المساعد الشخصي الرقمي

مشاهدة النسخة كاملة : عضو تحت المجهر (4)


عــيـ دبـي ــون
21-06-2002, 10:01 PM
السلام عليكم ورحمة الله وبركاتة

أخواني وأخواتي الاعضاء..لازلنا نمضي للتعرف على بعض من خلال عضو تحت المجهر
في هذا الاسبوع ....وطبعا تم أختيار مشرفة القسم العام الاخت شروق الشمس لتكون هية عضوة تحت المجهر
من تاريخ..21/6/ ولغاية 28/6/2002 ويحق للاخت شروق الشمس عدم الاجابة على أي سؤال لاتريد الاجابة علية..

وبسم الله..


مستعدة ....خذي نفس قبل ...:o لان الاسئلة قوية شوي..

أختي شروق الشمس...
http://www.dubaieyes.net/1.gif

بدون أي مجاملة شو رايج في منتدى الكتبي نت..

السؤال الثاني.....
شو الشي إلي مش راضية عنة في المنتدى......

ولنا عودة..لانة باجي عندي 248 سؤال:rolleyes:

ادري اني(أضربك)
شروق الشمس
22-06-2002, 02:28 AM
ههههههههههههه

عــيـ دبـي ــون يبالك (أضربك) وبعد (أضربك) من الخاطر :D

اتصدق شفت اني تحت التلسكوب اقصد اشعة اكس :rolleyes: ومابغيت انزل اشوف الاسئلة :D

المهم مشكورين على هذه المقابلة اللي ما ادري كيف بتكون :D
وبسم الله نبدأ ..

بدون أي مجاملة شو رايج في منتدى الكتبي نت ؟
بصراحة بالنسبة لي من أفضل المنتديات اللي شاركت فيهن .. افكار جديدة واعضاء مرحين ويحترمون بعض (وهذا امر مهم جداااااا عندي)
والحمد لله .. والحمد لله مرتاحة بوجودي معاكم .. واتمنى استمر معاكم على طول


شو الشي إلي مش راضية عنة في المنتدى......
عدم سعة صدر بعض الاعضاء وانسحابهم من المنتدى وهذا الامر يضايقني ..
وتغيب بعض المراقبين من دون ذكر الأسباب او حتى الرد على الرسايل :(

وياويلي من 248 سؤااااااااال الباجي :rolleyes:
راعي مقالب
22-06-2002, 03:06 AM
افعل يابن ادم ماشئت كما تدين تدان


الله ونعم الاختيار والله انا هذي البنووته ادورلها سبب من زمان ويه السبب لين عندي :D

انتا باقي كم سؤال اخوي عييون دبي وانا باقيلي 1000 سؤال غير الي بقوولهن الحين


1- افرضي مثلا مثلا يعني اني خصمتك يوم يابومقالب انت تغني ولا تبي تسال طيب طيب خلاص بقوول .. من هي شروق الشمس ... في المجتمع والبيت والمنتدى

2- ماذا يعني لكي كلا من كاس العالم/ كوكاكولا/ صابون لوكس/ وراعي مقالب

يالله ردي بسرعه ترا انا وايد مستعيل اوكي ولا تراني (أضربك) على طوول مااتفاهم حتى اسالي زهرة الوادي اشجا انا اعصب بسرعه

باي باي
شروق الشمس
22-06-2002, 03:34 AM
- افرضي مثلا مثلا يعني اني خصمتك يوم يابومقالب انت تغني ولا تبي تسال طيب طيب خلاص بقوول .. من هي شروق الشمس ... في المجتمع والبيت والمنتدى

راعي مقالب صار مطرب :eek:
مبروووووووووك الشريط القديم اليديد يا فنان :cool:

شروق الشمس في المجتمع والبيت مخلصة الثانوية وقاعدة في البيت
في المنتدى اعتبر نفسي عضوة عادية وان كانت الادارة كلفتني اشراف القسم العام فارجو ان اكون عند حسن ظنهم


- ماذا يعني لكي كلا من كاس العالم كان له متعة ايام مارادونا اما الآن ما اتابعه بشغف

كوكاكولا ما اشربه من سنين

صابون لوكس صابون النجمات العالميات .. لكن مش صابوني المفضل لاني مب نجمة

وراعي مقالب عضو مرح في منتدى الكتبي قل مشاركاته في الآونة الأخيرة وعسى المانع خيــــــر


كان ودي اسأل الاخت زهرة عن عصبيتك لكن ما يصير انا على كرسي الاعتراف أُسأل ولا أسأل ؟؟

:(
عــيـ دبـي ــون
22-06-2002, 02:59 PM
اعتذر للجميع عن التواجد في المنتدى
لاني




لاني



لاني





لاني





في المستشفى


أتعالج من ضرب (أضربك) شروق الشمس

لاتخافون الاصابة بسيطة أرتجاج في المخ بس..
بس الحمد لله بقدر اوصل وياكم بعد اسبوع;)

وكم اعجبني هذا الرد.
.. والحمد لله مرتاحة بوجودي معاكم .. واتمنى استمر معاكم على طول

ان شاء الله اختي انج تستمرين ويانا ويستمرون جميع الاعضاء على طول
لان الدنيا مافيها شي..يكفي ان الواحد يوم يشارك في المنتدى
يحس ان له اخوان واخوات وايدين ويستانس وياهم
وهذي كم تسوى للواحد..:)



بنرجع للاسئلة...


....في اي قسم من اقسام المنتدى تجد شروق الشمس نفسها اكثر..


....اذا في يوم من الايام كنتي متضايقة وشفتي ابتسامة طفل يدخل عليج الغرفة..فما ردت فعلج..؟؟؟



ولنا عودة وبقي 246:rolleyes:
+*^^*ماريه*^^*+
22-06-2002, 06:00 PM
هلا شروق اخيرا جاء الدور عليج

بدايه احم احم عطيني بطاقتك الشخصيه ؟

السؤال الثاني هل تعتبرين نفسك مدمنه انترنت ولماذا ؟

ماريه
شروق الشمس
22-06-2002, 08:56 PM
مرحبا باللي في المستشفى

اجر وعافية .. الحمد لله عالسلامة ;)

في اي قسم من اقسام المنتدى تجد شروق الشمس نفسها اكثر
القسم العام .. لكن احب كل الاقسام بعد (مثل النكت والخواطر) .. واي شي افهم فيه واحس به احبه ..


اذا في يوم من الايام كنتي متضايقة وشفتي ابتسامة طفل يدخل عليج الغرفة..فما ردت فعلج..؟؟؟
يعني داخل عليه ومبتسم فأكيد بضحك وياه وبلعب معاه << (برد ياهل :D) و بتكون هذه اسعد لحظة وبيزول اي ضيق فيني وبحس بـــــــراحــــــة :)
حتى انا يوم اتضايق اتذكر ولد اخويه .. واتذكر ابتسامته فديت عمره احبه وايد ..
شروق الشمس
22-06-2002, 09:04 PM
يا مرحبا بمارية

نورتي الموضوع بحضورج وطلتج ;)

بدايه احم احم عطيني بطاقتك الشخصيه ؟
تدرين البطاقة ضاعـــت ‍‍!! :(
وماأذكر منها غير اسمي مب جنه شروق الشمس :rolleyes:


السؤال الثاني هل تعتبرين نفسك مدمنه انترنت ولماذا
هيه والله مدمنة << الاعتراف بالحق فضيلة :rolleyes:
لاني فاضية أغلب الوقت .. فماعندي شي أسويه .. فلجأت للنت .. والحين اتعودت عليه وماروم اصبر عنه :(
<<< الحالة متأخرة :rolleyes:
رمشة العين
23-06-2002, 12:30 AM
مساء الخير ..شروق الشمس..

واخيرا اشرقت شمس الاربعاء...اووووووو..اليوم السبت..

عندي لج سؤال خفيف ، على قد شروق الشمس..

من وين تشرق الشمس كل يوم؟؟؟؟>>>>سؤال علمي

سؤالي الله يسلمج..هو:

لو شروق الشمس كملت تعليمها العالي(الجامعي )..شو راح تتخصص؟؟
شو المواد اللي تحبها ..؟؟
وهل انتي طالبة بالقسم الادبي او العلمي؟
هذا سؤال ..له عدة فروع..واللي مايعيبج البسيه..على مايقولون

اووووو طافني سؤال ..

هل ل رمشة العين..مكان في قلب شروق الشمس!!!

ودمتي..
زهـرة الـوادي
23-06-2002, 01:25 AM
هااااااااااااااااااااااااي :D

يحليلج يا شرووووووووق :D يلسوووج على هالكرسي التعبان

اسمحيلي أختي أسألج سؤالين :)

ما هو السر في إختيار لهذا الاسم ؟

ما هي المنتديات التي تشاركين فيها حاليا غير منتدى الكتبي ؟


و لي عوده ;)
شروق الشمس
23-06-2002, 02:11 AM
يا مرحبا بالغالية ..

واخيرا اشرقت شمس الاربعاء...اووووووو..اليوم السبت
باين عليج تتريين مجلة ماجد ;)

من وين تشرق الشمس كل يوم؟؟؟؟>>>>سؤال علمي
من الشرق :D

لو شروق الشمس كملت تعليمها العالي(الجامعي )..شو راح تتخصص؟؟
محاسبة او ادارة اعمال

شو المواد اللي تحبها ..؟؟
كنت احب العربي والرياضيات

وهل انتي طالبة بالقسم الادبي او العلمي؟
القسم العلمي

هل ل رمشة العين..مكان في قلب شروق الشمس!!!
أكيد اختي ;) مكانج محفوظ
والمنتدى كله بمثابة بيتي الثاني والاعضاء اللي فيه اخواني وخواتي
شروق الشمس
23-06-2002, 02:20 AM
شفتي يا زهرة وين يلسوني :D

ما هو السر في إختيار لهذا الاسم ؟
لاني احب الشمس فحبيت اسمي يكون مرتبط بالشمس .. فاخترت اسم شروق الشمس رغم اني واحب الوقت اللي قبل الشروق وايد (الغبشة) .. واشعر بالسعادة لما اشوف هذا الوقت ..

ما هي المنتديات التي تشاركين فيها حاليا غير منتدى الكتبي ؟
منتدى الامارات للجميع وهذا أول منتدى اشترك فيه .. وعيون الامارات

وكل يوم مري عليه يا زهرة اتطمني عليه :(
الكرسي هذا يخوف :D


امزح معاكم اللي في خاطرة شي يسأل ;)
الوعد
23-06-2002, 05:37 AM
هلالالالالالالالالالالالالالالالالا ...



اشرقت شمس المنتدى .. هلا وغلا والله ..


اول سؤال : اشحالج :rolleyes: ؟؟



ثاني سؤال : اممممممممممممممممممممم ... شوشو شو شو ... ايووووووووه ... كيف عرفتي منتدى الكتبي وشواللي شجعج على الاشتراك فيه ؟.





اقوووووووووول ...:confused: ........ ليش السؤال الاول يعتبر سؤال والا اضيف غيره بعد :cool: :cool:
شروق الشمس
23-06-2002, 08:21 PM
هلا بالوعد

اول سؤال : اشحالج ؟؟
الحمد لله بخير وسهالة .. مرتاحة دام اني وياكم وأشوف لا قصدي احس ان الابتسامة على ويوهكم :)


ثاني سؤال : اممممممممممممممممممممم ... شوشو شو شو ... ايووووووووه ... كيف عرفتي منتدى الكتبي وشواللي شجعج على الاشتراك فيه ؟.
اممممممممممممم .. العصفورة قالتلي :rolleyes:
اما اللي شجعني اني اشترك في اي منتدى واذا ما ارتحت فيه اتركه .. وكنت مشتركة في منتدى ثاني وكنت مشرفة هناك لكن ما ارتحت فيه فتركته


ليش السؤال الاول يعتبر سؤال والا اضيف غيره بعد ؟؟
لا والله .. السؤال الاول مايعتبر سؤال ..
رمشة العين
23-06-2002, 11:22 PM
هلا بشروق الشمس..

اولا اشكرج على الاجوبه..على اسئلتيه..

وعندي لج سؤال ..قبل لاتغيب الشمس..!!!

الله يسلمج..
اذا يتج رساله عبر البريد..يقولون لج فيها ..لقد ربحتي برحله للفضاء الخارجي..نفترض (كوكب المريخ).أ:.منو بتاخذين وياج ؟؟؟ وبلعلم ان المكان لايسع الا لأربع اشخاص..



حلو الكلام!!

يالله جاوبي بأسرع وقت ..لان رائد الفضاء ..مستعد للانطلاق..

اتمنى لج رحله سعيــــــــدة:)
شروق الشمس
23-06-2002, 11:46 PM
يا مرحبا برمشة العين ..

اذا يتج رساله عبر البريد..يقولون لج فيها ..لقد ربحتي برحله للفضاء الخارجي..نفترض (كوكب المريخ).أ:.منو بتاخذين وياج ؟؟؟ وبلعلم ان المكان لايسع الا لأربع اشخاص
المريخ بعيدة وايد .. انا لين امريكا واكره حياتي .. ما حب طول الطريج :(
لكن دام اني واقفت اسير .. كنت اتمنى اخذ المنتدى كله وياي ما حب اكون انانية اسير اشوف المريخ وانتو ما تشوفونه ..
اممممممم منو اخذ معاي ..
ولد اخويه .. وبنت اختي و ناس الله يذكرهم بالخير :D

متى الرحلة يا رمشة العين عشان نستعد ؟؟ :rolleyes:
زهـرة الـوادي
24-06-2002, 06:18 AM
بااااااااااااااااااااااااااااك :D


اسمحيلي يا شق شق أسألج سؤالين بعد :D

1/ لو ظهرت إشاعة في المنتدى ان شروق الشمس هيه ماريه :rolleyes: و محد راضي يصدقج ..
شو بتكون ردت فعلج ؟

2/ ما هو الكتاب المفضل لديك .. و تنصحينا بقراءته ؟


و لنا عوده إن شاء الله بعد الفاصل :)
عــيـ دبـي ــون
24-06-2002, 10:53 AM
قلنا ولنا عوده:mad:



;)




:)

صباح الورد لهذا اليوم للجميع
وانتي لج وردة..(hi)

أحلى وأصعب مرحلة مرة في حياة شروق الشمس..


شو رايج في البنر الاخير للمنتدى:rolleyes:


ولنا عودة وبقي 243 سؤال


ولنا عودة(أضربك)
شروق الشمس
24-06-2002, 02:31 PM
مسموحة الغالية .. وخذي راحتج

1/ لو ظهرت إشاعة في المنتدى ان شروق الشمس هيه ماريه و محد راضي يصدقج ..
شو بتكون ردت فعلج ؟
ههههههههههههه
هذه صدق وهقة :D
ما اعتقد ان مثل هذه الاشاعة بتظهر لان شخصيتنا غير أفكارنا مختلفة اشويه
واهتماماتنا مختلفة تماما هي تحب مجال الكومبيوتر وانا ما افهم فيه بالمرة :D

واعتقد اذا ظهرت اشاعة مثل هذه مارية بتنكره وبتحاول تقتعهم ان نحن شخصين مب شخص واحد
يعني مابدافع عن نفسي بروحي

لكن اذا تقصدين اذا وصلنا لمرحلة (اليأس) في اقناعهم فيكفيني لو حتى شخص واحد مصدقني في المنتدى
ساعتها بحس بشي من الراحة لان بحس ان الدنيا بخير وفي حد مصدق شروق


/ ما هو الكتاب المفضل لديك .. و تنصحينا بقراءته ؟
انا احب الروايات اكثر من الكتب رغم اني اقرأ احيانا بعض الكتب
كتاب قصص الانبياء حلو لكني ما اذكر اسم المؤلف .. بتطلع عليه وبقولج ;)


واتنظرج عقب الفاصل :rolleyes:

لا تتأخرين :)
شروق الشمس
24-06-2002, 02:39 PM
مساء الخير والاحساس والطيبة :)

أحلى وأصعب مرحلة مرة في حياة شروق الشمس

أحلى مرحلة ايام الدراسة خاصة ثاني وثالث ثانوي
المدرسة لها ذكريات حلوة في نفسي

أصعب مرحلة (اسمحلي ما اقدر اذكر الامر) لكن كانت من سنين وكانت حالة نفسية من اصعب ما يكون .. والحمد لله الحين احسن من قبل مب لان الموضوع انتهى ,, ولكن اني غيرت نظري للأمور ..
والله كــــــــــــــريــــــــــم


شو رايج في البنر الاخير للمنتدى
والله حلو وخاصة البنت :)
والاهم ان الخط الحين واضح :D والحجم بعد مناسب
رمشة العين
24-06-2002, 11:03 PM
أووووووو تأخرتي ياشروق..رائد الفضاء انطلق بالمركبه الفضائيه

( وطارت الطيور بأرزاقها):D
شروق الشمس
24-06-2002, 11:44 PM
خسارة قلنا بنشوف المريخ :( .. وقلت اذا عجبتني بشتري قطعة ارض هناك :rolleyes:

وببني فيها بيت صغيرون وحواليه حديقة عودة وبزرع فيها اشجار برتقال وفراولة

وبحط فيها درفانه بعد لان وياية يهال خلهم يلعبون وانا بعد بلعب :D

ماعليه .. حصل خير :)
زهـرة الـوادي
25-06-2002, 12:44 AM
باااااااااااااااااااااااك


1/ شروووووووق.. ذكرتني انج تحبين الروايات :) .. شو هي الرواية إلىّ أعجبتي فيها أكثر ؟
.. ولا زالت ترسوا في مُخيلتك ؟

2/ ما هي طموحات شروق نحو منتدى الكتبي ؟


و سامحونا :)
شروق الشمس
25-06-2002, 02:11 AM
ولكمووووووووو زهورة

1/ شروووووووق.. ذكرتني انج تحبين الروايات .. شو هي الرواية إلىّ أعجبتي فيها أكثر ؟
.. ولا زالت ترسوا في مُخيلتك ؟
احينا اقرا لأجاثا كرستي .. واحيانا لاحسن عبدالقدوس
ومؤخرا قريت قصة بعنوان " طفل اسمه نكرة "
قصة اجنبية مترجمة بصراحة اثرت فيني وايد ام كانت اتعذب ولدها وتحرمه من الاكل ايام
وتجبره على شغل البيت وفوق هذا تضربه لدرجة انها طعنته بالسكين في بطنه :(
وغيره من صنوف التعذيب

وعجبتني قصة "ذهب مع الريح" .. استمتعت بقراءة القصة أكثر من مشاهدة الفلم :)


2/ ما هي طموحات شروق نحو منتدى الكتبي ؟
اتمنى للمنتدى كل خير .. ان يكون من افضل المنتديات رغم حالات الركود احيانا في المنتدى لكن متفاءلة بأن الامور ستتحسن مع الوقت ..
واتمنى فكرة اخوية الكتبي تنجح بشأن الرابطة الادبية .. ويتخرج منه مبدعين لهم شأن في المستقبل ..


مسموحة الغالية .. وسيري علية كل يوم زهورة عشان تتطمنين علية :D
عــيـ دبـي ــون
25-06-2002, 07:38 PM
مرحبا اختي شروق الشمس

ومؤخرا قريت قصة بعنوان " طفل اسمه نكرة "
قصة اجنبية مترجمة بصراحة اثرت فيني وايد ام كانت اتعذب ولدها وتحرمه من الاكل ايام
وتجبره على شغل البيت وفوق هذا تضربه لدرجة انها طعنته بالسكين في بطنه
وغيره من صنوف التعذيب
.......................................
:(
من وين اقدر احصل هذي القصة لاني اتمنى اني اقرهااااااا...

أختي شروق.. شو رايج في الغربة ..تعتقدين انها صعبة على الواحد المغترب وهل تشعرين بشوق أهله له..

ولنا عودة
;)
الرحـ2000ــال
27-06-2002, 07:38 AM
السلام عليج اختى شروق الشمس
والله ايعينج على اسئلة عيون دبي

واسالتي هية


ما هية وجهت نظرج في القضية الفلسيطينية ...؟

وما ارايج في عيون دبي

واذا مرة عليك هذة المواقف ماذا سيكون شعورك

طفل يبكي

رجل كبير في السن تركة اولادة في دار العجزة


وماذا يعني لك

البحر


غروب الشمس


اللون الاحمر

الاخضر

الصحراء

الظلام


واخيرا

الرحال



وعذرا اختى علىالاطالة
شروق الشمس
27-06-2002, 10:08 PM
من وين اقدر احصل هذي القصة لاني اتمنى اني اقرهااااااا...
اعتقد ممكن اتحصلها في اي مكتبة .. وسمعت انهم مسوين من هذه القصة فلم اجنبي لكني ما شفته



أختي شروق.. شو رايج في الغربة ..تعتقدين انها صعبة على الواحد المغترب وهل تشعرين بشوق أهله له..
الغربة من اصعب المشاعر لانه الواحد يحس فيها بالوحدة .. لان اهله بعاد عنه .. وهذا الشي يخليه يحب اهله اكثر ويتمنى شوفتهم بأسرع وقت .. ويتم دايم التفكير فيهم ..
لكن المشكلة ان مع الوقت يتعود على الغربة ويحبه فبالتالي يتعود على فراق اهله وايقل شوقه لهم
لكن الاهل دوم شوقهم ايزيد ويتمنون رجوعه بالسلامة
شروق الشمس
27-06-2002, 10:41 PM
ما هية وجهت نظرج في القضية الفلسيطينية ...؟
والله ياخوي القضية الفلسطينية لولا وعد الله انها بترجع لأصحابها لكنت فقدت الامل في رجوعها .. لان العرب مشكلهم متنازلين عن هذا الجزء من الوطن العربي .. ومالهم نية يواجعون العدو ويجهاهدون في سبيل هذه ارجاع الحق لاهله ..



وما ارايج في عيون دبي
هههههه المسؤول العام :D
من خلال مشاركاته معانا والله باين عليه انسان طيب وخلوق ورجل عنده كلمة ووفاء
واحس انه عصبي اشوية لكني مب متأكدة :D
ياويلج يا شروق (أضربك) :D

طفل يبكي
قلبي يعورني عليه واعصب اذا امه ما شلته بسرعة وحاولت اتهديه .. هذا اذا كان الطفل ما يقربلي
لكن اذا اعرفه فديت روحه اشيله واحاول اسكته

رجل كبير في السن تركة اولادة في دار العجزة
بصراحة اخوي الولد سر ابيه .. يمكن الابو ماعرف يربي ولده عشان جذا طلع ولد عاق وبالتالي هذا صنيع يداه
ويمكن الولد لما كبر اتنكر لفضل ابوه عليه .. وياخسارة التربية في مثل هذا الولد .. لان مهما يكون ماتوصل انه يعق ابوه في دار العجزة ..
والله يجعلنا من البارين بوالدينا

وما ارايج في كل من

البحر مكان جميل يبعث في النفس الهدوء .. لكني ما احب اركب البحر وايد


غروب الشمس بصراحة يبعث في نفسي الحزن .. والواحد كفاية احزانه بعد يزود على عمره :( عشان جذا اخترت اسم شروق عل وعسى احس بالتفاؤل :D


اللون الاحمر كلون فهو لون حلو .. لكن في الحرب فهو من اسوء الالوان لانه يدل على القتل واهدار الارواح وهو مشهد مؤلم وقاسي وخاصة لمن فقد عزيز عليه

الاخضر لون الطبيعة ولون يدعو للراحة والتفاؤل

الصحراء حياة صعبة وشاقة قضاها الاجداد وعانوا من قلة الماء والغذاء .. وهو يذكرني بالرمل ودوم اخاف ان الرمل يدخل في عيوني :(

الظلام احيانا اخاف من الظلام واحيانا لا اخاف حسب المكان والزمان

الرحال عضو نشيط في منتدى الكتبي واثبت وراءه للمنتدى حتى في الغربة مانساه ومازال متواصل معانا وهذا يدل على انه عنده وفاء لمن يحبهم
الرحـ2000ــال
28-06-2002, 06:52 AM
السلام عليج اختى شروق
وها انا اعود اليك من جديد


ما ذا يعني لكي
نسيم البحر .......

وضوء القمر

والزهور

والطيور وهية تحلق من مكان الى مكان

وقارب صغير وسط البحر

وكوخ منعزل

القلم


قصاصة ورق مبعثرة

وارجو المعذرة
©™¤§امارات§¤™©
28-06-2002, 06:54 PM
سلااااااااام شروق شحالج الغاليه ....
يحليلج والله طايحين عليج اسأله ...وتحقيقات الله يعينج ...

اوكي احب اسأل انا بعد :rolleyes:

شو هي البلاد اللي زرتيها ؟؟ واللي ودج اتزورينها ؟؟

قلتي تحبين الخواطر !! بس للحين أمنيتي أشوف منج مشاركه ....

وبعد أحب أسأل شو أمنيتج في الحياة ؟؟؟


والحين بااااي ...ربي معاج خويتيه

(hi)
عــيـ دبـي ــون
28-06-2002, 11:19 PM
اختي شروق الشمس
اشكرج بصراحة على هذا اللقاء الرائع
إلي عشنا لحضاتة لمدة اسبوع كامل..



كلمة اخيرة اختي تقولينها لكل عضو في منتدى الكتبي نت...
ولاتنسين تجاوبين اسئلة الاخ الرحال والاخت امارات..(hi)
شروق الشمس
01-07-2002, 10:21 AM
اسمحولي عالتأخير

ماذا يعني لك كل من

نسيم البحر يوم جميل يدعو للتفاؤل

ضوء القمر ليل

الزهور اذا كانت هدية فتعني ان في ناس اتحبني :)

الطيور وهية تحلق من مكان الى مكان الحرية

قارب صغير وسط البحر اتذكر رسوم متحركة

كوخ منعزل اخشى الاقتراب

القلم لساني الناطق وخاصة في لحظات الضيق

قصاصات ورق مبعثرة خوف من كشف امر خفي
شروق الشمس
01-07-2002, 10:30 AM
هلا بالاخت امارات .. واسمحيلي عالتاخير


شو هي البلاد اللي زرتيها ؟؟ واللي ودج اتزورينها ؟؟
زرت امريكا الهند بلجيكا فرنسا سويسرا سنغافورة ماليزيا ايران السعودية
ودي ازور دول اسكندنافيا


قلتي تحبين الخواطر !! بس للحين أمنيتي أشوف منج مشاركه
انا ما اكتب وايد خواطر واللي اكتبه في اعتقادي غير صالح للنشر <<< اعتبره خربطيشن :D


وبعد أحب أسأل شو أمنيتج في الحياة ؟؟؟
اتمنى اكون انسانة صالحة دوم يذكروني بالخير ومحد يزعل مني
واتمنى اكمل دراستي ..
وامنية ثانية لكن احتفظها لنفسي :rolleyes:
شروق الشمس
01-07-2002, 10:39 AM
كلمة اخيرة اختي تقولينها لكل عضو في منتدى الكتبي نت...
اتمنى انا انكون اخوان وعلى قلب واحد ونحن اكيد في يوم من الأيام بنفترق .. لكن اتمنى انا نذكر بعض بالخير
ومانشيل في خاطرنا من بعض ..
وأشكرك اخوي عيون دبي على استضافتك لي في هذا اللقاء .. واشكر الاعضاء على اسئلتهم الحلوة :)

والله يوفق الجميــــــــــع :)