المساعد الشخصي الرقمي

مشاهدة النسخة كاملة : هل ممكن أنك تحب شخص عمرك ما شفته في حياتك ؟؟؟


HOOOOR
19-12-2005, 05:08 PM
هل ممكن انك تحب شخص عمرك ما شفته في حياتك ....!!!



سؤال تبادر الى ذهني في هذه اللحظة...
وحيرني الجواب...
ولم استطلع الاجابة عليه لوحدي..
لذا ارتأيت ان تشاركوني الجواب.....
فهل من الممكن ان تحب شخصا عمرك ما شفته في حياتك ....!!!


لربما عرفته من خلال شبكة الانترنت .. في احد المنتديات او كلمته مسنجر او في شات ...
اوتحدثت معه من خلال الهاتف..!!

هل من الممكن ان تكون المحادثات المسنجرية او الشاتية او الهاتفية كافية كي تعرف وتحب شخص معين..!

ام انك ضد هذا النوع من الحب..
لانك تعتبره تسلية وقضاء وقت وتعبئة فراغ فقط ..
وهنااااك الكثيرين ممن يلعبون بمشاعر الاخرين...!!
:


وهي الروح..
هي الروح من تحب ...
هي تتآلف مع روح اخرى تعرفت عليها فوجدت عندها الحب..
والامان والطمأنينة والسلام...
وكانت اقرب من روحها اليها..




لا داعي ان تتلاقي الاجساد والعيون..
كي نحب ..
لا داعي ان نكون قريبين من بعضنا البعض كي نحب..
فالحدود والمسافات لا تمنع قرب القلوب والارواح من بعضها البعض..
فالمشاعر والاحاسيس الجميلة الطيبة..
تلغي المسافات والحدود والابعاد الزمانية والمكانية..
وتلغي الوجود..



واننا نحبهم رغما عنا...
ودون سابق انذار منا..
ونتعلق بهم..
ونتعود عليهم..
فنلتصق بارواحهم..
التصاق الروح بالروح..
وتكون ارواحهم لارواحنا قرار..




اخي واختي ..
هل تؤيد او لا تؤيد هذا النوع من الحب..!!
وهل احببت شخصا لم تعرفه ولم تراه ابدا في حياتك...!!
مدمـــ الحر ــع
19-12-2005, 10:26 PM
واي نت؟؟

أحس أنه ممكن هالنوع من الحب ..

مب شرط الحبيب او الحبيبه تكون بنت العم أو بنت الييران وبس ..

الحين المجال نفتح أكثر ..

وعمر الشكل ما كان أهم من المضمون


((الصراحه ما مريت بتجربة لين الحين ..

يوم بيصير بعطيكم خبر ))




هاذا راي

^_^
HOOOOR
20-12-2005, 06:08 PM
تسلم اخوي على حضورك الحلو

دمت سالم
بنت بلادي
23-12-2005, 12:31 AM
مرحبــا اختي Hooor

مشكوورة وايد على موضوعج الغاوي

انا هييه نعم أؤمن بوجود هالحب .. وأحس انه عادي وايد اتصــير انه الواحد أو الوحده بحبون قبل لا يشوفون اللي يحبونه ... واخرتها يلجؤون للزواج كحل حتى قبل لا يعرف شكل اللي يحبها او هي تعرف شكله !!

نفس ماقلتي اختي .. كان تقارب ارواحهم من بعض هو السبب الرئيسي في هالنوع من الحب .. لا لجمال ولا لمال ولا لغيـره .. مجرد انه روحه وروحها اتفقوا ويا بعض ...

وتقارب الارواح واتفاقها براييي انه من اهم العوامل لحياة ناجحه وزواج ناجح !! .. لانه هالعامل مهما طافت الايام وعدت السنوات يتـم ويظل لانه تجاوز الحدود الماديه والجسديه المحدوده بزمان وعمر محدود ..

فانا اؤيد هذا النوع من الحب بشرط ان يكون الانسان واثق من اللي يحبه و يتممون هالحب بالزواج .. يعني مايتمون جييه بس حب وعذاب عالفاضي ... لاني اعتقد انه الواحد بيتعب وايد عقبها وبيضيع وقته على حب وهمي .. يتعلق فحد مايعرفه ويعرف اخرتها انه مستحيل ياخذ اللي يباه .. وجييه بيتم ضايع مايعرف شو يسوي !!!!!

السموحه .. ^_^ بس ها راي

تحيــأتي
الغزال العنيد
23-12-2005, 02:55 AM
مرحبـــا أختي

الصراحه موضوع في قمه الروعه
انا من رأيي اؤيد هذا النوع لانه مب كل حب لازم يصير بالشكل يعني يشوفها يحبها
مب شرط ممكن يصير يحبها من يسمع صوتها أو من يعرف شخصيتها يعني مثل هذيل اللي ع المسن
وفي منهم يشوفون بعض يحبون بعض
لانه يوم الشخص بيحب مثل ع المسن ولا ع المنتدى أو هالاشيه يوم بيشوف حبيبه
بيشوف ملاااااك الكون حتى لو كان اخسف واحد في هالعالم
ومثل ما قلتي
واننا نحبهم رغما عنا...
ودون سابق انذار منا..
ونتعلق بهم..
ونتعود عليهم..
فنلتصق بارواحهم..
التصاق الروح بالروح..
وتكون ارواحهم لارواحنا قرار..

لانه هالشي ما بيكون بيدهم
واسمحلي ع الرأي البسيط
أختج
الغزال العنيد
HOOOOR
26-12-2005, 06:41 PM
تسلمون اخواني على حضوركم الحلوووانا احترم رايكم دمتم سالمين
بنـ الموون ـت
26-12-2005, 07:06 PM
مشكوووووورةاختي
بنـ الموون ـت
26-12-2005, 07:06 PM
مووضووعج حلو بس اقوولج اني حبيت شخص بدون ما اشوووفه او بالاحرى كلنا (كل المسلمين) حبوا هالشخص بدووون ما يشوفونه >>>>>>>>>حبينا بس من سيرته الطاهره الي اثرت وما زالت تأثر في المسلمين كلهم وهو رسولنا الكريم ولو سألتي أي حد ليش تحب الرسوول بيعطيج اسباب ما تكفي ان توضع فكتاب >>ظهرت برى الموضوع والا بعدني داخله؟؟؟؟:) اما على صعييد النت و الكمبيوتر فانا ما مريت بهالتجربة
HOOOOR
26-12-2005, 08:01 PM
تسلمين بنت المون على حضورج الحلو
عيناويه_حييل
31-12-2005, 04:16 PM
مرحبا!!!! أحس ان لو وحده حبت واحد والله بتحبه لدرجه بتسويله أي شي حتى لو اتعرفوا على بعض من النت بس يكون ثقه بين الاثنين بس أنا الصراحه أقترح البنت اتحب واحد اتعرفه أو أهلها يعرفونه تمام عشان مايفكر أبد يلعب عليها و عشان ألحين الشباب محد يثق فيهم. السموحه يا شباب
و اختي مشكوره على الموضوع الحلو.
فامان الله
اختكم عيناويه_حييل
{ نبض آخر !
31-12-2005, 10:05 PM
نعم بكل تأكيد .. فأحيانا نتعلق بالشخص فقط بمجرد ما نسمع شخص آخر يتحدث عنه.. وهذا ينطبق على بيت الشعر الآذن تعشق قبل العين آحيانا

أما بالنسبة للحب في المنتديات والتي تطرقتي لها في حديثك .. فهذا أمر نادر حصوله.. ولكنه أمر رائع للغاية.. ومن يدري ربما تتطور هذه العلاقة إلى الزواج.. هذا يحدث إذا كانت مبنية على الصدق بين الطرفين وعدم التسلية

تسلمي ع الطرح المميز عزيزتي حور
وبالتوفيق لك

أرق التحايا

شوق العين
بنووتة
01-01-2006, 03:08 PM
موضوعج حلووووو وانا احس ان الحب ممكن يصير من دون الشكل صح شكل مهم بس احسه من الأشياء الأولوية في الحب الأن لو صار فعلا الحب بين شخصين فمش من ضروري أنهم يشوفون بعض يكفي انهم يسمعون اصوات بعضهم الأنه الصوت من دون الأشياء الثانية الشخص يتعلق بمحبوبة بس هذا الحب الحين نادر الأنه الحب لو تكون في الجات او الماسنجر يمكن اي الطرف من الأطراف يلعب بمشاعر الثاني عشان جذية في هالوقت ما أومن أن الحب هذا صدق فاحسن للبنية انها ما تحب حد لين ما تعرس
و مشكورة اختي على الموضوع الحلووو
عيناوية بطرانة
01-01-2006, 04:14 PM
انا ويا عيناويه حيييل مااصدق حب الشات او المسنجر او التلفون لان يمكن يكون تسلية واذا تطورت العلاقه صدقيني بيكون انجذاب بس مايسمى حب للشخص الي تعرفينه عن هذا نوع من الطريقة وبعدين مسستحيل تكون نهاية هذا الشي زواج لان الريال مستحيل يقبل ياخذ بنت كلمها بيصير يشك فيها حتى لو هي مافيها شي هذا الي عندي وانا ماجربت حب من هذا النوع لان اصلن مافي حب بهالطريقه
HOOOOR
16-01-2006, 06:28 PM
تسلمووون حبايبي على حضوركم الحلووو

يعطيكم الف عافيه

دمتم سالمين
ريــ alain ــم
10-04-2007, 02:58 AM
السلام عليكم ورحمة الله وبركاته ..

طرح راااائع

تسلمين غاليتي
.

الحب أجمل شي في الحيااة

بس من يقدر الحب في زمنا

زمن الخيانــــة ^^

> هل ممكن أنك تحب شخص عمرك ما شفته في حياتك ؟؟؟

انا من راايي

انه مافي حب حقيقي

الحب الحقيقي هو الحب بعد الزواج

لانه الاحترام هو اساس الحب

وهو الي يخليك تستمر مع الطرف الثاني

والله يسعدكم و يملي حيااتكم بالحب وطاعة الله ^^


احترامي وتقديري
الريم