الصراحة والوقاحة

[الوداد]

للأسف هناك البعض يتصرفون بمنتهى الوقاحة
معللين ذلك بأنهم صريحين ،،

الصراحة شيء جميل
ومصارحة أصدقائنا بعيوبهم
أمر مطلوب وواجب ،،
لكن البعض ينتقد بوقاحة
وبطريقة فيها تجريح ،،


أنا هنا أتساءل ....
هل الصراحة تعني الوقاحة؟؟

ألا يمكن للفرد أن يكون صريحاً
إلا إذا كان وقحاً لا يراعي مشاعر الآخرين ؟؟

لماذا يتضايق البعض من الصراحة ؟؟

متى تكون الصراحة جارحة ومتى تكون كلمة حق
يجب أن نقولها؟؟

أريد أن أعرف آرائكم عن الفرق بين
المعـنيـيـن من وجهة نظركم :الصراحة والوقاحة
وهل يمكن أن نضع هاتين الكلمتين
في كفة واحدة ؟؟

[بنت الواحه]

مرحبا..اختي الوداد

واشكرج على هالموضوع الحلو..


هل الصراحة تعني الوقاحة؟؟
طبعا الصراحه لاتعني الوقاحه ابدا..ولاتمت لها بصله...الا في معجم..البعض!!

ألا يمكن للفرد أن يكون صريحاً
إلا إذا كان وقحاً لا يراعي مشاعر الآخرين ؟؟

اكييد لا..يقدر يكوون صريييييح..ومحترم في نفس الوقت..
يحترم اللي قاعد يصراحه..ولا يكون وقح معاه..
لانه الاسلوب اهذا في التحاور..ماينفع للمصارحه..
لانه الانسان اللي بتصارحه..لو شاف منك ها الاسلوب اكيد بيرد عليك..
او انه يزيييد ويتمادى في الغلط..بدافع القهر..والغيض...((فشة خلق يعني))
اما لو كنت محترم..ومقدر ظرفه ...ومحسسنه انك تبا تساعده..
وتباه يكون افضل حال ..اكيد ..بيتفهم ..

لماذا يتضايق البعض من الصراحة ؟؟
عن نفسي احب الناس يصارحوني..,,
بس اللي يضايقون يمكن لانه البعض مايحب يعترف بالخطا..

متى تكون الصراحة جارحة ومتى تكون كلمة حق
يجب أن نقولها؟؟
الصراحه اكثر ماتكون جارحه...لكنها..افضل من الكتمان والتستر على الاخطاء..
اذا شفت على ربيعتي غلط..انصحها واصارحها..وبالمقابل..احب هالشي يصدر منها بعد..

واخيرا ختي..

هالكلمتييين ماينحطن في كفه وحده ابدا..
بس في نااس ماتفرق بينهن..وتقوول انا اصااااااارح..بس ماتعرف انها تجرح..وتخرب..اكثر مما انها تعدل وتصلح


ووو مشكوووره فديتج ع الموضووووووع مره ثانيه

[أفيد واستفيد]

مشكورة اختي الغالية على هالموضوع..



هل الصراحة تعني الوقاحة؟؟

الصراحة شي حلو ممكن يتصف به أي انسان في الدنيا والي يحبك دومه صريح وياك لكن الوقاحة فهي شي مايخصها بالصراحة مولية..الإنسان الوقح يعني الي مايعرف يوصل معلومته بشكل مهذب ولايق يريح السامع ويجعله يحبه..

ألا يمكن للفرد أن يكون صريحاً
إلا إذا كان وقحاً لا يراعي مشاعر الآخرين ؟؟

لا طبعا مب ممكن..أصلا الصريح اذا كان وقح عمره ماكان صريح لأنه أهم شي بالصراحة الكلام الطيب والنية الحسنه والوقاحة عمرها ماكانت من نوايا حسنة..

لماذا يتضايق البعض من الصراحة ؟؟

لانهم مايبون يتغيرون والي يصارحك بشي فيك مب زين مثلا يعني يقولك عدله بقدر استطاعتك وهذا الشي الحلو فالموضوع..(وانا وحدة احب الصراحة)

متى تكون الصراحة جارحة ومتى تكون كلمة حق
يجب أن نقولها؟؟

اذا كانت الصراحة جارحه في شي مانقدر نغيرة مثلا(وحده عقيم اذا حد علق عليها او قال انها عقيم بيضايقها لانها ماتقدر تغيره)
أما الصراحة تكون كلمة حق يوم يكون شي لاااازم يتغير واذا ماتغير ممكن يضر صاحبه مثلا(اذا واحد جذاب ولا واحد يلعب باعراض الناس لازم توقف يدامه وقفه ترده عن الي هو فيه)


واذا تبا تكون صريح فراعي الانسان الي يدامك..لأن العلاقات هي الي بتبقى بالآخير والانسان لي مت مابيذكرك باموالك او شي ثاني بيذكرك بوقفاتك واخلاقك وكلمتك الطيبة..

مع تحياتي..

اختكم..m..أفيد واستفيد

[الوداد]

بنت الواحــة..
.
.
أفيد واستفيد


انـــا معــاكم في كل كلمــة قلتــوهــا..

بس مب دووم الصراحــه حلوة..

احيــانــا يضطر الشخص للكذب حتى لا يجرح من يحب..

واحيــانــا تكون الصراحه فظه عندمـــا يتلقاها الشخص الاخر..

للصراحه حدود.. ويجب الالتزام بها..

والصراحه ان زادت عن حدهـــا هنيه نسميها وقاحــه..

اي شخص بيغلط ع غيره بيقــول:

والله انا صريح وياه وماحب اللف والدوران

شو يعن يماتحب اللف والدوران؟؟.

يعني لازم تكون وقح معــاه ع اساس انك صريح..

واللي مايعرف يرمس ويوصل اللي يباه لأي شخص

احسله يسكــت.. فبسكوتــه بيرح عمره وبيريح غيره..

فالصراحه ان زادت عن حدها تصبح وقاحه..

فلكل شي حدود..

[الشــ قمر ـــال]

أنا هنا أتساءل ....
هل الصراحة تعني الوقاحة؟؟
الصراحه شي وايد حلو وخاصه اذا رابعتي حد ايكون صريح وياج والوقاحه ما لها خص بالصراحه


لماذا يتضايق البعض من الصراحة ؟؟
لانهم يعرفون ان الي قاعدين ايسووونه او يقلووون غلط او مصرييين عليه علشان جذه ما يحبون الصراحه

متى تكون الصراحة جارحة ومتى تكون كلمة حق
يجب أن نقولها؟؟
اذا كانت الصراحة جارحه في شي مانقدر نغيرة مثلا(وحده عقيم اذا حد علق عليها او قال انها عقيم بيضايقها لانها ماتقدر تغيره)
أما الصراحة تكون كلمة حق يوم يكون شي لاااازم يتغير واذا ماتغير ممكن يضر صاحبه مثلا(اذا واحد جذاب ولا واحد يلعب باعراض الناس لازم توقف يدامه وقفه ترده عن الي هو فيه)

مثل ما قالت اختي افيد واستفيد

أريد أن أعرف آرائكم عن الفرق بين
المعـنيـيـن من وجهة نظركم :الصراحة والوقاحة
وهل يمكن أن نضع هاتين الكلمتين
في كفة واحدة ؟؟


انا عن نفسي ما اضعهم في جفه وحده لان الصراحه شي جميل والانسان الصريح عمره ما يكون وقح

[{ نبض آخر !]

مــــرحبـــــــاً غـــــاليتـــــي الـــــوداد
.
.
مـــــا الفــــرق بيــن الصــــراحـــة والـــوقـــاحــة؟!!
.
.
أمــــا الصـــــراحة .. فهـــي أن يقــــول الإنســـــــان رأيــــهـ بشخــــص مــــــا .. دون أن يحــــرجــهـ أو يجــــــرح مشـــــاعره .. قصـــــد منـــــهـ الإصــــلاح..

وفــــي الأســـــاس الصــــراحــــة وكمـــــا يقــــــال راحــــــة .. إلا أن البعــــــض فــــي زمننـــــا هــــذا .. أصبحــــت الصـــــراحة تضـــــايقهـــــــم ..
.
.
وأمـــــــــا الـــوقــــاحـــة .. فهـــــــي أن يقـــــول الإنســـــــان رأيــــــهـ بشخـــــص مــــــا.. بـــأسلـــــوب وقـــــح!!
قصـــــد منــــــهـ الإيـــــذاء لا أكثـــــر ولا أقــــــل!!
.
.
أحيـــــــاناً كثيــــرة تتحــــــول صــــراحة الشخــــص إلــــى وقــــــاحــــــة.. فمثـــــــلاً :
أراد شخـــــص أن يخبــــر أحــــدهـــــم بعيــــوبــــهـ .. ولأن أسلــــــوبــــهـ وقــــح.. قـــــال أمـــــــام المـــــلأ : أنــــت كــــذا .. وكـــــذا .. وأنــــــا لا يعجبنـــــي فيــــك كــــذا!! وهــذا الإحـــراج بعينـــــــهـ !!
.
.
جميـــــلٌ أن نتصـــــارح فيمــــا بيننـــــا .. ولكـــــن الأجمــــــل أن نمـــــلكـ الأسلـــــــوب اللائـــــق للمصـــــارحــــــة
.
.
نعـــــم تــــوضـــع الصـــراحـــــة والــــوقـــاحـــــة فـــــي كفــــــهـ .. عنــدمـــــا يصــــــارح الإنســـــــان شخــــــص مــــــا بـــــأسلـــــوب وقـــح!!
وحينهــــــا أرى بـــــأنـــهـ لا فـــــائــــدة مـــــن المصـــــارحـــــة .. لأنهــــا بــــدلاً مـــن أن تغيــــــر الشخــــــص للأفضــــــل .. تحبطــــهـ وتجعلـــهـ كــــارهــــــاً لنفســــــــهـ .. وكـــــارهـــــاً لمـــــن حـــــولـــــــــهـ
.
.

فيكفـــــي أن الصـــــراحـــــة تجعـــــل الإنســـــان قـــــابـــلاً للتغييـــــــر.. بــــالـــرغـــم مــــن أنهـــــــا تجــــــرح ..!!
.
.
غـــــاليتــــي الـــــوداد
أشــــكــــركِ علـــــى طـــــرحـــــكِـ الـــــرائــــع
بــــانتظــــــار جــــديـــدكِـ مــــن المـــــواضيــــــع النقــــــاشيـــــــة
دمـــــــتِ بــــــود وخيــــــر
.
.
شـــــــوق العيـــــــن

[الوداد]

الشــ قمر ـــال


شوق العين


تسلمن الغاليات ع المداخلــة الرائعــــه..

وانا معاج شوق العين في كل كلمه قلتيهــا..

مشكووووووورة..