غناوووووووووووي الماضي

[عيون العين]

الخريريفـــــات


خريريفه مجيريفه
سبع قطيوات
معلقات في التنور
والتنور يبغي حطب
والحطب في السمره
والسمره تبغي جدوم
والجدوم عند الحداد
والحداد يبغي فلوس
والفلوس عند العروس
والعروس تبغي ولد
والولد سموه سند
ركّــــاب الخيل
ما ينام الليل
ف ايده سجين
ذابح مسجين..



المهاواه... مهاواه يعني هوّا وتعني نم او نام... يعني يوم يبون الفكّه من حشرة الصغاريه يرقدونهم بهل الاغاني:


هوّا هوّا يالهادي
محمد ساكن الوادي
هوّا هوّا يا سنادي
لاماي ولا زادي

وسبق ذكر هذا الموضوع من قبل اختي زهرة الوادي . المهاواه


واذا بيوعون الصغاريه من النوم :


صباحك صباحين
صباح الكحل ف العين
صباح ييد لك نخله
وم النخله عذ يجين
صباحك مبكر
الحليب مع السكر
صباحك بدري
احبك وانته ما تدري




يا سلام والله كلام عجيب... هييييييييه على ايام اول.. يا حسره علينا احينه قوموا نشوا.. وخلاص..


(hi) تقبلووووووووووتحياتي (hi)

(أضربك) (أضربك) عيــــــــــــــــــــــــــــون العيــــــــــــــــــــــــــــن(أضربك) (أضربك)

[الوعد]

تسلم اخويـــــــــــــه عيون العين ...

واحيانا لما يلاعبون الصغاريه ويقولون لهم الغاز ... مثل ...

(( ساره ام الطباره ... تحتها ما تحتها .. تحتها بنتين وولد ..(( مثلا )) ... ويكون هذا الشخص قريب او معروف من جهة الطفل عشان يفكر ويستنتج من هذا الشخص ...))


ولما يرقدون الياهل يقولون له احيانا ... هو هو ياالدودو (( اللي هو الجني او ماشابه )) كل الداده (( الناس )) عن حمود (( مثلا اسم الطفل ))

او

(( الا الله الا الله ... لااله الا الله ... الا الله يالهادي .. محمد ساكن الوادي ...الا الله .. الا الله ... لا اله الا الله ... الا الله الا الله ... محمد يارسول الله ))


ومن اغاني اول ..

(( عمتي مرت ابويه ... سلّط الله عليها ... يوم يتها الهديه ... دستها في الزويه ... تتحسبني طلاّبه .. ادق على البيبان ... ماجنه ابويه تاجر .. ويصوغ لي الدلال ... دلالي باربعميه ... ومعلقات في الخيده ... جنيه .. من بنات هلال ))

او

(( حمامه نودي نودي ... سلمي على سعُودي .. سعُودي سار مكه ... اييب ثياب العكه ... بحطهم في صنديقي ... صنديقي ماله مفتاح والمفتاح عند الحداد والحداد يبغي فلوس ... والفلوس عند العروس ... والعروس تبغي عيال .. والعيال يبغون حليب .. والحليب عن البقر ... والبقر يبغون حشيش ... والحشيش يبغي مطر ... والمطر عند الله ... لا اله الا الله ... محمد رسول الله ))

(( يا اميه يااميه ياامايه ... راعي البحر ماباه ... ابا وليد عمي ... بخنيره ورداه ... لابس خطامه صفرا ... ولا ضيّع عصاه))



وسلالالالالامتكم .... واسمحلي اخويه عيون العين على المداخله (h)

[عيون العين]

تسلمين اختي الوعد ومشكوووووووووره على الاضافة واشكرج على تواصلج بقسم التراث وربي يعطيج العافيه ما قصرتي تسلمين ...تحياتي لج (hi) (hi)

(أضربك) (أضربك) عيــــــــــــــــــــــــــــــــــــــون (h) العيـــــــــــــــــــــــــــــــــــــــــن(أضر بك) (أضربك)

[عــيـ دبـي ــون]

عيون العين

تسلم الغالي على مواضيعك المتنوعة والله يعطيك العافية:)

[زهـرة الـوادي]

يعطيك ألف عافيه أخوي عيون العين على هذا الموضوع الجميل جدا
فعلا ما في أحلى من أيام زمن أول ... :)

و تسلمين يالوعـــد على الاضافة المتميزة :)

[شروق الشمس]

لا اله الا الله ..
محمد يا رسول الله ..
محمد زين كله زين ..
مولود الضحى لثنين ..
وان شق القمر شقين ..
ابحضرت رسول الله

تسلم اخوي على هذا الموضوع :)

[شواقه]

مرحباااا
انا اقول الشيبه وين منخش، ولا هو هنيه:p ..
تسلم اخويه، ذكريتنا في ايام الطفوووله:rolleyes:
تسلم..

اختك..شواااقه(h)

[عيون العين]

عيون دبي .. الله يسلمك اخوي تســـــــــــــلم والله يعطيك العافيه .. تحياتي لك

زهرة الوادي ...الله يعافيج وتسلمين على المشاركه .. :) ذكريات وايام سعيده :D ويزاج الله الف خير ..تحياتي لج

شروق الشمس ... الله يسلمج اختي ومشكوره على تواصلج بقسم التراث ربي يعطيج العافيه .. تحياتي لج

شوااقه ...:D عيل وين بروح يالس بالتراث الا انتي وين اهاااا جنج تحطبين ولا ترعين الغنم يحافظ عليج من عيوز :D الله يسلمج اختي ... هيه والله يالعيوز ياليت الشباب يعود يومان :D ويسلم غاليج مشكوره على مشاركتج بقسم التراث واتمنى التواصل يا اختي العيوز .. مع تحيات اخوج الشيبه :D

(أضربك) (أضربك) عيــــــــــــــــــــــــــــــــــــــون العيـــــــــــــــــــــــــــــــــــــــــن(أضر بك) (أضربك)

[الوعد]

عيـــــــون العين .. زهووووووره


تسلموووووووون حبايبي ... كلكم ذوق