المساعد الشخصي الرقمي

مشاهدة النسخة كاملة : هل يحق للأهل تفتيش موبايلاتنا ؟!., .. أتمنى منكم الدخوول وطرح ارائكم


الدمعة
06-09-2005, 04:49 PM
مرحبا ..


حبيت أطرح هاا الموضوع والصراااحة هااي المشكلة واايد تستوي ..




والسؤال هو:-

هل يحق للاهل التفتيش بموبايلات ابنائهم؟!
ام ان الحريه قفص مقدس لايمكن دخول الغيره له..!



انا الصرااحة من رايي انه مب من حق الأهل انم يفتشوون موبايلاتنا

لأن الموبايل ساعات نحط فيه اشياء خصووصية مب من حقهم انه يشوفونه ..

وهااي وجهة نظري انا ..
أتمنى من الجميع الأجابة على سؤالي وانا بقدر وجهات نظركم ..

..


(( منقول))
شواقه
06-09-2005, 10:09 PM
مرحبتـــين الغاليـــة..

الصراحه انا من راي الأفضل التفتيش في موبيلات الابنــاء خصه الصغاريه..
بس مب دووووووووم، وبطريقة سوالف مب جد عسب مايخليني الوالد او البنت يضايقوون او يتحرون اهلهم مايثقون فيهم..

لحتياط واجب..وفي هالزمن الواحد يخاف على عيــاله..

انا عن نفسي عادي اذا حد شل تيلفوني ويلس ينبش فيه..
بس اللي ما احبه انهم يدخلون في الحافظه ويقرون مسجات كلاميه كانت بيني وبين ربيعاتي..
يعني شي يخصها وما احب حد يعرفه..

الحين صرت امسحهن..
وخصووصياتي ما احتفظ فيها في التيلفون لانه يمكن يضيع ولا ينسرق فما اضمن..

هذا رأي..
تسلمين حبيبتي على طرحج لهذا الموضوع..
والسموحه منج
*a9*
الدمعة
07-09-2005, 04:03 PM
تسلمين الغلا على ردج الحلو وانا اقول عادي عندي يشوف التيلفون دام اني واثقةفي عمري والسموحة
غــرشـــوبة دبي
07-09-2005, 04:20 PM
وانا من رايي انه عادي الاهل يفتشون تيلفونات عيالهم لانه الاحتياط واجب..
وانا عادي عندي انه حد يفتش تيلفووني لانه الحمدلله واثقه من عمرررري
وعرف اني مااسوووي شي غلط ..وحتى مسجات رباعتي اللي انسولف فيهن امسحهن
بس اذا سوالف عاديه اخلي كل حد يقراهن خخخخخ


تسلمين الغاليـــه الدمعه على الموضووووع ويعطيج العافيه..
Dubai Girl
09-09-2005, 12:46 PM
خلهم يعطوني الموبايل قبل و بعدين يصير خير :d

ثانكس حبوبه
محمد (الكاسر)
09-09-2005, 03:26 PM
لاااااااا عادي شدعوة خل يفتشون لين ما يشبعون عاد شنو بيحصلون فيه
غير الأرقام والمسجات أنا ماعندي أي مانع في التفتيش
بس ماشوف انه من الذوق أنك تجي وتقول حق أخوك مثلاً تعال أنا شاك فيك عطني تلفونك افتشه لأن هذي طريقة ماتخليك تكسب الواحد بالعكس بتخسره
عرفتوا
ومشكورين على الموضوع
شوق زايد
09-09-2005, 05:43 PM
هل يحق للأهل تفتيش موبايلاتنا ..؟؟

نعم يحق ..
دامك ما تستخدمه إلا للضرورة ..
وربما احتاجه غيرك لظرف طارئ .. مثلاً ..

فـ حاله كحال هاتف المنزل .. يمكن لأي شخص أن يستخدمه من الأهل ..
إلا إن كان هذا الإستخدام مبالغ فيه بــ الرد على المكالمات الواردة لك ..

نعم قد يستخدم هاتفي غيري من أهلي .. ولكن عند استقبالهم لِـ مكالمة واردة ..
إما أن يحضر الهاتف لي .. أو .. أن لا يرد عليها إن كان بعيداً ..
ويخبرني باسم المتصل الظاهر على الشاشة ..

أما الخصوصيات من الرسايل وغيرها ..
فلا خصوصيات في عالم التكنولوجيا ..
فقد يضيع كل شغلك .. بضغطة زر .. غير مقصودة ..
فـ لا داعي لتأمل الكثير على هذه التكنولوجيات أو الإحتفاظ بما قد يضيع ..

شكراً أختي الغالية .. الدمعة ..
على طرح هذا الموضوع الطيب :)
الدمعة
10-09-2005, 05:18 PM
تسلمون يا الغاليين على ردودكم وتواصلكم وياي
صدى بوظبي
10-09-2005, 11:15 PM
انا من رايي عادي عندي لو أي أحد من أهلي يفتش تليفوني

لأني صفحة مفتوحة جدام أهلي ( أبوي وأمي وأخواني)

واكيد ما عندي خصوصيات

وبصراحة أييد تفتيش تليفونات اليهال لأن هالزمان كل شي تغير
والدنيا اختربت.. لكن بأسلوب .. يعني مب يي الاخ الاكبر ويضرب الصغير ويقوله والله انا شاك فيك..

كل شي يي بالتفاهم ..

السموحة بس ها رايي
شقراء
14-09-2005, 08:49 AM
برايي اكيد لازم الاهل يفتشون تلفونات

ومشكورين
روح زايد
14-09-2005, 09:20 AM
أنا أقول لو الاهل مربين عيالهم من
يوم كانوا أصغاريه تربيه صالحه
ويعرفون أخلاق ربعهم مال داعي
يفتشون موبايلاتهم ومن حق الاهل على الابناء
أن يعطونهم الثقه
والسموحه لو طولت
الدمعة
14-09-2005, 04:04 PM
تسلمون يالغاليين على مروركم وتواصلكم وياي
دفوشة
08-10-2005, 10:12 PM
السلام عليج ورحمة اللة وبركاتة
بصراحة انا ما احب اهلية يفتشون في تلفونية لانى انا كبيرة هب ياهل يفتشونة هو عادى مافيها شى بس مب حلوة
وجذي يحسسونية انهم مب واثقين فينية .

موضوعج وايد حلو تسلمين
ريــ alain ــم
10-10-2005, 03:40 PM
الســــلام عليكم ورحمة الله وبركـــاته ..
.
.

أول شي تسلمين دموووعة ع الطرح المميز :)

.
.
هل يحق للاهل التفتيش بموبايلات ابنائهم؟!
ام ان الحريه قفص مقدس لايمكن دخول الغيره له..!

وجهة نظري ان تفتيش الموبايل من قبل الاسره هو امر أعتقد انه ضروري

لان صرنا في زمن أصبح الموبايل وسيلة للضياااع ..!

وفيه ابناء ضاعوووا من جراء اهمال الاهل لهم

وخاصه في عدم تفتيش الموبايل


أنا مع تفتيش الاهل لموبايلات أبنائهم بشرط انه يكووون بأسلووب مهذب وبدون مايعرف الولد أو البنت ..

يعني بطريقة غير مباشرة >> مثلا يقووول الوالد لولده تلفوووني خربااان عطني تلفونك شوووي أبي اتصل خخخخخخخ


المهم تكوون بطريقة لا تقلل ثقة :)


ويعطيييييييج العافيــــــــهـ دموووووعة....
الدمعة
11-10-2005, 10:45 AM
تسلمن يالغاليات على ردكن ومروركن
روائع
30-10-2005, 11:05 PM
آنا أعتقد إنه المفروض الأهل ما يفتشون موبايلات عيالهم ....ليش؟؟؟؟
لأن اهم لو أصلاً مب واثقين فيهم لا يشرون لهم تيلفونات....
و ممكن أي أحد لو آنا عندي موبايل مثلاً إنه يستعمله أو يشوفه بس مو تفتيش يعني بعدم ثقة ...
هذا رأيي لأني أعتبر الموبايل من الخصوصيات مثل دفتر المذكرات مثلاً ....

و مشكورة أختي الدمعة على الطرح المفيد...