شعوركم اليوم فالدوام عقب فراق زايد.؟؟

[همسة فرح]

السلام عليكم ورحمة الله وبركاته





اليوم كان أول يوم.. دوام ... عقب ما فارقنا اللي كان له فضل كبير في هالدوام اللي انداومه...بعد ما فارقنا ابويه زايــــد...الله يرحمه ويغفرله يا رب




كل واحد يدخل اتمنى انه يوصف شعوره اليوم...كان عندكم يوم عادي مثل ماكان قبل ما نفارقه؟؟








انا عن نفسي...شعوووري كان لااااا يوصف...




اليوم.... من دخلت المدرسة وانا احس بكبت... احس بشي يكتم على صدري


كل ما أشوف مكان في المدرسة اتذكره... كل شي حولي كان يذكرني فيــه :(




الكرسي..الطاولة...السبورة...المعلمة...الكتاب .. القلم.. كل شي كل شي....


حتى يدران المدرسة تذكرني فيه...





من بداية الطابور...الى آخر حصة


وأنا مب قادرة أشيل صورته من جدامي...


كان احساسي...احساس أي بنت فقدت أبوها


فقدت حنان أبوها.. تخاف انها ما تلقى من الناس اللي كان يوفره لها أبوها





((احساااااااااااااااااس غريـــــــب)) ...


طول اليوم وانا أردد هالكلمتين..احساس غريب


فعلا احساس غريب مب قادرة اني أوصفه..


والله اني اشتااااااقلك يا بوخليفة




اليوم...ما كان مثل أيام الدوام قبل ما أفارقه...كان يوم مختلف تماما


صار لي في المدرسة 11 سنة وهذي السنة 12 والاخيرة...بس عمري ماحسيت بمثل هالاحساس من قبل....




حسيت اني لازم أعطي الامارات..مثل ما كان ابويه زايد يعطيه...


ادري اني ماقدر اعطي الامارات مثل ما كان ابويه يعطيها...بس أحاول ...لو شووووي





هذا اللي قدرت استوعبه من احساسي الغريب...اللي ما أعرفه للحين شو هو بالضبط






اسمحوووولي طولت عليكم..بس اعتبركم عايلة وحده.. واحب اخبركم اللي في خاطري ^_^






السمووووووووحه


:(







مع التحية..


بنتك يا زايد ( المعمريــــ@2@ـــــه )

[همسة فرح]

اشوف محد رد

الظاهر محد مداوم اليوم

شو سالفتكم

انزين قولوا...اذا كان شعوركم عادي...مافيها شي

[طفل شايل أحزاني]

السلام عليكم

على كل مداخل مدارس الدوله صورة بابا زايد

وكل صوره مكتوب عليها

الله يحفظك يا زايد الخير

دمت لنا سالما

حكيم العرب

وغيره من هالكلام

وانا توقعت ان مدرستنا بعدها ما غيرت الصوره اللي على مدخلها

ولكن صار اللي ما توقعته

شالين صورته وحاطين صوره ثانيه مكتوب تحتها

(( يا أيتها النفس المطمئنه ارجعي الى ربك راضية مرضيه فادخلي في عبادي وادخلي جنتي ))

ومكتوب تحتها دعاء طويييييييييييييييييييييييييييييييييييييييييييييييي يييييييييييييييل

وكل الطلاب واقفين يشوفونها ويصيحوووووووووووووووووووووووووووووون

وانا واحد منهم

وعلى صياح الطلاب حتى الطابور لغوه
دشينا الصفوف جذي

وأنا حسيت ان الدنيا وقفت لحظه عشان نصيح

مب بس نحن حتى المدرسين صاحوا ويانا

ورحنا الصفوف وكلامنا كله كان عن بابا زايد الله يرحمه

بس كانت المرسه هاااااااااااااااااااااااااااااااااااديه واااااااااااااااااااااااااااااااااااايد

ومحد من الشباب يضحك مع انهم يوم قبله كانوا عاديين

اليوم كان يوم صعب وما اقدر اوصفه

[همسة فرح]

طفل شايل أحزاني

فعلا اليوم كان صعب ووواااااااايد وما ينوصف

اخيرا لقيت حد مداوم...ماشوف الباقي شكلهم محد داوم اليوم

الله يصبرنا جميـــعا

مع التحية..
المعمريـــ@2@ــــه

[كل الحب]

المعمرية تسملين الغالية

فعلا احساس غريب ورهيب

الله يعينا جميعا











طفل شايل احزاني


اكيد يااخوي انه احساس فظيع والدموع دايم المترجم الوحيد لمثل هذه المواقف الحزينة

[غناء المطر]

المعمريه

واخيرا حصلت حد عنده نفس شعوري :(
والله كان اليوم ضيق واااااااااااااااااااااااااااااااايد وكله كوم والناس المبتسمه وتقول لي كل عام اونتي بخير !!!! - طبعا معظمهم وافدين لا ويرمسون عن الاجازه بعد صدق انقهرت ويلست صاخه ما رمست حد وطول اليوم ما ادري ليش الكيه الوحيده اللي كانت ببالي فديت زايد :( كان يوم كئيب

الله يرحمك ياأبويه زايد البلاد بدونك ظلام :(

[مجنـ البنفسج ون]

اختي اصدقين عاد والله رقاد في الكلاسات الدكتور في وادي وانا في وادي


ومحتشر علي أقول سير بعدي ماتعودت عليك يبالي وقت

بس اصدقين ملل ومول موحلو الدوام

لا وبعد عاطينا امتحان اليوم تونا يايني كدونا بامتحانات

الله يعنا ويعينكم على سوالفي الحلوه<<<<<<لوووووووووووووووووووووول

مدحوني شوي عشان اكمل وياكم<<<<<<<<<<<<لوووووووووووووووووول اسولف لا تصدقوني

والسمووحه

[همسة فرح]

واخيرا حصلت حد عنده نفس شعوري :(
غناء المطر
شكرا عالمشاركة في الموضوع....اخيرا حد شاركني

تخيلي انا كنت كاتبه اشياء على طاولتي...عنه...منها((الدار حلوة بزايد والحلا زايد)):(
ويلست امسحها وانا بموووووت ...آآآآه
الدار مب حلوة من دونك يابويه زايد...والله مب حلوة

صدقج انا انقهرت من وايد وافدات عندنا...والله ولا جنه صار شي عادي عندهم
ومن بعيد وانا اسمعهن وهن يصارخن وين ووين يييتي في الاجازة...والله قهر
بس ان شاء الله بيحسون بقيمة بوخليفة في يوم من الايام

عيل في حد ما يحس بهالانسان الكبير...الطيب......لاحول ولاقوة الا بالله

الله يرحمك ويغفر لك يابويه زايد

مع التحية..
المعمريـــ@2@ــــه

[همسة فرح]

مجنون البنفسج

هي والله ...الله يعينا على الامتحانات

نحن اليوم كان عندنا امتحان...ومب اي امتحان
امتحان عن....زايد...تخيلوووووووا
واللي قهرني انهم طابعينه قبل ما يتوفى...وكاتبين ((الله يحفظه))...ما قدرو يمسحونها
والله شوي والدموع بتنزل....ماعرفت احل ولاعرفت اخوز صورة ابويه زايد من جدامي

تسلم اخوي ع المشاركة....وبانتظار مشاركتك اليديدة

مع التحية..
المعمريـــ@2@ـــه

[غــرشـــوبة دبي]

تسلمين اختي على هالموضووع.
الـصراحه اليوم كان وايد ثجيل اول ما حدرت المدرسه
اشووف العلم النازل وجوو المدرسه كله حزن وعقب ف الطابور وقفنا دقيقه على رووح الفقيد الغالي(الله يرحمه).
وعقب جان يقولون اقرووا الفاتحه واانا الصراحه ماقدرت ايوود عمريه ,قبل كل يوم انقول النشيد الوطني بس احينه
كــــــــــــــــــــــل شي رااااااااااااااح... يالله صبرنــــــا على فــراااااق الغالــــــي..


السموحه على الاطاله

[همسة فرح]

غرشوبة دبي

فعلا.....هالايام مستويه ثجيييييله

اليوم كان...جنه عن سنــــــــــه

آآآآه يا بوخليفة لو تدري كيييف نتشتاقلك :(

شكرا ع المشاركة

مع التحية..
المعمريـــ@2@ـــه

[غريمة الشوق]

مرحبا اختي المعمرية


فالبداية اشكرج على المووضوع ولو انه بيذكرنا باحزان


ما نسيناها .. لكن نحاول نتناساها عالاقل عشان الحياة تمشي


والحمدلله رب العالمين من علينا بنعمة النسيان ولا ما دري شو كان بيصير


عن اول يوم فالدوام عقب فقد الحبيب الغالي رحمة الله عليه


تبين الصدق والصراحة في جامعة الامارات للاسف ما كانت فيه اي معالم للحزن


ونحن استغربنا هالشي وااايد ... والاغرب من جذه انه دكاترتنا فالمحاضرات


كانوا يباركولنا بالعيد ويهنونه عليه ويتحسبون انه عيدنا كان شرات كل عيد


والله يالغالية انه في ذاج اليوم زااادت احزاني احزان ومب بس انا كل ربيعاتي


حالهم كان من حالي وازود ... وما كان بيدنا شي الا انه نتيمع ونذكر اابونا الغالي


ونخبر بعض جيف استقبلنا هالخبر الأليم .. ونطلب له الرحمة والمغفرة


يمكن نحن نحااااول ننسى الحزن والم الفراق


بس الغالي بو خليفة لو نمووووت


لا يمكن نقدر ننسااااه ولو لحظة .... وانا لله وانا اليه راجعون


و السموحة عالاطالة


بس هذا بعض من آلام اليوم الاول للدوام

[اكتبي متغرب]

انتوا تقولون جيه و انتوا في بلاااااااااااااااد اااااااااااااه لو تدرون لي شفت الخريطه و ضيعت بلادي اشوف صورة الامارات مختفيه اشوف حدودنا ضاعت ضاع الامل ضاع الطمئنينه والله ربي شاهد نداوم في غربه مب عشان شي بس عشان الوفا لزايد مالنا خاطر في شي من دنيا بعد زايد بس واعدنا القايد انا نسنتمر في المسيره في بنا بلادنا وندرس ونجتهد لجل نوفيله و زايد الخير في قلوبنا عايش والي صدق يحب زايد يكمل المسيره ويبني وزايد عارف انكم شعب تستحقون الي عطاكم ايااااااااااااااااه فلا تبخلون عليه بدعااااااااااااكم مشكوره اختي على السؤال بس صدق مب رايمين ضايقتبنا دنيا و اغربه و كون كله متوحش علينا كانا عايشين في غابه و في غابتن موحشه ما حد يدريبي وحوشها ضاريه تضحك بالانيااااااااااااااااااااابي

اكتبي متغرب

[بنت البحر]

المعمريه

مشاعرج ناحيه ابونا كبيرة مثل مشاعرنا ومشاعر كل اماراتي

حاولت قدر الامكان امتنع عن التعبير بس للانسان حدود

بدينا يومنا في الدوام بالحزن والألم على فراق ابونا الله يرحمه .. كانت الاجواء كريهة واللي زادها كشخه بنات الجامعه وجنه العيد عندهم والابتسامات والسوالف

ومثل ما قالت غريمه الشوق عشنا جو الله لا يراويكم .. يعني ما كان يكفينا الحزن قاموا وزادونا قهر


ماذا عساني اقول وكيف لي ان اعبر ... ما اقول الا الله خلق الف قايد وقايد ، بس مثل زايد ما خلق قايد

الله يرحمه ويصبرنا

[الغلا]

ما عندي وصف اكثر من ..... " الله يصبرني ويصبركم "

فعلا احساس غريب :(:(

الله يرحمك يا ابويه

اختكم
الغلا

[همسة فرح]

غريمة الشوق
مشكورة الغلا على المشاركة

وفعلا انا سمعت وايد عن الجامعه....ان وايد من اللي يداومون فيها..كان عندهم الوضع عادي

يمكن نحن نحااااول ننسى الحزن والم الفراق


بس الغالي بو خليفة لو نمووووت


لا يمكن نقدر ننسااااه ولو لحظة .... وانا لله وانا اليه راجعون

الله يصبرنا :(

[همسة فرح]

اكتبي متغرب

الله يصبرك...ويعينك

ياخوي البلاد ظلمه من بعد ابويه زايد

ومثل ماقلت ((والله ربي شاهد نداوم في غربه مب عشان شي بس عشان الوفا لزايد))

ولازم نحاول نعطي الامارات مثل ما كان ابويه زايد يعطيها

الله يصبرك...ويصبر كل متغرب

[همسة فرح]

بنت البحر

اكيد...مشاعرنا صعبه تنوصف :(

مشكورة اختي عالمشاركة

وفعلا ..((الله خلق الف قايد وقايد ، بس مثل زايد ما خلق قايد ))

لاتحرمينا من مرورج

[همسة فرح]

الغلا

مشكورة عالمرور الطيب ومشاركتج

الله يصبـــرنــــا جميـــــعا



:(