المساعد الشخصي الرقمي

مشاهدة النسخة كاملة : عضو تحت المجهر (3)


عــيـ دبـي ــون
14-06-2002, 07:47 PM
السلام عليكم أخواني وأخواتي الاعضاء
نستكمل مشورنا مع عضو تحت المجهر وعلى نفس الخطة
إلي قلناها لكم ..بدينا بمشرف ومن ثم بمراقب واليوم أخترنا
أحد الاعضاء ..عضو نقدر نسمية مشاغب ابدعنا بسوالفة ومقالبة
................وعضونا تحت المجهر اليوم هو الاخ ..راعي مقالب
وهو بيكون ضيفنا من 14/6 ولغاية يوم21 /6...............والله الله على ضيفنااااااااا
ولضيفنا الحق في عدم الاجابة على أي سؤال يشوف فية أحراج..(أضربك)

اتمنى الاسئلة تكون سؤالين فقط في كل مرة ... (h)

1. ماسبب أختيارك لي أسم راعي مقالب...؟؟؟ (http://www.alrukon.8m.com/faresal3in/al3een.htm)

2. عند ضغطك على هذي الوصلة سوف تجد باقة ورد لمن سوف تهديها..؟؟؟ (http://ssarab.jeeran.com/images/vl9703.gif)

ولنا عودة.(أضربك)
زهـرة الـوادي
14-06-2002, 08:45 PM
هاااااااااااااااااااااااااااااي

كان عندي إحساااااااااااااس بإنه العضو ... راح يكووون راعي مقالب :D

راعي مقالب اسمح لي بأن أسألك ... :)



1/ ما هو جديد راعي مقالــــب على الساحه ؟

2/ ما هــو ســـر إختفاء راعي مقالــــب عنااا !! .. ترى هل هو لتجهيز مقلب كبير ؟!! أم أن هنالك سبب آخر ؟ :)



و شكرا :)




((((((( عيون دبي ... يعني بس يحق لي أسأل سؤالين بس !! ؟؟ ))))))))) :confused:
عــيـ دبـي ــون
14-06-2002, 11:14 PM
زهرة الوادي..
بعد مايجاوب على السؤالين السابقين تقدرين تسئلينة بعدج ان شاء الله 100 سؤال..
بس اسئلية كل مرة سؤالين..;)
زهـرة الـوادي
15-06-2002, 12:34 AM
أهااااا ....
أوكيــــه عيون دبي :)
شروق الشمس
15-06-2002, 12:48 AM
مرحبــــــــــــــا براعي المقالب ... تعال بسرعة WANTED :)

وانا بسالك اسئلة خفيفة ..

1/ شو شعورك وانت عضو تحت المجهر ؟؟

2/ اذكر لنا مقلب سويته في حد .. لكن انقلب عليك ؟؟
باربي
15-06-2002, 12:54 AM
هلالالالالالا اخوي راعي مقالب

عندي كم سؤال؟

ماذا تعني لك

المراه
البحر
الشعر
نفسك ؟ ؟؟


شوو الالوان اللى تحبها ؟

شوو اسم العطر اللى تحبه ؟؟

و شكرا

مع اجمل تحياتي باربي
راعي مقالب
15-06-2002, 04:00 PM
هلا والله

انا عضوو تحت التيلسكوب هذا الاسبوع :D

اشووف اسئلتك انتا يا بوعيون

1. ماسبب أختيارك لي أسم راعي مقالب...؟؟؟

والله ياخوي هذي حكايه جديمه عليها غبار رجعتني تقريبا سنين للخلف تحب اقولك اياها ولا اغنيلك اغنيه قبل طيب لو تباني اغنيلك مرني باجر في المكتب

تقوول الحكايه انا يوم كنت في الصف الخامس كان عندنا استاذ العلوووم واحد دب ولابس نظارات واصلع يعني الشيانه كلها فيه المهم كنت انا وواحد من الربع الله يذكره بالخير ماحلين الواجب وقومنا هالخسف الاستاذ وضربني انا بالاول المهم انا كنت يالس اتعلج بلبان ويوم اتوجهت صووب طاولتي جان احط لبانه الي في حلجي على كرسيه وضرب ربيعي ويلسنا المهم انا طوول الحصه وانا ماسك نفسي من الضحك الريال سار ويلس على الكرسي ولصقة اللبانه في ذاك المكان وشباب يضحكون في الصف والله خليته مصخره ليش يضربني المهم يوم قام يكتب على الصبووره ماتلصقلك اللبانه على ذاك المكان والله لايراويك عاد ضحك واستهبال على كيف كيفك

فربيعي قالي اسميك راعي مقالب فتم الاسم محفوور في قلبي ومن ذاك الوقت وانا انجع المقالب على ربعي وناسي

اخوي انت لو تقرب الميكروفون زين حاطه بعيد عني


فهمت الحين ليش اخترت هذا الاسم


اشووف السؤال الثاني

2. عند ضغطك على هذي الوصلة سوف تجد باقة ورد لمن سوف تهديها..؟؟؟

والله اخويه العزيز انا عمري ماهديت شي لاني طول الوقت وانا مفلس فكيف تباني اهدي الباقه هذي بس يلى ماعلينا
والله انا اهدي هذي باقة الورد للجميع الي يحبني والي يكرهني وانا راضي بس احب اني اتفلسف واقوول بقص الباقه هذي الي قسمين انتوا قسم والقسم الثاني الى الاخت العزيزه الوعد

شكرا اخوي وترا انا مسوولك مقلب عيون دبي حاط على كرسيك لبانه

:D :D
راعي مقالب
15-06-2002, 04:08 PM
هلا والله

جينا حق المشاكل البنات واسالتهن يلى خلنا نشووف اسئلتها

1/ ما هو جديد راعي مقالــــب على الساحه ؟

والله جديدي انشاء الله تشوفينه عبر شاشات المنتدى بس ترا هذي المره انا راد بقووه فكل واحد منكم يتحذر

2/ ما هــو ســـر إختفاء راعي مقالــــب عنااا !! .. ترى هل هو لتجهيز مقلب كبير ؟!! أم أن هنالك سبب آخر ؟



اولا بسالك بالله هذا سؤال ولا سندويشه سؤال هالطوول تقوول طريق ابوظبي السلع

والله سر اختفائي عنكم اني مار بظرووف صعبه والحين انشاء الله بتزول مثل ماقال المثل هم ويزول

بدوون ماتقولين المقالب جاهزه ومقالبي دايما كبيره


والله عاد انا قلتلك سبب التاخير

يلى فارقيني الي وراها
راعي مقالب
15-06-2002, 04:15 PM
هلا والله شرووق الشمس

تعرفين قبل مااستمع لاسئلتك الاكيد انها بتطلع بايخه انا كل يوم اسمع اسمك هذا في الاخبار حالة الطقس

نشووف اسئلتك

1/ شو شعورك وانت عضو تحت المجهر ؟؟

والله شعوري كاشعوور اي هندي زاخته الشرطه يبيع بطايق على الشارع وطبعا لازم اني اخاف ترا العالم تراقبني انتي وخده بالك معايا

نشووف سؤالها الثاني

2/ اذكر لنا مقلب سويته في حد .. لكن انقلب عليك


والله ياشرووق انتي متفيجه بالقوو لاكن بجاوبك مره في رمضان اتصلت على واحد من الربع وقلتله انت معززوم اليوم عندي على الفطوور الريال ماصدق وقال خلاص اوكي المهم واحد من الشباب اتصلي وقالي تعال البيت عندي مسوي فطوور لك انا على نياتي رحت البيت مال الريال والي انا مكلمنه يه البيت وقعد يدق على الباب لين مالله ذله ولا احد فتحله الباب وانا سرت بيت الريال الي عزمني ومالقيته يعني سويت المقلب واخذت جزائه اني فطرت في خيمه مسوينها على الشارع ولا اعرف منو الشباب الي فيها لاكن رزت ويه

وشكرا على الاسئله هذي
راعي مقالب
15-06-2002, 04:23 PM
هلا والله بباربي

نشووف اسءلتك انت كيف بتكون

ماذا تعني لك

المراه ؟ المراه والله كائن حبوب ملاك ندورهم في كل مكان نسعد بشوفتهم
البحر ؟ البحر انا بذات هذا ماادانيه كنت في يوم بغرق الله لايرده
الشعر ؟ والله الشعر النصف الاخر من حياتي
نفسك ؟ ؟؟ النفس اماره بسووء لاكن يبالها من يعرف يصيطر عليها وتعنيلي حياه ودنيا باربي


شوو الالوان اللى تحبها ؟ والله انا احب اللون الاسود ولكثر مقالبي الي اسويها

شوو اسم العطر اللى تحبه ؟؟ والله احب نوع من انواع العطوور والله مااذكر شو اسمه لاكنه موجود في اي بقاله

و شكرا

:D
عــيـ دبـي ــون
15-06-2002, 07:26 PM
..http://www.uaeeyes.com/vb/images/icons/announces.gif

أخوي راعي مقالب..
الظاهر السمع عندك ضعيف
على شان جذا الحين بتسمع عدل:D

المهم أخوي ..
موقف حزين مر عليك في حياتك...:(


ولنا عودة..مع نشرة الاخبار(أضربك)
راعي مقالب
15-06-2002, 07:42 PM
عوده من جديد لسؤال الاخو عيون دبي

والله موقف حزين من كم يوم صار والله انزعجت وصارت امووري كلها فشنك بس مماقدر اقوول تعرف ليش لانه شي مهم جدا واخاف اقووله تستوي المشاكل



المهم مشكوور على هذا السؤال واعتبره من احلى الاسئله الي صادفتني

شكرا (hi)
زهـرة الـوادي
15-06-2002, 09:33 PM
بااااااااااااااااااااااااااااااااااااااااك :D


أسمينك سواااالف يا راعي مقاااالب :D

أوكيه اسمح لي أسألك سؤالين بعد :D


1/ لو كان هناك راعي مقالب آخر على الساحة ... شو بيكون شعورك ؟

2/ يا ترى حد سوالك مقلب في حياتك و خلاك تندم ؟؟


بنرجع بعد الفاصــــل إن شاء الله :D
راعي مقالب
16-06-2002, 02:29 AM
هلا والله

عودتي انتي ثاني مره الله يعين ترا قال المثل خلي بالك من الحريم لا تغرق مثل هندي بس انا قمت والحمدلله بترجمته


نشووف سؤالك يااخي انت عيون دبي قرب الميكروفون مااعم يسمعوا الخلق

1/ لو كان هناك راعي مقالب آخر على الساحة ... شو بيكون شعورك ؟

والله شعوري صراحه ودي اني ادفنه لاكن في مثل يقوول الميدان ياحميدان وانا صراحه اعز واحد يكون مثلي

نصيحه لكل من يبي يكون راعي مقالب الي ماعنده خلفيه عن هذي الاموور الاتصال على الهاتف المجاني لشركة خذلك مقلب وانت تضحك وهو كالتالي

جوال / 997
بيجر/998
تيلفون/999

والله شكلي بوديهم بداهيه

خشي عليا يابنتي بسؤال الثاني

2/ يا ترى حد سوالك مقلب في حياتك و خلاك تندم ؟؟


ياترى هذي اغنيه مصريه تقوول في مطلعها ياترا ياحبيبي ياترا انت فين ياحبيبي ياترا عامل ايه ياحبيبي ياترا اه قريب ولا بعيد ولا له

والله يااختي في واحد الله لايرده صوبنا من الربع كنا يالسين في مركز العين الدولي وايامها كان في رمضان ومسوين مسابقات ومدري كيف المهم في فقره من الفقرات قالوا من فيكم يعرف يقلد المهم الحبيب اشر علي الله لايعطيه عافيه من وراي وانا ماشفته المهم كانت هناك مذيعه من العراق الله يذكرها بالخير وفي ناس وعالم تخيلي عمرج تطلعين والعالم هذي كلها تشووفك المهم قالتلي تشارك قلت لها لا والله اسمحيلي انا المهم قالت نسمع تشجيع الى الاخو العزيز والناس ماصدجت وقاموا يصفقون تقوولين يالسين في النادي المهم انا انحرجت وقمت المهم البنت تسالني تقولي لازم الحين تقلد لنا اي شي تبيه
والله راسي دار ومسكت المكرفوون وايدي ترتعش والويه صار اصفر تقوول جابين عليه دهن المهم سلمت على الجماعه وشووف من اولها يضحكون قعدت ابتسم لهم وهم يضحكون قالولي يالله قلد في خاطري اقوول وينه ود اللذينه الي حطني في هذا المقلب المهم قلت لهم صووت طفل يتصل على امه ويكلمها على التيلفوون وبعدين ارتزت هذي المذيعه وقالت والله عاد تقلد لنا مطرب او مطربه ونبيها معا الحركه قلتلها انتم تبوون تشوفون عرض ازياء ولا تبوني اقلد قالت لا علشان يركب التقليد ومسكت الميكرفون لاكن هالمره وانا بكل قووه وبكل اندفاع قلتلهم منو تبوني اقلد قالولي اي شي بس مطرب يكون المهم قلت لهم الفنانه احلام وهي تغني والعالم تضحك وانا والله ابا اضحك لاكن لوضحك اعرف عمري مابسكت وخلصت العرض الثاني لي المهم قالت لي ابيك تقلد لنا اي شي على راحتك قلت لها راح اقلدك انتي والله البنيه انصدمت وقالت لي وهي مسكره المكرفوون والله ماتقلدني حرام عليك المهم انا مسالت فيها ومسكت المكرفوون وبكل شجاعه قلدتها المسكينه ماقدرت تتحمل منظرها وانا اقلدها والناس تضحك وقمت اسحب الكوبونات اقدم البرامج الباقيه انا وصارت دشره في الموضوع
شكلي طولت في الكلام وياج اختي اسمحيلي ترا بيني اتصال مهم الحين يلى فارجي وريني عرض اكتافك
باي باي
زهـرة الـوادي
16-06-2002, 08:54 AM
هاهاهاهاهاهاهاهاهاها :D

صدق إنك موب هين :D
الوعد
16-06-2002, 11:38 AM
طبعا انا جيت متأخره ادري ..


اسمحلي اخويـــــــــــــه .. ومشكووووووور على نص الورده ;)



على العموم ... انا اسئلتي سهله وظريفه مثلي كالعاده :rolleyes: :rolleyes: ;) ... خقاقه ...



لاوحليلي ... انا اسولف بس ... الحين بيقولون شو هاي يايه تسأل ولاّ يايه تسولف .. صدق مصاخه ...


خلاص خلاص ...

انزين ..



1. شو سيارتك المفضله ؟


2.امممممممممممم .. شو ياربي شووووووو شوووووووو شووووووو .. شو ااهتماماتك من كل الجوانب والاتجاهات والمجالات ؟




وهذي الورده هديه لك ... عشان تهدي روعك وانت تحت التلسكوووووب
;)



(redrose)


وسلالالالالامتك
راعي مقالب
16-06-2002, 01:05 PM
هلا والله

ايوه عاشووو وصلت الوعد ام الاسئله الي يبالها الف ومليون مترجم ..//

المهم نشووف اسالتك بعد اشجايل

1. شو سيارتك المفضله ؟

والله سيارتي المفضله مكلارن بس ماعندي فلووس اشتريها لانها اغلى سياره في العالم ووصل سعر هذي السياره الى مليون ونص دولار امريكي لانها بها الفيبر جلاس مصنوع من الالماس

بس الحين انا عندي سياره هوندا سفيك باب واحد ام دبه فقير بس انشاء الله انا مخطط على هذي السياره وانشاء الله اخر السنه تكون عندي :D



السؤال الثاني

2.امممممممممممم .. شو ياربي شووووووو شوووووووو شووووووو .. شو ااهتماماتك من كل الجوانب والاتجاهات والمجالات ؟



والله اهتمامي اولا الحوامه بسيكل الظهر والحوامه وهف الحمام والجلسه على الشارع العام وفر التكاسي بالبيض والشرده من الحصص ولعب كورة القدم لتكسير اللا عبين الغير مرغوب فيهم ايضا المغازله لاكن على طريقتي الخاصه
اما عن المجالات الثانيه فانني اهوى قرائة القصص الي فيها نوع الخيانه او المقالب والاكشن وهذي السوالف

بس ماعندي شي اقوله غير الي قلته يافندم وشكرا على الورده
شروق الشمس
16-06-2002, 03:26 PM
انا كل يوم اسمع اسمك هذا في الاخبار حالة الطقس
**********
قول انك غيران من اسمي لانه دوم تسمعه في احوال الطقس وانت محد يذكر اسمك ولا في الرسوم المتحركة :D

المهم رجعت لك باسئلة ابيخ من سابقتها ... (أضربك)


1/ ما رأيك بالأحوال السياسية في العالم العربي ؟؟

2/ لو كنت الأمين العام للأمم المتحدة شو كنت بتسوي ؟؟
راعي مقالب
16-06-2002, 04:48 PM
هلا والله

والله اسمي وعايبني وكل الي في المنتدى يبونه اما انتي شرووق محد اصلا يحبك لانهم قالولي :D

هاتب اسالتك ولا تقعدين تبربرين علي

1/ ما رأيك بالأحوال السياسية في العالم العربي ؟؟

والله الاحوال السياسيه ماشاء الله عليهم اخوانا العرب ساكتين مثل كل مره والله بس اعتقد السياسه هاليومين لصالح الدوله الي مانحبها اخاف اقوول اسمها وباجر ينشوون هلي من النووم ولا يلقوني ويسلون يدورون علي لين مايعيزون


وسكري الموضوع علشان مانطوردط

هاتي الي بعده

2/ لو كنت الأمين العام للأمم المتحدة شو كنت بتسوي ؟؟

والله ياختي حتى لو صرت الامين العام مابقدر اسوي شي لان الشوور مب شووره والله الشووور شور اسرائيل وخلاص لانك ناوية توديني في داهيه وانا مب ناقص مشاكل
شروق الشمس
16-06-2002, 05:14 PM
اشكرك على سعة صدرك ورد الصريح على الأسئلة يا راعي مشاكل اقصد مقالب :D

واذا محد في المنتدى يحبني فأقول لهم : المهم اني ما اكره حد في المنتدى ;)
باربي
16-06-2002, 06:23 PM
هلا اخوي راعي المقالب؟

عندي سؤالين ؟

اولا ...

شو هو الشيء اللى يعجبك في مجتمعنا ؟؟ و الشيء الذي لا يعجبك في مجتمعنا ؟؟

ثانيا ...

شو الصفه او الخصله اللى تتمنى انك تكتسبها ؟ و الصفه الذي تريد التخلص منها ؟؟
من شخصيتك ؟؟


اوكي ..

باااي.....

مع اجمل تحياتي باربي
+*^^*ماريه*^^*+
16-06-2002, 07:24 PM
هههههههههههههههههههههههههههههههههههه الله لا يقطع سوالفك راعي مقالب لقاء حلو جدا معاك وكوميدي :)

امممممممممممممم شو اسئلك شو اسئلك ايوه ....


كيف تعرفت على منتدى الكتبي ؟ وهل اكتسبت من خلاله صداقات ؟

في اي مرحله دراسيه انت ؟ تخصصك؟ وما ذا تريد ان تكون في المستقبل ؟

هاي اسئله خفيفه لي عوده انشاء الله

ماريه
غزلان
17-06-2002, 05:12 AM
درب درب http://www.smilies-world.de/Smilies/Smilies_auto/auto.gif

هلا اخويه راعي مقالب .... هههههههههههههههه والله انك سوالف http://www.smilies-world.de/Smilies/Smilies_klein_1/coollook.gif
المهم http://www.smilies-world.de/Smilies/Smilies_klein_1/1book.gif

1. شو هواياتك... غير المقالب طبعا :p

2. بطاقتك الشخصيه ... اذا امكن ..:rolleyes:

تحياتي لك
غزلانhttp://www.smilies-world.de/Smilies/Smilies_klein_1/ani_smiles.gif
راعي مقالب
18-06-2002, 01:17 AM
هلا والله

وعوده اخرى الى الاخت باربي واسالتها الي ماتخلص

شو سؤالك ومن عيوني بجاوب ;)

1- شو هو الشيء اللى يعجبك في مجتمعنا ؟؟ و الشيء الذي لا يعجبك في مجتمعنا ؟؟

هي هذي الاساله الي تشرح البال والله

والله يااختي باربي السؤال هذا على فكره من احلى الاساله الي وصلتني وانا بقوولك الشي الي يعجبني في مجتمعنا
ان دولة الامارات سريعة التطوور يعني خلال كم سنه قدرت الامارات انها تنهض وتكون من ارووع البلاد في شتى المجالات خصووصا انها تحت ظل قيادة الوالد عسا الله يطوول في عمره وعمر الشيوخ والحكام جميعا صارت دوولة الامارات لها سمعه طيبه في البلاد العربيه والاجنبيه والي اكثر عاجبني طيبة اهل دولة الامارت وحرصهم على النهوض بها الى اعلى مستويات والمجالات


اما الشي الي مايعجبني وخصوصا انتم البنات طبعا بتتعجبين من هذا الشي ان البنت اذا طلعت من البيت على طوول الغشووه على ويها اما اذا كلمت هندي ولا دخلت محل تفصخ الغشووه اذا شافت ابن بلدها لبست الغشووه يعني الهندي هذا مب ريال ولا شووو هذا الشي صراحة مايعجبني اذا بتلبس الغشووه ماتشيلها الى يوم ترجع البيت ولا ماتعامل الهندي انه مب ريال وهذا الي عندي اختي باربي

هاتي سؤالك الثاني
2-شو الصفه او الخصله اللى تتمنى انك تكتسبها ؟ و الصفه الذي تريد التخلص منها ؟؟
من شخصيتك ؟؟


والله الصفه الي ابا اكتسبها اني اكوون صاحب اكبر واحلى واجود واحمد واشرف وايمن دخلت بااسماء الظاهر سووري اني اكون صاحب لباقه في الكلام هذا الي ابيه

اما الصفه الي اريد ان اتخلص منها والله صفاتي حلووه بس ماظنتي بتخلص من شي :mad:


شكرا حبوبه على الاساله الظريفه وتعالي كل يووم
راعي مقالب
18-06-2002, 01:26 AM
هلا والله ماريه مرسيدس لاجلكم اعمل :D

يالله عسا اسالتك تكون مثل الي سبقووج


كيف تعرفت على منتدى الكتبي ؟ وهل اكتسبت من خلاله صداقات ؟

في اي مرحله دراسيه انت ؟ تخصصك؟ وما ذا تريد ان تكون في المستقبل ؟


والله طريقة تعرفي على منتدى الكتبي كالعاده كنت قاعد ويا شله من الربع في سمره غنائيه وكنت محظر مقلب علشان واحد من الشباب فجاه مر واحد واعطانا بطاقه وقال انه عيون دبي طبعا يلسنى نضحك نقوول اسم هذا ولا حمام سباحه فشفت فيه اسم المنتدى وموقعه ودخلت عليه وشفت شكل المنتدى وعجبني وقلت ياولد ليش متشارك فيه يمكن تلاقي حد تسويبه مقالبك عرفتي كيف اختي تعرفت على المنتدى نشووف الي وراه


والله تبين الصدق لين الحيين مااعرف غير هذيل الناس وحتى كنت انا بالمستشفى خلال الايام الي مضت ولا حد سال عني غير واحد جزاه الله الف خييير ويعطيه مليون الف صحه وعافيه


الحين ينا على المشاكل والفضايح شوفي اختي انا دايما صريح مابقوول انا مهندس ولا دكتوور انا خلصت المرحله المتوسطه ومابغيت اكمل

تخصصي طبعا شي اكييد مقالب

والله ودي ادخل في موسوعة جينز وتيشرت من محلات غلووم للملابس الجاهز للارقام القياسيه في عدد المقالب وكبرحجمها وشكرا على هذي الاساله



(peep)
راعي مقالب
18-06-2002, 01:36 AM
هلا والله غزلانوووووه


يالله ابداي في طرح اسالتك ياراعيت التواقيع المزووره

1. شو هواياتك... غير المقالب طبعا

والله هواياتي كثيره كرة القدم / لعبة الشطرنج / القرض في الناس / اكل الفستق ورمي القشر في الصاله مالت البيت / ازعاج الاخرين بواسطة المسجل مال سيارتي / مضايقة التكاسي / يعني لو بتعدين لين باجر مابخلص فاحسن اشووف السؤال الي وراه



2. بطاقتك الشخصيه ... اذا امكن ..

الاسم: كهنوور نسلى كومار سوا
العمر: 21
المهنه: مهندس مقالب
الجنسيه: مواطن
العنوان : حيدراباد جانب مزرعة محي الدين
تاريخ البطاقه: 3/2/2002
تاريخ الانتهاء: بعد فساد المنتج

في بعد بيانات بس انتي ماتبينها يمكن ولو بتعوزينها ترا بشك بالموضوع وبقوولك روحي عند اهلي



:D
غزلان
19-06-2002, 02:42 AM
شكرا اخويه على الاجوبه :p
عــيـ دبـي ــون
21-06-2002, 09:39 PM
اخوي راعي مقالب

تسلم على تواجدك وأجوبتك.. كان اسبوع رائع بعد كل هذي السوالف:)


كلمة أخيره تقدمها وتتمناها لكل عضو في منتدى الكتبي نت..:)