اسمع لقلبك
27-07-2002, 05:57 PM
طبعا أنا أكتب هالموضوع مخاطبا طبقة الإخوان اللي ما عمرهم فللوا البنزين.. يعني حده يعبي كل يوم بعشرة : أقول وش رايكم في بيل جيتس ذا ؟؟ ما تلاحظون إنه قاهرني شوي ؟؟ يعني وش يبي يسوي بهـــــا ال 90 مليار دولار ؟؟؟ تدرون كم بالدرهم إنت وياه ؟؟ يعني أكثر من 337 ألف مليون درهم !! الله يخلف علي وعلى من سمع بس عمى !!! وش يبي يسوي بها الدراهم كلها ؟؟؟ يعني وشلون يعني ما تبوني أنقهر ؟؟ تدرون إنه لو يتقاعد من الحين ولا عاد يفكر يكسب كم يبي له علشان يطفر ؟؟ يبي له يصرف عشرة ملايين يوميا عشان يصير على الحديدة بعد 92 سنة !!!! لا هذا وأنا ما حسبت راتب التقاعد !!! وش ذا السباه ؟؟ أنتم معي ومتخيلين الموضوع وإلا أنطم بس !!!!؟؟؟ شكله ما هوب يفلل الموتر وبس .. شكله يشتري شيشة بنزين الموتر آآآآآآآآآآآآه بس آآآآآآآه .. كني أشوف مؤشر البنزين حقه ما عمره شاف ال E ولا قرب صوبها .. أصلا شكل سيارته ما لها مؤشر البنزين ... ما لها داعي يا عمي !!
نهاية المقــال
تعــــــليق : اللهم لا حســـــــــد !
نهاية المقــال
تعــــــليق : اللهم لا حســـــــــد !