فارق العمر بين الاصدقاء, ارجوا ابدأ آرائكم

[الدمعة]

بسم الله الرحمن الرحيم

الصداقة والمصادقة لغة تعني المخالة، والخليل صديق . والصداقة تدخل
في باب الصدق وترتبط به بل ومنه تشتق . ولا شك أن الصدق ضد الكذب
فيكون منشأ الصداقة تأسيسها على الصدق والتصديق قولاً وفعلاً، سراً
وجهراً، حقاً وإحقاقاً. ومن الصداقة التصدق


مثال..
أنها لم تقم على تقارب في السن بين الشريف الرضي وأبو إسحق
، فالأول شاب في مقتبل العمروالثاني كبير السن. فما جمع إذن هو هذا
التقدير المتبادل لما يملكه الإثنان من طباع مشتركة ولغة متناسبة وعلو
شأن وأهليّة لم يساعد الزمان على أن تأخذ موقعها.


أود أن نتناقش في هذا الموضوع

لنفيد ونستفيد..

مارأيكم في قضية فارق السن بين الاصدقاء......

سواء كان الفرق من جهة الكبير او الصغير

برأيكم هل من المكن أن يؤثر الفرق على علاقة الصداقة..

وهل هذا التأثير سلبي أم ايجابي ..

هل فارق السن يعوق عملية التفاهم بين الصديقين..

ومالفرق العمري المناسب في نظركم..

[الدلوعة]

مشكورى اختي الدمعة على هل موضوع او حبيت اقول انه العمر عمره ماكان سبب في الصداقة بالعكس احيانا انشوف ناس اصغار بس عقلهم اكبير اوعمره ماكان تاثير سلبي او ايجابي بالعكس


:)

[ظاهرية مبرقعة]

مشكورة الدمعة على هالموضوع الحلو .. الصداقة بين أي اثنين مالها أي دخل بالعمر ، يعني عادي جدا نشوف واحد صغير في السن وصديقة اكبر عنه في السن بس يمكن فارق السن يكون له تاثير سلبي (( طبعا مب دايما يعني في بعض الأحيان )) لانه أكيد كل واحد تفكيره بيكون غير يعني يمكن الصغير في السن يكون ماخذ الحياة عادي لعب ومصخرة وهالسوالف بس الكبير في السن بيكون ماخذ الحياة جد مب مسالة لعب او سوالف وبس لأ .. طبعا بيفكر بعقله قبل قلبه (( وانا أقول أحيانا يعني مب دايما هالشي يصير )) وبيكون تفكيره في الحياة اعقل من تفكير الصغير في السن طبعا بحكم خبرته في الحياة (( بس ارد واقول مب كلهم يعني البعض من الناس )) وفي الأول والأخير هذي مجرد وجهة نظر ..



والسموحة منكم ..

[بيرلا]

** الدمعـــــة **

لا يعتبر الفـــــارق السني مشكلة في تكوين الصداقــــة من رايي الشخصي!
لأنج قلتي بأن الصداقة أساسها مبني على الصدق والتصديق قولاً وفعلاً، سراً
وجهراً، حقاً وإحقاقاً. وعمره الفارق لا يؤثر على الصداقـــة
يمكن بس من نـــاحية المستوى العقلي ويجب أن يكون متطابق ،،، (نفس السن تقريبا)

أشكرج أختي على طرحج للموضوع الحلو هذا
:)

تسلمين

;
بيرلا

[ريــ alain ــم]

الصداقة قيمة إنسانية أخلاقية ودينية عظيمة وهي تقارب بين شخصين ينتج بينهم راحة النفسية ..

وانا راي ان العمر مايسبب مشكلة !!!

بالعكس يمكن ترتاح لشخص أكبر عنك او العكس ..

العمر مب شرط لاقامة أي صداقة ... :)


ومشكووورة دموووعة الغالية ع الطرح القيم ..

تسلمين الغلا ..

:)

[معاذ الكعبي]

الصداقة هي أثمن شئ يملكه الانسان بعد دينه....المرء على دين خليله فلينظر المرء من يخالل...
العمر أبدا ما ما يحدد الاصدقاء....لأني أشوف في واقعنا..صديقين كل يوم مع بعض..والفارق بينهم يكون 8 او 11 سنة..
الكل يبحث عن صديق ....بل مب صديق ففقط يبحث عن شخص يريد جعله أعز الاصدقاء..
وتسلم يديك أختي الغالية الدمعة

[مريوووومة]

من خلا ل قراتي الكل اكد ان الفرق في العمر ماله تاثير ..انا اتفق وياكم..

لان الانسان ما يصادق العمر يصادق العقل في اذا كان الانسان متفيق في اراءهم وافكاره فتكون الصداقه ناجحة تقريبا

بغض النظر عن رفقاء السووووء...واذا تكلمنا عن ناحيه السلبي والايجابي.. انا اعتقد انها ايجابية لان الصغير بيستفيد من خبرة الكبير ..وممكن الكبير يتعلم من الصغير...انا ما اتكلم عن رفقاء السوووء...لان هذا موضووع ثاني...

واشكرج اختي على هذا الموضووع الحليبوو

نتريا يديدج فلا تحرمينا منه..

اختج مريوومة

[الدمعة]

تسلمون الغاليين على مروركم وتعليقاتكم الحلوة وربي يعطيكم العافية وانا بعد اقول آن العمر عمره ما كان مشكلة في الصدتقة بالعكس يمكن ترتاح اكثر مع شخص اصغر منك والعكس صحيح

[غــرشـــوبة دبي]

وانا من رايي انه الفرق ف العمر ابدن ماياثر ف الصداقه
والصدق هو مفتاح الصداقه مب العمر...


تسلمين الدمعه على هالموضوع ويعطيج العافيه...:)

[الدمعة]

تسلمين الغالية غرشوبة دبي على رايج الحلو

[علمني حبك]

مشكوره اختي

واناصراحه

كلامي من كلام الكل

عن الصداقة

واتمنى لج التوفيق

[المياسه]

السلام عليكم ورحمة الله وبركاته


اعتقد انه الصداقه مالها دخل في العمر .. مثل ما تفضلت اختي ظاهريه مبرقعه الحين يمكن تشوف الصغاريه افكارهم متفتحه أكثر عن قبل ...
تستغرب من هاالافكار والمعلومات اللي يعرفونها ما بتصدق انهم فاهمين هالشي من كل النواحي
بس يمكن نوع العلاقه هيه اللي تاثر مب المقصود بالتأثر نفسه بس نقول تختلف شوي ...

مثلا ُ :
تكون عندي ربيعه أكبر عني بـ9 ، 10 سنين أو 11 سنه ما الى ذلك .... وتكون عندي ربيعه ثانيه
من قدي .. أي انها شرات عمري تقريبا ... فأنا هنيه بشوف ربيعتي اللي أكبر عني بمثابة ..
مثل ما يقولون شي كبير .. قولو قدوه بكون بكل تأكيد اقدرها واحترمها هب معناته اني ما اقدر الثانيه ولا احترمها بس عشان هاي العوده أكيد بتكون غير .. فعشان جذى يوم بيي أتكلم وافاتح ربيعتي العوده بأي موضوع.. بفاتحها بالمواضيع اللي انا استفسرمنها بالمواضيع اللي ادورلها حل بالمواضيع اللي يمكن هيه تقدر تنصحني فيها هب اني ما اسولف عندها ... بس هذي نوع المواضيع اللي بتنقال مني حقها .. اما ربيعتي الثانيه فبقدر اقولها السوالف أوالمواضيع الي بينا اللي بكون انا استحي اني اقولها حق ربيعتي اللي أكبر مني من زود ما انا احترمها اخاف هالشي ما يعيبها ... يعني بيكون في شي ..فـما ادري هذا من وجهة نظري .. يعني هيه اولا واخيرا وجهة نظر فقط لا غير ..مب اني معارضه انه فارق العمر يأثر في الصداقه لا ما اعتقد والسموحه منكم اذا طولت ...


تسلمين اختي على طرح هذا الموضوع ....
ونتريا منج المزيد منها ... تقبلي تحياتي ...

[الدمعة]

تسلمون الغاليين على ردودكم