مشكله بسيطه

[شواقه]

انا ابغي احط صور عقب ما اكتب موضوع او اي شي00
بس ما يستوي عندي:( اسوي كوبي حق الصوره بس ما يستوي يوم ابغي
اسويها بيست00
اذا ممكن حد يساعدني و يفهمني كيف احط صور:)
و السموحه منكم00

[+*^^*ماريه*^^*+]

شوفي اختي لما تكتبين الرد بتشوفين فوق زر مكتوب عليه IMG اشغطي عليه وحطي لينك الصوره اللي على الانترنت


اما خاصيه ارفاق ملف او صوره من الكومبيوتر الخاص اللي المنتدى فهي غير متوافره حتى الآن ....

ماريه

[شواقه]

هلا عيوني ماريه مشكوره الغاليه و ما قصرتي00
بس بعد عندي مشكله صغير00السموحه اختي بعذبج ويايه00
الخط و اللون ما يتغير عندي يوم اغيره ليش يا تري؟؟؟

و السموحه:)

[شواقه]

حبيت اجرب فحطيت هاي الصوره00

http://www.qwafy.com/swr_w_klfyat/kalfiat/p/41.jpg

[شواقه]

مب جنه الصوره واااايد كبيره:(

السموحه

[+*^^*ماريه*^^*+]

هلا شواقه عادي اختي صوره كبيره صوره صغيره اخذي راحتج ;)

بخصوص الخط واللون بنفس الطريقه في فوق لسته للالوان ولنوع الخط وحجمه وغيره من المميزات
لما تختارين لون مثلا تطلع لج ويندو صغنونه تكتبين فيها كلامج ممكن تكتبين كلميتين بس وبعدين اضغطي اوكى
ويعدين بيطلع لج كلامج بين رمزين تقدرين تكملين الكتابه بينهم على راحتج بس اهم شي يكون كلامج بين هل الرمزين وطبعا تبين لون ثاني بنفس الطريقه

علشان تضيفين مميزات ثانيه للخط مثل تغيير الحجم او تسوينه بولد وغيره انصحج بأنج تقرين بتشوفين مكتوب تحت ترميز المنتدي يشرح بكل واضح كيفيه ارفاق الكودات في المنتدى

اذا علقتي في شي لا تستحين سألي وبحاول ابسط لج اكثر :)

ماريه