شروق الشمس
11-07-2002, 06:57 PM
يقولون ان واحد اشترى عبد عشان يخدمه ويساعده لكن البايع كان يعرف الريال فقاله مب زين هذا ما بينفعك
قاله الريال : ليش اشوفه قوي وحمل الشغل !!
قاله البايع : لكن فيه عيب كبير .. وايد يجذب
قاله الريال: لا ما عليك مابخليه يدخل في البيت .. بيكون وظيفته بس في الدكان ويصل السامان عند باب البيت
وفعلا كان شغله في الدكان .. ويوم يوصل غرض للبيت يحط حذا الباب
لكن بوطبيع ماييوز عن طبعه .. فيوم سمع ان معزبه بيسوي صفقة يديدة مع شريكة .. فيوم شاف الشريك قاله ان معزبه يدبرله خطة عشان يخسره
طبعا الشريك اتغير على صاحبه وشريك تجارته وطلب انهم يلغون الشراكه اللي بينهم من غير مايقوله اسباب او مبررات ..طبا الريال خسر وايد من فض الشراكة .. وتم ايام متضايق ومهموم ..
وكان كل ما يشوف ولد من عيال معزبه يقوله ان ابوك يحب اخوك فلان اكثر منك .. ويقول للثاني ابوك يحب اخوك علان اكثر منك .. وهلم جر .. وتم كل واحد شايل في قلبه من ابوه واخوه حتى كثرت الخلافات في البيت .. وفي يوم وهو يوصل الغرض ما كان في حد في البيت فطلبت حرمة الريال انه يدخل الغرض وسألته عن ريلها .. فقال : هو دوم يظهر من الدكان ما دري وين يسير
طبعا الحرمة اشطتت ويوم رد ريلها سألته : وين كنت .. المسكين ما يدري بشي فقال الصدق ان كان بالدكان
المهم استوت بينهم مشاحنة بسيطة .. لكن الحرمة ساورها الشك .. فيوم طرشت على الخادم وسألته وين يسير ريلها .. فقال لها : مادري عطيني مهلة كم يوم وبرد عليح بالخبر اليقين ..
المهم رد عقب كم يوم وهو مألف جذبة وهو ان ريلها معرس حاط عينه على وحدة ودوم يسير بيتهم ويطلب رضاها .. فلما رد الريال البيت : بطلت السالفة وعصبت واستوت بينهم مشاحنة عودة .. وعقب ردت بيت أهلها .. فقالت الحرمة سالفتها حق ابوها وان الخادم هو اللي خبرها .. وطبعا الاخوان بعد كانوا شايلين من بعض وفسألهم اليد اذا الخادم وصل لهم كلام عن ابوهم فردوا بالايجاب
فسار اليد وخبر ابو العيال بأمر الخادم فتذكر الريال نصيحة البايع .. فقال :
يامن شراله من حلاله علة
وعلى طول ركبه سفينة عشان يرد بلاده وطلب من الركاب انهم يبلغون حاكم البلاد بسالفة جذبه عشان ما يشتغل عند حد ويسبب مشاكل ويهدم البيوت المستقرة والسعيدة
قاله الريال : ليش اشوفه قوي وحمل الشغل !!
قاله البايع : لكن فيه عيب كبير .. وايد يجذب
قاله الريال: لا ما عليك مابخليه يدخل في البيت .. بيكون وظيفته بس في الدكان ويصل السامان عند باب البيت
وفعلا كان شغله في الدكان .. ويوم يوصل غرض للبيت يحط حذا الباب
لكن بوطبيع ماييوز عن طبعه .. فيوم سمع ان معزبه بيسوي صفقة يديدة مع شريكة .. فيوم شاف الشريك قاله ان معزبه يدبرله خطة عشان يخسره
طبعا الشريك اتغير على صاحبه وشريك تجارته وطلب انهم يلغون الشراكه اللي بينهم من غير مايقوله اسباب او مبررات ..طبا الريال خسر وايد من فض الشراكة .. وتم ايام متضايق ومهموم ..
وكان كل ما يشوف ولد من عيال معزبه يقوله ان ابوك يحب اخوك فلان اكثر منك .. ويقول للثاني ابوك يحب اخوك علان اكثر منك .. وهلم جر .. وتم كل واحد شايل في قلبه من ابوه واخوه حتى كثرت الخلافات في البيت .. وفي يوم وهو يوصل الغرض ما كان في حد في البيت فطلبت حرمة الريال انه يدخل الغرض وسألته عن ريلها .. فقال : هو دوم يظهر من الدكان ما دري وين يسير
طبعا الحرمة اشطتت ويوم رد ريلها سألته : وين كنت .. المسكين ما يدري بشي فقال الصدق ان كان بالدكان
المهم استوت بينهم مشاحنة بسيطة .. لكن الحرمة ساورها الشك .. فيوم طرشت على الخادم وسألته وين يسير ريلها .. فقال لها : مادري عطيني مهلة كم يوم وبرد عليح بالخبر اليقين ..
المهم رد عقب كم يوم وهو مألف جذبة وهو ان ريلها معرس حاط عينه على وحدة ودوم يسير بيتهم ويطلب رضاها .. فلما رد الريال البيت : بطلت السالفة وعصبت واستوت بينهم مشاحنة عودة .. وعقب ردت بيت أهلها .. فقالت الحرمة سالفتها حق ابوها وان الخادم هو اللي خبرها .. وطبعا الاخوان بعد كانوا شايلين من بعض وفسألهم اليد اذا الخادم وصل لهم كلام عن ابوهم فردوا بالايجاب
فسار اليد وخبر ابو العيال بأمر الخادم فتذكر الريال نصيحة البايع .. فقال :
يامن شراله من حلاله علة
وعلى طول ركبه سفينة عشان يرد بلاده وطلب من الركاب انهم يبلغون حاكم البلاد بسالفة جذبه عشان ما يشتغل عند حد ويسبب مشاكل ويهدم البيوت المستقرة والسعيدة