تشجيع البنت للكورة؟؟؟؟

[ذبحني غلاك]

السلام عليكم و رحمة الله و بركاتة :
كيف الحال؟؟؟
خاطري اعرف رايكم في الموضوع إلي بطرحة عليكم و ياليت اشوف ارائكم في اسرع و قت : الموضوع هو شو رايكم في البنت إلي تشجع الكورة و الأندية و اتسير الملعب و التشجع

[عيـ الدماني ـون]

السلام عليكم

بصراحة اختي انا فرايي انه شي عادي البنت اتشجع الانديه بطريقة تناسبها كانثى

بس انها تسوي نفس بنات ه لايام يروحن ملاعب ويقلدن الاولاد

هذا مايناسبها كأنثى

لان لعبة كرة القدم لعبة رجالية وقويه ماتناسب طبيعة المراة الرقيقة والحساسة

وتسلمين اختي على الموضوع وبصراحة هاذي الظاهره انتشرة في بنات مجتمعنا وللأسف

وسموحه

[روح زايد]

مع أني أبنية أنا أشوفها
عادي البنات أيشجعن الكوره
بس إأنهن يروحن اللملعب لا طبعا لأنها مب من عاداتنا
والسمممموحه

[ذبحني غلاك]

هذا من طيب اصلكم والله و استغربت ان الشباب ما علقوا على هالموضوع كلة بنات بس عالعموم مشكورين وما قصرتوا على الآراء وان شاء الله اكون متواصلة ويا و آرائكم و مواضيعكم

اختكم :ذبحني غلاك

[شوق زايد]

السلام عليكم ورحمة الله وبركاته ..

حياك الله .. ذبحني غلاك ..
حياك في منتديات الكتبي الأدبية ..
موضوع جيد للمناقشة ... لــ ذا تم نقله لمنتدى الحوار والمناقشة ..

لي عودة إن شاء الله :)

[بيرلا]

** ذبحني غلاك **

شي جميل أن البنت تحب وطنهــــــا وتظهر هالشي حتى لو في تشجيع الكرة!!
ومثل ما قالوا الاعضاء فوق ،، انه مافيهــا شي لو شجعت
بس دون أنها تشل عمرها للملاعب !!


وفيه شي من رايي مايعيبني ،،، هي الألوان اللي تلبسهـــا البنات سواء في الجامعه اول المدرسة
عند فوز فريقهن المفضل ،، تلاقينهن شرايط ملونه وشنط ملونه من غير المكياج والمناكير وغيره

شي ينرفز;)

تسلمين اختي ع الموضوع


تقديري،

بيرلا

[سحر الامارات]

السلام عليكم ورحمة الله وبركاته ....

راح ابدي رايي بسؤالك اخوي ...

الكورة تميل للشباب وليس للبنات ... ولكن اذا البنت شجعت فريق معين فلا باس بالنسبه لي ولكن لا اشجع البنت التي تذهب الى الملاعب والانديه وتشاطر الرجال في التشجيع او اللعب لان ما تنطبق على البنت ولا على طبيعتها كونها بنت ولا دينا الاسلامي يرضى بالشي هذا ...

مثال اخوي ....

يمكن انا اشجع نادي العين كتقليد او سماعي بانه نادي جيد او اذا سالت من طرف آخر اي من النوادي تشجعين تكون الاجابه موجوده لا اكثر ... بس والله لو تدري اني ما اشوف المباريات على التلفزيون ولا احب اني اضيع وقتي على شي انا بالاخير ماني مستفيده منه ... في الاخير راح اسمع بالنتيجه وخلاص ,,,


تحياتي لك ...

[شوق زايد]

وعليكم السلام ورحمة الله وبركاته ..

حياك الله .. ذبحني غلاك ..

ورداً على تساؤلك ..
متابعة الرياضة وأخبارها شيء طيب .. وفيه جانب ثقافي بعد للفتاة ..
أما أنها تسير للمعلب للتشجيع ... فـ كما ذكرن الأخوات .. لا .. وألف لا ..
وعمره ما كان هذا التصرف من عداتـنا ومذهبنا ..

فإن كانت تستحلي الذهاب للمباريات ..
فربما كان هذا تقليداً لبعض المجتمعات الخليجية التي تستحلي كل ما هو غير عادي ومنافي ..
وربما مجاراةً لـ الشلة ( الــ ...... ) اللي معاها ..!!

أما بنت الدار .. ما ترضى على نفسها مثل هالتصرفات الفارغة ..
وأشوف أن اللوم الأول والأخير على ولي أمرها ..
وإن كان هو اللي عطاها الإذن بـ هالتصرف ..
فـ ما عليه هــو إلا أن >> يحلق لحيته .. ويلبس مثلها .. ويسير معاها ..

والسموحة ..

[احلـــى غـــاوي]

....... !!!!!


بخصوص هذا الموضوع ..

انا شقت من هذي المناظر ( بنت البلاد نازله بين المشجعين وماسكه العلم وتصرخ بعد )


يعني تخيلوا هذا المنتظر ... منو بيرضاه في اخته ولا في بنته ولا في حد من اهله ...

انا مستغرب من الاهالي:( ,... شو موقفم من هذا ....



الله يستر على الجميع