بما تفسر [الأرشيف] - منتديات الكتبي

مشاهدة النسخة كاملة : بما تفسر

الشاعر

30-01-2002, 05:17 AM

بما تفسر خسارة منتخبنا ؟

وما هو تعليقك للمبارة الاخيره مع منتخب الكويت ؟

وما رايك بالتحكيم وهل عرقلة اللاعب سبيت خاطر وفهد مسعود تستحق ان تكون ضربة جزاء
لتحقيق الفوز ؟

بنسبه لتعليقي انا 000

تشكيلة المنتخب كانت غير منظمه وهذا يعود للمدرب وادارة المنتخب
دخول 6 لاعبين من متخب الوحده وعدم اختيار لاعبين لديهم الخبره الكافيه
عدم مشاركة الاعب الشقي غريب حارب منذ بداية البطوله وحتى مبارة
المنتخب مع الكويت وفي الدقائق الاخيره مع العلم بانه غير مصاب 00

خطة المدرب كانت غير صحيحه بنسبه لتشكيله وتغيير الاحتياط
والدليل خروج سبيت خاطر في مباراة المنتخب القطري
وخروج العنبري ودخول ياسر سالم الذي لم يذكر اسمه ولم يظهر
مهاراته المذكوره ابدا وحتى نهاية المباره 00

بنسبه لتحكيم : فحسب توقعاتي بان عرقلة سبيت خاطر كانت غموضيه بعض الشي ولكن
اتوقع انها ركلى جزاء وظلمنا الحكم فيها 00

عرقلة فهد مسعود كانت واضحه مثل الشمس وايضا الحكم تغاضا عنها وكانت وجيزه على ان نتعادل
مع منتخب الكويت 00

فما تعليق اخواني بما قد حلل للبطوله ككل

تحياتي لكم

قايد الريم

01-02-2002, 01:16 PM

هلا اخويه الشاعر...

ادري تعليقي متاخر ...بس ما يمنع نظهر اللي في خاطرنا

مالنا غير المنتدى اللي نقدر نرمس فيه..

عن مباراة الكويت والله تبغي الصدق ما شفت غير بداياتها

لانه ما كان عندي استعداد احرق اعصابي....:(

المنتخب فاشل ادارة" ومدربا"....

ابناء الامارات ما قصروا في شي وما نقدر ننكر كانوا

ينفذون التعليمات لانه ما بيدهم شي :(

كانوا فيكل مباراة يقاتلون للحظه الاخيرة....لكن شو بيسوون

اذا الدفاع يلعب هجوم والهجوم دفاع والاوسط على الاطراف؟؟؟؟؟؟؟؟؟؟؟؟؟

:confused: بالله عليك بونفرير يتحرانا ما نعرف للكرة؟؟؟؟؟

هيه يالابيض رحت والسبه الواو اللي ضيعتك.....:eek:

الله يكون في العون.....

والسموحة...

مضـ & ــاوي

01-02-2002, 02:42 PM

مع اني ما اعرف للكره ومش من متتبعينها المواظبين بس في راي ان الشباب ما قصروا وهذا نصيبهم والكره دواره اليوم عندك وباجر لغيرك وهذه رياضه مثل اي رياضه المفروض تكون عندنا روح رياضيه ونتقبل الموضوع بصوره افضل وماله داعي نتطاول علي اي لاعب لانه مش من حقنا يكفي انهم راحوا وتعبوا وشاركوا لكن الله ما كتب لهم ويعني لو كان اي واحد مكانهم شو بيسوي زياده محد يبغي اسم بلاده اكيد ينزل بس عاد هاي كره وتدور مش كل مره لازم تكون في ايدنا وان شاء الله البطولات اليايه بيكون لهم نصيب فيها .. والمفروض منا الحين نقول لهم مشكورين وما قصرتوا وخيرها بغيرها وبس من الكلام اللي ماله داعي اهم روحهم اكيد يايين نفسياتهم تعبانه ماله داعي تزيدونهم بتعليقاتكم الساخره:(

قايد الريم

02-02-2002, 08:06 PM

ياهلا والله باختي مضاوي...

مشكورة عى المشاركه.....

لو لاحظتي في موضوع الاخ الشاعر وردي عليه ماكان في اي انتقاد لشخص

اللاعبين نفسهم...نحن بنرضى بالواقع اذا كنا مستعدين وعندنا مقومات النجاح

ولكن الله ماكتب ...لكن انه نكون فاشلين في التاسيس فهني مانرضاها لا للاعبينا

ولا حتى دولتنا اللي من واجبنا نشرفها باي محفل خارجي....

نحن نقول للاعبين شكرا وما قصرتوا نعم ..لانه ما بيدهم شي كانوا ينفذون تعاليم

الفاشل بونفرير.....وهاي غلطة.............؟؟؟؟؟؟؟؟؟؟؟؟

والسموحة...

الشاعر

03-02-2002, 05:24 AM

مرحبا اختي مضاوي واشكرج على ردك ولكن كلمة الحق تقااال

اي نفسيه اي خرابيط والدوله قاعده تدفع المليااارات وتشكيل معسكراات من غير المدربين الاجانب وعقودهم
الدوله مو مقصره في حق هذيلا اللاعبين 000

وين راااح زمن الطلياني وزهير بخيت وعبدالرحمان محمد وبخيت سعد ومحسن مصبح وعياال مير وين راحوا
وشو سوو في زمانهم وصلنا كاس العالم وهذا يكفي شرف كبير لنا 00

ولكن منو الحين واي نفسيه هاي للفريق دام كل شي موفر لهم حسااافه والله حسااافه انتي بنفسج قلتي
ما تتابعين الكره ولو كنتي تتابعينها عرفتي الحرقه لي بجوووف كل مشجع لفريق الامارات 00

اللاعب مهما كانت نفسيته يكفي الفانيله التى تحمل شعار وعلم دولة الامارات وما قوول غير يا حسااافه
ما عطيتوا ولا وفيتوا لدوله عطتكم ووفتكم 000

الشاعر

ضوى الروح

04-02-2002, 02:06 PM

يا الشاعر احترم شعورك تجاه المنتخب

بس عندي حل حق مشكلة منتخبنا ؟؟؟؟؟؟؟؟؟؟؟؟؟؟؟؟؟؟

امممممممممممممممممممممممممم

يمكن الحل ما يعجب الشباب:بس هااااي الطريقة الوحيدة الي نقدر ناخذ الكأس فيها

والحل هو

الدورة الياية في خليجي 16 لازم ناخذ الكأس

لازم

لا وبعد بناخذة من دون ما انخسر الدولة ملاييين ومعسكرات و..... و......

وبدون ما يصابون اللعيبة بأصابات

الحل هو

نستبدل اللعيبة الشباب بالبنات

ليش تضحكون ؟؟؟؟؟جد :mad: :mad: :mad:

البنات قول وفعل

ونوعدكم بالكأس اذا اتبعتو الحل

تحياتي للشباب والبنات

الشاعر

07-02-2002, 02:47 AM

صراحه ضوى الروووح انا اؤيد الفكره هاااااي

ويالله بناااات هجوووووووووووووووم

على الاقل فزتن لو ما فزتن راااح نستانس من المباااره كا كل

اشكرج الغاليه على المشاركه

تحياتي

الشاعر