي في الشغل رايدنج اسمه حسن

(وهي اعتفس ويهها )

هناء: انا ما ابا اعرس !!

عواس اتغير ويهه : ليش ما تبين؟ شو ناقصنج انتي؟ جمال ومال وحسب ونسب وأصيلة منو ما يتمناج؟

هناء معصبة : ياخي ما ابا اعرس !! مابا اعرس غصب هو؟

عواس يبتسم : هذي هي هدية النجاح اتفضلي .. (ويعطيها فإيدها القلب ) وفكري بالكلام اللي أقولج لأنه أمج عاطية كلمة للعرب وصدقيني لو عندج سبب وجيه صدقيني وقتها بوقف فصفج .. يالله فمان الله..

هناء: لا!! تم شوية !!

احلى البنات
26-08-2008, 11:52 PM
عواس: ورايه شغلة .. أشوفج على خير .. (ويتصل فشمسة ويخبرها بكل الي صار مع انها وياهم في البيت بس كانت مشغولة في المطبخ ..وبخبركم شوي عن شمايل كانت مقسمة وقتها هالسنتين الصبح تشتغل فدار المسنين ..اشتغلت كم من شهر عمل تطوعي وخلاف حولولها شغل أساسي وبراتب مرتفع بعد ..اما العصر تكمل علاجها النفسي .. كانت فتطور من غير عقلها يكبر وينضج .. ويحب يفهم .. وفي الشهر مرة كان يزورهم ميود ويطلع عنهم راضي مرتضي ..وخف عنها الوسواس لدرجة اللي يشوفها يشوف شمايل القبلية الحنونة الطيبة الرقيقة .. اللي ما تقول لا لحد .. بس لين الحينه محد يدري عن ضرابة امسات بين فطيم وعواس )

(وعند مي وهنود)


مي : سمعيني عدل يا هنود .. أحينه سيده بنسير عند جراح التجميل تسمعيني؟

هنود فخاطرها : انزين وبعدين؟ يالله يالشمس .. توّني مظهره من المستشفى وبتوديني عند جرّاحها ..

هنود تكتب : وبعدين؟

مي: خلينا نوصل أول .. (وكانت هنود تتصدد يمين ويسار مفتقدة كل شي .. صوت السيايير أشكالهن .. المحلات .. الأوادم .. كل شي ..)

هنود فخاطرها : يوم يقولون الحرية نعمة .. والله أسميها نعمة ..

(ومن وصلوا عيادة التجميل ..)

طوني : ياأهلا وسهلا بالموازيل ..

مي تمد إيدها : الله يسلمك ..

(وهنود ما طاعت اتمد ايدها مستعجبة من تصرف مي ..)

طوني : اتفضلوا .. اتفضلوا .. تأبروا عظامي .. شو بتحبوا تشربوا؟

مي متوترة : ما نبا شي .. متى بتسويلي العملية؟

طوني يطالع جدوله : نحن حددنا اليوم صح؟

مي : عيل شو؟

طوني : إيييه والله اليوم .. بس انا راح أعملك إياها بالمستشفى التخصصي قريب منا ..

مي : على بركة الله .. انزين يالمخ.. بتسويها بدون ما تشوف البنية؟

طوني : تأبريني انا شفت الصورة وحددت كل شي .. بس قلت أشوفها عالطبيعه ..

مي: هندوه عجي اللثامة .. (وهنود يوم عجتها ..)

هنود فخاطرها: الله يستر ..

طوني يطالعها : لك تأبريني ليّكي ميس ليبانون وانا ما عم بعرف مين إدامي!! يأبشني هالوش ..

هنود تكتب : هذا ياي يغازلني ولا يطالع ويسوي شغله؟

طوني: عزيزتي رفعي دقنك شوي؟

هنود فخاطرها :أسميه لغاي (وهو يكتب ويتفحص ويهها .. وهي محمر ويهها من الاحراج ..)

طوني: شو رايكن نتوكل بسيارتي للمستشفى؟

مي: يالله عيل .. (وركبوا فموتر جاغوار ..)

هنود فخاطرها : والخيبة !! هييييييه هييييه ثرهم العرب مطيّحة عنده من العمليات .. (وهنود اتطالع اختها ومستانسة لها من الخاطر لأنه بتخف عقدتها)

(خذوا 5 دقايق ووصلوا .. ودخلوا مي غرفة وهنود وياها .. شخّط الريال بقلمه على ويهها ..)

مي: ياخي ليش خربت ويهي؟

طوني : بعد العملية راح تعرفي السبب ..

هنود تكتب : شو حالها زينة؟

مي: بخير .. من هاكي اليوم وهي ميّلسة فحجرتها لا تهش ولا تنش ..

هنود تكتب: ليش شو استوابها؟

مي: من درت انج ميتة وهي جذيه لين يومج ترمس بأشياء هب مفهومة .. اتخبلت !! اتخبلت !! شراتج !! اقول سيري ترييني برع ولا تخليني !! يوّدي بيزات جان بتاكلين شي (وتعطيها 100 )

هنود منصدمة من كلام اختها وطلعت : الله ياخذج يا ميوه !! يالجلبة !! أحسن لي أرد ليوا .. بس ياربي انا ما أدل بيتنا .. من زمان ما طلعت من المستشفى .. الله يغربل هالذاكرة ..

(أول ما ركبت التكسي ..)

هنود : بابا سير ليوا ..

راعي التكسي : ماما مافي معلوم ليوا .. وين مكان؟

احلى البنات
26-08-2008, 11:53 PM
هنود : ياهي وهجة !! انا ما ادل وهو ما يدّل !! (نزلت وتمت يالسة عالرصيف تتريا مواطن يخطف .. أي حد ..) اعنبوا يوم ابا أسأل مواطن عن الطريج ما أحصّل ولا واحد؟ عفانا الله .. لحظة بسير بيت قوم رشود .. محد بينفعني غيره هو وعايلته .. انا اصلا مالي حد غيرهم .. اخافه يطردني شرات ما سويت به .. لالالالا رشود ما يسوي جذيه رشود امبونه طيب .. (ركبت التكسي..) بابا سير هذا مكان ............. (وخذوا نص ساعه من الزحمة ..وعند الوصول ) وقّف وقّف !! (وكان ريال عاطي ظهره ويكلم حرمة ) ماشي غير نسأله (وتلثمت ما تبيّن غير عيونها ) بابا سير عند هالريال !!

(وتنزل الجامة )

راشد : هههههههه أسميج انتي .. معذورة .. معذورة ..

ميرة :شو أسوي ماروم أفج عنك ..

هنود : لو سمحت .. (ويوم صد راشد اثنينتهم انصدموا .. وهنود شرا المضروبة ع راسها وقامت دموعها ينزلن ماتوقعت انه هو يكون وواقف ويا الحرمة .. لا وبعد ردت بذاكرتها للكلام اللي طنشته قبل شوي .. وقامت تضرب بإيدها عالسيت اللي جدام ..) بابا !! بابا اتحرك دهديه !!

راشد: هنيد؟؟؟!!! (واتحرك التكسي وهو شرات المينون يربع وراهم وخذ موتره بيلحقهم ) والله ما افرط فيج !!

هنود فخاطرها : لابركتن فحب(ن) حبيتك ..انا جذيه تسوي بي؟ انا فشو ضريتك؟ قلت لك ظهرني .. قلت لي مريضه .. ثره الا عذر عشان تجابلها يامالها السم ان شاء الله .. انا تحرق لي قلبي يالخايس !!! ماعندك ذرة أخلاق ولا ذمة !! لاعمري عجين عليك أي كلام .. بس المسبه تستاهلها !!والله تستاهلها !!

(ويوم وصلت سيده سارت اتدوّر غرفة مي .. وعند الاستقبال ..)

هنود تكتب: ابا اعرف غرفة مي فاضل !!

الموظف : نحن طلاليب ما ندخلهم !!

هنود تكتب : انا اختها مب طلابة !! (وشوية وبتحفر القلم فإيده )

الموظف : شفتي عمرج في المنظرة ؟ هاااه؟ (واتطالع عباتها الخايسة ومب مرتبه ولا مكوايه ) ماماتي هذا مستشفى محترم .. تسمعين؟ (ويصفق بصبوعه ) سيكيوريتي !! please come take this trash (ويسحبونها لين برع )

هنود: انا يدقوني رياييل ويفروني برع؟ لكن والله وهذي حلفة جان انا وراكم كل واحد منكم بياخذ يزاه مني والله.. انزين انا وين أضرب براسي؟ (يلست عالرصيف ..)

العنود ترمس في التيلفون : هلا حبيبي .. توّني ظاهرة من عند الدكتورة .. لالا ما قالت شي بس قالت ارهاق .. (وتشوف هنود ) لحظة حياتي .. بلييز .. انتي !!

(هنود قامت )

هنود فخاطرها : ياربي انا شايفه هالويه لكن ما ادري وين !!

العنود تأشر :ما تسمعين؟ (هنود تسويلها حركه انها ما تتكلم ) أها اوكي .. انتي شو تسوين هني؟

(تسويلها حركه انها تتريا اختها بس العنود ما فهمتها )

العنود : اها انتي من وين؟

هنود فخاطرها : من ليوا .. (واتأشر لها بعيد بعيد )

العنود : أها .. اندونيسيا ؟؟ انزين .. تشتغلين عندي؟

هنود منصدمة وفخاطرها: بشكارة؟

وانتظروني لأني مكملة ان شاء الله القصة فرمضان وما بقطع

احلى البنات
01-09-2008, 11:55 PM
(الجزء 86)

• العنود : بلاج اتلفتين؟ مب عايبنج؟ بعطيج 1000 درهم ..

• هنود فخاطرها : انا على آخر هالزمن .. أضيّع عمري وأشتغل بشكارة؟

• العنود : تبين ولا لأ؟ يالله بسرعه حرقتنا الشمس !! (وكان راشد شاخط ويل .. وسيده هنود عرفته .. وتهز راسها موافقة .. كانت زايغة حزتها وفنفس الوقت عايشة الخيانة وكان قلبها يعورها وفخاطرها تصيح .. بس الحرمة مجابلتنها ..) انزين يالله اركبي دهديه ورانا شغل .. ( وهن توّهن راكبات ..) ويه ويه ويه !!جيه اميه؟سيري يلسي جدام ..

• هنود فخاطرها : نسيت اني بشكارة .. مصخرة والله هالزمن !! بس خليني اتفجج منها .. خلاف بشرد عنها .. انا بس ابا الفكة من رشود ..

(اما عند راشد )

• راشد نازل من الموتر : وينها ؟ والله ما انسى هالعيون !! (وقلبه يدق ) ياربي !! وينج ياهنيد !! والله لأحصلج !! ليش تشردين مني ؟ سنتين وانا ادورج واحينه تشردين؟ ( تم يحوص ويدوّر .. ماحصلها مع انها كانت جدامه بس ما لاحظها لأكانت ياية روحها ) أووووففف انا غبي !! تحرتني رديت لميروه !! ياغبائي !! لازم أصلّح هالغلطة وأفهمها !!

(وعند عواس في الدوام )

• سعيد : عواس؟ في الشارجة بيت يستخدمونه الاجانب حق السم هاكي وبتداهمه انته وفرقتك ..

• عواس: ان شاء الله .. ياحبي حق هالسوالف .. أشوف الملف ؟

• سعيد: شي فيك متغير .. مادري اشوووه هو ..

• عواس: عاشق لي بنية ههههههههه ماروم أرقد الليل بسبتها ..

• سعيد : هذيجي البنية اللي من أهلك مسوتبك جذيه؟

• عواس: ههههههه لا وحدة غيرها .. يالله اترخص .. (وهو نازل كانت سارة طالعه من حجرة المعاينة .. تلاقت عينها فعينه .. سيده حطت الشيلة على ويهها وردت الحجرة ) ياويل حالي منو هالغزيّل ؟ شل غشاه وشفت عينه تبتهل ههههه ( وكان فيه فضول الا يعرف منو هاي .. وسار عند الاستقبال ) نورة ؟ شو تسوي هالغرشوبة عند النيرس ؟

• نورة تضحك : عيبتك ؟ هههههههه هاي النيرس بعينها ..

• عواس منصدم : والخيبة !! هاي النيرس؟

• نورة : ههههههههه يالمغفي ...

• عواس : من من من فرّت راسي حسبي الله عليها .. من متى تشتغل هني؟

• نورة : وييييه من سنتين ونص ..

• عواس: والعثرة !!!

• نورة : تعثر العدو ..

• عواس: وانا ليش ما شفتها ؟

• نورة : اسأل عمرك الغالي

• عواس: هيه والله ( ويمارج لها ) الغالي هاااه؟ اخبر عليج ريلج؟

• نورة : ارحمنا الله يهديك مافينا ع حشرة عبيد .. وانا الا اختك الصغيرة مووووو؟

• عواس : مووووووووو (ويمارج مرة ثانية ) معرسة ؟

• نورة : لا هب معرسة ..

• عواس متلهف : عيل عليها !!

• نورة : تراها مب مال سوالف المغازل .. منو خربك ياخي ؟

• عواس : اتمصخر يراسج ...

• نورة : هاي لو تشوفها يوم عيّنوها شو سوّت .. جلبت الطابق كله .. الا اييك ضابط ميروحة ايده ولا اللي يبا لزقة .. ومن يلزق خلاص لزقة سلمباس .. (وهو يضحك ) طوابير طوابير !! لين ياهم الضابط سعيد وعطاهم من هاكي الزين ..

• عواس ميت من الضحك : ميّوعين مب أوادم !!

• نورة : وحضرتك؟

• عواس: حشا علية !!

• نورة : والحشا عن ألف يمين .. ماتباني أدور لك عروس اتلايا وياها ..

• عواس : بعدني صغير ..

• نورة تضحك : يوم بتكبر علمني عشان أدور لك عروس على قد عقلك (ويرن التيلفون ) لحظة .. ألو .. هممممم .. هيه .. هيه .. ان شاء الله .. (وبندت وهي تضحك ) هههههههههه ثركم اتعرفون بعض؟

• عواس: منو؟ الغزيّل؟ لا والله .. أول مرة أشوفها فحياتي ما بهرني الا جمالها .. ليش؟

• نورة : هاكي اتصلت تسأل عنك !!

• عواس: حلفي هههههههه ياعيني عليك يا عويس !!

• نورة تضحك : أســــميك ..

(وهي يالسة جدام والدريول يطالعها ..)

• هنود فخاطرها : ياربي .. الله يلعنك من دريول مهاروم !! غض النظر كلاك السم !!

(ووقفوا في بيت قوم ام مانع .. وتركب العيوز)

• ام مانع: لا إله الا الله .. السلامن عليكم ..

• العنود : وعليكم السلام

• ام مانع: منو الحرمة؟

• العنود : بشكارتي اليديدة .. (وحمقت هنود أكثر .. )

• ام مانع: زين يابوج جيف حالج امايا ؟

(هنود صدت اتطالعها وتشهق من الصدمة ..)

غموووض
02-09-2008, 01:07 AM
الحمدلله على السلامه اختي
ومبارك عليج الشهر
تسلمين على البارتات الحلوه
مسكينه هنوده وين ماتطقها عويه
ماراحت الا مع العنود
لو مكمله طريجها لين بيت اهل راشد ابرك لها
الله يعطيج العافيه
في انتظار البقيه

احلى البنات
03-09-2008, 11:20 PM
[SIZE="4"][FONT="Arial Narrow"][B](الجزء 87)

(ومن ركب عواس موتر الشغل .. يشوف انه اللي يسوق ..)

عواس : انته؟

مانع: شحالك عيسى؟

(وكان شكل مانع باين عليه التعب .. شكله شرات المتعاطي .. بس كان متعاطي هموم ..)

عواس : شغّل !! شغّل خلنا انروّح !!

(مانع حس بالقفطة )

مانع : ان شاء الله

(وداهموا المكان .. واستوت الضرابة .. لأنه في منهم شردوا .. وواحد من الاجانب كان يحاول يشرد ويطّر إيد عيسى بالسجين ..)

عواس يتويع : آآآآي !!!

(ويربع له مانع )

مانع : انته بخير؟

عواس : إلحقه وزخه !! ربي ياخذه !! آآآخ !!! (وهم رادين )

مانع: إلا أوديك المستشفى ..

عواس : مافية شي ..

مانع : انته اتخبلت؟ طر وهالطول !! وما بتسير يخيطونه لك؟

عواس: متعود .. يوم بنرد المكافحة باخذ لي كم من لزقة ..

مانع : يا ريال اسمع كلامي ..

(وكان عواس راص على ايده عشان ما ينزف زيادة ..)

عواس: الشور مب لك تفهم؟

مانع: حاضر سيدي !!

(وردوا المكافحة.. اما عند هنود .. كانت منصدمة وتوّها بتقول اسم ام مانع .. انه الدريول يضرب بريك )

ام مانع: ويه ويه ويه !!

العنود : حسبي الله عليك !! عــمّي ؟ ما تشوف؟ (ودعمت هنود الجامة )

ام مانع: نزّل الجامه .. نزّل !! خلني ألعن أبو خامسه !! عنلات صيره !!

العنود : كمّل طريجك يا جعفر .. (وتمت هنود ماسكة راسها على ينب تتويع )

جعفر : زين ماما

ام مانع : الرب الا حفظنا ..

هنود فخاطرها : ام مانع؟ كيف جذيه؟ وييييييييييييه يالعالم كيف صغير .. هذي العنود أخت منّوع !! انا لازم أرمس ام مانع .. هي اللي بتوصلني عند اهلي .. محد غيرها .. لازم !!

(وعند هناء )

هناء : أميه الله يخليج مابا ..

شمسة : بلاج عالريال ؟ شو مسوّبج؟

هناء: ماشي والله ما اعرفه ..

شمسة : لا يكون رديتي على سوالفج؟

هناء: حشا علية !! (وكانت شمايل في الحجرة وظهرت )

شمايل : أميه الله يخليج لا تغصبينها ..

شمسة : وانتي واقفة فصفها بعد؟

شمايل : لا تغصبينها .. تراج خلاف بتندمين ..

شمسة : انتوا خاشين عني شي؟

(هناء وشمايل يطالعون بعض )

هناء: والله ما شي ..

شمسة : عيل اتجهزي الاسبوع الياي بنرد ليوا عشان اييونا العرب

هناء تصيح : أمييييه !!

شمسة : جاب ولا كلمة ..

هناء: مابا !! مابا !! (وتسحبها شمسة من كشتها لين الحجرة وتقفل الباب )

[COLOR="DeepSkyBlue"]شمسة تزاعج : انتي ما تيوزين؟ ماتبين الستر؟ الله ياخذج من بنية !! فاضحتنا !!

شمايل : أميييه بطلي الباب !! الله يخليج بطلي ..

شمسة بطلت الباب : عقليها ولا والله لأجتلها !! تسمعن؟ اثنيناتكن بتنغسلن !!

احلى البنات
03-09-2008, 11:22 PM
شمايل منزلة راسها : ان شاء الله ..[/COLOR] (ودشت عند هناء )

هناء : شمايل !! شو أسوي؟

شمايل : ياختيه شو رايج أعلّم أميه؟

هناء: عن شوه؟

شمايل تلعثمت وزاغت فنفس الوقت : هااه؟ لالا ماشي ..

هناء: طلعي وخليني روحي .. (وعقب الصياح ) الا أسويله . (وتتصل لهزاع بسكان مغيّر رقمه ) الله يلعنك (خلاف سوّت حق ناصر ) نصّور ؟ اسمعني عدل .. اتطلع لي رقم هزاع من تحت الارض .. اشوووه؟ انته تشتغل عندهم؟ زين .. زين .. عيل عطني الرقم دهديه .. زين.. (ومن بندت عن نصّور .. تتصل لهزاع ..) ألو .. السلام عليك ..

هزاع : عليكم السلام ..

هناء : شحالك هزاع؟

هزاع: بخير ونعمه .. منو بغيتي اختيه؟

هناء: انا هناء .. نيستني؟

هزاع منصدم : هنوه؟

هناء : هيه هنوه حرمتك ما وحالك نسيتها؟ ولا وحدة نسّتك؟

هزاع: غريبة !! شو بغيتي؟

هناء: هزاع .. (وتتوسله ) دخيلك .. بنفضح .. دخيل اغلى شي عندك .. استر علية .. الله يخليك ..

هزاع: انا اعرف شو فخاطرج .. بس يا هنوه شو تبيني أسوي زيادة؟ يوم خطبتج أكثر عن 5 مرات بعد تبيني أرد مرة ثانية ؟

هناء : انته تبا اتدمرني؟

هزاع : نحن دخلنا فدوامة وعجينا عمارنا فمشاكل وانا وربي شاهد علية اني ما هديتج .. بس غلطة نحن غلطناها لازم نتحمل نتيجتها .. ماأدري ليش أمج رافضتني ..

هناء: لأنه محيريني لحسّون الجلب !! الله يخليك لآخر مرة أترجاك ..

هزاع: اففف .. خلاص ان شاء الله بحاول من خاطري .. وهالمرة بيي انا ومانع تسمعين؟

هناء تبتسم : ان شاء الله .. من عيوني.. شكرا والله شكرا ..

هزاع: عفوا ..

هزاع فخاطره : انا ما أسوي هالشي عشان حلات ويهج .. بس عشان ما تنفضح عايلتكم كفايه اللي عانوه بسبتي ..

(اما عند شمايل )

شمايل ترد ع تيلفون البيت : ألو؟

مايد : مرحبا الساع ..

شمايل: مرحبا مليون (قلبها فز من سمعت صوته )

مايد : شحالن كلن بحاله؟

شمسة : منووه يا شملوه؟

شمايل: أميييه ميود مسوي ..

شمسة : عطيني اياه ..

احلى البنات
03-09-2008, 11:23 PM
مايد : لاء لاء لاء ليش ياحرمة؟

شمسة : مرحبا ..

مايد: هلا خالوه ..

شمسة : شحوالك يابويه؟

مايد : أحوالي طيبة .. خالوه تراني ياينكم .. وعندي كلام لج ..

شمسة : حياك الله .. (ومن وصل .. كانت شمايل حادتله عند الباب ..)

شمايل تبطل الباب : مرحبا مليون ..

مايد : يالله ردت الروح ..

(اما عند مي بعد 3 ساعات نجحت العملية بس كانت منّومة ومحد كان وياها ..اما في المكافحة ..دق الباب .. وسيده دخل )

سارة : اتفضل ..

عواس: السلام عليكم ..

سارة منصدمة : هاااه؟

عواس يبتسم : السلام عليكم .. أعيدها؟

سارة : نوو

عواس: وانجليزي بعد ؟ اكملت !!

سارة تهاجمه : what do you want? (انته شو تبا ؟ )

عواس: انتي ليش كارهتني؟ جاتل حد من أهلج؟

سارة : تحلم !!

عواس: يعيبني الاستفزاز يالغزّيل !! داويني أول ..

(وتشوف الدمّان على الدريس ماله .. وحسّت لأول مرة ما تعرف تتصرف ..)

عواس : شكلج ما تعرفين تتصرفين !!

(وبكل برود تلبس قفازاتها .. وتشوف مكان الطر )

سارة فخاطرها : ياربي .. انا يوم أشوف جروح ما أتأثر .. ليش اتأثرت يوم شفتك؟ لين الحينه أحمل مشاعر صوب هالانسان؟ لالالا

عواس : تعرفين انه صوتج مب غريب علية !! (وسارة تبتسم وهو عصب زيادة ) ليش ما ترمسيني؟ مب عايبنج؟ (وتبتسم زيادة .. وتفلت ايده عالخفيف وسارت تيب كحول عشان اتنظف الدم على ينب وخلاف يابت غرشة داخلها كركم ..) شو تسوين؟ هذا كركم !!

سارة تقفطه: ممكن تسكت شوي عشان أكمل شغلي ولا؟ (وهو تم ساكت بس شاحن عمره كاتم غيظه منها وهي تكمل شغلها بس موول ما حطت عينها فعينه ..) يعورك؟

عواس بحزم : لا

(ومن خلصت يلست ورا مكتبها تكتب فورقه )

سارة : I want you tomorrow to see this doctor in this hospital, he will change your bandage and will see if you have infection .

عواس: بس يابوج بيحتاس لسانج من الانجليزي هذا ..

سارة عصبت : excuse me?

عواس : على ما اظن كلامي واضح .. (وبعصبية ) اتكلمي عربي .. وباجر انتي اللي بتبدلين لي الشاش .. شعنه يدفعون لج معاش؟ حق الجاهي والقهوة بس؟

سارة : Don't dare to talk to me with this attitude ,respect!!!

عواس يضحك : صدقيني أتحداج .. باجر بيي وبنشوف منو بيداويني ..

(سارة احمر ويهها )

سارة اتحرطم : crazy

عواس يضحك زيادة : هههههههههههه crazy !! crazy !! على هواج ههههههه

سارة : damn (تبا )[/B][/FONT][/SIZE]

غموووض
06-09-2008, 05:44 AM
تسلمين اختي على البارت
ولو ان قصير
في انتظار الباقي
الله يعطيج العافيه

soud_aloyoon
08-09-2008, 08:02 AM
تسلمين اختي ع البارت الحلو بس
يا ليت تكملي لاني اسجل حضور عشان اكمل
ووايد تاخرتي علينا
واتمنى تسوين جزئين الغالية
والسموحة مني

احلى البنات
11-09-2008, 07:50 PM
(الجزء 88)

شمسة تلبس برقعها: تفضل حياك.. حياك..

مايد يحبها على راسها: الله يحييج.. (ويضحك و يسوي حركات على راس شمسة..)

شمسة: شو تسوي ع راسي ؟

شمايل: ينشرالجراثيم

مايد: جراثيم ها؟ أذكرج كيف نشرتي القمل علينا يوم يهال؟

شمايل توقف وراء امها: أميييه طاعيه!! (و شمسه تضحك)

شمسه: حسبي الله على إبليسك ما تنسى؟

مايد: عيل مرابعتلها وحدة فيها درزن قمل وصيبان ويابته لنا!! و الله ما انسى هاكي اليوم كيف راسي يحجني أعوذ بالله.. قرح راسي ..

شمسه: انزين خلاص فلوّ راسك.. تعال اقرب اقرب.. (و يطالع شمايل و يمسح على لحيته..)

مايد: براويج يا ام لسانين !!

شمايل: بينكسر هالراس ..

مايد: جان انا وراج بقصه هاللسان الطويل ..

شمايل اتحرطم: يا هالراس!! (وهم يمشون سايرين الميلس.. )

مايد: اتحبينه !!

شمايل رفعت حاجبها : وايد واثق حضرتك!! لا ما احبه..

شمسه: حشا يا بوكم كنسلنا ما عندنا بنات حق العرس!!

مايد: لالالا يا خالوه الا هذا !!

شمايل: برايه انا امبوني مكنسله !!

مايد: انتي اييه!! ما ترومين تواكبين موجة ميود؟

شمايل: امبوني ما اطلع عن شور أميه !!

شمسه: ههههههههه يالمكارة.. (وكانوا يسولفون..) وييه يا المذهب الخايس شملوه سيري هاتي الهريسه من المطبخ..

شمايل: بسم الله..أميه!!هاكيه جدامج!!

شمسه تبا الفكه الحينه: اقول شملوه سيري صبي لي ماي بارد..

شمايل: اميه انتي قابضنج بو الحلوج مب زين عليج

شمسه عصبت : وبعدين وياج؟ افهميها يا الصخله !! فارجي في كلمة راس بيني و بين ولد أختيه!! اعنبوه !! (وميود ميت الضحك..)

مايد:هههههههه حوّشوها..سيري يا الله ورانا رمسه!!

(وهي طالعه اتحرطم..) شمسه: خير يا بويه؟

مايد: خير بويهج يالغاليه (و كانت ملامحه جديه ..) أميه اباج اتيوزينيه بنتج شمايل.. (ويطلع شنطه سامسونايت فإيده .. ويبطلها.. وكانت نيطان من قوم بوألف كل رزمة ملفوفة بشرايط ذهبيه عريضه..)

شمسه منصدمه: اندوك انتة!! ليش البيزات !!

مايد: مهرها !!

شمسة: يا بويه المهر ينعطى يوم الملجه ..

مايد: و انا ابا اعطيج و تعطينه لها .. ابا اعوضها عن كلامي و تصرفاتي السم .. و اباها اتعرف انها غاليه وعمري ما برخص جيمتها ..

شمايل: ليش كم جيمتي ؟

مايد: من غلا غريبه .. عرفتي الجيمه ؟

شمايل: جان هذي الجيمه بتزوج بليا مهر .. شو رايج يا امايا؟

شمسه: ما اقول غير على خير ان شاء الله..

مايد: والله البيزات ما ينردن ويايه..هذي من حقج حلالي كله لج..

شمايل: انا مب قاصرني شي..

مايد :و انا حلفت ما ينردن..

شمسه: شو الحل وياكم؟؟

مايد: لو بتفرهن في البحر يفدنها.. (شمايل احمر ويهها و سارت حجرتها مستحيه..)

شمايل فخاطرها: وااايه فديت يومك يا ميود..مغلاتك..أحبك يا نصخ شمايل ..

شمسه: عيل أبويه متى تبا الملجة ؟

مايد: خالوه أي وقت انا جاهز .. بس في شي ناقص..

احلى البنات
11-09-2008, 07:51 PM
شمسه: اشوه؟؟

مايد: اختيه و اخوييه..

شمسه: وابويه اخوك اخوك اختفى بعد هالمره مسّوين لكم سوا.. (وتصيح) واعليه عليك يا رشود!!

مايد: منو قالج رشود؟ عواس متضارب ويا فطموه .. و يدي طرده من البيت ..

شمسه حاطه ايدها ع صدرها: واعليه عليك يا ولديه !! و متى صار هذا كله ؟

مايد:أمس..

شمسه: ولين الوم ما رمستوه ؟ خافوا الله اخوك ..سندك !!

مايد: والله اني حرقت تلفونه بس ما يرد.. وسرت لشغله قالوا محد..

شمسه: هات تلفونك اضرب لي رقمه (ويتصل) هات..(ويصيح بس ما يرد.. ) انا قلبي ناغزني على ولديه.. قم!! قم!! بلبس عباتي و بييك.. (اما عند هنود كانوا في الطريج سايرين الجمعيه..يوم نزلوا..)

العنود:سيري هاتي جاري و تعالي..

هنود فخاطرها:هذا وقت رده احسن لي اغيب عن عينهم.. (يوم تمشى مبتعده..)

جعفر: انتي وين في روح ؟ مدام مناك! (هنود تأشر له و كانت زايغه قلبها بيطيح..تأشر له بتاخذ جاري ..) انا يجيب ترولي انتي روحي اند مدام .. يا امشي روهي روهي !!

هنود فخاطرها: الله يغربلك.. يعلك العوق .. وانا الهبله شعنه ما ارمس ؟ بحاول ..

هنودة: آآآآه .. آآآآه .. (بس ماشي فايده .. تم الدريول يلحقها لين وصلت عندهم ..)

العنود: امييه البشاكير مالهم امان .. هاي يتني عالبارد المستريح .. شكلها شارده عن كفيلها ..

ام مانع: يا امايا غلط اللى تسوينه !! لو نقلن لكم مرض و الا شي ؟

العنود: اصلا من صباح الله خير بيوديها جعفرووه المستشفى يفحصونها ..

ام مانع: انا قلبي مب نستريح من السالفه .. و جوازها ؟

العنود: في البيت بسألها ا..

ام مانع: على هواج .. (وكان عواس ظاهر من الدوام و شاف مايد و شمسه ..)

عواس: شو تسوون اهنيه؟

مايد: ما يسوى عليك ..

عواس: هديت البيت بكبره لكم .. خله فطوم تنفعكم ..

شمسة: يا الله يا بوية ولا علمتني انا مب انك ..

عواس و يحبها ع راسها: غلاتج من غلاتها ..

شمسة: شعنه ما ييتني ؟ بابي دوم مفتوح لك اعنبوه ؟!

مايد: اتعوذ من ابليس ورّد البيت

عواس: انا مب ياهل .. اللى زعلني انه يدي هو اللى مربيني و عارف اني احسب ألف حساب قبل ما اعج الكلمة .. هو اللى علمني هالشي !!

شمسه: ليش هالزعل كله ؟ فطوه شو سوت ؟

عواس: هذي البنيه ابدا هب مرباية ظاهره على هاكي النتفه ابوها !! لو انها حرمه و عاقلة .. جان ما يلست تتخشش فنفس مكان الحادث اللى استوا لبنت عمي .. قامت أقولكم تصارخ والله اني حسيت دمي يفور حزتها .. والله ما حسيت بعمري الا اشوفها تضحك و تخربط ..

شمسه عصبت: تتمصخر على حادث بنتي ؟ قليلة ادب !! الجلبة !!

مايد ما اتوقع انه هذا بيظهر : و الخيبة .. والله انها هب سهلة ..

شمسه: لا حشمت ولا شي ..

عواس: وتبوني حزتها اصفق لها ؟ ولا احبها على راسها و اقول يزاج الله خير يا فطوم !! تلتعن !!

شمسه: فوّرت دمي هالبنيه !! وانته غناتي ؟ وين ساكن ؟؟

عواس: جهنم ..

شمسه: بسم الله عليك .. والله لا اتطوف جدامي .. بيتي لك حبيبي ..

عواس: لا يا اميه ..

شمسه: بتطوف ولا احلف اني ما ارمسك ابدا ..

عواس: ان شاء الله اللى تامرين به ..

مايد : انته خذ خالوه .. وانا بتصل بك خلاف .. رد عاد ..

عواس يبتسم : خشمك ..

مايد يتخاشم وياه : حيّك النشمي ..

عواس: عدال يا بن عدوان ..

شمسة تعصب على عواس: يا الله طوف ..

عواس: آآآآه آآآآآه شوي شوي ..

(و من شافت اليرح قامت اتصيح و تولول في الموتر و هو يضحك عليها .. اما هنود وصلت بيت العنود ..)

العنود: سمعي إيييه.. (وصدت صوبها..) شو اسمج؟ نسيت انج ما تتكلمين .. اففففف.. احسن يعد.. اشوف عجي اللثامة ..

( ومن عجت هنود اللثامة .. العنود انصدمت .. وكان محمد ظاهر من الحمام بفودته ..)

محمد: غناتي وايد اتاخرتي .. (هنود انصدمت سيدة صدت الجهة الثانيه..)

العنود: شو!! انته ما تستحي؟

محمد:سوري سوري شدراني ربيعتج عندج السموحه ..

(ويربع الحمام..) العنود: أمحق ربيعه!! (وردت حاسيتها) اشوف صدي !!

العنود فخاطرها: الله ياخذج ثرج هنود!! هنود اللى يحبها منوع!!كيف وصلتي عندي؟ (وتبتسم ابتسامت مكر..) بخليها بشكارتي عقب بفرها عند منوع.. شكلها ما تتذكر منو انا.. ما عليه شكلها مال كراف..

محمد يبدل ثيابه و فخاطره: يلعن أبو الحلاه!! عيون ساحرة بهدلتني !!




ملحوظة : ان شاء الله كل ثلاثة أيام بينزل بارت

soud_aloyoon
12-09-2008, 02:31 AM
مشكورة يا اختي ما تقصرين
بس ياليت كل مرة تزيدين فيها بارت

ورمضان كريم

lady oscar
13-09-2008, 02:15 AM
يعطيج العافيه ع هالاجزاء من بعد غيبه


ان شالله نختمها قبل العيد


ماقصررتي

وعساج عالقوه

احلى البنات
14-09-2008, 09:15 PM
(الجزء 89)

(وهي كانت تستكشف المكان .. تبا اتدل حجرة البشاكير .. شافت وحدة فلبينية في المطبخ اتطالعها بوّغادة .. )

هنود فخاطرها : يلعنج من فلبينية جلبة !! (وتسمع صوت دق الباب كأنه حد يحاول يظهر ..)

الشيبة أحمد : بطلوا الباب يالجلاب !! بطلوه !! لعنة الله عليكم !! بطلوه !!

فلبينية : هذا مجنون becareful

هنود صدت زايغة ومنقبض قلبها وفخاطرها : منو ها؟ صدق زيغني !! هالبيت بعد فيه ميانين اعوذ بالله ..

( ودخلت حجرة البشاكير الخايسة .. كانت متوقعه على الاقل ترتيب .. حصلت شبرية وحدة منكسرة بلحاف واحد وموسدة .. وثياب مفرفرة فكل مكان .. ووصاخة مالها حد .. ولا عادة ريحة الصنانة .. تمت هنود تهاوع حست بدورة ..)

العنود تزاعج : يا إييييييييييه يا إيفلين .. زجري لي الاندونيسية !!

إيفلين سايرة الحجرة بملاسها : إيييه اندونيسيا !! ماما تبيج !! يالله !! go...

هنود فخاطرها : الله يستر منها .. (وطلعت..)

العنود : بسميج امممم

(وعند سارة )

سارة: what happen 2 me 2day? .. انا مجنونة .. I was talking fluent in Arabic .. كله لما شفت عيسى اوووووف why my heart is beating like this? Didn't he recognize me? يمكن لأاني صابغة شعري أسود فشكلي صاير لوكال ..(وتعاطس ) my god I have a flu I cant go بس راح يقول اني قاعدة أتهرب منه .. everytime I see his eyes my heart beats without stopping and that’s right …

)اما مي كانت تهاذي في الليل ومحد عندها نشت على الساعه 4 عطشانة بس ما كانت تروم تتحرك دقت على الجرس عشان حد يساعدها )

السيستر : يس؟

مي: ابا.. ابا ماي..

السيستر : دكتور قال لازم ما تشربين شي عشان ما يأثر عليج

مي: دخيلج ابا ماي

السيستر : مب على مسؤوليتي انتي بتتحملين المسؤولية ..

مي: وينها اختيه هند؟

السيستر: محد وياج .. انتي كنتي روحج ..

مي: حتى اختي ودرتني .. من شافت الحرية .. شدت بعمرها وشردت .. اقولج عطيني ماي .. (وتشربها الماي ..وقامت حزتها تزوع) آآآه بطني ..

السيستر : انا قلت لج معدتج ما تستحمل ..

مي:آآآه وديني الحمام

السيستر صبري بزجر لج سيستر ثانية تساعدني في التنظيف ..

مي: ابا اسير الحمام

السيستر: حبيبتي نحن مركبين لج انبوب يعني ماله داعي الحمام ..

(مي كانت تهاذي بالاصل ما كانت حاسة الا بالويع .. فويهها .. فخشمها .. فشفايفها .. فرقبتها .. وعند العنود )

العنود : ما اعرف شو أسميج خلاف بدور لج اسم .. (وتكش بإيدها كأنها ذبابة ) إيييه انتي خمي الحوي !! ما تشوفين التراب مازر الحوي يالله خمي !!

(هنود فاجة عينها مب مصدقة ..)

هنود فخاطرها : أحينه من صدقها هذي؟ ما تعرف منو انا؟

هنود بكل عصبية تظهر ورقة وقلم من مخباها وتكتب : انا هند فاضل .. ماعرفتيني؟

(وتحطه فويه العنود )

العنود عصبت : شو هالخرابيط ؟ شو كاتبة انتي اندونيسي؟ شوفي إيييه !! عن الخبال الزايد (وتيوّدها من عباتها ) ولا والله بتنفرين برع البيت .. بإشارة مني بتنعجين خاري وعادة فريجنا فيه شباب ميّوعين بيزخونج وتعرفين الباجي .. شلي كتابج الاندونيسي عن ويهي وخمي الحوي أشوف .. مب عايبنج؟ اقبضي الباب ..

(وردت هنود على ورا .. يلست عالدجة اتفكر ..)

احلى البنات
14-09-2008, 09:18 PM
هنود فخاطرها : ليش لساني ما ينطق؟ ليش نطق يوم كنت في التكسي؟ ليش يوم شفت العنود انربط لساني عن الكل؟ ليش قلبي يدق من تطري الشباب؟ انا لو أشرد عنها وين بحصّلي مكان أيلس فيه ؟ ياغير جسمي يعورني من الدويات .. والله العظيم جسمي يعورني .. متى الله بيرحمني برحمته ؟ متى برّد عند أهلي؟ أصلا أهلي بيفروني برع البيت عالكلام اللي قلته لعواس .. محد بيعترف فية .. كله من فضول ربي ياخذه ولا يسامحه على اللي سواه فية !! بس من بين كل العايلات ليش أطيح على عايلة منوع؟ ما اقول غير بشتغل وانا ساكتة برحم عايلتي من مصايبي وبنساهم .. من مصلحتي اني انساهم .. دامني شوهت سمعتي بإيدي.. ليتني ما صرخت على عواس وقلت له بشرد ويا واحد .. ليتني قلت له أبويهغصبني اقول هالكلام .. ليتني .. ليتني ما حبيت رشود .. (وتذرف دموعها بحسرة .. وبكل غرور قامت ) انسان تافه ما بعوّر راسي عليه !! بنساه مثل ما نسيت منوع !! (قامت خذت المكشة وتخم وتفكير يوّديها واييبها ) والله لو أميه شافتني هالحزة لتدوسني ولا تجتلني .. بس انا ادريبها قلبها طيب مستحيل اتفكر اني انا اسوي هالشي .. انزين و يدي؟ وعواس؟ شكله عواس موول ما بيسامحني .. (وتسمع صوت ..)

محمد: إيييه .. تعالي هنه .. (وتدور وين الصوت ) هييه هني .. (وكان محمد ريل العنود ) شوفي أباج تيبين أكياس عند الدري هاتيهن الموتر.. وبعد من تخلصين شغلج .. (يطلع مفتاح ) هذا مفتاح حجرة الشيبة (ويأشر ) هذي يوم ماما محد نظفيها وشوفي شو يبا و ردي قفلي الباب (وكانت رافعه حواجبها مستغربة من طلبه .. هو سكت وبس تام يطالع عيونها وحواجبها المستغربات .. كان هايم حده وسرح حتى .. هنود اتأشر بإيدها )

هنود فخاطرها: بلاه الأبلخ؟

محمد: ان .. ان .. انزين فهمتي؟ (هنود اتأشر بإيدها أوكي ) انتي ما تتكلمين؟ (هنود اتأشر لا ) أها .. زين عيل يالله تيسري ..

محمد فخاطره : ياويلي عليها .. أسميها ما بتخليني أرقد الليل .. والله لوما قالتلي عنودوه انها ميوبة من اندونيسيا جان بصمت بالألف انها بدوية بنت جبايل من عيونها الذبوحية ..

(اما عند عواس كان داش هو وخالوته الشقه )

عواس: هود .. هود .

شمايل لبست شيلتها : هدا هدا اقرب

عواس: جريب ..

هناء توايج وترمس بصوت خفيف مستغربة : عواس؟

عواس: شعنه توايجين القطيوة؟ تعالي سلمي على ولد خالوتج !! منقود والله منقود !!

هناء لبست شيلتها وظهرت : شحالك عواس؟

عواس: بنعمه !!!

هناء: أشوف أغراض فإيدك

شمسة تواجعهن : شلّن الاغراض عنه ما تشوفن ايده متعورة؟

هناء وشمايل: ان شاء الله ان شاء الله

شمسة : هنوه اتحوّلي عند اختج

عواس: لا ما عليه انا برقد في الميلس ..

شمسة : وراسي يشم الهوا؟ ابدا !! (تم يسولف ويا البنيات .. وهناء فرحتها فرحة بشوفة عواس .. اما اليوم الثاني كان ساير الدوام ومن وصل الباركينج شاف سارة نازلة من الموتر ... وهو لا اراديا نزل ولحقها ..)

عواس: صباح الخير الغزيّل ..

سارة اتطالعه بطرف عينها : good morning

عواس: شو مشكلتج ويا الانجليزي؟ لا يكون امج امريكية وانا مادري؟

سارة تبتسم: يس stop this nonsense ( وروحت عنه اما هو من قالت سارة ستوب ردت به الحاسية )

احلى البنات
14-09-2008, 09:20 PM
عواس : مب جنه هذي !! هذي سارة؟ سارة الشقراء اللي كانت بدون لا عباة ولا شيلة؟ والخيبة واااااااااااااايد اتغيرت .. الا احلوّت بعد .. الا اتغيرت ... (ويتذكر كيف جرحها وضحك عليها ) انا مينون !! (ويضرب بإيده ع راسه .. كان متلوم .. متلوم منها .. ماله ويه يجابلها .. اما هي كانت تترياه اييها عشان تبدل له الضمادة .. بس ما ياها .. كان يتذكر كيف فطوم جرحته قبل ما يستوي الحادث .. وكيف قالت ما تباه .. واتذكر انه مثل ما سوّت به فطوم رد سوا هالشي بسارة وقال انه ما يباها ولا حتى فكر فيها حتى انه اطنز عليها هاكي اليوم ..اما عند العنود )

العنود : سمعيني عدل يافاطمة .. حجرة الشيبة ان دشيتيها لحش ريلج حش تسمعين؟ والله لأضربج .. اباج اتخمين البيت وتنظفينه وتسوجين الارض بالماي والصابون تمسحينها بإيدج .. وان شفتي مستر محمد تزولين من جدامه وتكونين فحجرتج ان شفتج انتي وهو فنفس المكان لأعلقج في البنكة من رقبتج !! تسمعين؟

هنود فخاطرها: واللعنة !! دامنج مب واثقة فريلج داريه مالت عليج وعلى شكلج !!

(تمت هنود تسمع الكلام .. وتنذل وتنداس ع كرامتها كانت بلا مشاعر ما تعرف اتحس وتسوي اللي ينقال .. وبعد أسبوع طلعت مي من المستشفى بس ما عجت اللزق تبا تشوف عمرها روحها .. دخلت البيت وهي هلكانة تبا حد يفزعها .. ما حصلت حد.. من وصلت حجرتها فرّت أغراضها وخذت المنظرة وطاحت ع ظهرها ..)

مي: أمييييه بسم الله !! شكر أخوّف !! (قامت تفتح لزقة خشمها ..) آآه آآه يعوّر شو ملزق هذا؟ (قامت اتدق خشمها كانت مستغربة من عمرها واتطالع حواجبهامتغيرات .. كانن مرفوعات بطريقة حلوة .. تبيّن عيونها الا برزن عيونها .. اما عظمة الفج عندها تبين وبرزن بعد ملامحها .. ) أوييييه هاااي انا؟ بسم الله الرحمن الرحيم !! احس اني ملكة جمال ما اصدق والله اني شكيت فعمري آآآي بموت بموت من الفرحة !! اتحريت هنود حذالي (وتمت على هالحال ساعه كاملة مب مصدقة ) خلني أتصل بالمخرجة هذيجي يمكن تخليني أمثل في الفيديو كليب (واتدوّر الرقم ) حصلته !! لقيته على قولة ام علاوي ههههههههه (وتتصل ) ألو؟ مرحبا .. شحالج؟ الله يعافيج وياج ما (كانت بتقول اسمها بس غيرت رايها ) قصدي وياج الريم ..انا سمعت اتدورون موديل لفيديو كليب .. هيه .. مب انتي اللي تختارين؟ الله يخليج عطيني فرصة . فرصة وحدة .. انزين ما عليه بقابله وان شاء الله بيختارني .. رقمه لو سمحتي؟ هيه .. هيه هيه .. مشكورة وما قصرتي .. باجر؟ ان شاء اله على خير .. (ومن بندت قامت اتناقز ) يس !! يس !! يس !! واخيرا فتاة فيديو كليب ..

(عواس يتكلم وياخالوته ع التيلفون )

عواس: والله وراسي يشم الهوا هنوه ما تاخذ غير حسن !! عيل هالنتفه ياخذها؟ ايخسي وايهبي !! سمعيني لآخر مرة .. الاسبوع الياي بنملج زين جذيه؟ على خير ان شاء الله برمسه اليوم .. اكيد بيكون حاضر .. لا ما برمس يدي انتي رمسيه .. بيكون فبيتكم فليوا .. بس بعد ما احب أبيّن للناس انه في خلافات بيني وبين اهلي.. على خير على خير .. الله يحفظج ..

هناء ترمس دعاء ربيعة مي ع التيلفون : جذابة؟ منو ؟ مي؟ كيف جذيه؟ اللعينة !! والله يا حظها .. لكن انا براويها الخقاقة العوده هذي !! مادري على شو اتفشخر الخسيفة !! غاوية؟ حلفي بس !! آآآخ والله الناس حظوظ ..انزين بطرش لج فيديو بعد نص ساعه طاعيه واطمشي .. شو فيه؟ هههههه مافيه شي بس فضايح الحلوين ..

(ماتدري هنوه انه كما تدين تدانهي تفضح بنت خالتها من صوب ومن صوب ثاني بتنفضح فشي ثاني..)

انتــــــــــــظروني

lady oscar
15-09-2008, 05:31 AM
ماقصررتي

وعساج عالقوه


هنود .. ليش حالها صـار اردى .. معقـول اخوانها نسـوها .. مافكروا ولو لحمايـه شرفهم يجبوها ويدورون عليـها .. ليش ااااخ وصلت لبيت مانع بيت عدوهم .. ماهو مانع السبب فـ مشاكـل عوواس .. يعني عواس من اصـله حاقد عليـهم يجي يشوف اخته خدامه عنده !! ليش ماتاخذ تكسي لليـوا ومن توصـل تخلي اهلها يدفعون فـلوسه وهي تشرحـهم وعندها دليـل جسمها مليان سمووم ..وعندها اختها مي

طيب ليش ماتروح لبيت مره ابوهم زيـنه والله انها رغم ماضيـها بس معدنها طيب ..


مـي غلطـه انعدام حنان وانسانيـه من اهلها وحواليـها وشوفي لوين وصـلها الحال غلطـه اب ولا غلطه ام .. دامه زواج فـاااااااااااااشل ..


عواس وسـاره يارب يتزجون ..

شمايـل ومايـد .. عسـل القصـه ..

هناء وهـزاع سم القصـه ..

العيايز والشيبه .. بلسـم القصـه ..

راشــــــــــــــــــد والجود مالهم حس ..

احلى البنات
17-09-2008, 08:10 PM
[COLOR="Red"][SIZE="4"][FONT="Arial Narrow"][B](الجزء 90)

(فبيت محمد..)

إيفلين: إيييييه فتوم!! روهي ودي أكل هق شيبوه.. (هنود خذت الصينيه .. وتطالع شو الاكل .. انصدمت.. )

هنود فخاطرها: إشوه هذا؟ أكل قطاو؟ (كانت حاطتله ملة وداخلها عيش معيون.. وبلح صغير سمج وفيه عظم و روب فوقه.. شكله يلوع بالجبد لاو بعد كميه صغيره.. ) ليش كل هذا؟ (وحتى هي انقرفت.. كانت اول مرة توديله ما تعرف شكله.. بس توقعت واحد مينون مثل ما قالوا.. اتجدمت و دقت الجامه..)

الشيبه: منو؟ (وكانت اتطالع الشيبه.. قام بصعوبه.. وصدمتها صدمه.. ريله مشلوله.. بس كان يشل عمره على ثقله.. ويلس عالكرسي المتحرك.. و سار لين الدريشة.. ) سقم نفس كل مره.. (من بطل الدريشة.. كانت الغرفة ففوضى و وايد خايسة.. وانتوا بكرامه كان ما يروم يسير الحمام فكان يسويها عالارض.. كانت فضلات.. النمل فكل مكان.. لدرجه شافت طيطار عود.. بس لاحظت شي واحد.. عيونه الصافيه العسليات.. هو كان يطالعها.. ) مواطنه و بشكاره؟ جان على عهد حرمة ولديّه كل شي بيستوي ..

هنود زاغت و احمر ويهها وفخاطرها: وابويه كشفني.. يا ربي شو اسوي.. خذ اكللك بسرعه!! (وهي تدق بالصينيه عالدريشه عشان ياخذه.. خذاه.. حست برجفة.. ربعت داخل.. خذت سله التنظيف.. وسارتصوب المغسله اللى داخل.. بطلت لثامتها.. كانت تبا تتنفس.. حطت ايدها على قلبها.. )بلاه قلبي؟ (وحسّت شرا البروده جايستنها..كأنه حد يطالعها.. يوم صدت يسار إنه محمد كان واقف.. هنود زاغت و دار راسها.. سارت يمين بعدين يسار و اتغشت وسارت سيده لحجرتها.. )

محمد فخاطره: يا الله خبلت بي هالبنية.. اوففففف. .استغفر الله العظيم.. لازم اغض النظر بس والله كل مره اقول ما بطالعها.. عينها تذوّب قلبي و انسى عمري..

(أما عواس..كان راد الشقة مفوّل..)

عواس: هنوه؟ يا هنوه!! ثعالي الصاله..

هناء: يايه يايه..

عواس يتكلم بشويش: انتي على علاقة بهذا اللى اسمه هزاع؟

هناء: هاااه؟ منو قال؟

عواس: انا اسألج !!

هناء: ووووووووالله ما يخصني والله..

عواس: تراج حلفتي و انا صدقتج!!

هناء: هيه و الله ما يخصني بهالريال!!

عواس: عيل ليش كل مره تبينه ما تبين حسن؟ ودرتي الزين و سرتي للشيّن!! والله عجيبه..

هناء: انا؟ انا؟ انا ما فكرت ما ابا اعرس خلاص..

عواس: بتعرسين غصبن عن خشمج!! تسميعن؟ انا عاطي الريال كلمه حتى امج روحها اللى عاطتنهم واترياج سنتين و آخرتها يفنجش بسبت عقلج الياهل؟ اتهبين!!

هناء: بس انا ما احب لاهذا ولا ذاك احبك انته..


عواس انصدم و عصب : هب هبيبيتي هب هب هب !! انتي ما تستحين على ويهج؟ شو حبه؟ شو خرابيطه؟ اعتدلي غدي حرمه.. ولا اصكج كاف يعج فكّج!! تسمعين؟ ان سمعت هالرمسه علسانج لقصه!! بنات آخر زمن..

(وعند راشد..)

راشد يكلم الجود: والله شفنها يا اختيه ما اجذب عليج..

الجود : يا خويه الله يهديك انتة اتّوهم.. البنيه من زمان اختفت و بين يوم و ليله تظهر لك؟ لك انتة؟ اشعنه؟ من بين كل الناس..

راشد: انا ريلها.. و الله اعرفها و اعرفها من اعيونها.. لا وزدتها يوم شافتني و اكلم ميره..

الجود عصبت : بعد ميرووه؟ انتة ما اتوب؟ مربلك لحيه و مطوع و حالتك لله و كل يوم في المسيد تروّكع و بعد ما تخاف ربك؟؟

راشد : بلاج كلتيني؟ انا ما سويت شئ و الله..

الجود: عيل شو تسوي عند بيتنا؟

راشد: يايبتلي كرت عرسها.. عازمتني على عرسها.. حتى انها اعتذرت لي.. يا اميه ميره انسانه غير..

الجود: احين شفتها غير عن مريم؟

راشد رافع حواجبه: شدراج؟

الجود: انا اللى اعرف كل شئ.. اصلا كله من الكتاب..

راشد: انصدم: إشوه؟

الجود: اصلا في المزرعه انا اللى ماخذه الكتاب و قريته و بعدين عطيته لهنود.. اباها اتعرف انه اللى كتبت هالشئ الله يرحمها توفت.. و السالفه انطوّت.. و عطيتها و بعدين استوت المشاكل ...

راشد مسكها من جتفها: لنتي اللى عطيتيها الكتاب؟ انتي؟ انتي يا الجود؟ ليش تسوين جذي بأخوج (ويصيح..) ظلمتها.. اتهمتها انها سروق.. لا و بعد جدام اخوانها.. شوّهت سمعتها بايدي!! ليش تسوين جذيه يا ختيه؟؟

الجود: آآآآآآي هدني!! انته اللى مينون بهاي الخبله ميرووه!! كنت اتشوووفها مريم!! الله يسامحك!! البنت ماتت و انته كنت اتخيل ميروه بتعوضك حب مريم!! طلعت و لعنتين .. درت حرمتك!! قلت الا اسوي شئ يردكم..

راشد: يا ربي وين اضرب براسي؟ لا حول و لا قوة الا بالله !!..

(عند شمسه..)

شمسه: هيه اميه.. هيه يبته عندي.. يا الله اسميه خس عليه.. و الله البنات ما ياخذن راحتهن و من هالخرابيط بس انا ما عليه من كلامه.. عيني عليه.. لا لا لا.. ما بخليه روحه.. هو باجر بيردنا ليوا.. بيليس ويانا.. انتي بعد رمسي ابويه..حرام اللى يسويه.. الولد ما غلط؟؟ الا من هذه الخبله فطموه كلاها السرو ان شاء الله.. الا امايا بيتي ما اتطيحه هالبنيه.. ما يخصني اتصرفوا.. يوم البنت هب مربايه خلها اتعلم الادب و خلاف يصير خير ..هيه هيه رمستهم يا الله يا فرحنهم.. و مسّوده الويه خذت لها فسيتين..هيه..

احلى البنات
17-09-2008, 08:11 PM
(و في حجرة هناء..)

هناء :ها دعوي.. وصلج؟ شو رايج بالفيديو؟ ههههههه ادري انه روعه.. ادري تصويري احلى تصوير.. باجر بتسيرين وياها؟ هههههه زين طلبتج.. من توصلين موقع التصوير وياها انشري البلوتوث و اكتبي المذيعه المتألقه الريم قبل عمليه التجميل.. اسميهم بينصدمون.. و انا عالنت بحطه افا عليج..كيف؟ هههههه لابتوب عواس حبيبي..
(عواس دش على غرفه و هي من الزياغ طاح التلفون ع ثبانها ما انتبه بس هي اتيبست مكانها..)

عواس: شو تسوين؟؟

هناء: اه اه اه هاااه؟ كنت يالسه اسمع اغاني على لابتوبك آسفه.. (وهناء ما تروم اتحرك.. ان اتحركت بيبيّن التيلفون لانه بيطيح عالارض..)

عواس: لا عادي خذيه و سيري الصاله.. انا بطيح ارتاح..
هناء: ان شاء الله.. (وهي مب رايمه اتحرك.. ويصيح التلفون..)

عواس:منو بعد؟ اففففف (ويرد..) هلا سعّود.. (من حادته غافل خشته داخل ثيابها.. وقامت شلت الابتوب و ظهرت.. و بعد ما بند عن سعيد.. كان طايح عالشبرية ..) شعنه ما ردت بلادها؟ شو اللي خلاها تشتغل فنفس المكان؟ كانت اتحبني .. وانا رديتها .. لكن احينه شكلها اختلفت مشاعرها .. قامت تكرهني على سواياي .. ياربي متى برد هاكي العيسى الطيب اللي ما يدوس ع طرف حد ؟ متى؟ وانا شعنه احاتي سارة؟ يوم قبل ما دشت مخي أحينه بتدشه؟ لو هي كانت اتحبني كانت بتسوي أي شي عشان نتلاقى فهالسنتين .. بس كانت كله تشرد.. شدراني بها .. آآه ساروه يا ساروه .. يالغزيّل ..

(وبدون ما يحس رقد .. اليوم الثاني .. نشت مي متنشطة من الساعه 6 لأنه الساعه 7 المقابلة .. اتعدلت واتزجرتت.. الشعر المسشور.. والعيون المجحلة وكانت يروح العملية ما تبين وايد لأنها مخفتنه بالبودرة الثقيلة .. والعدسات يقولن انا ..)

مي: امييه بسم الله ..هنود .. ياربي بلايه ما اتعودت ع شكلي .. (وتبتسم ابتسامة ثقه ..) لازم الثقة والخقة بعد .. (وتوّها بتركب )

البشكارة : ماما هنود .. ماما !!

مي : انا مو هنود يا عيوني ..

البشكارة شهقت لأنها اتكلم : انتي في كلام ماما؟

مي: انا مي !! ايييه شوفي !!

البشكارة : ماما والله انتي ماما هنود .. (ومي عجت الكعب وبطلت شعرها القصير ..)

مي: هاااه؟ شفتي؟ هنود طويلة وشعرها طويل .. استرحتي؟ يالله باي ..

(والبشكارة مب فاهمة .. شو السالفة .. ويوم وصلت لموقع التصوير .. كانت تلفت الانتباه بجمالها .. وهي كانت مستانسة من داخلها .. وكانت المخرجة تطالعها من بعيد .. نادت على واحد وسار رمسها ..)

مي: انا ياية عشان مقابلة

الريال ما نصّخ لها تكمل كلامها : تقبلين تكونين موديل ؟

مي بدون تردد : أكيد ..

الريال : بجيب الاوراق مشان انوقع ..

مي: اوف كورس ..

الريال: اتفضلي فهالحجرة .. خبيرة التجميل وهي بتتصرف وراح تيج بنت تاخذ قياساتج..

مي تبتسم : مشكور

الريال: على فكرة ابتسامتك كتير حلوة ..

مي: ههههههه شكرا والله .. أستحي .. (وكان دعاء توها واصلة )

دعاء: مرحبا.. صباح الخير؟ شلونج؟

مي: قبلوني .. قبلوني !!

دعاء: والله ؟ ألف مبروك ..

مي: الله يبارك فحياتج ..

دعاء: بس صدق انج غير والله محلوة موووت من طرشتي لي صورتج

مي: ربج بعد وما يريد ..

(دخلوها الغرفة وقايسوا عليها فساتين وايد .. وصبغوا لها شعرها.. بعد ما كان أشقر ردوه أسود.. وركبوا لها اكستنشنز.. طويل لين آخر ظهرها .. وحطوا لها آي شادوه أسود وما غيّرت عدساتها .. كانت العيون البدوية بعينها .. والروج الوردي الفاقع .. والفستان الأصفر البسيط .. كانت من الساعه 8 الصبح لين الساعه 2 الظهر يغيرون لها اللوك .. والساعه 3 بدوا يعطونها التعليمات ..)

المخرجة : ريم .. امشي وانتي واثقة من عمرج.. اتبختري.. ابا ابتسامة خفيفة .. بعدين أباج ..........................(كانت ملكة جمال .. شالة قلوب الرياييل فموقع التصوير .. اما دعاء كانت مشغلة البلوتوث العدل .. وبدوا تصوير .. وقابضة المخرجة المكرفون وترمس مي ) ياريم ارفعي راسج ..هيه هيه بس امشي وطاعي جدام .. كأنج تطالعين الناس من طرف خشمج .. هيييه جيه اباج .. ابتسمي فديتج .. امشي .. هيييه وقفي مكانج .. صدي شوي شوي عاليسار .. رفعي حواجبج انه مب عايبنج شي ..هيييييييييييه جذيه .. امسحي ع شعرج .. (وفنفس الوقت كانت زايغة ومتوترة وفرحانة واايد .. اتحقق حلمها ..)

(اما في الدوام )

مانع: سيدي أريد أكلمك ..

عواس: انا مشغول تعال خلاف ..

مانع: السالفة فيها حياة او موت ...

عواس: عن الشغل؟

مانع: لا ..

عواس: عن قبل؟

مانع: نعم سيدي ..

عواس: عيل اجلب ويهك

مانع: بس يا ســـي

عواس بطّل الباب بعصبية : برّع !! (وظهر مانع وكان فإيده التيلفون اللي كان بيسلمه لعواس .. تم مانع مكانه فمكتبه .. وبعد ساعه كاملة طلع عواس ..) مانع.. الضابط عبيد يباك .. مانع !! (وبحزم ) مانع !! (وكان حتى يبا يكلمه عن سالفة هزاع وانه لازم يوّدر هناء بس كان مانع حاط راسه عالمكتب وما يتحرك ..حزتها زاغ عواس..) مانع؟ (وحط ايده على جتف مانع .. وطاح مانع عالأرض مثل الجثة ..)[/b][/font][/size][/color]

lady oscar
18-09-2008, 03:04 PM
مااااااااااااااااااااانع

كـاااااااااااااااااان يبا يقوووووووول الحقيقه ..

الله يهديـه عوااااااااااااااس مادام قاله عن المااضي كان استنى شوويه

ومنو هالشيبه اللي عرف هنود

ومي بس لا يشوفونها اهلها ويتحرونها هنود وتصير تجذب عليهم وتعق كل ماضيها ع راس هنود


يلا نستى بدايه الجزا الول يوم كانو بالماانيا وطاحت وحده منهم متى يصير هالشي

احلى البنات
20-09-2008, 08:04 PM
(الجزء 91)

(الشباب اللي في الدوام سيده وقفوا على طيحه مانع..)

عواس شل مانع على طول وسار اللفت يدقّق الفصوص: لاتموت مب جدامي.. مب جدامي يا منوع !! (وسار الجهه الثانية عشان ينزل بالدري مسرع.. وهو نازل يحس شرا الشي اللى يخليه ما يكّمل خطوته.. كان مانع ماسك قبضة الدري ..)
مانع: نزلني... (عواس يصد صوبه..)

عواس:انتة بخير؟

مانع ينزل من جتفه:مشكور سيدي ماله داعي اتعّب عمرك اما بخير..

(وكان ويهه محمر..)

عواس:بس

(وتوّه كان بيكمل كلامه..كان مانع نازل من الدري يتدهدر.. مب مركز .. داير راسه.. نزل ووراه عيسى يطالعه وين يسير.. ووصل غرفة النيرس ..)

ساره: اتفضل ..

مانع : السلام عليكم ..

سارة: عليكم السلام ..

مانع:ساره اباج تقيسين ضغطي..

سارة:مره ثانيه؟ كم مره اقولك لا تضغط على نفسك.. صحتك يا ريال !!

مانع: ضحكتيني و ما وّدي اضحك

(وهي تقيس له الضغط..)

سارة:shut up انا اتكلم جد.. لازم اسويلك فحوصات..

مانع: مستشفى ما ابا اسير ما عندي وقت ..

سارة: انتوا الرجاجيل فيكم عناد مو طبيعي..

مانع: اذا مب عنيد مب ريال ..

سارة: اوكي راح اسحب منك عينات دم و اتابع حالتك..

مانع: مشكورة..

(وهي تسحب منه ..)

ساره: خذ هذي الحبه.. و ارتاح فهالسرير لين بعدين.. راح اخليك ترتاح.. وعندي كم من شغله .. من ارد راح أفيّقك.. (هو يبتسم و يغمض..اما هي خذت اغراضها و طلعت..وكانت في الاستقبال..تتكلم ويا نورة)

عواس ياينهاوكان يحاتي: ساره؟ شو حاله مانع؟

ساره: بخير

عواس: شو بخير؟ طاح علينا في المكتب و تقولين بخير؟

ساره: excuse me لا ترفع صوتك.. و احترم المكان الللى تشتغل فيه.. قلت لك هو بخير .. خله يرتاح فمكتبي ..

عواس: انا آسف مب قصدي .. بس كنت ..

ساره: لا تبرر تصرفاتك..

عواس: ممكن اكلمج ؟

ساره: نعم؟

عواس: تعالي شوي..

ساره: وين؟

عواس: نوره خلينا رواحنا لو سمحتي..

ساره: على ما اظن ما في كلام من بينا.. انا مجرد ممرضة لا رحت و لا جيت.. و الاجانب فنظرك مثل جلاس الاستيل ما في احساس ما ينكسرون..

عواس انصدم من كلامها: مب قصدي جذيه و الله ..

ساره: خلاص هذا قصدي انا..

(وسارت عند الكافتريا..)

عواس: بلاها هذي؟

نوره:ما خبرتك بآخر التطورات؟

عواس: إشوه؟

نوره: ساره.. طلعت مخطوبه..

عواس:شو؟ منو؟

نوره:هيه مخطوبه لواحد مواطن مالت عليه..

عواس:شدراج سألتيها؟

نوره: اصلا وحده خبرتني و يوم سألت ساره سكتت.. لا و شفت خاتم فصبعها و هذا اللى اكد الشى

عواس:ما عرفتي منو؟ يمكن في الشغل ويانا؟

نوره:ما يندرى.. يمكن بعد..

(وعواس رد البيت وكان معصب من الكلام اللي سمعه و شلشل اغراض قوم شمايل و هناء و شمسه و حمّلهن ووداهم ليوا..وهم في الطريج..)

شمسه: ابويه اول ما نوصل..

(ويقاطعه اتصال ياينه..)

عواس:هلا سعود.. لا والله راد ويا الاهل ليوا.. هيه باجر ان شاء الله على خير .. سعّود بسويلك خلاف عندي خط فمان الله .. ألو مرحبا عقب نص ساعه هيه..اميه؟

شمسه: يا لبيه

عواس: اميه ترا ميود محتشر عليج..

شمسه: بلاه بو طبر؟

مايد:احينه انا بو طبر و اللى يسوق ما فيه؟

عواس: اسمعيه هاكوه يتحرطم اونه شعنه تملجون بالصغيره قبل العوده؟

شمسه: انا امهن وعلى كيفي الشور عندي انا..

عواس: خلاص قال بيخطفها و بيتزوجها بالسر..

مايد: يا حيوان..

(وعواس يضحك..)

شمسه: قصوره بعد و الله لأنشله بــ قاب .. يطّر راسه.

عواس يضحك: متوحشه ام حرمتك!!

شمسه تضربه على راسه: و الله و كبر طبرك (ميود يضحك)

مايد: الحمد الله في حد يحس..

(وهنوه طول الوقت على اعصابها..خايفه.. متوتره.. شكلها بتنكشف جريب و مي يت تعبانه من الشغل..من بطلت باب الصاله..)

فاضل فز من مكانه: بسم الله الرحمن الرحيم..هنود؟

مي: ما عرفتني انا مي؟

فاضل:مي ؟

مي و تدور بفستانها: شو رايك؟

فاضل: بسم الله..اي مي!! (وتخبره بالسالفه كلها .. ويبتسم.. ويدق ويها مب مصدق.. ) يا الله بيعّم الخير علينا عيل.. اعنبوه ناسخينها نسخ

مي: دامنك اتصك حلجك اكيد بيعّم . .

فاضل: عيل انا عندي لج خبر.. واحد من ربعي عنده قناه برمسه.. وبرد لج خبر..

مي:صدق؟ صدق؟ اعرف انه بيوافق من يشوف صورتي

(وباجر ان شاء الله بينزل بارت لأنه هالبارت قصير وبتكون فيه احداث ملجة هناء ..وهزاع والزوبعه اللي بتصير ومانع .. وهنود وأول الفريق عواس)

lady oscar
21-09-2008, 02:15 AM
,كـلوووووووووووش الجـزء موجود

بس والله اخاف اموت وانا محروق اعصـابي عالقصه وشراح يصير فيها

من شمايل وهنود هذيلا اعز شخصيات ع قلبي

احلى بناااااااااااااااااااااات بنتظااااااااااااارج

احلى البنات
21-09-2008, 09:21 PM
[FONT="Arial Black"][SIZE="4"][B][COLOR="DeepSkyBlue"](الجزء 92)


(ومن وصلوا ليوا كان عواس ينزل الاغراض .. ويحس شرا اللي حد ينغزه على جتفه من ورا ..وصد يطالع ..)

فطيم : السلام عليكم (وهو يشل الاغراض وروّح عنها وما رد عليها وهي تمشي وراه ..) انا آسفه ..

عواس: طلعي برع لو سمحتي ..

فطيم : ليش ما تطالعني؟ ليش ما تحط عينك فعيني؟

عواس: من زين سواياج عشان أحط عيني فعينج؟

فطيم دموعها تنزل : والله آسفه .. لين متى ما بتسامحني؟

عواس: الله المسامح ..

فطيم : وانته؟

عواس: قلت لج الله يسامحج ويستر عليج ..

فطيم : شو قصدك؟

عواس: انا قلت شي غلط؟

فطيم: ما تحبني؟

عواس: حب يهال .. اهلي قالوا فطوم لعواس وعواس لفطوم كان حب يهال .. انتي اخت .. (وتوةّ بيكمل بس قاطعته ..)

فطيم تزاعج : لا تكمل !! أخت؟ تعتبرني أخت؟ كل هذا وأخت؟ ياخي خاف الله !!

(وهو كان يقوللها هالكلام يبا يحرق قلبها على اللي سوّته فيه ..)

عواس : أكيد أخت ليش تتوقعين زيادة؟

فطيم بحزم : ما يخصك !!

عواس بجدية : انا قلت لج لا تحطين آمال علية !! ويوم بعرس ماباخذج انتي .. بعدج ما ولتي لمستوانا ..

فطيم: نعم؟ نعم؟ مستوى؟ أي مستوى يا راعي المستوى ؟ انته يالله يالله على معاش الشغل وتتكلم بالمستوى؟ أحينه فطيم اللي هي فطيم اللي تعج الطير من على السماء مب داشة مخك؟

عواس يضحك : مغترة الحرمة فعمرها !! ههههههههههههه اقولج !! عفتها ونسيتها بعد !!

فطيم تصيح : خاف الله ..

عواس: خفتي من الله يوم جرحتيني؟ لا !! أكيد لا !! ليتج قلتيها لي من زمان انج ما تبيني .. لكن قلتيها جدام منو؟ جدام أميه نشبة والكل درا .. وحضرتج كنتي كارهتني كره اليهد يوم كنت زين وياج كرهتيني واحينه عايبنج يوم غدت اللعانة من صفاتي تمي بندمج !! انا بكمل حياتي بدون عوار راس .. وعمري ما برد لج فهمي هالرمسة عدل !! تندااه !!

(ودش داخل عنها اما ميود من سمع الهرن سيده ربع لبيت شمسه هو ورشووود بو لسان طويل )

مايد : خالوه !! خالوه سان .. خالووووه سان !!


راشد الصغير: أبويه يا أبويه !! عواث ويهد !!

(ومن سمع عواس صوت رشود ربع تحت..)

عواس: مرحبا.. مرحبا مليون..

راشد: أبدا لا تكلمني!!

عواس: حشم وغد بدوي..

راشد: البدوي ما يودر ولده روحه ويا بوطبر

مايد يضربه على راسه: من زين طبرك!!

راشد:أي بابا شوفه..

عواس يشله: خشمك..علومك راعي صويغان؟

راشد: ابنعمه..متولهين..

عواس:انف عليك.. (و كان ماخذ ملامح عواس وشطانة ميود ولسانه بعد واهم شي الطبر .. العلامه التجاريه في العائله.. ) اندوك انته.. أغيب كم من يوم و ما توّديه الحلاق؟

مايد: اسمع انته !! يطيع هو؟ بيطّوله يباه شرا..

راشد :أباه مثل بن دعوان بلاك انته !! (قصده بن عدوان ..و شمايل نازله..)

مايد: يا مرحبا مرحبا الساع بالشيخه

شمايل: مرحبا الساع بولد عمي..

مايد: تراني زعلان منج..

عواس:حردان..حردان..

مايد: شعنه ما تستعيلين بأغراض الملجه؟

شمايل تضحك: جيه منو الريال؟

مايد: انف شو ها بعد؟

شمايل:والله انا جاهزة قلت لك بسويعتي..

مايد: واايه فديت راعية السويعيه..

شمسه: مغازل فبيتنا؟

مايد:حشا !!

شمسه: أنا أدري ما يطلع المغازل الا من ميود..

مايد:عدال.. وهذا الجازورا اللي حذالي؟

عواس:أنا؟

شمسه:محشوم محشوم فديت ويهك..

عواس:: احم احم

مايد:خالوه والله هذا أكبر لوتي بطلي تليفونه بتحصلين أرقام بنيات..

شمسه:وابويه صدق؟

عواس:والله لا !! إيييه بوكرشه !! اخرط !! اخرط !

شمسه: سمعوني.. باجر ملجة هنوه.. والأسبوع اللي عقبه ميود..

(شمايل احمر ويهها.. وصدت بتروح.. واتفجج من ميود..)

مايد: اييه !! اييه !! تعالي هني !! وين سايرة؟ ما جحلت عيني عدل !!

شمايل تربع: اييه أستحي!!

(عواس ميت من الضحك..وحصّل ميود ضربه على راسه..)

مايد: حشّم يا ولد !! أعنبوا جدامي بعد؟ أكرم انك هب طبيعي..

راشد:أقولج خالوه انا بعرث وباخذج عادي؟

(و هم يتضحكون عليه..أما هنوه حنّت ساعة الصفر .. قلبها بيطلع من الزياغ .. طول الليل كانت خايفه .. اتخبر أمها عن السالفه ولا؟ ولا تخبر شمايل؟ وهي بتتصرف؟ لالالا يا حبها حق الشماته .. يالله شو الحل؟ والله بنكشف .. أشرد؟ انزين وين أسير؟ أخااااف .. (وتمت لين الصبح كان شكلها مريض .. ما طلعت من الحجرة ..وهم يدقون عليها .. كل مرة تبطل الباب تسوي عمرها تعبانه وفيها رقاد لين استوت الساعه 3 ..)

مايد: عواس؟

عواس: هممم

مايد : ما بتسير اتسلم على يدي ؟

عواس: يوم بيينا البيت مرة وحدة بسلم عليه

مايد : خف شويه عليه لا تيلس اتحط فخاطرك هذا يدي وفنفس الوقت أبوك اللي رباك ..

عواس: اسمعني ميود .. انا آدمي وأحس بكل شي .. يوم من الأيام انكسرت .. وأحينه يوم شفتوني آخذ حقي بإيدي تبوني أخف عشان ياكلون حقي؟

مايد : تغيرت يا عواس .. احس جني أشوف عمري فيك يوم كنت مستلعن أيام قبل ..

عواس: سر سر اسبّح وبدّل وتعال ..

مايد : انزين ..

(مايد ظهر من صوب وهنوه دشت من صوب ثاني بس ما لاحظها عواس كان يفكر ..)

عواس فخاطره : قلبي ما يطاوعني اني ارد ليوا وما اشوف يدي اتولهت عليك يابويه ...

عواس حس انها موجودة : أوووه العروس ما بغت اتنزل واتكلمنا ..

هناء منخطف لونها وتتنافض : ع .. ع .. ع .. ع .. عيسى..

عواس: لبيه ..

هناء: أب .. أب .. ابا اقولك شي .. (وكان توّة مايد بيبطل الباب بيقول شي حق عواس بس وقف يسمع ..)

احلى البنات
21-09-2008, 09:21 PM
عواس: بلاج هنوه؟ تعبانة؟ زايغه من شي؟

هناء تترجاه : احلف .. احلف انك ما بتجتلني؟

عواس: يالله أجتلج عاده؟ ليش؟

(دش ميود مفوّل ..)

مايد : مسوية بلوى صح؟

(ومسكها من جتوفها ..)

هناء زاغت: ميود !!

مايد: اتكلمي شو مسوية؟

عواس: بلاك هدها !!

مايد : هذي الخراب كله !! الله يستر مب مشوهه سمعة أختها ..

(اما مانع كان حزتها يلعب ويا هند .. لين حس بوّيع فمعدته ..)

مانع: آآه !! بطني .. آآه !!! (وويهه محمر .. مب رايم يتحرك .. يبا يتكلم مب قادر .. بنته ياهل ما تفتهم .. وهو حزتها يتمنى حد يدخل عليهم ويساعده .. لين دوّخ مرة ثانية ..اما هنيد .. كانت تخم برع .. والشيبه واقف عند الدريشة .. كان جسمها خامل .. واتحس بالتعب .. الدويات لين الحينه فجسمها ما اتخلص جسمها منهن..)

الشيبة أحمد : شو اللي خلاّج تفّرين كرامتج وتشتغلين بشكارة عندها؟

(وكانت اتخم والصيحة جايستنها بس ماسكة عمرها ..)

هنود فخاطرها : سمعتي اللي اختربت والفضيحة ..

الشيبة : شعنه ما تتكلمين؟ منربط لسانج؟ انزين .. عندج مفتاح حجرتي؟ اباج اتمشيني شوي في الحوي .. متوله على الدنيا اللي برع .. (وهي مول مب معبرتنه ..) إيييه أكلمج انا .. ليش جذيه؟ جذيه علموج أهلج تحترمين الكبار جذه؟

(تم يتكلم وهي تسمع بس ما اتحط عينها فعينه كان كلامه درر ينحط عالجرح يبرى يحاول يرفه عن عمره .. اما سعيد ..)

سعيد : وأخيرا حصلته .. (ويتصل .. كانت ناشه من الرقاد ..)

مي: نعم؟

سعيد : الله ينعم عليج

مي: من؟

سعيد : واحد يتخبر عنج ..

مي: معجب وانا مادري؟

سعيد : ما وصلت لهالمرحلة ..

مي: انته انسان فاضي وانا انسانه مشغولة باي

سعيد : بندي وبحرقه تيلفونج ..

مي: في شي اسمه انه الهاتف المتحرك الذي طلبته مغلق ..

سعيد : أقدر أبطله ..

مي منقهرة : نعم .. آمر .. شو تبا ؟ خلصني ..

سعيد يبتسم : قولي اول شي يا عيوني ..

مي: ههههههههههههههههه يا عيوني ..

سعيد : يااااااااااااااااااااااااااا الله محلاتها منج !! ردت لي فؤادي

مي: ليش حضرته مسافر؟

سعيد : الا مهاجر و رد .. مي؟

مي: نعم؟

سعيد: وياج سعيد .. (توّة بيقول الشيخ سعيد بس سكت ..)

مي تتنهد : وانا مي ..

مي فخاطرها : يا صبر أيوب ..

سعيد: اتشرفنا ..

مي: انزين انا بكمل رقادي يالله باي .. (بندت التيلفون ) انسان فاضي !!

(اما هو سيده ضحك وعيّبه فيها لسانها الطويل .. اما عند عواس ..)

مايد: صدقني هذي ماتي الا في راسها شي والله

عواس: هنوه رمسي !!

مايد يزاعج : رمسي ولا والله لأزغدج !!

هناء تنتفض: و و و و .. ما أقدر أعرس ..

عواس: شعنه؟

هناء تتكلم ابسرعه وتعج القنبلة : لأني على ذمة هزاع !! (ويلست عالغنفه حاطة ايدها ع راسها وتنتفض .. وقلبها يدق بطريقه فظيعه .. ميود وعواس منصدمين..)

مايد: على ذمة؟

عواس: ذمة هزاع؟ ذمة هزاع؟ كيف؟ (ويتقرب صوبها ويزاعج ) ككك كيف خذتيه؟(ويضربها ع راسها ) كيف خذتيه؟(وهي تصيح )

هناء : والله والله .. مب قصدي ..

مايد : فضحتينا لا بارك الله فيج !!

(عواس يلس عالغنفه منصدم صدمه من هالآدمية )

عواس: ياعمري ما توقعتها منج !! انتي؟

(ميود قبضها من راسها وعيونه محمرات من الغصة وعفد عليها بالضرب وهي تصارخ )

هناء: دخيلك ميود .. دخيلك التوبة .. آآآي !! آآآي !! والله آخر مرة !! الله يخليك والله ما أعيدها !!

مايد : والله لجتلج !! ضيعتي شرفج يامالج السم !! يعلج بعوقن ما عقبه عوق !!

(وقام عواس ومسكها من راسها وداسها ع بطنها ...)

هناء تزاعج : آآآآآه بطني بطني بطني لحقوا علية بطني ...

عواس: قومي قومي يا مالج الدحق ان شاء الله (مسكها من رقبتها ..) زخها ميود .. ان شردت اجتلها لين أييب الخيزرانة ..

هناء: الله يخليك التوبة .. التوبة والله التوبة .. أميييييييييييييه

عواس سار ورد بخيزرانة يايبنها من برع : انتي ما توبين اللي من هالاشكال ما اتوب .. (ويضربها ع ويهها بالخيزرانة ) فضحتينا ونزلتي روسنا .. الناس كلها بتعرف !!!! وحضرتج ياية على آخر شي تخبرينا قبل ملجتج بكم من ساعه عشان نتلاحق عليج وعلى فضيحتج ؟ والله ما اتمين حية جان انا وراج والله

شمسة : بلاكم تصارخون؟ بلاكم ؟ شو ها ؟ هنووووه؟ ليش تضربونها؟ شو سوّت؟

مايد : طاعي بنتج فضحتنا ونزلت كرامة عايلتنا والله ثم والله ما تطيح بيت يدي ولا والله أجتلها والله حتى ويهها ماداني أشوفها هذي بنت عمنا؟ أكرم .. ياريتكم خلفتوا عليها شي عدل ..قلنا اختج عفدوا عليها ما اظن منيه والدرب والله يإني حاس انج انتي اللي مطرشتنهم والله وهذي حلفة .. (ويزاعج ) شملووووه يا شملووووه !!! (وتربع شمايل)

شمايل: نعم نعم ياية .. خير ...بلاكم؟ (وتشوف ويه مايد محمر )

مايد : كلمة ما تنعاد تسمعين؟ان عرفت انج مكلمتنها او حتى حاطة عينج فعينها صدقيني العرس بيلتغي وعمريما بكلمج لو شو يستوي ..

شمايل: ش ش شو مستوي؟

عواس: الحرمة معرسة ونحن يا غافلين لنا الله .. (ومسكها من راسها ..) بتطوفين ويانا وانا براويج .. ميود زخها ..

مايد ماسكنها : منو قال بهدها ..

شمسة : معرسه؟ اشوووه معرسة ؟ بنتي انا؟

مايد : يا ما قلتلج اتحذري منها وحطي عينج عليها ما صدقتيني هذي شرا الحنيش .. (ويضفعها طراق على ويهها ..)

هناء: أمييييه ..

شمسة معصبة ومحمر ويهها الا منصدمة انه هالشي يظهر من بنتها : وبكل قوة : تظهر من البيت وان شفتها لأفرها خاري بيتي ما تطيحه .. برع !!! انا ما عندي بنت (وتربع شمسة لحجرتها ..)

مايد: شملوه اتصلي بالعرب واتعذري منهم

شمايل زايغة : ان شاء الله

مايد : طوفي جدامي طوفي !!

هناء: والله التوبة خلوني الله يخليكم ..

عواس: منو قال انه بنخليج؟ تشوفين يوم حرقتي قلب امج وقلوبنا بنحرقه وبنشويه الحينه ...طوفي !!



(البارت الياي بعد يومين )

lady oscar
21-09-2008, 11:58 PM
يـالله بستـر ..

قلبي عورني ..


نتريـاج ..

احلى البنات
24-09-2008, 10:39 PM
[color=#FF0066][B][size=4][font=Arial Black](الجزء 93)

(ويسحبونها شرات الذبيحة هي ما تبا وهم غاصبينها على هالشي .. وركبوها الموتر بغصب .. كانت كل كلمة تلفظها تحصل طراق ع ويهها .. وميود وعواس برع الموتر ..)

مايد : يالله نسير له ..

عواس: والله ما أخليه حي !! والله !! يالله اركب ..(وعواس متوعد له بالشر .. وركبوا .. وكان الجو مشحون بس هادي ..)

هناء تصيح وفخاطرها : انا شو اللي خلاني أقوللهم؟ يالله يالله تستر علية .. والله اني زايغة .. شو يعني؟ البنت ما تخطي يعني؟ انا غلطت خلاص يوزوني هزاع وفكونا من السالفه .. ما حصل شي .. (وهي تتحرى كل شي بييها بسهولة والحلول فإيدها ..)

مايد حس شعر ينبه قف وعرف شو فخاطرها : تحلمين !! تعرفين شو يعني تحلمين ؟

هناء تصيح وتزاعج : الله يخليكم .. التوبة .. رحموني .. الله يخليكم .. رحموني ..

عواس ضرب بريك وعطاها طراق خلا أذنيها تصطم : موتي يا مالج السم موتي !!

(وعواس يفكر بالحادث اللي صار له كله بسبت هزاع .. وأحينه هالسالفه اللي زادت على اعصابه لا وشتت عايلة بكبرها بفعايله .. لو يدري يدهم بيطيح طيحه ما بيقوم منها ان سمع بالخبر .. حتى العيوز بتنشّل .. هذا شي هب سهل .. وما يمر مرور الكرام .. اصلا ولا آدمي بيقدر يتحمله .. وخصوصا نظرة الناس .. وبعد محد بيطيع اييّوز ولده لهاي الخايسة .. آآآخ يالقهر آآآآخ .. ووصلوا لبيت مانع ..)

عواس: ميود دق الجرس ..

مايد : انزين .. (ونزل يدق الجرس .. و يتهم البشكارة متلثمة ..) هزاع موجود؟

البشكارة : يس .. في هجرة مال هو ..

مايد: سيري زجريه قوليله ريال يباك ..

البشكارة : منو اسم مال انته؟

مايد يزاعج : سيري عنلات صيرج !! (وتربع زايغه حجرة هزاع ..)

البشكارة : بابا ؟ بابا !!

هزاع: خير !! خير !! (ويبطل الباب ..)

البشكارة : هذا في رجال وايد سوي جنجال يبي انته ..

هزاع: جنجال ؟ منو ها؟ الله يستر بس .. سيري .. سيري انزين..

(اما شمسة تمت تصيح ..)

شمسة : لا بارك الله فيها من بنية .. هذي تبا تذبحني انا ادري .. انا شو قصرت فحقها؟ ما اقول غير الله ياخذج فضحتينا .. يعلج بعذاب لين يوم الآخرة على اللي تسوينه فينا .. يالله شو الحل؟ غربلج الله تاخذين عدو عواس ؟ ليش عاد؟ شو اللي حادج؟ شو سوينا بج؟ لا حول ولا قوة الا بالله العلي العظيم ..

اليد يدق الباب وسيده دخل : هود هود .. اميه شميس ..

شمسة تمسح دموعها : خير .. هلا .. مرحبا .. اقرب اقرب يابويه ..

اليد : بلاج يا اميه؟ مستانسة انه بنتج بتعرس؟

شمسة : ضحكتني وانا ما ودّي أضحك..

اليد : لا إله الا الله .. شو مستوي؟

شمسة : كنسلنا ملجتها ..

اليد : وابويه .. شعنه؟

شمسة : هاااه؟ أبويه طفرت بي ما تبا اتعرس .. تقول روحها بتتخيّر ..

اليد : لا حول ولا قوة الا بالله .. قايللكم لا تغصبون بناتكم .. ما تسمعون الرمسة .. هالزمن غير عن زمننا..

شمسة : خلاص اللي صار صار الحينه ..

اليد : وهي وين الحينه؟

شمسة : فحجرتها قافلة على عمرها ..

اليد قام : بسير لها برمسها ..

شمسة : لالا يابويه ما يحتاي .. انا ادريبها راسها يابس .. خلها تهدى شوية .. لأني مكفختنها ..

اليد : حرام عليج .. خافي الله .. هذي بنتج راس مالج هالبنتين ..

شمسة فخاطرها : يعلها الموت .. يعلني أموت ولا أشوفها ..

شمسة : أبويه انته سر علّم امايه .. محتايتنها هالحزة ..

(وعند هزاع .. كان مبطل الباب .. يطالع منو )

عواس مسكه من رقبته ومثبّتنه بركبته : تباني أذبحك؟ هاااه؟ ما كفّاك قبل؟ راد الفير على بناتنا؟

هزاع ما يروم يتنفس : والله .. والله يا عواس اني خطبتها منكم امية مرة ..

عواس محمر ويهه : أصلا منو بيرضى يوافق عليك يا راعي المخدرات؟ هاااه؟ منووه؟ وتبا تكسر ظهورنا بعرسك؟ ياخي خاف الله ..

مايد: عواس اذبحه .. اذبحه !! ما يستاهل يعيش ..

عواس: صدقت ميود ..

هزاع: تبوني آخذها .. باخذها .. والله اللي تطلبونه ..

عواس: ميود نزّل الخايسة من الموتر ..

مايد : انزلي !!نزلت عليج جهنم ان شاء الله .. (ونزلت هنوه وكانت اتصيح وتطالعهم ومتوقعه انهم بيعرسون ..)

عواس: ماخذنها عرفي ولا مسيار؟

هزاع: ع .. ع.. (وكان عواس كاتم على رقبته ) عرفي ..

عواس: وين الاوراق يالمعاريس الغش؟

هناء : إ .. إ .. إ .. انا طريت الورقه ..

هزاع: الورقة عندي تبانا نملج .. بنملج .. الحينه اذا تبا ..

عواس: طلقها ..

هزاع وهناء: هاااه؟ (كلهم انصدموا ..)

عواس: كلمتي ما تستوي هنتين ..

هزاع: بس انا ماخذتها عشان اطلقها ..

عواس: والورقه؟ ما يعتبر زواج؟ ولا شكلكم زنيتوا؟ تراكم عرستوا بمزاجكم وبقانونكم وبتطلقون بنفس الطريقة ..

هزاع: انتي طالق ..

هناء تصيح : انته تبا تفضحني؟ ليش ما خليته ياخذني؟ .. يستر علية ليش؟ ليش يا عواس؟ ليش؟ بحطها فذمتك لين موتي ..

عواس: جاب يالله جاب .. انتي اصلا بنت شوارع لكن انا بعرف أربيج ..

مايد : طر الورقة اللي عندك .. وان تكلمت بالموضوع بجتلك ..

هزاع: في شي ..

عواس: طوفي اركبي السيارة .. طوفي ..

(ويدفرونها عشان تركب .. )

مايد : خير؟ مصيبة ثانية ؟

عواس: أكيد بلوى جان من عيال قوم سيف ..

هزاع: تتذكر يوم كنت أتعاطى راويتك فيديوكليب عن اختك مي .. تذكر؟

عواس حمق : جااااب !!

احلى البنات
24-09-2008, 10:40 PM
هزاع: هذي هنوه اللي كانت اتكلمني وكنت على علاقة بها .. (وعواس وميود يفورون من العصبية ..) اختك مي ما يخصها .. كانت حاطتنها واجهة لسوالفها الجذابة .. ولا أختك شريفة وعفيفة أبصم لك بالعشر .. جان كل المصايب اللي يتكم من وراها من ورا هنوه .. هي اللي صورت مي من ورا ظهرها .. وهي اللي قالت لي قول جدام عواس اني مي .. وهي كانت تكره شمايل ما تواطنها بعيشة الله .. كانت هاكي اليوم بتشرد ويا الباكستانية جان ما عندكم خبر .. بس من الزياغ سلطتهم على شمايل .. على فكرة لا يغركم صغر سنها .. هذي داهية .. تعرفون شو يعني داهية؟ الله تاب علية وانا أبري ذمتي جدامكم .. اللي تبونه انا حاضر .. لو بتذبحوني اقوللكم تراه رقبتي لكم فداكم .. بس انا اقولها لكم اتحملوا على خواتكم منها .. ما همها انه اختها تنفضح او حتى يغتصبونها او انها دخلت مال النفسية اهم شي عمرها .. كان اهم شي عندها تستانس وتتوّنس وتلعب بذيلها .. ولا يغركم صياحها على فكرة ترا عندها موبايل .. اذا ما حصلتوه فحجرتها اكيد خاشتنه في ثيابها وتوقعوا منها كل شي .. (وهم منصدمين وتوقعات ميود فمحاهت ..)

مايد : أعوذبالله شو اللي الله حاط فقلبها ؟

عواس: انا ذابحنها ذابحنها ..

مايد يمسكه : عيّن من الله خير .. وخلنا انروح ..

عواس: اصبر .. ( وسار جدا هزاع ..) تعرف اني ما اسامحك طول حياتي ..(ويضربه بوكس على بطنه بكل قوته ) لا انته ولا اخوك !! تفهم ؟

هزاع: آآخ !!! (وروحوا عنه .. كانوا في الموتر ساكتين ويطالعون بعض .. وساروا صوب السيح .. مكان خالي مافيه حد .. اما عند هنود )

ايفلين : فتوم ؟ فتوم ؟ ماما في روه ولا ؟ (تأشر هنود انها سارت ) انا في روه مع بوي فريند .. ازا في ييجي كولي ايفلين نايمة فيها همى

احلى البنات
24-09-2008, 10:42 PM
هنود فخاطرها : الله ياخذج .. يعلج المرض والسقم انتي والبوي فريند مالج ..

(اتعدلت واتزجرتت هب سهلة هالبشكارة وطلعت .. اما هني كانت فرصتها اتصلح الاشياء المنكسرة .. دخلت المطبخ .. شافت اكلها السقم .. طلعت عيش .. حطت كمية بسيطة .. طلعت سمجة من الثلاجة ملحتها وحطت الكركم .. وخلتها وظهرت نص دياية وبزرتها وسارت تسوي السلطة .. ويوم خلصت من تقطيع السلطة شاطت البصل وقلّت السمجه غدت ذهبية مقرمشة تشّهي .. وسارت ذوبت مقدار قليل من الزبدة وخلطت وياها سنّوت وسخنته ونجحت طريقة الدهنة الخنينه .. حطت الصينية .. وصحن العيش وفوقه السمجه وصبّت شوية من الدنه .. وردّت سخنته .. ورتبت السلطة والعصير والماي .. شلت الصينية .. وتمشي شوي شوي .. صدت يمين ويسار ..)

هنود فخاطرها : لا محد ياء .. لو حد ياء بسمع صريخهم ..( وسارت صوب حجرة السيبة أحمد .. كان راقد حزتها .. بطلت الباب شوي شوي .. وهو سيده بطّل عينه )

الشيبة : منوه؟ ( يوم شافها ) هاي انتي ؟ ( حطت الصينية عند الباب ..) كنت أدري اني بكسر بخاطرج .. ( قام وياي بيشل عمره عشان ييلس عالكرسي .. ربعت له .. حطت ايدها تساعده ..)

هنود فخاطرها : ليش قلبي يحّن عليك؟ ليش؟

(طلعته برع حجرته )

الشيبة يبتسم : ياحي الحياه .. مغلات شمس بلادنا .. لو تصلخ يلودنا نباها .. مالنا مفر منها ..( وصد يطالع الصينية ) يالله وين سار السقم ؟ ( هنود اتأشر انها طلعت ) عيل انتي اللي طابخه .. يزاج الله خير .. والله اني اشوف اكل نظيف ..(هنود يابت كرسي ويلست مجابلتنه .. حطت الصينية على ثبانها .. كانت اتلّقم واتأكله بإيديها حتى السلطة ..) والله اني ما آكل وايد .. بس الاكل اللوث ما ينشهى منو يشتهيه؟ انا ادريبها تسوي فية خساس .. على أيام يوم كنت شال عمري كانت خادمتني خدمة اتروّع مني .. لكن من طحت طيحتي استعبدوا المكان مرت ولدية والبشكاة .. حتى ولدية اللي هو ولدية .. ( هنود اتقاطعه ..اتعرف انه اذا اتكلم فهالموضوع بيتغصص وما بياكل .. وتحط اللقمه فحلجه .. عشان يسكت .. بس هو فهم ..) مشكورة يابنتيه .. ( ومن خلص الغدا .. خلته برع .. وسارت شلت سلة التنظيف ومكينة الخمام ..)

هنود فخاطرها : لا إله الا الله شو هالريحه اللوعه ؟

( تمت اتشل الوصخ من الارض .. وقامت اتهاوع لأنه قذارة .. وتعجهن وتسير تيب ماي وصابون وتنظف الموكيت وتحجه حج ويابت المكينه وخمّت المكان بسرعه عشان تبدا فشيء ثاني ..سارت الحمام ونظفته وعقمته ما خلّت كلوروكس .. وحطت كرسي بلاستيك في الحمام عشان يتسبح .. اما ثيابه شلتهن كلهن وفرتهن في الغسالة .. وتربع المطبخ يابت طاسه حرارة وخشتها حذال شبريته .. ودخنت الحجرة .. وسارت تيبه .. كان يالس ومجابل الشارع يطالع اللي ساير وياي .. محد حس فية .. كانت الابتسامة فويهه ..)

الشيبة : يالله يزاج الله خير .. رديت لي روحي .. ( وعيونه تدمع .. وهي تدخله وفخاطرها تصيح من كلامه )

هنود فخاطرها : والله هذيلا جلاب مب أوادم !! لو عندي أبو شراتك والله لأكون تحت ريلك ابا رضاك بس .. كم تسوى البسمة على ويهك..

الشيبة : لا إله الا الله .. مسرعج نظفتيها ؟ والله من 6 سنين ما شفتها نظيفه جذيه .. اتمنى ما تغيرين رايج .. انا ابا من فترة لفترة أشوف العرب برع ما اطلب شي زيادة ..

( هنود بندت باب الحجرة وتربع حجرتها تصيح )

هنود فخاطرها : ليش الدنيا جذيه ؟ تعطي انسان وتاخذ منه .. انا كنت دوم أسمع عن هالشيبه بكل شي زين وبشخصيته القوية .. شو اللي جلب حاله؟ كيف استوا ولده جبان ؟ وحرمة ولده الجبارة ؟ انزين مانع ما يدري بسواياها؟ الله ياخذها جان هاي معاملتها..يعلها ما تشوف يوم زين .. كم تسوى الكلمة الطيبة منه ..

( وهو يوم يلس ع شبريته يشوف ورقه )

((( ابويه الشيبه عمر الانسان ما يستسلم ..تحت هالورقه بتحصل طاسه حرارة مسوتلك فوقة دياي .. ابا من أنش الصبح ألقى الطاسه خاليه عشان خاطري ..)))

الشيبة ابتسم : كنت أدري انها مواطنه احساسي فمحله .. ما اقول غير الله يسّهل دربج ويسعدج ..

احلى البنات
24-09-2008, 10:43 PM
(وهنود سارت تنظف حجرة العنود .. كانت نظيفه ما يبالها غير تنظيف الحمام .. سارت اتنظفه .. وهي تفكر وتتذكر حبيبها وريلها رشود .. وتتذكر كلامه ..)

راشد : اتعرفين ان حطيتي شي ع ويهج لاذبحج .. والله لأييج لين البيت بتأكد اذا حاطة جحال ولا مكياج ..

( كانت تتذكر هالسالفه وكيف كان ياينها البيت ومتحلف ما كان مصدق انه عيونها ملونة .. يوم لقاها تصيح يلس يراضيها.. وتتذكر يوم كانوا سايرين يقدمون ع شغل كيف كانت تكفخه بالنعال وتتضحك ويوم هي شلت السلة بتظهر من الحمام شافت محمد ..)

محمد فخاطره: يت والله يابها ..

هنود فخاطرها: وابويييه الله يسلمني منه ومن نظراته بس ..

( وهي طافت عنه بتظهر بس هو حد لها .. )

محمد: على وين؟ ( هنود اتأشر انها بتظهر ..) فاطمة؟ (وكانت منزلة راسها وتنتفض ) ابا اتزوجج .. انا سوي زواج انتي .. تفهمين ؟

هنود اتطالعه منصدمه وفخاطرها : هذا مينون ولا اشوووه؟ انا معرسة شقى بعد اخذه؟

محمد: صدقيني بالحلال .. لو تعرفين كم أفكر فيج .. ياعمري ما دشت وحدة خاطري شراتج انتي وعيونج اللي عجتني .. ادري هب فاهمتني .. بس .. اباج اتفكرين .. بعطيج اللي تبينه .. فلوس .. وبيت .. وخدامة .. انتي اللي تامرين وتنهين ..

(هنود تربع حجرتها زايغه .. )

هنود فخاطرها : والله مينون والله !!

(اما عند مي ..)

مي ترد بدون ما تشوف الرقم : نعم؟

سعيد : بعدج راقدة لهالحزة ؟

مي تتأفف : ياربي .. انا كل ما اقول بفتك منه يرد يسوي .. انته شو ما تتعب؟

سعيد : لا بعدني .. احب اطفر بج ..

مي : نعم ؟ اشتريد؟

سعيد : اريد اخذج؟ ممكن؟

مي: بالتيلفون؟ ما احيد في حد ياخذ عن طريق التيلفون ..

سعيد : انا قبل شايفنج وكبرتي فعيني ..

مي: وعندك شي حق العرس؟

سعيد : اول شي انتي موافقة؟

مي: طبعا لا.. وانا ما افكر حاليا فشي اسمه زواج ..

سعيد : بطرش اهلي صوبج ..

مي: قلت انا آسفه شو ما تفهم؟ نووو يعني نووو هذا اللي ناقص بعد .. ما احيد الزواج غصب ..

سعيد : انتي بتخبرج ترمسين شليتي وانا مادري .. امايا انا..

مي تضحك : انته شو يا عيوني؟

سعيد : فديتج انا شايف كل خير لا تيلسين تستفزيني تسمعين ؟

مي: يا اخي في مليون وحدة غيري دوّر بتحصل ..

سعيد : وانا ما ابا غير مي .. صدقيني ان شفتيني .. (توة بيكمل ..)

مي: هيه ادريبها الاسطوانة المشروخة من اشوفك بطيح من طولي لاني بشوف ملك جمال ..

(سعيد ميت من الضحك على كلامها ..)

سعيد : أسميج ضربتي عالعووق ..

مي: أسميك انسان فاضي .. يالله اترخص منك ..

سعيد : اتحداج ان شفتيني ما بتطيحين من طولج؟

مي: عدال عدال .. ادريبها هالسالفه اشوفك وتشوفني تاخذ مني واخذ منك ..



(شو بيسوون بهناء؟

اما مانع شو مصيره ؟

وشو بيستوي بين مي وسعيد .؟

اما هنود شو بيكون ردها على المينون محمد ؟ .... كل هذا بيطلع يوم السبت ..)

lady oscar
25-09-2008, 04:52 AM
دمعتتتتتتتتتتت عيـووووني عـ هنود والشيبه

وحقددددددت عـ محمد

وهنااااااااء

هـزاع هالجزء بس راضيه عليـه خخخخخخخخخخخخخخخخ بس مايندرى عاد

وبنتظارج

احلى البنات
27-09-2008, 07:32 PM
[SIZE="4"][COLOR="DarkRed"][FONT="Arial Narrow"][B](الجزء 94)

(وبندت مي فويهه وسيده غلقت الموبايل وكانت اتحرطم عليه .. اما سعيد عصّب ..)

سعيد : صدقيني مب بهالسهولة .. مب انتي اللي تبندين فويهي .. حضرة جنابج اتحرّيني من هالشليتيه؟

(اما مانع كان مدوّخ .. ويت ام مانع تطالع هند ..)

ام مانع : مانع؟ مانع؟ قم يا بويه !!! (ونش مانع ..)

مانع: كانت معدته تعوّره : آآآخ .. مادري بلاها معدتي ..

ام مانع: يابويه تراك ما تاكل سير طالع ويهك جيف غادي شرا اللومية ..

مانع: حطيلي العشاء يا اميه ..

ام مانع: ان شاء الله ..

مانع: هزاع وينه؟

(وكان يتويع )

ام مانع : هزاع برع رياييل يبونه .. يابويه قم بوّديك الدختر .. هاي مب حالة ..

مانع يبتسم : باجر انا بسير ما عليج ..

(وعند عواس ومايد ..)

هناء: ليش في البر؟ بتجتلوني .. (وكانت تنتفض لأنه حانت ساعتها ..)

مايد : بندفنج وانتي حية يالملعونة .. نزلي !!

هناء : هيه طبعا لأنكم مب رياييل لازم تسوونها بالدسة !!

(مايد وعواس يطالعونها بصدمة الا بقهر .. انه فيها جرأة بعد .. عواس ما سوا عاب وطاب .. نزل وبطّل الدبة وطلّع الخيزرانة المحناية ..)

عواس يشلخ السيت اللي هي فيه : ما بتنزلين؟ هذي بتنزلج !!

(نزلت وهي زايغه )

مايد : خبرينا بفعايلج يا ام فعايل !! ارمسي !!

هناء: قلت لكم انا آسفه وصلحوا الغلط اللي انا سويته .. ارحموني عادة ..

(عواس يشلخها بالعصا ع ويهها وجسمها وهي تترجى بالتوبة ..)

عواس : والله ما اتوبين !! انتي اتوبين؟ جذابة !! خليتين اظلم خواتي .. أظلم مي اللي ما كان لها خص .. نحنا اللي لتهناها بسبتج !! الله العالم شو مسوية زيادة .. ليش كارهتنا؟ نحن شو سوينا بج؟ عمرنا ما عجينا كلمة شينة عليج .. وجذيه تجازينا؟ لا بارك الله فيج من خايسة !!!

مايد : رمسي يالخام شو سويتي بشمايل؟

هناء : انا؟ ما سويت شي .. هذا هزاعوه يجذب عليكم ..

مايد : عيل شدراه بسالفة شمايل والباكستانية ؟ هاااه؟ مستبصر وانا مادري؟

(ويسحب العصا عن اخوه ويضربها ضرب وهي تتويع وشافت دم من ويهها )

هناء بهستيرية : دم !!! دم يطلع من خشمي .. آآآخ خاف الله .. تباني أبوس ريلك ببوسها .. (وشيلتها طاحت وتبوس ريله وسيده يدفرها ..)

مايد : يا مالج السم نطقي !! نطقي ولا اجتلج !!

(وقامت تبا تشرد .. وزخاها عواس من ظهرها ..)

عواس: وين تبين تشردين؟ بعدنا .. هذا أول الليل .. (وهي تصيح يائسة .. انضربت وكانت مرات اتحس بالضرب ومرات بلا مشاعر ما اتحس لين اتعبت ..)

هناء تصيح : برمس والله برمس !!

مايد وعواس : يالله رمسي ..

هناء تنتفض : كن .. كن .. كنت أكره شمايل لأنها دوم يضربون فيها المثل .. شمايل وشمايل .. شوفي شمايل شقى حرمة وذربة وتسمع الكلام .. حتى شطانتها غاوية شراتها .. وهنوه دوم اللي تسوي مشاكل .. انا بس ابا شوية اهتمام .. وكلهن .. هندوه محيّرة لمنوع .. وفطوم محيّرة لعواس .. وميود لشمايل .. وانا؟ .. بنقول لو ميوه مب امها عراقية جان سيده لقيناها محيّرة .. لحد مب بعيد بعد يمكن حسن ربيعك .. وانا؟ انا محد كان يعبرني .. تتوقعون منو فرقكم؟ ههههههههههه انا !! انا وبس .. كلمت ميود لفترة وفريت مخه ووزعت رقم شمايل عالشباب.. على فكرة ما خليت حد ما كلمته لو تشوفون تيلفوني ..بتحصلون بنية وحدة بس والباجي كله شباب هههههههه الاعتراف بالحق فضيلة .. وكم من مرة زاخني ميود كنت بشرد ويا واحد .. كنت على كل ما اشرد هو يزخني .. جنه الله مسلطنه

احلى البنات
27-09-2008, 07:34 PM
علية .. ومرة سمعت البنيات متفقات انهن بيسيرن الاستراحة .. وكنت هذاكي اليوم مواعده الباكستانية وقايلتلهم ابا رقم يديد.. على فكرة ما يرفضون لي طلب .. لأني يا ما ساعدتهم وعطيتهم بيزات .. ومن

عواس يتصل : ليش ما تردين والله محتاينج ..

(ولين يومها سارة ما نسّت رقمه .. انصدمت من اتصاله ..)

سارة : أرد ولا لأ؟ عيسى ما يتصل الا وفي راسه شي .. (وردت ) ألو ؟

عواس: سلام عليج ..

سارة : عليكم السلام

عواس كان زايغ : سارة انا محتاينج هالحزة ..

سارة زاغت من كلامه :what happen?

عواس: بنت خالتي .. ما استحملت الضرب ودوخت ..

سارة : انته وين ؟ وليش ما وديتها المستشفى؟

عواس مفوّل: انا لو محتاي مستشفى جان سرت ما بترياج تقولين لي !! ولاجان ما اتصلت بج ..

(سارة قفطت واحمر ويهها من الاحراج .. يعني ماكان بيتصل بها الا اذا كان يبا منها شي وبالدسة بعد .. تمت معصبة ..)

سارة : u can bring her my home (وكانت توصف له المكان ..)

عواس: ما بنسى لج المعروف هذا .. (وكان عواس يقوّمها وميود ما طاع يساعده .. كان يفكر بشمايل .. وكيف اتعذبت على يد اختها الانانية ..) ياخي ساعدني عن تموت على ايدينا !!

مايد : يعلها الموت وزيادة !! جهنم أبركلها ..

عواس: آآخ ثجييلة .. هنوه!! هنوه قومي !! (ومن حطاها عالسيت بطلت عين وحدة كانت قاصة عليهم وفنفس الوقت ما تبا تنضرب زيادة .. خذوا ساعه كاملة في الطريج ..)

سارة تصيح : كرّست كل حياتي للتمريض .. ودخلت تخصص الطب العام والنفسي .. كنت واثقة انه ما في شي فهالدنيا راح يكسرني .. ما كونّت علاقه حب مع أي حد .. كنت أفكر دراستي أولى وبعدين الحب .. كل اللي في سني اتزوجوا او عندهم بوي فريند .. انا واحد مو قادرة أحصل عليه .. ولين الحينه متملك قلبي .. أوبي يظن انه بنته لازم تكوّن صداقات وتجرّب الحب .. وأميه الله يذكرها بالخير .. ما خلت حد ما جابته من دكتور يا لين عامل صيانة فيلتنا .. ولين اليوم ما دخل قلبي غير .. عيسى الشاب المسلم الاماراتي .. أول ما شفته كان صريع حقنة مخدرات اللي في سنه ما يقدر يتحمل الصعاب .. بس هو قدر .. لأنه يوم يصر على شي ينفذه .. وخصوصا انه لاقى صعوبات كثيرة فحياته .. انا كنت جنبه مو بس سيستر .. هو ما كان يدري اني دكتورة وعيّنت زميلي يجاوبه عن كل أسئلته عشان ما يشك فية.. حبيت أبيّن له اني ممرضة وبس .. بس من داخلي عايشة صراع اني احب عربي وغريته عربية ..وتصرفاته وشخصيته عربية .. وعندما قررت البوح بمشاعري .. أبدا لم أتوقع نظرة الاستهزاء على وجهه قصدي على قولة الاماراتيين على ويهه .. يوم كان فأمريكا .. كانت نظرته كلها أمل وتفاؤل ..وعينيه التي غرقت في بحر عشقه .. وأنفه الطويل الناعم .. لن أكمل غزلي في هذا الشخص ..لأنه قطع علية آمال .. ابدا لم أتوقع خشونته وحب الاستهزاء ..أحس اني أغرمت بشخص آخر غير عيسى .. تواريت عن الأنظار لمدة سنتين ونصف ولم يلحظ وجودي ولله الحمد ..بل كنت أتهرب منه .. لاجئة لغرفتي الموحشة .. كنت عندما أراه خاطفا من أمامي أتوتر .. وأبلع ريقي من الخوف .. بل اني اضطررت ولبست العباءة والشيلة ليخّف عني التوتر .. كنت أكذب على نفسي .. وعندما رأيته ذلك اليوم .. توقعت .. نعم توقعت انه سيعرفني ويا ليتني لم اتوقع ذلك .. قلت سوف يكشف أمري ولكنه أحمق في بعض الاحيان وظهر ذلك .. اغتر بصبغة شعري السوداء ووجهي البرونز .. لم يعرفني .. والآن بعد كل هذي السنين يطلب مني ..يطلب مني إسداء معروف له .. وعندما أعطيه رأيي يصرخ في .. يحرجني بهذا الكلام الجارح.. انا فقط أردته أن يعرف انه اذا أراد المساعده فليحصل عليها من شخص آخر لأنني ان ساعدته سوف أتعلق به ..وتزداد دقات قلبي رجفا بكلامه .. أخبرتني صديقة لي تقول عندما أقول لصديقي كلاما جارحا يكون صديقي اما مستمعا او يستعمل يديه .. وعندما أصمت يستمتع بذلك وعندما هو يقول كلاما جارحا يقول انها طريقته في التعبير أعجبني ذلك ام لم يعجبني ..وأذكر عندما كنا فأمريكا كان يتلفظ باسم امرأة اسمها غريبة .. عندها اكتشفت انها حبيبته لم يكن يلفظ الا باسمها .. كنت اعرف ولازلت أعرف انها تربعت فقلبه ولن يزيحه أحد حتى انا .. حتى الان يعتبرني لاشي .. يعتبرني فتاة أجنبية بلا احساس او مشاعر .. انا لا انتظر منه نظرة شفقة او رحمه .. ولكن ألزمت بهذا العمل عندها وقعّت .. لحقته الى مركز عمله وتغربت من أجل أن أراه ولو لمرة .. أمتّع عيني بإشراقة وجهه .. لن أطلب المزيد كل انسان وله طاقه وانا طاقتي نفدت .. تعبت .. انا دكتورة نفسية .. وحتى الآن لم أحل مشاكلي العاطفية.. لم نظرة المجتمع العربي لنا بأننا بلا مشاعر ؟ ألسنا أبناء آدم وحواء ؟ ألسنا مخلوقين من تراب ؟ وعندما عزمت ان أعود لبلادي .. طلبت من الرائد حسن أن يعفيني من عملي رفض ذلك وأرادني انا أبقى وأكمل .. كنت آتي وكنت في ذعر تام ودائم ان اراه .. ماذا أقول له ونظرته الساخرة تواجهني؟ يجب أن أتخذ قرارا بشأن ذاك الضابط الخشن .. لن أتبّع أسلوب الترويض .. سوف أتركه وسوف ينساني وسأكمل حياتي بدونه..

(وكانت تصيح متألمه لأنه مول مب حاس بها .. كانت كاتبة كل هذا فيومياتها .. وما عمرها خبرت حد بمشاعرها .. دوم صديقاتها يسمونها بليدة المشاعر .. لأنه ما عندها علاقات .. ويعلقون عليها لأنها تتريا الفارس اللي بييها راكب على حصان الابيض .. ويوم سمعت دق الجرس زاغت .. خشت الكتاب تحت الطاولة .. خلاف غيّرت خشته وين كانت يالسة عالغنفه حذالها على طول .. وحطت الموسدة الصغيرة فوقها .. وغسلت ويهها وبطلت الباب وملامحها جدية ..)

عواس: السلام عليكم..

سارة: عليكم السلام ..

عواس: بلاه محمر ويهج؟

سارة: وااات؟ لا ماشي..

احلى البنات
27-09-2008, 07:46 PM
وين أييب البيزات؟ مرة سرقت من يدي وعلى ما اظن 4 مرات من خالوه غريبة .. ومرات وايد من أميه اللي لين يومها ما تدري .. وأذكر مرة سرقت من أم ميوه العراقية .. وعادة شفت هاكي اليوم ميود يكلم شملوه انقهرت مب لأني أحبه .. بس انقهرت انه ردوا لبعض .. عادة انا يوم شفتهن متفقات بيلبسن شرات السيلانيات .. قلت هاي فرصتي أفرقهن كلهن .. وأسلم على عمري .. قلت حق الباكستانية في بنات بيطلعون من بيتنا .. هذيلا بشاكيرنا جان تبونهن .. وهم عرفوا الباجي .. (وحزتها كان ميود يفور وعفد عليها يضربها ضرب..)

مايد : يالجلبة !! جذيه تسوين بأختج؟ أكرم انه ما عندج قلب !!

(والله انه جتلها من الضرب وعواس كان يطالع وما رام يزيد .. لين دوخت .. تم مكانه .. عواس حزتها كان لازم يتصرف .. وما يت في باله الا ..)

عواس: آسف بس محد بيساعدني غيرج ..

سارة تقاطعه : وين البنية؟

عواس: في الموتر .. أدخلها داخل؟

سارة : طبعا ..

عواس سار الموتر : يا ميود الله يخليك ساعدني ما روم لها ..

مايد : ولا هالطول !! هاي أكبر جذابة اتصدقها؟ ايييييييه قومي !!!

(عواس يشلها بصعوبة )

عواس: ما بتنزل؟

مايد: بترياك في الموتر ..

عواس: كيفك ...

(وسارة اتطالعه شال البنية ومنصدمة لآثار الجروح )

سارة : هني فهالغرفة .. (حتى ما طاعت تسأله عن السبب ..) انتظر برا لو سمحت ..

عواس : ان شاء الله .. (وكان يحاتي وحالته لله .. ويلس عالغنفة ..) والخيبة اشووه هذا ..؟؟ (وكانت حاطة الكتاب بشكل عمودي وحاطة الموسدة عشان ما يبين .. بس صادها .. شاف كتاب .. شلاه وحطاه عالطاولة .. تم يتريا ويتريا .. ما حصّل مجلات او شي يشغل باله ..) أكيد فواتير .. الأجانب ما يفكرون الا بفواتيرهم ..(وهو يتصفح الكتاب مال بسرعه واستغرب ..) مب كأنه اسمي موجود؟ (كانت صفحة وفيها خربشات ورسومات واسم عيسى ..وبعدين زاد عنده الفضول .. ولقى كم من صفحة مكتوب فيهن شي .. تم يقرا وصورة سارة في باله .. اعتدل فيلسته ..) معقولة؟ كل هذا يطلع منج؟

(أما عند سارة )

سارة: قومي حبيبتي ..(وكانت حاطة آخر لزقة على يبهتها .)

هناء: آآآي يا جسمي !! آآآخ .. انا وين؟

سارة : انتي في بيتي ..

هناء : انتي حبيبة عواس صح؟

سارة توترت : أكيد لا انا زميلته في الشغل انا نيرس ..

هناء فخاطرها : بلاها اتوترت .. اجذبي الجذابة العودة ..انا براويج يالجلبة !!

هناء تحضنها : لحقيني والله كان بيذبحني ..

سارة : لا تخافين حبيبتي .. هو شو سوا؟ انتي سويتي شي غلط؟

(هناء تصيح ومب عارفة شو تقول لها ..)

هناء: الله يخليج خلصيني منه ..

سارة : خير؟

هناء تصيح بانفعال وتغصب عمرها عالصياح : عواس !! هذا الحقير !! اتخيلي انا بنت عمه من لحمه ودمه ..

سارة : شو سوا؟

هناء: قص علية وبعد ما خذ كل اللي يباه مني أحينه يتهرب ..

سارة تزاعج : what? (كأنه كل شي يتداعى على راسها ..) متأكدة؟

هناء: والله العظيم ما أجذب عليج .. (وتحضنها بالقو ) لا ويوم هددته بخبر أميه ضربني ضرب .. شفتي جسمي آآآه يا جسمي !! آآآه !! انا لازم أبلغ الشرطة عليه ..

سارة : بليز حبيبتي الكلام اللي تقولينه خطير .. انتي متأكدة؟ يعنني لو هو مب خايف عليج ما يابج عندي عشان أداويج ..

هناء بانفعال: أجذب عليج أنا؟ أكيد بتدافعين عنه .. طبعا هو ماخذ منج اللي يباه بس على وشك .. وانا آآآه يا انا .. فضيحتي فضيحة .. ساعديني ..

هناء فخاطرها : كشفتك يا عواسوه يالجلب طلعت اتحب الانجليزية وموّدر فطيم عشانها لا فطيم ولا الاجنبية ولا غيرهن حتى بياخذنك ..دام انا وراك !!

سارة : انتظريني راح أيييج ..

هناء تترجاها : بليز لا تخبرينه .. والله بيجتلني .. فذمتج !!

سارة : لا تخافين حبيبتي .. ما راح أعلمه ..

(وسارت الصالة تبا اتكلمه وكان ماسك كتابها وهي منصدمة )

عواس يطالعها : بتنسيني؟ بتنسيني يا سارة؟

سارة احمرت وعيونها يغرغرن من الدموع : how dare you ? ..... (كيف تتجرأ !!!! ) (وتسحب كتابها منه بالقو )

والبارت الياي يوم الاثنين بإذن الله

soud_aloyoon
27-09-2008, 11:54 PM
آآآآآآآآآآآآآآآآآآخ بس لو كملتي الجزء يا وخيتي

مشكوورة وما تقصرين

وتسلم ايدج بس هناء صدج تستاهل الموت اي واحد مر ع بالها ولو متهني بتخرب حياته

نتريا البارت الياي باذن الله

lady oscar
28-09-2008, 01:10 AM
مو جـنه مخربط البار اللي تحت يكون فـوق ! لاني مافهمت هالجزء ولا الاعترافات .. السموحـه ..

يعطيج العافيـه

غموووض
28-09-2008, 01:24 AM
تسلمين اختي على البارتات
احداث وايد صارت فيهم
هنوه هذي ما تتأدب
حشى تجذب بعد عقب هالضرب كله

وقفتي في المكان الخطأ
حرام نبي نعرف الباقي
الله يعطيج العافيه

في انتظار التكمله

احلى البنات
29-09-2008, 09:43 PM
[FONT="Arial Narrow"][SIZE="4"][B][COLOR="Red"] (الجزء 94)


عواس: انا صدق ..(كان بيقول آسف بس قاطعته ..)

سارة : منو قالك تقرا شي مو لك؟

عواس بحزم : دامنه عني فهو يخصني ..

سارة : not of your businees (وكانت من داخل منحرجة ومستحية وما تعرف وين تضرب براسها .. كان الكتاب الوحيد هو ملجأها وأحينه عواس يدري .. يا فضيحتها ..)

عواس: سارة ..

سارة اتأتىء : بنت عمك بخير وتقدر تاخذها انا داويتها ..

عواس: ناديها لو ما عليج أمارة .. ( وهي صدت مروّحة بدون ما تقول أي شي .. هو سيده مسكها من إيدها .. وهي على طول ارتعشت ..) من أوصل البيت في شي لازم أناقشه وياج ..

سارة عصبت : اترك إيدي لو سمحت ..

(وتركها وتم مهموم يفكر بالكلام اللي قراه ..)

عواس فخاطره : أحينه انا أحمق؟ الله يسامحها بس شكلها وايد شالة علية .. انا لازم أكسبها .. عادة انا ليش تحمست جذيه؟ عنبوه !!

سارة سارت لها : حبيبتي تقدرين تروحين الحينه ..

هناء: خبرتيه صح؟

سارة : لا ما خبرته بس قلت اني عالجتج ..

هناء : أخافه يجتلني ..

سارة : انا راح أكلمه ما عليج هو يسمع كلامي ..

هناء فخاطرها : مب من الله يسمع كلامج .. يعلج السقم ..

هناء: ساعديني الله يخليج ..

سارة : أوكي ليّني جسمج علي ّ ..(وظهروا من الغرفة .. وكانت نظرته لهناء كلها حقد .. وسارة لاحظت هالشي ..)

عواس: طوفي الموتر وان شردتي تعرفين شو بيستوي ..

هناء تسوي عمرها فقيرة : ان شاء الله

(وسارت اما عواس ما كان وده يطلع ..)

عواس: سارة؟

سارة : تصبح على خير..عواس يضحك : ياهي طردة على أصولها !!

سارة فخاطرها : إلهي ارحمني .. ما احلى ابتاسمته .. آآآخ بتعذب..

سارة : بليز انا فية نوم ..

عواس: وانا ما بييني النوم .. (سارة تتثاوب عن قصد عشان تباه يطلع )

سارة :اوكي ..

سارة فخاطرها : الله يخليك روّح والله ما اعرف كيف أواجهك ..

عواس: انزين سؤال .. (ويبتسم ) ليش ما تحطين عينج فعيني يوم ترمسين؟

سارة : انته شو يعني ما تفهم؟

عواس: لا والله بعدني .. فهميني ..

سارة تبتسم : بليز go

عواس يناحس : ماريد ..

سارة : بليز عيسى لا تعّقد الامور لو سمحت ..(احمر ويهها ) روّح

عواس: ما بروّح شو بتسوين؟

سارة عصبت وتوّها ياية بتفاتن دان دموعها ينزلن : يعني لازم ترفع لي ضغطي وتحرجني؟ يا أخي بعد اللي قريته تريد تواجهني؟ انا مالي ويه أجابلك .. ولا حتى أسمع منك شي .. انته انتهيت وانا نسيتك ..

عواس عصب : جذابة .. ما نسيتيني وأكبر اثبات هالكتاب وهالدموع ..

سارة : انا ما طلبت منك شي ولا طلبت اتبادلني المشاعر ولا أريد منك شي .. يمكن أنا بنظرك صيادة ثروات .. انا ابدا مو محتاجه لشي .. أبوي رجل أعمال ومو مقصر معي .. وانا عمري ما مديت إيدي طلبت او اتسلفت .. وزملائي في الشغل يشهدون بحسن سيرتي ..

عواس: ومنو قال عكس هذا؟ يقولون عنج شخصية قوية اللي ما تهتز

سارة : وانا اقولك ظاهريا بس عشان محد يستغلني ..

عواس: صح بس مب على عواس ..

سارة : على عواس وغير عواس .. تفهم؟

(طلع عواس وهو متفهم وجهة نظرها .. يدري انه اللي سواه مب شي سهل .. يوم ركب الموتر .. كان ميود ساكت وهو بعد .. وهنوه تطالع إيدها اللي وارمة .. وجتفها المتصلّخ .. ومن وصلوا البيت كانت شمايل متلقفتلهم..)

شمايل زايغه : والله زيغتوني عليكم وين سرتوا؟

مايد يطالعها متوله عليها : انا حلفت لا تكسرين حلفتي دخيلج لا تخربين اللي بيننا

شمايل متألمة ومنزلة راسها : بس هذي اختيه ما أطلع من يزاها ..

مايد : أي يزا أي خرابيطه؟ هذي الأخت اللي لوّثت سمعتج؟هذي أختج بالاسم بس .. ولا هي ما تدانيج بعيشة الله ولا جان ما طرشت الباكستانية جداج وسواو اللي سووه !! فهمتي ليش أقولج ابتعدي؟ (ويزاعج ) عواس !! (عواس نازل وساحب هنوه )

عواس: نعم .. هنوه اللي مطرشتنهم (وكانت هناء منزلة راسها )

هناء واجهتها : غريبة ما صحتي ولا ذرفتي دمعه؟ أحيدج صياحه ..

مايد يضربها ع راسها : ولج ويه اتكلمين ؟

شمايل بقهر تصفعها : انا براويج يالجلبة يالخام !! انتي اخت انتي؟ انتي عدوة ..الله ياخذج .. (وتعفد عليها بالضرب وهناء بعد ما هدتها سيده رفستها )

هناء: يعلج الموت تسمعين؟ مادانيج !! غصب أحبج ؟ حبتج القرادة !!

(ويشلها ميود ويفرها عالدعنة )

مايد : انا قلت لج ان لمستيها بجتلج !! على فكرة اذا هي ما قدمت بلاغ عن الحادثة روحي بسير أعلّم ما بترياكم اتعقلون المينونة !! جوارسي؟ (ويزاعج) جوارسي !!

جوارسي تربع صوبهم : نعم نعم بابا ..

مايد يمسك هنوه من عباتها : تشوفين هالكجرة؟

احلى البنات
29-09-2008, 10:55 PM
جوارسي : يس بابا

مايد : بترقد فحجرتج وانتي بترقدين فحجرتها فوق تسمعين؟

جوارسي: يس أرباب

عواس: سيري طلعي أغراضج ومفتاحج بعد ..

(وبغصب حولوها حجرة البشكارة .. وقفلوا عليها الباب .. حتى الدريشة ماتروم تعفد منها لأنها مشبجه .. كانن هنوه وشمايل وشمسة قابضينها صياح وقهر .. اما عيسى من وصل غرفته ..)

عواس يتصل : ردي علية !! (انصدم ) مغلق؟ انا ياي وحارق الشارع حراق عشان أسمع حسّج وانتي آخر شي تغلقينه؟

(اما اليوم الثاني ..)

العنود : إييه فطوم !! فطوم وصمّخ جلاب !! (وهنود ياية مسرعه ) انا بطلع اليوم لا تخمين حجرتي .. أرباب راقد وما بيسير الدوام .. أقول سيري اكوي عباتي .. (وخذت العباه والشيلة يوم هي مدبرة بتسير تيها فلعه بالنعال على مقفى راسها ..) والنعال بعد !!

هنود عصبت وفخاطرها : الله ياخذج !! آآآخ راسي !! حسبي الله عليج !! آآخ لو بس فية قوة شرات قبل جان رديت عليج !!

العنود ما كملت 5 دقايق انها يايتنها : على فكرة لا تتحرين انا محد قالي مالي عيون هاااه؟ (وتمسكها من راسها ) سمعيني عدل !! البارحة ظهرتي المينون من حجرته ما قلنا شي .. لك ن عقابا لج بترقدين عنده .. أسميج بتحصلين فيارين وطياطير ههههههههه أدب لج عشان ما تقوّينه عليّه يالحمارة !! (وتدفرها )

هنود فخاطرها : الله أكبر عليج !! معقولة انتي آدمية ؟ أشهد انج ساحرة !! منو علمج لا بركتن فيج ..

(وكان الشيبة بطالع من الدريشة .. ويوم طلعت العنود )

الشيبة : فطيم .. يا فطيم .. (هنود من سمعت حسه سيده ربعت له .. وبطلت الباب ..) تعلاي .. يلسي عالارض بقولج شي .. (وهي مستغربة تطالعه ) اسمعي كلامي وتعالي .. (ومسك راسها ) وين يعورج؟ منيه؟ (وهي تمت تطالعه .. ما كان يعورها كثر ما عوّرها كلامه وعطفه .. تمت تصيح متألمة على ركبته ..)

هنود فخاطرها : عمري ما حصلت كلمة حلوة من أبويه .. والله يابك صوبي وعوضني بك انته ..

الشيبة : تشوفين هالشبرية العودة؟ تراها هنتين .. خوزي الفراش واسحبي الشبرية مناك وخلي مالتي مكانها ..

(تمت تطالعه .. وقامت كل ما يطلب منها شي تنفذه .. كل يوم تتقرب منه .. هو شاف فيها البنية اللي ما يابها .. وهي شافت فيه الأبو اللي حل محل أبوها الخسيس .. اما عواس داوم وعيونه تترقب انه يشوفها ويرمسها ..)

عواس: صباح الخير نورة

نورة : صباح النور عواس ..

عواس: سارة موجودة؟

نورة : لا والله اتصلت وقدمت على إجازة ..

عواس فخاطره : تتهرب مني؟

عواس : شي بلاها؟

نورة : والله مادري بس شكلها مريضه ..

عواس: ما قالت كم من يوم؟

نورة : والله مادري بس كلمتني وقالتلي أقفل الحجرة وهي بترمس الرائد حسن ..

عواس: أيوا .. هممم يالله فمان الله (وسار فوق ) صباح الخير ..

حسن : صباح النور .. تعال المكتب شوي ..( ودخلوا المكتب ..)

عواس: سامحنا والله متلوّم منك .. ومن أهلك ..

حسن : اتعرف فشلتني بين أهلي .. يوم ما عندكم بنات للعرس جان قلت من قبل بدال ما تخليني أتريا ..

عواس: كلمة واسمعها .. انته قبل لا تكون ربيعي انته أخويه وما أرضى لك المذلة ولا الشي الخايس .. والعيب هالمرة فبنتنا يوم ما عرفنا نربيها الله لا سامحها ..

حسن : كا فهمتك فسر أكثر ..

عواس: انته واثق فية؟

حسن : أكيد ..

عواس: عيل اسمعها مني بنتنا مالك نصيب وياها .. ووصاه أوصيك يوم بتخطب اسأل عنها عدل ..(وكانت هذي هي النغزة اللي فهمها حسن ) ماعلينا استر عالكلام اللي قلتلك اياه وخبرني بلاها سارة؟

حسن منصدم: وانته شدراك بها؟

عواس: أعرفها لأني البارحة شفتها المهم ليش غايبة ؟

حسن : مادري والله بس ماخذة اجازة بدون راتب ..

عواس فخاطره : انا بأدبج !! مب انتي اللي تصّدين عني !!

lady oscar
30-09-2008, 10:34 AM
ههههههههههههههههههه


ضحكـــــت عـ موقف عواس وسـارررررررره واخـيررررررررررا مـا بغـى يفهم ... القهـر عاميه حتى عن اللي يحبـونه

بنتظارج

احلى البنات
06-10-2008, 06:27 PM
[FONT="Arial Narrow"][SIZE="4"][COLOR="DeepSkyBlue"][B](الجزء 95 )


(مي اييها اتصال )

مي : ألوو؟

.......: وياج حمد من قناة ........

مي تبتسم : هلا هلا

حمد: انتي مي صح؟

مي : هيه نعم انا مي فاضل

حمد: انا وصلني الفيديو كليب بيكون حصري على قناتنا.. أسميج طالعه ملكة جمال.. خبرني فاضلانج تبين تكونين مذيعه..

مي: حلم حياتي

حمد: ماشاء الله عليج انتي صدق جميلة .. متى أقدر أقابلج عشان أحقق لج حلمج؟

مي ميتة من الفرحة :الحين اذا تريد

حمد: اوكي هاتي اوراقج وصورة من الجواز واتفضلي عندي في الشركة .. أبوج يدلها

مي: أكيد أحينه بكلمه .. ومشكوور مرة ثانية .. سؤال بسيط

حمد: انتي ما تسألين انتي تامرين

مي : أحرجتني والله .. متى عرض الفيديو كليب؟

حمد: من 3 ساعات بدينا عرضه

مي : والله؟ أحينه برد أطالعه

حمد: عيل موعدنا بعد ساعه؟

مي : على خير ان شاء الله مشكوور

حمد: انتي اللي مشكووورة

(بندت وهي طايرة من الفرحة .. وتتصل لأبوها )

مي : أبويه ؟ شفتني؟

فاضل : هيييه من متى حاطينجج عالتلفزيون .. والله وفصختي الحياء يا ميوه !! الا بتشردين المعاريس

مي : الا قول بييبهم لك ( وبعد ساعه وصلت المكتب ) واااو المكان وااايد حلو الا خيالي

حمد: الا انتي محلتنه مب المكان ب !!

مي زاغت وصدت ورا : بسم الله

حمد: من حقج تزيغين ..

مي : آسفه .. (وكانت لابسة عباة والشيلة عالجتف والشعر منشول .. ويبين يوم اتكلم حركات ايدها تبا تبين الحناء .. كانت غاوية بدون مكياج ..وهي تشوف ريال فأول الاربعينات والشعيرات البيض تبين ب مب وايد .. ملامحه غاوية .. أسمراني وعريض ومتنه في الجزء العلوي من جسمه وأحلى شي فيه لسانه اللي ينقط عسل .. كل اللي يكلمه لازم يطلع من عنده راضي كل الرضا .. مطلق ومالج على بنية ..)

حمد يتأملها : على شو؟ (ويبتسم ) اتفضلي اتفضلي .. المكتب .. انزين يا مي ... أو أناديج الريم؟

مي : أحسن لو نقول الريم

حمد: خلاص اللييريحج .. انزين اشتغلتي من قبل في مكان؟

مي : هييه (واترددت اذا قالت انها اشتغلت مذيعه أخبار أكيد بيدوّر وبيسأل وبيطردها كفاية الفضيحة اللي سواها ميود آخر مرة )

حمد: يبتي وياج أوراقج؟

مي : أكيد اتفضل .. (وتعطيه )

حمد : بس هنيه مكتوب هند

مي حبكتها عدل : ههههههههه انا اميه اتحب اسم مي وأبويه يحب اسم هند قاموا ينادوني كل واحد باللي يحبه .. وانا الصراحة ابا اسمي الفني يكون الريم

حمد : انزين هاي الاوراق والبنود اقريهن و أي شي مب عايبنج بنغيره لعيونج ..

مي منصدمة : 27000 في الشهر ؟ وااعثرتي !!! والله ولا في الاحلام !!

حمد : مب عايبنج؟

مي : لاوالله .. والله عايبني .. (وبدلع) وانا عن شو بيكون برنامجي ؟

حمد : طلبات أغاني وتلبين الطلبات عالشات .. واللي يغيب عن الشات تسألين عنه .. واللي بيتصل حاولي بأي طريقه تمدين المكالمة .. ودوم أبا هالابتسامة الطرر على ويهج حتى لو شفتي سب برايه .. بتقدرين لهالمهمة ؟ ولا أعينج سكرتيرتي؟

مي : أكيد بقدر لها عطني بوقع .. (ووقعت وهي مستانسة .. بس ماكانت تدري انه بند العقد ل 10 سنين ويا هالقناة )

حمد : وبتكون وياج على كل حلقة ترافقج حبيرة تجميل اتمكيّج وتسوي شعرج ووحدة تلبسج أحلى الملابس والفساتين .. نبا نستقطب أكبر جمهور .. بس طبعا انتي مرات بتكونين بعبايا وشيلة

مي : متحجبة ؟ ( شكلها نست التحجيب والغشوة واللثامة وفصخت الحياء )

حمد : لا طبعا .. مرات نبا نسوي دعايا لمحل عبايا .. محل فساتين .. يلبسونج عباة عشان تعرضينها ..

مي : هييه توّني أفهم ..

حمد : نبا عاد دلع راقي .. شرات اللي أشوفه الحين ..

مي : أفا عليك ما طلبت .. انزين متى أقدر أبدا ؟

حمد : بعد يومين عالساعه 2 الظهر بنصوّر دعايا للبرنامج ..

مي : خلاص على خير ان شاء الله .. انا بترخص .

حمد : ممكن أعزمج عالعشاء ؟

مي احمر ويهها : شكرا .. خلها مرة ثانية .. والعزيمة علية .

حمد : خلاص انا موافق ..

(وهي مروحه يتصل بها سعيد )

مي : نعم؟

سعيد : ابا اشوفج .

مي : احس انك ياهل ومراهق بعد دور لك على وحدة من سنك يابويه ..

سعيد : جيه تتحراني مراهق يربع وراج؟

مي : آسفة بس اقولك ان شاء الله جرب بتشوفني

سعيد : بتردين تقدمين في الاخبار ؟

مي : تقدر تقول بين وبين

سعيد : ميوه !! حشمي واغدي حرمة .. انتي شو ناقصنج ؟ بيزات ؟ انا بعطيج .. ماريدج كاشفة على ريلا غيري !!

مي : يوم بتغدي ريلي يصير خير .. اما الحينه شوري فراسي وأعرف خلاصي ..

سعيد : لا تخليني أيي لين بيتكم والله لأرمس أبوج .. ماعلية منج !!

مي : أميييه تروعت انا ياعيوني !! سر انفد عني !! (وبندت فويهه منقهرة ) قصوره بعد !! شليتي واحد !!

(اما عواس كان يتصل يائس بسارة .. وكله كان مغلق .. ورد البيت وهو يائس .. اصلا من ياء ليوا ماشاف حد .. وهو توّة نازل يبطل الدروازة .. يشوف يده حمد ووياه رشود .. وقلبه يدق من شاف يده )

رشود : أبويه!!

اليد وعواس : نعم !! (بس هو كان قاصد عواس )

عواس يحب اليد ع راسه : السلام عليكم

اليد حمد: عليكم السلام ورحمة الله وبركاته (وسيده اليد حضن عيسى ) سامحني يابويه

عواس يصاصره : انته اللي سامحني .. ماعاش اللي يخليك اتعذر .. (وعيونه محمرات )

رشود يعايب عليهم : بس يدي بس عولتوا قلبي !! فديت قلبي .. اهئ اهئ ههههههههههههههه

اليد : إشوووووه ما اسمعك !!!

عواس يضحك : تعال تعال (ويحب رشود ع راسه ) علومك راعي صوغان ؟

رشود : بخير طاب حالك

احلى البنات
06-10-2008, 06:28 PM
اليد : أحينه يالعكرة اللي يشوفك ما يقول هالولد يهدر علينا بهالرمسة !!

رشود: فديتني بن عدوان !! الرمسة روحها تيني بليا شور !!!

اليد : أعوذ بالله من لسانك .. عواس ما سمعت الخبر ؟

عواس : أي خبر ؟

اليد : ولدك يبا يضمر الرجاب ..

عواس مستغرب : أي رجاب ؟

اليد : رجاب عمته نشيبة !!

عواس : انا ركبت مرة يوم كنا يهال .. واذا يبا يجرب بييبله واحد يعلمه ..

اليد يضحك : يقول أونه استاده الاردني اللي في المدرسه بيعلمه ..

عواس : وااااايه تراااب شدرااه هذا ؟ ماعليه نحن بندور لك انا وميود..

رشود : انزين وبعد اباك تعلمني أسوق البيكاب

عواس: يصير خير مب كله ضربة اصبر علية بس

(ومن خلصوا صلاة )

رشود : أبويه الدكان

اليد : ما اييوز عنه

عواس يطلع بوكه : سر خذ لك شي وخذ لي بطاقه 50

رشود : على هالطبر !!

اليد : تعال البيت اتقهوى عندنا

عواس : بعدين ان شاء الله

اليد : اباك اترد البيت انته الداخل ونحن الضيوف عندك

عواس : أخسي !! انسى يابويه السالفه انا نسيتها .. (ودخل ويا يده وردت الفرحة لبيتهم وفطوم من هذيجي المرة مادخلت بيت حمد .. كان يتكلم وياهم وفنفس الوقت قلبه ياكله على سارة .. يتصل بس هالمرة يصيح سيده ابتسم ..)

اليد : على وين؟؟

عواس : ياي ياي !!

سارة : يس ؟

عواس : زينج انتي ؟

سارة : في البيت ليش ؟

عواس : هاااه ؟ لا ماشي .. بس .. بس .. (وهو مب عارف شو يتعلث لها ) بطلب منج طلب

عواس فخاطره : لو قلت لها ابا اسمع حسّج بتواجعني ..

سارة تتنهد : نعم ؟

عواس : انا عرفت انج دكتورة نفسية .. اباج تعالجين هناء

سارة احمر ويهها : طبعا .. انته تعرف اني ما اقدر اقولك لا .. استغل هالشي

عواس : تومين تقولين لا

سارة : على راحتك ..

عواس : لالالالا تبندين .. موافقة ولا؟

سارة : موافقة .. من بعدها لا تطلب مني شي بليز ..

عواس : بتقدرين تين بيتنا ؟؟

سارة : that’s ok

عواس : أخبرج بحالتها ؟

سارة : اللي أعرفه عنها انها تتخيل أشياء وتخبي على حساب انها تنفد باللي تسويه ..

عواس : هيه خبرتج؟؟ الجلبة !!!

سارة : خبرتني أشياء مايدخل فيها العقل ..

عواس عصب : هذي و خبرتج؟؟

سارة : انك كونت علاقه وياها زخذيت اللي تبيه منها وبتقص علي على اساس الحب ..

عواس : وانتي صدقتيها ؟

سارة : انا لو صدقتها جان طردتك من البيت وبلغت عليك الشرطة .. بس انا اعرف الشخص اللي يكلمني .. لا تنسى اني دكتورة نفسية واعرف اميز الصدق من الجذب ..

عواس يبتسم : يزاج الله خير والله يجبر بخاطرج شرات ما جبرتي بخاطري بس سؤال دار على بالي

سارة : نعم؟

عواس : انتي مخطوبة ؟

سارة : هااه؟؟

عواس : سؤال وأريد جواب

سارة : ما يحق لك تسأل .. ولو سمحت مابا شفقة منك عاملني مثل الغير

احلى البنات
06-10-2008, 06:29 PM
عواس : ولو قلت لج اني من قريت هاكي الكتاب اتبطلت عيوني اكثر .. واباج تسامحيني خلينا نبدا من يديد

سارة : اكيد مسموح كزمالة فقط

عواس اتغايظ : تبين تغايظين بي حضرتج؟ أظنج تبين الزمالة لأنج صدق مخطوبة !!

سارة : Essa its not of your business

عواس : الغزيّل باجر العصر بمر عليج اتريي اتصالي

سارة : اوكي فاين

عواس : اتصلي أي وقت

سارة : انزين

عواس : يالله باي (ودخل داخل ) وييييه نشيبة هني ؟؟ يامرحبا وسهلا

نشيبة : بسم الله عليك

عواس : مو حالج؟؟ مو حال حيانج؟ هههههههههههه

نشيبة : اقروا عليه يابوكم مب طبيعي هالوليد !!

ميثاء : ابويه انا سايرة غريبة اوووووه قصدي شموس تباني

عواس : جيه بلاها خالوه ؟؟

ميثاء : ردت ريلها ورمت عليها مب منها من مصايب بنتها !!

(وسارت لها )

شمسة : سامحيني يا امايا انا اللي لازم أييج ..

ميثاء : برايه .. خير يا اميه ؟؟ قالوا تبيني؟؟

شمسة : امييه باخذ شورج فشي

ميثاء : اشووه بعد ؟؟

شمسة : فهنوه

ميثاء : واااايه لا تباركت !!! مصيبة ثانية ؟؟

شمسة : لا أبا أيوّزها ..

ميثاء : عين الصواب .. يوم اقولج خلها تاخذ هزاعوه انتي ما رضيتي

شمسة : ومنو قالج انه هزاع ؟؟ ايخسي ويهبي فأحلامه

ميثاء منصدمة : عيل منه حسن ؟؟

شمسة : لا بخليها تاخذ عواس

ميثاء مبققة عيونها : انتي اتخبلتي ؟؟ هذيلا رابين شرا الاخوة !! وين تبين انتي ؟؟ وبعد تبين ولدنا ياخذها ؟؟ شوووه؟؟ قلّن البنيات ؟؟

شمسة : وانا وين أداري فضيحتها ؟؟ هاااه ؟؟ منو بيستر عليها ؟؟ انا امها اللي هي امها ماروم عليها !! لو نقول بنيوّزها هزاع والله ليعايرها طول حياتها ووالله لو يدري عواس انه بس فكرنا فهالشي بيجلب علينا البيت ولا حتى بيكلمنا .. لأنه لا هو راضي انه هزاع ياخذها ولا يبا حد يدري عنها وعن سواياها ..

ميثاء : انا قلت لج لا .. اتدمرين مستقبل ولد اختج على حساب بنتج ؟؟ لا يا اميه ارتاحي .. اذا هو قال هيه انا اقولج لا تفهمين ؟؟

شمسة تصيح : امايا تبين تينني بي ؟ شو تبيني أسويبها ؟ أحرقها ؟؟

ميثاء : هيه احرقيها وافتكي منها مالت عليج ماري ليش تصلين جان تفكرين جذه .. البنت اكسري لها ضلع يطلع لها 10 بس انتي امبونج امبزتنها وعاطتنها اللي تباه ويوم طاح الفاس في الراس ييتي عجيتي بلاويج على هاليتيم عواس .. اللي تعرفين انه ما يقدر يخالفج

شمسة : انا ماعلية من كلامج انا باخذ شوره وبشوف

ميثاء حمقت : عيل شعنه زاجرتني ؟؟ عشان أباركلكم؟؟

شمسة : أميييه الله يهديج

ميثاء مروحه : التعني انتي وبنتج انا شو يخصني !!!

(اما فبيت راشد )

الجود : ماشي شغل غير متابع التلفزيون .. رحيل ؟؟ يارحيل .. سويلي حليب بالكاكاو .. (وهي تفرفر في القنوات ..) كل يوم حطوا اغنية يديدة هاي شكلها قناة يديدة ... مادري من وين اييبون هالبنات اسميهن فيهن غوا مب طبيعي .. (ويوم دققت اكثر ) اندووك انته هاي تشبه هنود ... ههههههههههه شكلي انا اللي احلم .. (وانصدمت وتقرص عمرها ) لا والله هذي هنودة بعينها !!!! هنووووووووووووود !! شو سويتي بعمرج ؟؟ بنت فيديو كليب ؟؟؟؟ (وسيده تتصل برشود )[/B][/COLOR][/SIZE][/FONT]

انتظروني بعد يومين

lady oscar
07-10-2008, 01:07 PM
اووووووووووووف مصيبه جديده ع هنود


بنتظارج

احلى البنات
11-10-2008, 08:55 PM
(الجزء 96)

(اما فحجرة محمد )

محمد : مب غلط اللي سويتيه ؟ ليش تخلينها ترقد عند الشيبة ؟

العنود : لا مب غلط فديتك .. لا يكون تغار؟

محمد: أنا؟ ليش أغار؟ بس ما جد سويتيها ويا أي بشكارة .. شمعنى فطوم؟

العنود : عشان تتأدب انا قايلتلها ما تبطل الباب عليه .. وعاندتني مب الكجرة هذي تكسر كلامي !!

محمد: فديتج هي ما كسرت كلامج انا اللي آمرنها ..

العنود: هييه دافع عنها انته !! دافع!!

محمد: والله اني انا مآمرنها شو ما تصدقيني ؟

العنود مطنشة كلامه : أكل ونيب له الصياني لحجرته وأحلى الاكل .. والثياب نغسلها ونكويهن له ..

محمد فخاطره : فضلت عنج .. انتي حجرتج ما نظفتيها من عرسنا وبعد ترمسين بالجمع مالت عليج ..

محمد : أقول خلينا نتعوذ من إبليس ونرقد ..

العنود : لا والله ما خليتك ترقد .. انته حاط عينك عليها صح؟

محمد: شوفي عنودوه !! عيّني من الله خير !!!

العنود : مب بكيفك !! الشو شوري انا وانا يوم بسألك تجاوبني ..

محمد أول مرة يعصب : لا يكون عمتيّة وانا مادري؟

العنود : عمتك وعمة طوايفك كلهم اللي تحلم تبوس ريولهم بعد !!

محمد : هب هبيتي !! (وصوتهم طار البيت طر .. اما عند الشيبة .. رفعت راسها هنود زايغه تسمع صريخهم )

الشيبة : رقدي .. رقدي .. هاي دوم حالتهم جذيه .. وآخر شي الساحرة تفوز (وهنود تبتسم ) لا تلومينها .. البنية ما تيب عيال .. ماخذه محمد من 9 سنين وكل يوم اتعلّث له انها تيب عيال والعيب منه هو .. بس يوم فحص طلع ما فيه شي .. وخلاف عرفنا انها تاخذ حبوب المنع من سنين وان خذتهن فترة طويلة ما تروم تيب عيال .. كل العلاجات جربوهن بس ما شي فايدة .. وأصلا لو يابت عيال والله لتجتلهم ما بترحمهم .. امبونها طبيعتها ما تحبهم ولا تطيقهم يوم انها ما فيها خير لأبو ريلها بيستوي فيها خير لعيالها؟

هنود فخاطرها : ما ينلام عيل ريلها .. الله يعينه ويعينه ويعينه !!

(اما فبيت حمد )

عواس طايح ع ثبان نشبة وهي تلعب براسه : شو تدوّرين قمل؟ ما بتحصلين.. هههههه

نشبة : انته ما اتوبي ؟

عواس يضحك : لا ما اتوبي ... بس يا رشود عن اتطيح ع ويهك !!

رشود : لا تخاف ابويه انا حديد حصان !! (ويتزحلق من فوق الدري ) ويييييييييييييييييييو !! لحقوني لحقوني !!! واااااااااااااااااااااااااع !!

(وياينهم منهد .. وعواس يفرفر في التيلفزيون )

شما : يابويه الله يحفظك في صورة اشوووه هذا؟ خف على الدري ..

نشبة : يالله يا عواس شعر أبيض فراسك؟

عواس: هههههههه مالنا مفر منه !! والله واكتشفتي السر !!

نشبة : لا تخاف هب معلمة حد ..

شمايل : ماشي غير الصبغ ..

عواس يطالعها : استريحي بتيج الدلة .. عن هالمناكر بعد !! انا عيل ما شفتوا لحيتي لو طولتها امبوني ما احب اطوّلها عشان ما تظهر الفضايح ..

اليد حمد : واللي ياك شوية هوه؟ أكيد لا !! عيل من وين بييك الشعر الابيض غير من الضغط ..

....................... : يادافي الصوت غطيني بأهدابك ...

عواس: طولوا .. طولوا !!! (وكان يتسمع وماخذنه الجو ) مافيك حيلة يا بو حمد !!! (ويبتسم ويطرش مسج ) " اتذكرتج "

سارة اتطرشله : " الله يذكرني بالخير "

عواس يضحك : هههههههههههاي

نشبة : بسم الله عليك !! اتخبلت؟

عواس: اشعره باجي !! (ويندق الباب )

زهور : ماما !! ماما !! هذي فتوم تبيج !! (وكلهم يطالعون عواس و سكتوا ..)

نشبة : قم فديتك .. قوليلها تمي مكانج لا تحدرين انا احين بيي ..

عواس قام : انتي استريحي .. انا بسير أطالعها ..

نشبة زاغت : لالالا يابويه ايلس .. لا تسير .. انا بطالعها .. التوبة موول ما بتدشه انته استريح بس..

عواس يحبها ع راسها : ليش زايغه مني؟ يلسي فديتج .. (وطلع مسرع .. وشاف فطوم توايج شرا القطوة ) جب يالله جب !! (أونه يروغ قطوة .. هي زاغت وظهرت )هههههههههه تعالي تعلي كنت أروغ قطوة ..

فطيم محمر ويهها : لا .. خلاص آسفة بروح آسفة عالازعاج ما كنت أدري انك داخل ..

عواس بحزم: وقفي أقولج ..

فطيم : انا والله آسفة

عواس يبتسم : طوفي داخل ..

فطيم : عواس؟

عواس صد : نعم؟

فطيم : عاشق؟

عواس يبتسم : اتعوذي من إبليس وطوفي .. كلهم يتريونج ..

فطيم : عواس؟ أحس انك متغير .. أهدا عن قبل ..

رشود : فتووووم !!

فطيم : ياربي ياربي ياربي منو هالريال؟

رشود : رشود .. عنبوا ما عرفتيني؟

فطيم : لا ياخويه منو انته ؟ (وعواس يضحك )

عواس: هذا بن دعوان ما عرفتيه؟

فطيم تستهبل: خشمك يا نمر ..

رشود يتخاشم وياها : أحيج انتي يا حلوة ..

فطيم : وانا بعد أحبج يا حلوة !! (وهم يضحكون )

عواس: انف عليك بنيوه ثرك؟

رشود :مب اتقولين بشلّك تراني ريال ..

فطيم : افا عليك .. خله أبوك يشله ..

رشود : هيه هذي شغلته ..

عواس يضربه ع راسه : هب هبيت من وليد مهاروم !!

رشود :هيه عيل اشوووه يوم انته هب معبرني ولا تسمعني ..

عواس: انا؟

رشود : عيل عموه نشيبة؟ انا ما قلت لك ابا اتعلم السواقه؟

عواس: هههههههههه هيه معلوم معلوم انزين باجر..

رشود : احلف؟

عواس: اتجذب ابوك يا رشود خسئت يا ابني !!

رشود :اتخسئ زهور مب انا

(وهم يتضحكون .. دشت وياه داخل وهم كلهم مستغربين )

نشبة : أبو أبووووووه !! رضيت عليها؟ الله يرضى عليك ..

عواس: لا بس هي توها تترجاني اني اسويلها سالفة

فطيم : جذااااب (وتضربه عراسه ) من وين يايب هالجذب بوطبر؟

رشود مندهش: ثرك انته بعد يقولولك بوطبر؟ كاااااااااااااااااك كاك كاك بوطبر بوطبر أبويه بوطبر

غموووض
12-10-2008, 01:55 PM
تسلمين اختي على البارت
في انتظار البارتات القادمه
الله يعطيج العافيه

lady oscar
13-10-2008, 06:55 PM
هههههههههههههههههه


يجنن رشوود


يعطيج العافيه
وبانتظارج

احلى البنات
14-10-2008, 04:56 PM
[color=#0000FF][B][size=4][font=Arial Narrow](الجزء 97 )

(رد راشد وهو مسرع ..وطهف وراه من كثر ما يسرع ..)

راشد داخل : وينها؟ أقولج وينها؟

الجود : أول شي قول لا إله الا الله ..

راشد : لا إله الا الله .. (وراوته التسجيل ..)

الجود : طالع عدل .. دقق .. البطلة .. هذي هي هنود .. شو فها عدل ..

راشد : اقطعي !! (معناتها انطبي .. سكتت وهو يطالع ومتفاجئ )

راشد فخاطره : شو اللي خلّاج تتنزلين وتسوين بعمرج جذيه؟ كله مني !! انا اللي بهدلتج وشتتج .. وأحينه شردتي من كل شي وغديتي بنت فيديو كليب .. بس ليش قلبي مب مطمن !!

راشد : انا طالع .. (ويرّض لباب وراه .. سار القناة ومن وصل .. ما حصل حد غير الموظفين ..) لو سمحت؟

نادر : نعم ..

راشد : مدير المحطة موجود؟

نادر : لا والله راح البيت ..

راشد : ممكن عنوان بيته أو رقمه؟

نادر آسف هذي معلومات خاصة .. تقدر بكرة تاخذ موعد مع سكرتيرته ..

(راشد أسلوبه دوم دفش .. فر على طاولته البيزات ..)

راشد : والحين؟

نادر مبجج عيونه : آسف ما اقدر (وغامضتنه البيزات .. وراشد حزتها مسكه من ثيابه )

راشد محمر ويهه : شوف انا واصل حدي .. ان ما عطيتني لأزجر الشرطة لكم وأجلبه هالمكان ..

نادر : خذ الرقم خذ !! (ويعطيه )

راشد : عفانا الله بالطيب محد يباه لازم نحسّر عن إيدينا !! وبالمناسبة الكليب اللي تعرضونه حصري ..

نادر : قصدكالفنان ؟ إيييه شو فيه؟

راشد : شو اسمها البنية ؟

نادر : امممم ريم إيييه اسمها ريم ..يخربيتها شو جميلة ..

راشد عصب : يخربيتك انته يالهرم !! حشّم وغد ريال !!

نادر : بتعرفها؟

راشد : حرمتي !!

نادر : أنوو حرمة؟ هادي مو متزوجة!!

راشد : عطني رقمها او عنوانها ..

نادر: تريد الخبر اليقين ؟ انا راح أجيبلك إياه .. عطني رقمك وانا راح أتصل بيك لأنه بعد بكرة راح تعمل برنامج .. راح يخلي القناة تشتهر ..

راشد : كسّر الله راسك وراسها ان شاء الله ..(ويكتب رقمه ..) أي شي عن هالبنية تعلمني مفهوم ؟

نادر : ان شاء الله (وأول ما ركب الموتر سيده يتصل )

راشد : السلام عليكم ..

حمد : عليكم السلام ..

راشد : حمد صالح؟

حمد: هيه نعم ..

راشد : وياك راشد بن سالم

حمد : المليونير؟

راشد : هيه نعم ..

حمد: يالله يا طويل العمر آمرني ..

راشد : البنت اللي فقناتكم ..

حمد : قصدك الريم صح؟

راشد : كيف عرفت؟

حمد: لأنه يتني اتصالات وايد من شخصيات مهمة .. معجبين فيها ويمدحونها ..

راشد : شو هذيلا ما يحشمون !!! شوف والله ثم والله القناة ببندها ..

حمد : هد بالك يا طويل العمر ليش معصب؟ كل اللي تباه بيستوي انته بس آمر ..

راشد : ابا اقابل هالبنية ريم .. ولا ما ادري شو اسمها ..

حمد : الحينه ؟ بس الوقت متأخر ..

راشد : وانا وين بييني رقاد؟ عندك رقمها ؟

حمد : أكيد اتفضل .. (وهو يعطيه الرقم )

راشد : شكرا .. (وبند فويهه ويتصل بس يظهر عنده اسم مي ..) مي؟ ليش رقمها؟ ألووو؟

مي : ها رشود ؟

راشد : شحالج؟

مي : ربي يسلمك غريبة شو هالاتصال ؟

راشد ساير بيت قوم مي : ماشي بسألج عن هنود ..

مي زاغت : هنود ؟ وانا شدراني؟ هاااه؟

راشد : بسم الله بلاج شابة ضو؟ انا بس أسألج ..

مي : لا .. بس انته ما تتصل الا ووراك شي ..

راشد : وانتي يا اخت حرمتيه ما وراج شي ؟

مي : أقول يالله باي .. (وما وحاله انه وصل ويدق الجرس ..)

راشد : أقول زجري مي قوليلها ريال يباج ان قلتي لها راشد يباج بجتلج ..

البشكارة : بابا هزا انته ما تعرف .. ماما مي وايد جير في سوي سيرجري مشان وجه مال هي ..

راشد : سيرجري؟ ليش بلاها؟

البشكارة : هيّه في سوي سيم سيم فيس ماماهند والله بابا

راشد : إشوووه؟

البشكارة : هيه والله انا في نادي ..

راشد بعده مب مستوعب : سيري زجريها .. (وهي سارت ) كيف بعد جذيه؟ لا يكون هندوه عندهم ؟ عشان جذيه سايرة المستشفى هاكي اليوم توّدي مي ..

مي بطلت الباب : نعم ؟ (اثنينتهم انصدموا ..)ررر راشد؟

راشد : هنود ؟ (وهي صدت تبا تشرد وزخاها ..) على وين؟

مي: هدني !! الله يخليك هدني .. (وقلبها بيطلع من مكانه زايغه وايد ..)

راشد : وين بتشردين؟

مي: انا مي مب هنود !!

راشد : اتقصين على منو حضرتج؟ شردتي من قبل أحينه ما بخليج ..

مي : والله العظيم انا مب هنود .. انا مي .. شوف هنود أطول عني انا قصيرة .. شوف هالندب .. (وتراويه آثار العملية ) ندب العملية .. استويت شرات هنود .. يعني ما ينعرف صوتي من صوتها؟

راشد : ما أصدق !! (ومنصدم واييد من اللي مستوي )

مي : هند كانت من سنين فمستشفىالأمل .. خاشنها أبويه .. دفع حق الفلبينية تآويها .. ويوم دريت ظهرتها سيده ..بس ما وديتها البيت وديتها ويايه المستشفى عشان يسوون لي العملية وأغدي شراتها وانا روحي سألتها وهي وافقت .. وخذيت رايها ..

راشد معصب وواصل حده : في شوه؟ في العملية ؟ تطلعين تشبهينها؟ يا حرمة خافي الله !!

مي عصبت وتصفعه طراف : عشان تصحى !! جاب يالله جاب !!

راشد يبتسم والمكان اللي ضربته معّلم وغادي أحمر على ويهه : مشكورة .. قبل ما اتدبرين حضرة جنابج .. وين هنود ؟

احلى البنات
14-10-2008, 04:59 PM
مي بانفعال: تسألني انا؟ كانت وياي في المستشفى وبعدها يوم نشيت ما حصلتها .. دوّرتها .. خلها تنفد ما حطت حد في الاعتبار .. هاي روحها تبا الفكة منا .. (وتروح عنه )

راشد : صدقيني هالسالفة مب ساكت عنها .. تسمعين؟ بعد كل اللي سوّته لج وبعد تنكرين جمايلها عليج ؟

مي: اللي فراسك سوّة !! مريض نفسي ..

راشد ركب موتره : والله مادري منو المريض النفسي انا ولا انتي !! والله هندوه احلى عنج يالحيوانة بحشمتها .. منو بياخذج انتي يالفالتوه ؟ لا وبعد تبين توصلين لجمالها لو تموتين ما استويتي شراتها .. يعل الله يخسف بج شرات ما سويتيبها ..

(اما عند بيت حمد )

ميثاء : عواس .. شو رايك تبات عندنا ؟

شمايل : ومحرمنا؟

مايد : وانا شو جدامج؟ ما اييوز؟

شمايل تضحك : لا ما اييوز مييوووط..

مايد يتحرطم : أظني الا تشوفيني حريموه جدامج !! وابويه عليج انا !!

رشود : انف عليك .. ميووط عيبن عليك ما يقولون هالكلام

مايد : انطب انته !!

عواس: فطوم سيري هاتي لي جلاص وفيه ثلج ..

فطيم مستانسة : ان شاء الله (وردت يايبة الجلاص )

عواس : اوووه سيري هاتي الاورنامين في الثلاجة ..

فطيم : ان شاء الله

مايد : أيواااااااااا .. اشتغل شغل المذلة ..

عواس يضحك ويصاصر ميود : اسكت .. اسكت .. اباها اتعصب ..

فطيم : تفضل ..

عواس: سيري حطي العشاء يوعان ميت !!

فطيم : ان شاء الله

نشبة : يالله يابوك ما يسوى عليك ..

عواس: باجر خلصوا الغدا من وقت تراني بطلعكم ..

نشبة : جيه شو عندك؟

عواس : بحوّطكم ..

شما : الله يحفظك في صورة يابويه .. عنبوا القايلة نحن نرقد عادة ..

عواس قام عن ثبان نشبة : نسيتي فطيم الدقوس .. (وروحت وهي تتحرطم ) لالالا ما عليّة انا من كلامج ان ما سرتي بتتكنسل السيرة ..

نشبة : ويدي من زود الشغل عندج؟ ما عليك منها هاي وين ترقد؟ عيونها مبججه تتريا الاخبار المحلية ..

عواس : أصلا ما اصبر عن شما النسيم لو مب يدي بييلس جدام جان يلستج حذالي ..

نشبة : هاااه هااه هاااه استريح !! استريح !! (وترمس شوي شوي جدام ميود ) ما فينا بعد تعطيه هذيجي البخة ويدوّخ علينا .. لا يابويه ..

(ميود ميت من الضحك )

رشود : شفت انك مب أبو كفو!! مب مواعدني بتعلمني السواقه؟

ميثاء: جاب يالله جاب وتطوّل لسانك على أخوك ؟

نشبة : بلاج ميثوه؟ الولد يتمصخر .. فيج شي ؟

ميثاء : لا ماشي .. بسير أرمس البشكارة ..

عواس سحب رشود : ها بن دعوان؟ زعلان من يدتك؟

رشود : هيييه .. ولا بكلمها أبدا ..

عواس: انف عليك .. الرياييل ما يسوون جذيه .. سر جان تباني أعلمك السواقه .. سر راضها وحبها على راسها وشعرها وخشمها .. وبرقعها وحيس لها البرقع من الحب ..

رشود يبتسم : افا عليك ما طلبت .. أحبك انته يا حلو .. (ويوم وصل المطبخ .. يصيح يتويع ) يدووووه !! آآآآي إلحقي عليّة بطني يعورني .. آآآي ودوني الدكتر ..

ميثاء سارت تطالعه : بسم الله عليك شو ماكل؟ أشوف؟ بتزوع؟

راشد يوم حادها موّخية : اموااااح امواااااح اموااااح .. وياج صادوه رشود !! أحبج انتي يا حلوة .. امواح امواح ماواح رضيتي ؟

ميثاء : بس يابويه الله يهدي سرّك مسموح مسموح !!

راشد : لالالالا مييوط قاللي لا توّدرها الا احبج ياحلوة هاتي راسج وبرقعج بعد !!

ميثاء : بس بوطبر ..

راشد : ما شبعت منج !! (وهو يحبها وهي تضحك مب رايمه تيوّد عمرها ..) انا ادري انج تحبيني جان قلتي لي من زمان .. جان خذتج !!

ميثاء: طاعوا مذاهبهم هالعيال ما يفكرون الا بالعرس ..

(اما في الصالة )

اليد : إشوووه؟

نشبة : أقولك باجر باجر الصبح ..

اليد : ما أسمعج انتي شو تخربطين؟

نشبة حلجها عوّرها : لا حول ولا قوة .. أقولك باجر باجر الصبح أباك توّديني العزبة !!

اليد: أدريبج انج نشبة ..

نشبة : يا صبر أيوب .. اعنبوك أصمخ ؟

اليد : شو تقولين ؟

نشبة عصبت : أقول استغفر الله العظيم ..

مايد يضحك : برايه استغفري استغفري ..

نشبة : حسبي الله عليه رفع لي الضغط ..

اليد : وانتي من سبّج بتطيحين في النار .. (شمايل تطالعهم وتضحك )

فطيم فخاطرها : فديت ويهه .. ياربي كيف استوا غاوي جذيه .. (وهو يلعب بتيلفونه )

عواس يتثاوب : شمايل انا برقد هنه ..

شمايل: بتوّدرنا؟

عواس: أكيد لا .. بس متوله على اخواني .. قولي حق خالوه باجر الدكتورة بيييبها ..

كلهم : أي دكتورة؟؟

عواس احمر ويهه : هاي ويانا في الشغل دكتورة نفسية .. وخالوه موصّتني.. أييبها حق هنوه

نشبة : لاحول ولا قوة هالبنية مادري بلاها هب طبيعية

شما : عادة شعنه ما قالت من قبل انها ما تبا حسن؟

عواس: بعد ربكم يوم بيستوي شي .. يالله تصبحون على خير .. (وسار فوق ويغمز لميود عشان يلحقه .. من وصلوا الحجرة .. ) بسوي مقلب في العيايز ...

مايد : بتزيّغهن؟ مب ناقصات في الليل !!

عواس: اسمع انته بس .. (ورشود داش ..)

رشود : انا بسمع ليش ما اسمع !!!


عواس يغلظ صوته : السلاموو عليكووم ؟ (ميود مبتسم وحفزان ورشود يضحك ومتشجج )

نشبة بحزم : مرحبا ..

عواس : كيف حالييك؟

نشبة : حمدلله

احلى البنات
14-10-2008, 05:01 PM
عواس: كيف حالييك حجية ؟ ان شاء الله منيحه؟

نشبة تقاطعه : حمدلله ..

عواس: انا المدرس بتاع راشد اللي راح أعلمه يضمر الجمال ..

نشبة : هــيييه شو علومك؟

عواس يضحك عالهزاز : علومي طيبة الحمدلله بخير ..

نشبة : حمدلله تستاهل ..

عواس : انا بالأردن .. بالأردن موجود ..

نشبة : هيه في الأردن انزين شو تباني أسويبك في الأردن؟

(ميود يصقع من خاطره ..)

عواس: والله انتي قلتي حق راشد لما تطلع عالمزرعه بدك تعطيني فلوس وجواز ..

نشبة : فلوس وجواز؟ متى قلت ؟ حشا علية .. بنسير بك صوب الشيوخ بيعطونك الفلوس والجوااااز وبيوّزونك بعد فالك طيب ..

عواس: لااا .. ما بدي .. مابدي .. بدي أتزوجك انتي ..

نشبة منصدمة : انااا؟ لا مب على منيّة هههههههه (وترمس شما وميثاء ) يباني أنا مدرس رشود اللي بيعلمه يضمر رجاب .. (وتكلمه ) لالا انا ما أتجوز اليوم ..

شما : قوليله عيب عليه طفس واحد !!

عواس: لا بدي أتجوزك ..

نشبة : لالا حد يعرس اليوم ؟ العيوز ما تعرس ..

عواس: لا انا بحب العجايز ..

ميود : عطها عطاه من هاكي الزين !! خخخخخخخخ

نشبة : لا عليّة اتخسي عن العيايز هههه

عواس: حرام عليكي .. انا من سمعت صوتك حبيتك ..

رشود : ايوا يا عاشق ..

نشبة : حبيتنيّة .. انزين حبيتنيّة آخذك عادة ؟ مب شور هذا !! اعنبوا خذ من رفايجك .. رفايجك في الأردن مكّودين !!

عواس: لالا بدي مواطنة مشان يطلع لي جواز

نشبة : مواطنة انزين ما عليه وايد غيريّة دوّر ..

عواس : لا بدي ياكي انا .. اذا ما اتجوزتك بدي أموت يعني

نشبة : هاه؟ لالا هب ميّت بيتجوزني انا .. عيبن عليّة .. اليوم أم عيال .. انا يدة اليوم

اليد : طاعوا الجذابة !!

نشبة : عيل هذي سمعتها يا منكرك !!

عواس: بتعرفي رشود شو عمل فيني ؟

نشبة تقلد اليد : هاااه؟ ما أسمعك !!

عواس : رشود .. رشود ضربني !!

نشبة : ضربك رشود ؟ أجدا فيك !!ههههههه

عواس: بدي أتجوزك عشان لما تموتي أروثك ..

نشبة عصبت وفوّلت : بعمرك يعله بعمرك .. هب هباك الله .. هب .. يعله بعمرك يا ربيه .. ما تسوا عليّة هالدراسة ... رشود بندوّر له معلم ثاني غيرك ..

عواس ويرد صوته العادي : عيل ثرج تبين تعرسين هااه يا عموه؟

نشبة : جيه منو انته؟ أبووووووووووووووووه .. ويدي تغربلت يا ميود !!

عواس: هيييييه ميود ما عرفتيني؟

مايد : كلاك الساحق يالحيوان .. والله عمووه لا تصدقينه جذاب عود هذا !!

نشبة : عواس؟ ويدي غربل الله منكرك !! بدينا بالمغازل ؟

عواس : لا خالوه قصدي لا عموه بس أتمصخر وياج .. بمزج معك ..

نشبة : انا لو أقدر يالهيس أركب الدري جان ييتك هرم واحد !!

(وبندت فويهه ويضحك اليد كان ميت من الضحك )

عواس: هههههههههههههاي

رشود : كااااك كااااك قطعووه الا نتفوووه !!

مايد : مالك ويه بعد نظهرهم باجر؟

عواس: لا والله لي ويه .. مييوط؟

مايد : هااا عواط ؟

عواس: لو .. لو .. أقول فرضا ..

مايد : هيييييييه؟

عواس: لو .. لو .. ؟ (ويصاصر ميود .. وهاكي منصدم)

مايد : واعثرتنا واعثرتنا !! انته اتخبلت؟ كيف؟

عواس: ياخي استر الله يهديك .. (ويصاصره ..)

مايد : ياويلك ويلاه أسميه البيت بيشّب ضو !! وانته صدق مقرر هالشي؟

عواس: مادري بعدني أفكر .. بس مأجلنه لأنه هب وقته ...

مايد : ياويلك وسواد ليلك من لياليك ما بتحصل غير رش وسب ونعول وطردة محترمة !!

(عواس مب مهتم لكلام ميود ويتصل .. اما عند سارة .. انا بترجم )

سار : شحالك؟ انا بخير .. سمعت من أمي انك وايد تضغط على عمرك .. شوف يا حبيبي .. نحن متفقين شؤون البلاد .. لو سمحت لا تقاطعني .. انته مهما يكون أبويه على عيني وراسي بس صحتك أهم .. العام الجلطة الثانية لك .. واذا ما انتبهت صدقني بيزداد عليك الألم .. والله يستر من الثالثة .. تعرف اني احبك .. ان شاء الله بعد شهر و 10 أيام بس أتريا يخلص العقد وياهم ..ههههههه لا حبيب ولا صديق .. شغلي أهم .. هيييه آكل برياني ..هههههه سنتين يا بابا يعني لازم أتعلم أكلهم وعاداتهم حتى اني ألبس العباة وصلتكم الصورة وانا بالعباة .. (وتصيح ) والله متولهه عليكم .. منو بيي؟ خالي جيمس ؟ وحرمته ؟ ههههه هذي اتخبلت؟ شكلها تبا اتربي في الامارات .. ههههههه حياهم الله على قولة UAE people بابا؟ سلّم على أمي وتعرف اني I love you انا بعد .. لا بسويله باجر تيلفون وبسأله عن موعد طيارته .. ولا يهمك ... أحبك بابا .. باي ..

عواس عصب : هاي منو ترمس فنصايف الليل؟ حسبي الله على ابليس ..

مايد : منوووه؟

عواس : سارووه الحيوانة مادري منو ترمس !!تيلفونها مشغول !!

مايد : البيت ولا الموبايل؟

عواس: البيت !! انا براويج ردي علية انتي بس !!

(وهي تشوف رقمه )

سارة : ما أقدر صدقني ما أقدر انته ملزم انك تنعجب فية او حتى تحبني بس عشانك قريت مذكراتي .. وانا ما اريد هالشي .. انا آسفه عن حق .. فخاطري أرد وأقول اني أحبك يا عيسى ..

(اما شمايل ..يوم وصلت البيت )

شمسة : وين عيسى؟

شمايل: بيبات فبيت يدوه ميثوه ..

شمسة : هيييه بدينا !! باجر بيقول ببات بعد !!

شمايل متعجبة من أمها : امايا؟ مب جنج أنانية؟

شمسة : انا احينه انانية؟

شمايل : هيه انانية .. تراه آدمي وعنده روح ارحميه شوية وخليه ياخذ راحته ..

شمسة : وانا شو قلت؟

شمايل : انا بسير أرقد ..

(اما اليوم الثاني كان عواس ناش .. وعيونه تعبانة .. كان يرقد وينش يحاتيها .. ناش ما يبا يكلم حد ..)

اليد : بلاك؟

احلى البنات
14-10-2008, 05:03 PM
عواس : ابويه ما بلاني شي ..بس رشود محموم ..وما بيسير المدرسة

اليد : عطيته دوا ؟

عواس: والله الساعه 3 قمت وسرت الصيدلية ويبت له خافض الحرارة .. تم حليله ينتفض بس أحينه أشوفه خفت عنه .. ميود قال بيجابله .. انا ساير الدوام .. (وهو طالع ) ألو ؟

راشد : السلام عليكم

عواس : عليكم السلام

راشد : شحالك عواس؟

عواس: ابنعمه .. ومن صوبك؟

راشد : ربي يعافيك .. ( وسكت )

عواس : فخاطرك برمسه ؟ عجها ..

راشد : هندوه ..

عواس: لا إله الا الله .. ردينا ؟

راشد : والله اني شفتها ..

عواس: انته سكران؟ شارب شي صح ؟ ولا شوه؟

راشد : لو سكران جان ما اعترفت أختك ميوه بالسالفة كلها ..

عواس : أي سالفة بعد؟

راشد : بطّل التيلفزيون الحينه .. وحط على هذي القناة ................

عواس: اصبر ... (ويربع للميلس ويبطل التلفزيون ..) شو يعني ؟ أغاني .. والله انك انساااا (وكأنه لسانه انقطع وبصوت خافت ) هن .. هنود؟ هنود أختيه؟ (انصدم صدمته من اللي شافه )

راشد : أدري انعقد لسانك عيل انا شو أقول؟ من البارحة وانا على هالحالة .. لا رقاد لا أكل لا قلب يخفق .. وهاي هب هندوه !!

عواس بعصبية : كل هذا وهب هنوده؟ كل هذا وهب هندوه ؟ ياخي خاف الله !! على الاقل يوم شفتها جان سحبتها من كشتها وراويتها صنع الله بدال ما تفضحنا جذه .. لا بارك الله فيها .. حسبي الله عليها ألف تحاسيبه !!

راشد : لا تدعي عليها !! قلت لك هاي هب هندوه !! هذي ميوه الجلبة !! تعرف اختك شو سوّت؟ سحبت هندوه من مستشفى الامل اللي كلنا اندوّرها فيه طلعت مخدرة هناك .. ومدسوسة فحجرة الناطور .. لا هي حية ولا ميتة !! وأختك شلتها ووين ودتها؟ سيده على عيادة التجميل عشان تغدي شرات هنيد .. آآآه يا هنيد !!

(ويخبره بكل شي .. اما مي ما عرفت ترقد الليل من الزياغ اللي جاسها .. قامت تلبست وطلعت وكانت وجهتها قبل ما تسير القناة .. هاكي المكان .. كانت مقوية قلبها على اللي بتسويه .. اما فموقع التصوير ..)


حمد : انا ادري باللي استوا .. بس اذا كان هذا حلمج انا بحققه لج ..

مي مب مصدقة : صدق؟ صدق يا استاذ حمد ؟

حمد : صدق واللي قاله راشد يعجه في البحر .. انتي مذيعتنا وما في أي شي بيخلينا نخسرج ..

مي مبتسمة : أكيد ..

حمد : سيري اتلبسي لين يجهزون المكان عشان نسوي الدعايا ..

مي: ان شاء الله

(اما في الموتر )

عواس : لابارك الله فيها من بنية !! فضحتنا والله لأجتلها !!

مايد : خلصنا من الجلبة هنوه ويتنا الجلبة ميوه !!

(وكانوا مفوّلين عالآخر .. ودمهم حامي .. انه عرضهم أختهم مذيعه لا وبعد بنت فيديو كليب .. ومن وصلوا بيت فاضل ما حصلوها ولا حصلوه هو بعد ..)

عواس: ألو؟ ها راشد .. اتدلها هذيجي القناة؟

راشد : هيه أدلها .. تباني أدليكم ؟ خلاص انا ياي ..

(وكانوا ثلاثتهم متفقين عليها هي .. وكل واحد ياخذ جزاه وياء جزاء مي ..)

مايد : هذي القناة؟

عواس: اصبر لا تنهّد !! خلنا انكلمها الضرب ما يفيد خلنا بالزين ..

مايد : كل هالتحليف في الموتر وما بتصطعها قليلة الأدب؟ لا حشمت ولا شي فضحتنا وفضحت أختنا .. اللي ما ندري وين الله حطها !!

(ويدليهم راشد المكان .. اما ماي كانت لابسه فستان أصفر كات وعليه كرستالات صفر على ذهبيات وشعرها منشول .. وحاطيلها آي شادوه أسود وروج وردي هادي .. وحاطين لها سماعه ما تبيّن فأذنها .. مغطي عليها شعرها ... وملبّسة عقد ب 5 آلاف درهم وكواشي كبار .. )

مي واقفة وتبتسم وزايغه فنفس الوقت : يا مرحبا بكم ويانا ..

حمد : ستوووب كات !! ريم حبيبتي . ابتسمي أشوف (وتبتسم ) بعد !! بعد !! ايواااا جذيه أباج .. وأباج يوم تقولين يا مرحبا مليون تقولينها بدلع أكثر ..

مي تبتسم له : أكثر عن جذيه؟

حمد : واايه خبلتي بي !!

مي : هههههههه تسلم يا عيوني ..

حمد : يالله نبدا .. آكشن ..

مي : يا مرحبا مليوون بمشاهدين قناة ................. وياكم الريم تطلبون .. تسمعون .. تستمتعون .. تشاهدون أحدث الأغاني والحصرية بس عندنا .. وفالكم طيب ما يردكم غير ........ ولا ما بعلمكم .. هههههههه تابعوني ولا تنسوني ..

حمد : ستوووووب !! أسميج خطيرة ..

مايد واقف عند الباب : نساج الموت يا عيوني !!

(هذا الصوت تعرفه انفضه جاستها .. مبججة عيونها .. كانت حاسة انهم بييون .. هذا اللي كانت حاسبة حسابه..)

مي فخاطرها : كوني قوية ولا ترحمينهم .. هم مارحموج من قبل انتي بترحمينهم الحينه؟ أبدا ..

(وكانوا ميود وراشد وعواس واقفين يتريون حضرتها تي عندهم .. بس عكست توقعاتهم ..)

مي وبكل جرأة حاطة ايدها على خاصرتها : اللي يباني إيي لين عندي .. انا ما أتنزل أسير عند حد !

غموووض
15-10-2008, 12:53 AM
ياربي ميوووه تقهر
صج يوم قالو نفتك من هنوه تظهر لنا هالميوه
الله يستر من الياي


تسلمين اختي على البارت
الله يعطيج العافيه

في انتظار البارت اليديد

احلى البنات
16-10-2008, 04:17 PM
(الجزء 98)

مايد : والله وظهر اللسان بعد؟ (يوم توّة بيتهّد عليها يقبضه عواس ..)

عواس: هد أعصابك .. نحن شو متفقين؟

مايد : جان ما في قلبك غيرة على اختك انا عيل قلبي ياكلني عليها !! طالع !! طالع !! طالع مصاختها ... طالع جتوفها كيف ظاهرة !! طالع المكياج .. حتى هندوه اللي هي هندوه ما سوّت هالمنكر !!

راشد : الا قول ما تعرفه هالمنكر !!

(عواس ساير صوب مي .. بس كانوا واقفين وياها 2 حراس ..)

مي : تتحروني ما بتذخر؟ كفاية هذيجي المرة !!

حمد : اتفضلوا المكتب عندي وكل شي له حل ..

مي : صح .. بس انتوا ما عندكم شي عندي ... فهمتوا ؟

عواس: مي !! ودري عنج هالسوالف .. هذي الا مزاهد الدنيا .. صدقيني وانا اخوج اسمعي كلامي .. كلام اخوج اللي يحبج ..

مي عيونها محمرة : أي أخو ؟ العود ولا النصفاني ولا الصغير ؟ كلكم فعيوني ولا شي ... يا ما ترجيتكم !! أترجاكم رجا وخصوصا انته يا عواس .. قلت لك بكون بشكارة تحت ريلك ما صدقتني .. انا ما كنت ابا شي .. لا أكون مذيعه ولا شي بس أهم شي أكون ويا العايلة ملتمة .. العايلة اللي تربيت عندهم ..

مايد : نحن اللي ربيناج بس ما جذبوا يوم قالوا لا تربّون ولد النغل !!

مي تفاتن وتزاعج وفنفس الوقت تصيح : نغل؟ نغل !! محد غيرك .. جان شايف عمرك نغل !! ولا انا ميّوبة عن شرع وحلال .. انته آخر واحد اتكلم ... مالت على شكلك .. حقير !!

راشد مسكه : اتعوّذ من إبليس .. قول لا إله الا الله ..

مايد تبطلت عقمة كندورته : هدّوني عليها هذي أصلا لو فادت فيها التربية جان ما سوّت جذيه ولا ظهر هاللسان .. الله ياخذها !!

مي حطت ايدها على خاصرتها : الصراحة ييتكم عالفاضي .. وانا مشغولة لو سمحتوا انفدوا عن ويهي .. لأني اصلا ما اعتبركم اخواني .. انسوا انه عندكم أخت .. مب صح يا عواس؟ مب هذا كلامك ؟ هههههههه

عواس: أختيه قلت لج آسف وكل شي بيتصلح ..

مي: شو بتصّلح؟ سنتين مادري 4 ماشفتك ولا شفت شيفة حد منكم !! ورادين تبوني أرد لكم من شفتوني أسوي فيديو كليب؟ في الاحلام !!!

مايد يعفد عليها ويصفعها طراق : جليلة الحياء !!!

(وكان عافد عليها ومثبت جتوفها بريوله ..)

مي تستنجد وتصيح : وانتوا شو فايدتكم !! آآي !! حراس عالفاضي؟ دافعه بيزات آآآآي آآآي هدني يالجلب !!! عالفاضي؟ بسرعه ظهروهم برع !! يالله أشوف .. لعنت الله عليك يا ميود قوم عني يالجلب !!!

مايد : والله ما هديتج يالجلبة !!! (ويمسكها من شعرها ..) بتوبين انتي؟ ما أظن !!

(وعواس يزخ الحراس لأنهم بيضربون ميود وراشد كان أقواهم لأنه معضل .. وزخ الحارس الثاني ..)

عواس: ميود بس هدها !!

مايد : والله ما هديتها !!! (وبطردة قوية من الادارة مال القناة طلعوهم كلهم .. ومي تمت عالارض زاخنها حمد ..) ياريتني جتلتها !! ياريتني !!

عواس: ليتني ما سويت بها جذه !!! طالعوا كيف غدت ..

راشد : عيّنوا من الله خير ..

عواس: انا بسير المكافحة .. وبخليهم ينشرون صورة هنيد ماشي غير هالحل ..

مايد : وين بعد ينشرونهن؟

عواس : التحريات والمخافر بس .. راضي يا راشد؟

راشد : شي فيه رجعة هنيد سوّه بليا مشاور !!

(اما عند سار في الدوام ..)

سارة تتصل : ألو؟

مانع: هلا ..

سارة : انا سارة ..

مانع: أهلين جيف حالج؟

سارة : بخير .. أشوفك ما داومت اليوم ..

مانع: في الطريج والله لويش ؟ في شي؟

سارة : من توصل اتفضل عندي ..

مانع: فيج شي ؟

سارة : انا بانتظارك ..

(اما عند هند .. كانت يالسة تنظف حجرة العنود ومحمد .. ترتب ثياب محمد ..)

محمد فخاطره : واايه يعلني أفدا هالإيد اللي تربّع ثيابي ..

(وغافلها محمد ..وهي شهقت زايغه ..)

محمد : هااه !! هاااه !! لا تتروعين .. بلاج من كل شي تزيغين ؟ (وهي تبا تاخذ درب عشان تطلع على طول .. ) على وين ؟ أشوفج صخيتي عن السالفة ؟ انتي موافقة صح ؟ (وتهز راسها نافية هالشي ..) ليش عادة؟ (وهي تبيّن له انها معرسة .. تسويله حركة انه لابسة خاتم العرس ..) هاااه؟ انتي معرسة ؟ والله يا حظه ... برايه انزين بنطلقج منه !! (وهي تأشر انها ما تبا ..وتوّها بتطلع من الحجرة تبا الفكة منه .. وهو عصّب ويمسكها من ذراعها ..) ما خلصت كلامي .. (ونظرته ما توحي بالأمان .. هي من الزياغ .. نزلت عالارض ومغطية راسها وتصيح وكان بعده ماسكنها ..)

هنود فخاطرها : الله يخليك لا تتقرب .. الله يخليك .. ليش ما أروم أتكلم !! أزاعج !! يالله ترحمني وتساعدني !!
محمد: فطيم ؟ بلاج حياتي؟ اباج بالحلال باخذج .. واذا تبيني أطلقها بطلقها .. أهم شي رضاج غناتي أنا احبج ..

العنود دحته على ظهره : حبّك برص ان شاء الله .. هذا اللي قدرت عليه ؟ هذا وانا محد جذه تسوي ؟ تحط سعري من سعر البشكارة ؟ بتاخذ بشكارة سعرها من سعر نعالي؟ الله ياخذك من ريل .. انته ريال انته ؟ (ومسكت هنود من ثيابها ) إلتعني لحجرتج يالجلبة !!

(وتشوتها شوتة قوية بكعبها على آخر ظهرها )

محمد : عنود حبيبتي بلاج؟ انا شو قلت؟

العنود : كل وهذا وشو قلت يا مالك السم !! طاعون ان شاء الله فبطنك !!!

محمد : أقول انا ساير الشغل ..

احلى البنات
16-10-2008, 04:32 PM
العنود : أي شغل ؟ أي خرابيط !! ان ظهرت من البيت ما ترد له !! وتعرفني عدل كلمتي ما تستوي هنتين !!

(هنود تربع لحجرة الشيبة .. طاحت على ريله تصيح متوّيعه )

الشيبة : يالله يالله بلاج؟

هنود تصيح ولأول مرة لا إراديا تنطق : أبويه !! ضربتني !! ضربتني !! آآي ظهري بموووت !!!

الشيبة : أشوووف وين ضربتج ؟

هنود قامت عنه وطاحت عالشبرية : والله بموووت !! آآآه ظهري !! أميييه إلحقي عليّة !! آآآه !!!! (وهي تتجلب من الويّع والويه محمر وجسمها كله اتحوّل أحمر .... واتدقق براسها على حطبة الشبرية .. ) آآآه !! شي ينهشني !!! أبوييييه ساعدني !!!

الشيبة يصيح ويزاعج ويضرب بعصاته عالدريشة : عنودوه يا مالج الدحق !!! ميّوبة دم ان شاء الله .. تعالي والله لأراويج يالجلبة !!! ياللي ما تستحين يا بنت الشوارع ياللي هب مرباية .. انتي آدمية انتي؟ أكرم انج سبالة وكجرة !! تعالي هني والله لأجتلج !! بهيمة والله بهيمة !! (ويضرب بعصاته عالدريشة بقوة حتى الفلبينية زاغت يوم شافته أول مرة يحمّق جذيه .. وشافته وايد طايش ومعصب .. ومحمد كان طالع ..) محمد !! يا محمد اتلاحق علينا البنية شي بلاها اتوّيع !!

(محمد زاغ عليها وتوّة بيدخل ..)

العنود من الدريشة : جرّب بس تدخل وانته تعرف شو بسوي ..

محمد منزل راسه : سامحني الشيبة .. (ويربع لموتره ...)

(ومحد رام يساعدها غير الشويبة المقعد .. كانت تصيح بقوة .. وتصارخ .. ويحط فودة حارة غاسلنها ويحطها ع ظهرها .. حط إيده ع ظهرها ويلس يقرا عليها .. هذا كل اللي قدر عليه .. يقرا كل اللي حافظنه ما يبا يخسرها ..)

الشيبة : كسرتي عصعصها يعله العمود الفقري ان شاء الله ينهّد عليج !!!

(أما محمد سار الصيدلية وسوا تيلفون حق البشكارة ..)

محمد : هااه تعالي برع .. سمعيني عدل .. هذا تعطينه الشيبة وقوليله ياخذ حبتين عن الويّع انزين ؟

(اما عند سارة ..)

مانع: بلاج؟

سارة : ماشي بس ابا اسوي فحوصات .. لو سمحت ممكن اتطيح؟

مانع: ههههه احينه زاجرتني بس عشان هذا الشي ؟

سارة : بليز مانع ..

مانع: هههههههه عسى المانع خير .. انزين ..

سارة : ممكن اتطيح على ظهرك ؟ (وانسدح وطاح ع ظهره .. وهي تفحصه ..) هني يعوّر ؟ منيه ؟ منيه ؟ (ومن دقت معدته ..)

مانع : آآآي !!

سارة فخاطرها : هذا اللي اتوقعته ..

سارة : خذ هذا أحينه ابا عيّنة بول .. بسرعه لو سمحت ..

مانع: ياختيه اتخوفين اللي ما يخاف لا يكون فية السرطان وانا مادري؟

سارة : هذا إجراء روتيني .. بس ابا اشوف حالتك لأنها أبدا مو مستقرة .. من بعد ما آخذ عينة البول بسويلك تحليل دم ..

مانع: اللهم طوّلج يا روح !! ان شاء الله عمتيّة !!

(هو سار من صوب وعواس داخل من الصوب الثاني ..)

عواس : هذا شي فيه؟

سارة : لا ما في شي ..

عواس بحزم : وين كنتي حضرتج البارحة؟

سارة عصبت : على ما أظن انا انسانة واعية ..

عواس: واعية ولا راقدة .. منو كنتي تكلمين نص الليل؟

سارة : تحقيق؟ على ما أظن انته لك حياتك وانا لي حياتي .. ومحد يحاسبني ..

عواس: لا بحاسبج وبحاسبج .. منو كنتي تكلمين؟ ردي !!

سارة عصبّت زيادة : احترمني لو سمحت ..

عواس: انا محترمنج .. وأسألج باحترام .. جاوبي !! (وهي حزتها زاغت من لهجته ..)

سارة : كنت أكلم أبويه ..

عواس: علينا هالسوالف؟ أبويه وأميه ؟

سارة : لو شغلت ذكائك جان عرفت فرق التوقيت .. اذا نحن في الليل عندهم هم نهار .. انته اصلا ما يخصك ..

عواس يبتسم وتيييه ضحكة من الخاطر : لو ما يخصني ليش بررتي لي وليش جاوبتي على سؤالي؟

سارة منقهرة : انا عندي شغل ..

عواس: باين .. وانا بعد عندي شغل ..

سارة : عيسى لو سمحت اذا تبا الاتفاق يكون ساري من بيننا وأعالج البنية لا تعوّر لي راسي ..

عواس يلس : ومنو بيعوّر لج قلبج؟ انا أهنّتج من سنتين وأنا احينه اقولج والله آسف .. يمكن حزتها تفكيري بج كان محدود .. مثل صيادة الثروات على قولتج .. او حتى لعابة .. لين اكتشفت العكس .. انه اللي جدامي عكس كل هذا .. انا ما اقول حبيتج .. بس أقولج بعد اللي قريته عطيني فرصة ..

سارة : انا ما اكابر ولا اعاند بس انا آسفه لغيت فقاموسي الحب من زمان .. ولغيت حتى البوي فريند ..

عواس عصب : بس ما لغيتي أشوفج خطبتج هاااه؟ ساروه انتي ما تحبين غير عواس .. جان بتخربين على حياتج خربيها وبتندمين .. ليش تلبسين عباه وشيله عشان هو مواطن صح؟

سارة : لاا

(ويقاطعهم مانع )

مانع: هذي العيّنة ..

سارة تكلم عواس : شكرا على هذا الكلام .. وأتمنى لك التوفيق اتفضل ايلس مانع

مانع: لا بييج خلاف ..

سارة : خلنا نخلص الحينه ..

(وطلع عواس مفوّل .. ويتحرطم عليها بعد .. اما في القناة .. كانت مي منسدحة عالغنفة وتسّب ..)

مي : آآخ يا راسي .. آآخ .. حشا قطّع لي راسي هالجلب !! لا بارك الله فيه !!

حمد دش عليها : ها غناتي انتي بخير؟

مي: راسي منتفخ علية .. هاتوا لي بنادول ..

حمد : فديت راسج انا .. أحينه بييبه لج ..

(ويتصل بها سعيد .. وتبند فويهه من الغياظ .. اما على الساعه 4 )

احلى البنات
16-10-2008, 04:35 PM
عواس دش عليها : هاااه خلصتي؟

سارة : كنت أنتظرك ..

عواس: باخذج فموتري .. لأنه فريجنا من يشوفون موتر يديد كسروه !! (هي زاغت )

سارة : ليش يكسرونه ؟

عواس: مادري طبيعتهم جذه .. (عذر أقبح عن ذنب .. أسميها جذبة .. وركبت وياه جدام وسيده لبست الحزام وهو يطالعها .. عايبنه الوضع ..) عاشت المتحزمة !!

سارة : واي؟ انا شو سويت؟ وليش ما تلبس الحزام ؟

عواس: مرتاح جذه شكرا ..

سارة : your careless about your life

عواس: even you (ويسمعون صوت في الموتر .. كان صوت بطنها يوعانة .. أسميه ضحك عليها .. وويهها محمر من الفضيحه .. هي التزمت الصمت .. وهو من يحصل فرصة يطالعها ..) سمعي اليديد سمعي !! مب بس عندكم البيتلز نحن عندنا بيتلز ميحد حمد وبيتلز بالروغه !! (وهي تضحك .. زتوّة بيقول لها شي .. صد لقاها راقدة ..)ههههههههههههه شرا اليهال .. (كانت راقدة وتنود ..راسها يطيح على جدام .. ويحط عواس إيده على عرض عشان ما تدعم الجامة ..) هوووه هووووه هوووووه هوووووه !! بتدعمين الجامة !! (خلاف يوم دار عالدوار .. لفت براسها عاليمين ودعمت الجامة ..) والخيبة !! ما عوّرها ؟ ههههههههه هاي روحها يبالها حزام حق الرقبة .. بعد ما تنلام يوم اتحزمت (ويتنهد ) بس والله كيوووت .. (ويوم وصلوا ..) سارة ؟ سارة ؟ قومي ..

سارة اتحج عيونها : اوكي مام

عواس: انا عواس مب مام مامج فأمريكا ..


سارة تصد صوبه : آآآوج راسي ... وصلنا؟ سوري نمت وما حسيت ..

عواس: لا عادي .. انتي روحج مغامرات وانتي راقدة ..

سارة فخاطرها : يالله اني ما قلت اسمه او اني احبه .. ويييه يالفضيحه ..

سارة : في شي ؟

عواس: لا ما شي .. راسج يعورج؟

سارة : آخر مرة اركب وياك .. سواقتك مو ذاك الزود ..

عواس: احينه انا سواقتي مب ذاك الزود ولا راسج تشاوحيبه يمين ويسار ما خليتي جامة ما صقعتي بها؟ لو حذالي جان نطحتيني مب من الله راسج يعورج هههههههههههههه يالله انزلي وصلنا .. (ونزل وياها ..) دشي هذا الميلس .. انا احينه بيي .. (يوم توّها بتبطل الباب..عواس شاف قطوة ..) جب يالله جب !! (ودخل )

سارة شلت القطوة : ناااااااااايس كيووووت .. ميااااو .. (وبطلت الباب ..)

نشبة : إيييييه يا حافظ .. وصلت الدختورة .. سلامن عليج دختورة؟

سارة : عليكم السلام ..

نشبة : ويدي ترطنين عربي أشوفج .. قالوا لي أجنبية..

سارة : كيف حالج؟

نشبة : بخير الله يسلمج ويسلم غاليج .. عاد انا قالوا لي انج بتين .. (وتعطيها بيزات مغطاي بكلينكس .. ) يوّدي بقشيش .. يا امايا خوّزي هالقطوة .. والله لو شافها عواس لأييب المسجبة ما يداني القطاو ..

سارة : لالالا موني لالالا

نشبة : موني يس !! هذا ظهري يعورني هاي العصبة يالله تشلها عني ..

سارة تبتسم : اوكي مام طيحي ع بطنج ..

نشبة : جذيه زين ؟ (وكانت طايحة ع ظهرها ..)

سارة : مام على بطنج مو ظهرج !! ههههههه

نشبة : اووووه اتخديت سامحيني .. (يوم توّها بتنجلب .. ) أعج برقعيّة بعد؟

سارة تضحك : لا عادي مام ...

نشبة : هييه همزيني منه .. يالله يا إيدج ضربت عالعوق .. واغشييييه عليج .. يابوج حظه اللي بياخذج جان بتصبحينه وبتمسينه بالمساش (قصدها مساج ..) هيه منّه ريولي بعد .. واغشيييه عليج . واغشييييييييه .. (والقطوة ياية صوب سارة ..) بعيد !! بعيد عني ما دانيهن !! (ودش عواس وفإيده صينية الغدا ..)

عواس بطل حلجه : واااااااااااابويه عليج !! عموووه !! شو ها بعد ؟ (ويشوف قطوة ) ألف مرة قايللكم هاي البهيمة ما تدش داخل .. فضل عنها !! بسرعه برع .. جب يالله جب !!

احلى البنات
16-10-2008, 04:36 PM
سارة : حرام عيسى .. (وتزخ القطوة ..) ليش تقوللها جاب هاي مو آدمي تقوللها كلام مو زين ..

عواس: جب مب جاب .. جب يعني أروغها مثل ما تقولون انتوا شيو شيو .. (ورد الصينية داخل الصالة .. هو من النوع اللي يجّز القطاو .. وسارة اتخبل عالقطاو ..)

نشبة قامت : ياعواس خربت يابويه ..

عواس: عموووه قومي دشي داخل .. البنية ميّوبة تعالج هنوه مب تهمزج ..

نشبة : انزين قايمة ما تسوا علية هاليية .. (وسارة يالسة اتحب القطوة ..وهو منئرف .. سارت نشبة .. وهو بطّل باب الميلس .. شل القطوة بأرف من إيد ساروه ووداها برع ..)

عواس يكلم القطوة: ان ييتي داخل بالمسجبة بنشّن (ووداها برع ورد دش داخل ..) أشوف عالمغسلة على طول ..

سارة : شفيك؟

عواس: ماحب القطاو ماحبهم .. عجي عباتج .. (وهي تعج عباتها ..ويشل عنها العباه ويشم ريحه القطوة فيها .. ) الله يغربلها من ريحه .. (ويفرها بعيد ..)

سارة : ههههههههههههه انته وايد اتضحكني ..

عواس : غسلي بوزج توّج بستيها .. لوعه !! لوعه !! اعععععع (وهي تغسل بوزها مستغربة منه ) بعد مرة .. سلّط الله على ابليسج .. منو إمرج اتدقينها ؟

سارة : oh god !!

عواس: سمعي الكلام .. (وسار ياب الصينية ....)

سارة : وااو غداء ..

عواس: فوقة سمج .. لا تقولين ما آكل سمج ..

سارة : انا نباتية ..

عواس: وابويه .. في عندنا كافيتيريا يسوي دال جان تبين ..

سارة تضحك : اتمصخر : انا اصلا آكل كل شي .. (ويلست عالارض ) امممم لذيذ .. who made it ?

عواس: البشكارة .. حد غيرها ؟ (وهو ياكل ) كلي بإيدج بترتاحين ..

سارة تصد يمين ويسار وبعدين تاكل : I love your culture even if its hard I loved it
أووووبس عن أنسى .. (وظهرت الكلينكس اللي عطتها نشبة ) هذي مام عطتني اياه .. عشان المساج .. ههههههههه رده لها ..

عواس: اندوك انته !!

سارة تشوف حد عند الباب : عواس في بنية تشوفنا ..

عواس يضحك : شمايل .. ههههه دشي دشي .. هذي شمايل .. وهذي سارة ...

احلى البنات
16-10-2008, 04:37 PM
سارة قامت : انا آسفة إيدي كلها أكل ..

شمايل محمر ويهها : لا عادي كلي كلي ..

سارة : وانتي؟

شمايل : لا الحمدلله توّني متغدية ..

عواس: يلسي شملوه ..

شمايل: ماشاء الله عليها غاوية .. (وهو فهم التلميح ..)

عواس يصد صوبها : هيه غاوية .. الله يحفظها .. فيها شي؟

شمايل : هااااه؟ لالا ماشي ..

شمايل فخاطرها : من ناحية الجمال هذي احلى عن فطيم .. بس فطيم غاوية بعد ما تنعاب .. الله يستر من قراراتك يا عواس ..

عواس : الحمدلله .. (وقاموا اتغسلوا .. )

سارة : ممكن توّديني عند هناء ؟

عواس: مستعيلة ؟ صبري بييج الرش صبري .. شمايل تمي وياها لين أرمس هنوه ..

شمايل: ان شاء الله

(عواس سار برع عند حجرة البشكارة ..بطّل الباب .. لقاها توايج من الدريشة ..)

عواس: ايييه انتي .. سمعيني عدل .. بتيج دكتورة .. جشمي واغدي حرمة .. وان دريت انج مسوتبها شي بجتلج تسمعين ؟ (وهنوه تهز راسها ..)

هناء فخاطرها : عيل يبت الخايسة ؟ انا براويك وبراويها ..

(وسار ياب سارة ..ودشت سارة )

سارة : السلام عليكم ... (وتغمز لعواس عشان يظهر ..)

عواس: انزين بظهر .. (ظهر وبند الباب ..)

سارة : شحالج هناء؟

هناء: مب بخير .. وما يخصج ..

سارة : انا بكون دكتورتج وبتشوفيني دوم هنيه اتمنى انج تفتحين قلبج

هناء تدفرها : سيري بعيد ولا تتدخلين !!

سارة : خبريني عن حياتج .. شو تسوين دوم ؟

هناء: أغازل .. مرتاحة؟

سارة : لا تقولين هالكلام .. انتي بنية محترمة .. وبنت عرب .. وأهلج ما يتوقعون منج تسوين هالشي ..

هناء: انتي أجنبية ما يخصج بهالشي انتوا شو دراكم ببنت عرب ولا بنت أجانب .. هاااه؟ سيري ولي !! (وتدفرها ..وسارة كانت ماسكة عمرها ..)

سارة بحزم : انتي بنت صغيرة بس تفكيرج أكبر عن سنج .. ليش تفكرين بالمغازل .. اللي فسنج يفكرون بدراستهم او بشغلهم .. شو طموحج المغازل ؟ شو بييبلج من الفايدة؟ الزواج ؟ ما أظن بيقولون هذي تلعب .. مثل ما تلعب وياي بتلعب ويا غيري ليش آخذها؟

هناء: انا مب لعابة انا احب .. احب عواس .. لا تتحرين اني بستسلم وبخلي عواس لج ..

سارة بيّن انها عصبت وخصوصا العرج اللي بيّن عند يبهتها : انا ما اتكلم عن عيسى انا اتكلم عن حالتج .. اتحبين انه الناس يقولون هالبنت مغازل .. مغازلجية ؟ ما ترضينها .. ولو حد يبا يعرس ما بيختارج من سمعتج اللي نزلتي راس العايلة بها ..

هناء: انتي يايبينج عشان تعالجين ولا تراويني اغلاطي؟

سارة : انا اراويج اغلاطج عشان تصلحينهن مب تزيدين الوضع أسوأ انا على فكرة علاجي بدون دواء ميديكيشن لا كله يعتمد عليج .. وانا اعرف اني لو عطيتج دوا بتحاولين تنتحرين او بتكونين مدمنة أدوية وصدقيني اوراقي وكشفتهن لج .. وانا كل اعتمادي بالنفسي فقط ..

هناء: تبيني أطلع اللي فخاطري؟

سارة : أكيد انا ما بضّرج انا بنفعج ..

هناء تبتسم : فالج طيب ما طلبتي .. (وتعفد عليها وتصفعها طراق .. )هذا اللي فخاطري يا ساروه !! هذا !!!

سارة : قومي !! قومي عني !! آآآه !! (وتشرمخها هناء على ويهها ..) آآآآي !!!

هناء قامت عنها : أحينه برد فؤادي ..(وبدون ما تشوفها سارة .. خذت شي من شنطتها ..)

(وطلعت سارة من حجرة هناء.. ولقت حذالها مطبخ ..سارة تمت تصيح .. وتطلع من شنطتها المنظرة .. كانت هنوه مشرمختنها ع خدها ..)

جوارسي: ماما في شي؟

سارة : ثلج بليز .. (وتمت تصيح زيادة ..) آآي آآي آآوج !!

غموووض
17-10-2008, 02:53 PM
تسلمين اختي على البارت
الله يعطيج العافيه


ياريت لو تذبحين هنوه وميوه يقهرون <<<< شريره :)
وهذي عنودو الشريره العوده يبيلها جم كف عشان تتأدب وتحترم الناس
مسكينه هنوده شصار فيها؟
ان شاء الله عواس يحصل مكانها ويردها :)


في انتظار البارت القادم

احلى البنات
23-10-2008, 11:47 PM
(الجزء 99)

(أما عواس وبعد حنّة رشود كان في الموتر ويا ميود يعلمونه السواقه ..)

عواس: ياخي دوس عدل بلاك انته !!

رشود : تباني أدعم؟ روحي ما أطال الجير !! اصبر اصبر !! (ويزيد سرعة الموتر ..)

عواس: يصد ورا : ميود ؟ شو الأخبار عندك ؟

مايد يطير شعره : والله الجو رهيب عندي (ويلبس نظارته الشمسية ..)

عواس: أييك؟

مايد : استريح استريح عن الخبال .. حط عينك على اخوك .. (وكان يالس ميود ورا في دبة البوشنب .. وفارز دلة القهوة والفناييل والتمر ..) انته اعدل له الموسدة اللي تحته عن تزّل .. موتر ورانا هالله هالله فينا يا رشود !!

عواس فخاطره يشرب فنيال قهوة وميود مب طايع يعطيه ويرمس رشود شوي شوي : رشود الموتر اللي ورانا بعيد ؟

رشود : هيه في فجه بيننا ..

عواس: اضرب بريك مرة وحدة عن خاطرية .. أبا أراوي هالهرم ميود اللي ما عنده شغلة !!

رشود يبتسم ابتسامة مكر ويضحك : هاهاهاها ياك الموت يا تارك الصلاة .. (ويضرب بريك بالقو وانصقع ميود عالجامة وتحركن الدلال وياه ..خخخخخخخ وعواس يتضحك عليه ..)

مايد : والخيبة تخيّب العدو !!

رشود : والشيطان فوقه بعد !!

(رشود وعواس يصيحون من الضحك )

مايد : زين جذيه؟ يالجلاب يالجلاب !! صدق فيكم عرج النذالة !! معلوم معلوم اتوالفتوا !! ان ما بلغت عليكم مال المرور ماكون ميود !!عنلات صيركم !!

عواس ورشود : ميوووووووووط ميووووووووط ههههههههههههههه (وهم رادين البيت )

عواس يكلم شمايل وهو متحمس : هاااه؟ بعدها سارة ويا هنوه؟

شمايل: لاء روحت ..

عواس منصدم : إشووووه؟ منو ودّاها؟

شمايل: الدريول محمد .. كانت تعبانة ..

عواس: لا يكون أختج سوّت بها شي؟

شمايل: مادري والله .. يجوز عطتها من كلامها السم .. بس انا شفتها متغشية ع يكون من الشمس ..

عواس: زين .. زين .. (ودخل على طول حجرته .. ويتصل بها .. وهي لا حياة لمن تنادي ..) شبلاها هذي؟ (وخلاف اتصل بمحمد الدريول ..) ها محمد .. كيف حالك؟ هيه تمام تمام .. وياك سارة؟ دكتور .. دكتور سارة .. بنية .. هيييه انزين عطني اياها .. ألو؟ ساروووه؟ ألوووه؟ بلاج ما تسمعين عدل؟

سارة : أسمعك شو فيك؟

عواس: يالحمارة !! انا ما قلت لج اترييني؟

سارة : كنت تعبانة وأبي أنام...

عواس: بلاه حسّج؟

سارة بعصبية : قلت لك كنت نايمة ..

عواس: انزين بندي بسويلج عالموبايل .. بس ردي مفهوم؟

سارة : اوكي .. (وتعطي التيلفون للدريول .. وتدوّر تيلفونها .. ) ياربي وين راح؟ أحينه بيعصب ..

الدريول محمد : دكتور؟

سارة : يس؟

الدريول : هازا في إيد مال انا..

سارة مب فاهمتنه : وااات؟

الدريول : هاند هاند مال انا..

سارة : أوووه يس continue

الدريول : أوووه انتي في عرف انجليش .. اوكي (ويهز راسه ) my hand is so dry…

سارة : Do you clean dishes or what?

الدريول : no, I only clean cars

سارة :aha, then you'll need 2 put cream 2 treat your hands

الدريول : Is it expensive? I can't afford it

سارة : Don't care about money ,I'll give you some creams

الدريول يهز راسه : Thank you mam doctor very much thank you

عواس: هاااي شو اتخبلت ؟ مستقصدة اتبند فويهي !! (ويتصل بمحمد ) عطني الحيوانة !!

محمد ماسك سماعة التيلفون : أرباب very angry

سارة : give it 2 me hello ?

عواس: هلل الله راسج .. انتي شو من الأوادم؟ ما تحسّين لعنبوا دارج؟ انا اتصل بج وتبندين فويهي؟ فيج قلب صاحي انتي ؟ ما أظن .. ولا أظن حسيتي بمشاعري صوبج ..

سارة : أ أ عيسى ..

عواس: شو عيسى هاااه؟ انا قلت الا اخليج تحبيني شرات قبل وأعوضج .. ويوم حسيت قلبي ساير جداج تبندين فويهي وتصديني ؟ انا عادة الا كرامتي ما تنهدر .. ولا حتى حب بيخلي قلبي ينذل جذه سمعتي؟ حب !!! (ويبند فويهها ..) جلبة وحدة !! (وهي تمت مصدومة .. مبطلة عيونها والتيلفون بعده فأذنيها مع انه بند )

احلى البنات
23-10-2008, 11:48 PM
سارة فخاطرها : damn !! I hate you essa ما أريد أشوفك مرة ثانية .. أكرهك من كل قلبي !!

عواس فخاطره : ماطيقج مادانيج !! (ويضرب بإيده عالباب .. ) حرّة في قلبي ما تنطفي !!

(نزلها الدريول بيتها وعطته الكريمات .. اما هي من القهر قامت اتسبه ..)

سارة : انا ما سويت شي .. ضاع تيلفوني كيف تبيني أرد عليك؟ بتوارد الخواطر ؟ ليتني ما حبيتك !!

(وكانت متغصصة من الخاطر .. لدرجة انها حاقدة عليه .. اما فبيت شمسة )

شمسة نازلة من الدري: آمر يابويه ..

مايد : بدخل في الموضوع سيده .. بملج على شمايل هالخميس .. والخميس الياي حفلة الحريم .. والجمعه باخذها وبنسافر ..

شمسة : انته اتخبلت ولا شوه ؟ هاااه ؟ ما تشوف المصايب اتحذّف علينا ؟

مايد عصّب :مصايبنا ولا مصايب بنتج ؟ شوفي خالوه انا محترمنج وحاطنج على راسي .. لكن تصرفاتج هي اللي مب عايبتني .. لأنج تبّدين شي على شي .. وهذا اللي لتّه بنتج هنوه ..

شمسة : انته قليل الأدب .. ما ربوك عدل !! جذيه تقول عن خالتك؟

مايد : قلتيها بنفسج .. خالتك !! .. واللي هي أخت أميه غريبة الله يرحمها .. لو مب خالتي جان ما خليتج تفتحين عينج زيادة على بنتج .. بنتج دلعتيها وعطيتيها أشياء ما استحقتها .. دوم امبزتنها .. لاء !! لا اتقربونها !! لاء !! لا تقولولها شي !! لاء !! مالكم خص فيها !! .. ولو المشيّخه فإيدج مب بعيده تخلينها شيخه !! عادة شو نتيجه هالبزا ؟ فضايح .. بتقولين على منو طالعه ؟ شمايل ياية صوب خالتها غريبة خيّرة .. لكن هنوه سايرة جداج ما أقولج انتي فضحتينا حشا .. بس أقولج طبايعج .. خالوه !! مب كل شي بالبيزات بتشترينه !! انا حبيت بنتج وأباها .. لا تخربين ..

شمايل سمعت كل شي : قولي بعد مب موافقة ؟ قولي ...

شمسة معصبة : ليش يهمج رايي؟

شمايل مفوّلة : قلتيه بنفسج راي .. مب شور .. لأنه الشور بإيدي انا .. انا اللي بعرس هب انتي ..

شمسة : والله وظهر اللسان يا شملوه .. تبين الفكة ..

شمايل: من ناحية الفكة .. صح .. لأنه أعصابي خلاص تعبت .. انا بعد تعبت من بلاوي هنوه .. أحس النفس عافتها .. وأحس انج فصفها حتى لو سوّت أكبر الآثام ..

شمسة : آثام ولا غيره .. (وتأشر على قلبها ) تشوفون قلبي ؟ هذي بنتي .. وين تبوني أفرها ؟ هاااه؟ أطردها من البيت عشان تغدي بنت شوارع ؟ انا حتى يوم أشوفها فحجرةالبشكارة قلبي يتقطع عليها .. (وتصيح )

شمايل بحزم : امايا لا تتوقعين بعصبيتج وصياحج بتخلينا انغيّر راينا .. لا (وتوّجه الكلام لميود ) مايد .. سر احينه رمس يدي هو بيكون وكيلي .. (وتأشر له يسير وهو متحمس أكثر عنها ..) سمعيني عدل يا امايا ..تتذكريني يوم كنت أتحرى عمري حامل ؟ حزتها انا حية ولا ميتة ؟ ماكنت أدري بعمري .. كنت أتكلم شرا المينونة .. بالله عليج بترضين انه وحدة من بناتج الهنتين اتطرش باكستانية جدا اختها الثانية عشان اممرة يعفدون عليها ؟ بس عشان ما تدانيها ؟ (وعيون شمايل تدمع من الغصة ) يع .. يعت .. يعتدون عليها وا .. واحد ورا .. ورا الثاني؟ واحد ورا الثاني ؟ خلّص هذا ياء دور الثاني ؟ هم .. هم دمروا مستقبلي .. انا طول عمري محافظة على شرفي قسما بالله يا ميه .. (وتدمع زيادة ) اني يا ما اسمع شباب يرقموني في الساحه او اللي مارّين بمواترهم .. لكن أسوي عمري شرات الصمخة اللي ما تسمع .. ولا كأنهم قالوا شي .. ويتوكلون عني .. لا جد خذت رقم .. لا جد كلمت واحد منهم .. آدمي اللي هو آدمي ما كلمت .. حتى اني احط عيني فعين واحد من سابع المستحيلات .. انا كنت فمستشفى الامل .. وهزاع كان ويايه .. هو كان يتعالج عن الادمان .. وانا عن الخبال .. وييت وهو كان في المرحلة الاخيرة من علاجه ..وظاعي مع انه يعرفني رابية وياه يوم كنا صغار نلعب ويا بعض ما قال بستغلها .. والله ثم والله ما لمسني .. بس يوم تشوفين خويّج واحد من طينتج لازم يشّدج شي .. وهناك محد كان ويايه .. هو كان شرات أخويه اللي ما يبتيه .. أدري هالسالفه ما يازت لج ولا يازت لميود ..بس اللي خلاني أكلمه شي قاله عن أختيه .. وانهم متزوجين في السر .. انا ماكنت اعرف كيف اختيه وصلت لهالمرحلة من الانحطاط والسفالة .. بنقول هاكي تحت تأثير المخدرات لكن هي؟ تياوزت وياه عرفي مادري مسيار .. الله العالم ويا منو بعد اتياوزت .. هذا اللي خرّب شبابنا وبناتنا ..

احلى البنات
23-10-2008, 11:49 PM
شمسة تقاطعها : تبين تعرسين؟ انفدي وعرسي وارحمينا !!

شمايل: بالله عليج هذي ام تقو جذيه حق بنتها؟ انفدي؟ ايي منج أكثر .. نافدة عنج

(وسعيد كان يتصل ب مي ..)

مي بعصبية ترد : شو تبا ؟ تراك طفرت بي وطلعت لي قرون ..

سعيد : انا اباج والله أباج شارّنج يا بنت الناس بلاج انتي ؟

مي : انته اصلا شو عايبنك فية؟ انا خسفة خسفة !! تسمع ؟ (نست عمرها انها مسوية العملية ..)

سعيد بكل جدية : مي .. انتي اتوقعين اللي لفتني فيج مظهرج ؟ أكيد لا .. في 100 وحدة احلى عنج .. بس اللي لفتني فيج براءة عيونج وايد بريئة .. يوم كنتي اتحاورين الزلمة هاكي في الأخبار .. صدقيني على طول قلت هذي حقي انا من نصيبي ..

(وأول مرة يعترف بهالشي .. هي اتأثرت بكلامه .. وقامت تسمعه وتبتسم وعينها تدمع ..)

مي : أول مرة حد يباني وانا بخسافتي .. أحس انك صادق ..

سعيد : ومتى جذبت عليج انا؟ انتي بس خليتي لي فرصة اتكلم ؟

مي: ولو طلبت منك فلوس؟

سعيد : ما اقولج لا ..

مي : ولو طلبت قلبك؟

سعيد يضحك : من الصميم بجلعه وبعطيج ..

مي : انا والله مستغربة منك .. كيف حبيتني ؟

سعيد : ما حبيتج .. بس اتعلقت فيج يا عيوني ..

مي تضحك : انته مستعد اتنفذ أي طلب أطلبه منك ؟

سعيد : طبعا لا .. بس فحدود المعقول ..

مي: شكلك تاجر ..

سعيد : الا شيخ ..

مي تضحك من خاطرها : أسميك خقاق .. يابويه الشيوخية بتتبرا منك ومنك انته بالذات ..

سعيد : بس انا شيخ .. بلاج ما تصدقين؟

مي: وانا أميرة ..

سعيد : ابا اشوفج لو من بعيد ..

مي : بس انا اتغيرت ..

سعيد : انزين توعديني؟

مي: على ؟

سعيد : من تحصلين فرصة اتدقين لي .. ولو حصلتي فرصة وظهرتي علميني صدقيني كلمة شيخ ما أتقرب..

احلى البنات
23-10-2008, 11:50 PM
مي : ههههههه حركاتك حركات يهال .. شو رايك بعد نعرس؟

سعيد : والله من متى اتريا هاليوم .. وافقي انتي بس ..

مي: واذا قلت لك موافقة؟ أهلك بيرضون انه ولدهم ياخذ وحدة امها عراقية لا وبعد مذيعه ؟

سعيد : كل شي بالهون بيصير .. (بند عنها وكان وايد متفائل .. دخل على أبوه والحماس ضارب عنده ..)

بوسعيد : خير ؟

سعيد : بويهك يابو سعيد .. طالبنك ..

بوسعيد : آمر يا بوعسكور ..

سعيد :ابا اعرس ..

بوسعيد يبتسم : انته؟ انته تبا العرس؟ أحيدك معتكف فكربلاء ..

سعيد : لا خلاص تبطل القفص .. وابا اعرس وآخذ وحدة مذيعه .. (هم طبيعتهم يدخلون في الموضوع بدون لف ودوران وابوسعيد من النوع العصبي ويفور بسرعه ويقدم على وايد اشياء فلحظة ..)

بوسعيد منصدم : لا بالله الخبال ميّمع .. إيييييه سعّود افتح عينك وشغل مخك عدل .. الريال ما يعيبه شي بس الحرمة .. تبا الناس والشيوخ يتضحكون علينا؟ مصخرة بتخلينا ؟ بنت منو هذي؟

سعيد : ابوها مواطن وأمها عراقية ..

بوسعيد : اكملت !! اكملت !! يزاك الله خير .. ايي منك أكثر ..اسمعني عدل .. سر رد اعتكف احسن لك ولا هالكلام الماصخ ما اسمعه .. ولا عمرك اتفكر بهالشي !!

سعيد : أبويه طول عمرك مرّبنا على الصراحة .. تباني أجذب وأسوي شي من وراك؟

بوسعيد مسك سعيد من رقبته : والله ثم والله ان كملت فهالموضوع وخطبتها والله لأسحب المشيّخه من تحت ريلك !!

سعيد : سّو اللي بتسويه انا باجر بخطبها .. (ويفلت عمره من قبضة أبوه ..)

بوسعيد : جان في شاربك خير سوّها .. ما بتحصل مني شي .. الله لا وفقك ان شاء الله يالهيس !!

(ظهر سعيد والقهر متملكنه .. اما عند مي ..)

مي: ههههههههه شيخ أونه .. هو وين والشيوخية وين ..الا يبا يقنعني انه هو شيخ .. مايدري بعد اني سويت عملية تجميل وغيّرت شكلي خله ينصدم ويوّدرني .. بس هذا أول شخص يمدحني ويقول اني عايبتنه ..مادري ليش حرّك شي فداخلي ..برايه برايه .. بيخوز هالشعور .. هذا شاب من الشباب المتهورين .. شو همه؟

(اما عواس كان نازل تحت ساير يتأكد اذا حجرة هنوه مقفولة ولا .. وهو نازل .. يسمع صوت هذربان عالخفيف ..)

عواس: بس البشكارة فوق .. يمكن المهندة يهذربون.. بس لا .. يمكن هالسبالة بسير اطالعها ..

هنوه مبطلة الدريشة وترمس شوي شوي وهو وقف عند حد الدريشة يطالعها : هلا حياتي .. انا ؟ انا اتحريت انه حد ظهر .. ههههههه انا ادري اني حلوة

(عواس منصدم وفاير دمه .. وبطل عليها الباب ..)

عواس: حلّاج حلول ان شاء الله .. (ويزخها من شعرها .. وطاح التيلفون ..) أكرم انج هب آدمية .. خافي الله متى بتوبين؟ (ويضربها على راسها ..) هذا تيلفون سارة .. كيف وصل عندج؟


وباجر التكملة ان شاء الله

غموووض
24-10-2008, 10:06 AM
تسلمين اختي على البارت
في انتظار التكمله على احر من الجمر

احلى البنات
24-10-2008, 03:55 PM
[color=#0066FF][B][size=4][font=Arial Narrow](الجزء 100)


هناء زاغت وايدها تنتفض : عطتني اياه .. (ويصفعها صفعة يدفن راسها عالارض ..)

عواس : أكبر جذوب !!

هناء: هههههه عيل هذي الحب مالك ؟ وعععع سرت فحصتها ؟ يمكن نقلت لك الايدز ..

عواس: صدقيني دواج الموت !!

هناء : وانته دوايه .. (انقهر وشل التيلفون .. وظهر عنها لأنه لو صفعها زيادة بتموت على ايده .. وهالانسانة مول هب طبيعية تنضرب ولا يأثر فيها .. اما هو كان متلوّم وايد متلوّم من الكلام اللي عجاه ع راس سارة .. تم طول الليل يتصل على بيت سارة بس هي من سمعت صوت التيلفون سيده قطعت الواير بمقص .. اما المهمومين كان عواس على سارة ... وسعيد على أبوه .. ومي على شغلها .. والشيبة على هنود .. وميثاء على عواس .. اما صباح اليوم الثاني .. خذ سعيد موتره وسار الشغل .. وقال الا يخلي أبوه يغير رايه .. بس الأبو تصرف قبل ما يتصرف سعيد .. )

عبيد : يطولي بعمرك .. هذا توّة واصلنا من ديوان الحاكم ..

سعيد مستغرب : جواز منو هذا؟

عبيد : جوازك ..

سعيد : بس جوازي في القصر وهذا أزرق مالي انا حمر ..

عبيد : أوامر الشيوخ ..

سعيد : هيّد هيّد مب فاهم شي .. (وبطّل جوازه ) سعيد محمد بن طحنون .. وين كلمة شيخ؟

عبيد : أوامر الشيوخ سيدي ..

سعيد عصب : سويتها يابويه ؟ (ويفر الجواز مب مهتم ..) يلتعن !!

عبيد : وشلّوك من منصبك ..

سعيد قام : اشووووه؟ بين يوم وليلة؟

عبيد : جانك مزّعل الشيخ العود استسمح منه ..

سعيد : أستسمح على شي ما سويته ؟ هه بعدك ما عرفتني .. شو بعد؟ أطربني ..

عبيد : حسابك ما فيه شي خالي .. يصفر .. ونزلت رتبتك وغديت ملازم شراتنا .. ووقفوا دراستك العليا الأونلاين اللي تدرسها .. (صدمات ورا بعض .. وسعيد منقهر ..)

سعيد : في شي باجي؟ هيييه الموتر نسى يشله ..

عبيد : خلا لك الموتر بس .. سيدي انا بيتي مفتوح لك وتحت أمرك .. انته داخل وانا الضيف عندك ..

سعيد يطالعه بطرف عين : مب انا اللي بسوي جذيه .. سر لمكتبك ..

عبيد : ان شاء الله سيدي (من الغياظ فر الدباسة بالقو وكسر الجامة .. وسار للمكتب اللي برع اللي يتشارك فيه ويا الملازمين أسميه كان متفشل .. اما عند العنود )

العنود اتدق : إيييييه قوموا نشوا .. (وتبطل الباب ) هاه الحبايب بعدكم راقدين ؟ (الشيبة ساكت عنها ..) ايييه فطوم !! قومي اتلبسي ولبسي الشيبة بوديكم المستشفى عالساعه 12 .. تسمعين ؟ (وتدحها ) أكلمج انا يالملعونة !!

الشيبة : عنلات صيرج طلعي من الحجرة لأجتلج !!

العنود اتطلع لسانها : لأجتلج ههههههههه هذا يزايه بسوي خير فيكم ما تستاهلونه .. يا عيال الفقر ..
(وهنود ردت حاسيتها وتمت تصيح .. اما عنود كانت تكلم الدريول ...) فهمت يا جعفروه ؟ نفس ما كلمتك !! هييييه .. ان وديتهم مكان ثاني لأذبحك وتعرفني أسويها .. نزلهم ورد البيت هيييه ..

(اما مانع كان موّدي هزاع وهند المستشفى .. اول شي يتأكد من انه جسم هزاع خالي من السموم وبعد يعطون لهند ابرة التطعيم .. اما جعفر دق على الشيبة )

احلى البنات
24-10-2008, 03:55 PM
جعفر: باباه؟ باباه؟ يريد ودي هوسبيتال ؟ ماما روه !!

الشيبة : لا ما نبا !!

هنود تصاصره : الله يخليك نبا .. ظهري بينخلع من مكانه .. دخيلك يا بويه ..

الشيبة : فطيم .. أحس بشي مب فمكانه هذي اول مرة الدريول يطلب هالشي .. أحس وراه شي ..

هنود : برايه آآه برايه .. أهم شي اتلاحق ع ظهري .. آآآخ !!

الشيبة : بسير وياج ما بوّدرج روحج .. أجبي علية .. (كانت تطالعه بكل رحمة )

هنود : محد رحمني فهالدنيا غيرك ..

الشيبة : ومحد رأف بحالي غيرج انتي .. (وهي قايمة تتويع ويوم ركبوا الموتر..ماطاع الدريول يركب كرسي الشيبة فراه بعيد ..) يالله دهديه اسرع .. (ويوم وصل عند نص التقاطع ) جعفر باباه ؟ (ويبند الموتر .. من شدة الويع ما شافت الدريول وهو يبند الموتر مستقصد .. وينزل جدا الشيبة ينزله ..)

الشيبة : على وين ؟ على وين ؟ (وكان الشيبة منصدم وحطاه عالرصيف .. وهنود تحاول بكل طريقه تنزل ..)

جعفر : go down fast يالله (ونزلت بسرعه .. وتزخ الشيبة وحاطة ايدها على ظهرها .. وبسرعه يركب الدريول ويشرد عنهم ..)

الشيبة : لابارك الله فيهم من عيال !! جان بهدلوني وانا فآخر عمري .. يبوني أموت عالرصيف .. لا بركتن فيهم !!

هنود تصيح : عيّن من الله خير .. (ويفصخ سفرته ويحطها ع راسها عن تضربها الشمس ..) انا اللي لازم أغطيك هب انته سامحني مب بإيدي .. والله ما أودرك ابدا .. (تموا ساعه كاملة .. محد طاع يوقف لهم ..والشيبة وهي قاموا يعرقون ..)

هزاع: وقف!! وقّف !! هذا الشيبة اللي وياه البنية جني أعرفه .. مب هذا ابو نسيبنا؟ بو محمد؟

مانع: لالا خلنا انطوف هب هو هذي وياه بنية !!

هزاع : بس أحيده ما يروم يشل عمره ..شوف يالس عالرصيف .. برايه لو مب هو .. حرام .. خلنا انرده لبيته نكسب أجر ومن غير هذا شيبة والشمس ساطعه عليه ..

مانع: هيه والله شو رايج هنود ؟ (وهنود يالسة ومربوطة بالحزام ورا ..ووقفوا على ينب ونزلوا ..اما عند مي ..نشت وهي فحاجة ملحه انه تشوف سعيد ..)

مي : مادريليش بس الحلم اللي حلمته كان روعه وسعيد اللي محلنه .. أنا ادري انه شكله عادي .. بس مادري ليش متحمسة ابا اشوفه .. (وسيده طرشت له " أترياك باجر في الامارات مول على الساعه 6 بالضبط صوب ستارباكس " هو تم يطالع المسج مب مصدق .. انها هي اللي طلبت منه هالشي انها تشوفه .. تخبل .. استانس .. الود وده يتصل .. بس ما يقدر .. يمكن تستحي اتكلمه .. وإييها اتصال من حمد ) هلا حمد ..

حمد: شكلج توّج ناشة من الرقاد صباح الخير ..

مي: صباح النور .. (وتبتسم مستانسة ..)

حمد : شخبار ويهج؟

مي: بعدني ما جابلت المنظرة ..

حمد : بطلي التيلفزيون نزلنا الدعاية على الساعه 10 الصبح ..

مي: بشّر؟

حمد : بعده عادي .. حوالي 75 اللي سجلوا لين الحينه ..

مي: زين زين تمام .. هذا يبشّر بالخير ..

حمد : لا نبا زيادة .. وب طلتج بتزيد النسبة ..

مي: أكيد .. ومتى بينبث البرنامج ؟

حمد : أول بشوف نسبة المشاهدين ..

مي: خلاص انا احينه بسير اطالع التلفزيون ..

حمد : اوكي حبي باي .. (بندت عنه)

مي: مب جنه قليل الأدب يقول هالكلام ؟ هرم !!

(اما سعيد خذ موتره وسار يلس فشقة ربيعه الفاضية .. لأنه ربيعه فلندن ..)

سعيد يبطل بوكه : واحد (ألف ) ثنينه (ألفين ) أشوا شي فبوكي .. الله يسامحك يابويه .. تبا تفرقني عنها ؟ ليش؟ هي شو فيها ؟ شو ناقصنها ؟ انا بثبت لك اني اقدر اكوّن عمري بليا بيزاتك .. (بس بعده متكدر .. لدرجة انه ما رضا يخبر عواس .. اصلا عواس لاهي بالبلاوي اللي اتحذف عليه .. وهو لاهي بفقره المفاجئ.. وطلع سعيد سار ياخذ هدية حق مي ..اما عند هزاع ..)

هزاع منصدم : بومحمد ؟

مانع: هزاع متأكد ؟

بومحمد : هيييه يابويه الشيبة بومحمد ..(وهنود تطالع مانع وتصيح .. كانت ما تروم تنش ..)

هنود فخاطرها : مانع؟ منوع ؟ هذا انته ؟ (كان أضعف من قبل ..)[/font][/size][/B][/color]

والبارت الياي بعد يومين

غموووض
26-10-2008, 06:01 AM
مساكين بومحمد وهنوده
حرام ليش عنودو تسوي فيهم جذي
تسلمين اختي على البارت
في انتظار البارت اليديد

جروحي الدايمهـ
27-10-2008, 06:14 PM
آآآآآحلـــــى بنـآآآآتـ آهنــــييييي ...!! والله so نايس ..

انـآآ متـآبعهـ لقصتجـ فـي هذآجـ المنتدى .. والحينهـ المنتدى انغلقـ ><

يعنــيي من حظــيي بكملهـآآ اهنــيي ..

القصهـ نـآيس & عجييبهـ & طـــرر & حلوهـ & آحلى منهـآ ماشـي هع .. << طبعـآ عـآرفهـ رآآيي ..

نتريــآآ البــآآرتـ اليــآآي فدييتجـ .. لاا تطولييينـ ..

احلى البنات
27-10-2008, 08:13 PM
( الجزء 101 )

هزاع : هاي عنودوه الجلبة صح ؟ قم يابويه أجّب علية .. ( ويعج هزاع حمدانيته وحطاها على راس بومحمد )

بومحمد :ساعدوها .. ماتروم تنش .. ظهرها ذابحنها .. خلوني برايه .. طاعوها ..

هنود متلثمة وحاطة ايدها على ثمها وتقول فخاطرها : لالالا .. (واتأشر لهم ) لا !!

مانع يدخل كف ايده في الكندورة عشان ما يستاثم : أجبّي .. اتيوّدي فكندورتي .. لا تخافين ماما .. لا تخافين ..

بو محمد : هذا ولدنا لا تتروعين منه ..

هنود فخاطرها : وهذا اللي كانوا محيريني له ( واتأجب عليه وتطالعه .. تباه يعرفها ..) آآه ظهري ( وطاحت عالرصيف )

مانع: اتيوّدي عدل !! ردي مرة ثانية !! هيييه !! زين .. زين .. ( واتأجب بكل قوتها لأنه من شاتتها عنود .. قامت يوم تيلس عالارض لازم حد يرفعها .. لا إراديا تخور ..)

هزاع : أبويه ؟ أجّب على ظهري بشّلك ..

بو محمد: يابويه ما تروم لا تهّلك عمرك ..

هزاع: والله ما اخليك ..(وهزاع يمسك يد بومحمد ) هيه حط ايدك على رقبتي .. مانع!!

مانع : ياي !! ياي !! يالله .. (ويمسك بو محمد ويشله من ورا ..) واحد .. اثنينه ..ثلاثه ..

هزاع : بسم الله .. توكلنا على الله .. ( وشلوه ودخلوه وحطوه عالسيت .. اما هنود انصدمت بالياهل اللي تطالعها ...) ضكي هنود !! ( هنود العودة قفزت من مكانها اتحرى الكلام لها .. جان تقوم الصغيرونة وتيلس على ثبان هنود .. وابتسمت هنود .. كانت يوم رضيعه تشبه مانع اما احينه ماخذة ملامح هزاع .. حواجبها المقرونات .. ونفس الخشم والعيون يعني اللي يشوف البنية يقول عنها انها معصبة بس طبيعتها شرات عمها .. وهنود طالع بومحمد كانت ملامحه انه مرتاح ..) مانع .. نزلني بيت بومحمد ...

بومحمد : لاء لاء دخيلك !!

هزاع : أبويه مب انته اللي تترجى .. ومب هذي اللي تسوي بأبو ريلها جذه .. عيل يوم بتيب عيال بعد بيكونون فيهم خير ؟ ما اظن .. نزلني عندها بأدبها .. (ويضرب مانع بريك كان بيدعم الشاحنه ) لا إله الا الله هيّد !!

مانع: الله يغربلك ما تشوف .. ( وكانت هنيد ماسكة الصغيرونة بس انفرطت هي وطاحت عالارض ماسكة الصغيرة )

بومحمد : اوووه اوووه اوووه هاتي ايدج !!

( ومادة ايدها والويّع ذابحنها .. وهزاع سيده يسحبها عشان تقوم )

مانع : بلاها؟ بلاه ظهرها ؟

هزاع : أكيد طايحه

بومحمد : اختكم كافختنها بنعال على ظهرها .. (هزاع ومانع يطالعون بعض )

هنود تطالع الشيبة وفخاطرها : ليش تعلمهم ؟ لازم تحرجهم ؟

(كانوا صدق معصبين وفنفس الوقت منحرجين .. وخصوصا مبيّن على ويه هزاع .. اما مانع يبيّن عليه من سرعته ..)

بومحمد : ياهل عندكم ردوها البيت هاكي اتنود ..

(مانع يصد ويطالع بنته )

مانع : هنود حبيبتي ماماي ردي على ورا غناتي .. (وقفزت هنود مرة ثانية ولاحظها هالمرة الشيبة )

هزاع: ساير الدختر ؟

مانع: هيه (ويوم وصلوا ) نزلي ..

بومحمد : انا بعد ..

هزاع : يعورك شي ؟

بومحمد : لا بس ماروم أخليها روحها هاي أمانة ..

هزاع: مانع وياها ..

بومحمد : لاتحاتيي دامني وياها انا مرتاح .. (وهنود تطالع الشيبة تباه وياها ..)

هزاع: لالالا ما تروم .. انته بتي ويايه وبردّك البيت لبيتنا معزز مكرم ..

مانع وهو ينزّلها : انا بتم وياها لا تحاتي .. بنخليهم يفحصونــــ (وكان يطالع عيونها ونسى الكلام حتى ..)

مانع فخاطره : طاعوا الدنيا كيف صغيرة ودوارة !! ابتعدت عني غناتي هند والله ياب لنا بشكارة تشبهها الخالق الناطق .. نفس العيون .. بس سبحان الله محد سكن قلبي غير هند .. هااايه ..

مانع عصب : أقولج نزلي !! ( واستغربت من عصبيته ونزلت وياه .. هو جدام وهي وراه .. اما هزاع خذ الموتر وسار بيتهم وفي الطريج كان بومحمد يخبر هزاع بمعاناته .. ومن وصل انه ينزل الشيبة والصغيرونة ..)

هزاع : دومينكا ؟ دومينكا وصمخ !!

دومينكا : نعم بابا !!

هزاع : تشوفين هذا بابا العود .. اللي يباه تسوين له تسمعين ؟

دومينكا : ان شاء الله بابا ..

هزاع : هذي البشكارة عندك اياها تحت ريلك .. واللي تامر به .. يابويه عندك البيت من أوله لين آخره اختار الحجرة اللي تباها .. نحن خدامك يابويه .. كله ولا كرامتك .. انا ساير وبرد عليك .. بس وعد اباه منك ..

بومحمد تدمع عينه : ىمر يابويه ..

هزاع : اتغدى عدل الصحن اباك تلحسه غدانا ينضرب به المثل ..

بومحمد : وين أتغدى وبنتي في الدختر ؟

هزاع : بنتك وبنيبها لك معززة مكرمة .. شو تبا زيادة ؟ أحينه بييبون لك الغدا ..

بومحمد : بتمسّح أول فاتتني الصلاة ..

(هزاع سار اييب له السيادة عشان يصلي ..وروّح عنه .. اما دومينكا كانت واقفة تتريا بومحمد يخلص صلاة عشان تغديه .. اما هنيد الصغيرة يالسة عالغنفة حذاله وتقلده يوم يصلي ويوم يرفع ايده او صبعه ..)

سوري البارت قصير بس هالايام شوي مشغووولة والبارت الياي بيكون عن عواس ..

هل شمسه بتخبر عواس بقرارها؟

وسارة بتكلم عيسى ولا؟

ومانع شو بيكتسف في الدختر؟

هل بتتكلم هنود ويا مانع وبتعترف له ؟

بس احلى شي بيكون لقى مي و سعيد .. بينصدم؟ ولا بتكون ردة فعله عادية ؟ كل هذا في البارت الياي انتظروني

جروحي الدايمهـ
27-10-2008, 09:07 PM
وآآآوو نــآآيس البــآآرتـ ..

:

:

:


ويعطييجـ العـآآفيهـ ..

:

:

:


وخذي رآحتجـ غنـآآتيهـ


:

:

:


نتريـآآ البـآآرتـ اليـآآي ..


:

:

:

lady oscar
27-10-2008, 10:28 PM
واااااو


احلى بنااااات فاتني اشياء واشيااء

اتصددقين عاجبني هزاع عالرغم دورخ فالقصه

بس ياليت ياليت ما تتعرف هنود لمانع دخيلج والله ابا اشووف شو بيصير اباه يتحررق حرااق مثل ماحررق وخرب حياه عواس وعايلته
اباه ينصدم يوم يجي عواس ياخذها من الشيبه بومحمد


نترياج

احلى البنات
01-11-2008, 05:16 PM
(الجزء 102 )

(اما هزاع دخل بيت العنود بدون شراع وميداف ما خلاها اتكلم كسرها من الضرب وسبها سب حتى الدمّان يظهر من حلجها .. خلاها متكسرة ما تروم تتحرك .. وعلى طول سار شركة العقارات .. هناك بعد ما سوا عاب وطاب دخل على محمد ..)

محمد قام : يا مرحبا ب (وهو يايّنه منهّد يعطيه بوكس على عينه عجاه على السيت ..) آآآخ !!

هزاع : والله ثم والله انك هب ريال يالجلب العود !!!

محمد: بلاك يا ريال !!!

هزاع: أكرم انك جلب !! اتفر ابوك تف عليك وعلى ويهك !! التربية ما نفعت وياك يالجلب .. (ومسكه من كندورته .. ) طلّع الأوراق بسرعه !!!

محمد: أي ؟ أي؟

هزاع: اوراق التوكيل بتردهن لأبويه ..

محمد : ما عندي والله ..

هزاع: تبا تندفن صح؟

محمد: كله حوّلتهن لأختك .. والله (ويطلّع الاوراق ويراويه) شوف شوف .. (وعيونه بتنطّر من الزياغ ..)كل.. كله حق اختك ..

هزاع: يالخسيس !! كلكم من طينة وحدة !!! لكن انا بعلمكم الأدب .. مافيك خير فأبوك اللي رباك وعلمك.. ووداك احسن المدارس ..

(اما في المستشفى .. وكشفت عليها الحرمة . وخذت عنها تحليل الدم .. بس من التعب سيده نامت ..اما مانع كان يطالع الدكتور ساير وراد يبا يتأكد وخلاف رد ..)

الدكتور : يأسفني أقولك انه أمر الله .. سرطان المعدة..

(مانع احمر ويهه كأنه حد صب ع راسه ماي حار ..)

مانع مب مصدق ويطالعه : إشوووه ؟

الدكتور : انا بشرحلك في ورم خبيث ملتصق ورا معدتك ما يبيّن بالتحاليل .. بس انته زادت عليك هالأعراض وقامت تبيّن ..

مانع يمسك أعصابه : انته متأكد ؟ أحس قلبي منقبض لا حول ولا قوة الا بالله

الدكتور : يا أخي هوّنها وتهون .. الحمدلله انه فمراحله الأولىولا كان تعبت زيادة ..

مانع: انته تتكلم عن سرطان مب مرض وله علاج يعني بموت فهمت !! بموت !!

مانع فخاطره :بوّدر هالدنيا .. منو بيداري أميه وأختيه وأخويه وبنتي هند هنيد ..بنتي اللي يمكن ما اعيش عشان اشوفها متخرجة من الابتدائية او حتى الثانوية ولا حتى يوم بتعرس وبتلبس الفستان الأبيض وانا بمووت فعز شبابي اللي ما عشته ولا شفت يوم زين فحياتي .. لالا شفت يوم شفت هنيد ..

(كان يصيح شرا الياهل استصعب هالشي.. كل حياته كانت فخطر وفأي لحظة كان بيموت.. لكن يموت عن طريق مرض؟ مع انه امر الله مع انه ما توقع هالشي ..طلع من عند الدكتور بليا حاسية .. والدكتور كان يناديه عشان يكمل حواره .. بس هاكي ما حس بعمره الا وهو ماخذ الموتر .. وساير ماخذ موتره صوب ليوا .. عند استراحة البنات اللي لين الحينه ما نساها .. كان يالس والشمس ضاربة عليه ويتذكر مكان الحفرة اللي دوم يطيحون فيها..وكيف كان جبان ويبتسم مايدري بعمره اذا بيحيا ولا بيموت .. كان هايم .. اماهنود تأشر للدكتورة ..)

الدكتورة : بنخليج هني يومين ..الضربة كانت قوية .. يعوّرج هالمكان؟ (وتهز راسها بالايجاب) شوفي حبيبتي انا بصارحج .. انتي مواطنة ما هيك ؟ (هنود انصدمت )

هنود فخاطرها : كيف عرفت ؟ انزين ابا اتكلم ما يستوي ..

(هنود تترجاها ما تعلم حد )

الدكتورة : ليش يا حياتي؟ خلاص انا ما راح اتدخل .. بس راح أقلك .. فيه أدوية كنتي بتاخديها أثرت على جهازك العصبي.. ومن الممكن مش أكيد فيكي حالة صرع .. (وهنود قلبها يدق .. وتكتب عالورقة بعصبية " فسري لي زيادة بموت؟ ") لالالا اسم الله عليج .. شوفي حالة الصرع تيجي نتيجة الوراثه .. او من الله او من الأدوية .. وانتي حالتك من الأدوية ..كتييير أثرت على خلايا جسمك .. ومن غير الضربة اللي إجتك على ظهرك .. كسرت عصعصك .. (وهنود منصدمة ) مالها علاج الا برا .. بس بعطيكي مسكنات لظهرك .. يعني اذا جلّستي وفردتي ظهرك مرات راح توقعي لازم حدا يرفعك ..لأنك ما راح تقدري تحملي حالك ..

هنود تصيح وفخاطؤها : يعّلج الزوال يا عنودوه يالبلوى العودة !!

الدكتورة : ما تخافي حياتي .. راح أعطيكي كمان دوا للصرع ما تخافي من الاسم .. بس لازم تعلمي أهلك .. انو لو إجتك الحالة يتركوك لحالك .. لحد ما تخلص عنك الارتعاش انا بعطيكي تعليمات مشان ما تنصدمي بس هذا بيحصل نادرا هذا ازا ما أخدتي الدوا راح يصير فيك هيك انا حطيت لك دوا مشان ما تحسي بألم فظهرك .. نامي حبيبتي ..

(هنود كتبت لها " شكرا " وروحت الدكتورة )

هنود فخاطرها : حسبي الله عليج .. انا طلعن فية كل هالأمراض ؟ صرع بعد ؟ والله الكلمة تجتل !! لو درا رشود ليجتلني .. (وتيلس اتدق ظهرها ) كسّر الله ظهرج ان شاء الله يالخايسة !! الا منوع وينه ؟ (وتتلثم عن اييها ) شكله سار يأدبها الملعونة .. ياربي كيف اتغيّر منوع !! طاعوا الدنيا كيف دوارة وصغيرة .. أحينه عادة يالدنيا تعلميني كيف يعيش منوع؟ وانا معرسة؟ وانا فذمة ريال ؟ هم والله هم .. منوع ودرني عشان ربيعتي واللي سمعه عن الحادثة وحزتها اتعرفت على رشود .. (وتبتسم وتتنهد بصعوبة ) رشود !! (شافت التيلفون حذالها الا تتصل به لين الحينه حافظة رقمه .. صح ..) أمووووت ع ترابك ليش سويت بي جذيه؟ ما تباني؟ حزتها صدق بعرف اذا تحبني ولا لأ .. (وتضرب الرقم وهي زايغة ..)

راشد : مرحب.... (وقلبها يفز وحطت ايدها على قلبها ..) ألو؟ ألووو؟ (من الزياغ سيده بندت فويهه تمت تشوف صورته فتفكيرها وتبتسم وتتفداه ..)

(مي كانت كاشخه من الخاطر راسمه عينها بالجحال الأسود تقلد هنود .. وجلوس وردي ولابسة بنطلون بربري بس ياي على بيبي وردي ضيق من فوق ووسيع عالآخر وقميص كات من نفس الماركة عالوردي ومسوية ذيل حصان وعليها ربطة بربري حتى القصة نازلة .. حتى النعال اكرمتوا مفصل على اللي تباه بس فيه لمعه وكعب بعد .. كانت تلفت وشافوها وايد ناس اتخبلوا .. وهي الخقة متلبستنها لبس مب ياي شي في عينها ..)

احلى البنات
01-11-2008, 05:17 PM
واحد : مب انتي اللي في الفيديوكليب ؟ ( وهي وقفت وصدت صوبه مبتسمة بغصب )

مي : هيه .. (مب عايبنها الوضع انه يوقفونها )

واحد أسميج قطعه.. عادي أتصور وياج ؟

مي : أكيد يا عيوني ..

واحد : انا بس بدخل الجات مال القناة عشانج ..

مي : تسلم يا عيوني ..(وكم من بنية لاحظوها واتصوروا وياها من غير اللي ياها من المغازل .. كانت ساكتة زيادة عن اللزوم .. (ووصلت صوب ستارباكس بس ما اتجدمت ..خافت وقفت ورا السنطوانة ..)

مي فخاطرها : اخافه خسف !!! اخاف حد يصورنا ويا بعض .. احينه استويت معروفة .. اخافه مريض نفسي .. ياربي شكلي عجيت عمري فورطة ..(وكانت واقفة وتشوف واحد ازجرت داش .. الكندورة البيضاء والعقال والسفرة رادنها على فوق والسماعه متدلية ما تبيّن وايد من جماله مقطّع عيون البنات اللي يطوف جداهن مستحيل ما تلتفت له اي بنية..)

مي : وااي ..وااي .. وااي .. وااي .. واااي .. ياهي كشخه !! ياهو جلب حالي !! ياهو غرشووووووووب وااااي يا قلبي .. حد قالك يا حلو انك طرررررر 700 مرة !! واي شليت قلبي .. (وهي تطالعه ومب رايمة تشل عيونها عنه وحاطة ايدها على قلبها ) ياربي بلاه قلبي وابوييييه ليش يدق جذه ؟ أعوذبالله .. زياغ ولا فرحة ؟ أحس ريلي ما تشلني من شفته !! (ويصيح تيلفونها وهي متأذية ) شو تبا؟

سعيد : أحينه انا شو أبا؟ اباج انتي (وهي تطالع هاكي اللي انشّل تفكيرها منه )

عواس: السلام عليكم ..

سعيد : عليكم السلام ورحمة الله وبركاته (ويرمس عالخفيف ) بتصل بعد شوي من توصلين علميني ..

عواس: بلاك؟ أحس شرا اللي منحرج من شي ؟

سعيد : انا؟ لا ماشي خبرني شو هو الشي الضروري اللي تبا تعلمني ..

عواس :ياخي انا متلوّم منك .. بس بعد لا تلومني ولا تنصدم مني ..

سعيد : خير ؟

عواس : تتذكر سالفة المذيعه اللي قلت لي عنها ؟

سعيد : هيييه زيغتني حسبي الله على ابليسك .. انا قلت شي جايد مستوي .. عيل انا عندي لك علوم ..

عواس: خلني اقولك اللي فخاطري ..

سعيد : خلاص قول ..

عواس : مي فاضل تكون أختي من الأبو ..

سعيد قام من مكانه : إشووووه ؟ (وكلهم يطالعونه .. حتى مي من بعيد ..)

عواس: هيّد سعّود !! بلاك ؟

سعيد : انته اتخبلت ؟ أكيد هب صاحي !!

عواس: عيّن من الله خير وايلس العرب يطالعونا ..

سعيد يلس وشرب ماي وكان عرقان متوتر : مب مستوعب كيف غدت أختك بين يوم وليلة؟

عواس : من زمان أختيه بس مارمت أعلمك مالي ويه ..

سعيد منصدم ومحمر ويهه : وأحينه اتعلمني حضرتك ؟

عواس : لأني انصدمت من كلامك .. انك انعجبت ومادري اشوووه ..

سعيد : ليش بعد فترة اتخبرني عنها ؟ شو اللي طرا على بالك؟

عواس: انته تباها ؟

سعيد بحماس: الا بخطبها مب بس اباها .. وياحظي جانها اختك بعد !!

عواس: من صدقك ؟

سعيد : انا ما يهمني في البنية جمالها .. انا من شفتها قلت هذي البنت من نصيبي !! (وحزتها كأنه هم وانزاح عن الثنينه ..)

عواس: عيل ما بتمانع يوم بتدري انها استوت أغوا عن قبل.. هو الشي ما ياز لنا بس أمر الله

سعيد : ما فهمت ..عواس: ردت تظهر عالتلفزيون ..

سعيد : انته بس شاورها عالخطبة وخل الباجي عليّة

عواس : المشكلة ابا احطك في الصورة مب قادر ..

سعيد : كيف يعني ؟

عواس: أختيه سوّت عملية تجميل وغيّرت نفسها وغدت نفس اختيه الصغيرة هند ..

(هذاكي انصدم وقام قلبه يدق )

سعيد : ك.. ك.. كيف يعني؟ سوّت عملية تجميل؟ وغدت أختك ؟ (وبعصبية) ياخي فهمني .. طلعت لي نخلة فراسي ..

عواس: مي طول عمرها الناس يعايرونها ببنت العراقية وانها خسفة .. وما تشبهنا .. ومن حصلت البيزات فإيدها الا وتغيّر من شكلها بدون ما ندري .. خشمها غير .. ثمها غير .. عيونها غير ..عجت العباة والشيلة واستوت حاسر هذا مووول ما اييوز لنا .. هاي مب بنتنا .. بس لسانها هو نفسه ما اتغيّر.. بس نظرتها للحياة تغيرت اختلفت قامت تتعالى وتخق ظهرت في فيديوكليب بغينا نموت حزتها .. انا وميود سرنا نبا نلعن ابو خيرها وطردتنا ولسانها على ذراعها ..

سعيد : يالله سترك .. جني أطالع مسلسل..

عواس: وبعدك تباها؟

سعيد: انته توكّل ويصير خير .. (ويوم قام عواس ..)

عواس: اليوم ملجة ميود ما بتحضر؟

سعيد: استسمح منه انا عندي شغلة ضرورية ابا اخلصها ويا ريال ..

عواس: على خير ان شاء الله .. (وروّح وهو تم مكانه يستجمع افكاره )

مي: واااابووووييييه عواس هنيييه؟ لا ويا الغرشوووب .. الله يستر ما يشوفني ومب ويايه الحراس .. ..لا شكله مروّح ..أمييييه قلبي كيف يدق .. هذا بلاه اتأخر ؟ (وسيده يصيح تيلفونها ..) اعنبوا ما بغيت انا مروّحة تراني ..

سعيد : بترياج تحت في الباركينج ال في آي بي بعد 5 دقايق ........................

احلى البنات
01-11-2008, 05:20 PM
سعيد فخاطره : أحينه بشوف يا انا يا انتي .. انتي تلعبين بي ؟ براويج سعيد منوه ..

مي : أوكي .. (وبندت فويهه ) اووووووف !! وين ساير يا غرشوووب .. طلعت ربيع عواس عيل .. أحسن بعد .. شكلي بعطي سعيد كلام مثل السم والحينه بعد .. عشان يعوفني ..(وما تدري باللي بييها ..)

سعيد : هاااه؟ شفتي الموتر ؟

مي: أي؟

سعيد : الأرمادا الفضية رقم أحادي ..

مي: هيييه هاكي انزين انزل ..

مي فخاطرها : والخيبة أحادي بعد ؟ شيوخ لالالا شكله مطارزي .. (وتمشي صوب الموتر وهو بطل الباب بس ما نزل عج الغترة والعقال وتم بالجحفية ونازل وفإيده شي ..هو يطالعها معصب وهي سايرة جداه منزلة راسها بس فنفس الوقت من حطت عينها فعينه تمت منصدمة مكانها فنص الشارع مب رايمة تعبره وتكمل .. وهو يطالع ملامحها اللي واييد اتغيرن .. بس ما أثرت فيه .. وموتر ياي مسرع وضرب لها هرنات عشان اتحرك وهي مب حاسة غير ريولها اتخونها مب رايمة توقف ويربع لها بليا حاسية ويسحبها مسرع عن تشلها السيارة .. حسّت بإيده صاكه على ذراعها بالقو .. وسيده يلست عالارض ويفلتها .. بس هي انفضه جاستها ..)

سعيد معصب : انتي !! انتي مينونة؟

مي: وانته سعيد صح؟ (وهو قلبه يدق من سمعها تنطق باسمه يطالعها عالطبيعه وااايد غير وهي مب مصدقة اللي في الكوفي شوب الغرشوب هذا .. )

سعيد غيّر العصبية لين الابتسامة : هذي انتي ؟

مي: ما اتوقعت انته ؟ انته اللي اتكلمني ؟

سعيد : وانتي صدقتي ؟ (وكانت منصدمة ) انا الا اقص عليج مثلي مثل غيري !! قصدي مثلج انتي ..

مي: ما فهمت فشو قصيت عليك ؟ قول لي ..(وهي حسّت انها ما تبا تخسره ) قول ..سعيد ينزل عالارض ويوصل عند ويهها هي تمت ما تروم تتنصخ زايغه : مب انتي اللي تعلّين صوتج علية !! اقطعي !! (وسكتت ) كلمتج وقلت لج اباج وبيي لين بيتكم وباخذج صدقيني حتى ابويه اتحديته عشانج .. وآخر شي تبدلين خلقة ربج ؟ بتطيحين في النار .. يامكثرهن ذنوبج !!

مي: انته ليش معصب؟ ما تباني أغدي حلوة ؟ انا كنت عبرة ولا حد يلتفت جدايه اما الحين..

سعيد : تبين الشباب يلتفتون صوبج ؟ (ويصارخ) انا مب سادّنج ؟

مي تصيح : انا شدراني حزتها انك تباني ؟ اقرا الافكار انا؟ ومن غير قلتها بنفسك تقص علية !!

سعيد مسكها من فجها : قلت لج لا تعلّين صوتج !! فهمتي ؟ انا اللي عمري ما فكرت في بنية ولا صديت صوب أي بنية .. ويوم اتخيّرتج اصلا قلبي ما يبا غير مي .. (وهم يطالعون بعض .. يبون بعض ..) بس مب مي اللي أشوفها الحينه صدقيني طحتي من عيني .. تشوفين شو هذا ؟ هذا خاتم اللي كان بيربطني فيج .. (وعيونه محمرات ) كنت أباج تلبسينه وانا اللي ألبسج اياه .. لكن هااااه !! (ويفر الكيسة عالارض ويدوسها بغصة يدوسها ) هاااه !! شفتي ؟ كل شي راح !! الله لا يرّد اليوم اللي طلبت فيه اني آخذج !!

مي تصيح وتمسك ايده : سعيد دخيلك .. انا احينه اترجاك .. (والجحال سال بس ما همها ) والله اني فعمري ما شفتك واحينه يوم قلبي خفق .. اتعلق فيك اول ما شفتك يالس ويا اخويه والله اتعلق .. بتهدني من اول يوم ؟ انا كنت اكلمك وانا واثقة اكيد انك شفتني بعد العملية عشان جذيه دقيت علية !!

سعيد يضرب بإيده على جامة موتره : انتي شوه؟ كل شي جمال وجمال؟ شو يعني لو ما كنتي حلوة ؟ انتي ملكة جمال بنظري قبل ما تسوين العملية !! (ويصارخ ) والله اباج تعرفين شو يعني اباج؟ (ويدق على قلبه بالقو ) تشوفين هالقلب؟ والله لأجلعه لج جان تبينه بس احينه عقب اللي شفته مستحيل تردين مي اللي انا اعرفها ..

مي تصيح نادمة : شو يعني الانسان ما يخطي ؟ انته صلحني برايه انا راضية يا سعيد !!

سعيد :ومنو طلب شورج اصلا؟ انا الشيخ سعيد غصبن عن خشمج وخشم اللي يابوج .. كنتي تستهينين فية وتبندين فويهي أحينه اقولج كملي منكرج !! ومحد بيوّدج !!

احلى البنات
01-11-2008, 05:26 PM
مي قامت ومسكته من ذراعه عشان ما يركب الموتر : دخيلك .. سعيد تباني ؟ برد أسوي عملية وبرد ويهي القبلي ..

سعيد يضحك بغصب : ضحكتيني !! جيه هو فيلم ؟ قناع وقناع؟ عيبتج السالفه يلعبون بويهد ويقصصونه ؟ هدّيني !! الله لا يراويج يوم زين فحياتج !! ما ينلام أخوج !! صدق فارطة !! (وهو ركب الموتر موّدرنها عالارض بغا يشغّل الموتر ما قدر وهي تمت يالسة ويائسة تصيح .. وهو دق براسه عالسكّان..)

مي تصيح : والله ما دري .. والله عمري ما عشقت حد واليوم يوم يدق قلبي لهالآدمي .. اللي يحبني عشان ويهي الخسف وتضرب ويهها كم من كف (شلّت الكيس اللي فيها لخاتم وسارت لموترها .. تحاول تتصل به بس هو بعده كان في الباركينج الضغط عنده مرتفع واايد وما يقدر يسوق .. والنفضة جايستنه بزيادة .. اما فبيت شمسة في الميلس كان حمد ومايد والمليج والرياييل كلهم وعواس وصلهم متأخر بعد ما اتحرطم عليه ميود لين الله ذله ..)


(اما فبيت شمسة .. كان ميود كاشخ مسوية لحيته بالقفل ولابس الكندورة الكركمية و متعصم ويايبنها على ينب وراشد الصغير ملبّس العقال والسفرة جنه هو المعرس بس مصغر .. اما عند الحريم اول شي هنوه قافلين عليها فحجرة البشكارة .. اما فطيم ويا شمايل فوق اتزهبها .. اما العيايز تحت ويا شمسمة في الصالة )

شمايل تنتفض : انا زايغه ..

فطيم : من شو ؟ من ميوطي ؟ الله يهديج ..

شمايل: من الملجه ..

فطيم : برايه يوم ما تبينه اخلعيه !!

شمايل تضربها ع راسها : اييييه ريلي ما أرضى !! أصلا ماروم أخلعه ولا بروحه بيخلع راسي ..

فطيم تضحك : يالمكارة قولي تبينه ..

شمايل: هيه اباه ريلي ابوعيالي وحبيبي .. تغارين؟ (وحزتها روحها استحت من كلامها ..)

فطيم : أبووو أبووووو!! الصراحة ؟ أغار بس لأنج لابسة أبيض ..

(كانت لابسة تنورة بيضة راصه تبيّن ملامح جسمها وقميص فيه قصات من جدام وعلى الينبين زم والدانتيل المرصع بالكريستال الألوان كله عالاكمام لين كوعها .. وحلج القميص رقم 7 بس وسيع وايد .. كانت أنيقه ولابسة كعب لأول مرة ماتروم تمشي به ..وراسمين عينها بالآي شادوه الأسود والفضي اما الروج الاحمر الناري .. ناشلة شعرها على ينب وقصّتها بعد على ينب .. وشمسة تناديها عشان تنزل لانهم ملجوا .. وهي نازلة وحذالها فطيم اللي كانت لابسة تركوازي ..بس ظاهرة شمايل العروس ..)

ميثاء : بسم الله عليها حصّنت عليها بالله وملائكته ..

شما : الله يحفظها في صورة .. (وهي نازلة بالدري .. واتخرطفت بالنعال زين ما انجلبت بس اتلاحقت عليها فطيم ومسكتها ..)

نشبة : هاااه هاااه هاااه !! وابويييه الله سلّم البنية زين ما اتكسرت !! محد غير عين شموه !!

شمايل تصاصر فطيم : قلبي كان بيطيح .. (وتتنهد بصعوبة )

فطيم : برايه ميود بيشله .. فصخي نعالج عن اتخرطفين.. (وسلمت عليهم كلهم .. ويسمعون صوت نشبة وهي تيّبب ..)

نشبة : ألف الصلاة والسلام عليك يا حبيب الله محمد ..

شمسة تسلم على بنتها : مبروووك يا غناتي ..

شمايل: الله يبارك فحياتج ..

شمسه تطالع شمايل وفخاطرها : ماشي غير أخبره بعد ما يروحون .. ما يستوي البنية منخشة وحضرته ما يسوي شي بالسالفة .. لازم أحل المشكلة ...

جروحي الدايمهـ
01-11-2008, 10:11 PM
نـــآآآآآآآآآيس نـآآآآآآيس نـآآآآآآآآآيس ..



نتريـآآ البـآآقــييييي .. ^^

lady oscar
03-11-2008, 01:28 AM
يـاااااااااسلااااام


واخـيرااااااااااااااا سعيد شاف مـي وادبـها

منووع حـراام كـسر خاطري وهنود بـعد

يالله .. نترياج

احلى البنات
09-11-2008, 08:47 PM
(الجزء 103 )

شمسة تدخل الميلس لأنه من تعشوا الرياييل روحوا : بالبركة بالبركة يا بويه .. (وتسلم على ميود وأبوها ..)
مايد يحبها ع راسها : الله يبارك فحياتج عقبالج خالوه .. (وهي تضحك تضربه )

شمسة تشتت تفكيرها : وين عواس؟

مايد : سار المركز عنده شغله .. ويبا يخلينا ع راحتنا ..

شمسة : هيه .. زين زين .. (وفاشت خطتها بإنها تكلمه لأنه طلع )

اليد حمد : بلاج؟ مب طبيعية .. شمسوه؟ شي فيج؟

شمسة : لا يابويه ما فية شي جني البخت ..

مايد : عادي أدخل خالوه ؟

شمسة : هيه .. احدر احدر !! (وتزاعج ) المعرس بيحدر .. (واصلا ما ذرفت دمعه على شمايل .. ولا اهتزت شعره من ينبها ..)

مايد : محمر ويهه : احم .. احم .. هود !! هود !!


رشود : هدا هدا اقرب

مايد رفع حيّاته مستغرب : هذا ما وحاله ذار عند العروس ؟ (ودخل .. وكانت شمايل مستحية وويهها محمر .. ما تروم ترفع راسها من الأرض ..)

شمايل فخاطرها : وااااي ياا ميووود قلبي بيطلع !! قلبي بيطلع !!
(ميود ما سوا كاني ولا ماني سيده جابلها وبدال ما يحبها ع راسها سحب ايدها وسلم عليها باليد .. تمّن العيايز يضحكن عليه ..)

نشبة : حرمتك هاي حرمتك حلالك .. جان حبيتها ع راسك اتبارك ..

مايد : محد علمني .. صبروا عيل ..(ويوم توّة بيتقرب بيحبها ع راسها ابتعدت عنه شمايل منحرجة اصلا كان هو مستحي )

نشبة : فرصة وفوّتتها .. خلها لين العرس ..ههههههههههههههه

(وقامن العيايز بيسلمن على مايد )

ميثاء تصيح وتسلم عليه : مبرووووك يابويه منك المال ومنها العيال ..

مايد : 22 بإذن الله (شمايل صدت صوبه بزياغ ) هيييه شو ؟ ليش تطالعيني جذه ؟ حرمتي حلالي عندج مانع؟

نشبة : مبروووك بوطبير … (ورشود يالس عالغنفة ويرافس من الضحك عالكلمة وردت نشبه تسلم على شمايل ..)

مايد : بس ! بس من التحبيب !! كم من مرة تسلمين ؟ بس !!عنبوا شو خليتي حقي؟

نشبة : شعليك؟ نص العبالة على هالولد

شمايل: خلها يا مايد

مايد :داير لي العز اليوم يقولون لي مايد .. فديته انا .. عروس ولا ملاك؟

شمايل : عيب شو هالكلام ؟ (ويرّص على ايدها )

مايد يصاصرها : حرمتي واخيرا حرمتي .. لا تمنعيني بغازلج كيفي … أقولج شي؟

شمايل منزلة راسها ووايد مستحية منه الا طايرة من الفرحة بس ماسكنها عن اتطير عنه : آمرني ..

مايد : طلّج على بعضج قلبج روحج .. عيونج .. غدن مالي ومن حقي ..

شمايل تبتسم : أكيد ..

مايد : ليش ما تنطقين بلاج ؟

شمايل منحرجة : ماشي ..

مايد : أدريبج تستحين .. بس أقولج شي وما تزعلين ؟

شمايل تطالعه : شوه ؟

مايد : آآخ يا عيونج!! أحينه بغدي بن عدوان !!

نشبة تكلم العيايز : ياختيه هالولد متطيفس .. طاعيه .. ماشل عينه من عين حرمته !!

ميثاء : اعنبوا .. المدحوبة !! تراهم عرسوا خلاص !! تبينها اتغشى عنه ؟

شما : الله يحفظها في صورة .. امبونها اتوّزع الدحاب ..

نشبة : خلّج عاد انتي ام القلاصات ..

مايد تطالع مايد : الله يغفر لها يرحمها كان ودها تشوف ولدها معرس ..(وعيونها تدمع ) الله يرحمج يا غريبة ..

رشود : منو غريبة ؟

ميثاء : أميه .. أميه غريبة ..

رشود : بس أمج نشبة ..

نشبة تنفض كندورتها : لالالالا حشا علية !! الله أكبر عليك اتكبرني وانا بعدني صغيرونة ؟ يابويه ميثوه اكبر عنا !! (وتتصدد ) الا فطموه وينها ؟

ميثاء : مادري وين سارت يمكن تلبس وقابتها ..

(ودخلوهم الميلس عشان ياخذون راحتهم )

مايد يطالعها : غناتي ؟

شمايل: همممم؟

مايد : بقولج شي حاز فيّة لاني أخافج ..

شمايل زاغت : بلاك؟ فيك شي ؟

مايد : انتي لابسة طبجه نعالج بيضا والثانية سودا..

شمايل سيده قفطت وتطالع نعالها واحمر ويهها ماتعرف وين تضرب براسها : اصلا انا متعمدة ألبس جذيه .. (وتتحرطم داخلها ) تراه الموضه هالايام طبجتين مختلفات المصمم قاللي ..

مايد حمق واحمر ويهه : عنلات صيره !! عند ريال تصممين؟ تلتعن الطبجه مب قايلج ريال ما يقايس عليج!!

شمايل : هد !! هد الوضع .. انا ما اسوي عند رياييل ..

مايد : توّج تقولين طبجة نعالج ..

شمايل : من الفشلة بدال ما أجحلها عميتها .. لابسه طبجه غلط .. (وتفصخ نعالها ) ارتحت ؟

مايد يضحك : جان قلتي عادي انزين اتفشّلين من ريلج ؟ أبو 22 من عيالج ؟

شمايل : اتكلم جد ؟ ماروم 22 منو بيربيهم ؟

مايد : شو خاننا نحن ؟

شمايل : لا يابويه مابا احمل اخافني امتن ولا يترهل جسمي وبتعرس علية !!

مايد يطالعها : لو توصلين ال 200 أباج .. انا علية باللي داخل مب الشكل !!

شمايل تصاصره : مايد ؟

مايد: قلبه ..

شمايل: ماحبك !!

مايد ضحك : بس انا احبج !!

شمايل تضحك : انته افهمها العكس لأني ما بعترف ..

احلى البنات
09-11-2008, 08:50 PM
مايد : خلاص اوكي اهم شي ما تفجين عني .. أمووووت فيج .. (رشود يبطل الباب هم نقزوا من سمعوا رضة الباب بالقو ويعج الغترة والعقال )

رشود :بس ..

مايد : نجّف حمدون !! جيه عجيتها ؟

رشود : حرّيت !! (ونشبة داخلة عليها )

نشبة : يالله قوموا عشاء (وفرشوا لهم وتعشوا العيايز وياهم .. وشمايل تأكل مايد بإيدها وهاكي مستانس )

مايد : الله الله !! شو هالأكل الزين ؟

نشبة : أخيييج أخيييج يا مذهبكم الخايس !! تطعمك بعد ؟ ياهل نونو انته ؟

مايد يضحك : برايه .. شكلج تغارين !! (يعج حمدانيته ويلقّم عشان يأكل نشبة ) بطلي حلجج عموه !!

نشبة : مابا غصب مابا !! (وشمايل تضحك هي وشما )

مايد قام وسار جهة نشبة : والله تبطلين حلجج

نشبة نشت له نشة : هب مبطلة غصب هو !!!!

مايد اتغيرت نظرته : عمووه لا تتحركين !! (وهن كلهن زاغن من هالكلمة )

نشبة زاغت : بلاك ؟

مايد : طيطار ع جتفج .. صبري خليني أنفضه (كلهن ودرن الأكل وقامن يريوسن على ورا ..)

نشبة زاغت وقامت اتصارخ : آآآي !! (وسيده حط اللقمة فحلجها .. حليلها شرقت باللقمة .. وقامت تسعل وهو ميت من الضحك ..)

مايد : صادووووه !! هههههههههههههههههههههه

شما : دحها على ظهرها ! دحها !! (وهي تسعل بقوة )

مايد قام يدحها : عموه انتي بخير ؟ (وهي تبا تقول حسبي اللع عليك بس مب رايمة اللقمة تمت فحلجها لا انها داخلة ولا انها طالعه ..)

شما : غناتي .. طيحي وارفعي ريولج فوق أجبيهن على اليدار .. انا سامعه زين جذيه .. اسدحها اسدحها ميود !! (وهي مب طايعه يدقها ميود .. كان ميّود عمره ما يبا يضحك )

مايد: شمايل ساعديها ..

شمايل: انته ما اتوب عن سوالفك .. (وسدحوها ..ورفعوا رويلاتها فوق ومأجبينها على اليدار )

شما : هاااه نشيبة ؟ طاحت اللقمة ولا بعدها ؟

رشود طالع من المطبخ : ههههههه عموه نشيبة تسوي رياضه !! (وهي تأشر بصبعها متحلفتله ..وميثاء ورا راشد ..)

ميثاء : ههههههههههه شو ها وقت الروبيكس (الايروبكس ) في الليل ؟

شما : هذا كله من ميود !! عج فوادنا!!

(مايد سحب شمايل وبشويش ساروا الميلس.. )

(اما عند هزاع فحجرته ويا الشيبة )

هزاع يعج كندورته واييب الكرسي المتحرك : يابويه بتتأذى انا اتجلب في الليل خلني ارقد عالغنفه او اسير حجرة ثانية ..

الشيبة أحمد : لا بويه انا متعوّد عالرفجة .. من وين يبت الكرسي؟

هزاع: مال أبويه الله يرحمه .. محد يستعمله ..

الشيبة طايح عالشبرية : هزاع؟ أمك تدري؟

هزاع: لا ما تدري ببلاوي بنتها .. من يومين ماخذة البشكارة والدريول وتبات في العزبة ..

الشيبة : شعنه ؟

هزاع : بتنظف المكان وتبا ترتاح من حشرتنا .. انا كل يوم أسير ألعوزها وأيي .. عادة اليوم هي لاهيه وراها ملجة ..

الشيبة : انا مااعرف أرقد بدون هالبنية .. فطيم .. دومها تحت نظريّه

هزاع سيده خفق قلبه : فطيم ؟ فطيم منو ؟

الشيبة : البنية اللي كانت ويايه .. والله تولهت عليها أصلا اتعودت عليها .. لازم جدام عيني .. راغتها اختك من حجرتها وخلتها ترقد عندي في الحجرة .. حليلها قامت بي .. وخمّت حجرتي اللي من سنين محد جاسها .. كانت وصخة وخايسة حتى الفيران والطياطير غدوا ربعي .. لين يت هالبنية وغيّرت كل شي .. واتعاقبت على اللي سوّته وهي مالها ذنب ..

هزاع: شو أصلها هالبنية ؟

الشيبة زاغ : هااه.؟ اندونيسية ..

هزاع: أبويه الله يطولي بعمرك انا مرمس منوع .. الدكتور مارام يظهرها لين يعالجها قبل ترا قالوا فيها الصرع .. لازم تتعالج منه .. وانا باجر بإذن الله روحي بوّديك لها ..

الشيبة : انزين سوّلهم طالعهم عشّوها ولا بعدهم ؟ انزين نشّت؟ ومنو وياها يحاضيها ؟

هزاع: هاي شكلها عزيزة على قلبك ..

الشيبة : هاي بنتي اللي ما يبتها .. لو يبت بنية ما كانت بتحّن علية جذه !!

هزاع : عيّن من الله خير .. واسترح انته من ييت وانته تحاتي ... اوووه نسيت أراويك شي .. شوف .. (ويظّهر الاوراق من السدّة اللي حذاله ) هذا التوكيل .. والشركة والبيزات والحلال كله والأراضي والعقارات اللي فبوظبي .. كلهن ردن باسمك ..

الشيبة : مشكوور يابويه بس عقب شوه ؟ عقب ما لعبوا لعبتهم ؟ انا ما اهتم أحينه .. يوم ولديّه ما اهتم فأبوه اتهقى بيهتم اذا ياب عيال ولا لأ؟ أكيد لا .. أهم شي رضا حرمته عليه .. حتى لو كانت غلطانة .. انا ما أشّوه سمعة أختك بس اللي جسناه منها ولا آدمي بيتحمله ..

هزاع : هاي حيوانة !! مابتعرف غلطها لين يستوي فيها شي يهدّها !!

(اما بعد ساعه كان عيسى واقف عند بيت سارة ..)

عواس :أدري انج داخل فتحي الباب .. دخيلج .. انا آسف والله آسف ..

(وهي تسمعه ومطنشه .. وقلبها يدق بطريقه مب طبيعيه .. واتحس بالخطر ياينها .. وتطالع عمرها بالمنظرة تلهي عمرها .. حشا حفرت ويهها هالهنوه مب تشرميخه هذي .. كان هو يدق الباب وهي مسوتله طاف .. خذ وقت وايد لين هدا الدق وبعد ربع ساعه .. جان هي تسير تبطل الباب بشويش .. على طول صد جداها .. هي زاغت .. لأنه يالس على عتبة بابها .. كان كاشخ ..عشان ملجة ميود .. وهي تطالعه منخطفه بشكله .. جان تبتسم ناسيه عمرها .. هو سيده قام .. بس انعقدن حيّاته .. حط ايده على خدها كانت اول مرة ولا اراديا ..)

عواس: منو مشرمخنج؟

سارة ردت على ورا وتبتسم : قطة..

عواس ما فهم : قطة؟ شو قطة؟

سارة : قطوة !! كات كات !!

عواس: هاااه !! انتي ما اتوبين يوم اقولج لا تربّين قطاو ..

سارة : حصل خير .. never mind

عواس : يننتي بي تراج ..

سارة : سوري ..

احلى البنات
09-11-2008, 08:55 PM
عواس: بلاج ؟ أول مرة اطالعيني؟ (كانت اتأشر عالخزام اللي لابسنه على حمدانيته ) هههههه هذا .. هذا خزام ..

سارة : تعرف انك your very handsome

عواس احمر ويهه ويطالع كندورته ويطالعها : اتعرفين انج خسفه

سارة تبتسم : أعرف .. I'm not suitable

عواس : ياحمارة بجتلج ان طريتي هالشي .. (مسك ايدها ...وغريبة انها خلته ) أشوا زين ما ياني طراق .. يعني راضية ؟

شارة : مابعرف .. بس من بطلت الباب كل اللي بنيته انهّد !!

عواس: سارة ؟

سارة :نعم ؟


عواس: سامحيني والله هب قصدي مادري ليش حسيت عمري أتصرف شرا اليهال .. لا تتخيلين فيوم من الأيام بأذيج .. مستحيل أجرح شعورج.. (وهي بس تطالعه بدون كلام ) ممكن أدخل داخل ؟

(سارة سيده زاغت واتذكرت كلام هناء يوم تقوللها بيقص عليها .. تمت متحذرة )

سارة : الجو حلو برا ..(هو حس انها متوترة .. بس ما يبا يحرجها ..)

عواس: ساروه !!

سارة : انا اسمي سارة ..

عواس: ساروه !! فهمتي ؟ (ويمارج لها ) محد ايمشي كلامه علية ..

سارة : مو بكيفك ..

عواس يضحك : لا بكيفي .. سيري بدلي ثيابج بظهرج ..

سارة : لا ما اقدر نص الليل ..

عواس: هذا وأهلج ومب وياج اتروّعين جذه .. والله لو بنية غيرج جان طلعت ديسكو ما ديسكو دوامها ..

سارة : اووووه نوووووو!! You know that I don't like 2 go 2 these places

عواس: لا والله أول مرة أعرف .. ما كد سرتي ؟

سارة : رحت مرة لما كان عمري 17 سنة ..

عواس منصدم : ورقصتي ؟

سارة : كيف أرقص وانا ما عندي صديق ؟ اصلا ما احب الأجواء الصاخبة أحس أذوني بتنفجر منكثر الموسيقى العالية ..

عواس : انتي بعد نمونه .. غير عن الباجين .. سيري .. سيري اتلبسي ..

سارة : I can't this is midnight I'm tired

عواس: ماشي تايرد ولا غيره انف !!

سارة : خشم ؟ شوه؟

عواس يضحك : مب خشم !! هههههههههههه معناتها عيب عليج !! سيري قبل ما اخطفج !! سيري يالله ...

سارة : آخر مرة ..

عواس: لا والله بكيفج؟ سيري !! انا بترياج هنه !!

(وهي تربع لحجرتها مستانسه .. تعج وتلبس . )

سارة فخاطرها : أحبه حيل .. أحبه .. بدا يحس فيني !! صدق حسيت صادق بكلامه ..

(ومال بسرعه لبست كاجوال مستقصدة .. جينز سكيني أسود وفانيله بنفسجيه طويلة لين الركبة ومكتوب عليها بالكريستال الذهبي DARE ولابسه نعال خفيف جريب من النايلون بنفسجي فاقع .. كان يبرز بياض ريلها .. وكان غريب شكله .. ويوم طلعت ..)

سارة : سوري اتأخرت عل ... (ما كملت كلامها .. لأنها اتدوره وما حصلته .. ظهرت برع دوّرته في الحديقه .. محد يلست عالزرع .. منقهره ..) I'm stupid ليش صدقته .. ليش !! I'm naïve 2 believe him (وتطيح ع الزرع وتغمض عينها ما تبا تصيح ..)

عواس: لا مب سخيفه.. (صخت وصدت فوق .. انه واقف وينزل لمستواها ..) كنتي تصيحين ؟ تتحريني ودرتج ؟ وسرت عنج ؟ تراني دخلت عالمج وما أظن بطلع منه .. الا ماخذنج خطيفه !!

lady oscar
09-11-2008, 11:58 PM
ههههههههههههههههههههههه


حليـله الشيبـه كسر خاطـري


نترياج

همس سكوت
12-11-2008, 12:28 AM
السلام عليكم
شحالج اختي أحلى بنات
بصراحة انا من متابعين قصة وبصراحة وايد حلوة
وحبيت اشترك في منتدى عسب اعطيج رايي فيه
واتمنى انج ماتتأخرين علينا
وتسلمين على مجهودج
والسموحة

احلى البنات
12-11-2008, 05:48 PM
والسموحة منكم على الأحد ان شاء الله بينزل البارت لأني ببات في المزرعة ..

عاد ادعووا لي اييني الالهام واكتب لكم بارت عدل وشامل عن كل حد منهم ..

واستفتاء بسيط ترضووون انه مي تحب سعيد وشو رايكم باللي سواه سعيد بها؟ وتبونه يرد لها ولا؟

غموووض
12-11-2008, 11:52 PM
اخذي راحتج اختي
اما عن سعيد ومي
خلي سعيد يرد حق مي وان شاء الله يكون فاتحة خير عشان تتغير مي للأحسن


في الانتظار

همس سكوت
13-11-2008, 01:13 PM
أنا رايي من راي أخت غموض

وخذي راحتج

و نترياج

دانة الكتبي
14-11-2008, 01:36 AM
عيبتي القصه
شكلها مطوله
تسلمون عليها ونتريا البارت
:)

lady oscar
15-11-2008, 05:49 AM
والسموحة منكم على الأحد ان شاء الله بينزل البارت لأني ببات في المزرعة ..

عاد ادعووا لي اييني الالهام واكتب لكم بارت عدل وشامل عن كل حد منهم ..

واستفتاء بسيط ترضووون انه مي تحب سعيد وشو رايكم باللي سواه سعيد بها؟ وتبونه يرد لها ولا؟


لا انـا ابيها مـي تتعذب شـوويتيـن .. ابيها تذكر امها غريبـه وشـلون ربتها عـ الاصـوول ابيها تحس بتانيب الضمير وابيـها تعرف وشـلووون نزلت روس اهلها لقاع بمجرد تفصخت وابيـها تعرف مهما كانت جنسيتها الا اخلاق هي تبـقى ومهما تكون لازم تحترم جنسيتها وماتعرضـهم لسمعه سيئـه

ابيـها بين قووسـين تتـووب ومخـها يصطـرها سعيد ويعقلها ويذكرها بـ امها غريبه وامـها زينه وشـلون حدتها الضروف لـراقصـه ... ابيها تحس وترفـع راسـها لا قالو عنها بنت العراقيـه واماراتيه نحنا مانفرق عنهم بشي كلنا من تراب

وعقب سعيد يرد لها عثب ما تعرف الصح وشو هوو

وخذي راحتج

احلى البنات
17-11-2008, 09:27 PM
[FONT="Arial Narrow"][SIZE="4"][COLOR="DeepSkyBlue"](الجزء 104 )

(وهي تطالعه مب رايمة تصدق كل هذا يطلع من عيسى )

سارة : انا أحلم صح ؟

عواس يلس مجابلنها يطلع من مخباه : هههههههههه شو رايج؟

سارة تضحك : نونونونو !!!

عواس : يس يس يس !! (ويمسكها عشان ما تشرد ) تبينه يسوي علايم ؟

سارة : نونو بيستوي أحمر

عواس: لا بيستوي عالخفيف .. اصطلبي يالله .. (وكان مظّهر العايدين من مخباه .. وكانت مغمضة لأنها اتعرف انه العايدين حار ..)

سارة فخاطرها : هو سار عشان يشتريلي العايدين؟

(بطلت عينها وكانت محمرة ..)

عواس: يعوّرج؟

سارة تبتسم : لا .. بس أحي اني أحلم ..

عواس يطالعها : مب مصدقة اني وياج ؟ لا صدقي .. لا تحطين لزقه خليه يجف ..

سارة : انا دكتورة ..

عواس: ههههههههه اعرف قومي عازمنج عالعشا

سارة : اوكي ..

عواس يبتسم : قولي ان شاء الله ..

سارة تطيعه : ان شاء الله ..(قامت وياه ..) كيف بروح الدوام وشي أحمر فويهي؟

عواس: والله عادي انتي ياية تشتغلين مب تراوينهم ويهج ..

سارة تمشي وياه : غيرة ؟

عواس: من شو ؟

سارة : انه يشوفون وجهي !!

عواس: يا وجهج !! ههههههههه

سارة : يشرفك ..

عواس : تاج راسي الا !! (وركبوا الموتر ..) وين تبيني أعشّيج؟

سارة : امممممم أي مكان؟

عواس يبتسم : آمريني ..

سارة : فانيليز ..

عواس: بعيد !! بعيد اعنبوا !! شو رايج ماكدونالد جريب ..

سارة : مابي انته قلت آمريني ما يكصني !!

عواس يضحك : يكصني والله .. هههههههه زين صبري باخذ لي من ماكدونالد .. وبنمر ناخذ لج معكرونة (ويوم وصلوا جان ينزل الجامة .. وسيده اتعج جسمها ع جدام صد جداها ..) بلاج؟

سارة : ماكو شي .. (وهو يطلب ويتريا ومستغرب منها ..)

عواس : بطنج يعورج ؟

سارة : بند النافذة .. بسرعه !! (ويبندها ) انا ما عمري طلعت ويا رجال وما احب يوم اطلع يشوفني حد وياك ..

عواس : كل ما ياج تكبرين فعيني (وهو يابها على اساس مصخرة ) اخافه الا تمثيل جدامي ..

سارة : يجي منك أكثر .. ما يهمني انا قدامك ما أمثّل ..

(ووداها فانيليز )

عواس: شو تبين أنا بنزل ..

سارة : لاااا !! انا بنزل .. انته ما تعرف شو بطلب ..

عواس: خلاص بترياج .. (وهي نازلة تسويله حركة انها منحرجة .. حاطه ايدها على خدها تخشه .. وهو يتضحك عليها ..)ههههههههههههاي

(ردت بعد ربع ساعه يايبه عشاها )

سارة : ناكل في الموتر ..

عواس: لا صبري .. (ووداها البر وبعد 25 دقيقة وصلوا ..)

سارة : الناس يروحون البحر ويتعشون ..

عواس : والله انا حياتي البر وراعي بر (وودّاها بقعه مافيها حد هي زاغت )

سارة : لا تروح بعيد .. راح انظل الطريق ..

عواس: لا تخافين انا ما أعفد ع بنات حطي ايدج وريلج في الثلاجه

سارة : انا شاكة ..

عواس: قومي نزلي الأغراض لين أنزل الحصير .. قومي !! (ونزل الحصير ويفرشه )

سارة : ليش ما تجيب بلانكت ؟

عواس : متعودين عالحصير .. شو طلبتي ؟

سارة : باستا .. يم يم

عواس: ماكدونالد احلى (وهو يطالعها تاكل ) ماشي ذرابه في الأكل؟

سارة : ليش؟ انا محترمة النعمه ما بتدلع عليها ...

عواس: ههههههه شكلها غاوية هالمعكرونة هاتي !!

سارة : ايييييه !! لا تاكل بإيدك !! خذ شوكة !! جنقل !!

عواس: انا جنقل ؟ (وهم يرمسون جان تاكل شيبس من عنده وهو يضحك ) طاع الجنقل منو هالمرة ؟ (وانسدح تعبان ) الحمدلله شبعت .. ساروه ؟

سارة :يس ؟

عواي: اتعرفين اني مرتاح لج ؟

سارة : لا ما اعرف ..

عواس: عيل اعرفي من الحينه .. وخلي في بالج شي واحد ..

سارة : شنو هذا؟

احلى البنات
17-11-2008, 09:28 PM
عواس: يقولون شو هذا مب شنو .. يعني بديت اني بديت .. (ومحمر ويهه ) اني .. انه .. انه قلبي متعلق فيج..

سارة بعقلانية : كله من ال diary صحيح ؟ لو ما قريته ما كنت بتعرفني !!

عواس: ساروه !! أقولج قلبي يباج !! شو ما تفهمين ؟ (ويعتدل فيلسته )

سارة : وقريبة؟

عواس: منو قريبة ؟

سارة : قريبة قريبة !!

عواس اتغيرت ملامح ويهه للجدية : غريبة أميييه (وهي سكتت متلومة منه ) هذي امييه الغالية اتوفت احترق البيت وكانت داخله (ويطالع الرمل وعيونه محمره ما يبا يبيّن لها انه متأثر ) كانت حاطتني ع راسها تحبني وتداريني ..

سارة اتغير الموضوع ما تبا تكدره : منو كان حبك الأول ؟

عواس يبتسم : بكل فخر فطيم ..

سارة : احساسي فمحله ..

عواس: هههههه لالالا .. بس تقدرين تقولين حبيتها على فكرة كانت شخصيتي على هذيجي الأيام وايد غير .. الناس كلها ترمس عن طيبتي لو يقولون لي سبال اقوللهم الله يسامحكم هههههههه أحينه مستجلب !!

سارة : لماذا؟

عواس: لماذا؟ الله يسلمج الريال تقدر الحرمة تخليه عيينه فإيدها وكل هذا بذكائها .. انا كنت بتزوجها .. كل اللي بنفذه لها .. مع اني حزتها ما كان فجيبي ريال واحد .. قدمت في الديوان وصندوق الزواج كله ما خليت مكان .. بس القلب عمّي ..اتخيلي ييتهم هاكي اليوم عشان اقوللها اني خلاص بنحدد الملجة .. عجت علية كلام مثل الرصاص .. عمري ما سمعت مثله ولا توقعت انه بيظهر من فطيم الهادية ..لا وبعد منها !!!! تبا واحد عنده بيزات فلوووس تعمي النفوس !! حزتها صدق حز فخاطرية .. جيه مب ريال جدامج ؟ وتتحرى هالشي بيمر علية عادي ؟ لا يا اميه هذي كرامة .. وكرامة ريال بعد !! ريال لا عمره ضرج لا عمره اتكلم عليج بالسّو .. لا وبعد اتكلم جدام اهلي وتتفاخر باللي سوّته .. يا ريتها يااااااااااااريتها يت وقالت لي ماباك جان كل شي انحل ..

سارة تصيح : my god

عواس : قصة رومانسية ههههههه صيّحتج !!

سارة : كمّل ..

عواس: هههههههههههههه لا بوقف ..

سارة : بعدك اتحبها انا ادري ..

عواس: غصب احبها لأنج طلبتي هالشي؟ انا مب في قلبي غير سارة .. فطيم نسيتها وغدت شرات اختيه بس يمكن لين اليوم هي مب فاهمة او مستوعبة هالشي .. هي من اهلي ومستحيل اني اتقاطع وياها .بس انا بكون احسن عنها انا اخوها ..

سارة عصبت : انته اتقص على منو ؟ هاااه ؟ بليز !! (وقامت ) ردني البيت !!

عواس: بلاج شبيتي ضو ؟ حوووه حووووه !! ردي !!

سارة : دامك مش صريح معايه ليش تخبرني بقصتك؟

عواس: عشان اقولج شي .. وان ما قلته بندم طول حياتي عليه ..

سارة تزاعج : ردني البيت !!

عواس: لا !! سمعيني !! ان ما خبرتج الحينه بالسالفه .. تبيني اعلمج عقب ما آخذج؟

(وهي اصلا ما فهمت وش معنات آخذج )

سارة تصيح : ردني البيت لا تجرحني ..

عواس: أقولج ساروه ! (وبجدية ) صدي جدايه !!

سارة صدت : خير !!

عواس يبتسم : بويهج !! أحبــج (تمت تطالعه منصدمة )

سارة فخاطرها : قال أحبج !!

عواس : والله انتوا البنات ما يسكتكم الا هالكلمة !! أحــــــــــــــــبــــــج !! أحــــــــــــبــــــــــــج ساروووه !! عمري ما طلعت ويا بنية بتقولين هالريال فارط بس اتجرأت لأني اباج وابا اقولج شي واحد .. أحــــــبــــج وأبا آخذج .. أتزوجج

سارة مب مصدقة : انته مجنون (وتضحك بهستيرية تعرف انه يتمصخر ) لا صدق انته مجنون !! انا آخذك ليش؟ عشان تعرس فوقي !!

عواس يضحك : مب اعرس فوقج اعرس عليج ههههههههههه .. عندي القمر مالي ومال النجوم ..

سارة : انتوا معروفين بتعدد الزوجات ..

عواس: مب علية انا !!

سارة : رجعني البيت اعصابي قامت تتعب ..

عواس: فديت اعصابج يعني بتعطيني رقم أبوج ؟

سارة : نو انته تحلم !! (وسارت ركبت الموتر وهو يأشر لها بموبايلها )

عواس: وهذا؟ (ونزلت على طول عشان تسحب موبايلها وهو مب راضي ) أول شي قولي لاب يو مثل الهيال

سارة : ما بقول .. رد لي موبايلي !! عيسى !!

احلى البنات
17-11-2008, 09:28 PM
عواس: عيون عيسى !!! ههههههه قولي لاب يو هههههه لا تحاولين (وتقرقطه ) ما اغار اصلا هههههه

سارة : هههههه عيسى بليز رده ...

عواس: قولي ..

سارة تضحك : لاب يو ! لاب يو !! (وهو يطالعها )

عواس: والله لاب يو يا حمارة !! (ويعطيها التيلفون )

سارة محمر ويهها : ودني البيت (ويمسك ايدها عشان تصد صوبه وهدها من صدت )

عواس ويهه تحوّل للجدية : اتحملي من هنوه !! تسمعين ؟ ماباها تشرمخج مرة ثانية !! ولا والله لأجتلها !!

سار: نونونو مو هي !!

عواس: ما تمشي علية هالسوالف تسمعين ؟ انزين ساروه ابا رقم يور دادي !!

سارة تبتسم : واااي؟

عواس: عشان اكلمه عن الملجه ..

سارة منصدمة : وااات ؟ نونونونو خلنا نتمهل انته وااايد سريع في اتخاذ القرارات ..

عواس: لأني ابا اتمتع بحياتي وياج .. يحق لي ولا؟

سارة : لااااااااااااء !!

عواس: غصبن عن خشمج !! (ورداها بيتها وهم مستانسين اول شي ماخذ رقم ابوها من قبل ومسايف رقمه عنده بس كان يلعوزها ..وباجر بيكلم يده بس انصدم يوم هو داش البيت انه خالته في الصالة ) بسم الله الرحمن الرحيم !! خالوه ؟ شو تسوين في الظلمة ؟ ليش واعية لين هالحزة؟

شمسة : كنت احاتيك يابويه ..

عواس: يالله ياخالوه انا هب ياهل

شمسة دخلت في الموضوع : ابويه طلبتك بتردني ؟ (وكانت بالأصل زايغه )

عواس: آمريني خالوه ...

شمسة : هنوه !!

عواس عصب : هذي جليلة الحيا صدق ما تخيّل !! جان آدميه تعفد على دكتورتها وتشرمخها هب هباها الله !!

شمسة : وييييييه اتغربلت هالبنية !! فضحتنا !! شو باجي ما سوّته

عواس: سامحيني قاطعتج .. بلاها هنوه ؟

شمسة اتلعثمت : انا يابويه تعبت وأحس نهايتي قربت من هالبنية لو مت منو بيجابلها ؟

عواس : يطولي بعمرج لا تقولين جذه !!

شمسة : اسمعني وانا جاهزة باللي تباه من 100 لين مليون !!

عواس منصدم : شوه قصدج ؟

شمسة استر عليها وخذها .. بتحصل الأجر يابويه !!

عواس حط ايده على يبهته مب مصدق : خالوه !!! انتي شو تقولين !! ها ياختيه انا اللي مربنها !! كيف تبيني آخذها ؟ (وبعصبية ) كيف !!! (اتزلزل البيت بصوته .. ارتفع الضغط عنده ) وبعد بتعطيني بيزات ؟ بتشتريني ؟

شمسة : لا والله حاشاك ما اشتريك .. أبويه انا قصدي تستر عليها يمكن الله اييسر لك امووورك

عواس متغايظ: لييش؟ تتحرين اهلي فاريني؟

شمسة : والله لو اهلك فيهم خير جان ما ودرك ابوك وما سأل عنك ولا عن اخوانك وانته اللي متلته من بيت لين بيت ما تعرف تقر الدعنة !! ولو فيه خير جان ما فر بنته فمال الميانين وهو يضحك ومستانس !! والحمدلله نحن آويناك وخليناك راعي البيت وما نخالف لك راي وخليت بناتي كشفات بس الناس بتتكلم مب كفاية هنوه وبلاويها شو اللي بيستر عليها غير هالشي؟ ونحن الحمدلله عندنا خير بيكفيك وما بتحتاي حتى للشغل .. جان انته ما تباها تاخذ هزاع خذها انته واستر عليها..ولو في ابوك خير جان ما خلاك ما تسوا بيزة كل العرب يرمسون عنك راعي المخدرات وراعي المخدرات

(وهو منصدم هذي خالوته اللي ترمس جذه لا وعنه ...)

lady oscar
19-11-2008, 05:25 AM
تسلمي على الجزء يعطيج العافيه


ونتريا البارت

همس سكوت
19-11-2008, 11:16 AM
تسلمين أختي على البارت حلو@81@
نتريا بارت الياي @42@
والسموحة.

دانة الكتبي
19-11-2008, 11:49 AM
تسلمين على البارت
ونتريا اللي عقبه
طوليه شوي عاد:d

احلى البنات
19-11-2008, 06:02 PM
[color=#3333FF][B][size=4][font=Arial Narrow](الجزء 105)

عواس: انا الغلطان !! انا الغلطان اني سمعت كلامج (وطلع وهو معصب ورض الباب وراه ..) الله أكبر عليها !! الله أكبر عليها من حرمة !!

(تم في الموتر ويسمع الأذان وسار بيت يده بس ما نزل تم يفكر بكلام خالوته .. ويدق رشود الجامه عليه ..)

رشود : بطّل !! بطّل !! (ونزل الجامه ) يالله صلاه !!

اليد : عواس؟ بلاك ؟ وليش في الموتر ..

عواس يبتسم بغصب ومحمر ويهه : تعبان !! (وكان ينتفض .. اليد يبطل الباب ..)

اليد يطالع عواس : بلاك يابويه ؟ بلاك ؟ رشود !! سر هات .. حلاو !! كافي !! أي شي حلو !! (ويربع رشود اييبله الكافي ) كله !! كله .. بطّل حلجك !! عيسى !! شوفني !! بطّل !! (وبغصب يحطون الكافي فحلجه )

رشود زايغ : بيموت ؟ يدي !! أبويه بيموت ؟

اليد : فال الله ولا فالك (وخازت فلحظة عنه النفضه ..قام يتصبب من العرق ..)

عواس: يدي ؟ (ولا إراديا يرمس من خاطره ..) تذلنيانها مسكنتني عنده !! خالوتي اخت امايا اللي مثل امايا تذلني وتقوللي راعي مخدرات !! كل اللي استوا بإرادتي ؟ أكيد لا !! يدي !! والله يا يدي انا آدمي .. تبوني ما أحس؟

اليد : الله يلعن شمسوه ان شاء الله .. انزل .. انزل .. (وكان رشود مب فاهم شو السالفه ومايد توّة متزهب عشان يسير يصلي في المسيد .. وطالع ..)

مايد : أووووووه !! بلاكم ؟ (وسار يفزع بعواس ..)

عواس: ماشي .. (أول ما طاح عالشبرية استراح ..)

اليد : خلونا رواحنا (وطلعوا كلهم ) بلاها شمسوه ؟

عواس بعزم : يدي .. انا ابا آخذ بنية في بالي .. أجنبية ..

اليد منصدم : إشوووه ؟ بتوّدر فطيم وبتاخذ أجنبية ؟

عواس : من قبل فطيم ما تباني .. وأحينه انا اللي ما اباها ..

اليد : شوف يابويه .. انته هب مراهق .. ريال طول وعرض .. وفاهم وعارف الدنيا وجايس عذابها .. انا اباك اتحكم عقلك واتفكر اذا البنية خيّرة ومافيها شي اتوّكل على الله .. انا ما برّدك ابدا هذي حياتك .. نحن الرياييل ما يعيبنا شي واللي فراسنا بنسويه .. بس فكر 100 مرة وفكر على جدام لو عرّست وخذتها (ويكّح ) يالله .. ويبتوا عيال شو اللي ضمنك ما بتشرد بعيالك لو تضاربت وياها ؟ سر عقب فجج عمرك !! وخصوصا الأجانب يختفون فلحظة !! وجان تبا نتنقى لك بعد على راسي .. بس لا تلتفت لكلام الحريّم . فكّر قبل .. وفكّر بكم من خطوة جدام ..

عواس : انا اعرف انك ما بتخالفني .. والله اني ياما شهدت عيوني بلاوي اتحذف جدامي وأسكت وأطنش بعد .. بس هاي حياتي عذابها وفرحها انا اللي بعيشها تجربة خلوني اعيشها ..

اليد : وأكيد خبرت شمسوه عشان جذه شبّت ضو ..

عواس : يا ريت كنت حزتها افتكيت ..

اليد: عيل بلاها؟

عواس : تبا اتيوّزني هنوه !! سمعت؟

اليد منصدم : اتخبلت هذي ؟ والله انها مينونة !! اتيوّزك هنوه ؟ ليش ؟

عواس : مادري .. أونها بتعطيني بيزات .. وقامت اتذلني هذا لأني يتيم وتعايرني بأبويه .. انا كم بصادي ؟ قولي يابويه كم بصادي ؟ اتحرى عمرها تروم تشتري الناس ببيزاتها .. انا بيني وبينك يوم استوالي حادث المداهمة كرهت هزاع وعايلته كلهم .. قمت ماداني أشوف شيفة منوع !! لو هو ريال جان ما سكت وما حايز عن اخوه حتى لو هو غلطان ..

اليد : أبويه هذيلا كلهم ما فيهم خير .. وانا لو عرفت أربي شمسوه جان زين .. بس خليتها على هواها .. ياريتني قصيت لسانها ولا غدت جذيه ..

عواس: انزين انا شو ذنبي ؟ شو ذنبي يا بويه ؟ اذا بنتها ما ياها نصيبها ؟ أحينه انا بين نارين .. يا إنها تيوزني لها .. او تيّوزها لهزاعوه ..

اليد حمد : خطبها ؟ متى ؟

عواس يخش السالفة : ماعرف ماعرف !! روحي مختبص .. وأحس راسي بينقع ..

اليد حمد : شوف عواس .. انا احينه اقولك جان تبا تاخذ الاجنبية خذها وجدامنا ومحد بيروم يقولك شي دامني حي .. هنوه تراها شرات امها اللعانة وراثه ان خذتها بتبهدلك .. بنت بنتي واعرف حركاتها ..

عواس مب مصدق : ابويه انته تقول جذيه ؟

اليد حمد : اقول قم صل فاتتنا الصلاة .. وعيّن من الله خير ..

عواس : ان شاء الله .. أبويه ؟

اليد حمد قايم : خير ؟

عواس يبتسم : بويهك !! بتعلم امايا عن سارة ؟

اليد حمد يضحك : عاشت الأسامي .. يصير خير .. الله يستر بنسمع الصريخ من تسمعه شل ثيابك واشرد ..

احلى البنات
19-11-2008, 06:04 PM
عواس : ابويه ؟

اليد حمد: هااااه ؟ ما اسمعك !!

عواس يضحك : سر .. سر .. الله يوفجك ..

اليد حمد: هااااه؟

رشود يبطل الباب : هااانت عليك العسرة ..

عواس يضحك : العشرة !! صليت؟

رشود : عيل أترياك ؟

عواس : انف !! حشّم !!

رشود : حاضر ... باباتي؟

عواس : فرط !! فرط الولد .. خير ؟

رشود : انته بخير ؟

عواس قايم : انته شو تشوف ؟

رشود يطلع من مخباه حلاوة وكافي : توّني مار الدكان .. وشليت كل اللي عندهم ..

مايد داش : وصفّر مخبايه من مشاريه ..

رشود : يوّد كل كافي ..

عواس: هههههههه بس ...بس ..

رشود : انا توّني حاط لك في الموتر .. موّزع في الدبة وجدام وفي الثلاجه ..

مايد : هيييه و كّد يا ميود !!

(اما عند هنود نشّت الفير تبا تصلي بعده الويع فيها بس اخف .. بس تبا حد يساعدها يقوّمها دقت عالجرس ويتها النيرس .. وساعدتها .. وبعد الصلاه ..)

هنود : استغفر الله العظيم .. (وحاطة ايدها على قلبها ) أميييه .. اعنبوا انتي وين عن هذا كله ؟شكلج نسيتيني .. بس تعرفين تولهت عليج .. تولهت على حسّج يوم تواجعينا .. يوم اتدارينا ويوم اتدليعيني وتقولين لي هنيد .. الشيخه هنيد .. (انسدحت تصيح تفكر بأمها .. أحينه متلتهه.. اما الساعه 9 نشت متولهه على حسه .. بغت تقوم من مكانها ما رامت ..) آآي !! ما روم !!! أزجر النيرس ؟ لالا حرام لعوزتها .. (وتشل ايدها اليسار وتحطها عالطاولة .. تبا توصل للتيلفون مب قادرة ..) لازم أسويله .. لازم يرحمني من هالعيشه .. تعبت !! والله تعبت !! بس اخافه ياخذني عن الشيبه .. (واخيرا شلت التيلفون ) أووووف !! ما بغيت !! (كانت حافظة الرقم .. بس الأرقام كانت مموهه تأثير الدوا اللي تاخذه .. دقت الرقم .. بس رد عليها صوت بنية سيده بندت ..) شكلي مغلطه .. أميييه زغت !! (وردت تضرب الرقم ) هييه ..

راشد : ألو ؟ ألو ؟ (وقلبها يخفق بطريقه هب طبيعيه )

هنود : ألو ؟ (فخاطري : أحينه طلع حسّج )

راشد : نعم ؟ ألو؟ ألو ..

هنود : ألو؟

راشد : منو بغيتي؟

هنود : انا .. انا هند (وحاطة ايدها على قلبها )

راشد : منو؟ هنيد ؟ غناتي؟ هنيد ؟ هنييييد !!! انقطع الخط ؟ لالا هنيد دخيلج !!! لا

هنود : أسمعك .. ( كان متلهف على صوتها .. وهي أخسين )

راشد : ما أصدق والله ما أصدق عمري .. هنيد وين انتي ؟ دخيلج يا عيون رشود ردي علية .. كل اللي تامرين به بيصير .. غناتي ؟

هنود : مابا شي منك .. (وتصيح ) مابا ..

راشد : حبيبتي .. سمعيني فديت طوايفج سمعيني .. انا ريلج .. حبيبج .. هذا قلبي بينفجر ان ما سمع حسّج او حتى شافج ..

هنود : ودرتني فهاكي المكان روحي !! والله أتذكر ... روحي !! منو ويايه ؟ محد !!

راشد : سامحيني هاتي راسج بحبه .. آمريني .. دخيلج بس قولي لي مكانج وين ؟ فديت روحج .. والله اني احبج .. انتي منو ما يحبج ؟

مانع ينسمع حسّه : هاي الحجرة ؟ مشكووورة ..

هنود زايغه : ياااء !!!

lady oscar
19-11-2008, 08:47 PM
مااااااااااااااانع شو وداه حق هنود يا كرهي لمانع ينطبق عليه المثل الساكت عن الحق شيطان اخرس

اما اليد حبيبته يوم وافج ع ساره

ههههههههههههههههههههههههههه


تسلمين خيتووو

همس سكوت
21-11-2008, 10:14 PM
تسلمين خويتي على البارت الاكثر من رائع

ونتريا بارت الياي.

غموووض
23-11-2008, 04:06 PM
تسلمين اختي على البارت الحلو
الله يعطيج العافيه
في انتظار البارت القادم

احلى البنات
24-11-2008, 05:48 PM
(الجزء 106)

(وتبند فويهه وتتلثم وحاطة إيدها على اللثمة .. حتى طاح عنها التيلفون عالأرض بس ما رامت اتحرك .. وحسّت بزياغ فظيع انها تنكشف .. )

راشد : منو اللي ياء ؟ هنيد ؟ ياهنيد !! ليش بندتي ؟

(ويحاول يتصل بس يطلع رقم المستشفى ..)

مانع : هااا فطيم .. شو تحسّين عمرج الحين ؟

هنود : د .. د.. د .. د .. (وتهز راسها انها بخير ..)

مانع: الحمدلله .. عيل قومي بنروّح مالها داعي يلستج .. بترتاحينفبيتنا .. بو محمد يترياج في البيت ما رقد الليل ..

هنود فخاطرها : ابا رشود يعرف مكاني ..

مانع : أجبي عليّة !! (وتمسكه من كندورته عشان تقوم ..) يالله بسم الله .. (وقامت بقوة .. وروحت وياه .. ويوم وصلوا الموتر ..) ترييني في الموتر بيي .. (وسار يسوي اجراءات خروجها وهي تتريا في الموتر وتحاتي رشود .. اما رشود اتلبس وعلى طول المستشفى .. ومانع وقّع عالأوراق وظهر سار الصيدلية ياخذ لها الدويات .. كانت يالسة ورا .. ورد ركب الموتر ودق عليه الويّع في بطنه فجأة .. بس ما اتويّع جدامها .. حرّك الموتر .. بس كان راص بإيده على بطنه ..)

مانع: لا إله الا الله .. يارب ترحمني برحمتك ..

(اما عند مي كانت ترقد وتنش وتشوف تيلفونها يلوومض ..)

مي : ألو؟

حمد : وينج انتي؟

مي : خير ؟

حمد : اليوم عندنا تصوير الساعه 8 بعد صلاة العشا تسمعين ؟

مي: ان شاء الله ..

حمد : توصلين القناة الساعه 6 يبالج وقت لين يمكيجونج ويسوون شعرج ..

مي : زين ..

حمد : يالله حبيبي باي ..

مي بغصب : باي !! (بندت عنه ) مابا أقدّم !! مابا !! انا شو اللي ورطت عمري فيه ؟ (وتصيح ) سعيد .. (وتتصل به وتمسح دموعها ..) دخيلك رد .. والله بسوي اللي تباه .. بس رد .. (وهو عنده يشوف الرقم ويبند فويهها ويرد يغلق تيلفونه ..ويوم وصل مانع البيت )

مانع : انزلي ودشي داخل .. صبري فاطمة .. (وصدت ونزل لها الجامه ) يوّدي خذي دواج داخل مكتوب كم تاخذين ... عادة كلي شي قبل ... يالله جدامي داخل ...

هنود فخاطرها : مشكووور يا مانع ..

مانع يرد عالاتصال وكان ياينه من مركز الشرطة : هلا .. خير ؟ لقيتوا هنود ؟ يالله ياي ياي !! بلغوا أهلها بسرعه !! وين انزين ؟ أييكم الشرطة ؟ انزين ياي ياي يالله اوكي .. (ويطلع مسرع ما يدري انه اللي كانت راكبة فموتره هي هنيد .. اما راشد وصل المستشفى جلب عليها المكان ما حصلها .. يوم توّة بيتصل فعواس ..)

رشود : نعم ؟ هيه راشد بن سالم .. هيه حرمتي .. اشووووه ؟ حصلتوها ؟ يالله ياي ياي !! (ونفس الكلام وصل لعواس .. كان مقرر ما يسير الدوام بس من سمع عن أخته سيده طار وشل ميود وساروا المركز ..)

دومينكا : بابا ؟

الشيبة : هااه ؟

دومينكا : هادي فاتماا أرباب جابها ..

الشيبة تتغير ملامحه : صدق ؟ وينها ؟

دومينكا : برا !!

الشيبة : يالله حركيني !! ابا اطلع .. يالله دهديه !! (وتطلعه برع ) فطيم !!

هنود فخاطرها : وااايه واااايه فديت هالويه !!!

الشيبة : شحالج امايه ؟ (وتمسك ايده انها بخير ) شو ظهرج ؟ ما وحالهم ظهروج !! انتي بخير صح ؟ (وتدمع عينه ) صدق اني زغت عليج !! عطوج دوا ؟ (وهي تهز راسها ) أشوف شو عطوج ؟ هذيلا الا مسكنات !! عنلات صيرهم .. كلتي شي؟ (ودومينكا تطالع علاقتهم المميزة.. بعد ما اطمّن عليها ودّته الحجرة يرتاح .. وردت عند دومينكا .. كانت خيّرة وياها ودشت الحجرة لقتها شرحه ومرتبه .. وترمسها هذيجي بالاثيوبية وهنود ما فهمتها .. بعدين ..)

دومينكا : أربي مفهوم .؟ (تفهمين عربي ؟ .. وهذيجي اتهز راسها شوي ..) كلاس مافي ريال ميني (خلاص ماشي رياييل منيه ) اييجي شيلة مال انتي (عجي شيلتج .. وعجت شيلتها ..) وااااو نايس فيس ( ويهج حلو )

(اما عواس وميود ومانع ورشود .. كانوا في المركز انصدموا بجمعتهم .. واللي مبلّغ شاف مي ويحلف ألف يمين انها هي اللي ضايعه بس ما يدري انهن خوات .. واما رشود خذ ميود وعواس على ينب ولا عبروا منوع ..)

راشد : والله انها سوّت لي تيلفون ...

عواس: احلف !!

راشد : والله .. ورمستني .. وعاتبتني .. كانت فمستشفى .. وجلبت المستشفى كله ماشي فايده ..

عواس : قم !! قم ميود !! بنشخل المكان كله .. الا نحصلها .. ولا اقولك اصبر

مايد : جيه ؟

عواس : انته سر عند فاضل ورمسه يمكن تحصل من عنده شي !! قوله اللي يباه بيحصله

مايد : زين !! انا براويه ان ما رمس

(اما قريب المغرب سارت هنود ويا دومينكا ينظفون الحجر . يتساعدن وكانن دايما على عين الشيبه اللي مب رايم يستغني عنها حتى في الأكل .. كانت فنفس الوقت شاغلتنه هنيد الصغيرة )

دومينكا : انتي سوي كلين جرفه ارباب مانئ (نظفي حجرة ارباب مانع ) سوي فولد تياب مال هو اوكي ؟ بادين انا كسل همامه (ربعي ثيابه وانا بغسل حمامه خلاف .. ويوم طلعت )

احلى البنات
24-11-2008, 05:49 PM
هنود : حليلها واايد خيرة .. وأشوا انه قلبها طيب .. (وهي ترتب فراشه .. تشل كناديره .. يوم شافت الوزرة والفوانيل عالأرض ..) وييييه !! فضيحه !!! ما يروم يشلهن روحه !! ههههههه أسميه فوضوي (كانت تربع ثيابه وهي واقفة .. بعدين شلت الكرسي وحطته مجابل كبته ) ياويلي !! اعنبوا مب مخلي شي في مكانه !! لا إله الا الله .. برايه .. هههههههههه هذا صديقالطفولة .. (وبعد 10 دقايق من التربيع .. تشوف لها دريس ماله مفرور في الكبت ..شلته .. ويلست على قرافيصها وهذا غلط عشان ظهرها ) هذا ربعونه ولا يعلقونه ولا حق الغسيل ؟ (وتشمه ) وععععع !! اعنبوك متسبح بسماد ؟ (يوم شلته تحس البنطلون فيه شي بس مب حدايد شي ثاني ..خشت ايدها في المخبى .. طلع تيلفون ) اووه ناسي تيلفونه (بس هذا هب تيلفونه هذا تيلفون عواس اللي فيه الاعتراف ) أفتّش فتيلفونه ؟ ههههههه اهلي ما عوّدوني أدق شي مب مالي .. (واتحطه في مخباه ..) ليش ما اشوف جان عنده سوالف بنات هههههههه فضولية !! (وردت طلعته .. ماشي صور .. جان تبطل الفيديو ..) شو ها مب واضح .. (وتشوف هالمرة أوضح .. تشوف هزاع وعواس وناصر الباكستاني ) أوييييه (وتدمع عينها ) أخويه !! (ومنفعلة وااايد ) عوااس اشوووه هذا ؟ (وتمت منصدمة .. المشكلة كانت اتعرف اللي صاير بس ما اتوقعت تشوفه ) هذا الخايس !! الجلب !!! عمري ما أنساه !! (تمت تصيح مكانها وقلبها منقبض وحاسه بقهر فظيع .. هزاع بطل الباب وهي من الزياغ ما توازنت وطاحت سيده داخل الكبت ..اما عند مي .. كانت لابسه عباة وشيله ومب متمكيجه بس لايعه جبدها منعمرها .. وهي نازلة )

فاضل : إيييييييييييييييييييييييييييييه يا حافظ عالمذيعه استوت مطوعه ؟ من متى يا حظي !!

مي : مالي بارض لكلامك ...

فاضل : سمعيني !! مب اتهونين !! بجتلج !! والريال روحه متخبل !!

مي : انته انسان فاضي (وتطلع عنه ) هه ياريتك بس منعتني من الظرهة ياريت

(وتركب الموتر وتسير دوامها وبعد نص ساعه وصلت واستلمتها الكوافير )

الكوافيرة : راح أصبغ لك شعرك ... تغييرلوك ..

مي: اعنبوا من أيام صابغينه لي أسود ... حليله شعري ما ارتاح ..

الكوافيرة : لالا .. ما قلت لك راح نعملك تغيير لوك ..

مي اتأشر لها : اشتغلي اشتغلي وعن الهذربان الزايد .. (وكانت حزتها تتصل ب سعيد والكوافيرة تصبغ شعرها .. ورد عليها )

سعيد : نعم ؟

مي يفز قلبها : سعيد اسمعني ..

سعيد : انتي جذوب ..

مي : انا ما جذبت عليك .. ليشما تصدقني ؟ عطني فرصه الله يخليك ..

سعيد : أعطيج عشان تخوّنين فية؟ بعدني ما اتخبلت !!!

مي : عشان خاطري .. جربني دخيلك .. (هو أصلا من سمع حسها هلك .. وقلبه يعوره لأنه خلاها وايد تترجاه ..)

سعيد : شوفي مي .. (وهي تسمعه ) بعطيج (وصوت الماي تغسل الكوافيرة شعر مي .. بس ما ينسمع شي .. وهي تحاول تلقط كلامه ..تخاف انها تقطع فرمسته ) فرصةثانية وأخيرة .. تعتزلين وتوّدرين مذيعه ما مذيعه وتجابلين ربج .. وحتى تستسمحين من اخوانج (وكل هذا ما سمعته .. بس سمعت آخر الكلام واللي هو ) لا انتي تعرفيني ولا انا اعرفج (وبندت الكوافيرة الماي )

مي : لهالدرجة كارهني ؟ الله يسامحك .. (وهو مب عارف بلاها شو تخربط )

سعيد عصّب : على راحتج .. الله يهنيج فحياتج ياااا مي (وكان يقولها بغصة .. وهي بندت بغصة أكبر .. كانت سرحانه وتفكر فشكله .. تفكر كيف كانت تهزبه أيام قبل .. وبعد ساعه )

مي منصدمة شو هاااااا؟ شو سويتي؟ (كانت ماسكة شعرها وتصيح ) شو هاااه غادية ساحره !!

الكوافيرة : تغيير شامل لوّنت كامل شعرك أصفر على ثلجي متل مادلين مطر

مي: ياربي شو أسوي كيف بظهر للناس !! انتي شفتي مادلين !! هذيجي بيضا وانا سودة بالنسبة لها !!

الكوافيرة : يا دلييه هالوش ما يروح من ايدي .. شوية ميكآب وراح تطلعي ملكة جمال ..

(حطت لها خبيرة التجميل الدرجات النارية من المكياج .. وحطت لها روج أحمر فاقع اما شعرها سشوروه لها ولفوه رولات عالخفيف طالع خبال عليها .. بس هي مب متقبلة شكلها .. كل دقيقة دمعه تنزل .. ترد الماكييرة تمسح الدمعه وتعدل مكياجها ..)

احلى البنات
24-11-2008, 05:50 PM
حمد : يا سبحان اللي خلقج !! قمة والله انج قمة !! شكلي حبيتج !!

مي تتحرطم وترمس بشويش : حبتك القرادة !! انا ل سعيد بس !!

حمد : شو قلتي ؟

مي تبتسم : اقول انه خطبني واحد

حمد منصدم : اشووووووووووه ؟ وجيه ما علمتيني وماخذتي شوري ؟

مي : نعم ؟ نعم ؟ ما سمعت عدل !!

حمد : إإه قصدي ما يستوي وراج شغل الحينه .. روحي لبسي .. (وسارت تلبس )

مي : ياربي عاري .. ليش هب مرتاحه ... عطيني شال ..(وبعد ساعه.. بدت المكالمات تنهد عليهم بالهبل )

حمد : يالله بنبدا .. تبينا نطلع اعلانات ربعي ايدج ..

مي : ان شاء الله ان شاء الله ما يشوفني سعيد

(بس كل اللي مداومين شفتات يتريون هاللحظة ) يا مرحبا مليوون بمشاهدي قناة القمة .. انا ما (كانت بتقول مي ) مذيعتكم الريم (وكانت تتكلم وتعطيهم نبذة عنالبرنامج .. اما في الدوام )

.............. : أسميها طرررر

..................: واااي عجت قليبي !!

...................: خلاص بزخها بتهمة انها سارقة قلبي !!

.....................: يعلني أفداها

(وسعيد منطحن من داخله .. اصلا فخاطره صراع داخلي كلهبسبت مي ..)

سعيد فخاطره : حسبي الله عليج يا ميوه !! أسير أشلها من دوامها وأملج عليها غصب !! اخوها روحه بيوافق على طول ... يالله ضو فقلبي ما تنطفي !! يعل عيونكم الجد !! عوّرتي فوادي

(وكانت تاخذ اتصالات وكلام الغزل ينهد عليها مثل المطر هذا عمرها ما حصلته .. لدرجة انها كانت تعصب بس تردها بابتسامه .. وتبيّن لهم انه روحها مرحه يعني اللي يعرفها يقول هذي هب مي .. والقلم انكسر اللي ف إيد سعيد من كثر ما يضغط عليه ويطالعها من صوب ثاني .. اما ميود دق الباب على بيت فضول بس محد بطل الباب تم يتريا ماشي فايدة اما عواس .. طول اليوم يدورها في المستشفى نفسه غرفة غرفة .. مب مخلي مكان .. بس قال يمكن مي تسوي حركات خساس ف رشود .. بس ما يأس تميدورها فكل غرفه فكل حجرة مسكونة من قبل النواطير وحجر السيكيوريتي والحمامات عزكم الله بس ماشي فايده ..)

lady oscar
24-11-2008, 07:15 PM
اوووووووه اليـد بجاااااااانـي

ان شالله هزاع مـا يكشـف الموبايل فـ ايد هنود

ان شـالله اليـد ياخذهــا بيده ويسـلمها لاخـووهـا عـواس ومايد .. ياني شكثـر انطر هاللحظـه
اتمنا اليـد ياخذها لاهـلها
واتمنا مـاااانع ينكسر زود عـن يزود .. لما يشوف هنود هـي فطيم ..

يـاااااااااااا بجونـي عواس ومايـ وهما يدورون عـن اختهم ... اووووه


اوووووووووووف بـلاها الصمخـه مي ماتسمع ماعرفت تكـلم وتقوول قفلي المااي


يعطيـج العافيـه خيتوو

صددق هالجزء جزء يعـور القلب

غموووض
24-11-2008, 09:50 PM
تسلمين اختي على البارت الحلو
حرام ميو ليش ماتسمع عدل وتخلي سعيد يتعذب
وسعيد ليش يراكض ورا وحده مثل ميو
وان شاء الله يلقون هندوه
الله يعطيج العافيه اختي
في انتظار البارت الياي

همس سكوت
24-11-2008, 10:41 PM
تسلمين أختي على بارت الحلو

وربي يعطيج العافية

ونتريا البارت الياي

والسموحة.

تكفيني الذكرى
28-11-2008, 12:07 AM
مرحباا السااع ملايين ..

قصه في منتهى الروووعه ...

تسلم اناملج غناتيييه ...

اترياااج بفاارغ الصبر تنزليين الباارت ...

بس اذا كنتي مشغووله فعذرج معااج ...

ربي يحفظج ..

اختج ..

تـكـفـيـنـي الــذكــــــرى

غـ الشوق ـرام
29-11-2008, 07:51 PM
القصه رووووووووعه ..

ونتريا التكملة ..

احلى البنات
14-12-2008, 07:47 PM
[FONT="Arial Narrow"][SIZE="4"][B](الجزء 107)



[COLOR="DarkOrchid"]
(اما هزاع شلاها من مكانها ..)

هزاع : هووووه !! هوووه !! شو ياج ؟

هنود فخاطرها : الله يستر ما يكون شافني !!

هزاع : سيري خذي دواج وما عليج من حجرة منوع .. دومينكا بتنظفها .. سيري ..

(وسارت وقلبها يدق مب مطمنه له .. تمت توسوس .. كانت يالسة في الحوي اتعشي الشيبه وهند الصغيرة )

الشيبة : شعنه ما تتكلمين ؟

(صدت يمين ويسار تتأكد )

هنود : انا؟

الشيبة : حسّج غاوي .. شعنه ما ترمسين؟ من شو خايفه ؟

هنود : انا ما اخاف الا من ربي

الشيبه : انتي تصلين ؟

هنود : انا اصلي وأصوم وأقوم على كل فرض لا تخاف يابويه ..

الشيبه : انتي بنت منو ؟

هنود : بنت عايشه تحت رحمة ربي ..

الشيبة : قصتج قصة !! بلاج ؟ وليش ما ترمسين الا جدامي ؟

هنود: لو أقولك عن سالفتي بتصد عني ..

الشيبه : ليش بجذبج ؟

هنود : بس وعد .. توعدني به .. انه السالفه ما تظهر ..

الشيبه : ان شاء الله

هنود : ما وعدتني ..

الشيبه : وعد !! بلاج متروعه ؟

هنود : لا مابلاني .. بس الناس ظلموني وأولهم أبويه .. ما يدانيني .. ولا يطيقني .. (كان يسمعها وهي تخبره بالبلى اللي جاسها وكله بسبت أبوها ..) عشان جذيه مابا أسمع لا عن فاضل ولا عن مي .. حتى اخواني ماتعبوا عمارهم وقالوا بندوّر عليها حية هي ولا ميته .. انا ما لومهم صح الكلام اللي قلته لعواس يعوّر بس حزتها اتمنيت انه ما يصدق كلامي .. ليتني .. بس وضحت له .. وأحينه ريلي

الشيبه : دامج على ذمة ريال يباج شعنه يالسه هنه ؟ سيري سويله .. خله ياخذج

هنود : بسهولة ؟

الشيبه : جيه اتكابرين .. امايا هذا هب زين ..

هنود : انا مرات تيني حالة خبال ابا اسمع حسه .. بس اكابر .. انا من سمعت حسه اكتفيت خلاص .. الله اييسر له اموره .. انا بس ابا اعيش عشانك ..بس ..

(تم الشيبه يفكر بكلام هنود .. وكيف بتكرس عمرها له هو بس .. بس طبعا ما علمته باسمها او باسم عايلتها ولا علمته انها تعرف عايلة مانع ابدا .. وعند هنود كانت منسدحة )

هنود فخاطرها : يالله يا عواس .. كل هذا يستوي بك ؟ ومن هزاعوه ؟ هزاعوه اللي ساعدني اليوم ؟ ما يبيّن عليه .. لكن الرياييل دومهم من تحت لتحت.. يغزك بالابرة !! شو من الأوادم !! هب هبيت يالخايس !!

(اما عند مي خلصتالبرنامج وعلى طول مسحت مكياجها وركبت موترها .. وترمس ربيعتها تمت اتدور وتتحوط ومافي فبالها الا كلام سعّود .. ومن وصلت هالمكان )

سعيد : نعم؟

مي: سعيد ..

سعيد : خير ؟ انا مب قايللج مابا اسمع حسج ؟

مي : انا برع ..

سعيد منصدم : برع وين ؟

مي : فوحدة المكافحه ..

سعيد انصدم زياده : اشووووووه ؟ (ويربع عند الدريشه يطالع .. نزلت من الموتر ..) اتخبلتي ؟

(وعبيد مار صوب سعيد )

عبيد : حرمة؟ وصوب وحدتنا ؟ غريبة !! اووووووووووووووه !! مب هاي المذيعه مال قناة القمة ؟ (من سمعوه يترابعون الضباط صوب سعيد )

سعيد : والخيبه !!! بلاكم ؟ هوووه !! هوووه!!! (وقام عن الدريشه )

مي : بلاك ؟

سعيد سار بعيد عنهم : سمعيني لا اتدقين علي ولا تين لمكان شغلي فهمتي ياله روحي !! مابا اشوفج !!

.................: الريم!! الريم !! واااااايه فديييت يومج !! (سيده التفت سعيد صوبه ..وبند ف ويه مي .. واترابعوا الشباب تحت .. وهي كانت يالسه تتريا على أمل انه ينزل لها ..)

سعيد : أسير لها ولا ما اسير ؟ هي ياية عشاني .. وهم سيده اترابعوا لها (ووقف على ينب عشان ما تشوفه بس هو يقدر يشوفها .. تم يطالعها ومنطحن من داخل ومنقهر قهر .. اما هي من شافت الشباب ابتسمت تغايظ به وروحت بدون ما تعبرهم .. تمت مهمومة وربيعتها السوسه تيبلها القدو تعلمها عليه تمت اتدخن بالهبل .. اما سارة كانت منشغلةويا اهلها اللي يوا من أمريكا .. وعذرها عواس .. بس تم يفكر .. يفكر بكلام خالته ..وعقب قام ينسى .. اما اليوم الثاني كانت ناشه من وقت وهنود كانت تريّق الشيبه .. مانع كان ظاهر من الحجرة )

مانع : صباح الخير ..

بومحمد : صباح النور ..

مانع : شو أصبحت يابويه ؟

بومحمد : الحمدلله .. وين ؟ وين ؟

مانع يبتسم : الدوام ..

بومحمد : اتريّق قبل .. عندي كلمة قبل ..

احلى البنات
14-12-2008, 07:49 PM
مانع: آمرني ..

بومحمد : ابا ارد البيت ..

مانع: شعنه ؟ مليت منا ؟

بومحمد : لا والله بس انا اتولهت على ولديّة محمد ..

مانع : محمد ولدك بييك مب انته اللي تسير له .. وهذا بيتك ..

هزاع: نحن الطالعين وهذا من خيرك ..

بومحمد :يالله انا متلوّم منكم .. ما ادري شو اقولكم .. انا مب متعوّد على العيشة هنه !!

هزاع : قول تم

بومحمد : تم !!

هزاع: خلاص بتم وانته شيبه البيت

مانع: وانا حرمة البيت .. (وهم يتضحكون .. رد دق عليه الويّع ) آآخ !! آآخ !! (تم راكع عالأرض .. هم زاغوا )

هزاع مسكه : منوع بلاك ؟ بلاك ؟

بومحمد : شله !! شله عن الأرض !!

مانع يبتسم : ههههههههههه شو رايكم أنفع أدخل مجال التمثيل ؟ صاادوه !!

بومحمد : حسبي الله على ابليسك روعتني !! لا تسوي هالشي مرة ثانية !!

مانع: هههههه وياكم الكيمرة الخفية !! صادوووه هههههههه

هزاع: مادري ليش صدقتك !! (وروّح عنهم )

مانع فخاطره : الرب سلمني انه خاز الويع عني فلحظة !! آآآه آآه آآآه بلاها المعده الله يغربلها !!! (وعلى الساعه 10 )

ام مانع : السلامن عليكم .. (وكانت هنود تبدل البامبرز مال هند وتسمع حس ام مانع رفرف قلب هنود )

بومحمد : عليكم السلام مرحبا.. علومج عويش؟

ام مانع تصيح : سامحني .. سامحني ياخويه .. الشيمه منك والله متلومة منك .. خسها الله من بنية

بومحمد : هذي بنتي ما عليج ..

(طلعت هنود عشان تساعد دومينكا في المطبخ )

ناصر : وين ودي أقراض مال أجوز ؟

دومينكا : كله وسير (خله وسر )

ناصر : في بسكارة هلوة !! أشوف ويه مال هو ؟

هنود فخاطرها ومب طايعه تصد صوبها : حلّك حلول !! (وخلاف صدت صوبه تبا تشوف الأغراض عشان تحطهن في الثلاجه وكان ويهه مقابل ويهها .. كان قليل الأدب بجرائته .. صدت عنه الجهة الثانية وهي تشهق وقلبها يخفق بالقو .. وطاحت عالأرض تنتفض كل جسمها ينتفض .. كانت دومينكا زايغه .. وهنود بين الحياة والموت ..)

غموووض
14-12-2008, 09:36 PM
تسلمين اختي على البارت
مسكينه هنود :(
الله يعطيج العافيه في انتظار التكمله

lady oscar
15-12-2008, 12:42 AM
يالله ..

كـل عام وانتي بخير وكـل عيدوانتي بصـحه وعافيـه ..\\

وييييييه ليش ماقالتله هي مين ووداها لاهـلها ..

بس هي ماتدري عن جهود عواس ةرشود ومايد كيـف جلبو الدنيـا يدرون يارب يجي يوم وتقدر اللي يسووه واخوانها يسمحوها بالرغم هي ماسوت شي غلط والله يحفظها من شر هالناصـر اللي طـلع ..

اما مي عساها زياده وزود .. خلها تتادب وتذكر امه زينه وامها غريبه ..

يعطيج العافيـه .. ماقصرررررررررتي وعساج عـ القوه..

احلى البنات
23-12-2008, 01:34 PM
(الجزء 108)

(اما دومينكا وناصر كانوا مبلمين ومنصدمين انه بلاها تنتفض عالأرض مثل حالة الموت .. وتربع دومينكا تيب لها ماي ..وتوّها بتعج عنها اللثامة ..)

دومينكا : مافي موووت بليز مافي موووت !!!

(وهنود بطلت عينها وكانت محمرة وااايد لدرجة انه دومينكا زاغت منها ..)

هنود فخاطرها : بسم الله الرحمن الرحيم !! بسم الله !! أشهد ان لا إله الا الله !!شو جاسني ؟ (قامت شوي شوي وتشوف شيفته مجابلنها ..) الله ياخذك جدامي !!!!! يعلك الموووووت !! انته اللي عفدت على شمايل !!! (وتربع لحجرتها .. قهر جاسها من غير قامت تقوى من تشوفه .. وتحذرت اكثر من قبل خذت سجين ولفتها بشفاف وخلاف بشيلة بيضاء ودستها ف صروالها وكان يقرصها بس مستحملة التنغيز تحسبا سبحان الله يرد الخايس لعادته الجديمه ..)

(وبعد أسبوع من مرض هنود .. اتعودوا عايلة مانع على بعض ..بس هنود اللي كانت متحذرة من الكل وزيادة عن اللزوم خصوصا انه ناصر الباكستاني ساكن وياهم .. اما في الدوام ..)

سارة : مانع بليز ..

مانع صد جداها : نعم ؟

سارة : أريد أتكلم معاك ضروري

(عيسى من سمع حسها انجلب حاله )

عواس فخاطره : بلاها ويا منوع؟

مانع :بييج خلاف

سارة عصبت : أحين بليز

مانع : انزين ..

(ودخل مكتبها )

سارة : شو سالفتك تتفاداني ؟ (وعواس يسمع من عند الباب )

مانع : ماشي بس اللي كنتي بتقولينه لي أعرفه ..

سارة : ما خلصت ممكن تقعد ؟

مانع: قعدنا .. خير ؟

(وعواس يفور من داخل )

عواس فخاطره : انا تخوني ساروووه !!! وجدام عيني ويا منوع؟ اعنبوا اشوووه هذا؟

سارة : المرض اللي فيك له علاج !! (واتنهد عواس )

مانع : لا تقصين علية !!

سارة : ليش كل حد يفكر السرطان يقتل؟ انته بالنسبه لك نعمه .. لأنه ما انتشر بعده صغير ..لو نشيل لك المرارة .. ونقص لك المعده بشكل طولي تنتهي .. ونجاح العملية 50% هل بتقبل تسويها ولا بتندب حظك؟

مانع عيونه كلهن دموع : معقولة ؟ الحل بإيدج ؟ بس الدكتور ما خبرني

سارة : انته ما خليت له فرصة يتكلم .. هو خبرني ...

مانع : انزين شو يخص الوريم في المرارة؟

سارة : المرارة لازم نشيلها هذا اللي مسوي لك ألم .. وكيف عرفنا بالورم الا بالفحص .. لازق بجدار المعدة واذا شلنا لك نص المعدة كثير بس بنشيل 25% منها .. بس أكلك بيقّل اول 6 شهور

مانع: مالها سلبيات ؟

سارة : قلنا أكلك بيقّل .. وبينزل وزنك وااايد وبعد فترة بيرد .. اول 6 شهور بتتعب بس بترد عادي تاكل وتشرب ..

مانع : بس السرطان بيرد ؟

سارة : العلم بإيد الرب..

(اما عند هنيد كانت تنظف حجرة هزاع .. اول مرة تعج اللثامة بس كانت تنفض الغبار اللي كان عليها )

هنود : اووووف يالغبار !! (ودخل هزاع .. صدت جداه بس منصدمة )

هزاع منصدم : الله !! (نزل راسه وهي اتلثمت على طول بس كان داير راسها ما تعرف تتصرف وهو سيده طلع يهذي ) امايا !! امايا !!

ام مانع : هاااه !! هااااه !! هنيه عند شويبتنا !! (نزل عالصالة على طول )

هزاع : اميه !! اميييه !!

ام مانع : بلاك تلهث اعنبوا شو جاسك ؟

الشيبة : أهأ أهأ عن اتروّن !! ههههههههه

هزاع : اميييه شفت شي ..

ام مانع : شو شفت ؟ أكيد سكني !!

هزاع : ملكة جمال فبيتنا !! اميييييييييييه امييييه .. فطيم غاااوية !!

الشيبة انصدم : شدراك ؟

هزاع يأشر صوب الدري : و .. و الله والله شفتها !! عليها جمال هالبنية !! آآخ بس !! آآخ !! (ويمسح على إيد امه يتمصخر ) عادي تيوزيني اياها ؟

ام مانع : هب هب هبيت !! قصورك بعد !! مالقيت غير بشكارة ؟

هزاع قلب جد : جيه البشكارة مالها رب ؟ كفاية متحجبة وخايفة ربها لا ومتلثمة بعد ونظيفه !!

ام مانع : ما احيدني مربتنكم وتعبانه عليكم عشان آخرتها تاخذون بشاكيرنا ..

هزاع : انا اختلف وياج ..بومحمد .. من وين هي ؟

بومحمد : أظن اندونيسية

هزاع :هاي اختيه عنودوه مادري من وين طاحت عليها .. اتخسي اتكون اندونيسية !! عليها هذاكي الخشم !!

بومحمد : ابويه هاي أصيلة يمكن من بدو اندونيسيا ما يندرى .. انته غض النظر لاتاخذ آثام

هزاع : انا دشيت على ويهي .. بس مادري ليش صورتها هنه !! (ويأشر على راسه )

ام مانع : هب هب هباك الله من ولد رغيد !! عيل التوبة يا ماعقبها النوبة اتدش الفيلا خلها في المطبخ مافينا اتحط حد من عيالي في بالها ..

والبارت الياي ان شاء الله بيكون بعد أسبوع على حسب ظروفي ... والسموحة

lady oscar
23-12-2008, 02:02 PM
واو

متى نخلص من سالفه هنود .. متى ترد لاهلها..؟؟

عواس شكاك نمبر ون ..

ومسموحه ..

غموووض
23-12-2008, 06:33 PM
تسلمين اختي على البارت الحلو
لكنه قصير وايد ومافيه احداث
الله يعطيج العافيه

بنت البوادي
19-01-2009, 12:01 AM
السلام عليج ختيه
وين هالغيبه عسى ما شر ..!!!

ذبحني الح ـلا
26-01-2009, 09:39 PM
مرحبااا الغالية

عسى ما شر طالت الغيبة

ونرقب البارت الجديد ...... و اتمنى لك عودة حميدة في أرجاء المنتدى

صديقه
02-03-2009, 03:01 PM
بسم الله الرحمن الرحيم
السلام عليكم ورحمة الله وبركاته

شخباركم؟

والله تسلمين حبوبه علي هالقصه الحلوه

بس حرام نتريا الباجي فديتج

والله قلبي عورني يوم شفت انها بلا نهايه

دخيييييييييييييييييييييييييييييييييييييييييييييييي يييييييلللللج نزلي الباجي دخييييييييييييييييلللج

وكأني متعاطيه>>>>> خخخخخخخخخخخخخخخخخ

فهد!!
02-03-2009, 03:40 PM
اتمنى تكملين الرواية .. !!

فيني فضول اعرف شو بيصير ؟؟

لا تبطين !!

فـجراوية
28-03-2009, 05:11 PM
اول شي تسلمين على القصه ....ثاني شي انا محد يقهرني غيير هل المي مادنيهاا وهذا هزاع يستااهل ودواه بعد وفديتهاا هنودة وانا احس انه عيسى بيرجع بس ابغي اعرف هذا اللي اسمه حسن شو مشكلته ؟؟؟؟؟وثاانكس مرة ثانيه القصه رووعه

حنين الليل
31-12-2009, 10:18 PM
بليييييييييييييييييييييييييييييييييز نزلي البارت

انا اشتركت بس عشاان اشكرج على القصه وكنت اقراها من فتره وامتابعتنها

نتريااج لا تبطيييييييييييييييين عليييييييييييييييييييييييييييييييييييييييينا

lavander
01-03-2010, 10:49 PM
شحاااااااااااااالكم

القصه واااايد حلوة

بس مشكلتي ما احب اقرى قصص مب مكتمله لاني ايلس افكر شو بيستوي واتلهى عن كل شغلي ...


المهم القصه في قمه الروعه بس بلييييز بلييييز كمليها ابى اعرف النهاية

ومرة ثانيه تسلم اناملج يالغلا ...

اتريا تراني هههههههههه

مـــلكة الساحه
08-04-2010, 03:44 PM
حراااااام ليش ما تكملين القصه ...

والله روووعه القصه ...)

بس ياليت تنزلين البارات الله يخيلج ما روووم اصبر ...)

فيني فضول اعرف هع هع

روح بنت
16-12-2010, 07:56 PM
السلام عليكم اختي
وووووينج ليش طولتي
يالسين نتريا التكملة
ابا اعرف شو بيصييييييييير
بليييييييييييييز الغالية كمليها

مـــلكة الساحه
11-04-2011, 04:42 AM
وين اختي غبتييي وطولتي علينا وربي القصه جنااااان

نترياااا التكمله

والله انااا دوووم احدر المنتدى بس علشاان هاي القصه

ياليت تكملينها ... دخيلج لاطولين علينا ...^^