المساعد الشخصي الرقمي

مشاهدة النسخة كاملة : رمسة الاوليييين..


شواقه
09-06-2002, 01:43 PM
لرزيف: رقصه رجاليــّـــه ...

الردحــــه : رقصها مشهوره عند الحريـّــم ...

البذوار : الطير ( الصغير ) شوي اكبر عن الفرخ ...

الشرياص : الطير الصغير قبل لا ايغدي طير لكنه ايرووم ايطير ..

الصرود : السفره من الخوص ...

الخوص : سعف النخيل ..

الدعووون : هو جدار البيت المصنووع من الخوص اليابس والمترابط بحبل

البارجيل: مكيف الخمسينات ابراج مرتفعه من اللبن يدخل الهوا البارد لها ...

الجازول : اخر الخطام ( اخر الحبل ) ...

الشداد : ما يوظع ع الرجاب كي تجلس عليه وتسيطر به ع الرجاب ..

السردال :امير مراكب الغوص ....

الجيون : اللولو ..

التبر :الذهب ...

الخرج: جيب من السدو...

الحنّــه :الحنطه ......

اليعده :دوا ...

الفلاس : جرار يحطون به ويحفظون به التمر ...

الخرس: وعاء مخرووطي قاعدته مستديره والقاعده لاعلى لحفظ الماء بارد ..

الزل : السجاد ....

الغلس : انسان مايعرف الاتيكيت ف الكلام ....

الزربو: جوارب ... دلاغ ...

الدمـّــاج او الدمـّــاك : هو الخلال اللي يطيح من النخله ويكون لونه اسود وطعمه احليو ...

البيالــه : فنجان الشاي ... ( استكانه ) ..

الخوّاره : الناقه اللي خارت قواها امررره ..

اليفول : الناقه لي ترتعب من اي شي ...

عونك : بمعنى لبيه او ياك العون ...

الاملح : الاسود ....

مملوح : وسيم ..

اليفره او الجفره الحفره ..

نهي : بمعنى ذهب اي سار

هيد: ..توقف او تريث

زويه : تطلق على الحَمّام قديما

طنب : القطعة التي تصل ما بين زوايا الخيمه

العرقوب : المرتفع من الأرض

غدف : خلف او بعد الشيء

السولعي : ذات الرقبه الطويله

الحر: نوع من انواع الصقور

الدقل : عمود الساريه للسفينه

الحِبْ :نوع من انواع الجرار الفخاريه يكون كبيرا نوعا ما يوضع فيه الماء قديما ليبقى باردا

السقا والثبر :... اي المد والجزر

يونيه : تطلق على الخيشة

الظو : يطلق على النار

السبلة : تطلق على الحجرة

المنز : تطلق على مهد الطفل

البيدار : تطلق على اللي يشرف على المزرعه

يواقع : معناتها اللي يعصب او يصارخ على غيره

يزقر : معناتها ينادي

طـــــريت : ( ذكــرت أو قلــت ) ..

غبـــــنه : ( غـــــصه ) ..

حشــــى عليه : ... ( للانكـــار ) ..

صـــــوحي : ( ســــــري ) ...

يبــــوح : ( يفشي).....

ســـــرى : ( رحــــل ) .....

ضــــوى : ( رجــــع)

قيـــــلت : ( اليلـسه في مكان معين لين فتره الظهر)...

المبيـــت : ( ييلس الشخص في مكان معين لعده ايام).....

عــزرت : ( اجبرت) ....

يواجع : معناتها اللي يعصب او يصارخ على غيره

غثيتنـــــا : ( أذيتنـــــــا ) ....

الغشيـــــم : ( اللي ما يعرف شي ) ....

انعتنـــــي : ( دلنـــــي ) ...

ســـرينــا : ( روحنـــــا ) ...

جــــدى : ( صــــوب ) ...
هووود : عند الدخووول الى أي مكان ...

يا لقعتيه : ( يا مصيبتيه)

يا عثرتيـه : ( يا مصيبتيه)

انقفض : ( استعيل)

خــاري : ( برع )

صدعه : (حشره أو ازعاج)

السيح : المكان الواااسع المترامي الاطراف

هذربان : كلاام ورمسة مستمرة

هــــــــزرك : ( ظنـــــــك )

طبـــــــزني : ( ضــــربني )

منقووووله..

اختكم..شواااقه(h)
رأس الحية
09-06-2002, 01:55 PM
السلالالام عليكم ..

تسلمين اختي على هالموضوع ..

وربي يوفقج ان شاء الله ..

تحياتي ..
زهـرة الـوادي
09-06-2002, 03:16 PM
ماشاء الله عليج يا شوااقه
عيني عليج باااردة ;)
تسلمين على هذي اللهجات المحلية :)
عيون العين
09-06-2002, 11:32 PM
تسلمين والله .. اختي شوااقه على هالموضوع رمسة الاولييين ...... يا محلالالالالا هالرمسه ما قصرتي ربي يعطيج العافيه .. وتستاهلين الناموس .. تحياتي لج (hi) (أضربك) (أضربك) عيــــــــــــــــــون (h) العيــــــــــــــــــــــــن (أضربك) (أضربك)
الوعد
10-06-2002, 05:20 AM
تسلميــــــــن اختي ..


موسوعه عيني عليج بارده
عيون_المها
10-06-2002, 11:21 AM
مشكورة أختي على موضوعج الحلو ... وأمنوا يقدر ينسى رمسة الأوليين هذا ماضينا اللي لا يمكن ننساه....

تحياتي لج

عيون_المها
شروق الشمس
10-06-2002, 12:35 PM
تسلمين اختي

والله يعطيج العافية :)