المساعد الشخصي الرقمي

مشاهدة النسخة كاملة : ام دويس ..قصه ولا اروع


بنوته
29-07-2002, 05:14 AM
السلام للكل من دش اهنيه ............
حبيت اقولكم هاي القصه اللي اعتبرها من اروع القصص ......
قصه من تراثنا القديم ألا وهيه قصه ام دويس .............
اول شي اعرفبكم منو هاي ام دويس حق للي ما يعرفها .......
ام دويس سكنيه ...الله يكفينا من شرهم...
كانت سكنيه مشهوره عند الأولين وكانت لها قصص

وهاي وحده من قصصها ..........

في مره من المرات كانت اهناك بنت واوبها الشيبه وكانو يعيشون في قريه
وانتشر سالفه في القريه انه المطوع ياكل الصغاريه اللي يتعلمون عنده ........
وصدق لاحظوا انه اهل القريه قاعدين ينقصون ......
عاد الشيبه فكر وقال لازم اشرد انا وبنتي وسوها وشردو من القريه ........
لاكن هيهات ام دويس تخليهم لحقتهم ..........(( هاي بصاير ام دويس ))
وعاد هم ضوو عند حرمه ساكنه بروحها في البر ......
وقربتبهم الحرمه وريحتها تشل وتحط ........
ومعروف عن ام دويس انه ريحتها وايد حلوه ....
عاد الحرمه بتذبحلهم ......هاي من طبايع البدو
وسارت الحرمه اللي هيه ام دويس ودخلت داخل حجره صغيرونه ...
وكان فيها عبد معلقتنه في نص الحجره وكانت تقطع من ريوله عشان تطبخ حق الشيبه وبنته ....
عاد البنت الفطينه لحقت ام دويس وشافتها يوم تقطع ريول العبد وقامت وربعت وخبرت ابوها
قالها الشيبه لا هاي الحرمه طيبه ورحبت فينا .....يعني جذب بنته ........
الشيبه ذيج الساعه يفكر في بطنه ما ينلام .............
البنت عاد ما بيدها حيله ابوها وما صدقها شو بسوي .......
عاد هايج الساعه قالت اللهم نفسي وشردت...........
بعدين يت ام دويس واكلت الريال وعقب كلته ودرت انه البنت شافتها ولحقتها .........
البنت عاد وصلت لفريج فيه ناس .......
والناس ما قصرو فيها يلسوها عندهم........
وبالباجر يتهم بقره احين بتولد .............
وقاموا وحطوها ويا القر الثانيات .........
وفليل تحولت البقره لأم دويس وقامت وجتلت الناس كلهم ويجمعت قلوبهم في طاسه
وسارت عند البنت .........البنت كانت راقده فوق السطح كان حر
قامت ووعتها قالتها وين بتروحين عني احين..........
قالت البنت لها خليني اصرخ ثلاث صرخات ........
قالتها اصرخي محد بيسمعج .........
وصرخت اول مره محد سمعها...
وصرخت ثاني مره محد سمعها...
وعاد في الثاله شافت الطاسه اللي عند ام دويس ..
وقامت وكفختها بريلها وطاحن اقلوب (( الناس )) ...
وصرخت جان ترد الروح لهم ونشو ومسكو ام دويس وجتلوها....
وخلصت القصه .......................... انشاء تعجبكم

:D :D

http://noruae.com/real/mehad/hala.ram
الحـUAEـالمه
29-07-2002, 06:45 AM
مرحبا بنوته...........

قصه جميله.............راسخه في الوجدان

من التراث الشعبي.

الامهات.......يحكنها لاولادهن الصغار.

قبل النوم.............(ما ادري ليش قبل النوم......عشان الروعه..!!)


اسلوبك حلو في الكتابه.

بس لماذا لم تكتبيها بلغه عربيه..فصحى


بعيد عن المحليه.

لان ليس كل العرب يفهمون لهجتنا المحليه..

وبعد..

حلو ان هذه القصص من الموروث الشعبي

توصل للاخرين..


الف الف تحيه لك...................اختي .

اتمنى لك الاستمرار والنجاح.


ومع حبي المديم.

الحالمه.،

(h)
الوعد
29-07-2002, 08:23 AM
تسلمين الغاليه على هالقصه الحلوه ... الله يعطيج العافيه ...


هههههههههههههههه .. الاغنيه حلوه .. عيبتني وايد


ذكرتيني بيوم كنا صغار يوم كنا نسير السره ... كله يحطون اللي من هالنوع ^__*
شروق الشمس
29-07-2002, 09:52 AM
ههههههههههه
كل والا يوم طاحن قلوب الناااااااس :D

قصة حلوة اختي ..

بس بغيت اعرف هالاغنية ترحيب في ام دويس والا شو ؟؟ :rolleyes:
بنوته
30-07-2002, 04:35 AM
هلا ومرحبا ....................

بالحالمه .......................:D

أشكرج على مشاركتج بالموضوع .....

والأمهات ياطويله العمر يقولنها قبل النوم لانه كل احداث هاي القصه صارت باليل
والقصد تخويف الأطفال واغصابهم على النوم .........
ما يبن ازعاج ................:D :D

وعن الكتابه بالفصحه ..انشاالله الجايات اكثر من الرايحات

ومشكوره ع المدح ...........اسلوبي :cool: :cool:
بنوته
30-07-2002, 04:45 AM
ياهلا ملاين ...............بالوعد


مشكوره لمشاركتج بالموضوع .......الله يعافيج يارب

وزين يوم عيبتج الإغنيه ...........

انا حاطتنها لأنها تناسب جوي القصه ..............:D :D

وثاني مره مشكوره (h)
بنوته
30-07-2002, 04:56 AM
يا هلا بشروووووووق الشمس ................

أسفرت وانورت واستهلت وامطرت ....................:D :D

الله يسلمج ها الإغنيه ترحيب بكم انتوووووووووووو
وبعد بأم ادويس عشان لا تزعل :D :D
عــيـ دبـي ــون
31-07-2002, 04:18 PM
السالفة فيها
ام دويس


الشرررررررررررررردة:D

تسلمين أختي على هذي المشاركة ..وياما كانو الاهل يخوفونا منهاااا
بنوته
02-08-2002, 08:53 AM
طلوووووووووووووووووووووووووووووووووووق ربع عن ما تيك

الله يسلمك ......(عيون دبي ) ...........


:D
احلى النوايا
03-08-2002, 01:34 PM
يعطيج العافيه .... على القصه الحلوه....

وصراحه الاغنيه شي... ما عليها كلام انا كيفت عليها وووووووووووايد..


تحياتي
بنوته
04-08-2002, 04:33 AM
يا مرحبا الساع .............

بأحى النويا ....................


اله يعافيج ...تسلمين دا من ذوقج الحلو




:D :D
لولوه
10-08-2002, 02:05 AM
شي حلو الواحد ينقل تراث بلاده لغيره

وانا اقول ليش العيال يسوونها على الفراش في الليل

توني اكتشفت السر
الغلا
10-08-2002, 02:12 AM
تسلمين الغاليه على هالقصه الحلوه ... الله يعطيج العافيه ...


.. الاغنيه واااااااايد حلوه ..


تسلمين الغاليه


تحياتي
الغلا
|||strawberry|||
10-08-2002, 07:36 PM
وايد بس انتة مالقيت غير ام الديس اهيد امي كا نت ازيغني فيها تا كل اليهال الميرقدون(UAE)
swe
16-12-2006, 05:45 PM
جان اذكريني بالفلم اللي شفناه عن ام دويس

صج يخوف

تسلمين اختي
الوداد
20-12-2006, 10:01 PM
swe

الموضوع مكرر صارله سنتين..

من وييين طلعتيه؟؟.

في واحد منزلينه العام اللي طاف..

وهالرابط..

http://www.alkitbi.net/vb/showthread.php?t=35274
قيـــــوانيـــه
24-12-2006, 05:38 PM
تسلمين حبوبه على القصه والاغنيه الكشخه

بس احيد يدوتي تقول تطلع حق الريايل بس فمادري

ولا تذكرون وايد اخاف تطلعلنا
بنت المناصير
24-12-2006, 08:02 PM
مشكوورة اختيه على القصه الحلوووة

ونفس ماا قالت اختي القيوانيه ان ام دوويس تظهر حج الريايل بس

بس بعد زيغونا منها انها تظهر حج الي ما يرقدوون *_*
المــلاكــ
25-12-2006, 10:53 AM
تسلمين حبوبة على الاغنية والقصة الحلوة ..


لا تحرمينا يديدج ..

المــلاكــ مرة من هنا