المساعد الشخصي الرقمي

مشاهدة النسخة كاملة : تجربتي الأولى .. "مشاعر" ..


swe
24-09-2004, 09:24 PM
تموت المشاعر في لحظه نبيها .. ويبني الحزن لعياله عماير

شقق بأحلى الستاير من حراير .. يزينها ألم وألوان شاعـــــر


بنت أبراج وحصون ومدافع .. على أرض الحزن والكل دايـر


يغذيها ألم وأخلاق ضايع .. تغاير مبادئ ناسه وكل العشايـــر


طريق الياس يرسمها روايع .. في عالمنا وهذا الكل سايـــــر


مشاعر ماتت في لحظه نبيها .. ذبحها الهم وطارت مثل طاير


أفكر .. أعاتب بليا مشاعر .. نسيت الأمس وكل البشايـــــــــر


تغير حالي وحال الضماير .. يا ناس اليوم صرت أنا حايــــــر





26-8-2004
MaZiOoNaH
24-09-2004, 11:05 PM
الأخ / الأخت swe

كلمات رائعه

وأبيات جميله ناطقه بأجمل المشاعر

صح لسانك .. وسلم بنانك

.. أجمل تحيه وأرق سلام مني ..
(( المزيونه ))
غريمة الشوق
25-09-2004, 11:35 PM
الغالية swe فالبداية اهنيج على شجاعج في طرح اولى محاولاتج للاخوة والاخوات



شخصيا بخبرج عن اللي افهم فيه .. حسيت فكلماتج مشاعر طيبة وهذا اهم شي من وجهة نظري



تحياتي لج اختي واتمنى يحدر قصيدج اللي يفهم فالاشيا الباجية المتعلقة فالقصيد وبحوره





موفجة الغالية وربي يحفظج
فــ الكلمة ــارس
26-09-2004, 02:07 PM
تجربه رائعه والى الامام
swe
28-09-2004, 07:15 PM
تسلمون على الردود ..

بس كان ودي ألقى رد من أهل الخبرة ..
محمد بن خادم الكتبي
28-09-2004, 09:26 PM
عزيزي
محالولتك لابأس بها ولك يلزمك التركيز على الوزن فقد خانك في بعض شطر

الوزن الصحيح على هذا الشطر

يزينها ألم وألوان شاعـــــر .... والذي من الافضل ان تبنى عليه جميع الابيات

الاشطر .. مختلة الوزن منها :
تموت المشاعر في لحظه نبيها
تغاير مبادئ ناسه وكل العشايـــر
أفكر .. أعاتب بليا مشاعر .. نسيت الأمس وكل البشايـــــــــر
تغير حالي وحال الضماير .. يا ناس اليوم صرت أنا حايــــــر

اتمنى منك اعادة كتابتها على وزن الشطر التالي
يزينها ألم وألوان شاعـــــر

وشكرا لك
كل الحب
19-10-2004, 12:41 AM
الغالية swe


محاوله جميلة وكلمات رقيقة



تمنياتي لك بالتوفيق
مــــــيـــــاس
20-10-2004, 02:21 AM
swe

السلام عليك وعلى الجميع...

محاوله جيده

وعليك اخوي بمداخلت اخوي الكريم "الكتبي"

وانا ما بضيف على الموضوع إلا أنك تستمر في القرأه "قرأة الشعر" والكتبه في نفس الوقت لأن القرأة والممارسه في الكتابه بتساعدك في التغلب على مشكلة الوزن

وبعدين غن القصيده مره مرتين ... وصدقني بتحس بالتحسن في بعض نقاط الضعف

وانشاء الله محاولاتك القادمه افضل

وتحياتي

لك ولكل من مر من هنا

مياس
.
.