كيف اضيف خطوط بالفوتوشوب

[الحزينه]

السلام عليكم والرحمة

شحالكم

اسمحولي عالازعااج
بس حبيت اسال كيف اظيف الخطووط في الفوتوشوويب ..؟؟ دوم انسلى الطريقه ههههههههههههههه اسمحولي

[دعجا الأعيان]

السلام عليكم ورحمة الله وبركاته
..
.
مرحبا الحزينة
.
في البداية انصحج انج تسوين ملف خاص بالخطووط
عسب يسهل لج عملية الكوبي والبيست
يوم بتنقلين الخطووط
.
هذه الخطووط يوم بتثبتينها راح تكون موجودة
في جميع البرامج ومن ضمنها الفوتوشوب
.
الحين بعد ما تنزلين الخطووط وكانت على ملف مضغووط
فتحي الضغط عنه
وخليها في الملف اللي قلت لج عليه في البدايه
وجذيه كل الخطووط
.
وآخر خطوة ضغطي من الكيبورد ctrl+A
وكلك يمين
وسويلهن (الخطووط) نسخ
ورووحي على مجلد الخطووط في الويندوز ولصق
وبس

[الحزينه]

مرحبا بج اختي دعجا

سمحيلي الغاليه تعبتج
انا قبل لا انزل الموضووع رحت
الوندووذ بعدين الفونتس ( ملف الخطوط )
سويت لهم كوبي وبيست بس ما طلعو عندي ....؟؟ شسوي

[دعجا الأعيان]

الحزينة
..
.
.
لا تعب ولا شي
وما فهمت !!
من وين سويتي الهن نسخ؟!
والمفرووض دام سويتلهن نسخ
يوم بتسيرين على الفونت تضغطين لصق
راح يظهرن لج
واذا ترومين تصورين لي الصفحة
يوم تنسخين الخطووط من الملف

[الحزينه]

الغاليه انا سوويت شرات ما قلتي
حملت الخطووط
فجييت الضغط عنهم
سويت كوبي ورحت سويت بيست صوب الخطووط
انظافو بالملف بس ما انظافو في ولا برنامج

[دعجا الأعيان]

الحزينة
..
.
.
قصدج أي ملف الحين؟؟
اذا كان الملف اللي قلت لج تسوينه
فشي طبيعي ما راح ينضافن في أي برنامج
واذا تقصدين ملف الفوونت اللي في الويندووز
وانتي سويتيلهن لصق فشي غريب انهن ما يكوونن موجودات
.
عمووما
.
شوفي
عقب ما تضيفيهن على الملف اللي قلت لج عليه
ضغطي ctrl+a من الكيبوورد وكلك يمين ونسخ او كوبي
ورووحي
جهاز الكمبيوتر ــــــــــــ C ــــــــــــــ WINDOWSـــــــــــ Fonts
وضغطي كلك يمين ولصق
:)

[الحزينه]

جهاز الكمبيوتر ــــــــــــ C ــــــــــــــ WINDOWSـــــــــــ Fonts


مرحبا الغاليه .. السموحة اذيتج ويااي
انا هااي الطريقه اللي اقصدها .. روحي مستغربه انا بالعاده جي اظيفهم بس هالمره نحاسه لاني اباهم ظرووري :(

عالعمووم تسلميين الغاليه .. والسمووحة عالمغثه
جزاج الله خير والله يجعله فميزان حسناتج

[دعجا الأعيان]

هلا الحزينة
..
.
.
غريبة !!
.
وربي يسلمج
وأي سؤال او استفسار لا تترددين