::++ كلمات فى القلب يا زايد::++

[الوداد]

::..فى القلب زايد::...



في القلب زايد حي مات الى الابد بعيش بأهات..
ذكراه في قلب الامارات تنطق وتهتف باسم زايد..

وقف نبض المسا فجأه وفجأه كل شى مهموم..
ومن وقع الخبر صارت تنكس نفسها الاعلام...
رحل زايد رحل والليل يتسأل بعد هاليوم ..
صباحج كيف يا بلاد شعبها كلهم ايتام..

ترجل فارس الامه قدر وامر القدر محكوم..
ترجل من على خيله وصاحت امة الاسلام..
رحل وانجازه الاكبر بلادا" ما بها مظلوم..
حكمها الفارس القايد ومات الفارس المقدر...

سمعتك يا الخبر وامري ما بين مصدق وموهوم..
وامشى خطوه امصدق وخطوه تشبه الاوهام..
ويسري شى في دمي كأني بالحزن مسموم..
واشوف الناس من حولي وجوها"تشبه الالم...

اشوف ارجال مااكبرها بكت كنها طفل محروم..
وانا يا دوبي مصدق واقول الله يا الايام ..
خذيتي زايد وكنك خذيتي من مسانا النوم..
ولكن حكمتك ربي وحكمك سيد الاحكام..

رحل واحد نعم واحد ولكنه يساوي قوم..
رحل بس بعد ما حقق طموح الشعب والاحلام..
فمان الله يا زايد كثر ما هالخبر مشأوم..
فمان الله يا الوالد كثر خيرك في هالاعوام..
كثر حزني وانا اشوفك تروح وموكبك مزحوم..
كثر نظرت محمد بها مبنا وما تلام...
كثر ما صورتك بكت عيون الناس يا المرحوم..
ابا ادعيلك فمان الله وبراحه عساك تنام..

في قلب زايد حي ما مات الى الابد بعيش بأهات..
ذكراه في قلب الامارات تنطق وتهتف باسم زايد...

لو الموت توقف بس لحظه وسالنا ..
وش رايكم عن زايدا" انتوا تموتون..
وان كان مثله عنه نحن واهلنا...
وان كان عن زايد تعوض بمليون..

ليته قبل زايد تغير اجلنا..
ان كان قلنا له لجل زايد يهون..
يا ربنا ما غيرك انته سألنا..
نسألك تجعل جنتك لجله تكون..

لا الدمع صبرنا ولا هموم سلنا..
نحتاجه لو نبكيه لعيونا عيون..
من هو الذي من حزننا ينتشلنا ..
والي نحبه خلاص صار مدفون..

يا ربنا ياللي عليك اتكلنا..
والي لامرك يشهد الكاف والنون..
عن شيخنا المرحوم راضين كلنا..
نسألك ترضا عنه يا خالق الكون..

من يوم فتحنا وشفنا املنا..
نسمع اهلنا بخير له دووم يدعون..
هو كان قايدنا ابونا مثلنا دام..
هو كان فينا شمس وظلال ومزون..

عنا رحل زايد وغادر قبلنا..
عنا رحل وطمن والله وجفون..
من بعد ما وحد ولملم شملنا..
واهدا لنا خاتم مبداه يمشون..

يا ربنا ياللي عليك اتكلنا..
والي بامرك يشهد الكاف والنون..
عن شيخنا المرحوم راضينا كلنا..
نسالك ترضا عنه يا خالق الكون..

في قلب زايد حي ما مات الى الابد بعيش بأهات..
ذكراه في قلب الامارات تنطق وتهتف باسم زايد...

ما يموت اللي ترك خلفه رجال..
ما يموت اللي مثل زايد يكون..
ما يموت الخير مع حسن الفعال..
والملا له يدعون ويشكرون...

ما خطا المرحوم زايد يوم قال..
حكمه منها البشر يتعلمون..
المصانع ماهي لي تصنع رجال..
الرجال اللي بيدينهم يصنعون..



زايد اللي كان مجد ولا يزال..
غالي ماهو من اللي يرخصون..
اسالك يا ذا المعزه والجلال..
ترزقه الفردوس والانهار والعيون..


ثبته يا ربنا عند السؤال ..
وارحمه وارفق بعبدك يا حنون..
زايد القدوه بعدله والمثال..
واخلص لشعبه وحطه في العيون..

ما يموت اللي ترك خلفه رجال..
ما يموت اللي مثل زايد يكون..
ما يموت الخير مع حسن الفعال..
والملا له يدعون ويشكرون...

[العـقـرب الاسود]

كلماات راائعة ..

الله اغفر والدنا زايد وتغمده برحمتك يا ارحم الراحمين ..

الله يعطيج العافية اختي على الكلمات الجميلة ..

اخوج

%

::العقرب الاسود::

[ريــ alain ــم]

ليته قبل زايد تغير اجلنا..
ان كان قلنا له لجل زايد يهون..
يا ربنا ما غيرك انته سألنا..
نسألك تجعل جنتك لجله تكون..


الله يرحمه ويغمد روحه الجنـــــــــــة .. اللهم آميـــــن

تسلمين الوداد ..ربي يعطيــج العافيــة ..

[بقـايـا_جـروح]

ما يموت اللي ترك خلفه رجال..
ما يموت اللي مثل زايد يكون..
ما يموت الخير مع حسن الفعال..
والملا له يدعون ويشكرون...
^
^
^
^
تسلمييييييييييييييين حبووووووووووووووووووووووبه ع الكلام الحلوو

والله يرحمه ويدخله فسيح جناته

[ظاهرية مبرقعة]

الوداد تسلمين الغالية على المشاركة الرائعة ويزاج الله ألف خير




(( الله يرحم أبونا زايد ويغمد روحه الجنة يا رب ))