المساعد الشخصي الرقمي

مشاهدة النسخة كاملة : ||~ سبحان من جعل المحبه بيننا . .. وفرقنا ~||



درام الحب
29-05-2006, 03:28 PM
حبيت احط بين اديكم قصتي . .. الثانيه . ..
وارجو انها تنال أعجابكم . ..
وهذي قصه . ..
اخذتها من واقع نعيشه . .. !!
وصغتها بأسلوبي . ..
وان شاء الله انها تعيبكم . .. وراح احط جزئين اليوم . .. .!!

أختكم . ..
. .. . درام الحب

عاد لا تحرموني من ردودكم اللي اطيب الخاطر . ..
وبأنتقاداتكم .. ..

http://www.uae4ever.com/vb/images/usersimages/4967_1148077914.gif


الجزء الأول .. .

الفصل الأول .. .

||~ الساعه 10 وربع صباحا ~||

".. . علايه تفر القلم على مهره . .."

مهره ^ تشوف وراها . .. وبصوت واطي^ : والخيبه شو عندج . ..؟!

".. . علايه تأشر على الدريشه . .. . وهي خايفه . .."

وضحه : الخام . .. الحين تفيج . ..؟! ياويلنا . ..
علايه : مهاري تصرفي فديتج . ..

".. . مهره وبكل هدوء وأدب عكس العاده ترفع أيدها . .."

المعلمه ^وهي تأشر للبنات ليسكتن^ : اللهم لا حسد . .. بنات أسكتن مهره بتجاوب . .. يلا حبيبتي . ..
مهره ^بخجل . .. واتشوف الارض وتحرك ريلها^ : أبله لو سمحتي . .. طال عمرج ممكن أطلع . .. شوي بس .؟!
المعلمه ^وعلامات التعجب ع راسها^ : لــــــــــيش .. . ؟!
مهره : زكريا برع . .. .
المعلمه : زكريا . .. ؟!!!!!!
مهره : راعي الكفتيريا . .. ^وتتكلم بسرعه^ . .. فديتج يا أبله بسرعه بسير قبل لا تشوفه الوكيله ما روم على عوار الراس . .. .
المعلمه : لا والله . .؟! . .. طالبين كفتيريا . .. .!! ليش ما تدرن أنه ممنوع . .. .!!!!
مهره : أبله لحظه لحظه . .. فديتج خذي نفس . .. . وقولي لا إله إلا الله . .. .
المعلمه : ومحمداً رسول الله . ..
مهره : والله بسرعه يا أبله بسير أعطيه فلوسه قبل لا تشوفه الوكيله . .. ما بتاخر فديتج رد الشان . .. والله نحن طالبينه الحصه الثالثه بس هو توه تفيج . .. شو ذنبنا نحن نموت يوع . ..
المعلمه : شو من قل الأكل اللي في المدرسه . ..؟!
علايه : والله أكل المدرسه يا أبله مب صحي كله دهن . ..
المعلمه : والكفتيريا الحين صحي طلع . ..؟!!!!

".. . تنش مهره تبا تحب راس المعلمه . .."

مهره : ابله والله توبه ما بنعيدها آخر مره . .. بس بسير أيبه . .. الشيمه علني فدأ خشمج . ..
المعلمه : سيري سيري كلتيلي جبدي . .. .

".. . ظهرت مهره من الصف مثل البرق . .."

علايه : الشيمه عاد يا أبله عن تخبرين علينا . ..
المعلمه ^تتنهد^ : الصراحه في حياتي ما مرت عليه دفعه مثل دفعتكم . ..
وضحه : لازم فيها الثلاثي المرح طال عمرج . .. .
المعلمه : يالله تعينا من هالثلاثي لي يرفع الضغظ والله . ..
علايه : افا يا أبله الا اسبوع تحملونا . .. ومن عقبه بنكون مثل الحلم مر عليكم . .. بتولهون علينا والله . ..
المعلمه : الا بنسوي حفله . ..
وضحه^تضحك^: أهم شي الهدايا والحلاوه . .. .

".. . أدش مهره الصف وهي تتنهد . .. لانها كانت تربع . .."

مهره ^بصوت متقطع^ : الـ . .. حمد . .. الله . .. محد شافنـ .. . ـي .. .
المعلمه : عساج أرتحتي بس . .. .؟!
مهره : مشكوررررره . .. علني فدا روحج والله أنج شيختهم يا أبله . .. . عل عيني ما تبكيج يالغالي . .. .
المعلمه ^محمره^ : خلي عنج هالواته ويلسي مكانج . ..
مهره : لواته . ..؟! . .. حرام عليج والله اني احبج يا أبله . ..

".. . المعلمه أستحت من حركات مهره. .."

البنات : أوه . .. أوه احمريتي يا أبله على لواتة مهره . .. ههههههههه . ..
المعلمه ^ عصبت^ : يلاااا . .. نرجع لدرسنا . .. وانتي يا مهره خلي الأكل عنج وأنتبهي . ..
مهره : من عيوني طاااااااال عمرج . ..

".. . رجعت المعلمه لتكملة شرح الدرس . .. أما مهره أندمجت مع الاكياس تشوف شو ياب وتخبر علايه ووضحه بالأشارات . .."

المعلمه : ومهره راح تجاوبنا . ..
مهره ^ تخلي الأكياس بسرعه ^ : ياويلي يا أبله توه الجواب هاه على راس لساني . .. صبري صبري شوي . .. ^ تمسك راسها . .. أونها تفكر ^. .. .
المعلمه ^ وهي تجدم عند درج مهره ^ : يلا يا مهره . ..
مهره : لاااااااااااااااااااا . .. .
المعلمه ^مستغربه^ : شو لاااا . .. ؟!
مهره : بتوطين نعمة الله يا أبله . .. !!

".. . البنات يضحكن عليها والمعلمه ما قدرت تمسك نفسها وضحكت على مهره . .."

مهره : والله العظيم والله . .. يا أبله أن السؤال بكبره طار من مخي . .. زيغتيني . ..
المعلمه : الله . .. الأكل يسوي جذا . .. ؟!
وضحه : وزوووووووووود بعد . ..
المعلمه : الله يهديكن بس . ..

".. . يدق الجرس وراحت المعلمه تجمع اغراضها . .. وتسبقها مهره وتظهر من الصف وتروح للحوض اللي قدام الصف . .. وتلحقها علايه .. ."

مهره ^ تزقر وضحه^ : وضحــــــــه . .. تعالي خذي سندويشج وعصيرج . ..
علايه : واااااااابوووووووويه . .. وين مالي . . .. ؟!
مهره : حزّزّزّن يالبطن . .. تريي شوي ما بيطير اكلج . ..
علايه : بسرعه أخافه يبرد أزيد . .. .
وضحه : عساااااااكن ما كلتن حلالي . ..
فاطمه ^عند دريشة الصف^ : وضاااااااااااحي . .. الجمس المنزّل يااااا . .. .
مهره : ويااااااااا خيبتي . .. شلن شلن الأكل . .. عن تاكلنااااا . ..

".. . مرت معلمة الكمبيوتر وشافت البنات بنظره وراحت . .."

فاطمه : عز الله ان الخبر وصل للمديره هالساع . .. .
علايه : أسكتي بطني يعورني أأأي . ..
مهره ^ تشهق^ : بنااااات . .. فيه حمى . .. اخ تس ااااح . .. احترقت . .. أحس انه بيغمى عليه . .. تلاحقني ودني عند النيرس . .. .
وضحه : عل أبويه ما يرد من العمره الحين . .. يارب انه يطول . .. قولن آآآمين . ..
فاطمه : هههههههه . .. حد قالكن تطلبن . .. .
علايه : اليوع . .. فيه صيحه . .. صخي عنا الشيمه . .. .
فاطمه : ههههههه . .. والله انكن تكسرن الخاااااااطر . ...
مهره : علااايه فجيني . .. أقولج فجيني خليني ارتكب فيها جريمه على الاقل يهزبونا على شي يسوى . .. .
علايه : لا والله فديتج انثبري مكانج . .. . خليها تولي . ..
فاطمه : هههههههه . .. فديتج يا مهاري والله انكن انتكه . ..
وضحه ^ تفر جوتيها على فاطمه^ : عنلاتج يالخاااااااااااااام . .. زولي عنا . .. .
فاطمه ^وتاخذ جوتي وضحه^ : تحلمييين تشوفين هالجووووتي .. . يا حلوه .. . ههههه . ..

".. . وتدش معلمة الرياضيات . .. وهي رائدة فصلهم . .."

المعلمه : السلام عليكم ورحمة الله وبركاته . ..
البنات : وعليكم السلام ورحمة الله وبركاته . ..
المعلمه : جلوووس . .. يلا بدي شوف الواجب . .. بسرعه بسرعه راح نص الحصه . ..
عايشه : حزّن ما تواحي . ..
فاطمه : عصر السرعه فديتج . ..
وضحه : يعلني ما حلمها . .. مركبه تيربو . .. ياويلي ما حليت الواجب بطني . ..
سلامه : نقلي بسرعه بدال الهذربه . ..

".. . قعدت وضحه تحل الواجب بسرعه والمعلمه واقفه عند راسها . .."

المعلمه ^ تشد أذن وضحه^ : بالله . .. مش حله الواجب . ..؟!
وضحه : أي .. . أي . .. أبله أنا بعطيج السبب بس أذني . .. أي .. .
المعلمه : أولي . ..
وضحه : يا أبله يلست البارحه أصيح ترى امي راحت مع الوالد العمره عاد اول مره يسافرون ويخلوني انا واخويه رواحنا ومحد عندنا . ..
المعلمه : بالله . .. روحي و وأفي وراء ^ وتضربها على ظهرها ^
وضحه : ان شاء الله . .. ^ بصوت واطي^ يالخاااام . ..

".. . راحت وضحه لتوقف وراء . .. وطبعا مهره وعلايه يضحكن عليها . .."

المعلمه : وليك وضَحه . ..
وضحه : نعم . ..
المعلمه : فردة الجزمه التانيه فيييين . .. !!!
وضحه : عند فاطمه . ..
المعلمه : فَطمه . ..!؟
فاطمه : والله هي ليش تفرني بجوتيها .. .؟!
المعلمه ^ معصبه^ : إيه ده أنا عما درس ابتدائي ولا تالته ثنوي . .؟! والله الاطفال ما بيعملو لي تعملوه آآآآيه ده . ..

".. . مهره . .. علايه . .. وضحه . .. زادت الحراره في اجسامهم . .. ومن الجهه الثانيه . .. المديره والوكيله داشات الصف . .."

المديره : السلام عليكم . ..
الجميع : وعليكم السلام ورحمة الله وبركاته . ..
المديره : اسمحيلنا يا أبله هنادي . .. بس بغيت البنات اللي طلبن الكفتيريا أين عندي الحين . .. هنا . ..
المعلمه ^ منصدمه^ : نعَــــــم . ..؟!
المديره : بناتج طالبات الكفتيريا . .. وما نعرف من طلب ألهم . .. لا يكون عندهم موبايلات . ..!
مهره : لا واااااااااالله يا ابله . ..
المديره : يعني أفهم كالعاااااااده الشله نفسهاااااااا . .. !!
مهره : آآآآسفين . ..
المعلمه : هو لاازززززم نلأء حل مع دي الشله الفاسده . ..
المديره : تعالن غرفتي الحييييييين . .. !!

".. . وبخطوات ثقيله . .. تطلع مهره ووراها علايه . .. وعقبهم وضحه بجوتي واحد . .."

الوكيله : وضحه وين الفرده الثانيه . ..؟!!!!!
وضحه : هذي أبله . ..

".. . وتفر فاطمه الجوتي على وضحه . .. وتلبسه . .."

المديره : لا والله . .. ودلاقات ملونه . .. والوان فاقعه بعد . .. !!!
الوكيله : مهره . .. اشوف دلاقاتج . ..
مهره : ابله والله ما عندي بيض كلهم ملونات . ..
المديره : مطقمات بعد . .. !!
الوكيله : ذاك اليوم لبستي ابيض عيل . ..!! يعني لازم نظهرج في الطابور عشان تلبسين دلاق أبيض .. .؟!
مهره : اخويه لبساه عباله ماله مال كرة القدم . .. !!
المديره ^معصبه^ : تعالن وراااايه . ..
علايه ^ بصوت واطي^ : يعدم الجمس المنزّل . ..

||~ في غرفة المديره ~||

المديره : سكرن البااب ورااكن . ..
وضحه ^بصوت واطي^ : شكلها بتسوي جريمه فينا . ..
مهره : أقطعي . ..
المديره ^أتنهد^ : يا بنات أنتن مب يهال . .. وتعرفن القوانين عدل . .. والله تعبنا ما نعرف شو نسوي معاكن . .. دوم انكلمكم بس تسمعون من هالأذن وتطلعون من الأذن الثانيه . .. والله ترى هذي مب حاله معاكن . .. ليش ما تحترمن قوانين المدرسه . . .. وخافو ربكم فينا . .. تعبتونا . .. دوم اطلعن النا بشي يديد . ..
علايه : والله يا مديره أن ملينا من اكل المدرسه . .. والله انه غش سم . .. ماشي زين أمره .
المديره : لا والله الحين الفايده كلها في اكل الكفتيريا . .. المهم .. . ابا أعرف كيف طلبتن من الكفتيريا . .. يا بنات أنا اعرفكن عدل قولن كيف . ..!! بس والله لو قلتن أن عند وحده منكن موبايل والله . .. بشوفن شي ما قد شفتنه منا . ..
مهره : شو موبايل الله يهديج . .. بعدهم اهلنا ما مسكونا موبايلات . . .. والله يبعد شر الموبايلات عنا . ..
المديره : ازين عيل كيف طلبتن . ..؟!
وضحه : الصراحه . .. أبله . .
مهره ^ تقطع رمسة وضحه^ : في أبله قلنا لها وطلبت ألنا . ..
المديره : ومن ذي الابله . .؟!
مهره : السموحه منج يا طويلت العمر ما نقدر أنقولج . .. !!
المديره : مهره . .. !!
علايه : ابله توبه والله اسفين ما راح انعيدها بس أسمحيلنا ما نقدر انقولج من ذي المعلمه . .. بس سامحينا وتوبه ما راح انعيدها . ..!!
المديره : يعني ما راح تقولن . ..
وضحه : لا . .. سمحيلنا . ..
مهره : ازين يا أبله مديره ان شا الله ان ذي بتكون اخر مره . ..
المديره ^ عيبتها ابله مديره^ : ههه . .. بس يا بنات بقولكن شي . .. دوم انبهكم بس انتن ما يفيد معاكن . .. فما بقى غير اسبوع من الدومات ارجو انكم ما تسون شي ثاني ولا والله ان راح انقصكم في السلوك . .. وعقب ما راح تقبلكم جامعه او كليه . ..

".. . الشله تنقز على المديره . .."

الشله : لا توبه ما نعيدها خلاااااااااااص ذي اخر مره . .. بس لا تنقصينا . ..
المديره : ترى هذا اخر انذار شفوي . .. وعقب بنقصكن من دون ما قول ألكن . ..
وضحه : فديتج والله ما بقى غير أسبوع قاصر يوم ومن عقبها بنكون أحلى ذكرى في حياتكن
المديره : واثقات ما شاء الله . .. يلا روحن صفكن . ..
مهره : ابله مديره . .. ممكن .. .؟!
المديره : شو .. . !
مهره : تعطينا ورقه تعفينا فيها عن هالحصه . .؟!
المديره : ليــــــــــش . ..؟
وضحه : هالابله بتاكلنا . .. والله . ..
علايه : هيه والله . .. ما بتخلي فينا عرج صاحي . ..
المديره : لا . .. سيرن وتستاهلن زود بعد . ..
مهره : ازين مع احترامي لج ما ياز تين الا في هالحصه . ..؟!!!
المديره ^محرجه^ : مهررررره . ..
وضحه ^ تير مهره^ : آآآسفين .. . آآآسفين مع السلامه ابله . ..
علايه ^تحب المديره على راسها بسرعه^ : سامحينا يا أم عبدالله . .. ^وتشرد^. ..
المديره : أأأأأأأأأأأأيه . ..
الشله : مع السلااااااااامه . ..
مهره : تغشن عن تشوفكن الشوزن الله يعدمها . ..
علايه : هيه والله . .. خلنا انروح الحمام انتعدل . ..

".. . وراحن الحمام . .. عشان يفتكن من حصة الرياضيات . .."

". .. دق الجرس للحصه السادسه . .. وراحن الصف .. ."

فاطمه : الشوزن ما رحمتنا باسألتها . .. لا وبعد بسبتكن فتشت شنطنا . .. ادور جان حد عنده موبايل . .. اوووف كلتنا . .. ونقصتكن درجات . ..
وضحه ^تتمصخر^: لا لا لا تقولين بموت صدق نقصتنا . ..!!!
مهره : ها ها ها عااادي تروم تنقصنا عشر . .. !!!
فاطمه : يالله يا برودكن . ..
علايه : آه مب محسوب ليش نهتم . ..؟!!!

".. . يت المعلمه وتخلت البنات ع الصف . .. ومرت الحصه على خير . .. اللي تكلم ربيعتها . .. واللي يتراسلن . .. ولي تكلم المعلمه تسولف معاها . .. ودق جرس الفسحه الاخيره . .. "

مهره : قومن نصلي ونروح وراء . .. والله مالي بارض اني أدرس English . .. أبله فاطمه غلسه بشكل وتكرهني . .. وانا مالي نفس لها . ..
علايه : هيه والله أنا بعد مالي نفس بعد هاليوم المثيرررر .. .
وضحه : اوووووف متى بنروح الجامعه ونشوف العالم بدل هالعالم المحصور . .. ما نروم نتنفس ع ر احتنا . ..
علايه : هيه والله نروح جامعة الشارجه . ..
مهره : لا فديتج انا بنتظرني مستقبل باهر في جامعة الامارات . ..
علايه ووضحه ^مستغربات^ : ليـــــــــش . ..؟!
مهره : أتبع ريحة نواري . ..
علايه : طفرتينا والله بـ هالنوره . ..
وضحه : شو هالربيعه اللي ما نعرفها ولا قد شفناها . ..
مهره : يوم انجح بأذن الله وعدتني أنها راح تيي حفلتي . .. وبعرفكن عليها . ..
علايه ^حزينه^ : يعني بنتفارق . ..
مهره : ما بيفرقنا غير الموت. .. عل عيني ما تبكيكن يا اغلى صحبه والله . .. .

". .. وصلن المصلى وصلّن صلاة الظهر . ..وعقب راحن وراء . ..عشان يشردن من الحصه .. ."

مهره^منسدحه على الكرسي^ : بنات عندي ألكن سؤال جوهري . ..!
وضحه : ههه . .. وبدت الأسئله الجوهريه . ..
علايه : وأنا أقول ثرها مب من الله يا يبتنا وراء الا عشان تسأل . ..
مهره : ههه . .. لا والله الا توه دار في راسي هالسؤال . ..
علايه : أوكي سألي . ..!!
مهره ^وهي تفتح قرطاسة المصاص مالها^ : شو يعني الكن الحب . ..!!
وضحه ^تتنهد^ : الحب سلطان . .. وسلطان كل الحب . .. فديته . ..
مهره : والله ما عندج سالفه تحبين اخويه . .. ما عرف شو ينحب فيه . ..
وضحه : فديته والله وفديت الحب العذري اللي بينا . ..
مهره : والله محد تعب من هالحب العذري غيري . ..
وضحه : يا لله فديت مرسال الغرام والله . .. يابوج بسج بسمي بنتنا الاولى على أسمج . ..
مهره : يالله فديتج عيل حبيه الا موتي فيه ما بقولج شي خلاص . ..
وضحه : ما يحتاي تقوليلي . ..
مهره : وانتي يا علايه وش يعني لج الحب . ..!!
علايه : اممم هو حلم حلو اللي يعيشه ما وده انه يقوم منه . .. بس الصدمه تكون كبيره يوم يتدخل القدر ويفرق بين الاثنين . .. ^تتنهد^ الصراحه ما جربتها وودي اجربه . .. لكن يا حسره من وين . ..!! ما طلع من البيت واهلي ما عرف عيالهم . .. ودي اعيش قصه حلوه مثل وضحه وسلطان . ..
وضحه : قولي الله يديم حبنا العذري هذا عن تحسدينا . ..
علايه : ههه . .. نا عندي سالفه احسدكم والله . ..
مهره : والله ما عندكن سالفه انتن الهنتين . .. مادل شوفيه الحب من زين . ..
وضحه : يلا يا دورج خبرينا . .. شو يعني لج . ..!!!
علايه : سمعينا ياللي عندج سالفه . ..
مهره : انا . ..!!!
علايه : لا يدتي العوره . .. !
مهره : أشوى تحريت بعد . ..
وضحه : قولي عن لا أفرج بجوتيه . ..
مهره : لالالا كله ولا الجوتي ما نروم على الريحه . .. ما تحملها . ..
وضحه : ههه . .. على الاقل أبرك من ريحة دلاقاتج المعفنات . ..
علايه ^تصرخ^ : يلاااااااااا قولي ياني الفضول . ..
وضحه : واااايه . .. صمختيلي اذني . .. عاد على شوه هالفضول . .. كالعاده يعني درر أبدا مالها داعي . ..
مهره : مــال امـــج انتي مـــالج داعي . ..
علايه : هههههههههه . .. وهذا احلى شي في دررها .. . ههه ..
مهره : خلاص هب قايله . ..
وضحه : ذليتي عارنا تراج قووووووولي . ..
مهره : ما واحالي اذلكم . ..!!!
علايه : فديتج قولي .. . عاد بسج مغايض . ..
مهره ^تكسر المصاصه^ : اوكي . .. اممممم ..
وضحه : يوم بتفيجين قوليلي
مهره : الحب . .. مثل شاب ماله داعي متكشخ وصلب السيجاره بين صبوعه . .. مسوي فيها نفسه ريال . .. ومن يشوف سواد . .. يركض وراه . ..
علايه : ما فهمت شي . ..!!
وضحه : يعني الحب اخرطي عندها . ..
مهره : صح يا حلوه الحب في هالزمن لا وجود له . .. احب . ؟! بحب ريلي بس . ..
وضحه : نعم .. . نعم . .. درر . .. درر
مهره : احم احم . .. يكفي يكفي تصفيق . .. ارتاحووو . .. اخجلتو تواضعي . ..
علايه : أمحق تواضع وخجل هالساع . ..
وضحه ^تنش من مكانها^ : شو رايكن نلعب كرة سله . ..؟!
علايه : يلا قمنااا . ..

".. . قعدن يلعبن تا ما خلص الدوام . .. وعقب راحن الصف وشلن شنطهم . .. وراحن وركبن سيارة قوم مهره . .. ووصلتهم لانهم في فريج واحد . .."

||~ في بيت بو سلطان ~||

(& تعريف بالعايله&)

! بو سلطان : رجل اعمال . .. طيب حنون . .. يحب عياله وما يرفض لهم طلب . .. لكنه مب دوم عند اهله بسبب ظروف شغله . .. واكثر وقته مسافر لأشغاله
! أم سلطان : عصبيه . .. ودوم أتحرطم . .. لكنهم يحبونها ويحبون عصبيتها . .. وهي تموت في ولدها سلطان . ..
! سلطان : وعمره 23 سنه ويشتغل في الشرطه . .. ويحب وضحه . .. وناوي انه يخطبها بس بعد ما تتخرج من الثانويه . .. وهو انسان حبوب ويحب يغايض مهره . ..
! مهره : صف ثالث ثنوي . .. ومغايضجيه . .. لكنها ما تحب تتأسف من حد . .. ودومها اتناقر مع اخوها سلطان . ..
! التوم بطي وعلي . .. اعمارهم 3 سنوات ونص . .. شياطين الارض راكبه في روسهم . .. ابد ما يفارقون . .. والعند راكب راسهم . ..

". .. مهره داشه البيت . .. وتفر جوتيها عند الباب والفرده الثانيه في الممر مع الشنطه . .. وتركض وتفر شيلتها عند الدري . .. وتمسك الصحن . .."

مهره ^تحط العيش في الصحن^ : يالله فديت طبيخ امايه والله اني اموت فيه . ..

". .. وتوها بتحط أيدها بتاكل . .. الا وينشل الصحن عنها . .."

أم سلطان : والله ما ذوقينه تدخلين وما سلمين اي مذهب هذا . .. ما حيد انج داشه على كفره . ..
مهره : فديت امايه أنا خلاص . .. ما بعيدها . .. السلام عليكم يا اغلى ام ^وتحبها على راسها^ . .. يلا هاتي الصحن يوعانه . .. اليوم ما كلت شي في المدرسه . . ..!!
أم سلطان : ماشي لين ما تسيرين وتغسلين ايدج بالصابون . .. ما خليتي شي ما مسكتيه . .. اسميني ما شفت حد اوصخ عنج بين ربعج . .. شو بيستويلج جان طالعتي عليهن . .. !!
مهره ^تغايض^: وهذا وهن يقولن اني طالعه عليج في النظافه . ..!
أم سلطان : واااااااايه مشيها عن خشمج انج طالعه عليه في شي . ..
مهره : هههه . .. فديت امايه انا ^تحبها ع راسها^
أم سلطان : مب عليه هالواته سيري غسلي أيدج . ..
مهره : ان شاء الله يالغناه .. .

". .. راحت الحمام لتغسل أيديها . .. وقبل لا تطلع سمعت سلطان يزقرها . .."

سلطان ^معصب^ : مااااااااهرررررررروووووووووووووه . ..
أم سلطان ^وهي مكانها^ : وظررررس وش عندك . .. ريت البيت . .. هاااه هاااه طالع السقف اشقق . ..
سلطان : وين هااي مهيررررررررررررررره . ..
مهره ^وهي طالعه ^: يالخااااااااااااام . .. انا مهره مب مهيره اززززين . ..

". .. وأول ما شافت سلطان ضحكت عليه . .."

سلطان : ضحكتي بلا ظرس ان شاء الله . .. زيم ما تكسرت . .. مول ما تعرفين ترتبين أغراضج . .. ؟!!
أم سلطان ^وهي طالعه عندهم^ : وااايه شو بلاك غناتي . .. شلّه ميلس على الرخام نش بتبرد . ..
مهره : نش بتبرد يادلوع الماما . ..
سلطان : آآآه يالغيريه . ..
أم سلطان ^محرجه^ : بدال هالهذربه الزايده نشوووو وتغدو قبل لا يبرد الغدا . ..
مهره : من عيوني يالغويلي . ..
أم سلطان : انتي ردي وخمي قشارج . .. وحطي كل شي في مكانه . .. كم بعلمج انا . .. وسيري وبدلي ثيابج ويبي خوانج من فوق . ..
مهره : خيبه خيبه . .. كله هذا مره وحده تبيني اسويه . ..؟! لاحقه عليه عقب الغدا . ..
أم سلطان : سيري عن لا أرقص العصا عليج . ..
مهره : ازين خلاص خلاص فديتج هب زينه العصبيه عقب بينطر لج عرج . .. فديتج انا مالي غير امويمه وحده اذا ما سمعت رمستها بسمع . .. ..
أم سلطان ^ تقاطع مهره^ : صه صه . .. سيري ويبي خوانج . ..
مهره : أخ ويهي . .. ان شاء الله يا مايه . ..

".. . وهي رايحه سلطان مد ريله وطاحت مهره . .."

مهره : أأأأأأأي يالخاااااااااااااام . .. يا مسود الوووويه . ..
أم سلطان : سيري عن لا انش لج ألحين . ..
مهره : أزيــــــــــــــــــن . ..

". .. سلطان يضحك على اخته وما يقدر ينطق بحرف . .. وام سلطان محتشره عليهم . .. وراحت مهره وبدلت ثيابها . .. وشافت علي وبطي قاعدين يلعبون بلاي ستيشن وكل واحد منهم يسب الثاني . .. سكرت عنهم التلفزيون . .. وسحبتهم غصب . .. وهي ما خلوها بحالها قعدو يضربونها لكنها شدت على اذونهم ونزلتهم غصب . .."

علي وبطي : امايه شوفي مهيره . ..
مهره : يالكلاااااااااااااااااب . .. أنا مهره بلا فارس عجز من يروضها . ..
أم سلطان : شو . .. ما سمعت . . .
سلطان : تقول . .. ..

". .. مهره تحط لقمة عيش في حلج سلطان عشان تسكته ما تروم على حشرة امها . .."

||~ في بيت بو سعيد ~||

(& التعريف بالعايله&)

! بو سعيد : شايب مريض . .. وكل شهر يروح الهند يتعالج . .. يلسته في الهند اكثر من يلسته في بلاده . .. خطر ما يعطونه الجواز . ..
! سعيد : عمره 22 في كلية زايد في بوظبي . .. وما ينزل الا الاربعاء و الخميس ويرجع بالجمعه . .. يحب اخته علايه واااااايد . .. ويخاف عليها من كل شي . ..
! فاطمه : وعمرها 24 سنه في جامعة الشارجه تدرس . .. وايد تغار من علايه لانها احلى منها . ..
! علايه : مع مهره ووضحه في الصف . .. وحيده في البيت ما عندها حد تشكي له همومها اختها لاهيه عنها في دراستها . .. وما تشوف امورها . .. واخوها ما ينزل الا يومين في الاسبوع . .. اما ابوها ما يعرف شي عنها . .. .
! اما ام سعيد : لا خبر عنها ولا شي . . بعد ما يابت علايه . .. بو سعيد طلقها وخذ العيال عنها . .. ومنعهم من زيارتها . .. وهم تعودو على هالحال . .. فـ عتبرو فاطمه كأم لهم . ..

". .. كالعاده . .. الجو هادي في البيت محد يعرف عن الثاني . .. فاطمه من ترجع من جامعتها تروح وتنام . .. اما علايه . .. تغدت . .. وقررت انها تبدى وتذاكر للامتحانات . .. راحت لغرفتها وفتحت كتاب الدين . .. وقعدت تفكر . .."

علايه ^تفكر^" آآآه . .. نحن ليش مب عايشين مثل العالم . .. والله ما حب هالبيت أحس انه أيب لي الكأبه . .. ياليت فاطمه تخليني أبات في بيت عمتي رويه *ام سلطان* . .. عشان أذاكر مع مهره . .. هالبيت ما يب الا الكآبه . .. اووف متى بيي الاربعا وينزل سعووود والله محد مسوي نكهه في البيت غيره . ... فديته . .. أحسلي اسير واكل حبتين منوم أرقد لين باجر عشان ايي بسرعه وفتك من هالبيت الكأيب . ..

||~ في بيت بو حمد ~||ط

(& تعريف بالعايله&)

! بو حمد : ماخذ 2 وحده متوفيه والثانيه ام حمد . .. وعنده 3 اولاد وبنتين من حرمته الأولى المتوفيه . .. وكلهم متزوجين . .. وينفذ لوضحه كل طلباتها ويحبهم عياله مثل كل اب لكنه يقعد عند عياله اللي من حرمته الاولى اكثر لانه هناك اقرب لشغله . ..
! أم حمد : راعية سوالف وعلوم والكل يحبها . .. بس لو عصبت الله يعين اللي بيطيح في لسانها . ..
!وضحه : وهي مع قوم مهره وعلايه . .. ووايد تحب اخوها حمد . .. ودومها اتناقر ويا امها . ..
!حمد : عمره 7 سنوات . .. ولين اليحن ما يتكلم لان نموه بطيئ . ..

أم حمد : وضيييييح . .. تعالي غدا . ..
وضحه : ازين صبري شوي . .. لا تخلصين الصينيه عني عاد . ..
أم حمد : امره لا تحاتين جان تاخرتي دقيقه زياده ما بتلقين شي تاكلينه . ..
وضحه^تربع^ : لالالا كله ولا الاكل . .. هذيه هاه يت فديتني . ...
أم حمد : سمينا عيل . ..
وضحه : بسم الله . .. عيل حمد وين . .. ؟!
أم حمد : حشرني . .. غديته ورقدته . ..
وضحه : أمي . ...
أم حمد : هــاه . ..
وضحه : متى بنروح بوظبي عند خواني . .؟!
أم حمد : الله يطولج يا روح . .. جانج تبين اسيرين خلي حد من خوانج ايج وياخذج . .. انا مابا اسير هناك . ..
وضحه : انتي ليش جذا حارمتني من اخواني والله . .. متولها عليهم وكل ما يدقون يلوموني . .. والله قمت استحي ارد عليهم ... الشيمه وديني ولو يوم بس .. .
أم حمد : أقول لا تميلي جذي . .. يوم هم يلومونج شلّه هم ما يون عندج . .. ؟!
وضحه : والله انا وحده خفيفه ولا هم وايدين . ..
أم حمد : خلاص خلاص اوعدج اني في الاجازه انسير ونبات عندهم بعد بس فكيني من حشرتج . ..
وضحه : فديت روحج . .. علني فدا خشمج والله يا اغلى ام . ..

||~ في بيت بو سلطان~||

". .. المساء . .. الساعه 9 . .. مهره تمسك سماعة التلفون . .. وتضرب الرقم . .. *******\050 . .."

مهره : أوووف ليش محد يرد . .. برد ادق مره ثانيه . ...

".. . وتجرب تتصل مره ثانيه وثالثه ورابعه . .."

مهره : أووووف شو السالفه . .. أخاف شي صاير . .. ياويل حالي شو هالحاله . .. احسلي أسير أرقد دام ان ياجوج وماجوج محد . .. .

".. . وقبل لا تروح مهره غرفتها يدق تلفون البيت . .."

مهره^في خاطرها^: يالله فديت هالرقم وراعي هالرقم والله . ... ^وتشل السماعه^

درام الحب
29-05-2006, 03:40 PM
الفصل الثاني . ..


مهره ^ تقول العباره^ :صبرت عليك . .. بس كَــــــافي . ..
نوره : ياللي زدت القلب اجراحه . ..
مهره : ههههههههههههه . .. حلو حلو .. . حفظتي الدرس . ..
نوره : عدَل . ..
مهره : هاه . .. شو علومج . ..
نوره : علوم الخير من صوبكم العلوم . ..
مهره : العيال ادبي . .. ما عندهم علوم . ..
نوره : ها ها ها يامسخفج . ..
مهره : فديتج من عاشر القوم 40 يوم صار منهم . ..
نوره : هيه والله خذت فديتني شوي من سخافتج . ..
مهره : اقولت تعالي تعالي تعالي . ..
نوره : هاه يت يت يت . ..
مهره : اظني صاحبة السمو مهره بنت خليفه .اتصلت لج فوق الثلاث مرات . .. ليش ما رديتي على جلالتتها . .. !!!
نوره : خر خر خر . .. وين يايه . ..
مهره : والله ما سويت خير يوم علمتج خر . .. الحين ع كل كلمه خر . .. يالله تعينا . ..
** خر : تنقال عند يوم تبا تحوش الحمار . .. .
نوره : والله كنت اخذ دُش . .. وحظرتج خربتي عليه . ..
مهره : امممم . .. يوم توج ماخذه دش عيل شلّه الريحه واصله عندي . . ..
نوره : لا والله . .. روحي يا شيخه . .. اول شي اسمه دُش دُش مش دش شو هالدفاشه .. .. خلج شوي رقيقه . .. الله يعين اللي بياخذج والله . ..
مهره : احم اح . .. فديتج اللي بياخذني ياحظه يبوس ايده . ..
نوره : عشتوو . .. عشوه ان شاء الله . ..
مهره : مب ماخذ اي بنت ماخذ مهره هو . .. 1% منها في الكون . .. نادر وجودها . .. طال عمرج . ..
نوره : ووااااااااااااايه . ..
مهره : اقولج من الصبح ابا اقولج شي . ..
نوره : شو . .؟!!!!!
مهره : سمعتي المثل اللي يقول . .. ياشين الشد على المصري .. .
** المصري = الحمار . ..
نوره : هيه .. . شو بلاه . ..
مهره : اوكي حلو . .. هذا اقوله لج . .. يا اختي ارمسي رمستكم ما في داعي تخلين عمرج ابدويه وانتي اخرطي . ..
نوره : اووووووي . .. رمستنا . .. ليش من وين انا .. ؟!
مهره : مادري بس سمعت انهم مهربينج في طراد . ..
نوره : لا فديتج اماراتيه بطن و ظهر . .. مب نفس غيري . ..
مهره ^تنادي امها ^: اماااااااااااااااااااااااااااااااااااااااااااااااا ايه . ..
نوره ^بهدوء^ : مهاري شو تبين امج . . .؟!!!!!!!!!
مهره : ماشي فديتج . .. لا تخافين . .. بس بقولها انج سبيتيها . .. !!!
نوره : ياويلي والله اسفه توبه توبه . .. ما عيدها . ..
مهره : هيه جذي اباج . .. ما يحتاي اخبرج عن لسان بنت صبوووح . ..
نوره : لا امره لا تخبريني . .. صميت الدرس . ..
مهره : هههه . .. فديتج . ..
نوره : مهاري انا بخليج . .. اخاف زله ثانيه واشوف اهلج كلهم عندنا وعاد سلطان بسلاح . ..
مهره : ههههههههههه . .. لا لا تخيلي امايه مسويه فيها نينجا . .. . ..
نوره : ههههههههههههههههههههههههه . . . حسبي الله عليج . .. هذي امج هههه . ..
مهره : بس تشبيه خطير والله قاعده اتخيلها وهي تسوي حركات النينجا . .. عاد تخيلي حاطه شيلتها السودا . .. ع راسها ومثبتنها بحبل على يبهتها مربوط. .. والبرقع االكحيان هههههههه . ..
نوره : مهره بس عاد ههههههههههههههه . .. اي بطني . ..
مهره : والزنوبات الخضر . .. عاد مسكتات
نوره : وضربة الزنوبه الحلزونيه هاه . .. ههههههههه . ..
مهره^بجديه^ : ايه هذي امايه لا تخليني اسير اخبرها . ..
نوره^تلومت^ : مهاري شو بلاج . .. !!! تونا نضحك . ..!!
مهره : صادووووووووووووووه هههههه . ..
نوره : حسبي الله عليج يالخاااااااااااااامه . .. اقولج شي يلا باي باي . ..
مهره : افا ومهب افا . .. زعلتي . ..!!
نوره : هيه . ..
مهره : اون . .. دو . .. ستري . .. هيلا يارمانه . .. والحلوه زعلانه . .. منو هو يراضيها . .. انا اراضيها . .. عاشوووو . .. سرى سرى سرى . .. وع قولة عيضه اربع اربع . .. يلا يلا .. .
نوره : الحمدالله والشكر . ..
مهره : رضيتي . ..
نوره : غصبا عني . .. بس اقول صدق بسكر . .. بكره دوام عندي . .. .
مهره : ياهذي ما سنة . .. ديايه . .. هب ادميه . ..
نوره : هههههههه . .. اتحرين العالم شراتج . ..
مهره : لاء لاء حنا منكم وشرواكم . ..
نوره : هههههههههه .. . يلا قود نايت سيس . ..
مهره : قود نيت . ..
نوره : مشكله البدو . ..
مهره : احمممممم عندج مشكله مع البدو . ..!
نوره : لا فديتهم ما عندي . ..
مهره : هي والله فديتهم ينحطون ع الجرح ويبرى . ..
نوره : واثقه الاخت . .. اوكي باي باي قبل لا انهزب . ..

". .. تسكر نوره على ويه مهره . .. قبل لا تطلق مهره مدافعها . .. لدفاع عن البدو . .. وترد مهره وتتصل لها . .. بس حصلت موبايلها مغلق . .. مهره . .. يوم كانت صف ثنوي تعرفت على نوره . .. عن طريق وحده . .. من الاهل . .. وعاد مهره تعلقت بنوره ونوره نفس الشي . .. وما يمر يوم ما يكلمن فيه بعض . .. كانن مع بعض على الخير والشر . .. وابد ما يزعلن . .. على بعض . .. كانن مثل اخوات واكثر . .."

||~في سكن جامعة الامارت~||


". .. تو نوره بتوطي راسها عشان ترقد . .. الا تسمع حد يدق الباب . .."

نوره ^ بصوت عالي^ : راااااااااااااقده . ..
ايمان : كوره . .. فتحي الباب .. . عن لا اكسره . ..
نوره : خيبه خيبه . .. انتي شو يابج . .. هالوقت . .. ^ وتروح تفتح الباب^
ايمان : حشى شو رقاده الحين . ..!!!
نوره : والله تعبانه ابي ارتاح اليوم مشيت عدل ولا تنسين الحَر . .. ارحميني . ..
ايمان : والله ملل . ... شوتبيني اسوي عشان ارحمج . . .!!!
نوره : ماشي بس اللهم حبيني على يبهتي . .. وقوليلي نوم العوافي . .. وجلبي ويهج . ..
ايمان : اوكي فديتج . .. يلا حياتي ... رقدي . .. هوه هوه . .. صبري بلحفج عدل . ..
نوره : هيه توج فديتج والله . ..
ايمان : وين ابوسج ع يبهتج . ..!!
نوره ^بدلع^ : هيه . ..
ايمان : إن شاء الله حبيبي . .. بس قبل نوره . .. انا يايبه لج هديه . ..
نوره : المناسبه . ..!!!
ايمان : يوم ميلادج . ..!!!
نوره : والله . . .!!! كم التاريخ اليوم . .. !!!
ايمان : 27 \ 5 . ..
نوره : هيه والله نسيته . .. .وين وين الهديه . ..!!!
ايمان : فديت روحج

". .. تقوم ايمان وتبوس نوره وتعطيها هديتها . .."

ايمان : كل عام وانتي بخير يالغاليه . ..
نوره : وانتي بألف خير . ..
ايمان : أووكي انا بروح غرفتي . .. نوم العوافي وان شاء الله تعيبج الهديه . ..
نوره : وانتي من اهله حياتي مشكوره والله ما كان في داعي اتعبين روحج . .. !!
ايمان : فديتج حبيت اني اكون اول وحده تهديج . .. وهديه ما قد حد هداها لج . .. والله لو ادلين بس بمعزتج عندي يا نوره . ..
نوره : فديتج والله . ..
ايمان : يلا قود نايته . ..
نوره : وانت من اهل النايته .. ..

". .. راحت ايمان وما سكرت الباب ووقفت وراه اتريا نوره . .. ونوره فرحانه راحت تفتح العلبه . .. وشافت كله ورد وورق محطوط بشكل حلو ومرتب وريحة العلبه وايد حلوه . .. حطت ايدها ادور شو يابت لها ايمان . .. وتمسك شي . .. فرحت نوره . .. فغمضت عيونها عشان يوم تظهره تشوفه . .. بس حست بشي غريب . .. ومن فتحت عيونها . .. صرخت صرخه هزت المبنى كامل .. . وتدخل عليها ايمان وهي تضحك . .."

نوره : الله يغربلج يعل العين ما تنظرج يامن زيغتيه . .. يالخاااااااااام . .. اكررررررررهج . ..
ايمان : ههههههههههههههههههههههههههههه . .. صادوووه رديتها ولا مارديتها . . هاااااه . .
نوره : يالخااااام . .. والله انج طفسه عاد ما لقيتي غير خنفسانه . .. !!!
ايمان : والله تعبت وانا ادورها . .. واخر شي جذا تقولين . . .!!! افاااااااا . ..
نوره : والله انج حمااااااره . .. وانتي لين الحين تذكرين ذاك المقلب . ..
ايمان : هههه اخبار نبض قلبج . ..!!!
نوره : لاتسألين حسبي الله عليج . .. والله انج جلبه . ..
ايمان : الحين حددي حماره ولا جلبه والله احترت معاج . ..
نوره^ وتفر ايمان بالمخده^ : طلعي من غرفتي وطلعي حشرتج معااااااااج . ..
ايمان : افا الهديه ما تنرد ههههههههههه . ..
نوره : والله لظهرينها يالوهف . ... والله تعبانه حرام تسويبي جذا . ..
ايمان : والله انج كسرتي خاطري . .. خلاص بشلها وبظهر ههههههه . ..
نوره : احسن شي بسوينه . .. شكلي برد اخذ دُش من اول ويديد . .. احس بوصاخه . ..
ايمان : ياويلي عليج يالنظيفه . ..
نوره : احس جسمي ينمل . .. بسبتج الله يعثرج يالحماره . ..
ايمان : هههههههههههههههههههه . .. حليلج والله . .. يلا قود نايت . ..
نوره : قود نايت . .. وانتي اصلا ايي قود من وراج . ..
ايمان : ههههه . .. عشان ما تنسين هاليوم طول حياتج . ..
نوره : اقولج سكري الباب سكرررررري . ..
ايمان : جاوووووو . ..

".. . تروح نوره وتسبح من اول ويديد . .. لانها تكره شي اسمه خنفسانه . .. وايمان راحت وخبرت البنات في الغرفه . .. وعقب ماخلصت نوره نامت . .."

||~في بيت بو سلطان~||

". .. تلبست مهره ثياب النوم . .. وراحت عند التسريحه . .. عشان تمشط شعرها . .. وشوي تسمع صريخ . .. وضرابه ع ضحك . .. نزلت شوي شوي تتاكد عن يطلع حد ما تعرفه . .. وعقب شافت بطي . .. فنزلت بسرعه . .. وانصدمت من اللي شافته . .."

مهره : أأأأأأأأأأأيه . .. علي منو سوابك جذا . ..!!
بطي ^داق الصدر^ : اناااااا . ..
مهره : حسبي الله عليك . ..

".. . وتروح عند علي تحاول تظهر قوطي النيدو من راسه . .. بس خافت انها تجرحه . .."

مهره ^ خايفه ^ : علاوي . .. لا تيره صبر بزقر امايه وسلطان . ..

".. . وتروح مهره وتتصل لامها . .."

مهره : امايه وينج . ..
ام سلطان : وظرس العرب تسلم قبل . ..
مهره : امايه بطي حط قوطي النيدو في راس علي والحين ناشب تعالي . ..
ام سلطان : يالقعتي . .. يلا يايه . .

".. . وتسكر التلفون على ويه مهره . .. وتقول لأم حمد ووضحه . .. لانها كانت عندهم . .. وسارن معاها للبيت . .. ومهره اتصلت لسلطان وخبرته وقال انه بيي . .."

ام سلطان : وينه وليدي . ..!!!
مهره : في الميلس خليته ييلس . ..
وضحه^ترمس مهره^ : شو السالفه . ..
مهره : مادري كنت في حجرتي . .. وسمعت صريخ على ضرابه على ضحك . .. يوم نزلت لقيت علي يصرخ ويضراب بيديه ولا يدل وين يسير وبطي يضحك عليه . ..
ام حمد : حطي كريم والشيله عالحدود عشان ما ينيرح . ..
مهره : بسير ايب كريم . .. !!
ام سلطان : هاتي فكس . ..
وضحه :هههههههه . .. شو فكسه الله يخليج . ..
ام حمد : هاه . .. الحين بيطلع راسه . ..

". .. الا سلطان داش . .. وكان مسرع . .. ووضحه من شافته . .. وقف قلبها لانها ما توقعت انها تشوفه . .. وهو ما نتبه لها . .. وراح عند علي . .. ويلس يحاول انه يظهر راسه من القوطي . .. ويتهم مهره وكان الكريم بيدها . .. لكن سلطان راح وخرس الشيله بالماء وحطها على الاطراف . .. وحاول انه يظهر راسه . .. لين ما ظهر . .. ولقووو ويه علي احمر مستوي طماطه . .. ام سلطان من الخوف . .. حظنت ولدها ويلست وكان عرقااااان . .. شعره منفوش . .. سلطان اخر على وراء ويلس يضحك . .. على شكل اخوه . .. بس يوم التفت عشان يعطي مهره القوطي . .. انصدم ان اللي عداله وضحه مش مهره . .. فرتبك . .. وما عرف شو يسوي . .. ما قدر يشوفها . . .. لانه طبعه خجول . .."

سلطان ^في خاطره^ : يغربلج يا مهره ما خبرتيني .. . اصلا كانو في حاله وين تخبرني . .. يا ويلي . ..
ام حمد : سلطان ليش واقف تعال ويلس . ..
سلطان : هاه . .. يلا . .

". .. كانت ام حمد تعرف انها بنتها تحب سلطان وان سلطان يحبها . .. وكانت مستانسه ان سلطان اللي بياخذ بنتها . .. لانه قريب والباب بالباب لانها ما تبا بنتها تروح بعيد عنها . .."

سلطان : مهره صبي قهوه . ..
مهره : فالك طيب يا بو خليفه . ..

".. . وصب مهره القهوه وتعطي سلطان . .."

سلطان : عنبوه شو هالمذهب . .. عطي الضيوف قبل . ..
مهره : واااايه ما شوف ضيوف انا . .. كل واحد يروم ويمد ايده . .. ويصب بروحه . ..
سلطان : مهيررررره . ..
مهره : والله تحلم اني اصب لك قهوه . ..
سلطان : غيرج بيصبها . .. يعني محد غيرج . ..!!
ام حمد ^ بلعماله تغايض بنتها^ : وضحه صبي قهوه حق سلطان . ..
وضحه ^ في خاطرها ^ : وهذا وقته المغايض . ..!!

". .. تقوم وضحه وتشوف امها بنظره . .. وام حمد تضحك عليها . .. وعلى سلطان وتشوفهم . .. وضحه وتصب القهوه لسلطان . .. وتعطيه وكانت ايدها ترتجف . .. وسلطان كان اخس عنها . .. لان ما كان قصده ان وضحه تصب له القهوه . .. وكانت ويوهم مستويه طماط . .. من شدت الخجل . .. ومهره خلاص ما قدرت تقبض روحها وهي تشوفهم . .. ومحد غير ام سلطان اللي كانت زي الاطرش في الزفه . .. ما تعرف ليش مهره تضحك . .."

ام سلطان : وااااابه . .. شو بلاج تضحكين جذي . .. ترى يقولون اللي يضحك بدون سبب كله من قلة الادب . .. وعزالله ان الادب امره ما طاحج . . ..
مهره : ههههههه . .. فديتج يا مايه . .. اضحك على سلطان . .. ما شوفينه كيف احمر .. . غدى هو وغترته واحد . ..
سلطان ^في خاطره ^ : هييييييييين يا ام الريش .. .^ ويشوفه بنظره سكتتها^
وضحه ^ في خاطرها ^ : عنلاتج يالخام . .. بشوفين . ..
ام حمد : مهره . .. صبيلي شاهي . ..

". .. كانت ام حمد تبا تغير السالفه عن تقول شي زياده ام سلطان . .. ومهره كان قصدها انها تغايض سلطان . .. لانه اليوم طرحها . .."

ام سلطان : دواج من يرقص العصا على ظهرج يا مسودة الويه شو ياينج على اخوج . ..
مهره : هيه البجر عاد لاحد يقوله شي . .. ههههه . ..
ام سلطان : والله انه محد بيب لي الضغط غيرج . ..
مهره : افاااااا . ..

". .. ام حمد تشوف وضحه . .. ووضحه كانت تسوي لها حركات عشان يروحن لان ويها محترق . .. وسلطان كان موخي ويفكربوضحه و متلوم منها . .. اما مهره ولا عليها من حد . .. مسويه طاااااف لكل شي . .."

ام حمد : يلا عاد وضحه نشينا . .. بنروح
سلطان : يالسين . .. !!
ام حمد : عاد البنات وراهن دوام باجر . ..
ام سلطان : يلا فديتكن ما يلستن . .. !!
مهره ^ تغمز لوضحه^ : وضاحي باتي عندنا . ..!!!
وضحه : الا عندج هب بايته . ..
مهره : ازين انا قلت عندنا هب عندي . .. ههههههه . ..
وضحه ^ تهمس لمهره^ : هيّن يالخام . ..
مهره : ادريبج فرحانه . .. هههه . ..

". .. وسلطان عينه عليهن يبا يعرف شو يقولن . .. مهره شافت سلطان فخذت وضحه في الممر عشان سلطان ما ييلس يطالع . .. فنقهر منها . .. كان وده انه يجتلها من زود القهر .. وهي مستانسه لانها تعرف ان هو منقهر . ..وعقب سارت مع امها عشان يوصلون ام حمد ووضحه . .. منها توصيله ومنها يتمشون شوي . .. اما علي نسوه وكان راقد في الميلس ولا حد انتبه له . .. لانهم مب متعودين على هدوءه فالكل عبالهم انه راح مع بطي يلعبون فوق . .. راح سلطان يبا يقفل باب الميلس الا شافه راقد . .. وكان شعره نازل على ويهه وعرقان من زود الحَر . .. فتقرب منه . .. وشله ووداه فوق حجرته . . .ولقى بطي زعلان . .. "

سلطان : بطوي حبيبي شو فيك . ..!!
بطي : ماشي . ..
سلطان : قول عن الدلع . ..
بطي : هذي مهيره هزبتني . ..
سلطان : يلا عاد عشان هذا . .. وانت لي سويته شويه . ..!!
بطي : شو . ..!!!!!
سلطان ^ يقول في خاطره^ : اوف نسيت انه غبي . .. ^ ويلس سلطان عداله ^ . ..
حبيبي . .. انت ليش تحط القوطي في راس علي لو الحين مات . ..!!
بطي : ليش بيموت . ..!!
سلطان: ترى هواء ما بيه . ..
بطي : الحين هو مات . .
سلطان : عوذبالله .!! .. لا حبيبي الحين راقد تعبان . ..
بطي : هيه . ..
سلطان : خلاص حبيبي لاتزعل بسبب مهيره . .. انا بنازعها ازين . .. بروحي محتر منها . .. اوووف . ..
بطي : ازين . ..
سلطان : يلا ارقد . .. فديتك . .

" .. . سلطان باس بطي وراح عنه الصاله يتريا مهره . .. وبطي راح عند سرير علي . .. وباسه على خده ولوا عليه ونام عداله . .. مهره وام سلطان وصلن البيت . .."

سلطان : مهيررررررررره . ..
مهره ^ في خاطرها ^ : خيبه هذا شو يسوي مارقد .. . الله يعني . ..
مهره : عيون مهره مب الا مهره . .. امر تدلل فديت روحك . ..
سلطان : تعالي فديت روحج . .. تعالي همزيلي ريولي . ..
مهره^ مستانسه انه مب مضيق عليها^ : من عيوني يا بو خليفه . ..
سلطان : فديت اختيه انا . .. يبي الكريم وفركي ريولي فديتج . ..
مهره : ان شاءالله . ..
ام سلطان : يعلكم دوم جذي متوالفين . ..

". .. راحت مهره ويابت الكريم ويلست تفرك ودلك اريول سلطان . .."

ام سلطان : يلا عاد تصبحون على خير . ..
سلطان : وانتي من اهله يالغناه . ..
مهره : نوم العوافي يا قمر . ..

". .. من ظهرت ام سلطان . .. ضرب سلطان مهره بريله على ويها . .. وصرخت مهره صرخه . .. "

مهره : يالخااااااااام لساااااااااني . .. يعلك السم عضيت لساني . ..
ام سلطان : حسبي الله عليكم واحولي اوصل حجرتي . .. ما صدقتو جنكم الا عشان تضاربون . ..
سلطان : فديتج يا مهاري . .. كنت بس ابا اعدل ريلي . ..
مهره : والله انك جذاب والله انك قاصد . ..
سلطان : افا . .. يا ختيه . .. انا اقصد اني اضربج . ..!!!
ام سلطان : بسج بزا اخوج مب قاصد . .. ليش اصيحين . .. سيري غسلي ويهج . ..
سلطان : هيه . .. انا مب قاصد . ..

" .. مهره دمعت لانه كان لسانها يعورها . . "

مهره : والله انك خام . .. يلا تصبحون على خير . .. وانت تحلم اني ادلك لك ريلك غير هالمره . سلطان : يا هذي حاله انا مب قاصد ^ ومناك سلطان فرحان لانه كان قاصد ^ . ..

" .. راحت مهره عنهم غرفتها . .. راحت وغسلت ويها ... وشافت ان دم في لسانها . .. تمضمضت كذا مره . .. وراحت تنام . .. وكان يعورها . .. لكن فوق هذا كانت فرحانه . .. لانها قهرت سلطان . .. وسلطان تلوم يوم شاف دموع مهره . .. لكن يكابر ومخلي ان الامور عادي . .. وما تاسف لها .. . وام سلطان راحت غرفة بطي وعلي . .. ولقت ان بطي حاط ريله في ويه علي راحت وعدلتهم . .. وستغربت انهم نايمين ع سرير واحد بس خلتهم . .. ولحفتهم . .. وراحت غرفتها ترقد . .. اما سلطان الوحيد اللي ما نام لانه كان يفكر باللي صار اليوم . .. وستانس على وجود وضحه . .. وضحك على الموقف اللي صار . .. وكيف ان ايدها كانت ترتجف . .. وقرر انه يقول لابوه انه يبا يخطب وضحه بعد الامتحانات . .."


||~ في بيت بو سعيد ~||

" .. . الساعه 12 ونص فاطمه . .. تاخذ التلفون وتروح الصاله ترمس فيه . .. علايه نشت . .. وفتحت باب غرفتها . .."

علايه : فاطمه انتي واعيه . ..
فاطمه ^ بضيق^ : هيه . .. ماياني رقاد
علايه : منو ترمسين . ..
فاطمه : شوفي انتي مالج خص ارمس منو ولا ما رمس منو . .. انتي شوفي امورج وبس . .. مالج خص في خصوصيات الغير . ..
علايه : ياله ازين انا ماقلت شي عوذبالله . .. احسلي ارد حجرتي ابرك عن مجابلج . .
فاطمه : احسن شي تسوينه . ..

" .. . راحت علايه غرفتها وشغلت المسجل وكانت الغنيه على مقطع يقول . .. (* على ذا الحال انا راضي قدر مكتوب في اوراقي ترى كل شي بامر الله وهو عالم بكتابي *) ما قدرت انها تكمل فسكرت المسجل . .. ونزلت على خدها دموع حاره . .. دموع قهر . .. تحس بخنقه . .. تبا بأي طريقه تظهر من هذا لي هيه فيه . .. وما تعرف شو تسوي . .. تبا تكلم حد . .. لكن ما عندها من تكلمه . .. مهره ووضحه . .. بعيد عنها . .. تبا تشكي تبا تقول . . تبا تصرخ ما تعرف شو تسوي . .. تتمنى لو انها تموت . .. وتفتك من الحياه . .. "

علايه ^ في خاطرها^ : مب انا اللي اصيح لأتفه الاسباب . .. لازم اقاوم . .. انا ارفض ان نفسي تكون ضعيفه . .. انتي قويه يا علايه وتتحملين . . .. انتي قدها وقدود والرب بيفرج الهم . ..

" .. . فتحت باب حجرتها وراحت الحمام عشان تغسل ويها . .. وتمنت انها ما راحت . .. سمعت فاطمه . .."

فاطمه : افا يا سالم . .. اهون عليك . ..

" .. . انصدمت علايه من اللي سمعته . .. ودشت الحمام بسرعه .. . حست بان الدنيا ادور بها وكل شي حولها سواد في سواد . .. ما توقعت في يوم ان اختها لي بحسبة امها . .. ولو انها ما كانت تعاملها زين . .انها تسوي جذي. بس مستحيل . .. انها تسوي جذا . .. لازم يكون تفسير . .. ليش . .. تسوي جذا ليييييييش . .. غسلت علايه ويها . .. وراحت غرفتها بهدوء عن تسمعها فاطمه . .. وتجتلها من الضرب . ..من اللي يوصل علايه دوم ومن دون سبب . .. طاحت ع سريرها . .. وراحت تفكر لكن دموعها ما جفت . .. راحت تفكر لين ما غلبها النوم . .."


||~ في بيت بو حمد ~||

ام حمد : أيهاااااا . .. البنت شو بيرقدها اليوم عاد . ..
وضحه : هيّن يا امي فضحتيني والله . ..
ام حمد : بالعاني سويت جذا ابا اضحك عليكم شوي ههههه . ..
وضحه : ادريبج اشوف عويناتج . ..
ام حمد : الا مهره ناويه تفضحكم عند امها . ..
وضحه : لا بس كانت تغايض سلطان . ..
ام حمد : الله يكتب لي فيه الخير وصلاح . . .. يلا ارقدي . ..
وضحه : تصبحين ع خير . ..
ام حمد : وانتي من اهله . ..

". .. راحت ام حمد ورقدت عند حمد . .. لانها تخافه ينش الفليل ويخرب الدنيا . .. لانه دوم يسوي جذا . .. اما وضحه . .. عاندها النوم . .. وراحت تفكر بسلطان . .. وكيف كان . ..والابتسامه ما فارقت محياها . .."

الغزال العنيد
31-05-2006, 03:33 PM
درام الحب

...
الف شكر لج عزيزتي ع المجهود الطيب منج

وان شا الله بنزل القصة عندي اليوم

وبسمعج رايي في القصة ^__^

تقبلي سلامــــي

اختج
الغزال العنيد

الغزال العنيد
01-06-2006, 09:20 AM
وااااااااااااااايد حلوه القصه

في مواقف مثيرة ومضحكه ^__^

واسلوبج روووعه غاليتي

تسلميييين فديتج

نتريا التكمله

درام الحب
03-06-2006, 01:32 AM
وااااااااااااااايد حلوه القصه

في مواقف مثيرة ومضحكه ^__^

واسلوبج روووعه غاليتي

تسلميييين فديتج

نتريا التكمله

الحمدالله ان حد عطاني فيس والله . ..
مشكوره يالغالي .. . والحمدالله انها عيبتج . .. وعقبال ما تعيب الباقين . ..

درام الحب
03-06-2006, 01:38 AM
الفصل الثالث . ..

||~ في بيت بو سعيد ~||

".. . علايه ما قدرت تنش بسبب كثر ما تفكر في اختها ولي سمعته . .. وكانت حاسه بخوف . .. من اللي يترياها في المستقبل بسبب اختها . .. تخبر سعيد .. . ؟! تخاف فاطمه تذبحها . .. تخبر ابوها . ..؟! بس وين الابو . .. !!! . .. كانت طول الليل تفكر . .. لين ما غلبها النوم . .. لكن ما قدرت تنش الصبح بروحها الا على صوت صارت من ذيج اللحظه تكره . .."

فاطمه ^ وهي تدق باب حجرة علايه^ : علااااايه وصمخ . .. لا يكون متي . .. !!! نشي مهره ووضحه يترينج في السياره . ..
علايه ^وتوها منتبهه للوقت^ : يلا يلا . .. نشيت . ..

" . .. وتظهر تروح الحمام وتيها ضربه من فاطمه على ظهرها لانها اخرت البنات . .."

علايه : الله يعدمج شو عندج . .. .!!!
فاطمه : انا براوووووووويج يالجلبه . ..

" .. . فاطمه راحت تمسك واير التلفون عشان تضرب علايه . .. بس مهره ووضحه دشو . .. يوم شافو ان علايه تاخرت على باللهم فيها شي . .. حبن يتطمن . .. وضحكت لهن فاطمه . .. "

فاطمه ^مبتسمه^ : صباح الخير . ..
وضحه : صباح النور . ..
مهره : صبحج الله بالنور والسرور . .. عيل وين علايه . .. شي يعورها . . .!!
فاطمه : هذي ما يصيبها شي . ... بس رقاد يا بوج . ..
مهره : هههههههه . .. فديتها والله . ..
فاطمه : برايكن روحن . .. انا بوصلها للمدرسه . ..
وضحه : يمدحونه التأخير وبعد نحن ما عندنا شي . .. اخر الايام يعني ماشي دراسه . ..
فاطمه : اها . .. عيل شله أداومن جان رقدتن ابرك ألكن . ..
مهره : والله أنترايهم يعطونا ورقة السلوك . .. ولا هب من زود حبنا للمدرسه والدراسه . ..
وضحه : مهددينا لو غبنا ما بنحصل ورقة السلوك . ..
مهره : حكم القوي على الضعيف . ..
فاطمه : ههههههههه . .. الله يعينكن ويوفقكن . .. ..
وضحه : وعلايه شو لي اخرها لين الحين . ..
فاطمه : ما يندرى على شوه سهرانه امس . ..
مهره : اخاف الا الاخت عشقانه وماعندنا خبر عنها . .. .
وضحه : ههههههه . .. حليلنا شو درانا في سوالف العشق . .. حنا نعشق الكتب وبس . ..
مهره ^ تشوف وضحه بنظره ^ : نعم نعم . .. yes yes
فاطمه : امحق . ... ههههه . ..

".. . وضحه قفطت من حركت مهره . .. وبنظراتها تتوعد لها . .. ومهره ولا على بالها . .. وفاطمه . .. في خاطرها منقهره من علايه . .. وودها لو تذبحها . .."

فاطمه ^ في خاطرها ^ : يالملعونه كيف تقولين جذا لي وانا اختج العوده . .. وهذا ويهي لو ما رويتها . .. يعلها العوق ان شاء الله . .. اكرهج يا علايه . ..

" .. . تظهر علايه متلبسه وهي متلومه من مهره ووضحه . .."

علايه ^ متلومه ^ : والله اسفه يا بنات . .. سامحني غلبني الرقاد . .. وما سمعت الساعه . ..
مهره : افا عليج يالغالي . .. خذي الوقت كله . ..
فاطمه : اونه خذي الوقت كله . .. لا دلعنها ترى عقب بتخترب . .. بسها ان سعيد مدلعنها . ..
علايه : وانتي شو حارنج . .. ها ها ها ي . ..
فاطمه : انا شو حارني ولا شي .. . شو تحسبيني اغار منج . .. !! لان الكل يدلعج . .. !! لا بويه مشيها عن خشمج ولا خطر ببالي . ..
وضحه : هييييييه الساعه غدت 8 ونص يلا نشن . ..
مهره : خيبه خيبه . .. يلا نشينا . ..
علايه : يالله تعينا الحين بتلقن المديره موقفه عند الباب .. ...
فاطمه : هههههه . .. صدق أنكن نوقات التوير . ..

" .. . قامن البنات بسرعه . .. وتلاقت نظرات علايه وفاطمه . .. فاطمه تحمل في نظراتها غيض وتواعد لعلايه بان هاليوم ما بيمر على خير . .. علايه حست بالخوف من نظرات فاطمه . .. فنزلت راسها وراحت . .. وحبت فاطمه على راسها . .. عشان تهديها . .. وراحت بسرعه . .. وركبت السياره . .. لكن وش اللي يطفي النار لي في قلب فاطمه غير الضرب . .. !! وعلايه تحب اختها لكن خوفها منها كان اكبر من حبها لها . .. وهي ما تعرف شو سبب هالكره . .."

مهره : حوووووووووووه . .. يالطلياني . .. وين روحتي . ..
وضحه : لالالالا شكله صدق البنت عشقانه . ..

" .. علايه كانت موخيه وصاخه ما ترد عليهم . .. كانت تحاول انها تبتسم لكنها ما قدرت . .."

وضحه : علايه شو عندج . . . وايه هب جنه نحن نرمس . ..
مهره ^ بجديه^ : عليا اظن نحن خوات وما نخبي على بعض . .. قوليلنا شو بلاج . .. !!
وضحه : ترانا والله نحاتيج لا تمين صاخه . ..
مهره : قم بابا قم . .. شوفينا . .. شعندج الا اطالعين ايدج ما شوفج محنتنها . ..
وضحه : او هب من زينها هالكثر تتأملين فيها . ..
مهره : خان وقف عند الدكان . ..

".. . وقف خان وخذن حقهن 3 ايسكريمات بالو بالو اللي يحبنه . .."

مهره^ وهي تمد الايسكريم لعلايه ^ : امسكي مالج . .. دوم تحشرينا عشان نعطيج اول وحده تخافينه يذوب . ..
علايه : مالي نفس لشي . ..
وضحه : واخيراااااااا نطقت . .. الحمدالله . ..
مهره : كشخه بيكون عندي 2 . .. وضاحي خلينا انتقاسم مال علايه انتي كليه كامل وانا عطيني الذيل بس . ..
وضحه : لا والله . .. ليش مب العكس . ..!
مهره : يا حبيبتي لا تنسين اني انا من اكتشف هالايسكريم . ..
وضحه : حشى بذلينا عاد . .. كل ما قلنا شي عنه . .. تقولين انا من اكتشفه . .. شو بن بطوطه وانا مادري . .. !!
مهره : لا فديتج مهره بنت خليفه . ..
وضحه : ها ها ها يامسخفج . ..
مهره : من ربعتكن غديت سخيفه . ..
وضحه : لا والله . ..
مهره : لا والله انا جديه الحين . .. علايه بتخبرينا شو فيج ولا اندوسج في بطنج . ..
وضحه : وصلنا وانتي ما خبرتينا شو هذي السنهْ تخلينا جذي . .. ؟!!
مهره : نزلن بنتفاهم في المدرسه . ..

". .. نزلن البنات . .. واول ما دشن كانت المديره واقفه عند الباب .. . عشان تمسك البنات المتأخرات . .."

وضحه : خيبه خيبه . .. موقفه السمنديقا . ..
مهره : سون عماركن ولا جنكن شفتنها . ..
وضحه : يالله تعينا . ..
مهره : عوذبالله جنج ما تعودتي . .. !!!
المديره : هاه يا الشله الناقصه ضلع . .. شو مأخرنكن . ..
مهره : والله يا ابله . .. ماعرف . ..!!
المديره : وانتي بعد يا وضحه ويا علايه ما تعرفن . .. !!
علايه : انا اخرتهن . .. .!!
المديره ^ مصعبه^ : ليش . ..!!

" .. يوم حطت علايه عينها في عين المديره ما قدرت تمسك روحها . .. وصاحت . .. المديره استغربت . .."

المديره : شو بلاها . ..!!
مهره : ماعرف . ..

" .. . وربعن وضحه ومهره وراء علايه . .. وكانن مستغربات . .. ولا يعرفن شو فيها لانها ما خبرتهن . ... دشن الصف وكان الكل يطالعهن . .. بستغراب . .. لان طول السنين لي درسن فيها رباعه ما كد مر عليهن يوم وبكت فيه وحده منهن . . الكل متعود على ضحكهن وسوالفهن لكن محد تعود على بكاهن . .. حتى في الايام اللي تستاهل ان الواحد يبكي فيهن هن ما بكن . .."


||~ في مزرعة بو سلطان ~||

". .. بعد ما وصّل خان البنات المدرسه . .. رد البيت ووصّل ام سلطان والتوم المزرعه .. عشان تشوف ام سلطان حلالها . .. اول ما فتحت الباب . .. بطي وعلي نزلو بسرعه بدون ما يسون حساب لحد . .."

ام سلطان : حسبي الله عليكم من عيال .. . ازين اصبرووو شوي . .. خان الشيمه الحقهم عن يطيحون في الحوض . ..
خان : هذا ولد وايد مشكل . ..
ام سلطان : سر الحقهم بدال ما تهذرب . ..

".. . يروح خان ويلحق بطي وعلي اللي كانو يربعون بأسرع ما عندهم . .. ويمشون على الخضره ولا على بالهم . ... ويوصلون عند الحمار . .. يروح علي ويمسك ذيل الحمار بأقوى ما عنده ويشده . .. والحمار يشهق . .. ويدوس بطي . .. اللي طاح . .. وعلي يحاول انه يمسك ايد اخوه ويخوزه عن الحمار ... لكن قوة علي محدوده وصغيره لصغر سنه . .. ويوصل خان عندهم . .. ويشوف بطي وعلي . .. ويربع عشان يخوز الحمار . .. "


||~ في مركز صحارى سنتر ~||

". .. ام حمد سايره مع ولدها حمد عشان اتشرى ثياب له . .."

ام حمد : حمد تراك اقصيتني تعال هنيه ..
حمد : هااااااه . ..
ام حمد : اوقف عدل . .. شو هالحاله . ..
حمد : هيييييه . ..
ام حمد : ياويلي انا من هالولد . ..

" .. . حمد شاف يهال يلعبون برع المحل . .. فشرد عن امه . .. وراح عند اليهال . .."

ام حمد : ما صارت حاله هذي معاك . ..

".. . وتروح عشان تيب ولدها . .. لكنها شافته يالس يضرب الحريم . .. و يرد و يلحقهن و يضربهن . .. ."

ام حمد ^ في خاطرها^ : يا ويلي اخافني اسير اونهزب . .. . شو هالحاله بترياه . ..

" .. . تريت شوي ام حمد لكن حمد . .. عافد في الحريم ويضربهن . .. فخطرت في بالها فكره . .. انها تخطف عداله . .. فمشت عداله ومن شافها خلى الحريم وركض وراها وقعد يضربها . .."

ام حمد : ولد من هذاااااا . .. .!!! ولدكم .. . ؟!
. ... .. ... : والله ما عندنا خبر . .. يا وضربنا والدور عليج الحين . ..
ام حمد : يا هذي حاله وين اهله مخلينه يضرّب بالخلق . ..
. ... .. ... : يمكن هنا في هالطابق الحين بشوفونه وبيون . ..
ام حمد : السنتر عود . .. بوديه عند السكيورتي .. .
. ... .. ... : بسوين خير فيه والله . .. اكيد الحين يالسين يدورونه . ..
ام حمد : يالله مع السلامه . ..

" .. . وتروح ام حمد . .. وهي تضحك على عمرها . .. وكيف انها تبرت من ولدها . .. وتروح وترّكب حمد السياره وتركب .. . عشان يردون البيت . .. "

||~ في المدرسه ~||

". .. دق جرس الفصحه الاخير . وكانن البنات يحاتن علايه .. . لانها طول اليوم ما تكلمت . .. ولا نطقت بحرف .. . ظهرت علايه . .. وراحت وراء المدرسه . .. وتبعنها مهره ووضحه بهدوء . .. "

مهره : علايه اعتقد نحن مثل خوات واكثر ما نخبي على بعض . ...
وضحه : ليش هالحواجز ليش . ..؟!!
مهره : هي والله ليش .. . كسري هالحاجز وخلي الدلع عنج .. . فديتج خبرينا . ..
علايه : شو تبني اقول . ..
مهره : رمسي قولي لي تبينه. ..
وضحه : قولي اللي في خاطرج ... .
مهره : فضفضي ... نحن خوات ونسمع بعضنا .. . لو نحن ما سمعناج من بيسمعج . ..!!
علايه : والله انتن على العين والراس . ..
وضحه : عيل خبرينا نحن طول اليوم نحاتيج ... حتى لدرس ما نتبهنا . ..
علايه : امممم . .. وانتن من متى تنتبهن . ..
وضحه : يا اخي سوي طاف . ..
علايه ^ اتنهد^ : لو تدرن شو صار امس واليوم في بيتنا . .. بخبركم والله ان جهنم ارحم من الحياه لي اعيشها . .. ^ وتبدى بالصياح^ . .. والله عفت حياتي . .. ابا افرح يوم . .. ليش نحن عايشين غير الناس . .. والله ولا فلم هندي . ... لا وفوق هذا كله لي اعتبرها امي واختي وكل شي . .. تكرهني .. . ازين لييييش . .. ليش فاطمه تكرهني انا ما سويت فيها شي . .. في حياتي ما خالفت لها امر . .. وكله تسبني وتضربني . .. شوفن شوفن ^ وتحسر عن ايدها^ . .. شوفن كيف ضربها معلّم في كل جسمي مب الا ايدي . .. والله ابا اموت وافتك .

" .. . زادت دموعها على خدها . .. كانت تصيح بحراره . .. خطر ما تحرق الدمعه خدها من شدت الحراره . .. ومهره و وضحه ما قدرن يمسكن اعمارهن اكثر . .. وصاحن معاها . .. "

مهره ^ في خاطرها^ :آخ كيف يصير هذا كله لج يا علايه ولا تشكين ولا تخبرين حد . .. !! صدق انج قويه . .. كيف يصير هذا كله في بيت خالي وانا مادري . ..

مهره : علايه تعالي عندنا اليوم . .. . وباتي . ..
علايه : ودي اعيش مب الا ابات . .. انتو ما تعرفون وش كبر المعاناه لي انا اعيشها . ..
سعيد مب موجود دوم . .. وما قدر اقوله . .. وابويه ولا يسال عني اذا ابا شي او لا . .. كل واحد لاهي في حياته . ..
مهره : فديت روحج امسحي دموعج . .. وانتي يا وضحه . .. الصياح ما بينفعنا بشي . ..
وانتي اليوم بتين بيتنا .. .
علايه : فاطمه ما بطيع . ..
مهره : فاطمه ما يخصها امايه بترمسها . .. وبتوافق غصبا عنها . ..
علايه : اوكي . ..
وضحه : اندوج مسحي دموعج ^ وتعطي علايه كلينكس^
علايه : مشكوره . ..

" .. . ويروحن البنات لصف . .. وكل وحده كن على قلبها جبل . .. الا علايه اللي على قلبها جبال مب الا جبل . .. كانت في ايد مهره دبة ماي وحبت انها تغير الجو شوي .. . وقامت وتجب الدبه كلها على علايه . .. وكان الماي بارد . .."

علايه : الله يعدمممممج يالخاااااااااااااااااااااااام . .. .
وضحه : ههههههههههههههه . .. رشوها رشوها .. .. وحليلها . ..
مهره : يالسه ابرد عليج في يوم مشمس كهذا اليوم . .. ما بالكِ يا فتاة المراعي . .. !!
علايه : الله يغربلج . ... صدَق من سماج طرطر . ..
مهره : خيبه خيبه تذكرووون هالاسم تاليوم . .. لا حول . ..

" .. . وضحه شافت معلمة الرياضيات فسبقت البنات وما خبرتهن . .. عشان تهزئهم و تضحك عليهم. .. واول ما دشن مهره وعلايه الصف . .. ما شافن المعلمه . .. لانها كانت واقفه عند الصبوره . .. وهن داشات بدفاشه. .. والمعلمه مستغرربه من تصرفهاتهن . .. "

وضحه ^ بصوت واطي^ : قومو عن الخيل توطاكم . .. .
مهره ^ وبصوت غريب وعالي ^ : لاء لاء نحن كماكم وشرواكم . ..
المعلمه :يا مسطولاااااااااااااااااااااااااااات . ...
علايه : والخيبه . ..
مهره : الغزو المغولي . .. !!!

" .. . علايه ومهره يلقن ضربه على روسهن من المعلمه . .. اللي كانت معصبه منهم عالاخر . .. ووقفتهم وراء .. . وكل البنات يضحكن عليهم خص وضحه . ... اللي كانت ناقعه من الضحك . .. ومستانسه . .."

||~ في سيارة سلطان ~||

". .. كان سلطان في السياره ينتظر . .. ربيعه خالد . .. اللي كان في الشقه . .. "

** خالد ربيع سلطان من ايام الدراسه وكانو اكثر من ربع . .. نقدر انقول اخوان ... . متشاركين في كل شي . .. حتى بطاقة البنك كل واحد يعرف رقم بطاقة الثاني . ...

" .. . يا خالد وركب السياره وكان في ايده كيس . .."

خالد : يا مرحبا الساع ببو خليفه . ..
سلطان : يا مرحبابك يا بو الوليد . ..
خالد : شو العلوم والاخبار . ..
سلطان : علوم الخير من صوبك . ..
خالد : ياريال شو هالشغل .. . مال امه مالها داعي كذا يفرق بينا . .. الحين من متى ما شفتك . ..!!
سلطان : شو يسوابك . .. ازين خبرني شو علوم لندن معاك . ..
خالد : اسكت امره لا تنشد . .. والله عجيبه يا ريال. . ..
سلطان : هاه ما خذتلك غرشوب مناك . ..
خالد : وغراشيبنا شو قاصرهن . .. !!!
سلطان : ما عليهن قصور والله . .. بس عاد اشوفك تمدح لندن . .. جنه شايفلك شوفه الا . ..
خالد : لا والله . .. بس يا بوك حلوه . .. والجماعه لي رحت معاهم . .. والله انهم ناس ماعليهم قصور .. ينحطون على الجرح يبرى . ..
سلطان : اهم شي انك استانست بس . ..
خالد : هب الا استانست . .. الا ارقيييييص . .. .
سلطان : وش يبت لي معاك من هدايا . ..
خالد : افا عليك خوان ما بينا هديه وما هديه .. . !!!
سلطان : حزززن يالبخيل خلصت فلوسي ما تهنيت فيهم .. . وتقول ما بينا . .... .. ما خذ حلالي وبعد ما خذت لي شي . ..!!!
خالد : افاااااا اشوفك قمت اتمنن . ... خلاص صبر عليه باخذ سلفيه وبرجع فلوسك . ..
سلطان : لا والله نفادهن الفلوس ... بس والله اشتقت لك يا ريال .. . الا تعال ما خبرتني وش فيه هالكيس . .. !!!
خالد ^ وهو يفتح الكيس^ : ابر . ..
سلطان : شوووووو . .. لا يكون فيك السكري وانا مادري . .. ؟!!!
خالد : فال الله ولا فالك . .. شو سكريه . ..
سلطان ^ يتمصخر ^ : عيل هرويين .. !!
خالد : yes .. .
سلطان : لا عن جد ابر ويش ذولَ . . .؟!
خالد : والله هروين . ..

" .. . سلطان من الصدمه وقف سيارته في نص الشارع . .. "
سلطان : انت بتكلم جد ولا شووو . ... انا اسألك ابر شو هذيلا . .. ؟؟!!!!
خالد : شو بلاك هدي . .. مب زينه العصبيه . ..
سلطان : بتقولي ابر شو ولا كيف . ..
خالد : يا اخي ترى اقولك ابر هرويييين . ..
سلطان : من متى . . ؟!!
خالد : من رحت لندن . .. .

" .. . كانت الهرنات حاشره الدنيا برع . .. "

سلطان ^ منصدم^ : ليش . .. !!
خالد : وقف مكان . .. الهرنات ضاربه برع . ..

" .. . راح سلطان ووقف . .. عند الرصيف . .."

سلطان : خالد . .. انت استخفيت . .. !! ليش تاخذ هالابر . .. خلهن . .. فرهن .. .
خالد : يا اخي عادي ... والله تحس براحه . .. تحس عالم ثاني . ..
سلطان : شوف لازم تختار بيني انا وبين هالابر . ..
خالد : شو بلاك يا ريال . .. . يا اخي انا حر في حياتي . ...

" .. . سكت سلطان كان حاس ان الدنيا كلها حوله سواد . .. مب مصدق ان وليفه صديقه يتعاطى ابر هروين . .. ما كان يعرف شو يسوي ساعتها . .. حس بخنقه . .. وظهر من السياره . .. وخالد في السياره قاعد يضرب روحه ابر . .. ومسوي طاف لسلطان ولا هتم لمشاعر خويه . .. ورد سلطان وركب السياره . .. وساق لين ما وصل بيت خالد . .. "

سلطان : خالد انزل .. .
خالد : ليش . .. !!
سلطان : خالد انا خلاص ما عرفك ولا تعرفني . ..
خالد : وربعتنا . ..
سلطان : قلت لك اختر بيني وبين الهرويين وانت اخترت شكلك . ..
خالد : والله باخليهم بس . .. مب في يوم وليله . ..
سلطان : اسمع انا شرطي ومن واجبي اني ازخك وفرك في السجن . .. لكنك انته ربيعي . .. ارجوك انزل ومثل ما جتمعنا على خير خلنا انتفارق على خير . .. .ولو خليت هالسم عنك . .. ذيج الساعه بنرد اخوان . ..

". .. نزل خالد من السياره وهو ساكت . .. وسلطان وقف ويلس يشوف خالد لين ما دش الميلس . .. وعقب راح البيت . .. وهو حاس بضيق . .."

المها الظبيانية
05-06-2006, 02:18 AM
يعطيج العافيه دراام

الغزال العنيد
05-06-2006, 11:32 PM
كســرت ابخاطريه علايه :(

كشخخخه الجزء

نتريا التكمله

بنووتة
06-06-2006, 01:05 AM
حلووووووو الجزء
نتريا التكملة

درام الحب
08-06-2006, 02:54 PM
يعطيج العافيه دراام

الله يعافيج يالغالي . .. :)

درام الحب
08-06-2006, 02:57 PM
كســرت ابخاطريه علايه :(

كشخخخه الجزء

نتريا التكمله

وانتي الاكشخ يالغالي .. .
وان شاء الله بسبت البارت الياي . ..

درام الحب
08-06-2006, 03:01 PM
حلووووووو الجزء
نتريا التكملة

وانتي الاح يالغالي ...
ومشكوره . ..
وان شاء الله بالسبت . ..


مشكورات والله لا يحرمني من ردودكن طالت اعماركن . ..

بنووتة
09-06-2006, 01:43 AM
وانا حليلي شوه عندي غير اني اتريا

درام الحب
09-06-2006, 03:06 AM
علني فدا روحج . ..
الحين بنزل الجزء . ..

درام الحب
09-06-2006, 03:09 AM
الفصل الرابع


||~ في المستشفى ~||

ام سلطان : حسبي الله عليكم من فروخ . ..
علي ^ وعيونه أدمع ^ : ماما . .. بتي بخيل . ..؟!
ام سلطان : بخير فديتك . ...

".. . يروح علي وييلس في حظن امه . .. وكان بطي طايح ع سرير . .. ."

الدكتور : الولد بخير . .. بس لازم أنسوي أشعه ونشوف . ..
ام سلطان : متى بتسونها . ..
الدكتور : لازم الشرطه تي قبل وتحقق . ..
ام سلطان : وايه شو شرطته بعد . .. !!!!
الدكتور: لازم .. . لان الولد شكله مضروب . ..
ام سلطان : وايه منو ضرباه . .. ؟!!! . .. هذا الحمار واطنه . ..
الدكتور : والله هذا القانون وانا امشي على القانون . ..
ام سلطان : ومتى بيون الشرطه . .. !!
الدكتور : بعد شوي . ...

" .. . وتظهر ام سلطان عند خان اللي كان واقف برع . .."

ام سلطان : خان سر ويب البنات من المدرسه وودهن البيت . .. وشل معاك علي .. .وخل سلطان ايني . ..
خان : زين ماماه . ..
علي : لا ماريد ألوح . .. ابا بتي . ..
ام سلطان : يابوك روحّ عن وقفت المستشفيات . ..
خان : تعال انا ودي انت الدكان . ..
علي ^ يصيح ^ : انا مابااااااااااااااا دكااااااااان ابا اريد بتي . ..
ام سلطان : لا حول . .. خلاص روح خان عند البنات . ..

".. . يروح خان السياره عشان أيب البنات . .. وام سلطان تمت في المستشفى . .."

||~ في بيت بو سلطان ~||

".. . سلطان داش البيت . .. وشاف أبوه يالس في الصاله ويقرى الجريده . .."

سلطان : اوه الشمس من وين طالعه اليوم . ..
بو سلطان : من الصاله . ..
سلطان : ههه . .. غريبه بو سلطان في البيت اليوم . ..
بوسلطان : مب غريب الا الشيطان . .. شو فيها لو يت اليوم . ..
سلطان : لا افا عليك . مافيها شي .. . ؟!!
بو سلطان : مادريبك . ..
سلطان : الا عاد أقول شو هالشوق لي حل بداية الاسبوع . .. هالجمعه انته مروح عنا .. .
بوسلطان : شعندك جنك هب فرحان بشوفتي . ..
سلطان : افا عليك يالغالي . .. انا ما فرح بوجودك الا ضروس العقل تطلع . ..
بوسلطان : هيه هيه . .. خلك عن هالخرطي وقولي وين امك . . .!!
سلطان : والله مادلها ليش هب في البيت هي . .. ؟!!!
بوسلطان : دورتها وزقرت عليها لكن ماتوايبتلي . .. !!
سلطان : عيل مادلها والله . .. انا توني ياي . ..
بو سلطان : يوم اقولها بسويلج يدوي . .. ما تسمع . ..
سلطان : لو سويتلها . .. بتلقاه يا عند علي او بطي او مكسور . ..
بوسلطان : هيه والله صدقت . .. الا اقول وين هم بعد . ..؟! مالهم حس . ..
سلطان : وهي تقدر تخليهم رواحهم في البيت وتروح . ..
بوسلطان : والله هذيلا يطلعون القرون . .. الله يعين امك عليهم . ..
سلطان : مادريت امس بطي حاط قوطي النيدو في راس علي . ..
بوسلطان : هههههههههههههههههه . .. الله يعين امكم عليهم والله . ..
سلطان : والله انتو انتاجكم تعب من بعد البجر . .. يايبين بنت لسانها يامطوله ومب فالحه في شي .. . وتوم يطلعون القرون . ..
بوسلطان : نعم نعم .. . وانت العقل كله . ..
سلطان : عيل شو . .. !!
بو سلطان : اذكرك بطفولتك ولا ما يحتاي . ..
سلطان : هههههههههههه . .. لا الشيمه اسكت . .. ماضي مال امه ماله داعي . ..

".. . بو سلطان وسلطان . . .يسولفون ولا يدرون عن شي . .. وكان دوم بوسلطان يقول لام سلطان أنه راح يسويلها موبايل . .. لكن ام سلطان ما تحبه ولا تباه . .."

||~ في المدرسه ~||

".. . دق الجرس عالبيت . .. والفوضى تعم المكان خص صف ثالث ثنوي ادبي ب . .."

فاطمه : علااااااااااايه . .. انتبهي . ..
علايه : خيبه خيبه . .. يعلج الحوووم يا مهاري . .. شو هالدفاشه . ..
مهره : فديت امايه ما علمتني غيرها . ..
وضحه : العرب يوم يفرون الطاوله يفرونها جذااااااااااااااا .. . فهمتي يا مهيرررررره . ..
مهره : يعلج ريل بلا ضرس شو مهيررررررره . .. هئهئ .. . انا شو سويت في حياتي من غلط عشان الكل يزقرني بمهيره . ..
عايشه : حياتج كلها انتي غلط في غلط . .. هههههههه . ..
مهره : في هذي صدقتي . .. ولا حد يرابع هالهنتين . .. !!!
وضحه : لا وااااااااااالله . .. هب منج منا نحن . .. علايه يلا قومي . .. ما بنكلمها ..
علايه : خلينا نوصل البيت وعقب ما بنرمسها . .. الحين محتاينها . .. هههههههه . ..
مهره : ربع مصلحه . .. امحق .. .
علايه : الدنيا مصالح . .. !!
وضحه : وكلن يدور ع مصلحته . ..
مهره : يعلني بلا هالويوه . .. يابوكن بسرعه قبل لا يزدحم المكان بالسياير . ..
علايه : عاد شبابنا ما يصدقون ههه . ..
مهره : واحليلهم والله انهم مصخره . ..
وضحه : حوه وين خان . .. ماشوف السياره . ..
علايه : ولا انا . ..
مهره : يا خيبتنا وش نسوي الحين . ..
وضحه : هاكو هاكو . ..
علايه : بنات امسكني عن أطيح . .. ماشوف . ..
وضحه : اسميج انتي هب مال غشوه . .. يابوج تنقبي . ..
علايه : عشان ما خلي ريال ما فصفصه . ..
مهره : لا لا خلج ع الغشوه ابرك عيل . ..
وضحه : هاتي ايدج . ..
علايه : وايه يدتج قالولج . .. !!
مهره : والله انج عيوز ومطلقه بعد . .. توج تقولين امسكني و الحين حاشره الدنيا لا حول . ..
علايه : اسكتي اسكتي . .. وركبي . ..

" .. . ركبن البنات السياره . .."

مهره : خان ليش تأخرت . . .!!
خان : انا كان في مُستشفى . ..
مهره : خير . .. عسى ما شر . .. !!
خان : هزا بطي مشكل . .. سير تحت حمار . .. حمار دوسي هو . ..
مهره :^منصدمه^ : هااااااااه . .. ووين هو الحين . .. !!
خان : في مُستشفى سيم سيم ماماه وعلي . ..
مهره : بطي بخير . . .!!
خان : انا مافي ادخل عند هو . .. مافي معلوم . ..
مهره : ودني المستشفى الحين . ..
خان : بس بنات . .. ؟!!
مهره : ماعليه عقب ودهم البيت . ..
وضحه : لا والله ما كان . .. بنتم وياج . ..
علايه : ما راح نخليج بروحج . .. بروحنا نبا نطمن . ..
مهره : فديتكن . .. بطني يعورني من الخوف . ..
علايه : ما عليج ما فيه شي ان شاء الله . ..

".. . مهره تحس بحمى . .. ببروده غريبه بجسمها من الخوف على اخوها . .. وتدعي ربها انه بخير وما فيه شي . .. "

||~ في بيت بو سلطان ~||

بو سلطان : سلطان فديتك ماشوف امك تاخرت . .. !!
سلطان ^ يشوف الساعه^ : حتى مهره . .. هالوقت لازم تكون في البيت اظن . ..
بو سلطان : دق لخاان ولا ما عنده يدوي بعد هذا . . .!!
سلطان : لا عنده بشوفه . ..

". .. ويدق سلطان لخان ويعرف منه السالفه كلها . .. "

سلطان : ابويه شكله الحمار وطا بطي . .. والكل في المستشفى . .. !!
بو سلطان ^ وقلبه يعوره^ : عساااااااااه بخير . ..
سلطان : سألت خان قال كان مغمى عليه . .. ما يدل عنه الحين .. . والحين مودي مهره المستشفى عندهم . ..
بو سلطان : وين ادور هاي بعد . .. قم خلنا انسير ونشوف .. . بدال ما نخلي امك بروحها واختك . ..

||~ في سيارة قوم مهره ~||

مهره : خان منو مسوي تلفون توه . .. !!
خان : سلطان هذا . ..
مهره : شو بيي المستشفى . .. !!
خان : مافي معلوم هو مافي قول . ..
وضحه : اوف وانت شو تعرف في هالدنيا . ..
علايه ^ تقرص وضحه^ : ياويل حالي انا . ..
وضحه : وايه شو بلاج . .. !!!
علايه ^تغمز لوضحه وتغني^ : اليوم يومه لقانا والحب لأرضه دعانا . ..
وضحه : هيه نعم المستشفى دعانا . ..
مهره : والله انكن متفيجات . .. انا في حاله وانتن اسولفن . ..
علايه ووضحه : اسفااااات . ..

".. . ووصلو البنات المستشفى . .. وراحو يدورن ام سلطان . .. واخر شي لقوها مع الشرطي تتكلم . .."

مهره ^ودموعها في عينها ^ : امايه شو فيه بطي . .. !!
ام سلطان : ستر الله علينا شو يايبنكن . .. !!! سوق هو . . .!!
مهره : خفنا على بطي يوم خبرنا خان . ..
ام سلطان : ازين تغشي . .. اشوفج فصختيه الحيا . .. طالعي ع خواتج . . .
مهره : من الخوف نسيت . .. ازين شو سالفة الشرطه . ..
الشرطي : يا اختي لاازم نحقق شكل الولد مضروب . ..
مهره : لا محد ضراباه . . .!!
الشرطي : خلاص عرفنا كل السالفه . .. وخلص كل شي . ..
ام سلطان ^ معصبه^ : سيري عند خواتج اقولج . ..
مهره : ان شاء الله . .. بس وين بطي . . .!!
ام سلطان : سارو يسوله اشعه . ..

" .. . راحت مهره عند وضحه وعلايه . .. وكان الشرطي يشوفها وهي مروحه . .. ما قدر يخوز عيونه عنها . .."

ام سلطان ^ ملاحظه على الشرطي ^ : عيل خلاص ابويه . .. ماتبون مني شي زياده . .. !!
الشرطي : لا لا امي خلصنا مشكوره طال عمرج . ..

".. . ويروح الشرطي عنها . .. وتمت هي وعلي واقفين يتريون لين ما يخلصون من الاشعه لبطي . .. اما البنات كانن يالسات في الاستراحه . .."

علايه : مهره . .. شفتي كيف الشرطي يلس يطالعج . ..
مهره : اي شرطي . ..!!
علايه : وهو في غيره لي رمسج . ..
مهره : والله ما نتبهت له ما كنت متفيجه له . ..
وضحه : لا لا اونها مهاري يايه بلا غشاه اونها نستها . ..
علايه : شكله الريال اعجب فيج هههه . ..
مهره : هههه . .. اتخيل . .. صدق ما عنده سالفه ...
وضحه : بس الصراحه انه قمر . .. اسمراني . ..
مهره : سو لو تا ن . ..
وضحه ^ تضرب مهره ^ : يخرب عقلج وش ذا بعد . ..
مهره : هههههههه . .. اشوفج تتغزلين في واحد غير اخويه . ..
وضحه : لالا ما تغزل بس اقولج أوصافه . .. قبل لا ايي يخطبج ع غفله .. .
مهره : الله يخليج وين بيلقاني . .. شو محد غيري في الدنيا ..؟
علايه : احم اح لا تنسين يعرف اسم بطي بالكامل .. .
مهره : يمكن ما عطوه . .. !!
وضحه : خل نسأل أمج . . .!!
مهره : اهم شي انه ما يعرف اسمي . ..
علايه : لا ارجوووج من كثر الاخوات عندج الحين . ..
وضحه : اصلا يقدر ايب كل شي عنج . . .!!
مهره : كيف . .. !
وضحه : يقدر يخلي حد من ربعه او هو يشوفون في الكمبيوتر مال الشرطه .. .
علايه : هيه هيه اذكرت يطلع الجواز . .. صوره من الجواز . .. !!
مهره : الله يعدمكن من ربع . . . زيغتني . ..
وضحه : هههههههههههههه . .. والله انج مصخره . .. اكيد شايف غيرج واحلى ههه . .شو يبا فيج . ..
مهره : هيه والله .. . بس انتن ازيغن الواحد . ..

".. . يدش سلطان الاستراحه . .. عند البنات . .."

سلطان :وين وضحه . ..
مهره : ايه شو تباها بعدك ما خذتها . ..
سلطان ^ استحى^ : امها داقه . . .

".. . يعطي سلطان الموبايل لمهره ويظهر عنهم عند ابوه و امه .. . وكان مفتشل .. . وويه احمر مثل كل مره يشوف فيها وضحه بسبب اخته اللي تموت وتشوفهم مستحين .. ."

بو سلطان : علاوي تعال عندي حبيبي . ..
علي : ها بابا . ..
بو سلطان : حبيبي كيف الحمار وطا بطي . ..!!
علي : والله انا ما ثويت ثي . .. بتي أض الهمار والهمار ضرباه . ..
سلطان : قلت لك ان انتاجكم مغشوش من عقبي . ..
بوسلطان : ههههههه . .. حسبي الله عليك من ولد . ..

".. . خلص بطي من الاشعه . .. فشله سلطان . .. "

||~ في الأستراحه ~||

وضحه : مهاري حياتي ارجوج . ..
مهره : انننننننن نى . ...
وضحه : ارجوج عطيه موبايله . ..
مهره : انننننن نى . ..
وضحه : يعلني ما حلمج . ..
مهره : آآآآآآمين . ..
وضحه : والله تراني ما سمي بنتي الاولى عليج . ..
مهره : اخ ضربتيني على الوتر الحساس. ..
وضحه : هههه . .. عيل اندوج عطيه . ..
مهره : انننننننننننننن نى . ..
علايه : أسد حلجج بجوتيه ولا شو . ..
مهره : ولا شو هههه . ..
علايه : بدلاقي . ..
مهره : يلا جانج حرمه . ..

".. . وتدخل عليهم ام سلطان . .."

ام سلطان : يلا بنات روحنا . .. والله مادل شو يايبنكن . .. !!
مهره : نطمن على الشيخ بطي بن خلوف . ..
ام سلطان : عاد عذبتي البنات معاج . ..
علايه : افا عليج يا عمتي ما نعول . ..
ام سلطان : في هذي صدقتكن . ..

".. . راحن البنات لعند السياير مع ام سلطان . .. وطول الدرب ووضحه اترجا مهره عشان تعطي الموبايل حق سلطان . .. لكن مهره طايحتلهم ب اننننننننن نى . .. اونها تقلد مايكل اللي في مسلسل my wife and kids .. . ويوم وصلو السياره . .. أصرت مهره ان هي والبنات يركبن مع سلطان . .. فأبو سلطان وافق . .. لان يعرف ان البنات يحبن ياخذن راحتهن ويا اخوهن ما يدري ان مهره تخطط عشان تفشل وضحه وسلطان . .. علايه بسرعه ركبت وراء السيت لي عدل سلطان . .. ومهره ركبت في النص . .. وخلو وضحه عالسيت لي يكون وراء سلطان سيده . .. "

سلطان : وابويه . .. شو انا دريول . .. !!
مهره : ما يطيع يا ولد خليفه . ..
سلطان : عيل ليش ما تيّن وتيلسين عدالي . ..!!
مهره : افا عليك هالمكان لغيري . .. بس ما طاعو اونهم يستحون . ..

" .. . صخ سلطان . .. ووضحه وخت وحاسه بحراره كنها مصفعه . .. وعلايه شوي وبتفطس من الضحك . .. اما مهره . .. تلعب بشعرها وساكته .. ."

مهره : سلطان سلطان . .. فديتك وقف عند الدكان . ..
سلطان : اتهبيييييين . ..
مهره : بليز بليز . ..
سلطان : انننننننننننننن نى . ..

".. . هنا علايه ما قدرت تتحمل وفطست من الضحك . .. وسلطان قفط . .."

علايه : شو عدوى هيه . .. !!
مهره : هههههههههههههههههههه . .. ترى يتابعهم معايه مرات . ..
سلطان : اها افهم ان مهيره معيفتنكن اياها . ..
علايه : هب الا . ..
مهره : حبيبي ارجوووك خطفنا على الدكان .. . ااااااااااي . ..
سلطان : شو بلاج . ..!!
مهره : ازين هذا اخويه عادي لو قلت له حبيبي . .. لا حول . .. شفت يا سلطان ما ترضى اقولك حبيبي . .. قرصتني . ..

".. . هنا دمعت عين وضحه من المستحى لانها هي ما قرصتها بس مهره تخسس فيها . .. وسلطان في هاللحظه شاف وضحه من المرايه . .. وشاف عيونها . .. فحس انه لازم يوقف مهره عند حدها . .."

سلطان : مهره . .. بتحترمين نفسج ولا شو . .. مب شكلج زودتيها . .. !! .. . متى بتسوين النا حساب . .. انتي بس تبين تضحكين . .. حسي بربعج . ..

".. . هنا مهره قفطت . .. وشافت ان وضحه شوي وبتصيح . .."

مهره : واااايه فديتج يا غناتي . .. والله سوالف . .. عاد لا تسوين جي . .. اسفه ولو اني ماحب اتأسف لحد . ..

".. . وتحب مهره راس وضحه . .."

سلطان : شو يدتج . .. !!!
مهره : الا عمتي شيختي . ..
سلطان ^ بصوت واطي^ : غصبا عنج . ..
مهره : سمعتك . ..
سلطان : اقطعي ازين . ..

".. . ابتسمت وضحه يوم سمعت سلطان . .. وتلاقت عيونهم في المرايه . .. فستحت وضحه ونزلت راسها . .. اما سلطان طول عالمسجل . .. وكان حاط غنية حمد العامري . .. (.. والله أني أحبه وحيل مو لعبه . .. وأنه اللي تمكّن وسط الفوادي . .. كم ليله سهرت ومنه السبه . .. وعفت ذوق الشراب ولذة الزادي ..) . .."

مهره : اووووووووووف سلطان شوف وضحه . ..
سلطان ^ وهو يقصر على المسجل وبنبره حاده^ : وضحه بس عاد . ..
وضحه ^ قافطه^ : ماسويت شي . ..!!
سلطان : اوه قصدي مهره . ..
مهره : هييييييييييه البال عند وضحه ما نلومك .. .
سلطان : شوبلاج شو تبين انتي . ..!!
مهره : حاشرتني تباني اعطيك موبايلك . ..
سلطان : ازين عطيني اياه وينه . ..؟!
مهره : عندها . ..

".. . سكت سلطان .. . ووضحه حطت الموبايل على المسند اللي جدام بين الكرسين . .."

سلطان : شوفن الا شكله عيال علي بن سالم وحرمته مال العين سكنو البيت . ..
علايه : كشخه . ..
مهره : الله عندنا ييران يداد . .. لازم انتعرف عليهم اليوم . ..
سلطان : انسترن عاد . .. جانكن بسيرن سيرن ويا الحريم هب رواحكن ... .
مهره : ان شاء الله عمي . ..

".. . ووصل سلطان بيت قوم بو سعيد . .."

مهره : علايه ما بتنزلين عندنا اليوم عشان تباتين . . .!!!
علايه : لا عادي مره ثانيه ان شاء الله . ..
مهره : بس . .. . !!!
علايه : عادي تعودت . ..
مهره : اوكي الله يحفظج بدقلج اليوم . ..
علايه : اوكي . ..

" .. . ونزلت علايه من السياره وراحت داخل . .. وعقب وصلو وضحه ونزلت وكانت قافطه . .. وسلطان غصبا عنه ما قدر يخوز عينه عنها . .. لين ما دخلت داخل . .. "

مهره : آآآآآآآه يالحب . ..
سلطان : يغربلج من خام . .. والله انه ويهج ما فيه ذرت مستحى . ..
مهره : خليت المستحى كله حقكم احم احم اح . ..
سلطان : شوي شوي عن يطيحن بلاعيمج . ..
مهره : لا ما عليك أمجْنات عدّل . ..

".. . ووصلو البيت . .. وطبعا سلطان ما بيخليها في سبيل حالها . .. ولازم يرد لها الصاع صاعيّن . .."

سلطان : مهاري . ..
مهره : يالبيه . ..
سلطان : لبيتي في منى . .. تعالي شوي . ..
مهره ^ على ويها ^ : هلا . ..
سلطان : اشوفين شي شوجه ولا شي في صبع ريلي . ..!!
مهره ^ وهيه تنزل راسها عشان تشوف ^ : لا فديتك ماشي . ..
سلطان ^ وهو يمسكها من رقبتها ^ : عيل تعالي . .

" .. . يظهر سلطان من السياره . .. ومهره تصارخ تعورها رقبتها . .. وهو قابضنها . .."

مهره : يا كلب خلني . ..
سلطان : بتعيدين هالحركات مره ثانيه . ..
مهره : هييييييييه . ..
سلطان ^ ويزيد ^ : والحين . .. !!
مهره : لساني من امس يعورني . .. خل رقبتي في حال سبيلها . ..
سلطان : يعله قص هاللسان كلج عدله بس هذا اللسان مخرب عليج . ..
مهره : ازين فجني ولا بصارخ . ..
سلطان : قولي اسفه اول شي . ..
مهره : والله ما قول . ..
سلطان ^ يزيد ^ : تأسفي . ..
مهره : مابا هب غصب . ..

" .. .وتصرخ مهره . .. ويطلع بو سلطان لهم . .."

بو سلطان : هههههههههه . .. شكله الانتاج من البدايه تعبان . ..
مهره : متفيج تضحك تعال خوزه . ..
بو سلطان : لا والله اصغر عيالج . .. سلطان تعال ويبها وياك . ..
مهره : شو هذاااا الظلم ناقصنكم علي وبطي بس . ..
بو سلطان : شو سوت . .. عشان تسويبها جذا . ..
سلطان : ماشي بس جذا مزاج . ..
مهره : ابويه انا بخبرك بس خوزه . ..
بو سلطان : خبريني وعقب بحكم يخليج او لا . ..
سلطان : اقولك ماشي . .. بس جذا . ..
مهره : لا ابويه السبب . ...

" .. . ويفج سلطان ايده قبل لا تفضحه اخته . .."
مهره : اووف كان يبا ماء وانا ما يبت له . ..
بو سلطان : اخوج لازم اطيعينه ليش ما يبتيله . . !!!
مهره ^ بصوت واطي^ : بشكارته . . .!!
بو سلطان : اخته بس لازم تخدمينه . ..
مهره : ابويه ليش ما تزوجونه . . .!!!
بو سلطان : والله خليه هو يقول وبنات عمه مازرات الدار .. .
سلطان : لالالا انا لو بعرس باخذلي وحده من برع . ..
بو سلطان : والله بنات هالزمان نادر ما تلقى وحده زينه . .. ياولدي . ..
سلطان : بس اللي باخذها انا غير . ..
بو سلطان : شكلك الا حاط عينك على حد . ..
مهره : تخبره يا بويه على منو . ..
سلطان : لا حليلي بس اقولك يعني باخذ وحده برع الاهل . ..
بوسلطان : خير لذاك الوقت .. . يلا نشينا انتغدا . .. الحين بيأذن العصر بعد . ..
سلطان ومهره : ان شاء الله . ..

".. . وينش بو سلطان . .. وينشون مهره وسلطان وراه"

مهره ^ بصوت واطي^ : هالمره ما خبرت بس المره يايه بخبر تراني . ..
سلطان ^ يضربها على راسها ^ : اعرفج ما بسوينها . ..
مهره : والله انك خام . ... جسحتني ما خليت فيه ضلع صاحي شو تبا ياي عند الراس . ..
سلطان : كيفي . ..

". .. تغدو كلهم . .. وعقب كل واحد راح حجرته عشان يصلي العصر . .. ماعدا بو سلطان وسلطان اللي راحو المسيد . .. اما بطي فكان نايم في حجرته . .. وعلي عداله منسدح عند راس بطي . .. ما يقدر يفراقه . .. وفي نفس الوقت ما فيه نوم . ..فقعد يلعب قيم بوي .. ."

||~ في بيت بو سعيد ~||

". .. علايه توها ظاهره من حجرتها . .. رايحه بتغدا . .. بس ما لقت غدا حقها ... وكانت فاطمه أطالع التلفزيون . .."

علايه : فاطمه . ..
فاطمه : خير . .. !!
علايه : وين الغدا . ..
فاطمه : يايه متاخره وبعدج تسألين وين الغدا . .. اعتقد ان وقت الغدا خلص . .. وبعد الله يعلم وين كنتي . ..!!
علايه : كنت في المستشفى مع قوم مهره . ..
فاطمه : ما يندرابج . ..
علايه : كلن يرى الناس بعين طبعه . ..
فاطمه ^ محرجه^ : وش قصدج . ..؟!!!
علايه : لا تنكرين سمعتج امس وانتي ترمسين ساااالم . ..

" .. . فاطمه انصدمت يوم سمعت رمسة علايه . .."

فاطمه : انا لا ما رمس . .. شو تقولين انتي .. . !!!
علايه : هيه هيه ما ترمسين موليه . ..
فاطمه : فديتج لا تخبرين عليه والله اعطيج كل اللي تبينه . .. بس لا تقولين لحد . ..
علايه : اوكي .. . ابا ابات في بيت عمتي كم يوم . ..
فاطمه : اوكي برايج باتي ... .

".. . كانت فاطمه خايفه ان علايه تخبر عليها . .. فحبت انها تعاملها زين عشان ادس عليها.. وعلايه استانست ان فاطمه يتخليها تبات في بيت عمتها . .. "

علايه ^ في خاطرها^ : لازم استغل هالضعف عدل . .. وذلها . ..
علايه : وين الغدا . ...!!!
فاطمه : في المطبخ البرع .. .
علايه : قولي لنوره تحط لي الغداء . ..
فاطمه : شكلج ناويه اذليني . ..
علايه : اممم . .. ليش لاء . ..!!
فاطمه : اوكي بنشوف اخرتها معاج . ..

".. . وتروح فاطمه وتقول للخدامه عشان تحط غدا لعلايه . .. وعلايه مستانسه .. . "

||~ في بيت بو حمد ~||

".. . وضحه في حجرتها تصيح . .. بسبب حركات مهره . .. صح انها مستانسه عليها بس ما تدري شو السبب لي خلاها تصيح . .. وام حمد ما عندها خبر لانها كانت راقده. .."

||~في سيارة سلطان~||

بو سلطان : ها يا سلطان شو اخر اخبارك . ..
سلطان : والله ما عندي لك اخبار يا طويل العمر . ..
بو سلطان : وعساك مرتاح في دوامك . ..
سلطان : الحمدالله . .. اداوم الصبح ورجع الظهر . ..
بو سلطان : واخبار خالد . ..!!
سلطان ^ يتنهد ^ : اخباره ما تسر يا بو سلطان . ..
بو سلطان : عسى ما شر . .. !!!
سلطان : شو أقولك يا بويه . .. عفد في هالسم . ..
بو سلطان : لا لا تقول . .. !!
سلطان : هذا لي صار ... وما عرف شو أسوي . .. قلت اقاطعه . ..
بو سلطان : لا ياولدي لا تخليه هذا خويك . . انصحه وساعده . .. ولو ما فاده ذيج الساعه اقطع صلتك به . ..
سلطان : ترى أفكر .. . ما عرف ماعرف كيف اساعده . ..
بو سلطان : انت خل عندك عزيمه . .. وان شاء الله ما يغلبك شي . ..
سلطان : ان شاء الله يا بويه . ..

".. . ووصلو البيت . .. وكل واحد راح حجرته يرتاح شوي . .. من عنا اليوم . .."

بنووتة
11-06-2006, 12:01 AM
تسلمين فديتج ع البارت
نتريا التكملة

درام الحب
11-06-2006, 12:51 AM
الله يسلمج يالغالي ... :)

المها الظبيانية
11-06-2006, 10:50 PM
تسلمين يالغلا


واترياا بااااااااااااااااااااقي على احر من الجمر

درام الحب
12-06-2006, 02:30 PM
الله يسلمج يالغالي ...
وان شاء الله بسبت . .. :)

الغزال العنيد
12-06-2006, 03:08 PM
روووووعه الجزء

سلمتي يا الغاليه

نترقب الجزء اليديد

درام الحب
13-06-2006, 02:47 AM
الله يسلمج يالغالي . .. :)

الحر الأشقر
15-06-2006, 01:32 PM
السلام عليكم ورحمه الله وبركاته


مساء الورد
..
..

مهره : خان منو مسوي تلفون توه . .. !!
خان : سلطان هذا . ..
مهره : شو بيي المستشفى . .. !!
خان : مافي معلوم هو مافي قول . ..
وضحه : اوف وانت شو تعرف في هالدنيا . ..
علايه ^ تقرص وضحه^ : ياويل حالي انا . ..
وضحه : وايه شو بلاج . .. !!!
علايه ^تغمز لوضحه وتغني^ : اليوم يومه لقانا والحب لأرضه دعانا . ..
وضحه : هيه نعم المستشفى دعانا . ..
مهره : والله انكن متفيجات . .. انا في حاله وانتن اسولفن

درام الحب

لك جزيل الشكر على هذه القصه وعلى طرحك الجميل

وننتطر تكملةالقصه

ودمت بكل الود
ودامت ابداعاتك

..
..

ويامرحباني

درام الحب
15-06-2006, 09:14 PM
يا مرحبا الساع بك اخوي . ..
ومشكور . ... اخوي . .. وان شاء الله انك تكون متابع وتعيبك .. .

درام الحب
16-06-2006, 01:24 AM
".. . سلطان في غرفته . .. يفكر بخالد . .. وكيف انه خلى ربيعه بكل سهوله . .. كيف هان عليه انه يشوف ربيعه يتعاطى السم وهو خلاه بدل ما يسوي شي ويساعده . .."

||~ في بيت بو حمد ~||

".. . وضحه في حجرتها تستعد عشان تنام عقب ما غسلت ويها . .. لكنها تسمع صوت تيلفون البيت . .. فراحت ترد لان امها كانت راقده . .."

وضحه : الو . ..
ام سالم : السلام عليكم . ..
وضحه : وعليكم السلام والرحمه . ..
ام سالم: وضحه . ..
وضحه : هيه . ..
ام سالم : اشحالج امايه عساج بخير . .. ؟!
وضحه : بخير ونعمه . .. يالغاليه اشحالج انتي . .؟!
ام سالم : الا شكلج ما عرفتيني . ..؟!
وضحه : افا عليج في حد ما يعرف خالته . .. الا في البادي ما عرفتج .. . شفت الرقم غير . ..
ام سالم : هيه غيرنا رقمنا . .. فديتج . ..
وضحه : اقول انا . .. اشحالج خالتي وشحال عيالج . .؟!
ام سالم : بخير وسهاله فديتج . .. انتو شحالكم وشحال حمد وامج . ..
وضحه : يشقحون . ..
ام سالم : وعربانكم مناك. ..
وضحه : كلهم بخير وسهاله الحمدالله . ..
ام سالم : عيل هالسنه ثنويه عامه ما شاء الله . . .؟!
وضحه : هيه . .. عاد دعواتج النا . ..
ام سالم : حد عندكم بعد ولا انتي بس . .. ؟!
وضحه : لا ويايه عليا بنت راشد بن سعيد . .. و مهره بنت رويه . ..
ام سالم : ما شاء الله مهره قدكن . ..؟!
وضحه : هيه ليش تنشاف اصغر .. .؟
ام سالم : والله اتحراها اول ثنوي بعدها . ..
وضحه : لالا قدنا وبعد اكبر عنا بشهور . ..
ام سالم : ما شاء الله عليها ما ينشاف عليها . .. بطرانه . ..
وضحه : هيه طالعه على عمومتها . ..
ام سالم : عيل وين امج . ..؟!
وضحه : صبري بزقرها لج . ..

".. . وتنزل وضحه السماعه . .. وتروح توعي امها من الرقاد .. ."

وضحه : امايه . .. امايه . ..
ام حمد : هاه شو عندج يالحشره
وضحه : خالتي مريم على الخط . .. تباج . ..
ام حمد : ما ترومين تقولين لها راقده . ..
وضحه : امايه نشي بعد شو رقاده الحين الساعه 5 العصر . ..
ام حمد : ازين . .. ازين الحين بيها . ..

".. . تنش ام حمد . .. وتغسل ويها وتروح عند التيلفون . .. ووضحه راحت غرفتها ترتاح شوي . .."

ام حمد : الو . .. السلام عليكم . ..
ام سالم : وعليكم السلام والرحمه . ..
ام حمد : شحالج . .. وشحال عيالج . .. وابوهم . ..
ام سالم : قبل تعالي قوليلي شو رقاده الحين . ..؟!!!!
ام حمد : ليش حرام .؟ !!!!
ام سالم : ههه . . . بس غريبه . .. ما حيدج .. .؟!
ام حمد : فديتج امره لا تنشدين . .. اليوم سرت صحارى ويا حمد . .. وقصاني . ..
ام سالم : ازين ليش ما تحطين له بشكاره تشوف اموره . ..
ام حمد : والله ما حطله بشكاره عشان تكسره . .. بسنا من اللي سمعناه . ..
ام سالم : هاكن بناتي فاطمه وسلامه . .. كل وحده محطيه بشكاره لعيالها ...
ام حمد : شو ما يخافن عليهم منهن . .. ؟!!!
ام سالم : والله انتي الا توسوسين وايد . ..
ام حمد : والله من اللي اشوفه . ..
ام سالم : ازين الحين ماله علاج . ..
ام حمد : ما دري.. . والله انه هامني هالولد ابا اسمعه ينطق بكلمه وحده على الاقل . ..
ام سالم : ازين وديه المانيا شوفو . ..
ام حمد : بنشوف بعدنا اتريا ابوه ايي من العمره . ..
ام سالم : على خير . ..
ام حمد : وشحال سالم . .. بعده في بريطانيا ولا يا . ..؟!!!
ام سالم : بالجمعه ان شاء الله بيي بييلس شهر وبيرد بعده . ..
ام حمد : شكله مب ناوي يعرس ولدج . .. عايبتنه بريطانيا ولا ماخذ له حد مناك . ..!!ههه
ام سالم : ههههههههههه ... . كل مره يدق لي فيها . .. محتشر . .. مسكنينه عند عيوز ويا جلبها . .. ودوم ادق عليه حجرته الفليل . ..
ام حمد : حسبي الله عليها . .. قد ولدها هذا . ..
ام سالم : ما عندهم هناك جذا . .. الله يغربلها الحين راح ونتقل عند ربعه في شقتهم . .. يقول عيال حلال كل الوقت حاطين شريط قرآن . ..
ام حمد : الله يهديهم والله . .. عاد هاله هاله كله ولا صلاتهم . ..
ام سالم : الحمدالله مواضبين عليها . ..
ام حمد : الحمدالله . ..
ام سالم : طلبتج طلبه يا ام حمد . ..
ام حمد : تم لو اروم عليه . ..

" .. . وكملن كلامهن ام سالم وام حمد . .. وكان حمد في الحجره ماسك ريموت الباب الكبير . .. ويفتحه ويرد ويسكره يفتحه ويرد يسكره . .. وام حمد اتشوف الباب يفتح ويسكر وهي مستغربه . .."
ام سالم : عاد ماباج ترديني . .. وانا اختج الوحيده . ..
ام حمد : صبري فديتج . .. لحظه . ..

".. . راحت ام حمد . .. لغرفتها وشافت حمد مستاااانس وهو يلعب بالباب . .."

ام حمد : لا والله . ..
حمد : ابّه . ..
ام حمد : هاته . .. هات الريموت . ..

".. . وتمط ام حمد الريموت من عند حمد . .. وتروح وتكمل رمستها مع اختها . .. وحمد يضربها . .. ويمط شعرها . .."

||~ في بيت بو جاسم ~||

(& التعريف بالعايله &)

! بو جاسم . .. شايب ما يخصه في عياله . .. بس يحبهم ويتمنى لهم كل خير نفس يافي الأباء . ..
! ام جاسم . .. وايد تحب عيالها . .. خص اخر العنقود آمنه . ..
! نوره . .. ربيعت مهره وايد . .. وهيه تدرس في جامعة الامارات سنه اخيره . .. ووايدطيبه وتحب اهلها وايد خص شيما وامنه . ..
! فيصل . .. عمره 22 سنه همه الاول والاخير ربعه . .. ابد ما يفارقهم . .. ودوم مع بعض عالخير والشر . .. لكن شلته فاسده . .. وما يشتغل ولا يدرس . ..
! راشد . .. صف ثاني ثنوي ادبي . .. ودريس . .. وهمه الاول والاخير الدراسه . ..
! سامي . .. صف سادس . ..هادي وكله يالس عند التفزيون يشوف رسوم متحركه او يلعب بلاي ستيشن . ..
! شيما . .. صف خامس . .. شاطره . .. ومؤدبه والكل يشكر فيها . ..
! آمنه . .. روضه اولى . .. الكل يحبها لان سبحان الخالق ما يخصها في اهلها شكلها غير عنهم كلهم . .. عيونها خظر وشعرها مايل عالبني وناااعم وبيضا . .. كالملاك . ..

".. . فيصل في حجرته . .. قاعد يكلم تيلفون . .. ويدق تيلفونه الثاني . .."

فصيل : حياتي تمي شوي عالخط . ..
. ... .. : اوكي . ..

فيصل : مرحباااااااا بوشهاب . ..
حمد : والمرحب باجي . .. اشحالك . ..
فيصل : بخير وسهاله . .. اشحالك انته . ..
حمد : بخير ونعمه . .. فيصل اشرايك . ..
فيصل : بشو . ..؟!
حمد : انروح اسبوع بانكوك . ..
فيصل : بانكوك . .. يا ريال . ..
حمد : هاه شو رايك . ..؟!!
فيصل : والمصاريف . ..؟!!
حمد : انا بدبر روحي .. . وانت دبر . ..
فيصل : كيف . ..!!
حمد : الحين انا بعلمك كيف . ..؟!!! اظن البنات ما يقصرن . ..
فيصل : خلاص انا بدبر روحي . ..
حمد : اوكي بسير اشوف حمدان وسعيد . ..
فيصل : اوكي مع السلامه . ..
حمد : مع السلامه . ..
فيصل : يا مرحبا . ..

فيصل : هلااا حبيبي . ..
. ... .. : هلا حياتي . ..
فيصل : فدييييت روووحج . .. متى بشوفج . ..!!
. ... .. : بس قبل خبرني شو سالفة بانكوك . ..
فيصل : ماشي الربع بيسيرون بانكوك . .. ويبوني اروح معاهم عشان . ...
. ... .. : عشان شو . ..؟!
فيصل : ما يهم . ..
. ... .. : لا يهمني قول . ..
فيصل : حبيبي متى بشوفج . ..
. ... .. : فيصل بتقول ولا شوه . .. !!!
فيصل : حبيبي مابا اعور راسج . ..
. ... .. : حياتي والله . .. بس قولي انت تهمني ...
فيصل ^ يفكر بشوف يجذب عليها ^ : والله انا مابا اخدعج . .. بس ما حبيت اقولج . ..
. ... .. : قول . ..
فيصل : الصراحه انا عندي مشكله في بطني . ..
. ... .. : شو بلاه بطنك .. ..؟!
فيصل : بروحي ماعرف بس بسبب بطني مرات يغمى عليه . .. ودوم ادش المستشفى عشان اخذ مغذي . ..
. ... .. : ليته فيه ولا فيك والله . ..
فيصل : لا حبيبي لا تقولين جذا . .. اللي كاتبنه الله بيصير . ..
. ... .. : لازم تروح معاهم وتكشف ع روحك . ..
فيصل : بس . ...
. ... .. : بس شو . ..!!
فيصل : الحال . .. والضروف ما تسمح . ..
. ... .. : هذي صحتك . .. اغلى من كل شي . ..
فيصل : بس مب بيدي . .. المهم متى بشوفج . ..
. ... .. : انا بعطيك . ..!!
فيصل : لا والله ما كان . .. شو مب انا لي تصرف عليه حرمه . ..
. ... .. : خذهم كدين . ..
فيصل : لا مابا . .. مابا حياتي . .. انسي الموضوع . .. ابا اشوفج .. .
. ... .. : ان شاء الله . ..
فيصل : متى . .. دوم تقوليلي ان شاء الله . .. ومناك اخرطي . .. لا تخليني عايش على امل شوفتج . ..
. ... .. : أنا وعدتك . .. لو تباني اكون يوم كامل معاك . .. بس صبر . ...
فيصل : بنصبر . .. بس ترى مب كل مره بسكت . ..
. ... .. : افول .. .
فيصل : يالبيه . ..
. ... .. : اشوف حد داش بيتنا . .. باي . ..
فيصل : باي . ..

" .. . فيصل مستانس . .. قدر يقص عليها . .. وآمن فلوس السفر من عندها . .. بس المشكله متى بيشوفها . ..!!! .. ."

||~ في بيت بو سلطان ~||

".. . مهره قاعده في المطبخ وتاكل منجا . .. وكانت مندمجه ومخيسه ثيابها . .. مهره يوم تشوف المجنا تصير مثل الياهل . .. تعشقه . .. صح ان مهره ووضحه وعلايه يعشقن الاكل بس مثل عشق مهره للمنجا ما صار . .. ويدش عليها سلطان . .."

سلطان ^ يضرب مهره على راسها ويغني ^ : تحت السدره وانا ادور دواء عيوني مالقيتو عسى فاله العله سيدي محمود قلي وش جرح خدك جرح سكين ولا جرح من ربك
مهره ^ المنجا في ثمها ^ : خام . .. ما عندي فلوس لا تغني . ..
سلطان ^ يقلد صوتها وهي ترمس والاكل في ثمها^ : حَلفت عاد . .. ابا .. .
مهره ^ مكمله اكل ^ : مب فاضيه حقك . .. عطني كلينكس . ..

".. . تكمل أكل . .. ومسويه طاف لسلطان . .. فحب انه يضيق بها أزيد . .. فراح سيارته عشان يروح عند خالد . .. ومهره يوم خلصت غسلت الصحن وكل شي ردته مكانه . .. حاولت تفتح الباب بس ما طاع يفتح . .. فيلست ادق . .. يمكن حد يسمعها . .. لكن محد في البيت . .. بطي وعلي رقود . .. وام سلطان في المطبخ البرع و ابوها في الحوي يشوف الزرع . .."

مهره : هالخاااااااااااااااام بيشوف . .. ^ ودق الباب^ فجوووووووو الباااااااااااب . ..
" ... . لكن محد يرد عليها . .."

مهره : اتحراني بسكت عنك يا ولد خليفه بشوف . ..

".. . وتروح مهره وترفع كندورتها تقلد الريايل وتربطها على خصرها . .. وتركب على الطاوله وتفتح الدريشه عشان تظهر . .."

مهره : خيبه خيبه مسافه عوده بتكسَر . .. لو نقزت . .. يالخام يا سلطون والله كرهتك . ..

".. . وتيلس مهره على الدريشه .. . اتريا حد يمر عشان ايب لها كرسي او انه يفج عنها الباب . .. وتمت يالسه على الدريشه . .."

مهره ^ في خاطرها^ : انا مهره بنت خليفه اخر عمري ايلس على الدريشه جذا . .. اوه اشوف بيت قوم علي بن سالم . .. كشخه بتم اراقبهم . .. مهاري من راقب الناس مات هما . ... شو تبينهم . .. اوووهووو . .. اخافهم يشوفوني ميلسه . .. وبعد بدون شيله . .. عااادي بيتحروني البشكاره . .. الله منو هذا الطويل . .. اوووف . .. الله اشوف وحده لا 3 حريم . .. اكيد بناتهم وحرمته . .. لالا لازم انسير عندهم اليوم . .. اوووف انتي اول شي فكري كيف بتنزلين من مني وعقب سيري وين تبين . .. اصارخ ازقر امايه . . ؟!! اخافهم يسمعوني . ..!!!
كم من العيال عندهم ما شاء الله وايدين . .. اممم اعتقد حرمته وبنتيين وولدين . ..!! وانتي وش لج الحين شو اسوي ياربي. ..

مهره ^ تصرخ ^ : امااااااااااااااااااااااااااااااااااايه . .. امااااااااااااااااايه . .. يامااااااااااااايه

مهره ^ في خاطرها ^ : خيبه خيبه شافوني . ..

" ... . ونست مهره الخوف ونقزت لتحت يوم شافتهم يشوفون صوب بيتهم . .."

مهره : ااااخ والله انك خااام يا سلطان عل عيني ما تنظ .. .. لا الله ما تبكيك . .. ما تهون . ..
اخ ريلي . .. عوذبالله شو عليه لو تريت لين ما يي حد ويفتح الباب عليه . ..

".. . وتمشي مهره لداخل وريلها تعورها . .. وراحت عند التيلفون ودقت لسلطان . .."

سلطان : مرحبااااااااااا . ..
مهره : والخيبه . ..
سلطان : هههههههههههههههههه . .. شو ظهرج . ..
مهره : تدري انك خام . .. وانك واحد سخيف ما عندك مذهب . .. ولا حتى ذرت ذوق . ..
سلطان : خيبه خيبه . .. هذا كله فيه . ..!!
مهره : وزود . ..
سلطان : ازين كيف ظهرتي هههه . ..
مهره : نقزت من الدريشه . ..
سلطان : عوذبالله . .. امايه يايبه شوبنزي مب بنت . ..
مهره : في عينك شوبنزي يالحمار . ..
سلطان : لا حول انا لازم اسوي فحص الكم . .. محد صاحي منكم . .. 2 من الغوارض والحين شوبنزي . ..
مهره : وانت شو . ..!!
سلطان : انا الشيخ سلطان ما عرفتيني . ؟!!
مهره : وع وع وع . .. جانك انت شيخ . ..
سلطان : فديتج عن يطيحن ظروسج . ..
مهره : والله انك خام باي اللي بيرمسك . .. صبرت عليك . ..
سلطان : بس كافـــــــي . .. جلبي ويهج وصلت بيت ربيعي . ..
مهره : انت اللي تجلب . .. . .
سلطان : يااااااااج القطااااااااااار . ..

" .. . ويسكر سلطان على ويه مهره عشان يسمعها صوت القطار . .. "

مهره : يا ابن اللذينَ . .. بشوف . ..

||~ في بيت قوم خالد ~||

". .. سلطان ينزل من سيارته ويروح الميلس . .. ويشوف نعول خالد . .. ويدش عنده . .. وشاف خالد راقد . .. والابر عداله . .. فراح وخذ الابر والكيس وحطه عنده في السياره عشان يفرهم . .. وقعد يدور اذا في شي زياده لكنه مالقى . .. وعقب راح وقوَم خالد من الرقاد . .."

سلطان : خالد . .. خالد . ..
خالد : هااااه . ..
سلطان : نش .. قوم وتسبح عشان انروح انصلي العشاء . ..
خالد : ماقدر اقوم . ..
سلطان : اقولك قوم . ..
خالد : بعدين . ..

".. . راح سلطان وفتح الثلاجه وخذ دبة ماء بارد وجبها على خالد . .."

خالد : يالطفس . .. شو عندك . ..
سلطان : هههه . .. اقولك قم . ..
خالد : عوذبالله . .. هاه قمت قمت . ..

" .. . وقام خالد وسلطان مسك خالد من كندورته عشان يوديه الحمام غصب .. .. "

سلطان :عوذبالله جنك من مية سنه مب متسبح يلا سبوووح
خالد : ولا العسكريه . ..
سلطان : ليتك اتسير ما بتغدي جذي . ..

" .. . راح خالد يسبح وسلطان قعد يترياه في الميلس ويدور اذا بيلقى شي عشان ياخذه . .."

||~في بيت قوم بو سعيد~||

علايه ^ ترمس فاطمه^ : منو كنتي ترمسين . ..
فاطمه : ما يخصج . ..
علايه : اها عدل . .. خلصتي من التيلفون . ..
فاطمه : شو تبينه . .. ؟!
علايه : yes . .. ابا اكلم ربيعتي . ..
فاطمه : اندوج . .. ^ وتعطي فاطمه التيلفون لعلايه ^

".. . ودق علايه لمهره . .. ومن جهه ثانيه مهره كانت تكلم نوره . .. "

مهره : خط خط خط خط . ..
نوره : لو بعد بو العيال بنقول . .. شو عندج . ..!!!
مهره : مادري خخخخ . .. احس اني vip يوم ايني خط . ..
نوره : وتيلفون البيت بعد ليته موبايل . ..
مهره عنبو شو بلاج . .. تيلفون الـ office هذا . ..
نوره : عشتوااا ولي يسلم والديج ردي على تيلفونج عن يسكر الخط . ..
مهره : باي حياتووو . ..
نوره : باي خيتووو . ..

" .. . وترد مهره على الخط . .."

مهره : الو . ..
علايه : السلامو عليكو . ..
مهره : نعم اختي . ..!!
علايه : لو سمحتي بغيت بقالة الطبق الشهي . .. في نيويورك . ..
مهره : دقيقه . .. اختي مافي الا بقالة سانجو للبرياني . ..
علايه : وعوووه اشحالج . ..
مهره : تمامز اشحالج انتي . .. واخبارج مع فطيم . ..!!
علايه : ها ها ها ها . ..
مهره : لا لاااا هذي الضحكه . .. ضحكة واحد مهم جدا . ..
علايه : خليتها مثل الخاتم في أصبعي . ..
مهره : كيف . ..!!
علايه : مسكتها من ايدها اللي تعورها . ..!!
مهره : اي . ؟!
علايه : اليمنى . ..
مهره : لا صدق شو السالفه . ..
علايه : ماشي . .. لا بت عندج بخبرج الحين ابا رايج في شي . ..
مهره : في شو . .؟!
علايه : شو رايج دام ان ما عندنا دوام . .. كل وحده منا اتسوي باجر ريوق . .. ونروح ونيلس على العرقوب وراء بيوتنا . ...!
مهره : والله فكره . .. بس شو رايج انش الساعه 5 وكل وحده اجهز وقبل الشروق بشوي انسير عشان انتريق .. ..!!!
علايه : حلو خلاص . .. انتي شو بسوين . ؟!!
مهره : انا بسوي سندويشات . .. الحين بدق لدكان عشان ايب لي . ..
علايه : خلاص وانا بسوي دلة كرك . ..
مهره : ووضحه . ..
علايه : الحين بدق لها . ..
مهره : شو تحسين بتسوي . .؟!
علايه : وشي غير طبقها الشهي . ..
مهره : عالصبح بعد ما عتقد . .. ههههههه . ..
علايه : بشوفها . ..
مهره : اوكي . .. باي . ..
علايه : اوكي باي . ..

".. . ودق علايه على وضحه . .."

ام حمد : الو . ..
علايه : مرحباااااااااااااااااااااا . ..
ام حمد : مرحبتيين . .. وشحالج . ..
علايه : بخير وسهاله . .. وشحالج انتي . ..
ام حمد : بخير ونعمه . ... تبين وضحه . ..
علايه : هيه . .. طال عمرج . ..
ام حمد : صبري . ..

".. . وتروح ام حمد تزقر وضحه لعلايه . .."

وضحه : الو مرحباااااااااا .. .
علايه : مرحبتيييين . ..
وضحه : كيفَك . ..
علايه : منيحه . .. كيفك انتي . ..؟
وضحه : نشكر الله . ..
علايه : عندي اقتراح . ..
وضحه : الا وهو . ..!!
علايه : انروح العرقوب لنشاهد منظر الشروق . ..
وضحه : كشخه . ..
علايه : عيل شو بتسوين النا ريوق . ..
وضحه : صالونة طماااااام . .. وخبز لبناني . ..
علايه : ههههههههههههههههههههههههههههههههههههه . ..
وضحه : والخيبه شو بلاج . ..
علايه : تو اقول لمهره انج بتقولين صالونة طماط . ..
وضحه : هههههه . ..

||~ في بيت قوم خالد ~||

سلطان : نعيما . ..
خالد : الله ينعم عليك . .. اشوفك رديت . .. دريت انك ما تصبر بلايه . ..
سلطان : وااااايه . ..
خالد : هههههههههه . .. شعندك . ..
سلطان ^ جدي^ : خالد . .. انت حد يدري عنك . ..!!
خالد : اممم لا . ..
سلطان : اكلمك جد انا . ..
خالد : لا محد مني يدري . .. بس واحد من العين لي اخذ ابر من عنده . ..!!
سلطان : اسمع انت هالسم بتخليه . ..
خالد : بس ما قدر . .. والله انه بلوى . ..
سلطان : انا بخليك تقدر . .. والله ما فارقك . ..
خالد : بتتعب . ..
سلطان : بنشوف . ..
خالد : خلنا انروح انتحوط شوي . ..
سلطان : يلا قمنا . .. اول شي بنسير انصلي . .. وعقب بنسير بيت عيد عازمنا على العشا. ..
خالد : قمنا . ..

".. . وراحو يصلون . .. وعقب راحو بيت عيد ربيع سلطان . .."

عيد : يامرحبااااااااا الساااااااااااااع . ...
سلطان : المرحب باجي ..
عيد : وشحالك . ..
سلطان : بخير ونعمه . ..
عيد : يا مرحبا الساع بو الوليد . ..
خالد : يامرحبابك و شحالك ...
عيد : بخير وعلووووووووم لندن . ..
خالد : اوهو امره لاتنشد . .. عجيبه
عيد : شكلك الا ذي اول سفره لك ... .
خالد : هيه والله ثره الحياه برع البلاد حلوه ارقيص .. .
عيد : عيل اسميك ما شفت شي بعدك .. .
خالد : اليايات اكثر .. .
عيد : والله يبالنا سفره رباعه . ..
سلطان : اقول خل السفر عنكم انا يوعان . ..
عيد : انت شكلك الا ياي للاكل وعقب بتويه . ..
سلطان : هيه والله ورايه دوام . ..
عيد : والله انك أكول . ..
خالد : ولا يمتن الهرم . ..
سلطان : الله اكبر بتنظلني . . رد الشهاده على ويهك . ..
خالد : مابا . ..
سلطان : والله لترد الشهاده ولا بروح . ..
خالد : عوذبالله اشهد ان لا الا الله . ..
سلطان : توك ... ازين يا راعي الذوق . .. بتخلينا موقفين . ..!!!
عيد : جن حد نقزني . ..!!!
خالد : منو عندك داخل . ...!!
عيد : محد الا المصري . ..
سلطان : كشخه . .. خلنا ندخل يلا . ..
عيد : يا ريال لا تلعوزه والله انه كارهنك من بعد اخر مره . ..
سلطان : ههههههههههههه . .. خله دواه عندي . ..
عيد : اموت واعرف شو مسوبك . ..
سلطان : لعانه يابوك . .. هههه . ..

".. . ودشو الشباب في الميلس داخل . .."

بنووتة
16-06-2006, 02:14 AM
البارت قصييييييييييييييييير نبا بااااااااااااارت طويييييييييييييل بليييييييييييييييز
المهم مشكورة عالبارت الصغيروني واتريا التكملة

درام الحب
16-06-2006, 02:21 PM
فالج طيب يالغالي بحاول . .. والعفو

المها الظبيانية
16-06-2006, 11:22 PM
يعطيـــــــــــــــــــــج العافيــــــــه يالغلااا



ولا تبطين علينا


ممكن تكبرين الخط لو سمحتي

<<< طراره وتتشرط

درام الحب
17-06-2006, 09:34 AM
لا افا عليج اطرري واشرطي ع كيفج . .. احم اح
من عيوني يالغالي

الغزال العنيد
17-06-2006, 03:23 PM
رووووووووووووووعه الجزء

سلمتي يا الغاليه

نتريا الجزء اليديد

بلييييييييز لا تبطييين

درام الحب
17-06-2006, 04:16 PM
وانتي الاروع فديتج ...
ان شاء الله قريب

المها الظبيانية
17-06-2006, 10:08 PM
تسلملي عيوووووووووووووونج


بس وين البارت مب انتي بتنزلين يوم السبت

درام الحب
18-06-2006, 03:05 PM
fdeetch tra albart al'7eer mnzltana yooom
al'7mes
bas alshalla albart eleded ra7 anzla 8reeeeb

الخيماوية
18-06-2006, 04:09 PM
مشكووووووورة عالقصة الحلوة :)

درام الحب
18-06-2006, 06:54 PM
العفو طال عمرج

الدلوعة
18-06-2006, 09:46 PM
الصراحة تسلمين اختي دراما الحب على القصة الروعة او تسلم ايدج

درام الحب
19-06-2006, 02:20 AM
العفو اختي . ..
وان شاء الله اتابعونها لنهايه وتعيبكم . ..

غرنجية الطرف
21-06-2006, 12:34 AM
*·~-.¸¸,.-~*درام الحب*·~-.¸¸,.-~*

تسلميين الغاليه ونترياج لا تبطين..

اختج
غرنجية الطرف

درام الحب
21-06-2006, 04:43 PM
المفروض اليوم انزل جزء
لكن صار لي ضرف . .. وا نشاء الله بحاول خلال باجر انزلها
مشكوره يالغالي .. .:)

محاربة الشوق
22-06-2006, 12:13 AM
قريتهااااااا وعيبتني.....صراااااااحه....<< انها جنااااااااااااان..




الله يوفقج ويعطيج العااافيه...




مشكووووووووووووووووووووووره..

درام الحب
22-06-2006, 12:32 AM
هلاااااااااااااااااا غناااااااااااااااتي
اخير خلوج اليهال خخخخ . ..
والله يعافيج . ..

محاربة الشوق
22-06-2006, 01:05 AM
ههههههههههههههههه


وأخيراً...ياللااااااااااا نترياااا البارت اليديد على أحر من جمر...

غرنجية الطرف
23-06-2006, 01:51 AM
درام الحب وينج؟؟؟؟؟؟؟؟؟؟؟؟؟
متى بتكملين القصه؟؟؟؟؟؟؟؟؟؟

نترياج....

درام الحب
23-06-2006, 03:08 AM
فدييييييييييييييييييييييييييييتكن ااااااااااااسفه الاب اللي حاطه فيه القصه وايره خربان وما يشتغل باجر باخذ واير يديد عشان احط القصه وما فيه جرج بعد

درام الحب
23-06-2006, 09:54 PM
السموحه عالتاخير . ..
بس والله غصبا عني . .. لان هالسبت عليه اسلم التقارير والمجله وكل الاشغال . .. فاعذروني لو كانت قصيره واني تاخرت

سلطان : مرحباااااااااااااااااااااااااااااااااااااااااااا . ..
عبد الحميد " منصدم" : آيه جابك . .. !!
سلطان : ههههههه . .. السياره طال عمرك . ..
عبدالحميد : عيد انتَ ما ألت لي أن سلطان ما راح يقيش . ..!!!
سلطان : افا . .. يا بو الشباب . .. لهدرجه كارهني . .. ؟!!
عبدالحميد : كلمة اكرهك أليله في حئك . ..
عيد : ههههههههههههههههههههههههههه . .. يابو خليفه وش مسوي في الريال . .. هذا كارهنك من الخاطر ...
خالد : مالومه والله . .. واللي سواه سلطان شويه . ..!!
سلطان : هههههه . .. حقك عليه يا ريال . .. سوالف سوالف . ..
عبدالحميد : ولو غرقت بتئول سوالف . .. !!!
سلطان : وايه شو بيغرقك . .. عندك طوافه طبيعيه . .. !!
عيد " مستغرب " : لا الصراحه الحين انا مب فاهم شي . .. سلطون شو سويت في الريال .
سلطان " يقلد عيد " : سلطون شو سويت في الريال . .. عوذبالله ما سويت فيه شي . .. الا هذا يسمونه دلع زلمات . ..
عبدالحميد : دلع زلمات روح يا شيخ . .. انا رايح . ..
سلطان : لا والله ما كان في يوم من الايام . .. لتيلس . .. بعده العشاء ما يابوه . ..
عبدالحميد : العشاء ده بوجودك مش عوزُه . ..

".. . ويروح عبدالحميد ويلحقه سلطان . .. وعيد مستغرب . .."

عيد : خلّود . .. خويك وش مسوي في الريال . .. .!!!
خالد : ههههههههههههههههه . .. انت قول شو ما سوى فيه . ..
عيد : يا ريال . .. هو سوابه شي غير عن سالفة الغدا ولقن لبن البوش . ..!!!
خالد : هههه . .. حليله هذاك اليوم ما تهنى بغداه طروق على الحمام ساير راد . .. هههه
عيد : هههههههههههه . .. والله تغدينا عنه وهو من يحط ايده ايه اتصال . .. هههه
خالد : ازين يا بوك عقب هالغدا ما يسير سلطان ويعزمه ويقوله بنسير وياك على اللنج انصيد . ..
عيد : الله . .. ازين شو سوى . ..!!
خالد : ماشي يا بوك سلطون أسرع باللنج دور براس الريال . . .. واخر شي يوم خف السرعه . .. لاعت جبده ودوخ . ..
عيد : حليله والله . ..
خالد : لا مب بس جذي . ..
عيد : خيبه وش بعد سوا . ..!!
خالد: بتيك السالفه . .. عقب قال له تعال جبدك لايعه . .. انا اعرف شو بيخوز هالوعه . .. تعرف شو سوابه . ..
عيد : لا يكون فره في الماء اتوقع كل شي من سلطان . ..
خالد : ما ينزل الطوافه ويقوله اركب عليها . .. ويرد ويسرع باللنج . .. وحليله عبدالحميد يباغم . .. يباه يوقف لكن سلطان مسوي طاف . .. واخر شي وقف ولقاه متعلق ع طرف الطوافه . عيد : حسبي الله على سلطان ليش يسوي جذي بالريال . ..
خالد : والله تيه حالات هالريال . ..
عيد : والله انه وغد . ..
خالد : هههههههههه . .. والله بتضحك عبدالحميد ياي ويا سلطان ببدله وحالته لله مشيك اخر شياكه . .. واخر شي ظهر ببنطلون منطر . ..
عيد : لا حوووووووول فقير شو يباه . . ..!! بس سلطان ما يسوي هذا بروحه . ..
خالد : هههههههههه اكيد وياه معاون الشر صبووووح . ..
عيد : وانا اقول من راعي هالافكار . ..

".. . ويدخل سلطان ومعاه عبدالحميد يتحرطم . .."

عيد : هااااه يبته . ..
سلطان : والله ما يهون عليه . ..
عيد : والله لو ما سمعت السالفه كان صدقتك . ..
سلطان : هههه انسوي سوالف عليه . ..
عبدالحميد : ايه انا لعبه . .. انا تارك بلَدي ومراتي وجيت عشان اشتغل مش اموت . ..
سلطان "متلوم": السموحه منك عاد . ..
عيد : لقيت شغل الحين . ..!!
عبدالحميد : من وين . ...!!
سلطان : خلاص عليّه اني انا اشغلك بس ارضى علينا يا طيب . ..
عبدالحميد " فرحان" : راضي خلاص راضي .. ..
سلطان : ههههه . .. خلاص انا باجر بتصلك وبقولك . ..
عبدالحميد : مشكور مشكور طال عمرك . . ...
خالد :هههههههه يا شين الشد على المصري . ..
سلطان : في حد يبا لبن بوش . ..!!
عبدالحميد : مش أنا . ..
الشباب : ههههههههههههههههههههههههههههه . ..
عيد : والله انك معاني يا عبدالحميد . .. والله يعينك الحين هو بيشغلك . ..
عبدالحميد : لو بِزلني مش عاوزه . ..
سلطان : افا عليك انت بس . .. ما عاش لي بيذلك . ..

||~ في بيت بو سلطان ~||

".. . الساعه 12 الفليل . .. مهره في الصاله ترمس نوره بالتيلفون . .. وام سلطان راقده . .. اما بو سلطان يقرى كتاب في الميلس . .. اما في غرفة علي وبطي . .. علي رقد وهو يلعب عدال اخوه . .. وبطي نش من النوم الساعه 12 . .. وقوم اخوه علي . .."

بطي : علي شو لايك انزف الحجره . . ..!!
علي : يلا . ..
بطي : انغسل الفلاش نفس ما تسوي كنيتي . ..
علي : بتي انتَ شل فلاشك وانا مالي . ..
بطي : ما لوم انت وانا بنزف رباعه . ..
علي : اوكيه ..

".. . ويشلون بطي وعلي فراش بطي عشان يغسلونه في الحمام . .. "

بطي : انا بشغل ماي . .
علي : اوكيه انا بيب المخده مالك . ..
بطي : اوكيه . ..

".. . يروح علي ويب مخدة بطي . .. عشان يغسلونهم . .. "

علي: هات انا ابا اصب ماي . ..
بطي : انت حط شامبو وانا بحط ماي . ..
علي : اوكيه . ..

".. . ويصب علي الشامبو ويصب بطي الماء على الفراش . .. ويحطون صابون ويفركون الفراش . .. ويابو عقب فراش علي . .. ونفس الحاله . .. بس ما قدرو يردون الفراش مكانه . .. وخاسو ماي وصابون وكانت حالتهم لله تعبانيين . .. وصلت الساعه 3 الفجر . .. وما عندهم مكان يرقدون فيه . .."

بطي: بتني يعورني . ..
علي : انسير نرقد . ..
بطي : وين . ..
علي: عند مهيرررره . ..
بطي: يلا .. ..

".. . ويروح الثنائي يرقدون عند مهره . .. واكيد مهره ما حست بهم .. . كان سلطان توه واصل البيت . .. رايح غرفته . .. شاف حجرة خوانه مفتوحه والليت مفتوح . .. بس هم محد . .. خاف . .. راح يدور عليهم في الصاله والميلس وفي الحوي بس مالقاهم . .. وفتح حجرة ابوه بس محد . .. سلطان كان شوي وبيّين . .. اذكر اخته مهره وراح حجرتها . .. ولقاهم واحد راقد على الارض والثاني على السرير مع مهره . .. راح وشل علي من الارض وحطه على السرير وغطاهم وراح عنهم . .."

||~ في بيت بو سعيد ~||

".. . علايه ناشه الساعه 4 ونص عشان اتجهز لطلعه . .. وكانت وايد فرحانه حاسه انها مالكه الدنيا لانها الحين خلاص بتسوي كل اللي في راسها بتروح ويا خواتها وبتبات وياهن ما بتخاف من فاطمه . .. ولسانها .. . "

فاطمه : شو موعنج . ..!!
علايه : ربج . .. انتي شو موعنج . ..
فاطمه : ما رقدت . ..
علايه : ما نلوم . ..
فاطمه : شو . ..
علايه : اللي ما خذ عقلج يتهنابه . .. بس ابا اقولج كلمه . .. لا تكونين لعبه . ..
فاطمه : ايه انتي . .. اخر وحده تنصحني . .. وانا حره في حياتي . ..
علايه : هذي حياة اللي ما وراهن ريايل . ..
فاطمه : الحين بتفهميني ان انتي وربعج حشام . ..!!!
علايه : اطهر من الثوب الابيض بعد . ..
فاطمه : هالزمن هالنوع من البنات نادر . .. قصي على غيري . ..
علايه : الحمدالله . .. الله عفانا . ..
فاطمه : انجلعي عني . .. جلع الله رقبتج . ..
علايه : قبلي ان شاء الله . ..

".. . ويدق موبايل فاطمه . .."

علايه : الـ . .. . ماتوب . ..
فاطمه : اقول لحظه . .. ^ وترمس علايه^ : يالفااااااااااااااااارطه مالج خص فيني . .. زولي عني . ..
علايه : بزول ما تنزل ايلس معاج اصلا . ..

".. . وتروح علايه المطبخ وتسوي كرَك . .. وتجهز . .. ودقت على مهره ووضحه اشوفهن . .. وتفقن على الظهره مع بعض . .."

".. . في الشارع . .."

مهره : صبااااح الخير صبايا . ..
وضحه : صبحج الله بالنور والسرور . ..
علايه : صباح النور . ..
مهره : صليتن . ..!!
علايه : يقولون الصلاه عالرمل حلوه . ..
وضحه : اشكركن يلا سرينا عن يخطف حد من الشواب . ..
علايه : الشباب ما يخصهم في صلاة الفير ههههه . ..
مهره : هيه والله . .. مشكلة العصر هذي . .. لازم نلقى لها حل . ..!!
علايه : اوووف احس حياه في فريجناعقب ما سكنو عيال علي . ..
وضحه : احم اح . ..
مهره : علايه شفت البارحه عندهم غراشيب . ..
علايه : والله . .. !!!
وضحه : بذمتج . ..!!
مهره : انتي جب غراشيب لعلايه بس . ..
وضحه : حوه بس اسأل . .. تعرفين بنات ..
علايه : ازين كيف اشكالهم . ؟!!
مهره : احم عقب الصلاه بخبرج . ..

".. . وطن اغراضهن البنات على الرمل . .. وعدلن شيلهن وتحجبن عدل . .. ووقفن عشان يصلن . .. وكانت مهره مسويه عمرها في الصلاه الامام ومجدمه البنات ولخبطت الدنيا . .."

مهره : الله اكبر . ..
وضحه : ههههههههههههههههه . .. لا لا ما تخيل . ..
مهره : استوووو . ..
علايه : انطبخت . ..
مهره : يابقر بني عبس . .. انها صلاه وليست بمزااااح . ..
وضحه : اقول استغفرالله . .. خلونا انصلي عدل . .. كل وحده بروحها بدال هالامام اللي مالها داعي . ..
مهره : بس انا بصلي جدام كيفي . .. عندي جواز احمر . ..
علايه : ذليتي عارنا بهالجواز . ..
وضحه : نسمع عنه بس ما شفناه . ..!!
مهره : عن الحسد داستنه . ..
وضحه : نعم نعم . ..
مهره : حوووه خلني اصلي شو كفار قريش ما تصلن . ..
وضحه : اوه اوه . .. ما نروم . ..
علايه : يغربلج خلينا انصلي ابا اعرف عن الغراشيب . ..
مهره : ههههههههههههه نحن في وادي وهيه في وادي . ..
وضحه : على الاقل وادي غير عن وادي الاكل هههه . ..

" .. وصلّن البنات على الرمل البارد . .. وكان الجو روعه . .. وهن يصلن خطفت سياره عدالهم . .. وعقب قامن ويلسن على الارض. .."

وضحه : شو رايكن انسوي مسلسل بدوي . .. !!!
علايه : اقول شوفن بيت علي . ..
مهره : شو بلاه عادي . ..!! ما تغير .؟!
علايه : لا لا . .. السياره اللي عندهم كانت تو خاطفه عدالنا . ..!!
مهره : والله . ..
وضحه : طالعو انتو هذي ما كانت مندمجه في صلاتها . ..
مهره : اووويه . .. طحتي من عيني خلاص . ..
علايه : لا لا حرام بصيح . ..
مهره : لا تحاولين هاكي هاكي شوفي متعلقه في ظفر ريلي . ..
علايه : كلا ارجوووووكي . ..
مهره : تعلقي لن ينقذكي احد . ..
علايه : سأطيح . ..
وضحه : الحين هذا مسلسل مكسيكي ولا شو .؟!
مهره : لا تاريخي . ..
علايه : هههههههههه . .. ازين ما خبرتيني عن الغراشيب . ..
مهره : ما تنسى . ..
وضحه : هههه . .. يمكن تلقى حب عندهم هههههه . ..
علايه : لا والله ما كان هذا تفكيري بس ابا اعرف . .. فضول . ..
مهره : ازين بخبركن بس شو ريوقكن اول شي . .. !!!
علايه : والله ما ذوقين شي لين ما تخبرينا . ..
مهره : اووووف . .. اوكي سمعي . ..
علايه : كلي آذان صاغيه . ..
وضحه : امحق هههه . ..
مهره : البارحه كنت يالسه استنشق الهواء العليل . ..
علايه : هذا مب مهم نبا من الاخر . ..
مهره : بيضا . ..!!!
علايه : شو بيضا . ..!!
مهره : من الاخر . .. هذي اخر جمله . ..
علايه : وعوه قولي شو . .. بليز . ..
وضحه : بليس لبسج ان شاء الله . ..
مهره : هههههه . .. حلوه وحياتج حلوه . ..
علايه : انتن ناويات اذلني . ..
مهره : ما عاش لي يذلج . ..
علايه : عيل قولي . ..
مهره : ماشي البارحه شفت 3 حريم وكندورتين بيض . ..!!!
علايه : كيف اشكالهم . .
مهره : حززززن مركبه تليسكوب مب عيون عشان اخبرج كيف اشكالهم . ..!!
وضحه : هههههههههه حليلج يا مهره شو بيفججها اليوم الاخت . ..
مهره : تو فيس وحياتج . ..
علايه : ازين اوصفيلي كيف متان قصار سود شو . ..!!
مهره : عوذبالله ولا وحده زينه . .. لالا طوال وعليهم جسم . ..
وضحه : وايه نفس عبدالله المزيني . ..!!!
مهره : ايوووووه . .. بس من هذا .؟!
وضحه : واحد مال شلات . ..
علايه : الله ابا اسير بيتهم . ..!!
مهره : شو رايكن . .. انسير لهم اليوم .؟!
وضحه : ولا شو رايكن نقنع اهلنا عشان انسير خورفكان . ؟!
علايه : هيه عشان اتمين ويا الحبيب في بيت واحد . ..
وضحه : يااااااااااااي حلووووووو . .. بليز مهره قولي لأهلج وقنعي امي . ..
علايه : وايه اسمعو انتو اليوم بسيرن او لا . ..
وضحه : انتي خلينا الحين على خور فكان هذيلا مب طايرين . ..
علايه : مهره شو رايج . ..!!
مهره " تاكل" : كملن كملن . ..
وضحه : يخرب عقلج خلصتي صالونة الطمااااااط وانا مستونها جقي . ..
مهره : جب جب . ..
علايه : اوووووف مملات ما همهن الا بطنهن . ..
مهره : اويه منو يرمس .؟!!!!
وضحه : البطن العود . ..
مهره : لا شكلها البنت ترمس جد . .. اوكي بنسير لهم اليوم اذا الله راد بس اهم شي تغذي تغذي . ..
وضحه : مب زين يشوفونج جذا ذاويه . ..
مهره : عقب محد ينعجب فيج . ..
علايه : صدقتكن والله . ..

".. . وتجدم علايه وتاكل معاهم . .. وقعدن سوالف وعلوم . .. وضرايب . .."

||~في بيت بو حمدان ~||

(& التعريف بالعايله &)

! بو حمدان . .. ماخذ ام حمدان وهيه من العين عاش 30 سنه في العين قريب شغله والحين تقاعد فنتقلو لمنطقة بو حمدان . .. عند عمومتهم .. .
! ام حمدان . .. تحب بو حمدان بشكل وتغار عليه . ..
! حمدان . .. عمره 25 سنه وقايم بالبيت . . .. عاقل رزين وذرب . .. ويحب الخيل . ..
! حميد . .. عمره 23 سنه ربشه ويموت في السياير . ..
! سلامه . .. قد مهره وعلايه ووضحه . .. وراعيت سوالف وعلوم . .. وجريئه . ..
! امل : معرسه وما خذنها ولد خالتها وعندها منه ولد واحد واسمه سعود . ..

سلامه : صباااااااااح الخيرررررر يالمثقف . ..
حمدان : صبحج الله بالخير والسرور . .. شو موعنج .؟!
سلامه : ماشي بس مكان يديد عليه . .. وانته .؟!
حمدان : من نشيت لصلاة الفير ما ياني رقاد . ..
سلامه : ياحظهم الباقيين رقود ولا عليهم . ..
حمدان : ههههه . .. حسود . ..
سلامه : لا والله بس ملل الصبح . ..
حمدان : شكلج بتستانسين هني . ..
سلامه : وين بستانس . .. ماعرف حد .!!
حمدان : اليوم وانا راد من الصلاه شفت 3 بنات يصلن على الرمل على راس العرقوب . ..
سلامه : الله كشخه حلو .. بس شو دراك انهن بنات مب حريم . ..!!
حمدان : لاني يوم وصلت البيت يلست في السياره اشوفهن يوم خلصن الصلاه يلسن يدازن . .. حركات بنات . ..
سلامه : من راقب الناااااااس . ..
حمدان : هههه لا والله ما كان قصدي اراقبهن لكن منظر غريب ما تعودت عليه . ..
سلامه : هيه في العين كله ممنوع . .. يمكن هني تنفج هالعقده . ..
حمدان : معذبه الاخت . ..
سلامه : هيه والله . . فديتك جانهن موجودات بسير صوبهن . ..
حمدان : ما تستحين ..؟!
سلامه : لا عادي
حمدان : براقبج لين ما توصلين الهن . ..
سلامه : اوكي . ..

".. . وتروح سلامه لعند الباب وتشوف البنات يالسات . .."

سلامه : هاكن البنات يلوس . . بروح عندهن . ..
حمدان : روحي بشوف عليج انا . ..
سلامه : وابويه بيتحرني ياهل . ..
حمدان : اراقبج ولا بتيلسين . ..
سلامه : لالا خلاص يا طويل العمر . ..
حمدان : ما تين الا بالمهازب. ..

".. . وتروح سلامه صوب قوم مهره . .."

مهره : بنات وحده يت صوبنا . ..
وضحه ^ نشت^ : يمكن ام دويس بروح انا . . .
علايه ^ تمسكها^ : يلسي يالخام يمكن اخت الغراشيب . ..
مهره : الله كشخه . .. شو تبا منا . ..
علايه : وفرت علينا والله . . ان انسير عندهم . ..
سلامه : السلام عليكم . ..
مهره : وعليكم السلام والرحمه . ..
علايه : يا مرحبا السااااااااع والله ... .

".. . ويقومن البنات ويسلمن عليها . .. وحمدان يطالع على اخته يخاف انهن يطلعن حريم وترد . .. "

سلامه : وشحالكن . ..!!
علايه : بخير ونعمه . .. اعلومج . ..
سلامه : علوم الخير من صوبكن . ..
وضحه : ماشي علوم والله . ..
سلامه : واخباركن . ..
مهره : تشقح وتنطح اليدران . ..
سلامه : ههههههههههههه . .. زادنها الدار يدرانها متكسره . ..
وضحه : ههههههههههههه . .. حلوه . ..
علايه : عقبال ما تنعادين . ..
سلامه : ويه لا ان شاء الله حرام عليج كله ولا راسي عاد ما يهون عليه . ..
مهره : اقربي ليش موقفه . .. عندنا خبز لبناني وصالونة طماط كرك وسندويشات . .. وكل اللي يحبه قلبج . ..
سلامه : هههههه هنوود مب عرب صالونة طماط عالصبح . ..
وضحه : ومعكرونه بالطماط بعد . ..
سلامه : ما شاء الله منو عندكم بو الطماط . ..
علايه : الطماطه وضحه . ..
مهره : ليش واقفين يلسو ابا اكل والله بعدني ما شبعت . ..
وضحه : حزززن من صليتي وانتي تاكلين . ..
سلامه : هههه . .. لحظه بأشر لأخويه عشان يروح . ..

".. . تأشر سلامه لحمدان عشان يروح . .. وهو يأشر لها ودخل داخل . .."

علايه : جان خليتيه يقرب . ..
وضحه ^ ادق علايه ^ : ما نستقبل شباب اجتماع بنات بس . ..
مهره : وايه انتعرف بالعايله كلها . ..
سلامه : هههه ولا يهمكن ادق عليه . ..
مهره : لا والله ما كان استريحي . ..
سلامه : والله احس اني اعر فكن من زماااان بس ما عرف اساميكن هههه . ..
مهره : انا مهره . .. مهره يصعب ترويضها طال عمرج
سلامه : عندي من يروضج . ..
مهره : منو . .. ؟!
سلامه : هههههههههه . .. حمدون اخويه خيّال . ..
مهره : اها . .. هذاك بيتنا هاه . ..
سلامه : لا تخافين ما عندنا ريل . .. هههه . ..
مهره : هههههههههههههه ذكرتيني مره في ملجة وحده من الاهل عيوز مسكتني ويلست تسالني عن البنات وانا اخبرها واخر شي سألتني انتي بنت منو قلت لها بنت خليفه ودليتها على بيتنا . ..
سلامه : هههههههههههه اسميج مستلغثه . ..
مهره : لا والله ما كان في يوم من الايام بس انا على ويهي مب حاطه شي في باللي اخر شي يوم خبرت امايه هزبتني . ..
سلامه : هههه والله انج سوالف .. . وانتن شو اساميكن . ..
وضحه : انا وضحه بنت احمد وجه الخير . ..
علايه : وانا عليا بنت ابويه سيخة المزايين . ..
سلامه : صدق انج شيختهن . ..
مهره : شو عندج ريل لها . ..!!!
سلامه : لا قال حمدانه يبا يعرس بقوله علايه سيده . ..
وضحه : وعووووه استحت علايه هههههه . .
علايه : واااايه . .. شعندج . ..
سلامه : ههههههههههههههههه . .. وحليلها . ..
مهره : وانتي وش اسمج . ..
سلامه : انا سلااااااااامي . ..
وضحه : سلامي ولا ميامي ها ها ها . ..
سلامه : ههههه سخيييييييييفه . ..
وضحه : جدييييييييمه . ..
مهره : كله ولا حرمت اخويه ما رضى . ..
سلامه : اويه هاي معرسه .؟!!!
مهره : وعندها توم . ..
سلامه : والله . ..!
وضحه : هيه ليش ما ينشاف عليه . ..
سلامه : لا والله ما ينشاف . .. شو كبرهم عيالج .؟!
وضحه : 3 سنوات . ..
مهره : ونص .. .
سلامه : ما شاء الله والله ما ينشاف عليج . ..
علايه : والثالث في الطريج . ..
سلامه : اقول عن تخبلبي تخرطن عليه انتن. ..
مهره : هييييييييييييييييه . .. علايه قومي ويلسي عليها . .. سبتنا . ..
سلامه : خيبه خيبه . .. وين سبيتكن .؟!
وضحه : عيل تقولين تخرطن . ..
مهره : علايه اقولج قومي ويلسي عليها . ..
سلامه : ههههههههههه . .. اسفه اسفه . .. الايام بتكشف جذبكن . ..
مهره : بعدها تقول جذب . ..
وضحه : لا ما بتصدق لين ما راويها عيالي . ..
علايه : سيري ويبي علي وبطي . ..
مهره : ذكرتوني . .. لقيتهم رقود عندي هذي اول مره . ..
وضحه : لا يكون مسوين شي . ..
مهره : والله مادري رقدتهم عندي مب طبيعيه . ..
سلامه : طلع الجذب . ..
مهره : هههههه . .. ازين كم عمرج انتي . ..
سلامه : 18 وانتن .؟!
مهره : كشخه نفسج . ..
علايه : يعني انتي ثنويه نفسنا .؟!
وضحه : كيف يتي والامتحانات .؟!!!!!!
سلامه : لالا انا مخلصه الثنويه السنه اللي طافت . ..
مهره : ما نروم نحن على الخاصه . ..
سلامه : ههههه . ..

".. . يلسن البنات يسولفن وربشه . .. لين ما وصل لسلامه مسج من عند حمدان . .."

سلامه : بنات حمدان مطرش لي مسج يقولي اعزمي ربعج وتعالن البيت . ..
مهره : لا نستحي والله . ..
علايه : فضحه الحين الضحى . ..
وضحه : وبعد محد يدري عنا . ..
سلامه : الشيمه تعالن والله بيتنا الكل فيه راقد الا حمدان الوحيد اللي ناش ومابيي صوبنا . ..
مهره : خيرها في غيرها فديتج . ..
سلامه : والله لتن بندش حجرتي . .. محد بيي والله .. .
وضحه : امممم بس شوي ما بنطول . ..
علايه : عن خاطرج . ..
مهره : اوكي خلاص . ..
سلامه : فديت روحكن والله مشكورات . ..

".. . وروحن البنات مع سلامه . .. ويلستهن في الميلس البرع لين ما تشوف اذا البيت فاضي او لا . .."

علايه : اقول بروح الحمام انا . ..
مهره : ازين هذوه الحمام ليش مستحيه . ..؟!! محد غيرنا . .. هههه . ..
وضحه : لا تخافين محد غراشيب هنا عشان تستحين . ..
علايه : ويا روسكن بسير اغسل ريولي عن الرمل وتعدل شوي . ..
وضحه : تبين جحال . ..
مهره : ولا قلووس . ..
علايه : حميييير . ..
مهره : عمتج ام ريلج مب نحن . ..
علايه : ههههه . ..

".. . وتروح علايه الحمام عشان تتغسل وتتعدل . .. مهره ووضحه يلوس يرمسن . .. وشوي يشوفن حد يبا يفتح الباب الثاني للميلس لي يودي على الشارع . .. فشاردن وروحن برع في الحوي . .. وخلن علايه في الحمام . .."

حميد : اقرب يا ولد العم . ..
علي : بيت عامر . ..
حميد : هيه زين . .. ما عرف الرد . ..
علي : ههههه ولا انا . ..
حميد : والله احس اني غلط هنا . ..
علي : ما تيوز لك الا العين انته . .
حميد : هيه والله والسهر في المبزره . ..
علي : ازين وين العضيله . .. الا فرة حصاه هب من بعد المسافه . ..
حميد : بس ما قدر كل يوم ساير راد . .. يابوك . ..
علي: الحين حان وقت دبي والشارجه . ..
حميد : والله ماشي عقب العين . ..

".. . علايه يايه بتفتح الباب بس سمعت صوت شباب . .. حست بالخوف . .. ما تعرف شو تسوي . .. كانت تحس بحراره بجسمها . .. ادور دريشه عشان تظهر منها لكن الحمام مافيه لا دريشه ولا شي . .. ما عرفت شو تسوي . .. وقعدت تدعي ربها انهم يظهرون عشان تظهر . .."

علي : ما بتحطون تلفزيون هني حق السهر . ..!!
حميد : افكر ايب طاولة بليارد . .. شو رايك . ..
علي : والله فكره حلوه . ..
حميد : بشوف شو الترتيب عقب . ..
علي : وين ساير مابا شي انا . ..
حميد : لا والله ما يصير ضيف لازم انضيفك . .. يا شيخ انا مروح الحمام . ..
علي: ما لومك شارب 4 قواطي عصير . ..
حميد : ههههههههه . . الله ينطبك . ..

".. . البنات موقفات برع وتيهن سلامه . .."

سلامه : شو عندكن ميلسات برع ووين علايه . ..
وضحه : الحقينا . ..
سلامه : شو السالفه . .. ؟!
مهره : ريايل دشو الميلس وعلايه في الحمام . ..
سلامه : خيبه شو نسوي . ..!!!
وضحه : والله فشله . .. شوفي يمكن حد من خوانج . ..؟
سلامه : حمدان في الصاله . .. بشوف بدق على حميد . ..

".. . يروح علي وييلس على الكرسي . .. وحميد راح الحمام لكن الباب مقفول . ..!!!! ... ."

حميد : في حد هنا .؟!!!

" .. . لكن محد يرد على حميد . ."

حميد : باب الحمام مقفول مادري شو بلاه . ..
علي : يمكن بروحه جذا .؟!!!
حميد : مادري سألت جان في حد بس محد رد عليه . .. اصلا اللي في بيتنا كلهم رقود من بيكون يعني .؟!!!
علي : مادري شوف . ..
حميد : بفتحه بالسجين . ..
علي : فجه . ..

". .. ويروح حميد وعلي عشان يبطلون باب الحمام . .."

حميد : الله ينطبه من باب . ..
علي : ازين يمكن حد داخل . ..
حميد : تو سألت محد أقولك . ..

". .. ويدق موبايل علي ويروح في الميلس عشان يرمس . .. والبنات برع يحاتن علايه . .. و سلامه ادق ع تلفون حميد اللي كان مسوي للموبايل طاف . .. وعلايه مجمده في مكانها ما قدرت تتحرك او انها تنطق بشي . .."

حميد ^ وهو يفتح الباب^ : اموت واعرف شو مشكلة هالبــ . .. ..

" .. . ويشوف علايه اللي كانت مجمده في مكانها . .. وهو حس ببروده غريبه في جسمه . .. كانت دموعها على خدها من الخوف . .."

ولا تحرموني من ردودكم . ..

غرنجية الطرف
24-06-2006, 12:54 AM
وااااااااااااااااااااااااااااااااااااااااااااااااا اااااااااااااااااااااااااااااااو

تسلمين الغاليه.....

اسمحيلي حشرتج و اذيتج..

درام الحب
24-06-2006, 01:19 AM
افا عليييييييييج . .. خذي راحتج وزوووووود . .. ما بينا اخواااات . ..
استانس على الحشره احم اح

الخيماوية
24-06-2006, 01:34 PM
مشكوووووووووووووووووووووووووووورة .. نتريا لبقية .. :)

محاربة الشوق
24-06-2006, 02:14 PM
مشكووووووووووووره على البااااااااااااارت ...



تسلمين والله..

الدلوعة
25-06-2006, 04:08 PM
تسلمين والله على هالبارت او نتريا التكمله بفارغ الصبر الصراحة \او تسلمين على هل بارت

درام الحب
26-06-2006, 02:44 AM
مشكوووووووووووووووووووووووووووورة .. نتريا لبقية .. :)

العفو طال عمرج . ..

درام الحب
26-06-2006, 02:44 AM
مشكووووووووووووره على البااااااااااااارت ...



تسلمين والله..

العفو . .. طال عمرج . ..
والله يسلمج يالغاليه . ..

درام الحب
26-06-2006, 02:49 AM
تسلمين والله على هالبارت او نتريا التكمله بفارغ الصبر الصراحة \او تسلمين على هل بارت

الله يسلمج يالغاليه . .. ويعله انه عيبكن . .. والسموحه

عذووب
26-06-2006, 01:49 PM
وااااااااااااااااااااااااااااااااااااااااااااااااا اااااااااااااااااااااااااااااااو

تسلمين الغاليه.....

درام الحب
26-06-2006, 07:57 PM
وااااااااااااااااااااااااااااااااااااااااااااااااا اااااااااااااااااااااااااااااااو

تسلمين الغاليه.....
ويسلم غاليج ومغليج يالغالي . .. :)

درام الحب
29-06-2006, 06:43 PM
". .. ويدق موبايل علي ويروح في الميلس عشان يرمس . .. والبنات برع يحاتن علايه . .. و سلامه ادق ع تلفون حميد اللي كان مسوي للموبايل طاف . .. وعلايه مجمده في مكانها ما قدرت تتحرك او انها تنطق بشي . .."

حميد ^ وهو يفتح الباب^ : اموت واعرف شو مشكلة هالبــ . .. ..

" .. . ويشوف علايه اللي كانت مجمده في مكانها . .. وهو حس ببروده غريبه في جسمه . .. كانت دموعها على خدها من الخوف . .. وفي هاللحظه علي سكر عن لي يكلمه .. ."

علي ^ وهو ياي صوب الحمام ^ : هاه فتح الباب . ..
حميد ^ وهو مروح ^ : هيه . ..
علي : وين مروح . ..
حميد : خلنا نظهر . ..
علي : والحمام . ..
حميد : خلنا نروح انحوط . ..
علي : تلفونك حشرنا من كثر ما يدق . ..
حميد : برايه . .. خلنا نطلع . ..
علي : بسم الله عليك شو ياك . ..!! منجلب . ..
حميد : واللي يرحم والديك نش . ..
علي : ان شاء الله . .. يلا . ..

".. . وظهرو من الميلس . .. وركبو السياره . .. وحميد ما نطق بكلمه . .. وعلايه ما تحركت من مكانها .. . والبنات برع كانن يحاتن علايه . .."

مهره : هاكي السياره روحت . ..
سلامه : خلونا اندش انشوف علايه . ..
وضحه : اقول انا بتم هنا سيرن وردن اخاف . .!!
مهره : وايه شو منه تخافين بعد . ..
سلامه : ههههه . .. خل نشوف حال علايه . ..
مهره : ويمكن ولا حد درابها . ..
وضحه : ان شاء الله . ..

".. . ويروحن البنات الميلس . .. فتحن باب الحمام . .. شافن علايه يالسه على ارضية الحمام . .. وتصيح . .. وحالتها لله . .."

مهره : واااااااااااايه فديتج علني افداج ليش اصيحين . ..!!
سلامه : شو ستوالج .. . علايه شو بلاج . . ..!
وضحه : شكلها ابد ما يطمن . ..

" .. . علايه تبا تكلمهن . .. لكن ما تقدر . .. الحرف ما تقدر تنطقه . .."

مهره : علايه قولي شو صار . .. الشيمه لا تمين جذي . ..
وضحه : رد الشان .. . ارمسي والله قلبي يعورني . ..
سلامه : صبرو شوي شوي على البنت . .. خلوها تيلس في الميلس . .. وانا بسير ايب لها ماي . ..
وضحه :اوكي . ..

".. . ويسيرن البنات وييلسن في الميلس مع علايه . .. وتقفل مهره باب الميلس . .. وتيب سلامه الماي حق علايه والبنات . .."

سلامه : امسكي وشربي فديتج . .. وخبرينا شو صار . ..

".. . وتشرب علايه الماء . .. والكل صاخ يترياها تتكلم . .. وتقول شي . .."

علايه : واحد . .. في واحد فتح عليه الحمام . ..
وضحه : الله منو . ..!!!
سلامه : كيف أوصافه . ..
علايه : مادري بس طويل . ..
سلامه : يمكن هذا اخويه حميد . .. بدق له . ..
علايه : لااااااااااا ^ ودمع عيونها ^ . .. ماباج تقوليله اني انا ... . او شي . .. ^ وتصيح ^ . ..
مهره ^ حابه تكسر هالجدار ^ : بس عسااااه غرشوب . ..!!!
وضحه : شو يشبه المزيني . ..!!!
سلامه : فديتكن اخويه احلى عن المزيني وغيره . ..
علايه : ههههه . ..
مهره : والله حظج في السما يا علايه . ..
وضحه : هب الا . .. يا حظج . .
مهره : سلـــــــــــــــطااااااااااان . ..
وضحه : خيبه خيبه . .. ما نروم انقول شي . .. والا سلطان موجود . ..
سلامه : خبرني . .. شو سالفة سلطان و وضحه . ..
مهره : يابوج بس ارفعي ايدج للسما وقولي آآآمين . ..
سلامه : آآآمين . ..
مهره : يارب انه ياخذ وضحه . ..
وضحه : آآآمين . ..
مهره : لا حوووول بنات هالزمن ضاع الحيا من ويوهن . .. لازم تستحين . ..
وضحه : والله . .؟! اسفه اندمجت . ..

".. . ويضحكن البنات . .. وعلايه في عالم ثاني . .. كانت حاسه بقفطه . .. وتبا تروح البيت . ."

علايه : بنات خلنا انروح البيت . ..
سلامه : افاااااا . .. يالسين . ..
علايه : فديتج . .. والله ابا اروح أحس بقفطه . ..
مهره : هيه والله بنروح فشله . ..
سلامه : وايه شو فشلته . .
علايه : بس ارجوج يا سلامه لا تخبرينه شي . .. خل انج ما تعرفين شي . ..
مهره : ههههه . .. اخافه يغدي خلاف المحقق كونان . .. بيتم يدور منو هذي راعية هالعيون الذباحه . ..
سلامه : ههههههههههههه . .. بوافيكن بالاخبار أول بأول . ..
مهره : هيه .. . عطينا رقمج . .. عشان نتواصل . ..
وضحه : يلعن ابو الفضول والله . ..
مهره : ههههههههه . .. فاهمتني يالبطحه . ..
وضحه : بطحه في عينج . .. يا بطه . ..
سلامه : ههههههههههههههههه والله انكن . ..
علايه : مقاليع . ..
وضحه : والله انج خام . ..
مهره : بعدج ما ظهرتي من العده وتسولفين . ..
سلامه : خيبه خيبه . .. سوتها عده . ..

".. . وتاخذ مهره رقم سلامه . .. ويتوادعن . .. ومن جهه ثانيه . .. حميد من ركب السياره ما نطق بحرف . .. كان سرحان . .. يبا يعرف من ذي وشو يابها بيتهم . .. وبهالوقت . .. !!! أفكار كثيره دارت في باله . .. لين ما كسر علي حاجز الصمت . .."

علي : حميد شو بلاك . ..!!
حميد : والله ما عرف شو أقولك يا بو حسن . ..
علي : انت من فتحت باب الحمام . .. وشكلك متغير 180 ودرجه . .. لا تشرب عصير هالمره قاطعه . ..
حميد : ههههههه . .. بس شفت وحده في الحمام . ..
علي : شوووووو . ..!!!
حميد : الباب مقفول . .. كانت وحده داخله . ..
علي: ومن وين يت هالوحده . .. !!!
حميد : مادري كانت منصدمه . .. وتصيح . .. بس وربي انها ملاك . ..
علي : والله شي غريب . ..
حميد : هب الا غريب . .. بس من وين يت . .. وبنت منو . .. وكيف دشت بيتنا . ..!!
علي: عوده ولا صغيره . ..
حميد : في سن سلوم . .. بس دحدوحه . ..
علي: ههههههه . .. بس والله شو لي يابها للحمام . ..
حميد : ما برتاح لين ما اعرف من ذي . .. اقولك ردني البيت بدور ع الاجابه . ..
علي : اخاف الا عقدتك في شباكها من اول موقف . .. هههههههه . ..
حميد : هههههههه . .. والله لو شفت اللي شفته ما راح تلومني . ..
علي : الله يعينك . ..
حميد : سلوم داقه لي 10 مرات وش عندها . ..
علي : رد ودق لها يمكن تعرف شي عن اللي سلب الروح . ..
حميد : ههههههه . .. الحين بسألها من اوصل . .. اخاف الا حاطه لستة طلبات . ..
علي: الله يعينك عليها . ..
حميد : آآآمين . ..

".. . ويوصلون بيت بو حمدان . .. و ينزل حميد . .. اما علي راح يقضي أشغاله . .. واول ما دش البيت شاف سلامه يالسه في بلكونة البيت . .. وتقرى الجريده . .. "

حميد : فديت سلامي والله . ..
سلامه : علني فدا روحك والله . ..
حميد : شو هالزين كله عالصبح . ..
سلامه : شو نسوي الزين مني وفيني . ..!!
حميد ^ يمسك ويها ^ : يا شينج يوم تصدقين روحج . ..
سلامه : هههههه . .. ويا راسك . .. تبا تشوه جمالي الرباني . .. اللي وهبنياه . ..
حميد : أمحق جمال . .. الا أقول محد ياكم اليوم . ..
سلامه : ابدن . .. ليش . ..؟!
حميد : انتي من متى ناشه . ..؟!!!!!
سلامه : الساعه 6 الفير ليش .؟!
حميد : اها . .. مول محد ياكم . .. ولا عند اميه . ..؟!!!
سلامه : ابدن بيتنا محد طاحه اليوم . ..
حميد : ايواااا . ..
سلامه : ليش تسأل . ..؟!!!
حميد : اليوم شفت وحده . ..؟!
سلامه : شو . .. وين وكيف .؟! ومن هي . ؟!
حميد : عوذبالله شو عندج . ..
سلامه : لا بس فضول . .. يا حلو . ..
حميد : ماشي اليوم شفت وحده في الحمام مال الميلس . ..
سلامه : انزين . ..
حميد : والله ما كان قصدي بس فتحت الباب وشفتها جدامي وما قدرت اتحرك . .. كانت منصدمه وتصيح . .. والله قفطت . .. حاس بذنب . .. ما ظهرت من باللي . .. ودي اشوفها مره ثانيه وثالثه وعاشره . .. ما ظن بشبع . ..
سلامه : الله لهدرجه حلوه . ..
حميد : آآآآآه وزود بعد. ..
سلامه : لا يكون ام دويس . ..!!!
حميد : هااااااااااه . ..
سلامه : لا يكون البيت مسكون وتكون ينيه . ..
حميد : تعالي ما نتبهت لريولها . ..
سلامه : هههههههههههههههه . ..
حميد : لا والله بس ليتني اعرف من هذي . ..
سلامه : الله يعينك يا خويه . .. ما عندي علم . ..

".. . ويظهر حمدان من البيت . .."

حمدان : صباح الخير . ..
حميد : صباح النور . ..
حمدان : اعلومك . ..
حميد : علوم الخير من صوبك . ..
حمدان : العلوم طيبه . .. ^ ويشوف سلامه ^ . .. اعلومج ويا البنات . ..
سلامه : عجيبااااااااات . ..
حمدان ^ مبتسم ^ : اهم شي انج استانستي . ..
حميد : لحظه لحظه . .. اي بنات . ..
حمدان : اليوم اختك لقت لها بنات على راس العرقوب يالسات وسرَت صوبهن ويباتهن البيت . ..
سلامه ^ وهي قايمه ^ : مع السلاااااااااااااااامه . ..
حميد : ظنج بسكت عنج . .. !!! ^ ويلحقها ^ . ..
حمدان : الحمدالله والشكر . .. الله يكمل بعقولكم . ..

".. . ويركب حمدان سيارته عشان يروح للأسطبلات . .. اما حميد كان يروغ سلامه . .. لانها خلته جذا . .. وما خبرته .. ."

سلامه : والله اسفه والله . ..
حميد ^ ماسك سلامه من ايدها بأقوى ما عنده ^ : لا ماشي اسفه . .. ليش ما تخبريني . ..
سلامه : ايدي تعورني . .. ايي ايي . .. ارجوك خلني . ..
حميد : والله ما خليج لين ما تخبريني السالفه . ..
سلامه : اول شي فجني أأأأأأي . ..

".. . ويفج حميد ايده . .. بس سلامه شردت عنه . .."

سلامه : احلم انك تعرف شي مني . ..
حميد : عنلاتج يالخااااااام بشوفين . ..
سلامه : ههههههههه . .. وانت من اهل الخير . ..
حميد : لو ما خليت حياتج جحيم بشوفين . ..
سلامه : ولا حرف بيطلع مني . ..
حميد : بتشوفين . .. بتقولين عقب حميد ابا و ابا . ..

".. . ويروح حميد عن سلامه . ..وسلامه مستانسه على الموقف لي صار . .. وحميد راح يدور في الفريج . .. يمكن تطلع ويشوفها . .."

||~ في بيت بو سعيد ~||

".. . علايه أول ما وصلت البيت راحت المطبخ عشان تشرب ماء . .. وهيه طالعه شافت سياره استيشن سودا ملونه فُل غريبه . .. وكانت حرمه لابسه عباة راس ونقاب نازله منها . .. وراحت السياره مسرعه . .. . والحرمه دشت البيت بدون احم ودستور . .. راحت علايه وراها عشان تشوف من . .."

علايه : فطووووووووووووووووووم . .. !!!!!!!!!!
فاطمه ^ خايفه ^ : هـــااااااه . ..
علايه : من وين يايه . . .؟!! وسيارة من هذي . .. !!!
فاطمه ^ بجرأه^ : وانتي شو يخصج فيه . . ...!!! اروح وين ما أبا ومع من ابغي . .. ^ وتاشر على علايه بكل حقاره ^ اخر عمري وحده شراتج تسألني . ..
علايه ^ معصبه ^ : والله انج منحطه واطيه فارطه . .. خليتي سمعت ابويه في الارض بدال ما ترفعينها . .. والله لخبره ويصير لي يصير .. .
فاطمه : ابويه مريض جانج تبين تجتلينه خبريه . ..
علايه : والله انج وقحه والله . .. خلي سعوووود يرد والله ان الخبر راح يوصله . ..
فاطمه ^ بكل برود^: انتي ليش مغتاضه . ..!! جان في خاطرج بعرفج . ..
علايه : ااااااااايه انتي شو بلاج نسيتي انتي بنت منو . .. ..!!! ونسيتي اخوووج شو يكون . ..!!! ليش تشوهين سمعتهم لييييش . ..!!
فاطمه : اول شي ولد ابويه مب اخويه انا ما عندي الا سعيد . .. مفهوم . .. وانا ما نسيت من اكون . ..
علايه ^ تصيح ^ : لييييش اشوهين سمعت عايلتنا جذا عيل . ..!! ابويه قصر عليج بشي . .. ولا سعيد . .. !!! اكرهيني برايج بس كله ولا ابويه حرام عليج . ..
فاطمه : توضحيلي انج وحده مستقيمه . ..!!!
علايه : والله ثم والله لخبر سعيد عليج . .. خليه يرد بس . .. يالمنحطه . ..
فاطمه : مب غير عنج . ..

".. . بكل برود فاطمه راحت عن علايه . .. اللي كانت تصيح وبحراره . .. علايه تحسب لأبوها وسمعته الف حساب قبل لا تسوي شي . .. عكس فاطمه اللي كانو عاطينها الحريه الكامله لانها اكبر وحده . .. لكن فاطمه عند ابوها وسعيد و الناس ويه وعند علايه ويه ثاني . .."

||~ في بيت بو سلطان ~||

".. . مهره داشه الصاله وتشوف امها تصيح . .."

مهره ^ خايفه^ : امي . .. امي شو بلاج حد صار له شي . ..؟!!!
ام سلطان : اخوانج . .. يا بنتي . ..
مهره ^ تصرخ ^ : شو بلااااااااهم . ..!!!
ام سلطان : فراشهم في الحمام ومغسول وهم محد . ..
مهره ^ من بعد الخوف ^ : الله يغربل عدوج زيغتيني . ..
ام سلطان : شو زيغتج دورت عليهم في البيت كله . ..
مهره : هههههههههههه . .. في حجرتي رقود . ..

".. . ام سلطان حست ان روحها ردت لها . .. وراحت تركض لغرفة مهره عشان تشوفهم . .."

ام سلطان : علني هب بلاكم . .. فديتكم . ..

".. . وتبوسهم على روسهم . .. وتمسح دموعها . .. اما مهره كانت تحت تضحك عليها . .. وكيف ان هالتوم مخبلين فيها . .."

||~ في بيت بو حمد ~||

وضحه : اااااااااااااااااااامي . ..
ام حمد : وضررررررس . ..
وضحه : يضرررسج . ..
ام حمد : شو تبين . ..
وضحه : فديت روحج والله . .. قالو ان عندج سياره . ..
ام حمد : من الاخر شو تبين . ..!!!
وضحه ^ تلعب بشعرها ^ : خاطري في فطاير الخليج . ..
ام حمد : خيبه خيبه . .. نفزع لشارجه . .. عشان خاطرج . ..!!
وضحه : كريم انتي وانا استاهل . ..
ام حمد : ماشي . ..
وضحه : شو هذاااا لازم تغذيني انا ورايه ثنويه عامه لازم اذاكر . .. وانتي لازم تهتمين فيه . .. تخيلي الحين لو رسبت . .. كله منج بيكون . ..
ام حمد : عوذبالله هب امتحانات هذا وحام . ..
وضحه : اوكي تبينه يطلع في عين خلووووف . ..!!!
ام حمد : تراج وايد متخيله ان سلطان بياخذج . ..
وضحه : ان شاء الله . ..
ام حمد ^ بحزن ^ : الله يكتب لي فيه الخير . ..
وضحه : شو بلااج . ..!!!
ام حمد : لا ماشي . ..
وضحه : ازين يا شيخه بتوديني . ؟!!!!
ام حمد : وحمد . ..!!!
وضحه : يا هذا حمد . .. وينه . ..!!
ام حمد : راقد . ..
وضحه : بسير اوعيه . ..
ام حمد : ما بتعشين فطاير . ..!!!
وضحه : لالا ابا اتغدى . .. انا ما بمتحن الفليل . ..!!!
ام حمد : لي بيسمع الحين . .. مب جنج الا بتبرشمين . ..
وضحه : هههههه . .. ذكرتيني . .. ابا ورق شفاف والوان حق الطابعه . ..
ام حمد : كم ورقه تبين بعد . ..
وضحه : درزن . ..
ام حمد : خير . ..
وضحه : يلا بدلي هالثياب والله احس اني شحاته من اشوفج . ..
ام حمد : يخرب عقلج . .. روحي قبل لا اغير رايي . ..

".. . علاقة وضحه ويا امها علاقة الصديقه بصديقتها . .. وايد حلوه . .. لكن مرات ام حمد تنجلب عليها . .. وتروح وضحه تلبس عباتها وتوعي حمد . .. ويركبون السياره . .."

وضحه : اقول . ..
ام حمد : هاه . ..
وضحه : شو رايج لو اقص هالشيله مني . .. واخيطها عدل عشان اخليها مثل المخبا وحط فيها البراشيم . .. !!!
ام حمد : بس شيلتج من الزينات . ..!!!
وضحه : عادي بحتاجها لجامعه بعد . ..
ام حمد : خاصه للامتحانات . ..
وضحه : ايواااا . .. اليوم اباج المغرب تيبيلي الاوراق . ..
ام حمد : والله فكرج حلوه خبري مهره عنها . .. اظن ان عندها نفس هالشيله . ...
وضحه : لا مهره ما تبرشم بس اطالع . ..
ام حمد : ليش . ..
وضحه : امها شكتها هذاك النهار وهيه امبرشمه وحلفت عليها . ..
ام حمد : الله يعينها . .. وينجحكن . ..
وضحه : آآآآمين . .. اقول خلونا انسير خورفكان رباعه . ..
ام حمد : والله الشور عند ام سلطان . ..
وضحه : مهره بتقنع امها . ..
ام حمد : اسميكن اللي بيشوفكن ما بيقول هذيلا وراهن امتحانات . ..
وضحه : بنذاكر رباعه هناك . ..
ام حمد : قصي على هندي . ..

".. . وتطول ام حمد على المسجل على غنية الله الله يا زعلان . .. تحب الربشه . .. وحمد وراء يصفق وفرحان . .. وكان الجو عجيب ربشه في السياره والاغاني طالعه برع .. . "

وضحه : انا ما عندي ام .. . عندي مراهقه يالله تعينا . ..

||~ في بيت بو سعيد ~||

".. . الساعه 2 الظهر . .. سعيد داش البيت . .. والهدوء يعم المكان . .. يروح يفتح باب حجرة فاطمه لكنها فاضيه . .. حاول يفتح حجرة علايه لكنها قافله . .. دق الباب . . محد رد . .. استغرب . .. راح غرفته عشان يسبح . .. ويرتاح شوي . .. فاطمه وهي داشه الصاله شافت بوت سعيد . .. فراحت الغرفه عنده . .."

فاطمه ^ وهي ادق الباب^ : سعووود . .. انت يت .؟!
سعيد ^ يفتح الباب^ : مرحبااا ^ ويحب اخته على راسها ^ . .. اشحالج يالغاليه . ..
فاطمه : بخير . .. منزلينكم من وقت . ..
سعيد : وابويه شكلج ما شتقتيلي . .. حرام عليج اسبوعين محجوز . ..
فاطه : هههههه . . فديتك والله البيت بلاك ما يسوى شي . ..
سعيد : عيل وين علايه . ..
فاطمه ^ تغيرت ملامحها ^ : مادريبها . ..
سعيد : شو بلاج . .. لا يكون مضاربات . ..
فاطمه : لالا شو لي يخلينا نتضارب . ..
سعيد : احيدكن جنكن دياي محطوط في قرطاسه . ..
فاطمه : ههههه . .. يلا اتسبح وتعال تغدا . ..
سعيد : ان شاء الله . ..

".. . ويروح سعيد عشان يسبح ويصلي . .. اما فاطمه كانت حاسه بشوية خوف وما تعرف شو تسوي . .. تخاف ان علايه صدق تخبر . .."

||~ في بيت بو سلطان ~||

مهره : فديت اللي يا من دوامه وبيتغدا ويانا . ..
سلطان : تفدتج يدعه . ..
مهره : واااااايه . ..
سلطان ^ يمسكها من أذنها ^ : الحلوه شو تبا . ..
مهره : ها ها ها فديت لي يفهمني . ..
سلطان : افهمها وهي طايره . .. مهيره تتفدى بدون طلبه لالا . .. ما يصير . ..
مهره : علني فدا هالخشم الطويل . ..
سلطان ^ يمسك خشمه^ : حلو صح .. .
مهره : الا عذاب . .. سلطون طلبتك . ..
سلطان : يالبيه . .. شو عندج . ..
مهره : لبيت في منى وانا وياك . ..
سلطان : لزقه تو فيس . ..
مهره : وان شاء الله في شهر العسل بعد . ..
سلطان اتخسين . .
مهره : فديتك نبا انسير خورفكان . ..
سلطان : انتي ومنو . ..
مهره : انا ووضحه وعلايه . .
سلطان : تــــم . ..
مهره : فديتك . .. والله . ..
سلطان : بس الحين انا بروح عند خالد . ..
مهره : وايه توك ياي من الدوام . ..!!!
سلطان : لالا بروح اتغدا عنده . .. ازين . ..
مهره : اوكي . .. الله يحفظك . .. بس لا تنسى اقنع امايه . ..
سلطان : اوكي . ..
بو سلطان ^ وهو داش^: وين ساير . ..؟!
سلطان : بروح عند خالد اشوف احواله . .. ادق عليه ما يرد . ..
بو سلطان : روح روح عنده لا تخليه . ..
سلطان : ان شاء الله . ..
مهره ^ والفضول لاعب دور ^ : شو بلاه خالد . ..!!!
بو سلطان : ما سمعت . ..!!!
مهره : لا لا ماشي . ..
سلطان : ههههههههههههههههههههههههه . .. يلعن ابو الفضول والله . ..
مهره : خام . ..
بو سلطان : ههههه . .. ما يخصج في الريايل . ..
مهره : وابويه ازين انا ماباه بس اسأل شكله شي فيه . .. حبيت اطمن . ..
سلطان : ما فيه الا كل خير . ..
بو سلطان : طالعه على عمتها الله يرحمها . .. تجلب الدنيا اذا ما عرفت . ..
مهره : هههههه . .. فديتها والله . .. تعالو ما خبرتكم عن امايه . .
سلطان : شو بعد . .. بسرعه ابا اروح . .
مهره : ازين الدرب روح بخبر ابويه . ..
سلطان : لا والله ما كان . ..
بو سلطان : الفضول وراثه . .. ههه . .
سلطان : هههه عادتني . ..
مهره : ازين سمعو . .. اليوم يوم رديت البيت لقيت امايه تصيح . ..
بو سلطان : ليييش . ..
مهره : مالقت يأجوج و مأجوج في حجرتهم . ..
سلطان : ازين حتى يوم رديت البيت الفليل لقيت باب حجرتهم مفتوح وهم محد والله قلبي طار من محله . .. دورت عليهم في كل مكان اخر شي لقيتهم رقود عندج وعلي طايح على الرخام . .
مهره : ههههه . . بس يوم خبرت امايه طارت صوبهم . .. وعلى الدري . .. ابويه ترها تخورط عليك يوم تقول ريولي وريولي . .. والله انها المصعد ما صعدت به . .. صعدت بالدري تربع . .. غزال . ..
بو سلطان : ههههه ما نروم على بزاء العيايز .. .
ام سلطان : هااااه ما سمعت . ..
مهره : خيبه خيبه . .. تعينك . ..
سلطان : مع السلامه قبل لا تنفجر القنبله . ..
بو سلطان : وايه علني فدا هالويه . .. شو بلاج . ..!!
ام سلطان : فديتك هالواته هب عليه . .. منو العيوز . ...!!!
مهره : امايه انا اقوله انه عندي رواتزم . .. في ريولاتي . ..
بو سلطان : هههههههههههههه . ..
ام سلطان : حسبي الله عليج ^ وتمسك الواير ^ . ..
مهره ^ تبا تشرد ^ : التوبه التوبه والله ما عيدها . ..
ام سلطان : مسودة الويه . ..
مهره : ادافع عنك تعال دافع عني الحين . ..
بو سلطان : ههههه ما يخصني . ..
مهره : طحت من عيني خلاص . ..
ام سلطان : تعالي يا مسودة الويه جذي ترمسين ابوج . ..
مهره : ووووه ما ترضى على الغناه . ..

".. . ام سلطان سارت صوب مهره عشان تضربها . .. ومهره تأخر على وراء . .. الا بطي وعلي ياين من برع . .. ماسكين قنفذ . .. ويحطه بطي على ظهر مهره . .."

مهره ^ تصرخ ^ : اااااااااااااااااااي . ..
بطي وعلي : هههههههههههههه . ..
علي : بتي عيد عيد . ..
مهره : شو فلم هندي يعيده . ..
بو سلطان : هههههه دواااااااج . ..
ام سلطان : حسبي الله عليكم من عيال . ..
علي : هههههه . ..
بطي : ماما مسكي . ..
مهره : عطني بمسكه . ..
بطي : لا لا انتي تب . ..
مهره : جب يجبك . .. يالحمار . ..
ام سلطان :ظهروه برع هالدعلي يلااااااااا . ..
علي : بربيه . . .!!
ام سلطان : ظهروه ولا بهالواير يلااا . ..
بوسلطان : ظهروه فديتكم امكم معصبه . ..

||~ عند فطاير الخليج ~||

ام حمد : شو تبين . ..
وضحه : مالي نفس مابا . ..!!!
ام حمد : لا والله . .. مفزعتني لين هني . .. واخر شي مابا . ..
وضحه : هههههههههههه . .. طلبي من كل شي حبتين . ..!!!
ام حمد : ما شاء الله يالبطن . ..
وضحه : هب شكلج انتي بتخلصينه عني . ..
ام حمد : خاااام . ..

".. . وطلبت ام حمد حقهم فطاير . .. وحطت وضحه غنيه عراقيه وطولت عليها ورتبشت وتغني معاه . .."

وضحه : يمه قرصتني عقربااااااه . .. يا يمه لو شفتيها سبحان لي مسويها . .. عاشو عاشو . .. سرى سرى . .. من راسها لرجليها تقتل يا يمه هالمراه . ..

".. . وحمد مرتبش . .. وام حمد تتحرطم على وضحه لانها ما تحب عراقي . .. يوم تعبت منها . .."

ام حمد : جنها 700 فولت كل الطريق كهربااااا . ..
وضحه : ههههههههه . .. عجيبه عجيبه امي . ..
ام حمد : خبلتبي . ..
وضحه : من امبونج . ..
ام حمد : نعم . . ..!!!
وضحه : سلامة راسج . ..

".. . وضحه وام حمد طايحات في السوالف والضحك . .. والجو عندهم في السياره حلو . .. شوي وسياره تدعمهم شوي . .."

وضحه : خيبه . ..
ام حمد : تخيب العدو منو هالهرم . ..

".. . وتنزل ام حمد . .. عشان تشوف السياره وما كان فيها شي . .. شي بسيط جدا . .. لكن ام حمد مستحيل تسكت . .. ونزل الريال وكان معصب . .."

ام حمد : انت اعمى ما شوف . ..
الريال : مالي بارض لج . .. سمحيلي . ..
ام حمد : ويا هالعيون الملحفه . ..
الريال : الله يغربلج . ..
ام حمد : يغربلك انت يالهرم . ..

".. . وكانت حرمت الريال في السياره . .. فتحت الدريشه . .."

الحرمه : ااااااايه انتي شو عندج . ..
ام حمد : شو عندكم انتو ادعمون بالخلق جانكم مضاربين ما في داعي انكم ادعمون سياير العالم . ..
الحرمه : يلا احترمي نفسج . ..
وضحه : اااااااااااااااايه انتي لا ترمسين امي جذا عل عيني ما تنظرج . ..
الحرمه ^ ترفع نعالها ^ : انتي اسكتي . ..
وضحه : حتى انا عندي نعال بعد لعنت الله عليج . ..
الريال ^ معصب^ : دشي في السياره وسكري الدريشه . .. يلاااا . ..

".. . الريال كان يقصد حرمته . .. بس وضحه خافت وسكرت الدريشه . .. يلست مكانها . .. وحمد مستانس . .. وضاربت ام حمد ويا الريال وبردت حرتها . .. وعقب ركبت سيارتها وخذت الاكل وردو الدار . .."

وضحه : لعنت الله عليهم . ..
ام حمد : ههههههههه . .. والله شكلج انتي ويا النعال ههههه . ..
وضحه : انا مادريت ان هذا بيصير ولا بلبس شي عدل بدال هالشحاطه الصفرا . ..
ام حمد : هههههههههه . .. انا بعد عندي نعال ههههههههههههه . ..
وضحه : هههههههههه . .. والله قهرتني . ..

||~ في بيت بو سعيد ~||

سعيد : عيل وين علايه . ..
فاطمه : راقد ما تبى غدا . ..
سعيد : عيل حتى انا مابا . ..
فاطمه : يلا عاد عن ادلعها زياده . ..
سعيد : حرام عليج . .. شو بلاج عليها . .. لا تنسين انها هي الوحيده لي ما شافت امي . .. ولا حست بحنان الام او الابو . ..
فاطمه : ازين . ..
سعيد : لا تمين جذا . .. كوني لها الام . ..
فاطمه : انت غد لها الاب والام انا مالي نفس للامومه . ..
سعيد : ههههه . .. الله يهديج . ..

".. . ويروح سعيد ويدق باب حجرة علايه بأقوى ما عنده . .."

علايه : ازين ازين . ..
علايه ^ وهيه تفتح الباب^ : وبعده لج ويه تين عندي . ..
سعيد : لي ويهين بعد . ..
علايه ^ تحظن سعيد ^: فديت رووووووووحك . .. متى يت . ..
سعيد ^ مستغرب^ : قبل شوي . .. علايه شو بلاج . ..
علايه : متولها عليك . .. ^ تصيح ^ . ..
سعيد : علايه شو فيج فديتج خبريني حد قايل لج شي والله لجلب الدنيا عليه . ..
علايه ^ تشوف فاطمه ^ : لا محد . ..
فاطمه ^ بأبتسامه ماكره ^ : دلع بنات ما فيها شي . ..
سعيد : عليه اليوم اني اوديكن وحوطكن . .. بس اباج تضحكين . ..
علايه : هههه . .. فديت روحك . ..
سعيد : خيبه شو هذا متنتي . .. لا لازم اضعفج . ..
علايه : لا ارجووووك . ..
سعيد : هههههه . .. فاطمه وين العصا .؟!!!
فاطمه : فوق الكبت . ..
سعيد : هاتيها . . .
علايه : لا الشيمه . ..
فاطمه : امسك . ..

".. . سعيد يلحق علايه . .. عشان يضربها . .. والمقصد انه يخليها تربع على البيت . . ويظهرون في الحوش وهو يلحقها وهي تربع عنه . .."

علايه : سعود الشيمه خلاص ما قدر اربع بسي 4 دورات . ..
سعيد : ههههههههههههه . .. شو تعبتي . ..
علايه : والله لضعف خلاص بسوي رجيم قاسي . ..
سعيد : اخافج اتمين على جبدي محد بيطيع ياخذج . .. من متنج . ..
علايه : هههههه . .. بتم وياك انت وحرمتك ع جبدك . ..
سعيد : هههه . .. اشحالها مهره . ..
علايه : الحمدالله بخير . ..
سعيد : خبرتيها عن البيت ...!!!
علايه : لا استحي . .. ماعرف شو اقولها . .. اصلا ما قلت لها انك تباها . ..
سعيد : اها . .. بس انتي يبيها بطريقه غير مباشره . ... قولي لها لو عندج بيت كيف تبينه وجذا . .. فكري . ..
علايه : ههههه . .. فالك طيب . ..

||~ في بيت بو جاسم ~||

ام جاسم : من يابج حبيبتي . ..!!
نوره : يت ويا ربيعتي ايمان . ..
ام جاسم : وفيصل ليش ما خليتيه ياخذج . ..!!
نوره : قلت له بس هو مسوي طاف لي . .. اونه تعالي يوم الاربعا ويا الباص . ..
ام جاسم : الله يهديه من ولد . ..
نوره : ليت جاسم موجود . ..
ام جاسم : الله يصبرنا . ..
نوره : اسفه امي . ..
ام جاسم : لا فديتج عادي . ..
آمنه : نوره يت . ..
نوره : هلا حبيبتي . .. عطيني بوسه . ..
آمنه : تعالي اباج اشوفين سريري اليديد . ..
نوره : الله خذتولها . ..
ام جاسم : امس حشرتنا . ..
فصيل ^ تو داش ^ : نوره مع منو يتي .؟!!!
نوره : ويا ربيعتي . ..
فيصل ^ معصب^ : ومن ياب ربيعتج . ..؟!!!!
نوره : ابوها . ..
فيصل : وليييييييش سرتي معاها . .. ما تميتي لين الاربعا . ..
نوره : والله مب مكلفه ايلس في الجامعه بروحي . .. وبعد مافيها شي . .. ابوها مش اخوها . ..
فيصل : ولو عدتيها مره ثانيه يا ويلج . ..
نوره : خير . ..
فيصل : لا تكلمين جذا . ..
نوره : انت لا تكلمني جذاانا اكبر منك . ..
بو جاسم : ما صار شي شو بلاكم . ..
فيصل : لا ابوي انا ماباها تطلع ويا غرب . .. اختي واخاف عليها . ..
بو جاسم : وهي طلعت مع من . ..!!
نوره : مع ايمان وابوها يابوني من العين . ..
بو جاسم : فيهم الخير والله . ..
فيصل : بس لا تعيدينها ولا ريولج بحشهم . ..
نوره : ان شاء الله . ..
ام جاسم : تعالو انتغدا . ..
فيصل : حد يتغدى 4 انا خلاص تغديت . ..
بو جاسم : صليت .؟!
فيصل : بروح انام انا . ..

".. . فيصل ما يعرف ربه . .. ومن يسمع صوت القرآن يسكره ما يحبه . .. يعرف ان اللي يسويه حرام بس ما يعرف ليش هو جذا . .."

||~في بيت خالد~||

سلطان : خلنا انصلي . .. اللعب نسانا صلاتنا . ..
خالد : مشكور . ..
سلطان : على . ...!!!
خالد : والله لو مب انت بصير واحد صايع . ..
سلطان ^ مبتسم ^ : افا عليك . .. بس انت حاول انك تبعد تغلب على نفسك . ..
خالد : والله احاول امس الفليل تعبت . .. بس قاومت . ..
سلطان : تم جذا . .. وان شاء الله بيكون من الماضي . ..
خالد : انت لي خذت الابر صح . ..!!
سلطان : نسيتهم . .. في السياره . ..
خالد : طلبتك . ..
سلطان : هلا . ..!
خالد : انا بفرهم بيدي . ..!!
سلطان : بس انا بكون وياك ما ضمنك ههههه . ..
خالد : هههه مافي ثقه هاه . ..
سلطان : لين الحين لا . .. ههه . ..
خالد : كلب . ..

ولا تحرموني من ردودكم

الدلوعة
01-07-2006, 09:26 PM
تسلمين اختي درام الحب او ننطر التكمله بفاارغ الصبر

درام الحب
02-07-2006, 03:03 PM
الله يسلمج يالغاليه . ..

الغزال العنيد
02-07-2006, 03:14 PM
رووووووعه الجزء

تسلميين يا الغاليه

نترقب الجزء القادم

أريج المطر
03-07-2006, 10:02 AM
السلام عليكم ورحمة الله وبركاته


درام الحب

أبدعتي الغلا يعطيج العافية ع القصة الجميلة ...

محاربة الشوق
05-07-2006, 03:05 AM
نحن في الانتظااااار......<< روووعة القصة...




الله يعطيج العافيه..

لحن الخريف
09-07-2006, 06:16 PM
تسلم ايدج على القصه الحلوه

في انتظار البارت اليديد على احر من الجمر *a26*

الدلوعة
20-07-2006, 09:21 PM
وينج اختي طولتي علينا انشاءالله خير
او نتريا التكملة بفارغ الصبر

درام الحب
24-08-2006, 10:27 PM
السموحه منكم كنت مسافره لشهر . ..

وهذي التكمله . .. واسفه بس لاني اليوم راده . ..

".. . يوم الثلاثا . .. الساعه 10 الصبح . .. سلطان يتصل على ام حمد . .."

ام حمد : السلام عليكم . ..
سلطان : وعليكم السلام والرحمه . .. وشحالج .؟ !!!
ام حمد : بخير ونعمه . .. اشحالك ابويه . ..!!
سلطان : بخير وسهاله . .. طلبتج يا ام حمد وارجو انج ما ترديني . ..
ام حمد : خير . .. امر فديتك . ..
سلطان : البنات يبن يسيرن خورفكان قبل امتحاناتهن . ..
ام حمد : هيييه . .. قالت لي وضحه امس . ..
سلطان : هاه عيل شو قلتي . ..!!
ام حمد : متى بسيرون .؟!!!
سلطان : عقب الغدا لاني انا في الدوام . ..
ام حمد : خلاص ازين . .. وقوم سعيد بيسيرون . ..!!
سلطان : بعدني ما دقيت لهم بشوفهم . ..
ام حمد : خلاص . .. نحن بنتزهب الحين عيل . ..
سلطان : خلاص مع السلامه . ..
ام حمد : فداعت الله . ..

".. . يسكر سلطان عن ام حمد : ويدق على البيت وترد عليه مهره . .."

مهره : هااااه . ..
سلطان : اصبحنا واصبح الملك لله . .. الناس تصبح على صوت ناعم حلو وانا اصبح على صوت واحد من الربع . ..
مهره : يعلك حرمه صوتها مثل صوت البعير وعيونها شرى البومه قول امين . ..
سلطان : باخذ حديقة حيوان مب حرمه هالساع . ..
مهره : ابا اضحك بس يالسه أكل مب متفيجه . .. شو تبا . ..
سلطان : يالبطن . .. اليوم بنسير الخور . ..
مهره : أأأأأأأاحلف . ..!!!
سلطان : وايد متحمسه لها ... اشوفج . . .
مهره : دومي متحمسه هههه . .. ازين
سلطان : انا اخبرت ام حمد وبيسيرون . .. بس انتي دقي على قوم علايه وشوفيهم . ..
مهره : سلطان ازين والراس العود . ..
سلطان : كم سلطان عندها الا واحد ما يهمج ازهليها خليها عليه . ..
مهره : اونه دلوع الماما . ..
سلطان : ابويه روح صح . ..!!
مهره : هيه . ..
سلطان : خلاص دقي ع علايه وخبريها عقب الغدا يكونون جاهزين . ..
مهره : خلاص جاو . ..
سلطان : مع السلا . .. . ..

"... . وتسكر مهره على ويه سلطان من زود الحماس اللي عندها . .. ودق على بيت قوم علايه . .."

مهره : الو . ..
سعيد : مرحبا . ..
مهره " مرتبكه " : منو .؟!!!
سعيد : سعيد . ..!!
مهره : انت نزلت .؟!!!
سعيد : حززن شو بلاكم عليه كل واحد يسألني هالسؤال . ..!!!
مهره : لالا عادي انزل . ..
سعيد : ههههههه . .. مشكله اللي يرتبكون . ..
مهره : وين علايه .؟!!!
سعيد : هههه راقده . ..
مهره : وعها . ..!!!
سعيد : اوب هالدرجه الموضوع مهم . ..
مهره : جان ريت . ..
سعيد : لا والله ماريت . .. صبري . ..
".. . ويروح سعيد يوعي علايه عشان ترمس مهره . .."

علايه : هاه يالمغثه . ..
مهره : اقول يالغجه سيري غسلي حلجج قبل لا ترمسيني . ..
علايه : وايه حظج اصلا . ..
مهره : وووووع . .. الا ريحت حلجج ما وازيها . ..
علايه : ها ها ها . .. من الاخير شو تبين . ..؟!
مهره : يا حرمت حميد . .. اليوم بنسير خورفكان يلا . .. تجهزوا . ..!!
علايه : الحين .؟!!
مهره : لا بعد الغدا . ..
علايه : سعيد ما بيطيع وفطيم ما بتخليه بروحه وانا بعد . ..!!
مهره : انا عليه اقنع سعيد . .. انتي بس عطيني اياه وبراويج شو بسويبه . ..
سعيد : وشو بسوييين .؟!!!
مهره"قافطه" : سلطان يبا يرمسك . .!!
سعيد : هههههههههههههههههههههههههه . .. والله انج . .. توه لسان والحين اختفى . ..
مهره : شو اسوي والله استحي منك . ..
سعيد : هههههههههههه يا زينه من مستحى . .
مهره : طبعي . ..
سعيد : هاه بشو تامرين . .. قالو تبين ترمسيني . ..
مهره : وايه سترالله علينا . .. متى قلت . .. بس نحن اليوم بنسير خورفكان ونباكم ويانا . ..
سعيد : نحن ولا علايه . ..
مهره : الصراحه انا ابا علايه بس انتو زيادة عدد . ..
سعيد : يا قوات ويهج وتقولين تستحين بعد . ..!!
مهره : خلص المستحى . .. الحين شو قلت بسرعه . ..
سعيد : جانج انتي وعلايه وربيعتكن بسون الغدا والعشا وبتعابلن بالمطبخ اوكي . ..!!!
مهره : فالك طيب امره ما طلبت طال عمرك . ..
سعيد : هههه . .. خلاص . ..
مهره : خلاص بعد الغدا اوكي . .. وين علايه . ..
سعيد : ردت ترقد . ..
مهره : يعلها . .. خلاص مع السلامه . ..
سعيد : ربي يحفظج . ..

".. . وتسكر مهره عن سعيد . .. وتروح ترتب ثيابها . .. واللي تبا تشله معاها . .. وتحط ثياب بطي وعلي . .. في الهاند باق معاها . .. وتروح عند امها . .."

مهره : فديتها من كتكوته . ..
ام سلطان : هاه . .. ما سمعتج . ..!!
مهره : اقول فديتج من كتكوته . ..
ام سلطان : هيه . .. شو تبين .؟!!!
مهره : وايه من تفديت حد يقولي شو تبين . ..
ام سلطان : مب عليه هالمكر قولي شو تبين . .. !!
مهره : امايه الشيمه ابا موبايل . ..!!
ام سلطان : يقولولج . .. ما يشهرون البنت ويبزونها . ..
مهره : كل يوم ينكسر لها ضلع ويهينونها . .. حفظنا هالبيت . .. حشى كم ظلع للبنت . .. واااايه . .. الام موبايل جهاز صغير . ..
ام سلطان : ووراه بلاوي كبيره . ..
مهره : افا ماشي ثقه . ..
ام سلطان : لا الله واثقه فيج . .. بس لازم اخاف عليج ما عندي الا بنت وحده . ..
مهره : واخيراااا اعترفو بي . ..
ام سلطان : شو بعد هالرمسه . .. وشله ما عترف بج بعد . ..
مهره : اشوفج عاد كله سلطان وسلطان . ..
ام سلطان : يالغيريه عاد . ..
مهره : شو اسوي حاسه بكبت عاطفي . .. احس ان محد يحبني . ..
ام سلطان : شو كبته بعد هذا . ..
مهره : مال الثياب . ..
ام سلطان : اتحسبيني غبيه . .. ما فتهم . ..!!!
مهره : حشا والحشا مية يمين . .. انتي ام الذكاء طال عمرج . ..
".. . ام سلطان مسكت الواير تبا تضرب مهره . .. لكنها شردت عنها . .."

ام سلطان : اتحريني ما بلقاج . ..
مهره : علني فداها باي باي . ..
ام سلطان : علني بلاااااج . ..

".. . راحت مهره . .. تتمشى في حوي بيتهم . .. "

مهره " في خاطرها " : ليش ما سير عند وضحه . ..!!

".. . وتظهر مهره من بيتهم عشان تروح عند وضحه . .. وشافت واحد عند بيت قوم سلامه . .. لابس وزار وفانيله . .. ويغسل سيارته . .."

مهره " في خاطرها " : هههههه . .. ما يروم يدخلها داخل وينظف ع راحته مايدري اني بشوفه . .. اتغشى ما تغشى اتغشى ما تغشى . .. اوووف ماروم اتغشى خل يشوف يعني شو بيشوف من الخير . ..

* كان بيت قوم وضحه عدال بيت قوم سلامه . ..

مهره " في خاطرها " : ما شاء الله عليه مجتهد . .. ما شافني حتى عله ما يشوفني لين ما دش البيت . ..

حمدان " في خاطره" : هذي مب شكله بشكاره . .. حمدان لا تشوف عن تقول شي . .. خلص باللي في يدك . .. بس هذي غاويه من تكون .؟!!! . .. خل اشوف وين بتسير . ..

مهره "في خاطرها " : وقتها هالصعده الله يغربلهم ويا هالشوارع . .. يالله يارب بعونتك . ..

".. . مهره تبا تصعد عشان تدش بيت قوم وضحه . .. لكن صار اللي كانت تخاف منه مهره . .. وهو انها أطيح . .. طاحت مهره ووقفت مثل البرق وربعت داخل بيت قوم وضحه . .. كانت حمراء حست بفشله من الخاطر . .. ومن جهه ثانيه حمدان . .. ميت من الضحك عليها . .."

سلامه : الزين كله اشوفه يغسل . ..
حمدان : الملل وفعايله . ..
سلامه : اسميك . ..

".. . وتركب سلامه سيارة حمدان وهو يغسب وتشغل المسجل وطول على موال الجسمي (مخطوبه) . .."

حمدان : حووووووه شو عندج . .. هذا مب فريج ابوج عشان تاخذين راحتج . ..
سلامه : الشيمه فيه حزن خلني اطلعه . .. بسمعها شوي . ..
حمدان : بس قصري وسكري الدريشه عشنا ما يطلع الصوت برع
سلامه : لا اخاف اصيح ابا اسولف عندك . ..
حمدان : والله انج بزيا . ..
سلامه : خلني اخر العنقود . ..
حمدان : تبيني احوطج .؟!!
سلامه : بسوي فيه خير . ..
حمدان : اوكي دقايق بس . ..
سلامه : علني افداك والله . ..

". .. ودش مهره بيت وضحه بدون احم ولا دستور . .. وتروح حجرة وضحه . .. وتحصلها راقده . .."

مهره : وضييييح نشي . .. وضحه يلا قم بابا قم . .. يالفقمه قومي بسج رقاد . ..
وضحه : اوه شو بلاج . ..!!
مهره : طحت . ..
وضحه : رقدي رقدي . ..
مهره : اوووف اقولج طحت جدام اخو سلامه . ..
وضحه : حلو . ..
مهره : اووووووووف ما قدر اشكي همي عندج باي . ..

". .. وتروح مهره عند ام حمد . .. "

مهره : السلام عليكم . ..
ام حمد : وعليكم السلام . .. غريبه مهيره ناشه الحين . ..
مهره : شو اسوي . .. اقوووول
ام حمد : قولي . ..
مهره : الحقيني . ..
ام حمد : شوووو . ؟!
مهره : طحت عند الصعده اللي عند بابكم . ..
ام حمد : هههههههههههههههه . .. سلامات . ..
مهره : جدام اخو سلامه . ..
ام حمد : منو هذا .؟ !
مهره : يرانا اليداد . ..
ام حمد : ما شاء الله ما تواحن تعرفتن بسرعه . .. ههههههههههههههه . ..
مهره : شو نسوي عصر التطور . .. ما يخصه ههه . ..
ام حمد : وحليلج والله طحتي جدامه عيل . ..
مهره : والله فشله . .. بموت . .. يعله يتحراني حد منكم . ..
ام حمد : لا ان شاء الله . ..
مهره : انا بضعف عشان يتحراج انتي . ..
ام حمد : ههههههههه والله انج حماره . ..
مهره : فديتج . .. خلاص شكيت همي عندج برد عند وضحه . ..
ام حمد : والله انج . .. سيري سيري وعيها . ..
مهره : ههههههه . .. فديتج . ..

" .. . وتروح مهره وعدال وضحه تكمل رقادها . .."

".. . حمدان ركب السياره عشان يحوط سلامه شوي . .."

حمدان : بسألج . ..
سلامه : عن .؟!
حمدان : ربع الامسيات . ..
سلامه : هيه فديتهن . ..
حمدان : ما شاء الله شكلج علجتيهن . ..
سلامه : والله انهن فنانات وبنات اصل . ..
حمدان : الحمدالله . ..
سلامه : والله انهن علوم يا بوك . ..
حمدان : زين لقيتي حد شراتج خرش . ..
سلامه : ههههه . .. ازين شو بتسأل .؟
حمدان : منو اللي فيهن طويله ومب انها دبه بس مليانه ...!!!
سلامه : اممم . . .سؤال صعب شوي . . بس اظن مهره . ..
حمدان : اها . ..
سلامه : ليش .؟!
حمدان : لا بس سؤال .. .
سلامه : لا صدق بعد انت صار لك موقف ويا وحده منهم . ..!!
حمدان : وليش من قبلي . ..
سلامه : اخوووك . ..
حمدان : شو صار . ..
سلامه : لا ماشي . ..
حمدان : اوكي برايج . ..


". .. حمدان من طبعه انه مب فضولي . .. "

حمدان : سلامي . ..
سلامه : يالبيه . ..
حمدان : لبيتي في منى . ..
سلامه : آآآآآمين . ..
حمدان : أقول أبا أسافر . ..
سلامه : وين .؟!!!
حمدان : مادري أفكر اكمل دراسه في لندن او استراليا . ..
سلامه : حرام عليك . ..
حمدان : مادري والله . .. حاس بضيج من كل شي . ..
سلامه : حمدون . .. بذمتك خبرني شو اللي غيرك ..!!!
حمدان : أنا .؟!! . .. كيف يعني .؟!!
سلامه : لا تستهبل . .. انا مب غريبه . .. انا اختك . ..
حمدان : لا عادي . .. ما فيه شي . ..
سلامه : عراحتك . .. بس الله يعينك . ..
حمدان " بصوت واطي " : آآآمين . ..
سلامه : بس لا تسافر . .. جانك ضايج خلنا انروح اجازه . .. بس انك تدرس ارجوك لا . ..
حمدان : ليش . .!!
سلامه : البيت بدونك ما يسوى . ..
حمدان " مبتسم " : بشوف . ..


وان شاء الله كل ما كتب شي بحطه حتى لو كان قصير وما بتريا تا سبت او غيره . .. عشان ما تكون ممله

غرشوب الموت
25-08-2006, 03:21 AM
مشكورة اختي ع الموضوع

درام الحب
25-08-2006, 06:08 PM
العفو خيو ويامرحبا

درام الحب
25-08-2006, 06:09 PM
". .. ويطول على المسجل ع غنية محمد عبده . .. (ياحبيب الجرح أتعبني عناك . .. في يدينك قلب لكنه جريح . .. ابانشدك قد صرت نجما في سماك . .. أو مشيت بدربا ماهو لي صحيح . .. احبس دموعي حبيبي من غلاك . .. انت دمعه خايف أبكيك وتطيح . ..).. ."

حمدان : تبين شي من الجمعيه ..!
سلامه : وايه تباني انزل جذي .؟!!
حمدان : السيلانيه . ..!!!
سلامه : لا والله . .. رح اقولك رح . ..
حمدان : ههه . .. انا بنزل شوي وبرد . ..
سلامه : اوكي يب لي باونتي . ..
حمدان : يا ام الباونتي انتي . ..
سلامه : هههه . .. احبه . ..

||~في بيت بو سعيد ~||

". .. علايه توها ناشه من الرقاد . .. وتشوف سعيد راكب سيارته . .."

علايه : الشيخ وين ساير . ..!!!
سعيد : بروح الجمعيه وبرد . ..
علايه : ليش ..!!!
سعيد : ابا اغراض . ..

".. . تنط علايه وتركب السياره وهيه حافيه . .."

علايه : يلا فزعنا لجمعيه . ..

".. . سعيد يشوف اخته وهو مستغرب ويشوف ريولها . .. "

علايه : سعيد شو بلاك . ..
سعيد : لا ماشي . ..

". .. حرك سعيد السياره وطلعو لين ما وصل بين بيت وضحه وسلامه ووقف سيارته . .."

سعيد : يلا انزلي. ..
علايه : سعيد . ..!!
سعيد "مسك العصا " : يلااااا اقوولج انزلي عن أشخطج بالعصا . ..
علايه : شو بلاك . .. حرام عليك . ..
سعيد : بتنزلين ولا شو . ..!!
علايه : بس ليش . ..
سعيد " يضحك " : انزلي انتي بس . ..
علايه " ارتاحت " : اوكي . ..

".. . نزلت علايه من السياره . .."

سعيد : سكري الباب .. ..!!
علايه : ليش . ..؟!
سعيد " بأبتسامه صفراء" : بس بخبرج . .. سيري وركبي وراء . ..
علايه " ارتاحت اكثر " : اوكيه . ..

".. . وخرت علايه ع وراء عشان تروح وتركب وراء . .. بس ماشافت الا اغبرة السياره . .. وسعيد يضحك على اخته ويهرن لها . .. وهيه متصنمه مكانها مب مستوعبه الوضوع . .."

علايه : صدق انك حمااااار وزيبراااا بعد . .. شو الحين ادش بيت وضحه ولا شو . .. لالا لا عيب . .. غربلاتك يا سعود تخليني امشي في هالرمضى كيف اهون عليك . ..!!!! . ..

" .. . وتمشي علايه وتضلل بضلة اليدار عن الرمضى اللي كانت تحرق ريولها . .. وفي ذيج اللحظه حميد توه ناش من النوم ويظهر برع عند السياره عشان يروح الدكان ويشتري له ريد بول . .. واول ما فتح سيارته . .. المسجل طر الدنيا خلى علايه تفز فزه . .. وتشوف وراها . .. وشافت انه حميد . .. وحميد شافها لكن ما نتبه انها علايه . .. فحست بخوف . .. ما قدرت تمشي عدل . .. لانها تحاول تخبي انها بدون نعال . .. فخطف حميد بسيارته من عدالها . .. وانتبه ان هذي البنت هي نفسها اللي شافها في الحمام . .. وبدون قصد وقف سيارته ويلس يشوفها . .. و هي من جهه ثانيه بدون قصد يلست اطالعه لين ما طافت عداله . .. وراحت التفتت مره . .. وحميد كمل طريقه لكنه مب مسرعه . .. وحط بسرعه شلة عيضه المنهالي ( أبيك أبيك يا عمري أبيك . .. أباك أباك ياروحي أباك . .. اغار عليك لو من والديك . .. وغار عليك من لمسات يداك . .. انا اترجاك وأتوسل إليك ) . .. علايه دشت البيت بسرعه . .. ومن بعد ماشاف حمدي بيتهم راح مسرع . .."

علايه " في خاطرها " : هذا وحاله حبني ولا بعد اغار عليك . ..!! . .. واااااااااااااايه فديتك يا سعيد يوم انك خليتني . .. بس صدق صدق هذا قاصد انه يحط الشله . ..!!! لازم اخبر البنات . .. !!

||~ في بيت بو حمد ~||

".. . يدش حمد على مهره ووضحه . .. وايي في نصهم . .. وييلس يشد شعرهن . .."

وضحه " تصرخ" : يخرب عقلك من ولد . .. خوز عني . ..
مهره : شوي شوي اذني تعورني . ..

".. . حمد مستانس ويكمل شد في شعر وضحه وخلى مهره . . .."

وضحه : يا مسود الويه خوز عني قطعت لي شعري بروحه الا ريحة شعر ماشي بقى منه ..
مهره : ياختي شبعت رقاد انا . .. حشى . .. حمد خوززز عنها . ..

".. . تمسك مهره حمد وتشله وتظهره برع ولقت نصيبها من الضرب . .."

مهره : اوب كيف اخوج زلع . ..
وضحه : عاد الدلوع . .. قطع لي شعري . ..
مهره : امج يايبه ياجوج وماجوج . ..
وضحه : لا هذيلا اخوانج . ..
مهره : هههههه . . . بس حليلهم ما يضربون حد . ..
وضحه : هيه صح صح . ..
مهره : هههههههههههههههههههههههههههههه . .. تالحين انتي اتذكرين . ..
وضحه : وكيف تبيني انسى وهم ضاربيني وطارديني بنعال . ..
مهره : هههههههههه . .. احلى شي جدام بو خليفه . .. هههه . ..
وضحه : الله يخسج وياهم من اخوان . ..
مهره : افا .. .
وضحه : زولي عني انتي بعد . .. بسير اتغسل . ..
مهره : وانا اقووووول . ..
وضحه : صدق انج سخيفه . ..
مهره : خيستينا . .. مادري شو ماكله على العشا . ..
وضحه : خسج الله يالحماره . ..
مهره : عمتج . .. ام ريلج حماره مب انا . ..
وضحه : شي طيب والله . .. ههههههه . ..
مهره : اووووووووووووووه فديت امايه والله . .. خيبه خيبه . ..
وضحه : ااااخ ودي افتن عليج . .. بس . .. اوووف . ..
مهره : هههه . .. والله نسيت . ..
وضحه : تعالي انتي شو تقوليلي الصبح . ..!!!
مهره : مالج خص خلاص شكيت همي عند امج . ..
وضحه : لا والله لتقولين الحين . .. رد الشان . ..
مهره : اووف ماشي طحت جدام اخو سلامه . ..
وضحه : حميد .؟!
مهره : وانا شو عرفني . .. اي واحد . ..
وضحه : هههههههههه . .. اذكرت علايه حليلها . ..
مهره : هههه . .. والله انها ارقييييص . ..
وضحه : حليلها . ..
مهره :اليوم بنيتمع . .. بنسير رباعه الخور. ..
وضحه : والله . ..!! اكيد عيوزي ما طاعت صح .؟!!!
مهره : لالا افا انتو ويانا بعد . .. وانا مسويه لج سبرايس . ..
وضحه : امحق سبرايس . ..
مهره : اوكي يلا انا بشقلب . .. عن انهزب . ..
وضحه : ما بتغدين عندنا . ..؟!!!
مهره : اااااااااااااااااااااااانى . ..
وضحه : امحق يلا شقلبي . ..
مهره : سي يو ان خورفكان . ..
وضحه : واي نت ان كار . ..
مهره : ياختي خل الانجليزي لاهله . ..
وضحه: ههههههههههههه . ..
مهره : جاو . ..

".. . ظهرت مهره . .. وهيه رايحه بيتهم . .. خطفت سيارة حمدان . .."

سلامه : هذي مهره . ..
حمدان : هذي لي كنت اسألج عنها . ..
سلامه : ليش تسأل عنها وشو دراك انها هيه . ..!!
حمدان : عرفتها من لبسها . .. بس جذا شفتها الصبح خاطفه وسألت . ..
سلامه : اها . .. شي طيب والله . ..

||~ في بيت بو سلطان ~||

ام سلطان: هلا . .. شرفتي شروف . .. جي ما تغديتي عندهم . ..
مهره : هم حالفين عليه وذابحيلي . .. بس انتي ما هنتي عليه وادريبج ما تعرفين تاكلين بلايه . ..
ام سلطان : شو ذابحيلج ديايه ولا سمجه .؟! وهان عليج تخلينها . ..
مهره : فديتج يامايه سامحيني السوالف خذتني . .. وهاتي راسج بحبه . .. كله ولا زعل ام سلطان . ..
ام سلطان : خس الله بليسج من لوتيه شي في خاطرج . ..!!
مهره :لا لا شو في خاطري عشان اني تفديتج .؟! انتي امي الغاليه اللي ما صبر عنها . .. بس تعرفين السالفه بس عزمنا ان نسير خورفكان بس ما فيها شي . .. بس . ..
ام سلطان : هييه ماشاء الله عليكم . .. منو عزم بيسير هياكم . .؟!
مهره : محد بيسير الا انا وعلايه وفاطمه وسعيد ووضحه وامها وحمد وسلطان بس محد واكيد انتي امايه . ..
ام سلطان : هيه وعزمتي عني بعد . ..!!
مهره : لا بس تعرفين نحن ما نروم انسير بلاج وانتي ما تصبرين عنا وجذي بس . ..
ام سلطان : هيه فديتج اشوفين هناك في عصا على الكبت هاتيه لي . ..!!
مهره : جي امايه ما ترومين تيبينها بروحج . ..!!! جانج ما ترومين تعالي وساندي عليه . ..
سلطان " توه داش البيت": السلام عليكم . ..
ام سلطان : وعليك السلام . .. فديتك تعال تعال وخذ هالبنت عني . .. بترفعلي الضغط . ..
سلطان : ليش شو بلاها .؟!!
مهره : انا . .. حليلي ما سويت شي ارمس بكل هدوء . ..
ام سلطان : الحين عزمت بالفريج ع سيرة خورفكان وانا اخر وحده تدري .؟!!!
سلطان : خورفكان .؟!! ليش منو بيسير خورفكان . .؟!!!
امهره : هاااه . ..
ام سلطان : اختك . ..
سلطان : مهره . .. هذي سواه اسوينها . .. الحين شو بنقولهم . ..؟! المفروض اشاورين امج وعقب انا . ..
مهره : هاااااه . ..
سلطان "يضحك" : لا لا لا طحتي من عيني . ..
ام سلطان : هيه ادبها راوها . .. وراها ما تغدي شرات باقي البنات وتاخذ شوري في كل شي قبل لا تسويه . ..
سلطان : هيه صح وراج ما تغدين مثل وضحه . .. !!
مهره : وانت شو دراك بوضحه . ..
سلطان : يا عيب الشوم عليكِ
مهره : امايه والله انه هو اللي معزم بالفريج مب انا . ..
ام سلطان : شو . .. سلطان صدق . ..
سلطان : حليلي توني ياي من الدوام . ..!!
مهره : في اختراع اسمه تلفون ودق لام وضحه واقنعها . .. وقالي اقول حق علايه . ..
سلطان : افا . .. وهذا وانا كنت ادافع عنج الحين تفتنين عليه . .. صدق من قال ان الكريم ان اكرمته ملكته و ان اللئيم اذا اكرمته تمردا . ..
مهره : نعم نعم . ..
ام سلطان "ناشه": والله انه انتو االاثنينه ترفعون ضغط بلاد . ..
سلطان : فديتج يا مايه وهذي بوسه عشان ترضين عليه . .. فديتج خلينا انسير اليوم ولو تبين انرد باجر . .. بس انتفرى شوي . ..
ام سلطان : امس رادين منها ما شبعتوا . ..
مهره : هيييييييييييه من شهر وتقول امس . ..
سلطان : يلا عاد عشان خواطرنا وافقي . ..
ام سلطان : اخاف على بطي وعلي انهم يطيحون في الحيضان او يسيرون صوب البحر . ..
مهره : عليه اني اشوفهم . ..
ام سلطان : انتي ما منج امان . ..
مهره : افا . .. والله لحطهم في بؤبؤ العين . .. بس انتي وافقي . ..
سلطان : عشان خاطري لو تبين باجر انرد . ..
ام سلطان : خلاص خلاص . .. بس فكوني من حشرتج . ..
مهره : يعني وافقتي . .. وايه علني افداج . ..
ام سلطان "وهي رايحه": خلوني اطيح شويه . .. بس لا تحشروني . ..
مهره : فالج طيب يالغناه . ..
سلطان : هاه استانستي . ..
مهره : هب الا . .. يالله فديتك . ..
سلطان : يلا عاد خمي ثرج . ..
مهره : خيبه خيبه . .. ان شاء الله . ..
سلطان : ههه . .. مطيعه الاخت . ..

|\| وقت السيره |/|

مهره : يلا امايه انا بركب مع قوم سعيد . ..
ام سلطان : ونحن عيل منو بيركب ويانا . ..؟!
مهره : وضحه وامها . .. ترى وياكم . ..
ام سلطان : شلي خوانج وياج عيل . ..
مهره : لالا وياهم حمد بيكون خليهم رباعه . ..
ام سلطان : اقول ان ما منج امان . ..
مهره : ازين بعدنا ما وصلنا انا قلت في خورفكان مب هنا . ..

".. . راحت مهره بيت علايه . .. وشافتهم كلهم راكبين السياره . .."

سعيد : يا مرحبا ترحيب بالناس الاحرار اصل العرب ناس الوفا والجماله . ..
مهره "بصوت واطي": من اي تلفون يايبنه . ..
مهره : مرحبتييييين الصراحه اختجلت . .
علايه : امحق خجل . ..
سعيد : ههههه . .. يلا اركبي . .. ما بنتم طول اليوم موقفين انترياج . ..
مهره : اخ ويهي . ..
علايه : هيه فديتك اسبقهم . ..
سعيد : انتي شو علومج عقب الرمضى . ..
علايه : ارقييييييييص . .. بس الحين اسبقهم وخطف الدكان وخذ النا هالاغراض . ..
مهره : اي رمضى . ..؟
علايه " بصوت واطي": عقب بخبرج انتي ووضحه . ..
سعيد : 2 بالو .. بربع دراهم بفك مزون . .. 2 داقوس . .. 2 اصابع جبس عمان . .. 2 لاب اب . ..خيبه خيبه لمنو هذا . ؟؟
علايه : بس حقي انا ومهره جان تبون طلبو عادي . ..
سعيد : هيه عاد لازم . .. منو اللي بيدفع . ..
علايه : عادي خله ع حساب البيت . ..
سعيد : خليته ولا ما خليته في النهايه انا بدفع . ..
مهره : المهم يبتي لومي . .؟!
سعيد : لشووو بعد . ..!!!
علايه : لجبس عمان يا حلو . ..
سعيد : اللهم لا حسد . ..

".. . خطف سعيد الدكان وخذ الاغراض للبنات مع اللي تذكرنه . .. وراحو خورفكان . .. اما في سيارة سلطان . .. كانت وضحه يالسه وراء سلطان سيده وطول الدرب يشوفها وهيه قافطه . ."

وضحه " في خاطرها ": الله يعدمج يا مهره هذي السبرايس اللي مسوتنها لي . ..

ام حمد : فديتك يا سلطان هنا مسوين معرض فيه مواعين خطفنا عليه . ..
ام سلطان : صدق . .. زين زين خطفنا فديتك . ..
ام حمد : غروب ماخذه منه مواعين عيبتني . ..
ام سلطان : بنشوفهن عيل . ..
سلطان : امره ما تشبعن انتن من المواعين المطبخ ما فيه مكان . .. !!
ام سلطان : نحن بس بنشوف جان شي زين . ..

".. . خطفهم سلطان على المعرض ونزلن الحريم وتمت وضحه في السياره مع حمد وسلطان . .. وخطفت سيارة سعيد ووقفت عدالهم . .. بعد تفكير عميق . .. نزلت مهره من السياره وراحت سيارة اخوها . .. "

مهره : مرحبا . ..
سلطان : مرحبتيين . ..
مهره : عيل وين بطي وعلي . .؟!
سلطان : نزلو مع امج . ..؟
مهره : افا وحمد بروحه تعال فديتك بوديك الالعاب . ..
وضحه : لالا خليه عادي ما يبا . ..
مهره : وانتي شو دراج يبا ونص . ..

".. . خذت مهره حمد بالعاني عشان تخلي وضحه وسلطان بروحهم في السياره . .. ووضحه من صوب ميته من الخوف والمستحى . .. وسلطان يشوفها بالمنظره . .."

سلطان : شو اخبار المذاكره . ..!!
وضحه : الحمدالله . ..
سلطان : شدي حيلج عاد اباج تيبين درجه عاليه . ..
وضحه : باذن الله . ..
سلطان : وضحه . ..
وضحه : نـ . .. نعم . ..

عذووب
26-08-2006, 08:37 AM
مشكورة حبيبتي على الجزء ..
فالانتظااار التكمله عاد لا تتاخرين علينا ..
حرام عليج توقفين عند هاي النقطة بس على العموم مشكورة ..

درام الحب
26-08-2006, 02:46 PM
هههههه . .. اوني اقهر . ..
فديتج اليوم بحط التكمله ان شاء الله

الغزال العنيد
27-08-2006, 03:30 PM
الصراحه الاجزاء والله حلـــــــوه


تسلميييييييين حبوبه

نترقب التكلمه

درام الحب
28-08-2006, 02:11 PM
مرحبا يالغزاااال وانتي الاحلى فديتج . ..
وان شاء الله اليوم . .. الحين اتكلم صدق . .. والسموحه من عذوووب

درام الحب
29-08-2006, 12:16 AM
وضحه : نـ . .. نعم . ..
سلطان " في خاطره ": شو أبا اقول انا . .. ؟!!

".. . سكت سلطان . .. ومسك الجريده كانت عداله . .. ويلس يقرى فيها . .. ووضحه مستغربه وفيها فضول تبا تعرف شو كان يبا يقول وسكت . .. لبس سلطان نظارته الشمسيه ويلس يشوف وضحه بالمنظره . .. عشان ما تلاحظ نظرة عيونه . .. لكن هالشي ما يخبى عليها . .. وبقو على هالحال نص ساعه . .. ومهره من جهة ثانيه ضاربنها الفضول . .. ركبن السياره ام سلطان وام حمد عقب ما حملن الاكياس في الدبه . .."

ام سلطان : والله انه ما فيه غير السقم . ..
ام حمد : ما يعرفون شو يبيعون . ..
سلطان : باين . .. اغراض منو اللي وراء . ..
ام سلطان : والله ما فيه شي . .. بس هذيلا مواعين شفتهن زينات للخور . ..
سلطان : للخور ايوااا . .. زين زين . ..

".. . طول الدرب علايه يالسه وهيه ساكته وسرحانه في حميد والاهداء . .."

علايه "في خاطرها" : معقوله حبني . ..؟!! ولا انه يبا يلعب عليه . .. بس نظرته كانت غير طبيعيه . .. اخ يا حلات عيونه . .. والله انهن فن . ..

مهره : مَلل . .. !!!
سعيد : والله . .. تبين شي بيربشج . ..!!!
مهره : شوه . ..؟!!!
سعيد : اسمعي وشوفي . .. !!

".. . طول على المسجل على غنية حربي ياحي من بينلي الشوق . .. ووصل سرعته 180 . .."

فاطمه : ااااااااايه ناوي تجتلنا . .. قلل السرعه . ..
علايه : اااايه بعدني ماعرست . .. شو هذا . ..
سعيد : شو ما عيبكم . ..!!!
فاطمه : لاااااااااااا . ..

".. . ويزيد السرعه سعيد شوي . .."

مهره : ينصر دينك شوف راعي البيك اب يبا يترايس وياك شكله . .. اسبقه . .. اشيمه . ..

".. . ويبدا السباق في الشارع . .."

|~ في سيارة سلطان~|

ام سلطان : غربلاته يبا يجتلنا هذا . ..
بطي : سَعيد شغل تيربوو . ..
علي : سولتان اسبقه . .. انته بعد شغل تيربو . ..
ام سلطان : هاااه هذا سعيد . .. ياخيبتي بيجتل بنتي . ..
سلطان : بسم الله شو عندكن شو سعيد . .. رقم السياره غير . ..
ام حمد : لا والله . .. عيل وينه سعيد ما نشوفه ورانا . .
سلطان : وقف عند الدكان تراه . ..
ام حمد : هييه زين زين عيل . ..

".. . ام حمد تدري ان سلطان يجذب بس عشان ما تحرج ام سلطان وتسوي لهم موال يدوم سنه كامله . .."

|~ في سيارة سعيد ~|

".. . مهره تلتفت وراء . .."

مهره : سعيد وصلك وصلك . .. اسبقه الشيمه . ..
سعيد : طلعتي مب هينه عبالي بتخافين . ..
مهره : هاااااه ياك ياك . ..

".. . ما تحس مهره الا بصفعه على ويها . .. صفعه سمرتها بمكانه بدون حراك . .."

سعيد " وهو يخفف السرعه": والخيببببببببببببببببه . .. تبنجة البنيه . ..
فاطمه : شو سويتي فيها . ..
علايه : والله زيغتني شو اسرع بعد . ..
سعيد : هههههههههههههههههه . .. حليلج يا مهره والله أنج ما تستاهلين . ..


".. . بروحي منقهره كتبت القصه وسكر الاب توب وما حفظته . . ان شاء الله بكتيه باجر والله قهرررررررررر . .."

عذووب
29-08-2006, 11:19 AM
الله يعطيج العافيه..
وفي الانتظاااار ..

درام الحب
29-08-2006, 12:45 PM
ربي يعافيج . .. وما وعدج باليوم اخاف اخلف

درام الحب
30-08-2006, 02:17 AM
".. . وصلو بداية خورفكان . .. وكل واحد منهم في عالمه الخاص . .. وسلطان منقهر من نفسه لانه ما قدر يطلع اللي في خاطره . .. في لحظه كان في أستطاعته انه يقول لها كل اللي مخبنه ما بين ضلوعه . .. ومهره تبا انها اطرش مسج لنوره تخبرها وما تعرف كيف . .."

مهره : فاطمه أقدر اطرش من موبايلج مسج .؟!!!
فاطمه : لمنو .؟!!!
مهره : لنوره ربيعتي . ..!!
فاطمه : اوكي ...
علايه : كشخه بنشوفها اخيرا خل تيي . ..
مهره : لازم بتي . ..

||~ في بيت بو جاسم ~||

".. . فيصل ماسك موبايل نوره يبا يقرى المسج لكنها مطت الموبايل عنه . .."

نوره : يا اخي ما يخصك في موبايلي . ..
فيصل : ليش خايفه حبيب الروح يطرش وقراه . ..
نوره : لا يا حلو الحمدالله حشيم ومتعليه عن هالاشكال . ..
فيصل : عيل ليش ما تخليني أقراه . .. ؟
نوره : والله مسجات بيني وبين ربيعاتي . .. وشلك . .؟!!!

".. . حرج فيصل على نوره وخذ الموبايل غصبا عنها وقرى المسج . .."

فيصل : غناتي انا في خورفكان ولازم تين بيتنا عاد . .. ولا من رقم غريب . ..
نوره : ربيعتي مطرشه من رقم حد . ..
فيصل : شو ما عندها رصيد اطرش من رقمها . ..
نوره : ما عندها موبايل . ..

".. . فيصل يتصل على الرقم وترد فاطمه عليه . .."

فاطمه : الو . ..
فيصل : مرحبا . ..
فاطمه : نـ . .. منو . .؟!!
فيصل : فاطمه .؟!!!!!!!!!!!!!!!!!!!
فاطمه : لا غلطان اخوي . ..

".. . وسكر على ويهه التلفون وتغلقه . .. كانت تخاف منه بشكل فضيع . .."

فاطمه " في خاطرها" : ياويلي هذا شو يابه . .. كيف عرف رقمي . ؟!!! . .. يالله شو بسوي الحين . .؟!

سعيد : شو بلاج .؟!! منو داق . .؟!
فاطمه : واحد غلطان . ..
علايه : حليله . ..
فاطمه : شقصدج . .؟!
علايه : ماشي . ..
فاطمه : مهره انتي متاكده من الرقم انه رقم نوره . .؟!
مهره : هيه طال عمرج ليش .؟!
فاطمه : لا بس سؤال . ..

فاطمه " في خاطرها " : ممكن انه يكون اخو نوره ...!!! لكنه ما قد طرالي خورفكان . .. شو صاير يا ربي . .. شو أسوي بعمري . ..

||~ في بيت بو جاسم~||

فيصل " منصدم": من وين لج تعرفين هالبنت .؟!!!
نوره : منو فاطمه .؟!
فيصل : شو أسم راعية الرقم .؟!!!
نوره : ماعرف هذا المسج مطرشتنه ربيعتي من تلفون حد من عندهم . ..
فيصل : كلاما يوصلج ويتعداج . .. هالبنت تقطعين أي صله تربطج بها . ..
نوره : لا والله . .. ليش .؟
فيصل : انا قلت وخلاص . ..
نوره : اسمحلي يا شيخ لكن مهره ربيعتي ومستحيل اخليها . ..
فيصل : انا حذرتج لو سمعت اي شي عنج . .. ترى لا تلومين غير نفسج . .. لا تحسبين انج بتشمين الهواء . ..
نوره : الحمدالله اهلي عرفو يربوني ومب انا اللي امشي درب الخطا . ..
فيصل : بنشوف . ..

".. . راح فيصل عن نوره غرفته . .. وهي مستغربه من اخوها وكيف عرف فاطمه . .. ومن تكون هذي فاطمه وشو عرف مهره بها . ..وسأله كثيره تبا لها اجابه . .."

فيصل " في خاطره" : هالكلبه لو ما رويتها نجم الليل في عز الظهر ما كون فيصل . .. مخليها عمرها شريفة مكه وهي ما تسوى النعال قاعة اللي لابسه . .. والله يعلم كم موبايل عندها . .. وين بسيرين عني ثرج . .. وراج وراج . .."

||~ في بيت خورفكان ~||

مهره " نازله من السياره" : يلا بنات خل انسير عند الحصا . ..
علايه : صبري خل نيلس نستريح . ..
مهره : لا فديتج الحين بتظلم الدنيا وخاطري ايلس شوي . ..
وضحه : مساء الخير . ..
مهره : شو رقدتي .؟!
وضحه : اه وين بيني الرقاد . ..
علايه : والقلب جدامها . ..
وضحه : وايه فديته . ..
مهره : فديتكن خل انسير قبل لا تشوفنا امايه . ..!!
وضحه : يلا . ..
علايه : وين وضاحي . ..
وضحه : مادري وين ما تبى الليدي ديانا . ..
مهره : احم اح عند الحصا فديتج . ..
وضحه : لا شو رطوبه . ..
مهره : والله هناك الجو احلى عن هنا والله . ..
وضحه : خل انسير . ..
مهره : وضحه الا اشوف الربع مب ويانا . ..
وضحه : اوب اوب . .. اللي ماخذ عقلج يتهنابه ياست الكل . ..
علايه : وايه امج تقوليلي ست الكل . ..
مهره : ههههههههههه . ..
علايه : خلنا انسير ابا اخبركن شي بسرعه فديتكن . ..

".. . البنات يحاولن يتهربن عن الحريم عشان يشردن عن حشرة ام سلطان . .. لكن عين الحر ما تضيع الحبارى . .."

ام سلطان : وين سايرات . .. ومخليات شل الشنط على الشباب . .. ردن . ..
مهره : الا هاندات باقات هن . .. مايعولون دومهم يلعبون حديد ما صابهم شي
سعيد : اي ايدي عورتني سلطان امسك شوي . ..!!!
ام سلطان : هاه هاه شوفي سعيد ايده عورته . ..
سعيد : عين ما صلت عالنبي . ..
سلطان : تف تف تف . ..
سعيد : حووووه سبحتني . ..
سلطان : هذي يزاتي وانا ابا اقرى عليك . ..
سعيد : اقرى بس لا تفل . ..
ام حمد : ههههههههه . .. اتسون فلم هندي لمنو . ..
ام سلطان : حسبي الله عليهن من بنات يرفعن الضغط . ..
سعيد : الحين صحيت . ..
سلطان : هههههههههه . .. اونك عاد يلا يلا شل . .. يلاااا . ..

".. . شلو الشباب الشنط . .. وام سلطان تتحرطم على البنات اللي طنشن الرمسه وشردن . .. اما فاطمه كانت حاسه بخوف . .. "

مهره : ههههههههه اتخيل امايه ترمس وما تلقانا . ..
وضحه : ما خليتني اشوف اتوني . ..
علايه : ياويلي عليج . ..

".. . وراحن البنات ومشن على الحصا لين ما وصلن للمكان اللي يحبن إيلسن فيه . .. كان الجو فيه رطوبه لكن وين يلسات كان الجو حلووو . .. يلسات على الحصا وموج البحر يضرب عليه وأيهن رذاذ الماء . .. ينعشهن ويحسن ببروده حلوه مع هواء خفيف حلو . .."

علايه : بنات بخبركن شي . ..
وضحه : قولي . ..
مهره : صبري خاطري اغسل ايدي بماء البحر . ..
وضحه : يمين ودين انج ما سيرين . .. بطيحين . ..
علايه : نحن جذي مب سالمين من لسان امج . ..
مهره : هههه ما عليكن سبيحه . ..
وضحه : لا سبيحه ولا شي قري مكانج . ..
مهره : حاظر . .. وقولي وش عندج يا عليّاء . ..
علايه : شفت حميد اليوم . ..
وضحه : الله شو صار . .. وكيف . ..؟!
علايه : ماشي كنت بروح ويا سعيد لجمعيه لكنه سوى فيه حركة نذاله ووطاني الظهر في نص الفريج وروح عني . .. وانا راده خطف عدالي حميد وشكله انه عرفني . ..
مهره : وايه كيف عرفتي انه عرفج .؟!!!
علايه : وقف سيارته ويلس يطالعني . ..
وضحه : وانتي . ..
مهره : تبريدت كملي . ..
علايه : ماشي يلس يطالعني وانا اطالعه وعقب يوم خطفت عداله مشى وهو يساير وحط شلة ابيك ابيك . .. لين ما دشيت البيت . ..
وضحه : يا حظج . ..
مهره : والله انه يحبج . .. والله . ..
علايه : حوه يمكن يلعب عليه . ..!!!
مهره : يخسي الا هو جانه يلعب عليج . ..

||~ في البيت~||

سلطان : مرحبااا ب بو الوليد . .
خالد : وشحالك . .
سلطان : بخير ونعمه . .. اشحالك انته . ..
خالد : بسهاله . .. وين دارك . .؟!
سلطان : اليوم سرت ويا الاهل خورفكان . .
خالد : اها . .. خلاص برايك عيل . ..
سلطان : وين ساير . ..!!!
خالد : بروح الكوفي ما عندي شغل اسويه . ..
سلطان : خلاص عيل برايك . ..
خالد : مع السلامه . ..
سلطان : فداعت الله . ..

سعيد : وش حال خالد . .. هاه بعده عايش .؟!
سلطان : ههههه . .. والحمدالله . ..
سعيد : وحليله والله . . الا اقول وش رايك انحوطهم . ..
ام سلطان : لا لا ما نروم نحن . ..
سلطان : ههههههههههههههههه . .. ياك الرد . ..
سعيد : ما شاء الله عليج يا عمتي وين سمعتي ونحن في اخر الصاله . ..
ام سلطان : تف تف حسبي الله عليك رد الشهاده عن انصمخ باجر . ..
سعيد : ما شاء الله ما شاء الله . ..
سلطان : اقولك لا تحط لسانك في لسان امايه . ..
سعيد : تعيناااا . .
ام حمد : الحمدالله يوم انهم رقدو . ..
ام سلطان : مهره مسودة الويه اونها هي بتكفل بهم . ..
سعيد : خلوها في حالها . .. البنت ماخذه فترة راحه قبل المذاكره . ..
ام سلطان : والله انهن ما بيفلحن في شي هذيلا . ..
ام حمد : فال الله ولا فالج . .. حرام عليج . ..
ام سلطان : الله ينجحهن . .. لكني ما شوف وحده منهن يابت كتابها وهالثنينه مدلعينهن . ..
سلطان : هههههه يمكن يخترعن الذره بعد هالدلع . ..
ام حمد : مشها من خشمك يوم انها منهن . ..
سعيد : حزززن لهدرجه فاقدين الامل فيهن . ..
مهره : متنا متنا حر . ..
سلطان : طرينا القط يانا . ..
مهره : ينط . .. شو قلتو عنا . ..
علايه : هلكنا من الرطوبه . .. نصخنا وقف . ..
ام سلطان : الا عساكن مستانسات . ..!!
مهره : هب الا مستانسات بس اللي بيفرحنا مجبوس هامور . ...
علايه : وحواطه الحين . ..
مهره : ومطعم تاج خورفكان . ..
علايه : وصالونة مكاني . ..
ام سلطان : وايه شو عليكن لو غديتن شرات وضحه مول ما تطلب . ..!!
ام حمد : لسان وضحه الا من لسانهن بس مستحيه الحين . ..
وضحه " في خاطرها" : دومج مخربه عليه . .. اوووف . ..
ام سلطان : والله محد بيخرب وضحه غيرهن . ..
مهره : حرام عليج يامايه خل انطلع ولو شوي من اللي في خواطرنا عشان ننج ...
سعيد : جن اول ناس تمتحن . ..
سلطان : اقولك بيخترعن الذره . ..
مهره : علقو علقو . .. يقولولكم وش على السحاب من نبح الـ .. احم اح . ..
سعيد : سلطان . .. مب جنه اهانه يتنا .؟!
سلطان : وهذي الاشكال اللي تبا انت اطلعها وتحوطها .؟!!
سعيد : لا لا خلاص برايهم خل انسير انته وانا بس . ..
علايه : فديتك يا خويه والله انك شيخهم انا ما قلت شي . ..
سلطان : خلاص وضحه وعلايه بنشل بس . ..!!
مهره : ازين انا مابا اسير وياكم من الاساس . ..
سلطان : والله . ..
مهره : هيه . .. مابا شو يعني بيفوتني شوف الجنه .؟!!!
سعيد : اوكي خلاص بنات تلبسن . .. عندكن 5 دقايق . ..
علايه : اوكي . ..
وضحه : باي باي مهاري . ..
مهره : ربي يحفظكم . .. عادي عندي . ..
سعيد : بيفوتج . ..
مهره : حافظه الخور شبر شبر . .. ما بيفوتني شي . ..
سعيد : نحن ما بنسير بس خورفكان . ..
سلطان : تبين نيب لج صالونة مكاني . ..
مهره : من صوبكم مابا شي . ..
".. . صح ان مهره منقهره وودها تروح وياهم . .. لكن مستحيل انها اتأسف منهم عشان اتسير . .. ظهرو البنات مع سعيد وسلطان وركبو السياره وعيون مهره عليهم . .. وراحت الميلس وشغلت المسجل وحطت غنية الكيبالي ( لك الله يا قلبا من العام مهجور وطوح الونات هم وحسراتي عليك هم ايامي ياقلب وشهور وجرحا غزير ومتعب الحانياتي . .. )
وماسكه ورقه تكتب فيها اللي في خاطرها . .. :: مهره من النوع اللي ما يطلع اللي في خاطرها الا على الورق :: .. ."

سلطان : اقولكم ما يطاوعني احوط وختي في البيت . ..
سعيد : هيه ما تبا . ..
سلطان : محد يعرفها قدي . ..
سعيد : كيف . ..!!
سلطان : ما تبا لانها ما تبا تتأسف منا . ..
سعيد : ههه . .. عزة النفس عندها ضاربه فوق . ..
سلطان : رد رد خل انحوطها ويانا . ..

".. . ردو عشان مهره . .. وكانت يالسه في الميلس . .. ودخل عليها سلطان . .."

سلطان : مهاري قومي تلبسي . ..
مهره : مابا . ..
سلطان : والله محد يزر منا مكان بدونج يلا عاد ما نباج اتاسفين . ..
مهره : جذي اوكي . .. دقايق . . .

".. . قطعت الورقه اللي كانت في ايدها وعقتها في الزباله وراحت عشان تلبس عباتها . .. ويتهم السياره . .."

سعيد : عاد كله ولا بنت خليفه . .. محد يقدر يتحرك بلاها . ..
سلطان : السياره تشتغل بلا بترول . ..؟!!! هيه بترولنا مانتحرك بلاها . ..
مهره : بخبركم شوفو الدرب الماسكينه والله استحيت . ..
سلطان : لالا كله ولا هاي ترى ما يليق . ..
سعيد : امحق هههههههههههه . ..

".. . راحو يحوطون شوي ع شارع الكورنيش وعقب قررو انهم يروحون يتعشون في تاج خورفكان ويشلون عشاء للاهل في البيت . .. وبعد ما رجعو من المطعم ووصلو الاكل كملو سيرهم الى السينما في الفجيره . ..احلى طلعه طلعنها البنات . .."

||~ في الكوفي ~||

".. . خالد يالس بروحه في الكوفي ويقرى جريده . .. يتريا الشباب ايون عنده . .."

. .. . .: الاخ طالب قهوه . ..
خالد " يرفع عيونه" : نعم . .. مشكوره . ..
. .. . .: تفضل . ..

".. . حطت القهوه عنده وراحت عنه . .. وخالد يشوفها . .."

خالد " في خاطره" : شكلها مغربيه . .. خل أسألها . ..
خالد : لو سمحتي . ..
. .. .. : نعم . ..
خالد : الاخت مغربيه . ..؟!!!
. .. . .: اي نعم . ..

محاربة الشوق
30-08-2006, 02:42 AM
تـسـلـمـيـن والـلـه عـلـى الـبـارت الحـلوة..

الله يعطيج العافيه..

^_^

عذووب
30-08-2006, 08:51 AM
الله يعطيج العافيه..

درام الحب
30-08-2006, 12:40 PM
محاربة الشوق . .. ربي يسلمج غناتي . ..

درام الحب
30-08-2006, 12:41 PM
الله يعافيج عذووب

غرنجية الطرف
07-09-2006, 03:23 PM
درام الحب
مشكوووووووووووووره والله يعطيج العافيه

يلااااااااااااااااا نترياج

صعب توصلني
28-09-2006, 08:54 AM
مشكورة أختي درام الحب

درام الحب
29-09-2006, 05:16 PM
مشكورين ع تواصكم . ..
والحين بحط الكم جزء . ..

درام الحب
29-09-2006, 05:17 PM
||~ في الكوفي ~||

".. . خالد يالس بروحه في الكوفي ويقرى جريده . .. يتريا الشباب ايون عنده . .."

. .. . .: الاخ طالب قهوه . ..
خالد " يرفع عيونه" : نعم . .. مشكوره . ..
. .. . .: تفضل . ..

".. . حطت القهوه عنده وراحت عنه . .. وخالد يشوفها . .."

خالد " في خاطره" : شكلها مغربيه . .. خل أسألها . ..
خالد : لو سمحتي . ..
. .. .. : وي
خالد : الاخت مغربيه . ..؟!!!
. .. . .: وي . ..
خالد : غريبه أول مره أشوف مغربيه تشتغل في كوفي . .. !!
. .. . ..: إياااك . .. !!
خالد : إياك . .. وش يعني . ..؟!!!
. .. . . : والله . .!!!
خالد : والله لهجتكم عجيبه . ..
. .. .. .: انا بفهمَ عليك . .. صار لي أعمل هون سنه وعشر شهور . ..
خالد : صارلج مده عيل. ..
. .. . .: وي . .. انا أصلي ماخذه ماجستير في ادارة الاعمال . ..
خالد : اممم . .. عيل ذا مش مكانج . .. !!!
. .. . . : وي بعرف . .. لكن الشركه كذبت عليه . ..
خالد : انتي ع كم سنه متعاقده وياهم .؟!!!
. .. . .: ع سنتين باقي لي شهرين وصاافي . ..
خالد : انتي ليش خليتي بلادج ويتي تشتغلين هنا .؟!!!
. .. . .: شو بسوي . . .؟!! انا زعلانه ع اهلي صار لي شي كبير ما قدرتش أبقى في المغرب بسبته . .. حالتي النفسيه تعبت ف حلفت اني ما بقى فيها أكتر . ..
خالد : الله يعينج . .. أوكي أنا راح أساعدج وحصلج ع شغل . .. بس عطيني رقمج . .. وان شاء الله خير . .. بس قبل ما عرفنا أسمج . ..؟!
. .. . .: ميس
خالد : عاشت الاسامي اختي ميس . .. وانا خالد . ..

".. . وتبادلو الارقام . ... ويو ربع خالد فقعد معاهم في الكوفي . .."

".. . مرت ايام اللعب . .. وبدت ايام الجد عند البنات. .. ما بقى على الامتحانات الا أسبوع ونص . .."

||~ في بيت بو سعيد ~||

فاطمه : والله انج كلبه . .. انتي لو فيج ذرة حيا ما كان ظهرتي بدون شيله والباب الكبير مفتوح . .
علايه : لا لا تعالي صفعيني بعد . .. !!!

".. . تجدم فاطمه وتصفع علايه على ويها . .."

علايه : شوفي مب انا اللي ما تقدر اهلها وما تفكر فيهم ازين . ..!!!
فاطمه : شو قصدج يا مسودة الويه . ..
علايه : انتي ادرى باللي اقصده . .. وهذا ويهي لو ما خبرت سعيد عليج والله لخبره . ..
سعيد : شو بتخبريني .؟!!!
فاطمه : ماعندها شي تقوله لك . ..
علايه : امبلى عندي . ..
سعيد : قولي اللي عندج . ..
علايه : شوف تلفونها وبتعرف . .. هذا لو ما عندها تلفون ثاني في الحجره . ..
سعيد : نعم . .. شو قصدج . ..!! علايه انتي صاحيه . ..
علايه : أصحى منك . .. والله انها ما حشمتكم وما خلت ريال ما عرفته . ..
سعيد : فاطمه وين تلفونج .؟!!
فاطمه : أشك فيه وانا اللي مربتنك . ..
سعيد : اقوووولج عطيني جهازج بدون كلام يلااا . ..
فاطمه : امسك وشوف جان شفت شي . ..

".. . ويمط سعيد الجهاز من ايد اخته وهو مضيق . .. ويفتشه . .."

علايه : شوف بعد عادي يكون عندها جهازين ترى . ..
سعيد : وين مفتاح حجرتج .؟!!
فاطمه : نعم . .. تخليت هذي تلعب بمخك . .؟!!!
سعيد : أقولج عطيني مفتاح حجرتج . ..
فاطمه : لا صدق انها قدرت تلعبك . ..

".. . يمسك سعيد فاطمه من شعرها . .. ويصرخ في ويها . .."

سعيد : انتي بتعطيني ولا شووووووو . ..!!!
فاطمه : شعري . .. امسك خذه خذه فتش . ..

".. . يدز فاطمه على الطاوله ويروح يفتش حجرتها . .."

فاطمه : بشوفين يا عليّا . ..
علايه : وش عليه منج . ..

||~ في بيت بو حمد ~||

وضحه : ماااااااااااااااااااامي . ..
ام حمد: وضرس . ..
وضحه : يضرسج . ..
ام حمد : هاه شو تبين . ..!!
وضحه : والله أنج شيخة الحريم . ..
ام حمد : شو تبين . ..
وضحه : اباج تفزعين للمكتبه وتيبيلي شفافيات . .. ابا اطبع البراشيم . ..
ام حمد: خلصتي من الكتابه . ..!!
وضحه : يبي ياااا . ..
ام حمد : ازين يلا جانج بسيرين معايه . ..
وضحه : لا لا ما روم . .. الاستاذ بينا
ام حمد : برايج تبين شي زياده . ..
وضحه : لا بس الشفافيات يا خوفي ان الشباب خلصوهن . ..
ام حمد : ههههه . .. ان شاء الله . ..
وضحه : حوووه لا تقولين جذا عن ادعي عليج الحين . ..
ام حمد : هذا بدال ما تشكريني صدق انج جلبه . ..
وضحه : اممم الجلبه من وين يت .؟!!
ام حمد : صدق ان امج جلبه يوم انها ما عرفت تربيج . ..
وضحه : ههههههههههههههههههه . .. الاعتراف بالحق فــ. .. .
ام حمد : والله ماسير . .. خلي حد غيري ايبلج . ..
وضحه : افا افا افا . .. كله ولا الدلع عاد ما نروم عليه . ..

".. . تحاول وضحه انها تحب امها عراسها وام حمد تبتعد عنها اونها زعلانه . .."

وضحه : افا ما طيع ام حمد . . والله انج شيخة الحريم . .. قومي يلا الشيمه الشيمه . . .سيري ويبيلي الاوراق وعقب ازعلي . .. بليز بليز . ..
ام حمد : ازين ازين . .. كلتيني . ..

||~ في بيت بو سلطان ~||

مهره : اوكي استاذ خلاص بقول لوضحه وعلايه . ..
الاستاذ : لا تنسين الساعه 10 . .. ولا بتنامون . ..!!
مهره : حزززن شو رقاده الساعه 10 قالولك دياي . ..
الاستاذ : ههههههههههه . .. خلاص اشوفكم الساعه 10 بعد ما خلص من الشباب . ..
مهره : اوكي خلاص مع السلامه . ..
الاستاذ : مع السلامه . ..

||~ عند الشباب~||

منصور : هاه منو تغازل الحين . ..!!
الاستاذ : انت خلك من هالكلام . .. يلا خلونا نكمل الدرس . ..
علي: لا والله بذمتك بنات منو ادرس خبرنا الشيمه . ..
الاستاذ : وليش اخبركم . ..!!
منصور : والله تراني اتبعك جان ما خبرتنا . ..
الاستاذ : ما عرفهم . ..
منصور : اتحراني بخليك ريلي على ريلك . ..
علي : لا والله الا نحن اللي بنوصلك . ..
منصور : بس خبرنا غراشيب ولا اي كلام . ..
الاستاذ : هاه يابش مهندس محمد . .. خلصت من المغازل .؟!!
محمد : صبر شوي . ..
منصور : هذا من يمسك التلفون ما يفجه . ..
الاستاذ : عيل خلونا نكمل الدرس . ..
محمد : مرحبااااااااااااااااااااااا . ..
منصور : يامرحبااااااااااابك . ..
الاستاذ : والله انتو يا شباب ترفعون ضغط الواحد . .. علي خل عنك المسجات . .. خلونا نكمل. ..
منصور : ازين بسالك انت ادرس بنت البيت البيج صح .؟!!
الاستاذ : حسبي الله ونعم الوكيل . .. وليش هالسؤال . .؟!
محمد : ليش ما خبروك . ..!!
الاستاذ : شو . ..
علي: حرمته هذي . ..
الاستاذ : اخرطو على غيري اوكي . ..
منصور : برايك لا تصدق . .. بس بذمتك مب حلوه . ..
الاستاذ : الا اطيح الطير من السما . ..
علي : ولا ربيعتها الثانيه احلى واحلى . .
محمد : ولا الثالثه اوووف عذاااب . ..
الأستاذ : اي والله . ..
منصور : ههههههههههههههه . . طلعنا منك شي ولا لا . ..!!!
الاستاذ : يخرب عقولكم والله . ..
محمد : الا انت كم وحده ادرس . ..
الاستاذ : انتو ما تعرفون . .. ؟
محمد : لا . ..
الاستاذ : خلونا نرجع لدرسنا احسن عيل.. .

||~ في بيت بو سعيد ~||

علايه : يمكن داستنه في مكان . ..
سعيد : علايه مب شكلج زودتيها . ..؟!
علايه : لا ما زودتها . .. الا انت ما تبا تصدقني . ..
سعيد : شو ما صدق تراني فتشت وما طلع عليها شي . ..
علايه : والله ان اختك اكبر رغييييييييييييييد . .. وما فيها ويها ذرة حيااا . ..

".. . سعيد يصفع علايه . .. صفعه من الخاطر . .. طيحتها على الارض . .."

علايه : حبل الجذب قصير وبشوف. .. بروح بيت عمتي . ..

".. . وتظهر علايه من البيت رايحه بيت مهره . .. في لحظه ان حميد كان راد فيها بيتهم وشاف فيها علايه وهيه تصيح . .."

حميد : شوو فييييج . ..؟!

".. . شافت علايه حميد اللي كان موقف في نص الشارع . .. ويشوفها بنظره كلها حنان .. . لكنها ما قالت له شي وكملت دربها . .. وهو رد البيت ويفكر فيها . .."

مهره : علااايه شو فيج . .؟!!
علايه : ماشي . ..
مهره : تعالي تعالي الميلس عن حد يشوفج . ..

" .. . ويروحن البنات الميلس وتغسل علايه ويها . .. ويوم هدت خبرت مهره السالفه كامله .."

مهره : هذا كله يطلع من فاطمه . . ؟!
علايه: والمصيبه محد يصدقني . ..
مهره : انا أصدقج . ..
علايه : بس ليتج بتقدرين اسوين شي . ..!!
مهره : انتي اهدي الحين وما صار الا كل خير . ..
علايه : وين اهدا وسعيد مضيق عليه . ..
مهره : لا ما عليج الا سعيد ماشي مثل قلبه . ..
علايه : اووف شو لي خلاني اسوي جذا . ..
مهره : انتي سويتي الصح . .. لكن اختج لاعبتنها صح . ..

||~ في بيت بو سعيد ~||

سعيد : أقولج شو تبين اتعشين . .. انا بروح الشارجه وبرد . ..
فاطمه : مابا شي . ..

".. . تقرب سعيد من فاطمه ويبوسها على راسها . .."

سعيد: فديتج يا ختي . .. لا تلوميني ما رضى عليكن شي وترى البنت سمعه شرف . .. ولو ما خفت على خواتي على منو تبيني اخاف . ..
فاطمه : فديتك يا سعيد . .. مستحيل اني انزل راسكم . ..
سعيد : يلا لازم اراضيج . .. عشاج عليه . ..
فاطمه : عيل اسير معاك . ..
سعيد : مب هالمره . ..!!
فاطمه :اممم . .. اوكي . .. عيل ابا من برجر كنج . ..
سعيد : فالج طيب . .. من اوصل هناك بدق لج . ..
فاطمه : سعيد . ..
سعيد : يالبيه .. .
فاطمه : لبيت في منى . .. ادري انك بعدك شاك . .. فأرجوك شل جهازي معاك . .. وشوف من يتصل فيه ومن ما يتصل . ..!!
سعيد : لا لا خليه عندج مب شاك . ..
فاطمه : ارجوك عشان خاطري . ..
سعيد "يتنهد" : هاتيه . ..

".. . ياخذ سعيد جهازها ويروح لشارجه عشان يخلص كم من شغله . .. ومن بعدها راح لسبنس . .. وهو يتمشى هناك شاف واحد من ربعه . .. وقعد يتكلم معاها . .."

||~ في بيت بو سلطان~||

".. . مهره تتصل حق وضحه عشان تيي بيتهم . .."

مهره : شو هذا . .. لين الحين ما يتي والريال مصطن يترياج . ..
وضحه : الحين الحين . .. هاه دقايق بس البس عباتي . .. صبري . .. اتريوني . . علايه يت .؟
مهره : علايه من المغرب عندنا .. .

".. . تسكر وضحه على ويه مهره . .."

مهره : صدق ان المذهب ضاااايع . ..
علايه : حليلها مصدقتنج البنيه . ..
مهره : خل شوي نستانس قبل لا ايي . .. ملينا من الدراسه . ..
علايه : بذمتج كم كتاب خلصتي .؟!!
مهره : الصراحه .؟!!!
علايه : يب ..
مهره : اخافج تنظليني . ..!!!
علايه : لا والله ما كان . .
مهره : ما بديت بعدني . .!!!
علايه : حووووووو ما بقى شي عن الامتحانات . .
مهره : عادي ريلاكس . .. ذاك الوقت بيحلها الف حلال . .. وانتي شو خلصتي . .!!!
علايه : الصراحه انا اراجع الحين . ..!!
مهره : تيربو ما شاءالله . ..
علايه : عن تنظليني . .. ردي الشهاده ع ويهج . ..
مهره : مابا . ..
وضحه : وينه . ..
مهره : هههههههههههههههههههههه . .. خرطو عليها . ..
وضحه : يخرب عقلج من كلبه . ..
علايه : الاستاذ بيي الساعه 10 . ..
وضحه : هيه عاد هيه امره ما وراها شي . ..
مهره : لا والله اليدار ورايه . ..
وضحه : ها ها ها . . سخيييفه . . .!! يعدمج انا ورايه تبرشيم . ..
مهره : ما تبيني افازعج بشي . .. ترى ما عندي شغله . ..
وضحه : نعم اني احتايلج . . انا مخلصه بس باقلي كتاب
مهره : خلاص تم . .
وضحه : عيل سويلي مال الانجليزي . ..
مهره : فالج طيب . ..
علايه : والله انكن . .. مادري كيف ترومن تغشن . . انا اخاف . ..
مهره : اعلمج افا عليج . ..
وضحه : يارب يحطونا في صف مب مسرح . ..
مهره : ليش . ..!!!
وضحه : عشان اقدر اغش لو المسرح بيزيدون من نسبة المراقبيين . ..
مهره : هههههههههه . .. تحيدون في ثاني ثنوي . .. يوم يظهرونا . ..
وضحه : هههههههههههه . .. السبب من الدعله . ..
علايه : شو اسوي هب مالت غش انا . ..
مهره : لا لا يا حلاته وهيه تحسر عن ايدها جدام المعلمه . ..
علايه : هههههههههههههه . .. والله قفطه . ..
وضحه : والله هالايام كلها بتكون ذكريات . ..
مهره : صخن صخن . .. محمد يدق . ..!!
مهره : مرحبا استاذ . ..
الاستاذ : هاااه وينكم انا في المجلس قاعد . .
مهره : استاذ شو هذا انت قلت الساعه 10 . ..
الاستاذ : الشباب نرفزوني . ..
مهره : هههه . . واحليلك .. . خلاص الحين بني عندك. ..
الاستاذ : في دربك اريد قهوه . ..
مهره : افا عليك قهوه عصير فواله . .. كل اللي تباه . ..
الاستاذ : بس قهوه مشكوره . ..
مهره : اوكي يلا باي . . سي يو . .
وضحه : هاه وين هو . ..
مهره : في الميلس ميلس . ..
علايه : شو يابه من وقت . ..
مهره : اصدقن حاسه اني ابا اررررقد . ..
وضحه : خل عنج دوم هالرمسه . ..

".. . ويروحن البنات عن الاستاذ في الميلس . .."

الاستاذ : يا مرحباااا بعصابة حزب الله . .. عيل وين الزعيم . ..
وضحه : راحت تييب لك قهوه . ..
علايه : اشحالك استاذ عساك الا مرتاح . ..
الاستاذ : واللي يكون عنده طلبه مثل هالشباب بيكون مرتاح .؟!!!
علايه : اي شباب استاذ . ..
وضحه : اقطعي . .
علايه : لا اقصد شباب فريجنا ولا غيرهم . . !!
الاستاذ : لا الفريج التاني . .
علايه : ايواااا قوم الـ . .. ..
الاستاذ : ايوه ذا محمد معاهم . .. بصلي لين ما تيي مهره . .
علايه : اوكي . ..
وضحه : أقول منو هذا محمد . ..
علايه : اخو فاطمه وعليا . .. اللي نروح العمره معاهم . ..!! ربيعات فاطمه اختي . ..
وضحه : هيه وانتي جد شفتيه محمد .؟!
علايه : هيه . ..
وضحه : كيف شكله . .؟!
علايه : عادي . ..!!
وضحه : اها . ..
علايه : يرمس فاطمه اختي مرات . .. وانا وهو بينا سلام بس . .. حليله شرات اخونا . ..
وضحه : ماقد طريتيه . .
علايه : مب مهم عشان اطريه . ..
وضحه : يا عيني ...
مهره : مرحباااااااااااااااااااااااا استـ . .. الا انتن ميلسات وين عيل نص الشبر . ..

".. . وضحه وعلايه يأشرن عليه وهن صاخات وفيهن ضحكه . .."

مهره : يعدمكن . .. عله ما سمع . ..
الاستاذ : مرحبا مهره . ..
مهره : هلا هلا استاذ . .. اشحالك وشو اخبارك . .. وهذي قهوتك . .. اصبلك فنيان . ..!!
الاستاذ : ما شاء الله . .. صبي صبي . .. بس قعدي وخلينا ندرس . ..
مهره : افا عليك . .. فالك طيب . ..
وضحه : ما سمعج . .
مهره : الحمدالله . ..
الاستاذ : ما سمعت شو .؟
مهره : ماشي استاذ . .. ماشي . ..
الاستاذ : انتي وماشي . .. الله يعين . ..

".. . بدى الاستاذ درسه .. . وعلايه بالها عند اخوها . .. ووضحه مندمجه معاه في الدرس لكن مب فاهمه شي من اللي يقوله . .. اما مهره شوي وبيطيح راسها من رقاد . . ويا خسارة الدروس الخصوصيه . .. "

الاستاذ : بسألكن . .. شو الرابط بين جَمل و جُمل . .. ؟!!!
وضحه : نحن ندرس انجليزي مب عربي طال عمرك . ..!!!
الاستاذ : اعرف بس هذا السؤال خطر على باللي . ..
وضحه : اممم . .. ماعرف . ..
علايه : ولا انا ماحب العربي . ..
الاستاذ : وانتي يا مهره . ..
مهره : خلني اشوف . .. بس عيدلي السؤال مره ثانيه عشان اجاوب . ..
الاستاذ : شو الرابط بين جَمل و جُمل . .!!!
مهره ^بعد تفكير^ : امممم اعتقد . ..
وضحه : يطلع شي منج . ..
مهره : ما يبالها شي بس شوية تفكير . .. اسمع . .. جُمل تنربط بالكلمات يعني على ومن ومن هذيلا . .. اما الجَمل ينربط من ريوله . ..!!!

".. . الكل سكت دقيقه يستوعب كلام مهره . .. لكن فجئه الكل يضحك عليها . .. وهيه قفطت ما تعرف شو السالفه . .."

مهره : حوه شعندكم .؟!!!
الاستاذ : انتي شو تقولين .؟!!!!
مهره : شو غلط . ..
الاستاذ : هههههههههههههههههههههههه . .. سجع الرابط بينهم . ..!!!
مهره : ازين ادري بس اسوي شويت جو . .. والله . ..
وضحه : ههه امره جو . ..

".. . يدش سلطان عليهم . .."

سلطان : مرحبا استاذ . ..
الاستاذ : مرحبااا بو مايد . ..
سلطان : خليفه خليفه طال عمرك . .. بو خليفه . ..
الاستاذ : هههه . .. ولا يهمك يا بو خليفه . ..
سلطان : هيه توك . .. هاه شو البنات عندك . ..
الاستاذ : لا ما شاء الله على الحزب . .. كل وحده احسن من الثانيه . ..
مهره : وختك احس وحده . ..
سلطان : غريبه ما حيد . ..
الاستاذ : سلطان كان من اشطر الطلاب عندي . ..
سلطان : هيه هيه زيد خلهم يسمعون . ..
مهره : خلهم تقصد و. .. .
سلطان : ازين استاذ برايك معاهم بس يت اطمن عليك . ..
مهره : شو تطمن عليه . .
علايه : شو وحوش نحن . ..!!
سلطان : لا لا . .. انتن مب وحوش بس ترفعن الضغط . ..
مهره : هيه عبالي شي ثاني بعد . ..
سلطان : لا لا ما شي طال عمرج .. .
الاستاذ : لا لا البنات شطار عندي . ..
مهره : علمه علمه عنا . .. واحليلنا دومنا مظلومات . .
علايه : ياما في السجون من مظاليم . .
سلطان : امحق . .. يمكن مظلومه وحده بس . .. حرام انها انحطت معاكن . ..
الاستاذ : وضحه بنت مؤدبه . ..
مهره : هههههههههههههههههههه . ..
سلطان : خلاص خلاص انا استأذن بروح الشباب يتريوني . .
الاستاذ : وانا بعد بروح . .. يلا اشوفكم يوم الامتحان . .
علايه : الله يحفظك استاذ . ..
مهره : سي يو سووون . ..
وضحه : ياشين الشد . ..

||~في سبنس~||

عبيد : تعال سجل رقمي اليديد عندك . ..
سعيد : صبر بظهر جهازي . .

".. . سعيد ظهر جهاز فاطمه بدال جهازه . .. وطاح من ايده . ..وتفجج"

سعيد : ياهذي حاله . ..
عبيد : ههه طاح الشر . ..

".. . نزل سعيد يلقط الاجزاء اللي تفججت . .. ووقف . ."

عبيد : البطاقه نسيتها . ..
سعيد : لا هذي موجوده في الجهاز ما طاحت . ..
عبيد : لا هذي . .. ^ وينزل ياخذها ويعطيها لسعيد ^ . ..

".. . انصدم سعيد . .. يوم شاف البطاقه الثانيه . .. ماعرف شو يسوي . .. الا انه خذاها . .. "

سعيد ^ببتسامه^ : مشكور ... كم قلت لي رقمك . .. ؟

".. . يعطي عبيد سعيد رقمه . .."

سعيد : اوكي اخويه اخافني ماشوفكم . .. سلم على ابوك والشباب . .. فداعت الله وسامحوني. ..
عبيد : نحن بنترياك . .. وبالحل . .. مع السلامه . .

".. . راح سعيد وركب سيارته ماعرف شو يسوي حاس بان الدنيا ادور به . .. حس بضيج بصدره . .. كيف انه ظلم اخته الصغيره . .. وصفعها . .. "

سعيد ^ في خاطره ^ : اخ يا سعيد انت شو سويت . .. ليتني ما صفعتها . .. بروحها يتيمه وانا زدتها . .. يارب انج تسامحيني يا علايه . .. لازم اروح استسمح منها . .. !!

يسوق سعيد ^وهو يفكر باللي صار اليوم وحاس بضيج ويحاتي علايه ^ : كيف ان فاطمه قدرت انها تجذب عليه . . أصلا كيف قدرت انها تسوي هالشي فينا . .. شو بسوي يا سعيد . .. حرك مخك . .. اجتلها ..!! ااااااااااااخ . ..

".. . الدمعه في عينه . .. وأفكاره ما فارقته طول الدرب . .. والمطر يغسل الشوارع . .. على الجسر يمشي بسرعه عاديه جدا بسبب المطر . .. وعداله سياره . .. لكن شخص مستهتر يا مسرع ويحاول انه يجاوز بين السيارتين . .. وسعيد يهرن عليه لان ما كان عنده مجال عشان يوسع لسياره . .. ماقدر يتحكم بسياارته وشاء الله ان اطيح سيارة سعيد من على الجسر الى الشارع . .. حاول انه يطلع من السياره طلع . .. لكنه طلع وطاح معاها على الشارع . .. وافاته المنيه وأصبح سعيد ذكرى لنا. .. الموت حق وكل نفس ذايقتنه . ..ولكن وفاته كانت صدمه . .. صدمه هزت اركانا . .. مضى على وفاته 3 سنوات ولكن ذكراه تضوي ذاكرتنا . .. فرحمه يا الله واجعل من قبره روضه من رياض الجنه . .. "

المها الظبيانية
30-09-2006, 07:05 PM
السلام عليكم والرحمه

شحالج يالغلا

مبروك عليج الشهر وكل عام وانتي بخير

تسلمين على البااارت ويعطيج العافيه

سعيد توفي يعني القصه حقيقه ولاخياليه؟؟؟

تسلمين

عذووب
01-10-2006, 10:33 AM
تسلمين على البااارت ويعطيج العافيه
بس حراااااااااام ليش مات سعيد والله حرام ليش جذي سويتي نهاية سعيد الله يرحمة صدق صدمة صدمتينااااااااا ..
على العموم في الانتظااااااااار ..

غرنجية الطرف
01-10-2006, 01:11 PM
مشكووووووووره على البارت

حرام عليج ليش مات سعيد ؟؟؟

انصدمت!!!!!!!!!!!!

الله يخليج كملي بسرعه..

سوود العيوون
01-10-2006, 03:41 PM
مااااااااااات لا اااا حراااااااام اهي اهي !_!



نتريااااااا التكمله

الغزال العنيد
07-10-2006, 08:13 AM
لييييييييش؟؟

حرااااااام ما توقعت سعيد بيموووت

حرااااااام

:(

نترقب الجزء القادم

جسر المحبة
12-10-2006, 04:35 PM
http://www.tl3b.com/uploads/10-06-06~mar7aba.gif

.. + درام الحب + ..

مات سعيد من دون لايعتذر لاخته ..!!

.. تعايشت مع احداث القصة بكل تفاصيلها ..

وصدمني موت سعيد ..

كنت اتمنى ان نهايته ماتكون بهالطريقة ..

وكنت اتمنى انه يعذر لعلاية ..

ويأدب فاطة ع اللي سوته ..!!

لكن الموت حق .. وكل نفسٍ ذائقة الموت ..

تسلمين غاليتي على القصة الروعة ..

نحن في انتظار باقي الجزء على أحر من الجمر .. :)

http://www.tl3b.com/uploads/10-06-06~wda3tallah.gif

عيوز الفريج
05-11-2006, 08:31 PM
يالله اسميها القصه طماشه

عاده كمليها ولله اني تعلقيت فيها :)

الورده البيضاء
11-11-2006, 05:44 PM
لا حرام ليش مات سعيد المفروض تموت فاطمه

شيبة طنيج
25-02-2007, 03:23 PM
الشيخه حطي الباقي دخيلج شوقتيني تراج

الوافية
04-09-2007, 08:30 PM
مراحبااااااااا ملاااااااااااااين


انا سجلت في المنتدى .. عشان بس ارد عليج

واقولج وين تكمله القصـــه

ترانا نتريااااااااااج على احر من الجــمر


الوافية

عنكبوتة
06-09-2007, 08:22 PM
مشكورين امانه لكملها الكم شيت اشوف تاريخ كتابتها ><

بكملها لكم بأقرب وقت

عنكب سوري مستخدمه اسمج عناد خخخخ


اختكم درام الحب

soud_aloyoon
07-03-2008, 11:49 PM
يالله يا اختي كملي

السولعيه الحلوه
05-04-2008, 11:31 PM
يلا وين التكمله...

الحين لازم نقراء القصه من اول ويديد عشان نعرف الباقي...

نترياج على احر من اليمر,,,

لا تتاخرين علينا,,,,

الغزال العنيد
06-06-2008, 10:54 PM
ويـــــــــــن التكملـــــــــه ^__^

عيوز الفريج
05-10-2008, 12:56 PM
وين التكمله نتريا

صديقه
14-01-2009, 11:36 AM
يالله وين التكمله والله نتريا الباجي

حراااااااااااااااااااااااااااااااام ابا اعرف شو بيسير
بليييييييييييييييييييييييييييييييييييييييييز

لايكون ما فيها تكمله بس؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ليش والله حراااااااااااااااااااااااااااااااام

مـــلكة الساحه
01-11-2010, 12:11 AM
ياله ننتظر البارت


حراااام ليش سعيد مااااااااااااااااااااات

خفآيأ الروح
10-11-2010, 09:05 PM
يا الله عاد ...


صولتي ..


و اذا طولتي زياده ترى بمووووووووووووووت ^^

خذي وقتج فالتكمله لكن شوي سرعي ^^