خروج الفتاة مع رفيقاتها (مناقشة)

[الفراشة]

http://www.imamsadeq.org/IMAG/besmbook-01.gif

..السلام عليكم ورحمة الله وبركاته..
رأيت هذا الموضوع في أحد المواقع وهو بالفعل يستحق المناقشة ..http://www.alkitbi.net/vb/images/icons/icon14.gif



كل عائله تختلف عن الأخرى .. وكل عائله عادات بيتهم تختلف عن البيت الآخر..

ولكل عائله رأي مختلف .. إلخ..

المهم ..
هنا فتيات يخرجن مع رفيقاتهن(وليس مع أهلهن) إلى الأماكن العامة ...اممم
مثلاً للذهاب إلى التسوق ..إلخ...

ونحن نود مناقشته هو ...رأي الأخوة والأخوات..





..


سؤال الأخوة ...

هل تــرضـــى لأختك الخروج مع رفيقاتها ؟؟ولماذا؟؟

مارأيك في منظر الفتيات في الأماكن العامة( يعنـــي شـلــة بـنات ) ؟؟؟




وسؤال للأخوات ..


مارأيك في الخروج مع رفيقاتك والخروج مع أهلك ..؟؟؟


هل تحسين بأمان مع رفيقاتك ؟؟ولماذا؟؟

أتمنى من الجميع المشاركة ومناقشة الأمر :)

:)


http://www.al-wed.com/pic-vb/101.gif
http://www.amretasgraphics.com/rose/valentine/rose_line02.gif

[المصعبـــي]

أشكـــرج أختي الفراشــة على طرج هالموضوع ...

انا طبعا مو موافق ... حتى لو كانت مب شله ...

يعني لو كانت اختي ويا ربيعتها بروحهم ... صح الثقة موجودة .. بس مايندرى شو بيصير ..

والدنيا مافيها أمان .. وياما شفنا حركات شباب ...

وبعدين في الاول والاخير كلام الناس .. وحدة ظاهره ويا ربعتها السوق .. وين الاهل ووين الرقابه ..

أنا الصراحة البنة اللى تسوي جي .. تطيح من عيني


والسموحة

[شوق زايد]

وعليكم السلام ورحمة الله وبركاته ..

الغالية .. الفراشة ..
موضوع يستحق المناقشة فعلاً ..
لكن ما عرفنا رأيكِ أنتِ فيه http://www.alkitbi.net/vb/images/icons/icon12.gif

المهم .. رداً على إستفسارك :)

مارأيك في الخروج مع رفيقاتك والخروج مع أهلك ..؟؟؟
هل تحسين بأمان مع رفيقاتك ؟؟ولماذا؟؟





في البداية لازم نحدد سبب الخروج مع الرفيقات .. صح :)

بالنسبة لي .. إن كان الخروج (( ليس مع )) وإنما لـِ لقاء الرفيقات ..
فهذا يعتمد على :
مكان اللقاء .. مـدتــه .. ومع مـَـــن مـِــن الرفيقات سيكون هذا اللقاء ..
فـ للقائهن سأكون سعيدة .. وبالتأكيد ساعــيه .. وطامعه ..
ولكن .. بحدود أقيسها أنا علي شخصياً قبل غيري .. وحتى قبل أهلي :)

أما أن أخرج (( معاهن )) للـتسوق كما ذكرتِ ..
فهذا تصرف .. من التصرفات التي لا أُؤيــدها بتاتاً ..
فإن كنت أستنكر مثل هذه التصرفات والسلوكيات على غيري ..
فهل تظنين بأنني سأسلكها بإرادتي ..

الخروج مع الأهل في معظم الأوقات .. هو ما أسلكه ..
وإن لم أجد من يخرج معي منهم .. كـ الوالدة أو أحد الأخوة الشباب ..
فـ لا حاجة لي بالخروج .. لـذا أأجـل خروجي حتى يتفرغ لي أحدهم ..


أما عن نقطة الإحساس بالأمان مع الرفيقات ..
الأمان موجود ما دام الشخص محافظ على نفسه .. وعلى سلوكياته ..
وعلى نظرة غيره له .. وعلى ثقتهم به ..
فـ لا أظن بأن الأمان يحسب على الفرد .. برفقته مع أصحابه ..
بقدر ما يحسب على إحساسه هو بأن ما يقوم به ويتصرفه يشعره بالأمان وإن كان وحيداً ..
الأمان .. مصدر داخلي للشخص .. مبني على قناعاته .. ومبادئه ..
وربما يزيد من ذاك الأمان ( قرابة ) الشخص الذي يرافقك من نفسك ..

ولكن .. يبقى الأمان الشامل ..
والرفقة التي أعشقها دائماً .. وأستمتع بكل لحظاتها ..
خروجي مع أخوتي الشباب أكثر من أي شخص آخر ..

[بيرلا]

** الفراشـــة **

بـــات من الضروري أحيانا خروج الفتاة خارج البيت
ونعلم بأن من ربّين تربية حسنة لا نخــاف عليها من الانحراف
ولكن لا نعرف أإذا الشيطان كان أقوى من الفتاة ام لا !
ربما يغويــها حتى ولو كانت برفقة أهلها
وهذه نقطة لا أريد التطرق إليهـــا (لأنها تعتمد على قوة تربية البنت التي تخرج حتى مع أهلها)


أما بالنسبة لخروجهـــا مع شلّة من الفتيــــات

فلا أخفيك سرّاً أني أمشي والرجفة في رجلي حتى لو كنت مع الأهل !!
فأنا أعتقد ان معظم البنات من هن مثل حــالي !

ربما ليس الخوف وإنما لا أتأقلم ولا أحس بالامان حتى مع الاهل !!

الخوف من هذا الزمان يجبرني على قول هذا الكلام
لأنه لم يعد يهم لو كان الأهل ام لا مع الفتاة في السوق !! (الأمر سيــــان عند ذوي النفوس الضعيفة)

من رأيي ،، لو اضطرت البنت لتلبية دعوة رفيقتها ولو كان في مكان عـــام ،، شرط أن تذهب برفقة أهلها أو أخيها وليس أختها حتى ولو كانت اختها متزوجه!


أشكرك أختي الكريمة على موضوعك الرائع


بيرلا

[الفيلسوفة]

السلام عليكم ورحمة الله وبركاته

جزاج الله الخير الكثيــر ويعطيج العافيه..

انا ببدي رايي بصراحة,,

وسؤال للأخوات ..


مارأيك في الخروج مع رفيقاتك والخروج مع أهلك ..؟؟؟
طبعا الخروج مع اهلي شي طبيعي , بس انا الصراحة بقول لج..
يوم نطلع رحلة مدرسية لحديقة الهيلي مثلا..يوم اروح مع اهلي نفس الحديقة..في فرق..
يوم تطلعين مع ناس بنفس عمرج وفكرج..وناس اكبر واصغر منج يختلف تفكيرهم عن تفكيرج..حتى لو كانوا اهلي..ومثال:
يوم بلعب لعبة مثلا نفس قطار الموت : اهلي طبعا في البداية بيرفضون لانهم يخافون علي.
لكن ويا ربعي كلنا بنركب..كلنا فينا روح المغامرة..فهمتي..هني الاختلاف..
بس طبعا في النهاية اولا واخيرا برتاح مع اهلي اكثر..بحس بالامان اكثر..
لكن مو معناته اني ما اقدر اسوي شي الا مع اهلي..!
لكل جماعة مميزاتها..!!

هل تحسين بأمان مع رفيقاتك ؟؟ولماذا؟؟
اكيد بحس..شو اللي يخليني ما احس..
انا شخصيتي قوية ومتحملة مسؤولية نفسي , ومحافظة على كرامتي بلبسي بكلامي..
وعلى قولتهم يا جبل ما يهزك ريح..


لكـــن انا ارفض مبدا الخروج مع الريجات خاصة الاماكن اللي ما فيهااقسام للحريم مثل المراكز وجيه :
اذا جفت الموضوع من جهتي فقط بقول خلي يطلعون لان الثقة موجودة..
بس ما نقدر نعمم..!!
في بنات مو حق ثقة , وشبابا ما يصدقون على الله يحصلون وحدة بايعتها.!

فاعتقد ان الموضوع ما يعمم..بل يرجع للاهل يتناقشون فيه مع البنت..
اذا جاف الاب والام ان بنتهم ما يمكن الثقة بها ما يسمحون لها..
واذا البنت متدينة وحق ثقة..يخلونها...
لا يستوي الذين يعلمون والذين لا يعلمــون..!!

وشكرا...!!

[الغزال العنيد]

يزاج الله الف خير حبوبه ع الموضوع
بالفعل يستحق النقاش
أنا من وجهه نظري
اذا كنت بظهر ويا اربيعتي لازم اعرفها البينه عدل
والمكان اللي بنسير له
اذا المكان يناسبه اظهر له ويا اربيعتي ولا لاء
لانه مب كل مكان ينفع اتسيرين له ويا اربيعتج ارواحكن
مارأيك في الخروج مع رفيقاتك والخروج مع أهلك ..؟؟؟
أكيد شي فرق
الأهل 100% بكون مرتاحه ومطمئنه
بس اذا ويا اربيعتي يوم بظهرما بطمئن كثر ما انا مطمئنه ويا أهلي
وبعدين لو البينه خاطرها تظهر ويا اربيعتها خله اهلها يروح نفس المكان اللي هي بتروح له
ونفس شي من ناحيه اربيعتها
مب انه مرقابه ولا عله ع الرأس
لا بالعكس جذه بنطمئن أكثر
وهي و اربيعتها يتمشن اروحهم
هل تحسين بأمان مع رفيقاتك ؟؟ولماذا؟؟
أكيد بحس بالأمان عيل اشقى رابعتها مب لانها بنت زينه
أنا ما برابع وحده خايسه


والسموحه منج


الغزال العنيد

[الفراشة]

http://www.imamsadeq.org/IMAG/besmbook-01.gif

..السلام عليكم ورحمة الله وبركاته
تسلمون إخواني وأخواتي ع المرور و مناقشة الموضوع
وكل واحد وراايه ..:)

http://www.al-wed.com/pic-vb/101.gif

[شـذى]

السلام عليكم


هلا اختي الفراشة موضوع يستحق المناقشة


عن رايي حول هذا الموضوع


اول شي بتكلم عن نفسي

انا امي بالاصل كانت ما اتخليني اسير مع اربيعتي اي من مراكز التسوق طبعا يوم كنت اول اعدادي
و يوم اقولها ليش انتي ما تثقين فيني اتقول امبلا اثق بس ما اثق في الناس الي بتشوفينهم و انا اشوف الحين انه معاها حق

لكن كنت اسير ويا اربيعتي بحدود يعني بس اذا عدنا مشاوير حق المدرسة او شي جي و طبعا اختها العوده و امها ايكونون ويانا

وانا اصلا ما اسير السوق بليا حايه يعني جان ابا اشتري شي و اسير ويا امي و لا خالتي و الحين ويا خواتي لانه امي مربية و ما ترووم اتودر البيبي
و بعدين خواتي كبار يعني في الجامعه و احنا نظهر بحشمتنا

مثلا انا اليوم كنت ظاهرة و يا خواتي و كمن بنت من اهلنا سايرين محاضرة العريفي فمافي مانع يعني و هن كلهن كبار

و اذا موول ما حصلت حد ايسير ويايه مكان و انا محتاجه غرض آخذ اخويه ويايه هو مب من كبره بس ايمشي ( 12 سنه )

اما عن احساسي بالامان سؤاء ويا اهلي و او حد من ربعي
انا احس بالامان بكل الحالات لاني مب مسويه شي حرام و لني واثقه من نوعية البنات الي اظهر وياهن

و اكثر حد احب اظهر وياه

باباتي و طبعا لازم نفتتح السيرة بكوب كرك ايعدل المزاج *a3*
و احب اسير وياه انا و امي و جان حد من اخواني لنه ايكون رااااااااايق
لكن اذا اليهال و حشرة السيارة فاكيد انه بيتنرفز شوي


و السموحه على الإطاله


تسلمين حبيبتي الفراشة على الموضوع

في حفظ الرحمن *a9*

[عراقيه وبكل فخر]

في البدايه احب اشكرج على الموضوع الرائع

تحتلف قوانين الاهل من بيت لاخر ونبقى جميعا نفس العادات والتقاليد

بالنسبه لي

اشوف ماله داعي الخروج مع البنات اول شي في بعض تصرفات الشباب مو حلوه ولا تليق ولا حلو منضري وانا مع شلة بنات

ما اشوف لها داعي لان ممكن تزورني للبيت او اشوفها في مكان الدراسه او اكلمها في التليفون

اما اذ كنت اعرفها واعرف اهلها واعرف اخلاقها طبعا ممكن اطلع بس مو دائما ممكن كم مره كل كم شهر

طبعا ثقة الاهل موجوده ويعرفون الي اختاره

بس اشوف مالها داعي على الرغم امي ما تحب هالطلعات وما عندي بس اخت وحده وتزوجت بس ماحب اطلع مع ربيعتي حتى لو كنت اعرفها واعرف تصرفاتها


تحياتي

[الفراشة]

http://www.imamsadeq.org/IMAG/besmbook-01.gif

..السلام عليكم ورحمة الله وبركاته
تسلمون حبيباتي ع المرور الطيب..:)

http://www.al-wed.com/pic-vb/101.gif

[العـــــــــ روح ــــين]

في هالزمن انا ضد البنت الي تطلع مع رفيجاتها

[الفراشة]

http://www.imamsadeq.org/IMAG/besmbook-01.gif

..السلام عليكم ورحمة الله وبركاته
تسلمين ع المرور الطيب..:)

http://www.al-wed.com/pic-vb/101.gif

[حزن زايد]

السلام عليكم و رحمه الله وبركاته

بصراحه بغيت اشكرج اختي الفراشه على طرحج للموضوع اللي يستاهل النقاش

بالنسبه سؤال للأخوات ..


مارأيك في الخروج مع رفيقاتك والخروج مع أهلك ..؟؟؟

اول شي بسم الله الرحمن الرحيم
نبدأ نقاشنا

انا ودي اطرحلكم مثالين
مثال الاول

عن نفسي واللي هو :انا امي يوم اقولها بسير بيت ربيعتي تخليني بس مرات لا بس اذا قلت لها بسير بطلع مع ربيعاتي اول مره قالت لي لازم حد كبير معاكم يعني ام ربعيتي ولا اختها العوده ولازم مانتأخر
وبعدين قامت توثق من ربيعاتي و تخليني اسير معاهم بس لغرض معين يعني مثلا نشتري حق حفله التخرج ولا ربيعتي عازمتني ولا شي من الاشياء وبعدين صارت تخليني اطلع بس لانها واثقه ويوم اطلع لازم تعرف منو هالبنت وشو اصله ولا زم تعرف اشيا واايد عن البنت والحمدلله انا ماطلع الا مع بنات رابعتهم بسنين.. وببعدين انا من نفسي مااحب اطلع وااايد مع ربيعاتي لان اهلي وثقو مني فليش استغلهم

ومثال الثاني اللي هو رايي : مثلا اذا كانت بنتي طبعا لازم اعرف ترابع منو واكون واثقه من البنات
وانا من رايي دام الاهل واثقين فعادي البنت تطلع بس ماتستغلهم ترى اذا شالو الثقه من الصعب استرجاعه....وبعدين انا من رايي ان البنت يوم تطلع مع ربيعاتها غير يوم تطلع مع الاهل
انا ماقول انه الاهل طلعتهم مب شي بس الطلعه مع بنا ت كبرج و نفس تفكيرج كشخه يعني على الاقل تخلين هالطلعه ذكرى....واذا الاهل مايرضون يعني تطلع البنت مع اهلها و بعدين تواعد ربيعاتها في نفس السنتر وهني يكونون اهلها مطمنين ولا ان الاهل يمنعون من البنت كل شي بعدين البنت جي تتعقد
ويمكن تسوي شي مايرضي اهلها....

هل تحسين بأمان مع رفيقاتك ؟؟ولماذا؟؟

هي احس لاني الحمدلله واثقه من ربيعاتي ومن تصرفاتهم ومستحيل بنت كبيره ماتعرف ترابع منو

والسموحه اذا طولت عليكم بس حبيت اطلع اللي فخاطري لانه الموضوع جد يستاهل النقاش

تسلمين على الموضوع

تحياتي لكم
حزن زايد

[عيناوي عنيد]

تسلمين أختيه الفراشة على هالموضوع الحلو

وربي لا يحرمنا من مواضيعج ومناقشاتج




هل تــرضـــى لأختك الخروج مع رفيقاتها ؟؟ولماذا؟؟


أنا من أشد المعارضين أنا أختيه تروح ويا صديقاتها
لأن من السهل الناس أطلع الرمسة عليها وتكون في محور حديث الناس هذا إذا ما طلعوا إشاعات عليها ومثل ما قال أخويه المصعبي الدار ما فيها أمان يعني لو سارت ويا أهلها أو أخوها بيكون وايد أسترلها من أنها تروح ويا صديقاتها



مارأيك في منظر الفتيات في الأماكن العامة( يعنـــي شـلــة بـنات ) ؟؟؟

طبعا هالمنظر ما يعيبني أبدا لأنها تكون عرضة لكلام الناس وتكون مراقبة من الشباب وغيرهم فمن الأحسن ما يسرين شلل كل وحدة اتسير ويا أهلها


والسموحة على الإطالة

أخوكم

الجتبي العنيد

[الفراشة]

http://www.imamsadeq.org/IMAG/besmbook-01.gif

..السلام عليكم ورحمة الله وبركاته
تسلمون إخواني وخواتي ع المرور الطيب..:)

http://www.al-wed.com/pic-vb/101.gif

[شواقه]

تسلمين اختي ع هالموضع الجميل..

بالنسبه لي انا مرات اطر اظهر وياي ربيعتي عسب نزور وحده من ربيعاتنا..
بس سيره للأسواق والأماكن العامه..
ما احب اسير إلا ويى اهلي ولا واحد من اخواني عسب ماحد يتعرض لنا ولا يزعجنــا..

والصراح اامن لنــــــا ويى اهلنــا..
:)

[الفراشة]

http://www.imamsadeq.org/IMAG/besmbook-01.gif

..السلام عليكم ورحمة الله وبركاته..
مشكورة ع المرور الغلا :)
http://www.al-wed.com/pic-vb/101.gif

[زهرة الامارات]

السلاام عليكم
مشكوووووووووووره الغاليه علي الموضووع الغااوي

امممم عني اناا اكيد يووم بظهر مع اربيعاااتي بنسير مكاان بنااتي
وصح مثل مااقاالو اخوااني ان النااس مااتصدق اتشووف بس عسب اطلع الرمسه والاهل هب نااقصين وهااي سمعه لاازم انحاافظ عليهااا ... وطبعااا ويا الاهل السيره غير من الربع
الاهل في اماان اكثر طبعاااا... اماا الربع كلناا بناات يعن يشوو بنسوي اذا صاار شيء لااسمح الله
واحسن نتجنب الرمسه ...هو صح الطلعه وياا البناات حلو وونااسه بس كل شيء له حدوود
ومب حلوه في حق البنيه اتسير مكاان مختلطه وهم شله يعني شكله البنات غلط..... والسمووحه
ومشكوره اختي علي طرحج هذاا الموضوع الحلو

[قلـ الظبــي ــب]

مرحبا اختي الفراشه

مارأيك في الخروج مع رفيقاتك والخروج مع أهلك ..؟؟؟
انا وبكل صراحه لين الحين ماصادف ان طلعت مع ربيعاتي بروحنا الا رحلات المدارس و الكليه فماعرف شعور البنت يوم تطلع مع ربيعاتها لسوق او سنواتر ورحلات المدارس والكليات كلها علميه ونادر ماتكون ترفهيه
وبصراحه مالي غنى عن طلعت الاهل ووااايد اكون سعيده يوم اطلع معاهم ونحن بنات تقريبا ف نفس العمر يعني وجنه اصدقاء اكثر من خوات او بنات عم وخال والطلعات ماتكمل الا مع بنات اهلي

هل تحسين بأمان مع رفيقاتك ؟؟ولماذا؟؟
مااعتقد لان الامان مايكون موجود الا بوجود حد امن او مسؤول عنج وكبير

اختي الفراشه احب اشكر ع طرحج للموضوع

[بــــنت العفيـة]

الأصل أنّ النّساء مأمورات بلزوم البيت منهيّات عن الخروج

كم لك من الأجر لكتابتك هذا الموضوع ... فبه سوف تفقه الكثير من الناس في هذا الأمر الذي أصبح أمرا عاديا بالنسبة لفتيات أمتنا ...

جوابي لا أرضى أبدا لا أنا ولا أهلي ولله الحمد والمنة

إذا كان سفر المرأة للحج وهو فريضة يجب أن يكون مع محرم .. مثل أبيها أو زوجها أو أخيها ... وهذا متفق عليه بين المذاهب الإسلامية ..... فما بالك بسفرها إلى الخارج للدراسة أو للسوق
وزوج أختها لا يعتبر محرماً لها ... فبعض الفتيات تعتقد أن زوج أختها يعتبر محرما لها ... وهذا غير صحيح ...
أخيرا قال تعالى: "وقرن في بيوتكن" أي إلزمن البيوت فلا تخرجن منها إلا لحاجة ماسة


وفقك الله وسدد خطاك

[هــ دبـي ــاوي]

اسمحيلي يالفراشة وباختصار شديد وبدون مناقشة ارفض هالنظرية تماما

[شيخة الشامسيات]

سلااااااام من الشيخة للشيووووووووووخ

مارأيك في الخروج مع رفيقاتك والخروج مع أهلك ..؟؟؟
الصراحة انا اطلع مع اهلي وماجد طلعت مع ربايعيه لانه عندنا منقووود البنت تطلع بدون اهلها والصراحة انا تعودت على هذا الشي والحمدلله واشكر اهلي على هالشي ....


هل تحسين بأمان مع رفيقاتك ؟؟ولماذا؟؟



يوم بطلع بقولكم خخخخخخخ













مشكورة فديتج على هذا الموضوع الرائع














ومن ايد مانعدمها ان شالله

[الفراشة]

مشكورين ع المرور الطيب :)
http://www.al-wed.com/pic-vb/101.gif

[بوسنيده]

:)
هل تــرضـــى لأختك الخروج مع رفيقاتها ؟؟ولماذا؟؟

مارأيك في منظر الفتيات في الأماكن العامة( يعنـــي شـلــة بـنات ) ؟؟؟

هلا اختي
اشكرج على هذه المشاركة ...

اممم انا ارضى في حال لو هي مثلا تبي تروح عند مدرسة وتبي تتعلم مع صديقاتها يعني طلب العلم وبعد عندي شرط

انه انا او اخوي اللي اصغر مني بشوي يكون معها ,لو مابعت ها الشيء ....

:) تيلس في البيت احسن لها ...
انا حبيت اوضح نقطة مهمة انه لازم تكون تحت المراقبة ادري انه مب فيلم هندي ولكن هذا واجب
الاسرة تجاه البنت بشكل عام ....


مارأيك في منظر الفتيات في الأماكن العامة( يعنـــي شـلــة بـنات ) ؟؟؟

امممم مب شيء
واعتقد انه هذا ادعى للوقوع في المشاكل ....لانه الشباب لو شافوا شلة بنات بدون اهل ولا مثلا رجل معهم
يستغلون الفرصة ....
:) وسلامتج
:a39: بارك الله فيج

[مريوووومة]

انا رايي البنت تطلع ويا اهلها احسن ....

لان الشباااب ما يصدقوون يشوفون بنات ارواحهم ...

<< من وجهة نظري ...^_*

وحبيت اقووول ان البينت مهما كانت محترمه او محتشمه كلام الناس ما يرحم

وخاصة انا من عاداتنا ما سمح ان البنت تطلع ارووحها .... والبنت = سمعه ...

وتسلمين على الموضووع

[الفراشة]

مشكورين ع المرور الطيب :)
http://www.al-wed.com/pic-vb/101.gif

[HOOOOR]

مارأيك في الخروج مع رفيقاتك والخروج مع أهلك ..؟؟؟

لو خرجع مع أهلي أو مع رفيقاتي راح أكون فرحات بس أحنا لنا عادات وتقاليد لازم نمشى عليها لو طلعنا مع رفيجاتنا لأنه كل شيئ وله حده مثل يقول ((شيئ إذا زاد عن حده أنقلب ضده)) كثرة الطلعات مع البنات بع فيها اضرار إلي البنت لو حتى الثقه موجوده لكن إذا طلعت مع أهلها يكون وايد أحسن ويتطمنون عليها أكثر

هل تحسين بأمان مع رفيقاتك ؟؟ولماذا؟؟

مو في كل وقت أحس بالأمان لانه إذا كنت مع رفجاتي وصار لي موقف لا سمح الله أهم ما عرفو يتصرفون شو راح يصير فني لكن إذا كنت مع أهلي راح اتطمن

تسلمين اختي الفراشة على موضوع الي يستحق النقاش

الله يعطيج الف عافية

دمتي سالمه

[الفراشة]

مشكورة ع المرور نورتي الموضوع
http://www.al-wed.com/pic-vb/101.gif

[بنوووووتـﮧ]

السلااااااام عليكم ورحمة الله وبركاااته
اشكرج اختي الفرااااشه ع مووووضوووعج الغااااااوي
تريدين الصراااااحه
ستر البنت ف بيتهااااااااااااا
والله العظيم
هالزماااااااااان
ماااشي اماااااااااان والله

[{ نبض آخر !]

أن أشوف إن خروج الفتاة مع رفيقاتها ما يكون فيه إذا احترمت الفتاة نفسها إذا خروجها.. بمعنى إنها تكون ساترة .. ويكون المكان اللي قاصدينه مكان محترم وما فيه كثير زحمة..

ولكن بما إن كل عائلة ولها تحفظاتها فنحن أكيد ما نتدخل.. ولو منع الأهل الفتاة من إنها تخرج مع رفيقاتها فأكيد هذا شيء لمصلحتها

ولو تعرفون إن الناس بعد ما يخلوا حد فحاله.. يعني أكيد راح يتكلموا ع البنت وأهلها .. وليش تاركينها تطلع من البيت بروحها وأمور ثانية

بالنسبة لي أفضل أطلع ويا أهلي.. لأني أحس براحة وأمان أكثر

عزيزتي الفراشة تسلمي ع الطرح الغاوي
موضوعج مميز ويستحق النقاش
أرق تحاياي

شوق العين

[الفراشة]

مشكورين ع المرور الطيب :)
http://www.al-wed.com/pic-vb/101.gif