من يقبل التحدي ^_^ مسابقات [الأرشيف]

+*^^*ماريه*^^*+

30-01-2002, 02:51 PM

مرحبااااااااااااااا شباب وشبابات

خطرت في بالي هذه الفكره واهيه عباره عن مسابقه ثقافيه

وخروجا عن نمط المسابقات العاديه

الكل راح يطرح سؤال اوكى ;)

بس لحظه لحظه شو فيكم تزاحمتوا انتظرو في شروووط

اولا لا يطرح السؤال الا الشخص الذي يجاوب اولا على السؤال المطروح

واللي يجاوب عليه ان ينتظر تأكيد من صاحب السؤال انه جوابه صح وبعدين يطرح سؤاله وهلم ما جرىى

التفوق في هذه المسابقه هو الشخص الذي يستطيع الاجابه على اكبر كميه من الاسئله وبالتالي هو نفسه الشخض الذي سيطرح الكميه الاكبر للاسئله :D

اقووووووول فهمتوا حاجه من اي حاجه ؟؟؟؟

اكيد فهمتووووا :p

طيب اتمنى ان تكون الاسئله المطروحه ذو مستوى متوسط يعني لا صعبه ولا تعجيزيه وهم مش سهله اوكى
وايضا ان تكون متنوعه .....

انا راح ابتدي (كيفي انا الاول)

من هو الصحابي الذي اهتز عرش الرحمن لموته ؟

ياله شدور حيلكم باااااااااايوووووو

ماريه

الحالمة

30-01-2002, 04:38 PM

الجــــــــواب:

سعد بن معـــــــــــــاذ (أتمنى ما تكون ذاكرتي ضعفت)

الحـــــــــــالمــــــــة

+*^^*ماريه*^^*+

30-01-2002, 05:25 PM

اجاااااااااااااااااااااااابه صحيحه الحالمه

حلو بدايه موقفه الميكرفون عندج تفضلي بطرح السؤال

ماريه

الحالمة

30-01-2002, 07:41 PM

شكــــــــــرا يا مــــــــــــارية...

و بما أني حصلت على المايكرفون.. فسؤالي كـــــــــــــــالآتـــــــــــي:

مـــــــــــــا هــــــــي السورة القرآنيــــــــــــــــة التي سميت بــــ (ســـــــورة النــــــــــــبي) ؟

يالله بنشووووووووووف الشاطر هالمره
السؤال وايد سهل بس يبغي قوة ذاكرة و مراجعة للي فات

أختكم الحـــــــــالمــــــــــــة

الحالمة

31-01-2002, 07:34 PM

كلكم خطـــــــــــــــــأ لأنكم ما عرفتوا الجواب

تأخرتوا.. أنا بجواب على السؤال

الجــــــــــــــــــــواب هو ســـــــــــــورة التــــــــحريــــــــــم

و لأني اللي جاوبت، يعتبر المايكرفون بعده بحوزتي و بطرح عليكم سؤال ثاني و سهل عشان يتجدد النشاط

مــن هـــــــــــي الشـــاعرة المخـــضرمة التي اشـــتهـــرت بالرثـــــــــاء؟؟؟؟؟

يالله بنشوف الشاطر هالمره.. و أكيد بيكون شاعر من الشعراء في المنتدى

أختكم الحالمة

+*^^*ماريه*^^*+

31-01-2002, 07:52 PM

مرحبا الحالمه انا حاولت ادور الاجابه على سؤالج لكن ما حصلتها :(

ثم تعالي اهنيه الظاهر ان اللعبه بيني انا وانتي وبس وين الباقي :mad:

ياله نبي مشاركه من الجميع

طيب الجواب هو الخنساء

<<< لا شاعره ولا هم يحزنون

ان شاء الله الجواب صح

ماريه

الحالمة

31-01-2002, 08:24 PM

إجـاااااااااااااااااااااابة صح 100%
مبرووووووووووووك و تفضلي المايك عندج

إطرحي سؤالج.. و بصراحة إذا ما شاركونا نحنا زعلانين

اختك
الحـــــــالمة

+*^^*ماريه*^^*+

31-01-2002, 08:46 PM

اوكى حلوووو الحالمه

ياله مستعدين للسؤال ؟؟؟؟

شوفوا انا اخترت سؤال سهل علشان اشجع المشاركه

كم عد الكتب السماويه ؟ وما هي؟

واذا ما تعرفون الاجابه ممكن اخوي الصغير يحلها لكم :p

ياله همتكم يا رجاله :mad:

يؤ ويا ناعمات ;)

ماريه

الحالمة

31-01-2002, 11:12 PM

مـــــــــــاااااااااريـــــــــــــــــــه.. أنا أنا.. أنا أبلـــــــــــه اللي بقول

ماريه الجـــــــــــــواااااااااااب

خمس كتب سماويه... بذكرهم لج يالله

1- التـــــــوراة
2- الإنجيـــــــل
3- الزبـــــــــور
4- الصحف (صحف ابراهيم و موسى)
5- القــــــــرآن الكــــــريم

قــــــــــــولي صح عشان أجاوب عندي سؤال

مع تحياتي
الحـــــــالمـــــة

+*^^*ماريه*^^*+

01-02-2002, 01:35 AM

لالالالالالالالالالالالالالالالالالالا مين قال لج انه صح :p

الا خمس صحااات لوووووووول

سوري على التأخير كنت معزوووومه :D

ياله تفضلي الحالمه دورج

ماريه

الحالمة

01-02-2002, 08:43 AM

بصراااااااااااااااااحة أعضاء المنتدى زعلوني، و كأن المسابقة مقصورة بيني و بينج.. طيب لما ماكانوا موافقين ليش ما أبدو الاعتراض من البداية..

يالله ، الله يسامحم المهم

سؤالي ممكن شوي يكون سهل لأن الإجابه بتكون في المعاجم العربيه.، بس على ما أعتقد الحين ان نحنا في منتدى أصحابه كلهم مثقفين، خاصة الشعراء منهم.. أكيد يابوها في بيت من أبيات قصايده في غزل أو ذم.. خل نشوف الاختبار لهم هالمرة.. حتى المصدر دليتكم عليه لا تكونون سلبيين زياده عاد

س- مــــــا مـــعنـــــــــى كلـــــمة حــــــــــــوراء؟؟؟؟

و تقبلوا تحياتي
الحــــــــالمة

+*^^*ماريه*^^*+

01-02-2002, 08:44 PM

حبيبتي الحالمه خاطري اجاوب بس ماراح اجاوب عناد هههههههههه

يمكن على وعسى حد يجاوب غيري وغيرج

شوفي انا طالعه الحين على آخر الليل بدخل يمكن حد حليوه يعمل لي مفاجأه ويجاوب قبلي ;)

سي يو باااااااي

ماريه

عذب

01-02-2002, 09:21 PM

سلام
أسمحلي أنا بقطع الخط عليكن;) مسابقتكن حلوه ومفيده في نفس الوقت

المهم
الحوراء على ما أعتقد ((عيونا شديد السواد ))
صح؟؟
وإذا هب صح سون لي واسطه عضو يديد لازم تشجعنه;) يعني قولن صح

تحياتي

الحالمة

01-02-2002, 09:42 PM

مش مهم الإجـــــــــــــاااااابة الحين.. المهم انك ييييييت
حياك الله في المنتدى.. و خلني أحييك بالنيابة عن حبيبتي مــــــــــارية
أكـــــــــــــيد بتكون سعيدة بوجــــــــــــــــــــودك

و لأنـــــــــــــــــــــــــك يديد.. و الواسطة لعبت دورها وياك

إجـــــــــــــابتك نعتبرهـــــــــــا صح صح صح

الحــــــــــــــوراااااء هي الشديدة بياض بياض العين و الشديدة سواد سواد العين

و المايك لك.. استلم، و نبغي سؤال فنااااااااااااااااااااان مثل راعيه

أختك
الحــــــــــالمــــــــــــة

عذب

01-02-2002, 10:51 PM

الله,,كشخه..

كل شويه بغير النيك مالي عسبت تسوين لي واسطه ...

مشكوره ياالحالمه على هذي الواسطه وتحياتي لـــ( +*^^*ماريه*^^*+ )

ودام المايك عندي يا طويلة العمر سؤالي هو:

شوه هو(( حفل التومينه )) ومتى وكيف يكون هذا الحفل؟؟

أكيد سهل؟؟:D صح

زهـرة الـوادي

01-02-2002, 11:16 PM

(( حفل التومينه )) :confused: :confused: :confused:

أول مرة أسمع عنه ....؟؟!!:confused:

واحد من الاثنين ...

يا إما أنا مو في الدنيا ...................... :confused:

ولا الدنيا مو معايا .............................. :confused:

+*^^*ماريه*^^*+

02-02-2002, 12:11 AM

هلالالالالالالالالالالالالالالا عذب
كيفيك عذب
اخبارك عذب
انشاء الله بخير
منووووور عذب
الظهار عليك شطوووووووور عذب ما شاء الله عليك لا يصير فيك شي بعدين يقولون من عيون الحالمه :p

شطوووووور وايد لدرجه انه اسئلتك صعبه وهذا بشهادتي انا وزهره الوادي(اخبارج عمري :D).... ولا تبينا نعرف هل التنويمه ماادري التومينه شو اهوه ووين(في برج العرب) وليه وكيف :confused: :eek: :confused: :eek:

لحظه لا يكون ذاك الحفل اللي يقطون فيه طماط وحاله ههههههههههههه

كله منج الحالمه تقولين له قول سؤال فنان .......... راح جاب عن الحفلات ;)

طيب الحين انا اللي ابي منك واسطه سهل لنا السؤال شويه ;) :D

بايوووووووووو
ماريه

عذب

02-02-2002, 12:12 AM

:) مرحبا بج يا زهرة الوادي

( يا إما أنا مو في الدنيا )
(ولا الدنيا مو معايا )

;) يمكن الثنتين

صبري إلين باجر إذا محد عرف الجواب وبتعرفينه إنشاءالله

تحياتي

الحالمة

02-02-2002, 12:18 AM

بس قلت حـــرام أفسد علـــــيج لذة الاسم اليديد

المهم.. التومينة جــــــــوابها عندي

التومينة هو عبارة عن إحتفال كان يقام في القديم للأطفال الذين يدرسون عند المطوع، أو المطوعة و عندما يختم الطفل جزء من القرآن الكريم يكون جزاءه تومينة..

و هي عبارة عن دعاء و أهازيج يرددها المطوع عندما يطوف بالطفل خاتم الجزء و الأطفال من حوله يؤمنون بكلمة آميــــــــــــــــــــــــــــــن و منها سميت بالتومينة..

هذا هي التومينة.. أتمنى أني قد شرحت بشكل طيب علشان تذكرينها يا حبيبتي زهرة الوادي.. و بما انج ذكرتيها الحين.. يالله نبغيج تذكرينها للباقين في قسم التراث اللي عندنـــا.. انت مطلوب منج هذا واجب عليه علامات و إذا ما أديتيه توقفين آخر الصف و ترفعين ايدج بعد...

مـــــــــــــــــــــارية.. أنا جاوبت.. عطيني علامتي
لا تحسبين لأني انشغلت مع زهرة الوادي نسيت

أنتظر الرد بسرررررررررررررعة

أختكم
الحــــالمــــــــــة

عذب

02-02-2002, 12:21 AM

أهلين ماريه
أنا بخير والمنتدى منور طبعا بوجود أهله
تبين الصدق هو من برج الإمارات مب العرب:D
بس بسهل أكثر عليكم
((حفل التومينه )) هذا من تراث الإمارات ;)
وهو يكون خاص بالبنات طبعا...
ويكون هذا الحفل بمناسبة الإنتهاء من (؟؟؟؟ )
يلا عاد فكرن قبل البترول شوه عند البنات أو شوه من الإنجازات يحتفلن في نهايتهن;)
أكيد ماشي لا جامعات ولا كليات ولا ولا ولا ولا

يلا كل وحده تشد حيلها :) بس لا ينقطع

تحياتي

عذب

02-02-2002, 12:24 AM

ماشاءالله عليج ياالحالمه

وأنتي صح

الحالمة

02-02-2002, 12:48 AM

المـــايك عندي.. خلاص، خل ناخذ راحة لين ما تبتدي زهرة الوادي بتحضير الواجب اللي عليها...

ما أريــــــد أقول سؤالي.. كيفي المايك عندي
0
0
0
0
0
0
0
0
مــــــــارية لا تدخلين.. أنا لما يكون عندج المايك ما أقول ولا كلمة ليما تبتدين
0
0
0
0
0
00000
0
0
000000000000
000
0
0
0عذب .. مارية.. خــــــــلاص.. بقول هدوني عـــــــاد
اش فيكم ميوديني من ثيابي.. قلت بقــــــــــــول

على هالحشـــرة اللي سويتوها.. عقابكم بيكــــــــــــون سآل صعب عليكم، و بنشوف مين اللي بيقول عاد
زهـــرة الوادي.. بيكون سهل عليج.. لازم تجاوبين لأني ما أريد أعطيهم المـــــايك

الســـــــــــــــؤال يقـــــــــــــــــــول...
س:- مــــــــــــــــا مـــعنــــــــــــى زواج الشــــغار؟؟؟؟

خذوا راحتكم.. مدة الإجابة 24 ســـــــــــاعة

موووووووووووتو..

مع تحيــــــاتي
الحــــــالمــــــــــــة

+*^^*ماريه*^^*+

02-02-2002, 12:57 AM

العذب حلو والله حفلت التومينه بصراحه معلووومه جديده بالنسبه لي

الحالمه تستاهلين حبيبتي الدرجات مع انج بطيتي جبدي وانتي ماسكه المايك مش راضيه تتحجين وآخرتهها قلتي سؤال مش عارفه حله :(

انتظري بدور وبشووووف انزين قلتي 24 ساعه لما تخليها 12 بنقهر منج تراني :p

بايوووووووووو

ماريه

عذب

02-02-2002, 12:59 AM

مافي خيارات؟؟؟
:)

+*^^*ماريه*^^*+

02-02-2002, 01:07 AM

ههههههههههههههههههه عذب والله ضحكتني حلوه هاي خيارات

طيب شو رايك تاخذ رأي الجمهوووره :p

اوه نسيت انه مافي غيرنا انا وانته والحالمه وزهره الوادي

خلاص اسمع سجل باسم ثاني وادخل وتحايل على الحالمه قول لها انا جديد بتساعدك

ياله افرك راسك مثلي والله يعينا

:rolleyes:

ماريه

الحالمة

02-02-2002, 03:00 AM

مــــــــــــــارية.. حبيبتي انت.. آسفه على بطة الجبد.. بس تدرين الشطارة
عـــــــــــــــذب.. و الله نفسي أساعدك.. بس الخيار هو واحد ما في غيره
و ان قلته يعني جاوبت بروحي.. لا احنا اتفقنا نجتهد

يالله أجتهدوا.. مسكينة زهرة الوادي.. مالها حس، يظهر الواجب اللي عطيناها اياه ماخذ وقتها.. ما عليه في استفاده يالله شدي حيلج...

و أنا بانتظر الإجابة

مـــــــووووووووووووتو

تحياتي
الحـــــــــالمـــــــــة

الحالمة

02-02-2002, 09:39 PM

بصراحــــــة كنت حــابة أسمع منكم.. بس انتوا فشلتوني.. قلنا المعجم
يالله.. مش مهم الحين..المهم ان الإجـــــــابة

س:- ما معنى زواج الشــغـــار؟؟
ج:- الشـــغار هو أن يزوج الرجـــل وليّته رجــلا على أن يزوّجــه الآخر وليّته بدون صداق.. و بالعامية مثل ما نقول زواج البدل.. يعني لا مهووووووور ولا عفسه زهبوا بنتكم و نحنا بنزهب بنتنا.. و كل ياخذ نصيبه.

شو رايكم الحين.. تبون سؤال بنفس المبدأ؟؟؟ و إلا نغير؟؟؟؟؟

المايك عندي.. و بنتظر ردكم..

الحـــالمة

+*^^*ماريه*^^*+

02-02-2002, 09:43 PM

لالالا ما نبي بنفس الطابع غير ي شويه ثم سؤالج كان صعب
تدرين اليوم في الدوام افكر فيه سالت مسؤولي طالعني بنظره هبله ومشى عني
عاجبك كده يا اموره :mad:

ياله اهدي الاغنيه القادمه الي امي وابي واخواتي وصديقاتي في كل مكان والي م س (محد يسالني مين م س لووول)

والي المذيعه المتألقه الحالمة اللي محتكره المايك 24 ساعه :p :p

ماريه

الحالمة

02-02-2002, 10:03 PM

و لإرضاء رغباتهم و تلبيتها.. قامت إدارة المــــايك الموقره، الحبوبة بتغيـــير نمط الســـؤال هالمرة
و بناءا على حبهم للشعر و الشعــــــــراء بنطرح ســـؤال سهــــل جــــدا لبلـــــــوغ رضاء المشتركين الكرام

اش رايــــك في المقدمــــة ماريـــة.. إذا في عندج أي تعديلات قوليها قبل لا نبث على الهواء.. انت تدرين لي مامن فكاك بعد ما يطيح الفاس في الراس...

احم احم احم.. يالله أكشـــــشــشـــشــن

ٍس:- من هـــو الشـــاعر النبطـــي الحديث، صـــاحب قصيـــدة ضمـــني.. و التي مقطعها الأول يقول:

ضـــمنــي ما بين رمشــــــــك و العيـــــــون
خلـــــني أنســـى زمــــاني و المـــــكـــان

ضــمني بإحســــاس تكــــفي يا فـتـــــون
و ارونــــي من فيـــــــــض حبــك و الحنان

طيب طيب.. ما شاء الله أدري عرفتووووووووووه كلكم.. بس لا تتزاحمون لا تكسرون بعض.. بالدور واحد واحد.. و إلا أقولكم أحسن.. أبعثوا لنا بردودكم.. نحنا على الهوا و ما نبغي دفاااااااااااااااااشه

و في نهـــاية الحلقة .. تقبلوا تحــــيـــاتي
الحـــــــــــالمـــــــــــــــــــة

زهـرة الـوادي

02-02-2002, 10:36 PM

درررررررررب دررررررررررب يا حلوااااااااااااااات :D

زهـــــــــــــــــــــروووووووووووووه يااااااااااااااااااااات :D

أنا بجاااوب عقب ما تفشلت و وقفت آخر الصف :D

الاجابة هي

الشاعر الاماراتي المعرووووف :D

محمد بن خادم الكتبي

:D

يالله قوووووووووووولي صح :)

الحالمة

02-02-2002, 10:52 PM

شو هالشطــــارة يا زهــــووووووورة..
شوووووووو سبّاقة اليوم ما شاء الله عليج

تغين المايك؟؟؟
تعالي خذيه.. تعالي ما بقول لج شيْ!!!!

تعالي تعالي... زخيتج الحــــيــــــــــن وين الواجب يا حلووووووة
لا تصارخين.. قلت لا تصارخين صمختي إذني.. خلاص اليوم سماح
بس لا تنسين تسوينه.. نحنا بنتريا، و حتى لو تأخرتي بعض الوقت

بس بس لا تصيحين.. خذي المايـــــــــــــك بس نبغي سؤال حلوا.. ترى أنا ما أحب اتفشل
شطــــووووووووووووورة زهرة الوادي.. ما تحب تصعّب على اخوانها و خواتها ، عفيه

ننتظر السؤال الحلووووو

أختك
الحـــالمـــــــــــة

زهـرة الـوادي

03-02-2002, 12:26 AM

:D :D :D

تنفعين تكونين مُدرسة ...... بتكونين أبلة طيبة :D

السؤال يا جمااعة

و آسفين على الـتأخر

سؤالنا لحلقة اليوم ..

يقووووووووول

يقوووووووول

:D

ما اكبر عضو فى جسم الانسان

:D

بالتوفيق :)

عطر الإمارات

03-02-2002, 12:42 AM

والحيييييييين دوري وصل

وأخيـــــــرا انكسرت يديني من كثر ما رافعتنها

الجــــــــواب

هو

اكبر عضو في جسم الانســــــان

الكبــــــــــد

انتظر الثنــــــــاء بفارغ الصبر >>>>>>> ما مصدقه انها مجاوبه صح

ت ح ي ا ت ي

+*^^*ماريه*^^*+

03-02-2002, 01:22 AM

الظاهر انكم عاملين بارتي من وراي

ليه ما عزمتوني هاي خيانه اوكى :p

عطر الامارات اتاريك رافع ايدك من اول المسابقه بس الحق علي انا الحالمه ما خذنا بالنا منك :)

طيب انا عندي اجابه مختلفه عنك (كيفي)

اكبر عضو في جسم الانسان اهوه الجلد !!!!!

لا تقولون من وين جابت هل المعلومه الخطيره يمكن من الحلم او سامعتها من برنامج زمااااااااااااان

بايووووووووووو

ماريه

زهـرة الـوادي

03-02-2002, 02:16 AM

هلالالالا

درررررررررررب درررررررررررررب يا بناااااااااات

زهروووووووووووووووا ياااااااااااااااااااااااااااات

+*^^*ماريه*^^*+ :D

عطر الإمارات :D

عطر الإمارات :D

+*^^*ماريه*^^*+ :D

:D

:D

+*^^*ماريه*^^*+

:D
عطر الإمارات

و إنــــــــتــــــــــي صــــــــــــــــــــــــــــــــح

يـــــــــــــــــــــــــــــــــــــــــــــــــ ـــــــــــــــا

عطر الإمارات

+*^^*ماريه*^^*+ ..... :confused:

من وين ياااااايبه هاذي المعلوووووومة

عطر الإمارات

03-02-2002, 09:46 AM

مــــــاريه

من وين هالمعلوووووووومه ما اعتقد انها من برنامج

على ما أظن من الاحلااااااااام

والحييييين انا بســــأل سؤال

وطبعا بيكون في مجال تخصصي حتى تطلع الشطاره عدل

الســــؤال بسيـــــــط

يقــــــــول

جاء رجل إلى مجموعه من الشباب فقال لهم : الســلام عليكم يا مائة شاب , فقالوا له : وعليكم السلام ، نحن لم نكمل المائه بعد ، بل نحتاج إلى مثل عددنا ونصف عددنا وربع عددنا وانت معنا لنصبح مائه :

فكم كان عددهم ؟ :confused:

ياله شغلوووووا عقولكم

ت ح ي ا ت ي

+*^^*ماريه*^^*+

03-02-2002, 09:57 AM

شو فيكم كل واحد يقول من وين جبت هل الملعووومه
انا بقول لكم من وين من قناة سبايس تون
امس شفت هل الملعومه يحطونها كفاصل بين الحلقات ويقولون انه الجلد اهوه العضو الاكبر في االجسم لانه يغطي الجسم بالكامل ;) (كلام منطقي صح)

المهم المهم ما علينا

عطر الامارات سؤالك الحسابي ينحل بهل المعادله من الدرج الاولى

2X+1/2 X+1/4 X+1=100

والحل اهوه 36 شخص

ان شاء الله صح الجواب

ماريه

عطر الإمارات

03-02-2002, 10:02 AM

مـــــاريه انصحج لا طالعين سبيس توووووون

وكله ولا زعلج

وماراح يطول

لانج

شطوووووووووووووووووووره :D

وجوابج صح

برافوووووووووووووووووووو:D

ت ح ي ا ت ي

+*^^*ماريه*^^*+

03-02-2002, 10:20 AM

وأخيرااااااااااااااااااااااا

رجع لي المايك ... تعال لماما يا حبيبي ^_^

احم احم طيب اممممممممممممممم شو اسأل شو اسأل

طيب شو رايكم بلغز خفيف على المعده :D

طيب اللغز يقوووووووووول

انشدك عن بنت لها قيد ورباط .......... تذرف غزير الدم لحظة غرقها
؟؟؟؟؟؟؟؟؟؟؟؟

ياله سهل اعتقد

ماريه

عطر الإمارات

03-02-2002, 11:39 AM

اعتقد

انه

الخنجر

ت ح ي ا ت ي

+*^^*ماريه*^^*+

03-02-2002, 12:40 PM

لا
لا
لا
لا
لا
لا
لا
لا
لالالالالالالالالا
لالالالالالالالالالالالالالالالا
لالالالالالالالالالالالالالالالالالالالالالالا
لالالالالالالالالالالالالالالالالالالالالالالالالا لالا
للمخدرات :p :D :p

الاجابه غلط حاول مره اخري

ماريه

الحالمة

03-02-2002, 05:57 PM

بس يـــــــــــــوم شفت ماريه تقول الجلــــــــد قلت يمكن أنا ناسيه

بس الباقي ما عطيتونا فرصه فيه.. يعني ما تعذرون الغايب.. اليوم أنا كنت غايبه و الحين ييت شفت خلق الله كلهم ما شاء الله مسوين حزب عليه

ما عليه يا مـــــــــارية.. خيانة و الله
يعني تحسبين نفسج بروحج الشاطره في الرياضيات.. راحت علي لغيابي بس.. و الله ما كنتي بتسبقيني في الجري لأني أنا أسرع منج.. المهم خلونا من العتاب.. يالله عاد عطيتكم ويه

مـــــــارية.. الجــــــــــواب أعتقد أنه

أنه إذا مش الخنجر

ما عرفهــــــــــــــا خسارة.. للأسف.. و حلوة معلومة الكبد و الجلد

راحت علينا الشطارة، و صرنا نوقف آخر الصف.. يالله يوم لك ويوم عليك

سلاااااااااااااااااااام مربع سبع تربيعات

الحــــــــالمــــــــــــــــة

الحالمة

03-02-2002, 07:06 PM

راســـــي دارو أنا بروحي محمووووووومة
بس هالسؤال بالذات ما خليت شيء ما تخيلت أنه هو

المهم..

أنا صح كنت يايه أقول تصبحوووووووون على خير.. بس بقولها بعد اللي أضن أنها الإجابه

مـــاريه.. مش ممكن يكون اللي بقوله صح!!!؟؟؟؟

مــــــا أدري.. يمكــــن يالله شوفي عااااااااااااد أنا بقول و اللي فيها فيها.. إلا انتوا متأكدين أنها بنت.. يعني هما فحصوا و قالوا بنت.. طيب

إش رايج أنــــها ...

الجــــنيــــــــــــــــن في بطـــن أمــــها.. ما أدري ليش بس يمكن.. أرجوج مدامج موجودة الحين ردي و خليني أنام من غير انتظار.... بسسسسرررررررررررعة عااااااااااد

أختك
الحــــــالمــــــــة

ما أ

+*^^*ماريه*^^*+

03-02-2002, 08:17 PM

آآآآآآآآآآآآآآآآآآه الحالمه على اري النوم والصداع انا كنت نايمه وتوني قاعده من النوووم

يا حرام الظاهر انج نطرتيني كثير لحد ما نمتي

طيب الجواب الله يسلمج ويخليج لنا انشاء الله

يعني انا شو اقول بصراحه ما خليتي لنا شي

كل مره لازم المايك ينتقل عندج

على فكره يمكن الصداع صابج من عيونا ;)

بس مش كل مره تسلم الجره

قولي ليش :D

<<<<<<<<< بالنيابه
ليييييييييييييييييييييييييييييييييييييييييييش

لانه جوابج غلط Rong نيهي ناااااااااااااااا

وعلشان اقرب لكم اللغز شويه اهوه من الجماد مش بنت :rolleyes:

ياله شدور حيلكم ترا الساعه تك تك تك تك

ماريه

عطر الإمارات

04-02-2002, 12:35 AM

:( ياااااااااااااااله يالفشله

كل هذي لالالالالالالالالالالالا :(

مـــــاريه قوليلنا الإجابه

لا طرشلج واحد مثل هذا :mad:

http://www.stealth.f2s.com/Cartoons/718.gif

+*^^*ماريه*^^*+

04-02-2002, 08:47 AM

اوه آسفه اقصد ما هقيت انه محد فيكم يحل اللغز صدقوووني اهوه سهل جدا :D

الحل الله يسلمكم

بس اول شي من دون زعل اوكى

ورجاء الي خاش وراه بيض وطماط يرجعه ثلاجه بيتهم

حرام هل الاسراف والتبذير

ااوه عطر الامارات بلاش الطوب لو سمحت :p وممكن تعطيني رقم الشاب الحليوه الاخضر اللي فوق ^_^

الجواب اهوه كيس الشاي المعلق مثلا لبيتون والربيع عارفينه اكيد :eek: :D :eek: :D :eek: :D :eek: :D

هههههههههههههههههههههههههه جواب سهل صح العذراء اهوه الكيس لانه جديد وطبعا اهوه مربوط ومعلق بالخيط ولما تحطه بالماء الحار يعني تغرقه يطلع منه صبغه الشاي الحمراء ^_^

طيب طيب احم احم المايك لحد الحين عندي بعطيكم سؤال سهل اوكى

ماهي اول منازل الأخره ؟؟ ؟؟؟؟؟؟؟؟؟؟؟؟؟

ياله بسرعه جابوا

ماريه

الشامسي

04-02-2002, 09:30 AM

شو ها السؤال واااايد سهل

بسسسسسسسسسيط

بس يالله ماعليه

أنا بتنزل وبجاوب عليه:D

أول منازل الاّخره الله يسلمج

هوووو

اللحد.أي.القبــــــــــــــر

ماشالله عليه نبيييييييييييه

بس عاد ياويلكم من ها السؤال اللي بحطه

ماشي أسهل منه

متى أكتشف النفط في دولة الامارات العربيه المتحده؟

ويييييييييييه عاد أخاف اتي ماريا واتقفطنيه واتقول أجابتيه غلط

بس ماعليه متأكد انها صح

يالله توكلنا

واثق الخطوات يمشي ملكا:)

يالله بابا أكبر انتر .

كليك

+*^^*ماريه*^^*+

04-02-2002, 09:36 AM

يا أرض احفظي ما عليك

ماشاء الله ماشاء الله

شو هل العبقريه اللي هلت عليك

انته طفل معجزه

ولا بعد ما تنتظر لحد ما الابله تقول لك صح على طول السؤال اللي بعده وخطفت من ايدي المايك !!!!!!!!

<<<<<<< عندها اعتراف متردده تقوله لووول

مره ثانيه (ماسكتك من اذونك) لا تاكل دروي اوكى لازم تنتظر لحد ما اقول لك صحححححححححححححح
<<<<<<<< نط لها عرج
اوكى ثم شو هل الاسئله بصراحه مش الكل من الامارات هاي عناد فيني ولا كيف :(

انتظر علي شويه بسال راصدقائي وراجعه اوكى محد يجاوب

الدمار اوقف في البارك علشان محد من الجماعه يبروكنون يؤ اقصد يجاوبون

ماريه

+*^^*ماريه*^^*+

04-02-2002, 10:06 AM

الدمار نقبت عن الاجابه وطلعتها ان شاء الله صح

الجواب ........

حقل باب عام 1958

قول صح بسررررررررررررررعه علشان اخطف منك المايك ياله

ماريه

الشامسي

04-02-2002, 10:41 AM

أقول

ولا

لا

مب

قايل

بس

يالله

ولاتزعلين

الاجابه

بس

تعالي

منو

غششج

وانتي صح أبله ماريا:D

والمايك معاج هالحين

+*^^*ماريه*^^*+

04-02-2002, 11:11 AM

وسعوااااااا وسعوااااااااا لو سمحتوا

الدماااااااااار الظاهر انا وانته عاملين خيانه من ورا الكل انا متاكده انه الحالمه وعطر الامارات راح يطنقرون عليا

بس ياله ناس فاضيه ونشيطه وغاويه مسابقات حلاتنا ;)

طيب المايك على فكره شويه مشمخ مره ثانيه اللي يستلمه بليزززز يعني مافي داعي يخبط فيه الارض والجدار واهوه ماشي يلعب فيه

ونقطه أخرى بصراحه معصبتني المايك هل المره راجع مبلول شويه !!!!!!!!!! الدمار مافي داعي تغني وانته تاخذ دش الله يخليك ازعجت الجيران لووووووول

طيب السؤال يقول

حيوان بحري ليس له ارجل ولااذرع ولامعدة ولايتحرك من مكانه؟؟

ياله الهمه يا رجاله ويا نواعم ^_^

ماريه

الشامسي

04-02-2002, 01:14 PM

حيوان بحري

بالمواصفات اللي قلتيه

موجود بكثره بالقرب من جزر حوار

اللي هو

على ما أعتقد

المرجان:cool:

عاد بكيفكم

اذا صح قولو

واذا خطأ

خيرها في غيرها

+*^^*ماريه*^^*+

04-02-2002, 01:23 PM

سعدني اني اقول لك انه الاجابه خطأ :D

<<<<<<<< خاطرها تزغد وتصارخ بس ماسكه اعصابها

اونه اتيكيت :p

<<<<<<< حاسه انه بعض الناس بينفجرون

ياله فكر زين وانا بلعب في المايك لحد ما يهل عليك الالهام

الا اقول وينهم الشباب في الشات الظاهر مافي الا انا وانت ^_^
ماريه

الشامسي

04-02-2002, 01:30 PM

انزين انزين

عادي عادي

تستوي في أرقى العوائل

ليش ينفجرون بعد:mad: هاااااااااااااااه

يالله الحيوان البحري قصدج

أنا من شوي مانتبهت

بسسسسسسسيط

تعرفين شو هو

الحيوان اللي موجود في القواقع

قوقعه:D المحار

صح؟:(

+*^^*ماريه*^^*+

04-02-2002, 01:50 PM

اهلييييييييييييين الدمار تصدق وحشتني

وينك من زمان مالك شوفه (طراااااااااااااااخ)

بصراحه افرح لما اشوف ردوووووووووودك عارف ليه

لانها غلط خطأ رونغ نهيىىىىىىىىىىىى (احم احم)

الحيوان اللي في القواقع اول شي يتحرك خصوصا داخل القوقعه ثم له معده وكرش كمان :p

شوف اهوه الجواب سهل وقريب من المرجان بس انته رحت بعيد شويه الظاهر اني السبب ضيعتك
فكر حبيتين بتوصل للاجابه

بايووووووووو

ماريه

الشامسي

04-02-2002, 01:58 PM

الامار=الدمار

أصلا أنا عارف الاجابه بس أروحي

الاجابه هي الطحالب

ياويلج لن قلتي غلط

بعدين لاتنقعين يوم بتكتبين اسميه اوكيك

+*^^*ماريه*^^*+

04-02-2002, 02:33 PM

هههههههههههههههههههههههههه والله بذبحك انا الحين وين التنقيعه تقص علي انته

شككتني في نفسي قمت اسوي سكان على كلامي ولا حصلت شي هههههههههه

عناااااااااااااااد فيك عنااااااااااااااااااااد
خطأ
خطأ
خطأ
خطأ
خطأ
خطأ
خطأخطأ
خطأ
خطأ
خطأ
خطأ
خطأ

الطحالب من النبااااااااااااااااتاااااااااااااااااااااات وانا قلت حيوااااااااااااااااااان بحري

:p

ماريه

عطر الإمارات

04-02-2002, 10:57 PM

مــــــــاريه

الجواب عندي

وانشاءالله صح

بقولج الجواب لكن ودي اقولج شي

تعالي

قربي شوي

بعد شوي لحد يسمعنا

خلاص جذيه زين

لو كان جوابي خطأ قولي صح

وبهديج ذيج الهديه إلي ماشي مثلها:D

اوكي اتفقنا ;)

جواب هو

وعلى ما اعتقد

الاسفنج

ياله عاااااد لا تنسين الاتفاق:D

ت ح ي ا ت ي

+*^^*ماريه*^^*+

04-02-2002, 11:25 PM

عطر الامارات تعالي قربي :(

بصراحه مش عارفه شو اقول لج :(

تعالي قربي اكثر عن الفشيله :(

بعد اكثر حبيبتي :(

الاجابه ........

صححححححححححححححححححح :D
:D :D :D :D

وتستاهلين المايك عندج وعطينا سؤال حلو مثل صاحبته اللي لابسه فستان اخضر

ماريه

عطر الإمارات

05-02-2002, 12:08 AM

:mad: :mad: :mad: :mad:

الظاهر من الغيره إلي فيج

كل شوي وذكرتني بذاك الفستان

هاااااااااااتي المايك وروحي آآآآآخر الصف
لكن شوي شوي لا يطيحونج

وطيح نضاراتج وتتكربلين
ودعمين اليدران :D

ههههههههه والله شحلاتج

وسؤالي الحين

للأرض قمر واحد فقط تراه في الليل عادتا ولكن هناك كوكب آخر له إثنا عشر قمر فما هو ؟؟

لحقوووووووووووووووووووووووووووووووووووووووووو

طاحت عيوزنا :D

ت ح ي ا ت ي

+*^^*ماريه*^^*+

05-02-2002, 12:24 AM

هههههههههههههههههههههههه عطر الاماارات زين زين يا خضره

اقووول كشي الغنم من حواليج خاطرهم ياكلون فستانج ^_^

ماراح اطول الجواب اهوه المشتري

ماريه

عطر الإمارات

05-02-2002, 12:40 AM

مشكله

العيايز المثقفات

اووووووووووووه

نسيت انه قرن الاستشعار شغال:D

وخذي المايك

شوي شوي بعد عيوز وفيها كل هالقوه:mad:

ت ح ي ا ت ي

+*^^*ماريه*^^*+

05-02-2002, 12:42 AM

عارفه انتظر تقولين صح علشان اقل عليكم السؤال واروح انام

ول ول من عيونج يا الخضره قولي ماشاء الله علي :p

السؤال الله يسلمج

من هم اولي العزم من الرسل ؟؟؟؟؟؟؟؟؟؟؟؟

سؤال سهل على ما اعتقد

بايوووووووووووووو لباجر

ماريه

عذب

05-02-2002, 02:12 AM

سلااااااااااااام

مممممممممممممم

أعتقد

ابراهيم وموسى ونوح وعيسى ومحمد (( عليهم الصلاة والسلام ))

بااااااااي

+*^^*ماريه*^^*+

05-02-2002, 08:36 AM

اجااااااااااابتك صحيحه ومبروووك خطفت المايك مني مره ثانيه والسؤال من عندك هل المره

تفضل

ماريه

عذب

05-02-2002, 02:36 PM

أهلييييييين ماريه

شوه رايج بسؤال صعب وما أرد المايك عليج:)

أبغي أسهل وأسرع طريقه يتسكر من خلالها الكمبيوتر بدون الرجوع لستارت شوت داون...

:D لا تقولون بنفصل الكهرباء ...

أبغي غيرها;)

بااااااااااي

+*^^*ماريه*^^*+

05-02-2002, 03:01 PM

يههههههههههههههههههههههههههه عذب والله سؤال حلوووووووووووو

اسهل واسرع طريقه الله يسلمك ضغط ALT+F4 وانتر وخلصنا ^_^

ياله وين المايك بسرررررررررررررعه

ماريه

عذب

05-02-2002, 05:23 PM

ماشاءالله عليج يا ماريه

وأنتي..

وأنتي

للأسف غلط
في طريقه اسهل من هذي
يعني راحت عليج
وبوضحها أكثر

أنتي تسوين إختصار لأيكونه تحطينها في سطح المكتب بس تغطين عليها يطفي الجهاز على طول

+*^^*ماريه*^^*+

05-02-2002, 06:12 PM

هلالالالالالالالالالالا عذب

رجعت لك مره ثانيه وكلي حماس اني احل سؤالك

صحيح كلامك في طريقه اسهل لاطفاء الجهاز وبضغطه ايكون على الديسكتوب Desktop
انا كنت عارفتها زماااان بس ناسيتها على الآخر وانته ذكرتني فيها الحين قمت طلعت الدفاتر القديمه لووووووول
الطريقه كما يلي تروح على سطح المكتب Desktop

اضغط زر الماوس اليمين ... اختار جديد New
و عقبها اضغط على اختصار Shortcut
راح تفتح لك نافذه جديده نكتب فيها الامر التالي
rundll.exe user.exe,exitwindows
و بعدها راح يطلب منا تعطي الايقونه اسم ... نسميها مثلا اطفىء الجهاز او shut down او موقع ممنوع لوووووول
وبس راح تطلع لك icone كل ما بقيت تعمل شت دون كليك عليها بحنيه

ان شاء الله الجواب صح تراني ما اتحمل الفشيله مرتين بعدين نفسيتي تتعب :p

ماريه

عذب

05-02-2002, 08:42 PM

أسمحلي يا ماريه

كان ودي أساعدج لكن...

للأسف....

جاوبتي صح:D

خطيره ماشاءالله عليج...وأحييج على روح التحدي إلي فيج

تفضلي والمايك عندج بس هالله هالله علينا...........

+*^^*ماريه*^^*+

05-02-2002, 10:54 PM

هاهاهاها انا صححححححححححح :)

طيب سؤال سؤال امممممممممممممممممممممممم ؟؟؟؟

عندي سؤال سهل ^_^

ماهى اكبر دولة عربية من حيث السكان ؟؟

ياله بسرعه

ماريه

عذب

05-02-2002, 11:03 PM

سلااااااااام

ممممممممممم

أعتقد مصـــر

قولي صح عسبت أوهقكم بسؤال صعب هالمره

+*^^*ماريه*^^*+

05-02-2002, 11:11 PM

عذب اهوه الجواب صح بس انا بقول لك غلط

شوف من شروط المسابقه مافي اسئله تعجيزيه حرام عليك شوف انا طيوووووبه وحبوووووبه احط لكم اسئله سهله ترفع من معنوياتكم ههههههههههههههههههههه

ياله هاك المايك وهات لنا سؤال طعم مثلك ;)

ماريه

عذب

05-02-2002, 11:37 PM

ممممممممممممممم

سؤالي هو

أين تقع الإهرامات المصرية
:D اليابان ;) السودان:p قندهار :confused: مصر

أكيد الجواب صعب وايد.. صح؟؟

:D لاتصدقين عاد

سؤالي هو يا طويلة العمر
في الويندوز ((ME ))
إذا حصلت مشكله في الكمبيوتر وحبيت أرد النظام على وضعيته الصحيحه بس في تاريخ قبل تاريخ المشكله ...شوه أسوي أو بالأصح شو هي الطريقه لإستعادة نظام الكمبيوتر

لا تقولين بعد هذا سؤال تعجيزي..

+*^^*ماريه*^^*+

06-02-2002, 09:10 AM

الله الله على اسئلتك عذب

اول شي السؤال مش مفهوم عندي بس يمكن يكون الجواب خاصيه الباك اب والريستور الموجوده في ويندوز مي ؟؟؟

تعال اهنيه وين رايح ابيك تشرح لي اكثر ;)

ماريه

عذب

06-02-2002, 08:35 PM

حرام عليج... ماتخلين حتى مهتني بامايك

ماشاءالله عليج يا الماريه

ماشي يفوتج

(( Restore))

وأنتي صح ..

تفضلي والمايك عندج

بس شوي شوي علينا

بااااااااي

+*^^*ماريه*^^*+

06-02-2002, 09:04 PM

هههههههههههههههههههه عذب مشكوور اخوي تسلم

1
2
3
اوكى المياك شغال بس يقطع شويه :mad:

ههههههه مسكين تلته من ايد لايد والمشكه الايادي الخشنه عاد :p

طيب تبوووووووون سؤال امممممممممممممممممممممممممم
امممممممممممممممممممممممم
امممممممممممممممممممممممممم
امممممممممممممممممممممممم

طيب سؤال رياضيات

ثلاثة أعداد متتاليه مجموعها (54) فماهي هذه اعداد ؟؟؟؟؟

ماريه

عطر الإمارات

06-02-2002, 09:20 PM

هلااااااا وغلاااااااا

ومساج الله بالخير

وأخيرا المااااايك بكون عندي

بس هااااااه لا تخربينه أشوفج تقولين يقطع

المهم جوا ب سؤالج

الارقام المتتاليه هي

17 + 18+19 = 54

وهااااااااتي الماااااااايك

ت ح ي ا ت ي

+*^^*ماريه*^^*+

06-02-2002, 09:27 PM

هاج المايك بس شوي شوي عليه زين تراه امانه

وياله يا خضره سمعينا لام كلثوم ^_^

ماريه

عطر الإمارات

06-02-2002, 10:10 PM

هااااااتي المايك

أدري انه من ورا خاطرج يا عيوووووز الدهر

وبعدين ما أبي اسمعج

مشكله لو سمعتني شركة روتانا على طووووول بطلبوني

وسؤالي يقووووول

اذا فقد شخص إحدى عينيه . . فما نسبة ما يفقده من بصره ؟؟

+*^^*ماريه*^^*+

06-02-2002, 10:20 PM

امممممممممممممممممممم اعتقد الثلثين ؟؟؟؟؟؟

ماريه

الحالمة

06-02-2002, 11:14 PM

تــــــــراني نص متــــأكدة
بس على حسب ما درست أقووووول

البصر لا يفقد شيء من وزنة
لأننا نأخذ فحص للعين كل واحدة على حده.. و عليه فإن للعين الواحدة تستطيع كفاية البصر إذا منع من العين الأخرى..

فماذاااااااااااااا تقولين يا عطر الامارات
و أنت يا مــــــــــــارية.. ألا تغيرين رأيك

الاجابة..

لا يفقد البصر وزنـــــــــة و لو فقدت إحدى العينين

تحياتي
الحـــــــالمـــــة

عطر الإمارات

07-02-2002, 06:29 PM

مــــاريه

مممممممممممممممممممممممم

إجابتج خطأ عيوزنا

الحالمه

تفسيرج حلو

لكنه خطـــــأ;)

حاولوا مره ثانيه

ت ح ي ا ت ي

+*^^*ماريه*^^*+

07-02-2002, 06:49 PM

امممممممممممم خضره انا اذكر مره عن عالم اسلامي
فقد احد عينيه وكان يقرأ الكتب ويتعلم بسرعه قبل ما يفقد الثانيه لانها كانت تضعف شوي شوي بسبب فقد الاولى !!!!!!

شوفي اذا جوابي غلط جاوبي انتي لانه السؤال مر عليه 24 ساعه وطرحي سؤال جديد

ماريه

عطر الإمارات

07-02-2002, 07:46 PM

وبيظل الماااااااايك عندي

وجواب السؤال

إلي بيفقده من بصره الخمس

وسؤااااااالي الجديد بسيط هو

من هي أم قشعم؟

ت ح ي ا ت ي

+*^^*ماريه*^^*+

07-02-2002, 11:21 PM

:confused: :confused: :confused: :confused:
عطر الامارات جان سالتني من هي ام الخضر والليف على طول بقول انتي بس القشعم :confused: :confused:
اتنازل عن المايك هل المره لوووووووول

ماريه

الحالمة

08-02-2002, 07:19 PM

أم قشعم يا أختي

هــــــــــــــــــــــــي

هي هي هي هي أقووووووووووولج عــاااااااااااااااااد نجــاتوووه النســـرة تقـــووووووول

أم قشعم
تقال للحــــرب و للمنيــــــــــة أي الموت و كما تقال أيضــــا للـــدّاهيـــــــــــة

لأن القشعم في المعنى الضّخـــم أو المســـن

فهي إحدى المصــــائب التي ذكرت

الحـــــــرب و المنيــــــــة و الـــدّاهيــــــــــــــــة

عطــــر الإمـــــارات.. أتمنى تكون إجابتي صح

تحيـــــاتي أختك
الحـــــالمـــــة

عطر الإمارات

08-02-2002, 10:54 PM

عيوزنا دامني انا إلي سائله غصبن عنج بتتنازلين

عزيزتي الحامله للأسف

إجابتج خطأ

أم قشعم هي

أنثى النسر

ودام مر على السؤال 24 ساعه بسأل سؤال ثاني

والسؤال هو

ما أكبر شريان في جسم الانسان ؟؟

أعتقد الجواب سهل

ت ح ي ا ت ي

+*^^*ماريه*^^*+

08-02-2002, 11:48 PM

اعتقد الشريان التاجي خضره ؟؟

ماريه

عطر الإمارات

09-02-2002, 12:10 AM

عيوزنا وين راحت الشطاره

اجابتج خطأ

ولكن اهو قريب من هالشريان

وللمساعده يبلغ قطره 2.5 سم

ومنه تتفرع كل شرايين الجسم

اعتقد بعد كل هالمساعدات والتوضيح

تعطيني الاجابه على طووووووووول

ت ح ي ا ت ي

+*^^*ماريه*^^*+

10-02-2002, 09:36 AM

اعتقد اني عرفته اهوه الشريان الاورطي صح

ياله قولي صح ترا الميك غبر عندج وواحشني مووت

بايووووووووووو

ماريه

عطر الإمارات

10-02-2002, 09:56 PM

وأنتي

صحححححححححححححححح;)

ت ح ي ا ت ي

+*^^*ماريه*^^*+

10-02-2002, 11:50 PM

http://www.smilies-world.de/Smilies/Smilies_klein/brakelamp.gif

هاااااااااااااااااااااااااااااا واخيار رجع لي المايك الحمدلله على السلامه

http://www.smilies-world.de/Smilies/Smilies_klein/burnbg.gif

طيب اممممممممممممممم سؤال صعب هل المره شو رايكم
يقول لك
ما اسم الشيطان الموكل في صرف والهاء المسلم عن الخشوع في صلاته؟؟
http://www.smilies-world.de/Smilies/Smilies_klein/bawling.gif

ياله يا شطار روونا الهمه
بايوووووووووو

ماريهhttp://www.smilies-world.de/Smilies/Smilies_klein/arrow-thru-heart.gif

الحالمة

12-02-2002, 04:47 PM

تعبتووووووونــــــــا...

مـــاريـــــــــــــة.. نسينا من زمـــــــــــــــان هالشيطان...

بس تعرفين.. أتمنى أني أكون ذكـــرته، شوفي أنا بقول.. و ماني خايفة من الخطأ.. بس صار عندي فضول أريد أعرف الإجـــــابة تعبت انتظـــــــــار..

إذا خطــــأ قولي ولا تستحيـــــــــــــــن...

شـــــــــــــوفي على ما أعتقــــــــد أن أسمـــــــه

الشيطان الــــوســــواس خــنـــــــزب

عـــاد هذا اللي قدرت أتذكـــرة.. المهم إذا مو أهو ترى أحد اخوانه الله يعوذنا منهم ان شاء الله.. قولي آمين

تحياتي..

الحــــالمــــة

+*^^*ماريه*^^*+

13-02-2002, 06:58 PM

وانتي صحححححححححححححححححححححححححح الحالمه سوري على التأخير

وتفضلي المايك :(

وهاله هاله في السؤال السهل

ماريه

الحالمة

13-02-2002, 07:50 PM

مشـــكـــووووورة مـــاريـــــة.. بصراحة الحين حسيت ان بعد فيني حمــاس..

ليش؟؟!!؟؟
الحــــين ياييــن تطلبـــون سؤال سهل...
وينكم ما راعيتوني من قبــــل...

بس أنا بطلع أطيــب منكم كلـــكم.. و بسألكم ســـؤال حبوب مثل صاحبته... أنا .. يعني انا حبوبة

السؤال يقـــــــــــــــول:

** مـــــاريـــــة هـــذا سهل و أكيــــــد بتجاوبين عليه.. و إذا سبقوج خواتنا و اخوانا ترا من حقهم..

س:- مــــن أهـــدى مـــاريــــة إلى رسول الله صلى الله عليه و سلم؟؟؟

الزمن 24 ســــــاعــــــة

تحيــــــــاتــــي
الحــــالمـــــــــة

+*^^*ماريه*^^*+

14-02-2002, 02:14 PM

واااااااااااااااااااااااو الحالمه سؤال حلو جدا واسمحي لي اني اسهب في الاجابه للاستفاده..

احم احم انا كنت اعرف الاجابه بس حبيت اعطيكم بعض من المعلومات عن زوجه الرسول صلى الله عليه وسلم وجمعت لكم هذه المعلومات.......

هي ماريـة بنت شمعون القبطيـة ، أهداها له المقوقس القبطي صاحب الإسكندرية
ومصر ، وذلك سنة سبع من الهجرة ، أسلمت على يدي حاطـب بن أبي بلتعة وهو
قادم بها من مصر الى المدينـة ، وكانت -رضي الله عنها- بيضاء جميلة ، وكان
الرسول -صلى الله عليه وسلم- يطؤها بملك اليمين ، وضرب عليها الحجاب ، وفي
ذي الحجـة سنة ثمان ولدت له إبراهيم الذي عاش قرابـة السنتيـن ، وكانت أمها
روميّة ، ولها أخـت قدمت معها اسمها سيرين ، أهداها النبـي -صلى اللـه عليه
وسلم- لشاعره حسّان بن ثابت ، وقد أسلمت أيضاً مع أختها000

هدايا المقوقس
بعد أن استتـب الأمن للمسلميـن ، وقوية هيبتهم في النفـوس ، أخذ الرسـول -صلى اللـه عليه وسلم- يوجه الرسل والسفراء لتبليغ رسالة الإسلام ، ومن أولئك ( المقوقس عظيم القبط ) وقد أرسل حاطب بن أبي بلتعة رسولاً إليه000وعاد حاطب الى المدينة مُحَمّلاً بالهدايا ، فقد أرسل المقوقس معه لرسول الله -صلى الله عليه وسلم- أشياء كثيرة : مارية وأختها سيرين ، وغلاماً خصياً أسوداً اسمه مأبور ، وبغلة شهباء ، وأهدي إليه حماراً أشهب يقال له يعفور ، وفرساً وهو اللزاز ،وأهدى إليه عسلاً من عسل نبها -قرية من قرى مصر-000
وقبِل الرسول -صلى الله عليه وسلم- الهدايا ، واكتقى بمارية ، ووهب أختها الى شاعره حسان بن ثابت000وطار النبأ الى بيوتات الرسول -صلى الله عليه وسلم- أنه قد اختار مارية المصرية لنفسه ، وكانت شابة حلوة جذابة ، وأنه أنزلها في منزل الحارث بن النعمان قرب المسجد000

مارية أم إبراهيم
ولقد سعدت مارية أن تهب لرسول الله -صلى الله عليه وسلم- الولد من بعد خديجة التي لم يبقَ من أولادها سوى فاطمة -رضي الله عنها- ، ولكن هذه السعادة لم تُطل سوى أقل من عامين ، حيث قدّر الله تعالى أن لا يكون رسوله -صلى الله عليه وسلم- أباً لأحد ، فتوفى الله تعالى إبراهيم ، وبقيت أمه من بعده ثكلى أبَد الحياة000
فقد مَرِض إبراهيم وطار فؤاد أمه ، فأرسلت إلى أختها لتقوم معها بتمريضه ، وتمضِ الأيام والطفل لم تظهر عليه بوارق الشفاء ، وأرسلت الى أبيه ، فجاء الرسول -صلى الله عليه وسلم- ليرى ولده ، وجاد إبراهيم بأنفاسه بين يدي رسول الله -صلى الله عليه وسلم- فَدَمِعَت عيناه وقال :( تَدْمَع العين ويحزن القلب ، ولا نقول إلا ما يُرْضي ربَّنا ، والله يا إبراهيم ، إنا بك لَمَحْزونون )

ماريه

الحالمة

14-02-2002, 10:51 PM

حبــبتي مـــاريـــة.. هذا المطلوب من الإجــــابة..
لأن المسابقة جت بقرض الإستفادة..

أتمنى يكون الجميع استفاد من المعلومـــة.. و هذا اللي دايما نتوقعه منج يا مـــاريــــة
الله يعطيج العــــافيــة، و يزاج الله ألف خير..

تفضــــــــلي المـــــايك.. و اطرحــــي سؤال أسهل من اللي جاوبتي عنه....

تحـــياتــــي
الحـــالمــــة

+*^^*ماريه*^^*+

15-02-2002, 03:13 PM

شكرا الحالمه

السؤال هو ..

ماذا كان عمل كل من........
زكريا عليه السلام؟؟
موسى عليه السلام؟؟
داودعليه السلام؟؟

بايووووووووو

ماريه (redrose)

الحالمة

15-02-2002, 07:50 PM

هـــل هو نوع من أنواع الكســـل أم انه نوع من التهاون..
أنا رحت و رجعت و رحت و رجعت و رحت.. و الحين رجعت.. و كل مرة أقول بلاقي حد غيري يجاوب.. لأن السؤال ولا أسهل منه.. لـــــــــــــكن ما في حــد للأسف..

خليــــــهم.. براحتهم

الإجـــابة يا مــــاريــــا...

سيــدنا زكـــريا عليه السلام :- كان كفيلا على بيت المقدس.. أي مسؤولا عنه
سيدنــا موســى عليه السلام:- كـــان يعمل عند شعيب عليه السلام، راعيا للغنم
سيدنـــا داود عليه السلام :- كان حـــدادا.. يعمل في صنع السيوف و حراب القتال

تحيـــــــاتي

+*^^*ماريه*^^*+

15-02-2002, 08:42 PM

شو اقووووول الحالمه اعتقد انهم في سبات شتوي (من زود البرد الحين اللهم لا حسد)

وانتيىىىىىىىىىىىىىىىىى ثلاثه ارباع صح لانه سيدنا زكريا كان نجارا ايضا

وتفضلي فلذه كبدي المايك :(

ماريه (hi)

الحالمة

15-02-2002, 10:02 PM

شو الطريـــــقة اللي بتخــــلي النيام يقومــــون.. قنابل يعني، وإلا آيس كــريم؟؟!!؟؟؟؟
هالمــــــــرة السؤال بنغيــره يا مــــــــــاريــــــة...

بيكـــون سهــــل بس يجلب إهتماماتهم شوي.. يعني بنقووول و نحنا كلنا أمل من اشتراككم
كلكم.. نحنا نقول انا كلنا أخوان.. بعدين بصراحــــة لا تبيخووون اللعبة خلوها حلوة

الســـــــــــؤال و عشـــــان خـــاطركم بس هالمــــــرة يقووووول:

من هم "الخمــــســة الكبــــار"؟؟؟ هم عبارة عن حيوانات بريـــة يطلق عليهم علميـــاً الخمسة الكبار؟؟؟؟
جربـــوا حضكم.. و الإجـــابة هاي المرة للي بيذكر ثلاثة صح في الأول...
ياله عــــاد.. جرب حضّك من اسمهم كبـــــار.. بليـــــــــــــز أرجـــــوكم لا تبيخونها قولوا!!!

تحيــــــــــاتــي
الحــــالمـــــــــة

الحالمة

17-02-2002, 06:28 AM

قلنـــــا من اسمهم كبـــــــــــار..
ياله عـــاااااااااااد.. بيّختـــــوها واااايـــد...

بتريـــــا شوي.. قلنا أذكــــر ثلاثة و تكون صاحب السؤال القادم...

كســـــــــــــالى..

تحيـــــاتي

+*^^*ماريه*^^*+

17-02-2002, 09:02 AM

الحالمه انا قلت انتظر يمكن غيري يشارك ولا حتى دورت على الاجابه بس بقول اللي اظنه صح وانتي اختاري ههههههههه

الفيل

الزرافه

وحيد القرن

الخرتيت

اممممممممم شو بعد لحظه الحين بصف لج كل الحيوانات ههههههههههههههههااي
طيب الجاموس او الاسد لووووووووول

ماريه

الحالمة

17-02-2002, 05:11 PM

حبـــيــبتي مــــاريـــــة...

إنت طبعــــا جاوبت على أربعـــــة.. و لما ما في حد قال لا قبلج.. ولا بعدج انت الفايزة أختي..

الخمســــة الكبــــار هم " الأســــد، النمـــر، الفـيــــل، الجــــامـوس و وحيــــد القرن"

و الباقي الذي ذكرتيهم صغـاااااااار هههههههههههههههه...

حبيبتي المايـــك لج.. و خليهم هالكسالى عنج.. انت أصلا اسألي النشيطين بس.. تفضلي و بكل الحب...

تحيــــــــاتي
الحــــالمــــة

+*^^*ماريه*^^*+

17-02-2002, 05:35 PM

ههههههههههههههههههههه الحالمه معاج حق كلهم كسالى وباردين هههههههههههههههه

طيب تبين سؤال مني اممممممممممممممممممممم

ما أول مايقضي بين الناس فيه يوم القيامه ؟؟ من الحقوق يعني ؟؟

ياله انا بتسلى في المايك وبحشر المكان غناء وصراخ لحد ما تجاوبون والجواب سهل جدا

بايوووووووووووو (peep)

ماريه

الحالمة

17-02-2002, 06:05 PM

تـــدرين مش فاهمــة السؤال تمام .. بس على ما فهمت..

أن أول حق من الحقوق في القضاء بين الناس يوم القيامـــة.. قالت لنا معلمة التربية الإسلاميــــة "الــــدم"
يعنــــي أخـــذ حق المقتـــول من القــــاتل... نسبة لما جــاء في السنة "الجـــزاء من جنس العمل"

شـــوفي عــــاد.. لخبطتي أفكـــاري.. الحين قولي لي إذا صح أو خطـــــأ.. قبل لا أطلع من المنتدى
بســــــــرررررررررررعـــــة...

تحيـــــــاتي

+*^^*ماريه*^^*+

17-02-2002, 06:08 PM

:eek:

:eek:

:eek:

هههههههههههههههههههههههههههههههههااي لا تخافين فهمتي صح يا شطوووووووووووره (h)

والجواب اهوه الدم وهاج المايك حتى ما لحقت اغني الله يهداج بس :p

بايووووووووووووو (peep)

ماريه (K.B)

الحالمة

17-02-2002, 06:47 PM

هههههههههههههه.. و الله ضحّـــــكتيني... كل هذا و ما غيّــــتي..

أنا في العــــام و أسمع صـــوتج، حــــتى بالأمـــــارة تغنين
زورووووووووونـــي كــــل سنـــة مررررة حـــــراااااااااااام تنسوني بالمرررررررررة....

و صـــــل دوري.. عــــاد أنا أعتقد أني بغنّــــي ليـــــن الصّبــــــــــح!! و إلا انت شو رايج يـــا مــــاريـــة؟؟؟
عمـــومـــا هــــذا يعتــــمد على اللي بيجـــاوب على السؤاااال..

الســـــــــؤال يقــــــــــوووول....

س:- مــــا همـــــا الأصــــــغـــران؟؟؟؟

تحيـــــــاتي
الحــــالمــــــة

الحالمة

18-02-2002, 09:11 PM

ليــــــــش الكــــسل؟؟؟ مع أن الأسئـــــلة اللي انطرحـــت سهله، و كلها تدعوا لروح التنافس...
بصـــــــراحـــــــة اسمحوا لي يا اخواني.. خيبتوا ضني...

توقعت تكونووون.. شعلـــه من النشـــاط و التفاعل مع بعضكم.... و تساعدون في نجاح المنتدى..
وين كلنا اخوان و متعاونيــــــــن... في أكثــــر من موضــــــــــوع و انتوا باقين على حــــالكم...

ترى مشـــاركة بعضكم لبعض.. داعي للتفاعل و التعاون.. و تقربكم من بعضكم أكثر..
خلــــــكم ايـــــد وحــــــــدة...

أتمنى لكم التوفيـــــــق... الجــــــواب يقول: الأصغران همـــا القلب و اللســــان...
و بصـــراحــة، أسلمكم المــــايــك.. و شوفـــواااا شو بتسووون عــــاد...

تقبلـــــــوا تحيــــاتي.. و المثل يقول، ما يعتب عليـــك إلا من يحبك.. و أنا أحبكم وايد.. بس أكره تخاذلكم في بعض من الأمـــــور..

الحــــــالمــــــــــة