ليـــــــــــــــش؟؟

[سندريلا]

الســــــــــلام عليكم والرحمه

هلا بجميــــــــــــــــــع الاعضاء

وهاي اول مشاركه لي فهالقسم


وعندي ســـــــــــــوال:


ليــــــــــــش الربع او النــــــــــاس استوت تجرح فبعض، بدون ما يعيرون اهتمام لمشاعر الناس؟؟؟؟؟؟

[همسة فرح]

وعليكم السلام
اووووه الاسباب وااااايد
يمكن بعضهم يريدون ينهون الصلة...احتمال
يمكن بعضهم ما يقصدون هالشي...يعني طلع منهم من دون مايحسون....احتمال
يمكن بعضهم يريد يستمتع ويضيف شي يديد في حياته...احتمال
يمكن بعضهم يريدون يعيشون حزن يديد...لان في ناس يحبون الحزن ويدورون الاسباب
اللي تخليهم حزينين....احتمال

هذا اللي في بالي الحين....يمكن ارجع عقب اكمل ^_^
السموحة

وشكرا عالموضوع....اللي انتشر واااااايد....وعاشوووه واايد من الناس

[بيرلا]

** سندريلا **

ســـؤال قليل الأحرف ،، ولكن الإجابة عليه صعب
من حيث كيف للنــاس أن تجرح بعضها البعض

يــاختي الدنيا تغيرت ،، والكل يتبع مصلحته
اللهم نفسي ،، مــاشي احترام للمشـــاعر
إلا من رحم ربي

خيانات وتجريحـــات والهمز واللمز والغمز
وتلميحات ،، كرمنا الله عنهم

أكره هالنوع من البشر
الا مــاطيج التعامل وياهم

وانا راعيــة حق ،، أعطي في الويه
ولو حدث واستحيت من اللي جدامي
بيفهم من خلال تعاملي ويــــاه

ويقولج المثل

عـــــامل الناس كما تعامل
:)

واشكرج ع موضوعج اختي العزيزة

;
بيرلا

[بنت بلادي]

مشكوورة اختي "سندريلا" على هالموضوع الغاوي ... واللي صار منتشر بيـنا وايد للاسف هالايام !!..

أحس انه وايد اسباب هي اللي تخلي الواحد يعامل الناس بجفـاء وعدم احترام .. وأولها هو وجود خلل في العلاقة نفسها ..
يعني ماتكوون علاقة أسسها قويـه تخلي الواحد يتحفظ في أسلوبه ومعاملته وياك بما إنه يعتبرك صديق قريب وعزيز عليه !!

وأحس بعـد انه من الاسباب .. انه هالايام غالبية الناس فاهمين مفهووم الشخصيه القوية بمفهووم غلط !!.. يتحرى انه يوم يجرح حد أو يستهزء من حد أو يصارخ عليه جدام ربعه انه شخصيته قويه وماعليه زود !!.. عجيب امرهم هالناس ..!
وسمعت قــول عن أحد الصالحين .. مادري اذا هو حديث .. يقوول "كسر خاطر مسلم أعظم عندالله من هدم الكعبه"
يعني الواحد لازم مايتساهل في معاملاته مع ربعـه وخاصة المسلمين منهم ..

وابيـخ شي بعد يوم ماتراعي شعوور اللي جدامك .. هو نفسـه نفسك !!.. عباره عن كتله من المشاعر والاحاسيس .. ونفس ما تحب الناس يعاملوونك عاملهم .. مب تعاملهم كأنهم حيوانات جدامك .. لانه شرات مايقوول المثـل " عامل الناس كمـــا تحب أن تٌعــــامَل" ..

والسمووووحه ..

تحيــــــــاتي