وهــــذى أول محاوله لي ..

[منصوريه]

السلام عليكم ورحمه الله وبركاته







بما اني ما اعرف في الوزن وايد



حبيت اطرح اول قصيده خطتها يدي



بدون مساعده من حد



واترقب منكم النصيحه والشووور العدل



...................



..|" مـركـــبـــ غـــرامـــيــ ـــ "|..





سر ياقلم واكتب الامثال بالتقافي ... وحرص على ماخفا لا تبيح الونه

الوقت مامر بين النون ولكافي ... وقتن مضى عيت الايام يمحنه





اسج عن دنيتي واقول يا كافي ... هاذاك فرضن وغيره يعتبر سنه

اصاحب الي كلامه كالعسل شافي ... لباست الشيل في شكله يحسدونه





مهضوم الاطرافي متعزل ملا نصافي ... ابوجدلن خطر لقدام ياطنه

البوعيونً تصيب القلب بخفافي ... كنه مقاسم ظبي الباديه كنه





لول ازوره على ملموع الاطرافي ... ودله النفس وعيوني بشوفته

وليوم عني بعيد وسيره اخلافي ... وبعده على العهد وافي مختلف ظنه





ايامنا كيف مرت حلم خطافي ... كيف اليالي بعد هذا يصدنه

ما صد من خاطره لا بهوا وافي ... امر الذي صور لهل النار ولجنه





اليوم مركب غرامي جاله اهذافي ... ابحر ولا له مجاديف يردنه

تقبل عزاتي ويكتب اجره إضافي ... إلي يواسي له المعروف ولمنه





يا صاحبي منك كل العذر ننشافي ... يا معرب الجد وقتن مختلف فنه

يا سلوتي عن هوا الخفرات يالخافي ... اخفي غرامك وحاسيسي يبثنه





ملكت قلبي بحسن وطيب والطافي ... يا طيب القلب طيبك منحرم منه

وصلاه ربي عدد بالبيت ما طافي ... على نبين هدا للفرض والسنه





وسوالمكم



واترقب ردودكم

[مــــــيـــــاس]

منصوريه

والله العظيم ماعليها كلام

قصيده رائعه


هذا يعني مشاء عليج عندج الاستطاعه ومتمكنه ... واللي عنده قدره في التعبير ترا مشكلته تكون بسيطه من ناحية الوزن

والسموحه لأني ما أعرف أفتي عن الوزن وبترك هذا الشي

لأخوي الجحجاح

وأختي حلم العمر

لأن لهم باع في الوزن

واتمنى انهم يبدون رايهم لج

تحياتي لج

وإلى الأمام


أخوج

مياس النعيمي

[الــشــيـبـانـي]

ما شاء الله قصيدة حلوه

و الى الامام دائما

[منصوريه]

اخوي ميـــــــــــــاس النعيمي

مشكووور على هذى المرور الطيب والرد الفنان

ومرورك على الموضوع يسد يا خوووي هب لازم تكون متمكن في الوزن

والحمد لله انها زوينه على قدنا مثل ما يقولون ...

.......................................

اخوي ... الشيـــــــــــــــباني

مرورك الاحلى ...

ومشكووووره على هذى الطله

[شـذى]

السلام عليكم


منصوريه

القصيده اكثر من رائعه الصراحه

من حيث المضموون لاني ما اعرف في الوزن و هالسوالف

و اقولج إلى الامام دوما




و ربي يوفقج

في حفظ الرحمن *a9*

[منصوريه]

الغــــــاليه ... شــــــذى

تسلمين على هذى المرور الطيب

ومرورج على قصيدتي المتواضعه يسد في ذمتيه

والله لا يحرمني من مرورج وردودج على مواضيعي المتواضعه

..................


خويتج

منصوريه

[الشاعر الجحجاح]

الأخت الفاضله منصوريه: في بداية الأمر اسمحي لي بأن أتقدم بالشكر الجزيل لأخي الشاعر مياس النعيمي على هذه الثقه التي أولاني إياها، بالنسبه لهذه القصيده فهي ممتازه من ناحية الفكره ( الموضوعيه ) ولكنها لم تخلو من الانفلات في الوزن في جميع أبياتها، وبالنسبه لمحور القافيه فهي سليمه حيث كانت قافية الصدر ثلاثية وهي الألف والفاء والياء وكانت قافية العجز النون ولكنها اختلفت في عجز البيت الرابع في كلمة ( يحسدونه ) فيجب أن تكون النون مشدوده كما في سائر قافية العجز وأيضاً اختلفت في عجز البيت السابع في كلمة ( بشوفته )، هذا كل مالدي والله أعلم... أتمنى لكي التوفيق وتقبلي تحياتي وإلى اللقاء .

[منصوريه]

اخــــــــــوي ... الشاعر الجحجاح


لي الفخر والشرف لمرور شخصك الكريم على هذه القصيده المتواضعه

وانا احترم رايك وان شاء الله المرات اليايه تكون على الوزن الصحيح

واشكر شخصك الكريم مره ثانيه على المرور الطيب والملاحظات المهمه بنسبه لي

خويتك

منصوريه

[ظـــــاهريه]

احـــم احـــم...
الله على القصيده الفنانه خويتيه منصوريه ما شاء الله عليج وربي يحفظج
ابصراحه حلوووه وانا بعد ما افهم في الاوزان وهالسوالف بس اعرف اقول انه ابصراحه عيبتني قصيدج
والله يوفقج في درب الشعر...


ملاااحظه : وينج انتي من زمان ما شفناج
خويتج/ ظـــاهريه..

[منصوريه]

يعني ما خلا منج ياربي شيختي

وعيونج ومنطوق احلا في ذمتيه

ومشكووره على هذى المرور الطيب

وانا طال عمرج في دار زايد ضايعه

وان شاء الله بتشوفيني كل يوم

خويتج وربيعتج دووووم وكل العمر

منصوريه

[فــ الكلمة ــارس]

اختي المنصوريه



القصيده رائعه ماعليها كلام



ويمكن فيها اشوي من ناحية الوزن



بس كمحاوله اولى اكثر من رائعه



اما بخصوص ماذكره اخوي الجحجاح ... افتكرت انه غلطه مطبعيه وقريتها على النحو التالي



اصاحب الي كلامه كالعسل شافي ... لباست الشيل في شكله يحسدونه



يحسدنه بتشديد النون





لول ازوره على ملموع الاطرافي ... ودله النفس وعيوني بشوفته



يشوفنه بتشديد النون







وشكرا لج والى الامام



وننتظر يديدج





اخوج



خيال العشاير



..

[فــ الكلمة ــارس]

المنصوريه



واليك هذه القصيده التي تتغزل فيها احد النساء الجميلات بالشيخ خليل بن ناصر بن عمر بن قرمله



وتقول فيها :



نطحني خليل(ن) على حمرا(ن) من العيرات ===== على كنَس العيرات والجوخ يزهنَه



الا يا غليِِم كيف ما ترحم اللي مات ===== على جال عدِ(ن) والطواريق ياطنِه





القافيه بتشديد النون





هاه عيبج الاهداء



اخوج



خيال العشاير



..

[منصوريه]

مشكووور اخوي خيال العشاير

واشكر لك هذى الملاحظات والتضيحات البسيطه

واهداء جميل من شخصكم الراقي

وان شاء الله القادم يكون احسن

خويتك

منصوريه

[مدهش]

صح لسانها الشاعــره,,

وانا انصــج انج تكملين وتكتبـــين,,

الصراحه غاوي الي كتــبتيـــه:)

تحياتي لج

[منصوريه]

صح بدنك

ومشكووور على النصيحه اللى حفزتني على كتابته المزيد

خويتك

منصوريه

[فـلاح]

ما شاء الله عليج يا المنصوريه
طلعتي احسن مني

محاوله طيبه

good luck

[منصوريه]

مشكووور على الرد الجميل اخوي فلاح

ومحد احسن عن كلنا نفس المستوى طال عمرك

ومرورك اطيب شيخي

خويتك

منصوريه