القيادة فن وذوق و...؟؟؟ تعالوا كلكم يالله محد يشرد .

[الشاعر الجحجاح]

السلام عليكم، حبيت أتناقش وياكم في موضوع ( السواقه ) أو ( السياقه )، تحصل مرات ناس يلفون عليك وكأنه محد غيرهم في الشارع لا ويليته يدق إشاره وعقب ما تتصرف انته وتتأقفه بأعجوبه وادقله هرن يعطيك بو لابس وكأنه يقولك لا تكلمني انته غلطان وانا صح، وتلقى الثاني يمشي 20 عالخط السريع ويوم اتي انته تعطيه ليت عشان تتجاوز بالطريقه الصحيحه بيلبسك ولا بيخوز مع ان الشارع فاضي يعني عنده مجال يلف ويوم بتي تتجاوز من اليمين بتزخك الشرطه وبيرشونك أحلى مخالفه، ومرات تحصل نفسك عالخط السريع تتجاوز بالطريقه الصحيحه وبالسرعه المحدده ويكون الخط لي في الوسط مزدحم بالسيارات واييك صاحبك من وراك ويعطيك ألف ليت اونه يالله عندك بس لين أوصلك ولازم تخوز ويتم يلصق سيارته في سيارتك وهرنات وحالته حاله انزين صبر خلني أعدي السيد عشان ألف يمين سيايير حذالي شو ألف عليهم عشان خاطرك يعني والله حاله، ومرات تكون تتريا واحد يطلع من الباركن وأول ما يطلع تلقى واحد يطلعلك من وراك ويدخل مكانه ولا يعبرك ولا كأنك واقف تترياه، وتلقى واحد تترياه يعبر الشارع وانته عاللفه تترياه يخطف عشان تدخل الشارع العام واتم ساعه كامله تترياه على بالك بيخطف من الشارع ويوم يوصل حذالك يفاجأك بأنه يلف يعني ليش ما يعطيك إشاره عشان تطلع والله حاله، وتلقى واحد عاد هذا مسكت تخيل يدقلك هرن اونه تحرك يالله وانتوا واقفين على إشاره حمرا، يعني ناس صدق ما عندهم ذوق واحترام وغيره من المواقف

- وألحينه انتوا شو رايكم هل القياده فن وذوق وبس ولاّ هي أكثر من هالشي، مثل الاحترام والتقدير ... إلخ ؟، وهل قيادة الشخص تعكس شخصيته وماتحمله من أخلاق زينه أو شينه ؟، وممكن تلقى إنسان محترم وااايد في تعامله ويا الناس وفي السواقه تلقاه العكس بدون أخلاق ؟، ما أدري يالله طلعوا آراؤكم ؟

- ملاحظه : بس أتمنى ما يزعلن مني الأخوات، بصراحه أكثر هالمواقف لي ترفع الضغط تصير من الحريم، يوم أشوف سياره تلف علي أو عالخط السريع وما تخوز أعرف بأنها حرمه تسوق وفعلاً تطلع حرمه، هذي الحقيقه والحقيقه ما تزعل .

[ذيب العين]

مرحبا الشاعر

الصراحه القياده فن وذوق انا انقهر من حركتين الاولى الي يقبض الخط السريع ويمشيلك 20 جنه يوم اشترى السيارة عطووه الشارع مجانا ويا السيارة خخخخخخخخ والحركة الثانية الي قلت عنها (اللفه)

انا من راي انه الاحترام يلعب دوره فالقياده ..... فقياده الشخص هي الي تعكس صورته واحترامه للناس .

ومشكور اخوي عطرحك للموضوع

[شيبه مطلق]

مشكور اخوي على طرحك هذا الموضوع المهم
انا الي يقهرني اكثر شي سواقة البتان يغلطون عليك ومايعترفون.........وبعد يسبونك
الله يهديهم بس

[نار الشوق]

بصراحه أكثر هالمواقف لي ترفع الضغط تصير من الحريم، يوم أشوف سياره تلف علي أو عالخط السريع وما تخوز أعرف بأنها حرمه تسوق وفعلاً تطلع حرمه،
صح والله أخص شي يوم يستوي لها حادث لا سمح الله
ما يدقون لالشرطه يدقون للإسعاف بس علشان يقومونها من الكرسي

[حارس الليل]

مرحبا والله

اخويه الشاعر الجحجاح


انا اكثر واحد يصادف العالم هذي لاني ما اعرف اكتب قصيده غير وانا اسوق

بس الحمد لله ما اكون امشي بالخط اليسار كله اخذ اليمين واذا بيت من القصيده لعوزني شوي اقرب بارك واوقف..

والله يالشاعر الناس تختلف وتتفاوت ولا بكلهم نفس الحاله وانا مريت معاهم بحكم اني كنت ادرب سواقين بالماضي واختلط معاهم تبين لي ان كل واحد على راسه مب فاهم الشارع لي يمشي فيه ولا السياره لي يسوقها ولافاهم شوله وشو عليه..

ولاعندهم اي معلومه لو صغيره بفن وقانون وقواعد استخدام المركبه والطريق .

كل واحد منهم يتراواله انه يسوق بحوش البيت - وهذي النقطه خطيرة جدا



حسب علمي والمعلومات لي عندي

تقول

1- انته قبل ماتفكر تسوق سياره لازم يكون عندك هدف.
2- على اساس هدفك لي انته تبغيه تأخذ السياره .
3- السياره لي انته اخذتها لازم تكون مجهزه لتناسب غرضك للوصول لمرادك منها.
4- تشوف قدراتك البدنيه والذهنيه ويتم على اساسها اختيار السياره المناسبه
5- معرفة القوانين الاداريه للمرور في كل مكان تتوجه له والتبلور على اساسه.
6- وضع الاولويات بالترتيب والتخلي عن الانانيه ومعرفه قدر تحمل سيارتك وطاقتها.
7- التخلي عن حقك في المرور في حالات الطواري والتحسب لما يجد من حركه فقط.


وهذا بعض الذي استطعت تذكره


الله يسلمك يالشاعر تدري انه قلييييييييييييل من يتبع هذا الاسلوب

وبعدين اكثرهم من جنسيات عجيبه فهمها عجيييييييييييييييييييب كيف بتوصل كل هذا لهم

اذا اهل الدار يعرفون تراهم يطلعون بوقات محدده بس

وباقي الوقت تلقاهم بالدوام او رقود او بالسناتر اذا ماعندهم شركات وشوابنا بالبر

اقصد اللوم مب على المواطنين


وتسلم يالشاعر على موضوعك لي ريح الخاطر


وتقبل تحياتي

اخوك(حارس الليل)

نسيت اقول شي

الحريم صح هن يلفن على الواحد وهو يسوق بس مب وايد ولاينتبهن

بس مانقدر نقول شي نبتسم غصب اونه ماستوى شي لا ونستحي نسلم بعد

الله يسامحهن مانقدرلهن لا في البيت ولافي الشارع

وسوالم

[غرياف]

تسلم اخوي على موضوعك وان في رايي ان السواقه فن الي يتقه يسوق ولي مايعرفله لايحاول يخرب على غيره ويضايقهم في الشارع
اما عن الحريم ممكن كلامك يكون صح في بعض الاوقات
والسموحه

[الشاعر الجحجاح]

شكراً للجميع على المشاركه