الشهادة الجامعية في ذمة الله

[غميله]

السلام عليكم ورحمة الله وبركاته

إخواني وأخواتي

"الشهادة الجامعية في ذمة الله"

فأصحاب الشهادة الجامعية تنازلوا عنها للعمل بالشهادة الثانوية العامة..

فالعمل في القطاعات الحكومية والخاصة يفضلون شهادة الثانوية العامة على الشهادة الجامعية..

فمثلاً سأخبركم عن موقف مر بي:

" قدمت للعمل في احدى الدوائر الحكومية في الدولة بالشهادة الجامعية.. قالو بنشغلها بس بشرط تتنازل عن الشهادة الجامعية وتسجل بشهادة الثانوية العامة والعمل في تخصصي .. عندي خبرة.. وعندي مؤهل ما بعترف فيه.. وأوقع تعهد إني ما اطالب فيه يوم من الأيام.. طبعا رفضت"


الحوار مفتوح للجميع

شو رايكم باللي حاصل؟؟!

بتتنازل عن الشهادة الجامعية من أجل العمل؟؟!


بانتظار ردودكم

[الرايقه]

اختي غميلة ...

ما بروم اناقش لاني ما دخلت الجامعه عسب اشتغل بعدين ...

لكن اللي اعرفه اني ما بتنازل عن تعب سنين عسب الشغل ...

الا اذا انا محتاااجه هذا شي ثاني ...

تحياتي للجميع :)

[صدى بوظبي]

وعليكم السلام ورحمة الله وبركاته...

تسلمين الغالية على هالموضوع..


شو يعني الواحد عنده شهادة جامعية.. ويودر شهادته لأنهم يبون يوظفون بشهادة الثانوية العامة..؟!!

لو جي الأفضل انهم ما يسوون جامعات ويخلون الناس يتعبون ويكملون وما يشجعونهم..

صحيح في ناس محتاية وأكيد انهم راح يقبلون الوظيفة بشهادة الثانوية.. مع انه الفرق في الرواتب

أكيد بتكون كبيرة (ثانوية عامة .. جامعي).. الله يكون فعونهم..

اللي لاحظته فبوظبي الحمدلله الوظايف متوفرة (سواء للثانوية العامة أو الجامعية) ..

ما أدري يمكن فيه أماكن تتبع هالطريقة..

[أمواج]

وعليكم السلام ورحمة الله وبركاته

أختيار موفق أختي غميله لموضوع نعاني منه نحن خرجين الجامعات
مادري ليش ما يوظفون اللي عندهم شهادات جامعية قبل كانوا يقولون نبى موظفين جامعيين و يوم خذنا الشهادة قالوا نبى اللي عندهم ثانوية عامة هذا كله عشان ما يدفعون روات كبيرة للجامعيين الحمد الله البلاد في خير ونعمة وبدال ما يشغلون الوافدين و يعطونهم رواتب عالية عيال البلاد أولى ولا عايبتنهم البطالة اللي كل يوم تزيد....سمحيلي طولت عليج....لو حصلي نفس موقفج أكيد ما بتنازل عن شهاتي الجامعية اللي تعبت لين ما خذتها....

[شواقه]

وعليكم السلام ورحمة الله وبركاته..
نحن وياج باللي سويته..

مستحيل اخلي تعبي وتعب اهلي يسير خساره..
بس ف نفس الوقت مابخليهم يحسون انهم تغلبوا عليهم ..

لو منج يمكن اوافق وفي نفس الوقت بدور ع مكان ثاني..
بتم لين احصل مكان ثاني وعقب بظهر عنهم..
منها اكتسبت خبره ومنها عدلت مثلا وضعي المادي..
الواحد يبدا من الصفر..
ومايخلي الأشياء او المتطلبات اللي شرات هاي تهزمني ولاتعجزني..

والحين صارت الدنيا وااايد صعبه..
بس الاصعب اذا ماقدرنا نواجها..

والله يسر امرج..وتحصلين شغل :)
والسمووووووووووحه منج

[غميله]

مرحـــــــــــــــــبا

أخواتي..

فعلاً الحياة صارت صعبة..

وتغيرت الأمور..

لكن هذا التغير أثر في طموحاتنا وأحلامنا..

تسلمون على مشاركتمن وابداء الراي..

ونحن بانتظار ردود باقي الأعضاء..

[درام_الحب]

أختى غميله ..

انا سمعت بها الشي .. و خاصه فى بعض الوزااارات ..

صح نحن ندرس و نكرف و فى الاخر يقولون لنا بنشغلكم بشهاده الثانيويه ..
اتعرفين ليش هم يسون جيه ..

لانه معاش الى عندها شهاده جامعيه واااايد اكثر من الى عندها شهاده ثانويه .. و من جيه بيوفروووون الالف .. بس ها التوفير ما اي على الاجانب اي على اعيال البلاد الى هم اهم من الى الاجانب ..

هذا الى انا شوفه .. و احس على الدوله تحط قانون لها الشي .. لانه الصراحه تسيب ..

و مشكووووره الغاليه على الوضوووووووع .. و تسلمين ..

تحياتي
درام الحب

[غميله]

يا مرحبــــــــــــــــــا

تسلمين الغاليه على ردج ووجهة نظرج..

لكن الين متى بتم الشهادة الجامعية غير مرغوبة في أغلب القطاعات؟!!

[روائع]

الشهادة الجامعية في ذمة الله"

شو رايكم باللي حاصل؟؟!

بتتنازل عن الشهادة الجامعية من أجل العمل؟؟!
غلط و أكبر غلط ،،، و أكبر صح اللي سويتيه أختي،،،
أولاً المفروض أصحاب العمل ما يطالبون بهالشئ ،،، يعني الواحد ما يتعب و يدرس في الجامعة و تاليتها يتخلى عن شهادته بهالسهولة ،،، إلا إذا اهي ما تعني له شئ ،،،و اللي سويتيه المفروض كل متقدم للعمل يسويه و أصحاب العمل إذا شافوا الكل متمسك بهالشئ و احتاجوا لناس يشتغلون عندهم بيتنازلونعن هالشرط ،،، أما إذا اكو نا تتنازل عن شهادتها و تبيعها بهالسهولة ،،، ماكو فايدة لتمسك باجي الناس لأن أصحاب العمل يدرون إن اكو بديل بيقبل شروطهم و ينطرونه ،،، و بيلقون واحد،،،


مشكورة أختي غميلة،،، على الطرح المهم،،،
؛¤ّ,¸¸,ّ¤؛°`°؛¤ روائع ¤؛°`°؛¤ّ,¸¸,ّ¤؛

[غميله]

أهلاً أهلاً

الغالية.. روائع..

وأنا معااااج.. وجهة نظرج صح 100 %..

ولكن إذا وحدة محتايه بتتنازل عنه بسرعه وبدون تفكير..

وأحيانا الملل يذبح العاطل فيتقدم لأي وظيفة عسب يشغل وقته..

سبحان الله الظروف تحكم..

وهذي القطاعات على يقين بأن مليون ألف واحد يتمنى يشتغل عندهم وبشهادة ثانوية عامة..


تحياتي