عضو تحت المجهر (5) [الأرشيف]

عــيـ دبـي ــون

28-06-2002, 11:14 PM

مرحباااااااااااااااااااااااا
جميع الاخوان والاخوات:)
نعوود من جديد مع عضو تحت المجهر
وهالمرة بيكون العضو احد المراقبين

وهية المراقبة ..... الوعد.... من الاعضاء المتميزين .....في مواضيعهااااا
ومشاركاتهااااااا كانت في يوم من الايام تحلم بالوصول إلى العشرة الكبار
إلى ان تحقق حلمهااااا:) وبتكون ويانا ان شاء الله من تاريخ..28/6/ ولغاية 5/7/2002

ونحب نذكر بانة يحق لعضوتنا عدم الاجابة على أي سؤال لاتريد الاجابة علية...;)

اختي الوعد..البطاقة الشخصية..

..شو رايج في أعضاء منتدى الكتبي نت...ومن العضو إلي ترتاحين لمشاركاتة أكثر..

ولنا عودة..

مزيون بو عيون

29-06-2002, 12:08 AM

(h) مرحبـــــــــــــــــــــــــــــــا(h)

أختي الوعــــــــد .. وانتي تحت المجهر .. حبيت أســــــألج .. ولج حريـــة الأختيار في الإجــابة ..

س: كتابتك للشــعر والخواطـــــــــــر , عن تجـربة شـخـصـيــة ؟

س: شعورك عندما عرفتي أن أختيار المجهر وقع عليك؟

س: لو جاءك عرض مغري بترك منتدى الكتبي , والإشتراك في آخر ؟ شورايج ؟

هذا وتقبلي تحياتي (hi)

الوعد

29-06-2002, 12:43 AM

هلا اخويه عيــــ دبي ـــــون... كلك ذوق ... تسلم ... بصراحه قلت بشوف منو اللي تحت المجهر اليوم ... دخلت وانصدمت

# البطاقة الشخصية :

الاسم : الوعـــــد

العمر : عمر الزهور اللي لسه متفتحه ..

المجال الدراسي : علمي

الدولة : دار بوخليفة .. الله يحفظه ويخليه لنا سالم ..

الوظيـــفه : والله بعده عودي طري على تعب الشغل ...

الهوايات : القراءة .. و كتابة الخواطر .. والقصص .. والشعر لي فيه محاولات لابأس بها .. بس احب اقراه واسمعه وايد ..السباحه ... وكل شي جميل ومفيد .... اشيــــــاء وايده .. لوقلتلكم بتقولون هاي مافي شي ماتحبه ...

# كل الاعضــــاء حلوين وطيبين واحبهم وايـــــــــــــــد

# بصراحه مافي عضو معين ... كل الاعضــــاء .. وهذا حسب الموضوع اللي يثير اهتمامي .. مع ان الشخص اللي كاتب على عيني وراسي ..

وكـــــــــانت هذي اجاباتي على اسئلتك ... وسلامتك .. اتمنى اكون وفيت (h) :rolleyes:

لولوه

29-06-2002, 12:45 AM

السلام عليكم اختي الوعد
اشحالج
شخبارج
شو علومج
شو مسويه الله يسلمج ويطولي بعمرج

وبعد السلام يحلى الكلام

س1 : اول ما تفجين المنتدى شو تفكرين تسوينه؟

ولنا عوده مع الاسئله بعد ما افكر

الوعد

29-06-2002, 12:53 AM

هلا وغلا ... حـــــيــــّـــــاالله من نوّر الصفحه ...

# .. بصراحه .... نعم ... عن تجارب شخصية .. وفي بعضها من نسج الخيــــــــال ..بس إلـــــين اليوم محّد يدري عن اللي من نسج الخيــــــال ...

# تبين الصدق ... انصدمــــــــــت ... اشعر ببعض الارتبـــــاك والخوف .. لأني طول عمري اكره الاسئلة .. ولكن الخوف الى زوال ان شاء الله ...

# لالالالالالالالالالالا ... وباللون الاحمر والخط العريــــــض .. لأني انا انسجمت وياكم انتوا .. وهذا هو اول منتدى اشارك فيه .. ومقل مايقول الشاعر .. نقّل فؤادك ماتشاء من الهوى ... ماالحب الا للحبيب الاولي .. واذا كان لازم اترك المنتدى .. فأنا مابشارك في غيره ...

وسلامتج حبيبة قلبي .. اتمنى اكون كفيت ووفيت (h)

الوعد

29-06-2002, 12:57 AM

هلا اللولــــــــو... هلا وغلا

اقوووووووووول لولوه .. انتي متقمصه شخصيه من مسلسل .. ايوووووووووووه ... جنه هلّووووووووول ...

على العموم انا الحمدلله بخير الله يخليج ويبجيج ويسلمج من كل شر انتي وغاليج ... يــــــــــــارب ..

# اول ماادخل .... اشوف مواضيعي .... والردود اللي عليهن ... بعدين ابدأ من اول منتدى الين اخره ... اتفحصه ومااخلي شي ...

وسلالالالالامتج (h)

الغلا

29-06-2002, 01:33 AM

تسلم اخوي عيون دبي على هذا الاختيار الرائعه.....

اختي الوعــــد الصراحه انتي شخصيه جدا رائعه

عندي سؤال ممكن ؟؟؟؟؟ :)

شو رايج في الصداقــــه ؟

تحياتي
الغلا

الوعد

29-06-2002, 01:49 AM

هلا وغلا اختي الغلا ... نورتي....

اشكرج عزيزتي .. انتي اروع .. هذا بس من ذوقج ... تسلمين ...

اكيد ممكن تسألين ...

# الصداقـــــة اهم شي في الوجود .. بالنسبة لي ... والواحد مايقدر يعيش بدون صديق ... وحلاة الصداقة لما يكون

مشاعر متبادلة وتقارب فكري .. عشان تستمر فترة اطول ... تنبني على الوفاء والاخلاص ... مادري كيف اوصفلج

او اوضح لج هي شو بالنسبة لي ... ولكن الخص كلامي كله ... في ان بدون صداقـــة ... لاحيـــــاة للوعــــد .. انا

من النوع اللي يقدسون الصداقة ويسوون لها اكبر قيمة في الحياة ... عشان جذه انا انسانة اجتماعية وعندي

اصدقاء وايد ... (( صديقي من يقاسمني همومي .... .... ويرمي بالعداوة من رماني ))

وسلالالالالالامتج ... اتمنى اني كفيت ووفيت وعطيتج الاجابـــة اللي بغيتيها ... نورتي

(h)

الغلا

29-06-2002, 12:32 PM

مشكووووووووووووره الغاليه على هذا الرد الطيب منج .....

اشكرج الغاليه ...

تحياتي
الغلا

الوعد

29-06-2002, 12:57 PM

العفو الغاليه ... تسلمين لي ..

مابشرتيــــــنا ..

ظهرتي نتيجتج ولاّ لا ؟؟

زهـرة الـوادي

29-06-2002, 04:21 PM

وااااااااااااااااااااااااااو

الوعــــــــــــــد صااادوووووووووج :p

الله يكون في عونج ;)

اسمحيلي أسألج سؤالين :)

1/ ما رأيك بمنتدى الكتبي بشكل عام و منتدى الثقافة و العلوم بشكل خاص ؟

2/ إلى أين تتجه طموحات الوعـــد ؟

و لي عوده بعد الفاااصل :D

©™¤§امارات§¤™©

29-06-2002, 05:26 PM

هلاااااا بالوعد ....صادوج على قولت زهووره :D

انا بس حبيت اسلم عليج ....اممممممم بفكر باساله بس الاول جاوبي على اللي قبل ;)

تحياتي لج

خيال

29-06-2002, 09:34 PM

مرحبا اختى الوعد وعندى لج بعض الاساله رغم انى اول مره اشارك فى مثل جدى مشاركه ونا ماريد اكون تحت المجهر
ونا احب اعرف
1_سبب اختيارج الدائم للون الازرق هل هو البحر ام السماء ام نادى ام هناك سبب اخر وهل اختيارج له فى كل شى ام فقط فى صفحات الانترنت

2_ ماهيه احلا عشره اشياء فى دنيتك

3_ لو جلستى بلقر ب من البحر عند غروب الشمس ماذا سيدور فى خاطرك

هذا كل اله عندى واسف اذا كانت الاساله مو فى محلها بس اول مره اشارك فى مثل هذى المشاركه

اخوج الخيال

الوعد

30-06-2002, 03:15 AM

هلا وغلا اختي زهرة ... هيه والله صادوني ... الله يكون في عوني ...

# منتدى الكتبي ... اممممممممم .. رايي من اي ناحيه يعني !!؟

اوكي انا بشوف اللي في بالي الحين .. منتدى ناجح بالنسبه لأنه يديد ... وفي تقدم مستمر ودايم ... واتمنى له

كل خير .. وكفايه ان كل اللي في المنتدى احبابي ...

# اما منتدى الثقافه والعلوم فهذا شي ثاني ... حاجه تانيه خالص .. يشكل جزء مهم مني .. واجد نفسي فيه

واحاول قدر المستطاع اني اخليه يكون في العلالي ....

## طموحاتي ... اممممممممم .. شو .. شو ... شو ياربي .. ايوه ... طموحاتي هي تحقيق النجاح الدائم وفي شتى

المجالات ... واني اكون راضية عن نفسي تمام الرضا ... وارضي ربي ووالديني وكل من حواليه .. وماازعل حد ..

واهم شي ... اوصل للي انا ابيه ... طموحاتي تتجه للعلالي دايما

وسلالالالالامتج زهوره .. اتمنى اني جاوبت على اسئلتج بالشكل المطلوب

الوعد

30-06-2002, 03:19 AM

هلا وغلا اختي امارات ...

تسلمين لي الغاليه .. كلج ذوق ... الله يسلمج من كل شر ...

في انتظارج (h)

الوعد

30-06-2002, 03:42 AM

هلا اخويـــــه خيـــــــال ... حيــــّـــــــــاك الله ...

# سبب اختياري للون الازرق ... البحر او السماء .. والله كلهم .. لأني انسانه اعشق اللاحدود ... ولكن ليس هذا هو

سبب اختياري الدائم للون الازرق .. لكنني اجد الراحه بمجرد النظر لهذا اللون ... احبه ومادري شو السبب غير اني

ارتاح له ... واختياري لهذا اللون لايقتصر على صفحات الانترنت فقط ... بل ملابسي وغرفتي وجهاز الكمبيوتر

الخاص فيني وكل شيء حولي .... هههههههههه .. اشوفني شويه اقلب عربيه فصحى .. مادري شو السالفه ...

عقب ارد للعاميه ...حتى عيال خواتي واخواني يوم يوننا ... وحد منهم يكون لابس ازرق على طول ييوني ... انا

لابسه ازرق .. اللون اللي تحبينه ... وكل اللي حواليه يعرفون هذا الشي ... وحتى في المناسبات ... اللي يهدوني ..

يهدوني شي لازم يكون اللون الازرق له دخل ...

# احلى عشر اشياء في دنيتي هم ...

1 . امي وابويه ...

2 . خواتي ..

3. معلمه غاليه على قلبي ..

4. انسانه تعرفت عليها قريب واهديتها قلبي ..

5. صديقاتي ..

6. الصداقة ..

7. الوفــــــــاء ..

8 . الحــــــب ..

9. الاطفال .. احلى مافي دنيتي ..

10 . البحـــــــــــــــــر ... عشقي ...

# اذا جلست بالقرب من البحر وقت الغروب .. ماذا سيدور في خاطري ... (( الذكريـــــــــــات .. وهي تحمل حيزاً

كبيراً من قلب الوعد .... سواء كانت محزنه او مفرحه ...

وسلامتك ... لاتأسف على شيء ابداً ... اتمنى اني قد وفقت في الاجابه على اسئلتك ...(h)

زهـرة الـوادي

30-06-2002, 02:47 PM

عدنــــــــــا :)

الوعــــد

1/ ما هو شعورك و انتي على هذا الكرسي؟

2/ لو طُلـب منكِ أن تختاري أحد المنتديات لكي تشرفي عليها .. فأيهم تختارين؟ غير المنتدى الثقافي ؟

و إن شاء الله ما اكون ثقلت عليج:)

الوعد

30-06-2002, 03:03 PM

هلا اختي زهرة الوادي ...

# شعوري وانا على هذا الكرسي ... والله في البداية كنت خايفه مادري ليش .. لأني بطبيعتي مااحب الاسئلة ...

لكن الحين الحمدلله ... عادي ... جنه العيــــــــــد ..

# اي منتدى اختار للإشراف عليــــــه .. تبين الصراحه ممكن ارفض ... لأن صاحب البالين جذاب احيانا .. مب دوم

طبعا ... ولكنني مااظن اني ممكن اقدر اوفق بين هالمنتدى ومنتدى الثقافه ... منتدى الثقافه يكفيني ... ولكن لو

طلبتي مني ... انتي اللي بتختارين مب انا ... وان شاء الله مابردج ... لأن مب من عاداتي ...

دمتي سالمه (hi)

الرحـ2000ــال

01-07-2002, 04:11 AM

السلام عليج اختى
الوعد
ومن دامج اتحبين اللو ن الازرق اخترتلج اياه على شان اتكون اجاباتج على الاسئلة
وانتى في احسن حالة ونفسيتج 100%

وما بطول وببداء بالاسئلة ................

1 اذا وقفت الوعد يوم تتأمل البحر فمالذي سيدور بخاطرها ......؟

2 وماذا يعني لها الحب ...؟

3 وما ذا تعني لها

الصحراء

الغيوم

الاوراق

الزمن

الرحيل

ابتسامة طفل

تساقط اوراق الشجر...

وعذرا على الاطالة الوعد
مع تحياتي
الرحال

شروق الشمس

01-07-2002, 03:23 PM

هُناكَ مقولة تقول لا تمنح سرّك إلا لمن تثق فيه ))
هل ندمت الوعد يوماً ما .. على منح ثقتها لمن لا يستحقونَ ذلك ؟!!
وماحدود الثقة في رايك على نطاق الانترنت ؟ :rolleyes: :rolleyes:

لو طلبنا من الوعد اتحلل شخصيتها .. فماذا تقول لنا ؟؟

الوعد

01-07-2002, 03:50 PM

وعليكم السلام والرحمه ... هلا اخويـــــه الرحـــــــال...

كلك ذوق .. (( عشان تكون نفسيتج 100% ..)) .. تسلم على المراعاة ...

# ماالذي سيدور في خاطري اذا وقفت عند البحر يومــــاً .... سأسترجع ذكرياتي .. ولو انها ابدا مالها خص في البحر ... ولكن البحر هكذا ... يعيدني الى ذكرياتي سواء كانت مفرحة او محزنه .... ومع ذلك .. فأنا اعشق البحر ...

# ماذا يعني لي كل من :

الحــــــــب : يعني الحب ... الارتيــــاح .. القبول .. وكل مافي كوني هوالحب .. وعندما احب .. املك العالم بأسره ...

الصحــــــراء : اللانهايـــــــــة .. واللاحدود ... الحريــــــــه ...

الغيـــــــوم : الغمــــــــوض ...

الأوراق : جزء لايتجزأ منـــــــــــي ...

الزمـــــــن : الوقت ... ليس من العمر عمر باقي ... الزمن يركض ... فسارع الى مبتغاك قبل ان ينتهي الوقت ..

الرحيـــــــــل : الفراق والبـــــــــعد ... والجفاء ... والبكاء ..

ابتسامة طفـــــل : إشراقـــــــــة الدنيا ... وان هناك امل باقي ... (( الدنيا لسه بخير )) .. فأحلى مافي كوني الاطفال ... فكيف بابتسامتهم ...

تساقط اوراق الشجــــــــر : النهايـــــــــــــــــــه ...

واخيراً .. اتمنى ان اجاباتي كانت بالشكل المطلوب ... دمت لي سالم (h)

الوعد

01-07-2002, 04:04 PM

هلا اختي شروووووووق .. الظاهر ان الجهاز شفى من العله اللي كانت فيه

# هل ندمت الوعد يوماً ما .. على منح ثقتها لمن لا يستحقونَ ذلك ؟!! ... بصراحه .. وللأسف نعم ... وندمت بعد ذلك ....

# حدود الثقه على الانترنت ... يجب ان تكون هناك حدود قطعيه .. لأنك لاتعرف الشخص اللي تحادثه .. لأنك قد تثق في شخص فعلا هو لايستحقها ... ثم تندم بعد ذلك ... اشد الندم ... فيجب ان تكون هناك حدود واسوار ... في رأيي انا طبعا ..

# احلل شخصيتي .. امممممممممممم ..شو اقول انزين ... واذا ماكنت اعرف احلل .. انا فعلا مااعرف احلل ... شورايج انتي اللي تحللين شخصيتي ...؟؟

بعطيج بعض طباعي ... ومااعرف اذا هو هذا المطلوب .. مرحـــــه الى ابعد الحدود ... رومانسيه ... احب الشعر ... ومزاجيـــــــه .. وهذي صفه سيئه فيني .. ... حساسه بشكل فظيع .. واكره هذي الصفه فيني ... حبوبه في نظر اللي يعرفوني ... امممممممم وشو بعد .. عنيده ... في بعض الاحيان مب دايما ... وسلامتج

شروق الشمس

01-07-2002, 05:05 PM

ههههههههههه
الحمد لله يالوعد الجهاز شفي من العطل اللي كان فيه .. لكن لحظات المرض كانت عصيبة :(

:D :D

اشكرج على صراحتج في الاجابة على اسئلتي

انا رجعت ويبت معاي كيلو تفاح :rolleyes: >>>> لا اقصد اشوية أسئلة :D

متى تمتنع الوعد عن الرد على بعض المواضيع؟؟
اعني هل يوجد مواضيع ترفضين الحديث عنها والمشاركة فيها ؟؟

كيف تعرفت الوعد على منتدى الكتبي ؟؟

الوعد

01-07-2002, 11:07 PM

هلا اختي شروق انتي والتفاح ... لو سمحتي .. اخضر ... ترى مااحب الاحمر ...

# المواضيع التي امتنع عن الرد عليها ... بعض المواضيع الرياضية ... لأني مااعرف شي في الكوره وهالسوالف ... مب متابعة للرياضة ... عشان جيه يعني ... وبس .. مااذكر بصراحه ... احيانا اقرا مواضيع ومااعرف بشو ممكن ارد ... .. وبس ..

# كيف عرفت عن منتدى الكتبي ... عن طريق صديقة من صديقاتي ...

وسلالالالالالالالامتج

لولوه

02-07-2002, 12:36 AM

هاااااااااي الوعد هاو آر يو ( اونها ثقافه انكليزيه )

المهم اذا ممكن اسال وادري انه ممكن :D

كم لغه تعرفين تتكلمينها ؟

اي المعلمات الي تركت فيج أثر طيب وليش؟

الوعد

02-07-2002, 03:48 AM

هلا وغلا لولوه .... آيـــــــــام فايـــــــــــــن .. ثانكس ...

# كم لغة اعرف ... وحليلي انا .. لغتين بس .. اعرف عربي .. اونه عاد .. وانجليزي .. واعرف كم كلمة فرنسية ..

وكم كلمة ايطاية ...وكم كلمة ايرانية ... بحكم زيارتي لإيران .. ومتخققه عاد .. اوني اعرف كم كلمة .. اللي بيسمع

بيقول اعرف اتكلم ياباني

.... وبس ... انتي كم لغة تعرفين ... اذا ممكن تعلميني .. بيكون شي حلو ...

# اي المعلمات اثرت فيني ... طبعا كل معلمة درستني اثرت فيني .. لأن كل شخصية تختلف عن الثانيه .. وكل

شخصيه تلقين فيها شي غير وميديد ولكني اخص معلمة الاحياء في الصف الثاني الثانوي ... ومعلمة التربية

الاسلاميه في الصف الاول الثانوي ... ومعلمات اللغة العربية كلهن اثرن فيني ... ولكن الغاليه جداً على قلبي

ومازلت مرتبطه فيها وعلى علاقه متواصله بينها وبيني هي معلمة اللغة العربية للصف السادس ... فهي الين اليوم

جنبي .. والوحيده اللي ماخلتني احس بصعوبة فراقها .. ومثل ماقلت .. مافي معلمة مرت عليه مااثرت فيني ..

وسلامتــــــــــــج ...

اتمنى اني توفقت في الاجابة ... وعطيتج اللي تبينه .. (h)

الرحـ2000ــال

02-07-2002, 04:24 AM

السلام عليج الوعد
واعود من جديد للاسئلة
لكي نبحر في اعماق الوعد ونصل معاها الى
ما تعنية الوعد

وسابداء

ما هوة اطرف موقف في حياتج ......؟

وما ذا تعني لكي ...

الغدر

الاخوة

الحزن

الفرح

ام تبكي

وشخص كبير في العمر

وقوف الشجر

تغريد الطيور

تساقط رذاذ المطر

غروب الشمس

وارجو المعذرة على الاطاله
مع تحياتي
الرحال

الوعد

02-07-2002, 05:32 AM

هلا اخويـــــه الرحــــــــال من اول ويديد ...

نبدا المعركه .. اقصد الاجوبه ..

# اطرف موقف .. اممممممممممممم ...بصراحه .. مافي موقف يحظرني الحين ... لكن من اتذكر ان شاء الله بقوللك ... اسمحلي ...

# ماذا يعني لي .. الغدر : اسوأ شعور .. واسوأصفة قد يمتلكها الانسان الى جانب المكر ..

# الاخوة : احلــــــى علاقة على وجه الارض ..

# الحزن : شعور ليس بالجميل .. ولكن اغلب سكان الارض يشعر به ... حتى الانسان الذي يضحك طوال الوقت .... فقد يضحك هماً ... ولكن الناحيه الايجابيه فيه .. انه قد يقودنا الى الابداع في بعض الاحيان ..

# الفرح : اجمل شعور .. وليس اجمل منه شعور ... اللون الوردي في الحياة ..

# ام تبكي : حزن ... ضيق ... كدر ... يتقطع عليها القلب ... مشهد يتكرر علينا يوميا ... لاحول ولاقوة الا بالله ..

# شخص كبير في السن : الحب ... الحنان .. الكرم ... الشفقه في بعض الاحيان ...

# يموت الشجر واقف .. وظل الشجر مامات ...وقوف الشجر يمثل لي الصمود رغم كل العقبات ومتاعب الدنيا .. يمثل لي الثبات والصمود والصبر ...

# تغريد الطيور .. اشراقة جديده ليوم جديد مليء بالامل ...

# تساقط رذاذ المطر ...: هنـــــــــاك أمل .. لاتيأس ..

# غروب الشمس : التعب ... الملل ... الكآبه في بعض الاحيان .. ولو ان هذا الوقت بالنسبه لي شاعري ..

مسمووووووح اخويه .. ان شاء الله وفيت (h)

الرحـ2000ــال

02-07-2002, 06:55 AM

هلا اختى الوعد
كفيتي وفيتي
ومامنج اقصور
وسمحيلي
مع تحياتي
الرحال

الوعد

03-07-2002, 02:56 AM

هلا اخويــــــه الرحــــــــــال ..

تسلم .. مسموح .. افا عليــــــــك ..

مشكور على التواصل ..

احلى النوايا

04-07-2002, 12:55 AM

اللي اليوم معانا موجودين..
اولاً كيف الحال والاحوال..
ثانياً ودي اقول كلمة حق (( الوعد انسانه مميزه فعلاً بدون مجامله قلباً وقالباً))
الحين عاد دور السؤال (( شو هي مقايس الشخصيه اللي تحبين تتعاملين معاها او لشخصيه اللي تاثر فيج))
واسمحيلنا اذا كان السؤال مو في محله..
حبي ..
احلى النوايا

الوعد

04-07-2002, 11:25 PM

هلا وغلا اختي احلى النوايا... اشكرج على الكلام الحلو ... تسلمين لي ...

انتي اللي مميزه وتشوفين كل حد مميز ...

نرجع لسؤالج ... الشخصية اللي احب اتعامل معاها ...تكون صادقه .. غير منافقه ... ماتكون هي الصح والغير دايما غلط ... واعيــه .. متفهمه .... وميولها قريبه من ميولي ... ومستواها الفكري على مستوى .. اي ماتعيش في عالم الخيال للأبد ... و هذا اللي قدرني الله عليه ... لأن الذاكره ماتسعفني هالوقت للتفكير ... وانتي تدرين ليش ;)

دمتــــــي لي غاليه وسالمه

احلى النوايا

05-07-2002, 11:09 PM

اشكرج على الرد...
وعلى طاري الذاكره..
الله يهدي ذاكرتج ..
وتكملين الجواب..;)
تسلمين لي.
(h) احلى النوايا (h)

لولوه

06-07-2002, 06:57 AM

هااااااااااااي الوعد
عندي سؤال واحد بس ومش صعب سهل وجوابه كلمتين :o

شو الموقف الي خلاج تصيحين فتره طويله ؟

الوعد

06-07-2002, 02:49 PM

هلا اختي لولوه ..

الموقف اللي خلاني اصيح ولفتره طويـــــــــــــــله .. والين اليوم اصيح بسببه ...

ان انسانة غاليه وايد وايد وايد على قلبي .. تخلت عني ... فأنا كل مااذكر المواقف اللي مريت فيها واذكر العشرة اللي كانت بيننا .. اصيح ...

مع ان الصياح مايفيد ... واعذريني يمكن رديت عليج متأخرة .. ولكني من يومين مادخلت النت بسبب ظروف خاصه

دمتي سالمه