بالنسبة للخطوط

[الرايقه]

السلام عليكم




اشحااالكم ...



انا لما ادخل مواقع الفوتوشوب واقصد المستلزمات من فرش وجليترات وستيلات وغيره ..

اشوف الخطوط بعد ..

احملهم ع الكمبيوتر بس ماعرفهم انزلهم ع الفوتوشوب ...



ياليت لو تعلموني ...


السموحه ع المغثه :)

[بنـ الموون ـت]

فديتج الرايقه

عقب ما تنزلينهن من النت

فجي الضغط عنهن وحطيهن في

C>>> windows>>>> fonts


وبيثبتن ان شا الله :)

[الرايقه]

وبعدين استخدمهن شرات غيرهن من الخطوط ؟؟؟

[دعجا الأعيان]

الرايقة
..
.
وعليكم السلام ورحمة الله وبركاته
.
في البداية نصيحتي لج انج تسوين ملف خاص للخطوط
بحيث انه كل الخطوط تكون موجودة في هالملف
طبعا بعد ما تفتحين الضغط
حطيهن في هالملف
.
وبعد ما تنزلين كل الخطوط اللي تبينهن
روحي لهالملف وضغطي ctrl+ a
وعقب ضغطي كلك يمين وكووبي
وروحي على C ــــــــــــــ Windowsـــــــــــــــ Fonts
وكلك يمين ....ولصق
وبس
:)

[دعجا الأعيان]

.
نسيت أقوولج أي خطووط تثبتينها على الكمبيوتر
راح تكون موجودة في أي برنامج موجود عندج
ومن ضمنهن برنامج الفوتوشوب
.

[الرايقه]

اي برنامج موجود عندي ؟؟

اممم .. انزين انا سويت اللي قلتيه بس يوم ايي انزل الخط ع الفوتوشوب يضيع الخط اللي اباه بين باقي الخطوط

ماعرف اي واحد فيهم ...

[دعجا الأعيان]

ما تعرفين اسم الخط؟؟!!
ما اعرف والله
بس يوم تكتبين جربي الخطووط لين توصلين للخط اللي تبينه
.
.
وفي ميزة في النسخة اليديدة من الفوتوشوب
انه كل خط موجود له مثال في المقابل
حاولي تنزلينه عندج اذا ما تعرفين أسماء الخطوط
:)

[الرايقه]

لا تعيبين علي :(

عندي اليديد ...

انزين يوم القى الخط اسويله load

بعدين ماشوفه ينزل مع الخطوط


....


ماعرف .. احوليت وانا اشوف الخطووط

[الحزينه]

هاي شرات مشكلتي يحليلها دعجا تعقدت هههههههههههه


الغاليه مايصير ما ينزلوون ..

فجي الضغط
سوي كوبي

روحي c

Windows

Fonts
وبيست

ولازم ينزل ,, اذا طلعت لج مسج يوم تسوين له بيست .. يرييت تكتبينه
وان ما ظهر لج شي لازم بتحصلينه
جربي كل الخطووط في الفوتووشوب

[الرايقه]

انزين

مشكووووورين خواتي :)