حادث حريق من نصف ساعة

[عــيـ دبـي ــون]

هالحادث توه مستوي من نصف ساعة يعني الساعة 9 كان في شارع خليفة بالعين قرب بنك دبي الاسلامي

المشكله ماكنت مركب الفلاش ولا بتطلع الصور اوضح بوايد


عاد الجمهور مايصدق هالسوالف


http://www.dubaieyes.net/upload/dubai/ds_hariq1.jpg


http://www.dubaieyes.net/upload/dubai/ds_hariq.jpg


المطافي تاخرت 15 دقيقة بس بعد ما انتهت السيارة من الامام

http://www.dubaieyes.net/upload/dubai/ds_hariq2.jpg

[مــــــيـــــاس]

تعال والله شارع خليفه

فاتني الحدث .... عسى بس راعي السياره ما صابه مكروه

.
.

والله السياير مامنهن امان

وهالايام وايد نسمع سوالف احتراق السيارات

والله يعين من الوارد ... ترا الصيف ياي (يعني اقترب وبداء الحر) والله يعين
.
.

[عــيـ دبـي ــون]

مرحبا اخوي مياس

الحمد لله راعي السيارة مافية شي بخير يرقص بس غامضتنه سيارته

ومثل ماقلت اخوي الله يعين الصيف ياي وسيارات الوارد مامنهن امان بصراحة

بس شو رايك في السبق الصحفي هذا

[الحر الأشقر]

السلام عليكم ورحمة الله وبركاته


مسااك الله بالخير

اهلا عيون دبي

.
..
...
عيون دبي تم تغير اسمك من عيون دبي الى اخبار الدار :)



وغمضني رااعي السيااره وان شاء الله ما اصاابه مكروه



اخبار الدار: عيون دبي


صدقت الصيف يااي والله يعين اصحاب سياراات الوارد :) والصادر :)

عيون دبي


الجو معتدل بس كيف هالسيااره احترقت :)

يمكن من "العدســة " @60@ انت فااهم وانا فااهــــم :)



وتسلم على هالموجـــز االأخبااري :)




والله يعطيك العافيــه


.
..
...


ويامرحبانــــــــــــــــــي (h)

[مــــــيـــــاس]

تعرف اخوي عيون دبي

امس رحت المول وبالتحديد محل "سلام" بس مشان اشتري كميرا ديجتل

ما ادري اريد وين ما روح اصور ... والله شي ياني عيبتني سالفة التصوير خخخخخ

(حلو التصوير والحلا نعمة ربنا وهي النظر)

حتى الاعمى يعني سبحان الله يقدر الاستمتاع من خلال الخيال والتصور

.
.

ماعليك زود اخوي عيون دبي

سبق صحفي "هادف"

يمكن اللي يشوف الصور يخاف من تركيب التزويدات اللي تسبب في حرائق السيارات

ويمكن تنبه على الاقل بعض السائقين على الحرص بفحص السياره قبل تشغيلها والسير بها

وما بنسى المدخنين في السيارات

ترا الزجائر تكون احد اسباب الحرايق

.
.

تسلم الغالي

.
.

بس تعال تراني ما اشتريت الكميرا

شو تنصحني؟

.
.

[عــيـ دبـي ــون]

الحر الأشقر

ههههههههههههههههه


تراه ياخوك كنت اتمشى فقلت شو ها ولاسيارة تحترق علشان نصورها لفيت بالدوار وحصلت هالسيارة تحترق :rolleyes:

والحمد لله راعي السيارة بخير

[عــيـ دبـي ــون]

تبقى الصدق اخوي مياس التصوير حلو

أحيانا نشوف شي حلو ونتمنى نشوفة كل مرة واذا ماعندك كيمرا ضاع عليك

والحمدلله انا لا ازد السيارة ولا احب التدخين مفتك :)

والله يسلم الشباب من هذي الحوادث

وبالنسبة للكيمرا انصحك بصراحة بـــــ Nikon D70 بتحصلها في محلات السلام لانها اكثر من رائعة في نظري وهية نفس الكيمرا إللي استخدمها


نسيت اقولك أذا تعودت على الكيمرا مشكله بتخليها وياك 24 ساعة بالسيارة نفسي :)

[مــــــيـــــاس]

هاي الماركة انا ريتها عندهم بس ما اعرف شي عندها ودامك امجربنها وتستخدمها

بخذ لي وحده

.
.

وما عليك

جان بدمن على التصوير هب مشكله

المهم ما انسى عمري واصور اماكن محضور فيها التصوير
.
.
والله الخوف من مقر عملي

لانه قبل ما اوصل الدوار اللي قبل المركز حاطين لي لوحتين كبر الدنيا .. اطفي الانوار واللوحه الثانيه ممنوع التصوير

خخخخخخخخخخخخ

لو توهقت بقولهم هذا كله من عيون دبي

.
.

تحياتي لك الغالي

والمره القادمه بتكون مشاركاتي بالكيمره الجديده

.
.
.

[عــيـ دبـي ــون]

هههههههههههه

يعني بتردها علية

بس تعرف شو بسوي انا اول ما اشوفك رايح الدوام بعد ماتشتري الكيمرا ببلغ عليك وبقولهم تراه يصور اماكن ممنوعة

[مــــــيـــــاس]

هههههههههههههه

والله الخوف ما تخبر ..... خوفاي اتصورني ....

وانت ساير تبلغ علي بيقولولك كيف صورته والمكان محضور


هههههههههههههه

عاد اهناك انا وانت بنحول السجن إلى استيديو تصوير خخخخخخخخخخخخ

وبنصور اعمارنا

وبيكون

مياس وعيون دبي

عمادة المصورين المساجيين

.
.


.

والله لا قال ولا يسمع مني



.
.

تعرف

انا (وعوذ بالله منها)

وايد معجب بعمري

والله ليل نهار ماسك تليفوني واصور عمري

الحين افكر يوم بشتري الكميرا شو بتكون حالتي خخخخخخخخ

امس دخلت محل السلام

وجربت كميرا ماركت كونون او كونن ماعرف بالضط شو هيه ...

وقعدت اجرب الزوم والفيديو على عمري

اللي يخطف يقول شو هالخبله

بس والله الاكشن العجيب واللي صار

بعد ماقعدت حوالي نص ساعه وانا اتامر على ذاك الهندي المسكين إلا نزل هذيج الكميرا وإلا هات هاي وشغل ذيج

طلعت ولا اشتريت شي

صدق الهندي بغظني وكرهني من خااااطره

لا بعد

الحين بردله مشان اخذ الكميرا اللي قلتلي عليها

صدق والله يوم بيشوفني ما بيعبرني

خخخخخخ

.
.

[عــيـ دبـي ــون]

ههههههه

خليتني اتخيل اني يالس اصورك في السجن وانته تاكل عدس وخبز يابس هههههههه

هيو والله الله لاقال والله يعين الهندي يوم بيشوفك في المحل @60@

[°• المحتشره •°]

شو السالفه الحين هو بخير ولا

[عــيـ دبـي ــون]

°• المحتشره •°

السالفة سيارة محترقة وصاحبها بخير

@60@

[صالحه]

السلام عليكم ورحمة الله وبركاته

نسأل الله السلامه والعافيه يا رب .. والله يسلم جميع المسلمين من كل شر ،،

مممممم

بصراحه ضحكني ردك يا عيون دبي ورد مياس ..

الله يقطع ابليسكم يا رب هههههههه

ومشكوور على الحدث خويه الكريم عيون دبي والله يسلم الجميع

:)

[عيون الإمارات]

مع أنه الصور مب ظاهره الحين
لكني شفته بالأمس
ماشاء الله عليك كنت بقلب الحدث وألتقطه ونقلته علينا
شكرا لك أخي الكريم والحمدالله أنها يت بالسياره
فيه صوره عيبتني كثير
صورة النار والأشخاص محدد عليه باللون الأسود
ما أدري أي وحده هيه عساس أنه مب ظاهر معاي الحين
المهم الله يعطيك ألف عافيه

وتحيتي لك ولفنك

[عــيـ دبـي ــون]

صالحه

امين اختي والحمد لله انها بالحديد

تسلمين على هالمرور وبالنسبة لمياس اترياه يشتري الكيمرة ويصور وابلغ علية

يعني اذا غاب عن المنتدى 6 شهور :rolleyes: السالفة معروفة

[عــيـ دبـي ــون]

عيون الإمارات

لانه خلاص اختي افكر اشتغل صحفي انا واخوي مياس :rolleyes:

وبالنسبة للصورة اعتقد تقصدين الصورة الثانية

وتسلمين على هالمرور

[العـقـرب الاسود]

الله يسلم الجميع من كل شر ..

تسلم اخوي على النقلة الخطيرة

تصلح مراسل لقناة الجزيرةhttp://www.alkitbi.net/vb/images/icons/icon10.gif

وفي انتظار الجديد من ابداعاتك ومغامراتك http://www.alkitbi.net/vb/images/icons/a7.gif


اخوك

::العقرب الاسود::

[عــيـ دبـي ــون]

العـقـرب الاسود

امين اخوي

والله يسلمك على هالتواجد

وهم عرضو علية بس انا ماوافقت لانه لو وافقت على عرضهم ببتعد عن المنتدى وعنكم :rolleyes: