راعي مقالب
03-06-2002, 08:01 PM
هلا ومرحبا اخواني الكراااااام
احب اطرح عليكم موضوع ومن اهم المواضيع الي لازم نشووف لها حل جذري ومقنع
الموضوع عن نسبة طلاق البنت الاماراتيه
اليوم الصبح وانا كنت في المحكمه شفت شي غريب وماقدرت استوعبه وحسيت بقشعريره تسود جسمي
اليوم كان في 10 من الشباب هم واهاليهم كانوا في المحكمه والسبه الطلاق
شدني المنظر فحبيت اسال واحد من هذيل الشباب قلتله بعد ماسلمت عليه اخوي شو صاير
ليش هالمه قالي هذي الفشخره الي مالها لازم توصل هنا ويضحك تعجبت من اسلووب كلامه قلتله كيف يعني
رد علي وقال انا عقد قراني منذ شهرين لاكن واجهتني ظرووف خلتني اطلق البنت
قلتله وش هي الظروووف الي تخليك تطلق ولو فيها ثقل مني
قال لا اخوي انا بقوولك قال انا موظف استلم 5500 درهم يقصوون البنك علي سلفية السياره
والباقي منه مبلغ وقدره 4000 قال انا اعوول اهلي واساهم في البيت يعني قال ادفع 1000 درهم لاهلي
ويبقى 3000 درهم وطبعا وانت عارف يووم الملجه لازم تدفع مهر وقدره عشرين الف درهم والشيووخ ماقصروا وساهموا في اعطاء المواطن مبلغ وقدره 70000 الف درهم على جزئين لاكن انت يوم تيجي تملك تصبر تقريبا 8 شهوور الين ماتووصلك اول دفعه
المشكله الي صادفتنا ان اهل البنت يبوون عرس كامل يعني خيم من البداد وشبكه والزهبه
وماخر للبنت بعد سنه
وهذا المؤخر تقريبا 30000 الف درهم
قالي لو انت جييت وحسبت المبلغ كامل للعرس كم بيوصل
قالي خيمة البداد الوحده كامله تقريبا 500 شخص والعشا عليهم 750000 الف درهم يعني الي جا من الشيوخ طول الله عمارهم راح لحفلة الزفاف والعشا وتدفع خمسة الف درهم
طيب المهر 20000 الف من وين اجيبه والمؤخر والشبكه والزهبه وهذي البلاوي من وين اجيبها وانا راتبي مايصفى منه غير 3000 الف درهم
وبعد العرس من وين بصرف على حرمتي
ومن وين ادفع فواتير التيلفوون وبتروول لسيارتي ومصروفي الخاص
واحتياجات البيت
قال الناس ماتهمهم غير المظاهر اني اسويلهم عرس بالي يبونه واجيبلها من احسن الاطقم واجود انواع الذهب
طيب هم مافكروا كيف راح اعيش حرمتي بعد العرس
من وين اصرف على المسكينه
حاولت احل المشكله واقنع اهلها لاكن بدوون فايده
وللاسف هذيل من اهلي بعد طيب لو رحت عند ناس غرب وش بيسوو فيني
سالته بعد تفكير طيب وش ذنب المسكينه تحمل شعار ولقب مطلقه ونظرت المجتع لها وكلام الناس ليش طلقها قبل مايدخل عليها
قال وكلامه متقطع ياخي الناس ماتقدر شي ابدا
وبعد سكووت مني ومنه
قالي ياخوي تعرف
انا لو يجينا واحد في البيت واعرفه انه ريال وقد المسؤوليه والله ماتشرط عليه اقووله سو وسو
لاكن خليها على الله
قلتله وش بتسوي قال بتزوج من خارج البلاد وهذا الحل الصحيح
وانا صراحه قلتله رايك في محله دام المساله وصلت لهذي الدرجه
وهذا الي جاعد يصير وحتى يوم عرفت انه نسبة المطلقات صارن تسعين في الميه والله خفت
60 في الميه قبل الدخله و 30 بعد الدخله
تحسفت
ومن هذا المنطلق الحين الشباب يتزوجون من خارج الدوله
يتزوجون من الاجنبيات
طيب يااخواني شو رايكم في الموووضوع يحتاج الى عمل ومساهمه من قبلكم
وانا اايد رايه بصراحه الفشخره الزايده واللعبه هذي يعني عرس يكلف 75 الف درهم ليش البطره هذي وفي من الاعراس ماتوصل فوق فوق
ياخي لو يسوون عرس على قد الحال مب احسن
لاكن حسافه والله
تسلمون على قرائتكم للموضوع
اخوكم راعي مقالب
(hi)
احب اطرح عليكم موضوع ومن اهم المواضيع الي لازم نشووف لها حل جذري ومقنع
الموضوع عن نسبة طلاق البنت الاماراتيه
اليوم الصبح وانا كنت في المحكمه شفت شي غريب وماقدرت استوعبه وحسيت بقشعريره تسود جسمي
اليوم كان في 10 من الشباب هم واهاليهم كانوا في المحكمه والسبه الطلاق
شدني المنظر فحبيت اسال واحد من هذيل الشباب قلتله بعد ماسلمت عليه اخوي شو صاير
ليش هالمه قالي هذي الفشخره الي مالها لازم توصل هنا ويضحك تعجبت من اسلووب كلامه قلتله كيف يعني
رد علي وقال انا عقد قراني منذ شهرين لاكن واجهتني ظرووف خلتني اطلق البنت
قلتله وش هي الظروووف الي تخليك تطلق ولو فيها ثقل مني
قال لا اخوي انا بقوولك قال انا موظف استلم 5500 درهم يقصوون البنك علي سلفية السياره
والباقي منه مبلغ وقدره 4000 قال انا اعوول اهلي واساهم في البيت يعني قال ادفع 1000 درهم لاهلي
ويبقى 3000 درهم وطبعا وانت عارف يووم الملجه لازم تدفع مهر وقدره عشرين الف درهم والشيووخ ماقصروا وساهموا في اعطاء المواطن مبلغ وقدره 70000 الف درهم على جزئين لاكن انت يوم تيجي تملك تصبر تقريبا 8 شهوور الين ماتووصلك اول دفعه
المشكله الي صادفتنا ان اهل البنت يبوون عرس كامل يعني خيم من البداد وشبكه والزهبه
وماخر للبنت بعد سنه
وهذا المؤخر تقريبا 30000 الف درهم
قالي لو انت جييت وحسبت المبلغ كامل للعرس كم بيوصل
قالي خيمة البداد الوحده كامله تقريبا 500 شخص والعشا عليهم 750000 الف درهم يعني الي جا من الشيوخ طول الله عمارهم راح لحفلة الزفاف والعشا وتدفع خمسة الف درهم
طيب المهر 20000 الف من وين اجيبه والمؤخر والشبكه والزهبه وهذي البلاوي من وين اجيبها وانا راتبي مايصفى منه غير 3000 الف درهم
وبعد العرس من وين بصرف على حرمتي
ومن وين ادفع فواتير التيلفوون وبتروول لسيارتي ومصروفي الخاص
واحتياجات البيت
قال الناس ماتهمهم غير المظاهر اني اسويلهم عرس بالي يبونه واجيبلها من احسن الاطقم واجود انواع الذهب
طيب هم مافكروا كيف راح اعيش حرمتي بعد العرس
من وين اصرف على المسكينه
حاولت احل المشكله واقنع اهلها لاكن بدوون فايده
وللاسف هذيل من اهلي بعد طيب لو رحت عند ناس غرب وش بيسوو فيني
سالته بعد تفكير طيب وش ذنب المسكينه تحمل شعار ولقب مطلقه ونظرت المجتع لها وكلام الناس ليش طلقها قبل مايدخل عليها
قال وكلامه متقطع ياخي الناس ماتقدر شي ابدا
وبعد سكووت مني ومنه
قالي ياخوي تعرف
انا لو يجينا واحد في البيت واعرفه انه ريال وقد المسؤوليه والله ماتشرط عليه اقووله سو وسو
لاكن خليها على الله
قلتله وش بتسوي قال بتزوج من خارج البلاد وهذا الحل الصحيح
وانا صراحه قلتله رايك في محله دام المساله وصلت لهذي الدرجه
وهذا الي جاعد يصير وحتى يوم عرفت انه نسبة المطلقات صارن تسعين في الميه والله خفت
60 في الميه قبل الدخله و 30 بعد الدخله
تحسفت
ومن هذا المنطلق الحين الشباب يتزوجون من خارج الدوله
يتزوجون من الاجنبيات
طيب يااخواني شو رايكم في الموووضوع يحتاج الى عمل ومساهمه من قبلكم
وانا اايد رايه بصراحه الفشخره الزايده واللعبه هذي يعني عرس يكلف 75 الف درهم ليش البطره هذي وفي من الاعراس ماتوصل فوق فوق
ياخي لو يسوون عرس على قد الحال مب احسن
لاكن حسافه والله
تسلمون على قرائتكم للموضوع
اخوكم راعي مقالب
(hi)