ياريت يعيبكم

[العـــــــــ روح ــــين]

فقدة فجيعة

يالله ياخالق عبيدك من الطين ومفرق أوضاع العباد اللفيفة

ناس سلاطين وناس مساكين وناس قويين وناس ضعيفة

ومسير الفلك في بحر غزوين ومقسم فصول السنة بالنصيفة

اتعظم أجر المعزية والمعزين الحزن واحد والمشاعر كسيفة

على الفقيد اللي بكوة الملايين حتى الشعوب النازحات المريفة

زايد حبيب الشعب حضر وبداوين على مدار اليوم مازال طيفه

محبته فينا تربت من سنين والقلب مايعشق ويكره بكيفه

حبه جرى في الدم وسط الشرايين وفرقاه عرق مايوقف نزيفه

فقده فجيعه قرن واحد وعشرين أسوء سنة مرت علينا عنيفه

أكبر حدث غير رسوم وعناوين حتى الطفل يبكي ويرمي رغيفه

من موت زايد مات رئيس فلسطين اللي مضيفة فاتحة من مضيفة

من ستة وستين زايد لذا الحين ماذكر في الحكام شيخ وصيفة

معيش الشعب عيشة سلاطين مافيه اماراتي ماعنده وظيفه

سواسية مايختلف فيهم اثنين العود منصف والعجوز الكفيفه

ماحد حكم بالعطف واللطف واللين الا الشريف اللي جدوده شريفه

شيخ نعرف جدوده ومنسبه زين على الثراء مثل الجبال المنيفة

يومه يسج الخيل بين الميادين ماتذكر افعول الزناتي خليفة

زعيم من عاد الوسيله بعارين مزعمه في القوم رمحه وسيفه

زعيم قبل المشبخه والقوانين لاحكت أطراف السفيفة سفيفه

مرحوم ياشيخ رفع راية الدين العدل سنة والمقاصد نظيفة

حكيم عصره وشهود الدواوين وتشهد فعوله في الليالي المخيفه


أمين ومخلف رجال أمينين رحل زعيم وجاء خليفة خليفة

[همسة فرح]

:(

الله يرحمه
يااااااااااااااااااااااااااااااااا رب

[لزيمة الرووح]

صح لسانج اختيه......................الله يرحمه ويرحم موتى المسلمين جميع

ما مات زايد.............زايد فقلوبنا وارواحنا وحبه تزايد