المساعد الشخصي الرقمي

مشاهدة النسخة كاملة : **** (( بيرلا تحت المجهر )) ****



الحر الأشقر
25-06-2005, 12:16 AM
بسم الله الرحمن الرحيـــــــــــــــم



أهـــــلا ومرحباً بكم أعزائي
أعضاء مـنــتديــات الـــكــتــبي الأدبــــيـــــــــــــة في قسم المقابلات




و أشكر جميع من ساهم وشارك في هذا القسم " بصراحه يوم كنت تحت مجهر ما قصرو ويايه "



واليوم نعود معكم مع لقاء لاحد الشخصيات الرائعه في منتدياتنا الحبيبة



( لقاء مع الأخت بيرلا )



بداية

نتعرف على البطاقه الشخصيه



العمر : ..................؟


الدراسة والتخصص:............؟



مكان السكن :....................؟





.
.


((( تفضلوا أخواني و أخواتي بأسئلتكم لها )))




ويامرحبانــــــــــــي (h)

مــــــيـــــاس
25-06-2005, 12:51 AM
الفاضله

بيرلا

1- هل لكِ ان تكشفي لنا عن هوايتك

2- ماهو مدى اهتمامك بالشعر وما رايك بساحتنا الشعريه

3- بختصار اين تستخدمين كلٍ من هذه الكلمات في حياتج ... -أ- الأمل -ب- الصدق-ج- الوفاء

4- بختصار متى تستخدمين كل من هذه الكلمات في حياتج "وبصراحه"

-أ- الكذب

-ب- الغش

-ج- السرقه


.
.

وآسف على الاسأله

وترا ما قصد في سؤالي الاخير التحريج ,, يعني متى تستخدمين هالكلمات في الشي المفيد ههههههههه يعني شو هالشي؟!

وتقبلي تحياتي

.
.

الاحر الاشقر شكراً على توليك مهمة الموضوع الرائع

.
.

بيرلا
25-06-2005, 02:51 PM
بيـــرلا تحت المجهر

:)

في البدايـــة أحب أشكر أخوي الحر الأشقر على استضافته لي في هذي المقابلة
وأشكرمن سال ومن بيسأل ... وان شـــاء الله أجاوب على اسألتكم باللي أقدر عليه
:)



نتعرف على البطاقه الشخصيه



العمر : على مشــارف الــ 23 سنة


الدراسة والتخصص: جــامعيّة ،، هندسة شبكات الكمبيوتر



مكان السكن : من دار بو خليفة (رحمة الله عليه)

بيرلا
25-06-2005, 03:16 PM
** ميـــاس **

1- هل لكِ ان تكشفي لنا عن هوايتك

هواياتي عديدة وكثيرة ،، ولكني لا أمـــارسها جميعها .. ومن أحب الهوايـــات هي Graphic Designs ... وياتي بعدهـــا العزف على البيانو لكن بشكل قليل ومتقطع ... (وأتمنى العزف على الناي والكمان) ...
الطبخ أيضا من الهوايات اللتي أحبهـــا ،،، ولكن اطبخ حسب المود
الرسم ... وغيرها من الهوايات البسيطة

2- ماهو مدى اهتمامك بالشعر وما رايك بساحتنا الشعريه

بصراحــه ،، أخجل لو قلت بأنـي لم أكن أتذوق الشعر ولا أفهم فيـــه (هذا من قبل)
أمـــا الآن أقرأ الأشعـــــار وأحاول أفهم كل كلمة فيهـــا ،، لأصل إلى عقل صاحب الأبيات
وأفهم مــــاذا يقصد ،، واكتشفت بأن الشعر عـــــالم وبحر من المشاعر،، وجميل ورائــع
وأتمنى لو أستطيـــع كتابة شطر بيت موزون

أمــا عن الســاحه الشعرية في منتديـــات الكتبي ،، فأرى أنها تظم نخبة من الشعــراء المميزين
وأتمنى لهم المزيد من التقدم للرقي بهذا المنتدى الأدبي


3- بختصار اين تستخدمين كلٍ من هذه الكلمات في حياتج ...

-أ- الأمل

من لا يعيش على الأمل ،، يفقد نفسه ويضيع في متاهات الدنيا
مــا أضيق العيش لولا فسحــة الأمل :)
وأستخدم الأمل كســـلاح ضد الهموم والأحزان

-ب- الصدق

أحـــاول أن أكون صــادقة في جميع أمور حياتي

-ج- الوفاء

أعرف الوفــــاء ،، وأكون وفيّة للأشخـــاص المقرّبين لي

4- بختصار متى تستخدمين كل من هذه الكلمات في حياتج "وبصراحه"

-أ- الكذب

استخدمتهـــا لما جذبت على أخوي الصغير يوم سألني : أختي صح أخوي مات؟
فمـــا قدرت أقوله هيه ،، ورديت عليه لا مســافر
ولحد الحين يتحراه مسافر .. من اربع سنوات

-ب- الغش

غشيت في المدرسة كمن مرة :rolleyes: ومن عقبهــا قلت ليش أغش
غير أنه حرام ،، دايما درجاتي من عقب الغش زفته ومن دون غش عالية
سبحان الله ،، وعرفت الفايدة من ورا عدم الغش
هذا من ناحية الدراسة
أمـــا من ناحية حياتي الثانية فـــ لا وألف لا أني أغش أي حد

-ج- السرقه

مـــاسرقت الحمدلله ،، ولا مرة في حيـــاتي
ومــاعتقد أني لو سرقت شي بستفيد


.
.

وآسف على الاسأله

وترا ما قصد في سؤالي الاخير التحريج ,, يعني متى تستخدمين هالكلمات في الشي المفيد ههههههههه يعني شو هالشي؟!

:)

أشكرك أخوي ميـــاس على أسألتك وان شاء الله جاوبت عليهـــا

شكرا

;
بيرلا

الحبووووبه
25-06-2005, 04:36 PM
مرحبا

هلا واله ب بيرلا ..
امممممممم بسألج كمن سؤال ...

شو الشي اللي عيبج بالمنتد...؟


شو احلا قسم عندج ...؟

امنو الاعضاء الي وياهم وايد...؟

شو طمووحج ف الديا ..؟

الشاعر الجحجاح
25-06-2005, 06:57 PM
الأخت الفاضله / بيرلا: عندي سؤالين، 1- شو معناة إسمج ( بيرلا ) ؟، 2- قلتي في ردج على الأخ مياس بإنج تتمنين كتابة شطر بيت موزون، ليش ما تطرحين محاولاتج في قسم المحاولات والاستشارات ؟ وشكراً للجميع .

مــــــيـــــاس
25-06-2005, 07:41 PM
الآنسه بيرلا

شكراً على جرائتج في الاجابه

ورحمة الله أخاكِ واسكنه في جنات الخلد

.
.

أخوج مياس النعيمي

.
.

بيرلا
25-06-2005, 07:55 PM
** الحبوبة **

مرحبــا اختي العزيزة وبالنسبة لأسئلتج

شو الشي اللي عيبج بالمنتدى...؟

مــاقدر أحدد شو عيبني فيه ،، كل اللي أقدر أقوله أنه ككل رائــع بأعضاءه ومشرفيه ومراقبيه

شو احلا قسم عندج ...؟

كل الأقســـام حلوة ،، لكني أتردد على العـــام والجرافيكس بشكل خــاص

امنو الاعضاء الي وياهم وايد...؟

الوعـــــد

شو طمووحج ف الدنيا ..؟

رضــى ربي ووالديه

آخذ المــاستر


شكرا أختي
:)

بيرلا

بيرلا
25-06-2005, 08:02 PM
** الشـــاعر الجحجاح **

أهلا ومرحبـــا بك أخي الكريم

- شو معناة إسمج ( بيرلا ) ؟

بيرلا ،، اسم مشتق من كلمـــة Pearl بمعنى لؤلؤة
وكنسب نقول Pearla (بيرلا)
وهو من اعز الأسمـــاء لدي ،، وسبب اختيــاري له عشقي للقمر ،، وبما انه يأخذ الشكل اللؤلؤي
وهو الكوكب التـــابع لبرجي الشمسي ..
واكتشفت صدفــة بأن الحجر المميز عند مواليد هذا البرج هو حجر اللؤلؤ :)


2- قلتي في ردج على الأخ مياس بإنج تتمنين كتابة شطر بيت موزون، ليش ما تطرحين محاولاتج في قسم المحاولات والاستشارات ؟

إن شــــاء الله أطرح ،، والله يوفقني في هذا المجـــال


شكرا أخي الكريم على أسألتك

;
بيرلا

بيرلا
25-06-2005, 08:04 PM
الآنسه بيرلا

شكراً على جرائتج في الاجابه

ورحمة الله أخاكِ واسكنه في جنات الخلد

.
.

أخوج مياس النعيمي

.
.

آمين يــــارب

أشكرك

;
بيرلا

الغلا
25-06-2005, 08:44 PM
اختي الفاضله بيرلا

كم تسعدني صراحتك في الرد على الاسأله .. فلا تبخلي عيل بالرد على هذه الاسأله البسيطه :)

- اذكريلي احلى موقف مره بحياتج؟؟ واسوأ موقف؟

- لو عطوج 100000 درهم شو بتسوين فيهن؟

- شو رايج في كل من هؤلاء الاعضاء(اسمحولي اذا ما ذكرت الكل بس اللي بيون على بالي :p)
الكتبـــي
عيون دبي
الوعد
الغلا
الحر الأشقر
اكتبي متغرب


والسموحه عالاطاله ...

اختكم
الغلا

بيرلا
26-06-2005, 12:42 AM
** الغلا **

حيــاج اختي العزيزة

- اذكريلي احلى موقف مره بحياتج؟؟ واسوأ موقف؟

وايد المواقف الحلوة ،، ومن كثرهـــا ماذكر شي الحين ،،
مثلا المواقف اللي أشوف فيهـــا أمي وبوي مستانسين وفخورين فيني
هالشي وايــــد يفرحني وايد

وأسوأ موقف،، تكاسلي في ثالث سنة لي في الكلية ،، ونزل فيها معدلي
بس عقبهــا شديت الحيل وخلصت :)

- لو عطوج 100000 درهم شو بتسوين فيهن؟

كم صفر فيهن؟
100 الف ولا مليون ;)
ببني فيهم مسيد

- شو رايج في كل من هؤلاء الاعضاء(اسمحولي اذا ما ذكرت الكل بس اللي بيون على بالي :p)

الكتبـــي

متــــعاون جدّا ومثقف... له خبره في تطوير المواقع والمنتديـــات (على حسب ماشوف)
والله يوفجـــه ان شاء الله

عيون دبي

عضو أو بالأحرى إداري نـــاجح ويا الكتبي ...وبالمناسبة كـــان موقع عيون دبي هو طريقي للوصول إلى منتديـــات الكتبي ،، وأتمنى له التوفيج في حياته

الوعد

أول من عرفتها في المنتدى كصديقة واخت ،،، انســانه واعيه ومثقفة ... طيبة ورزينة

الغلا

بصراحه ،، كنت مــاشوف لج مشاركات وايدة ،، يمكن لأني مب من متابعي قسم القصص
لكن لاحظت عليج انج هاديـــة ومالج حس
مع الأيـــام بتتوضح لي ملامح شخصيتج
الله يوفقج

الحر الأشقر

تبـــارك الرحمن ،،، مشاء الله اول ماشفت اسمه على طول شفت عدد مشاركاته
أكثر عضو فعّال ونشيط ... وساعتها قلت فحياتي مابوصل لهالعدد لو مهما اسوي
الله يعطيه القوة والعـــافيه ويستمر بهالنشـــاط

اكتبي متغرب

ماشفت عدد مشاركاته ;)
بس لاحظت أنه يوصي بالبف باف لوول
عضو نشيط أحيانا ،، وراكد أحيانا أخرى
ومن الواضح أنه عضو يحب الفكاهه والسوالف
الله يوفجه ويعطيه العافيه

الوعد
26-06-2005, 01:03 AM
السلام عليكم ورحمة الله وبركاتـــــه ..

يا هــــلا بج يا بيــــــــرلا

http://www.aborenaz.com/smilies/smilies2/abtsamat_3'mzat/flowers.gifنورتي زجاجة المجهر ..

اختيار مميـــــز للشخصية .. وانا استانست .. http://www.asmilies.com/smiliespic/new/053.gif

نبدأ بالأسئلة ..
ومثـــــــل الامتحانات طبعاً .. من الأسهل .. للــــــــ .... http://www.asmilies.com/smiliespic/new/053.gif

تمهيـــــــــد:

1. ما هو لونكِ المفضل ؟

2. ماهو النوع المفضل .. أو المحبب لديكِ من السيارات ؟

3. لما تروحين الجمعية .. شو اللي يكون في قائمة المشتريات دائماً ؟

شفتي إني طيبة .. وأسإلتي سهلة http://www.aborenaz.com/smilies/smilies2/3atfah_khjl/ANSmile19.gif

لحظة ..
ترى ما خلصت ..

نبدأ في الجد .. وهالله هالله في الجد .. والجد .................................. (اكملي الفراغ بما يناسب)

4. كل شخص في هذه الدنيا له منظار خاص .. فمن منظار بيــــــــرلا ..
ما هو أجمل شئ في الحيــــــــاة ؟؟

5. دعيني اسبح معك في عالم الخيــال قليلاً ..
لو امتلكت بيـــــــــرلا آلة الزمن .. الموجودة في المسلسل الكرتوني (رحلة عنـّـابة) ..
ففي أي زمن تتمنين أن تعيشي حياتك !؟ ولماذا !؟

6. ليـــــــس كل ما يتمناه المرء يدركه ..
ما هي الخصلة اللي تتمنى بيـــــــــــرلا أن تكتسبها ؟؟


خذي نفس عميـــــــق ..








خلصت الأسئلة ..








http://www.aborenaz.com/smilies/smilies2/ok_no/thumb_yello.gifو قــــــــــــــوّي قلبـــج


أطيب المنـــــــى ..
الوعد

الغلا
26-06-2005, 02:56 AM
مشكوووووووورة الغاليه على هالاجوبه :)

وكم هو جميل رائك فيه ;) هههههههه اتصدقين اول مره حد يقولي هاديه


اختج
الغلا

الغزال العنيد
26-06-2005, 02:56 PM
أصبــــت الاختيــار يــــا الحر الاشقر

فالبدايه..اشحالج بيرلا؟..
عساج مرتاحه؟..

انا حليلي عندي بس سؤال صغيروون

انتي افنظرج>>>>>>
شو هي نقاط ظعفج؟..

وشو هي عيوبج؟..


والسموحه منج

أختج
الغزال العنيد

بيرلا
26-06-2005, 08:04 PM
** الوعـد **

يــاهلابج أختي العزيزة ،، نورتي المكان :)
وخذنــــا نفس عميــــــق

1. ماهو لونك المفضل؟

الأزرق الأزرق الأزرق بجميـــــع درجـــــاته وخاصة اللون الفيروزي (التدرج الأجمل في الأزرق)

2. ماهو النوع المفضل .. أو المحبب لديكِ من السيارات ؟

بورش
زوندا

3. لما تروحين الجمعية .. شو اللي يكون في قائمة المشتريات دائماً ؟

توكس + عصير أناناس (الربيع)
واتيي عقبه حاجاتي الثانية:)

شفتي إني طيبة .. وأسإلتي سهلة http://www.aborenaz.com/smilies/smilies2/3atfah_khjl/ANSmile19.gif
هيه الحمدلله

لحظة ..
ترى ما خلصت ..
ويــــاج

4. كل شخص في هذه الدنيا له منظار خاص .. فمن منظار بيــــــــرلا ..
ما هو أجمل شئ في الحيــــــــاة ؟؟


نعيش عند من نحب بسعـــاده

5. دعيني اسبح معك في عالم الخيــال قليلاً ..
لو امتلكت بيـــــــــرلا آلة الزمن .. الموجودة في المسلسل الكرتوني (رحلة عنـّـابة) ..
ففي أي زمن تتمنين أن تعيشي حياتك !؟ ولماذا !؟

وين يوديني وردان أنا راضيه لوووووول
أنا لو امتلكت مثل هالآله كل يوم بتحصليني فمكان
لكني أتمنى أني أعيش فمكان دايما أحلمه في أحلامي
أرض منبسطة فيهــا تلال منخفضة ،، يغطيهـــا العشب الأخضر
وتزينه الورود في كل مكان ،،، وكرات زجاجيّة ملونّه تكون على شكل مجموعــات
بين كل تلّتين ،، والشمس أشعتهـــا باردة وذهبية تعطيج احساس بالحياه
أتتمنى أعيش فيه حقيقه
اذا بتسأليني عن اسمه ،،، مـــاعرف :) لأنه من وحي خيـــالي وأحلامي


6. ليـــــــس كل ما يتمناه المرء يدركه ..
ما هي الخصلة اللي تتمنى بيـــــــــــرلا أن تكتسبها ؟؟
كنت أتمنى أمتلك خصلة الحلم والسيطرة على الغضب ،، والحمدلله قدرت أسيطر على عمري
وامتلكتهــــا ،، بس عندي مشكلة ... أتمنى لو أنسى غلطة أي انســان يجرحني عمد
لأنه التفكير وحده اييب الصداع


وخلصت أسئلتج عزيزتي :) الصراحه استمتعت بالاجــابة
ولو عندج المزيد تفضلي

;
بيرلا

بيرلا
26-06-2005, 08:05 PM
مشكوووووووورة الغاليه على هالاجوبه :)

وكم هو جميل رائك فيه ;) هههههههه اتصدقين اول مره حد يقولي هاديه


اختج
الغلا

العفو أختي العزيزة :)

وكوني هـــادية مثل ما أشوفج

بيرلا
26-06-2005, 08:13 PM
** الغزال العنيد **

حيـــاج اختي فأي وقت

فالبدايه..اشحالج بيرلا؟..
بخير ونعمه الحمدلله

عساج مرتاحه؟..
عال العال

انا حليلي عندي بس سؤال صغيروون

انتي افنظرج>>>>>>
شو هي نقاط ظعفج؟..
حســاسه أبسط الأشيا أتحسس منها بس الحمدلله ما أبينهـا للناس
إتم بيني وبين نفسي

وشو هي عيوبج؟..
مرات أتهاون ويا الحياه ،، آخذ الأمور ببساطة وضحك وهزل حتى لو كانت تحتاج الجد!
وعندي عيب وحيد واللي هو أحب أقعد بروحي وفمكان هادي مافيه حد
وأكره ماعليه صوت وازعـــاج اليهال اذني ترن من صريخهم
هيه شي ثاني ،، يوم أيلس ويا أي حد أنزعج لما أشوف 3 او 4 يرمسون فنفس الوقت
اتضايج وأتم ساكته وماطيع ارمس :rolleyes:

والسموحه منج
مسموحه اختي الكريمة
وحياج مرة ثانيه :)

;
بيرلا

الوعد
27-06-2005, 04:10 AM
عـُـدنـــــــــــــا .. http://www.tag-board.com/smilies/smile.gif

استمتاعج دفعني لجلب المزيد .. أدري طماعة ..
لكن هذه فرصة .. وماتتعوض .. http://www.tag-board.com/smilies/sick.gif


http://aborenaz.com/smilies/smilies2/abtsamat_3'mzat/emoticon.gif يالله بينا .. بدأت الجولة الثانية ..

طبعاً لك الحريــــــــــــة التامة في الجواب على الأسئلة .. وعدمه http://aborenaz.com/smilies/smilies2/abtsamat_3'mzat/wink_5.gif

1. ما الذي يبكي بيـــــــــرلا .. وما الذي يضحكها .. ؟؟

2 . أغلى هدف أو إنجاز حققته بيــــــــرلا في حياتها هو ..............

3 . ماهو الذنب الذي إذا ارتكبه أحد في حقكِ .. فلن تغفريه !؟

4 . ظاهرة متفشية في المجتمعات العربية .. تتمنين زوالها هي ............................

5. ماذا تعني لكِ كل من الكلمات التالية :

الانترنت
الحب
التصميم
الوداع
هندسة الشبكات
الدمعة


http://www.aborenaz.com/smilies/smilies2/bay/bye1.gif إلى اللقاء ... قريباً بإذن الله http://www.aborenaz.com/smilies/smilies2/abtsamat_3'mzat/flowers.gif

بيرلا
27-06-2005, 02:07 PM
** الوعـــد **

يــاهلابج مرة ثانية وثالثة ورابعــه



طبعاً لك الحريــــــــــــة التامة في الجواب على الأسئلة .. وعدمه http://aborenaz.com/smilies/smilies2/abtsamat_3'mzat/wink_5.gif
أكيد

1. ما الذي يبكي بيـــــــــرلا .. وما الذي يضحكها .. ؟؟
يبكيني الاحســـاس بالذنب وتأنيب الضمير ،، يبكيني فراق الأحباب
يبكيني مايبكي والدي

2 . أغلى هدف أو إنجاز حققته بيــــــــرلا في حياتها هو التخرج من الجامعه ،، ولكن يأتي بعدها هدف آخر وهو الماستر

3 . ماهو الذنب الذي إذا ارتكبه أحد في حقكِ .. فلن تغفريه !؟
بطبعي متسـامحه ،، لكن أي شي يجرح شخصيتي وكرامتي ما أغفر له

4 . ظاهرة متفشية في المجتمعات العربية .. تتمنين زوالها هي غياب العقل العربي
5. ماذا تعني لكِ كل من الكلمات التالية :

الانترنت
العــــالم الافتراضي ،، شبكة بها الكثير من العناكب وضحايا المخلوقات الاخرى!

الحب
بســـاط السعاده

التصميم
هوايه ليس أكثر


الوداع
جرح أليم


هندسة الشبكات
المجال اللي كنت أطمح له
وفخورة لأني درست هالتخصص


الدمعة
دواء العيون


وشكرا الوعد على أسئلتك الرائعــه

;
بيرلا

الحر الأشقر
27-06-2005, 06:06 PM
السلام عليكم ورحمه الله وبركاته

بيرلا

مساك الله باالورد

بيرلا

لكِ مني أحلى وأجمل باقه ورد من أحد حقول سويسرا عـــ روحكِ المرحه وسعه صدركِ

بيرلا

عندي كذا سؤال


وان شاء الله ما راح اثقل عليك ولك الحريـــه في الاجابــــــــــة يا أخيتي


ســ 1ــ : ممكن تذكريلي موقف ظريف مر عليك و لا يمكن ان تنسينه ابداا؟؟



ســ2 ـــ : شو تعني لك الدمعه هل تعتبرينها نقطة ضعف في شخصيتك ام تعتبرينها تلك البوابه التي تستطيع من خلالها رمي همومك ...؟؟؟


ســ3 ــ : ماهو الشي الذي يدور بــ تفكيرك دائماً ..؟ وتتمنى ان يتحقق لك ..؟؟


ســ 4ـــ : اذا كنتِ تمتلكين كل شي ولا تشعريــن بالسعاده فــ ماذا تفعلين ..؟؟




واتمنى اني ما ثقلت عليك واسئلتي كانت خفيفه :(



.
..
...


ويامرحبانـــــــــي (h)

بيرلا
27-06-2005, 08:35 PM
** الحر الأشقر **

مرحبــا بك أخي الكريم ،، وأشكرك جزيل الشكر على باقة الورود


ســ 1ــ : ممكن تذكريلي موقف ظريف مر عليك و لا يمكن ان تنسينه ابداا؟؟

:)
عندي موقف فعلا ما بنســـــاه ومضحك ومخجل فنفس الوقت
كانت الســاعه 5 العصر في واحد من أيـــام رمضان قبل 3 او 4 سنين ماذكر بالضبط
في المطبخ ! تعودت أسوي أكلات بسيطــة ،، ومرات لأبوي عشــان يوم يتيمعون الأهل في الخيمة برّع البيت .. قررت أوني أسوي له بسبوسة .. وأنا شــاطرة في صنع الحلويات .. وخصوصا البسبوسة
فبديت احط المقادير وخلطتهم كلهم ... ومانتبهت لغلطة وانا احط المقادير ... (لايدور فبالكم زدت ملح ولا شكر ولا غير !) هههه حطيت لهم شي فضيع فضيع بغيت اجتلهم ذاك اليوم
خطفت نص ساعه وخلصت البسبوسة واستوت .. وكان شكلها حلو وايد بس الريحه ! من وين هالريحه؟
يعني ريحة مب انها محترقة ولا انها حلوة .. يعني ريحه غريبة عجيبة لووول
وأطلعها اوني وارتبها في صينية حلوة ... وفكرت اممم لا ماتكفي وحدة بسوي الثانيه بعد ههههه
وأسوي نفس المقادر ونفس الريحة طلعت ! ورتبتها وطرشتها عند البشكار لين الخيمة
وانا مستانسة سويت شي ،،، الا عقب الصلاه اشوف اخواني معصبين هاا شبلاكم؟ شو هالبسبوسة اللي مسوتنها يوم ماذبحتينا ... جان تقول امايه شو حاطه فيها انتي؟ سيري تذوقيها .. تذوقتها وحسيت بأن اللقمة ماطاعت اتدش داخل وقفت في البلعوم من مرارة الطعم ،، مدري كيف اوصف لكم الطعم يعني شي فضيع .. ويوم سرت اجيّك المقادير اللي حطيتهم . طلعت اني مبدلة بين الباكينج باودر بــ
بيكربونات الصوديوم ! (اللي ينحط للنخّي عشان يستوي) وفعلا هذاك مرررر
:)

ســ2 ـــ : شو تعني لك الدمعه هل تعتبرينها نقطة ضعف في شخصيتك ام تعتبرينها تلك البوابه التي تستطيع من خلالها رمي همومك ...؟؟؟
فيه مقولة تقول: غريبة قصة الدمعه التي تغسل جفن صاحبها وهي قمة احزانه !
هذي هيه الدمعه بالنسبة لي ... تغسل عيني وترطبها بس ،، هيه سبب الاحزان ولا لي غيرها عقب ربي ألجأ له ... أقدر أول انها مثل البحر اللي ارمي فيه همومي وأحزاني لتواسيني

ســ3 ــ : ماهو الشي الذي يدور بــ تفكيرك دائماً ..؟ وتتمنى ان يتحقق لك ..؟؟

أتمنى الحصول على الاشيـا الصعبة ،، لاني من النوع اللي يطمع بالأحسن والأفضل .. وصعب أني اقتنع
كانت عندي شي كنت اطمح له ودايما افكر فيه لكني افضل اني احتفظ به بيني وبين نفسي ،، بس للأسف ماقدرت اوصل له ،، صعب .. وهالشي خلاني احس بالانهزام لفترة طويلة ... لكن الحياه فيهــا الاشيا السارّة اللي من الممكن تعوضني عن الاشيا اللي بغيتها..

ســ 4ـــ : اذا كنتِ تمتلكين كل شي ولا تشعريــن بالسعاده فــ ماذا تفعلين ..؟؟

سعـــادتي ماتكون باني أمتلك كل شي ! سعــادتي حتى لو بشي بسيط اقدر احصلها
لكن مثل ماقلت في السؤال اللي قبل .. شعرت بالانهزام لاني ماقدرت امتلك ذاك الشي ..
والايــــام كفيلة بتعويضي


واتمنى اني ما ثقلت عليك واسئلتي كانت خفيفه :(

خفيفة يــــاخوي ،،، واشكرك على اسئلتك الحلوة

;
بيرلا

الرايقه
27-06-2005, 10:05 PM
السلام عليكم ورحمة الله ...

نورتي قسم المقابلات يا بيرلا ...

اول ما شفت عنوان الموضوع ...

قلت امممممممممم بيرلا هاااا ؟؟؟

هههههههههههه <<< متحلفه خخخخ




عندي عيب وحيد واللي هو أحب أقعد بروحي وفمكان هادي مافيه حد
وأكره ماعليه صوت وازعـــاج اليهال اذني ترن من صريخهم
هيه شي ثاني ،، يوم أيلس ويا أي حد أنزعج لما أشوف 3 او 4 يرمسون فنفس الوقت
اتضايج وأتم ساكته وماطيع ارمس !!!



اتصدقين حتي انا ؟؟؟

لا يكون من الاهل ؟؟؟ :)






احم


ببدا أسئلتي ...

وتراها كثيره ...


يلسي عدل وخذي راحتج لانج بتتعبين ...




******


سؤال دايما اطرحه على كل من ينور هالكرسي اللي انتي عليه حاليا :)


لو كان لج منتدى خاص فيج ... عن شو بيكون ؟؟ وشو اسمه ؟؟



******


لو قلت لج اني حلمت فيج ... والحلم هو ... انج لابسه تاج ابيض وتصعدين على سلالم ... وكأنج ترتقين سلالم المجد ...


شو تتمنين يكون المكان اللي رايحة له ؟؟؟




******




لو ما تخصصتي هندسة شبكات ... شو كنتي بتتخصصين ؟؟؟




******




لو دريتي انج حطيتي في البسبوسه بيكربونات الصوديوم قبل لا يخبرونج ...

شو كنتي بتتخيلين ردة فعلهم ؟؟؟





******




شو نظرتج في الحياة ؟؟؟







******




سؤالي الأخير ... اقوله وانا ماخذه على خاطري منج ...

انا ما اتحكم او اتدخل في شؤونج الخاصه ... بس هالصرح يعطيني الفرصة اني اسأل ... وانا بسأل ...


تعزفين ع البيانور وتتمنين انج تعزفين ع الكمان ...

فكرتي قبل ها كله ... في عواقب هالشي ؟؟؟

فكرتي هل يرضي الله ولا لأ ..؟





******




السموووحه غثيتبج وطولت عليج ...


تحياتي لج :)

بيرلا
28-06-2005, 02:37 AM
السلام عليكم ورحمة الله ...


نورتي قسم المقابلات يا بيرلا ...


اول ما شفت عنوان الموضوع ...


قلت امممممممممم بيرلا هاااا ؟؟؟


هههههههههههه <<< متحلفه خخخخ

وعليكم السلام ورحمة الله وبركاته


أهلا أختي الرايقـــة ،، منورة الصفحه بتواجدج





احم


ببدا أسئلتي ...


وتراها كثيره ...



يلسي عدل وخذي راحتج لانج بتتعبين ...





******



سؤال دايما اطرحه على كل من ينور هالكرسي اللي انتي عليه حاليا :)



لو كان لج منتدى خاص فيج ... عن شو بيكون ؟؟ وشو اسمه ؟؟

بصراحه ،، ماحب أني أدير منتدى ، يبــاله وقت ويلسه ع الكمبيوتر وايد ..

وما أحبذ أن البنت تمسك منتديات ،،

لكنج سألتي لو ...

فبيكون عن الكمبيوتر بشكل عام ،، اقسام لتطوير المواقع والمنتديات واقسام للفوتوشوب

واقسام اخرى للملتيميديا واي شي يخص الكمبيوتر

وشو اسمه بيكون اممممم Blue eye



******



لو قلت لج اني حلمت فيج ... والحلم هو ... انج لابسه تاج ابيض وتصعدين على سلالم ... وكأنج ترتقين سلالم المجد ...



شو تتمنين يكون المكان اللي رايحة له ؟؟؟






غريب السؤال :)






بس أتمنى أني أدخل الجنّه ويكون ربي مسح ذنوبي كلها ويغفر لي

ومنو مــــا يبا الجنه يالرايقه!؟

جعلنــــا وإياكم من أهل الجنان




******


لو ما تخصصتي هندسة شبكات ... شو كنتي بتتخصصين ؟؟؟

هندسة كيميـــائية


******


لو دريتي انج حطيتي في البسبوسه بيكربونات الصوديوم قبل لا يخبرونج ...


شو كنتي بتتخيلين ردة فعلهم ؟؟؟



بيزنطوني ههههه


******


شو نظرتج في الحياة ؟؟؟


إللي يبا الصلاة ماتفوته

واللي يبـــا يعيش متهنّي ومستريح يحاول يفهم نفسه قبل لا يفهم الحياه



******


سؤالي الأخير ... اقوله وانا ماخذه على خاطري منج ...


انا ما اتحكم او اتدخل في شؤونج الخاصه ... بس هالصرح يعطيني الفرصة اني اسأل ... وانا بسأل ...



تعزفين ع البيانور وتتمنين انج تعزفين ع الكمان ...


فكرتي قبل ها كله ... في عواقب هالشي ؟؟؟


فكرتي هل يرضي الله ولا لأ ..؟



العزف هوايــة فقط ،، وأنا قلت اني أمارسها بشكل قليل ومتقطع ،، يعني تكاد تنعدم حالها حال الرسم

ومــابقى لي غير الجرافيك ديزاين !

وانتي ييتي ع النقطة اللي هي سبب محاولتي الانقطاع عن العزف واللي هو خوفي من ربي

والواحـد يحاول يبتعد عن اللي يغضب ربه ولو بالتدرّج

وأشكرج ع الكلام اللي قلتيه ،، بس قبل لا تقولينه

بيرلا حاطة هالشي فبــالها :)


******


السموووحه غثيتبج وطولت عليج ...

أفا عليج اختي العزيزة ،، لا مغثة ولا شي

تعالي مرة ثانية :)

وتسلمين خيتوو


;

بيرلا

الغلا
29-06-2005, 03:42 AM
اممممممممم الصراحه عيبني اسلووبج فالرد على الاسأله وما شاء الله عليج شخصيتج حلوه
فحبيت اني ارجع لج واطرح عليك أسأله يديده ... وطبعا اسمحيلي عالازعاج :)


- اذا صادفج انسان غشاش وانتي تعلمين بقرارة نفسك انه غشاش ومخادع ويطلب العون منج هل بتساعدينه؟
- هل انتي صبوووووورة بمعنى الكلمه؟
- بشو يعني لج الحب؟ الصداقه؟ واي منهن تفضلين؟
- منو اقرب وحده بالنسبه لج خارج عالم الانترنت؟
- كيف تقنيع انسان بوجهة نظرج؟ اذا كان هب مقتنع
- هل اتحبين الوحده؟ ومتى؟


السموحه منج عالاطاله

اختكم
الغلا

الوعد
29-06-2005, 06:48 AM
صبـــــاح الخيـــــــر بيــرلا


أدري وايد سألت .. لكن صدقيني .. هذه آخر مرة http://www.aborenaz.com/smilies/smilies2/ok_no/yes.gif



1. .. هل برنامجكِ اليومي روتيني .. أم أنكِ تحرصين على التغيير بأي شكل من الأشكال !؟

2. ماهو مسلسل الأنيمي المفضل لبيـــــــرلا !؟

3. هل هناك قناة فضائية تلفزيونية مفضلة بالنسبة لكِ ؟ ولماذا ؟

4. ظاهرة تتمنين زوالها من منتديات الكتبي .. هي ................؟

5. ولأن لكل شيءٍ إذا ما تم .. نقصان .......... فما الذي بحثتِ عنه في منتديات الكتبي
ولم تجديه !؟



بســـــــــــــّـــج !!










http://www.aborenaz.com/smilies/smilies2/tfkir/g.gif لا يا ماما مب بسّـج ..

دام هذه آخر مرة ... لازم أسأل وايد ..
عشان عقب ما اقول .. اوووووووه .. نسيت اسألها عن ............................ http://www.aborenaz.com/smilies/smilies2/7zn/doh.gif


6. ماهي أكلتكِ المفضلة !؟

7. ما رأيك في هذه العبارة (( أنا لا أكذب ... وإنما أتجمّل )) ؟؟

8. كيف تقضين وقت فراغِك !؟

9. ترى .. بعد الكذبة على أخيكِ الصغير .. هل سيأتي اليوم الذي تعترفين
له بالحقيقة ... أم ستتركين المهمة لغيركِ !؟

10. اليوم الأربعاء ... هل كان لهذا الأربعاء فرحة خاصة في يوم من الأيام !؟
إن كانت الإجابة نعم .. فصفي هذه الفرحة .. من فضلك http://www.aborenaz.com/smilies/smilies2/3atfah_khjl/blushing.gif



مبـــــــــــــــــروك بيـــــــــرلا ..
خلصت أسإلتي .. أدري مصختها http://www.aborenaz.com/smilies/smilies2/ok_no/thumbdown.gif
بس ماعليه .. تعيشين وما تاكلين غيرها إن شاء الله ..


أريجــاتــو http://www.asmilies.com/smiliespic/new/053.gif

مادري يبتها صح أو لا ..

طيـــــ الفال ـــــبة
29-06-2005, 08:25 AM
السلام عليكم و رحمة الله و بركاته

أول شي صباح الخير ..

و ثاني شي

عندي سؤال لكن مب لج يا بيرلا :)

ليش منتدى المقابلات ستايله وردي ؟؟ ,,, معنه أنا مختاره الاستايل او الشكل البني :rolleyes:
و كل المنتديات بنيه إلا المقابلات

المهم ما علينا ..


بيرلا

أنا صــارلي فتره طويله ما كلت بسبوسه :( و خاطري فيها

بتسويلي من ايدج ؟ :rolleyes:

بس اتأكدي من المقادير الله يخليج *a3*


عندي كمن سؤال و إن شاء الله خفاف عليج

1 _ لو رجع الزمن لـ ورى ,, شو هو الشي اللي بتغيرينه ؟

2 _ جمله أثرت فيج و مستحيل تنسينها ؟

3 _ شو هو الشي اللي إذا حصلتيه .. تحسين إنج ملكتي الدنيا كلها ؟

4 _ الشي اللي يلفتج في الشخص أول ما اطيح عينج عليه ؟


بكتفي بـ هالقدر .. و لي عوده إن شاء الله

والسموحه منج

.. :) ..

بيرلا
29-06-2005, 02:29 PM
** الغلا **
حيـــاج مرة ثانية اختي العزيزة

اممممممممم الصراحه عيبني اسلووبج فالرد على الاسأله وما شاء الله عليج شخصيتج حلوه
فحبيت اني ارجع لج واطرح عليك أسأله يديده ... وطبعا اسمحيلي عالازعاج :)

مسموحه بالحيل ،، وخذي راحتج افا عليج


- اذا صادفج انسان غشاش وانتي تعلمين بقرارة نفسك انه غشاش ومخادع ويطلب العون منج هل بتساعدينه؟
بســـاعده لكن بحدود ،، عسب ماينقلب ضدي بعدين ،، وانا صـــار لي هالموقف وفعلا ساعدت ولكني طحت بين فكي الغشاش ... بس ماحب أرد طلب أي حد ، بس الواحد يتعلم يساعد بس في حدود المعقول

- هل انتي صبوووووورة بمعنى الكلمه؟
نعم ،، صبورة والحمدلله

- بشو يعني لج الحب؟ الصداقه؟ واي منهن تفضلين؟
الحب مثل ماقلت هو بســاط السعاده ،، والصداقة لا غنى عنها ... تأتي في قائمة حاجاتي في هذه الحياه
ومن ناحية الافضلية ،، كلاهما مهمين ... لكن أي انســـان يميل إلى الصداقة ويحاول يكونها قبل شي اسمه حب

- منو اقرب وحده بالنسبه لج خارج عالم الانترنت؟
صديقتي اللي هيه بالنسبة لي الأخت المقرّبة ،، وأختي الكبيرة بعد .. هذيل أقرب الناس لي

- كيف تقنيع انسان بوجهة نظرج؟ اذا كان هب مقتنع
عندي كلمة وحدة ،، اقتنع كان بها ما اقتنع مردّه يقتنع ... :) طبعا لو كنت اعرف أني على حق

- هل اتحبين الوحده؟ ومتى؟
لابد والانســان يريد انه يعيش بوحدة واتييه ســاعات يتمنى لو انه يكون فمكان خالي بعيد عن الجميع
عسب يفكر وياخذ راحته ... وانا غالبا اقعد بروحي يوم احس بالضيج او لو عندي شي ابا اسويه ومترددة ،، ايلس بروحي وافكر ..

السموحه منج عالاطاله

مسموحه يالعزيزة وخذي راحتج
;
بيرلا

بيرلا
29-06-2005, 04:26 PM
** الوعد **

صباح النور والخير والسرور اختي العزيزة
خذي راحتج ،، واسألي كم تبين
:)


1. .. هل برنامجكِ اليومي روتيني .. أم أنكِ تحرصين على التغيير بأي شكل من الأشكال !؟
روتيني :( بس أحاول أبدل حياتي اليومية اشوي

2. ماهو مسلسل الأنيمي المفضل لبيـــــــرلا !؟
وايد ،، بس اللي اييون في القائمة هم
Naruto
Bleach
Inuyasha
Baslisks
Hellsing
وفيه غيرهم بس هذيل أكثر شي
;)


3. هل هناك قناة فضائية تلفزيونية مفضلة بالنسبة لكِ ؟ ولماذا ؟
مــا أتابع التلفزيون وايد .. أيي واقعد واشوف اللي يشوفونه اخواني

4. ظاهرة تتمنين زوالها من منتديات الكتبي .. هي ................؟
الاهتمام الزائد بالألعـــــــاب

5. ولأن لكل شيءٍ إذا ما تم .. نقصان .......... فما الذي بحثتِ عنه في منتديات الكتبي
ولم تجديه !؟
الواحـــد يسجل عشان يفيد ويستفيد ،، وانا سجلت بس عشـــان أحط تصاميمي وبس
لكني سرعـــان ما تأقلمت ويا المنتدى وشاركت الكل :)


بســـــــــــــّـــج !!

ههههه بس؟!









http://www.aborenaz.com/smilies/smilies2/tfkir/g.gif لا يا ماما مب بسّـج ..

دام هذه آخر مرة ... لازم أسأل وايد ..
عشان عقب ما اقول .. اوووووووه .. نسيت اسألها عن ............................ http://www.aborenaz.com/smilies/smilies2/7zn/doh.gif
take ur time


6. ماهي أكلتكِ المفضلة !؟
لازانيــــــا

7. ما رأيك في هذه العبارة (( أنا لا أكذب ... وإنما أتجمّل )) ؟؟
أكره اللي يجـــاملون واللي يجذبون وأحب اللي هم صريحين ويقولون الصدق

8. كيف تقضين وقت فراغِك !؟
لالا تسأليني هالسؤال :( عقدتي الحين ... مــاعرف شقولج
اغلب أوقـــاتي قاعده بس ،، أو أقرا مجلات أو ع النت
طبعـــا أهلي لهم حق عليه ... بس بعد أحس بأني متمللة

9. ترى .. بعد الكذبة على أخيكِ الصغير .. هل سيأتي اليوم الذي تعترفين
له بالحقيقة ... أم ستتركين المهمة لغيركِ !؟
مع الأيـــام بيعرف ،، هو مرّة يــاني وسألني اختي وين فلان اللي ينام في ذيج الغرفه؟
ساعتهـــا ماعرفت شقوله ... وغرقت في دموعي
الله يرحمه برحمته ويدخله الجنه يارب

10. اليوم الأربعاء ... هل كان لهذا الأربعاء فرحة خاصة في يوم من الأيام !؟
إن كانت الإجابة نعم .. فصفي هذه الفرحة .. من فضلك http://www.aborenaz.com/smilies/smilies2/3atfah_khjl/blushing.gif

الأربعــــــا ،، يوم التجمّع العـــــائلي :) كل اخواني اييون من دواماتهم ونقعد ويا بعض
ويكتمل شمل البيت ،، وطبعا فرحتي ماتنوصف

مبـــــــــــــــــروك بيـــــــــرلا ..
خلصت أسإلتي .. أدري مصختها http://www.aborenaz.com/smilies/smilies2/ok_no/thumbdown.gif
بس ماعليه .. تعيشين وما تاكلين غيرها إن شاء الله ..

لا افا عليج الوعد ،، سألي وتعالي مرة ثانية لو حبّيتي


أريجــاتــو http://www.asmilies.com/smiliespic/new/053.gif

أريجاتووو
:)

;
بيرلا

بيرلا
29-06-2005, 04:35 PM
** طيبة الفال **
ياهلا ومرحبـــابج اختي

بيرلا

أنا صــارلي فتره طويله ما كلت بسبوسه :( و خاطري فيها

بتسويلي من ايدج ؟ :rolleyes:

بس اتأكدي من المقادير الله يخليج *a3*

امرّه جــاهزة متى ماتبين بس قولي ،،،
لالا بتعرفين الريحه قبل لا تاكلينهـــا ;)


عندي كمن سؤال و إن شاء الله خفاف عليج

1 _ لو رجع الزمن لـ ورى ,, شو هو الشي اللي بتغيرينه ؟
سؤال صعب
اشيــا وايد وايد ،، بس ماقدر أيمعها واقولها هنيه
سمحيليه طيبة الفال

2 _ جمله أثرت فيج و مستحيل تنسينها ؟
Be what you are
جملة قالتها لي انسانه عزيزة ع قلبي ،، ومابنســـاها ابدا

3 _ شو هو الشي اللي إذا حصلتيه .. تحسين إنج ملكتي الدنيا كلها ؟
نفس سؤال الأخ الحر الأشقر تقريبا ،، وهو شي أحتفظ به في سريرة نفسي
وأتمنى الحصول عليه لو أنه صعب :)


4 _ الشي اللي يلفتج في الشخص أول ما اطيح عينج عليه ؟
طبـــايعه وتصرفاته ،،

بكتفي بـ هالقدر .. و لي عوده إن شاء الله

والسموحه منج

وتسلمين عزيزتي ع الاسئلة ،، وسمحيلي لو اتحفظت في الاجوبة في بعض الاسئلة
ومسموحه بالحيل ونتريــــاج طيبة
:)

;
بيرلا

الحر الأشقر
30-06-2005, 02:47 AM
السلام عليكم ورحمه الله وبركاته





بيرلا


صبحك الله بالخير




وها أنا من جديد


وان شاء الله ما اثقل عليك :) :rolleyes:




ســ1 ــــــ : هل للصدق بحياة الانسان اوقات معينه ..؟؟


ســ2 ـــــ : قلم يعجبك فـــ المنتدى ..؟؟



ســـ 3 ــ : احلى كلمه سمعتيها فـــ حياتك ..؟؟


ســ 4 ـــ : من هو الشخص اللي تعتبره نفسك مدين له بحياتك ؟







ويامرحبانـــــــــــي (h)

الوعد
30-06-2005, 07:02 AM
http://www.aborenaz.com/smilies/smilies2/ok_no/thumb_yello.gif


زي الفــــــــــل ..

اشكرج على إجاباتج الرائعة .. وبالتوفيـــــق إن شاء الله

بيرلا
30-06-2005, 02:16 PM
وعليكم الســلام ورحمة الله وبركاته

** الحر الأشقر **

مرحبا أخي الكريم ،، وأهلا بك من جديد


ســ1 ــــــ : هل للصدق بحياة الانسان اوقات معينه ..؟؟

جميل أن يعيش الانســـان حياته بصدق ،، يعامل الآخرين بصدق
فالصدق في التعـــامل هي منبع الاحترام
ولا أوقات معينه للصدق ،،
ولكن يضطر الانســان احيانا بأن يتخلى عن هذه الخصلة النبيلة وخصوصا في التعامل مع الاخرين
وهذا يعتمد على ما إذا كان في صالح الشخص أم لا

ســ2 ـــــ : قلم يعجبك فـــ المنتدى ..؟؟

الأقلام كثر تبــارك الرحمن ،، ولكن أجد متعة في قراءة أشعـــار الأخت السنافية
والأخ مياس، والأخ موعود
وبالنسبة للخواطر ،، تشدني كلمات الأخت نبض الحنان
ومن هم الذي ينكسر القلم انحناءً واحتراما لهم الأخ القلم المكسور

والمعذرة من البقية ، لأني لازلت مبتدئة في هذا العالم ،، عالم القلم المميز



ســـ 3 ــ : احلى كلمه سمعتيها فـــ حياتك ..؟؟

كلمة حلوة تظهر من الوالد ربي يحفظه
يوم يقولي

بنتي غناتي و راحة فوادي
كم تسوى بس

وكلمة من بنت اختي الصغيرة
تقولي : خالوه
اقول لها: لبّيه
ترد عليه: حبيبي
ومرات ترد عليه بــ عنوني <<< اونها عيوني
الله يخليهــا ويحفظها يارب

ســ 4 ـــ : من هو الشخص اللي تعتبره نفسك مدين له بحياتك ؟

صديقتي القريبة مني ،، أفضـــالها عليه كثيرة ، ولا أدري متى سيأتي اليوم لرد جميلها


وشكرا أخي الحر الاشقر على الاسئلة

;
بيرلا

بيرلا
30-06-2005, 02:18 PM
http://www.aborenaz.com/smilies/smilies2/ok_no/thumb_yello.gif


زي الفــــــــــل ..

اشكرج على إجاباتج الرائعة .. وبالتوفيـــــق إن شاء الله


feel free to ask dear

:)

طيـــــ الفال ـــــبة
01-07-2005, 01:43 PM
مرحبا

بيرلا

الله يديم هالكلمات الحلوه .. و الله يحفظهم لج يا رب

و اسمحيلي على هـ الأسئله البسيطه *a3*

1_ إذا كنتي في مكان عام و حولج ضجه .. هل تحبين تعرفين شو سبب هالضجه ؟ ,, وهل هو فضول ؟؟

2_ إذا كنتي سفيرة لدولة الإمارات .. أي دوله تبين تكونين سفيرة فيها ؟

3_ أغلى دمعه ذرفتها بيرلا ؟؟

4_ منتديات الكتبي ,, ماذا ينقصها ؟

أخيرا ..

5_ سؤال كنتي تتمنين تواجده ؟

سلامي و تحياتي لج

.. :) ..

بيرلا
01-07-2005, 03:06 PM
** طيبــة الفال **

ياهلا ومرحبــــابج اختي العزيزة

وتسلميلي على كلامج الحلو ،،

وتفضلي بأسئلتج

1_ إذا كنتي في مكان عام و حولج ضجه .. هل تحبين تعرفين شو سبب هالضجه ؟ ,, وهل هو فضول ؟؟

إذا الســالفة جايدة ،، بسير عشــان أسأل شو سبب الضجّه وعقب بروح
مب أني بشـــاركهم الضجيج
وتقدرين تقولين انه فضول

2_ إذا كنتي سفيرة لدولة الإمارات .. أي دوله تبين تكونين سفيرة فيها ؟

تجكسلوفاكيا
عشـــان اسيّر على براغ مرة وحدة ;)

3_ أغلى دمعه ذرفتها بيرلا ؟؟

يكفي ألم ودموع ،، مـــاعاد العمر يسمح
بصراحه ماريد أجلب الموضوع ألم ومواجع
لكن اغلى دمعه نزلت مني
عند وفاة أقرب وأعز أخ عندي

4_ منتديات الكتبي ,, ماذا ينقصها ؟

الاهتمام أكثر بالأقســـام الثانية مثل
الكمبيوتر والجرافيكس

أخيرا ..

5_ سؤال كنتي تتمنين تواجده ؟
منو تشجعين؟
أكيد العين
@125@

الحين طيبة بتفرني بهذا *a37*

سلامي و تحياتي لج

.. :) ..

وتسلمين خيتوو على أسئلتج الخفيفة
وفي نتظارج مرة ثانية

;
بيرلا

طيـــــ الفال ـــــبة
01-07-2005, 04:46 PM
بيرلا

تســلمين الغاليه على ردودج الحلوه

و أنا آسفه إذا جلبت لج المواجع ,, الله يرحمه و يغفر له يا رب و مثواه الجنه إن شاء الله



امممممم .. كنت بسألج الصراحه بشي يخص الكوره بس قلت انا اعرف انها عيناويه :rolleyes:



الحين طيبة بتفرني بهذا *a37*

أفااا .. ليش ؟؟ ههههه

العنابي و البنفسج عينين براس واحد ;)

سلامي عليج يا بيرلا العيناويه

.. :) ..

بيرلا
02-07-2005, 02:21 PM
بيرلا

تســلمين الغاليه على ردودج الحلوه

و أنا آسفه إذا جلبت لج المواجع ,, الله يرحمه و يغفر له يا رب و مثواه الجنه إن شاء الله



امممممم .. كنت بسألج الصراحه بشي يخص الكوره بس قلت انا اعرف انها عيناويه :rolleyes:




أفااا .. ليش ؟؟ ههههه

العنابي و البنفسج عينين براس واحد ;)

سلامي عليج يا بيرلا العيناويه

.. :) ..


العزيزة طيبة الفــــال
تسلمين اختي على كلامج الرائـــع
الله لا هـــانج

;


بيرلا

الحر الأشقر
03-07-2005, 06:50 PM
السلام عليكم ورحمه الله وبركاته


مساك الله بالخير

بيرلا


لك مني باقه ورد حمراء معطره بعطر " روشز" على روحك وسعه صدرك



ونبـــــــــــدأ



ما ذا تعني لك هذه الكلمات


1. الوفا


2. الرحيل

3. الخيانه




ســ1 ـــــــــ : لو صادفتك مشكله في المنتدى اول شخص تلجأيــــن اليه ..؟


ســ2 ـــ : ماهو مبدأك في الحياة ..؟؟


ســـ3 : اممممممممممممم لوأعطيك ورقة وقـــــــــــلم شو بتكتبين فيها ؟؟ ولـــــــمن؟؟




وان شاء الله ما ثقلت عليك :) :rolleyes:


.
..
...


ويامرحبانـــــــــــي (h)

بيرلا
03-07-2005, 09:17 PM
** الحر الأشقر **

وعليكم السلام ورحمة الله وبركاتـــــه

أهلا بكـ أخي الكريم ،، وتسرني عودتك
وشكرا على الباقة الحمراء
:)


نبـــــــــــدأ



ما ذا تعني لك هذه الكلمات


1. الوفا
هذي كلمة لابـــد وتكون في قاموسي
الوفـــا يجب أن يكون متبادل من كلا الطرفين
ومن دونهـــا ،،، لامعنى للصداقة أوغيرها في رأيي
:)

2. الرحيل
كم أنبذ الرحيل ،،
وكم أتوق لمسحهـــا من الوجود
فهي الملاذ الأخير التي بها يختفي أحبابنا
وهي سبب حيرتنا لم يرحلون!

3. الخيانه
كلمة كريهه
وأمقط صاحبها


ســ1 ـــــــــ : لو صادفتك مشكله في المنتدى اول شخص تلجأيــــن اليه ..؟
بصراحه... أنا أواجه مشـــاكلي بنفسي ،، وأحاول أحلها بروحي
لكن إذا زادت عن حدهــــا ،، لابد وأني أكلم المشرف عنها
مثلا يعتمد على نوع المشكلة

واذا لازم ألجأ لحد معين اممممم
يمكن لك يا أخوي الحر الاشقر لأنك المشرف على القسم اللي أراقب فيه
أو على طول للراس العود هنيه
الكتبي ;)


ســ2 ـــ : ماهو مبدأك في الحياة ..؟؟
عـــامل الناس كما تحب أن تعـــامل

ســـ3 : اممممممممممممم لوأعطيك ورقة وقـــــــــــلم شو بتكتبين فيها ؟؟ ولـــــــمن؟؟

أحبكم
أمي وبوي


وان شاء الله ما ثقلت عليك :) :rolleyes:

لا أبدا أخي الكريم،، أسألتك كانت رائعــــة
وشكرا لك
:)

;
بيرلا

الحر الأشقر
08-07-2005, 02:24 PM
السلام عليكم ورحمه الله وبركاته



مساك الله بالخير


كيف الحال يا بيرلا




ســ 1 ــ : ماذا تعني لك النصيحة ؟

ســ 2ــ : متى يمضي الوقت دون ان تشعري به؟

ســ 3 ــ : صفي لي الصداقة في اربعة سطور ؟

ســ 4 ــ : ماذا يعني لك القلـــــــم ؟



وان شاء الله ما ثقلت عليك @60@





ويامرحبانـــــــــــي (h)

الحبووووبه
08-07-2005, 05:22 PM
مرحبا انا ياايه اسال اساله شخصيه ...:)

1). تحسين عمرج عصبيه ...؟
2). تعتبريين ف وجهة نظرج في وقت للمزح وفي وقت للجد..؟
3). تحبيين تكونين وحييده ..؟ ولا ..ولييش..؟

شوق زايد
08-07-2005, 09:56 PM
السلام عليكم ورحمة الله وبركاته ..



بيرلا تحت المجهر >> يعني في المختبر :) هههههه

أشوف الأخوة والأخوات ما شاء الله كفووا و وفوووا بالأسئلة ..

دوري ألحين ..



الغالية بيرلا ..



1. متى تجد "بيرلا" نفسها ؟ وأين ؟



2. من هو مثل "بيرلا" الأعلى ؟ ولماذا ؟



3. هواية تعشقها "بيرلا" ولكنها لا تعطيها جل إهتمامها ؟



وأسمحيلي إن كان في أسئلتي تكرار لأسئلة غيري :)

بيرلا
10-07-2005, 02:13 PM
** الحر الأشقر **

وعليكم السلام ورحمة الله وبركاته

كيف الحال يا بيرلا

بخير الحمدلله
......


ســ 1 ــ : ماذا تعني لك النصيحة ؟

الصراحه ... أنا من النوع اللي مايتقبل النصيحة من أول مرة ... بس بعدين أفكر فيهـــــا
وأتبعها اذا كانت خير لي

ســ 2ــ : متى يمضي الوقت دون ان تشعري به؟

لما أقعد اسولف ويا خواتي أو ربيعتي ... و لما اتابع الأنمي
وأحس به بطيء يوم كنت أدرس:rolleyes:

ســ 3 ــ : صفي لي الصداقة في اربعة سطور ؟

الصداقة كلمة عظيمة .... الصداقة تغني الإنســـان من امور ثانية
الانسان اللي بدون صديق حياته في نظري صعبة ،، أو يمكن اقدر اقول عنه انسان معقّد ،، فيه نـــاس يكتفون بصديق واحد (مقرّب) وتكوين زمالات بين الناس مثلي انا
وفيه نـــاس يكونون صداقات أو نقدر نقول زماله بس من دون معنى الصداقة وهذيل هم اللي مايثقون بحد غير

ســ 4 ــ : ماذا يعني لك القلـــــــم ؟

جميل من يفهم لغة القلم ... ويعرف ماتخطّه يده بالقلم
أحب القلم .... ولكني لازلت جديدة أو بالاحرى مبتدئة في هذا العالم
أتمنى أني اصل إلى الذين هم بمستوى الرقي بالفكر
طبعــــا ... مشوار الألف ميل يبدأ بخطوة :)

وان شاء الله ما ثقلت عليك @60@
لا أبدا أخي الكريم ،، سررت بأسئلتك الخفيفة

شكرا لك

;
بيرلا

بيرلا
10-07-2005, 02:22 PM
** الحبوبة **

مرحبا انا ياايه اسال اساله شخصيه ...:)

مرحبتين أختي العزيزة ،، وان شاء الله أقدر أجاوب ع أسئلتج الشخصية

1). تحسين عمرج عصبيه ...؟
:rolleyes:
نعم .. غـــالبا .. بس قدرت والحمدلله أسيطر على عصبيتي
وآخذ الأمر بروح باردة ... وشو فايدة العصبية غير ويع الراس وحرق الأعصاب!

2). تعتبريين ف وجهة نظرج في وقت للمزح وفي وقت للجد..؟
أكيد ... ولاّ الحياه مـــالها طعم :)

3). تحبيين تكونين وحييده ..؟ ولا ..ولييش..؟

أحيـــانا نعم أحب الوحده لأنه تسلّيني ماعرف ليش ومن خلالهــــا أقدر أفهم عمري وأحاسبها ع اللي سوته خلال الايام اللي مرت ....
وأحيانا لا أكرهها ... لأنها تسبب لي التوتّر ... وتتلخبط الأمور في راســي واكيد اتييب لي الصداع

وخلصت أسئلتج اختي الحبوبة
تسلمين وتعالي مرة ثانية لو حبيتي

;
بيرلا

بيرلا
10-07-2005, 02:39 PM
** شوق زايد **



وعليكم السلام ورحمة الله وبركاته



بيرلا تحت المجهر >> يعني في المختبر :) هههههه



شفتي@51@ استويت كائن وحيد خليه ويفصفصون فيني .. ماعرف شو بيحصلون غير نواه وجدارها هههههه





الغالية بيرلا ..



1. متى تجد "بيرلا" نفسها ؟ وأين ؟



سؤال وجيه

أجدها عند صلاة الفجر .... لا أعرف لما هذا الوقت بالذات

أحس بان بالي مرتاح .. وفكري نظيف .. وأعرف من أكون ولما أعيش





2. من هو مثل "بيرلا" الأعلى ؟ ولماذا ؟

باباتي الللله يحفظه ويخليه يارب

يعيبني هدوءه في أوقات الغضب أو في الأمور اللي تخلي الإنســــان يثوور من العصبية

تعيبني فيه أخلاقه وطريقة تعامله سواء ويانا او مع الناس

يعيبني فيه اهتمـــــامه بأمه (يدتي) والسهر عشـــانها

يحب رضى والديه

مـــايرفض لنا طلب

انســـان منفتح ع العـــــالم على عكس بعض الآبـــاء

يدوّر مصلحتنا

وأكثر مايعيبني فيه ... أن من نظرته الأولى أعرف أني سويت غلط ولازم اصلحه أو أتعلم منه

ربي يخليه ان شاء الله











3. هواية تعشقها "بيرلا" ولكنها لا تعطيها جل إهتمامها ؟



عطيني ألوان ... مب علبة 12 لون !

لا أريدهن بكل تدرجاتهن ... يعني كل لون فيه 12 تدرج ع الاقل

وبلعب فيهم ... هوايتي الرسم وهي اللي مــــاعطيتها حق لين ما اضمحلت للأسف

بس لحد الحين أحب أشخبط ... لكن مب بقلم رصاص ...

بذيج العلبة اللي قلت لج عليها@51@





وأسمحيلي إن كان في أسئلتي تكرار لأسئلة غيري :)



لا افا عليج اختي ..... أسئلتج لو فيها تكرار ... بس وراها معاني وايد

وخلتني أجاوب بكل ثقة

تسلمين عزيزتي شوق



;

بيرلا

شوق زايد
10-07-2005, 05:15 PM
وتسلمين أنتي يا الغالية .. على الإجابات الشافية :)

أهم شيء أن الواحد يرتاح مع مستضيفه .. ويرد عليه بكل ثقة ;)

:)

بيرلا
11-07-2005, 11:32 AM
وتسلمين أنتي يا الغالية .. على الإجابات الشافية :)

أهم شيء أن الواحد يرتاح مع مستضيفه .. ويرد عليه بكل ثقة ;)

:)

أكيد أختي شوق زايد

:)

تسلمين

الحبووووبه
11-07-2005, 05:13 PM
مرررحبا انا رجعت بأسئله تخص المنتدى خخخ مليتي مني شكلج ..

1 ليش مانشووفج دووم في قسم طرائف ..؟

2 دوم انشووفج انساانه جاده ف المنتدى هل انتي ماتحبين السوالف ولا ماتحبين تنسجميين مع احد..؟

3 اي حد يشووف بيرلا يقوول انها واااايد هاديه وماتبيه واايد ومع انها مراقبه ولازم نشووفها دوم ..؟

4 في واايد يحبووون يشوفونج ف اقساام المنتدى كله .. بس نلاحظج ف قسم العام اكثر هل عشان انتي مراقبه فسم العاام تنشغليين علية ومافي وقت للاقسام البااقيه ..؟؟


ان شااء الله ماتظارجة اسالتي ...؟؟:)

بيرلا
11-07-2005, 11:48 PM
** الحبوووبة **

مرررحبا انا رجعت بأسئله تخص المنتدى خخخ مليتي مني شكلج ..
لا بالعكس أختي العزيزة ،، سألي ومنّج وعليج الأمان:rolleyes:

1 ليش مانشووفج دووم في قسم طرائف ..؟

دووم؟! مب دوم عــــاد ... الا قولي أحيانا !
والله يـــا أختي أنا أدخل هالقسم بس أقرا الطرائف وأطلع ،،
يعني أحس اهتمـــاماتي خارج هذا القسم بالذات ... والله العالم ليش
تلقيني أشـــارك فكل قسم ولو اشوي .. بس هنيه يمكن لي عدّة ردود بسيطة :)
اذا بتسأليني ليش ... فجوابي لأني ما أستمتع في هالنوع من الاقســـام

2 دوم انشووفج انساانه جاده ف المنتدى هل انتي ماتحبين السوالف ولا ماتحبين تنسجميين مع احد..؟
الأثنين لا
طبيعتي جذه في النت ... واشوي منه خـــارج النت ... مب أني ماحب السوالف بالعكس احبها وايد
لانها تسليني ...بس مــاحب أسولف في المنتديات (تقدرين تقولين طبع) .. واذا لابد ... شي بحدود المعقول :) ،، والحمدلله عادتي أقدر انسجم مع الناس بس مب أي حد :) ...

3 اي حد يشووف بيرلا يقوول انها واااايد هاديه وماتبيه واايد ومع انها مراقبه ولازم نشووفها دوم ..؟
هههههه حلوة أسئلتج وايد ،،، فيهـــا اشوي نوع من العتب الخفيف
عـــاد لازم تبدّنا ظروف ومب لازم تشوفونـــا دوم ..... وانا في شي اسمه عالم النت [ هـــادية ]

4 في واايد يحبووون يشوفونج ف اقساام المنتدى كله .. بس نلاحظج ف قسم العام اكثر هل عشان انتي مراقبه فسم العاام تنشغليين علية ومافي وقت للاقسام البااقيه ..؟؟

منو اللي يريد يشوفني في اقسام المنتدى كله ؟؟؟ ليكون انتي*a3*
افا عليج بنمركم ان شـــاء الله ،،، والقسم العــــام متشعّب في مواضيعه لو تلاحظين ولا ليش سموه عام؟! .... ويباله مراقبـــه وايد الصراحه .. وغير جذه خذتني اشوي المسابقة الثقافية والمجهر
بس أنا اشوف اني اشارك تقريبا فكل مكان ... يعني الجرافيكس وغيره !


ان شااء الله ماتظارجة اسالتي ...؟؟:)
لا أبدا مـــاتظايجت ،،، عيبتني صراحتج يالحبووووبة
وشكرا على أسئلتج اللذيذة

;
بيرلا

الحبووووبه
13-07-2005, 04:10 PM
العفوا الغاليه ...:)

الحمد الله انها عيبتج ....

برد باسأله غير خخخخ :p

الحبووووبه
14-07-2005, 12:12 AM
مرحبا تراني رديييييت خخخخخخخخخخخ

بس متى بخلص بيرلا عشان اطلع كل الاسئله ..؟؟


بيرلا مستعده ...؟

سوري اكييد كرهتيني ..:(

امور شخصيه ..:)

1. وين اتشوف نفسها بيرلا ف الحب ..؟
2. اكله تحبينها ...؟ عشان تأكليني وياج خخخ
3احلا عطور عندج ..؟
4. افضل الالوان ..؟
5.نوع تلفونج ..؟
6.بيرلا تحس عمرها اقرب حد من بين اهلها لها .......؟
7. اسم جذبج ف المنتدى
8. اسالتي مللتج ولوعت جبدج ..؟
سوري
باااااي

بيرلا
14-07-2005, 01:53 AM
** الحبوووبة **


مرحبا تراني رديييييت خخخخخخخخخخخ


بس متى بخلص بيرلا عشان اطلع كل الاسئله ..؟؟



بيرلا مستعده ...؟

Sure



سوري اكييد كرهتيني ..:(

لا:rolleyes:


امور شخصيه ..:)



يللا بنشوف:rolleyes:




1. وين اتشوف نفسها بيرلا ف الحب ..؟

من أولهــــا ... (لاتعليق)



2. اكله تحبينها ...؟ عشان تأكليني وياج خخخ

لازانيــــــا



3احلا عطور عندج ..؟

إسكادا



4. افضل الالوان ..؟

الأزرررق



5.نوع تلفونج ..؟

عندي شركة اتصـــالات بكبرهـــا@51@

سوني إريكسون



6.بيرلا تحس عمرها اقرب حد من بين اهلها لها .......؟

خواتي:)

7. اسم جذبج ف المنتدى


وااااااايد

أول شي العضوات نبدا بسم الله (دعجا الأعيان - غناء المطر - دموع اللؤلؤ - الوعد - ضي القمر - مطلع الشمس - همسة أسير )

ثاني شي الأعضاء ( مياس - الحر الأشقر - موعود - مدهش - القلم المكسور)



8. اسالتي مللتج ولوعت جبدج ..؟

Nope at all












سوري

Don't worry *a3*

باااااي


الله يحفظج

وشكرا الحبوووبة


;




بيرلا

الحر الأشقر
15-07-2005, 04:00 PM
السلام عليكم ورحمه الله وبركاته



مساك الله بالخير


لك مني باقـــــــــــه ورد حمراء معطره بعطر اسكادا :) :a34: على هذا اللقاء

(((( بيرلا ))))


اشكرك اخيتي على روحك المرحـــــــه & وسعه صدرك



واسمحيلنا لطول مدة القاء :) :rolleyes:









وتمناتي لك بالتوفيـــــــــــــق :)



.
..
...


ويامرحبانـــــــــــــي (h)