(الحياة حلوه) مهما كانت مره

[& ليالي الربيع&]

الحياة حلوه) مهما كانت مره







بدءت الشمس تشرق وتنثر اشعتها الجذابه على الارض وبدء الناس يصحون ليستقبلو يومهم بأبتسامه وراحه ولينتظرو رزقهم والحياة الهاانئة ولكن في بيت ابو سلطان لا وجود للراحه او الهدوء او صوت العصافير فا الكل يهرب من القسوه الموجوده في هذه البيت .. في بيت ابو سلطان

::




.. الفصل الأول ..



دخلت ام سلطان البيت وابو سلطان طبعا موجود في الصالة ينتظر رجوعهاا .. وكانت الساعه 6 ونصف صباحا .



ابو سلطان : ياحياالله من جانا ليش حبيبتي جان تأخرتي اكثر وايد يايه من وقت

ام سلطان : اوف ياربي الحين بيبدة محاضرته وبصراحه انا راسي يعورني ومب متفيجه لصدعتك يا شيبه .



ابو سلطان : هي نعم شيبه بس عارف ربي زين مب انتي يا العيوز المتشببه

ام سلطان : امنو العيوز المتشببه حبيبي شووف عيوني انا توني مادخلة الاربعين اوكي لعلمك يعني وانت الحين تقريب في 70 وياي تقولي عيوز ههاي شو ناسي كم كان عمرك وعمري يوم تزوجنا ويااريت تزوجت واحد سنع تزوجت زطي .

ابو سلطان : اقول انجلعي من جدامي يلا مالت عليج انا الغلطان الي تزوجت ياهل شراتج ماتعرف السنع ناسيه بيتها وعيالها وريلها ومجابله الغرب .

ام سلطان : وانشااءلله ليش انا اسوي ها كله مب عشانكم انتو عشان تعيشون ولا ماتبون فلوس ترا من دون الفلوس حبيبي مابتعيشون شراا النااس .

ابو سلطان: مانبي بيزاتج وفريه لج يا العيوز .

ينزل سلطان من فوق وعلامات الظيق مبينه عليه ..



سلطان : بس ابي اعرف متا بنش الصبح على صوت عصافير متى بنش الصبح على ابتسامه وظحكه ليش كله الصراخ وزعيج ليش ياربي خاطري يوم انش من النوم مرتاح .

ام سلطان :قول ها الكلام لبوك كل ماشافني طلعت ولادخلت نازعني .

ابو سلطان : والله من عمايلج وثانيا يا سلطون جنك انت تنام وتاكل وتشرب خلاص بعد لاتقول شي ثاني انزين.

سلطان : ه ه ه ظحكتني بصراحه اي نوم اي اكل اي بطيخ يا ابوي حرام عليكم ارحمونا ارحمونا .

ابو سلطان: اقول مب عايبنك اظهر دورلك بيت ثاني انزين ولا ايلس وانت ساكت

سلطان : اخرتها يا ابوي اتقولي دورلك بيت ثاني ماهقيتها بس انا ظاهر وانشاءلله مابتشوفوني .

وكانت فوق سارة يالسه تسمع شو ينقال . وتمت اتصيح لان اخوها سلطان هو الوحيد الي يونسهم في البيت هي واختها منيره فلما بيروح بيتمون بروحهم محد معاهم يونسهم .







دخلت سارة اغرفه ومسكت القلم وكتبت على الجامه .. ( لقد كرهت امي ) هل يعقل هذه ان هناك بنت تكره امها لماذا ماذا حصل .. تقول لنا سارة وهي تغرق في الدموع عن الذي حصل معهاا والذي حعلها تكره امها والحياة نفسها



الرجل للام : شوفي يا حلوه انا مقدر اعطيج اي شي او اي نوع عطيني فلوس قبل بعدين بعطيج الي تبينه .

الام : هي بس انا الحين ماعندي اي شي .

الرجل : ماعندج فلوس صح بس عندج شي ثاني .

الام : شوعندي

الرجل : عندج البنت الحلوه هاي اشرايج تعطيني اياها لين مادبرين بيزات

(وللاسف كل منكم يتوقع ان الام لاتستطيع ان تظحي بأبنائها ولكنها فعلت ذالك اعطت ابنتها الصغيره لرجل الذي اغتصبها وهي طفله صغيره ليس لها حيله ولا قوه فا صارت تبكي وحتا الان وهي تحلم بهذه الكوابيس وتصحى من النوم مذعوره ودائما ما تجلس في غرفتها وتبكي لوحدها .. )



وهذه ماجعل (سارة ) وحيده منطويه على نفسها ولكنها طيبه القلب رقيقه محبوبه .



قالت لها اختها منيره



منيره : لا يا سارة مهما حصل لازم ماتقولين عن امج جذه هذه امج ياا سارة مايصير .

سارة : بس خلاص انا تعبت تعبت سلطان بيظهر من البيت ولابيرد

منيرة : لا مستحيل سلطان يروح وهدنا نحن اكيد بيرد صدقيني .



وصدق كلام منيره ورجع سلطان



دخل سلطان الغرفه وعلامات الحزن مرتسمه على وجه .



سلطان : انا اسف ماقدر اتم انا بروح

ساره : لهدرجه لهدرجه نحنى مالنى قيمه عندك ليش انت اناني ليش ليش بتروح وبتخلينا .



سلطان: سارة شوها الرمسه الي تقولينها انا طبعا احبكم بس روحتي ضروريه لان بي يوم وبرجع بس برجع باخذكم معاي عقبها كلنا بنعيش مع بعض دون امي وابوي الي ينكدون علينا عيشتنا ولا انتو اشرايكم .



منيرة : ووين بتروح انشاءلله .



سلطان: انا بروح امريكا لان انا يتني منحه ادرس اهناك انا اهناك بدرس ومنها بشتغل وبعتمد على نفسي .



منيرة : انا ماعندي مانع لو بتنفذ الي قلته وانت اهم شي عندنا والله يوفقك .



سارة سكتت ولا علقت لان فراق اخوها بيكون صعب وايد





رحل سلطان عن البلاد محلقا في السماء رحل وترك في البلاد ذكرياة سيئه وحزينه رحل ليجدد حياتة ويغيرها للأحسن رحل وترك اخواته الاثنتين وهم حزينتين ودموع تلمع في عينيهما الجميلتين .



(نهاية الفصل الاول)











في غرفه البنات..



كانت سارة مستلقيه على الفراش ودموع في عينيها وهذه هو حالها بعد رحيل اخيها سلطان الى امريكا..



منيرة : حبيبتي سارة اشفيج عاد بي اليوم الي بيرجع فيه سلطان وبتكون حياتنا احلا صدقيني انا اعرف وبي اليوم الي بتحس في امي ويحس ابوي .

سارة: انا فقدت الامل خلاص ان امي وابوي يرجعون اوكي

منيرة : لا لا ياسارة لاتقولين جي الحياة حلوه صدقيني وهاي مرحله وبتمر .

سارة: من متى ونحن انقول مرحله وبتمر وين انا ماشوف شي تغير .

منيرة: بس بس ياسارة حمدي ربج على الي انتي في .

سكتت سارة وظلة في صمتها هذه ولكن الى متى .... !!



وفي غرفه ام سلطان وابو سلطان

جلست (ام سلطان)



على السرير وابو سلطان كان قد ذهب الى صلاة الفجر ..



دخل ابو سلطان ونظر لأمرته كنظر اي رجل لأمرة خائنة ولكن ليس بيده حيله فهو لايستطيع ضربها او اهنتها فهو كبير في السن ولايستطيع فعل اي شي ..



بدء النور يظهر وشمس تشرق وتنثر اشعتها على الارض وبدء كل انسان يعمل ليحصل على رزقة

وفي بلاد خارى بتحديد في امريكا كانت الساعه 10 صباحاا . جلس سلطان على الكرسي واغمض عينه . جلس يفكر في اخواته منيرة وسارة الذي تركهم هل سيرجع الى البلاد وهو يحمل معه اخبار ساره هل مع رجوعه ستبدء حياة جميلة ام انها ستكون كا الماضي الكئيب بلا نور الحياة . يرن هاتف سلطان



سلطان : الو مرحبا

حمد : ياهلا والله

سلطان: هلا حموود اشحالك

حمد : تمام وينك ياا ريال استوت 12 الحين وانت بعدك نايم اصحى يلا

سلطان: والله اناا كنت راد 10 ونمت اشوي اريح

حمد : اها انزين اقولك تعال عندي الشقه بنتغدى لاتأخر اوكيك.

سلطان: هههههه عاد شو طابخ غوزي

حمد : تستعبط صح هها بس ابشرك ها المره مب طابخ رحت اشتريت الاكل

سلطان: والله شي جميل انزين دقايق اخذ دش سريع واييك اوكيك

حمد اوكي يااااااااا جميييييل انته

سلطان : اجلب ويهك باي

حمد:باي

راح سلطان خذ له دش وبدل وراح لحمد الشقه دق الجرس فتح حمد الباب وعلامات الضيق على ويه

سلطان دخل وصد وشاف حمد

سلطان : حمد شو بلاك

حمد : ...................!!

سلطان : حمود لاتخوفني شو بلاك

حمد : تعال ادخل خلنا نتغدا عقب بقولك

سلطان :لا والله قول الحين

حمد: انزين انزين خلنا نيلس

سلطان : اوكي

حمد: أه شو اقولك يا اخوي يا سلطان

سلطان : شو السالفة يا حمد قولي

حمد : توه الاهل متصلين وقولون ان الوالد تعبان وايد ومنومينة في المستشفى وهو الحين في العناية

سلطان: افاااا ليش شو الي صار

حمد : مادري محد قال شو استوا بس ابا ارد البلاد ماعرف كيف بركز في الدراسه وابوي في المستشفى ومريض وبين الحياة والموت ( صار يتغير صوته ودمع يلمع في عينة)

سلطان : افا يا اخوي خلاص انت سافر وانشاءلله كلشي بيكون اوكي

حمد : خلاص انا باجر بروح وباخذلي اجازه وبروح

سلطان : بفتقدحشرتك

حمد : هه انزين ماتباني اوصل شي للأهل

من طرا حمد الاهل ظاق صدر سلطان ورد راسه على ورا وغمض عيونه

حمد : شو فيك

سلطان : مشتاق لخواتي ماعرف كيف حالهم من دوني انا كنت سندهم

حمد : ياريااال ابوك وامك موجودين وانت تحاتي

اهني قام سلطان من عا الكنبه بقوه ورااح يتشمى في الشقة راح وراه حمد

حمد :سلطان خوفتني اشفيك

سلطان : شو اقولك تقولي ابوي تقولي امي ه ه الله يخليك لاتظحكني

حمد : سلطان انا مابي ادخل في حياتك بس ليش كل ماطري امك او ابوك تظايق

سلطان : لان انا شارد منهم انا ياي اهني واتغربت عشان اهرب من الحيااة الي كنت عايشنة انت ماتعرف كيف انا كنت عايش على صراخ وويع راس على صياح ونجره كل يوم عشت حياة كلها تعاسة اسمع صوت خواتي وهم يصيحون وامي وابوي وهم يتظاربون وامي وجبروتها وقسوتها وابوي وبخله وعصبيته . انا اسف ازعجتك بس ماقدرت اتحمل كنت ابا اقول كل الي في خاطري لاني من زمان مارمست وانا مشتاق لخواتي وخايف عليهم

حمد : ماعليك انا انشاءلله بروح وبطمن عليهم عقب ماطمن على الوالد انشاءلله واذا تباني اعطيهم شي او اقولهم تحت امرك انت اخوي وغالي

سلطان : تسلملي والله يا حمد

ابتسم حمد

سلطان: او وين الغداء جنك وعدنا بغداا

حمد : هههههههه ما تفوت يلاا قوم نتغداء



راحو حمد وسلطان يتغدون



بعد مرور اسبوع سافر حمد للبلاد .. ولما وصل اول شي سواه راح للمستشفى عشان يطمن على ابوه .. (في المستشفى )



حمد : امي

ام حمد : حمد انت متى وصلت

حمد : والله خمس العصر واصل البلاد لين ماوصلت البيت وخذيت دش وغيرة ثيابي لحقت الحمدالله

ام حمد : ليش ماخبرتنا انك بتي اليوم يا ولدي

حمد : ماعليه المهم اشحال الوالد وصحته خوفتوني عليه

ام حمد : شو اقولك يا ولدي بعده في العنايه ومب عارفين شوفيه

حمد : انزين ممكن اعرف شو صارله ؟؟

ام حمد : صدقني محد زعلة ولا قاله شي كناا يالسين عادي ولا نشوفه طاح عليناا

حمد : ماعليه انشاءلله بيقوم بسلامه صح اربيعي سلطان يسلم عليج

ام حمد : الله يسلمه وسلم من ياب سلامه اشحاله هو

حمد: والله تمام هو قايلي اطمن على اهله ومصيني اوديلهم اغرااض

ام حمد : خلاص عيل وديلهم لاتتأخر

حمد : لا يامي شوفي الساعه كم الحين وانا بعدني ماشبعت منكم

ام حمد : فدييت ولدي انا فديتك روح عند الدكتور شوفه

حمد : انشاءلله

راح حمد عند الدكتور ودخل الغرفه



حمد : السلام عليكم

الدكتور: وعليكم السلام

حمد : انا ولد محمد .. حمد

الدكتور : مرحبا حمد اشحالك اخوي

جمد : بخير بس بكون بخير اكثر يوم بطمني على ابوي

الدكتور : والله يا اخ محمد ابوك مب عارفين شو فيه الحين هو في غيبوبه والله وعلم متى بينش منها وساعتها بنشوف شوفيه

حمد : يعني متى بيقوم

الدكتور : الله وعلم ونحنى مابيدنا شي انسويه

حمد : شكرا على تعااونك



طلع حمد من عند الدكتور وشل امه وخواته وراح البيت .. (اليوم الثاني )



الساعة 9 قام حمد .. وراح لصاله



حمد : صباح الخير

ام حمد : صباح النور

حمد : شو السالفه وين حمده وشيخة

ام حمد : راحو يبدلون لان بنسير عند ابوك الدكتور اتصل في شيخه وقالهاا ان ابوك قام ونقلوه غرفه عاديه

حمد : والله يافرحتي والله يوم انا جيت جان يقوم شفتي ها كله لاني جيت

ام حمد : هههههه فديتك والله انزين يلا قوم اجهز عشان انسيرله

راحو الكل وطمنو على بو حمد والحمدالله صار زين .. بعدها استأذن منهم حمد عشان يروح لاهل سلطان ..(في بيت ابو سلطان)



دق حمد الباب ظهرتلة سارة لان ماكان في حد في البيت



حمد : هلا اختي

سارة : اهلين

حمد : انا من طرف سلطان اخوج

سارة : ياهلا والله تفضل في الميلس ابوي الحين ياي

حمد: لو سمحتي اختي بس كنت ابا اعطيج رساله لج انتي واختج

سارة : من سلطان

حمد : هي

عطا حمد سارة الـ رساله اول مافحت سارة الرساله شافت صورة سلطات طاحت دمعه من عينها دون ماتحس

حمد : عسا ماشر اختي

سارة : ها لا ماشي

وطلعت سارة

وتم حمد يفكر في سارة وفي الدمعه وفي الابتسامه هحسها انسانه بريئه وحبوبه وفي نفس الوقت في شي في قلبها خاشته سر كبير ....

.....

سافر سلطان لدراسه ووعود خاوته انه يرجع وعيشون حياة احلا فهل بيوفي بوعده ؟؟
وهل حمد اعجب بسارة ؟؟


الاجوبه بتكون في الاجزاء الــ بعدها

[البزايه]

شكل القصة حلوووة.......

بنتابعها..
نتريا البقيه........
تسلم......

[& ليالي الربيع&]

مشكوره اختي البازية على الرد ولو اني كنت اتمنى ان اعضاء اكثر يردون علي ويقولن راايهم با القصه بس معالية


وهذه الجزء الثاني

[& ليالي الربيع&]

كانت الساعه 8 المسااء



دخلت مريم(ام سلطان)

ابو سلطان: يا حياالله من ياا اشوفج ياايه من وقت اليوم

مريم : اووف وانت اشلك اي من وقت ولا اتأخر

ابو سلطان : لا والله مب انا ريلج

مريم : والله جيت من وقت قلتلي ليش تأخرة قلت ليش ماعرفناالك ياا شيبه

ابو سلطان : تراج ذبحتينا شيبه وشيبه

مريم: ياخي كيفي اقول الي اباه اوف وانت اشلك اتأخر ولا ماتأخر ياخي خلني اعيش حياتي مثل ما ابا

ابو سلطان : لا والله حلوه هاي اخليج على هواج خلج خلج بي يوم وبتندمين على الي تقولينه

مريم : اقول اشووفك وايد قمت تتحرطم اجلب ويهك

ابو سلطان: اجلب ويهي انا ماعرف ليش انا مستحملنج

مريم : انا بقولك لان ماعندك غيري تعطيك فلووس وتعيش عيالك يا حبيبي

او سلطان : اي فلوس الي ترمسين عنها بيزات الحرام نحن عن غناء عنها

مريم : اقول انا مابي نقاش اكثر انت رياال مشلول ماتقدر تتحرك وماتقدر تشتغل يعني يعني ماتقدر تعيش عيالك

ابو سلطان : ه وليش هم مب عيالج ولا نسيتي نسيتي ان هذيلااا عيالك من لحم بطنج نسيتي نسيتي

مريم : اووووووووووه

راحت ام سلطان لغرفتها وابوو سلطان لاحول له ولا قوه



منيرة وسارة كا عادتهم في الغرفه

سارة : تعرفين منيرة ان ابيع سلطان عليه جمال ماشاءلله عليه واسلوب واخلاق

منيرة : ههههه ليكون حبيتيه

سارة (بخجل): هااا لا شو احبه انا بس اوصفلج اياه

منيرة : علينااااااااااااااااااا (وتغمزلها)

سارة: اي حب ياا منيرة وانا توني شاايفته

منيرة : حب من اول نظره

سارة : هذه بس في القصص وروايات

منيرة : هههههههههههه خلاص بس اتعرفين اشتقت لسلطان وايد

سارة : وانا بعد بس صورة تجنن طالع وايد حلوو فديت اخوي انا

منيرة : هي والله طالع وايد حلوو ماعليه ماعليه هاي اخر سنة له وبيرد انشاءلله الصيف الي ياي .

سارة : يااربي متى بيرد ياالله الله يسهل .



بعد مرور اسبوع قرر حمد يرد لامريكاا عشان مايتعطل وخاصه ان اطمن على ابوه خلاص بس قرر يمر على بيت ابو سلطان يشوفهم اذا يبون شي



راح حمد بس ها المره لقى الباب مفتوح استغرب دق الجرس محد رد عليه اشوي ويسمع صراخ وحس ان ها صوة سارة قرر يدش ان خاف يكون في شي



في غرفه سارة



سارة : حرام عليج ياا امي حرام الي تسوينه فيني

الام : اقوووووول سكتي يلااا انتي بتروحين معاي غصبن عنج

سارة : امي امي كيف ترظين ان تبيعين شرف بنتج بها السهوله

الام : اي شرف اي بطيييخ انتي نسيتي ولا شو

سارة حست بغصه وطاحت على الارض وهي تصيييح من القهر

دخل حمد

حمد : اااا انا انا اسف ببس سمعت صوت صريخ (صد حمد شاف سارة طايحه على الارض على طول رااح لها ) سارة سارة اشفيج

منيرة: حمد انت حمد صح

حمد : اي

الام : اقووول ياا اخ انت كيف تدخل البيت بدون استأذان يلا اطلع برع

منيرة : لا والله وانتي مو من اشوي كنت بتبعين شرف بنتج تحسبين بنتج رخيصه مثلج

الام: انا رخيصه

منيرة : هي نعم ارخيصه واعذريني على هذه الكلمه لو ماكنتي ارخيصه جان ماكنتي كل يوم في حضن واحد

راحت الام بتصفع منيرة بس حمد ردها وقال ان ممكن يطلب اشرطه طلعت الام من البيت على طوول

شل حمد سارة وحطها على السرير وطلع

حمد : منيرة انا في الميلس وانا باجر مسافر اذا في شي تبين تعطيني اياه لسلطان انا تحت

وطلع

سارة (والدموع في عينها) : شفتي شفتي شو سوت امي وجدام من جدام حمد اكيد اكيد الحين بيخبر سلطان وسلطان بيظايج وممكن يسوي سالفه يااربي ليش جي يستوي فينا

منيرة: بس حبيبتي لا تسوين في عمرج جي انتي الحين غسلي ويهج وخلا ننزل لحمد

سارة : ماقدر اشوفه ماقدر احط عيني بعينه

منيرة: حبيبتي سارة نحن لازم ننزل على الاقل عشان نشكرة

سارة : انشاءلله

..

حمد كان يالس في الميلس وهو مصدوم من الي شافه مصدوم كيف كيف ام تسوي ببنتها جي كيف ترظاا لبنتهاا انها تكون في الحرام وهي بروحها تبيع نفسها .. اي ام هذه الي تسوي جي



دخلة منيرة

منيرة: السلام عليكم

حمد: وعليكم السلام

منيرة: حمد انا اسفه على الي حصل من امي بس ...

حمد: ولا يهمج يا منيرة عادي بس وين سارة

منيرة: راحت تغسل ويهاا والحين بتي

حمد: ها منيرة تبين اقول شي لسلطان او اعطيه شي

منيرة: هي ابا تعطيه ها الرساله لو سمحت وها العلبه

حمد : انشاءلله

دلخة سارة وهي منزله راسها

حمد : شو سارة الحين استويتي زينه

سارة : هي

ابستم حمد لسارة وحط عينه بعينها سارة ماعرفة شو تسوي ويه صار احمر من الخجل

حمد حس بسارة فنزل عيونة

حمد : ها سارة تبين اعطي شي لسلطان

سارة : هي اباك تعطيه ها الظرف



حمد : وليش لونه اسود ليش ماكان ابيض

سارة : لان الي داخله اسود في اسود ونور مايشع منه

حمد سكت وماعرف شو يقول

سارة : وسلملي عليه وقله اختك مشتاقلتك وايد وايــــــد

حمد: انشاءلله .. الحين انا استأذن بروح

منيرة : ياالله الله يحفظك انشاءلله

سارة : تحمل على عمرك

حمد : انشاءلله يا سارة

وراح حمد

منيرة : سارة

سارة : هلا

منيرة: بصراحه اختيار موفق

سارة : في شو

منيرة: حمد حلوو بصراحه وريال ذوق

سارة: جلبي ويهج

منيرة : هههههههههههه

..



ونرجع لسلطان ووكيف استقبل حمد



وصل حمد والشمس كانت قريب بتغيب دخل الشقه وفتح النور وتفجئ يا الشقه كلهاا بالونات وعلى الكنبه دبدوب كبير وعلى الطاوله صندوق



سلطان : مرحباا بخيي

حمد: هلا والله هلا بخيي

سلطان: اشرايك بـ المفاجئه

حمد: حلوه واااااااااااايد



سلطان : ادري طالعه علي

حمد : ههههههه اشحالك خيي اشتقتلك والله

سلطان : وانا بعد تعال تعال خلنا نسولف يااريال اشتقتلك

حمد : اول شي اسلم الامانه

سلطان : اي امانه

حمد : الي عاطيني اياها خواتك

سلطان : اشحالهم

حمد : زينين

فتح حمد الشنطه وطلع الظرف الاسود

سلطان : شوها اعوذ بالله

حمد: هذه اختك ساره عطتني عشان اعطيك وتقولك تراهم مشتاقيلك

سلطان : وربي انا اكثر اكثر

فتح سلطان الظرف لقا ملف مكتوب عليه (مأساة سارة)

تغير ويه سلطان وظاق صدره

حمد : في شي ياا خوي

سلطان : لا

حمد : انزين ها الصندوق من منيرة ورساله

سلطان فتح الصندوق لقى فيه شريط وفتح الرساله كان فيها صورتهم وهم صغار ورقه مكتوب عليها مشتاقين لك ياخوي نحبكم ...

لما راح سلطان البيت فتح الصندوق وحط الشريط في المسجل سمع صوت اخته منيرة

وهي تقول



اهداء من اختك منيرة ..



يابعيد عن بلادي وينك ووين بلادك ..

رحلت عنا وانت داري بأننا مانستغنا عنك ..

ليه رحلت وليه هجرتنا مدام نحن غالين بقلبك..

اشتقنا لصوتك واشتقنا لظحتك معانا ياخوي ..

ياخوي وينك ترانا عفنا العيشنه من دونك ..



اخوي سلطان ترانا اشتقنالك ارجع بسرعه



سلطان : أأأه وانا وانا اشقتلكم وااايد



رجعنا لسارة ومنيرة ..



منيرة : سارة

سارة : هلا

منيرة : تعرفين رقم مريوم

سارة : امم هي

منيرة : كم

سارة : (*******) هذه هو

منيرة : ثانكس حبي

سارة : ولكم انزين انا بنزل تحت اوكي

منيرة : اوكي

نزلت سارةتحت

منيرة :خلا اتصل حق ها الدبه الي ماتسأل عني



...... : الو مرحبا

منيرة : اممم انت راشد

......: هي انا راشد

منيرة : انزين وين مريوم ليش انت شال التلفون

........: منو انتي

منيرة : انا منيرة يا الغبي شو مو مبين الاسم عندك

........: امبلا بس كنت استهبل

........(في حد كان يناديه ) : سيييييييييييييييييف سيفووووه تعال تحت ابااك

منيرة : سيييييييييييييييييييييييييييييييف !!!!!!!!!!!!!!!!!

سيف : ها منو سييف

منيرة : انت منو انت مو راشد

سيف : انا اسف انا مب راشد انا سيف

منيرة : يعني كنت تقص علي وهذه مو تلفون اربيعتي

سيف : هي انا اسف اسموحه

منيرة : اقول اجلب ويهك انت صج واحد قليل ادب اونك تعتذر عشان اتحراك محترم وانت من هناك خرطي يلا باي

وصكرت عنه وتمت متنرفزه من حركته نزلت تحت

سارة : حيالله منوووووووووووور

منيرة : اف مب متفيجه لج والله صج متنرفزه

سارة : خيبه ليش شو مستوي

منيرة : انتي غبيه عاطتني الرقم غلط واحد رد علي وتم يستهبل

سارة : ههاي وانا اشلي

منيرة (اتقلد اختها ): ههاي وانا اشليي .. مالت عليج اووووف

سارة : اوووووف منج انا ااروح انام احسلي



نهايه (الفصل الثاني)



كان الصبح ومنيرة وسارة توهم ناشين رن تلفون منيره



منيرة : الو

سيف : صباح الخير

منيرة : صباح النور منو

سيف : انا ......

منيرة : انت منوو

سيف: انا سيف

منيرة : منو سيف

سيف : انا الي البارحه اتصلتيله بلغلط

منيرة : صج ويهك لوح ومتصلي بعد ياربي على الي مايستحون

سيف : لا اختي انا كنت داق اعتذر بس صدقيني

منيرة : اوكي قبلت اعتذراك الحين تبا شي

سيف : لا خلاص مابي شي بس والله اني ماقدرت انام البارحه فليل خفتج تكوني زعلتي

منيرة : لا والله وانك يعني وايد تخاف على زعلي وانت ماتعرفني اصلا

سيف : بس الي يسمع ها الصوت اكيد بيتعلق فيه

منيرة : اقول شكلك وايد طولت يلا باي با ي

سيف : باي



سارة: شو رد اتصل

منيرة : هي هذه كله منج الله يخس بليسج

سارة : ههههههههه انا مالي خص انا عطيتج الرقم وانتي الي دقيتي غلط

منيرة : لا والله اقول قومي قومي خلا انسير ناكل انا يوعانه بصراحه

سارة : هي والله حتا انا



وهم يتريقون رد دق تلفون منيرة

منيرة : وربي هذه مايستحي على ويه عنبوه كم مره بقوله اوف

منيرة : الو شو تبا نعم

سلطان : خيييييييييييبه خيبه شو بلاج

منيرة : منووو

سلطان : افا ماعرفتي صوتي

منيرة : لا لا لاتقول سلطاااااااااااااااااااان

سارة : سلطان عطيني اياه

منيرة : اشحالك شخبارك شو مسوي

سلطان : والله انا بخير بس مشتاقلكم وايد وايد وايد

منيرة : ونحن اكثر والله وايد مشتاقيلك

سارة : خليني اكلمه

منيرة : سلطان سارة تباا ترمسك

سلطان : عطيني اياها

سارة : هلا والله باا اخوي حبيب قلبي

سلطان : هلا والله بسارووونه

سارة : اشحالك

سلطان : والله اني مشتااقلكم وايد وايد والحياة من دونكم تراها مالها طعم

سارة : وحتا نحن مشتاقيلك يا خوي ارجع ارجع عاد

سلطان : خلاص ماباقي شي وبرجع انشاءلله الصيف الياي راجع

سارة : ياالله لين الصيف الياي وايد

سلطان : ياالله ماعليه انزين الحين انا ببند في خاطرج شي

سارة : لا سلامتك تحمل على عمرك

منيرة : عطيني اياه

سارة : سلطان منيرة بتقولك شي

منيرة : الو سلطوني

سلطان : هلا والله با الي يدلعني

منيرة : تحمل على عمرك وارجع عااد

سلطان : انشاءلله عاد تحملو على عماركم اوكي

منيرة : انشاءلله باي



......



سارة : يااااااربي والله اشتقناله وايد

منيرة : هي والله ماعرف كيف بنتظر لين رجعته

سارة: اتعرفين شكله حمد ماقال شي حق سلطان

منيرة : هي شكله احسن

سارة : طبعا احسن

منيرة : ملل

سارة : هي والله ملل اقول شحال سيف مارد اتصل

منيرة : تعرفين انج متفيجه شو اباابه هذه خلا يولي احسن لايتصل

وفجئه يرن تلفون منيرة

منيرة : ها طريتيه اخاف يكون هو بذبحج والله

منيرة : الو

سيف : هلا

منيرة : شتبا

سيف : اباج

منيرة : انت ماتستحي على ويهك

سيف : انزين ممكن اقول شي

منيرة :لا

سيف : انزين انتي ليش ماتبين تكلميني

منيرة : لاني ينت ومحترمه وتخاف على سمعتها ومب انا الي انزل نفسي لواحد وارمسه فاهم

سيف : وهذه الي مخلني اتعلق فيج اكثر لانج مب اي بنت

منيرة : اقول لاتتحرا نفسك بها الكلام بتقص علي سامع

سيف : ارجوج عطيني فرصه

منيرة : اسفه ماقدر مثل ماقلتلك انا بنت واخاف على سمعتي ومب انا الي تنزل من كرامت اهلها

سيف : عيل سمعي يا بنت ناس دامج جذه بقولج شي وسمعيي

منيرة : قول ووخلصني

سيف : صحيح اني ماعرف منو انتي ولا منو تكونين بس بقولج شي صدقتي ولا ماصدقتي ترا انتي دوم على بالي وبصراحه عجبتيني واذا انتي تسحين اني من الشباب الي يلعبون على البنات كيفج قولي الي تبينه بس اصابع ايدج مب سوا صحيح اني في الباديه كنت اباا استهبل عليج بس ماظنيت ان في يوم بتي بنت وبتقولي الكلام الي انتي تقولينه ... خلاص مابتسمعين صوتي عقب ها اليوم مع السلامه (وصكر التلفون )

سارة : خيبه شو بلاه ويهج جي استوا

منيرة : ماشي

وراحت حجرتها

يلست منيرة تفكر في كلام سيف وانها يمكن صج ظلمته والريال ماكان قصده شي بس بعد ليش يتم يتصلي ياربي انا مابلوم نفسي وخلاص كيفه

سارة : حووووووووووووووه انا ارمسج

منيرة: هاها شو تبين

سارة : ههههههههه اقول شكلج جنج وحده عاشقه

منيرة : سيري زين اوف



ابو سلطان : منيرررررررررة سااااااااروووووو



منيرة : قومي عن السوالف خلا انسير انشوف ابوي شو يبا



ساروا البنات عند ابوهم



سارة : هلا ابوي بغيت شي

الاب : اشبلاكم منخشات في حجرتكم شو تسون

سارة : ماشي

الاب : انزين قومو سويلي حليب يلا وحطيلي الفطور

سارة : انشاءلله

الاب : وانتي ياا ست الحسن ليش واقفه روحي ويا اختج ولا ايدج محناية

منيرة : ها انزين انزين

دشت منيرة المطبخ

سارة : هههههههههههههههه هزبوووج

منيرة : الدور ياي عليج يا حلوه



مر اسبوع وفي ها الاسبوع كان اسبوع مثل كل اسبوع عادي يوم الجمعه



كانو يالسين سارة ومنيرة في الحجره يسولفون كا العااده



منيرة : اتعرفين ها السيف مارد اتصل

سارة : وانتي تبينه يرد يتصل يعني

منيرة :لا بس

سارة : شو لا بس منيرة قوليلي انتي انجذبتي حول سيف صح

منيرة : بصراحه كلامه صدمني حسيت اني جرحته

سارة : خلاص دامه مايتصل يعني نسى

منيرة : بس البارحه ياني رقم غريب فيه مسج

سارة : شو المسج

منيرة : لاتعاتبني وانا المضلوم

سارة : اتصلي شوفي منو

منيرة : اخافه سيف

سارة : ماعليه جربي انتي

منيرة : انزين

اتصلت منيرة



منيرة : الو نعم

سيف : هلا

منيرة : هذه انته

سيف : اسف

منيرة : انا الي اسفه

سيف : هاااااااااااااااااااا

منيرة : هههههههههههه شفيك

سيف : اول مره تظحكين معاي

منيرة : ها صح انت ليش اطرش مسجات

سيف : انتي ليش مب راضيه تصدقين ان انتي خذتي كل تفكيري واني انعجبت في شخصيتك صحيح انتي شوا سمج

منيرة : وانته اشلك شو اسمي والله حاله

سيف : يابنت الحلال انا ماا اباا منج شي وربي خلاص انا اسف وحقج علي مابطرش مسجات ولا بدق انزين

منيرة : يكون احسن يا اخ سيف

سيف : مع السلامه

منيرة : مع السلامة



.....

سارة : بل كسرتي ويه الريال

منيرة : احسن عشان مايتم يتصل

سارة : ها ها ها ها مو توج تقولين انه ماتصل من زمان

منيرة : ها مو معناتة اني اباه يتصل

سارة : صحيح

منيرة : اقول انا ملانه ابا اطلع

سارة : ومنو بيطلعج يا حسره

منيرة : اوف ملل يوم كان سلطان اهني كان يطلعنا

سارة : أأه ياربي متى بيرد

منيرة : هي والله وايد اشتقتله



(انتهى هذه الصيف والكل رجع لدوام ,,, منيرة كانت تدرس في الجامعه وهاي كانت لها اول سنة جامعه وبين منيرة وسارة سنة وحده وسارة الحين اخر سنة دراسيه يعني ثنويه عامه .. )


هذه نهاية الجزء .. في فرد في القصه يديد وهو سيف ياتراا شو بتكون نهايتة مع منيرة حلوه مره ولا مالها نهاية .. انتظرو الجزء الي عقب

[الغلا]

شكرا لج اختي الفاضله على هذه القصه ....

اسلوب جميل ...

يرجى وضع تكمله الاجزاء في هذا الموضوع .....

اختكم
الغلا

[& ليالي الربيع&]

كانت سارة راده البيت

سارة : السلام عليكم ,, شوها منووور ماردت اووو صح اليوم دومها يخلص 5 اوف يعني بتم بروحي ..

تدخل ام سلطان

ام سلطان : انتي جيتي
سارة : هلا امي اشحالج
ام سلطان : زينة (من دون نفس )
سارة : انزين انا بسير انام
ام سلطان : شو مابتتغدين ولا انسدت نفسج يوم شفتيني
سارة : لا ماشي بس فيني رقاد وراده من المدرسه هلكانه
ام سلطان : وابوج وين
سارة: والله ماعرف انا توني راده
ام سلطان : زين جلبي ويهج
سارة : انشاءلله
تدخل سارة الحجره وهي في خاطرها تقول الله يعني والله على هذه الام
الام دخلت الحجره
ام سلطان : هاا اشوفك يالس في الحجره شوو مريض
بو سلطان : لا إله إلا الله لا مريض ولا شي بس جي زهقان
ام سلطان : لا والله اشرايك تروح تتمشا على الكرنيش
ابو سلطان : ليييييش شو قالولج وثانيا يوم بطلع ولا ها مابي بقولج انتي عشان تمشيني وتصطااادين
ام سلطان : لا والله شو قصدك اصطاد
ابو سلطان : لا والله يعني ماتعرفين ويااريت بس جي رحتج اتم خايسه لو مليون مره تسبحتي
ام سلطان : اشوفك قمت تقل ادبك
ابو سلطان : والله كيفي اقول الي ابااه مو انتي الي تقوليلي شو اسوي انزين

سارة في غرقتها وهي تسمع امها وبوها وهم يظاربون
سارة : اوف جنهم والله يهال وهم يظاربون متى ياارب افتك من ها البيت اوف اوف اوف والله حاله ابا انام ارتاح اعيش بهدوء

نرجع للام والابو الي بعدهم يظاربون

ابو سلطان : اتعرفين انا ماعرف ربي متى بيفكني منج وبرتاح عااد
ام سلطان : لاو الله هاهاهاها انا الي متى بفتك منك يارب متى بتريحني منه
ابو سلطان : الي يقول انتي الي تصرفين علي
ام سلطان : شو انت نسيت ولا شو طبعا انا الي اصرف عليك
ابو سلطان : دخيلج عاد شوها البيزات يا مريم انتي ناسيه بيتج وعيالج ورايحه ويا فلان وعلان وكل يوم في حضان واحد ارجوج انا الي تسوينه بعرمي مارظيت عنه والله لو مب عيالي جان طلقتج ولو مب الكرسي جان ادبتج بس انتي قويه محد يروم عليج بس بي يوم يا مريم وبتعرفين ان ان البيزات والجاه مب هي كلشي واذا تقولين عني بخيل انا مب بخيل تراني بس انا مب مثلج احب الفلوس الروح وتربيه العيال هي اهم شي في ها الكون ولو انا بخيل مثل ماتقولين على الاقل بعمري مامديت ايدي لانسان او رحت للحرام وصلواتي محافظ عليهم ومانسيت ربي وعيالي مثل ما انتي نسيتيهم ..(طاحت دمعه من عيون ابو سلطان وحس بدنيا تلف من حوالي ماقدر يتنفس شهق حس ان هذه اخر يوم في حياته وانه طلع الي في خاطره .. وقال وكان هذه اخر كلمات من السانه ..: اشهد ان لا إله إلا الله وأن محمد رسول الله . ..( مات ابو سلطان وترك بناته وابنه رحل عن الدنيا ليذهب الى السموات وليدفن جسده في التراب كما خلق من التراب ولم يأخذ معه لا مال ولاجاه .. ذهب ولم يعرف ان كلامه يسكون واقع ستندم ام سلطان على هذه الايام وسستذكر كلام ابو سلطان وستدمع عينها ..)

ام سلطان وهي ترا ان ابو سلطان فارق الحياة

ام سلطان : لا لا انا مايخصني انا ماسويت شي ابو سلطان يا ابو سلطان رد علي سااااااااااااااااااااااااااااااااااااااااااااااااا اااارة ياا سااااارة

سارة : هاها امي
ام سلطان : ابوج ابوج
سارة تروح عند ابوهاا تهزه
سارة : لا لا ابوي ابوووييييييييي انتي انتي (وتأشرعلى ام سلطان) انتي انتي الي ذبحتي
ام سلطان : صدقيني سارة نحن نحن كنا نسولف

سارة : اكرهج اكرهج انتي انتي دمرتي حياتي وشردتي اخوي من البيت وذبحتي ابوي حرام عليج شو تبين تسوين اكثر من جي شوووووو اكرهج اكرهج ( طاحت ساره على ركبها ويلست تصيح من القهر ام سلطان طلعت من البيت سارة ماسكه ريل ابوها وتبوسها وتصيح )
سارة : أأأأه يا بوي سلطااان رااااح سافر وانت الي بقيت لناا وانت الحين تروح بدون رده ليش ليش الله عطاني ام جي استغفر الله استغفر الله ..

تدخل منيرة من الباب وهي تزقر على سارة

منيرة : ساااااااااااارة ساااااااااااروووو وينج يا الدبه
سارة تطلع لمنيرة ووييهااا كله دموع
منيرة : سارة حبيبتي شو فيج
سارة تحظن منيره وهي تصيح
منيرة : دخيلج سارو قوليلي شو صاير
سااارة : ابوي ابوي يامنيرة
منيرة ادز سارة بعيد عنها
منيرة : ابوي اشفيه
اطيح ساره على الارض وتسد راسها على الجدار
سارة : امييييييييييييي ذبحته ذبحته ابوي مات مات مات
منيرة : انتي تقصين علي سارووووو لاتحرقين اعصااابي
سارة: امي مادري من شو مخلوقه دمرت حياتي كلهااا ووعقبهاا شردت اخوي من البيت والحين والحين ذبحت ابوي من القهر ليش ياربي ليش أأأأأأأأأه ياعذابي
منيرة : ابوي ابوي مات يعني انا يتيمه ليش الحين نحن بنتم بدون ريال يسندناا الناس بتشمت فيناا بتم يدون ابوو يارب يارب ارحمناا برحمتك يااارب ارجووووك راااونا الايام الحلوه تراانا خلاص قمناا نذبل وبئر دموعنا جف والحياة صارة دمار ارجوك ارحمنا ساعدنا يااااااااارب
سارة : وينو سلطان خلا يشفوناا وشنو خلا يشوف عذابنااا

مر اسبوع على موت ابو سلطان

منيرة ياسه في الحجره وهي تصيح ودها بي اي احد تكلمه تشكيله بس ماعرفت ان في انسان كان وده يكلمها ويسمع صوتها في مكان ثاني في منطقه ثانيه سيف كان يالس يفكر في منيرة الي جذبته بعناده وكبريئهاا واخلاقها العاليه

سيف وفي خاطره يقول : يارب متى بتحن علي ها البنت انا ادري ان مستحيل تكلكمي بتلفون انا حالوت وربي انسها بس ماقدرت اخخ واليوم في شي قابظني احس ان هي محتاجتني احس ان فيها شي اخاف اتصل وتصك في ويهي ولا تهزبني مثل كل مره اممممممممممم ياربي شو اسوي خلني ادق

يرن تلفون منيرة ..

منيرة : منوالي متص ياربي .. ( ومن دون ماتشوف الرقم )

منيرة : الوو .. ( كان صوت منيرة يبين انها مظايحه وصايحه من الخاطر )
سيف : اشحالج
منيرة : هذه انته
سيف : ادري يااا ..... اسف ماعرف شواسمج ادري انج مابتقوليلي اسمج بس وربي انا من يومين احلم فيج واحس ان فيج شي وههذه هو الشي الي خلاني اتصل
منيرة : لا والله انزين والحين شو المطلوب مني
سيف : اتعرفين انتي عنيده وهذه الي مخلني متعلق فيج
منيرة : وربي انك متفيج وفااااضي اووووووووووف
سيف : اشفيج عصبتي
منيرة : اشفيني مافيني شي الي فيني كافيني دخليك خلني
سيف : فتحيلي قلبج قولي الي بخاطرج
منيرة : شو تباني اقول انت مب عارف شو ظروفي انت ماتعرف منو انا وانا ماعرف منو انت
سيف : انا سيف عمري 24 سنه اشتغل في ادنوك و ماعرف شو اقول بس وربي ان ....
منيرة : ها كله مايهمني
سيف : عيل شو الي يهمج ارجوج قولي الي في خاطرج
منيرة : تبا تعرف منو انا انا بقولك منو انا انا منيرة عمري 19 سنه ادرس في جامعه زايد بس للاسف بعمري ماشفت الراحه ولا عرفت طعمها حتى
سيف : فا ليش
منيرة : انا ابوي توفى من اسبوع
سيف : إن لله وأن اليه لراجعون الله يرحمع
منيرة : بس انا الحين بدون ابو واخوي سلطان الي كان سند لنا بعد سافر يعني بدون ريال في البيت
سيف : الله يخليلج امج
منيرة اهني شهقت وصاحت
سيف : لاتقوين امج ميته
منيرة : لا بس كأنة ميته ويااااريت كانت ميته أأأه هي الي دمرت حياتنا كلناا دمرت حيات اختي وخلتهااا مريضه نفسياا شردت اخوي من البيت وموتت ابوي من القهر وانا دوم عايشة بقلق البيت دوم متوتر أأأأأأأه ماعرف متا برتااااح
سيف : الله ها كله شاله بخاطرج على امج
منيرة : انا ماعرف ليش هي جي هل هي قاصده ولا هي مثل متقول ابا اعيش حياتي مثل ما انا ابااا يااربي وينك ياا سلطان تشوف الي نحن فيه
سيف : منيرة خلج قويه ترا الحياة حلوه وماتباا ها الكثر
منيرة : هههههههههههههههه ظحكتني الحياة حلوه وين وين انا ماشوف شي حلو ولا ملون كلشي اسود وذبلان
سيف : منيرة انتي اول مره ترمسين وياي وطلعين الي فخاطرج تعرفين اني صج مستانس انج كلميتيني
منيرة : سيف انا ماعرف كيف قدرت اكلمك بس حسيت با الامان وانا اكلمك حسيت اني اكلم انسان انا اعرفه من زمان وخاصه اني كنت محتاجه اكلم حد
سيف : منيرة انا مابي اطول وياج في الكلام انا ادري انج بنت محترمه وبنت زينة واخلاقج عاليه بس اباج تعرفين شي واحد هو ان مافي مثلج وايد ونادر ماتلاقي في هاي الايام بنت في اخلاقج
منيرة : تسلم ياسيف
سيف : اخليج انا والله وياج
منيرة : مع السلامه الله يحفظك يا سيف

بند سيف وبندت منيرة منيرة نزلت تحت تشوف واحد داخل

::
::
تابع

[& ليالي الربيع&]

منيرة : منوو
سلطان : مرحبا
منيرة : سلطان ..( ركضت منيرة وحضنت اخوها سلطان وهي تصييييح )
سلطان : اشحالكم شخباركم
منيرة : نحن يااخوي من دونك ما نسوى
سلطان : عيل وين سارة
منيرة : أأأه يا سلطان تعبت معاها مو راضيه تطلع من غرفه ابوي ماتطلع منها الا اذا امي دخلتها
راح سلطان لسارة وشافهااا يالسه على كرسي ابوهاا وتصيح من دون مايحس سلطان دمعت عيونه سارة لما شافت سلطان قامت عن الكرسي وهي تشوف سلطان ودموع في عيونها وحضنته وصاحت

سلطان : انا ماعرف كيف قلبي طاوعني وهديتكم بروحكم انا مشتااقلكم حيييييييل حيييل
منيرة : وحتا نحن بس لاتبتعد اكثر ارجوك ارجووووك تم معناا لاترووح خلاص كفايه ابا اعيش حياة حلوه ارجوك ارجوك
سارة : دخيلك سلطان تم ويانا
سلطان : خلاص انا مابروح عنكم انا بتم وياكم ,, صح انا وياي ضيف
سارة : منو وياك
سلطان : وياي حمد وين مفتاح الميلس انا شفته مقفول
سارة : المفتاح حذال الباب
سلطان : خلاص روحو سوو شي انا بسير اهناك عند حمد انزين
راحو البنات يسون شي,, عند باب الميلس دقت منيره الباب
سلطان
فتح سلطان الباب . هلا
ناولته منيرة الصينيه الي فيها الفواكه
سلطان : مشكوره
منيرة : العفو اقول ترا الحين سارة يايبه الجاي اوكي
سلطان : اوكي
دخل سلطان
سلطان : حمووووووووووووووووووود
حمد : هاااا شوفيك
سلطان : اشوفك سرحان
حمد : انا لا لا عادي
سارة :سلطان
فز قلب حمد اول ماسمع صوت سارة وسلطان حس بها الشي بس طنش
سلطان : ها اهم شي مسويته بيدج عاد
سارة : اكيد مايباله كلام
لاحظ سلطان ان سارة تحاول تشوف داخل
سلطان : سارة شوفيج واقفه
سارة : هاا ماشي وراحت
دخل سلطان داخل الملس
سلطان : ياربي شوها الابتسامه الحلوه
حمد : سلطان انا ابا اكلمك في موضوع بس ماعرف احس الوقت مووووووووول مب مناسب
سلطان : ليش مو مناسب
حمد : يعني ابوك ماصارله اسبوع متوفي يعني
سلطان : انزين انت قول الي عندك
حمد :سلطان بصراحه انا كنت ابا يعني
سلطان : هههههه حمود شو بلاك ارمس
حمد : سلطان انا ابا اخطب اختك سارة
سلطان : نعم
حمد : ادري ادري ان الوقت مب مناسب بس انا حبيت اعطيك فكره وانت وخلها تفكر براحتها وانا بس اقولك عشان تاخذ فكره اني انا اباها يعني
سلطان : ههههههههه وربي انك اظحك تعرف
حمد : ها والله
سلطان : اشبلاك مرتبك ومختبص بس ممكن سؤال
حمد : هلا
سلطان : انت وين شفت سارة
حمد : شو نسيت يوم طرشيتني لهم
سلطان : هي هي هي تذكرت ,, حمد اعرف اني انا مستحيل القاا واحد مثلج لأختي يحاافظ عليها ويصونها ,, بس مثل ماقلت الوقت الحين مب مناسب وانت اكيد ماشورت اهلك يمكن عندهم اعتراض ان شاور الاهل وانا بعيدن برمس سارة ..
حمد : انشاءلله اكيد بشاور الاهل قبل وماعتقد عندهم ماانع ,, انزين الحين عن اذنك اخليك ويا خواتك اكيد مشتاقيلك ..
سلطان : اوكي بس خلنا نشوفك
حمد : انزين , يلا مع السلامه
سلطان : مع السلامه

في غرفه البنات

سارة : اووف مليت عاد وينو سلطان
منيرة : يعني تعرفين ان ويا حمد صبري
سارة : ادري انزين بس ابا اسولف وياااه
منيرة : ياا الله تراج اذيتيناا
دخل سلطان
سلطان : هااااااااااي
سارة : واخيرااا
سلطان : ههههههههههههه لهدرجه مشتاقيلي
سارة : ليش بالله مو اخونا لازم نشتااقله ولا انت ماشتقتلناا
سلطان : افا افا ياااسارة انا مشتاااقلكم (وحضن منيرة وساارة ) ,, ومااعرف كيف قدرت على بعاادكم
رن تلفون منيرة
سلطان : احم هذيلا اكيد ربعج يقولولج سلمي على سلطووني خخخخخخخخ
منيرة يوم شافت الرقم ارتبكت ولا حظ هذه الشي سلطان
سلطان : منو متصل
منيرة : ها مااعرف رقم غريب
سلطان : انزين ردي
منيرة : لا لا مو لازم
سلطان شل التلفون عنها : انا الي برد
سيف : انا اسف يا منيرة اني اتصلت بس ..
سلطان : على شو اسف
سيف : هاا اسف يمكن مغلط بنمره
سلطان : لا مو مغلط
سيف : بس
سلطان : بس شو ها تلفون بنت صح هي صح بس انا اخو ها البنت ممكن تقولي منو انته وبسرعه
سيف : انت سلطان
سلطان : بعد تعرف منو انا ليكون تعرف العيلة الكريمه كلهاا بعد
سيف : ارجوك سلطان خلنا نتفاهم
سلطان : نتفااهم على شو داق على تلفون اختي وتعرف اسمها بعد وتعرف اسمي بعد ماشاءلله
سيف : انزين خلنا نتقاابل وانا بحكيلك عن كل شي لان الكلام في التلفون ماينفع
سلطان : نتقابل شي حلوو ووين تبانا نتقابل
سيف : في بيتك
سلطان : نعم شو قلت اخوي
سيف : مثل ماقلت ان اوصفلي المكان وانا اييك لان الكلام الي بقوله ماينفع الا في البيت
سلطان : انزين ,,(ووصفله المكان ) مع السلامه
سيف : مع السلامه

سلطان تم يطالع منيرة من فوق لين تحت وهي مرتبكه كان خاطره يظربها بس هدء نفسه وطلع من الحجره
منيرة : ياااربي انا شو سويت هذه كله مني لو انا الي رديت على التلفون وقلتله اي شي ماكان سلطان بيشك ولا بيسوي شي
سارة : منيرة انتي ليش ماقلتيلي انج ترمسينه
منير : انا كلمته اليوم بس لاني كنت صج محتاجه احد اكلمه ..
سارة : الله يعين هو الحين بيقاابله وبنشوف شو بيصير

في بيت ابو حمد ..

حمد دق باب حجره امه وابوه

الام : تفضل
حمد : زاد فضلج
الام : ياحيالله حمد ها ولدي شو بغيت
حمد : امي وين ابوي
الام : الحين ياي
حمد : انزين امي انا ابا اكلمكم انتو الاثنين بموضوع
الام : موضوع شو يا ولدي
حمد : لا يا امي ماينفع لازم انتو الاثنين
وصل ابو حمد
الام : ها ابوك ووصل
الاب : شو كنتو تتريوني
الام : هي مادريبه ولدك يباا يقولنا شي ويقول ان يبانا في موضوع مهم
الاب . اوه موضوع مهم هاي يبالها قعده .. ها قعدنا يلا قول شعندك
حمد (مرتبك اشوي ) : انتو اكيد تتمنون لي السعاده
الام : طبعا
الاب : حمد نحن تعودنا على الصراحه قول الي عندك
حمد : انا ابا ازوج
الام : شوووووو لا لا مستحيل حمد يقول ابا ازوج ,, (يلست ام حم دتيبب من الفرحه )
الاب : شو بلاج الصبري
الام : شو اصبر من اليوم بدورله احسن بنات البلاد
حمد : لا امي مايحتاي انا اخترت
الاب : اها يعني انت حاط عينك على وحده
حمد : بصراحه هي وهي بنت زينة وصغيره وحلوه وطيبه و
الام : بس بس بس ماباقي الا تقول ملاك
حمد : هههههههههه بصراحه اممم هي ملاك
الام : بصراحه شو قتني عشان اشوفها
الاب : انزين ماسألتوني عن رأي
الام : ليش انت ممكن تعارض
الاب : انا عندي رأي ثاني
حمد : يعني ابوي ماتباني اعرس
الاب : انا ماقلت ماباك تعرس بس
حمد : بس ابوي البنت تستوي اخت سلطان اربيعي وهي زينه
الاب : انزين كم عمرها بنت منو شو تدرس شو مستواهم
حمد : ابوي اولا هي السنة بتخلص ثنويه عامه ابوها متوفي من اسبوع تقريبا ومستواهم يعني مستورين والحمدالله واخوهم سلطان الحين هو الي صرف عليهم بعد وفاة ابوهم
الاب : وانت ماتستحي على ويهك
حمد : ليش
الاب : ابوهم متوفي من اسبوع وتبا تخطبها
حمد : لا طبعا انا بس كلام بس الخطبه الرسميه بتكون عقب ماهي تخلص الثنويه طبعا
الاب : وانت ناسي ان انت بعدك تدرس
حمد : ابوي انت عارف ان انا الشهر هذه متخرج وانا الحين في التدريب وعقب 4 شهور وبيكون لي راتب وبتوظف وبكون اساسي .. اعتقد الحين ماعندك حجه
الاب : خلني افكر
حمد : ابوي
الاب : شو قلتلك خلني افكر
حمد : انشاءلله تامروني بشي
الاب : سلامتك
حمد : مع السلامه

..........

نرجع لمشكله سيف وومنيرة وصل سيف ودخل الميلس وقعد ويا سلطان

سلطان : الحين خلنا ندخل في الموضوع بدون مجاملات
سيف :سلطان
سلطان : نعم
سيف : سلطان شوف اانا ريال اشتغل ومب اصغير يعني ريال مب ياهل لو ياهل جان خليتك تصطفل انت واختك تذابحون تجاتلون تسوون الي انتو تسونة بس انا مب جي انا يمكن مارمست اختك وايد بس لما عرفتها عرفتها وانت مو موجود عرفتها في ظروف صعبه ومع هذه حبيتها واقولك انا ابا اختك يعني اخطبها منك بتقولي هات امك وابوك بقولك هم يدرون عن كلشي ومستعدين ايون من ها الحظه بس الظروف ماتسمح لان الوالد متوفي من قريب
تم مصدوم سلطان لان اتحرا سيف واحد يلعب بأخته وبمشاعرها ظن ان انسان مستهتر مثل أي الشباب بس هو الحين واقف جدام ريال مب ياهل او واحد طايش لا هو صحيح انصدم بس فرح في نفس الوقت لان خواته انخطبو اثنيناتهم ها معناته بدايه حياة حلوه لهم ابتسم سلطان لسيف
سيف : شو قلت اشوفك سرحان وساكت
سلطان : صحيح اني انا مصدوم بس فرحان في نفس الوقت والله يوفق انت وياها بس المفروض اني انا اسأل عنك قبل واسأل البنت بعد وبعدين خلها تخلص ها االكورس على الاقل وبعدها خطب خطبه رسميه وعشان بعد الوالد توه متوفي ومو حلوه بحقنا
سيف : انزين انا موافق على كل الي قلته والحين انا استأذن عشان ابشر الوالد والوالده
سلطان : سلم عليهم
سيف : يبلغ
سلطان : مع السلامه
سيف : مع السلامه ..

وطلع سيف دخل سلطان الصاله وشاف سارة ومنيرة منيرة كات قايمة بتروح

سلطان : منيرة
منيرة : انا اسفه
سلطان : سيف خطبج

انصدمت منيرة من الخبر وكان اشوب وبيغمر عليها ابتسمت ابتسامه عريضه
سلطان : انا فراحن لان خواتي اثنتين انخطبو
سارة : هااا انخطبو
سلطان : او صح نسيت اقولج
سارة : شو
سلطان : امم ولا اقول مابقول
سارة :سلطاااااااااااان
سلطان : هههههههههههه حمد خطبج
سارة : ها
سلطان : ها اشفييج هههههههههه أأأه والله اني فرحان عشانكم .. يرن تلفون البيت شلة سلطان

سلطان : الو السلام عليكم
....... : وعليكم السلام هذه بيت ابو سلطان
سلطان : هي نعم
.......: منو معاي
سلطان : منو انته
......... :معاك قسم الشرطه
سلطان : ها خير شو صاير انا سلطان
الشرطي : ممكن تجي المركز الحين
سلطان : خير شو فيه
الشرطي : بعدين بتعرف
سلطان : حاظر
الشرطي صكر

منيرة : شو صاير
سلطان: ماعرف
سارة : انزين روح اطالع شو فيه
سلطان : رايح

تمو البناات يتريون سلطان وصارت الساعه 11 بالليل وهو بعده ما وصل

منيرة : ياااربي سلطان وايد تاخر من متى وهو طالع الحين
سارة : الله يعين
منيرة : صح وين امي
سارة : اوف لاتيبيلي طاريها
منيرة : مب زين يا سارة
وفجئه يدش سلطان ووراه امه

سلطان : سارة منيرة
سارة+ منيرة : هلا هلا
سلطان : روحو لمو اثيابكم ترانا باجر الصبح بنطلع من ها البيت
الام : لا والله وتهدوني بروحي
سلطان : والله لو مو انتي امي كنت ذبحتج بيدي
الام : هاها ليش شو مسويه انا
سلطان : شو مسويه !! لا مول ماسويتي شي يقبظون عليج وانتي في بيت لدعاره وماسويتي شي خافي ربج
الام : انت مالك خص والله تبون تظهرون اظهرو بااالي مايحفظ


طلع الصبح وسلطان ومنيرة وسارة طلعو من البيت
منيرة : انزين ويوم طلعنا وين بنسير
سلطان : الحين بتعرفين
وقف سلطان
سارة : بيت منو هذه
سلطان : بيتنى
منيرة + سارة : نعــــــــــــم
سلطان : انزلو عقب بنتفاهم
نزلو البنات ودخلو البيت
سارة : واو تصميم البيت رووعة
منيرة : هي والله
سارة : انزين والحين شو سالفة ها البيت
سلطان : شوفو البيت مكون من 4 غرف و صالة تحت وصالة فوق وميلس خارجي ومطبخ خارجي ومطبخ تحظيري داخل وفي كل غرفه حمام وحام لصالتين وللميلس ومثل ماشفتو الحديقة الي برع والملحق الي ورا البيت هذه للخدم
سارة : نعم سلطان انت من وين يبت ها البيت
سلطان ، بعد 5 سنوات كفاح في الخارج ودراسه وشغل قدرت ايمع مبلغ محترم مع مساعده من البنك قدرت اشتري هذه البيت وها الشي صار ومن انا في امريكا لان كنت اباكم تعيشون عيشة احلا وبهدوء
منيرة : وااااااااااو
سارة : وين المطبخ
منيرة : همج في بطنج
سارة : ههههههههههههه لا والله


نجرع لحمد وشوووووو قال ابوه عن المضوع

حمد وهو في حجرته يدش ابوه عليه
الاب وهو امبين عليه مب راضي ومعصب وظايق
حمد : شكله الموضوع مايبشر با الخير
الاب : حمد شوف انا ابا سعادتك وراحتك بس البنت الي اخترتها ماعرف يعني كيف اقولك انا ادري انك
حمد : ابوي لو كنت مو موافق ارجوك قول واذا كنت موافق قول ولا تحرق اعصابي
الاب : للاسف أي ماقدر
حمد : ماتقدر شووو
الاب : اني اردلك طلب
حمد : يعني يعني انت موافق
الاب : طبعا مواافق بس على شرط
حمد : شو
الاب: ان تتوظف قبل بعدين انروح نخطبها رسمي
حمد : انشااااااءلله

مرت هاي السنة وهي نااااايس وكلها سعادة وبدت التحظيرات لعرس منيرة وسارة لان بيكون في نفس اليوم

يوم العرس
منيرة :: سارة انا خايفه
سارة : يعني انا الي تشوفيني كول وايد
منيرة : ياربي يمر اليوم على خير
سارة يارب

في القاعة الكل مرتبش وحالتهم حالة تصكرت الاضواء كلها اشعلو الشموع بدت الزفة

يلسو البنات على الكوشه وثنيناتهم مرتبكات على الاخر هههههههههههه وحليلهم عرايس لازم

بعد مايلسو بدو البنات بتيبيب طلعت ام سيف وام حمد عندهم للكوشه سلمو عليهم ام حمد : فديت ولدي صج اختار بنت حلوه
ام سيف : واي حتو منيرة حلوه فديته
منيرة وسارة : هههههههههههههه
ام سيف : ها ام حمد ليكون مابخرتيهم اخاف عليهم من العين انا
ام حمد : افا اكيد بخرتهم يببي يببي يا ام سيف

ركبت فوق الكوشه اخت سيف عشان تبارك لهم وخوات حمد يالسات يرقصن من فرحتهم بخوهم الي عرس ..

مها (اخت سيف) : واااااااو شكلكم حليون وانتو على الكوشه
سارة : عقبالج
مها : وي وي لاتفاولين علي
منيرة : هههههههههه ليش انشاءلله بتزوجين ولا بتنسجنين
مها : هههههههههههههههه ولا امم نفس الشي الزواج والسجن نفس الشي
سارة : اقول منيرة اغسلي ايدج عيل كنا ناوين نخطبها لخونا
مها استحت وحمر ويها وخاصه انها تمووت في سلطان وهو بعد بس ولا واحد منهم قال لثاني اونهم يتغلون
منيرة :لا لا ماعتقد مهو ترفض اخويه صح وغمزتلها
مها : اووه اقول انا بنزل احسلي
سارة : اونها استحت
مها : أي عاااااااااد
منيرة : ههههههههههههه شكلك حلو يوم تستحين هههههههههه
مها : أي عاد انا انزل احسن
ريم ( اخت حمد متزوجه وعندها ولد اسمه زايد عمره 3 سنوات ) : لا لا تمي خلنا نغطيهم لان سيف وحمد بيدشوف
مها : سلطان بيدش وياهم
ريم جاكتنها : هههههه وليش تسألين
مها : ها لا لا بس عشان اتغطى انا بعد
ريم : مهو كنتي جي ولا جي بتتغطين
مها : يوه
ريم : هههههههه هي بيدش
مها : انززين خلاص يلا خلا نغطيهم

دخل سيف ويا ابوه وحمد ويا ابو وسلطان وقفو كلهم يتصورون

سلطان وهو نازل كانت مها راكبه واتجابلو

سلطان : اشحالج مها
مها مرتبكه : انا انا بخير الحمدالله انت اشحالك
سلطان : بخير دامج بخير
تم سلطان يشوف مها وشوف جمالها الطفولي الحلو

مها اخت سيف الصغيره عمرها 19 سنة توه متخرجه من الثنويه وهاي اول سنة لها في الجامعة بنت حبوبه وطيبه وحنونه وخجوله وبنت حلوه وابتسامتها احلا مافيها ..

مها : سلطان
سلطان : عيون سلطان
مها تمت مصدومه لم قالها جي سلطان بعفويه قالها وهو مو منتبه بعدها نزل راسه وطاف
خلص العرس والكل كاان فرحاان طبعا كان شرط سلطان على سيف وحمد ان خواته يعيشون جنبة فاا فكر سيف وحمد وسلطان انهم ياخذون ثلاث بيوت في حوطه وحده وبلفعل باع سلطان البيت الي كان شارنة ويااب مبلغ وايد حلوه وخاصه ان الاسعار كانت مرتففه والارض سعرها اوكي بس احتارو وين بيسكنون في هاي الفتره لين ماينبني البيت فا فكر ان كل واحد يعيش في بيته وحمد فكر ان سلطان يعيش وياه وخاصه ان سيف عنده خوات اما حمد خواته كلهم معرسات
في هاي الفتره خطب سلطان مها وملجو وبعد ماينبني البيت بيعرسون
خلص البيت وسلطان عرس والكل انتقل للبيت بس مو بس كانت مها الظيف اليديه لا حتا البيبي خليفه الي هو ولد منيرة وسيف وكان سارة بعد حامل وبتيب بيبي عن قريب

مرت ثلاث سنوات والكل عايش في سعاادة وصاروعائلة وحده مايفترقون صار عند سلطان بنت وسماها العنود
وسيف ومنيرة عندهم خليفة ويابو بعد بيبي بس بنت وسموها حور
وحمد وسارة يابو ولد وبنت توأم سموهم منصور وغزلان

بس انتو نستو انسانة هي هي ام سلطان عايشة ميتة الله وعلم

في الحديقة كانت منيرة يالسة تلاعب اليهال
سلطان : هلا با الام الحنون
منيرة : اهلين
سلطان : منيرة اشفيه ويهج جي مصفر شكلج تعبانة
منيرة : سلطان ابا اقولك شي
سلطان : قولي يا منيرة اسمعج
منيرة : سيف انا اليوم حلمت حلم فضيع
سلطان : شوهو
منيرة : حلمت بأمي حلمتها تقولنا سامحوني وتعالي رجعولحضني
سلطان : غريبه انا نفس الحلم حلمت خلينا نسـال سارة يمكن حلمت الحلم نفسة
وطلعت سارة حالمة الحلم نفسة رااحو سلطان وسارة ومنيرة للبيت القديم شاافوه مهتري والجدران متشققه والباب مصدي والاشجار مغطيه البيت كأنة بيت مهجور

سارة : انا خايقه
منيرة : وانا بعد
سلطان : دشو زين اونه خايفين

دخل البيت لقا الصاله ريحتها معفنة ومافيها غير كرسي واحد والارض رطبه دخلو حجره الام والابو
شافو وحده على السيادة تصلي ورافة اديها تدعي وتصيح وتشهق وكـأنة احد ميت عندها

الام : ياارب ادري اني غلطت بس سامحني رجعلي عيالي وظناي انا شفت في ها الدنيا واليل والعذاب والاهاانة تشردت ارجوك رجع عيال لحضني خلهم يسامحوني ادري اني غلطت بحقهم بس انت تغفر وترحم وتوب توب عليه وخلهم يسامحوني ارجوك دخيلك ياارب يارحمني خلني اشوفهم تراهم نظر عيوني وتمت تصييح
سارة +منيرة +سلطان : امي
قامت الام لقت عيالها غمى عليها شلها سلطان وحضنهاا وهو يصيح والبنات يلسو يصيحون ويدعون ان امهم ترظا عنهم وتسامهحم
منيرة : يااربي سامحنا والله ماكان قصدنى نحن ماكان لازم نهدها ونتركها اكيد ربنا غاضب علينها لاننا ههدينها
سلطان : ماشي وقلت اليحن خلنا نروح تعالو ساعدوني بنشلها بنوديها ويانا
وعت الام

الام : عيالي وين
كلهم التفو حوالي
سلطان : نحن اهني يا امي
الام لما قامت شافت ناس لاول مره تشوفهم بس في واحد الي اذكرته الي هو حمد
الام : منو هذيلا سلطان
سلطان : امي هذه حمد وسيف حمد ريل سارة وسيف ريل منيرة ومها حرمتي واليهال هذيلا احفادج
الام : الله يا الدنيا يعني انتو تزوجتو وصار عندكم عيال
حمد : سيف مها يالله خلونا نطلع عشان نخليهم بروحهم
سلطان : لا يا حمد انتو الحين من الاهل
حمد : بس
سلطان : لا بس ولاشي
منيرة : امي نحن اسفين
الام : انا الي اسفه سامحوني يا عيالي انا كنت غافلة وربي عااقبني وخذت جزائي ويارب انتو تسامحوني
منيرة : امي نحن مسامحينج ويارب نبدء صفحه يديده
سارة تمت ساكته ومانطقت
الام : وانتي يا سارة مساامحتني
سارة تمت تذكر الي الي سوته امها وياها بس عرفت ان الي يعاقب الله سبحانه وهي اكيد خذت جزأها وربي العالمين يسامح ويغفر فا كيف انا مااسامحها
سارة : امي انا مسامحتنج وربي يغفرلنا جميعا وخلينا نبدء صفحة يديده

مرت الايام وسنين والكل عايش بسعاده كبرو العيال وزادو

عيال سلطان &مها
العنود :24 سنة تشتغل في بنك ومخطوبه حاليا لخليفة
حميد :23 سنة يدرس بــ الخارج ويحب عهود وهي تحبه من صغرهم وعايشين قصه حب حلوه
الياس:14 سنة طالع شيطان وايد بس ذكي وشاطر في الدراسة
... عيال سيف&منيرة
خليفة : 26 سنة خاطب العنود ويشتغل وميسور الحال والحمدالله
حور: 26 سنة مخطوبة لواحد كان يشتغل وياها في الدوام وملجتها عن قريب
الريم : 24سنة بعدها تدرس وتدرس طب وماشاءلله عليها رافعه راس امها وابوها
عهود : عمرها 20 تدرس الاعلام وتحب حميد
زايد: اخر العنقود عمره 14 كبر الياس ووياه في المدرسه هم الاثنين ربع واكثر من الاخوان وثنينهم مجتهدين في الدراسه
...عيال حمد &سارة
منصور :عمره 24 عنده موهوبه حلوه وهي الرسم وماشاءلله طالع رومانسي يحب البحر والبر والجبال والخضرة
غزلان: 23 سنة تدرس في الجامعة تدرس التصميم وعندها روح مرحه وفكاهية
فواغي:19 سنة توه متخرجه من الثنويه بنسبة 85%امم ماعيبتها النسبة وايد بس ماعلية فواغي طالعة عكس غزلان مب اجتماعية
هزاع: 15 سنة هذه الانساة يموت في شيئين الغناء والكرة له صوت وايد حلوه ويعرف يعزف على العود وقايل بيدش معهد موسيقى


هذه هي النهاية ويارب تعجبكم :g واباكم تقولولي ارااكم وانتقادكم للقصة لاني مبتدء واباكم تقولولي انتقاداتكم عشان اطور في كتابه القصص ..

اختكم الصغيرونة ليالي الربيع

[جسر المحبة]

القصة رووووووووعة

تسلم الايادي يا ليالي ..


وفـ انتظار باقي قصصج