رمستنا الأولية

[عيون_المها]

رمستنا الأوليةا
لرزيف: رقصه رجاليــّـــه ...

الردحــــه : رقصها مشهوره عند الحريـّــم ...

البذوار : الطير ( الصغير ) شوي اكبر عن الفرخ ...

الشرياص : الطير الصغير قبل لا ايغدي طير لكنه ايرووم ايطير ..

الصرود : السفره من الخوص ...

الخوص : سعف النخيل ..

الدعووون : هو جدار البيت المصنووع من الخوص اليابس والمترابط بحبل

البارجيل: مكيف الخمسينات ابراج مرتفعه من اللبن يدخل الهوا البارد لها ...

الجازول : اخر الخطام ( اخر الحبل ) ...

الشداد : ما يوظع ع الرجاب كي تجلس عليه وتسيطر به ع الرجاب ..

السردال :امير مراكب الغوص ....

الجيون : اللولو ..

التبر :الذهب ...

الخرج: جيب من السدو...

الحنّــه :الحنطه ......

اليعده :دوا ...

الفلاس : جرار يحطون به ويحفظون به التمر ...

الخرس: وعاء مخرووطي قاعدته مستديره والقاعده لاعلى لحفظ الماء بارد ..

الزل : السجاد ....

الغلس : انسان مايعرف الاتيكيت ف الكلام ....

الزربو: جوارب ... دلاغ ...

الدمـّــاج او الدمـّــاك : هو الخلال اللي يطيح من النخله ويكون لونه اسود وطعمه احليو ...

البيالــه : فنجان الشاي ... ( استكانه ) ..

الخوّاره : الناقه اللي خارت قواها امررره ..

اليفول : الناقه لي ترتعب من اي شي ...

عونك : بمعنى لبيه او ياك العون ...

الاملح : الاسود ....

مملوح : وسيم ..

اليفره او الجفره الحفره ..

نهي : بمعنى ذهب اي سار

هيد: ..توقف او تريث

زويه : تطلق على الحَمّام قديما

طنب : القطعة التي تصل ما بين زوايا الخيمه

العرقوب : المرتفع من الأرض

غدف : خلف او بعد الشيء

السولعي : ذات الرقبه الطويله

الحر: نوع من انواع الصقور

الدقل : عمود الساريه للسفينه

الحِبْ :نوع من انواع الجرار الفخاريه يكون كبيرا نوعا ما يوضع فيه الماء قديما ليبقى باردا

السقا والثبر :... اي المد والجزر

يونيه : تطلق على الخيشة

الظو : يطلق على النار

السبلة : تطلق على الحجرة

المنز : تطلق على مهد الطفل

البيدار : تطلق على اللي يشرف على المزرعه

يواقع : معناتها اللي يعصب او يصارخ على غيره

يزقر : معناتها ينادي

طـــــريت : ( ذكــرت أو قلــت ) ..

غبـــــنه : ( غـــــصه ) ..

حشــــى عليه : ... ( للانكـــار ) ..

صـــــوحي : ( ســــــري ) ...

يبــــوح : ( يفشي).....

ســـــرى : ( رحــــل ) .....

ضــــوى : ( رجــــع)

قيـــــلت : ( اليلـسه في مكان معين لين فتره الظهر)...

المبيـــت : ( ييلس الشخص في مكان معين لعده ايام).....

عــزرت : ( اجبرت) ....

يواجع : معناتها اللي يعصب او يصارخ على غيره

غثيتنـــــا : ( أذيتنـــــــا ) ....

الغشيـــــم : ( اللي ما يعرف شي ) ....

انعتنـــــي : ( دلنـــــي ) ...

ســـرينــا : ( روحنـــــا ) ...

جــــدى : ( صــــوب ) ...
هووود : عند الدخووول الى أي مكان ...

يا لقعتيه : ( يا مصيبتيه)

يا عثرتيـه : ( يا مصيبتيه)

انقفض : ( استعيل)

خــاري : ( برع )

صدعه : (حشره أو ازعاج)

السيح : المكان الواااسع المترامي الاطراف

هذربان : كلاام ورمسة مستمرة

هــــــــزرك : ( ظنـــــــك )

طبـــــــزني : ( ضــــربني )

[شروق الشمس]

تسلمين اختي على هذا القاموس :)

والله يعطيج العافية

[عيون العين]

ما فيج حيله :) كفيتي وفيتي اختي عيون المها ما شاء الله قاموس محلي :D تسلمين اختي ما قصرتي ويزاج الله الف خير .. مشكوره على هذا الموضوع الثريا تحياتي لج (hi) (أضربك) (hi) عيـــــــــــــــــــــــــون العيـــــــــــــــــــــــــــــــــــن (أضربك) (hi)

[زهـرة الـوادي]

ماشاء الله عليج يا عيون المها
عيني عليج بااااااارده .. موضوع جميل جدا
و يعطيج الف عافيه

[الوعد]

تسلميـــــــــن اختي عيون المها

الله يعطيج العافيه

[رأس الحية]

والله ماشي احلى من رمسة زمان اول ..

تسلمين اختي عيون المها على هالمشاركه ..

وربي يوفقج ان شاء الله ..

تحياتي ..

[عــيـ دبـي ــون]

عيون_المها
تسلمين أختي على هذي المشاركة الرائعة
والله يعطيج العافية