عيال الاجنبيه ...

[الجتبية]

السلام عليكم ورحمة الله وبركاته

اشحالكم . عساكم الا بخير

الزبدة ...

هل ترضين تاخذين واحد ام هـــــــندية اوووو مصريهhttp://www.qualcosadime.it/ten_tamab.gif؟؟ لاني الصراحه اسمع بنات وايد ما يرضن ويقرضن

(عاده امه مصريه شوووو نباهhttp://instagiber.net/smiliesdotcom/kao/chika/chirol_bak1.gif ) او ( ما يغرج بياضه ترا امه مصريـــهhttp://instagiber.net/smiliesdotcom/kao/chika/chirol_bak2.gif) او ( طاعوا ولد الهنديه ياي يخطب

له عين الهندي!!! http://instagiber.net/smiliesdotcom/kao/chika/chirol_gaan.gif ) ....


وانته هل ترضى تاخذ بنت امها اجنبيهhttp://www.qualcosadime.it/ten_tamar.gif؟ ... سؤال واتريا الرد بصراحه؟http://www.qualcosadime.it/cheri-love.gif

وبدون مجاملات خوانيhttp://www.qualcosadime.it/tenbn_har.gif

تدرون الشووواب ما قصروا خذوا هنديات ومصريات وبذروا منهنhttp://www.qualcosadime.it/famiglia1.gif

[حبي بدر]

هلا الغلا
اممم صراحة مب عيب اخذ واحد امه من جنسية ثانية عادي اهم شي اخلاقه وصفاته
شو مايكون المهم ابوه مواطن والاولاد ياخذون من نسب ابوهم مو من امهم
واحن مالنا حق تطنزن على باقي بنات يمكن سبحان الله الله يردها علينا
هذا راي انا لكن كل وحدة فينا لها راي ثاني على حسب البيئة الي عيشتنه

[الغزال العنيد]

انا من رأي بعد ما اشوف فيها العيب المهم الاخلاق
والله شي ناس ما فيهم اخلاق يعين خلاص بأخذه لانه امه مواطنه
ومثل ما قالت حبي بدر المهم الريال يكون جنسيته من البلاد
وع قولت حبي بدر يمكن الله يرد عليهاا .. خخخخخخخخ

[الجتبية]

حبي بدور والغزال نوووووورتن

[اكتبي متغرب]

السلام عليكم ورحمة الله وبركاته



اشحالج يا الاجتبيه عساج بخير



مشكوره اولن على الموضوع الروعه



انا ماعليه من اي شخص ولا بقصدي تجريح اي شي

انا اتكلم بنظرتي الواقعيه والي انا اعيشه في مجتمعنا



بالنسبه لي ما ودي اخذ بنت اجنبيه اين كانت جنسية اهلها

مب عن انه عيب

بس ادور الاصل

يقول من ياد يوده من يود خوالن طيبين



اما عن الاجنبيات فبقولكم الصدق

مب كل اجنبيه تنخذ بنتها

لا تسؤلون ليش

لو تعرفون اصل الاجنبيه من حقكم ترومسون

لكن هل تعلم بيئة الام و كيف تربت وعاشت

هل تعلم كيف ربت بنتها

لا تقوليلي ما بتاثرالبنت بامها

اذا ام كلمتين عربي ما تعرف

ولا لو تعرف عربي

ما تعرف معنانا و منقود عندنا

يا عرب خلوكم واقعين

بالنسبه لي انا لو خطبت لو مره مالقيت بنت عن بنت اجتبيه

ما باخذها و بتم عزابي



وحتى على اختي ما بوافق لا تقوليلي ليش

يابويه مجتمعنا يعيبه

خص البداوه

شوفي رمسه الي بيرمسوبها

ماقولكم مافيهن ونعم

ولا فيهن اصل

ولا انه يعيبهن هالشي

بس انا مابي اواجه مجتمع يناقضني دوم

يابويه صح انا تفكيري يمكن يكون منفتح

بس مجتمعي مغلق ويحارب هالاشيا



انا مابي امشي عكس الموج لا يتكسر مركبي واغرق

خلوني اسايرهم

الحين يوم بتاخذ غريبه عن اهلك تموا يحاربونها شوي

وين بتاخذ بنت اجنبيه

يلا هذي نظرت مجتمع

بامكانكم انتوا تغيرونها

لكن انا ما فيه اتحارب في الوقت الي العرب الي كلها تحاربك

الانسان الطموح يحاول انه ما يخلق له مشكله من يديد

لاانه بيحطم نفسه بنفسه





انا اقدر الحب

لكن الحب بعد يعارض ديني

فليش ابحث عنه

خلني على شريعه وتابع ديني احسن





كلنا يبحث عن اشيا معينه

لكن في فترات هالاشيا تعارض الدين

وفي فترات تعارض العادات

وتفكير المجتمع الي نحن عايشينه

مابي شي يعارضني

وبمشي على اطراف الموج

لين اوصل للي اباه





واقول





الي يبينا عيت النفس تبغيه والي نبيه عيا البخت لا يجيبه

مع تحياتي

الحزن الاكيد

اكتبي متغرب

[عسولة]

اول شي مشكووره الجتبيه على الموضوع

وانا اعتقد مب عيب انه الوحده تاخذ واحد امه هنديه او مصريه
حتى الولد يعني في شباب يتزوجون اجنبيات .. علاقل الي امها اجنبيه
ابوها مواطن يعني تعرف عن عاداتنا وتقاليدنا اما هذيج من بيئه ثانيه
اهم الشئ الاخلاق والدين

والسموحه

[مشتــــــــــاق]

..السلام عليكم ورحمة الله وبركاته..
:
تسلمين الجتبية ع الموضوع..
:
والله مب عيب انه الواحد ياخذ وحدة امها مصرية ولا هندية..
ابوها مواطن ولا..؟!
ولد البلاد ولا..؟!
دام انه ابوها ولد البلاد اكيد بيعلمها عن عاداتنا وتقاليدنا..
يمكن هاي الاجنبية ايمانها قوي..
بتربي عيالها ع الايمان وع الاخلاق وع العادات الحسنة..
ياما شفنا ناس وياما صادقنا ناس امهاتهن هنديات او مصريات..
بس تعالي شوفي اخلاقهم..
متواضعين..ومب متكبرين..
:
ولا تنسنون اهم شي..
الرسول صلى الله عليه وسلم قال..(( لا فرق بين عربي ولا اعجمي الا بالتقوى..ولا أبيض على اسود ))
يعني الواحد يوم بياخذ البنت..بياخذ البنت ولا بياخذ امها..؟!
انزين ابوها من عيال البلاد..وهي ناشئة امبينا..اكيد تعرف عاداتنا وتقاليدنا..
يمكن تاخذ من ثقافة امها..
بس كم بتاخذ من ثقافة امها..؟!
بتاخذ القليل يمكن..
يمكن تتعلم لغة امها بس..
وامها دام انها عايشة فهالبلاد..اكيد بتتعلم الرمسة..
ياما شفنا هنديات يرمسن شرات رمستنا بالضبط..
:
بس شو فيها لو امها هندية ولا مصرية..؟!
جي المواطنة طينتها غير عن الاجنبية..؟!
كلنا من آدم..وآدم من تراب..
وميزان التفاضل بين الناس مب اللغة..
التقوى هي اساس التفاضل بين الناس..
:
ولو الواحد خذ وحدة امها مصرية او هندية..
البنت متربية اهني..مب متربية فالهند ولا مصر..
يعني وحدة من بيننا..(( من عاشر قوما 40 يوما فهو منهم ))..
:
الاولاد ياخذون على ابوهم..
ابوهم مواطن..عيل العيال مواطنين..
يوم انروح انخطب البنت ما انشوف امها..
انشوف ابوها..
اهم شي انه البنت مواطنة وخلاص..
يعني عسب ام البنت هندية ولا مصرية ما ناخذ البنت..؟!
عيل منو بيتزوجهن يوم نحن ما بناخذهن..
:
لو الانسان ايمانه قوي..ويؤمن بربه..ما بيفكر بهاي الطريقة..!
ما بيقول والله هاي امها هندية وهاي امها مصرية..
:
سيروا اقروا عن الرسول..اقروا سيرة اصحابه..
وشوفوا يوم يتزوجون شو كانوا يسوون..!
ياما من الصحابة زوجوا بناتهن حق ناس من جنسيات ثانية..
لو ترجعون لسيرة الرسول بتعرفون..
:
وأرد أقول..
كلنا من آدم..وآدم من تراب..
وماشي فرق بين الهندية والمصرية..
اهم شي انه البنت مواطنة..
:
والسمووحة..

[الجتبية]

شكرا على الردود كفيتوا ووفيتوا

[العـنـود]

والله الريال ما يعيبه شي لو اتكون امه روسيه المهم ريال وولد البلاد وجنسيته شرات جنسيتي وخلاص انا ما باخذ امه عسب اشوف على حسب نسبها و اصلها وبعدين شو يعني امه هنديه ولا مصريه ليش مب انسانه هاي الام ليش مالها رب ولا المواطنه غير
جيه المصريه هاي و الهنديه ما تعبن شرات المواطنات يعني ما حملن وربّن وتعبو على عيالهن و سهرو عليهم و ربوهم تربيه عدله ولا بس المواطنات على فكرة يعني ملاحظة ان في وااايد ناس امهاتهم اجنبيات ( مصريات – وهنديات ) تربيتهم احسن بوااايد من تربيت اللي امهاتهن مواطنات وخلنا من التفكير الهمجي ونرجع لكلام الرسول
اتذكر وترى مثل ما المواطنه لها قدر وحشيمه في بلادها اترى الاجنبيه بعد لها قدر وحشيمه في بلادها ويمكن المواطنه اذا لها قدر في بلادها يمكن الاجنبيه قدرها اكبر عند الله و احسن فيعني ليش هالتفرقة العنصريه وشلهم اولاد الاجنبيات شو ذنبهم تبونهم يتبرون من امهاتهم عسب يرضون الناس عليهم ولا عسب حرمه ..............

والسمووووحة بس صدق فكرو في هذا الكلام بالمنطق مب منه و الدرب

[الصياد]

السلام عليكم
اشكر الاخت الجتبية على طرح هذا الموضوع
انا ايد كلام الكل بس كلام اخوي الغالى الكتبي صراحة غلط
اخى العزيز اهم شي اخلاق وايمان البنت هب اصلها
اصلها على العين والراس بس اذا كانت بلا اخلاق ودين
لو كانت بنت منواااااااااا ما تشرف
الاخلاق والدين قبل قل شي
هذا راي بصراحة
والسموحة

[الجتبية]

شكرا الصياد والعنوووود وكل واحد وراييه

[الشوق الحزينة]

أحس انه عادي ومافي شي يعيب شوفيها اذا امه هندية او مصرية المهم انه ريال ما ينعاب وخلاص

[شوق زايد]

عيال الأجنبية ..!!!!


بعض العوايل تنظر بمنظار أن عيال الأجنبية عااار ولا تحب تخالطهم .. عيل وييين بالله عليكم تناسبهم ..

أما البعض الآخر .. فنظرتهم على قد عقولهم المتواضعة الطيبة .. عيال الناس عندها واحد .. لا فرق ولا تفريق ..

وما بين إختلاف وجهات نظر العوايل في بلادنا .. نقدر نتفادى حتى الرمسه معاهم عن هالمواضيع ..

وهذا شيء حاصل وما نقدر ننكره ..

وحتى مع تفتح المجتمع وثقافة شباب وبنات هالأيام .. إلا أن هالنظره بعدها موجوده ..

والتعصب مب إلا في القبايل إلا حتى في العرق الأصل والأجنبي والمجـنس ..

مثال بسيط :

عيل شو تقول يوم تييييك هندية ( مآخذنها مواطن شبية ) وترطن عليك بلهجة مكسرة ما تعرف الشرق من الغرب ..

وتتفاجئ بجوازها بين أيديك أنه جواز وحده مواطنه ..!!!!!!!!!!!!

اللهم لا إعتراض ......


أما عن نظرتي الشخصية ..

الواحد أنولد بروحه .. وبيموت بروحه .. وبينقبر بروحه .. وبينبعث بروحه .. وبيتحاسب بروحه ..

ليش نحاسبه نحن على أصل أمه أو حتى جد جده الأولي ..

مثل ما ذكر الأخوة .. أهم شيء الأخلاق الحسنة والدين والتقوى ..

أما عن التكبر والتفاضل على عيال الأجنبيات .. فهذا ظلم ولا يرضاه الله ..

يااااما شفنا بنااات مصريات وهنديات يسون الدنيا بأخلاقهن وسلوكياتهن ..

وفي نفس الوقت .. رابعنا مواطنات (( أصل وبنات قبايل )) ما يسون دوسة ريييول بنات المصريات والهنديات ..

اللهم لا شماته ..


شاكرة لج يا .. الجتبية .. على طرح هذا الموضوع الحساس ..

[شواقه]

تسلمين اختي على طرحج لهذا الموضوع..
يمكن اكون متأخره في الرد..
بس انا مع كلام اخويه "اجتبي متغرب"

يمكن انا وهو عايشين في نفس العادات والتقاليد..
والمجتمع المحيط إبنا يرفض ان نحن نأخذ واحد او وحده امها اجنبيه..

لو انا راضيه بالريال وهوع حسن خلق ودين..
اهلنا يرفضون هالشي وبشده بعد..

هو كلامه مب غلط لانه مثل ما قلت لكم عايش هالتقاليد..
ويقولكم اللي هو يشوفه..


والاهالي تفكريهم يختلف عن بعضهم..

وفي مثل يقول
"كلن يأخذ من مواخيذه"


هذا رأي ..
والسموحه منكم..

[أمواج]

أنا راي من راي أختي شواقه...نحن اتحاصرنا العادات والتقاليد وراي الأهل اللي يرفضون أنهم ايزوجون بناتهم من أبناء الأجنبيات..في هالحالة نحن ما بيدينا شي انسويه إذا كان راي البنت مب مسموع... مع العلم بأنه عيال الأجنبيه في معظم الأحيان أيكونون أحسن بوايد من عيال المواطنات...إن شاء الله بي اليوم اللي بتغير فيه نظرة الأهل لعيال الأجنبية...