~©™¤§ساحة ماريه للتواقيع§¤™©~

[+*^^*ماريه*^^*+]

السلام عليكم

كثرة طلبات التواقيع على ماريه هل الايام هههههههههههه

فكرت ليه كل مره احرجكم يمكن في البعض خاطره بتوقيع بس مستحي يطلب مني :D

ووالحمدلله دعايه زهرة الوادي ما قصرت ;)

وعشان خاطر عيونكم الحلوه قررت افتح هل الموضوع للي يريد توقيع خاص له ...

اللي يحب توقيع يتفضل بوضع طلبه هنا مع شرح بسيط عن اللي خاطره فيه (لون ...شكل معين ... كلام او شعر)

مع العلم بأني سأقوم بتصميم التواقيع حسب اولويه الطلب وبالدور وعلى فترات فأعذوني والصبر اوكى ;) ...

اللي حاب توقيع بسرعه يحط طلبه قبل انتهاء المقاعد :p (اي مقاعد!!!!!!!!!)

ماريه (h)

ملاحظه: زهرة لا تعتقدين بتفلتين اوكى راح تساعديني هههههههههههههههه :p

[الشموخ]

مشكوره عزيزتي على البادره الطيبه منج
انا يا اختي ابا احجز اول مقعد لي احم احم
ابا توقيع على ذوقج بس الكلام يكون كالتالي

أنا لم أخلق لأكون محط اعجاب الرجال جميعا...
أنا خلقت لأكون مصدر سعاده رجل واحد
والصوره والخلفيه على ذوقج الحلو;)

[+*^^*ماريه*^^*+]

هلالالالالا شموخ ;)

ما توقعت تحجزين اول مقعد تصدقين :D

اوكى فالج طيب وانتظري التوقيع انشاء الله قريب

ماريه

[©™¤§امارات§¤™©]

وانا بعد بغيت توقيع من ماريه على ذوقها
لو ما فيه مانع
عروض مغريه وحبيت اكون معاكم واحجز مقعد رغم اني جربت بروحي الا اني ما حبيت اكمل شفته صعب . وايد ..


ما فيه شروط عندي بس اكيد احب يعبر عن الاسم امارات
ويحتوي على بيت الشعر هذا ..
هذي امارات الوفا عز ونور
هذي امارات الوفا مجد وشان ....

والسموحه

تحياتي

[نبراس]

مشكوره اختي ماريه على عرضك(hi)
يعني رجعنا لنفس الموضوع القديم :D

مادام السالفه ببلاش ليش ما أحجز معكم

يقولون راعي الحب الاول غلاه يزيد
................ اجل كيف لاصرت اول الحب والتالي


نبراس
عشق بدوي

[+*^^*ماريه*^^*+]

من عيوني حبوبه امارات


شو نبراس يعني عشان ببلاش جاي تحجز مقعد ههههههههههه

على بالي لانه تصاميمي عاجبتج :(


سوالف اوكى تم تسجيل الطلب وقبول الاستماره

عاد انطرني اوكى :p

ماريه

[نبراس]

الشي ببلاش ربحه بيّن:D

وبالعكس اختي ماريه تصميمك والله حلو

وللمعلوميه انا ولد مو بنت

(أضربك)

[+*^^*ماريه*^^*+]

هههههههههه نبراس هيه ادري انك ولد

ثم لا تطقني من اولها انتظر اخلص توقيعك بعدين :D

وهاك هاي عشان اليوم (أضربك)
:p

ماريه

[زهـرة الـوادي]

أخـــــيرا يا مــــاريه :D

من زمــــان و أنا أقول لج فتحي دكاااااااان في المنتدى :D حق التواقيع .. :D

و ماشاء الله من أول يوم عندج زحمة :D زحمـــة يا دنيـــا زحمــــة :D






بصراحة كسرتي خاطري يا ماريه :D
راح أساعدج أوكيه ..:D

[+*^^*ماريه*^^*+]

ههههههههههههه زهره شفتي كيف انا بنت طيبه واسمع كلام :p

اوكى حبيبتي عليج بتوقيع النبراس مال ببلاش ;)

وانا بسوي الباقي وتسلمين

ماريه

[زهـرة الـوادي]

أوكيه ماريه .. إتفقنا ;)

[نبراس]

اختي ماريه
يعني التواقيع اللي ببلاش ماتسوينهم وتحولينهم على غيرك:D

أنا كلي ثقه بأن زهرة الوادي راح تنزل لي توقيع مافيه مثله في المنتدى (الله يستر)


نبراس

[+*^^*ماريه*^^*+]

ههههههههههههههههه نبراس زهرة الوادي فنانه وذات مواهب ما عليك وتطمن ونام وفي وبطنك بطيخه صيفي ترا هل الايام حر وايد :D

ماريه

[لولوه]

امممممممم افكر

انا مع كلام نبراس مدام انه ببلاش يالله خلونا نحجز كرسي وما يخالف لو كان ورا انا مب مستعجله

ولا اقولج ماريه بالارقام نحن اتعودنا جيه الاول اول والاخير اخير اوكي عن ادخلين احد جدامي بالواسطه

تراني ادريبج فيتامين واو قوي :D

[+*^^*ماريه*^^*+]

هلالالالالالالالالالالالالالا لولوه

شو سالفتكم اونه الحين كل واحد فيكم مش ميت على التوقيع وخاطره فيه بالقوووو

جايين من غير نفس تقولون ياله ببلاش ببلاش :p

هههههههههههههههههههههه احم احم فيتامين واااااااو مش بس قوي عندي انا بروحي الفيتامين نفسه

وحظج حلو اني من شويه خلصت توقيع شموخ وامارات بس بكره بنزلهم وبما انه نبراس زهرة راس تسوي له توقيعه يعني انته الحين الدور عليج

شفتي كيف خذتي نبر ون في المقاعد ;)

بس ما خبرتيني كيف تبين شكله وشو اكتب على التوقيع ؟؟؟

ماريه

[لولوه]

على ذوقج لكن يكون اسمي موجود

[زهـرة الـوادي]

هاااااااااي (h)

ولا نقول صباح الخير ...

شو يالسين تنموااااااااا عليّ :mad: يا ماريـــه و يا نبـــراس :mad:





:D خلصت التوقيع












نبراااس ... إستعد :D















خذ نفس عميق .... :D













عد من الواحد لين الثلاثة .....























يالله






















1































2
































3

























:rolleyes:

بليز أبي رأيكم من غير أي مدح .. ابغي نقد أوكيه

[زهـرة الـوادي]

:o آآآآآآآ


مش كأنه زيادة حبتين ...


سوري :o

[لولوه]

ما شاء الله سهرانه زهره

الله يعطيج العافيه على هالتعب

اوووف اوووف شو هالتوقيع ما عليه كلام باين عليه ماخذ وقت وااااايد منج

ناس ذوق وفن مب نحن الله يستر علينا :D

[زهـرة الـوادي]

:D هاهاهاهاهاهاهاهاهاهاها

أبيــــــــــه لولوة شو مسهرج للحين :D


تسلمين الغاليه على اطرائج :D .. كلج ذوووووق ;)


بس ما قلتيلي شو الشي إلىّ موب زين في التوقيع :confused:
ترى موب كل شي كامل .. لازم يكون في شي مش مزبوووط

[نبراس]

هلا بزهرة الوادي

فعلا توقيع جميل وقلت من قبل إنه راح يحطم كل التواقيع الموجوده هنا خصوصا توقيع ماريه :D

اسف إن كنت تعبتك معي بس شسوي ابغي أرز بتوقيع(h)

الحين ماني ساكت كل شوي بارسل رساله علشان يشوفون التوقيع

بس انا عتبان عليك
ليش ماكتبتي في التوقيع بواسطة زهرة الوادي
منها تقدير لك على مجهودك ومنها دعايه:D

[زهـرة الـوادي]

تسلم يا نبراس و كلك ذوق :)

نبراس هذا الكود لتوقيعك ...

http://montada.host.sk/upload/nebras.jpg



بالبداية حطه على الإميج ( صورة ) .. بتلاقيه موجود في نص المشاركة في الأعلى بين الأزرار ..
و إنسخه .. و أرفقه على توقيع و راح يطلع إن شاء الله ..

[+*^^*ماريه*^^*+]

وااااااااااو زهرة بصراحه التوقيع جدا حلو يسلم من سواه


شفت نبراس مال ببلاش لا يعلى عليه ومكسر الدنيا ومسكت ههههههههه

مبروك اخوي تستاهل

ماريه

[+*^^*ماريه*^^*+]

احم احم اوكى اول توقيع للحبوبه الشموخ اتمنى انه يعجبج وتراه لايق عليج وايد ;)


http://maryah.jeeran.com/images/shomok.gif

وهذا هو عنوان الصوره http://maryah.jeeran.com/images/shomok.gif

ماريه

[+*^^*ماريه*^^*+]

وينج امارات ياله الفرج وصل هههههههههههههههه

وهذا هو توقيعج اتمنى انه يعجبج

http://maryah.jeeran.com/images/uae.gif

عنوان التوقيع http://maryah.jeeran.com/images/uae.gif

ماريه

[+*^^*ماريه*^^*+]

وأخيرا ووليس آخرا تفضلي عمري لولوه توقيعج

اللي الفيتامين واو فيه عامل عمايل ههههههههههههه

http://maryah.jeeran.com/images/lolwa.gif

عنوان التوقيع http://maryah.jeeran.com/images/lolwa.gif

اوه اي ملاحظات او تعديلات تحبونها ما عندي مانع

وانتظر رايكم لانه يهمني جدا جدا جدا :D

ماريه

[نبراس]

أخوات ماريه وزهرة الوادي

مشكورين على وقتكم

شكلي ماني نايم الليله
راح اشترك في كل المنتديات علشان عندي توقيع :D

شكل الفيتامين عامل عمايل يا اخت لولوه

اخت امارات
من قدك عندك احسن توقيع في المنتدى

اختي الشموخ
مبروك على التوقيع

نبراس

[زهـرة الـوادي]

:D هاهاهاهاهاهاهاهاهاها
ضحكتني من الخاطر يا نبراس :D
:D عليك سوالـــــــــــف


ماريــــــه:)
بصراحة تواقيعج لا يُـــعلا عليها ;) ما شاء الله
و الإعتراف بالحق فضيلة :)

[©™¤§امارات§¤™©]

نبراس بدينا عاد في الغيره ؟؟
ماريه تسلمين حبيبتي كلج ذوق التوقيع اكثر من فنـــــان ..مرس كثير (h) (h)

تحياتي
امارات

[+*^^*ماريه*^^*+]

ههههههههههههههههههههههه نبراس عساك دوم فرحان


زهرة ولو كل منا له اسلوبه والتنويع حلو وتصماميج روعه عمري


اهلين الامارات الحمدلله انه عجبج وياله عاد اكشخي فيه خلينا نشوف ثياب العيد عليج !!!

ماريه

[نبراس]

اختي إمارات
انا عاذرك على الغلط المطبعي اللي صار (مرس كثير)
ههههههههههههههه

ادري إنك من الفرحه ماعرفتي تكتبين اللي تبينه:D
وبعدين الغيره شي فطري

اسف على لقافتي بس صار عندي توقيع خلوني مستانس (أضربك)


أختي ماريه (hi)

خليني اعبر عن مشاعري بس إستحملوني

[قصيــد الحب]

السلام عليكم 0

تحياتي للجميع 0


ممكن توقيع للاخوكم قصيد الحب اذا سمحتو 0

والى يكون توقيعه اجمل توقيع بسويله خاطره او قصيده هديه مني له 0

تحياتي لكم 0

[زهـرة الـوادي]

يا عيني على العرض :D

يعني تبينا نسويلك أنا و ماريـــه :D

أوكيه .. ما طلبت

تقرب / ترقبي التوقيع عن قريب إن شاء الله :)














ماريـــه :D
هاي الزبـــاين ولا بلاش :D

[©™¤§امارات§¤™©]

ها ماريه شرايج بكشختي :D حلوه اثياب العيد علي
نبراس يعني شكلك نسيت الحركات اللي تعلمناها في الابتدائي كسره :o ضمه وسكووون :o
ما عليه عادي اعلمك ;)

[زهـرة الـوادي]

أخوي / أختي

قصيد الحب .. ممكن تقولين لي شو تحبين أكتب لج على التوقيع مالج ؟
بيت شعر ؟ إسمج ؟ أي كلام ؟

[+*^^*ماريه*^^*+]

هههههههههههههههه زهرة الوادي زين خوش زباين

اخوي قصيد الحب فالك طيب وانشاء الله اختي الغاليه زهرة بتسوي لك توقيع حلو على ذوقها

آه واسمح لي دمجت موضوعك مع موضوع التواقيع علشان اللمه :D

بس رد بسرعه على زهرة عشان ما تتعطل

زهرةه شكرا حبيبتي تعبتج معاي بس حلو التصميم صح ;)

ماريه

[زهـرة الـوادي]

مسموحه يا ماريـــــه

والتصميم .. أنا و يااااه تؤم ;)

[قصيــد الحب]

هلا ومرحبا 0

توقيع على ذوقكم يكون هادي وخفيف

وبخصوص الكلام 0

حسافه يازمن فيك الوفا صعب 000 ليتني ماهويتك ولا عرفتك ياحب

واشكر كم على التفاعل 0

تحياتي 0

والهديه زاهبه تبي اشاره بس 0

[لولوه]

سوري على التاخير

مرسي اوي اوي ماريه مب مشكله تعبناج شوي

[زهـرة الـوادي]

بااااااااااااااااااااك :D




قصيد الحب ..... فرجت ... التوقيع بانتظارك :D





إن شاء الله يعجبك ....:rolleyes:




أي نقـــد نقد به :) أي مدح لا نقبـــل به :mad:



و هذا الرابط لتوقيعك ...

http://montada.host.sk/upload/qa9ed_al_7ob.jpg

[+*^^*ماريه*^^*+]

لولوه العفو حبوبه

ماشاء الله عليج زهره توقيع آخر جميل تسلمين ومبروك قصيد الحب

ماريخ

[الشموخ]

مشكوره عزيزتي ماريه على التوقيع الحلو
وهاااي الورود مني لج http://www.alshamsi.net/cards/zhr_cards/sam_zhr11.jpg




http://maryah.jeeran.com/images/shomok.gif

[+*^^*ماريه*^^*+]

مشكوووووووووره الشموخ على الورد

ولا تنسين تحطين كود الصوره في خانه التوقيع بالملف الشخصي في التحكم الخاص فيج

ماريه

[زهـرة الـوادي]

تسلمين مـــاريه

[قصيــد الحب]

مشكووووووووووووووووووووووووووره اختي زهرة الوادي 0

توقيع رائع وعجبني واسمحيلي تعبتج معاي 0

تحياتي

[زهـرة الـوادي]

العفو أخوي ..

أهم شي إنه نال اعجابك .. :)

[باربي]

تسلمين ماريه

دووم تصاميمج رائعه و حلوووه

و جزاج الف خير سويتي خير للاعضاء اليدد

و فكره رائعه

مع اجمل تحياتي باربي

[زهـرة الـوادي]

تسلمين يا باربي .. :)
و ثااانكس على تواصلج و تشجيعج ;)

[+*^^*ماريه*^^*+]

تسلمين حبيبتي باربي

وزهره ماشاء الله عليها ما قصرت تسلمين ومشكووره

ماريه

[غزلان]

آسفه اختي والله ما شفت موضوعج عن التواقيع ..... وما فهمت يوم قلتي في منافسه ....

توني ياسه اطالع المواضيع وشفت الموضوع....... المهم انشاء الله نكون يد وحده ونسوي تواقيع حق الاعضاء كلهم.....:)


تحياتي لج
غزلان(h)

[زهـرة الـوادي]

غزلان :)

لا تحطين في بالج شي .. بالعكس نحن نعتبر هذا الشي شرف كبير لنا :)
في انج تقدمين هذي الخدمة للمنتدى و لأعضاء المنتدى ..
و سامحينا ردينا بالنيابة عن لسان الأخت ماريه .. :)
لآنها حاليا في إجازة :)
و حيااج الله الغاليه

[+*^^*ماريه*^^*+]

اختي الغاليه غزلان

شو هل الكلام حبيبتي انا لما كتبت ردي في موضوعج كان واضح فرحتي الكبيره بوجود مصممه جديده معنا تشيل عني وعن زهرة حمل تصميم التواقيع للاعضاء والتي تاخذ منا الوقت والجهد الكبير والحمدلله نستطيع الآن كلنا ان نتعاون معا

وماشاء الله عليج تصاميج جدا رائعه وجميله وذات طابع مميز اتمنى لك مزيد من التقدم والتطوير


زهرة اختي الغاليه اشكرك على الرد عوضا عني في فتره اجازتي لازاله اللبس

ماريه

[زهـرة الـوادي]

:) العفو ماريه ...

و هذا الواجب

[جمرة]

Hi.. Sisters :o

I liked them all.. and I need one if you can.. Would you do it for me?? :confused: :o


If you asking how I liked it to be.. I will say a picture of Firebrand or Flame with some efictes from your magic fingertips


and about what I like you to write in, it is my faivorite line of poetry for my faivorite poet
ولكن بانت الكــــــذبة .. وعــــــزّم قلبي التعديل
تنبّه بعد مـــــا فــــــات الأوان .. ومرّت سنيني



جمرة

[+*^^*ماريه*^^*+]

OK جمره

you asked for it ........so u'll get it soon

انشاء الله :)

ماريه

[راعي مقالب]

هلا والله ماريه اخبارك اختي العزيزه هلا والله زهرتنا اخبارك ولك شو الصحه



بس حبيت اغيظ لولوه ونبراس على التوقيع الي عندي ومافي احلى منه في المنتدى كله




وهذا طبعا راااي الاغلبيه شوفو توقيعي شو حلاته شفته نبراس شفتيه لولوه والله انه روووعه


توقيعي يلسووو يسوونه شهر كامل اثنينه اشتركوا فيه غزلان وزهره يلسووووووا في الكراج شغالييين فيه ليل ونهار


بس لولوه بيسوووولك انتي ونبراس تواقيع اي كلام مال قووم باعبوووود :D




الحين بخليكم تشوفون توقيعي بس بدون حسد اتفقنا




باي (hi)




انا راعي مقالب انا عطر الليل وهمس الليل انا فيني الاماني سيل (h)

[نبراس]

هلا وغلا بخوي راعي مقالب

شو هالتوقيع .......

ليش أغتاظ , وبعدين انا مستانس بتوقيعي وراضي كل الرضا عنه

وفعلا زهرة الوادي ابدعت فيه ( الله لايهينها)

وبالنسبه لتوقيعك الله يهنيك به


سلام(hi)

[+*^^*ماريه*^^*+]

وااااااااااااو رعي المقالب توقيع رهيب بصراحه جدا حلووو مبرووووك عليك اخوي

نبراس ههههههههههههههههه لا تصير طماع ;)

جمره آسفه تأخرت عليج التوقيع في الطريج ههههههههههه

ماريه

[غزلان]

تسلمين اختي :)

تحياتي لج
غزلان(h)

[زهـرة الـوادي]

عليك سوااااااااااااااااالف يا راعي المقااااااااااااااالب :)

تسلم أخوي نبرااااااااااااس

ثااااااااااانكس أول أوف يوووو على هذا الاطرااااء :)

[+*^^*ماريه*^^*+]

Hi I'm Back

وينهاي جمرة من زمان ما شفتها

ياله اذا ما جات راح يفوتها توقيعها بصراحه لانه فيه حركه عجيبه ;)

http://marya.8m.net/cards/jamra.GIF

وهذا عنوان التوقيع http://marya.8m.net/cards/jamra.GIF

ولا شو رايكم :D

ماريه

[نبراس]

وينك اخوي راعي مقالب

تعال خلنا نصور بتواقيعنا لأن في توقيع حطم كل التواقيع الموجوده


من قدك يا اخت جمره عندك احدث توقيع هذا إذا مو اجملهم

مشكور ماريه على التواقيع اللي تسوينهم
تبين الصدق إنتي ابدعتي فيه

نبراس

[لولوه]

اخوي راعي المقالب بالهني والعافيه عليك بالتوقيع :o

بعدين انا عندي توقيعين من الحلوه مــــــــــــــــــــــــــــــاريــــــــــــــــ ــه والحلوهغـــــــــــــــــــــــــــــزلان

والحمد الله التوقيعين كل واحد احلى من الثاني وانا راضيه عنهن ومرتاحتلهن انزين :D
وكل واحد في منتدى
]

[غزلان]

الله يعطيج الصحه والعافيه ........ والى الامام دوم ان شاء الله

تحياتي لج
غزلان(h)

[+*^^*ماريه*^^*+]

ههههههههههه نبراس مشكور اخوي ما كنت اظن انه التوقيع حلو لهل الدرجه

لولوه وغزلان تسلمون على الرد والله يعافيكم

ماريه

[الريـــــم]

مرحبا اختي ماريه..
لو سمحتي ابغي توقيع حلو على ذوقج فيه اسمي" الريـــــم"، و فيه هذا البيت من الشعر "لا تسرق الوقت يا اجمل وقت**تكذب عليه و اكذب عليك و القى الدفا برعشت ايديك"،، و اسمحي لي على الازعاج..

اختج..الريـــم

[+*^^*ماريه*^^*+]

انشاء الله الريم ولا يهمج :)

ماريه

[+*^^*ماريه*^^*+]

اختي الريم جهز التوقيع واتمنى ان يعجبج

http://maryah.jeeran.com/images/reem.gif

وعنوان التوقيع http://maryah.jeeran.com/images/reem.gif

اي ملاحظات قولي اقدر اعدله لج

ماريه

[نبراس]

دائماً مبدعه ياماريه

كل توقيع منك احسن من اللي قبله

إلى الامام دائما

[+*^^*ماريه*^^*+]

مشكووووووره نبراس كلامك خلاني اتشقق
حد عنده صمغ ههههههههههه

ومعاك حق كل توقيع جديد اصممه يطلع احلى من الثاني لاني اتطور مع كل تصميم
لو تقارن تواقيعي القديمه مثلا قارن مع توقيعي الحالي في فرق صح ههههههه بس انتظر علي بصمم لي توقيع ولا احلى (لما احصل وقت لول)

شكرا جزيلا على رأيك الطيب

ماريه

[نبراس]

ليش تغيرين توقيعك ياماريه
بالعكس انا اشوفه من احسن التواقيع اللي هنا

مافهمتي مدايحي لك , يعني إفهميها وسوي لي توقيع حلو :D

كنت امزح معك
بس لاتصدقيني وتسوين لي توقيع


نبراس

[زهـرة الـوادي]

ماشاء الله عليج يا ماريه .. كل يوم تحطين لنا توقيع اجمل من إلىّ قبله:)
بس توقيعج في نظري لحد الآن محافظ على مركزه الأول :)

[+*^^*ماريه*^^*+]

يااااااااااااااااااي :D لا خلاص دامه حلو بخليه ليه اغيره مينونه انا ههههههه

تسلمووون نبراس وزهرة الوادي :)

ماريه

[دبي]

ياهي سالفه

اويه ......شو السالفه انا ياي اتطالع واتطمش اقول ماريه انا ابي توقيع

احلا من توقيعي ترومين تسوين صراحه لين الحين توقيعي مسكت حتى سئلي سميره خانم وانور بيك عنوا وقولوا لي شو رايكم بس ها ممنوع التحيز اخر مره البنات داروا عليه

[+*^^*ماريه*^^*+]

ههههههههههههههههههههههه دبي حلوه طريقتك في طلب التوقيع

اهوه بصراحه توقيعك مسكت مسكت بس اانا انشاء الله بسوي لك توقيع يخليكم تتكلمووون هههههههههههه

بس تبي الكلام اللي فيه نفس اللي في توقيعك الحالي ولا كيف ؟

ماريه

[دبي]

مممم بقول المعلومه بس لا تظربوني استفيدوا منها


اول شي كم حجم توقيع كل واحد من كم وكم طوله وكم عرضه تلاحظون ان الصفحة وايد بطيئه لما يكون المشاركين فيها كلهم عندهم تواقيع عشان جذا خذوا هالمقاييس العامليه لصنع التواقيع والبنرات

اوكي

ثلاث نقاط يا ماريه لا اكثر

1 - العرض = 468px
2 - الطول = 60px
3- الحجم = لا يزيد عن 10 kb


هذي هي المقاييس المتبعه في اكبر السايتات العالميه .


في بعض الناس توقيعهم صراحه طوفه وانا اولهم بس منو بعض الناس يااااااااااااااااااااااااااااااااو مب قايل

المهم بشرد قبل لا انظرب

مع تحياتي

دبي(h) (h)

[+*^^*ماريه*^^*+]

مشكور دبي شوف انا شو اللي اتبعه عاده في التواقيع اللي اصممها
مقياس الصوره 100*500 بكسل

الحجم طبعا لو كان اصغير يكون افضل ولكن لو تلاحظ انه لو كان في توقيع يطول في التحميل فذها فقط من اول مره بعدين جهازج بروحه لانه يخزن الصفحات اوف لاين راح يحفظها في temp وبالتالي مره ثانيه لما تفتح موضوع فيه نفس التواقييع ماراح ياخذ وقت طويل منك

ماريه

[دبي]

يا أدمن وين مشرف يا مراقب وينكم عنها هذي مسويه زوليه مو توقيع
آآآآآناااااا بخبر نجاتوه تفصلها زوليه عندج


ماريه كيف 100*500 وايد وايد وايد وبعدين السالفه مب سالفة انه بيتخزن في ال temp أظن انه اسمه Temporary Internet Files يقولون بس السالفه انه اللود في كل مره بيسحب بانوذ يعني الترافيك على السايت عشان جذا بعض المواقع اللي تستضيف السايتات المجانيه تشترط عدم وضع معرض صور او ميديا

الحلو في المصمم انه يراعي المتصفح ويراعي النوعيه اللي يستخدمها المتصفح في الإتصال بالإنترنت ولا الحين لو ادخل صفحة نصها تواقيع كم بتريا بااااااااااااااااااااااااااااااااااااااااااااال


الله يسامحج بس يا ماريه :confused: غيري توقيعج تبيني اصممه لج :D



تحياتي

دبي(h) (h)

[+*^^*ماريه*^^*+]

لا مش وايد اخوي شوف تواقيع الاعضاء حجمها مناسب لعرض الصفحه وعلى فكره انته توقيعك اكبر من التواقيع اللي اصممها

ثم بالنسبه لي تحميل صفحات المنتدى انا اشوف السرعه عاديه جدا واللي ياخذ وقت فقط في التحمل ملفات الفلاش

ماريه

[لولوه]

يا سلا م حوار مفيد بين ماريه ودبي
لكني فاهمه نص السالفه والباجي ......؟
يا الله كملوا الحوار وان شاء الله نستفيد من معلومات دبي وماريه(h)

[دبي]

لا حول يا لولوه ناقصين معلق رياضي قولي قولي المصيحه في المركز الاول الصاروخ في المركز الل مادري هذا يركظ ريوس لولوه حبوبه حطيج اديج في جيبج وطلعي معلومة مفيده بالزين ها :mad: ولا في كلام ثاني بعدني سوي جنجال