أمواج
22-12-2006, 03:09 PM
بسم الله الرحمن الرحيم
السلام عليكم ورحمة الله وبركاته
اللي ما يعرف في المشترى يتغربل وينقص عليه هالأيام لأنه محد يعطيك الراحة والا يقول لك الصدق، كلهم يتراكضون وراء البيزات تقول نغرفهن حقهم من البحر والا نطبعهن داخل البيت ما تقول تاعبين وعاثرين وكادين فيهن ألين طالع من عيوننا.. البارحة سرت بشتري ثلاجة كل ما أسير صوب حد قال لي شي مرة يقولون هذا الموديل أحسن ومرات يقولون سامانه غالي ومرات يقولون والله بتشتغل سنة وخلاف ما بتبرد ألين واحد من عيال الحلال قال لي ليش ما تشتري ثلاجة وارد؟
حتى الثلاجات بعد فيهن وارد بيني وبينكم خفت إن اشتريتها يزخوني والا ما يسجلونها شرات المواتر اللي سكانهن من اليمين لكن يوم سرت المكان لأنه الستورات تارسة البقعه والسامان مب عند والي أرناق وأشكال وبرخص التراب، اللي يديد في الحفيز بألفين تلقاه عندهم بثمانمية لكن عاد ما شي ضمان انته وحظك افحص وطالع وشل ولا ترد تقول اختربت والا بندت والا بقت تراه الجماعة مالهم خص.. شو بقول لكم عاد والله يالربع أنه الأغراض اللي عندهم من كل نمونة كلها مستعملة ووارد ترانا أحينه استوينا نستورد حتى الكشرة اللي يفرونها غيرنا في الدرامات عشان نبيلي بها عمارنا والا مواتر متقطعه وحديد سكراب شو نباه يايبينه؟
أنا من ذاك اليوم اللي اشتريت فيه الغاز تبت أشتري شي يديد من الحفيز تراهم يغرمونك دبل ويقولون أوين يديد عليه ضمان لا تخاف يستوي عليه شي ولا بتتغربل وياه.. قول انته صدقت الرمسة وركضت أشتري الغاز ومن يابوه ما كمل شهر والا قام يشكل مرة يشتغل ومرة يبند ومرة يشب بروحه تقول تنور مخبز وقافي ومرات يشوي السمك ويخليه شرات الصخام يعني لا عب بنا لعبة الأنكار.. سرنا نبا الوكالة قالوا حملوه وهاتوه وان شاء الله فالكم طيب وهاييك وحدة تم عندهم عشرة أيام يدورون له سامان ومن عقب ما زهب أجرنا له بيك أب ويبناه تم كمن يوم وأخترب وهاييك وحدة الغاز في بيتنا أسبوع وفي الوكالة يصلحونه شهر وخلاف قالوا أوين اللي خربان فيه مب على مسؤولية الوكالة على مسؤوليتنا نحن ولازم ندفع جيمة السامان وشغل ايديهم عليهم.. والله يالربع تلتهنا وتغربلنا ولولا مب الخوف والمستحى كان طبخنا أكلنا على الحطب والا لبقنا في طرافة أبرك من هالغاز لمخرف.
أبوي يوم هاي حالتنا شقايل بعد تبونا نصدق سالفة الضمان والجرنتي اللي يقولون عنها تراك يوم بتحتاي لهم بيغصصون بك ألين ما تمل وتقول أبوي عذرت خلاص مسامح ما أبا منكم شي..
منقول من جريدة الخليج (سوالف ... شيبتكم بو عتيج )
السلام عليكم ورحمة الله وبركاته
اللي ما يعرف في المشترى يتغربل وينقص عليه هالأيام لأنه محد يعطيك الراحة والا يقول لك الصدق، كلهم يتراكضون وراء البيزات تقول نغرفهن حقهم من البحر والا نطبعهن داخل البيت ما تقول تاعبين وعاثرين وكادين فيهن ألين طالع من عيوننا.. البارحة سرت بشتري ثلاجة كل ما أسير صوب حد قال لي شي مرة يقولون هذا الموديل أحسن ومرات يقولون سامانه غالي ومرات يقولون والله بتشتغل سنة وخلاف ما بتبرد ألين واحد من عيال الحلال قال لي ليش ما تشتري ثلاجة وارد؟
حتى الثلاجات بعد فيهن وارد بيني وبينكم خفت إن اشتريتها يزخوني والا ما يسجلونها شرات المواتر اللي سكانهن من اليمين لكن يوم سرت المكان لأنه الستورات تارسة البقعه والسامان مب عند والي أرناق وأشكال وبرخص التراب، اللي يديد في الحفيز بألفين تلقاه عندهم بثمانمية لكن عاد ما شي ضمان انته وحظك افحص وطالع وشل ولا ترد تقول اختربت والا بندت والا بقت تراه الجماعة مالهم خص.. شو بقول لكم عاد والله يالربع أنه الأغراض اللي عندهم من كل نمونة كلها مستعملة ووارد ترانا أحينه استوينا نستورد حتى الكشرة اللي يفرونها غيرنا في الدرامات عشان نبيلي بها عمارنا والا مواتر متقطعه وحديد سكراب شو نباه يايبينه؟
أنا من ذاك اليوم اللي اشتريت فيه الغاز تبت أشتري شي يديد من الحفيز تراهم يغرمونك دبل ويقولون أوين يديد عليه ضمان لا تخاف يستوي عليه شي ولا بتتغربل وياه.. قول انته صدقت الرمسة وركضت أشتري الغاز ومن يابوه ما كمل شهر والا قام يشكل مرة يشتغل ومرة يبند ومرة يشب بروحه تقول تنور مخبز وقافي ومرات يشوي السمك ويخليه شرات الصخام يعني لا عب بنا لعبة الأنكار.. سرنا نبا الوكالة قالوا حملوه وهاتوه وان شاء الله فالكم طيب وهاييك وحدة تم عندهم عشرة أيام يدورون له سامان ومن عقب ما زهب أجرنا له بيك أب ويبناه تم كمن يوم وأخترب وهاييك وحدة الغاز في بيتنا أسبوع وفي الوكالة يصلحونه شهر وخلاف قالوا أوين اللي خربان فيه مب على مسؤولية الوكالة على مسؤوليتنا نحن ولازم ندفع جيمة السامان وشغل ايديهم عليهم.. والله يالربع تلتهنا وتغربلنا ولولا مب الخوف والمستحى كان طبخنا أكلنا على الحطب والا لبقنا في طرافة أبرك من هالغاز لمخرف.
أبوي يوم هاي حالتنا شقايل بعد تبونا نصدق سالفة الضمان والجرنتي اللي يقولون عنها تراك يوم بتحتاي لهم بيغصصون بك ألين ما تمل وتقول أبوي عذرت خلاص مسامح ما أبا منكم شي..
منقول من جريدة الخليج (سوالف ... شيبتكم بو عتيج )