.. جوله سريعه في المختبر .. بالصور .. لا تفوتكم ..

[دمــ اللؤلؤــوع]

.
.

مرحبــــا ..

حبيت اشارككم بهالصور .. اللي صورتهن من يومين .. عشان خاطر انووووه .. *a9*

تراها تبا تشوف المختبر والتحاليل .. كنت بحط صور اكثر ..

بس بصراحه .. قلت حرام الوع جبودكم خخخخخخ .. وكل عام وانتوا بخير .. :rolleyes:

واسمحولي اذا مب واضحات وايد .. لانها كيمرة التلفون ..

.
.

الصوره الاولى ..

نبدأ من الاساس .. ويقولون اللي ما له اول .. ما له تالي ..

وهذه صورة لجهاز من القسم الرئيسي لمختبرنا .. وهي غرفة صناعة مواد الزراعه .. زراعة البكتيريا طبعا .. *a3*

وبصراحه أنا اسميها المطبخ .. ههههههه .. لانه التحضير يكون مثل الطبخ ..

http://almansya.jeeran.com/mediaroom.jpg

..

وهذه صورة جزء من المختبر .. واللي ظاهر في الصوره .. نحن نعتبره مثل الفرن .. وهو اللي يساعد على نمو البكتيريا لانه درجة حرارته تكون مرتفعه تقريبا ..

http://almansya.jeeran.com/lab1.jpg

..

أما هذه .. فهي مجموعه من المواد الكيماويه ..

http://almansya.jeeran.com/chemicals.jpg

..

والحين .. هذه غرشه نستخدمها لزراعة الدم .. طبعا عشان نشوف فيه بكتيريا ضاره او لا ..

http://almansya.jeeran.com/bloodbottle.jpg

..

بعدين ناخذ الغرشه هذه ونحطها في جهاز ..

http://almansya.jeeran.com/blood%20machine.jpg

..

وهذا هو الجهاز من بعيد .. وتقريبا اتم العينه فيه لمدة 7 ايام .. وعقبها ممكن نعطي النتيجه النهائيه ..
" صورتي طلعت وانا اصور خخخخخخ ؟؟ بس طبعا اخفيت ملامحها .. فضيحه هالجهاز *a9* ..

http://almansya.jeeran.com/blood%20machine%202.jpg

..

وهذا شغلته مثل الخلاط .. انحط فيه العينات .. ويدور فيها بسرعه كبيره جدا .. عشان ناخذ منها الرواسب بس ..

http://almansya.jeeran.com/centerfuge.jpg

..

وبعد ما انظهر منه العينه .. نروح نطالعها تحت المجهر ..

http://almansya.jeeran.com/microscope.jpg

..

الحين نروح للمهم .. هذه صور لبعض النتايج اللي ممكن انشوفها في المختبر ..

أولا .. هذا نوع من الديدان .. طبعا مظهرينه من بطن انسان *a3* .. ونحن محتفظين فيه .. ما اعرف ليش ههههههه ..

http://almansya.jeeran.com/parasite.jpg

..

وهذه انواع من البكتيريا الضاره بصحة الانسان ..

هذا النوع اسمه staph .. واكثر شي يظهر في الدم .. وطبعا هالصور .. هي النتيجه اللي نوصل لها بعد الزراعه ..

http://almansya.jeeran.com/culture-staph.jpg

..

وهذا نوع ثاني .. بس يكون من البكتيريا الطبيعيه اللي انحصلها في الأمعاء ..

http://almansya.jeeran.com/culture-stool.jpg

.
.

وخلصنا الجوله .. اتمنى اكون قدرت افيدكم لو بمعلومه بسيطه .. لانه في وايد ناس .. يسألوني انتوا شو اتسوون في المختبر .. وطبعا هالجوله كانت بشكل مختصر .. عشان ما تملون .. :rolleyes:

سلااااااااامي لكم ..

.
.

[شروق الشمس]

" صورتي طلعت وانا اصور خخخخخخ ؟؟ بس طبعا اخفيت ملامحها .. فضيحه هالجهاز *a9* ..

http://almansya.jeeran.com/blood%20machine%202.jpg


دموووووووعة
نحن مب راضين عن هذه الصورة نريد الصورة الاصلية قبل التلاعب فيه :(

حلوة الصور
وفكرة الموضوع

كأن رحنا رحلة مدرسية الى المختبر :D

تسلمين دمووووووعة
وفي انتظار الجولة الثانية

والصورة الاصلية ;)

[دمــ اللؤلؤــوع]

.
.

شرووووووق .. خساره ..:(

مسحت الصوره الاصليه والا كنت بحطها لج هههههههههههه .. *a3*

هيه يا شروق .. لا اتظهرين الفضايح .. اي صورة اللي تبيني احطها .. @60@

هههههههه

صدقتي والله جنها رحله مدرسيه .. شو اسوي .. شكلي متأثره بالطلاب اللي اييبونهم عندنا

تدريب ومرات رحلات .. :rolleyes:

مشكووووووووره الغاليه على الرد .. وعيووووونج الحلوه ..

أما الصوره .. بتتريينها وايد ..;)

تسلمين ابلتنا ..

.
.

[فتى الإمارات]

الصور مب غريبه ولا الاحهزه

انا دوامت 3 اسابيع قي مختبر مستشفى الجيمي ( عند تنظيف الدم ) صراحه مكان خلاب كله احهزه

دموع اللؤلؤ

مشكوره عالصور ومعلومات عن المختبرات بس لاحظت شي ( زراعه ) .... و ( الديدان ) اول مرهه اشوف ديدان بس كم حجمهن؟؟

والله يعطيج العاافيه

[المحامي]

جوله رائعه في مختبرات الزرعه

الله يعينكم عايشين عند البكتريا والديدان @110@



الاستاذه شمس في فلته اسمه un-blur بيرجع الصوره مثل ما كانت :rolleyes:






انتظروا جوله في مختبرات الكيمياء >> :cool:




مشاركة رائعه اخت دمــ اللؤلؤــوع
وبالتوفيق

[دمــ اللؤلؤــوع]

.
.

فتى الامارات ..

تقريبا .. كل مستشفيات الدوله والمختبرات بالذات .. تتشابه ..

لانه يكون فيها نفس الاجهزه ..

أما الزراعه .. فكل مستشفى فيه قسم خاص في المختبر واللي هو بس لزراعة العينات .. وهذا يكون بس للبكتيريا ..
وانا اشوف انه من اروع اقسام المختبر .. لانك تشوف فيه اشكال غريبه ..

اما هذه الديدان .. فاعتقد طولها 20 سم تقريبا .. وايد صح هههههههههه ..

شكرا اخويه على الرد ..

.
.

[حرقــوص]

ذكرتينـــي بمصنـــــع البيــزات الي في اللبيــت خخخخخخخخخخخخخخخخخ

تسلمين على الموضوع .. والله يعينكم على الامراض

والله الاجهزة اتروع شويه ...

تحياتي / حرقــوص المهيــري

[أنا]

خخخخخخخخخخخخخ

كشفناج .. دموووووووووع يلست يوم كامل ادقق في الصوره

لين اتضحت الصوره ..


بس طلع جنه شبح حشى مب دموووع *a3*

شوفو يا اعضاء بقايااااا دموع اللؤلؤ @86@

http://www.alremshweb.com/fh/enty/dmo0o3.JPG


مع تحياتي المحقق كونان @60@

[فطوم]

السلاااااااام عليكم ورحمه الله



كشخة والله

ابي ايي اشووف هههههههههه


تسلمين دمووووع عالصووور ووالموضووع بس ترا من كلهن ضاهرين..!!



وووووالله يعطيج العااافية..:)

[فــ الكلمة ــارس]

افلع من المفاليع ... ضحكتيني الله يهديج يا انوووه

دموع مشكوره على الصور بس ترا صورتج طلعت في صوره ثانيه ... دققي في الصوره رقم 8

[مــــــيـــــاس]

ههههههههههههههههههههههههههههه

دموووووووووووووووع مبرووووووووووووووووووك

تم بعون الله

تفنيشك من الدوام

وذلك

لنقلج

اسرار الدوام للجمهور

يالذكيه

بدال ما تصورين مختبر تحليل دم وغيره

أمصوره

مختبرات زارعه وبكتريا وفيروسات

هااااااااااااااااااا اما خبرتهم عليج

وخليتهم يفنشونج


.
.

الكتبي يبوي ألحق

الاعضاء قاموا يصورونا اعلوم دواماتهم

الخوف من الكتب العسكريه باجر ههههههههههههههههههه

أوووووووووووووه صح عيون دبي نقيب .... مافينا بعد
.
.
.

انوووووووووووووه الخبله

شو يالسه تلعبين نقط

.
.


شروق الشمس

زين والله يوم شفنا مشاركاتج

يالمستشاره

ههههههههه
.
.

تحياتي

مدير المختبر

مياس
.
.

[الحر الأشقر]

مرحبمبو

تسلمين اختي دموووع عالصور


هههههههههههههه والله انج علووووم يا انوه :)

اخووووي مياااس اخافك داوم فالداخليه ونحن ما ندري :)




وزين اني ما حطييت صور ...... :)




ويامـــــــرحبانــــــــــي (h)

[الساحره]

دموووعــــه

تسلمين الغالية على هالرحله الحلووه والمفيده

انووووه

ما شاء الله عليج .. قوية ملاحظة :D

[دمــ اللؤلؤــوع]

.
.

المحااامي ..

هلا فيك اخووويه .. هيه والله صدقت .. الله يعينا .. جان ما نظهر من المستشفى بمرض خخخخخخخ .. بسم الله عليه :):)

بالنسبه للصوره .. ولا اي فلتر في العالم يقدر يرجعها ..

لاني لونتها بلون اسود خخخخخخخخخ .. عشان ما يبين شي منها ..:)

مشكووور اخويه على الرد .. ونتريا الجوله ..

.
.

[دمــ اللؤلؤــوع]

.
.

حرقووووووووص ..

ههههههههههه الظاهر انته متعقد من الامراض .. كله عشان سالفة التهاب الكبد ;)

مشكووور اخويه على الرد .. اذا هالاشياء اتروع ..

عيل خلني ساكته احسن خخخخخخخ..:):)

.
.

[دمــ اللؤلؤــوع]

.
.

انوووووووووووووه

ويا ويهج .. حشى مب صوره هذه .. شكلها صورة شبح صج ..

وبعدين وين طيرتيني .. هالجهاز اروحه كبري مرتين .. وانتي سويتيني نصه ههههههههههه

تحقيقاتج طلعت على فشووووش مثل ما يقولون خخخخخخخ ..

هارد لك ماما ..:):):)

.
.

[دمــ اللؤلؤــوع]

.
.

فطووووووم ..

وعليج السلام والرحمه ..

افا عليج .. تعالي حياج الله .. وبنخليج اتشوفين المستشفى كله مب بس المختبر .. كم فطوم عندنا ..

وبالنسبه للصور .. تقدرين اتسوين ريفريش للصفحه .. وان شاء الله بتظهر ..

لانه في ضغط على الموقع اللي منزله فيه الصور ..

ويسلمووو على الرد ..

.
.

[دمــ اللؤلؤــوع]

.
.

خيااال العشاااير ..

هلا اخووويه .. العفو لا شكر على واجب ..:):)

وانوووه .. دومها مفلووووعه هههههههههه ..

اما الصوره .. فاللي تقصدها .. مب واضحه وايد .. بس شو اقول .. مشكله عيونكم يالرياييل .. خخخخخ

ما تخلون شي ..:):)

.
.

[دمــ اللؤلؤــوع]

.
.

مياااااااااااااااااااااااس ..:(:(:(

فال الله ولا فالك يا شيخ .. تفاول عليه .. انزين خلني اكمل سنتين على الاقل خخخخخ ..

تصدق زيغتني تراك .. الحين اخاف المسؤول يفتح الكمبيوتر .. ويشوفهن صج ..

لاني دوم ادخل من كمبيوتر المكتب .. وايتم عنوان المنتدى على الكمبيوتر .. لاني انسى ما امسح الهيستوري ..

الله يستر بس .. وما يزخوني ..:(:(:(

عاد شو اسوي .. تراني اشتغل في قسم البكتيريا .. وفضيحه اروح الف الاقسام الثانيه واقول للجيران ابا اصور قسمكم ..

شكله محد بيفضحنا وبيمشكلنا غيرك يا ميااااااااس ..خخخخخ

شكرا على الرد .. خيوووو مياس ..

.
.

[دمــ اللؤلؤــوع]

.
.

الحر الاشقر ..

مرحبتين اخووووويه .. وربي يسلمك ..

اما مياس وانوووه ..

تراهم معروفين .. اصحاب مشاكل .. عافانا الله ههههههه ..

.
.

[دمــ اللؤلؤــوع]

.
.

سحوووووره ..

الله يسلمج الغاليه .. وعيووونج الحلوووووووه ..:):):)

اما انووه .. صج انها قوية الملاحظه .. هههههههه

يعني الحين .. البالطو الابيض مبين في الصوره .. ولو هي شاطره صج ..

جان عرفت وين الراس والجسم .. مب رايحه مطيره راسي وحاطتنه في النص خخخخخخخ ..

بس شو نقول .. هذه اخرة الصحافه واللسان الطويل ..:):):)

.
.

[أنا]

دموووووووووووووع الحين تبين تقولين ان قوة ملاحظتي اونطه !!!


لالا انا متاكده والله حتى بعد ماحددت الشكل ...

ولا اووووووووه هاي دموع بشحمها ولحمها في الصوره خخخخخخخخ:)


ياااااانااااااس ياهووووو دموع اداااااااااامكم اهووووووووه :)



وبعدين انا مايخصني في المشاكل هذااا مياس هو الي راعي المشاكل
ولا انا صغيره ومايخصني :(



اقووووووووول












حمدي ربج ماقلت صورة الدوده هاي دمووع خخخخخخخ


تحياتي يا راعية التحاليل كعكعكعككعكعكع

[فطوم]

اوه تسلمين دموووع والله ما اتقصرين:)


والصور طلعت الحمدلله


يلا نبا صووورة من غير خربوطة لا اتخشين شكيج ههههههههه


انوووه العبي بالصوورة وطرشيلي اياها خخخخخ

[العفريت]

دموع اللؤلؤ


تسلمين عزيزتي على هالجولة المعمليه في قسمكم .. الصراحه قسمكم يلوع بالجبد وقـــــــــــــرف من الخاطر ..


سوري .. بس بنوته تشتغل عند الدم .. ماتقول قصابه والعياذ بالله



ههههههههههههههههههههههههههههه



دموع ..


الله يوفقج عزيزتي ويستر عليج ..




الــعــفــريــــــــــــ Al-3freet ـــــــــــــت

[همسة أسير]

تسلمين أختي دموع

الصور روعة بس صدق الله يعينج في ناس بيفتنون عليج و ما أدري يرضون الدوام

بس يوم شفت صورة الدوده عورني بطني

الله يستر علينا صدق عالم المختبرات عجيب و مهنته جدا صعبه

ربي يوفقك

[مــــــيـــــاس]

مرحبمبوووووووووووووو

الحر الاشقر

والله اني في الداخليه

بس ما عليك

ذيب ما يغذر بالذيابه

بس أقول

دمووووع يبالها شويه رص

أشوفها اتسرب معلومات الدوام

الاحر الاشقر

هاي فرصتنا

انهدد دموووع دامها خافت .. هههههههههههههه..

دمووووع اللؤلؤ

بتيبين لنا

تونه على أحسابج ولبنه وداقوس *a5* (مشان يوم نفطر يكون الذنب ذنبج) هههههههه

لا لا لا

مابفطر

أريد ..... @73@ ...... 500000$

وانت يالحر اطلب واشرط ماعليك منها ما تروم ماتنفذ

وان مالبت طلباتنا

ياويلها مني *a19*

اصلاً انا اعرف مديرها @17@


وبقوله هاي موظفتك تنقل اسراركم *a41*


بخلي مديرها يعصب شرات القطاووووو @109@


دموووووع لا تصيحين @71@


مااااااا في رحمه

.
.
.


انووووووووووه الخبله *a37* *a37* *a37*

أنا راعي المشاكل

يا ام المصايب @95@

دموووع هاي انووووه هي راعية المشاكل

ههههههههههههههه

وعلى قولت الحر الاشقر @84@ مرحبمبووووووو


.
.

مياس

[مدهش]

lo0ol
اول شي مبروك عليج الشهر يام الدم

خخخخ خلاص بلقبج بام الدم ,,

حلوه شغلتكم

خلاص انا باجر بيي عندكم بسوي تحليل لووووووووول

الصراحه الدوده لوعت جبدي مادري كيف مستحملين تجابلونها 24 ساعه

لو انا منكم بفرها باقرب زباله خخخخ

وتسلمين ع الصور
ونحن بانتظار الصور اليديده

:)
تحياتي

[فطوم]

هههههه ماشااء الله عليك مدهش اتجابل عقارب واتقول عنهم حلوين ووووايلوعون بجبدك ديدان ههههههه


بس معليه اذا بترووح خذني وياك ابي ازورهم هههههههههههه


وناسة صح؟؟:d

[شـذى]

السلام عليكم


يااااااااي كشخه


خاطري ادرس تقنيه مختبرات بس انا وحده بسرعه اجز و انقرف من ادنات الدون

بس في المدرسه انا اول وحده اسير المختبر و آخر وحده اطلع لازم ايلس اتفحص كل شي موجود عند الابله
ههههههههه


احيد العام كنت غايبه و ثاني يوم مدرسه الاحياء اتقولي : شذى وينج البارحه كان درس السمج والله اني اشرح وفي خاطري اقول حرام انج غبتي
احيد كنت غايبه دلع سايره ويا امي رحله موديه البنات
ههههههههههه

تعالي انتي وين تشتغلين بقول حق المدرسه تيبنا عدكم



تسلمين دموووعه


في حفظ الرحمن *a9*

[فــ الكلمة ــارس]

دموع اللؤلؤ

رجاءا انا نظري ضعيف حده ... مب ناقص تعطيني عين ... الصوره واضحه .... انا شلييييه

اقص عليج بس حبيت ازيغج ههههههههههههههههههههه

ومره ثانيه حطي الكامره موجه على الهدف وانت خليج في زاويه

[فطوم]

اووه طلعت اتقص عالبنت ونا عيني طلعت ونا اطالع ادور اي شي هههههههههههههههههههه



معليه البنت طلعت واثقة..:) الحمدلله ماشااء الله عليج..:)

[فــ الكلمة ــارس]

فطوم
ههههههههههههههههههههههههه

الظاهر انهم صادوا دموع اللؤلؤ في الدوام !! وفنشوها *a28*

ماشوفها تشارك ؟؟ ههههههههههههههههههههههههه الظاهر انها منخشه ألحين @102@

[فطوم]

هههههههههه ويا راسك



يلا يلا احين بيأذن بقووم اتفطر..:)



وووصوما مقبولا وافطارا شهيا..;)


دموع شكلها مشغولة بالمطبخ احين ههههههههه

[فــ الكلمة ــارس]

الله يتقبل منج فطوم ومن كل المسلمين

انا قلت لج من قبل .. راسي مايخصج فيه ... لانه مرات اطلع اتمشى ويا راسي ومرات اتمشى بدونه ؟؟


واذا هي مشغوله بالطبخ على قولتج ... يالله خل تراوينا شيء من اللي تسويه في المطبخ ... تصور لنا اكله معينه مثلا وتقدمها لنا ع الفطور !!

[دمــ اللؤلؤــوع]

.
.

ههههههههههههههه

انوووووه ..:(:( حليلي .. الحين أنا شكلي جذه .. حرام عليج خخخخخخخخ

حليلها الدوده .. هذه ربيعتي .. ما فيها شي لو قلتي اني اشبهها ..:):)

وبعدين يا انووووه يا عزيزتي .. محد يعرفج كثري هههههههه .. اونه مياس راعي المشاكل ..

يا حيج والله ..:):):)

.
.

[دمــ اللؤلؤــوع]

.
.

العفريت ..

الله يسلمك اخويه .. مشكور على الرد ..

وبالنسبه للشغل .. أنا بصراحه افتخر باني اخترت هالتخصص ..

ومن ناحية انه يلوع الجبد .. فهذا شي عادي .. المسأله مسأله تعود ..:):):)

وحتى لو اني بنت .. في الدوام كل شي يتغير .. واعتبر عمري مثل الباجين ..

شكرا على الرد ..

.
.

[دمــ اللؤلؤــوع]

.
.

همسة اسير ..

هلا وغلا عزيزتي .. افا عليج ..

حتى لو خبروا عليه .. ما بيصير شي .. لانه عادي ..:):):)

مشكوووره الغاليه على الرد ..

وسلامة بطنج .. ادري شكلها يلوع الجبد .. ههههههههه

تحيــــاتي لج ..

.
.

[دمــ اللؤلؤــوع]

.
.

مياااااااااااااس ..

شو عندك محتشر .. وكاتب لي محاضره .. @60@

ما عليه .. هذا دليل على التهديد .. ببلغ عليك ..

وبقول يطلب مني بيزات مقابل سكوووته .. مع انك لو رمست ..

ترا عادي ما بيصير شي .. مديري طيب يا حليله ..

وما يعرف يعصب .. :):):)

وبعدين تراك مب احسن من انوووه .. شكلك راعي مشاكل .. *a9*

احم احم ..

.
.

[دمــ اللؤلؤــوع]

.
.

هلا هلا مدهش ..

الله يبارك فيك يا بو العقارب ..

الله يسلمك يا اخووويه .. وأما الدوده .. ترانا ما نجابلها دوم ..

حاطينها على الرف وما نتذكرها الا في المناسبات .. خخخ

مشكووووور على الرد ..

وحلووووو اللقب عيبني ..:):):)

.
.

[دمــ اللؤلؤــوع]

.
.

شذى ..

اتجزين ... هذا شي عادي ..

كلنا بدينا جذه .. أنا والله كنت اجز بشكل فضيع .. لدرجه اني مرات ارجع ..:(:(

بس والله الشغله يبالها تعود ..

والحين اشوف انها هالسوالف عاديه .. شغله روتينيه واتعودنا عليها ..

وصدقيني اذا انتي حابه هالتخصص .. فانا بصراحه اشجعج تدخلينه ..

نصيحه من مجرب .. وصاحب خبره هههههههههاي ..

مشكووووره الغاليه على الرد .. ويا هلا فيج ..

أما بالنسبه للمكان اللي اشتغل فيه .. فهذا سر ..:):):)

.
.

[الحر الأشقر]

مرحبمبو


اهلا ميااااس

بصراحه مشكله الي يداومون فالداخيـــه


اخووووي مياااس دامك فالداخله عيل انت واحد من المجاعه :)


وبخبركم ساالفه داخلـــــيه :)



عندنا ريااال فالدواام و اسمه غير شكل :) يعني شنييع :) ودووم اعلق علييه قااالي ما علييه يالحر اذاا ما يبت معلومات عنك من طع طع لين سلام عليكم قلتله ما ترووم :) وانا ضحك *a8* وعقب اسبوووع حبيب الشعب زقرني وقالي جذا وجذا وجذا وجذا وجذا وجذا :) ومن عقبه ماا علق عليييه وكل ما اشوووفه اتفدى اسمـــه :)

اختي دموووع تحملي الي يداومون في الداخليه .. واسأل المجرب ولا تسال الطبيب :)




اخوووي مياااااس انا وااحد ما افكر في بطبي وايد .. :) وبدل ما ناكل تونه وبصل و و .و.و


شو راايك نعااال العيد عليها :)


او كنادير العيد عليها :) وطبعا نفصل من عند عربي الممتاز ويباالنا نلحق لانه عقب كم يوم ما رااح يفصل :)





واتريا ردك



واتريا ردج شيختي دمووووع





ويامـرحبانـــــــــــي (h)

[دمــ اللؤلؤــوع]

.
.

خيال العشاير ..

ههههههههههه .. لا ما عليك عيني بارده .. شرات اعصابي .. :rolleyes:

بس انا اقول .. دققت في الصور عدل قبل لا احطهن ..

وكنت متأكده انه ما فاتني شي .. فقلت هالريال من وين طلع صورتي ههههه ..

خوفتني الله يسامحك .. @60@

تبا الصراحه .. ما كنت مشغوله بالطبخ .. لاني انشغلت باشياء اهم ..

وما اقدر اوفق بين شغلي والصيام والمنتدى ..

وطبعا في هالحاله .. المنتدى هو الشي الاخير اللي افكر فيه ..:):):)

يسلمووو اخويه على تواصلك ..

.
.

[دمــ اللؤلؤــوع]

.
.

فطوووووووووووم ..

فاا عليج .. نعيبج نحن .. ما يفوتنا شي ..

اي طبخ الله يخليج .. خليها مستووره .. انا الطبخ يوم اكون ملانه بس افكر فيه ..

بس ما عليه .. الاسبوع الياي اجاااازه ..

بدخل المطبخ .. وبجرب شي .. بس ما بحطه في المنتدى .. لانه في ناس اشكالهم يحبون الاكل ..

والا شو رايك يا خيال العشاير ..:):):)

تسلمين ابله على التواصل ..

.
.

[شـذى]

يااااااا فظيحتي

البارحه كسرت انبوبه اختبار
والله فرطت من ايدي بدون قصد
بس وحليلها المدرسه طيبه يابتلي غيرها و قالت عادي ما صار شي



على حسب النسبه الي بيبها بعد

و ان شاء الله ادش هذا التخصص


و عن مكان شغلج تراني اسولف إلا



في حفظ الرحمن *a9*

[غناء المطر]

دموع


الله يسامحج دوده عاد زين حاطتنها آخر شي :(

تسلمين عالصوره :)

[الغلا]

دموووع بصراحه صوووور رووووعه

كشخه شغلتج ..... :)

الله يوفقج


اختكم
الغلا

[الجتبية]

يسلمو على الصور الحلوة خخخخخخخ بس لاعت جبدي شوي خخخخخخخ

@54@

[مروقة البال]

سلالالالالالالالالالالالام

واااااااااااااااااوو الجولة روومانسية >> لوووووووووول

بس بصرااحة استمتعت بالصور تسلميييييييييييييييييييين يالغلا

يالله يالله حبيبتي احجزي لي يوم بيي واشتجول بالاقساام اللي عندكم ممكن ؟؟