هوايتي تجميع العملات .. شرايكم في هالصور

[العفريت]

هوايتي تجميع العملات .. شرايكم في هالصور من سحارتي ..



صور لعملات نادرة كانت تستخدم او مازالت في الامارات..
( تلاحظون صورة 1 فلس , 5 فلس الجديم الكبير واليديد الصغير , 10 فلس الكبير الجديم واليديد الصغير , 5 درهم يوم كان في تحالف بين قطر ودبي سنه 19690 )
http://www.arab7.com/up/file/1098013638535.jpg



الصورة هذي فيها عملات بنظري هيه نادرة .. ( رشاديه قسطنطينيه ذهبيه من 1327 هجري , 10 مليمات الدمهوريع العربيه المتحده ( مصر وسوريا ) سنه 1967 , نص غرش سوري 1921 , 1 غرش سوري من سنه 1935 , 6 بنس استرالي من سنه 1951 , 10 ريال ايراني من سنه 1347 هجري ,


http://www.arab7.com/up/file/1098013888735.jpg



هذي صور دراهم من الامارات .. الدراهم اللي فيهن رسومات المناسبات ..

1 . اليوبيل الفضي ل توتال ابو البخوش
2 . اليوبيل الفضي للأتحاد النسائي العام
3. الدورة الثاله لجائزة القرآن الكريم
4. دبي 2003
5.اليوبيل الفضي ل أدما العامله
6 . الشارقه 98
7. اليوبيل الفضي لبنك دبي الاسلامي
8. الذكرى الخامسه والعشرون لتوحيد القوات المسلحه
9 . جائزة راشد بن حميد للثقافة والعلوم . جمعية ام المؤمنين النسائيه
10 . 10 سنوات من تفوق كليات التقنيه العليا
11 . اليوبيل الفضى لبنك ابوظبي الوطني
12 . الذكرى 35 لتأسيس بنك دبي الوطني


http://www.arab7.com/up/file/1098015965272.jpg



وهذي صورة السحاره ( الصندوق ) اللي فيه تقريبا 200 عمله .. كملن وياي تقريبا 4 سنوات وانا اجمعهن ..


http://www.arab7.com/up/file/1098016080921.jpg



اللي يجب يبادلني هالعملات ماعندي مانع .. بس ياريت يكون عنده غير عن اللي عندي .. عندي اكثر من 70 عمله مكرره .. واللي يبا ينمي هالهوايه ماعندي مشكله ياخذ اللي يباه من عملات .. *a9*

وتبون الصدق .. هذا شي بسيط من الاشياء اللي عندي .. :rolleyes:




الــعــفــريــــــــــــــــــــــــــــــــت

[بنت البحر]

عندي عملات بس هب من هواياتي اذا تبى بعطيك كلها وبدون تبادل بس كيف ؟؟؟؟؟


في بعض من اللي عندك موجوده عندي

هوايه ممتعه ولكن بالنسبة لي ما تثيرني


يسلموووو عفريت الدب على الصور

[العفريت]

بنت البحر ..


تسلمين عزيزتي الدبه على مرورج ..


وانا ما اقول لا اذا كان هالشي بيزيد مجوعتي .. انتي بس عزمي تعطيني والطرق لتوصيلها وايده .. @60@


بس قبل .. طرشيلي رساله خاصه خبريني فيها شو هالعملات .. اخاف بس عندي نفسهن :( :( :( ..



وانا طرحت هالموضوع وبالصور عشان في نفس الوقت انمي هوايتي اللي ملاحظ انها توقفت .. المفروض اللحينه بعد مرحله جمع العملات ابدا مرحله تبادلهن ويا اي حد ..





الــعــفــريــــــــــــــــــ Al-3freet ــــــــــــــــت

[فطوم]

السلااااااااااااااام عليكم ورحمه الله



كشخة صراحة مجموعتك عفريتووو


اتبادل:d

اوكي صراحة انا عندي وااااااااااااااااااايد وقبل هوايتي اجمع عملات والعلبة متروووووسة بس شو الفايدة احين..!!



احي خلاص ما استفيد منهم واكثر من مرة قلت بعطيهم حد او ببادلهم او ببيعهم خاصة مرة مسكو كم عملة شوية مو وايد قاليلي يسوون بروحهم 60 درهم غير الباجيين اللي ما حسبتهم


والصرافات ما تبدل عالمت كوينس يعني خردة لازم ورقة صح؟؟


والله من كم يوم شفت صراحة واتذكرت العملات اللي عندي


مادري اذا نقدر انبااادل او ابيعهم صراحة ماعرف شسوي فيهم وووووايد منهم مكررين ترا..


عندي مثل اللي حطيتهم (البعض) مو الكل خاصة المحلية..:) اللي هي مالت المناسبات



انته اجمه عملات وطوابع واشيا تذكارية جديمة وخبرني;) ههههههههه


بس تعال..شو هالسنة العجيبة؟؟ 19690 ههههههههه


وووووومشكووور عالصوور والموضوع

وان شااء الله اتزيد مجموعتك;)

[العفريت]

فطوم


وعليج السلام والرحمه ..


صباح المسا عزيزتي ..


نعم اني ابادل .. و ليش ما ابادل .. عندي مكرر بالهبل ومب عارف وين اوديه ..



اجمع بعدل غير الكوينز اوراق نقديه .. وطوابع شويه .. وعندي شهايد تقدير من يوم انا في الروضه .. تقريبا فوق 23 شهاده تقدير ..


وعلى طاري السنه العجيبه هذي .. بالغلط كنت ابا احط فاصله ( مشكله الحسد يوم يدخل في قلوب حد من الناس :) , بيحاول بأي طريقه يطلع عيوبك واغلاطك )



تسلمين على مرورج .. ولج مني اكبر تحيه وسلام يا مدام فطوم .. ( بتعصب ادريبها ) .. خلاص خلاص يا ليدي فطوم .. حلو الكلام ..




الــعــفــريـــــــــ Al-3freet ــــــــــــــــت

[Mnaayeh]

هواية حلوة .. بس ما حبها :) أنا أيمع بطاقات

العفريت

ما شاء الله عليك

انت ابصراحه تحفة .. ومتعدد المواهب

مواضيعك كلها ربشه

[غناء المطر]

العفريت

هوايه حلوه :) الله يوفقك ان شاء الله
وان شاء الله تحصل حد يبادل وياك :) ومشكور عالصور الحلوه :)

[العفريت]

منايه


صباح الظهر ..


شاكر لج مرورج عزيزتي ..



تجميع البطاقات بعد هوايه عندي .. اي شي فيه تجميع انا مبدع فيه .. بس يخساره ما اعرف ايميع الفلوس .. هههههههههه



انا تحفه .. ليش تتحريني شيبتج وانا ما ادري .. سوالف الشيخه ..



تسلمين على ابداء رايج في اني متعدد المواهب .. وهو صدق انا ابدع تقريبا في كل شي ..



رايج ومشاركتج لي تهمني وتدعمني



الــعــفــريــــــــــــــــــــــــــــــــــــــ ــــــــــــــت

[العفريت]

غناء المطر



تسلم الشيخ على مرورك ..



انشاء الله احصل من يبادلني هالعملات اللي خاسن عندي ..




الــعــفــريــــــــــــــــــــــــــــــــــــــ ــــــــــــــت

[الحر الأشقر]

مرحبمبو

هوايــــه حلوه


تسلم اخوووي العفريت على هالصور الحلوه


والله يوفقك شيخي


ولا تحرمنا من تواجدك شيخي




ويامـرحبانــــــــي (h)

[العفريت]

الحر الاشقر ..


مرحب لاهان راعي مرحمبو ..


والله يسلمك ..



وفالك طيب في كل يديد ..

[همسة أسير]

تسلم أخوي

هواية جميلة

أبوي كانت عنده هذه الهوايه ولازالت العملات ويانا

[العفريت]

همسه اسير


تسلمين عزيزتي على مرورج وتواصلج الدايم ..





الــعــفــريـــــــــــــــــــــــــــت

[غريمة الشوق]

مرحبا خوية العفريت

يعني سحارة العفريت شو نتوقع يظهر منها

غير كل شي جميل هههههه اشكرك خوية

وهواايتك جميلة وااايد اختي تشاركك في نفس الهواية

بس يبالها حد له بارض وباله طوييل

[فطوم]

هلا عفريتووو


اول شي بالعافية احين بيأذن;)

ههههههه



ووووثاااني شي هيه بضربك اونه مدام فطوم هههه

و ماشااء الله عليك

انا بعد اي شي في تيمع اشيا انا خطيرة فيه هههههههه

دوم امي كانت اتقولي شاسوي فيهم ايمع كل شي هههه


ووووموفق:)

[المحامي]

هوايه رائعه احب دائما انظر الى العملات القديمه ,,الموجوده في المجمع الثقافي بابوظبي

هل هذه اقدم عمله تاريخها عندك اللي بــ عام 1921م ؟؟


في عملات معدنيه تذكاريه _ اذا سامع عنها _ مثل ال 50 درهم الاماراتي
بنماسبه مؤتمر النقد الدولي اللي بدبي تجدها في البنوك عليها صورت الشيخ زايد

صراحه روعه



موفق عزيزي في هوايتك


وبارك الله فيك

[العفريت]

غريمه الشوق


تسلمين عزيزتي على مرورج وتواصلج الرائع


يعلني افداج .. سحارتي هذي عجيبه .. لاكن تبين الصدق .. :) .. انا احتفظ بالعملات في ملف خاص بجمع العملات .. لاكن عشان تطلع الصورة حلوة قلت بحطهن في هالسحاره :) :)

[العفريت]

المحامي


تسلم الشيخ على مرورك ..



لا والله عندي اقدم من مالت 1921 م .. عندي عملات احجامهن كبيره شوية وجديمه وكانت تستخدم هنا في الامارات سابقا .. عملات برتغاليه وبريطانيه ..


نعم سامع بهالعمله .. وحبيت اضيفها لمجموعتي لاكني ما قدرت ..



الروعه هو تواجد بين صفحات هالموضوع ..



والله يوفق الجميع