وداعا منتديات الكتبي .وداعا...

[فزة ظبي]

لا اعلم كيف سأسطر كلمات الوادع التي طالما كنت افكر بها وها انا عزمت أخيرا
على ترك هذا المنتدى ليس لشيء ما لا .. لا أعلم ماذا اقول لكم

فكل شيء بداخلي اصبح يحزن علي .. قد لا تعلمون لماذا قررت ذلك لكنني في الوقت نفسة

لا استطيع ان أخبر أحد ما عن هذا القرار الأليم مع مقتلي في هذه الحياة ...

لقد تغير كل شيء حولي اصبحت اشعر بالفشل يضمني إليه فكرت مرارا وأوهمت نفسي بعدم الفشل لكن اجد دموعي تسبقني قبل كلماتي المخنوقة في صدري ونَفسي الذي بدا يتصاعد كنار يزداد لهيبها وترتفع نارها في السماء ...
عجزت قواي ان تصمد شعرت بشيء لم اشعر به في حياتي .. اشعر بأنني لا شيء في حياتي ( مصيبة ) كيف لي ان افكر بذلك لكن هذي هي الحقيقة وصلت لأصعب مراحل حياتي فإما أنت أعيش ( فاشلة ) أو اموت في مصيبتي وحدي او يضمني القبر إليه كما قلت وسأكون قريرة العين مرتاحة البال .........
.................................................. .................................................. .................................................. ....

شكرا لكم منتديات الكتبي على تفاعلكم لمشاركاتي التي لم تزداد

ووداعا حان رحيلي حان فراقي عن دياركم

[شواقه]

مرحباااااا..اختي.
ليش بتتركينا، لايكن شي حصل منا ونحن ما ندري، الغاليه بليز راجعي نفسج..
"قد لا تعلمون لماذا قررت ذلك لكنني في الوقت نفسة لا استطيع ان أخبر أحد ما عن هذا القرار الأليم مع مقتلي في هذه الحياة ":(
اختي. سمعتي المثل اللي يقول لا يأس مع الحياة، ولا حياة مع اليأس..
الغاليه اذا كان عندج شي او مصيبه مثل ما تقولين، حاولي انج ترمسين ويى حد انتي ترتاحين له، وتخففين عن نفسج شويه، هذا الشخص اكيد بساعدج وبيفهمج، وانا مستعده يا اختي الغاليه اني اسمعج، نحن خوات في الله..
اختي الغاليه ابغي اقول لج شي اخير.." العار مب انج اطيحين، العار يا أختي انج ما ترومين توقفين عقب ما اطحين..(حاولي يا الغاليه انج اتخلين ايمانج بالله قوي، وربج يختبر عبده،وانت تعرفين ان ربج يبلي عبده المؤمن لانه يحبه ويبغي يختبر قدرته على الصبره) فكوني يا الغاليه صبوره وخليج قريبه من ربج، ان الصبر مفتاح الفرج..وان الله مع الصابرين..
مثل ما قلت لج انا بكون مستعده اني اسمعج..والله يعينج يا الغاليه ويصبرج في مااا بلاج..
والسموحه..
في وداعـــت الله..

اختج..شواااقه

[عــيـ دبـي ــون]

فزة ظبي
يصعب علينا افراق اي عضو اختي
بالرغم من ان مشاركاتج لم تتعدى الــ 6 مشاركات
اتمنى انج تتفائلين بالامل الدايم اختي
فالله يمتحن الواحد في حياتة
اتمنى انج ماتفكرين في الفشل
وابتسمي للحياة:)

[شروق الشمس]

اختي لو السبب من حد من الاعضاء فتقدرين تكلمين المسؤولين
واذا كان الامر خارج المنتدى فاخوانج وخواتج في المنتدى مالهم ذنب
والحياة فيها الكثير من المصاعب .. ومثل ما قال اخوي عيون دبي
رب العالمين يمتحن الواحد في حياته .. وقولي الحمد لله
وتأكدي كل شي يبدأ كبيـــــــــــــر ومع الوقت يصغــــــــــــر

تفاءلوا بالخير تجدوه :)

[زهـرة الـوادي]

ليش أختي ناوية تطلعين !! :(
و ليش كل هالتشاؤم من هالدنيا ؟
لو اتخذتي من التشاؤم طريقا .. لأصبح العالم في نظرك مشؤوماً
عليك بالابتسام :) .. و التوكل على الله
و ياريت لو تغيرين سالفة الانسحاب

[فزة ظبي]

ما ادري والله شقول لكم حبايبي بس شسوي الامر مب بيدي *s3* قرار الانسحاب هذا يمكن يكن راحه لي بصراحة مب بخاطري اترك المنتدى بس شسوي والله :( كل الابواب انسدت بويهي كنت اتمنى ولو حتى شق صغير اشوف فيه شيء من حلو لكن كل شيء انسد تعرفون شلون انسد خلاص :( ما ادري ليش يصير لي جذية هل عشان اللي حولي ما فهمني او انا ما فهمتهم او :( ما ادري والله والله ما ادري ما ادري :(

[خيال]

مافى انسان خالى من الحزن والهم ولا كل اله يضحك سعيد الكل عايش فى احزانه بس

الفرق انا كيف نتجاوز المشكله

وكلنا نشارك حتى نبنى خليه متكامله من الاعضاء تجمع بينهم صله الاخوه والحب

ومااعتقد ان احد من اخوانج البنات الموجودين فى منتدى الكتبى بيقصرون معاج



اخوج الخيال

[لولوه]

فزة ظبي ليش هالتعاسه الي انت عايشه فيها
اضحك للدنيا تضحكلك مدام انت تشوفين الدنيا بالهم والحزن بتمين جيه لآخر عمرج
لكن لو انت تضحكين وتقولين انه باجر احسن من اليوم وانج انت تقدرين تخلين حياتج اسعد حياه في العالم صدقيني بتكونين فرحانه ولا يهمج شي

[الوعد]

هلا اختي فزة ظبي ..

عمر الحزن مايدوم مادام الفرح مايدوم .. مثل مافي يوم حزن اكيد في يوم فرح لو شو كان ... والواحد يتفاءل دايما .. لايأس مع الحياة ولاحياة مع اليأس ..
وطول ماانتي حاطه في بالج انج تعيسه وحزينه راح تظلين جذيه ..
فالواحد يغير تفكيره ويوجهه للأحسن دايما ..


مالحقنا نستمتع وياج .. بتهدينا من الحين !!؟

اتمنى تغيرين رايج .. وعمر الحزن مايدوم ..

[فزة ظبي]

مشكورين على تفاعلكم معي لكن

خلاص انتهى كل شيء ما اقدر أرد عموما سامحوني سامحوني سامحوني إذا صار مني شيء ضايقكم
:( :(



سامحوني *s3*

[وضحى]

كل انسان لازم انه يكون قوي اسمعي فزة ظبي لازم انتج تكونيين اقوى من جذية وما تهدين المنتدى لأنج اكبر

من جية فكري بعقلج لا تخلين الهواجس تسيطر عليج مهما كنت المشكلة اللي انتي فيها خبرينا فيها يمكن نساعدج

شوف وحدة من البنات عندنا بالمنتدى اكيد ما يقصرون افتحي لها قلبج وقوليها وصدقيني ترا اللي تسوينه في

نفسج ما يستاهل لان الدنيا ما تسوى انا كان عني انا انا بوقف وياج ولازم كل البنات هني في المنتدى يوقفون

معاج على الاقل انتي مب زي غيرج اللي يدش المنتدى ويشارك بكم مشاركة ويهدها ولا يقول لهم شيء ترا بروح

عنكم على الاقل انتي خبرتينا وهذا يعني انج تبيني حد يساعدج وانج مب بخاطرج تهدين المنتدى غصب عنج

عشان جية لازم حد من البنات عندنا يوقف وياج ويعرف شو اللي مضايقنج ترا ما فيه شيء يسوى عيوني واذا

كنتي تبيني اوقف وياج انا مستعدة بأي وقت تامرين انتي بس 0