[*((..قوول عني ماتقــول..))*]

[شواقه]

السلام عليكم ورحمة الله وبركاته..

انا من طبعي ما احب حد يقرا قصايدي ولا يشوف رسوماتي..
بس هالمره تشجعت اعرض عليكم هالقصيده..
كتبتها من حره في قلبي ع ناس يحسدوني ويغارون ع محبة اللي حولي..
بغيت اغايضهم شويه
مع اني وااااايد طيبه ويايهم بس للاسف اكتشفت انهم مايحبوني ولا لايحبون الخير لي :(

اتمنى انها تنال اعجابكم..
بس مب تقولوني عني مغرروه عقب ماتقرونهــا ههههه :p
ابا رايكم فيها بصرااااااااااااااااحه..



قولوا عني ماتقولون .. ماهمني قول العاذلين
همني ما تشوفون .. من فعل وكل شي زين
قلبي وفّي ومايخون .. صادق وانا اعرفه زين
يحب الخير ويعون .. ولا له في الردايا شين
ادري مني تغارون .. لكن هذي نعمه من العالمين
اذا حب عبده الحنون..جعل الأنام كلهم له محبين
كلن يسعى بس يرضون .. خاطري الطيب الأمين
لمحبتي كلهم يسعون .. وبقربي دايم يكون متهنين
تفرح بشوفي العيون .. وينسون من حولهم والمزاين
اسم (....) دوم ينادون ..كل شخص وهب قاصدين
بس من كثرغلاي يطرون.. اسمي دوم وفي كل حين
الأخلاق الحميده يحبون .. والأخلاص ومكارم الديــن
والجمال وحسنه يريدون.. يقولون كله فينــي لاقين
احمد الله وله ممنون .. كل هذا منه اكرم الأكرمين

وسلاااااااامتكم
اتريا ردكم يا الشعـــــــــراء
:)

[الشاعر الجحجاح]

أختي الفاضله / شواقه : " ومن شر حاسدٍ إذا حسد " الحسد حقٌ وله وجود مع أن الكثير من الناس لا يؤمنون بوجوده، فقد أمرنا الله تعالى بالتعوذ من الحاسدين، وفي الأمثال الشعبيه يقال : (( لو ما الحسد ما مات أحد ))، ولكنكِ نلتي منهم في هذه الكلمات الجميله، ولفت نظري : -

ادري مني تغارون .. لكن هذي نعمه من العالمين
اذا حب عبده الحنون..جعل الأنام كلهم له محبين

الله تعالى إذا أحب أحداً من عباده يقول للملائكة إني أحببت فلاناً فأحبوه، وبالتالي يحبه الناس، وهنيئاً لكِ بهذه المحبه اختي الكريمه، تقبلي فائق الاحترام والتقدير مني، ولقد نقلتها إلى قسم المحاولات لوجود الانفلات في الوزن، إلى اللقاء .

[عايض اليامي]

شواقه

تسلمين على الابيات الجميله

مثلما تفضل اخوي الجحجاح مختله في الوزن

وفرصه طيبه انك كسرتي قاعدة السريه على قصايدك لنستمتع بها معك ونتعلم من بعضنا البعض..

تحياتي لك

وننتظر جديدك


سفير الليل

[شواقه]

الشاعر الجحجاح ،، سفير الليل..
لي الشرف انكم تمرون وتنورون صفحتـــي..
والله اسعدتووووووووني بردوودكم الطيبه..

وان شاء الله اكون عند حسن ظنكم ف المره اليايه :)

[حارس الليل]

صح لسانك اختي


قصيده لها فكره

رائعه من وجدان

ولاكن اختي اقول كما قال

الشاعر الجحجاح وزميلي سفير الليل

ولاكن نصيحتي بان تكثري من المطالعه


والتركيز على الاوزان في القصائد

والتغني بالقصيده قدر الامكان


تقبلي تحياتي

اخوك(حارس الليل)

[شواقه]

تسلم اخويه حارس الليل على مررورك واطرائك
وان شاء الله بحاول اكون ف المره اليايه احسن

اسعدني بطلعتك ولا تحرمنــا منها :)