طـاســــــة العـــــروس

[شروق الشمس]

أدركت المرأة الإماراتية أهمية تزيين الرأس بالحلي الذهبية والفضية، فكان لزاماً على الصاغة تحقيق رغبتها في صنع قطع ذات قيمة فنية واجتماعية جميلة كـ »الطاسة«. والطاسة نوع من الحلي ذات قاعدة أساسية دائرية الشكل ثقيلة الوزن تثبت على الرأس، وبها نقوش وزخارف مرصعة بالأحجار الكريمة، تتدلى منها سلاسل (سراريح)، اثنتان من الجانبين وواحدة من الخلف وواحدة قصيرة تغطي الجبين يتدلى منها هلال يقع بين الحاجبين غالباً. تنتهي السلاسل بقطع صغيرة على شكل لوزي أو هلالي مرصعة باللؤلؤ والأحجار الكريمة، تلبس الطاسة بعد تسريح الشعر وتركه مُسدلاً كما تسرّح غُرّة الشعر على طريقة (النَّثْرة) بحيث تغطي الجبهه إلى الحاجبين، تعد الطاسة من أغلى القطع الذهبية سعراً، بسبب وزنها الذي يصل إلى 700 غرام من الذهب الخالص، وهي قطعة أساسية لزينة العروس. :)

[عــيـ دبـي ــون]

تسلمين أختي على هذي المشاركة والله يعطيج العافية
ومحلى تراثنااااااااااااا:)

[شروق الشمس]

الحمد لله هذا مازال موجود ما اندثر :)

الله يسلمك اخوية
ومشكور على التواصل

[الحالمة]

مشكوووورة على هالموضـــوع.. و سبقتيني..
قريتي أفكـــاري هالمرة.. بس ما فيها شيء أنا أشترك معاج فيه..

تسلميـــن..


تحيـــاتـــي
الحــالمـــة

[أسيرة البحر]

مشكوره حبوبه على هالموضوع القيم

و مافي احلى من تراثنا بس بيني و بينج

ترى سعرها وايد غالي:(

بس حلوه يومن تنلبس... اليهال يطلعون

كاشخين فيها:)

و يعطيج الف عافيه حبوبه

اختج
الاسيـــــره:)

[لولوه]

أسيرة كلامج صج

لكنها حلوه يوم تنحط على الراس والله تهبل

لكني مره لبستها وحسيت ان الراسي ثقييييييييل قمت وفسختها:D

لكن الحمد الله انها للحين تلبس وتنباع في السوق

[شروق الشمس]

تدرين كان ودي احط الموضوع من زمان لكن كنت ادور على صورة للطاسة
ويوم ماحصلت استسلمت :( وحطيتها من غير صورة :D

ومشكورة الغالية على المشاركة :)

[©™¤§امارات§¤™©]

تسلمين يا شروق على هالمشاركه

وعلى قولت البنات الطاسه حلوه وتحلي اكثر خصوصا الشعر الطويل


تحياتي


امارات(h)

[شروق الشمس]

اختي ترا الغالي سعره منه وفيه .. والغالي يرخصلج ;)
مب بس اليهال يلبسونه .. حتى العروس :)

وتسلمين على المشاركة

[شروق الشمس]

ماشاء الله الاقبال عليها كبير ..
والطاسة حلوة واااايد :)

مشكورة الغالية على المشاركة

[زهـرة الـوادي]

تسلمين على هذا الموضوع :)
تعجبني جدا هذي المواضيع التراثيه و أفضل إنها تكون مصحوبة بالصور
راح تكون اكثر متعه :)

[شروق الشمس]

http://www.alshamsi.net/pic/frontpage/nameuaevvv.jpg

هذي صورة جماعية عن لبلاد :) وتظهر فيها الطاسة :)

تسلمين زهرة على المشاركة

[الحالمة]

حبيبتي..
تدرين و انا نفس الشيء.. كنت أدور صـــورة بس ما لقيت..
ههههههههههههه.. يالله.. ما في فرق بينا.. المهم الموضــوع طلّعتيه بأحلى حلله.. و الصورة زادت من رووووعتـــه..


تحيـــاتـــي
الحــالمـــة