المساعد الشخصي الرقمي

مشاهدة النسخة كاملة : خريريفه ... مجيريفه


عــيـ دبـي ــون
08-05-2002, 10:53 PM
كانت الفتيات يتغنن بالأغنيات الشعبية القديمة التي تحمل في جوفها حكاية ..(( خريريفه )))) و هي تضغير دارج لكلمة(خرافه )) و تعني الحكاية التي لا تصدق ، ومن أشهر الحكايات المغناة التي كانت الفتيات يشدون بها و تؤدي مع بعض الحركات الإيقاعية في البيت بشكل جماعي في سن مبكرة هذه الخريرفه :

خريريفة ..
مجيريفة ..
سبع قطيوات ..
معلقات في التنور ..
و التنور يبغى حطب ..
و الحطب في السَمْرة ..
و السَمْرة تبغي جْدم ..
و الجَدْم عند الحداد ..
و الحداد يبغي أفلوس ..
و الفلوس عند العروس ..
و العروس يابت ولد ..
و الولد سمُوه سند ..

منقول


:rolleyes:
شروق الشمس
08-05-2002, 10:59 PM
هههههههههههههه
هيــــــــــــــــه يا عيون دبي ذكرتني بيوم كنت صغيرة واردد هالغناية :rolleyes:

:D :D
مب اتصدقون اني عيوز :D

لكن هذي تشبه حمامة نودي نودي .. وعلى نفس الوزن

تسلم والله يعطيك العافية

مع تحيات
زمان أول :rolleyes:
لولوه
09-05-2002, 03:42 AM
الله رديتون على ايام الشباب :D

يوم ينزل المطر ونيلس نغني طاح المطر بايد الله ... كسر حوي عبدالله

توني ادري انه عيون شيبه

وشروق عيوز:D
الوعد
09-05-2002, 05:33 AM
مشكووووووووووووور عيووووووووووون ...

موضوووووووووووووع حلوووووووووو ... بس للأسف ...

ماعشته
عــيـ دبـي ــون
09-05-2002, 09:23 AM
شروق الشمس..
الله يسلمج ويسلم غاليج أختي:)
وحلوة هذي مع تحيات
زمان اول:D
عــيـ دبـي ــون
09-05-2002, 09:26 AM
لولوه
وانتي ذكرناج تقولين بأيااام الشباااااااااااب
يعني انتي عيووووووز بعد:D

وكم هية حلوة الذكرياااات أختي اياااام مرة والانسان يتمنى لو يعود
شي بسط منهاااااااااا

تحياتي على قولة شروق الشمس
زمااان اول:D
عــيـ دبـي ــون
09-05-2002, 09:29 AM
الوعد
ماعلية أختي عيشية ويانا في هذي الاحظات
وهذي المعلوووومة والله يعطيج العافية:)
زهـرة الـوادي
09-05-2002, 02:53 PM
يا سلالالالام على أيام زمان
تسلم يا عيون دبي على هذه المشاركة :)


الله يرحم أيام زمـــان
لولوه
11-05-2002, 08:29 AM
ايه يا الشيبه انا توني بيبي
الرحـ2000ــال
11-05-2002, 01:32 PM
مشكور اخوي
عيون دبي
عثرك
دهري


هههههههههههههههههه
بس بعد مشكور مع تحياتي
الرحال
عــيـ دبـي ــون
14-05-2002, 02:06 PM
زهـرة الـوادي

تسلمين أختي على المشااااركة:)
عــيـ دبـي ــون
14-05-2002, 02:07 PM
ول خليتوني شيبة الحين بهذا الموضووووع:D
تسلم الغالي على المشااااركة
لولوه
15-05-2002, 01:30 AM
اظهر وبان عليك الامان :D

اخيرا اعترفت انك شييييييييييبه ( بكل فخر )

اشفيهم الشياب يا حلاتهم احلى من الشباب :D (h)
الشموخ
15-05-2002, 12:49 PM
تسلم اخوويه عيون دبي
صدق ايام الطفوله ما تتعوض
http://www.alsaudiah.org/upload/baby7.gif
رأس الحية
19-05-2002, 04:49 PM
السلالالام عليكم ..

تسلم اخووي على هالموضوع ..

ويا كثر الأغاني الي كنا نغانيها ..

والله ايام راحت ليتها تعوود

تحياتي ..
عــيـ دبـي ــون
21-05-2002, 10:03 PM
لولوه

شوووووووو
كل مانزل موضوع عن التراث سميتوني شيبه:)
لايكون حد مطلع علية اشاعه اني شيبة:D
عــيـ دبـي ــون
21-05-2002, 10:05 PM
الشموخ
لاتقولين ايام الطفوله ماتتعوض
الحين بيتحروونج عيوووووز:D

تسلمين اختي على التواصل:)
عــيـ دبـي ــون
21-05-2002, 10:07 PM
رأس الحية

ول
طلعتي بعد انتي عيووووز:D

ايام ومضت ..

ويقولون
ليت الليالي الماضية تعوووووود:(
لولوه
24-05-2002, 03:28 AM
عيوني عيون دبي

الشيبه هيبه :D
عــيـ دبـي ــون
30-05-2002, 09:38 AM
لولوه

مادام جذا خلاص موافق:)