أنا زوجة ثانية"

[الرحيمه]

السلام عليكم ورحمة الله وبركاته...

عندي موضوع خطر فبالي وحبيت اخذ أرائكم فيه...

وانا كلي امتنان وتقدير لجميع الأراء...

الموضوع هو الزوجة الثانيه

للدين راي وللمجتمع راي وللعادات والتقاليد ايضا راي...

و انا متاكده كل انسان عنده راي فيها مثلا الرجل يشوف فيها الحل للابتعاد عن الحرام او حل لاهمال

الزوجه الاولى...

الزوجه الاولى تشوفها خطافة الرياييل...

الابن او الابنه يشوفونها الحرمه اللي اسرقت ابوهم من هم واشغلته عنهم...

و وايد وايد امثلة ممكن نسوقها الكم...

ولو سمحتوا أبى أعرف تأثير الزواج الثاني على العايله وأهل الزوج واهل الزوجه الثانيه؟


ولكم مني جزيل الشكر...

وابنتظار ارائكم...

....أختكم الرحيمه....

[شوق زايد]

وعليكم السلام ورحمة الله وبركاته ..

حياكِ الله أختي .. الرحيمه ..
وموضوع بالفعل مهم .. و واقعي ..
نتمنى أن يثري الأعضاء جوانب هذا الموضوع بالمناقشات الفعالة ..:)

لي عودة إن شاء الله ..
.*.*.*.*.*.
تم نقل الموضوع لمنتدى الحوار والمناقشة .. :)

[الرحيمه]

مشكورة أختي ع المرور...

وفانتظارج...

أختج الرحيمه...

[حزن زايد]

السلام عليكم ورحمه الله وبركاته بصراحه اول شي احب اشكرج على الموضوع الحلو واللي يستحق المناقشه اول شي من رايي انه في بعض من الرجال مانلومهم اذا تزوجو على حريمهم لانه محصلين اهمال من الزوجه او تلاقون الزوجه مهتمه في عمرها و ربيعاتها وفي اشياء ثانيه اهم من الرجل ويمكن الرجل مافي عيب بس تلقون الزوجه عندها بوي فرند وهالشي يحصل في اكثر العوايل او تسمعون عنها او نقدر انقول انه الزوجه في هالموضوع مظلومه يعني تلقونها مب مقصره في حقه بس يجازيها الرجل في الزوجه الثانيه ..... يعني يمكن يكون الرجل يحب التنويع في الزوجات او مب مرتاحلها رغم انها مب مقصره في حقه بس انا من رايي يضل الزوج على زوجه وحده لانه في النهايه اذا اتزوج على حرمته يمكن يكون حساسيه بين ابناء الزوجه الثانيه و الاولى وهالشي يحدث في كل مكان ويمكن مايحدث بس انا افضل انه يضل على زوجه وحده ولو انا خيروني اني اكون الزوجه الثانيه برفض اكيد بتقولون ليش اول شي لاني مابي ادخل في مشاكل انا مالي غنى عنها يعني انا بتزوج الريال عسب يسعدني و لا يدخلني في مشاكل انا مايخصني فيها وبعدين ليش اهدم عاااااايلله بكبرها عسب شخص والسمووحه اذا طولت عليكم تحياتي لكم حزن زايد

[مدمـــ الحر ــع]

السلام عليهم

أشكرج أختي عالموضوع

أحسه شوي حساس بالنسبه للحريم

بس بنالسبالنا أحنا أحياناً نعتبره عادي

دامه الدين ما حرم والزوجه الأولى رااااااااااااضيه

ما أظني أنه فهالزواج شي

وممكن أنهم يعيشون كأسره وحده قويه

بس إذا زواج بطالي ولحب التجديد بس

أظنه من البدايه ماله داعي

بس الغريب أنه دااااايماً صورة الحرمه الثانيه شريره

وما تحب عيال الريال من الحرمه الأولى

هب شرط هاذي مواصفات الحرمه الثانيه

أحياناً تكون رحوووووومه لأبعد حد



هاذا راي

^_^

[عيـ الدماني ـون]

السلام عليكم

تسلمين اختي على طرح الموضوع

اولاً الشرع محلل الرجل اربع ومن حقه انه يتزوج اذا احس انه بحاجه لهذا الزواج ,,,

وتأثير على حسب تعاملها مع زوجها والمجتمع ,,,يعني اذا كان تعاملها زين ترى تأثيرها بيكون زين,واذا تعاملها شين ترى تأثيرها شين ,,,

ومن رايي ان الزوجه الذكيه تعرف يكيف تكسب بوجها واهل زوجها وحتى عديلتها ,,,

ودمتم بود

[العـــــــــ روح ــــين]

حبيت اضيف رايي في هالموضوعانا ضد الزوجه الثانيه لاني اشوفها تعق عمرها في المشاكل هيه في غنى عنها